Category: PR

តម្លៃពិសេសនេះផ្តល់ជូនចាប់ពីថ្ងៃនេះ រហូតដល់ ៣១​ ឧសភា តែប៉ុណ្ណោះ។ លោកអ្នកអាចកក់បន្ទប់ឥឡូវនេះ ហើយ ស្នាក់នៅថ្ងៃណាចុងសប្តាហ៍ណាមួយក៏បាន ចាប់ពីថ្ងៃទី​ ២២ ឧសភា រហូតដល់ ថ្ងៃទី ៣០ ខែ កញ្ញា ឆ្នាំ ២០២០។

ផ្ដល់ជូននេះគឺសំរាប់ប្រជាជនដែលរស់នៅក្នុងប្រទេសកម្ពុជាតែប៉ុណ្ណេះ
សម្រាប់តែការស្នាក់នៅ នៅថ្ងៃសុក្រ សៅរ៍ អាទិត្យ និង ថ្ងៃបុណ្យជាតិ
(18 មិថុណា – 16th, 17th, 18th, 24th កញ្ញា)

(ភ្នំពេញ)ថ្ងៃទី ២១ ខែឧសភា ឆ្នាំ២០២០៖ ការជ្រើសរើសម្លៀកបំពាក់មកពាក់លើខ្លួនប្រាណគឺជារឿងសំខាន់មួយក្នុងជីវិតប្រចាំថ្ងៃ! តែអ្វីដែលកាន់តែពិសេស និងសំខាន់ជាងនេះទៅទៀតនោះគឺការជ្រើសរើសម៉ាស៊ីនបោកដែលអាចថែរក្សាសម្អាតសម្លៀកបំពាក់លោកអ្នកឱ្យនៅថ្មី ស្រស់ស្អាត និងមិនខូចសាច់ក្រណាត់ ព្រមទាំងសម្លាប់មេរោគបានទៀតផង !

ថ្ងៃនេះខ្ញុំសូមណែនាំកំពូលអ្នកឯកទេសបោកគក់ដ៏ល្អឥតខ្ចោះដែលផ្តល់នូវភាពងាយស្រួល ចំណេញទាំងពេលវេលា…ថវិកា និងល្អស័ក្តិសមបំផុតសម្រាប់គ្រប់ក្រុមគ្រួសារដ៏ឆ្លាតវៃគឺ ម៉ាស៊ីនបោកសម្លៀកបំពាក់ទ្វារចំហៀង Samsung Add-WashTM ថ្មី!

មិនថាសម្លៀកបំពាក់ប្រភេទណា…ចំនួនតិច ឬច្រើនប៉ុណ្ណា…ភ្លេចចង់បន្ថែមពេលណា…បោកញឹកញាប់យ៉ាងណា…ឬលោកអ្នកមមាញឹកយ៉ាងណាក៏លែងជាបញ្ហាទៀតហើយ! ជាមួយនឹងម៉ាស៊ីនបោកសម្លៀកបំពាក់ទ្វារចំហៀង Samsung Add-WashTM ថ្មី បំពាក់នូវមុខងារកាន់តែវៃឆ្លាត ងាយស្រួលប្រើ ជួយសន្សំសំចៃថាមពលបានយ៉ាងខ្ពស់បំផុតគ្មានគូប្រៀប! ចង់ដឹងណាស់ថាតើ ម៉ាស៊ីនបោកសម្លៀកបំពាក់ទ្វារចំហៀង Samsung Add-WashTM ថ្មី នេះមានភាពអស្ចារ្យកម្រិតណានោះ…សូមមកមើលលក្ខណៈដ៏វៃឆ្លាត ជាមួយនឹងបច្ចេកវិទ្យាចុងក្រោយ សាមសុង ទាំងអស់គ្នា៖

* ទ្វារបន្ថែម (AddWash)

លោកអ្នកអាចថែមបានគ្រប់ពេលវេលា…ថែមសម្លៀកបំពាក់ដែលភ្លេច ឬក៏ថែមទឹកក្រអូប !!

* បច្ចេកវិទ្យា Digital Inverter

ទោះជាបោកច្រើនដង ឬញឹកញាប់ប៉ុនណា ជាមួយនឹងបច្ចេកវិទ្យា Digital Inverter នេះពិតជាអាចជួយសន្សំសំចៃថាមពលបានខ្ពស់បំផុតពិតមែន!! ដូច្នេះការដែលខ្លាចថាស៊ីថាមពលអគ្គិសនីច្រើននោះលែងជាក្តីបារម្ភទៀតហើយ!

* បញ្ជាម៉ាស៊ីនបោកតាមទូរស័ព្ទដៃ SmartThings, Q-rator

កម្មវិធីនេះជួយឱ្យយើងអាចធ្វើការបញ្ជា និងតាមដានបញ្ហានានាតាមរយៈស្មាតហ្វូនបានយ៉ាងងាយស្រួលជាទីបំផុតដូចជា៖

– ជួយកំណត់ការបោកគក់ទៅតាមការចង់បានរបស់លោកអ្នក

– កំណត់ចំណាំមុខងារដែលលោកអ្នកតែងតែប្រើញឹកញាប់ជាងគេ

– បង្ហាញពេលវេលាដែលត្រូវលាងសម្អាតធុង និងតម្រង

– តាមដានថាមពលនៃការប្រើប្រាស់ជាដើមថាតើថ្ងៃនេះ សប្តាហ៍នេះ ឬខែនេះលោកអ្នកប្រើប្រាស់អស់ថាមពលអគ្គិសនីចំនួនប៉ុន្មាន! ឡូយអស់ស្ទះម៉ង…!!

* បច្ចេកវិទ្យាបំលែងសាប៊ូទៅជាពពុះសាប៊ូ (Eco BubbleTM)

ជាបច្ចេកវិទ្យាចុងក្រោយរបស់ សាមសុង ក្នុងការធ្វើឱ្យសាប៊ូទឹក ឬម្សៅសាប៊ូបោកគក់ក្លាយជាពពុះសុទ្ធទាំងអស់ហើយអាចជ្រាបចូលក្នុងសាច់ក្រណាត់សម្លៀកបំពាក់បានយ៉ាងល្អបំផុត ជួយកម្ចាត់ស្នាមប្រឡាក់បានល្អជាពិសេសមិនបន្សល់ទុកនូវកំណកសាប៊ូនៅលើសម្លៀកបំពាក់ និងមិនធ្វើឱ្យសម្លៀកបំពាក់ជាទីស្រឡាញ់របស់លោកអ្នករួញខ្ញីវខ្ញូវឡើយ។

* បច្ចេកវិទ្យា Digital Inverter

នេះជាបច្ចេកវិទ្យា សាមសុង ចុងក្រោយដែលជួយសន្សំសំចៃថាមពលបំផុត និងធ្វើឱ្យម៉ាស៊ីនស្ងាត់មិនមានសំឡេងរំខានដោយមានការធានាជូនលើម៉ូទ័ររហូតដល់ 11 ឆ្នាំ!!

* បោកសម្អាតសម្លាប់មេរោគដោយប្រើ ចំហាយទឹកក្តៅ (Steam Cycles)

នេះគឺជាបច្ចេកវិទ្យាទំនើបចុងក្រោយដែលមាននៅលើម៉ាស៊ីនបោកសម្លៀកបំពាក់ទ្វារចំហៀង Samsung AddWashTM ដោយធ្វើការ សម្លាប់មេរោគ បាក់តេរី ដែលមាននៅលើសម្លៀកបំពាក់គ្រប់ប្រភេទបានរហូតដល់ 99.9% !!!

ចង់បានសុខភាពល្អ…ចំណេញពេលវេលា…ជីវិតកាន់តែស៊ីវីល័យ និងស្រឡាញ់ក្រុមគ្រួសារ…សូមកុំភ្លេចជ្រើសរើសយកម៉ាស៊ីនបោកសម្លៀកបំពាក់ទ្វារចំហៀង Samsung AddWashTM ថ្មីឥឡូវនេះភ្លាមទៅ!!

បើលោកអ្នកចង់ជ្រាបឱ្យកាន់តែច្បាស់បំផុតនោះថាតើម៉ាស៊ីនបោកសម្លៀកបំពាក់ទ្វារចំហៀង Samsung AddWashTM នេះពិតជាទំនើបអស្ចារ្យប៉ុនណានោះសូមអញ្ជើញទៅទស្សនាដោយផ្ទាល់នៅតាមបណ្តាហាងទំនើបសាមសុង និងដេប៉ូចែកចាយរបស់ សាមសុង ណាមួយដែលនៅជិតលោកអ្នកបំផុត ឬទំនាក់ទំនងសេវាបម្រើអតិថិជនតាមរយៈលេខទូរស័ព្ទ៖ 1800-203232!

(ភ្នំពេញ) ថ្ងៃទី ២០ ខែឧសភា ឆ្នាំ ២០២០៖ បើនិយាយពីរសនិយមនៃពិភពស្មាតហ្វូនភាគច្រើនគឺមានភាពមិនខុសគ្នាច្រើននោះទេ…គ្រាន់តែវាមានការកែប្រែតិចតួច…ដកនេះ…ថែមនោះ ប៉ុណ្ណោះ! ប៉ុន្តែជាមួយបច្ចេកវិទ្យាដ៏ជឿនលឿនបំផុតរបស់ក្រុមហ៊ុន សាមសុង នាពេលបច្ចុប្បន្ននេះបានធ្វើឱ្យអ្នកនិយមស្មាតហ្វូនជាច្រើនទូទាំងពិភពលោកងាកមកភ្លក់នូវរសជាតិថ្មីនៃកំពូលស្មាតហ្វូនអេក្រង់បត់ជំនាន់ចុងក្រោយ Samsung Galaxy Z flip ដែលកំពុងទាញចំណាប់អារម្មណ៍ ការគាំទ្រ ការកោតសរសើរស្ញប់ស្ញែង និងប្រាថ្នាចង់ប៉ះកាន់ផ្ទាល់ក្នុងដៃធ្វើជាម្ចាស់គ្រប់គ្នាដោយគ្មានការស្ទាក់ស្ទើរចិត្តឡើយ!

Samsung Galaxy Z flip រចនាឡើងជាមួយ ប្រណិតភាព ទំនើប ទាន់សម័យ ទាក់ភ្នែកមែនទែនជាពិសេស រូបរាងដ៏ស្រស់ស្អាត  ជាមួយនឹងរចនាបទមានភាពកាន់តែប្រណីតដោយរំលេចចេញនូវពណ៌ដ៏ទាក់ទាញចាំងផ្លេករលោងស្អាត ដូចកញ្ចក់អញ្ជឹង! ពិតជាស៊ីវីល័យមែនទែន…!!គ្រាន់តែឃើញក៏មានអារម្មណ៍ថាឡូយបាត់ទៅហើយ…!

ម្យ៉ាងវិញទៀតសម្រាប់យុវវ័យសម័យថ្មី ជាពិសេសនោះសុភាពនារីដែលចូលចិត្តស្មាតហ្វូនមានលក្ខណៈតូចល្មមខ្យូតៗ…ពេលនេះគឺត្រូវម៉ាច់តែម្តង…!! ជាមួយ Samsung Galaxy Z flip នឹងផ្តល់ឲ្យអ្នកនូវបទពិសោធន៍ដ៏ស័ក្តិសមតាមតម្រូវការ គ្រប់កាលៈទេសៈម៉ាឡូយតែម្តង!

សូមបញ្ជាក់ផងដែរថាកំពូលស្មាតហ្វូនអេក្រង់បត់ Samsung Galaxy Z flip មិនគ្រាន់តែមានរូបរាងស្រស់ស្អាត ទាក់ទាញ លេចធ្លោ និងឡូយប៉ុណ្ណោះទេប៉ុន្តែថែមទាំងមានសមត្ថភាពមិនធម្មតាផងដែរ! ចង់ដឹងថាវាមានអ្វីដែលអស្ចារ្យដែលអាចក្តោបយកបេះដូងអ្នកប្រើប្រាស់ស្មាតហ្វូនទូទាំងពិភពលោកបាននោះ…សូមមកមើលទាំងអស់គ្នា!

* Samsung Galaxy Z flip

– តម្លៃ៖ 1,449 ដុល្លារ

– មេម៉ូរី (RAM)៖ 8 GB

– អង្គផ្ទុក (ROM)៖ 256 GB

– ទម្ងន់ (Weight)៖ 183 g

– ស៊ីមកាត៖ Nano Sim និង e-Sim (ស៊ីមអេឡិចត្រូនិច)

– ទំហំអេក្រង់៖ 6.7”

– ប្រភេទអេក្រង់៖ Foldable Dynamic AMOLED

– ប្រព័ន្ធដំណើរការ៖ Android 10, One UI 2

– CPU: Octa-core Qualcomm SM8150, Snapdragon 855+

– កាមេរ៉ាមុខ៖ 10 MP

– កាមេរ៉ាក្រោយ៖ 12 MP + 12 MP (Dual Primary Cameras)

– ថាមពលថ្ម៖ Li-po 3300 mAh, សាកថ្មលឿន

– ប្រព័ន្ធដោះសោរ៖ ស្កេនខ្ចៅដៃលើអេក្រង់

– ពណ៌៖ ស្វាយ (រលោងចាំងភ្លឺផ្លេកដូចកញ្ចក់) និង ខ្មៅ(រលោងចាំងភ្លឺផ្លេកដូចកញ្ចក់)

នៅចាំអីទៀត…? អញ្ជើញទៅសាកសួរព័ត៌មានបន្ថែមដោយផ្ទាល់នៅតាមដេប៉ូចែកចាយរបស់ សាមសុង ទាំងអស់ដែលនៅជិតលោកអ្នកបំផុត ឬទំនាក់ទំនងទៅកាន់សេវាបម្រើអតិថិជនរបស់យើងតាមរយៈលេខទូរស័ព្ទ៖ 1800-203232 !

* លក្ខខណ្ឌផ្សេងៗត្រូវបានអនុវត្ត!

ភ្នំពេញ, ថ្ងៃទី ២០ ខែឧសភា ឆ្នាំ ២០២០៖ ក្រុមហ៊ុន Smart Axiata បានប្រកាសនៅថ្ងៃនេះថាខ្លួនបានចាប់ផ្តើមផ្តល់ជំនួយពីមូលនិធិទឹកប្រាក់ចំនួន 1 លានដុល្លារបស់ខ្លួនដើម្បីប្រឆាំងវីរុសកូវីដ១៩ ដល់វិទ្យាស្ថានបា៉ស្ទ័រកម្ពុជា (Institut Pasteur du Cambodge)  វិទ្យាស្ថានបើកទូលាយ (Open Institute)  អង្គការមិត្តសំលាញ់អន្តរជាតិ (Friends International) និង ក្រុមហ៊ុនសារព័ត៌មាន Southeastern Globe Communications។

គម្រោងរបស់ស្ថាប័នក្រុមដំបូង ដែលត្រូវបានអនុម័តដោយគណៈកម្មាធិការនិងដៃគូវាយតម្លៃ​ផ្ដោតលើសកម្មភាពរួមមាន៖

1. ការផ្ដល់ឧបករណ៍ធ្វើតេស្ត និងឧបករណ៍ការពារខ្លួនផ្ទាល់ប្រឆាំងវីរុសកូវីដ១៩ រហូតដល់រយៈពេល 2 ខែសម្រាប់ការ       ពិនិត្យនិងការធ្វើរោគវិនិច្ឆ័យ ក្នុងនោះមានការធ្វើតេស្តម៉ូលេគុលដល់អ្នកជំងឺរាប់ពាន់នាក់ ដែលដឹកនាំដោយវិទ្យាស្ថាន   ប៉ាស្ទ័រកម្ពុជា
2. កម្មវិធីភ្នាក់ងារសុវត្ថិភាពកុមារដែលផ្ដោតសំខាន់លើបុគ្គលនិង សហគមន៏ដែលមិនមានឱកាសនិងលទ្ធភាព នៅតាមខេត្តចំនួន ៧​ ដែលដឹកនាំ​ដោយ អង្គការមិត្តសំលាញ់អន្តរជាតិ
3. វេទិកាព័ត៍មាន​និង​ការចូលរួមទាក់ទងនិងវីរុសកូវីដ១៩ ដែលមានប្រធានបទ ស្ដីអំពីអាជីព និង ការអប់រំ ដែលដឹកនាំដោយក្រុមហ៊ុនសារព័ត៌មាន Southeastern Globe Communications
4. ការអភិវឌ្ឍមាតិកាតាមអនឡាញសម្រាប់កម្មវិធីរសិក្សាតាមអិុនធឺណិតថ្នាក់ជាតិ ដោយផ្ដល់សំដៅដល់សិស្សថ្នាក់ទី១២ ដោយដឹកនាំដោយវិទ្យាស្ថានបើកទូលាយ។​

លោក ថូម៉ាស ហ៊ុន (Thomas Hundt)  នាយកប្រតិបត្តិក្រុមហ៊ុន Smart Axiata បានមានប្រសាសន៍ថា៖ «កម្មវិធីផ្ដួចផ្ដើមទាំងបួនដំបូងដែលត្រូវបានជ្រើសរើសសម្រាប់ការផ្ដល់ជំនួយមូលនិធិនេះគឺផ្តោតសំខាន់លើវិស័យដែលយើងគាំទ្រ​​ដូចជា៖ បច្ចេកវិទ្យាទូរគមនាគមន៍សម្រាប់វិស័យអប់រំ ការគ្រប់គ្រងគ្រោះមហន្តរាយ ការក្សាចម្ងាយពីគ្នា និងការរក្សាអនាម័យផ្ទាល់ខ្លួន។ បេក្ខជនទាំងអស់ដែលយើងបានសន្យាផ្តល់ជំនួយមូលនិធិនេះមានការប្តេជ្ញាចិត្តស្របនិិង ក្រុមហ៊ុន​ Smart ដើម្បីជួយប្រទេសកម្ពុជាក្នុងការប្រើប្រាស់ បច្ចេកវិទ្យា ការច្នៃប្រឌិត និងការផ្តល់អំណាចដល់សង្គម ដើម្បីទប់ស្កាត់ និងជៀសវាងឲ្យផុតពីការឆ្លងរាលដាលវីរុសនេះជាមួយគ្នា ហើយសង្ឃឹមថានឹងផ្លាស់ផ្ដូរជីវិតរស់នៅ មកជាធម្មតាឡើងវិញនាពេលឆាប់ៗនេះ។»

មូលនិធិរបស់ក្រុមហ៊ុន Smart ដែលបើកទទួលពាក្យសុំពីស្ថាប័ននានាកាលពីខែមុន មានគោលបំណងផ្តល់ជំនួយផ្នែកហិរញ្ញវត្ថុដល់សកម្មភាពទាំងឡាយណាដែលមានសមត្ថភាពចូលរួមដោះស្រាយតម្រូវការបន្ទាន់បំផុតរបស់ប្រទេសកម្ពុជាក្នុងកំឡុងពេលនិងក្រោយពេលមានវិបត្តិ។​ មូលនិធិរបស់ក្រុមហ៊ុន Smart  គឺជាទឹកប្រាក់លើសពីការប្តេជ្ញាក្នុងការបរិច្ចាគប្រាក់ចំណូលប្រចាំឆ្នាំទៅក្នុងកម្មវិធីទំនួលខុសត្រូវសង្គមរបស់ក្រុមហ៊ុន ដែលមានច្រើនជាង ១​ ភាគរយនៃប្រាក់ចំណូលឌុលរបស់ខ្លួន។

ពាក្យស្នើរសុំនៅបន្តបើកសម្រាប់មូលនិធិជំនួយដើម្បីប្រឆាំងវីរុសកូវីដ១៩ របស់ក្រុមហ៊ុន Smart ហើយរាល់សំណើរទាំងអស់អាចដាក់ស្នើតាមអិុនធឺណិតដោយផ្អែកលើលក្ខណ្ឌវិនិច្ឆ័យច្បាស់លាស់តាមរយៈ៖ https://bit.ly/3aQsrJV។

ការដាក់ស្នើនឹងត្រូវបានពិនិត្យឡើងវិញយ៉ាងហ្មត់ចត់ដោយគណៈកម្មាធិការផ្ទៃក្នុងមុនពេលបញ្ជូនទៅគណៈកម្មាធិការវាយតម្លៃរួម ដែលមាន ក្រុមហ៊ុន Smart Axiata ក្រុមហ៊ុន Axiata Group និងអ្នកតំណាងឯករាជ្យកម្ពុជាចំនួន ២ រូប។ រាល់គម្រោងដែលត្រូវបានអនុម័តគឺស្ថិតក្រោមការគ្រប់គ្រងអភិបាលកិច្ចយ៉ាងហ្មត់ចត់ ដែលរួមមាន​ ការធ្វើបច្ចុប្បន្នភាពវឌ្ឍនភាព វាស់ស្ទង់ឥទ្ធិពលនៃការប្ដេជ្ញាចិត្ត និងរបាយការណ៍ការចំណាយច្បាស់លាស់ ដែលជាផ្នែកមួយនៃតម្រូវការរបាយការណ៍ចាំ​​​​​​​​   បាច់។

លោក ថូម៉ាស បានបន្តទៀតថា៖ «យើងបន្តស្វែងរកការដាក់ពាក្យសុំបន្ថែមទៀតពីក្រុមហ៊ុនវិស័យឯកជន    អង្គការក្រៅរាជរដ្ឋាភិបាល អាជីវកម្មទើបបង្កើតថ្មី ក៏ដូចជាស្ថាប័នអប់រំ និងស្ថាប័នរដ្ឋាភិបាលនៅកម្ពុជាលើគម្រោង (ទាំងគម្រោងមានស្រាប់ និងគម្រោងថ្មី) ដែលបង្ហាញពីផលប៉ះពាល់នៃវីរុសកូវីដ១៩។ សេចក្ដីប្រកាសក្នុងថ្ងៃនេះគឺជាការចាប់ផ្តើមនៃគំនិតផ្តួចផ្តើមដ៏គួរឲ្យចាប់អារម្មណ៍ជាច្រើនទៀតដែលនឹងត្រុូវទទួលបានជំនួយពីមូលនិធិដើម្បីគាំទ្រដល់ប្រទេសកម្ពុជាក្នុងកំឡុងពេលវិបត្តិនេះដែលមិនធ្លាប់មានពីមុនមក»។

សម្រាប់ព័ត៌មានបន្ថែម​ទាក់ទងនិងមូលនិធិដើម្បីប្រឆាំងវីរុសកូវីដ ១៩​របស់ក្រុមហ៊ុន     Smart     សូមចូលទៅកាន់ទំព័រហ្វេសប៊ុក ​ ‘Smart for Cambodia’       www.facebook.com/smartforcambodia ឫ​ ចូលទៅកាន់ www.smart.com.kh.

អំពីក្រុមហ៊ុន Smart

ក្រុមហ៊ុន Smart Axiata Co., Ltd. ជាប្រតិបត្ដិករទូរគមនាគមន៍ចល័តឈានមុនគេក្នុងព្រះរាជាណាចក្រកម្ពុជា។ បច្ចុប្បន្នក្រុមហ៊ុនបាននឹងកំពុងបម្រើអតិថិជនចំនួន ៨ លាននាក់ ស្ថិតក្រោមស្លាកសញ្ញា “Smart”។ Smart Axiata គឺជាក្រុមហ៊ុនបុត្រសម្ព័ន្ធរបស់ក្រុមហ៊ុនមេ មានឈ្មោះថា  “Axiata Group Berhad” ដែលជាក្រុមហ៊ុនផ្ដល់សេវាទូរគមនាគមន៍ធំជាងគេបង្អស់មួយក្នុងទ្វីបអាស៊ី។

ក្រុមហ៊ុន Smart គឺជាប្រតិបត្តិករទូរគមនាគមន៍ចល័តដែលមានភាពឈានមុខគេបង្អស់ផ្នែកសេវាបច្ចេកវិទ្យាទំនើប​​ទាន់​សម័យ​ក្នុង​ព្រះរាជា​ណាច​​ក្រ​​ក​​ម្ពុ​ជា​។ ក្រុមហ៊ុន Smart គឺជាប្រតិបត្ដិករដំបូងបង្អស់ដែលបានដាក់ឲ្យដំណើរការសេវាបច្ចេកវិទ្យាជំនាន់ទី៤ “4G LTE” ក្នុងឆ្នាំ២០១៤ បច្ចេកវិទ្យា 4G+ក្នុងឆ្នាំ២០១៦ បច្ចេកវិទ្យា 4G+ជាមួយ HD Voice (VoLTE) និង 4.5Gក្នុងឆ្នាំ២០១៧។ នៅពាក់កណ្តាលឆ្នាំ២០១៩ Smart បានរៀបចំកម្មវិធីបង្ហាញសាកល្បងបច្ចេកវិទ្យាជំនាន់ទី៥ “5G” ដំបូងគេបង្អស់នៅកម្ពុជាដោយបង្ហាញពី​ភាព​ជា​អ្នក​ដឹក​នាំ​ផ្នែក​សេវា​ទិន្នន័យចល័ត។ ក្រុមហ៊ុន Smart ក៏មានផ្ដល់នូវបច្ចេកវិទ្យាទូរស័ព្ទចល័តដ៏សម្បូរបែបរូមមាន៖ សេវាបច្ចេកវិទ្យា 2G, 2.5G, 3G និង​3.75G ក៏ដូចជាសេវាកម្មទូរស័ព្ទក្រៅប្រទេស (Roaming) ដែលអាចប្រើបានច្រើនជា១៩០ប្រទេស។  Smart បាន​នឹង​កំពុង​ផ្តល់​សេវា​គ្រប​ដណ្តប់​ក្នុងតំបន់ប្រជាសាស្ត្រច្រើនជាង៩៩% (កៅសិបប្រាំបួន) ភាគរយ នៅទូរទាំង​ព្រះរាជា​ណាចក្រកម្ពុជា ។

ក្រុមហ៊ុនក៏កំពុងបម្លែងខ្លួនយ៉ាងសកម្មទៅជាប្រតិបត្តិករបែបឌីជីថល តាមរយៈការផ្ដល់នូវសេវាកម្ម និងកម្មវិធីកំសាន្ដលក្ខណៈស៊ីវិល័យប្រកបដោយភាពច្នៃប្រឌិតជាច្រើន។ នេះរួមបញ្ចូលភាពជាដៃគូជាមួយភាគីអន្តរជាតិនានាដូចជា៖ ក្រុមហ៊ុន Universal Music ក្រុមហ៊ុន Apple និង ក្រុមហ៊ុន Facebook ក៏ដូចជាសេវាកម្មឌីជីថលនានា រួមមាន៖ សេវា​ SmartLuy សេវាធានារ៉ាប់រងជីវិតឆ្លាតវ័យ សេវា SmartPay សេវា Pleng by Smart សេវា GigaGigs by Smart និងសេវា SmartNas ។ ក្រុមហ៊ុន Smart មានទស្សនៈវិស័យក្លាយជាក្រុមហ៊ុន  “លេខ១ និងជាក្រុមហ៊ុនបច្ចេកវិទ្យាទូរគមនាគមន៍ដែលទទួលបានកី្ដស្រលាញ់ពេញចិត្តបំផុត”នៅព្រះរាជាណាចក្រកម្ពុជាត្រឹមឆ្នាំ២០២២ តាមរយៈកម្មវិធីទំនួលខុសត្រូវខ្ពស់លើកិច្ចការងារសង្គម និងកម្មវិធីនិរន្តរភាពនានាសម្រាប់កំណើនសេដ្ឋកិច្ច និងសង្គមជាតិ។

ក្រុមហ៊ុន Smart មានបុគ្គលិកនិយោជិតសរុបប្រមាណជាង១,០០០ (មួយពាន់)នាក់ ក្នុងនោះរួមបញ្ចូល​ទាំង​និយោជិត​ក្នុង​ស្រុក និង​និយោជិត​បរទេសដែលកំពុងខិតខំប្រឹងប្រែងឆ្ពោះទៅសម្រេចបេសកកម្មរួមគ្នាក្នុងការផ្សារភ្ជាប់ និង ធ្វើអោយជីវិតកាន់តែប្រសើរឡើង។

Smart ជីវិត​រស់​រវើក!               

–ចប់–

ក្រុមហ៊ុន​ Smart Axiata Co., Ltd.

No. 464A, មហាវិថីព្រះមនីវង្ស, ទន្លេបាសាក់, ខណ្ឌចំការមន, ភ្នំពេញ, កម្ពុជា

ទូរស័ព្ទ: +855 10 201 000

www.smart.com.kh

សម្រាប់ព័ត៌មាន​បន្ថែម​ សូមទាក់ទង

លោក      គាំ ទីវា

ទូរស័ព្ទ៖   +855 10 202 271

អីុមែ៉ល៖   [email protected]

ចាប់តាំងពីវីរុសកូរូណា(កូវីត១៩) ប្រភេទថ្មីដែលបានឆ្លងនិងសាយភាយជាសាកល ហើយត្រូវបានអង្គការសុខភាពពិភពលោកចាត់ទុកជាជម្ងឺ​រាតត្បាត​សាកលរួចមក ប្រទេសជាច្រើនបានចាប់ផ្ដើមយុទ្ធនាការប្រយុទ្ធប្រឆាំងនឹងជម្ងឺកូវីត១៩ មួយនេះកុំអោយបន្ដរីករាលដាលតទៅទៀត។

យោងទៅតាមសេចក្ដីប្រកាសរបស់រាជរដ្ឋាភិបាល​ ក៏ដូចជាក្រសួងសុខាភិបាលនៃព្រះរាជាណាចក្រកម្ពុជាស្ដីពីការអនុវត្ដវិធានការទប់ស្កាត់និងការពារការ​ចម្លងមេរោគ​កូវីត១៩​ នេះ​​ ហាងលក់គ្រឿងអេឡិចត្រូនិចទំនើប LG Brandshop បានគាំទ្រនិងចូលរួមសកម្មភាពដោយបានធ្វើការណែនាំអំពីការរក្សាអនាម័យ​ក្នុងហាង បុគ្គលិក ក៏ដូចជាអតិថិជនទាំងឡាយដែលបានអញ្ជើញមកហាងផ្ទាល់ប្រកបដោយ​អនាម័យខ្ពស់ ដើម្បីធានាបាននូវសុវត្ថិភាពដល់​យើងទាំងអស់គ្នា​​។ ខាងក្រោមនេះគឺជាគោលការណ៍ស្ដង់ដាសំខាន់ៗ​ និងមានប្រសិទ្ធិភាពដែលយើងបានអនុវត្ដជាប្រចាំថ្ងៃរួចមកហើយ។

ការណែនាំស្ដីពីការរក្សាអនាម័យសម្រាប់បុគ្គលិក

1. ផ្នែកទី១៖គឺជារបៀបនៃការថែរក្សាអនាម័យផលិតផលក្នុងហាងដោយយើងបានអនុវត្ដជា៤សកម្មភាពដូចជា ការសម្អាតហាង ការសម្អាតផលិតផលិត ផ​លិតផលដាក់តាំង និង​ការបាញ់សម្លាប់មេរោគពីអ្នកជំនាញ។
2. ផ្នែកទី២៖ផ្ដោតសំខាន់ទៅលើអនាម័យខ្លួនប្រាណរបស់បុគ្គលិកក្នុងហាងផ្ទាល់ដែលតម្រូវអោយពាក់ម៉ាសជាប់ជានិច្ច លាងដៃជាមួយទឹកអាល់កុលជាប្រចាំ និងរក្សាគម្លាតពីគ្នាយ៉ាងតិច មួយម៉ែត្រ។

ការណែនាំស្ដីពីការរក្សាអនាម័យសម្រាប់អតិថិជន

មុននឹងឈានទៅដល់ការប្រឹក្សាយោបល់ពីផលិតផល បុគ្គលិក LG Brandshop យើងខ្ញុំនឹងពន្យល់ដល់អតិថិជនពីការការពារជម្ងឺកូវីដ១៩​ នូវវិធីសាស្រ្ដងាយៗដែលមានដូចជា ការផ្ដល់ទឹកលាងដៃនៅច្រកចូលហាង ពាក់ម៉ាសជាប់ជានិច្ច​ លាងដៃក្រោយប៉ះពាល់​វត្ថុផ្សេងៗ លើសពីនេះទៀតយើងតម្រូវអោយបុគ្គលិក​ រក្សាបាននូវគម្លាតសុវត្ថិភាពជាមួយអតិថិជនផងដែរ។

ដូចដែលអ្នកទាំងអស់គ្នាបានជ្រាបរួចមកហើយថា ផលិតផលគ្រឿងអេឡិចត្រូនិចរបស់ LG ដែលមានទូរទឹកកក ម៉ាស៊ីនបោក​ ម៉ាស៊ីនត្រជាក់​ ម៉ាស៊ីនបន្សុទ្ធខ្យល់និងបន្ថែមពីនេះ គឺសុទ្ធសឹងតែ​អាចកម្ចាច់មេរោគ ឬបាក់តេរីទូទៅបានយ៉ាងមានប្រសិទ្ធភាពបំផុត ដែលសរបញ្ជាក់អោយឃើញ​ពីការ យកចិត្ដទុកដាក់ខ្លាំង សម្រាប់សកម្មភាពចូលរួមចំនែកថែរក្សាសុខភាពរបស់គ្រួសារអ្នកក្នុងពេលបច្ចុប្បន្ន រហូតតទៅថ្ងៃអនាគត។

អតិថិជនដែលមានចំណាប់អារម្មណ៍និងគាំទ្រផលិតផល LG គ្រប់ប្រភេទអាចអញ្ជើញមកទស្សនាការតាំងបង្ហាញផ្ទាល់​នៅគ្រប់សាខា​ LG Brandshop របស់យើងខ្ញុំ ឬដើម្បីភាពងាយស្រួលដល់អតិថិជនទាំងអស់ ឥឡូវនេះ​លោកអ្នកអាចបញ្ជាទិញគ្រប់គ្រឿងអេឡិចត្រូនិចរបស់ LG

តាមរយៈហ្វេសបុកផេក LG Brandshop Cambodia ដោយផ្ទាល់តែម្ដង រួមជាមួយនឹងការដឹកជញ្ជូនដោយឥតគិតថ្លៃ​ សម្រាប់ពត៌មានបន្ថែមលោកអ្នកអាចចូលទៅកាន់វេបសាយ https://www.ggear.com.kh/  ឬហៅទៅកាន់​លេខទូរសព្ទ 016 888 029 / 012 444 051។

ការនាំចេញអង្ករសនឹងត្រូវអនុញ្ញាតឱ្យមានសកម្មភាពឡើងវិញជាបណ្តើរៗ តាមកិច្ចសន្យា បញ្ជាទិញពីក្រៅប្រទេស ដោយគិតចាប់ពីថ្ងៃទី20 ខែឧសភា ឆ្នាំ2020តទៅ។ ការសម្រេចនេះ ត្រូវ បានប្រកាសឱ្យដឹងតាមរយៈលិខិតផ្លូវការរបស់ឯកឧត្តមអគ្គបណ្ឌិត សភាចារ្យ អូន ព័ន្ធមុនីរ័ត្ន ឧប នាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ផ្ញើជូនប្រធាន សហព័ន្ធស្រូវអង្ករកម្ពុជា កាលពី ថ្ងៃទី13 ខែឧសភា ឆ្នាំ2020។

តាមលិខិតផ្លូវការរបស់ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ផ្ញើជូន​ប្រធានសហព័ន្ធស្រូវអង្ករកម្ពុជា បានបញ្ជាក់ថា តាមសំណើរបស់សហព័ន្ធស្រូវអង្ករកម្ពុជា រាជ​រដ្ឋាភិបាល សម្រេចផ្តល់ការអនុញ្ញាតឱ្យធ្វើការនាំចេញអង្ករស ជាបណ្តើរៗឡើងវិញ តាមកិច្ច​សន្យា​បញ្ជាទិញពីក្រៅប្រទេស។

សូមរំឭកថា ដើម្បីធានាដល់ការផ្គត់ផ្គង់ក្នុងស្រុក ក្នុងដំណាក់ប្រឈមនឹងការរីករាល​ដាល​នៃជំងឺកូវីដ-19 សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា កាលពីថ្ងៃ​ទី30 ខែមីនា ឆ្នាំ2020 ដាក់ចេញបទបញ្ជាឱ្យផ្អាកនូវការនាំចេញអង្ករស និងស្រូវ ដោយចាប់អនុវត្តន៍ពីម៉ោង 23:59នាទី ថ្ងៃទី5 ខែមីនា ឆ្នាំ2020 ដើម្បីធានានូវសន្តិសុខស្បៀងរបស់កម្ពុជា នៅគ្រាដែលកំពុងរងវិបត្តិនៃជំងឺកូវីដ-19។ ការហាមឃាត់ការនាំចេញអង្ករនេះ គឺហាមឃាត់ តែអង្ករស និងស្រូវប៉ុណ្ណោះ ចំពោះអង្ករក្រអូប ត្រូវបានអនុញ្ញាតឱ្យនាំចេញធម្មតា។

យោងតាមកិច្ចប្រជុំពិភាក្សាលើរបាយការណ៍សិក្សាអំពីថ្លៃដើមផលិតកម្ម និងនាំចេញអង្ករ កម្ពុជាកាលពីថ្ងៃទី12 ខែ​ឧសភា ឆ្នាំ​2020 របស់ក្រសួង​ពាណិជ្ជកម្ម បានឱ្យដឹងថា គម្រោងសិក្សា​ថ្លៃ​ដើមផលិតកម្ម និងនាំចេញអង្ករកម្ពុជា ត្រូវបានស្នើឡើងដោយក្រសួងពាណិជ្ជកម្ម ក្រោមកិច្ច​សហ​ការ និងគាំទ្រផ្នែកបច្ចេកទេស និងហិរញ្ញវត្ថុពីអង្គការ «កម្មវិធីខ្សែចង្វាក់តម្លៃកសិកម្មកម្ពុជា» ឬ កាវ៉ាក់ (CAVAC) ដែលគម្រោងនេះមានបំណងរកឱ្យឃើញពីបញ្ហាប្រឈមឧត្តម​ភាព ឬលទ្ធ​ភាព​ពង្រឹងភាពប្រកួតប្រជែងបច្ចុប្បន្នរបស់វិស័យស្រូវ-អង្ករកម្ពុជា។

ការសិក្សាបានផ្តោតសំខាន់លើភាពប្រកួតប្រជែងវិស័យស្រូវ-អង្ករកម្ពុជា ដោយវិភាគលើ​ខ្សែចង្វាក់តម្លៃរបស់វិស័យស្រូវ-អង្ករ ចាប់តាំងពីការបង្កបង្កើនផល ការសម្ងួត និងកិន រហូតដល់​ការនាំចេញ ដែលរួមទាំងការដឹកជញ្ជូន និងការរត់ការឯកសារផងដែរ សម្រាប់ការនាំ​ចេញទៅកាន់​ប្រទេសគោលដៅ (ប្រទេសនាំចូល) នៅសហភាពអឺរ៉ុប និងបណ្តាប្រទេសផ្សេងទៀត។

ឯកឧត្តម សុខ សុភ័ក្រ្ត រដ្ឋលេខាធិការក្រសួង​ពាណិជ្ជកម្ម​ ដែលបានដឹកនាំ​កិច្ចប្រជុំពិភាក្សា​លើរបាយការណ៍សិក្សាអំពីថ្លៃដើមផលិតកម្ម និងនាំចេញអង្ករកម្ពុជា (Rice Export Cost Study)​បានឱ្យដឹងថា របាយការណ៍ នៃលទ្ធផលសិក្សា នឹងផ្សព្វផ្សាយជូនវិស័យឯកជន និងបណ្តាក្រសួង​ស្ថាប័ន​ពាក់ព័ន្ធ សំដៅដាក់ចេញផែនការ និងគោលនយោបាយអភិវឌ្ឍន៍វិស័យស្រូវ-អង្ករកម្ពុជា និង​ឈានទៅចាប់​យកទីផ្សារអង្ករក្រៅប្រទេស។

ឯកឧត្តមរដ្ឋលេខាធិការ បានស្នើឱ្យស្ថាប័នពាក់ព័ន្ធទាំងរដ្ឋ និងឯកជន បន្ត​សហការ និងធ្វើ​ការរួមគ្នា ដើម្បីដោះស្រាយបញ្ហាប្រឈមនានាក្នុងវិស័យស្រូវ-អង្ករកម្ពុជា លើតម្លៃអង្ករនាំចេញ។

ទន្ទឹមនឹងនេះ អង្គប្រជុំបានពិភាក្សាលើផ្នែកពាក់ព័ន្ធ​សំខាន់ៗដែលប៉ះពាល់​ដល់តម្លៃនាំចេញ​អង្ករ​កម្ពុជា រួមមាន៖ អគ្គិសនី ថ្លៃដឹកជញ្ជូនពីឃ្លាំងទៅកំពង់ផែ ថ្លៃចំណាយនៅកំពង់ផែ ចំណាយ​លើ​ការនាំចេញ ថ្លៃដឹកជញ្ជូនពីកំពង់ផែទៅប្រទេសគោលដៅ (នាំចូល) និងចំណាយពាក់​ព័ន្ធផ្សេងៗ​ទៀតផងដែរ។

គួរបញ្ជាក់ថា គិតត្រឹម 3ខែ ដើមឆ្នាំ2020នេះ កម្ពុជាបាននាំចេញអង្ករសរុបទៅកាន់ទីផ្សារ អន្តរជាតិចំនួនជាង 23ម៉ឺនតោន ខណៈដែលសហព័ន្ធស្រូវអង្ករកម្ពុជាធ្លាប់បានបង្ហាញពីក្ដីរំពឹង ចំពោះការនាំចេញអង្កររបស់កម្ពុជានៅ ឆ្នាំ2020 នេះថា អាចនឹងមានការកើនឡើងដល់ 80ម៉ឺនតោន។ កាលពីឆ្នាំ 2019 កម្ពុជាបាននាំចេញអង្ករក្នុងបរិមាណសរុបចំនួន 62ម៉ឺនតោន ថយចុះជិត 1% បើធៀបនឹងឆ្នាំ2018៕

ភ្នំពេញ ថ្ងៃទី ១៨ ខែឧសភា ឆ្នាំ២០២០ – កម្មវិធី GrabMart ដែលជាសេវាកម្មដឹកជញ្ជូនទំនិញ​ប្រចាំថ្ងៃឆាប់រហ័ស ត្រូវបានដាក់ឱ្យដំណើរការនៅរាជធានីភ្នំពេញកាលពីសប្តាហ៍មុន។

ឥឡូវនេះប្រជាពលរដ្ឋនៅរាជធានីអាចទិញគ្រឿងទេស អាហារកញ្ចប់ ផលិតផលថែរក្សាសុខភាព ផលិតផលថែរក្សាសម្រស់ កាដូ និងទំនិញជាច្រើនទៀតតាមរយៈកម្មវិធី Grab ដោយដឹកជញ្ជូន សម្រាប់លោកអ្នកក្នុងរយៈពេលតិចជាង ១ ម៉ោង។

ដោយគ្រាន់តែបញ្ចូលអាស័យដ្ឋានរបស់ពួកគេនៅក្នុងមុខងារកម្មវិធី GrabMart នៅក្នុងកម្មវិធី Grab អតិថិជននឹងឃើញបញ្ជីរាយនាមមុខទំនិញដែលអាចទិញបាននៅតាមហាងជិតអាស័យដ្ឋានបំផុត។ ឈ្មោះហាងទំនិញ​ដែលត្រូវបានបង្ហាញក្នុងបញ្ជីទិញទំនិញ អាស្រ័យលើទីតាំងរបស់អតិថិជន រួមមាន ហាងថៃហួត (Thai Hout) គីវីម៉ាត (Kiwi Mart) ឱសថស្ថានយូឃែរ (Ucare Pharmacy) និង វីននេសកម្ពុជា (Winest Cambodia)។

នៅក្នុងដំណាក់កាលទើបតែចាប់ផ្ដើមដំបូង សេវាកម្មនេះនឹងមានវត្តមាននៅចំកណ្ដាល រាជធានីភ្នំពេញតែប៉ុណ្ណោះ ដែលគ្របដណ្ដប់លើសង្កាត់​បឹងកេងកង សង្កាត់ទួលទំពូង ខណ្ឌដូនពេញ ខណ្ឌទួលគោក និងតំបន់មួយចំនួនទៀតដែលនៅក្បែរសង្កាត់ខណ្ឌទាំងនេះ) ហើយអតិថិជនអាចបង់ថ្លៃសេវាដឹកជញ្ជូន របស់ពួកគេជាសាច់ប្រាក់ជាមួយដៃគូបើកបរ​បាន ហើយទំនិញដែលដឹកជញ្ជូន ត្រូវមានតម្លៃមិនលើសពី ៤០ ដុល្លារនោះទេ។ ក្រុមហ៊ុន Grab គ្រោងនឹងពង្រីកសេវាកម្មនេះនៅគ្រប់ទីកន្លែងក្នុងរាជធានីភ្នំពេញនាពេលអនាគត ដ៏ខ្លីខាងមុខនេះផងដែរ ដោយនឹងមានដៃគូពាណិជ្ជកម្មកាន់តែច្រើន ដែលនឹងត្រូវបានដាក់បញ្ចូល នាពេលឆាប់ៗខាងមុខនេះ។

លោក Hashim Alkaff ប្រធានក្រុមហ៊ុន Grab ប្រចាំកម្ពុជា បានមានប្រសាសន៍ថា ៖​ «យើងសូមណែនាំសេវាកម្មថ្មីៗមួយចំនួន ដើម្បីជួយសម្រួលដល់ប្រជាពលរដ្ឋកម្ពុជា ក្នុងអំឡុងពេលនៃជំងឺរាតត្បាតសកល ហើយយើងនឹងប្រើប្រាស់បច្ចេកវិទ្យារបស់យើង តាមគ្រប់មធ្យោបាយ ដើម្បីផ្ដល់ជូននិងពង្រីកសេវាកម្មថ្មីៗ ដើម្បីជួយបំពេញតម្រូវការប្រជាពលរដ្ឋ។ នេះក៏ជាឱកាសសម្រាប់ដៃគូបើកបររបស់យើង ឲ្យទទួលបានប្រភពចំណូលបន្ថែមផងដែរ។»

លោក Alkaff  បានបន្ថែមទៀតថា ៖​ «នៅក្នុងកាលៈទេសៈដែលប្រជាពលរដ្ឋត្រូវការដំណោះស្រាយ ជាបន្ទាន់  ដើម្បីដោះស្រាយភាពខ្វះចន្លោះក្នុងគ្រាដ៏លំបាកបែបនេះ សេវាកម្មរហ័សរបស់យើងនឹងរង់ចាំជួយសម្រួលដល់ពួកគេជានិច្ច។»

ហាងតែ CHICHA San Chen ដែលជាក្រុមហ៊ុន តែដ៏ល្បីល្បាញមកពីកោះតៃវ៉ាន បានឧបត្ថម្ភ តែពពុះចំនួន 200ពែង ដល់គ្រូពេទ្យដែលកំពុង ព្យាបាល ជំងឺ Covid-19 នៅមន្ទីរពេទ្យ មិត្តភាពកម្ពុជាសូវៀត កាលពីថ្ងៃទី 12 -13ខែឧសភា ឆ្នាំ2020 នេះ។

វេជ្ជបណ្ឌិត សួន សាមិត្ត អនុប្រធានការិយាល័យ បច្ចេកទេស នៃមន្ទីរពេទ្យ មិត្តភាពខ្មែរសូវៀត បានលើកឡើងថា ការចូលរួម ជួយឧបត្ថម្ភ ភេសជ្ជៈពីក្រុមហ៊ុន CHICHA San Chan នេះជាការលើកទឹកចិត្ត និងជាការផ្តល់កម្លាំងចិត្តមួយពីសំណាក់ក្រុមហ៊ុនឯកជនចំពោះក្រុមគ្រូពេទ្យជួរមុខដែលកំពុង តែ ខិតខំប្រឹងប្រែង ព្យាបាល និងទប់ស្កាត់ជំងឺ Covid-19ក្នុងប្រទេសកម្ពុជា។ ទោះបីជាបច្ចុប្បន្ននេះ អ្នកជំងឺ Covid-19 នៅកម្ពុជាមានចំនួនតិចតួចក៏ដោយ តែក្រុមគ្រូពេទ្យនៅតែ ខិតខំប្រឹងប្រែងតាមដាន ពិនិត្យ ស្វែងរក និងអប់រំ ដើម្បីការពារប្រជាជនកម្ពុជា ពីការឆ្លងមេរោគរលាកសួតប្រភេទថ្មីនេះ។

លោកវេជ្ជបណ្ឌិត សួន សាមិត្ត បានមានប្រសាសន៍ថា៖ « ក្រុមគ្រូពេទ្យទាំងអស់ដែលកំពុងប្រយុទ្ធប្រឆាំងជាមួយនឹងជំងឺ Covid-19 បានលះបង់ និងខិតខំប្រឹងប្រែងដោយមិនខ្វល់ពីការសម្រាក។ បន្ថែមពីលើនេះ គាត់ត្រូវតែ នៅដាច់ដោយរយៈពេលពេញមួយខែ មុននឹងអាចទៅចូលរួមរស់ជាមួយក្រុមគ្រួសារវិញ ហេតុនេះការលើកទឹកចិត្តពីគ្រប់មជ្ឈដ្ឋាន នឹងធ្វើឱ្យក្រុមគ្រូពេទ្យកាន់តែមានកម្លាំងចិត្តក្នុងការខិតខំប្រឹងប្រែងកាន់តែខ្លាំងសម្រាប់កម្ពុជាយើង»។

លោក Kevin Dantអ្នកគ្រប់គងនៅក្នុងហាងតែ CHICHA San Chen បានលើកឡើងថា មូលហេតុសំខាន់ដែលលោក ចូលរួមឧបត្ថម្ភ ដល់ក្រុមគ្រូពេទ្យ នៃមន្ទីរពេទ្យមិត្តភាពកម្ពុជាសូវៀតនៅថ្ងៃនេះ គឺដើម្បីចូលរួមចំណែកក្នុងការលើកទឹកចិត្ត និងតបស្នងចំពោះការខិតខំប្រឹងប្រែងរបស់ក្រុមគ្រូពេទ្យដែលបានលះបង់សេចក្តីសុខផ្ទាល់ខ្លួន និងជីវិតដើម្បី ការពារប្រជាជនទាំងអស់ដែលរស់នៅក្នុងប្រទេសកម្ពុជា។ បន្ថែមពីលើនេះ ហាងតែ CHICHA San Chen ក៏តែងតែចូលរួមចំណែកក្នុងការងារសង្គមជាច្រើនផ្សេងទៀត ដែលថ្មីៗនេះ យើងក៏បាន ផ្តល់នូវកម្មវិធីបញ្ចុះតម្លៃពិសេស ចំនួន 20%សម្រាប់ គ្រូពេទ្យ នគរបាល មន្ត្រីពន្លត់អគ្គិភ័យ និងកងកម្លាំង។ ពួកគាត់គ្រាន់តែទៅដល់ទីតាំងហាងតែ CHCHA San Chen នៅផ្សារជីពម៉ុងជិតសាលាបាក់ទូក ហើយបង្ហាញកាតការងារ ឬឯកសារសម្គាល់ខ្លួន ថាគាត់ជាគ្រូពេទ្យ ឬជាកងកម្លាំងជាដើម នោះគាត់នឹងទទួលបានការបញ្ចុះតម្លៃភ្លាម។
លោក Kevin Dant បាននិយាយថា៖ « ហាងតែ CHICHA San Chen នឹងបន្តសកម្មភាពមនុស្សធម៌ជាច្រើនផ្សេងទៀតនៅក្នុងប្រទេសកម្ពុជា។ ហើយទន្ទឹមនឹងនេះ ក៏ព្យាយាមក្នុងការផ្តល់នូវសេវាកម្ម និងផលិតផលកាន់តែប្រសើរសម្រាប់គ្រប់អតិថិជនទាំងអស់»។

គួរបញ្ជាក់ផងដែរថា ហាងតែ CHICHA San Chen ជាហាងតែដែលមាន ឈ្មោះល្បីនៅកោះតៃវ៉ាន់ដែលមានប្រវត្តិកើតឡើងតាំងពីឆ្នាំ 1998មកម្លេះ។ ហាងតែដ៏ល្បីនេះមានសាខាជាច្រើនលើពិភពលោក ហើយអ្វីដែលជាចំណុចពិសេសរបស់ហាងតែ CHICHA San Chen គឺគុណភាពតែដែលមានរសជាតិឆ្ងាញ់ជាងគេលើពិភពលោក និង មានម៉ាស៊ីនកិនតែភ្លាមៗ ថ្មី និងស្រស់ៗសម្រាប់អតិថិជន៕

realme, ម៉ាកយីហោស្មាតហ្វូនដែលរីកលូតលាស់លឿនបំផុត ថ្ងៃនេះបានដាក់បង្ហាញស្មាតហ្វូនrealme 6i នៅលើទីផ្សារប្រទេសកម្ពុជាដែលជាសមាជិកថ្មីនៃគ្រួសារ realme 6ស៊េរី ដែលមានកាមេរ៉ាបួនគ្រាប់។ ក្នុងនាមជាអ្នកស្នងតំណែងrealme 5irealme 6i នាំមកនូវការធ្វើឱ្យប្រសើរយ៉ាងខ្លាំងនូវផ្នែកកាមេរ៉ាការ ដំណើរការ និងការរចនា។ ក្នុងពេលជាមួយគ្នានេះដែរrealmeបានចាប់ផ្តើមធ្វើអាជីវកម្ម AIoT ជាផ្លូវការនៅក្នុងប្រទេសកម្ពុជាដោយការដាក់ប្រកាសផលិតផលAloTដំបូងបង្អស់គឺនាឡិកាឆ្លាតវៃ។

នៅក្នុងការដាក់បង្ហាញតាមអ៊ីនធឺណេតរបស់realme 6i យើងអាចឃើញថាrealme 6i ក៏ត្រូវបានគិតបញ្ចូលជាទូរស័ព្ទសម្រាប់លេងហ្គេមផងដែរ។ ជាមួយនឹងបន្ទះឈីប Helio G80 និងថាមពលថ្ម 5000mAh ដែលអាចសាកបានល្បឿនលឿន 18វ៉ាត់ វាជាទូរស័ព្ទលំដាប់ថវិកាសម្រាប់លេងហ្គេមតម្លៃក្រោម ២០០ដុល្លារ។

realme 6i បំពាក់ជាមួយនឹងបន្ទះឈីប MediaTek Helio G80 ដែលផ្តល់ថាមពលគួរឱ្យភ្ញាក់ផ្អើល។ CPUប្រាំបីគ្រាប់មានប្រេកង់ចំបងរហូតដល់ ២.០Gz ផ្តល់ជូននូវមុខងារស្នូលមួយគ្រាប់ប្រសើរជាងជំនាន់មុន ៣៥% និងដំណើរការពហុស្នូលប្រសើរជាងជំនាន់មុន ១៧%។ លទ្ធផលនេះបានធ្វើឲ្យគុណភាពរូបភាពកាន់តែល្អប្រសើរ និងអត្រា frame មានស្ថេរភាពជាងមុនដែលធ្វើឲ្យrealme 6i លេចធ្លោខណៈនៅពេលលេងហ្គេម។

ផ្នែកខាងកាមេរ៉ាវិញ វាធ្វើឱ្យកាន់តែប្រសើរឡើងដែល កាមេរ៉ាបួនគ្រាប់ 48MP- កាមេរ៉ាគោល48MP, មុំទូលាយ ១១៩ដឺក្រេ (៨ មេហ្គាភិចស៊ែល) លែនព្រាលផ្ទៃខាងក្រោយ (២មេហ្គាភិចស៊ែល) និងលែនម៉ាក្រូ ៤ស.ម (២មេហ្គាភិចស៊ែល) ។ នេះរឹតតែដេញទាន់តាមលក្ខណៈពិសេសរបស់ម៉ូដែលផ្សេងទៀតដែលមានតម្លៃលើសពី ៣០០ដុល្លារផងដែរ។

ក្រៅពីនេះrealme 6i នៅតែប្រកាន់ខ្ជាប់នូវការរចនាបទបែបសាមញ្ញរក្សានូវការរចនាម៉ូដស្នាដៃពី Naoto Fukasawa។ វាបានទទួលយកដំណើរការបាញ់ថ្នាំជាមួយទឹកថ្នាំពណ៌ដ៏កម្រ ហើយទូរស័ព្ទត្រូវបានប៉ូលារាប់រយដង។ កាលពីពេលមុន ការរចនាប្រភេទនេះត្រូវបានអនុវត្តទៅលើម៉ូដែលកំពូលរបស់ពួកគេគឺ realme X។ realme 6i មកជាមួយនឹងពណ៌បែបយុវវ័យពីរប្រភេទគឺ ពណ៌តែបៃតង និងពណ៌សទឹកដោះគោ។

អេក្រង់ realme 6i មានអេក្រង់ទំហំ ៦.៥អ៊ីញ កម្រិតបង្ហាញHD+ ជាមួយនឹងអេក្រង់ដំណក់ទឹកតូច ដែលតូចជាងអេក្រង់ដំណក់ទឹកធម្មតា៣០.៩% ធ្វើឱ្យសមាមាត្រអេក្រង់នឹងដងខ្លួនខ្ពស់រហូតដល់ ៨៩.៨%។ អេក្រង់ធំនេះនឹងផ្តល់ឱ្យអ្នកប្រើប្រាស់នូវបទពិសោធន៍ដ៏រំជួលចិត្តនៅពេលមើលវីដេអូ ឬលេងហ្គេម។

ក្រៅពីនេះ realme 6i ជាមួយrealme UI គាំទ្រឲ្យមានប្រព័ន្ធការធានាការពារព័ត៌មានផ្ទាល់ខ្លួន។ realme UI
ក៏មានគោលបំណងដើម្បីការពារឯកជនភាពរបស់អ្នកប្រើប្រាស់បន្ថែមទៀត និងផ្លាស់ប្តូរវិធីដែលកម្មវិធីអាចទទួលបានព័ត៌មានផ្ទាល់ខ្លួន។ ដោយបើក“ការការពារព័ត៌មានផ្ទាល់ខ្លួន” នៅក្នុងrealme UI ប្រព័ន្ធនឹងផ្តល់ជូននូវទំព័រព័ត៌មានទទេនៅពេលកម្មវិធីកំពុងស្នើរសុំចូលមើលព័ត៌មានផ្ទាល់ខ្លួនរបស់អ្នកប្រើប្រាស់។

លើសពីនេះទៅទៀត realme បានចេញផ្សាយជាផ្លូវការនូវនាឡិកាឆ្លាតវៃនៅក្នុងទីផ្សារប្រទេសកម្ពុជា។ ដោយធ្វើការតាមដានចលនា និងចង្វាក់បេះដូង ការគណនាអាចវិភាគគុណភាពនៃការសម្រាន្ត និងបង្កើតរបាយការណ៍ដែលជួយអ្នកឱ្យដឹងកាន់តែច្បាស់អំពីលំនាំនៃការសម្រាន្តរបស់អ្នក។ នាឡិកាឆ្លាតវៃនេះគាំទ្រការសាកថ្មដោយផ្ទាល់តាមរន្ធសាកថ្មប្រភេទUSB ដោតវាដោយផ្ទាល់នៅក្នុងរន្ធUSBដោយមិនចាំបាច់ប្រើខ្សែសាកណាផ្សេងឡើយ។

រួមគ្នាជាមួយនឹង APP realme link ជម្រើសលើនាឡិកាឆ្លាតវៃមានកាន់តែច្រើន។ អ្នកអាចមើលទិន្នន័យដែលរកឃើញនៅលើកម្មវិធីនេះ ដោយជ្រើសរើស៥របៀបផ្សេងៗគ្នាឲ្យបង្ហាញនៅលើអេក្រង់ដែលមានពណ៌ដ៏ស្រស់ស្អាត ដើម្បីដឹងកាន់តែច្បាស់អំពីលំនាំនៃការសម្រាន្តរបស់អ្នក។

នាឡិកាឆ្លាតវៃ និងrealme 6iនេះ បានដាក់បង្ហាញរួមគ្នាក្នុងពេលតែមួយ realmeបង្ហាញពីឆន្ទៈខ្ពស់ក្នុងការផ្តល់នូវបច្ចេកវិទ្យាទាន់សម័យ និងគួរឱ្យចាប់អារម្មណ៍ដល់យុវវ័យ។ ហើយផលិតផលទាំងពីរនេះក៏ស្ថិតនៅតម្លៃសមរម្យសម្រាប់យុវវ័យផងដែរ – realme 6i ជាមួយ 4GB+128GB លក់ក្នុងតម្លៃ១៩៩ដុល្លារ ឥឡូវនេះនាឡិកាឆ្លាតវៃមានតែពណ៌ខ្មៅប៉ុណ្ណោះជាមួយតម្លៃ២៨ដុល្លារ៕

​[ភ្នំពេញ – ថ្ងៃទី០៨ ខែឧសភា ឆ្នាំ២០២០] ក្រុមហ៊ុន អ​ អិម អេ ខេមបូឌាដែលជាក្រុមហ៊ុននាំចូល និងចែកចាយផ្ដាច់មុខនូវរថយន្ត Ford គ្រប់ប្រភេទក្នុងទីផ្សារប្រទេសកម្ពុជាបានប្រារព្ធពិធីសម្ពោធជាផ្លូវការរថយន្ត F-150 Raptor​  ស៊េរីថ្មី2020 ដែលជាកំពូលរថយន្ត Pick Up Off-Road Performance ខ្នាតធំរបស់ក្រុមហ៊ុន Ford។ ពិធីសម្ពោធជាផ្លូវការនេះ ត្រូវបានធ្វើឡើងតាមប្រព័ន្ធឌីជីថល Digital តាមរយៈការផ្សាយផ្ទាល់នៅលើបណ្តាញសង្គមចេញពីហ្វេសប៊ុកផេក (Facebook Page) Ford Cambodia។​​

រថយន្ត Ford F-150 Raptor ស៊េរីថ្មី ឆ្នាំ2020នេះ គឺជារថយន្ត Pick Up ខ្នាតធំដែលលក់ដាច់បំផុត រយះពេល 43ឆ្នាំជាប់ៗគ្នានៅសហរដ្ឋអាមេរិច។​ រថយន្តនេះបំពាក់ទៅដោយបច្ចេកវិទ្យា និងប្រព័ន្ធសុវត្ថិភាពទំនើបចុងក្រោយបំផុតពីក្រុមហ៊ុន Ford ហើយត្រូវបានធ្វើការរចនារូបរាង និងផលិតឡើងដោយយក DNA របស់ Ford Performance ចំនែកស៊ុមរថយន្តត្រូវបានផលិតពីដែកថែបរឹងមាំ ជាពិសេសតួរថយន្ត និងខ្លុបខាងក្រោយត្រូវបានផលិតឡើងពីអាលុយមីញ៉ូមដែលប្រើប្រាស់ក្នុងវិស័យយោធារបស់សហរដ្ឋអាមេរិច​ (High-Strengh Military Grade Aluminium Alloy for Body and Bed) ដែលមានលក្ខណៈធន់រឹងមាំ និងជួយការពារការប៉ះទង្គិចផ្សេងៗ។ ក្រុមវិស្វករ Ford Performance Team បានធ្វើតេស្តរថយន្តនេះយ៉ាងម៉ត់ចត់ជាទីបំផុត ដោយផ្តោតជាសំខាន់ទៅលើភាពធន់ រឹងមាំ សមត្ថភាពនៃការអូសសណ្តោង ផាសុកភាព ប្រណិតភាព សុវត្ថិភាព ការជំនះឧបសគ្គគ្រប់ស្ថានភាពផ្លូវ និងជាពិសេសការបើកបរលើផ្លូវប្រភេទ Off-road។

Ford F-150 Raptor​  ស៊េរីថ្មី2020 បានបំពាក់ជាមួយនឹងម៉ាស៊ីន 3.5L V6   Twin-Turbo EcoBoost® High Output (HO) ជំនាន់ថ្មី កម្លាំងខ្លាំង និងសន្សំសំចៃប្រេង ជួយកាត់បន្ថយចំហះ និងផលប៉ះពាល់ទៅលើបរិស្ថាន។ រថយន្តនេះ មានកម្លាំងសេស 450 PS កម្លាំង Torque 691Nm និងប្រើប្រអប់លេខថ្មី 10 លេខ ជំនួយដល់ការដាក់លេខឲ្យមានភាពរលូន និងងាយស្រួល។

ប្រព័ន្ធជើងក្រោមត្រូវបានបំពាក់ជាមួយនឹងបូម FOX^TM 3.0 ជំនាន់ថ្មី (Internal Bypass Shocks with Live Vale) មានលក្ខណៈធន់ រឹងមាំ កាត់បន្ថយការរលាក់ ផ្តល់នូវផាសុកភាព មិនថាអ្នកបើកបរលើផ្លូវរលាក់ខ្លាំងក្នុងល្បឿនលឿនក៏ដោយ ដោយសារបូមនេះវាមានបំពាក់ទាំងផ្នែកខាងមុខ និងខាងក្រោយរបស់រថយន្ត។ ចំពោះផ្នែកខាងក្នុងរថយន្តត្រូវបានរចនាម៉ូដធំទូលាយ ទំនើបទាន់សម័យ និងប្រកបដោយផាសុកភាព និងបំពាក់ដោយកាបូនហ្វៃប័រ (Carbon Fiber) ដែលធ្វើឲ្យរថយន្តនេះកាន់តែមានភាពប្រណិត ស្រស់ស្អាត និងទាក់ទាញថែមមួយកំរិតទៀត។ ចំនែកកៅអីវិញ រចនាបែបស្ព័រធំទូលាយ និងបំពាក់ដោយប្រព័ន្ធបញ្ឆេះរថយន្តពីចំងាយ និងប៊ូតុងចុចបញ្ឆេះរថយន្ត (Smart Key) បច្ចេកវិទ្យា SYNC 3ជំនាន់ថ្មី និងអេក្រង់ Touchscreen 8 អ៊ីញសម្រាប់ស្ដាប់វិទ្យុ តន្ត្រី​ និងការកំសាន្តនានា។

ម្យ៉ាងវិញទៀត អ្វីដែលធ្វើឲ្យរថយន្ត Ford F-150 Raptor​ នេះកាន់តែពិសេស និងអស្ចារ្យនោះគឺ ការបំពាក់នូវប្រព័ន្ធគ្រប់គ្រងការបើកបរគ្រប់ស្ថានភាពផ្លូវជំនាន់ថ្មី (All-New Terrain Management System^TM) ដែលអាចកំណត់ការបើកបរបានរហូតដល់៧ជម្រើសខុសៗគ្នាដែលមានដូចជា៖ ១.ការបើកបរក្នុងស្ថានភាពផ្លូវធម្មតា (Normal Mode)​​ ផ្ដល់ផាសុកភាព មិនស៊ីប្រេង ជួយសំន្សំសំចៃ និងងាយស្រួលក្នុងការបើកបរ ២. ការបើកបរនៅពេលដឹក ឬអូសសណ្តោង (Tow/Haul​​ Mode) ជួយទប់លំនឹង និងរក្សាលំនឹងរថយន្តបានល្អក្នុងពេលអូសសណ្តោង ៣. ការបើកបរបែបស្ព័រ (Sport Mode)​ ផ្ដល់នូវសន្ទុះខ្លាំង សក្ដិសមសម្រាប់អ្នកដែលចូលចិត្តបើកបរល្បឿនលឿន​ ៤. ការបើកបរពេលមានបំរ៉ែបំរួលអាកាសធាតុ (Weather Mode) ជួយទប់លំនឹង ផ្តល់នូវទំនុកចិត្ត និងសុវត្ថិភាពក្នុងពេលបើកបរនៅពេលមេឃភ្លៀង ឬ ក្នុងស្ថានភាពផ្លូវរអិល   ផ្លូវស្មៅ/គ្រួស/ព្រិល ជាដើម។ ៥. ការបើកបរលើផ្លូវដីភក់/ដីខ្សាច់ (Mud/sand Mode) សម្រួលការបើកបរជៀសវាងការផុងកង់ពេលបើកបរលើភក់ ឬខ្សាច់ ៦. (​Baja Mode) ជួយទប់លំនឹងរថយន្តពេលបើកបរក្នុងល្បឿនលឿននៅលើផ្លូវ Off-road ៧.ការបើកបរលើផ្លូវថ្ម/គ្រួស (Rock/Crawl) សម្រួលការបើកបរឲ្យមានភាពរលូន មិនរលាក់ខ្លាំង ពេលបើកបរ លើគ្រួស ឬថ្ម។

លោក ងន សាំង អគ្គនាយកក្រុមហ៊ុនអ អិម អេ ខេមបូឌា បានមានប្រសាសន៍ថា៖ “មានតែក្រុមហ៊ុន អ អិម អេ ខេមបូឌាតែមួយគត់ដែលមានសិទ្ធិនាំចូល និងចែកចាយផ្តាច់មុខនូវរថយន្ត Ford គ្រប់ប្រភេទមកកាន់ទីផ្សារព្រះរាជាណាចក្រកម្ពុជា ជាពិសេសគឺរថយន្ត Pickup ខ្នាតធំ Ford F-150 និង​ F-150 Raptor នេះតែម្តង ហើយរាល់ការទិញរថយន្តផ្ទាល់ពីក្រុមហ៊ុន អតិថិជន​នឹងទទួលបានការធានាផ្ទាល់ពីរោងចក្រចំនួន 3ឆ្នាំ ឬ 100,000Km រួមនឹងអត្ថប្រយោជន៍ផ្សេងៗជាច្រើនទៀត ។​”

ក្រៅពីនេះ ក្រុមហ៊ុន Ford ក៏បានធ្វើការអភិវឌ្ឍនូវបច្ចេកវិទ្យាថ្មីមួយទៀតដែលមានឈ្មោះថា “Ford Co-Pilot 360^TM Technology” ដែលជាបច្ចេកវិទ្យាមួយផ្តល់នូវភាពឆ្លាតវៃ ជួយសំរួលដល់ការបើកបរ ផ្តល់នូវការការពារ និងសុវត្ថិភាពខ្ពស់ដល់អ្នកបើកបរ។ បច្ចេកវិទ្យាមួយនេះ ភ្ជាប់មកជាមួយនូវប្រព័ន្ធជំនួយការបើកបរចំនួន ១១ ដែលរួមមានៈ ១.ប្រព័ន្ធបន្ថយល្បឿននិងរក្សាគំលាតសុវត្ថិភាព ដោយឈប់ និងទៅមុខដោយស្វ័យប្រវត្តិ (Adaptive Cruise Control with Stop-and-Go) ២.ប្រព័ន្ធផ្តល់សញ្ញាគ្រោះថ្នាក់ពេលមានឧបសគ្គ ឬអ្នកថ្មើរជើងឆ្លងកាត់ និងប្រព័ន្ធចាប់ហ្វ្រាំងបន្ទាន់ដោយស្វ័យប្រវត្តិ (Pre-Collision Assist with Autonomous Emergency Braking) ៣. ប្រព័ន្ធផ្តល់ដំណឹងគ្រោះថ្នាក់ផ្នែកចំហៀង និងខាងក្រោយទាំងរថយន្ត និងឧបករណ៍អូសសណ្តោង (BLIS with Trailer Coverage) ៤. ប្រព័ន្ធបញ្ជា និងគ្រប់គ្រងការអូសសណ្តោង (Pro Trailer Backup Assist) ៥. ប្រព័ន្ធកាមេរ៉ា ៣៦០ ដឺក្រេ (ខាងមុខ ខាងក្រោយ និងសងខាងរថយន្ត) និងសេនសឺ៤គ្រាប់ជំនួយការចូលចត និងពេលធ្ពក់ឧបករណ៍អូសសណ្តោង ៦. ប្រព័ន្ធផ្តល់ដំណឹងនៅពេលបើកបរចេញពីគន្លង (Lane Keeping System) ៧. ប្រព័ន្ធផ្តល់សញ្ញាឲ្យអ្នកបើកបរឈប់សំរាកពេលមានអារម្មណ៍ងងុយគេង (Driver Alert System) ៨. ប្រព័ន្ធកំណត់ល្បឿននៃការបើកបរលើផ្លូវ Off-Road ដោយស្វ័យប្រវត្តិ (New Trail Control System) ៩. ប្រព័ន្ធទប់លំនឹងរថយន្តពេលឡើងចំណោត និងចុះចំណោត (Hill Launch Assist and Hill Descent Control ^TM)។

ចំពោះរថយន្ត Ford F-150 Raptor ដែលនាំចូលជាផ្លូវការដោយក្រុមហ៊ុន អ អិម អេ ខេមបូឌា ក៏មានផ្ដល់នូវជម្រើសព៌ណជាច្រើនសំរាប់អតិថិជនជ្រើសរើសដែលរួមមានដូចជា ព៌ណស ក្រហម ខៀវ ប្រផេះ និងខ្មៅផងដែរ។