PR - La Reine Media

ម៉ាស៊ីនត្រជាក់ Samsung 360 Cassette ល្អស័ក្តិសមជាទីបំផុតសម្រាប់អគារពាណិជ្ជកម្មការិយាល័យក្រុមហ៊ុនធំ…ហាង…និងផ្សារទំនើបគ្រប់ប្រភេទ…!!

(ភ្នំពេញ) ថ្ងៃទី ១១ ខែកញ្ញា ឆ្នាំ ២០២០៖ យើងសង្កេតឃើញថាតាំងពីដីវាល…សំណង់តូចៗរហូតក្លាយជាតំបន់ និងទីក្រុងពាណិជ្ជកម្មដែលពោរពេញដោយអាគារខ្ពស់ៗធំស្កឹមស្កៃ …ហាងអាហារ…ហាងកាហ្វេ…និងផ្សារទំនើបលំដាប់អន្តរជាតិជាច្រើនកំពុងបង្ហាញខ្លួនបន្តបន្ទាប់ដូចផ្សិត…!

ទាំងអស់នេះហើយបានធ្វើឱ្យតម្រូវការនៃម៉ាស៊ីនត្រជាក់ម៉ូឌែល Samsung 360 Cassette មានការគាំទ្រខ្លាំងព្រោះ Samsung 360 Cassette អាចធ្វើឱ្យបរិយាកាស និងផ្នែកខាងក្នុងនៃអាគាររបស់លោកអ្នកទាំងអស់កាន់តែមានភាពស្រស់ស្រាយ…ស្រស់ស្អាត…មានផាសុកភាព និងមើលទៅកាន់តែល្អឥតខ្ចោះ (កាន់តែព្រីមៀម) ជាមួយនឹងចំណុចពិសេស និងបច្ចេកវិទ្យាទំនើបអស្ចារ្យដូចជា៖

* សោភ័ណភាព៖

លោកអ្នកអាចជ្រើសរើស Samsung 360 Cassette តាមតម្រូវការដែលអ្នកចង់បានមិនថាពណ៌ខ្មៅ ឬពណ៌ស! បន្ទះ Panels មានរាងមូល និងជ្រុងដែលសមស្របទៅតាមទីកន្លែងរបស់លោកអ្នកទោះបីជា ពិដាន…ឈើ…បេតុង…ផ្ទាំងរូបភាព…ថ្នាំពណ៌ប្រភេទផ្សេងៗដែលធ្វើឱ្យបន្ទប់ទាំងមូលមានភាពកាន់តែទាន់សម័យ និងទាក់ទាញបំផុត…!!

* ប្រសិទ្ធភាព៖

– បញ្ចេញខ្យល់ត្រជាក់ល្អឥតខ្ចោះ…ត្រជាក់លឿន…មានផាសុកភាពដោយកាត់បន្ថយខ្យល់ស្ងួតមកប៉ះដោយផ្ទាល់!

– សន្សំសំចៃថាមពល

– គ្មានសំឡេងរំខាន

– បរិមាណខ្យល់ត្រជាក់បញ្ចេញបាន 100% អាចបាញ់ខ្យល់ត្រជាក់សាយភាយបានសព្វគ្រប់ទីកន្លែងបានល្អ!

– អាចបើកប្រើជាប់បានពេញមួយថ្ងៃដោយគ្មានបញ្ហា

* ការច្នៃប្រឌិត

– ការបង្ហាញភ្លើង LED ដែលធ្វើឱ្យលោកអ្នកដឹងពីការកំណត់នូវលំហូរខ្យល់យ៉ាងងាយស្រួលដែលមានការកំណត់បីរួមបញ្ចូលទាំងខ្យល់ផ្តេក និងខ្យល់ត្រង់

ម៉ាស៊ីនត្រជាក់ម៉ាក Samsung 360 Cassette ជាជម្រើសដ៏ល្អបំផុតសម្រាប់អាជីវកម្មដ៏ជោគជ័យរបស់លោកអ្នក! បើទិញម៉ាស៊ីនត្រជាក់ 360 Cassette ត្រូវទិញផលិតផល សាមសុង ដែលនាំចូលផ្លូវការ! ព្រោះលោកអ្នកនឹងទទួលបានការជួសជុលរយៈពេល ១ ឆ្នាំឥតគិតថ្លៃ (គ្រឿងបន្លាស់ និងសេវាកម្ម) និងទទួលបានផលិតផលដែលមានគុណភាពល្អស្របតាមស្តង់ដារអន្តរជាតិជាមួយនឹងប្រូម៉ូសិនពិសេសៗផងដែរ!!

សម្រាប់ព័ត៌មានបន្ថែមលោកអ្នកអាចអញ្ជើញមកកាន់ហាងទំនើប សាមសុង ដែលនៅជិតបំផុតដោយផ្ទាល់ ឬក៏អាចធ្វើការទំនាក់ទំនងមកកាន់សេវាបម្រើអតិថិជនដោយឥតគិតថ្លៃតាមរយៈលេខទូរស័ព្ទ៖ 1800 203 232 !

September 11, 2020

សូមអញ្ជើញចូលរួមបើកបរសាកល្បងរថយន្ត Ford Ecosport ដោយសេរី និងឥតគិតថ្លៃ

សូមអញ្ជើញចូលរួមបើកបរសាកល្បងរថយន្ត Ford Ecosport ដោយសេរី និងឥតគិតថ្លៃ នៅទីលានបើកបរយានយន្ត យ៉ាម៉ាម៉ូតូ ថ្ងៃទី ១២ ខែកញ្ញា ឆ្នាំ២០២០ នៅតំបន់អភិវឌ្ឍន៍កសិទេសចរណ៍ ម៉ុង ឬទ្ធី សែនជ័យ ខេត្តកំពង់ស្ពឺ។ រាល់ការចូលរួមកម្មវិធីនេះ លោកអ្នកនឹងទទួលបានអត្ថប្រយោជន៍ជាច្រើនដូចជា៖

ចូលរួមបើកបរសាកល្បងរថយន្ត Ford Ecosport ដោយឥតគិតថ្លៃ
ទទួលបានបទពិសោធន៍នៃការបើកបរ និងការបណ្តុះបណ្តាលផ្ទាល់ជាមួយអ្នកជំនាញ ឯកទេសរបស់ ក្រុមហ៊ុន Ford
យល់ដឹងអំពីប្រព័ន្ធសុវត្ថិភាព និងបច្ចេកទេសនៃការបើកបររថយន្ត
យល់ដឹងអំពីបច្ចេកទេសនៃការថែទាំយានយន្ត
យល់ដឹងអំពីបច្ចេកវិទ្យា និងអត្ថប្រយោជន៍នៃរថយន្ត Ford Ecosport
ទទួលបានការញុំាអាហារថ្ងៃត្រង់ដោយឥតគិតថ្លៃ
ទំនាក់ទំនងចុះឈ្មោះចូលរួម: 092 643 164
សម្រាប់ទីតាំងសូមចុចលើ តំណរភ្ជាប់ មួយនេះ https://bit.ly/3lV0C9a
សម្រាប់វីដេអូសូមចុចលើ តំណរភ្ជាប់ មួយនេះ https://www.facebook.com/watch/?v=765815920835353

***បញ្ជាក់: អាហារថ្ងៃត្រង់ធ្វើការផ្តល់ជូនសម្រាប់តែអ្នកដែលបានចុះឈ្មោះទុកជាមុនតែប៉ុណ្ណោះ។

September 10, 2020

បើដឹងមុខងារថ្មីៗម៉ាស៊ីនបោកសម្លៀកបំពាក់ សាមសុង Add-Wash ម៉ូឌែល WW90K54E0UW/ST…បានដឹងថាជីវិតកាន់តែងាយស្រួល និងឆ្លាតវៃប៉ុណ្ណា…!!

(ភ្នំពេញ) ថ្ងៃទី ០៩ ខែកញ្ញា ឆ្នាំ២០២០៖ បងៗសុភាពនារីស្ត្រីមេផ្ទះដ៏ឆ្លាតវៃទាំងអស់តែងតែស្រមៃចង់បានការរស់នៅដែលពោរពេញដោយភាពងាយស្រួល និងមានពេលវេលាសម្រាកពីការងារដ៏មមាញឹកពេញមួយថ្ងៃដោយមិនចាំបាច់ត្រូវខ្វាយខ្វល់ក្នុងចិត្ត និងធុញថប់ត្រូវមកចំណាយពេលរាប់ម៉ោង ឬក៏អាចអូសដល់កន្លះថ្ងៃទើបបោករួចរាល់ទៀតទេ! ជាមួយនឹងម៉ាស៊ីនបោកគក់ សាមសុង Add-Wash ម៉ូឌែល WW90K54E0UW/ST បញ្ហាទាំងអស់ហ្នឹងគឺគ្រាន់តែជារឿងព្រេង ឬរឿងអតីតតែប៉ុណ្ណោះ…!

កាលពីវគ្គមុនក្រុមហ៊ុនបានធ្វើការបង្ហាញពី៖

– មុខងារបោកលឿនរហ័សសម្រាប់ខោអាវតិច

– មុខងារបោកសន្សំសំចៃភ្លើង

– មុខងារបោកសម្អាតដោយចំហាយទឹកក្តៅសម្លាប់មេរោគ…បាក់តេរី…អាឡែកហ្ស៊ីផ្សេងៗបាន 99.90%

– មុខងារសម្រាប់បោកសម្លៀកបំពាក់ក្មេង ឬកូនតូច

– មុខងារបោកសម្អាតសម្ភារៈបន្ទប់គេង កម្រាលពូក ស្រោមខ្នើយ ។ល។

– មុខងារបោកសន្សំសំចៃទឹក-ភ្លើង និងមុខងារបោកខោអាវធ្វើការជាដើម…

ប៉ុន្តែថ្ងៃនេះក្រុមហ៊ុននឹងបង្ហាញជូននូវជម្រើសមុខងារដ៏វៃឆ្លាតផ្សេងទៀតដែលល្អស័ក្តិសមបំផុតសម្រាប់តម្រូវការលោកអ្នកដូចខាងក្រោមនេះ៖

* Daily Wash

នេះគឺជាមុខងារបោកសម្លៀកបំពាក់ប្រចាំថ្ងៃដែលផ្តល់នូវភាពងាយស្រួលដល់លោកអ្នកក្នុងការបោកសម្លៀកបំពាក់ដោយមិនចាំបាច់ត្រូវចុចប៊ូតុងច្រើនព្រោះម៉ាស៊ីនបោកនឹងធ្វើការចងចាំនូវមុខងារដែលលោកអ្នកធ្លាប់ជ្រើសរើសបោករាល់ថ្ងៃ និងញឹកញាប់ជាប់ជានិច្ច!

* Dark Garment

មុខងារនេះគឺសម្រាប់បោកសម្លៀកបំពាក់ណាដែលមានពណ៌ដិត ឬក្រម៉ៅ។ម៉ាស៊ីននឹងធ្វើការបោកជម្រះច្រើនទឹកលើសមុខងារបោកធម្មតាដើម្បីអោយសម្លៀកបំពាក់ស្អាតល្អ។

* Wool

មុខងារនេះគឺល្អស័ក្តិសមបំផុតសម្រាប់ប្រភេទសម្លៀកបំពាក់សាច់ក្រណាត់ចាក់ឬសាច់អំបោះដែលធ្វើការបោកសម្អាតដោយយកចិត្តទុកដាក់ និងថ្នមបំផុត! ដូច្នេះលោកអ្នកនឹងលែងបារម្ភថាសម្លៀកបំពាក់សាច់ក្រណាត់ចាក់រសាត់សរសៃអំបោះ…រួចដាច់សាច់ក្រណាត់ទៀតឡើយ…!!

យ៉ាងម៉េចដែរ? យើងនឹងមិនសួរលោកអ្នកថាមុខងារមួយណាជាជម្រើសនៃការបោកគក់របស់លោកអ្នកឡើយ…ប៉ុន្តែយើងជឿជាក់ និងប្រាកដចិត្តថាលោកអ្នកពិតជាត្រូវការនូវជម្រើសទាំងអស់នេះជាក់ជាពុំខានឡើយ…! ត្រូវអត់? និយាយដូចដឹងចិត្ត…មិនត្រឹមតែដឹងចិត្តទេ…ថែមទាំងធ្វើឱ្យសប្បាយចិត្តទៀតផង!!

សម្រាប់ព័ត៌មានលម្អិតបន្ថែមសូមអញ្ជើញមកទស្សនាផលិតផលដោយផ្ទាល់តាមហាងទំនើបចែកចាយផលិតផល សាមសុង ទាំងអស់ដែលនៅជិតលោកអ្នកបំផុតទូទាំងប្រទេស ឬក៏អាចធ្វើការទំនាក់ទំនងទៅកាន់ផ្នែកសេវាបម្រើអតិថិជនតាមរយៈទូរស័ព្ទឥតគិតថ្លៃលេខ៖ 1800-20 32 32 !

* បញ្ជាក់៖ រាល់ការជាវម៉ាស៊ីនបោកសម្លៀកបំពាក់ សាមសុង Add-Wash ម៉ូឌែល ww90K54E0UW/ST តាមបណ្តាដេប៉ូចែកចាយផលិតផល សាមសុង ទាំងអស់កុំភ្លេចសួររកប័ណ្ណធានាផងណា៎…!

September 9, 2020

ក្រុមហ៊ុន ASUS បានបង្ហាញនូវផលិតផលថ្មីរបស់ខ្លួនដែលបានបំពាក់ជាមួយនឹង CPU Intel ជំនាន់ទី១១ ដំបូងគេជាទម្រង់ Intel Evo Platform Design

ក្រុមហ៊ុន ASUS បានប្រកាសពីឡេបថប់ជំនាន់ថ្មីរបស់ខ្លូននៅក្នុងកម្មវិធី Built for Brilliance រួមបញ្ចូលជាមួយនឹង CPU ជំនាន់ទី១១ របស់ Intel^® Core™ និង ជាឡេបថប់ដំបូងគេដែលបានទទួលស្គាល់ជាទម្រង់ Intel^® Evo™ ។ ឡេបថប់ទាំងនោះរួមមាន ZenBook Flip S (UX371), ZenBook S (UX393), ZenBook 14 (UX435EA/EG), ZenBook 14 Ultralight (UX435EAL/EGL), ZenBook Pro 15 (UX535), និង ExpertBook B9 (B9400)។ ឡេបថប់ប្រចាំឆ្នាំ ២០២០ របស់ ASUS បានស្វែងរកដំណោះស្រាយឈានមុខគេក្នុងវិស័យឧស្សាហកម្មដើម្បីផ្តល់នូវផលិតភាពនិងបទពិសោធន៍ដ៏អស្ចារ្យដល់អ្នកប្រើប្រាស់។

កុំព្យូទ័រយួរដៃរបស់ ASUS ជាមួយនឹង Intel Core ជំនាន់ទី ១១ដែលនឹងមាននៅក្នុងទីផ្សារកម្ពុជា

ASUS ZenBook Flip S (UX371)

កុំព្យូទ័រយួរដៃ ZenBook Flip S គឺជាកុំព្យូទ័រយួរដៃ ASUS ដំបូងគេដែលត្រូវបានផ្ទៀងផ្ទាត់ថាជាកុំព្យូទ័រយួរដៃ Intel Evo platform design។ កុំព្យូទ័រយួរដៃនេះមានកម្រាស់ 13.9 mm និង ទម្ងន់ 1.2kg។ អេក្រង់ touchscreen ដែលមានពណ៌អេក្រង់ច្បាស់កម្រិត Ultra-Vivid 4K UHD OLED NanoEdge PANTONE ជាមួយនឹងអេក្រង់ធំទូលាយកម្រិតពណ៌ 100% DCI-P3 color gamut និង VESA DisplayHDR 500 True Black-certified សម្រាប់ពណ៌ខ្មៅ និងភាពឌិតនៃពណ៌អេក្រង់។ វាក៏បានបញ្ជាក់ពី TÜV Rheinland-certified សម្រាប់ការថែរក្សាភ្នែក ហើយវាក៏អាចប្រើប្រាស់ជាមួយនឹងប៊ិចរបស់ ASUS Pen ក្នុងក្មរិតសម្ពាធ 4096។ ZenBook Flip S មានការរចនាលំដាប់ខ្ពស់ប្រកបដោយភាពប្រណិតដែលមានពណ៌ខ្មៅ (Jade Black) ជាមួយនឹងការរំលេចដោយពណ៌ទង់ដែងក្រហម។ កុំព្យូទ័រនេះអាចបង្វិលបានរហូតដល់ 360° អាចប្រើប្រាស់បានជាកុំព្យូទ័រយួរដៃ, និង Tablet ក៏បាន។ ប្រព័ន្ធដំណើរការត្រូវបានផ្ដល់ឲ្យរហូតដល់ Intel Core i7 ជំនាន់ទី ១១ ជាមួយនឹងក្រាហ្វិក Intel Iris Xe រួមបញ្ចូលជាមួយរ៉េមរហូតដល់ទៅ 16GB និង 1 TB PCIe^® 3.0 x4 SSD ។ ZenBook Flip S ផ្តល់នូវរន្ធដោត Thunderbolt ™ 4 USB-C®ចំនួន ២, រន្ធ USB 3.2 Gen 1 Type-A និងរន្ធ HDMI ។ ថ្មដែលមានសមត្ថភាពខ្ពស់នៅក្នុង ZenBook Flip S អាចកាន់បានរយៈពេលរហូតដល់ ១៥ ម៉ោងឯណោះ គឺគ្រប់គ្រាន់សម្រាប់ការធ្វើការពេញមួយថ្ងៃ។

ASUS ZenBook Flip 13 (UX363)

ZenBook Flip 13 មានកម្រាស់ត្រឹមតែ 13.9mm និងទម្ថន់ 1.3kg មានអេក្រង់ដែលអាចបត់បានរហូតដល់ 360°។ វាក៏មាន ErgoLift hinge ដែលអាចបង្ហើបនិងរុញក្តារចុចទៅមុខដើម្បីងាយស្រួលវាយនិងធ្វើឱ្យប្រព័ន្ធត្រជាក់ដើរបានល្អ។ ជាមួយនឹងថ្មដែលមានសមត្ថភាពខ្ពស់ ៦៧ Wh ដែលអាចដំណើរការបានរហូតដល់ទៅ ១៤ ម៉ោងគឺល្អសម្រាប់ការធ្វើការប្រចាំថ្ងៃ។ ZenBook Flip 13 អាចសាកថ្មបានលឿនជាមួយនឹងឆ្នាំងសាកដែលមានថាមពល ៦៥ វ៉ាត់ហើយឧបករណ៍ ASUS USB-C®ងាយស្រួលសាកអាចឱ្យអ្នកប្រើប្រាស់ទាញយកអត្ថប្រយោជន៍ពីឧបករណ៍សាក USB-C ឬ USB-C Power Delivery (PD) យ៉ាងទូលំទូលាយ។ ZenBook Flip 13 បំពាក់អេក្រង់ដែលធំទូលាយ NanoEdge FHD OLED touchscreen ដែលអាចប្រើប្រាស់ជាមួយនឹងប៊ិច ASUS Pen។ អេក្រង់នេះអាចគាំទ្រដល់កម្រិតសម្ពាធ ៤០៩៦ ដែលអាចប្រើប្រាស់បានយ៉ាងងាយស្រួល ។ ZenBook Flip 13 ត្រូវបានបំពាក់ដោយ Intel Core i7 ជំនាន់ទី ១១ ជាមួយនឹងក្រាហ្វិច Intel Iris Xe និងរ៉េមទំហំ 16GB សម្រាប់ការផ្ទុកបានរហូតដល់ 1 TB PCIe 3.0 SSD ។

ASUS ZenBook S (UX393)

ZenBook S គឺជាកុំព្យូទ័រយួរដៃទំហំ ១៣,៩ អ៊ីញដែលអាចទទួលយកបានដោយមានគំរូទម្រង់សមាមាត្រ ៣: ២ ។ វាមានកំរាស់ 15.7mm និងទម្ងន់ 1.35kg និងត្រូវបានរចនាឡើងបានយ៉ាងល្អប្រសើរជាមួយនឹងការបង្រួមដោយលោហៈធាតុដែលមានរាងតូចច្រឡឹង បង្កើតនូវរូបសណ្ឋានផលិតភាពថ្មីគួរឱ្យចាប់អារម្មណ៍។ វាត្រូវបានគេបំពាក់អេក្រង់ទំហំ 3.3K (3300 x 2200) NanoEdge PANTONE touchscreen ដែលមានទំហំអេក្រង់ ៣: ។ ថ្មដែលមានសមត្ថភាពខ្ពស់ 67Wh ជាមួយនឹងការសាកបានយ៉ាងឆាប់រហ័សដែលមាននៅ ZenBook S រហូតដល់ 12 ម៉ោង។ ការរចនាលំដាប់ខ្ពស់ប្រកបដោយភាពប្រណិតដែលមានពណ៌ខ្មៅ (Jade Black) ជាមួយនឹងការរំលេចដោយពណ៌ទង់ដែងពណ៌ក្រហមនិងអក្សរឡូហ្គូ ASUS នៅចំកណ្តាលបន្ថែមភាពទាក់ទាញយ៉ាងល្អឥតខ្ចោះ។ វាក៏មាន ErgoLift hinge ដែលអាចបង្ហើបនិងរុញក្តារចុចទៅមុខដើម្បីងាយស្រួលវាយនិងធ្វើឱ្យប្រព័ន្ធត្រជាក់ដើរបានល្អ។ ZenBook S ត្រូវបានបំពាក់ដោយ Intel Core i7 ជំនាន់ទី ១១ ដែលមានរ៉េមរហូតដល់ 16GB និង 1TB PCIe 3.0 x4 M.4 SSD។ វាមានរន្ធដោត HDMI និងUSB 3.2 Gen 1 Type-A រួមជាមួយនឹងរន្ធដោត Thunderbolt 4 USB-C ចំនួន ២ និងរន្ធដោតកាត MicroSD ។ កាមេរ៉ាអ៊ីប្រភេទ IR (IR Camera) អនុញ្ញាតឱ្យអ្នកប្រើអាចស្កេនមុខបានយ៉ាងងាយស្រួលជាមួយ Window Hello។

ASUS ZenBook 14 Ultralight (UX435EAL/EGL)

មានទម្ងន់ត្រឹមតែ980ក្រាម Zenbook 14 Ultralight មានរួមបញ្ចូលទាំងភាពងាយស្រួលក្នុងការយកតាមខ្លូនជាមួយនឹងសមត្ថភាពដំណើរការខ្លាំង និងមានរូបរាងស្អាតដែលជាជម្រើសដ៍ល្អសម្រាប់អ្នកដែលចូលចិត្តយកលេបថបតាមខ្លួន។ Zenbook 14 Ultralight ដំណើរការដោយប្រព័ន្ធដំណើរការ Intel Corei7 ជំនាន់ទី១១ រួមជាមួយក្រាហ្វិក Intel Iris X^e(UX435EAL) ឬ ក្រាហ្វិកដាច់ NVIDIA^® GeForce^® MX450 (UX435EGL)។ ZenBook 14 Ultralight ត្រូវបានបំពាក់នូវគែមដ៏ស្តើងដែលសឹងតែមិនមានគែមសោះនៅជ្រុងទាំង៤នៃអេក្រង់ដែលពិសេសខ្លាំងត្រង់វាស្តើងខ្លាំងដែលលាតដណ្តប់សឹងតែ92%នៃផ្ទៃលេបថប។ ZenBook 14 Ultralight ត្រូវបានគេឌីហ្សាញដើម្បីផ្តល់នូវបទពិសោធន៏ដ៏ល្អបំផុតសម្រាប់អ្នកប្រើប្រាស់ ជាមួយនឹងក្តារចុចរបស់ASUSដែលផ្តល់ភាពងាយស្រួលក្នុងការវាយបញ្ចូលទិន្នន័យ។ ចំណែកឯ ErgoLift hinge ផ្តល់នូវភាពងាយស្រួលក្នុងការវាយផ្សេងៗនិងមានជាមួយ រន្ធI/O port រួមបញ្ចូលទាំង រន្ធ Thunderbolt 4 USB -C ចំនួន២, USB3.2 Gen1 Type-A, រន្ធHDMI2.0និងរន្ធ Micro SDមួយ។ វាក៏បានរួមបញ្ចូលទាំងIntel wifi6(802.11ax) ដែលជាបច្ចេកវិទ្យាលឿនក្នុងការភ្ជាប់ ដែលមានបន្ថែមជាមួយនឹង ASUS WiFi Master technology។

ASUS ZenBook 14 (UX435EA/EG)

ZenBook 14 គឺជាលេបថបដែលមានសមត្ថភាពខ្លាំងនិង មានទម្ងន់ស្រាលត្រឹមតែ1.19kg។ ZenBook 14 ក៏រួមបញ្ចូលទាំងបច្ចេកវិទ្យាថ្មីរបស់ASUSគឺអេក្រង់ទី២សម្រាប់ធ្វើអោយ ផលិតភាពប្រសើរឡើង និងបំពាក់ជាមួយប្រព័ន្ធដំណើរការ Intel Coreជំនាន់ទី១១ និង ក្រាហ្វិក Intel Iris X^e integrated graphics (UX435EA) រឺក៏ NVIDIA GeForce MX450 discrete graphics។ ការបន្ថែមចុងក្រោយនេះគឺ ZenBook Classic series ក៏មានមានបំពេញជាមួយនឹងរន្ធ I/O ports រួមបញ្ចូលទាំង រន្ធ Thunderbolt 4 USB -C ចំនួន២, USB3.2 Gen1 Type-A, រន្ធHDMI2.0និងរន្ធ Micro SDមួយ,រន្ធដោតកាស។ ZenBook 14 ក៏ផ្តល់នូវគែមដ៏ស្តើងដែលសឹងតែមិនមានគែមសោះនៅជ្រុងទាំង៤នៃអេក្រង់ដែលពិសេសខ្លាំងត្រង់វាស្តើងខ្លាំងដែលលាតដណ្តប់សឹងតែ92%នៃផ្ទៃលេបថបដែលមាន២ទ្រង់ទ្រាយគឺ Pine Grey and Lilac Mist។

ASUS ZenBook 13/14 (UX325/UX425)

Zenbook 13(UX325) និង Zenbook 14 (UX425) គឺជាលេបថបមាន ទំហំ 13និង 14 អ៊ីង ជំនាន់ថ្មីនៃត្រកូល Zenbook ដែលមានរូបរាងកាន់តែស្រាល និងស្តើង ជាងជំនាន់មុន។ Zenbook 13 មានទំងន់ត្រឹមតែ 1.07kg ហើយម៉ូដែលទាំងពីរមានកម្រាស់ស្តើងត្រឹមតែ 13.9mm ប៉ុន្តែការរចនាដ៏ស្តើងនេះ ក៏នៅតែផ្តល់ជូននូវកន្លែងរន្ធដោតដូចជា រន្ធ HDMI, រន្ធ USB Type-A , USB-C, និង MicroSD card reader។ វាគឺជាលេបថបទំហំ 13អ៊ីង និង14អ៊ីង ដែលស្តើងជាងគេ និងផ្តល់ជូននូវការតភ្ជាប់ដ៏ល្អ។ អេក្រង់សឹងតែគ្មានគែម NanoEdge display ផ្តល់ជូននូវបរិវេនអេក្រង់ដល់ទៅ 90% នៃផ្ទៃលេបថប ជាមួយនឹងមុខងារ Ultra-low power 1-watt display ដែលអាចប្រើប្រាស់ថ្មបានយូរ។ អ្នកប្រើប្រាស់នឹងទទួលបានបទពិសោធន៍ក្នុងការប្រើប្រាស់ ASUS NumberPad 2.0, ការប្រប្រាស់ថ្មបានដល់ទៅ 21 ម៉ោង, ការរចនាក្តារចុច Edge-to-edge, Ergolife hinge ដែលធ្វើអោយបាតលេបថបហើបឡើង, និង IR កាម៉េរ៉ា ដែលស្កេនមុខបានយ៉ាងរហ័ស។ Zenbook13/14 មានជម្រើសពីរពណ៌ដ៏ស្រស់ស្អាតគឺ ពណ៌ ប្រផេះ(Pine Grey) និង ពណ៌ ស បែកស្វាយ Lilac Mist។ កម្លាំងខ្លាំងរបស់ CPU Intel Core processor ជំនាន់ទី11 មាន រ៉េម 32GB ដែលអាចធ្វើការបានជាច្រើនមុខក្នុងពេលតែមួយ ជាមួយនឹង 1TB PCIe 3.0 x2 SSDs និង ប្រព័ន្ធ Wifi6(802.11ax) ចុងក្រោយគេបង្អស់ ដែលធ្វើអោយការងាររបស់អ្នកកាន់តែល្អឥតខ្ចោះ។

ASUS VivoBook S13/S14/S15 (S333/S433/S533)

Vivobook S13(S333), S14 (S433), និង S15(S533) ជាប្រភេទលេបថប 13/14/15 អ៊ីងផ្តល់ជូននូវភាពល្អឥតខ្ចោះនៃលក្ខណៈនិងកម្លាំង ដែលបំពាក់ជាមួយរូបរាងដ៏លេចធ្លោរ។ លេបថប Vivobook S បានរចនាជាមួយនឹង Daimond-cut edges ដែលមើលទៅភ្លឺដូចជាគ្រាប់ពេជ្រ និងផ្ទៃឆ្នូតរលោង មានជម្រើសពណ៌ជាច្រើនដែលអ្នកអាចជ្រើសរើសទៅតាមបុគ្គលិកលក្ខណៈរបស់អ្នក។ អ្វីដែលពិសេសនោះគឺ ការរចនាពណ៌នៅលើ Enter Key ដែលមិនមានពីមុនមក និងមានភាពស្រស់ស្អាត។ Vivobook S ថ្មីនេះបានបំពាក់ជាមួយនឹង CPU Intel Core i7 ជំនាន់ទី11 ជាមួយនឹង Intel Iris X^egraphics, មានរ៉េម 16GB, PCIe SSD ជាមួយនឹង Intel^® Optane™ Memory H10 ដែលជូននូវល្បឿនលឿន ក៏ដូចជាការផ្តល់ជូននូវរន្ធដោតដែលសាកសមក្នុងការប្រើប្រាស់ផងដែរ។

ASUS VivoBook 14/15 (K413/K513/X413/X513)
Vivobook 14/15 ជាលេបថបចម្រុះពណ៌ដែលបង្កើតឡើង សម្រាប់តម្រូវការនិងការកំសាន្ត។ លេបថប X413/X513 ជាម៉ូដែលដែលមានតួជាប្លាស្ទីក មានជម្រើសពណ៌ដូចជា ពណ៌ស (Dreamy White) ពណ៌ខៀវ (Cobalt Blue) និងពណ៌ខ្មៅ ( Bespoke Black)។ រីឯ ម៉ូដែល K413 និង K513 ត្រូវបានរចនាគំរបពីដែក ដែលមានពណ៌ ទឺកមាស (Hearty Gold) ពណ៌ខ្មៅ (Indie Black) និងពណ៌ទឹកប្រាក់ (Transparent Silver)។ ការបំពាក់ជាមួយនឹង CPU Intel Corei7 ជំនាន់ទី 11 និង ក្រាហ្វិក Intel Iris X^e, រ៉េម16GB, Wifi6, និងសមត្ថភាពរបស់ PCie SSD បានធ្វើអោយ Vivobook 14 និង 15 ផ្តល់ជូនដល់អ្នកប្រើប្រាស់នូវបទពិសោធន៏ដ៏អស្ចារ្យ។ ASUS NumberPad 2.010 របស់ Vivobook 14 បានធ្វើអោយការងារគណនារបស់អ្នកកាន់តែមានភាពងាយស្រួលនិងមានប្រសិទ្ធិភាព, ការរចនាពណ៌នៅលើ Enterkey, ក៏ដូចជាការបំពាក់នូវ Dual-storage នៅលើ Vivobook 15 ដែលធ្វើអោយល្បឿនដំណើរការនៃ SSD និង HDD កាន់តែលឿន។

September 8, 2020

ក្រុមហ៊ុន CPL ទទួលសិទ្ធលក់ផ្តាច់មុខលក់គម្រោង Gold Residence ដែលផ្តល់ការបន្ថែមកាន់តែពិសេសក្នុងខែកញ្ញានេះ

ក្រុមហ៊ុន CPL ដែលជាក្រុមហ៊ុនអចលនទ្រព្យមានបទពិសោធន៍យូរជាងគេនៅកម្ពុជា បានទទួលសិទ្ធលក់ផ្តាច់មុខសម្រាប់គម្រោង Gold Residence ដែលជាគម្រោងប្រកបដោយសក្តានុពលមួយក្នុងរាជធានីភ្នំពេញ។

លោក ដែង តារា ប្រធានផ្នែកទីផ្សារនៃក្រុមហ៊ុនអចលនទ្រព្យ CPL បានលើកឡើងថា គម្រោង Gold Residence ជាគម្រោងប្រកបដោយសក្តានុពលមួយសម្រាប់ប្រជាជនដែលចង់ស្វែងរកផ្ទះសម្រាប់ធ្វើអាជីវម្ម និងសម្រាប់រស់នៅកសាងសុភមង្គលគ្រួសារ ព្រោះ Gold Residence ជាគម្រោងដែលស្ថិតចំតំបន់ដែលមានការអភិវឌ្ឍខ្លាំង។ លោកថា Gold Residence ស្ថិតនៅក្នុងខណ្ឌដង្កោ ដែលជាអតីតតំបន់កសិកម្ម ហើយបច្ចុប្បន្ននេះបានប្រែក្លាយជាតំបន់អភិវឌ្ឍ និងមានលំហូរប្រជាជនជាច្រើនពីគ្រប់តំបន់មករស់នៅទីនេះ។ ហេតុនេះ ការរៀបចំហេដ្ឋារចនាសម្ព័ន្ធគឺសុទ្ធតែត្រូវបានធ្វើឡើងដោយយកចិត្តទុកដាក់ ស្អាត សុវត្ថិភាពល្អ និងថ្មីៗប្រកបដោយស្តង់ដាខ្ពស់ សម្រាប់ឆ្លើយតបជាមួយនឹងកំណើនប្រជាជន និងការអភិវឌ្ឍ។

លោក ដែង តារា បាននិយាយថា៖ «បច្ចុប្បន្ននេះ គម្រោងធំៗជាច្រើនដូចជាផ្សារទំនើបAOEN និងគម្រោងបុរី រួមទាំងគម្រោងលំនៅដ្ឋានប្រណីតៗសុទ្ធតែបានបោះទីតាំងនៅក្នុងខណ្ឌដង្កោនេះ។ ហេតុនេះ យើងសង្ឃឹមថាគម្រោង Gold Residence នឹងអាចនឹងលក់អស់ទាំងស្រុងក្នុងរយៈពេល 2ខែទៀត»។

អ្នកជំនាញអចលនទ្រព្យខាងលើបានបន្ថែមទៀតថា ជាឱកាសល្អសម្រាប់អតិថិជន ប្រសិនបើចាប់អារម្មណ៍លើគម្រោង Gold Residence អាចកក់ ឬចុះកុងត្រាទិញនៅក្នុងខែកញ្ញានេះ នឹងទទួលបានការបន្ថែមមួយជាន់ខាងលើសម្រាប់ផ្ទះប្រភេទ Link House និងទទួលបាន 6,000ដុល្លារសម្រាប់ផ្ទះអាជីវកម្ម (shop house) ខណៈពេលដែលមកដល់ពេលនេះគ្រោងនេះបានលក់អស់ប្រមាណ 25% ហើយ។

លោក វិត រ៉ូ ឌីន នាយកគ្រប់គ្រងគម្រោង Gold Residence បានបញ្ជាក់ផងដែរថា ហេតុផលដែលក្រុមហ៊ុនរបស់លោកវិនិយោគលំនៅដ្ឋានក្នុងទីតាំងខណ្ឌដង្កោ ជិតផ្លូវក្រវ៉ាតក្រុង (60ម៉ែត្រ) នេះ ដោយសារតែវាជាទីតាំងនៅចំកណ្តាលតំបន់អភិវឌ្ឍសំខាន់។ Gold Residence ស្ថិតនៅជិតរង្វង់មូលកួរស្រួវ ផ្សារអ៊ីអន នៅពីក្រោយរោងចក្រ និងផ្សារព្រែកជ្រៃ ដែលជាទីតាំងអំណោយផលសម្រាប់ការធ្វើអាជីវកម្ម និងការរស់នៅ។

លោក វិត រ៉ ឌីន បាននិយាយថា លក្ខខណ្ឌពិសេសថ្មីមួយបន្ថែមទៀតសម្រាប់គម្រោង Gold Residence គឺគម្រោងនេះមានការគិតគូរច្បាស់លាស់ពីគុណភាពសំណង់ និងសោភណ្ឌភាព។ ហេតុនេះហើយទើបចាប់ពីពេលបុកគ្រឹះរហូតមកដល់ពេលនេះ យើងទទួលការកក់ និងទិញអស់ប្រមាណ 25% រួចបាត់ទៅហើយ។ ក្រុមហ៊ុនរំពឹងថាអាចនឹងលក់អស់ក្នុងពេលឆាប់ៗខាងមុខនេះ ហើយក៏មានគម្រោងផងដែរសម្រាប់បោះទីតាំងអភិវឌ្ឍ Gold Residence ទី២ ក្នុងពេលឆាប់ៗនេះ៕

September 8, 2020

ក្រុមហ៊ុន សាមសុង នៅតែបន្តផ្តល់ជូននូវកម្មវិធីបណ្តុះបណ្តាល Samsung Tech Institute ជូនដល់សិក្ខាកាមសម្រាប់ឆ្នាំ 2020!

(ភ្នំពេញ) ថ្ងៃទី ០៨ ខែកញ្ញា ឆ្នាំ ២០២០ ៖ ការប្តេជ្ញាចិត្តយ៉ាងមុតមាំក្នុងការផ្តល់ជូននូវផលិតផលដែលមានគុណភាពខ្ពស់…តម្លៃសមរម្យ…និងសេវាកម្មដ៏ល្អឥតខ្ចោះជូនដល់អតិថិជនគ្រប់លំដាប់ថ្នាក់ក៏ដូចជាការអភិវឌ្ឍន៍ឥតឈប់ឈរប្រកបដោយចីរភាព…តម្លាភាព…សមភាព…និងគុណភាពដល់សហគមន៍ដែលខ្លួនកំពុងធ្វើប្រតិបត្តិការគឺជាចក្ខុវិស័យស្នូលរបស់ក្រុមហ៊ុន សាមសុង!

នេះជាលើកទី 2 ហើយដែលក្រុមហ៊ុន សាមសុង បានយកចិត្តទុកដាក់ដោយបង្កើតនូវវគ្គសិក្សាដែលមានឈ្មោះថា Samsung Tech Institute ជូនដល់សិក្ខាកាមដែលកំពុងសិក្សានៅវិទ្យាស្ថានជាតិបណ្តុះបណ្តាលបច្ចេកទេសហៅកាត់ថា (NTTI) សម្រាប់ឆ្នាំ2020 នេះ។

សូមបញ្ជាក់ថាវគ្គសិក្សាថ្មីនេះគឺមានរយៈពេលចំនួន 9 សប្តាហ៍ ដែលចាប់ផ្តើមពីថ្ងៃទី 05 ខែកញ្ញា ឆ្នាំ2020 នេះតទៅដោយផ្តោតសំខាន់លើមុខជំនាញសំខាន់ៗ និងពិសេសដូចជា៖

* ជំនាញជួសជុលផ្នែកបរិក្ខារអេឡិចត្រូនិច (CE)៖ ម៉ាស៊ីនត្រជាក់…ម៉ាស៊ីនបោកខោអាវ…ទូទឹកកក…និងទូរទស្សន៍។

* ជំនាញស្មាតហ្វូន (IM)៖ ទូរស័ព្ទវៃឆ្លាត

សូមរំឮកផងដែរថាសម្រាប់វគ្គសិក្សានេះទាំងគ្រូបង្គោល និងសាស្ត្រាចារ្យទាំងអស់ គឺសុទ្ធសឹងតែត្រូវបានបំពាក់បំប៉នយ៉ាងល្អ និងយកចិត្តទុកដាក់បំផុតពីអ្នកជំនាញរបស់ក្រុមហ៊ុន សាមសុង។

អ្វីដែលពិសេស និងអស្ចារ្យបំផុតក្រោយពីការបញ្ចប់វគ្គសិក្សា វិទ្យាស្ថានក៏មានរៀបចំការប្រឡងដោយតឹងរ៉ឹងបំផុតដើម្បីជ្រើសរើសសិក្ខាកាមឆ្នើម…មានពិន្ទុខ្ពស់ជាងគេ…និងលេចធ្លោជាងគេឱ្យមានឱកាសទៅបន្តហាត់ការបន្ថែមទៀតនៅឯមជ្ឈមណ្ឌលសេវាកម្មជួសជុលផលិតផល សាមសុង ផងដែរ!

ក្នុងនាមជាក្រុមហ៊ុនបច្ចេកវិទ្យាឈានមុខគេ និងធំជាងគេក្នុងពិភពលោក ទោះជាស្ថិតក្នុងកាលៈទេសៈណាក៏ដោយក៏ សាមសុង នៅតែព្យាយាមប្រឹងប្រែងបំផុតធ្វើយ៉ាងណាផ្តល់ជូននូវការសិក្សា និងបណ្តុះបណ្តាលបន្តបន្ទាប់ទៀតដើម្បីបង្កើននូវជំនាញ ចំណេះដឹង ដល់សហគមន៍ទូទាំងពិភពលោកទាំងមូលក៏ដូចជាប្រទេសកម្ពុជា ផងដែរ។

ជាចុងក្រោយ ក្រុមហ៊ុន សាមសុង សូមលើកទឹកចិត្ត និងជម្រុញឱ្យសិក្ខាកាមទាំងអស់ថែទាំសុខភាពឱ្យបានល្អ…តស៊ូព្យាយាម អត់ធ្មត់ខិតខំប្រឹងប្រែងរៀនសូត្រក្រេបយកចំណេះដឹង…ជំនាញដើម្បីក្លាយខ្លួនជាកម្លាំងស្នូល និងធនធានមនុស្សដ៏មានសក្តានុពលសម្រាប់ភាពរីកចម្រើនដល់ខ្លួនឯង…ក្រុមគ្រួសារ…សហគមន៍…សង្គម…និងប្រទេសជាតិទាំងមូល។

September 8, 2020

កម្មវិធីប្រូម៉ូសិនថែមជូននេះពិសេសកប់ខ្លាំងណាស់ …!! តោះ…មកទទួលយកកម្មវិធីប្រូម៉ូសិនដ៏ពិសេសសម្រាប់បុណ្យភ្ជុំបិណ្ឌពី សាមសុង!

(ភ្នំពេញ) ថ្ងៃទី ០៧ ខែកញ្ញា ឆ្នាំ២០២០៖ កាន់តែរំភើប…និងកាន់តែសប្បាយរីករាយជាមួយនឹងកម្មវិធីប្រូម៉ូសិនថែមជូនយ៉ាងពិសេសសម្រាប់ឱកាសកាន់បិណ្ឌ និងបុណ្យភ្ជុំបិណ្ឌនេះ! រាល់ការទិញស្មាតហ្វូនស៊េរី A Samsung Galaxy A31, Galaxy A21s, និង Galaxy A11 ចាប់ពីថ្ងៃទី ០១ ខែកញ្ញា ឆ្នាំ ២០២០ ដល់ថ្ងៃទី ៣០ ខែកញ្ញា ឆ្នាំ ២០២០ នៅតាមហាង ឬដេប៉ូចែកចាយផលិតផល សាមសុង ទាំងអស់ទូទាំងប្រទេសអតិថិជនទាំងអស់នឹងទទួលបានការថែមជូន Power Bank កម្លាំង 10000 mAh ហ្ស៊ីន ដ៏ស្រស់ស្អាត មានគុណភាពខ្លាំង សាកទូរស័ព្ទឆាប់ពេញលឿន (Fast Charge) ១ គ្រាប់ភ្លាម…!!

ដូច្នេះសម្រាប់អតិថិជនដែលចង់បានស្មាតហ្វូនដែលមានគុណភាពល្អ…ថតរូបបានស្អាត…ម៉ាស៊ីនដើរលឿន…លេងហ្វេសប៊ុកបានម៉ាអេម…កម្សាន្តវីដេអូបានយ៉ាងត្រជាក់ភ្នែកជាមួយនឹងអេក្រង់ធំភ្លឺច្បាស់…ថាមពលថ្មធំ និងមានតម្លៃសមរម្យបំផុតនោះ Samsung Galaxy A31, Galaxy A21s, និង Galaxy A11 គឺជាជម្រើសដ៏ល្អស័ក្តិសមបំផុត!

នៅចាំអីទៀត…? ថ្ងៃឈប់សម្រាកក្នុងឱកាសភ្ជុំបិណ្ឌកៀកមកដល់ហើយ…អ៊ីចឹងប្រញាប់ទិញទាំងអស់គ្នាភ្លាមទៅដើម្បីផ្តិតយក និងចែករំលែកអនុស្សាវរីយ៍ផ្អែមល្ហែមជាមួយមនុស្សជាទីស្រឡាញ់ និងការជួបជុំដ៏រីករាយកក់ក្តៅជាមួយក្រុមគ្រួសារ ដោយមិនខកខាន ខាតពេលត្រូវយកទូរស័ព្ទទៅបញ្ចូលថ្ម ឬដណ្តើមព្រីគ្នាសាកថ្មទូរស័ព្ទនោះទេ!

បញ្ជាក់៖ រង្វាន់ថែមជូននេះគឺសម្រាប់តែការទិញចាប់ពីថ្ងៃទី ០១ ខែកញ្ញា ឆ្នាំ ២០២០ ដល់ ថ្ងៃទី ៣០ ខែកញ្ញា ឆ្នាំ ២០២០ តែប៉ុណ្ណោះ!!

សម្រាប់ព័ត៌មានបន្ថែមលោកអ្នកអាចអញ្ជើញទៅធ្វើការសាកសួរដោយផ្ទាល់នៅតាមហាងដេប៉ូចែកចាយផលិតផល សាមសុង ទាំងអស់ដែលនៅជិតលោកអ្នកបំផុតទូទាំងប្រទេស ឬក៏ធ្វើការទំនាក់ទំនងសេវាបម្រើអតិថិជនតាមរយៈលេខទូរស័ព្ទឥតគិតថ្លៃ៖ 1800-203232!

* លក្ខខណ្ឌផ្សេងៗត្រូវបានអនុវត្ត!

September 7, 2020

Urban Village ជាគម្រោងតែមួយគត់ដែលឈ្នះពានរង្វាន់នៃការអភិវឌ្ឍខុនដូល្អបំផុតនៅកម្ពុជា ហើយទទួលបានសិទ្ធបន្តទៅប្រកួតលំដាប់អន្តរជាតិ

បើនិយាយពីគម្រោងខុនដូនៅកម្ពុជា Urban Village ជាគម្រោងដែលលេចធ្លោរមួយក្នុងចំណោមគម្រោងធំៗនៅកម្ពុជា។ ថ្មីនេះគម្រោង Urban Village បានឈ្នះពានរង្វាន់ធំជាងគេ ដែលជាពាននៃការអភិវឌ្ឍខុនដូល្អបំផុតនៅកម្ពុជា។ គម្រោងនេះ ជាគម្រោងតែមួយគត់ពីប្រទេសកម្ពុជាដែលមានឱកាសឈានជើងបន្តទៅប្រកួតតំណាងឱ្យកម្ពុជាក្នុងវគ្គផ្តាច់ព្រ័ត្រ នៅទីក្រុងបាងកក ព្រះរាជាណាចក្រថៃ។

តំណាងក្រុមហ៊ុនអភិវឌ្ឍន៍ Urban Village បានបញ្ជាក់ថា គម្រោង Urban Village បានឈ្នះពានរង្វាន់ធំជាងគេ ដែលជាពាននៃការអភិវឌ្ឍខុនដូល្អ បំផុតនៅកម្ពុជា។ តាមរយៈលទ្ធផលជាវិជ្ជមាននេះ គម្រោងUrban Village នឹងក្លាយជាជាគម្រោងតែមួយគត់ពីប្រទេសកម្ពុជា ដែលមានឱកាសឈានជើងបន្តទៅប្រកួតតំណាងឱ្យប្រទេសកម្ពុជាក្នុងវគ្គផ្ដាច់ព្រ័ត្រដណ្តើមយកពានរង្វាន់ធំដែលនឹងធ្វើឡើងនៅដើមខែធ្នូ ឆ្នាំ2020 នៅប្រទេសថៃ។

លោក Ben Li អគ្គនាយកក្រុមហ៊ុន Urban Hub Cambodia បានលើកឡើងថានៅក្នុងពិធីទទួលពានរង្វាន់ជាច្រើនពីកម្មវិធី PropertyGuru Award កាលពីល្ងាចថ្ងៃទី04 កញ្ញា ឆ្នាំ2020 ថា នៅក្នុងពិធីប្រគល់ពានរង្វាន់ដ៏អស្ចារ្យនេះ វាជាមហាកិត្តិយសខ្លាំងណាស់សម្រាប់យើងខ្ញុំ ព្រោះបណ្ដាក្រុមហ៊ុនធំៗ និងអ្នកវិនិយោគជាច្រើនបានចូលរួម។ នៅពេលដែលក្រុមហ៊ុនឬគម្រោងណាមួយទទួលបានពានរង្វាន់នោះ វារឹតតែធ្វើឱ្យអ្នកអភិវឌ្ឍន៍កាន់តែមានមោទនភាពបន្ថែមទៀតចំពោះការខិតខំប្រឹងប្រែងដើម្បីធ្វើវិស័យអចលនទ្រព្យនៅកម្ពុជាកាន់តែមានលក្ខណៈប្រសើរឡើង។

លោក Ben Li បាននិយាយថា៖ «ការអភិវឌ្ឍអចលនទ្រព្យនៅប្រទេសកម្ពុជាក្នុងដំណាក់កាលនៃការរីករាលដាលជំងឺCovid-19 នេះគឺនៅតែមានភាពរលូនហើយក៏មានក្រុមហ៊ុនខ្លះទទួលបាននូវឱកាសការលក់គម្រោងក៏ដូចជាឱកាសក្នុងការវិនិយោគផងដែរ»។
អ្នកអភិវឌ្ឍអចលនទ្រព្យខាងលើបានបញ្ជាក់ផងដែរថា ចាប់តាំងពីខែកុម្ភៈដល់ខែឧសភា ក្នុងឆ្នាំនេះ ការលក់អចលនទ្រព្យក្នុង្រទេសកម្ពុជា ពិតជាមានការធ្លាក់ចុះមែន ប៉ុន្តែចាប់តាំងពីមិថុនារហូតដល់បច្ចុប្បន្ននេះ ទីផ្សារខុនដូ ហាក់កំណើនឡើងវិញគួរឱ្យកត់សម្គាល់។ លោកថា ការលក់មានកំណើនជាវិជ្ជមានចាប់ពីខែមិថុនារហូតដល់ខែកញ្ញានេះ ដោយសារតែអ្នកវិនិយោគដែលចង់ទិញខុនដូ នៅបរទេសមិនអាចចេញទៅបានឡើយព្រោះប្រទេសមួយចំនួនត្រូវបានបិទ។ ហេតនេះពួកគាត់បានបង្វែរការវិនិយោគរបស់ខ្លួនមកទិញខុនដូ នៅក្នុងប្រទេសកម្ពុជាវិញ ។

ក្រៅពីបានឈ្នះពានរង្វាន់ពានរង្វាន់នៃការអភិវឌ្ឍខុនដូល្អបំផុតនៅកម្ពុជា ក្រុមហ៊ុន Urban Village បានឈ្នះពានរង្វាន់ផ្នែកអភិវឌ្ឍន៍ឈានមុខល្អបំផុត ពានរង្វាន់ក្រុមហ៊ុនអភិវឌ្ឍន៍របៀបរស់នៅល្អបំផុត ពានរង្វាន់ការអភិវឌ្ឍការិយាល័យល្អបំផុត ពានរង្វាន់ការិយាល័យរួមល្អបំផុត និងពានរង្វាន់រចនាម៉ូដស្ថាបត្យកម្មការិយាល័យល្អបំផុត។

គួររំលឹកថាកាលពីខែឧសភា ឆ្នាំ2019 គម្រោង Urban Village បានឈ្នះពានរង្វាន់ចំនួនប្រាំពីកម្មវិធីប្រគួតពាន រង្វាន់ដែលរៀបចំដោយក្រុមហ៊ុនរៀបចំការប្រគួតពានរង្វាន់អចលនទ្រព្យមកពីប្រទេសសិង្ហបុរី។ ការឈ្នះរង្វាន់ដ៏ច្រើនសន្ធឹកសន្ធាប់នេះបានធ្វើឲ្យគម្រោង Urban Village ក្លាយទៅជាគម្រោងតែមួយគត់ដែលឈ្នះពានរង្វាន់រហូតទៅដល់5ក្នុងពេលតែមួយ។

ពានរង្វាន់ទាំងនោះរួមមាន “គម្រោងខុនដូល្អដាច់គេនៅក្នុងប្រទេសកម្ពុជា”, “គម្រោងខុនដូល្អដាច់គេនៅក្នុងទីក្រុងភ្នំពេញ”, “គម្រោងខុនដូដែលមានការចនាផ្នែកស្ថាបត្យកម្មទេសភាពខាងក្រៅល្អដាច់គេ”, “គម្រោងខុនដូដែលមានការរចនាផ្នែកស្ថាបត្យកម្មល្អដាច់គេ” និងពានរង្វាន់ចុងក្រោយគឺ “គម្រោងខុនដូដែលមានការរចនាប្លង់ផ្នែកខាងក្នុងល្អដាច់គេ៕

September 6, 2020

ពានរង្វាន់ PropertyGuru Cambodia Property Award លើកទី៥ ត្រឡប់មកប្រារព្ធព្រឹត្តិការណ៍រាត្រីស្រមោសនៅរាជធានីភ្នំពេញដោយមានការប្រកាសអ្នកទទួលជ័យលាភីសម្រាប់ពានរង្វាន់ឆ្នាំ២០២០

ពន្លឺដ៏ភ្លឺស្វាងបំផុតនៅក្នុងវិស័យអចលនទ្រព្យប្រចាំប្រទេសនឹងត្រូវបានប្រារព្ធឡើងនៅសណ្ឋាគារសូហ្វីតែលភ្នំពេញភូគីត្រា ស្ថិតនៅរាជធានីភ្នំពេញ សម្រាប់ការប្រគល់ពានរង្វាន់អចលនទ្រព្យ PropertyGuru Cambodia Property Awards លើកទី៥ ដែលព្រឹត្តិការណ៍នេះត្រូវបាននាំមកជូនដោយ Hitachi Elevators and Escalators ដែលបានប្រព្រឹត្តទៅនៅថ្ងៃសុក្រទី៤ ខែកញ្ញា។

ពានរង្វាន់ប្រមាណច្រើនជាង ៣០ និងគោរមងារខ្ពស់បំផុតដែលមានភាពខុសៗគ្នាជាង ២៥ ត្រូវបានប្រគល់ជូនក្រុមហ៊ុនស្ទើរតែទាំងអស់ ដែលតំណាងឱ្យក្រុមហ៊ុននិងគម្រោងអភិវឌ្ឍន៍ល្អបំផុតនៅក្នុងប្រទេស។

ក្នុងចំណោមក្រុមហ៊ុនទទួលជ័យលាភីចំនួន ៨ ដែលបានឈ្នះពានរង្វាន់ ក្រុមហ៊ុន Meridian International Holding (Cambodia) Ltd. ជាក្រុមហ៊ុនដែលបានទទួលពានរង្វាន់ធំបំផុតប្រចាំរាត្រីស្រមោស។ ក្រុមហ៊ុននេះត្រូវបានផ្តល់គោរមងារជាក្រុមហ៊ុនអភិវឌ្ឍន៍ល្អបំផុត និងក្រុមហ៊ុនអភិវឌ្ឍន៍ការប្រើប្រាស់ចម្រុះល្អបំផុត (Best Developer and Best Mixed Use Developer) សម្រាប់ការងារឆ្នើមលើគម្រោង Flatiron របស់ខ្លួន, ដោយបានឈ្នះពានរង្វាន់ចំនួន៤ រួមទាំង ការអភិវឌ្ឍន៍អាប់ផាតមិនផ្តល់សេវាកម្មល្អបំផុត និងការរចនាស្ថាបត្យកម្មប្រើប្រាស់ចម្រុះល្អបំផុត (Best Serviced Apartment Development and Best Mixed Use Architectural Design។

ក្រុមហ៊ុនដែលបានឈ្នះពានរង្វាន់មួយទៀត គឺក្រុមហ៊ុន Urban Hub (Cambodia) Co., Ltd. ដោយទទួលបានពានរង្វាន់ក្នុងប្រភេទជាក្រុមហ៊ុនអភិវឌ្ឍន៍ឈានមុខល្អបំផុត (Best Breakthrough Developer) ។ ក្រុមហ៊ុននេះក៏ទទួលបាននូវរង្វាន់អភិវឌ្ឍន៍ចម្បងចំនួនពីរប្រចាំព្រឹត្តិការណ៍រាត្រីស្រមោស គឺរង្វាន់សម្រាប់ការអភិវឌ្ឍន៍ខុនដូល្អបំផុត (កម្ពុជា) និងការអភិវឌ្ឍន៍ខុនដូល្អបំផុត (ភ្នំពេញ) សម្រាប់គម្រោង Urban Village និង Factory Phnom Penh។

ក្រុមហ៊ុន ប៉េងហួត គ្រុប (Peng Huoth Group) ដែលបានឈ្នះពានរង្វាន់ចំនួនបួនលើកជាក្រុមហ៊ុនអភិវឌ្ឍន៍ល្អបំផុត បានឈ្នះពានរង្វាន់ថ្មីជាក្រុមហ៊ុនអភិវឌ្ឍន៍របៀបរស់នៅល្អបំផុត (Best Lifestyle Developer)។ គម្រោងទីក្រុងដ៏មហិមា ស្តារផ្លាទីនឹមអេកូខូលិចសិនជំហានទី១ (Star Platinum Eco Collection Phase I) បានទទួលរង្វាន់អភិវឌ្ឍន៍លំនៅដ្ឋានល្អបំផុត (កម្ពុជា)។

ក្រុមហ៊ុន Morganford Investment (Cambodia) Co., Ltd. ដែលបានទទួលការកោតសរសើរយ៉ាងខ្លាំងចំពោះការទទួលបាននូវគោរមងារជាក្រុមហ៊ុនអភិវឌ្ឍន៍ឈានមុខល្អបំផុត និងជាក្រុមហ៊ុនអភិវឌ្ឍន៍របៀបរស់នៅល្អបំផុត (Best Breakthrough Developer and Best Lifestyle Developer) បានឈ្នះពានរង្វាន់ចំនួន៣ សម្រាប់គម្រោងអភិវឌ្ឍន៍ខុនដូ អគារ Morgan Tower និងគម្រោងខុនដូ Morgan EnMaison របស់ខ្លួន។

ក្រុមហ៊ុនអភិវឌ្ឍន៍គម្រោងផ្សេងទៀតសម្រាប់ទីតាំងស្ថិតនៅក្រៅទីក្រុងភ្នំពេញ ក៏មានវត្តមានក្នុងការប្រកួតប្រជែងពានរង្វាន់ក្នុងវិស័យដ៏មានកិត្យានុភាពក្នុងឆ្នាំនេះផងដែរ។ គម្រោងភូមិបាគង(Bakong Village) និងគម្រោងរូស៍អេបផលស្វែរ(Rose Apple Square) បានឈ្នះពានរង្វាន់ថ្មី សម្រាប់គម្រោងអភិវឌ្ឍន៍ទីក្រុងល្អបំផុត (សៀមរាប) និងគម្រោងអភិវឌ្ឍន៍លំនៅដ្ឋានល្អបំផុត (សៀមរាប) (Best Township Development (Siem Reap) and Best Residential Development (Siem Reap))។ រង្វាន់ថ្មីផ្សេងមួយទៀតសម្រាប់ការអភិវឌ្ឍន៍ខុនដូល្អបំផុត (ជាយក្រុងភ្នំពេញ) បានទៅគម្រោង La Vista One ដែលអភិវឌ្ឍន៍ដោយក្រុមហ៊ុន Yin Yi Venture Co., Ltd ។

បុគ្គលឆ្នើមសម្រាប់អចលនៈទ្រព្យកម្ពុជាប្រចាំឆ្នាំ ត្រូវបានប្រគល់ជូនលោក Hok Kang ដែលជាស្ថាបនិក និងជានាយកក្រុមហ៊ុន Urbanland Asia Investment Co., Ltd និងក្រុមហ៊ុន HKA & Partner។ ពានរង្វាន់តែមួយគត់គឺមិនត្រូវបានជ្រើសរើសដោយគណៈកម្មការវាយតម្លៃទេប៉ុន្តែដោយអ្នកកែសំរួលរបាយការណ៍ PropertyGuru Property អ្នកទទួលបានគោរមងារនេះត្រូវបានជ្រើសរើសដោយការអភិវឌ្ឍន៍គំរូរបស់គាត់ដែលបានបង្កើនគុណភាពអគារនិងស្តង់ដាររចនានៅក្នុងប្រទេសកម្ពុជា។ ផលប័ត្រនៃគម្រោងរបស់គាត់ផ្តោតលើការផ្តល់ “កន្លែងជាច្រើនដែលប្តេជ្ញាចំពោះព្រះរាជាណាចក្រ ប្រជាជននិងអនាគត” ពីផ្ទះដែលមានតំលៃសមរម្យដែលអាចអោយប្រជាជននៅជាយក្រុងអាចរស់នៅប្រកបដោយភាពថ្លៃថ្នូរហូតដល់សណ្ឋាគារប្រណីតដែលលើកកម្ពស់ដល់ការយល់ដឹងអំពីបរិស្ថានផងដែរ។

វិធានការសុវត្ថិភាពត្រូវបានអនុវត្តនៅនឹងកន្លែងនាថ្ងៃរៀបចំព្រឹត្តិការណ៍រាត្រីស្រមោស ដែលរួមបញ្ចូលទាំងការពិនិត្យកម្តៅ លើភ្ញៀវនិងបុគ្គលិក ការចែកម៉ាសដល់បុគ្គលិកសណ្ឋាគារទាំងអស់ ដែលពាក់ព័ន្ធនឹងព្រឹត្តិការណ៍នេះ ព្រមទាំងដាក់ឱ្យមានការលាងសម្អាតអនាម័យដៃនៅពេលចុះឈ្មោះ។ ចំនួនតុនៅក្នុងសាលប្រជុំគឺមានចំនួនកំណត់ ដើម្បីធានាឱ្យបាននូវគម្លាតសង្គមសុវត្ថិភាព។

លោក Hari V. Krishnan នាយកប្រតិបត្តិនិងជានាយកគ្រប់គ្រងក្រុមហ៊ុន PropertyGuru Group បានមានប្រសាសន៍ថា “យើងមានសុទិដ្ឋិនិយមថាអ្នកឈ្នះពានរង្វាន់និងអ្នកទទួលគោរមងារខ្ពស់បំផុត ពី ពានរង្វាន់ PropertyGuru Cambodia Property Awards នឹងឈានមុខគេក្នុងការជួយអ្នកស្វែងរកអចលនទ្រព្យឱ្យកាន់តែប្រសើរ មានជម្រើសកាន់តែទូលំទូលាយក្នុងការស្វែងរកគេហដ្ឋាននិងប្រភេទអចលនទ្រព្យផ្សេងទៀតទូទាំងព្រះរាជាណាចក្រ។ គម្រោងលេចធ្លោទាំងនេះ ពិតជាមានសក្ខីភាពចំពោះភាពរឹងមាំនិងភាពធន់ដោយអ្នកសាងសង់ផ្ទាំងគំនូរអាគារខ្ពស់ៗក្នុងប្រទេស នាសម័យដ៏អស្ចារ្យនេះ” ។

គណៈកម្មការវាយតម្លៃ មានការចូលរួមពី ប្រធានពានរង្វាន់ លោក សន សៀប (Sorn Seap) ជាស្ថាបនិកនិងជានាយកក្រុមហ៊ុន Key Real Estate Co., Ltd, លោក David Littlejohn ជាអ្នកគ្រប់គ្រងផ្នែកទីផ្សារនិងផ្នែកលក់នៃក្រុមហ៊ុន Comin Khmere, អ្នកស្រី Jenny Chea Sok You ជានាយកស្ថាបត្យករនិងជានាយកគ្រប់គ្រងក្រុមហ៊ុន CMED Construction លោក Jovany Antonio ជានាយកនិងជាស្ថាបនិកក្រុមហ៊ុន CMS Property Management, លោក Michel Cassagnes ជានាយកគ្រប់គ្រងក្រុមហ៊ុន Archetype Cambodia, លោក Pak Chanlino ជាដៃគូគ្រប់គ្រងនិងជាមេធាវីនៃក្រុមហ៊ុនមេធាវី Vinaya, លោក Simon Griffiths ជានាយកគ្រប់គ្រងក្រុមហ៊ុន The Mall Company, លោកបណ្ឌិត Simon Vancliff ជានាយកប្រតិបត្តិក្រុមហ៊ុន WB Sport Village Co., Ltd. និងលោកស្រី Thida Ann ជានាយកគ្រប់គ្រងក្រុមហ៊ុន CBRE Cambodia។

ក្រុមហ៊ុន BDO Cambodia បានចូលរួមត្រួតពិនិត្យនិងគាំទ្រដល់ដំណើរការនៃការវិនិច្ឆ័យដោយតម្លាភាពនិងយុត្តិធម៌ ប្រកបដោយក្រមសីលធម៌និងភាពហ្មត់ចត់ ក្រោមការត្រួតពិនិត្យដោយលោក Lim Seng Siew ជាដៃគូ , លោកស្រី Va Dalis ជំនួយការអ្នកគ្រប់គ្រង និងលោក Phan Darasy បុគ្គលិកជាន់ខ្ពស់។

ពានរង្វាន់ PropertyGuru Cambodia Property Awards លើកទី៥ ក្នុងឆ្នាំ២០២០នេះ ត្រូវបានគ្រាំទ្រដោយក្រុមហ៊ុន Hitachi Elevators & Escalators ដែលជាក្រុមហ៊ុនដៃគូឧបត្ថម្ភ platinum sponsor, ក្រុមហ៊ុន CBRE Cambodia ដែលជាក្រុមហ៊ុនដៃគូឧបត្ថម្ភ gold sponsor, ក្រុមហ៊ុន Jotun និងក្រុមហ៊ុន CAM Business Consultancy ដែលជាក្រុមហ៊ុនដៃគូឧបត្ថម្ភ silver sponsors, ទស្សនាវដ្តីផ្លូវការ PropertyGuru Property, ដៃគូផ្សព្វផ្សាយ Construction & Property, ទស្សនាវដ្តី Southeast Asia Globe, ក្រុមហ៊ុនផ្សព្វផ្សាយ Siemreap.net និងក្រុមហ៊ុន BizKhmer, ដៃគូទំនាក់ទំនងសាធារណៈផ្លូវការនៃក្រុមហ៊ុន Two Way PR ដៃគូសប្បុរសធម៌ Right To Play និងអ្នកគ្រប់គ្រងផ្លូវការនៃក្រុមហ៊ុន BDO។

សម្រាប់ព័ត៌មានបន្ថែម សូមទាក់ទងតាមអ៊ីមែល [email protected] ឬចូលអានគេហទំព័រផ្លូវការ៖

AsiaPropertyAwards.com

September 5, 2020

ចំណុចខ្លាំងអស្ចារ្យដែលនឹកស្មានមិនដល់នៅលើ Galaxy Note 20 | Galaxy Note 20 Ultra ជាមួយនឹងកម្មវិធីប្រូម៉ូសិនដ៏ភ្ញាក់ផ្អើលបំផុតមិនធ្លាប់មាន…!!

(ភ្នំពេញ) ថ្ងៃទី ០៤ ខែកញ្ញា ឆ្នាំ២០២០៖ កាន់តែពិសេស…!! រាល់ការទិញ Samsung Galaxy Note 20 ឬ Galaxy Note 20 Ultra ចាប់ពីថ្ងៃទី ០១ ខែកញ្ញា ឆ្នាំ២០២០ ដល់ថ្ងៃទី ៣០ ខែកញ្ញា ឆ្នាំ ២០២០ អតិថិជនទាំងអស់នឹងទទួលបានការថែមជូនគូប៉ុងចាក់ប្រេងឥន្ធៈតម្លៃ ៥០ ដុល្លារ ភ្លាម…!!

និយាយទៅគឺគ្មានអ្វីដែលត្រូវច្រឡំនោះទេ…ក្រឡេកឃើញតែមួយភ្លែតក៏ដឹង និងស្គាល់យ៉ាងច្បាស់ថាជាមហាអំណាចស្មាតហ្វូនប៊ិក Samsung Galaxy Note 20 និង Galaxy Note 20 Ultra ដែរ! ព្រោះ ទាំងកាមេរ៉ា…ស៊ុមព័ទ្ធជុំវិញ…ពណ៌…កញ្ចក់ស្រោបមុខក្រោយ និងអេក្រង់ លើកនេះត្រូវបានរចនាឡើងយ៉ាងយកចិត្តទុកដាក់បំផុតដោយផ្តោតទៅលើការផ្តល់ជូននូវការកម្សាន្តឥតដែនកំណត់…ជម្រុញដល់ការសម្រេចការងារកាន់តែច្រើនដោយភាពច្នៃប្រឌិតខ្ពស់ និងវៃឆ្លាតបំផុត (The Power to Work and Play)…!

ឥឡូវនេះក្រុមហ៊ុន សាមសុង នឹងធ្វើការបង្ហាញជូននូវចំណុចខ្លាំងបំផុតដែលទាក់អារម្មណ៍ស្អំបេះដូងអ្នកនិយមប្រើប្រាស់ស៊េរី Note ទាំងអស់…ដែលផ្តល់នូវភាពអស្ចារ្យសម្រាប់ការងារ និងការកម្សាន្តជាមួយនឹងលក្ខណៈពិសេសដូចជា៖

* ភាពអស្ចារ្យសម្រាប់ការងារជាមួយកម្មវិធី Samsung Note (The Power to Work)

ជាមួយនឹងកម្មវិធី Samsung Note ដែលមាននៅលើ Galaxy Note 20 /Note 20 Ultra ពិតជាផ្តល់ឲ្យលោកអ្នកនូវភាពងាយស្រួលសម្រាប់ការងារប្រចាំថ្ងៃ។

– ប៊ិកវេទមន្ត S-Pen ៖ ត្រូវបានរចនា និងអភិវឌ្ឍឡើងកាន់តែប្រសើរ និងវៃឆ្លាតជាងមុន…កាន់តែស្និទ្ធជាងមុន…កាន់តែរអិលរលូនជាងមុន និងកាន់តែមានអារម្មណ៍ដូចកាន់ប៊ិកសរសេរពិតៗតែម្តង!

– Microsoft PPT Conversion (PDF, PPT, WORD…) ៖ លោកអ្នកអាចធ្វើការបំលែង ឬ Save file ជាប្រភេទ PDF, Power Point ឬ Microsoft Word ដែល file ទាំងអស់នេះគឺសុទ្ធតែ file ដែលលោអ្នកត្រូវការប្រើសម្រាប់ការងារប្រចាំថ្ងៃ និងការសិក្សាស្រាវជ្រាវផ្សេងៗបានយ៉ាងងាយស្រួលបំផុត!ហើយអ្វីដែលកាន់តែពិសេសនោះគឺលោកអ្នកក៏អាចសរសេរបន្ថែម ឬក៏លុបនៅលើ PDF File បានផងដែរ!

-Audio Bookmark៖ធ្វើឲ្យការកត់ត្រារបស់លោកអ្នកកាន់តែប្រសើរជាងមុនដោយគ្រាន់តែជ្រើសរើសមុខងារថតសំឡេងនៅពេលដែលអ្នកកំពុងសរសេរ។

– Link to Windows៖ លោកអ្នកក៏អាចធ្វើការភ្ជាប់កម្មវិធីក្នុងទូរស័ព្ទដៃ (Mobile Apps) ទៅកាន់កុំព្យូទ័របានយ៉ាងងាយស្រួល និងរហ័សបំផុត!

– Auto Straighten ៖ ជាមួយនឹងបច្ចេកវិទ្យា AI នឹងធ្វើការតម្រង់…កែតម្រូវ អ្វីដែលលោកអ្នកបានធ្វើការកត់ចំណាំនោះឱ្យមានភាពស្អាត…ត្រង់…មានរបៀបរៀបរយ…និងងាយស្រួលអានជាងមុន!!

* ភាពអស្ចារ្យសម្រាប់ការកម្សាន្តឥតដែនកំណត់ (The Power to Play)

– ជាមួយនឹងបច្ចេកវិទ្យា Studio Quality Sound Recording លោកអ្នកអាចភ្ជាប់ Galaxy Bud Live តាម Bluetooth ធ្វើជា Mic ដើម្បីថតសំឡេងពីចម្ងាយបានយ៉ាងច្បាស់ និងរលូនទៀតផង…! អ្នកអាជីពសុំខ្មាស!

– លោកអ្នកអាចថតវីដេអូ ឬ Vlog បានដូចអ្នកអាជីពជាមួយនឹង Pro Video Mode ក្នុងកម្រិត 8K 24fps (UHD 7680 X 4320) ជាមួយនឹង Natural motion blur ដោយផ្តល់នូវគុណភាពរូបភាពច្បាស់ខ្លាំង…ប្លែក និងទាក់ទាញជាទីបំផុត!!

– អ្វីដែលកាន់តែពិសេសអស្ចារ្យដែលមានតែមួយគ្មានពីរនោះគឺ វីដេអូ កម្រិត 8K អាច snap ចាប់យកឈុតណាមួយក្នុងវីដេអូដែលអ្នកពេញចិត្ត ឬចង់បាន ហើយបំលែងទៅជារូបភាពក្នុងកម្រិត 33 MP បានថែមទៀតផង!

* មានបំពាក់ស៊ីមអេឡិចត្រូនិច (e-Sim)

– មានជម្រើសច្រើនសម្រាប់អ្នកប្រើប្រាស់! លោកអ្នកអាចប្រើ Nano SIM Card ទាំង 2 ក៏បាន ឬប្រើ Nano SIM 1 + e-SIM ដោយអាចឱ្យយើងបន្ថែមមេម៉ូរីបានផងដែរ)! ដូច្នេះមិនចាំបាច់ចំណាយពេលកាត់ SIM និងញាត់ SIM ចេញចូលច្រើនដែលនាំឱ្យខាតពេល ឬគួរឱ្យធុញទ្រាន់នោះទេ!

អ្វីដែលលើកមកបង្ហាញខាងលើនេះគឺគ្រាន់តែចំណុចពិសេសខ្លះៗមួយចំនួនប៉ុណ្ណោះ…! ហើយក៏អាចសន្មតបានថាលោកអ្នកជាប់ចិត្តលង់ស្រឡាញ់ និងចង់ប្រើបាត់ទៅហើយ…! ក្រុមហ៊ុន សាមសុង នឹងធ្វើការលើកយកចំណុចពិសេសអស្ចារ្យបន្ថែមទៀតមកបង្ហាញនៅពេលក្រោយទៀត…តែបើទ្រាំមិនបានទេ…ប្រញាប់ទៅជាវដើម្បីទទួលយកបទពិសោធន៍ផ្ទាល់ភ្លាមទៅណា៎ទាន់មានប្រូម៉ូសិន…!!

Samsung Galaxy Note 20 | Galaxy Note 20 Ultra ស្តែងចេញពីភាពអស្ចារ្យសម្រាប់ការងារ…និងកាន់តែអស្ចារ្យបំផុតសម្រាប់ការកម្សាន្ត…!!

សម្រាប់ព័ត៌មានបន្ថែមលោកអ្នកអាចអញ្ជើញទៅប៉ះផ្ទាល់ ឬធ្វើការសាកសួរនៅតាមហាងដេប៉ូចែកចាយផលិតផល សាមសុង ទាំងអស់ដែលនៅជិតលោកអ្នកបំផុតទូទាំងប្រទេស ឬក៏ធ្វើការទំនាក់ទំនងសេវាបម្រើអតិថិជនតាមរយៈលេខទូរស័ព្ទឥតគិតថ្លៃ៖ 1800-203232!

September 4, 2020

Category: PR