Category: PR

ភ្នំពេញ៖ ការប្រើប្រាស់សេវាធានារ៉ាប់រងសុខភាពខ្នាតតូចលើសុខភាព និងគ្រោះថ្នាក់របស់អតិថិជនកម្ចី អេ អឹម ខេ មានការកើនឡើងគួរឲ្យកត់សម្គាល់ក្នុងរយៈពេលបួនខែដើមឆ្នាំ 2017 នេះបើយោងតាមរបាយការណ៍ហិរញ្ញវត្ថុប្រចាំខែរបស់ អេ អឹម ខេ។ ការកើនឡើងនេះដោយសារតែអតិថិជនមានការយល់ដឹងច្រើនអំពីអត្ថប្រយោជន៍សេវាធានារ៉ាប់រង ជាពិសេសយល់ដឹងពីការគ្រប់គ្រងហិរញ្ញវត្ថុនៅក្នុងគ្រួសារនៅពេលដែលមានហានិភ័យ ដូចជាជំងឺ ឬ គ្រោះថ្នាក់ណាមួយដែលបានកើតឡើងជាយថាហេតុ។

របាយការណ៍ដដែល បានបង្ហាញពីការកើនឡើងចំនួនអតិថិជនដល់ជាង 21ម៉ឺននាក់ គឺប្រមាណជាង 62% នៃចំនួនអតិថិជនកម្ចី អេ អឹម ខេ សរុបបាននឹងកំពុងតែប្រើប្រាស់សេវាធានារ៉ាប់រងខ្នាតតូច អេ អឹម ខេ នេះ បើគិតត្រឹមបំណាច់ខែមេសា 2017។ ចំណែកឯឆ្នាំ2016 អេ អឹម ខេ មានអតិថិជនកម្ចីដែលប្រើប្រាស់សេវាធានារ៉ាប់រងខ្នាតតូចលើសុខភាព និងគ្រោះថ្នាក់ត្រឹមតែជាង 18ម៉ឺននាក់តែប៉ុណ្ណោះ។

គួរកត់សម្គាល់ថា អេ អឹម ខេ បានសហការជាមួយក្រុមហ៊ុន ធានារ៉ាប់រងហ្វតតេ ផ្តល់សេវាធានារ៉ាប់រងខ្នាតតូចជូនចំពោះអតិថិជនកម្ចី អេ អឹម ខេ នៅក្នុងឆ្នាំ2014 ដែលនៅពេលនោះមានអតិថិជនត្រឹមតែជាង 9ពាន់នាក់ប៉ុណ្ណោះដែលបានប្រើប្រាស់សេវាមួយនេះ។ ប៉ុន្តែចំនួនអតិថិជនមានការកើនឡើងគួរឲ្យកត់សម្គាល់ពីមួយឆ្នាំទៅមួយឆ្នាំ។

លោក គា បូរាណ ប្រធាននាយកប្រតិបត្តិ អេ អឹម ខេ បានមានប្រសាសន៍ថា «ប្រជាជនកម្ពុជានៅពេលបច្ចុប្បន្នមានការយល់ដឹងច្រើនអំពីសេវាធានារ៉ាប់រងខ្នាតតូចមួយនេះ ក៏ដូចជាសេវាធានារ៉ាប់រងគ្រោះថ្នាក់ផ្សេងៗទៀត មិនថាទាំងអ្នករស់នៅក្នុងទីក្រុង ឬជនបទនោះឡើយ។ នេះគឺជាកត្តាដ៏ល្អបំផុត ព្រោះការប្រើប្រាស់សេវាធានារ៉ាប់រងខ្នាតតូចនេះ វាបានជួយការពារហានិភ័យហិរញ្ញវត្ថុផ្សេងៗ ដែលអាចកើតឡើងជាយថាហេតុនៅក្នុងគ្រួសារនីមួយៗ។ យើងមិនអាចដឹងមុនថា នឹងមានគ្រោះថ្នាក់អ្វីកើតឡើងចំពោះខ្លួនយើង ឬក្រុមគ្រួសារយើងបានទេនៅថ្ងៃខាងមុខ ដូចនេះបើយើងមានសេវាធានារ៉ាប់រងនេះ វាពិតជាអាចជួយកាត់បន្ថយថ្លៃចំណាយចំពោះថ្លៃព្យាបាល មិនបាច់ខ្ចីបុលគេ ឬលក់ទ្រព្យសម្បត្តិមានតម្លៃនៅក្នុងផ្ទះដើម្បីយកលុយមកបង់ថ្លៃព្យាបាលនោះទេ»។

លោកប្រធាន បានសំណូមពរដល់ប្រជាជនកម្ពុជាគ្រប់រូប សូមប្រើប្រាស់សេវាធានារ៉ាប់រងខ្នាតតូច លើសុខភាព និងគ្រោះថ្នាក់នេះ ព្រោះវាធ្វើឲ្យគ្រួសារលោកអ្នកមានសុវត្ថិភាពហិរញ្ញវត្ថុ មិនមានក្តីបារម្មណ៍ចំពោះការចំណាយលើថ្លៃសេវាព្យាបាលនៅពេលដែលគាត់មានជំងឺ ឬគ្រោះថ្នាក់ផ្សេងៗ នឹងត្រូវទៅព្យាបាលនៅមន្ទីរពេទ្យ។ ចំពោះថ្លៃសេវាធានារ៉ាប់រងនេះ គឺមិនដល់ 100រៀលផងក្នុងមួយថ្ងៃ ដែលមានការធានាពេញ 1ឆ្នាំ អតិថិជននឹងទទួលអត្ថប្រយោជន៍យ៉ាងច្រើនដូចជា៖ ទទួលបានការឧបត្ថម្ភថ្លៃសម្រាកព្យាបាលនៅមន្ទីពេទ្យ 2ម៉ឺនរៀលក្នុង 1ថ្ងៃ ទទួលបានការឧបត្ថម្ភថ្លៃវះកាត់អតិបរមាដល់ 60ម៉ឺនរៀលក្នុងមួយករណី ទទួលបានការឧបត្ថម្ភពិការភាពដោយសារគ្រោះថ្នាក់រហូតដល់ 2ទៅ 3លានរៀល ទទួលបានការឧបត្ថម្ភមរណភាពដែលបណ្តាលមកពីជំងឺរហូតដល់ 60ម៉ឺនរៀល ទទួលបានការឧបត្ថម្ភមរណភាពដែលបណ្តាលមកពីគ្រោះថ្នាក់ចាប់ពី 6,600,000រៀល ដល់ 7,600,000រៀល។

សូមរំលឹកផងដែរថា សេវាធានារ៉ាប់រងសុខភាពខ្នាតតូចនេះ អេ អឹម ខេ ផ្តល់ជូនតែចំពោះអតិថិជនកម្ចីតែប៉ុណ្ណោះ។ គិតត្រឹម ខែមេសា ឆ្នាំ2017នេះ អតិថិជនចំនួនជិត 2ម៉ឺននាក់បានទទួលសំណងពីសេវាធានារ៉ាប់រងនេះ ជាមួយនឹងទឹកប្រាក់ចំនួនជាង 1លានដុល្លារ ភាគច្រើននៃការធានារ៉ាប់រងគឺទៅលើថ្លៃសេវាព្យាបាល ថ្លៃវះកាត់ និងគ្រោះថ្នាក់ផ្សេងៗ។ ទទ្ទឹមគ្នានេះផងដែរ ដោយមើលឃើញពីតម្រូវការ សេវាធានារ៉ាប់រងនេះ អេ អឹម ខេ បានដាក់ឲ្យដំណើរការ សេវធានារ៉ាប់រងថ្មីមួយទៀត គឺសេវាធានា
រ៉ាប់រងគ្រោះថ្នាក់បុគ្គល សម្រាប់សាធារណជនទូទៅនាពេលថ្មីៗនេះផងដែរ។

ជាក់ស្តែង អតិថិជនឈ្មោះ ផន នីម រស់នៅភូមិព្រែក៣ ឃុំសំរោង ស្រុកភ្នំក្រវ៉ាញ ខេត្តពោធិ៍សាត់ គាត់បានទទួលសេវាធានារ៉ាប់រងខ្នាតតូចលើសុខភាព និងគ្រោះថ្នាក់ អេ អឹម ខេ។ គ្រួសាររបស់គាត់ គឺប្រពន្ធមានជំងឺឈានទៅដល់ការវះកាត់ រីឯប្តីជួបឧបទ្ទវហេតុគ្រោះថ្នាក់ចរាចរណ៍។ ប៉ុន្តែដោយសារតែ គាត់ទិញសេវាធានារ៉ាប់រង អេ អឹម ខេ គ្រួសាររបស់គាត់ពុំមានវិបត្តិផ្នែកហិរញ្ញវត្ថុនៅក្នុងគ្រួសារឡើយ ដោយគាត់ទទួលបានការធានារ៉ាប់រងទាំងប្រពន្ធ និងប្តី គិតជាទឹកប្រាក់ចំនួនជាង 6លានរៀល។

អ្នកស្រី ផន នីម បានលើកឡើងថា «ប្រសិនបើមិនបានទិញសេវាធានារ៉ាប់រងសុខភាពខ្នាតតូច អេ អឹម ខេ ទេ ប្រហែលជាខ្ញុំត្រូវទៅចងការអ្នកជិតខាងដើម្បីយកលុយចំណាយលើថ្លៃព្យាបាល ឬ ក៏អាចលក់របស់របរមានតម្លៃនៅក្នុងផ្ទះក៏មិនដឹង»។

អេ អឹម ខេ គឺជាគ្រឹះស្ថានមីក្រូហិរញ្ញវត្ថុ ដែលឈានមុខគេលើវិសាលភាពប្រតិបត្តិការ និងចំនួនអតិថិជនប្រាក់កម្ចី។ គិតត្រឹម ខែមេសា ឆ្នាំ2017 នេះ អេ អឹម ខេ មានវិសាលភាពប្រតិបត្តិការគ្របដណ្តប់ 89%នៃចំនួនភូមិសរុបទូទាំងប្រទេស មានបុគ្គលិកជាង 2,400នាក់ អតិថិជនសរុបជាង 58ម៉ឺននាក់ ជាមួយនឹងផលបត្រប្រាក់កម្ចីជាង 163លានដុល្លារអាមេរិក ជាមួយការិយាល័យប្រតិបត្តិការចំនួន 151កន្លែង និង មានភ្នាក់ងារជាង 2,500កន្លែង នៅទូទាំងប្រទេស។

អេ អឹម ខេ មានផលិតផល និង សេវាកម្មជាច្រើន កំពុងផ្តល់ជូនអតិថិជន ដូចជា សេវាប្រាក់កម្ចី ប្រាក់សន្សំ ផ្ទេរប្រាក់ សេវាទូទាត់វិក្កយបត្រ ធានារ៉ាប់រងខ្នាតតូច ធនាគារចល័ត សេវាបើកប្រាក់បៀវត្សរ៍ ម៉ាស៊ីនដក និងដាក់ប្រាក់ដោយស្វ័យប្រវត្តិ (ATMs/CDMs)៕

ភ្នំពេញ៖ «គន្លឹះជោគជ័យក្នុងការចាប់ផ្ដើមអាជីវកម្ម និងបញ្ហាប្រឈម» គឺជាឱកាសល្អសម្រាប់អ្នកមានបំណងចង់បើកអាជីវកម្ម ឬក៏អ្នកមានជីវកម្ម​ស្រាប់ ព្រោះនៅក្នុង​កម្មវិធី​នេះ លោកអ្នកនឹងទទួលបានគន្លឹះល្អក្នុងការដំណើរការអាជីវកម្ម រួមទាំងយុទ្ធសាស្ត្រក្នុងការ​ដោះស្រាយ​បញ្ហាទាំងឡាយ ដែលតែងតែកើតមានជាប្រចាំ៕

ភ្នំពេញ៖ ពិព័រណ៍កុមារ និងគ្រួសារលើកទី4 ទាំងពីរថ្ងៃ ត្រូវបានបិទបញ្ចប់យ៉ាងរលូន និងទទួលបានជោគជ័យ ព្រមទាំងគួរឲ្យកត់សំគាល់ជាងឆ្នាំមុនៗ ពីព្រោះក្រុមគ្រួសារ និងកុមារា កុមារីប្រមាណជាង 30,000 នាក់បានទទួលភាពសប្បាយរីករាយ និងការលែងកម្សាន្តជាមួយនឹងទីធ្លាដ៏ធំៗនៅក្នុងបរិវេណអគារពិព័រណ៍កោះពេជ្រ ដែលមានការតុបតែងពិសេសៗតាមបែបគំនូវជីវចលយ៉ាងស្រស់ស្អាត។

លើលពីនេះទៅទៀតអ្នកចូលរួមទាំងពីរថ្ងៃកន្លងមកនេះក៏ទទួលលក់បញ្ចុះតម្លៃ 50% រាល់ការជាវផលិតផលកុមារនិងក្រុមគ្រួសារពីបណ្តាលក្រុមហ៊ុន៖ ម្ស៉ៅទឹកដោះគោ អាហារបំប៉ន សម្លៀកបំពាក់ ឧបករណ៍ក្មេងលេង សម្ភារៈសិក្សា សាលារៀន សាលាភាសា មជ្ឈមណ្ឌលថែទាំកុមារ សេវាកម្មហិរញ្ញវត្ថុ ធានារ៉ាប់រង និងស្តង់អាហារផ្សេងទៀត ប្រមាណ 150ក្រុមហ៊ុន។ មិនត្រឹមតែជាពិព័រណ៍ប៉ុណ្ណោះទេ! កុមារដែលចូលរួមទាំងអស់មានឱកាសបានបញ្ចេញសមត្ថភាព និងទេព្យកោសល្យរបស់ពួកគេតាមរយៈការប្រកួតប្រជែងប្រមាណជាង១០កម្មវិធីប្រកួត។

លោក សេង ពិសិដ្ឋ នាយកប្រតិបត្តិនៃក្រុមហ៊ុនអនុស្សារៀបចំពិព័រណ៍បាននិយាយថា៖ ការបង្កើតពិព័រណ៍នេះឡើងគឺដើម្បីអាចឪពុកម្តាយ និងកូនៗបានជុំគ្នាសប្បាយរីករាយ បង្កើនភាពស្និទ្ធស្នាល និងបង្កើតភាពកក់ក្តៅយ៉ាងពិតប្រាកដមួយឲ្យកូនតាមរយៈការកម្សាន្តសប្បាយជាមួយនឹងសកម្មភាពប្លែកៗ និងទីធ្លាកម្សាន្តជាច្រើននៅក្នុងពិព័រណ៍។

គួរបញ្ជាក់ផងដែរថា ពិព័រណ៍កុមារ និងគ្រួសារលើកទី៤នេះក៏មានការចូលរួមដ៏ខ្ពស់ខ្ពស់ពីសំណាក់ ឯកឧតម្ត ខៀវ កាញារីទ្ធ រដ្ឋមន្ដ្រីក្រសួងព័ត៌មាន និង លោកជំទាវ «គឹម សេដ្ឋានី» រដ្ឋលេខាធិកាក្រសួងអប់រំ យុវជននិង កីឡា ផងដែរ។

កម្មវិធីនេះរៀបចំដោយក្រុមហ៊ុនអនុស្សា គាំទ្រដោយក្រសួងពាណិជ្ជកម្ម និងឧបត្ថម្ភធំដោយក្រុមហ៊ុនស្តារអូតូខេមបូឌា និងក្រែម Bepanthen៕

ភ្នំពេញ៖ everjobs.com.kh ដែលជាគេហទំព័រការងារដែលរីកលូតលាស់ជាងគេនៅក្នុងប្រទេសកម្ពុជា ថ្មីៗនេះបានប្រកាសថានឹងប្រារព្ធកម្មវិធីពិព័រណ៍ការងារលើកទី 2 នៅក្នុងឱកាសខួបលើកទី2 របស់ក្រុមហ៊ុននៅក្នុងក្រុងភ្នំពេញ ដែលនឹងធ្វើឡើងនៅក្នុងថ្ងៃទី 25 ខែមិថុនា ឆ្នាំ 2017 នៅក្នុងផ្សារទំនើបអ៊ីអនម៉ល។

Niels Van Klooster ដែលជាអ្នកគ្រប់គ្រងប្រចាំការនៅកម្ពុជានៅ everjobs.com.kh បានមានប្រសាសន៍ថា « មានអ្វីដែលជាវិធីដ៏ល្អបំផុតក្នុងការប្រារព្ធពិធីគម្រប់ខួបលើកទី2 នៅក្នុងប្រទេសកម្ពុជា ជាងការដែលដឹងថា ការប្រមូលផ្ដុំនិយោជក និងអ្នកមានទេព្យកោសល្យនៅក្នុងប្រទេសកម្ពុជាទៀតនោះទេ។ កម្មវិធីលើកទី2នេះ ត្រូវបានរៀបចំដោយញគេហទំព័រការងារនៅក្នុងទីក្រុងភ្នំពេញ ហើយត្រូវបានគេរំពឹងទុកថានឹងមានអ្នកជំនាញការងាររាប់ពាន់មកចូលរួម ដោយគិតទាំងអ្នកមកទស្សនាផ្សារទំនើបផងដែរ លើសពីនេះក្រុមហ៊ុនក្នុងស្រុក និងក្រៅស្រុកចំនួន 30ក្រុមហ៊ុននឹងមានវត្តមាននៅទៅនោះ ដែលក្នុងនោះមាន ក្រុមហ៊ុនជីបម៉ុង ក្រុមសេលកាត ក្រុមហ៊ុនស្រាបៀរកម្ពុជា DKSH និងធនាគារ ស្ថាបនាផងដែរ។

ក្នុងកំឡុងពេលពីរឆ្នាំកន្លងមកនេះ everjobs បានក្លាយជាតួអង្គដ៏សំខាន់នៅក្នុងទីផ្សារការងារលើបណ្ដាញអ៊ីនធឺណេតក្នុងប្រទេសកម្ពុជា ដោយមានអ្នកចូលទស្សនាជាមធ្យមចំនួន 7,500នាក់ក្នុងមួយថ្ងៃ ហើយមានប្រវត្តិរូបសង្ខេបចំនួន 46,000ឯកសារ ហើយក្រុមហ៊ុនច្រើនជាង 800បានចូលរួមក្នុងឆ្នាំ 2016នេះផងដែរ។ ការផ្សព្វផ្សាយលើកទីមួយរបស់ពិព័រណ៍ការងារ everjobs បានប្រារព្ធឡើងនៅខែមិថុនាឆ្នាំ2016 នៅវិទ្យាស្ថានបច្ចេកទេសកម្ពុជាជាមួយនឹងក្រុមហ៊ុនដ៏ល្បីល្បាញនៅក្នុងទីផ្សារចំនូន30 និងអ្នកស្វែងរកការងារធ្វើច្រើនជាង1,500នាក់ថែមទៀតផង។

Niels Van Klooster បានបន្ថែមទៀតថា “ព្រឹត្តិការណ៍ពិព័រណ៍ការងាររបស់ពូកយើងបានរៀបចំឡើងកាលពីឆ្នាំមុនដែលជាការជោគជ័យដ៏ពិតប្រាកដ និងបានបង្ហាញអំពីភាពលេចធ្លោរបស់ everjobs នៅក្នុងប្រទេសកម្ពុជា” ។ យ៉ាងណាមិញនៅឆ្នាំនេះពូកយើងធ្វើឲ្យកម្រិតវាកើនឡើងដោយជ្រើសកន្លែងដែលផ្ដល់ការទំនាក់ទំនងច្រើនជាងមុនទៅដល់អ្នកស្វែងរកការងារ និងការទទួលបានព័ត៌មានលម្អិតឲ្យបានកាន់តែទូលំទូលាយទៅដល់អ្នកជំនាញផងដែរ។

ក្នុងកំឡុងពេលពិរព័ណ៍ការងាររបស់ everjobs ក្នុងឆ្នាំ2017ខាងមុខនេះ អ្នកស្វែងរកការងារនឹងមានឱកាសដើម្បីជួបជាមួយអ្នកគ្រប់គ្រងធនធានមនុស្ស និងធ្វើការសិក្សាអំពីឱកាសការងារដែលមានក្នុងទីផ្សារការងារ ហើយអាចមានឱកាសបានជួបសំណេះសំណាលជាមួយម្ចាស់ក្រុមហ៊ុនផ្ទាល់ផងដែល។ ទីកន្លែងពិព័រណ៍នឹងមានទីធ្លាធំទូលាយគ្រប់គ្រាន់សម្រាប់ក្រុមហ៊ុនធ្វើបទបង្ហាញ និងធ្វើសិក្ខាសាលាលើប្រធានបទភាពជាអ្នកដឹកនាំ ក៏ដូចជាការបង្ហាញអំពីរបៀបសរសេរប្រវត្តិរូបសង្ខេប និងលិខិតឧទ្ទេសនាម ព្រមទាំងប្រាប់ពីរបៀបក្នុងការសម្ភាសន៍ការងារផងដែរ។

Marie Balandreau ប្រធានគ្រប់គ្រងផ្នែកអភិអឌ្ឍន៍ការងារក្នុងក្រុមហ៊ុន everjobs នៅប្រទេសកម្ពុជាក៏បានមានប្រសាសន៍ដែលថា «វាមិនអាចទៅរួចទេក្នុងការជួបជាមួយម្ចាស់ក្រុមហ៊ុន30 ក្នុងមួយថ្ងៃនៅក្នុងពិរព័រណ៍ការងារផ្សេងទៀតនោះ។ ក្នុងការចូលរួមពិរព័រណ៍ការងារនេះចំពោះអ្នកស្វែងរកការងារមានឱកាសក្នុងការជ្រើសរើសស្តង់ដើម្បីទស្សនា និងទទួលបានអត្ថប្រយោជន៍ដើម្បីជួយដល់អាជីពការងាររបស់ពួកគេ។ វាថែមទាំងជាឱកាសដ៏ល្អសម្រាប់អ្នកស្វែងរកការងារដើម្បីស្វែងរកការងារមួយដែលសមរម្យដែលពួកគេមិនចាំបាច់ធ្វើតេស្តសមត្ថភាពទៀតផង»។

ពិរព័រណ៌ការងារនេះ គឺបើកចំហរសម្រាប់គ្រប់និស្សិតដែលទើបបញ្ចប់ការសិក្សាដើម្បីទទួលបានបទពិសោធន៍អំពីក្រុមហ៊ុនគ្រប់ប្រភេទផងដែរ។ បេក្ខជនទាំងអស់ត្រូវបានជំរុញឲ្យយកប្រវត្តិរូបសង្ខេបជាក្រដាស់ថតចំឡង ដើម្បីដាក់ពាក្យស្នើរសុំការងារសម្រាប់មុខដំណែងដោយផ្ទាល់ ឬក៏ផ្ញើប្រវត្តិរូបសង្ខេបជាឯកសារទៅវេបសាយ www.everjobs.com.kh ដើម្បីបញ្ជាក់ពីការចូលរួម៕

នេះគឺជាប្រធានបទសំខាន់ ដែលបានរៀបចំឡើងក្នុងគោលបំណងចែករំលែកពីទស្សនៈទាន គោលគំនិតសំខាន់ៗ ការរៀបចំផែនការជីវិតក្នុងវ័យសិក្សានៅសាកលវិទ្យាល័យឲ្យមានប្រសិទ្ធភាព ការស្វែងយល់ពីទេពកោសល្យផ្ទាល់ខ្លួន រួមទាំងការជ្រើសរើសជម្រើសដ៏ត្រឹមត្រូវសម្រាប់ជីវិត។

លើសពីនេះទៅទៀត «បេសកកម្មនិស្សិតសាកលវិទ្យាល័យ» ជួយឲ្យយុវជន មានគោលដៅ និងការប្ដេជ្ញាចិត្តក្នុងការសម្រេចគោលដៅយ៉ាងមុតមាំ ថែមទាំងទទួលបាននូវការងារ ដែលសមស្របជាមួយនឹងមុខជំនាញដែលពួកគេកំពុងតែសិក្សា និងទេព្យកោសល្យនៃជីវិតរបស់ខ្លួន។

សម្រាប់ព័ត៌មានបន្ថែម សូមទំនាក់ទំនង 093 422 862 ឬ 012 32 00 15 ឬ [email protected]