Category: PR

ដំណើរកម្សាន្តដ៏អស្ចារ្យសម្រាប់អ្នកសារព័ត៌មានក្នុងតំបន់អាស៊ាន និងតំបន់សំខាន់របស់ប្រទេសម៉ាឡេស៊ី
ជាមោទនភាពបំផុតសម្រាប់ប្រទេសម៉ាឡេស៊ី ដែលបានរៀបចំកម្មវិធីដំណើរទេសចរណ៍មកកាន់ម៉ាឡេស៊ីក្នុងរដូវកាលទី 2 នៃឆ្នាំ2017 ក្រោមការចូលរួមពីសំណាក់បណ្តាអ្នកសារព័ត៌មានសរុបចំនួន 50នាក់ មកពីប្រទេសទាំង10 នៃអាស៊ាន ដើម្បីបានស្វែងយល់កាន់តែច្បាស់ពីវិស័យទេសចរណ៍នានាប្រចាំប្រទេសរបស់ខ្លួនរយៈពេល 4 យប់ 5 ថ្ងៃ ដោយចាប់ផ្តើមតាំងពីថ្ងៃទី 11 រហូតដល់ថ្ងៃទី 14 ខែកក្កដា ឆ្នាំ2017 ។
នៅក្នុងកម្មវិធីដំណើរទេសចរណ៍របស់អ្នកសារព័ត៌មានប្រចាំឆ្នាំ 2017 ខាងលើនេះ មានគោលបំណងចង់ឱ្យអ្នកសារព័ត៌មានទាំងអស់បានដឹង និងស្គាល់ រួមជាមួយនឹងការជួយផ្សព្វផ្សាយបន្តពីវប្បធម៌ អរិយ្យធម៌ដែលមានវ័យចំណាស់របស់ប្រទេសម៉ាឡេស៊ី សិល្បៈនៃការធ្វើម្ហូប ក៏ដូចជាតំបន់ទេសចរណ៍ដ៏មានសក្តានុពលជាច្រើនទៀត ដើម្បីបង្ហាញជួយឱ្យវិស័យទេសចរណ៍នៃប្រទេសមួយនេះកាន់តែមានឈ្មោះប៉សំឡេងតាមរយៈការបង្ហាញរូបភាពបែបសប្បាយៗ និងស្រស់ស្អាតនៅលើបណ្តាញទំនាក់ទំនងសង្គម រួមជាមួយប្រព័ន្ធផ្សព្វផ្សាយឌីជីថលផ្សេងទៀត ដូចជា Instagram និង Facebook ជាដើម។
ចំពោះការធ្វើដំណើរកម្សាន្តខាងលើនេះ អ្នកចូលរួមទាំងអស់ចាំបាច់ត្រូវតែចេះបើកបររថយន្តនៅលើផ្លូវថ្នល់ទីសាធារណៈ ដើម្បីងាយស្រួលក្នុងការបញ្ជារថយន្តទៅកាន់តំបន់នានានៅជុំវិញប្រទេសម៉ាឡេស៊ី ដោយការចាប់ផ្តើមចេញដំណើរពីភាគខាងជើងទៅភាគខាងត្បូង (ចេញពីក្រុងកូឡាឡាំពួរ) តាមបណ្តាញផ្លូវសំខាន់ៗប្រចាំប្រទេស។ អ្នកចូលរួមទាំងអស់នឹងទទួលបានឱកាសផ្លាស់ប្តូរបទពិសោធន៍នៃការរស់នៅ រួមជាមួយនឹងការស្នាក់នៅក្នុងផ្ទះបុរាណ ហើយអ្នកចូលរួមទាំងនោះក៏អាចរៀននេសាទ ទទួលយកបទពិសោធន៍ល្អៗជាច្រើនទៀតពីប្រទេសម៉ាឡេស៊ី។
សូមបញ្ជាក់ផងដែរថា ចំពោះតំបន់កម្សាន្តសំខាន់ៗដែលបណ្តាអ្នកសារព័ត៌មានទាំង10ប្រទេសបានទៅទស្សនារួមមានដូចជា ៖ ទីក្រុង កូឡាឡាំពួរ , តំបន់ទេចរណ៍វប្បធម៌ Merdeka Square , តំបន់កម្សាន្ត Putrajaya , ទីរមណីយដ្ឋានប្រវត្តិសាស្រ្តភ្នំបាទូ , រួមជាមួយនឹងបណ្តាតំបន់ទេសចរណ៍សំខាន់ៗជាច្រើនទីតាំងទៀត។ បន្ថែមពីនេះ អ្នកទាំងអស់ក៏មានឱកាសបានលេងល្បែងកម្សាន្តជាច្រើនទៀតដែលសុទ្ធតែបង្កភាពសប្បាយរីករាយ រួមជាមួយការទស្សនាខ្សែភាពនៅក្នុងរោងភាពយន្តដ៏ទំនើបប្រចាំប្រទេសផងដែរ ៕

July 12, 2017
បុគ្គលិកក្រុមហ៊ុន CBL ចុះជួយកែលម្អសោភ័ណ្ឌភាពវិទ្យាល័យព្រែកឯក
ភ្នំពេញ៖ កាលពីថ្ងៃទី ៨ ខែកក្កដា ឆ្នាំ ២០១៧ បុគ្គលិកក្រុមហ៊ុន CBL បានចុះជួយកែលម្អសោភ័ណ្ឌភាពនៃសាលាវិទ្យាល័យព្រែកឯកតាមរយៈការលាបថ្នាំនិងជួសជុលកែលម្អអគារសិក្សា ឡើងវិញ និងការដាក់ប្រព័ន្ធបណ្តាញលូរំដោះទឹកលិចក្នុងរដូវរស្សា ក្រោមការដឹកនាំដោយលោក Roland Bala នាយកគ្រប់គ្រងទូទៅ និងបុគ្គលិកនៃក្រុមហ៊ុន CBL និងមានការចូលរួមជាអធិបតីភាពពីលោក អ៊ុក សម្បត្តិ អនុប្រធានមន្ទីរអប់រំរាជធានីភ្នំពេញ លោក អ៊ុំ សារី ប្រធានការិយាល័យអប់រំខណ្ឌច្បារអំពៅ លោក ប៉ាង វិសុទ្ធ នាយកវិទ្យាល័យព្រែកឯង ព្រមទាំងលោកគ្រូអ្នកគ្រូ សិស្សានុសិស្សនៃវិទ្យាល័យព្រែកឯកជាច្រើន។
ក្នុងឱកាសដ៏ពិសេសនេះ លោក ប៉ាង វិសុទ្ធ នាយកវិទ្យាល័យព្រែកឯក បានថ្លែងអំណរគុណយ៉ាងជ្រាលជ្រៅបំផុត ដល់លោកអគ្គនាយកក្រុមហ៊ុន ព្រមទាំងសហការី ទាំងអស់ដែលបានចុះជួយដល់វិទ្យាល័យព្រែកឯក តាមរយៈ ការធ្វើការជួសជុលកែលម្អឡើងវិញនូវអគារសិក្សាមួយ ខ្នង មាន ៤បន្ទប់ ដែលអាចទទួលសិស្សានុសិស្សចំនួន៣២០នាក់ និងជួយដាក់ប្រព័ន្ធបណ្តាញលូទឹកសំរាប់ជួយកាត់បន្ថយទឹកជន់ក្នុងបរិវេណសាលា នៅពេលភ្លៀងធ្លាក់ខ្លាំងក្នុងរដូវវស្សា ។
ជាមួយគ្នានោះដែរ លោក Roland Bala នាយកគ្រប់គ្រងទូទៅនៃក្រុមហ៊ុន CBL បានមានប្រសាសន៍រំលឹកឡើងថា កាលពី២០ឆ្នាំមុន ក្រុមហ៊ុន CBL បានកសាងអគារមួយខ្នងនេះ ជូនសិស្សានុសិស្សវិទ្យាល័យព្រែកឯក ហើយគិតមកដល់បច្ចុប្បន្នមានសិស្សានុសិស្សរាប់ពាន់នាក់ធ្លាប់បានសិក្សាក្នុងអគារនេះ ជាពិសេសក៏មានបុគ្គលិកក្រុមហ៊ុនមួយចំនួនធ្លាប់បានសិក្សានៅទីនេះ ផងដែរ។ តែបច្ចុប្បន្នអគារនេះស្ថិតក្នុងសភាពទ្រុឌទ្រោម ស្ទើរតែត្រូវបោះបង់ ហើយចាំបាច់ត្រូវការជួសជុលកែលំអឡើងវិញ ដូច្នេះហើយថ្ងៃនេះយើងមានសេចក្តីរីករាយនឹងត្រលប់មកសាលានេះ ជាថ្មី ម្តងទៀត ធ្វើការកែលំអអគារ និងធ្វើឲ្យថ្នាក់រៀននិមួយៗមានសោរភ័ណ្ឌភាពស្រស់ស្អាតគួរ ឲ្យចង់ចូលសិក្សាឡើងវិញ។
លោកក៏បានសំដែងនូវភាពសប្បាយរីករាយដោយបានឃើញបុគ្គលិកក្រុមហ៊ុនដែលបានស្ម័គ្រចិត្តចូលរួមកម្មវិធីលាបថ្នាំឆ្នាំនេះមានការកើនឡើង១៣៤នាក់ ហើយក៏បានថ្លែងអំណរគុណដល់បុគ្គលិកស្ម័គ្រចិត្តទាំងអស់ ដែលចំណាយពេលវេលាចុងសបា្តហ៏ដើម្បីចូលរួមចំណែកក្នុងការ ជួយសង្គមរបស់យើងនៅថ្ងៃនេះ។
លោកសង្ឃឹមផងដែរថា សកម្មភាពសង្គមរបស់យើង នឹងជួយកាត់បន្ថយការលំបាករបស់ សិស្សានុសិស្ស ហើយនឹងពួកគេឲ្យផ្តោតលើការសិក្សា ដើម្បីអនាគតដ៏ល្អរបស់ខ្លួន។
គួររម្លឹកផងដែរថា ក្រុមហ៊ុន CBL តែងតែចូលរួមរាល់សកម្មភាពនានាក្នុងការអភិវឌ្ឍសហគមន៍ និងផ្ដោតការយកចិត្ដទុកដាក់ជាពិសេសលើការប្រព្រឹត្ដខ្លួនជាសហគ្រាសមួយដែលមានស្មារតីទទួលខុសត្រូវខ្ពស់ចំពោះសង្គមជាតិ៕

July 12, 2017
ពិព័រណ៍អាពាហ៍ពិពាហ៍លើកទី2 នឹងធ្វើឡើងនៅកោះពេជ្រ នាថ្ងៃទី22 កក្កដា
ពិព័រណ៍អាពាហ៍ពិពាហ៍លើកទី2 គ្រោងនឹងចាប់ផ្ដើមឡើងនៅថ្ងៃទី22 ខែកក្កដា ឆ្នាំ2017 នៅក្នុងបរិវេណមជ្ឈមណ្ឌលពិព័រណ៍កោះពេជ្រសម្រាប់ប្រចាំឆ្នាំ 2017 នេះផ្ទាល់តែម្ដង ដែលមានបង្ហាញជូននូវពិព័រណ៍សម្លៀកបំពាក់កូនកំលោះ កូនក្រមុំនៅក្នុងថ្ងៃរៀបពិធីមង្គលការ បង្កក់សិរីសួស្ដី ព្រមទាំងពិធីភ្ជាប់ពាក្យផងដែរ។ លើសពីនេះទៅទៀតក៏មានបង្ហាញជូននូវបែបផែនរចនាបទពិធីការ និងការរៀបចំកម្មវិធីពិធីមង្គលការទាំងមូលដូចជា ពិធីចូលម្លប់ ពិធីកាត់សក់ របាំជូនពរ របាំសហសម័យ និងកាន់តែពិសេសនោះគឺការប្រគំតន្ត្រីភ្លេងបុរាណខ្មែរយើងជូនដល់ទស្សនិកជនដែលមកចូលរួមបានកម្សាន្ដសប្បាយផងដែរ។
គួរបញ្ជាក់ផងដែរថា ពិព័រណ៍អាពាហ័ពិពាហ៍លើកទី2 នេះត្រូវបានរៀបចំឡើងដោយក្រុមហ៊ុន អនុស្សា ដែលមានលោក សេង ពិសិដ្ឋ ជានាយកប្រតិបត្តិ។ នាឱកាសធ្វើសន្និសីទសារព័ត៌មាននៅថ្ងៃទី11 ខែកក្កដា ឆ្នាំ 2017 នៅក្នុងបរិវេណសណ្ឋាគារសុខាភ្នំពេញ លោក ពិសិដ្ឋ បានថ្លែងប្រាប់អ្នកសារព័ត៌មានថា៖ “មនុស្សគ្រប់រូបចៀសមិនផុតពីថ្ងៃរៀបអាពាហ៍ពិពាហ៍ដែលជាថ្ងៃសំខាន់របស់ខ្លួននោះទេ ហើយពិព័រណ៍អាពាហ៍ពិពាហ៍លើកទី 2 នេះបានផ្ដល់ភាពងាយស្រួលដល់គូសេ្នហ៍ដែលមានបំណងរៀបមង្គលការ ក្នុងការជ្រើសរើសសម្ភារដូចជា សម្លៀកបំពាក់ សម្អាងការ ការតុបតែង ថតរូប និងពិធីការផ្សេងៗ ដែលពួកគេអាចចំណាយពេលវេលា និងថវិកាទាបផងដែរ”។
ជាចុងក្រោយលោកនាយកប្រតិបត្តិក្រុមហ៊ុន អនុស្សា បានថ្លែងបន្ថែមថា “ដៃគូស្វាមី និងភរិយាទាំងអស់គួរតែរៀបចំថវិកាដ៏វៃឆ្លាតមួយសម្រាប់ថ្ងៃរៀបអាពាហ៍ពិពាហ៍របស់ខ្លួន ជាជាងចំណាយថវិកាខ្ជះខ្ជាយមិនដឹងមុខ និងដូចជាការសន្សំលុយទុករៀបចំកសាងគ្រួសារក្រោយពេលរៀបការហើយឱ្យបានច្រើនដើម្បីធ្វើការវិនិយោគទៅលើផ្ទះ ដី និងការបង្កើនចំណូលផ្សេងៗទៀតដែលនឹងនាំគ្រួសារថ្មីឆ្ពោះទៅរកសុភមង្គលល្អដ៏យូរអង្វែង”៕
July 11, 2017
ក្លាយជាម្ចាស់រថយន្តភ្លាមៗ ជាមួយលក្ខខណ្ឌងាយៗ ពីធនាគារ CIMB
រាជធានីភ្នំពេញ៖ រថយន្តគឺជាយានជំនិះដ៏ចាំបាច់មួយ ដែលមិនត្រឹមតែផ្តល់នូវសុវត្ថភាព និងផាសុកភាពប៉ុណ្ណោះទេ តែថែមទាំងលើកកម្ពស់ជីវិតរបស់លោកអ្នក ឲ្យកាន់តែស៊ីវីល័យ និងទាន់សម័យផងដែរ។ ប៉ុន្តែមិនមែនអ្នកគ្រប់គ្នាសុទ្ធតែអាចទទួលបានរថយន្ត ដែលខ្លួនពេញចិត្តនោះឡើយ ហើយថវិកាអាចជាបញ្ហាចម្បងមួយផងដែរ។ ឥឡូវនេះ លោកអ្នកមិនចាំបាច់សន្សំប្រាក់យូរអង្វែង ដើម្បីទិញរថយន្តទៀតឡើយ។ ឥណទានរថយន្ត របស់ធនាគារ ស៊ីអាយអិមប៊ី ភីអិលស៊ី (ធនាគារ CIMB) ផ្តល់នូវភាពងាយស្រួល និងទំនុកចិត្តខ្ពស់ដល់លោកអ្នក ក្នុងការទទួលបានរថយន្តភ្លាមៗ ជាមួយនឹងលក្ខខណ្ឌល្អ និងការអនុម័តឥណទានរហ័ស។
ធនាគារ CIMB ផ្តល់ជូនឥណទានទាំងទៅលើរថយន្តថ្មី និងមួយទឹក ទៅដល់អតិថិជនទាំងជាបុគ្គលិកក្រុមហ៊ុន និងម្ចាស់អាជីវកម្ម តាមរយៈដៃគូក្រុមហ៊ុន និងយានដ្ឋានលក់រថយន្តធំៗ និងមានកេរ្តិ៍ឈ្មោះ នៅទូទាំងប្រទេស។ ឥណទានរថយន្តរបស់ធនាគារ CIMB ផ្តល់ជូនពិសេសនូវការកាត់ឈ្មោះកាតគ្រី ឬប័ណ្ឌចុះបញ្ជីរថយន្ត ជាមួយឈ្មោះអតិថិជនផ្ទាល់តែម្តង។ ក្នុងនោះ ឥណទានមានរយៈពេល 5ឆ្នាំ ហើយស៊េរីឆ្នាំ ឬអាយុកាលនៃរថយន្តច្រើនបំផុត គឺដក15ឆ្នាំ គិតចាប់ពីឆ្នាំដែលស្នើសុំឥណទាន។ សម្រាប់ទំហំនៃឥណទាន អតិថិជនអាចខ្ចីបានរហូតដល់ 70%នៃតម្លៃរថយន្ត ហើយការអនុម័តឥណទាន គឺមានភាពរហ័សទាន់ចិត្តផងដែរ ប្រសិនបើអតិថិជនមានឯកសារគ្រប់គ្រាន់ និងត្រឹមត្រូវ។
ឥណទានរថយន្តរបស់ធនាគារ CIMB ដែលទើបតែបង្កើតឡើង កាលពីពេលថ្មីៗនេះ គឺដើម្បីបំពេញតម្រូវការរបស់អតិថិជន ដែលកំពុងកើនឡើងឥតឈប់ឈរ លើការប្រើប្រាស់រថយន្ត នាពេលបច្ចុប្បន្ន។ យោងតាមទិន្នន័យពីក្រសួងសាធារណការ និងដឹកជញ្ជូន បានបង្ហាញថា ការចុះបញ្ជីរថយន្តឆ្នាំ2016កន្លងទៅនេះ មានចំនួនជាង 6ម៉ឺនគ្រឿង ដែលកើនឡើង 7ភាគរយ បើធៀបនឹងឆ្នាំ2015។ ហើយតាមការរំពឹងទុក ចំនួននៃការចុះបញ្ជីរថយន្តក្នុងឆ្នាំ2017នេះ នឹងបន្តកើនឡើងបន្ថែមទៀតផងដែរ។
លោកស្រី ហេង ធីតា នាយកហិរញ្ញវត្ថុបុគ្គលរបស់ធនាគារ CIMB មានប្រសាសន៍ថា៖ «យើងទើបតែសម្ពោធឥណទានរថយន្ត ក្នុងឆ្នាំ2017នេះប៉ុណ្ណោះ ដោយសារយើងមើលឃើញកំណើនយ៉ាងរហ័សនៃតម្រូវការប្រើប្រាស់រថយន្តរបស់អតិថិជន។ ការនាំយកផលិតផលឥណទានថ្មីនេះ គឺស្របទៅតាមការប្តេជ្ញាចិត្តរបស់ធនាគារ CIMB ក្នុងការអភិវឌ្ឍផលិតផល និងសេវាកម្មឲ្យកាន់តែសម្បូរបែប ដើម្បីបំពេញតម្រូវការរបស់អតិថិជន ដែលត្រូវការរថយន្តផ្ទាល់ខ្លួន ទៅតាមគោលបំណងប្រើប្រាស់ផ្សេងៗ»។
ជាមួយគ្នានេះ លោកស្រី ធីតា បានបញ្ជាក់ផងដែរថា៖ យើងបានកំណត់លក្ខខណ្ឌជាក់លាក់ មុននឹងចាប់ដៃគូជាមួយយានដ្ឋានលក់រថយន្តណាមួយ ដើម្បីប្រាកដថា អតិថិជនទទួលបានទាំងរថយន្ត ដែលមានគុណភាពខ្ពស់ និងលក្ខណៈសម្បត្តិឥណទាន ដែលផ្តល់ផលចំណេញច្រើនផងដែរ៕
July 11, 2017
Porsche ផ្តល់ការបើកបរសាកល្បងក្នុងទីលាន Sepang International Circuit
Porsche ដែលជាក្រុមហ៊ុនផលិតរថយន្តប្រណីតលំដាប់ពិភពលោក កាលពីសប្តាហ៍កន្លងមកបាន រៀបចំកម្មវិធីមួយដែលមានឈ្មោះថា“Porsche Media Driving Academy 2017” នៅលើទីលានប្រណាំងរថយន្ត Sepang International Circuit ក្នុងប្រទេសម៉ាឡេស៊ី។
កំពូលអ្នកប្រណាំងរថយន្តពិភពលោកជនជាតិញូហ្សេឡែនរបស់ក្រុមហ៊ុន Porsche លោក Earl Bamber ដែលបានចូលរួមក្នុងព្រឹត្តិការណ៍“Porsche Media Driving Academy 2017” បាននិយាយថា លោកពិតជាមានក្តីរីករាយយ៉ាងខ្លាំងដែលបានចូលរួមក្នុងការចែករំលែកនូវបទពិសោធរបស់លោកដល់អ្នកចូលរួមទាំងអស់។ លោកបានបញ្ជាក់ថា៖”ជាមួយនឹងរថយន្ត Porsche លោកអ្នកនឹងទទួលបាននូវការបើកមួយដ៏អស្ចារ្យកម្រិតពិភពលោក”។
“Porsche Media Driving Academy 2017” មានការចូលរួមពីអ្នកសារព័ត៌មានមកពីប្រទេសជាច្រើនដូចជា កម្ពុជា ថៃ ហ្វីលីពីន មីយ៉ាន់ម៉ា ឥណ្ឌូនេស៊ី សិង្ហបុរី ហុងកុង និងតៃវ៉ាន់ ជាដើម។
ថ្នាក់ដឹកនាំនៃក្រុមហ៊ុន Porsche បានប្រាប់ឱ្យដឹងថា កម្មវិធីដែលប្រព្រឹត្តឡើងពេញ1ថ្ងៃ (ថ្ងៃទី6 ខែកក្កដា ឆ្នាំ2017) មានគោលបំណងដើម្បីធ្វើការចែករំលែកនូវបទពិសោធន៍ល្អៗពីការបើកបររថយន្តប្រណាំងពិភពលោកដល់អ្នកសារព័ត៌មាននៃប្រទេសមួយចំនួននៅក្នុងតំបន់អាស៊ីប៉ាស៊ីហ្វិក។ តាមរយៈការបង្ហាញពីបច្ចេកទេសនៃការបើកបរ និងការផ្តល់ឱ្យអ្នកចូលរួមទាំងអស់បានបើកបរនៅលើទីលានដោយផ្ទាល់នោះ នឹងធ្វើឱ្យពួកគេបានយល់ដឹងកាន់តែច្បាស់ពីសុវត្ថិភាព និងទំនួលខុសត្រូវក្នុងការបើកបរ ព្រមទាំងបានសាកល្បងជាមួយនឹងរថយន្តដែលមានកម្លាំងខ្លាំង និងមានបំពាក់ទៅដោយបច្ចេកវិទ្យាទំនើបៗទៀតផង។
រថយន្តដែលក្រុមហ៊ុនផ្តល់ឱ្យអ្នកចូលរួមបើកបរសាកល្បងក្នុងពេលនោះមានដូចជា Porsche Panamera Turbo, Porsche Panamera 4S, Porsche 911 Carrera S, Porsche 911 Carrera 4S, Porsche 911 Targa 4S, Porsche 911 Turbo, Porsche 911 Turbo S, Porsche Cayenne GTS, Porsche Cayenne Turbo, Porsche Cayenne Turbo S, Porsche 718 Boxster, Porsche 718 Boxster S និង Porsche Macan GTS៕

July 11, 2017
Hi-Herb បានបរិច្ចាគ ៤០លានរៀលដល់មន្ទីរពេទ្យគន្ធបុប្ផា
នាថ្ងៃទី 07 កក្កដាកន្លងទៅនេះ ក្រុមហ៊ុន Lion Corporation (Thailand) Limited និង TSNP Distribution Co., LTD ជាក្រុមហ៊ុននាំចូល និងចែកចាយផលិតផលម៉ាក Hi-Herb មានសេចក្ដីសោមនស្សរីករាយ ដោយបានអញ្ជើញអតិថិជនរបស់ខ្លួនចូលរួមកម្មវិធីមនុស្សធម៌ «3L LIFE. LOVE. LAUGH #2» ដោយមានការសហការរួមគ្នារវាង ហាយ-ហើប និងស៊ូគូប៊ូសុ ដោយបាននាំយកថវិកា ៤០លានរៀលជូនដល់មន្ទីរពេទ្យគន្ធបុប្ផា៕
July 8, 2017
«ដើមទុនដំបូងរបស់ខ្ញុំ» នឹងបង្ហាញផ្លូវអ្នកពីរបៀបចាប់ផ្ដើមអាជីវកម្ម
ឱកាសចូលរួមកម្មវិធីសិក្ខាសាលាស្ដីពី «ដើមទុនដំបូងរបស់ខ្ញុំ» នាថ្ងៃអាទិត្យ ទី23 ខាងមុខនេះ ចាប់ពីម៉ោង 7៖៣០ព្រឹកដល់ម៉ោង 6៖00ល្ងាច នៅសាលប្រជុំ តិកណូ ITC។
អ្នកចូលរួមក្នុងវគ្គបណ្ដុះបណ្ដាលនេះ នឹងទទួលបានការចែករំលែកចំណេះដឹងដោយផ្ទាល់ពីសំណាក់វាគ្មិនល្បីៗជាច្រើនរូប ដើម្បីណែនាំ និងបកស្រាយថាតើប្រភពទុនដំបូងរបស់គាត់បានពីណា? ដោយវិធីណា? គួរប្រើប្រាស់របៀបម្ដេចទើបសាកសមជាអ្នកចាប់ផ្តើមដំបួង ជៀសវាងការខាតបង់…
តាមរយៈសិក្ខាសាលានេះ សិក្ខាកាមនឹងទទួលបាន៖
1) បទពិសោធនក្នុងការប្រមូល និងប្រើប្រាស់ទុនរបស់បុគ្គលជោគជ័យកាលពីគាត់ចាប់ផ្តើមលើកដំបូង
2) ទស្សនារបាំប្រពៃណីជាតិរបស់ក្រុមកុមារ
3) រួមចំណែកចូលរួមមូលនិធិជួយដល់មន្ទីពេទ្យគុន្ធបុប្ផា
4) រួមចំណែកជួយគាំទ្រសកម្មភាពនិស្សិត ក្នុងការបង្កើតកម្មវិធីអប់រំ
5) ចូលរួមគាំទ្រកិច្ចការសង្គម
សូមបញ្ជាក់ ក្នុងតម្លៃសំបុត្រនៃការចូលរួម អ្នកបានរួមចំណែកមួយផ្នែកដល់មន្ទីពេទ្យគុន្ធបុប្ផា ដើម្បីជូយដល់កុមាកម្ពុជា
ចុះឈ្មោះចូលរួមថ្ងៃនេះព្រោះកន្លែងមានកំណត់។ ព័ត៌មានបន្ថែមសូមទាក់ទងតាមលេខទូរស័ព្ទ 010 385 063/ 085 611 881៕
July 7, 2017
ជំនាញនៃការចចារ
កិច្ចចចារមានឥទ្ធិពល និងការកំណត់លទ្ធផលទុកមុន ចចារដើម្បីស្វែងរកការងារដែលខ្លួនពេញចិត្ត ចចារដើម្បីប្រាក់ខែល្អ ។ ស្វែងរកអ្នកស្ម័គ្រចិត្ត និងបុគ្គលិកហាក់ការ ។
WE MYGS គឺជាក្រុមយុវជនដែលត្រូវបានបង្កើតឡើងក្នុងគោលបំណងចែករំលែកនូវចំណេះដឹងនានា ការបណ្ដុះបណ្តាលសម្រាប់បច្ចុប្បន្នភាពនៃសាកលភាវូបនីយកម្ម។ បេសកម្មនៃក្រុមយុវជនស្ម័គ្រចិត្ត WE MYGS ត្រូវបានផ្តោតជាពិសេសជាមួយនឹងសិស្ស និស្សិត និងបុគ្គលិកក្រុមហ៊ុន ដើម្បីជាផ្នែកមួយជួយពង្រឹងដល់គុណភាពនៃជីវិតរបស់ពួកគាត់អោយកានតែប្រសើរ និងក្លាយជាធនធានមនុស្សដ៍មានតម្លៃ ជាសក្ដានុពលសម្រាប់ការអភិវឌ្ឍន៍សង្គម និងពិភពលោក។
ក្នុងស្មារតីនៃការរួមចំណែកជួយសង្គម និងការអភិវឌ្ឍន៍ខ្លួនឯង ប្អូនៗ មិត្តនិស្សិតអាចចូលរួមជាមួយយើងខ្ញុំតាមរយៈកម្មវិធីនានាដែលត្រូវបានរៀបចំឡើង។
ព័ត៌មានបន្ថែម៖ 093 422 862 / 092 41 31 55
ម៉ែល៖ [email protected]
ឈប់ទទួលពាក្យ៖ ថ្ងៃទី08 សីហា 2017
ប្រកាសលទ្ធផលបេក្ខជនជាប់ short list (to be confirmed)
ធ្វើបទសម្ភាសន៍ (to be confirmed)
July 6, 2017
ហាងសាច់អាំងដ៏ល្បីរបស់ថៃ បើកដំណើរការនៅផ្សារទំនើប Aeon Mall
ហាងសាច់អាំងដ៏ល្បីរបស់ប្រទេសថៃ បាប៊ីឃ្យូ ផ្លាហ្សា (Bar-B-Q Plaza) ចាប់កំណើតតាំងពីឆ្នាំ1987 បានបើកដំណើរការហើយ នៅផ្សារទំនើប Aeon Mall ជាន់ទី 2 ដែលជាភោជនីយដ្ឋានចម្អិនអាហារដោយខ្លួនឯងបែបម៉ុងហ្គោលី និងបែបជប៉ុនដោយផ្តល់ជូននូវអាហារដែលមានឱជារសជាប់ចិត្តគ្រប់មុខដ៏ឈ្ងុយឆ្ងាញ់ ច្រើនមុខច្រើនយ៉ាង និងមានតម្លៃសមរម្យ អនាម័យខ្ពស់ និងមានសុវត្ថិភាពម្ហូបអាហារ។
លោក ងន សាំង នាយកប្រតិបត្តិនៃក្រុមហ៊ុន RMA Cambodia បានឱ្យដឹងថា ការបើកសម្ពោធហាង Bar-B-Q Plaza គឺដើម្បីបំពេញតម្រូវចិត្តអតិថិជនដែលចូលចិត្តសាច់អាំង តាមរយៈការចម្អិនដោយខ្លួនឯងដែលប្រកបដោយគុណភាពខ្ពស់ទាំងសាច់ ទាំងបន្លែស្រស់ៗដល់អតិថិជននៅកម្ពុជា។
លោកបន្ដថា ក្នុងនាមជាក្រុមហ៊ុនប្រតិបត្តិករភោជនីយដ្ឋានយីហោល្បីឈានមុខគេដំបូងគេនៅក្នុងព្រះរាជាណាចក្រកម្ពុជាតាំងពីឆ្នាំ 2004មក ការបន្ថែមភោជនីយដ្ឋាន Bar-B-Q Plaza ទៅក្នុងបណ្តាក្រុមភោជនីយដ្ឋានអន្ដរជាតិជាច្រើនរបស់ក្រុមហ៊ុន EFG នឹងបន្តឱ្យយើងផ្តល់ជូននូវម្ហូបអាហារស្ដង់ដារខ្ពស់ និងបទពិសោធបរិភោគអាហារកាន់តែល្អដល់អតិថិជននៅប្រទេសកម្ពុជា។
អតិថិជនអាចកុម៉្មង់មុខម្ហូបតាមតម្រូវការបែបសាច់អាំងបាប៊ីឃ្យូដោយរួមមានសាច់ពិសេសច្រើនមុខ៖ សាច់គោអូស្រ្តាលីស្មាមុខ សាច់គោអូស្រ្តាលីជាប់ខ្លាញ់ សាច់ជ្រូកស្មាមុខ សាច់មាន់ ត្រីម៉ាហីហីជប៉ុន បង្គាស្រស់ បន្លែស្រស់ និងទឹកជ្រលក់បាប៊ីឃ្យូដ៏ពិសេសដែលល្បីខ្លាំងរបស់យើង ផលិតពីគ្រឿងផ្សំ48 មុខលាយបញ្ចូលគ្នាយ៉ាងល្អិតល្អន់ ឆ្លងកាត់50 ដំណាក់កាល និងរៀបចំដ៏ប្រុងប្រយ័ត្ន។ ទាំងអស់នេះលាយបញ្ចូលគ្នាធ្វើឱ្យរសជាតិអាហារនៅភោជនីយដ្ឋាន Bar-B-Q Plazaកាន់តែមានឱជារសឆ្ងាញ់ជាប់ចិត្តគ្រប់មុខ ថ្មីៗមិនធ្លាប់បានភ្លក្សរសជាតិឆ្ងាញ់បែបនេះពីមុនមកឡើយ។ ក្នុងឱកាសពិធីសម្ពោធនៅផ្សារទំនើប Aeom Mall ភោជនីយដ្ឋាន Bar-B-Q Plazaក៏បានផ្ដល់ជូនឈុតស្វាគមន៍សម្រាប់អតិថិជន2-3នាក់ ដែលមានតម្លៃពិសេសត្រឹមតែ14.99 ដុល្លារប៉ុណ្ណោះ ដោយអតិថិជនអាចកុម៉្មង់បានចាប់ពីថ្ងៃទី30 មិថុនា រហូតដល់ថ្ងៃទី13 ខែកក្កដា ឆ្នាំ2017។
ភោជនីយដ្ឋាន Bar-B-Q Plazaផ្តល់ជូនអតិថិជននូវរសជាតិឆ្ងាញ់ជាប់ចិត្តថ្មីមិនធ្លាប់បានភ្លក្សរសជាតិឆ្ងាញ់បែបនេះពីមុនមកដោយលក្ខណៈពិសេសសំខាន់ 5 យ៉ាងដូចខាងក្រោម:

1- ខ្ទះមាស ជាខ្ទះមាសដ៏ចែងចាំង រលោង រចនាជាពិសេសសម្រាប់តែអតិថិជនភោជនីយដ្ឋាន Bar-B-Q Plaza។
2- សាច់ល្អឥតខ្ចោះទាំងគុណភាព និងទំហំ- សាច់ជ្រូកស្មាមុខស្រស់ៗ កាត់ជារាងរង្វង់ល្អឥតខ្ចោះទំហំដូចគ្នាគ្រប់ដុំនីមួយៗ។
3- ទឹកជ្រលក់ប្រចាំហាង- ទឹកជ្រលក់បាប៊ីឃ្យូដ៏ពិសេស ដ៏ល្បីខ្លាំងរបស់យើង ផលិតពីគ្រឿងផ្សំ48 មុខលាយបញ្ចូលគ្នាយ៉ាងល្អិតល្អន់ ឆ្លងកាត់50 ដំណាក់កាលរៀបចំដ៏ផ្ចិតផ្ចង់។
4- ស្ពៃក្ដោបបរិភោគតាមចិត្ត- ថ្មីៗ ស្រស់ៗ ជ្រើសរើសតែគុណភាពខ្ពស់សម្រាប់អតិថិជនបរិភោគតាមចិត្តដោយមិនគិតថ្លៃ។
5- បាយឆាបាប៊ីឃ្យូផ្លាហ្សា – ជាមួយរូបមន្តចម្អិនសម្ងាត់បាយឆារបស់យើង និងថប់ភឺងខ្ទឹមលីងផ្តល់ជូនអតិថិជននូវឱជារសឈ្ងុយឆ្ងាញ់ជាប់ចិត្តថ្មីមិនធ្លាប់បានភ្លក្សរសជាតិឆ្ងាញ់បែបនេះពីមុនមក។
ក្រុមហ៊ុន EFG គ្រោងនឹងពង្រីកបន្ថែមសាខាភោជនីយដ្ឋាន Bar-B-Q Plaza ឱ្យបាន 10 ទៀតនៅត្រឹមឆ្នាំ2022។ ការពង្រីកនេះនឹងនាំមកនូវការងារថ្មីជាង 100 កន្លែងបន្ថែមនៅតាមទីតាំងផ្សេងៗក្នុងទីក្រុងធំៗដែលកម្លាំងការងាររបស់ក្រុមហ៊ុននឹងកើនឡើងដល់ទៅជាង 1300នាក់។ EFGជាក្រុមហ៊ុនបុត្រសម្ព័ន្ធរបស់ក្រុមហ៊ុន RMA Cambodia ដែលជាក្រុមហ៊ុនទទួលសិទ្ធិផ្តាច់មុខពីក្រុមហ៊ុន Thai Food Passion Co ដើម្បីប្រតិបត្តិការភោជនីយដ្ឋានBar-B-Q Plazaនៅក្នុងប្រទេសកម្ពុជា៕
June 30, 2017
ក្រុមហ៊ុនស្រាបៀរថៃហ្គ័រ ប្រគល់រង្វាន់ជូនស្វាមីភរិយា 11គូ
ដើម្បីជាការលើកទឹកចិត្ដដល់គូស្វាមីភរិយាដែលបានជាវស្រាបៀរ ថៃហ្គ័រ ក្នុងកម្មវិធីអាពាហ៍ពិពាហ៍ ក្រុមហ៊ុនបានរៀបចំកម្មវិធីប្រគល់រង្វាន់ជ័យលាភីលើកទី1 នៅក្នុងឆ្នាំ2017។ កម្មវិធីនេះត្រូវបានធ្វើឡើងនៅក្នុងទីតាំងរបស់ក្រុមហ៊ុនស្រាបៀរថៃហ្គ័រ ដែលប្រគល់រង្វាន់ជូនស្វាមីភរិយាចំនួន11គូ។
លោក ញ៉ែម សុជាតិ និងអ្នកស្រី ទី ស្រីនាង ដែលបានឈ្នះរង្វាន់ iPhone 7 ពីកម្មវិធីអាពាហ៍ពិពាហ៍របស់ក្រុមហ៊ុនស្រាបៀរថៃហ្គ័រ បានសម្ដែងនូវក្ដីរំភើបដែលបានឈ្នះរង្វាន់ពិសេសនេះ។ លោក ញ៉ែម សុជាតិ ក៏បានផ្ដាំផ្ញើដល់គូស្វាមីភរិយាទាំងឡាយដែលមានបំណងចង់រៀបការ សូមកុំភ្លេចជាវស្រាបៀរថៃហ្គ័រ ព្រោះថៃហ្គ័រជាស្រាបៀរមានគុណភាពខ្ពស់លំដាប់អន្ដរជាតិ ពិសេសអាចនឹងទទួលបានឱកាសឈ្នះរង្វាន់។
រង្វាន់ជ័យលាភីលើកទី1 ដែលស្រាបៀរថៃហ្គ័រប្រគល់ជូនដល់គូស្វាមីភរិយាចំនួន11គូ ដែលបានឈ្នះរង្វាន់កាលពីថ្ងៃទី11មិថុនា ឆ្នាំ2017 នៅស្ថានីយទូរទស្សន៍ PNN រួមមាន iPhone 7 ចំនួនបីរង្វាន់ Smart TV បីរង្វាន់ និងទូរទឹកកចំនួនប្រាំរង្វាន់៕

June 29, 2017