នៅក្នុងវគ្គសិក្សានេះ លោកអ្នកនឹងបានជួបជាមួយគ្រូឧទ្ទេសល្បីៗ ដែលនឹងយកនូវបទពិសោធន៍ ក៏ដូចជាចំណេះដឹងល្អមកចែកជូន ទាក់ទងទៅនឹងប្រធានបទខាងលើ។
វគ្គសិក្សានេះផងដែរ នឹងត្រូវធ្វើឡើងរៀងរាល់ថ្ងៃសោរ៍-អាទិត្យ ចាប់ពីម៉ោង 8:00ព្រឹក 5:00ល្ងាច៕
Category: PR
ចង់បើកអាជីវកម្មថ្មី! ចង់ដឹងវិធីរៀបចំអាជីវកម្ម! ជួបគ្នាថ្ងៃទី 31កក្កដា
ស្វែងយល់កាន់តែច្បាស់អំពី៖
1. ចំណុចជាមូលដ្ឋាននៃដំណើរការអាជីវកម្មថ្មី។
2. ចំណុចគន្លឹះក្នុងការគ្រប់គ្រងស្ថាប័នដោយប្រសិទ្ធភាព។
3. ចំណុចស្នូលក្នុងការកំណត់ភាពរស់នៃអាជីវកម្មក្នុងទីផ្សារ។
4. យុទ្ធសាស្ត្រ និងតិកនិកក្នុងការដោះស្រាយបញ្ហាចំណាយ និងចំណូលនៃស្ថាប័ន (Cash Flow)?
5. យុទ្ធសាស្រ្តក្នុងការធ្វើទីផ្សារប្រកបដោយប្រសិទ្ធភាពសម្រាប់អាជីវកម្មថ្មី។
6. វិធីសាស្រ្តក្នុងការគ្រប់គ្រងបុគ្គលិប្រកបដោយប្រសិទ្ធភាព។
7. តើអ្វីដែលយើងត្រូវចំណាយក្នុងដំណើរការអាជីវកម្ម?
8. ស្រាយចម្ងល់ផ្សេងៗតាមរយៈការជជែកវែកញែកបន្ថែមជាមួយវាគ្មិន និងអ្នកចូលរួមជាច្រើនទៀត។កុំភ្លេចជួបគ្នានៅផាកកាហ្វេសាខាបឹងកេងកងត្រសក់ផ្អែម!
កាលបរិច្ឆេទ ៖ ថ្ងៃទី31 កក្កដា 2017
ពេលវេលា៖ 05:30នាទី
តម្លៃសំបុត្រ៖ 15ដុល្លារ
ទំនាក់ទំនង ៖ 077 676 423 / 012 232 823
***បញ្ជាក់តម្លៃសំបុត្រនេះមានការរួមបញ្ចូលជាមួយនឹង Cocktail Networking រួចជាស្រាច់។
គូស្វាមីភរិយាថ្មី ចំនួន 10គូ ឈ្នះរង្វាន់ដំណើរកម្សាន្តក្រេបទឹកឃ្មុំនៅសិង្ហបុរីពី Tiger Beer
នៅថ្ងៃទី 19 ខែកក្កដា ឆ្នាំ 2017 គូស្វាមីភរិយាថ្មីចំនួន 10គូដែលបានឈ្នះដំណើរកម្សាន្តក្រេបទឹកឃ្មុំលំដាប់ខ្ពស់ទៅកាន់ប្រទេសសិង្ហបុរី ពីកម្មវិធីអាពាហ៍ពិពាហ៍ស្រាបៀរ Tiger បានចេញដំណើរពីព្រលានយន្តហោះអន្តរជាតិភ្នំពេញឆ្ពោះទៅកាន់ប្រទេសសិង្ហបុរី ពោរពេញដោយក្តីរំភើបរីករាយ។
ដំណើរកម្សាន្តក្រេបទឹកឃ្មុំលំដាប់ខ្ពស់ទៅកាន់ប្រទេសសិង្ហបុរី គឺការផ្តល់ជូនជាពិសេស នូវការស្នាក់នៅសណ្ឋាគារដ៏ប្រណិតមួយ ដែលមានតំលៃថ្លៃជាងគេនៅប្រទេសសិង្ហបុរី គឺ សណ្ឋាគារ Marina Bay Sands មានអាងហែលទឹកគួរជាទីទាក់ទាញ ដែលអាចគយគន់ទេសភាពទីក្រុងសិង្ហបុរីយ៉ាងស្រស់ស្អាត។ រួមជាមួយការទស្សនានូវកន្លែងស្អាតៗជាច្រើនទៀតមានដូចជា Garden By the Bay, Universal Studio- Sentosa, Tiger Sky Tower, Merlion Park, City Hall ….ជាពិសេសគឺការទទួលទានអាហារពេលល្ងាចដ៏សែនរូមេនទិកជាមួយស្រាបៀរ Tiger នៅលើ Singapore Flyer ។ ដំណើរកម្សាន្តនេះមានរយៈពេល 2យប់ 3ថ្ងៃ ចាប់ពីថ្ងៃទី 19 រហូតដល់ថ្ងៃទី 21 ខែកក្កដា ឆ្នាំ 2017។
ស្រាបៀរថៃហ្គ័រគឺជាស្រាបៀរដែលមានគុណភាពខ្ពស់លំដាប់ថ្នាក់អន្តរជាតិមានលក់នៅច្រើនជាង 70ប្រទេស និងមានដើមកំណើត នៅប្រទេសសិង្ហបុរី តាំងពីឆ្នាំ 1932 ដែលកំពុងទទួលបានការគាំទ្រកាន់តែខ្លាំងឡើងជារៀងរាល់ថ្ងៃពីអតិថិជនទាំងនៅលើទីផ្សារកម្ពុជា និង ពិភពលោក ហើយជាពិសេសជាស្រាបៀរដែលសក្តិសមបំផុត សម្រាប់ទទួលភ្ញៀវក្នុងពិធីអាពាហ៍ពិពាហ៍ និងកម្មវិធីផ្សេងៗ។
កាន់តែអស្ចារ្យសម្រាប់កម្មវិធីអាពាហ៍ពិពាហ៍ថ្មី ឆ្នាំ 2017 នេះ រាល់ការជាវស្រាបៀរ ថៃហ្គ័រកំប៉ុង ឬ ដប ចាប់ពី 25កេស លោកអ្នកនឹងមានឱកាសឈ្នះរង្វាន់រថយន្ត AUDI Q5 2016 ស៊េរីទំនើបដ៏ថ្មីសន្លាងចំនួន 1រង្វាន់ រួមជាមួយរង្វាន់ជាច្រើនទៀតដូចជាទូរស័ព្ទ iPhone 7 ចំនួន 5រង្វាន់ ទូរទស្សន៍ Smart TV ចំនួន 5រង្វាន់ និងទូរទឹកកកចំនួន 10រង្វាន់ ។ កម្មវិធីនេះចាប់ផ្តើមពីថ្ងៃនេះរហូតដល់ថ្ងៃទី 30 ខែកញ្ញា ឆ្នាំ 2017។ ឆ្លុះបញ្ចាំងប្រណិតភាពនៃអាពាហ៍ពិពាហ៍ ជាមួយស្រាបៀរថៃហ្គ័រ។ ពិសាស្រាបៀរថៃហ្គ័រដោយការទទួលខុសត្រូវ៕
ស្រាបៀរអាន់ឆ័រចាប់ឆ្នោតលើកទី 3រដូវកាលថ្មី ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ស្រាបៀរអាន់ឆ័រឆ្នាំ 2017
នៅថ្ងៃទី 16 ខែកក្កដា ឆ្នាំ2017 ស្រាបៀរអាន់ឆ័របានរៀបចំកម្មវិធីចាប់ឆ្នោតជ័យមង្គលលើកទី3 រដូវកាលថ្មីនៅស្ថានីយទូរទស្សន៍ PNN ក្នុងកម្មវិធីតន្រ្តី Anchor Fun Zone ដើម្បីផ្តល់រង្វាន់ជូនដល់គូស្វាមីភរិយាថ្មីទាំងអស់ដែលបានជាវស្រាបៀរអាន់ឆ័រក្នុងកម្មពិធីអាពាហ៍ពិពាហ៍ក្នុង ឆ្នាំ 2017 ដោយមានការអញ្ជើញចូលរួមពីថ្នាក់ដឹកនាំក្រុមហ៊ុនស្រាបៀរអាន់ឆ័រ ក្រុមការងារស្រាបៀរអាន់ឆ័រ ភ្ញៀវកិត្តិយស និងអ្នកសារព័ត៌មានជាច្រើន។
កម្មវិធីចាប់ឆ្នោតរដូវកាលថ្មីនេះត្រូវបានរៀបចំឡើងជាពិសេសសម្រាប់អតិថិជនរបស់ស្រាបៀរអាន់ឆ័រក្នុងគោលបំណង ថ្លែងអំណរគុណដ៏ជ្រាលជ្រៅ និងបង្ហាញពីការយកចិត្តទុកដាក់ខ្ពស់របស់ក្រុមហ៊ុនស្រាបៀរអាន់ឆ័រចំពោះអតិថិជនដែលតែងតែគាំទ្រ និងនិយមជាវស្រាបៀរអាន់ឆ័រក្នុងកម្មពិធីអាពាហ៍ពិពាហ៍របស់ខ្លួន។ រង្វាន់ដែលបានចាប់ឆ្នោតលើកទីបីនេះរួមមាន ឈ្នះរង្វាន់ដំណើរកម្សាន្តក្រេបច័ន្ទទឹកឃ្មុំនៅ ឆ្នេរឋានសួគ៏ Krabi ចំនួន 15 រង្វាន់ រួមជាមួយរង្វាន់ជាច្រើនទៀតដូចជា ទូរទស្សន៍ Smart TV 55“ In ចំនួន 11រង្វាន់ និង កាម៉េរា Sony Alpha ចំនួន 10 រង្វាន់។
លោកអ្នកអាចស្វែងរកឈ្មោះរបស់លោកអ្នកនៅលើគេហទំព័រ Facebook (Anchor Beer KH)។
ចំពោះគូស្វាមីដែលមានភ័ព្វសំណាងឈ្នះរង្វាន់ ក្រុមហ៊ុននឹងទាក់ទងទៅដោយផ្ទាល់។ ដើម្បីបើករង្វាន់ សូមភ្ជាប់មកជាមួយនូវសំបុត្រអាពាហ៍ពិពាហ៍ អត្តសញ្ញាណប័ណ្ណ សន្លឹកឆ្នោតឈ្នះរង្វាន់ វិក្កយបត្រទិញផលិតផល លិខិតអញ្ជើញអាពាហ៍ពិពាហ៍ និងរូបថតអាពាហ៍ពិពាហ៍ចំនួន 1សន្លឹក។
ហើយកាន់តែពិសេស ស្រាបៀរ អាន់ឆ័រ បានជ្រើសរើសលោក លី ម៉ិញ ហូ ដែលជាកំពូលតារាអន្តរជាតិកូរ៉េដ៏ល្បីល្បាញ ធ្វើជាទូតសុឆន្ទ:របស់ស្រាបៀរ អាន់ឆ័រ និងមានវត្តមាននៅក្នុងស្ពតពាណិជ្ជកម្មថ្មីរបស់ស្រាបៀរ អាន់ឆ័រ ។ ស្រាបៀរ អាន់ឆ័រ ជាស្រាបៀរដែលពេញនិយមបំផុតសម្រាប់យុវវ័យសម័យថ្មី គុណភាពខ្ពស់ស្តង់ដារអន្តរជាតិដែលឈ្នះពានរង្វាន់ផ្នែកគុណភាពជាបន្តបន្ទាប់សរុបជាង 30 មេដាយ រសជាតិស្រទន់លើសគេ ផ្តល់នូវអារម្មណ៍រីករាយស្រស់ថ្លា ស័ក្តិសមបំផុតសម្រាប់គ្រប់ទីកន្លែង គ្រប់កម្មវិធី។ រីករាយស្រស់ថ្លា ចាប់ផ្តើមជាមួយស្រាបៀរ អាន់ឆ័រ!
ពិសាដោយការទទួលខុសត្រូវ…
ស្រាបៀរអាន់ឆ័រ នឹងចាប់ឆ្នោតលើកទី3 រដូវកាលថ្មីឆ្នាំ 2017 នៅថ្ងៃអាទិត្យនេះ
ភ្នំពេញ៖ នៅថ្ងៃទី 16 ខែកក្កដា ឆ្នាំ2017 ស្រាបៀរអាន់ឆ័រនឹងរៀបចំកម្មវិធីចាប់រង្វាន់លើកទី3 នៅស្ថានីយទូរទស្សន៍ PNN ក្នុងកម្មវិធីតន្រ្តី Anchor Fun Zone ដែលផ្សាយផ្ទាល់ នៅវេលាម៉ោង 8:00-10:00យប់ ដើម្បីផ្តល់រង្វាន់លាភមង្គលជូនដល់គូស្វាមីភរិយាថ្មីទាំងអស់ ដែលបានជាវស្រាបៀរអាន់ឆ័រសម្រាប់កម្មពិធីអាពាហ៍ពិពាហ៍របស់ខ្លួន។
កម្មវិធីអាពាហ៍ពិពាហ៍របស់ស្រាបៀរអាន់ឆ័រឆ្នាំ 2017 រដូវកាលថ្មីនេះដែលរៀបចំការចាប់ឆ្នោតដែលមានការចូលរួមសម្តែងកម្សាន្តសប្បាយរីករាយពីតារាចម្រៀងល្បីឈ្មោះប្រចាំព្រះរាជាណាចក្រកម្ពុជាជាច្រើនរូបដូចជា៖ កញ្ញា ទេព បូព្រឹក្ស លោក G-Devith កញ្ញា អ៊ីវ៉ា និង ក្រុម Various Girls (K-POP)។
កម្មវិធីនេះធ្វើឡើងសម្រាប់តែអតិថិជនដែលបានជាវស្រាបៀរអាន់ឆ័រសម្រាប់កម្មវិធីអាពាហ៍ពិពាហ៍របស់ខ្លួន។ សម្រាប់ការចាប់ឆ្នោតលើកទី3 រដូវកាលថ្មីនេះ ស្រាបៀរអាន់ឆ័រនឹងមានរង្វាន់ជាច្រើនដូចជា៖ ឈ្នះរង្វាន់ដំណើរកម្សាន្តក្រេបច័ន្ទទឹកឃ្មុំនៅឆ្នេរឋានសួគ៌ Krabi ចំនួន 15រង្វាន់ រួមជាមួយរង្វាន់ជាច្រើនទៀតដូចជា ទូរទស្សន៍ Smart TV 55“ in ចំនួន 10 រង្វាន់ និង កាម៉េរា Sony Alpha ចំនួន 10 រង្វាន់។
តើគូស្វាមីភរិយារូបណាខ្លះដែលជាម្ចាស់រង្វាន់ទាំងនេះ? កុំភ្លេចចូលរួមទស្សនា និងតាមដានទាំងអស់គ្នា!!! ហើយកាន់តែពិសេស ស្រាបៀរ អាន់ឆ័រ បានជ្រើសរើសលោក លី ម៉ិញ ហូ ដែលជាកំពូលតារាអន្តរជាតិកូរ៉េដ៏ល្បីល្បាញ ធ្វើជាទូតសុឆន្ទ:របស់ស្រាបៀរ អាន់ឆ័រ និងមានវត្តមាននៅក្នុងស្ពតពាណិជ្ជកម្មថ្មីរបស់ស្រាបៀរ អាន់ឆ័រ ។ ស្រាបៀរ អាន់ឆ័រ ជាស្រាបៀរដែលពេញនិយមបំផុតសម្រាប់យុវវ័យសម័យថ្មី គុណភាពខ្ពស់ស្តង់ដារអន្តរជាតិដែលឈ្នះពានរង្វាន់ផ្នែកគុណភាពជាបន្តបន្ទាប់សរុបជាង 30មេដាយ រសជាតិស្រទន់លើសគេ ផ្តល់នូវអារម្មណ៍រីករាយស្រស់ថ្លា ស័ក្តិសមបំផុតសម្រាប់គ្រប់ទីកន្លែង គ្រប់កម្មវិធី។រីករាយស្រស់ថ្លា ចាប់ផ្តើមជាមួយស្រាបៀរ អាន់ឆ័រ! ពិសាដោយការទទួលខុសត្រូវ៕
ដំណើរកម្សាន្តទស្សនកិច្ចជាផ្លូវការរបស់អ្នកសារព័ត៌មានកម្ពុជាទៅកាន់ទីក្រុងកៅហ្សុង និងស្រុកកិនទីង នៃកោះតៃវ៉ាន់
ក្រុមអ្នកសារព័ត៌មាននៃព្រះរាជាណាចក្រកម្ពុជាចំនួន6ស្ថាប័ន កាលពីថ្ងៃទី10-13 ខែកក្កដា ឆ្នាំ2017 កន្លងទៅត្រូវបានអញ្ជើញឱ្យទៅចូលរួមក្នុងដំណើរកម្សាន្តជាផ្លូវការមួយដែលរៀបចំឡើងដោយអាជ្ញាធរនៃទីក្រុងកៅហ្សុង (Kaohsiung) និងស្រុកកិនទីង (Kenting) របស់កោះតៃវ៉ាន់។
នៅក្នុងដំណើរទេសចរណ៍នេះមានការចូលរួមសហការយ៉ាងពេញទំហឹងពីសំណាក់សមាគមទេសចរណ៍ សណ្ឋាគារ ភោជនីយដ្ឋាន ព្រមទាំងរមណីយដ្ឋានល្បីៗនៅក្នុងទីក្រុងកៅហ្សុង និងស្រុកកិនទីងផងដែរ។
85 Sky Tower ដែលជាសណ្ឋាគារខ្ពស់បំផុតលំដាប់ទី2 នៅលើកោះតៃវ៉ាន់ និងសណ្ឋាគារ Amenda ដែលជាសណ្ឋាគារដ៏ទំនើបបែបប្រទេសអារ៉ាប់ បានទទួលការស្វាគមន៍ និងទទួលរាក់ទាក់អ្នកសារព័ត៌មានកម្ពុជា យ៉ាងកក់ក្តៅជាទីបំផុត។ រយៈពេល4ថ្ងៃ3យប់នៃដំណើរកម្សាន្តនេះ អ្នកសារព័ត៌មានពីស្ថាប័ន ឡារ៉ែន មេឌារ (កាសែត ទស្សនាវដ្តី និងអនឡាញ ឡារ៉ែន) ទូរទស្សន៍ហង្សមាស កាសែតភ្នំពេញប៉ុស្តិ៍ កាសែតកោះសន្តិភាព ទូរទស្សន៍ខ្មែរប៉ុស្តិ៍លេខ9 ព្រមទាំងស្ថាប័នព័ត៌មានដើមអម្ពិល បានទៅទស្សនា និងផ្តិតយករូបភាពដ៏ស្រស់ត្រកាលនៅលើទឹកដីនៃកោះតៃវ៉ាន់ ក្នុងទីក្រុងកៅហ្សុង និងស្រុកកិនទីងជាច្រើនកន្លែងដូចជា ឃ្លាំងផ្ទុកទំនិញសម័យមុនសង្គ្រាមលោកលើកទី2 ដែលបានកែច្នៃមកជាឃ្លាំងប្រមូលផ្តុំដោយសិល្បៈចម្រុះ និងកំពង់ផែនៃទីក្រុងកៅហ្សុង (Art Center & Kao Port) សាលាបង្រៀនវៃស្គរធំ (Ten Drums of the Culture of the Park) ដែលជាប់ពាន់រង្វាន់ពិភពលោក ជិះទូកលេងមើលទេសភាពនៅក្នុងទន្លេនៃក្តីស្រឡាញ់ (Love River) ប៉មពណ៌សនៃប្រវត្តិសាស្ត្រក្នុងស្រុកកិនទីង និងថ្មផុសដ៏ស្រស់ស្អាតពីសមុទ្រប៉ាស៊ីហ្វិក (Goose Lute Nose Lighthouse & Sail Stone) សារមន្ទីរជាតិជីវវិទ្យាសមុទ្រ និងអាងចិញ្ចឹមត្រីដ៏ធំ Water of The World (National Museum of Marine Biology & Aquarium) ដែលមានត្រីសមុទ្រគ្រប់ប្រភេទ និងការទស្សនាបាតសមុទ្រដ៏ស្រស់ស្អាតតាមផ្លូវកញ្ចក់ ព្រះវិហារព្រះពុទ្ធដ៏ធំសម្បើម (Buddha Memorial Center) ស្រះឈូក ឬប្រាសាទភ្លោះ និងការទស្សនាចម្ការម្នាស់ និងរោងចក្រផលិតនំម្នាស់ដ៏ធំ និងល្បីជាងគេនៅក្នុងទីក្រុងកៅហ្សុង និងស្រុកកិនទីង (Pineapple Cake)។
ទីក្រុងកៅហ្សុង និងស្រុកកិនទីង ពិតជាសម្បូរតំបន់ទេសចរណ៍បែបធម្មជាតិ និងបែបកែច្នៃដ៏ទាក់ទាញជាច្រើន ព្រមជាមួយនឹងស្ថានភាពសេដ្ឋកិច្ច និងសង្គមនៅកោះតៃវ៉ាន់ក៏ល្អថែមទៀតនោះគឺពិតទីកន្លែងទេសចរណ៍ដ៏ល្អ និងគួរឱ្យចង់ទៅទស្សនាខ្លាំងណាស់ ចំណែកឯប្រជាជនតៃវ៉ាន់ក៏មានភាពរួសរាយរាក់ទាក់ ចេះជួយគ្នាគួរឱ្យស្រឡាញ់រាប់អានថែមទៀតផង។
នៅក្នុងដំណើរទេសចរណ៍ជាផ្លូវការរបស់អ្នកសារព័ត៌មានកម្ពុជាត្រូវបានទទួលស្វាគមន៍ដោយផ្ទាល់ពីសំណាក់លោកស្រី Tseng Tzu-Wen ប្រធានការិយាល័យទេសចរណ៍នៃទីក្រុងកៅហ្សុង ព្រមទាំងអាជ្ញាធរនៃទីក្រុងកៅហ្សុង និងស្រុកកិនទីង ផងដែរ។
សូមបញ្ជាក់ផងដែរថា ដំណើរកម្សាន្តរយៈពេល4ថ្ងៃ3យប់នេះ ដឹកនាំដោយក្រុមហ៊ុនទេសចរណ៍ Xing Fuwah Travel សហការដោយក្រុមហ៊ុនទេសចរណ៍ Sky King និងក្រុមហ៊ុន ជេស៊ី (ខេមបូឌា) អ៊ីនធីណេសិនណល អ៊ែរឡាញ ដែលបានសម្ពោធបើកជើងហោះហើរដោយផ្ទាល់ពីរាជធានីភ្នំពេញ ទៅកាន់ទីក្រុងកៅហ្សុង ប្រទេសតៃវ៉ាន់ និងពីទីក្រុងកៅហ្សុង មកកាន់រាជធានីភ្នំពេញ៕
CITY GOLF រៀបចំការប្រកួតស្វែងរកជើងឯកប្រចាំឆ្នាំ2017
ស្ថិតនៅក្នុងគោលបំណងចម្បងនៃការចូលរួមលើកស្ទួយវិស័យកីឡាវាយកូនហ្គូលនៅកម្ពុជា CITY GOLF ដែលជាទីលានវាយកូនហ្គោលដ៏ល្បីឈ្មោះស្ថិតនៅ ផ្លូវ 598 សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ បានរៀបចំការប្រកួតស្វែងរកអ្នកដែលមានសមត្ថភាព និងទេពកោសល្យខ្ពស់ ខាងវាយកូនហ្គោលប្រចាំឆ្នាំ 2017។ កម្មវិធីប្រកួតនេះមានឈ្មោះថា METFONE GOLF CHAMPION SHIP 2017 ក្រោមការចូលរួមគាំទ្រ និងឧបត្ថម្ភធំដោយក្រុមហ៊ុនបណ្តាញទូរស័ព្ទចល័ត Metfone រួមជាមួយនឹងដៃគូសហការឧបត្ថម្ភចំនួន4ក្រុមហ៊ុនទៀតរួមមាន ក្រុមហ៊ុនស្រាបៀរ Heineken , ក្រុមហ៊ុនប្រេងឥន្ទនៈTELA, ក្រុមហ៊ុន POCARI SWEAT និងក្រុមហ៊ុន City Link Internet ។
សូមជំរាបជូនផងដែរថា កម្មវិធីប្រកួតវាយកូនហ្គោល Metfone Golf Championship គឺជាកម្មវិធីលើកទី1 របស់ក្រុមហ៊ុន Metfone នៅក្នុងឆ្នាំ 2017 នេះ ហើយក្រុមហ៊ុន Metfone បាននិងមានគំរោង រៀបចំកម្មវិធីប្រកួតនៅក្នុងឆ្នាំ 2018 ជាលើកទី2 គឺនៅថ្ងៃទី 22 ខែកក្កដា ឆ្នាំ 2018។
សម្រាប់កម្មវិធីប្រកួតនឹងត្រូវធ្វើឡើងនៅត្រឹមថ្ងៃទី 23 ខែកក្កដា ឆ្នាំ 2017 ខាងមុខនេះ ដោយមានបេក្ខភាពចូលរួមប្រកួតបញ្ចេញសមត្ថភាព និងថ្វៃដៃសរុបចំនួន90នាក់ ចម្រុះជាតិសាសន៍ រួមមានជនជាតិ កម្ពុជា កូរ៉េ ចិន និងជនជាតិអឺរ៉ុប ដោយធ្វើការបែងចែកចេញជា2វេន ពោលគឺការប្រកួតជម្រុះក្រុមទី1ចំនួន45នាក់ ចាប់ពីម៉ោង 7 : 15 នាទីព្រឹក និងក្រុមទី 2 ប្រកួតជម្រុះចាប់ពីម៉ោង 2 : 15 នាទីរសៀល រហូតដល់ម៉ោង 6 ល្ងាច បិទកម្មវិធីរួមជាមួយការប្រគល់ពានរង្វាន់ដល់កីឡាករដែលប្រកួតឈ្នះនៅវេនពេលព្រឹកចំនួន 3 រូប គឺ លេខ 1 ,លេខ2 , និងលេខ 3 និងកីឡាករដែលប្រកួតឈ្នះនៅវេនពេលថ្ងៃចំនួន 3 រូប គឺ លេខ 1 ,លេខ2 , និងលេខ 3 ។
ដោយឡែកសម្រាប់អ្នកដែលបានចូលរួមប្រកួតទាំងអស់ ក្រៅពីបានបង្ហាញពីសមត្ថភាពរបស់ខ្លួននៅក្នុងកម្មវិធី គឺថែមទាំងមានឱកាសធ្វើការផ្លាស់ប្ដូរបទពិសោធន៍ជាមួយបេក្ខភាពនានា ក៏ដូចជាការបង្កើនទំនាក់ទំនង និងស្និទ្ធស្នាលផងដែរ ។ សូមចូលរួមទស្សនាការប្រកួត METFONE GOLF CHAMPION SHIP 2017 នៅព្រឹកថ្ងៃទី23 ខែកក្កដា ឆ្នាំ2017 ទាំងអស់គ្នា៕
សិក្ខាសិលាស្ដីពី «បេសកកម្មនិស្ស័យសាកលវិទ្យាល័យ»
ជីវិតជានិស្សិតសាកលវិទ្យាល័យ ក្នុងថ្នាក់ឧត្តមសិក្សា រមែងតែងតែជួបបញ្ហាជាច្រើន ដែលត្រូវឆ្លងកាត់។ ក្រោយពីការធ្វើការសិក្សាលើមុខជំនាញ ដែលខ្លួនបានសម្រេចជ្រើសរើសយ៉ាងលំបាករួចមក និស្សិតម្នាក់ៗនៅត្រូវឆ្លងកាត់ដំណាក់កាលលំបាកៗជាច្រើនទៀតក្នុងឆ្នាំសិក្សានីមួយៗ ដែលសុទ្ធសឹងតែអាចជារនាំងបញ្ហាដ៏ធំសម្រាប់យុវនិស្សិត។ បញ្ហាទាំងនោះ អាចជា (1) ផែនការនៃការរៀបចំការសិក្សាតាមឆ្នាំនីមួយៗ (2) បញ្ហាដែលខ្លួននឹងជួបប្រទះក្នុងឆាកជីវិតជានិស្សិត (3) ការស្វែងរកទេព្យកោសល្យដើម្បីបំផុសសក្តានុពលរបស់ខ្លួន ឬ(4) ការបង្កើតទំនាក់ទំនងដើម្បីផែនការអនាគតដ៍គាប់ប្រសើររបស់ខ្លួន។
វិមិកហ្ស នឹងធ្វើការរៀបចំវេទិកាសាធារណៈមួយស្តីអំពី «បេសកកម្មនិស្សិតសាកលវិទ្យាល័យ» ក្នុងគោលបំណងចែករំលែក និងជួយដោះស្រាយបញ្ហានានារបស់យុវជន ជាពិសេសយុវនិស្សិតទូទាំងរាជធានីភ្នំពេញ។ នេះជាប្រធានបទសំខាន់ ដែលត្រូវបានរៀបចំឡើងក្នុងគោលបំណង ជំរុញឲ្យនិស្សិតទទួលបាននូវទស្សនៈ និងគោលគំនិតសំខាន់ៗ ដើម្បីជាមាគ៌ាតម្រង់ខ្លួនយើងឆ្ពោះទៅរកភាពជោគជ័យ ពោរពេញ ដោយគោលការណ៍ ផែនការជាក់លាក់ មុតមាំ និងក្តីសង្ឃឹមខ្ពស់។ ជាមួយគ្នានេះ ចង់បង្ហាញពីការចាប់ យកមុខវិជ្ជាសិក្សា ដែលស្របនឹងទេពកោលសល្យពិតរបស់ខ្លួន ការបំពេញការងារដែលស្របនឹងជំនាញ ត្រូវទៅតាមផែនការរបស់ជីវិត ក៍ដូចជាការបំបែងរនាំងបញ្ហាក្នុងជីវិតជានិស្សិតសាកលវិទ្យាល័យ។
កម្មវិធីនេះនឹងប្រារព្ធទៅនៅវិទ្យាស្ថានបច្ចេកវិទ្យាកម្ពុជា (ITC) នាថ្ងៃទី16 ខែកក្កដា ឆ្នាំ2017 ចាប់ពីម៉ោង 7:30នាទីព្រឹក ដល់ម៉ោង 12:00ថ្ងៃត្រង់។ ព័ត៌មានបន្ថែមសូមទំនាក់ទំនង 093 422 862 / 092 41 31 55
ក្រុមហ៊ុនដ៏ល្បីមកពីអាល្លឺម៉ង់ ចាប់ដៃគូក្នុងស្រុកពង្រីកវិសាលភាពនៅកម្ពុជាលើការផ្គត់ផ្គង់វិស័យ ទ្វារ បង្អួច
ខណៈពេលដែលកម្ពុជាត្រូវបានគេសម្លឹងឃើញថា កំពុងតែមានការរីកចម្រើន និងអភិវឌ្ឍនខ្លាំងទៅលើវិស័យសាងសង់សំណង់អគារយ៉ាងផុលផុសនោះ បានធ្វើបណ្តាវិនិយោគិន ក៏ដូចជាក្រុមហ៊ុនក្រៅស្រុកមួយចំនួន ដែលពាក់ព័ន្ធទៅនឹងទៅវិស័យមួយនេះ សម្រេចចិត្តបណ្តាក់ទុន ក៏ដូចជាស្វែងរកក្រុមហ៊ុនក្នុងស្រុកនានា ដើម្បីធ្វើជាដៃគូយ៉ាងជិតស្និទ្ធក្នុងការពង្រីកវិសាលភាពរបស់ខ្លួននៅលើទីផ្សារសំណង់ក្នុងប្រទេសដែលកំពុងអភិវឌ្ឍមួយនេះ ។
ជាក់ស្ដែង កាលពីសប្ដាហ៍កន្លងទៅនេះ នៅសណ្ឋាគារភ្នំពេញ Profine ដែលជាក្រុមហ៊ុនដ៏ល្បីឈ្មោះមានប្រភពនៅប្រទេសអាល្លឺម៉ង់ និងមានជំនាញក្នុងការផលិតទ្វារ បង្អួច សុវត្ថិភាពចែកចាយយ៉ាងទូលាយជាង 70 ប្រទេសនៅទូទាំងពិភពលោកនោះ បានសម្រេចប្រកាសជាផ្លូវការចាប់ដៃគូសហការជាផ្លូវការជាមួយក្រុមហ៊ុន G Gear Pronit ដែលជាអង្គភាពអាជីវកម្មមួយរបស់ G Gear ហើយត្រូវបានបង្កើតឡើងនៅក្នុងឆ្នាំ 2015 ដែលផ្តោតសំខាន់លើការផ្គត់ផ្គង់ និងផ្តល់សេវាកម្មនៃផលិតផលបង្អួចនិងទ្វារប្រភេទ PVC ។
លោក ហ៊ ហាប់ ដែលជាអគ្គនាយករបស់ក្រុមហ៊ុន G Gear Pronith បានមានប្រសាស៏អោយដឹងថា « G Gear Pronith » គឺជាក្រុមហ៊ុនចែកចាយជាផ្លូវការ និងជាដៃគូរយុទ្ធសាស្រ្ដតែមួយគត់របសក្រុមហ៊ុន Profine នៅក្នុងប្រទេសកម្ពុជា នេះគឺដោយសារតែក្រុមហ៊ុន G Gear Pronith មានក្រុមការងារបេ្ដជ្ញាបងើ្តតនូវតម្លៃនៃការរស់នៅជាមួយនឹងអ្នកជំនាញ សម្រាប់ផលិតផល U-PVC ថ្មីនេះ ក្នុងការរចនា ទ្វារ បង្អួច ជាមួយសេវាកម្ម ដែលប្រកបដោយជំនាញ និង វិជ្ជាជីវៈ។ នៅក្នុងកិច្ចសហការរវាងក្រុមហ៊ុន G Gear និងក្រុមហ៊ុន Profine ដែលជាក្រុមហ៊ុនផលិតផល U-PVC ម៉ាក KÖMMERLING នេះយើងមានសង្ឃឹមថា វានឹងមាននាំមកនូវបច្ចេកវិទ្យាជឿនលឿនតាមរយៈផលិតផល ទ្វារ និង បង្អួច u-PVC ថ្នាក់ស្ដង់ដា និង គុណភាពខ្ពង់លំដាប់អន្តរជាតិ នៅក្នុងទីផ្សារកម្ពុជា។
លោកបានបញ្ជាក់ថា កាលពីឆ្នាំមុន ក្រុមហ៊ុន Profine ដែលមានផលិត Kommerling បានសហការជាមួយ G GEAR ក្នុងការផ្តល់សិទ្ធចែកចាយជាផ្លូវការ និងជាដៃគូពាណិជ្ជកម្មតែមួយគត់នៅក្នុងប្រទេសកម្ពុជា ពីព្រោះ G GEAR Pronit មានក្រុមការងារដែលពោពេញដោយសមត្តភាព និងមានការប្តេជ្ញាខ្ពស់ដើម្បីលើកកម្ពស់ស្តង់ដារនៃការរស់នៅរបស់ប្រជាជនកម្ពុជាជាមួយនឹងឯកទេសខាង ទ្វារ បង្អួច ប្រភេទ U-PVC និងការផ្តល់នៅសេវាកម្មល្អ ប្រកបដោយវិជ្ជាជីវៈត្រឹមត្រូវ។
លោក ហ៊ ហាប់ បានបន្ថែមយ៉ាងដូច្នេះថា ៖ « យើងកំពុងផ្តល់ជូននូវផលិតផលទ្វារបង្អួចដែលមានគុណភាពល្អដាច់គេ ជាមួយនឹងលក្ខណៈពិសេសជាច្រើនរួមមាន ៖ អ៊ីសូឡង់ការពារសម្លេងរំខាន អ៊ីសូឡង់ការពារកំដៅ ធន់នឹងអាកាសធាតុ មានស្ថេរភាពយូអង្វែង និងមានសុវត្ថិភាពខ្ពស់ ការរចនានិងពណ៌មានលក្ខណៈស្រស់ស្អាត ហើយមិនមានការប៊ះពាល់ដល់បរិយាកាស 100% ។ ផលិតផល ទ្វារ បង្អួច ម៉ាក U-PVC មានភាពសាកសមទៅនឹងគម្រោងផ្សេងៗ ដូចជា៖ Apartment & ខុនដូ វីឡា & ផ្ទះល្វែង អគារពាណិជ្ជកម្ម និងសណ្ឋាគារ & សាលារៀន ហើយនៅក្នុងកិច្ចសហការរវាងក្រុមហ៊ុន G Gear Pronit និង Profine យើងសង្ឃឹមថាវាអាចនាំមកនូវការផ្លាស់ប្តូរបច្ចេកវិទ្យាទំនើបដោយនាំមកនូវបង្អួច U-PVC ដែលមានគុណភាពកម្រិតស្តង់ដារឆ្ពោះមកកាន់ទីផ្សារកម្ពុជា»៕
មន្ទីរពេទ្យ ជប៉ុនសាន់រ៉ាយស៍ភ្នំពេញ មានគ្រូពេទ្យឯកទេស ផ្នែកក្រពះ-ពោះវៀន ពីប្រទេសជប៉ុន មកព្យាបាលពលរដ្ឋកម្ពុជា
បន្ទាប់ពីបានធ្វើកិច្ចសម្ពោធបើកដំណើរការទទួលព្យាបាលអ្នកជំងឺទូទៅនៅក្នុងព្រះរាជាណាចក្រកម្ពុជា រាប់ទាំងប្រជាពលរដ្ឋជាជនជាតិខ្មែរ ជប៉ុន ក៏ដូចជាអ្នកជំងឺចម្រុះជាតិសាសន៍ដទៃទៀតចាប់តាំងពីថ្ងៃទី20 ខែកញ្ញា ឆ្នាំ2016 ក្រោមវត្តមានដ៏ខ្ពង់ខ្ពស់របស់សម្ដេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជារហូតមកដល់ពេលនេះ មន្ទីរពេទ្យ ជប៉ុន សាន់រ៉ាយស៍ ភ្នំពេញ ដែលភាសាបរទេសហៅថា Sunrise Japan Hospital Phnom Penh បាននិងកំពុងទទួលបាន ការជឿទុកចិត្តពីសំណាក់អ្នកជំងឺទូទៅគួរឱ្យកត់សម្គាល់។ ជាមួយគ្នានេះដើម្បីបំពេញបន្ថែមលើតម្រូវការផ្នែកសុខាភិបាលនៅក្នុងស្រុក ជាពិសេសដើម្បីឆ្លើយតប ទៅនឹងតម្រូវការរបស់អ្នកជំងឺផងដែរនោះ មន្ទីរពេទ្យ ជប៉ុន សាន់រ៉ាយស៍ ភ្នំពេញ បានអញ្ជើញអ្នកជំនាញមានឯកទេសផ្នែកព្យាបាលជំងឺពាក់ព័ន្ធនឹងក្រពះ ពោះវៀន ដែលមានបទពិសោធព្យាបាលនៅប្រទេសជប៉ុនមិនក្រោម 20ឆ្នាំ មកប្រចាំការនៅក្នុងមន្ទីរពេទ្យដ៏ទំនើប និងទាន់សម័យកម្រិតស្ដង់ដារអន្តរជាតិមួយនេះ ដែល
កាន់តែបង្កើននូវទំនុកចិត្តខ្ពស់ដល់អ្នកស្វែងរកសេវាព្យាបាលទ្វេដង។លោកវេជ្ជបណ្ឌិត ហុកាមឹរ៉ា ណុប៊ឹកាហ្ស៊ឹ (Hokamura Nobukazu) អ្នកជំនាញផ្នែកព្យាបាលជំងឺក្រពះ-ពោះវៀន ដែលត្រូវបានអញ្ជើញមកពីប្រទេសជប៉ុន ដើម្បីមកបម្រើការងារលើសេវាព្យាបាលនៅក្នុងមន្ទីរពេទ្យ ជប៉ុន សាន់រ៉ាយស៍ ភ្នំពេញ បានប្រាប់ឱ្យដឹងថា លោកបានបញ្ចប់ការសិក្សានៅសាកលវិទ្យាល័យតូក្យូ ហើយទៅបន្តសិក្សាចាប់យកជំនាញនៅមជ្ឈមណ្ឌលនៃជំងឺមហារីកប្រចាំប្រទេសជប៉ុន។ ជាមួយគ្នានេះផងដែរ លោកក៏មានបទពិសោធក្នុងនាមជាអ្នកឯកទេសជំនាញលើការព្យាបាលជំងឺពាក់ព័ន្ធទៅនឹងប្រព័ន្ធរំលាយអាហារ ជាពិសេស បញ្ហាជំងឺក្រពះ និងពោះវៀនជាង25ឆ្នាំ ដែលក្នុងនោះលោកធ្លាប់បម្រើការងារ
នៅក្នុងមន្ទីរពេទ្យរដ្ឋ21ឆ្នាំ និងនៅក្នុងមន្ទីរពេទ្យឯកជនមានចំនួនជាង4ឆ្នាំ មុនពេលមកកាន់ការងារនៅមន្ទីរពេទ្យ ជប៉ុន សាន់រ៉ាយស៍ ភ្នំពេញ ប្រចាំនៅកម្ពុជា។ លោកបានបញ្ជាក់ទៀតថា ផ្អែកតាមបទពិសោធក្នុងការព្យាបាលរបស់លោកអស់រយៈកាលជាង25ឆ្នាំកន្លងទៅនេះ សម្រាប់បញ្ហាប្រឈមរបស់មនុស្សទូទៅ គឺពាក់ព័ន្ធទៅនឹងជំងឺក្រពះមានអត្រាច្រើនជាងជំងឺផ្សេងៗទាំងអស់ ខណៈដែលជំងឺមួយប្រភេទនេះងាយនឹងកើតមាន ដោយសារតែកត្តានៃការរស់នៅ ដូចជា ការសម្រាកមិនបានគ្រប់គ្រាន់ ការទទួលជាតិអាល់កុល របបអាហារប្រចាំថ្ងៃ ដែលមានជាតិហឹរពេក និងប្រៃពេក ហើយកត្តាដែលបង្កឱ្យមានជំងឺក្រពះគឺបណ្ដាលមកពីមេរោគ H.Pylori នៅក្នុងក្រពះ។រោគសញ្ញា ៖ លោកវេជ្ជបណ្ឌិត ហុកាមឹរ៉ា ណុប៊ឹកាហ្ស៊ឹ បានបន្តទៀតថា ចំពោះជំងឺមហារីកក្រពះនេះ នៅដំណាក់កាលដំបូង ជាទូទៅវាមិនបានបង្ហាញជារោគសញ្ញាអ្វីគួរឱ្យកត់សម្គាល់នោះឡើយ។ ប៉ុន្ដែលោកអ្នកអាចធ្វើការពិនិត្យសុខភាពឱ្យបានទៀងទាត់ ដើម្បីប្រាកដថា អ្នកមានសុខភាពល្អ និងមិនមានការព្រួយបារម្ភចំពោះជំងឺមហារីកក្រពេះនោះទេ។ ដោយឡែកនៅពេលជំងឺមហារីកចេះតែវិវត្តទៅមុខឈានដល់ដំណាក់កាលធ្ងន់ធ្ងរ ឬរ៉ាំរ៉ៃ វាអាចបង្កឱ្យមានរោគសញ្ញាមួយចំនួនដូចជា មានការឈឺចាប់នៅតំបន់ពោះ ពិបាកក្នុងការលេបអាហារ មានអាការអួលណែនដើម-ក មានចង្អោរ ឬក្អួតក្រោយពេលទទួលទានអាហារ ស្រកទម្ងន់ និងមានអារម្មណ៍ថាឆ្អែតជាដើម។ ប៉ុន្តែអ្វីដែលកាន់តែច្បាស់ក្នុងការធ្វើរោគវិនិច្ឆ័យគឺការពិនិត្យដោយម៉ាស៊ីនមីក្រូទស្សន៍ និងការច្រឹបយកសាច់ក្រពះទៅធ្វើការវិភាគ។
ការព្យាបាល ៖ ចំពោះវិធីសាស្ត្រនៃការព្យាបាល អ្នកជំនាញនឹងអនុវត្តអាស្រ័យទៅតាមដំណាក់កាលនៃជំងឺមហារីក និងភាពជាក់ស្ដែង ជាមួយនឹងវិធី2យ៉ាង គឺការវះកាត់ និងការព្យាបាលដោយប្រើថ្នាំ។ ដោយឡែកការវះកាត់មានជម្រើស2យ៉ាង គឺការវះកាត់បើកមុខធំ និងការវះកាត់ដោយការចោះ។ សម្រាប់វិធីសាស្ត្រវះកាត់ដោយការចោះ គឺត្រូវបានធ្វើឡើងត្រឹមដំណាក់កាលដំបូង ដែលត្រឹមតែជាការវះកាត់យកដុំមហារីកដែលតូចបំផុតចេញពីក្រពះ។ ប៉ុន្តែក្នុងករណីមហារីកដំណាក់កាលធ្ងន់ធ្ងរអ្នកជំនាញចាំបាច់ប្រើវិធីសាស្ត្រវះកាត់បើកមុខធំ ដើម្បីកាត់ចោលនូវផ្នែកណាមួយនៃក្រពះដែលមានមហារីក ឬអាចធ្ងន់ធ្ងរជាងនេះអ្នកជំនាញចាំបាច់ត្រូវកាត់ក្រពះចោលតែម្ដង។ បន្ទាប់ពីក្រោយការវះកាត់ដោយជោគជ័យ អ្នកជំងឺត្រូវអនុវត្តទៅតាមការណែនាំរបស់អ្នកជំនាញ ដូចជា កម្រិតនៃការទទួលទានអាហារ ការព្យាយាមទទួលទានថ្នាំឱ្យបានទៀងពេល ជាពិសេស ត្រូវទៅជួបពិនិត្យ និងពិភាក្សាជាមួយអ្នកជំនាញទៅតាមការណាត់របស់អ្នកជំនាញ។
វិធីការពារ ៖ ប្រសិនបើមិនចង់ឱ្យជំងឺមហារីកចូលមកបៀតបៀននោះទេ លោកអ្នកត្រូវតែអនុវត្តឱ្យបានទៅតាមការណែនាំរបស់លោកវេជ្ជបណ្ឌិត ហុកាមឹរ៉ា ណុប៊ឹកាហ្ស៊ឹ ដូចជា ព្យាយាមទទួលទានអាហារប្រចាំថ្ងៃឱ្យបានទៀងពេល 3ពេលក្នុងមួយថ្ងៃ, សម្រាក (គេង) ឱ្យបានគ្រប់គ្រាន់, ចៀសវាងអាហារមានជាតិខ្លាញ់ច្រើន អាហារហឹរខ្លាំង
អាហាររសជាតិប្រៃ ជាពិសេសបញ្ឈប់ការទទួលទានស្រា ឬជាតិអាល់កុល។សូមព្យាយាមថែរក្សាសុខភាពរបស់លោកអ្នកឱ្យឃ្លាតឆ្ងាយពីជំងឺមហារីកក្រពះ៕
