Category: PR

ភ្នំពេញៈ កម្មវិធីប្រកួតជួញដូរភាគហ៊ុនស៊ីអាយអិមប៊ី ប្រចាំតំបន់អាស៊ាន ឆ្នាំ២០១៧ ត្រឡប់មក សារជាថ្មី ជាមួយ នឹង​ប្រាក់រង្វាន់សរុប 40,000ដុល្លារអាមេរិក និងដំណើរកម្សាន្តទៅកាន់ផ្សារភាគហ៊ុនទីក្រុងតូក្យូ ប្រទេសជប៉ុន សម្រាប់ជ័យលាភីឆ្នាំនេះ។

កម្មវិធីប្រកួតជួញដូរភាគហ៊ុនស៊ីអាយអិមប៊ី ប្រចាំតំបន់អាស៊ាន (CIMB ASEAN Stock Challenge) បានត្រឡប់មកវិញ ក្នុងឆ្នាំទី៨ ដែលនិស្សិតសាកលវិទ្យាល័យ នៅក្នុងប្រទេសកម្ពុជា ម៉ាឡេស៊ី ឥណ្ឌូនេស៊ី សិង្ហបុរី ថៃ និងប្រទេសប្រ៊ុយណេ អាចចុះឈ្មោះចូលរួមប្រកួតបាន។

ការ​ប្រកួតជួញដូរភាគហ៊ុនស៊ីអាយអិមប៊ី ប្រចាំតំបន់អាស៊ាន ឆ្នាំ២០១៧​ មានប្រាក់រង្វាន់សរុប 40,000​ដុល្លារ​អាមេរិក​ ហើយវគ្គផ្តាច់ព្រ័ត្រប្រចាំតំបន់ នឹងត្រូវធ្វើឡើងនៅទីក្រុងចាកាតា ប្រទេសឥណ្ឌូនេស៊ី ខណៈដែលក្រុមជើងឯកថ្នាក់តំបន់ នឹងបានធ្វើដំណើរកម្សាន្តទៅកាន់ផ្សារភាគហ៊ុនទីក្រុងតូក្យូ ប្រទេសជប៉ុន។

 បេក្ខជនប្រឡង នឹងធ្វើការប្រកួតប្រជែងទៅលើជំនាញវិនិយោគរបស់ខ្លួន ផ្អែកលើពេលវេលាជាក់ស្តែងនៃផ្សារ​ភាគហ៊ុន ដែលពួកគេអាចជួញដូរនៅលើទីផ្សារភាគហ៊ុនធំៗទាំង៥ ក្នុងតំបន់ រួមមាន​ផ្សារភាគហ៊ុន​ប៊ូរសាម៉ាឡេស៊ី (Bursa Malaysia) ផ្សារភាគហ៊ុន​ឥណ្ឌូណេស៊ី (IDX) ​ផ្សារភាគហ៊ុន​​សិង្ហបុរី​ (SGX) ​ផ្សារភាគហ៊ុន​​ថៃ (SET) និងផ្សារភាគហ៊ុន​​ហុងកុង (HKEx)។ កម្មវិធីប្រកួតជួញដូរភាគហ៊ុនស៊ីអាយអិមប៊ី ប្រចាំតំបន់អាស៊ាន ក្នុងឆ្នាំនេះ គឺកាន់តែពិសេសពីឆ្នាំមុន ដោយបាននាំយកនូវកម្មវិធី Mobile App ថ្មី ដែលផ្តល់ភាពងាយស្រួល ដល់ក្រុមប្រកួត ក្នុងការវិភាគទិន្នន័យ និងការជួញដូរភាគហ៊ុន។

Dato’ Hamidah Naziadin ប្រធាននាយិកាប្រតិបត្តិធនធានមនុស្ស របស់ CIMB Group បានឲ្យដឹងថា៖ «ស៊ីអាយអិមប៊ី តែងតែបន្តលើកកម្ពស់ការអភិវឌ្ឍយុវជន ក្នុងតំបន់អាស៊ាន ហើយកម្មវិធីកម្មវិធីប្រកួតជួញដូរភាគហ៊ុនស៊ីអាយអិមប៊ី លើកទី៨នេះ នឹងកាន់តែពិសេស ដោយបេក្ខជនប្រឡង នឹងត្រូវមានភាពច្នៃប្រឌិត និងការប្រកួតប្រជែងខ្ពស់ ដើម្បីក្លាយជាជើងឯកថ្នាក់តំបន់។ ហើយកម្មវិធីឆ្នាំនេះអនុញ្ញាតឲ្យក្រុមប្រឡង ប្រកួតប្រជែង ដោយប្រើប្រាស់កម្មវិធី Mobile ហើយជួយឲ្យពួកគេ បង្កើតការវិភាគទិន្នន័យលម្អិត ដើម្បីព្យាករណ៍ការប្រែប្រួលតម្លៃបានកាន់តែប្រសើរ»។

សម្រាប់ថ្នាក់ជាតិ បេក្ខជនប្រឡងត្រូវប្រកួតប្រជែងគ្នា នៅតាមប្រទេសរៀងៗខ្លួន ចាប់ពីថ្ងៃ៩ ដល់ថ្ងៃទី២៧ ខែតុលា ជាមួយសាច់ប្រាក់សរុប ៨០ ០០០ដុល្លារអាមេរិក សម្រាប់ការជួញដូរ។ ហើយបីក្រុមដែលទទួលបានផលចំណេញវិនិយោគច្រើនជាងគេ នៅពេលបញ្ចប់ការជួញដូរ នឹងត្រូវយកមកធ្វើការសម្រេចជាចុងក្រោយ ផ្អែកលើសំណេរយុទ្ធសាស្រ្តរបស់ពួកគេ។

ក្រុមដែលមានសំណេរយុទ្ធសាស្រ្តល្អបំផុត នឹងក្លាយជាម្ចាស់ជើងឯកថ្នាក់ជាតិ ក្នុងប្រទេសរបស់ខ្លួន។ ក្រុមជើងឯក​​ចំណាត់​ថ្នាក់​លេខ​១ នឹងទទួល​បានប្រាក់រង្វាន់​ ៨០០ ដុល្លារ​អាមេរិក ចំណាត់​ថ្នាក់​លេខ​២ ទទួល​បាន ៥០០ ដុល្លារ​អាមេរិក ​និង​ចំណាត់​ថ្នាក់​លេខ​៣ ទទួល​បាន​ ៤០០ដុល្លារអាមេរិក។

ក្រុមជើងឯកមកពីប្រទេសទាំង៥ នឹងមកប្រកួតគ្នាក្នុងប្រទេសឥណ្ឌូនេស៊ី ដើម្បីដណ្តើមជើងឯកថ្នាក់តំបន់។​ តាមរយៈលក្ខខណ្ឌនៃការប្រឡង ក្រុមនីមួយៗនឹងទទួលបានប្រវត្តិទិន្នន័យនៃផ្សារភាគហ៊ុនទាំង៥ ដើម្បីវិភាគ និងជ្រើសរើសភាគហ៊ុនមួយ ដែលគិតថាអាចទទួលបានការចំណេញច្រើនបំផុត។

បន្ទាប់មក ក្រុមប្រឡងត្រូវធ្វើបទបង្ហាញអំពីយុទ្ធសាស្រ្តរបស់ខ្លួន មុនពេលគណៈកម្មការ សម្រេចជ្រើសរើស​ក្រុមជើងឯក។ជាលទ្ធផល ក្រុមជើងឯកនឹងបានធ្វើដំណើរកម្សាន្ត ទៅកាន់ផ្សារភាគហ៊ុនតូក្យូ ប្រទេសជប៉ុន ជាមួយប្រាក់រង្វាន់ ១២ ០០០ដុល្លារអាមេរិក ហើយក្រុមជើងឯករងទទួលបាន ៨ ០០០ដុល្លារអាមេរិក ក្រុមលេខ៣ ទទួលបាន ៥ ០០០ដុល្លារអាមេរិក ក្រុមលេខ៤ ទទួលបាន ២ ៥០០ដុល្លារអាមេរិក និងក្រុមលេខ៥ ទទួលបាន ១ ៥០០ដុល្លារអាមេរិក។

កម្មវិធីប្រកួតជួញដូរភាគហ៊ុនស៊ីអាយអិមប៊ី ប្រចាំតំបន់អាស៊ានឆ្នាំនេះ បានសហការជាមួយក្រសួងអប់រំ​ឧត្តមសិក្សាម៉ាឡេស៊ី និងក្រុមហ៊ុនអាកាសចរណ៍ម៉ាឡេស៊ីជាដើម។ ហើយក្នុងឆ្នាំមុននេះដែរ ក្រុមជើងឯក​ថ្នាក់ជាតិរបស់កម្ពុជា គឺក្រុម The Visionary ដណ្តើមបានជ័យលាភីលេខ៤ នៃកម្មវិធីប្រកួតតំបន់អាស៊ាននេះ។

ក្រុមទាំងអស់អាចចុះឈ្មោះអនឡាញតាមរយៈ https://stockchallenge.itradecimb.com ចាប់ពីថ្ងៃទី១៨ ដល់ថ្ងៃទី២៩ ខែកញ្ញា ២០១៧។

 

ក្នុងខែកញ្ញានេះពិតពិសេសហើយសំខាន់ដែលលោកអ្នកមិនអាចអាក់ខាន់បានសម្រាប់អ្នកដែលមានបំណងចង់ធ្វើអាជីវកម្ម ក៏ដូចជាពង្រីកអាជីវកម្មរបស់ខ្លួន ផាកកាហ្វេ និងវិទ្យាស្ថានអភិវឌ្ឍន៍វិស័យអប់រំ​ បានអញ្ជើញវាគ្មិនកិត្តិយសដែលមានបទពិសោធន៌ច្រើនក្នុងអាជីវកម្មគឺ Mr. Kouch Pheng as a President Advanced Glory Logistics (Cambodia) co., ltd (Elected President of YEAC) និង Mr. Song Saran as a CEO Amru Rice (Cambodia) Co., Ltd។ លោកទាំងពីរនឹងធ្វើការពិភាក្សារលើប្រធានបទ “គន្លឺះចាប់ផ្តើមអាជីវកម្មដោយជោគជ័យ និង អោយមាននិរន្តរភាព?”​  ដែរនឹងមានការចូលរួមសម្របសម្រួលពីលោករឹទ្ធ ប៉ុនរត្ន័ ដែលជានាយកផ្នែករដ្ឋបាល និង ធនធានមនុស្សរបស់ផាកកាហ្វេ។

កម្មវិធីនេះនឹងត្រូវប្រព្រឹត្តទៅនៅផាកកាហ្វេសាខាផ្លូវបឹងកេងកងត្រសក់ផ្អែម ​ថ្ងៃទី ២៨ ខែ កញ្ញា ឆ្នាំ ២០១៧ វេលា​ម៉ោង ០៥:៣០នាទី ល្ងាចតទៅ។

គួររំលឹកផងដែរថា ផាកកាហ្វេសហការណ៍ជាមួយវិទ្យាស្ថានអភិវឌ្ឍន៍វិស័យអប់រំបានរៀបចំកម្មវិធីសន្ទរនាពាណិជ្ជកម្មនេះដែលមានរយៈពេលពេញមួយឆ្នាំ២០១៧។ កម្មវិធីនេះត្រូវបានបង្កើតឡើងក្នុងគោលដៅមួយដែលមិនមែនស្វែងរកប្រាក់ចំណេញឡើយ តែគឺជាកម្មវិធីមួយដែលអាចជួយពង្រឹកគំនិតល្អៗសម្រាប់សហគ្រិនភាពក្នុងស្រុក ហើយអនុញ្ញាតអោយលោកអ្នកដែលមានបំណងស្វែងយល់ពីអាជីវកម្មអាចចូលរួមបានដោយចំណាយតិចតូចបំផុត។​ កម្មវិធីនេះផងដែរ ក៏ទទួលបានការគាំទ្រពី ស្ថាប័នដែលមានអ្នកជំនាញខាងចំរុះវិស័យក្នុងប្រតិបត្តិការអាជីវកម្មផ្សេង ដូចជា៖ ក្លឹបអ្នកវិនិយោគកម្ពុជា (CIC)  សមាគមសហគ្រិនវ័យក្មេងកម្ពុជា(YEAC) សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា(C.V.E.A) និង JCI កម្ពុជា និងម្ចាស់ឧបត្ថម្ភកម្មវិធីធំៗមួយចំនួនទៀត។

ដូចនេះកុំភ្លេចចូលរួមទាំងអស់គ្នា បើលោកអ្នកចង់ស្វែងយល់អំពី៖

១. ហេតុអ្វីត្រូវស​ម្រេចចិត្ត​ធ្វើអាជីវកម្ម?

២. អ្វីជាដើមទុនចំបងក្នុងការ​ធ្វើអាជីវកម្ម? រកទុន​នោះតាមវិធីណា?

៣. យុទ្ធសាស្ត្រនិងតិកនិកក្នុងការ​ដោះស្រាយបញ្ហាប្រឈមនីមួយៗក្នុងដំ​ណើរការអាជីវកម្ម។

៤. តើ​ត្រូវពិនិត្យ និង​ធ្វើយ៉ាងណាដើម្បី​ដើរ​អោយទាន់បរិបទទីផ្សារ?​

៥. តើអាជីវកម្មថ្មី​ថ្មោងអាចរីកចំ​រើនបានយ៉ាងដូច​ម្តេច?

៦. តើយុទ្ធសាស្រ្តអ្វីដែរអនុញ្ញាត​អោយក្រុមហ៊ុនមួយរីកចំ​រើនខ្លាំង​ទៅមុខ?

៧. ស្រាយចម្ងល់​ផ្សេ​ងៗតាមរយៈការជ​ជែក​វែ​ក​ញែក​ប​ន្ថែមជាមួយវាគ្មិននិងអ្នកចូលរួមជាច្រើន​ទៀត។

តម្លៃសំបុត្រ៖ ១៥ដុល្លារ

ទំនាក់ទំនង ៖ ០៧៧​ ៦៧​៦ ៤២៣/ ០១២ ២៣២ ៨២៣

***បញ្ជាក់តំលៃសំបុត្រនេះមានការរួមបញ្ចូលជាមួយនឹង Cocktail Networking រួចជាស្រាច់។

សម្រាប់ការចុះឈ្មោះចូលរួមកម្មវិធីនេះ​ចូលទៅកាន់ Link:  https://goo.gl/7ogioV

មិនបាច់​ចំណាយពេល​ទៅពិនិត្យ​ផលិតផល​ដល់​បរទេស និង​មិនចាំបាច់​ចំណាយពេល​យូរ​ទើប​អាច​រើស​ដៃគូ និង​ផលិតផល​មួយ​ដែល​ត្រូវ​នឺង​ទីផ្សារ​នោះទេ លោកអ្នក​អាចមក​ទទួលបាន​ផលិតផល Demo ពី​ខាងយើង​ខ្ញុំ​ដើម្បី​សាកល្បង និង​ដាក់លក់ ឬ​មក​ទទួល​សេវាកម្ម​ដោយផ្ទាល់​នៅតាម​ស្ដង់​ក្រុមហ៊ុននីមួយៗដើម្បី​យល់​ដឺ​ង​ពី​គុណភាព។

គួរបញ្ជាក់​ផងដែរ​ថា ផលិតផល​ទាំងអស់នោះ សុទ្ធតែជា​ផលិតផល​ម៉ាក​ល្បី និង​មានគុណ​ភាពល្អ​មកពី​បណ្ដាល​ប្រទេស​ជាច្រើន​ដូចជា សហរដ្ឋអាមេរិក អាល្លឺម៉ង់ តួ​ក​គី កូរ៉េ ហុងកុង សិង្ហ​បុរី ម៉ាឡេស៊ី ថៃ និង​វៀតណាម។

កុំ​ភ្លេច​ណា! ជួបគ្នា​នៅ​កោះ​ពេជ្រ អាគារ A!!!

ពិព័រណ៍​ទំនិញ STYLE គឺជា​មហា​ព្រឹត្តិការណ៍​ដ៏​ធំ​បំផុត នឹងត្រូវ​រៀបចំឡើង​ដោយ​នាយដ្ឋាន​ជំរុញ​ពាណិជ្ជកម្ម​ក្រៅប្រទេស​នៃ​ក្រសួងពាណិជ្ជកម្ម​ប្រទេស​ថៃ ក្រោម​ការសហការ​ចូល​រួម​យ៉ាង​ផុលផុស​ពី​សំណាក់​បណ្តា​ក្រុមហ៊ុន​ជាតិ-អន្តរជាតិ​មកពី​បណ្តា​ប្រទេស​នានា​លើ​ពិភពលោក​សរុប​ប្រមាណ1000ក្រុមហ៊ុន ស្មើនឹង​ប្រមាណ​ជាង 2000 ស្ដង់ ដែល​នឹង​ប្រព្រឹត្តទៅ​ចាប់ពី​ថ្ងៃទី 17 រហូត​ថ្ងៃទី 21 ខែតុលា ឆ្នាំ2017 ខាងមុខនេះ នៅក្នុង​មជ្ឈមណ្ឌល​រៀបចំ​កម្មវិធី និង​ប្រជុំ បៃ​ថេ​គ បាង​ណា នាទី​ក្រុង​បាងកក ប្រទេស​ថៃ ក្នុង​គោលបំណង​បង្កើន​ឱកាស​ងាយស្រួល​ដល់​វិនិយោគិន​នានា ដើម្បី​ចាប់ដៃ​សហការ​ធ្វើ​អាជីវកម្ម​រួមគ្នា។

លោក ជី​រ៉ា​វុ​ឍ សុវណ្ណ​អាត អគ្គទីប្រឹក្សា​ពាណិជ្ជកម្ម​នៃ​ស្ថាន​ឯកអគ្គរាជទូត​ថៃ​ប្រចាំ​នៅ​កម្ពុជា បានបញ្ជាក់​ថា​ដោយ​ផ្អែកទៅលើ​ការអភិវឌ្ឍ​នៅ​ប្រទេស​កម្ពុជា​ដែលមាន​ការរីកចម្រើន​ខ្លាំង គួបផ្សំ​នឹង​ការរក្សាបាន​នូវ​កំណើនសេដ្ឋកិច្ច​ជា​រៀងរាល់ឆ្នាំ បានធ្វើឱ្យ​ពាណិជ្ជករ​ថៃ​ក៏ដូចជា​ក្រុមហ៊ុនធំៗជាច្រើន​មានការ​ចាប់អារម្មណ៍​លើ​ទីផ្សារ​កម្ពុជា​យ៉ាងខ្លាំង។ លោក​បន្ដថា បច្ចុប្បន្ននេះ ក្រៅពី​មាន​ក្រុមហ៊ុន​ពាណិជ្ជកម្ម​ផ្នែក​សំណង់ សម្ភារ​ប្រើប្រាស់​ក្នុងផ្ទះ ម្ហូបអាហារ ក៏ដូចជា​សម្ភារៈប្រើប្រាស់​ប្រចាំថ្ងៃផ្សេងៗជាច្រើន​ទៀត​នោះ ក៏​នៅមាន​ក្រុមហ៊ុន​វិនិយោគ​លើ​ផ្នែក​កម្សាន្ត​ផងដែរ។ ប៉ុន្តែ​សម្រាប់​មហា​ព្រឹត្តិការណ៍​ដែល​កំពុងតែ​រៀបចំ និង​ប្រកាស​បើក​ជា​ផ្លូវការ​នាពេលខាងមុខ ដែលមាន​ឈ្មោះថា «ពិព័រណ៍​ទំនិញ STYLE ដែល​នឹង​ប្រព្រឹត្តទៅ​រយៈពេល 5ថ្ងៃ ចាប់ពី​ថ្ងៃទី17-21 ខែតុលា ឆ្នាំ2017 ខាងមុខនេះ វា​គឺជា​កម្ម​វី​ធី​ដ៏​ធំ​សម្បើម​មួយ​ប្រចាំឆ្នាំ ក្រោម​ការបញ្ចូល​គ្នា​នៃ​ពិព័រណ៍ធំៗចំនួន3របស់​ប្រទេស​ថៃ ជាមួយនឹង​កិច្ចសហការ​យ៉ាង​ពេញទំហឹង​ពី​សំណាក់​សមាគម​ពាក់ព័ន្ធ​ចំនួន 24 ផ្សេងទៀត ដែល​កាន់តែ​ជួយ​បង្ក​ភាពងាយស្រួល ក៏ដូចជា​បង្កើន​ឱកាស​ទំនាក់ទំនង​រវាង​អ្នកវិនិយោគ​កម្ពុជា-ថៃ ឱ្យ​កាន់​តែមាន​ភាពងាយស្រួល​ជាទី​ផុត ។

ជាមួយនឹង​ការរៀបចំ​មហា​ព្រឹត្តិការណ៍ «ពិ​ព៍រណ៍​ទំនិញ STYLE» នេះ គណៈ​រៀបចំ និង​គ្រប់គ្រង​ព្រឹត្តិការណ៍​ក៏​រំពឹង​ផងដែរ​ថា ក្រៅពី​ជា​វិធី​បង្ក​ភាពងាយស្រួល​ដល់​អ្នកវិនិយោគ​នោះ កម្មវិធី​មួយ​នេះ​ក៏​អាច​ទាក់ទាញ​ភ្ញៀវទេសចរ​ចម្រុះ​ជាតិ​សាសន៍​ប្រមាណ6ម៉ឺន​នាក់ មកពី​បណ្តា​ប្រទេសផ្សេងៗ ជាពិសេស សហរដ្ឋអាមេរិក ចិន ជប៉ុន ឥណ្ឌា អូស្ត្រាលី និង​បណ្តា​ប្រទេស​នៅក្នុង​តំបន់​អាស៊ាន ។ សម្រាប់​អ្នក​ដែលមាន​បំណង​ចង់​ចូលរួម អាច​ទំនាក់ទំនង​បាន​តាមរយៈ https://traderegistration.ditp.go.th/accounts/login/ls

គួរបញ្ជាក់​ផងដែរ​ថា សម្រាប់​ទំហំ​ពាណិជ្ជកម្ម​ទ្វេភាគី​រវាង កម្ពុជា-ថៃ រយៈពេល 7 ខែ ដើមឆ្នាំ2017 នេះ មាន​ចំនួន 3.400 លាន​ដុល្លារ​សហរដ្ឋអាមេរិក កើនឡើង​ប្រមាណ 9,3 % បើ​ប្រៀ​ធៀប​ទៅនឹង​រយៈពេល​ដូចគ្នា​កាលពី​ឆ្នាំ 2016  ៕

សិក្ខាសាលា​នេះ រៀបចំឡើង​ដោយ​ក្រុម The Luminous Night នឹងមាន​ការធ្វើ​បទ​បង្ហាញ​រួមជាមួយ​ការចែករំលែក​នូវ​បទពិសោធពិតៗពី​វាគ្មិនល្បីៗ ហើយ​កម្មវិធី​នេះ​ផងដែរ ក៏​ផ្ដល់ឱកាស​សម្រាប់​យុវជន​ធ្វើការ​សួរ​ឆ្លងឆ្លើយ​ជាមួយវាគ្មិន​កិត្តិយស ដែលជា​រៀមច្បង​បាន​ប្រឡូក​ក្នុង​ការងារ​សង្គម និង​មាន​បទពិសោធ​ច្រើន​ក្នុងបរិបទ​សង្គម​ការងា​រនា​សតវត្ស​ទី21នេះ។ លើសពីនេះ​ក៏មាន​ការចូលរួម​ពី​តារាចម្រៀង Original Song ដូចជា Seyha Ha, Sai BT និង​កញ្ញា Hang Mariny។

កម្មវិធី​នេះ​នឹងធ្វើ​ឡើង​ពេញ1ថ្ងៃ​គឺ ថ្ងៃ​ព្រហស្បតិ៍​ទី14 ខែកញ្ញា ឆ្នាំ2017នេះនៅ​ម​ជ្ឃ​មណ្ឌល​សហប្រតិបត្តិការ​កម្ពុជា-កូរ៉េ (CKCC)។ សំបុត្រ​ចូលរួម​មានតម្លៃ3ដុល្លារហើយនឹង​ទទួលបាន​នូវ​ទឹក​អាហារសម្រន់ អាហារ​ថ្ងៃត្រង់ និង​បន្តោង​សោរ​ដ៏​ស្រស់ស្អាតមួយ​ពី ICE WATCH ជា​អ្នក​ឧបត្ថម្ភ​ដល់​កម្មវិធី​នេះ ហើយ​យើង​ក៏​សូម​អរគុណ​ដល់​ទ​ស្សា​នវ​ដ្តី ឡា​រ៉ែ​ន ដែល​បាន​ចូលរួម​ជាមួយ​ពួកយើង​ដើម្បីអោយ​កម្មវិធី​នេះ​ដំណើរការ​ទៅមុខ។

សំបុត្រ​មាន​លក់​នៅ​មជ្ឈមណ្ឌល​សហប្រតិបត្តិ​ការ​កម្ពុជា​ជា​ជា-ជប៉ុន (CJCC) ទំនាក់ទំនង​ទិញ​សំបុត្រ៖ 012 531 478/ 077 207 501/ 070 812 708 និង 096 91 89 104 អ្នក​ទាំងអស់គ្នា​ក៏​អាច​ចុះឈ្មោះ​កក់​សំបុត្រ​តាម​តំណ​ភ្ជាប់​នេះ​បាន៖

https://goo.gl/forms/iHECPRBFeLJ274Fo2

ជាមួយនឹង​វត្តមាន​ថ្មី​នៃ​ក្រុមហ៊ុន​ជាច្រើន​មកពី​ប្រទេស​ថៃ ក្នុង​គោលបំណង​ចាប់ដៃ​សហការ​យ៉ាង​ជិតស្និទ្ធ​ជាមួយ​ពាណិជ្ជករ​កម្ពុជា​លើ​គ្រប់​វិស័យ​នោះ កាលពី​ល្ងាច​ថ្ងៃទី12 ខែកញ្ញា ឆ្នាំ2017 ម្សិលមិញ​នេះ មហាជន​ជាច្រើន​នាក់​បាន​សម្ដែង​នូវ​ភាព​ភ្ញាក់ផ្អើល​យ៉ាងខ្លាំង​ខណៈដែល​បានឃើញ​វេទិការ​នៃ​ការ​ព្រឹត្តិការណ៍ Thailand Fashion & Lifestyle 2017 បង្ហាញ​ម៉ូដ​សម្លៀកបំពាក់​យ៉ាង​ស្រស់ស្អាត​នៅ​ចំ​កណ្តាល​ផ្សារ​ទំនើប AEON ក្រោម​វត្តមាន​របស់​កំពូល​តា​រា​បង្ហាញ​ម៉ូដ​ជនជាតិ​ថៃ និង​ជនជាតិខ្មែរ​ជាច្រើន​នាក់​ឡើង​បង្ហាញ​រូប​សម្រស់​ជាមួយ​ការ​គ្រង​ម៉ូដ​សម្លៀកបំពាក់​បែប​ទាន់សម័យ​គួរ​ជាទី​ទាក់ទាញ​បំផុត។

នៅក្នុង​ព្រឹត្តិការណ៍​ជាមួយគ្នានេះ ក្រៅពី​មានការ​បង្ហាញ​ម៉ូដ​សម្លៀកបំពាក់​ដ៏​ស្រស់ស្អាត​ជាច្រើន​ឈុត​សម្រាប់​សុភាពនារី ក៏មាន​ការបង្ហាញ​ម៉ូដ​ឈុត​សម្លៀក​របស់​កុមារ​ផងដែរ ដែល​រាល់​ម៉ូដ​សម្លៀកបំពាក់​ទាំងនោះ​សុទ្ធតែ​បាន​កែច្នៃ​ដោយ​អ្នកជំនាញល្បីៗជា​ជនជាតិ​ថៃ។

ថ្លែង​នៅក្នុង​កម្មវិធី​នេះ លោក ជី​រ៉ាវុធ  សុ​វណ្ណា​អាត អគ្គទីប្រឹក្សា​ពាណិជ្ជកម្ម​ប្រចាំ​ស្ថាន​ឯកអគ្គរាជទូត​ថៃ​នៅ​កម្ពុជា បាន​លើកឡើងថា តាមរយៈ​ព្រឹត្តិការណ៍ Thailand Fashion & Lifestyle 2017 នេះ បានបង្ហាញ​ឱ្យឃើញ​ពី​ភាពជោគជ័យ​នៃ​កិច្ចសហការ​ពាណិជ្ជកម្ម​ទ្វេភាគី​រវាង កម្ពុជា-ថៃ ក្រោមរូបភាព​នាំចូល​ទំនិញ​គ្រប់​ប្រភេទ​មក​ផ្គត់ផ្គង់​តាម​តម្រូវការ​របស់​ប្រទេសមួយ​នេះ ។

លោក ជី​រ៉ាវុធ  សុ​វណ្ណា​អាត បាន​សង្កត់ធ្ងន់​ទៀតថា ប្រទេស​កម្ពុជា គឺជា​ដៃគូ​ពាណិជ្ជកម្ម​យ៉ាងសំខាន់​បំផុត​របស់​ប្រទេស​ថៃ ដែល​កាលពី​ឆ្នាំ2016កន្លង​ទៅនោះ ទំហំ​ពាណិជ្ជកម្ម​នៃ​ប្រទេស​ទាំងពីរ​មាន​ទឹកប្រាក់​រហូតដល់ 5,609 លាន​ដុល្លារ​សហរដ្ឋអាមេរិក ហើយ​នៅ​ឆ្នាំ 2017នេះ ក៏​នៅតែមាន​ការកើនឡើង​គួរ​ជាទី​មោទន​បំផុត ។

នៅ​ក្នុងឱកាស​ជាមួយគ្នានេះ លោក ជី​រ៉ាវុធ  សុ​វណ្ណា​អាត ក៏បាន​ប្តេជ្ញា​ថា ក្នុងនាម​ជា​អគ្គទីប្រឹក្សា​ពាណិជ្ជកម្ម​ប្រចាំ​ស្ថាន​ឯកអគ្គរាជទូត​ថៃ​នៅ​កម្ពុជា លោក​នឹង​ព្យាយាម​ខិតខំ​ជំរុញ​វិស័យ​ពាណិជ្ជកម្ម​ទ្វេភាគី​រវាង​កម្ពុជា-ថៃ ឱ្យ​កាន់តែ​មាន​ភាព​រីកចម្រើន​បន្ថែមទៀត ៕

ចាប់តាំងពី​បើក​ដំណើរការ​អាជីវកម្ម​ក្នុង​ឆ្នាំ 2012 លើ​ការ​នាំចូល​រថយន្ត​ប្រើប្រាស់​ថាមពល​អគ្គិសនី​ម៉ាក​អី​ុ​ហ្គ្រី​ន (E-green) និង​រថយន្ត​ហ្វូ​តុ​ន (Foton) ក្រុមហ៊ុន Car4you បានរៀបចំ​កម្មវិធី​គម្រប់​ខួប5ឆ្នាំ​របស់ខ្លួន ដើម្បី​ថ្លែងអំណរគុណ​ដល់​អតិថិ​ជន​ដែល​បាន​បន្ដ​ការគាំទ្រ និង​ប្រើប្រាស់​គ្រប់​សេវាកម្ម​របស់​ក្រុមហ៊ុន​នាពេល​កន្លងមក។

លោក Kjeld Olsen នាយក​ក្រុមហ៊ុន Car4you Co., Ltd បានឱ្យដឹងថា រយៈពេល 5ឆ្នាំនេះ​ជា​ពេលវេលា​ដ៏​គួ​ឱ្យ​កត់សម្គាល់​សម្រាប់​ក្រុមហ៊ុន​លោក និង​អតិថិជន​ទាំងអស់គ្នា។ ថ្ងៃនេះ​លោក​សូម​ថ្លែងអំណរគុណ​ដល់​អតិថិ​ជន និង​ដៃគូ​អាជីវកម្ម​ទាំងអស់​ដែល​បាន​គាំទ្រ​កន្លងមក និង​បន្ត​គាំទ្រ​ក្រុមហ៊ុន Car4you។

លោក​ថ្លែងថា ៖ “ខ្ញុំ​ចាំ​មិន​ភ្លេច​ទេ កាលពីពេល​ចាប់​ផ្តើមដំបូង​ក្រុមហ៊ុន​មានតែ​បុគ្គលិក1នាក់ និង​រថយន្ត​មួយគ្រឿង​ប៉ុណ្ណោះ​នៅក្នុង​ក្រុមហ៊ុន​នៅ​កន្លែង​ដ៏​តូច​មួយ។

លោក​បន្ថែមទៀតថា ពេលនេះ​យើង​មាន​ក្រុមការងារ30នាក់ និង​បាន​លក់​រថយន្ត​ជាច្រើន​គ្រឿង​ជូន​អតិថិជន​ក្នុងមួយឆ្នាំ។ មាន​កត្តាពិសេសៗជាច្រើន​ដែល​ជំរុញ​ឱ្យ​យើង​សម្រេចចិត្ត​ជ្រើស​រើសយក អី​ុ​ហ្គ្រី​ន និង​ហ្វូ​តុ​ន មក​លក់​នៅក្នុង​ព្រះ-រាជាណាចក្រ​កម្ពុជា។ អី​ុ​ហ្គ្រី​ន ត្រូវបាន​ផលិតឡើង​ជាមួយ​គ្រោង​ដែក​ដ៏​រឹងមាំ ជាមួយនឹង​គ្រឿងបន្លាស់​គុណភាព​ខ្ពស់​របស់​អាមេរិក ដូចជា អាគុយ ម៉ូ​ទ័​រ បតបញ្ជា។ យើង​ផ្តល់ជូន​ការធានា 2ឆ្នាំ និង​ផ្តល់​សេវា​ជួសជុល​ដល់ទីកន្លែង​ទាំង​ក្នុង​ខេត្ត និង​រាជធានី​ភ្នំពេញ។

បច្ចុប្បន្ន​រថយន្ត អី​ុ​ហ្គ្រី​ន ត្រូវបាន​លក់​ទៅ​សណ្ឋាគារ រមណីយដ្ឋាន គ្រប់ទិសទី​ក្នុងប្រទេស ចំណែក​រថយន្ត​ហ្វូ​ន​តុ​ន​ក៏បាន​ទទួល​ភាពជោគជ័យ​យ៉ាងខ្លាំង​ក្នុ ង​កិច្ចដំណើរការ​ផលិតរ​ថ​យន្ត​អស់​ជាច្រើន​ឆ្នាំ​មកហើយ។ រថយន្ត​ជាច្រើន​លាន​គ្រឿង​ផលិតឡើង​សម្រាប់​ដឹក​អ្នកដំណើរ រថយន្ត​ដឹក​ភ្ញៀវទេសចរ រថយន្តក្រុង រថយន្ត​ដឹក​អីវ៉ាន់ និង​រថយន្ត​ជា​លក្ខណៈ​គ្រួសារ​ជាដើម។

ហ្វូ​តុ​ន ត្រូវបាន​ផលិត​ដោយ​អ្នកជំនាញ​ចម្រុះ​ជាតិ​សាសន៍ និង​មាន​បច្ចេកវិទ្យា​ពី​អាមេរិក អាល្លឺម៉ង និង​ជប៉ុន។ ហ្វូ​តុ​ន​ត្រូវបាន​ផលិតឡើង​ដោយ​ប្រើប្រាស់​គ្រឿងបន្លាស់​ពី​អាមេរិក និង​ជប៉ុន ដោយ​ផ្តល់​ការធានា​រយៈពេល 3ឆ្នាំ។ នៅ​ចុង​ឆ្នាំនេះ​ក្រុមហ៊ុន​ក៏​នឹងមាន​ម៉ូ​ឌែ​ល​រថយន្ត​ថ្មី​ចំនួន 2ទៀត​សម្រាប់​អតិថិជន គឺ ហ្វូ​តុ​ន​ទុន​ឡែ​ន ភី​ក​អាប់ (Foton Tunland Pick Up) លេខ​អូ​តូ កាប់​ពី​តាស់ បំពាក់​ដោយ​គ្រឿង​ទំនើប​ទាំង​ក្នុង និង​ក្រៅ។ ម៉ូ​ឌែ​ល​មួយទៀត ហ្វូ​តុ​ន សូ​វ៉ាន់​ណា (Foton Sauvana) អេស​យូ​វី កាប់​ពី​តាស់ លេខ​អូ​តូ​ផងដែរ។ សម្រាប់​ព័ត៌មាន​លម្អិត​សូម​ទាក់ទង​ទៅកាន់ (099) 555 199៕

កម្មវិធី​រាត្រីសមោសរ​ជួបជុំ​ម្ចាស់​អាជីវកម្ម​កម្ពុជា​នេះ ត្រូវបាន​រៀបចំឡើង​ក្នុង​គោលបំណង​ដូចខាងក្រោម៖

1/ លើកកម្ពស់​សហគ្រិនភាព​នៅ​កម្ពុជា​ឲ្យ​កាន់តែ​ខ្លាំងក្លា​ក្នុងការ​ចូលរួមចំណែក​កសាង​សេដ្ឋកិច្ច​ក្នុងស្រុក​ឲ្យ​កាន់តែ​រឹងមាំ

2/ ពង្រីក​ទំនាក់ទំនង​ធុរកិច្ច​ដោះដូរ​ពាណិជ្ជកម្ម​ក្នុងចំណោម​សហគ្រិន​កម្ពុជា​ឲ្យ​កាន់តែ​ទូលំទូលាយ និង​បង្កើន​ទំនាក់ទំនង​គាំទ្រ​ជាមួយ​ស្ថាប័ន​ពាក់ព័ន្ធ​ទាំងឡាយ​ឲ្យ​កាន់តែខ្លាំង

3/ លើកទឹកចិត្ត​សហគ្រិន​ដែល​បាន​ខិតខំ​ប្រឹងប្រែង​កសាង​សមត្ថភាព​របស់ខ្លួន​ជាមួយ CEO Master Club ក្នុងការ​ដឹកនាំ​គ្រប់​គ្រង់​អាជីវកម្ម​របស់ខ្លួន​ពី​លក្ខណៈ​គ្រួសារ ទៅ​ស្ដង់ដារ តាមរយៈ​ការផ្ដល់ជូន Master CEO Award

4/ ទទួលស្គាល់​ស្នាដៃ​សហគ្រិន​ឆ្នើម​របស់ CEO Master Club ដែល​បានបង្ហាញ​ពី​លទ្ធផល​នៃ​ការរីកចម្រើន​អាជីវកម្ម​របស់

ខ្លួន​គួរ​ឲ្យ​កត់សម្គាល់​បន្ទាប់ពី​បាន​អនុវត្ត​នូវ​របៀបរបប​ក្នុង​ការដឹកនាំ​គ្រប់គ្រង​អាជីវកម្ម​របស់ខ្លួន​ពី លក្ខណៈ​គ្រួសារ​ទៅ​ស្ដង់ដារ​តាមរយៈ​ការផ្ដល់ជូន Outstanding CEO Award។

គួរបញ្ជាក់​ផងដែរ​ថា កម្មវិធី​នេះ​ដឹង​ធ្វើឡើង​នៅ​ថ្ងៃ​សៅរ៍ ទី14 ខែតុលា ឆ្នាំ 2017 ចាប់ពី​ម៉ោង 2រសៀល ដល់​ម៉ោង 9យប់ នៅ​សណ្ឋាគារ​សុខា​ភ្នំពេញ៕

បើ​អ្នក​កំពុង​រៀបចំ​ផែនការ​បើក​អាជីវកម្ម​ថ្មី លោកអ្នក​អាច​ចូលរួម​នៅ​វគ្គ​សិក្សា​នេះ​បាន ព្រោះ​វា​ជា​វគ្គ​សិក្សា​សំខាន់​មួយ ដែល​នឹង​បង្ហាញ​លោកអ្នក​ពី​គន្លឹះល្អៗជាច្រើន​ពាក់ព័ន្ធ​នឹង​អាជីវកម្ម ជាពិសេស​គឺ​ការត្រៀមខ្លួន​មុន​ឈានទៅរក​បើក​អាជីវកម្ម។

វគ្គ​សិក្សា​ដ៏​ពិសេស​នេះ នឹងត្រូវ​ធ្វើឡើង​នៅ​ថ្ងៃទី08 ខែកញ្ញា ឆ្នាំ 2017 ចាប់ពី​ម៉ោង 5:30នាទី​ល្ងាច ដល់​ម៉ោង 8:30នាទី​យប់ នៅ CJCC សម្រាប់​ព័ត៌មាន​លម្អិត​សូម​ទំនាក់ទំនង​ទៅកាន់​ទូរស័ព្ទ​លេខ 077 55 77 19 / 069 366 964 / 069 413 0357