PR - La Reine Media

ម៉ាស៊ីនបោកនាពេលអនាគតគឺនៅទីនេះ

ម៉ាស៊ីនបោកគក់ LG ដែលជាអ្នកឈានមុខគេក្នុងផ្នែកម៉ាស៊ីនបោកគក់ បានគ្រប់គ្រង 37% នៃចំណែកទីផ្សារជាមួយនឹងបច្ចេកវិទ្យាច្នៃប្រឌិតថ្មីរបស់ខ្លួន។ ក្រុមហ៊ុន LG បន្តណែនាំម៉ាស៊ីនបោកនាអនាគតរបស់ខ្លួនប្រភេទ Sapience ជាមួយនឹងម៉ូទ័រ Smart Inverter ទាន់សម័យបច្ចេកវិទ្យាទំនើបដូច្នេះសូម្បីតែមនុស្សភពផ្កាយក៏ត្រូវមានវាដែរ។

ក្រៅពីម៉ូទ័រ Smart Inverter ម៉ាសុីនបោក LG Sapience ផ្តល់ជូននូវលក្ខណៈពិសេសដ៏អស្ចារ្យជាច្រើនទាក់ទងនឹងប្រសិទ្ធភាពនៃការបោកគក់និងបច្ចេកវិទ្យាផងដែរ។

អ្វីទៅជាបច្ចេកវិទ្យា Smart Inverter ?

ប្រភេទម៉ូទ័រធម្មតាចាប់ផ្តើមនិងបញ្ឈប់ ដោយផ្តល់នូវប្រសិទ្ធិភាពថាមពលទាប ខណៈដែលម៉ូទ័រប្រភេទ Inverter ប្រែប្រួលល្បឿនរបស់ដោយមិនចាំបាច់បញ្ឈប់ម៉ូទ័រឡើយ។ ម៉ូទ័រប្រភេទ Inverter ដែលជាបច្ចេកវិទ្យាសន្សំសំចៃថាមពលមានប្រសិទ្ធភាពប្រើការគ្រប់គ្រង និងប្រើប្រាស់ថាមពលដើម្បីផ្តល់ទិន្នផលប្រសិទ្ធភាពខ្ពស់។ វាត្រូវបានគេស្គាល់ផងដែរថា វាដំណើរការក្នុងសំលេងស្ងាត់ល្អ រំញ័រទាបនិងធន់ជាងមុន។

បច្ចេកវិទ្យា Smart Motion

បច្ចេកវិទ្យា Smart Motion នៅក្នុងម៉ាស៊ីនបោក LG ទ្វារខាងលើបង្កើនការបោកគក់សំលៀកបំពាក់ដែលមានការថែទាំយ៉ាងល្អប្រសើរ។

វាមានចលនា 3 ប្រភេទដូចជា – រំញ័រ វិលជុំ ហើយនិង យោលទៅមក។

ចលនារំញ័រផ្តល់នូវការបោកគក់ដ៏មានឥទ្ធិពលដែលអាចកំចាត់ស្នាមប្រឡាក់ខ្លាំងបានយ៉ាងល្អ។

ចលនាវិលជុំការពារសំលៀកបំពាក់ប្រទាក់ចូលគ្នា។សំលៀកបំពាក់វាមិនមួលលចូលគ្នានៅដំណាក់កាលនៃការលាងសម្អាតចុងក្រោយ។

ចលនាយោលទៅមករបស់ម៉ាសុីនបោកផ្តល់ជូនការបោកគក់ដ៏ល្អដោយកាត់បន្ថយការខូចខាតនៃ សាច់ក្រណាត់ ។

បច្ចេកវិទ្យា 6 Motion DD ដំបូងគេបង្អស់លើពិភពលោក

ជំហានបន្ទាប់ក្នុងការវិវត្តន៍នៃម៉ាស៊ីនបោកគក់ក្រុមហ៊ុន LG គឺជាអ្នកនាំមុខគេ។ វាត្រូវបានគេតម្រូវតាម ដើម្បីបង្កើនប្រសិទ្ធភាពថាមពលនិងការគ្រប់គ្រងម៉ូទ័រ។ដោយសារតែប្រតិបត្តិការរបស់វាមានសម្លេងស្ងាត់ល្អ។ម៉ូទ័រនេះត្រូវភ្ជាប់ដោយផ្ទាល់ទៅនឹងធុងទឹកវាធ្វើអោយម៉ាស៊ីនកាត់បន្ថយការកកិតហើយផ្តល់អាយុកាលបានយូរដោយមិនត្រូវការក្រវ៉ាត់ការពារព័ទ្ធជុំវិញ។

បច្ចេកវិទ្យា Smart Diagnosis

ប្រើប្រាស់ App របស់ LG ដើម្បីត្រួតពិនិត្យនិងធ្វើការដោះស្រាយបញ្ហាដែលកើតមានក្នុងម៉ាស៊ីន។ វាមានការងាយស្រួលនិងសន្សំសំចៃលើការចំណាយសេវាកម្មឬទូរស័ព្ទទៅកាន់មជ្ឈមណ្ឌលសេវាកម្ម

មានសុវត្ថិភាព និងងាយស្រួលក្នុងការធ្វើបោកគក់

វាផ្តល់នូវវិធីដែលមានសុវត្ថិភាពជាងមុនក្នុងការបោកសំលៀកបំពាក់របស់អ្នកតាមរបៀបដូចខាងក្រោមនេះ –

ទ្វារកញ្ចក់ធំទូលាយគឺមិនឆក់ការពារស្នាមរលាត់និងសម្លេងស្ងាត់ល្អ
ចាប់ផ្តើមបោកគក់ឡើងវិញដោយស្វ័យប្រវត្តិពីកន្លែងដែលវាបានបញ្ឈប់កំឡុងពេលដាច់ភ្លើង។
ការបោកគក់ដោយស្វ័យប្រវត្តិគឺជាវិធីងាយស្រួលបំផុតក្នុងការកំចាត់នូវស្នាមប្រឡាក់ដោយគ្រាន់តែចុចតែមួយដង
ទឹកលាយនិងម្សៅសាប៊ូបោកគក់កម្ចាត់កាកសំណល់សាប៊ូដែលប៉ះពាល់ទៅលើស្បែក

ជាការពិតម៉ាស៊ីនបោក LG Sapience គឺត្រៀមខ្លួនរួចជាស្រេចសម្រាប់ពេលអនាគតព្រោះវាភ្ជាប់មកជាមួយនឹងការច្នៃប្រឌិតចុងក្រោយបំផុតដែលសន្សំសំចៃទាំងថវិការនិងការពារបរិស្ថានផងដែរ។ ឥឡូវនេះកុំរង់ចាំសម្រាប់បច្ចេកវិទ្យានាពេលអនាគតទៀតអី។ ម៉ាស៊ីនបោកនាពេលអានាគតគឺមាននៅទីនេះរួចទៅហើយ៕

June 25, 2018

“បេសកកម្មអស្ចារ្យ” របស់ Comzone Group Commandos ឆ្នាំ 2018 បញ្ចប់ដោយភាពជោគជ័យ

ដើម្បីអបអរដំណើរកម្សាន្តវិស្សមកាលពាក់កណ្តាលឆ្នាំ 2018 ថ្នាក់ដឹកនាំ និងបុគ្គលិកក្រុមហ៊ុន ComZone Group (CZG) បានធ្វើដំណើរកម្សាន្តប្រចាំឆ្នាំទៅកាន់ទឹកដីខេត្តសៀមរាប ដែលជាដែនដីអច្ឆរិយៈ ក្រោមពាក្យស្លោកដ៏មានអត្ថន័យថា “តស៊ូ – សាមគ្គី – សម្រេចជោគជ័យ” អមដោយបដារចនានូវរូបប្រាសាទអង្គរវត្ត និងទិដ្ឋភាពទីក្រុងដ៏ស្រស់ស្អាតពីខាងក្រោយ ដែលពិតជាសាកសមទៅនឹងគោលបំណងនៃដំណើរកម្សាន្តប្រចាំឆ្នាំនេះ ហើយវាក៏បានបំផុសនូវគំនិត និងសកម្មភាពនានាឱ្យកាន់តែទាក់ទាញ សម្រាប់ការប្រកួតប្រជែងដែលកើតចេញពីស្មារតីមុះមុត និងរាយកាយមាំមួន ក្នុងនាមជា “CZG Commandos” នៃសមាជិករបស់ក្រុមហ៊ុន ComZone, Directions និង FilmPro ទាំងមូល។

សមាជិក CZG Commandos ទាំងអស់ពិតជាទទួលបាននូវភាពសប្បាយរីករាយយ៉ាងក្រៃលែងនៅក្នុងសកម្មភាពដ៏មានសារៈសំខាន់រយៈពេលបីថ្ងៃ ពីថ្ងៃទី 16 ដល់ 18 ខែមិថុនា ដែល “បេសកកម្ម” នោះមានដូចជា ប្រសិទ្ធភាពការងារក្រុម សិក្ខាសាលាពីស្មារតីក្រុម និងកិច្ចពិភាក្សាពីឧស្សាហកម្មផ្សព្វផ្សាយពាណិជ្ជកម្ម និងការធ្វើលំហាត់ប្រាណដើម្បីសុខភាពជាដើម។ រាល់សកម្មភាពទាំងអស់ បង្កើតឡើងក្នុងគោលបំណងដើម្បីពង្រឹងនូវស្មារតីក្រុមឲ្យកាន់តែរឹងមាំ និងមានសាមគ្គីភាព។

ក្នុងនោះផងដែរក៏មាននូវវេទិកាដ៏សំខាន់មួយផ្សេងទៀតគឺ វេទិកា គំនិតច្នៃប្រឌិតនៃការផ្សព្វផ្សាយពាណិជ្ជកម្ម ដែលចូលរួមផ្តល់បទបង្ហាញដោយថ្នាក់ដឹកនាំពីតាមផ្នែកនីមួយៗរបស់ CZG ។ វេទិកានេះ បានផ្តល់ឲ្យសមាជិកចូលរួមទាំងអស់ យល់ដឹងពីការវិវឌ្ឍន៍នៃឧស្សាហកម្មផ្សព្វផ្សាយពាណិជ្ជកម្មរបស់កម្ពុជា នៅថ្ងៃអនាគត និងការត្រៀមខ្លួនដើម្បីទទួលយកអត្ថប្រយោជន៍ពីការវិវឌ្ឍន៍នេះ។

មិនត្រឹមតែប៉ុណ្ណោះ សូម្បីតែការលេងហ្គេមប្រកួតប្រជែង ក៏បានផ្តល់នូវការចងចាំមិនអាចបំភ្លេចបានសម្រាប់ក្រុមដែលទទួលជ័យជម្នះ និងក្រុមដែលបានអួតអាងផងដែរ។ សកម្មភាពទាំងអស់នេះត្រូវរួមផ្សំគ្នាសម្រាប់ដំណើរកម្សាន្តនៅលើដែនអង្គរនេះឲ្យកាន់តែអស្ចារ្យ។

ដោយការផ្តល់ជូននូវបរិយាកាសដ៏ស្រស់ស្រាយនៃការស្នាក់នៅក្នុងសណ្ឋាគារលំដាប់ផ្កាយ 5 បដានៅលើរថយន្ត និមិត្តសញ្ញានៃដំណើរកម្សាន្តនៅលើអាវយឺត និងមួក របស់សមាជិកទាំងអស់ ធ្វើឲ្យមហាជនទូទៅបានដឹងពីគោលបំណង និងចាប់អារម្មណ៍ខ្លាំងពីសកម្មភាពរបស់យើង។

លោកអគ្គនាយក សូ ឡងឌី បានកត់សម្គាល់ថា “យើងទាំងអស់គ្នាបានត្រៀមជាស្រេចសម្រាប់ការប្រឈម ក៏ដូចជាប្រកួតប្រជែងថ្មីៗដែលនឹងកើតឡើងនាពេលខាងមុខ។ ក្រុមហ៊ុនរបស់យើងរីកចម្រើនយ៉ាងឆាប់រហ័ស ហើយយើងបានកំណត់ចក្ខុវិស័យឲ្យកាន់តែខ្ពស់ជាងមុន ព្រោះត្រឹមផ្នត់គំនិតសម្រាប់តែក្នុងតំបន់ គឺនៅមិនគ្រប់គ្រាន់នោះទេ។ យើងត្រូវគិត និងបោះជំហានចូលទៅទូទាំងពិភពលោក ដើម្បីជោគជ័យក្នុងវិស័យពាណិជ្ជកម្មនាពេលបច្ចុប្បន្ន។

លើសពីនេះ ពេលវេលាដ៏បវរមិនអាចបំភ្លេចបានសម្រាប់ដំណើរកម្សាន្តថ្ងៃចុងបញ្ចប់ គឺដំណើរសប្បុរសធម៌ទៅកាន់វត្តវិសុទ្ធិមគ្គ ក្នុងគោលបំណងប្រគេនចង្ហាន់ពេលព្រឹក និងថ្ងៃត្រង់ដល់ព្រះសង្ឃចំនួន 196 អង្គ និងដើរទស្សនា ស្រូបយកខ្យល់អាកាសដ៏បរិសុទ្ធ នៅជុំវិញទីអារាមដែលហ៊ុំព័ទ្ធដោយព្រៃធម្មជាតិដ៏ត្រជាក់ត្រជុំថែមទៀតផង។

កាន់តែមិនអាចបំភ្លេចបាន គឺស្នាមញញឹមដែលពោរពេញដោយអំណររបស់លោកគ្រូ អ្នកគ្រូ និងសិស្សានុសិស្សជាង 300នាក់ បន្ទាប់ទទួលបាននូវអំណោយសប្បុរសធម៌ពីក្រុមហ៊ុន ComZone Group ។ ការចែករំលែក និងផ្តល់ជំនួយសប្បុរសធម៌ផ្សេងៗគឺជាគោលដៅចម្បងរបស់ក្រុមហ៊ុន ហើយអំពើសប្បុរសធម៌នេះ ក្រុមហ៊ុន ComZone Group ក៏បានជួយដល់សិស្សានុសិស្ស នៅតាមសាលារៀន ក៏ដូចជាព្រះសង្ឃជាច្រើនផងដែរ។

សមាជិកទាំងអស់បានឯកភាព និងគាំទ្រទាំងស្រុង ចំពោះសម្តីបន្ថែមរបស់លោកអគ្គនាយក សូ ឡងឌី ដែលលោកបាននិយាយថា «ការងារផ្សព្វផ្សាយពាណិជ្ជកម្ម គឺសប្បាយ តែពេលខ្លះការងារនេះក៏រវល់ខ្លាំងណាស់ដែរ ដូច្នេះ យើងត្រូវប្រាកដថាក្រុមការងាររបស់យើងមានពេលសម្រាកគ្រប់គ្រាន់ និងមានកម្លាំងថាមពលពេញលេញ។ ហេតុដូច្នេះហើយ ទើបក្រុមហ៊ុនបង្កើតនូវសកម្មភាពទាំងអស់នេះ ដើម្បីឲ្យប្រាកដ និងធានាថាការងារច្នៃប្រឌិតរបស់យើងមិនចេះរីងស្ងួត»៕

June 22, 2018

ហេតុផល៤យ៉ាងដែលអ្នកគួរជ្រើសរើសម៉ាស៊ីនបោក LG Smart Inverter

សន្សំសំចៃអគ្គីសនី៖ ម៉ាស៊ីនបោក Smart Inverter របស់ក្រុមហ៊ុន LG ដំណើរដោយម៉ាស៊ីនដ៏ឈ្លាសវៃ Smart Inverter ដែលផ្តល់នូវការសន្សំសំចៃអគ្គីសនីខ្ពស់។ Inverter គឺជាបច្ចេកវិទ្យាសន្សំសំចៃថាមពលដែលជួយបំបាត់ការខ្ជះខ្ជាយថាមពល និងគ្រប់គ្រងថាមពលប្រកបដោយប្រសិទិ្ធភាព ដែលសន្សំសំចៃភ្លើងបានរហូតដល់ 36% និងបានធ្វើតេស្តដោយ VDE Testing & Certification Institute។

អ្វីដែលគួរអោយកត់សំគាល់គឺម៉ាស៊ីនបោកវាឈប់ដំណើរការដោយខ្លួនឯងបន្ទាប់ពីវាបានបញ្ចប់ការបោកគក់ដើម្បីសន្សំសំចៃភ្លើង។

ហើយវាក៏មានចលនាបង្វិលបួនប្រភេទខុសគ្នាផងដែរ។ ប្រសិនបើអាកាសធាតុក្តៅយើងអាចធ្វើអោយចលនាបង្វិលលឿនសន្សំពេលវេលានិងអគ្គីសនីហើយការបោកគក់របស់យើងវានឹងស្ងួតលឿន។

លើសពីនេះទៅទៀតវាក៏មានជម្រើសចលនាបង្វិលមធ្យមនិងខ្លាំងក៏ដូចជា “ខ្យល់ស្ងួត” ។ ខ្យល់ស្ងួតនេះគឺសម្រាប់ពេលដែលមានភ្លៀងធ្លាក់ដែលអាចអោយយើងហាលខោអាវរបស់យើងនៅខាងក្នុងផ្ទះហើយវានៅតែស្ងួតព្រោះវាស្ទើរតែស្ងួតទៅហើយ!

ការបោកគក់កាន់តែប្រសើរឡើង៖ ម៉ាស៊ីនបោកនេះវាមានមុខងារ Smart Motion ដែលមានចលនាបីផ្សេងគ្នាដូចជា (រំញ័រ វិលជុំ ហើយនិង យោលទៅមក) ដូចច្នេះការបោកគក់សំលៀកបំពាក់របស់យើងកាន់តែប្រសើរឡើង។

រីឯមុខងារ Turbo Drum^Tm វិញសម្លៀកបំពាក់និងទទួលបានការលាងសំអាតដ៏អស្ចារ្យមួយដែលកំចាត់ ស្នាមប្រឡាក់ និងធូលីកខ្វក់ ដោយសារតែការបាញ់ទឹកដ៏ខ្លាំងនៃធុងបង្វិលដែលបាញ់ពីទិសផ្សេងគ្នា។

សម្លៀកបំពាក់របស់យើងដែលចេញពីម៉ាស៊ីនបោកមកវាកាន់តែស្អាតខណៈពេលដែលដំណើរការលាងសម្អាតថ្នមៗលើសម្លៀកបំពាក់របស់យើង។

សន្សំសំចៃទឹក៖ ការសន្សំសំចៃទឹកពិតជាមានសារះសំខាន់មែនទែនសំរាប់បច្ចុប្បន្ននេះហើយម៉ាស៊ីនបោកគក់នេះវិញ ប្រើប្រាស់បរិមាណទឹកដែលវាត្រូវការទៅតាមបរិមាណខោអាវដែលយើងផ្ទុកក្នុងម៉ាស៊ីនតែប៉ុណ្ណោះ។

សំលេងស្ងាត់ល្អនិងប្រើបានយូរ៖ ស្ទើរមិនគួរអោយជឿថាម៉ាស៊ីនបោកនេះវាដំណើរការក្នុងសំលេងស្ងាត់ល្អយ៉ាងនេះទេ ។ ម៉ូទ័រ Smart Inverter រក្សារកម្រិតសំលេងស្ងាត់ល្អត្រឹមតែ 45db តែប៉ុណ្ណោះហើយវាក៏ធ្វើអោយប្រាកដដែរថា វាមានរំញ័រតិចបំផុត។

ម៉ាស៊ីនបោកគក់គឺប្រឆាំងនឹងឆាំងការសឹករិចរឹលជាមួយសារធាតុ BMC* ដែលការពារម៉ាស៊ីនពីធូលីសំណើមនិងសត្វល្អិតផ្សេង។ ហើយវាក៏មានការធានារយះពេល 10 ឆ្នាំទៅលើម៉ូទ័រផងដែរ។

June 22, 2018

ទីផ្សារទូទាត់តាមប្រព័ន្ធអេឡិចត្រូនិច បានកើនឡើងយ៉ាងរឹងមាំនៅក្នុងប្រទេសកម្ពុជា ក្នុងនោះមាន 65% គឺចំណែកទីផ្សាររបស់ VISA កាត

ភ្នំពេញ ៖ Visa គឺជាក្រុមហ៊ុនបច្ចេកវិទ្យាទូទាត់សាច់ប្រាក់តាមប្រព័ន្ធអេឡិចត្រូនិចអន្តរជាតិដ៏ធំបំផុតមួយនៅក្នុងពិភពលោក បានប្រកាសថា ខ្លួនមានកំណើនយ៉ាងរឹងមាំនៅក្នុងប្រទេសកម្ពុជានៅឆ្នាំ 2017 ដោយចំនួន វីសា កាត នៅក្នុងប្រទេសនេះ បានកើនឡើង 65% ធៀបទៅនឹងឆ្នាំមុន។

Visa ក៏បានមើលឃើញថា បរិមាណទូទាត់សរុប និងតម្លៃសរុបនៃប្រតិបត្តិការនៅលើបណ្តាញរបស់ខ្លួនកើនឡើង 30% រៀងៗខ្លួន ខណៈពេលដែលក្រុមហ៊ុនបានបង្កើនចំនួនទីតាំងដែលទទួលការទូទាត់ចំណាយដោយកាតរបស់ខ្លួន បាន 20%។

អ្នកស្រី ជុំ ម៉ូនីកា នាយិកាគ្រប់គ្រង វីសា ប្រចាំប្រទេសកម្ពុជា បានមានប្រសាសន៍ថា៖ “វាមានហេតុផលច្រើនណាស់សម្រាប់សុទិដ្ឋិនិយមលើសេដ្ឋកិច្ចកម្ពុជា។ ជាចម្បងយើងឃើញថា GDP ជាតិបានកើនឡើង7% កាលពីឆ្នាំមុន ខណៈពេលដែលតួលេខពីបណ្តាញរបស់យើងចង្អុលបង្ហាញយ៉ាងច្បាស់ពីកំណើននៃសកម្មភាពសេដ្ឋកិច្ច។ ខណៈសេដ្ឋកិច្ចកម្ពុជាបន្តវិវត្ដន៍នឹងធ្វើសមាហរណកម្មជាមួយសេដ្ឋកិច្ចពិភពលោក យើងរំពឹងថានឹងមានការកើនឡើងនូវការទូទាត់សាច់ប្រាក់តាមរយៈអេឡិចត្រូនិក ខណៈពេលដែលអតិថិជន និងអាជីវកម្មកាន់តែច្រើន កំពុងស្វែងរកអត្ថប្រយោជន៍ពីភាពឆាប់រហ័ស ភាពងាយស្រួល និងសុវត្ថិភាព ជាងសាច់ប្រាក់”។

ក្នុងរយៈពេល 12ខែចុងក្រោយនេះ វីសាបានអនុវត្តនូវគំនិតផ្តួចផ្តើមជាច្រើនដើម្បីជួយពង្រីកការប្រើប្រាស់ការទូទាត់សាច់ប្រាក់តាមរយៈអេឡិចត្រូនិកក្នុងប្រទេសកម្ពុជា ដែលរួមមានការសហការជាមួយគ្រឹះស្ថានអង្គរ ដើម្បីអនុញ្ញាតឱ្យប្រើប្រាស់វីសាកាត ក្នុងការទិញប័ណ្ណសម្រាប់ចូលទស្សនារមណីយដ្ឋានប្រាសាទអង្គរវត្ត។

អ្នកស្រីបានបន្តលើកឡើងទៀតថា៖ “នៅឆ្នាំ 2016 ប្រទេសកម្ពុជាបានទទួល ភ្ញៀវទេសចរជាង 5លាននាក់ ដែលកើនឡើងជិតពីរដងនៃចំនួនភ្ញៀវទេសចរ កាលពីប្រាំឆ្នាំមុន។ ដូច្នេះយើងយល់ថាវាមានសារៈសំខាន់ណាស់ដែលយើង ដើរតួយ៉ាងសកម្មក្នុងការជួយ ពង្រឹងហេដ្ឋារចនាសម្ព័ន្ធការទូទាត់ប្រាក់របស់ប្រទេសកម្ពុជាដើម្បីឱ្យប្រជាជនមកពី ជុំវិញពិភពលោកអាចទូទាត់ប្រាក់ប្រកបដោយប្រសិទ្ធភាព និងមានសុវត្ថិភាព នៅរមណីយដ្ឋានប្រាសាទអង្គរវត្ត ក៏ដូចជានៅតំបន់ទេសចរណ៍សំខាន់ៗជាច្រើនទៀតនៅកម្ពុជា។

ជាផ្នែកមួយនៃផែនការរបស់ខ្លួនក្នុងការបង្កើនល្បឿនផែនទីបង្ហាញផ្លូវនៃការទូទាត់តាមរយៈឌីជីថលសម្រាប់ប្រទេសកម្ពុជា វីសា កំពុងកំណត់គោលដៅដើម្បីធ្វើឱ្យផលិតផលរបស់ខ្លួនកាន់តែមានភាពច្នៃប្រឌិតបន្ថែមទៀតដូចជាការទូទាត់សាច់ប្រាក់តាមរយៈ ការស្កេនកូដ QR កូដ និងការបង់ប្រាក់តាមប្រព័ន្ធ Contactless ក្នុងឆ្នាំនេះ ដើម្បីបម្រើអតិថិជនឱ្យកាន់តែប្រសើរឡើង។ ការទូទាត់សាច់ប្រាក់តាមរយៈ QR កូដ អតិថិជនអាចប្រើប្រាស់ស្មាតហ្វូនរបស់ខ្លួនដើម្បីស្កេនកូដ QR ហើយប្រាក់ត្រូវបានផ្ញើពីគណនីធនាគាររបស់អតិថិជន ទៅអ្នកលក់ ខណៈពេលដែលការទូទាត់តាមប្រព័ន្ធ Contactless អតិថិជន គ្រាន់តែដាក់កាតប៉ះម៉ាស៊ីនទូទាត់ប្រាក់កន្លែងលក់ទំនិញប៉ុណ្ណោះ ដើម្បីធ្វើប្រតិបត្តិការទូទាត់ប្រាក់។

អ្នកស្រី បានបន្ថែមថា៖ «ដោយសម្លឹងឆ្ពោះទៅមុខយើងនឹងផ្តោតការយកចិត្តទុកដាក់យ៉ាងខ្លាំងលើការព្យាយាមពង្រីកបណ្តាពាណិជ្ជករ និងពង្រីកបណ្តាការប្រើប្រាស់ ការទូទាត់តាមរយៈអេឡិចត្រូនិចទោះបីជាវាត្រូវប្រើប្រាស់សម្រាប់ទិញទំនិញធំៗដូចជាគ្រឿងសង្ហារឹមថ្មី យានជំនិះ ឬសម្រាប់ការចំណាយប្រចាំថ្ងៃដូចជាការចាក់ប្រេងឥន្ធនៈ ឬទិញគ្រឿងទេស។ គោលដៅរបស់យើងពិតជាធ្វើឱ្យការទូទាត់មានភាពសាមញ្ញ សុវត្ថិភាព និង ងាយស្រួល ជាងមុន សម្រាប់អតិថិជននៅទីនេះ ដូច្នេះពួកគាត់អាចទទួលបានអត្ថប្រយោជន៍ ពីការរីកចំរើនលូតលាស់នៃសេដ្ឋកិច្ចមួយនេះ៕

June 21, 2018

ថ្នាំដុសធ្មេញ Colgate ផ្តល់អាហារូបករណ៍ដល់សិស្ស-និស្សិត លើកទី1 ឆ្នាំ2018 បានចំនួន 37នាក់

ក្រុមហ៊ុន ខលហ្គេត បានត្រឡប់មកវិញជាមួយនឹងយុទ្ធនាការអាហារូបករណ៍ថ្នាក់ជាតិរបស់ខ្លួនជាថ្មីម្តងទៀតក្នុងប្រទេសកម្ពុជាសម្រាប់ឆ្នាំ2018។

យុទ្ធនាការនេះផ្តល់ឱកាសដល់ប្រជាជនកម្ពុជា ជាពិសេស មាតាបិតាដែលធ្លាប់តែបារម្ភពីការសិក្សារបស់កូនៗ និងសិស្សានុសិស្សដែលកំពុងតែបារម្ភពីការសិក្សារបស់ខ្លួន ឥឡូវនេះអតិថិជនទាំងអស់នឹងមានឱកាសឈ្នះរង្វាន់ជាអាហារូបករណ៍ ដែលមានតម្លៃសរុប 240លានរៀល។ ការបង្កើតឱ្យមានព្រឹត្តិការណ៍នេះ គឺក្នុងគោលបំណងផ្តល់នូវឱកាសដល់កុមារកម្ពុជាឱ្យមានការអប់រំកាន់តែប្រសើរ និងមានអនាគតរុងរឿង។

ជាមួយនឹងឱកាសឈ្នះរង្វាន់ជាអាហារូបករណ៍នេះ ក្រុមហ៊ុន ខលហ្គេត មានគោលបំណងលើកទឹកចិត្តដល់ក្រុមគ្រួសារអ្នកឈ្នះរង្វាន់ដើម្បីធ្វើការចំណាយទៅលើការសិក្សា សម្ភារ:សិក្សា ឬជំនាញផ្សេងៗ សម្រាប់កូនៗ ដែលកំពុងត្រូវការចំណេះដឹងជាចាំបាច់។ កម្មវីធីចាប់រង្វាន់អាហារូបករណ៍នេះ ចាប់ផ្តើមពីថ្ងៃទី01 ខែឧសភា រហូតដល់ថ្ងៃទី31 ខែកក្កដា ឆ្នាំ2018 ដែលមានរង្វាន់សរុបចំនួន 111រង្វាន់។

គួររំលឹកផងថា កាលពីថ្ងៃសៅរ៍ ទី16 ខែមិថុនា ឆ្នាំ2018 ក្រុមហ៊ុន ខលហ្គេត បានរៀបចំកម្មវិធីចាប់រង្វាន់អាហារូបករណ៍លើកទី1 របស់ខ្លួន ស្ថិតនៅបរិវេណផ្សាររាត្រី ក្នុងទីរួមខេត្តកំពង់ចាម និងបានរកឃើញអ្នកឈ្នះរង្វាន់ចំនួន 37រូប រួចមកហើយ។ នៅក្នុងកម្មវីធីនេះ ក៏មានកម្មវិធីលេងល្បែងកម្សាន្តសប្បាយៗ ដើម្បីឈ្នះរង្វាន់អនុស្សាវរីយ៍ជាច្រើន និងការលក់ជូនពិសេសដល់អតិថិជនផងដែរ។

សូមកុំឲ្យឱកាសឈ្នះរង្វាន់នេះរំលងឲ្យសោះ! រង្វាន់អាហារូបករណ៍ 74រង្វាន់ផ្សេងទៀតកំពុងរង់ចាំអ្នក ដូច្នេះប្រញាប់ឡើង! ការចាប់រង្វាន់អាហារូបករណ៍លើកទី2 នឹងប្រព្រឹត្តិទៅនៅថ្ងៃទី14 ខែកក្កដា ឆ្នាំ 2018 ស្ថិតនៅផ្សាររាត្រី ទីរួមខេត្តកំពង់ស្ពឺ និងការចាប់រង្វាន់អាហារូបករណ៍លើកចុងក្រោយនឹងប្រព្រឹត្តិទៅនៅថ្ងៃទី18 ខែសីហា ឆ្នាំ2018 ស្ថិតក្នុង Lively Plaza Aeon Mall រាជធានីភ្នំពេញ។

លោកអ្នកអាចចូលរួមក្នុងកម្មវិធីនេះបានដោយគ្រាន់តែសរសេរឈ្មោះ លេខទូរស័ព្ទ និងអាសយដ្ឋាន លើសំបកប្រអប់ថ្នាំដុសធ្មេញ ខលហ្គេត ឬ សំបកច្រាសដុសធ្មេញ ខលហ្គេត គ្រប់ប្រភេទ រួចយកទៅដាក់ក្នុងធុងឆ្នោតដែលនៅជិតអ្នក។

ក្រុមហ៊ុន ខលហ្គេត សន្យាថានឹងបន្តផ្តល់យុទ្ធនាការអាហារូបករណ៍នេះជារៀងរាល់ឆ្នាំ ដើម្បីផ្តល់នូវឱកាសដល់កុមារកម្ពុជាឲ្យមានការអប់រំកាន់តែប្រសើរនិងមានអនាគតរុងរឿង។ ខលហ្គេត ផ្គត់ផ្គង់ការសិក្សារកុមារកម្ពុជាឱ្យមានអនាគតកាន់តែប្រសើរ៕

June 20, 2018

ភោជនីយដ្ឋាន Topaz នឹងអញ្ជើញចុងភៅលំដាប់ផ្កាយពីរ លោក BENOIT VIDAL នៅថ្ងៃទី 21 ខែមិថុនា ឆ្នាំ2018

ភោជនីយដ្ឋានតូប៉ាហ្ស (Topaz) មានមោទនភាពសូមស្វាគមន៍ជាថ្មីនូវមេចុងភៅលំដាប់ផ្កាយពីរមកពី ប្រទេស បារាំង មកកាន់ទីក្រុងភ្នំពេញ នៅថ្ងៃទី21 ខែមិថុនាខាងមុខនេះ ជាមួយមុខម្ហូប 6មុខ ដែលនឹងត្រូវរៀបចំឡើងដោយ លោក Benoit Vidal មេចុងភៅផ្កាយ2 ជាមួយនឹងកេរ្តិ៍ឈ្មោះក្នុងការបញ្ចូលគ្នានៃរសជាតិប្រចាំតំបន់ភ្នំ និង មេឌីទែរ៉ាណេ និងភាពអស្ចារ្យនៃម្ហូបអាហាររបស់គាត់។

លោក Benoit Vidal ជាម្ចាស់ និងជាមេចុងភៅរបស់ភោជនីយដ្ឋាន Atelier Edmond ដែលមានកម្ពស់ 1950 ម៉ែត្រ តាមជម្រាលនៃតំបន់មួយក្នុងប្រទេសបារាំង។ លោកបានឈ្នះពានរង្វាន់ជាមេចុងភៅលំដាប់ផ្កាយលើកដំបូងក្នុងឆ្នាំ2012 ហើយបីឆ្នាំក្រោយមក លោកបានឈ្នះពានជាមេចុងភៅលំដាប់ផ្កាយពីរ។ គាត់មានកេរ្តិ៍ឈ្មោះល្បីល្បាញ ដោយសារគាត់ប្រើប្រាស់គ្រឿងទេសក្នុងស្រុក បូករួមជាមួយសមត្ថភាពរបស់គាត់ដើម្បីកំណត់ពីរសជាតិដោយប្រើប្រាស់នូវគ្រឿងផ្សំមួយដេីម្បីលើកស្ទួយគ្រឿងផ្សំផ្សេងទៀត។

លោកមេចុងភៅលំដាប់ផ្កាយពិពណ៌នាអំពីការងាររបស់គាត់ថា “ភាពរឹងមាំក្នុងពេលបច្ចុប្បន្ន គឺផ្សារភ្ជាប់ទៅ នឹងក្លិន និងរសជាតិ! អាហារគ្រប់ចានទាំងអស់ ត្រូវបានរចនាយ៉ាងស្រស់ស្អាត ហើយអ្នកស្ទេីតែមិនហ៊ាននឹង ទទួលទានវា “។

លោកចុងភៅ Vidal នឹងមកដល់ទីក្រុងភ្នំពេញពីរទៅបីថ្ងៃ មុនកម្មវិធីចាប់ផ្តើមដូច្នេះហើយលោកនឹងរៀបចំ កម្មវិធីបណ្តុះបណ្តាលដល់ក្រុមការងាររបស់ភោជនីយដ្ឋានតូប៉ាហ្ស អំពីតិចនិច និងជំនាញ ដែលចាំបាច់ដើម្បី បង្កើតមុខម្ហូបរបស់លោក។ ការអញ្ជើញនូវមេចុងភៅលំដាប់ផ្កាយដូចជាលោក Benoit Vidal គឺជាយុទ្ធសាស្ត្រ មួយដើម្បីបង្កើនចំណេះជំនាញដល់បុគ្គលិក និងបង្កើនកម្រិតស្តង់ដារដល់ភោជនីយដ្ឋាន ហើយការចំណាយពេលវេលារបស់គាត់នៅទីនេះ នឹងបង្កើតនូវកេរ្ត៍តំណែលមួយដែលភោជនីយដ្ឋានអាចបន្តបម្រើនូវរសជាតិរបស់គាត់ បន្ទាប់ពីគាត់ត្រលប់ទៅវិញ។

ក្នុងចំណោមមុខម្ហូបទាំងប្រាំមួយមុខនៃការទទួលទានអាហារពេលល្ងាច លោកអ្នកនឹងអាចរីករាយ ជាមួយត្រី trout អាំងជាមួយទឹកខ្យងបំពង, enlivened ជាមួយទឹកខ្មេះបាយ, ខ្ញីជាមួយ វ៉ាសាបី, ទាដុតជាមួយ beetroot, ទឹកលម្អងផ្កាជាមួយខ្ញី, និងមុខម្ហូបពិសេសៗជាច្រើនទៀត។

តម្លៃសំបុត្រក្នុងការចូលរួមទទួលទានអាហារពេលល្ងាចជាមួយមេចុងភៅលំដាប់ផ្កាយពីរនេះមានតម្លៃត្រឹមតែ 125ដុល្លារក្នុងម្នាក់ ឬ180ដុល្លារក្នុងម្នាក់ រួមបញ្ចូលជាមួយជម្រើសស្រាជាច្រើនប្រភេទ។

សូមធ្វើការកក់សំបុត្រជាមុនតាមរយៈ៖ www.bit.ly/BookingTopaz

អុីម៉ែល៖ [email protected]

ឬធ្វើការកក់សំបុត្រដោយផ្ទាល់តាមគេហទំព័រ៖ www.topaz-restaurant.com/reservation

June 19, 2018

ក្រុមហ៊ុន G Gear ប្រកាសនាំចូល និងចែកចាយទូក្លាស្សេ Panasonic ផ្ដាច់មុខនៅលើទីផ្សារកម្ពុជា

បន្ទាប់ពីបានដំណើរការអាជីវកម្មដែលផ្តោតសំខាន់ទៅលើសម្ភារៈប្រើប្រាស់ក្នុងផ្ទះវៃឆ្លាត បែបអេឡិចត្រូនិចយ៉ាងជោគជ័យអស់រយៈកាលជាច្រើនឆ្នាំកន្លងទៅនេះ នៅត្រឹមរសៀលថ្ងៃទី14 ខែមិថុនា ឆ្នាំ2018 នៅសណ្ឋាគារ The Great Duke Phnom penh ក្រុមហ៊ុន G Gear បានធ្វើការប្រកាសជាផ្លូវការនូវការសម្រេចនាំចូល និងចែកចាយផ្តាច់មុខនូវផលិតផលទូក្លាស្សេ ភេសជ្ជៈ និងអាហារកំប៉ុង ម៉ាក Panasonic នៅលើទីផ្សារកម្ពុជា ក្រោមវត្តមានរបស់លោកឧកញ៉ា សុខ ពិសិដ្ឋ នាយកប្រតិបត្តិក្រុមហ៊ុន G Gear Group រួមជាមួយនឹងលោក Maresuke Nagatoshi ប្រធានតំណាងក្រុមហ៊ុន Panasonic ប្រចាំតំបន់អាស៊ីប៉ាស៊ីហ្វិក សាខាកម្ពុជា ។

លោកឧកញ៉ា សុខ ពិសិដ្ឋ បានមានប្រសាសន៍នៅក្នុងឱកាសដ៏អស្ចារ្យនេះថា « យើងពិតជាមានក្ដីសោមនស្សខ្លាំងបំផុត ដែលបានទទួលសិទ្ធិនាំចូលនូវទូក្លាស្សេម៉ាក Panasonic Cold Chain ដ៏ទំនើបបំផុត សម្រាប់ផ្គត់ផ្គង់តម្រូវការរបស់អតិថិជននៅកម្ពុជា។ ជាមួយនឹងការសម្រេចនាំចូល និងចែកចាយផ្ដាច់មុខទៅលើផលិតផលអេឡិចត្រូនិកមួយនេះ លោកមានភាពជឿជាក់ថា នឹងទទួលបានការគាំទ្រពីសំណាក់អតិថិជនជាក់ជាមិនខាន ព្រោះ Panasonic ត្រូវបានគេស្គាល់យ៉ាងទូលាយថា ជាម៉ាកសញ្ញាផលិតផលដែលមានកេរ្តិ៍ឈ្មោះល្បី និងគុណភាពខ្ពស់ដែលអាចជឿទុកចិត្តបាន ។

ឆ្លៀតនៅក្នុងឱកាសនោះ លោកឧកញ៉ា សុខ ពិសិដ្ឋ ក៏បានបញ្ជាក់ផងដែរថា កាលពីពេលកន្លងទៅ នៅលើទីផ្សារកម្ពុជា ក៏មានទូក្លាស្សេម៉ាក Panasonic ចរាចរណ៍ផងដែរ ប៉ុន្តែទូក្លាស្សេទាំងនោះភាគច្រើនជាផលិតផលខុសច្បាប់ដែលនាំចូលមកពីប្រទេសជិតខាង និងមិនមានស្ដង់ដារគុណភាពត្រឹមត្រូវនោះទេ។ ដោយឡែកសម្រាប់ទូក្លាស្សេម៉ាក Panasonic Cold Chain ដែលក្រុមហ៊ុន G Gear បាននាំចូល និងចែកចាយផ្តាច់មុខនាពេលនេះ គឺមានការឆ្លងកាត់នូវប្រព័ន្ធគ្រប់គ្រងគុណភាព ប្រព័ន្ធភ្លើង និងការគ្រប់គ្រងកម្រិតត្រជាក់យ៉ាងត្រឹមត្រូវពីសំណាក់អ្នកជំនាញប្រចាំក្រុមហ៊ុន Panasonic តែម្ដង ។

លោក Maresuke Nagatoshi ក៏បានថ្លែងផងដែរថា ៖បច្ចុប្បន្នេះ ក្រុមហ៊ុន Panasonic កំពុងតែធ្វើអាជីវកម្មលើផលិតផលទូក្លាស្សេនៅទីផ្សារសំខាន់ៗចំនួន4តំបន់ រួមមានប្រទេស ចិន ជប៉ុន អាមេរិកខាងជើង រួមជាមួយនឹងបណ្តាប្រទេសនានាដែលស្ថិតនៅក្នុងតំបន់អាស៊ីប៉ាស៊ីហ្វិកយ៉ាងសកម្ម។ ដោយឡែកសម្រាប់ទីផ្សារនៅកម្ពុជានាពេលនេះ តាំងតំណាងឱ្យក្រុមហ៊ុន Panasonic ពិតជាមានក្ដីសោមនស្សរីករាយ ដែលបានចាប់ដៃគូសហការជាមួយក្រុមហ៊ុន G Gear ដែលជាក្រុមហ៊ុនមានឈ្មោះល្បី និងឈានមុខគេនៅកម្ពុជា ហើយក្រុមហ៊ុន Panasonic មានភាពជឿជាក់យ៉ាងមុតមាំថា នឹងទទួលបានជោគជ័យនៅលើកិច្ចសហការមួយនេះ។

គួរបញ្ជាក់ផងដែរថា បច្ចុប្បន្ននេះ មានផលិតផលទូក្លាស្សេ Panasonic Cold Chain ខុសច្បាប់មួយចំនួនកំពុងតែមានសកម្មភាពចរាចរណ៍នៅលើទីផ្សារកម្ពុជា ក្រោមការនាំចូល និងចែកចាយគេចពន្ធ ដែលគេដឹងថា ភាគច្រើននាំចូលមកពីប្រទេសថៃ។ ពាក់ពន្ធទៅនឹងចំណុចនេះ ក្រុមហ៊ុន G Gear សូមប្រកាសថា ចំពោះផលិតផលដែលស្របច្បាប់ និងមានគុណភាពខ្ពស់ស្របតាមស្ដង់ដារ គឺមានលក់តែនៅក្នុងក្រុមហ៊ុន G Gear តែប៉ុណ្ណោះ ៕

June 15, 2018

ព្យុះលាភ ព្យុះសំណាងនាំមហារង្វាន់ពីក្រុមហ៊ុនសាមសុងមកដល់ហើយ!

ទិញ Samsung Galaxy S9/S9+ ឥឡូវនេះរហូតដល់ថ្ងៃទី31 ខែកក្កដា 2018 នឹងមានឱកាសឈ្នះរង្វាន់ម៉ូតូ Honda ZOOMER X សរុប 6 រង្វាន់ Samsung Galaxy S9+ 64GB សរុប 6 រង្វាន់ Samsung Galaxy J6 សរុប 12 រង្វាន់ ទូរទស្សន៍ Samsung 32 សរុប 18 រង្វាន់ និងធុងបាស់ Harman សរុប 30 រង្វាន់
ការចាប់ឆ្នោតនឹងផ្សាយផ្ទាល់រៀងរាល់ថ្ងៃអាទិត្យ ក្នុងកម្មវិធីប្រគំតន្ត្រី A1 Concert លើកញ្ចក់ទូរទស្សន៍ MyTV ចាប់ពីម៉ោង 11 ព្រឹក ដល់ម៉ោង 12 ថ្ងៃត្រង់។

ចាំអីទៀត? រួសរាន់ឡើង ។ ចាប់ពីឥឡូវនេះរហូតដល់ថ្ងៃទី31 ខែកក្កដា

លើសពីនេះ នឹងលោកអ្នកនឹងទទួលបានរង្វាន់ភ្លាមៗជាច្រើនដូចជា៖ ការផ្តល់ជូនវិញនូវទឹកប្រាក់ $50 ធុងបាស JBL Wireless Charger ស្រោម LED និងការបង់រំលោះដោយមិនមានការប្រាក់ ។ ព័ត៌មានលម្អិត សូមអានខិត្តប័ណ្ឌ ឫទាក់ទង 1800 203 232៕

June 15, 2018

ស្រាបៀរអាន់ឆ័រ ចាប់ឆ្នោតលើកទី2រដូវកាលថ្មី ជូនគូស្វាមីភរិយាថ្មី ក្នុងកម្មវិធីអាពាហ៍ពិពាហ៍ស្រាបៀរអាន់ឆ័រឆ្នាំ 2018

ភ្នំពេញ៖ នៅថ្ងៃអាទិត្យទី 10 ខែមិថុនា ឆ្នាំ2018 ស្រាបៀរអាន់ឆ័របានរៀបចំកម្មវិធីចាប់ឆ្នោតជ័យមង្គលលើកទី2 រដូវកាលថ្មីនៅស្ថានីយទូរទស្សន៍ PNN ក្នុងកម្មវិធីតន្ត្រី Anchor Fun Zone ដើម្បីផ្តល់រង្វាន់ជូនដល់គូស្វាមីភរិយាថ្មីទាំងអស់ដែលបានជាវស្រាបៀរអាន់ឆ័រ ក្នុងកម្មពិធីអាពាហ៍ពិពាហ៍ក្នុង ឆ្នាំ 2018 ដោយមានការអញ្ជើញចូលរួមពីថ្នាក់ដឹកនាំក្រុមហ៊ុនស្រាបៀរអាន់ឆ័រ ក្រុមការងារស្រាបៀរអាន់ឆ័រ ភ្ញៀវកិត្តិយស និងអ្នកសារព័ត៌មានជាច្រើន។

កម្មវិធីចាប់ឆ្នោតរដូវកាលថ្មីនេះ ត្រូវបានរៀបចំឡើងជាពិសេសសម្រាប់អតិថិជនរបស់ស្រាបៀរអាន់ឆ័រក្នុងគោលបំណង ថ្លែងអំណរគុណដ៏ជ្រាលជ្រៅ និងបង្ហាញពីការយកចិត្តទុកដាក់ខ្ពស់របស់ក្រុមហ៊ុនស្រាបៀរអាន់ឆ័រចំពោះអតិថិជនដែលតែងតែគាំទ្រ និងនិយមជាវស្រាបៀរអាន់ឆ័រក្នុងកម្មពិធីអាពាហ៍ពិពាហ៍របស់ខ្លួន។ រង្វាន់ដែលបានចាប់ឆ្នោតលើកទី2នេះ គូស្វាមីភរិយាថ្មីចំនួន 15 ដែលមានសំណាងបានឈ្នះរង្វាន់ ដំណើរកម្សាន្តក្រេបចន្ទទឹកឃ្មុំទៅកាន់សាមុយ គឺ៖

លោកអ្នកអាចស្វែងរកឈ្មោះរបស់លោកអ្នកនៅលើគេហទំព័រ Facebook Anchor Beer Cambodia

ចំពោះគូស្វាមីដែលមានភ័ព្វសំណាងឈ្នះរង្វាន់ ក្រុមហ៊ុននឹងទាក់ទងទៅដោយផ្ទាល់។ ដើម្បីបើករង្វាន់ សូមភ្ជាប់មកជាមួយនូវសំបុត្រអាពាហ៍ពិពាហ៍ អត្តសញ្ញាណប័ណ្ណ សន្លឹកឆ្នោតឈ្នះរង្វាន់ វិក្កយបត្រទិញផលិតផល លិខិតអញ្ជើញអាពាហ៍ពិពាហ៍ និងរូបថតអាពាហ៍ពិពាហ៍ចំនួន 1សន្លឹក។

ហើយកាន់តែពិសេស ស្រាបៀរ អាន់ឆ័រ បានជ្រើសរើសលោក លី ម៉ិញ ហូ ដែលជាកំពូលតារាអន្តរជាតិកូរ៉េដ៏ល្បីល្បាញ ធ្វើជាទូតសុឆន្ទ:របស់ស្រាបៀរ អាន់ឆ័រ និងមានវត្តមាននៅក្នុងស្ពតពាណិជ្ជកម្មថ្មីរបស់ស្រាបៀរ អាន់ឆ័រ ។ ស្រាបៀរ អាន់ឆ័រ ជាស្រាបៀរដែលពេញនិយមបំផុតសម្រាប់យុវវ័យសម័យថ្មី គុណភាពខ្ពស់ស្តង់ដារអន្តរជាតិដែលឈ្នះពានរង្វាន់ផ្នែកគុណភាពជាបន្តបន្ទាប់សរុបជាង 30មេដាយ រសជាតិស្រទន់លើសគេ ផ្តល់នូវអារម្មណ៍រីករាយស្រស់ថ្លា ស័ក្តិសមបំផុតសម្រាប់គ្រប់ទីកន្លែងគ្រប់កម្មវិធី។

រីករាយស្រស់ថ្លា ចាប់ផ្តើមជាមួយស្រាបៀរ អាន់ឆ័រ!

ពិសាដោយការទទួលខុសត្រូវ៕

June 12, 2018

វិនិយោគិនរបស់សភាវិនិយោគទីក្រុងស៊ិនជិនប្រទេសចិនត្រៀមបោះទុនវិនិយោគនៅកម្ពុជា

ដោយមើលឃើញពីស្ថេរភាពនយោបាយ និងកំណើនសេដ្ឋកិច្ចថេរជាង 2ទសវត្សចុងក្រោយនេះ បានធ្វើឱ្យអ្នកជំនួញបរទេស ចូលមកបណ្តាក់ទុនវិនិយោគនៅកម្ពុជា កាន់តែច្រើនឡើងៗ នាប៉ុន្មានឆ្នាំចុងក្រោយនេះ។ តួយ៉ាងដូចជាវិនិយោគិនទីក្រុងស៊ិនជិន ប្រទេសចិន គ្រោងបោះទុនវិនិយោគលើវិស័យឧស្សាហកម្ម ពាណិជ្ជកម្មនិងសេវាកម្មជាច្រើននៅកម្ពុជាតាមរយៈកិច្ចសហប្រតិបត្តិការជាមួយក្រុមហ៊ុន(IRA)។

លោក ពិន ធារិទ្ឋ នាយកផ្នែកទីផ្សារនិងជាស្ថាបនិកក្រុមហ៊ុន International Real Estate and Appraisal(IRA) មានប្រសាសន៍ថា សភាវិនិយោគក្រុងមានសមាជិកជាង1200ក្រុមហ៊ុន ដែលមានទុនវិនិយោគក្នុងទឹកប្រាក់ប្រមាណជា150ពាន់លានដុល្លារសហរដ្ឋអាមេរិក ក្នុងនោះក៏មានការចាប់អារម្មណ៍ក្នុងការវិនិយោគ លើការសាងសង់ សួនឧស្សាហកម្ម(Industrial Park) រោងចក្រសហគ្រាស កំពង់ផែដឹកជញ្ជូន(Port) រួមនិងគម្រោងអភិវឌ្ឍន៍ផ្សេង(Development Project) មួយចំនួនទៀតដូចជា សណ្ឋគារ និងភោជនីយដ្ឋានទំនើបៗ នាពេលឆាប់ឈខាងមុខនេះ។ នាពេលអនាគតក្រុមអ្នកវិនិយោគិនចិនខាងលើ និងគៀងគរសមាជិកបន្ថែមពីខេត្តគង់ចូវនិងហុងកុង ដើម្បីចូលមកវិនិយោគឱ្យកាន់តែច្រើនឡើងៗ ក្នុងន័យចូលរួមអភិវឌ្ឍន៍សេដ្ឋកិច្ចប្រទេសកម្ពុជា ក៏ដូចជាផ្តល់ការងារ ក្នុងការលើកកំពស់ជីវភាពប្រជាពលរដ្ឋខ្មែរផងដែរ។

គួរបញ្ជាក់ថាមកទល់បច្ចុប្បន្ន ក្រុមហ៊ុនវិនិយោគខាងលើ បានកំពុងរៀបចំទីតាំងក៏ដូចជាស្នើសុំច្បាប់ពាក់ព័ន្ឋផ្សេងៗ ក្នុងការសាងសង់សំណង់ទាំងនោះ នៅក្នុងខេត្តដែលមានសក្តានុពល ដូចជារាជធានីភ្នំពេញ ខេត្តព្រះសីហនុ ខេត្តកោះកុង ខេត្តបន្ទាយមានជ័យ និងក្រុងបាវិត ខេត្តស្វាយរៀងផងដែរ។

IRA គឺជាក្រុមហ៊ុនក្នុងស្រុកបង្កើតឡើងនៅដើមឆ្នាំ2018 ដោយមានការចូលរួមបណ្តាក់ទុន ពីក្រុមវិនិយោគិនក្នុងស្រុក ដែលមានបទពិសោធន៍យូរឆ្នាំលើវិស័យអចលនវត្ថុ ធនាគារ សំណង់⁣ ស្ថាបត្យកម្ម និងការគ្រប់គ្រងអាជីវកម្ម។ ដោយសារក្រុមហ៊ុន ផ្តល់សេវាកម្មប្រកបដោយ⁣ ការទទួលខុសត្រូវ ក្រមសីលធម៌វិជ្ជាជីវៈច្បាស់លាស់⁣ ព្រមទាំងទទួលបានលទ្ឋផលជោគជ័យលើអាជីវកម្ម ទើបធ្វើឱ្យអ្នកវិនិយោគិនចិនជ្រើសរើសយកក្រុមហ៊ុន IRA សម្រាប់ជាជំនួយលើកិច្ចការរបស់ខ្លួន៕

June 12, 2018

Category: PR