PR - La Reine Media

ធនាគារ អ អេច ប៊ី (ខេមបូឌា) ម.ក ប្រារព្ធពិធីប្រគល់រង្វាន់ដល់អតិថជន ក្នុងយុទ្ធធានាការដាក់ប្រាក់បញ្ញើ ពី PREMIER BANKING

ភ្នំពេញ-នៅថ្ងៃទី២៥ ខែមិថុនា ឆ្នាំ២០២១ ធនាគារ អ អេច ប៊ី (ខេមបូឌា) ម.ក បានប្រារព្ធពិធីប្រគល់រង្វាន់ ជូនដល់អតិថិជនរបស់ខ្លួនដែលឈ្នះរង្វាន់ធំនាឡិកាដៃប្រណិត ពីយុទ្ធនាការប្រាក់បញ្ញើធនាគារ Premier ដែលត្រូវបានធ្វើឡើងអស់រយៈពេល ៦ខែមកហើយ។ យុទ្ធនាការនេះត្រូវបានបិទបញ្ចប់នៅចុងខែមិថុនា ឆ្នាំ២០២១។ ពិធីប្រគល់រង្វាន់នេះដែរត្រូវបានប្រារព្ធឡើងនៅទីស្នាក់ការកណ្តាលរបស់ធនាគារ អ អេច ប៊ី (ខេមបូឌា) ម.ក។

ដើម្បីគោរពតាមគោលការណ៍ណែនាំរបស់រាជរដ្ឋាភិបាលស្តីពីការជួបជុំនិងប្រមូលផ្តុំ ការប្រារព្ធពិធីនេះត្រូវបានធ្វើឡើងដោយមានការចូលរួមពីអតិថិជនដែលបានឈ្នះរង្វាន់នាឡិកាដៃប្រណិតចំនួនបួននាក់ (៤) ជាមួយនិងភ្ញៀវកិត្តិយសមួយចំនួនដែលត្រូវបានគោរពអញ្ជើញតែប៉ុណ្ណោះ។ សម្រាប់អតិថិជនដែលឈ្នះរង្វាន់លើកទឹកចិត្តជា iPad ចំនួន២០នាក់ផ្សេងទៀត ធនាគារបានធ្វើការទំនាក់ទំនងដាច់ដោយឡែកសម្រាប់ការបើករង្វាន់។

លោកអគ្គនាយក លោក Wong Kee Poh នៃធនាគារ អ អេច ប៊ី (ខេមបូឌា) ម.ក បានមានប្រសាសន៍ថា “នេះជាឱកាសមួយដ៏ល្អសម្រាប់ធនាគារដើម្បីធ្វើការអបអរសាទរដល់អតិថិជនដែលបានឈ្នះរង្វាន់ធំ ពីធនាគារ Premier ហើយទោះបីជាព្រឹត្តិការណ៍នេះប្រព្រឹត្តទៅមានលក្ខណៈតូចតាចក៏ដោយ តែវាមានអត្ថន័យធំធេង និងជាការចងចាំដ៏ល្អ។ ធនាគារតែងតែបង្កើតយុទ្ធនាការផ្សេងៗ ដែលត្រូវបានរៀបចំឡើងក្នុងរយៈពេលកំណត់ច្បាស់លាស់ណាមួយ ដើម្បីលើកកម្ពស់ពីគុណតម្លៃរបស់ធនាគារសម្រាប់អតិថិជន ហើយក៏ដូចជាការកសាងសមិទ្ធិផលល្អ នៅក្នុងគោលដៅរបស់ធនាគារផងដែរ។

សេវាធនាគារ Premier ត្រូវបានធ្វើការរចនាឡើងយ៉ាងពិសេសសម្រាប់អតិថិជនដែលមានសក្តានុពល ដោយផ្តល់ជូននូវលក្ខណៈបុព្វសិទ្ធិពិសេសៗ រួមជាមួយនិងឧត្តមភាព និងកិត្យានុភាពក្នុងការបម្រើនូវតម្រូវការសេវាកម្មហិរញ្ញវត្ថុ។ ធនាគារ អ អេច ប៊ី (ខេមបូឌា) ម.ក គឺជាធនាគារដំបូងគេ នៅក្នុងប្រទេសកម្ពុជា ដែលបម្រើជូនសេវាកម្មប្រអប់សុវត្ថិភាពដល់អតិថិជនក្នុងការរក្សាទុកនូវឯកសារសំខាន់ និងវត្ថុមានតម្លៃដោយមានសុវត្ថិភាព ដែលនេះក៏ជាគុណតម្លៃមួយរបស់ធនាគារផងដែរ។

អតិថិជនរបស់ធនាគារ Premier អាចរីករាយជាមួយនឹង ការផ្តល់ជូនដ៏ល្អឥតខ្ចោះពីសេវាកម្ម និងផលិតផល នៃការលើកលែងថ្លៃសេវាសម្រាប់ការផ្ទេរប្រាក់ចូលពីក្រៅប្រទេស, សម្រាប់គណនីចរន្ត Premier ដែលទទួលបានមកវិញនូវអត្រាការប្រាក់រហូតដល់ ២,៨៨% និងផ្តល់ជូននូវលក្ខណៈបុព្វសិទ្ធិពិសេសៗដូចជា៖ ទទួលបានសិទ្ធិបន្ថែមដើម្បីចូលទៅកាន់មជ្ឈមណ្ឌល Premier Banking និង Plaza Premier Lounges លំដាប់ខ្ពស់គ្មានដែនកំណត់, ទទួលការផ្តល់ជូនសេវាកម្មធនាគារពីប្រធានគ្រប់គ្រងផ្នែកទំនាក់ទំនងដោយផ្ទាល់, និងទទួលបានកន្លែងចតឡានដែលត្រូវបានរក្សាទុក សម្រាប់អតិថិជនបុព្វសិទ្ធិ៕

June 26, 2021

Ford ដាក់សម្ពោធជាផ្លូវការកម្មវិធីទូរស័ព្ទដៃ Ford Cambodia Mobile App ជំនាន់ទី 2

[ភ្នំពេញ – ថ្ងៃទី21 ខែមិថុនា ឆ្នាំ2021] ក្រុមហ៊ុន អ អិម អេ ខេមបូឌាដែលជាក្រុមហ៊ុននាំចូល និងចែកចាយផ្ដាច់មុខនូវរថយន្ត Ford គ្រប់ប្រភេទក្នុងទីផ្សារប្រទេសកម្ពុជាបានធ្វើការសម្ពោធជាផ្លូវការនូវកម្មវិធី Ford Cambodia Mobile App ជំនាន់ទី 2 ។ ការដាក់សម្ពោធជាផ្លូវការនៃកម្មវិធីនេះគឺដើម្បីឆ្លើយតបទៅនឹងការវិវត្តន៍នៃយុគសម័យឌីជីថល ជាពិសេសនោះគឺកាន់តែផ្តល់នូវភាពងាយស្រួលក៏ដូចជាបត់បែនទៅតាមស្ថានភាពសង្គមបច្ចុប្បន្នដែលកំពុងតែជួបបញ្ហានៃការរីករាលដាលនៃជម្ងឺកូវីដ 19 ដែលនេះគឺជាការរួមចំណែកមួយដ៏ធំក្នុងការកាត់បន្ថយការចេញទៅខាងក្រៅ ការជួបជុំកន្លែងមានមនុស្សច្រើន កាត់បន្ថយហានិភ័យនៃការឆ្លងជម្ងឺផងដែរ ដោយអតិថិជនទាំងអស់អាចមើលព័ត៍មានទាក់ទងអំពីរថយន្ត និងកក់សេវាជួសជុលរថយន្តទុកជាមុនតាមរយៈកម្មវិធីនេះផ្ទាល់តែម្តង។ ពោលគឺគោលបំណងរបស់ក្រុមហ៊ុនចង់រក្សាទំនាក់ទំនងយ៉ាងជិតស្និតទៅកាន់អតិថិជនតាមរយៈការបង្ខិតផលិតផល និងសេវាកម្មរបស់ Ford ឲ្យគៀកជាមួយនឹងសាធារណៈជន ជាពិសេសនោះគឺអតិថិជន Ford តាមរយៈការប្រើប្រាស់កម្មវិធីទូរស័ព្ទដៃ Ford Cambodia Mobile App ។

កម្មវិធី Ford Cambodia Mobile App ជំនាន់ទី 2 គឺជាបណ្តុំព័ត៍មានស្តីពីរថយន្ត Ford គ្រប់ម៉ូឌែល ប្រូម៉ូសិនថ្មីៗ ព័ត៍មានទូទៅអំពីផ្នែកលក់ និងសេវាកម្ម ក៏ដូចជាទំនាក់ទំនងដើម្បីសុំជំនួយជួសជុលចល័ត 24 ម៉ោងទូទាំងប្រទេស។ កម្មវិធី Ford Cambodia Mobile App ជំនាន់ទី 2 ត្រូវបានកែប្រែរូបរាង និងមុខងារថ្មីទាំងស្រុង ហើយអ្វីដែលកាន់តែអស្ចារ្យបំផុតនោះគឺលោកអ្នកអាចធ្វើការកក់សេវាកម្មថែទាំ និងជួសជុលរថយន្ត Ford បានគ្រប់ពេលវេលាគ្រប់ទីកន្លែងបានយ៉ាងឆាប់រហ័ស នៅគ្រប់សាខាមជ្ឈមណ្ឌលជួសជុលរថយន្ត Ford ទូទាំងប្រទេស ដែលផ្តល់នូវភាពងាយស្រួល សុវត្ថិភាព និងទំនុកចិត្តជាងមុនជូនដល់អតិថិជនដែលកម្មវិធីនេះអាចប្រើប្រាស់បានទាំងអ្នកប្រើប្រាស់ប្រព័ន្ធប្រត្តិបត្តិការ iOS និង Android។ សម្រាប់ Ford Cambodia Mobile App ជំនាន់ទី 2 នេះមានមុខងារពិសេសចំនួន 5 ដែលក្នុងនោះរួមមាន៖

មុខងារទី 1 គឺ “ប្រភេទរថយន្ត” លោកអ្នកអាចស្វែងយល់អំពីព័ត៍មាន និងប្រភេទរថយន្ត Ford គ្រប់ម៉ូឌែលដែលរួមមាន៖ រថយន្តតូច រថយន្តគ្រួសារ រថយន្តភីកអាប់ និងរថយន្តអាជីវកម្ម។ សម្រាប់មុខងារនេះវានឹងបង្ហាញអំពី៖ រូបភាពផ្នែកខាងក្រៅ និងខាងក្នុង បច្ចេកវិទ្យា និងប្រព័ន្ធសុវត្ថិភាព វីដេអូរបស់រថយន្តនេះ ពណ៍រថយន្ត ជាពិសេសនោះគឺលោកអ្នកអាចធ្វើការគណនាប្រាក់កម្ចីទិញរថយន្តបានភា្លមៗតែម្តង

មុខងារទី 2 គឺ “ព័ត៍មាន និងប្រូម៉ូសិនថ្មី” លោកអ្នកអាចស្វែងយល់អំពីប្រូម៉ូសិនថ្មីៗនៃរថយន្ត Ford គ្រប់ម៉ូឌែល និងអាចមើលអត្ថបទព័ត៍មានទាក់ទងទៅនឹងរថយន្ត Ford បានផងដែរ

មុខងារទី 3 គឺ “ព័ត៍មានទូទៅអំពីសេវាកម្ម” លោកអ្នកអាចស្វែងយល់អំពីសេវាកម្ម និងព័ត៍មានទាក់ទងទៅនឹងមជ្ឈមណ្ឌលជួសជុលរថយន្ត Ford សេវាកម្មរបស់មជ្ឈមណ្ឌលជួសជុលរថយន្ត Ford មជ្ឈមណ្ឌលជួសជុលរថយន្ត Quick Lane គន្លឹះនៃការថែទាំរថយន្ត គ្រឿងបន្លាស់រថយន្ត ស្វែងរកទីតាំងក្រុមហ៊ុន Ford និងយានដ្ឋានដៃគូតាមបណ្តាខេត្តនានា

មុខងារទី 4 គឺ “ឆាតផ្ទាល់” ជាមុខងារ Live Chat សម្រាប់ឲ្យលោកអ្នកធ្វើការ Chat ផ្ទាល់មកកាន់បុគ្គលិកផ្នែកលក់របស់ក្រុមហ៊ុន Ford

អ្វីដែលអស្ចារ្យនោះគឺ មុខងារទី 5 ដែលអាចឲ្យលោកអ្នកធ្វើការកក់សេវាកម្មថែទាំប្តូរប្រេងម៉ាស៊ីន និងសេវាកម្មជួសជុលរថយន្តនៅគ្រប់សាខាមជ្ឈមណ្ឌលជួសជុលរថយន្ត Ford ដូចជា៖ សាខាព្រះមុន្នីវង្ស សាខាទឹកថ្លា សាខាទួលសង្កែ និងសាខាសៀមរាប។

ក្រៅពីមុខងារពិសេសៗទាំង 5 នេះក្នុងកម្មវិធី Ford Cambodia Mobile App ជំនាន់ទី 2 នេះនៅមានមុខងារផ្សេងៗជាច្រើនទៀតដូចជា៖

ឆែកមើលប្រវត្តិជួសជុលរថយន្តរបស់លោកអ្នក
របៀបប្រើប្រាស់មុខងាររថយន្ត
ការផ្តល់មតិយោបល់
ការគណនាប្រាក់កម្ចី
ការកំណត់ និងភាសា
ជំនួយការ
មុខងារភ្ជាប់ផ្ទាល់ទៅបណ្តាញសង្គមទំនាក់ទំនងដូចជា៖ Facebook, YouTube, LinkedIn, Instagram និង Telegram។

ប្រសិនបើលោកអ្នកចង់ស្វែងយល់បន្ថែមពីរបៀបប្រើប្រាស់នៃកម្មវិធី Ford Cambodia Mobile App ជំនាន់ទី 2 នេះសូមទស្សនាវីដេអូស្តីពីរបៀបប្រើប្រាស់នេះទាំងអស់គ្នា ៖

Ford Cambodia Mobile App ធ្វើឲ្យជីវិតលោកអ្នកកាន់តែងាយស្រួល! One Click – Full Service!

សម្រាប់ព័ត៍មានបន្ថែមលោកអ្នកអាចធ្វើការទំនាក់ទំនងមកកាន់៖

ផ្នែកលក់: ភ្នំពេញ 012 333 975 | សៀមរាប 063 766 661 | កំពង់ចាម 092 888 476
ផ្នែកសេវាកម្ម: 078 992 992
ផ្នែកសេវាជួសជុលចល័ត 24 ម៉ោងទូទាំងប្រទេស៖ ភ្នំពេញ 016 222 016 | សៀមរាប 087 222 016

June 22, 2021

វ៉ាវ!! ប្រាក់រង្វាន់ $ 5,000 និងសេវាកម្មថែទាំសក់ ពេញ 1ឆ្នាំ សម្រាប់ម្ចាស់ជយលាភី Miss Pantene Cambodia រដូវកាលទី1

ការប្រកួតប្រជែងបវរកញ្ញាសក់ស្អាតរបស់សាប៊ូកក់សក់ ប៉ង់តែន (Pantene) ត្រូវបានបញ្ចប់ហើយ ហើយក៏បានរកឃើញម្ចាស់ជយលាភីសម្រាប់រដូវកាលទី1 នេះផងដែរ។ សូមអបអរសាទរដល់កញ្ញា គីមវូ ចន្ធូ មានគណនេយ្យហ្វ៊េកបុក Lisa Angel ដែលទទួលបានការគាំទ្រ ច្រើនជាងគេក្នុងកម្មវិធី Miss Pantene Cambodia រដូវកាលទី1។

កញ្ញា គីមវូ ចន្ធូ មានអាសយដ្ឋាននៅភូមិព្រែកគង់ ឃុំសំពៅពូន ស្រុកកោះធំ ខេត្តកណ្តាល ជាម្ចាស់ជយលាភីក្នុងកម្មវិធី Miss Pantene Cambodia រដូវកាលទី1 ព្រមទាំងទទួលបានរង្វាន់ជាទឹកប្រាក់ 5,000ដុល្លា រួមជាមួយនឹងការថែរក្សាសក់រយៈពេល 1ឆ្នាំពេញទៀតផង។

ជាចុងក្រោយ កញ្ញាសូមអរគុណដល់មិត្តៗ និងអ្នកគាំទ្រនៅក្នុងបណ្តាញសង្គមហ្វ៊េកបុកទាំងអស់ ដែលបានចូលរួមគាំទ្រដល់កញ្ញា រហូតដល់កញ្ញាបានក្លាយជា Miss Pantene Cambodia រដូវកាលទី1នេះ។ កញ្ញាក៏បានបន្ថែមទៀតផងដែរថា សម្រាប់មិត្តៗនារី ដែលមានសក់ស្អាត និងមានបំណងចង់ចូលរួមប្រកួតបវរកញ្ញាសក់ស្អាត ក្នុងរដូវកាលក្រោយទៀត កុំភ្លេចរង់ចាំតាមដាននៅលើហ្វ៊េកបុកផេចផ្លូវការរបស់ Pantene Cambodia ដើម្បីមានឱកាសក្លាយជា Miss Pantene Cambodia ដូចជាកញ្ញាដែរ៕

June 22, 2021

រកឃើញម្ចាស់ពាន Miss Pantene Cambodia 2021

Miss Pantene Cambodia 2021 មានស្ត្រីចូលរួមប្រកួតមកពីជុំវិញប្រទេសកម្ពុជា ដែលបានឆ្លងកាត់ការប្រកួតជាច្រើនវគ្គ ឥឡូវនេះ បានរកឃើញបេក្ខជនដែលស័ក្តិសមនឹងទទួលបានជើងឯកបំផុតគឺ កញ្ញា គីមវូ ចន្ធូ ដែលជាអ្នកឈ្នះជើងឯកក្នុងចំណោមបេក្ខនារីចំនួន ១១៦នាក់ មកពីជុំវិញប្រទេសកម្ពុជា។

Miss Pantene Cambodia 2021 កញ្ញា គីមវូ ចន្ធូ ជាសិស្សមកពីខេត្តកណ្តាល។ កញ្ញាទទួលបានការគាំទ្រច្រើនជាងគេតាមរយៈការបោះឆ្នោត Online ជាមួយនឹង Story របស់កញ្ញាដែលនិយាយពី ភាពរឹងមាំ និងអាចធូរស្បើយបានលឿនបន្ទាប់ពីជួបប្រទះនឹងឧបសគ្គ។

ចំពោះកញ្ញា ចន្ធូ ដែលជា Miss Pantene Cambodia បានយល់ឃើញថា ភាពស្រស់ស្អាតមិនសំដៅទៅលើរូបរាងខាងក្រៅឡើយ ប៉ុន្តែអ្វីដែលយើងមានពីខាងក្នុងទើបសំខាន់។ ភាពរឹងមាំរបស់កញ្ញាជួយឱ្យកញ្ញាយកឈ្នះឧបសគ្គ។

ប៉ង់តែន ជាមួយនឹងប្រូវីតាមីនពិសេស (Pro-V) ជួយធ្វើឱ្យសក់រឹងមាំចាប់ពីគល់សក់ ដើម្បីឱ្យសក់មានសុខភាពល្អនិងរឹងមាំ។ ដូច្នេះ អ្នកអាចរីករាយជាមួយនឹងភាពស្រស់ស្អាតរបស់អ្នក ពីព្រោះភាពរឹងមាំ គឺជាភាពស្រស់ស្អាតរបស់អ្នក។

សម្រាប់ព័ត៌មានបន្ថែមសូមតាមដាន Facebook Page: Pantene Cambodia

June 21, 2021

យុទ្ធនាការកៀរគរថវិកាជូនមូលនិធិគន្ធបុប្ផាកម្ពុជាតាមបណ្តាញធនាគារវីង

ធនាគារ វីង (ខេមបូឌា) ម.ក និង មូលនិធិគន្ធបុប្ផាកម្ពុជា បានសហការគ្នាដើម្បីកៀរគរថវិកាសម្រាប់មន្ទីរពេទ្យគន្ធបុប្ផាដែលជាមន្ទីរពេទ្យសប្បុរសធម៌ដ៏ធំបំផុត ក្នុងព្រះរាជាណាចក្រកម្ពុជា។

មន្ទីរពេទ្យគន្ធបុប្ផានៅរាជធានីភ្នំពេញ និងនៅខេត្តសៀមរាប បានផ្តល់ការព្យាបាលប្រកបដោយគុណភាព និងវិជ្ជាជីវ:ខ្ពស់ ដល់ទារក និងកុមារដោយឥតគិតថ្លៃចាប់តាំងពីការបង្កើតឡើងវិញនៅឆ្នាំ១៩៩២ ដោយ លោកវេជ្ជបណ្ឌិត Beat Richner។ ទោះជាយ៉ាងណាក៏ដោយការរីករាតត្បាតពីវីរុសកូវីដ-១៩ បានធ្វើឱ្យមានការធ្លាក់ចុះយ៉ាងខ្លាំងនៃចំនួនថវិកាបរិច្ចាគ តាមរយៈមូលនិធិគន្ធ-បុប្ផាកម្ពុជា។

លោក ហោ ប៊ុនថែ អគ្គនាយករងនៃធនាគារ វីង បានមានប្រសាសន៍ថា៖ “មន្ទីរពេទ្យគន្ធបុប្ផាបានព្យាបាលកុមាររាប់មិនអស់ និងបានជួយសង្គ្រោះជីវិតកុមាររាប់លាននាក់នៅក្នុងប្រទេសកម្ពុជា ក្នុងរយៈពេលជិត៣០ឆ្នាំ កន្លងមកនេះ។ ខណៈពេលដែលអនាគតនៃប្រទេសកម្ពុជាពឹងផ្អែកលើការរីកចម្រើន ក៏ដូចជាការអភិវឌ្ឍកុមារ, រាល់ការបរិច្ចាគដើម្បីគាំទ្រចំពោះមន្ទីរពេទ្យដ៏អស្ចារ្យនេះ គឺពិតជាមានអត្ថន័យខ្លាំងណាស់ ដោយសារតែឥទ្ធិពលរបស់វាចំពោះសហគមន៍”។

តាមរយៈកិច្ចសហការនេះ ធនាគារវីងគាំទ្រដល់មូលនិធិគន្ធបុប្ផាកម្ពុជា ក្នុងការទទួលការបរិច្ចាគ និងកៀរគរវិភាគទានសប្បុរសធម៌នានា។ យុទ្ធនាការនេះ នឹងត្រូវធ្វើឡើងជាមួយនឹងបណ្តាញនៃធនាគារវីង ដែលរួមមាន៖ គេហទំព័ររបស់វីង បណ្តាញសង្គម កម្មវិធីស្មាតហ្វូនវីង និងភ្នាក់ងារវីងដែលមានជិត១០ ០០០ កន្លែងជាដើម។

តាងនាមឱ្យមូលនិធិគន្ធបុប្ផាកម្ពុជា, ឯកឧត្ដមបណ្ឌិត ចន ណារិទ្ធ ប្រធានលេខាធិការដ្ឋានមូលនិធិ បានថ្លែងអំណរគុណធនាគារវីងចំពោះកិច្ចសហការនេះ។ “ធនាគារវីង ក៏ដូចជាក្រុមហ៊ុននានាជាច្រើនទៀតនៅកម្ពុជា ដឹងពីសារសំខាន់ក្នុងការគាំទ្រសហគមន៍ និងជាពិសេសកុមារៗដែលកំពុងត្រូវការជំនួយ។ មូលនិធិគន្ធបុប្ផាកម្ពុជា រីករាយ និងស្វាគមន៍កិច្ចសហការ រយៈពេលវែងជាមួយធនាគារវីង នេះ និងការខិតខំប្រឹងប្រែង ក៏ដូចជាការប្តេជ្ញាចិត្តរបស់របស់ធនាគារក្នុងការផ្តល់នូវការគាំទ្រ ពីបុគ្គលិក និងអតិថិជន ចូលរួមក្នុងយុទ្ធនាការនះ។”

មន្ទីរពេទ្យគន្ធបុប្ផាចំណាយថវិកាអស់ជិត ៤០ លានដុល្លារ សម្រាប់ប្រតិបត្តិការក្នុងឆ្នាំកន្លងទៅ។ កុមារជាង ៦៣៩ ២៦០ នាក់ បានមកទទួលការពិនិត្យ និងព្យាបាលនៅឯមន្ទីរពេទ្យគន្ធបុប្ផា។ អ្នកជំងឺធ្ងន់ធ្ងរចំនួន ១៣៣ ០២៦ នាក់ បានមកសម្រាក និងព្យាបាលក្នុងមន្ទីរពេទ្យដោយឥតគិតថ្លៃ នៅក្នុងឆ្នាំ២០២០ កនុ្លងទៅនេះ។

ក្រៅពីការព្យាបាលកុមារ មន្ទីរពេទ្យគន្ធបុប្ផា (ឬមន្ទីរពេទ្យជ័យវរ្ម័នទី៧) នៅក្នុងខេត្តសៀមរាបក៏មានបន្ទប់សម្ភព និងសម្រាលកូនផងដែរ។ នៅឆ្នាំ២០២០ ស្ត្រីមានផ្ទៃពោះចំនួន ១៣២ ៤៤៣ នាក់ បានមកពិនិត្យ និងព្យាបាល ហើយមានស្ត្រីចំនួន ២៥ ៧៧១ នាក់ បានសម្រាលកូនក្នុងមន្ទីរពេទ្យគន្ធបុប្ផានេះ។

សាធារណជនទាំងឡាយត្រូវបានលើកទឹកចិត្តឱ្យផ្តល់ការគាំទ្រដល់មន្ទីរពេទ្យគន្ធបុប្ផា ក្នុងគោលបំណងដើម្បីបន្តកិច្ចដំណើការរបស់មន្ទីរពេទ្យ ក៏ដូចជាផ្តល់ការព្យាបាលដោយឥតគិតថ្លៃដល់កុមារ ផងដែរ។

អ្នកប្រើប្រាស់សេវាកម្មវីងអាចចូលរួមចំណែកដល់កិច្ចការសប្បុរសធម៌នេះ តាមរយ:ការបរិច្ចាគទៅគណនីលេខ ៥៥៥៩ ជាប្រាក់រៀល ឬ ៥៥៥៨ ជាប្រាក់ដុល្លារ។ មិនតែប៉ុណ្ណោះ ការបរិច្ចាគក៏អាចធ្វើបាននៅតាមភ្នាក់ងារវីង នៅទូទាំងព្រះរាជាណាចក្រកម្ពុជាផងដែរ មិនគិតថ្លៃសេវា។ ធនាគារវីងធានាថាប្រាក់វិភាគទានសប្បុរសធម៌ ១០០ % នឹងទៅដល់មន្ទីរពេទ្យគន្ធបុប្ផា៕

June 14, 2021

goWave នាំមកជូនលោកអ្នកដោយធនាគារ អអេចប៊ីខេមបូឌា ដើម្បីកែលម្អចំណេះដឹង ផ្នែកហិរញ្ញវត្ថុ ក្នុងចំណោមយុវជនខ្មែរ តាមរយៈដំណោះស្រាយតាមប្រព័ន្ធឌីជីថល

ធនាគារ អ អេច ប៊ី ខេមបូឌា សូមណែនាំកម្មវិធី goWave by RHB – ជាប្រព័ន្ធមាតិកាកម្មវិធីផ្សព្វផ្សាយ តាមប្រព័ន្ធឌីជីថលគ្រប់ជ្រុងជ្រោយ ដែលបានបង្កើតឡើង ដើម្បីលើកកម្ពស់បន្ថែមទៀត នូវចំណេះដឹងផ្នែកហិរញ្ញវត្ថុ ក្នុងចំណោមយុវជនកម្ពុជា តាមរយៈអត្ថបទខ្លីៗដ៏មានអត្ថប្រយោជន៍ វីដេអូខាប់ស៊ុល ហើយឧបរកណ៍ហិរញ្ញវត្ថុទៀតសោត មានការរីកសាយភាយទៅក្នុងបណ្តុំព័ត៌មានឌីជីថល ដូចជាតាមរយៈគេហទំព័ររបស់ខ្លួន ក៏ដូចជាតាមប្រព័ន្ធកម្មវិធីបណ្តាញសង្គមផ្សេងៗផងដែរ។

“កម្មវិធី goWave by RHB ធ្វើការណែនាំ សម្របសម្រួល និងផ្តល់អំណាចដល់យុវជនកម្ពុជា ឆ្ពោះទៅរកការសម្រេចបានគោលដៅហិរញ្ញវត្ថុរបស់ពួកគេ។ គំនិតផ្តួចផ្តើមនេះកំពុងត្រូវបានរៀបចំឡើងជា 3ដំណាក់កាល – ចាប់ផ្តើមជាមួយនឹងគេហទំព័រកម្មវិធី goWave by RHB។ បន្ទាប់មកនឹងមានកម្មវិធី goWave Lite Mobile App ដែលផ្តល់នូវការរួមបញ្ចូលប្រព័ន្ធធនាគារ ដែលបានកែលម្អ ហើយនៅទីបំផុត មានការផ្តល់ជូន ផលិតផលធនាគារ 1ឈុតពេញ ដោយបំពេញទាំងស្រុងនូវសេវាកម្មគ្រប់ជ្រុងជ្រោយរបស់យើងដែលផ្តល់ជូនសម្រាប់ប្រជាជនកម្ពុជាវ័យក្មេង។ នេះបើតាមការលើកឡើងរបស់លោក Wong Kee Poh នាយកប្រតិបត្តិ និងជាអគ្គនាយករបស់ធនាគារ អ អេច ប៊ី ខេមបូឌា។

ក្នុងមុខងារជាមជ្ឈមណ្ឌលហិរញ្ញវត្ថុផ្ទាល់ខ្លួនគ្រប់យ៉ាងក្នុងប្រព័ន្ធតែមួយ កម្មវិធី goWave by RHB អនុញ្ញាតឱ្យអ្នកប្រើប្រាស់មានទំនាក់ទំនងជាមួយកម្មវិធី chatbot ស្វ័យប្រវត្តិ តាមរយៈបណ្តាញសង្គមហ្វេសប៊ុក ដោយផ្តល់ឱ្យពួកគេនូវព័ត៌មានថ្មីៗបំផុតនៅលើ គេហទំព័រ បណ្តាញសង្គមឌីជីថល និងការណែនាំអំពីអំណានដែលពាក់ព័ន្ធ។ លើសពីនោះទៅទៀត សិក្ខាសាលាតាមប្រព័ន្ធអ៊ីនធើណិត ក៏អាចត្រូវបានរៀបចំធ្វើឡើងដោយអ្នកដឹកនាំគោលគំនិតគន្លឹះក្នុងបណ្តាញសង្គម ដើម្បីពិភាក្សាអំពីប្រធានបទហិរញ្ញវត្ថុដ៏គួរឱ្យចាប់អារម្មណ៍ និងមានប្រយោជន៍។

លោក Wong បានបន្ថែមថា “គំនិតផ្តួចផ្តើមនេះ លើកឡើងអំពីទស្សនៈយល់ឃើញ រយៈពេលវែង ឆ្ពោះទៅរកការរៀបចំយុវជនជំនាន់ថ្មី ដោយផ្តល់ឱ្យពួកគេនូវការអប់រំ មធ្យោបាយ និងដំណោះស្រាយ ដែលចាំបាច់ដើម្បី ឱ្យពួកគេធ្វើការសម្រេចចិត្តផ្នែកហិរញ្ញវត្ថុ នៅក្នុងជីវិតមនុស្សពេញវ័យរបស់ពួកគេ។

ក្នុងចំណោមលក្ខណៈពិសេស និងប្រធានបទជាច្រើន ដែលមានផ្តល់ជូនតាមរយៈកម្មវិធី goWave by RHB រួមមាន៖ ហិរញ្ញវត្ថុ (Finance 101) ការសន្សំ និងថវិកា (Save and Budget) បែបផែនជីវិតរស់នៅ (Lifestyle) កម្ចី (Borrow) ការវិនិយោគ (Invest) ក៏ដូចជាមធ្យោបាយនានា ដើម្បីជួយអ្នកនៅក្នុងការរៀបចំផែនការហិរញ្ញវត្ថុរបស់អ្នក។

តាមរយៈការបើកសម្ពោធក្នុងកម្មវិធីបណ្តាញសារព័ត៌មានសង្គមតាមអ៊ីនធើណិត ពិសេសតែ 1គ្មាន2 កម្មវិធី goWave by RHB គឺជាប្រព័ន្ធកម្មវិធីសហគមន៍ឌីជីថល ដែលគូសបញ្ជាក់ពីការប្តេជ្ញាចិត្តរបស់ធនាគារ អ អេច ប៊ី ខេមបូឌា នៅក្នុងការជំរុញកិច្ចខិតខំប្រឹងប្រែងនៅក្នុងផ្នែកឌីជីថលនីយកម្ម ក្នុងក្របខ័ណ្ឌវិស័យឧស្សាហកម្មហិរញ្ញវត្ថុនៅក្នុងប្រទេស។

សម្រាប់ព័ត៌មានបន្ថែមស្តីពីកម្មវិធី goWave by RHB សូមចូលទៅកាន់៖ http://www.gowave.rhbgroup.com.kh ឬទាក់ទង៖

អ្នកទទួលបន្ទុក ៖ Imran Mahmud

ទូរស័ព្ទ ៖ +855 15799754

អ៊ីមែល ៖ [email protected]

ព្រឹត្តិការណ៍ ៖ ការបើកសម្ពោធកម្មវិធី goWave by RHB របស់ធនាគារ អ អេច ប៊ី ខេមបូឌា

ព័ត៌មានលម្អិតការបើកសម្ពោធ

ចំណងជើង	ការបើកសម្ពោធកម្មវិធី goWave by RHB របស់ធនាគារ អ អេច ប៊ី ខេមបូឌា
ក្រុមហ៊ុន	ធនាគារ អ អេច ប៊ី
កាលបរិច្ឆេទ	២ មិថុនា ២០២១
ម៉ោង	២：៣០រសៀល
តំណភ្ជាប់តាមអ៊ីនធើណិត	https://live.irlty.com/gowave-virtual-media-launch/login
អ្នកចូលរួម	1. Mr Wong – Country Head / CEO 2. Mr Leong – Head of Retail 3. Mr Nhim Borey- Head of Branch 4. Ms Po Siim – Head of Product Development
គេហទំព័រ	www.gowave.rhbgroup.com.kh

អំពីធនាគារ អ អេច ប៊ី ខេមបូឌា

ធនាគារ អ អេច ប៊ី (ខេមបូឌា) ម.ក ដែលបានបង្កើតឡើងនៅថ្ងៃទី9 ខែកក្កដា ឆ្នាំ2008 ត្រូវបានចុះបញ្ជីនៅក្រសួងពាណិជ្ជកម្ម ដែលមានលេខចុះបញ្ជី 00001812 និងទទួលបានអាជ្ញាប័ណ្ណធនាគារ ពីធនាគារជាតិកម្ពុជា (ហៅកាត់ថា “ធ.ជ.ក.” ឬ “ធនាគារកណ្តាល”) នៅថ្ងៃទី3 ខែតុលា ឆ្នាំ2008។

នៅថ្ងៃទី31 ខែមករា ឆ្នាំ2020 ធនាគារបានប្តូរឈ្មោះរបស់ខ្លួនទៅជាធនាគារ អ អេច ប៊ី (ខេមបូឌា) ម.ក។ ធនាគារនេះគឺជាបុត្រសម្ព័ន្ធគ្រប់គ្រងផ្តាច់មុខរបស់ធនាគារ RHB Bank Berhad និងក្រុមហ៊ុនមហាជនទទួលខុសត្រូវមានកម្រិត បង្កើតឡើងនៅក្នុងប្រទេសម៉ាឡេស៊ី ហើយក្រុមហ៊ុនមេធំបំផុត គឺក្រុមហ៊ុនធនាគារ RHB Banking Group ស្របតាមរចនាសម្ព័ន្ធសាជីវកម្មក្រុមហ៊ុន ដែលចូលជាធរមានចាប់ពីថ្ងៃទី13 ខែមិថុនា ឆ្នាំ2016។

ធនាគារនេះ គឺជាធនាគារពាណិជ្ជមួយ ហើយដំណើរការក្រោមច្បាប់កម្ពុជា ស្តីពីសហគ្រាសពាណិជ្ជកម្ម និងបទប្បញ្ញត្តិរបស់ធនាគារជាតិនៃកម្ពុជា (ធនាគារកណ្តាល)។

ការិយាល័យចុះបញ្ជីរបស់ធនាគារ បច្ចុប្បន្ននេះមានទីតាំងនៅអគារជាន់ទី1 ជាន់ឡៅតឿ ជាន់ទី2 និងជាន់ទី9 ផ្លូវ110 កែងផ្លូវ108 ភូមិ3 សង្កាត់ស្រះចក ខណ្ឌដូនពេញ រាជធានីភ្នំពេញ។

កម្មវីធីនេះត្រូវបានប្រព្រឹត្តឡើងនៅថ្ងៃទី ២ខែមិថុនា អ្នកចូលរួមទាំងអស់ស្ថិតក្នុងការទទួលខុសត្រូវដេាយការពាក់ម៉ាស់ និងរក្សាគម្លាតពីគ្នា៕

https://www.facebook.com/goWavebyRHB

June 2, 2021

យុទ្ធនាការការពារសុវត្ថិភាព អំឡុងពេលមានជំងឺរាតត្បាត COVID-19 ជាមួយការប្រើប្រាស់ការទូទាត់ តាមរយៈបច្ចេកវិទ្យា contactless

ភ្នំពេញថ្ងៃទី1 ខែមិថុនា ឆ្នាំ2021 – នៅថ្ងៃនេះ Visa ដែលជាក្រុមហ៊ុនបច្ចេកវិទ្យាទូទាត់សាច់ប្រាក់តាមប្រព័ន្ធឌីជីថលឈានមុខគេនៅក្នុងពិភពលោក បានចេញផ្សាយការរកឃើញចុងក្រោយរបស់ខ្លួន ដែលបានបញ្ជាក់ថា ប្រជាជនកម្ពុជាចំនួន 44ភាគរយ បានកាត់បន្ថយការកាន់សាច់ប្រាក់សុទ្ធជាប់ខ្លួន បើប្រៀបធៀបជាមួយមុនពេលមានការរាលដាលនៃជំងឺកូវីដ។ នេះបើយោងតាមការសិក្សា[1] របស់ក្រុមហ៊ុន Visa ស្តីពីឥរិយាបថទូទាត់ប្រាក់របស់អតិថិជន។

យោងតាមទិន្នន័យរបស់ Visa ទំនោរនៃការទូទាត់តាមរយៈបច្ចេកវិទ្យា contactless កំពុងមានកំណើននៅក្នុងប្រទេសកម្ពុជា អតិថិជន 2នាក់ ក្នុងចំណោម 3នាក់ (ស្មើនឹង 71ភាគរយ) បានប្រើប្រាស់ប្រតិបត្តិការបច្ចេកវិទ្យា Contactless[2] របស់ Visa។ ពី 1ឆ្នាំ ទៅ 1ឆ្នាំ កំណើននៃគុណតម្លៃរបស់ប្រតិបត្តិការពាណិជ្ជកម្មអេឡិចត្រូនិក មានការកើនឡើង 4ដង បើគិតចាប់ពីត្រីមាសចុងក្រោយនៃឆ្នាំ2020 រហូតដល់ត្រីមាសទី1 នៃឆ្នាំ2021[3]។

តាមការសិក្សាចុងក្រោយរបស់ក្រុមហ៊ុន Visa ស្តីអំពីឥរិយាបថក្នុងការទូទាត់ប្រាក់របស់អតិថិជន បានបង្ហាញសញ្ញាណនៃនិន្នាការថ្មី ដែលបញ្ជាក់ថា ពេលនេះ គឺជាពេលវេលាដ៏ស័ក្តិសមបំផុតសម្រាប់ការផ្លាស់ប្តូរនូវទម្លាប់ក្នុងការទូទាត់ប្រាក់។ បើតាមការឆ្លើយតបរបស់អ្នកចូលរួមស្ទង់មតិ អត្ថប្រយោជន៍ចម្បងមួយចំនួនរបស់សង្គម ដែលមិនប្រើប្រាស់សាច់ប្រាក់សុទ្ធ រួមមាន ការកាត់បន្ថយហានិភ័យនៃការរីករាលដាលការឆ្លងមេរោគ (រហូតដល់ទៅ 34ភាគរយ) ការជំរុញឱ្យមានការធ្វើបរិយាប័ន្នហិរញ្ញវត្ថុ (32ភាគរយ) ការបង្កើនប្រសិទ្ធភាពសង្គម និងការរំខានតិចជាងមុន (29ភាគរយ សម្រាប់ 2កត្តាចុងក្រោយ)។

អ្នកស្រី ជុំ ម៉ូនីកា នាយិកាគ្រប់គ្រងក្រុមហ៊ុន Visa ប្រចាំប្រទេសកម្ពុជា បានមានប្រសាសន៍ថា៖ “ក្នុងកំឡុងពេលដ៏លំបាកនេះ យើងគួរតែពិនិត្យមើលវិធីសាស្ត្រ ដើម្បីអភិវឌ្ឍការទូទាត់ ដោយមិនប្រើសាច់ប្រាក់សុទ្ធនៅទូទាំងប្រទេស។ ខណៈពេលដែលសាច់ប្រាក់សុទ្ធនៅតែបន្តជាជម្រើសដ៏ពេញនិយមសម្រាប់ប្រជាជនកម្ពុជាភាគច្រើននោះ ឥឡូវនេះគឺជាពេលវេលាដ៏សមស្របមួយដើម្បីលើកកម្ពស់ការយល់ដឹងក្នុងចំណោមសហគមន៍ តាមរយៈការផ្សព្វផ្សាយពីភាពងាយស្រួល រហ័ស និងមានសុវត្ថិភាពតាមរយៈការប្រើប្រាស់ការទូទាត់សាច់ប្រាក់តាមប្រព័ន្ធឌីជីថល»។

សម្ទុះនៃកំណើនការទូទាត់ ដោយមិនប្រើសាច់ប្រាក់សុទ្ធ ត្រូវបានជំរុញដោយការទូទាត់ តាមរយៈបច្ចេកវិទ្យា QR កូដ និងការទូទាត់តាមរយៈការប្រើប្រាស់កាត នៅក្នុងចំណោមអ្នកប្រើប្រាស់កម្ពុជា។ ការកើនឡើងទាំងនេះ គឺស្របពេលជាមួយនឹងការចាប់អារម្មណ៍កាន់តែខ្លាំងឡើង នៅក្នុងជម្រើសនៃការទូទាត់ដោយប្រើប្រាស់វិធីសាស្ត្រផ្សេងៗទៀតផងដែរ។

ការកើនឡើងទាំងនេះ ស្របជាមួយនឹងការចាប់អារម្មណ៍កាន់តែខ្លាំង ពីជម្រើសនៃការទូទាត់។ ការទូទាត់តាមរយៈបច្ចេកវិទ្យា QR កូដ ត្រូវបានគេមើលឃើញថា មានការកើនឡើងក្នុងចំណោមអតិថិជនដែលមានទំនោរមិនចង់យកសាច់ប្រាក់សុទ្ធតាមខ្លួនច្រើន ជាពិសេសការទូទាត់វិក្កយបត្រនៅពេលទិញគ្រឿងឧបភោគបរិភោគ និងការទទួលទាននៅតាមភោជនីយដ្ឋាន (ទាំង2នេះ កើនឡើងប្រមាណ 25ភាគរយ)។ ហើយសូចនាករ នៅពីក្រោយការកើនឡើងនេះ គឺដោយសារតម្រូវការប្រជាជន មានការកើនឡើងក្នុងការការពារសុវត្ថិភាពពីជំងឺរាតត្បាត COVID-19 ដែលកំពុងតែរីករាលដាល នៅក្នុងនោះដែរ ចំនួនប្រជាជន ដែលប្រើសាច់ប្រាក់សុទ្ធ ក៏ត្រូវបានគេមើលឃើញថា មានការធ្លាក់ចុះ 8ភាគរយ បើប្រៀបធៀបនឹងការកើនឡើង ក្នុងចំណោមអ្នកប្រើប្រាស់ ដែលបានជ្រើសរើសប្រើបច្ចេកវិទ្យា QR កូដ ដើម្បីធ្វើការទូទាត់ មានរហូតដល់ទៅ 44ភាគរយ។

លោកស្រី ជុំ ម៉ូនីកា បន្ថែមទៀតថា៖ « យើងដឹងថា អតិថិជនរំពឹងចង់បានការទូទាត់ប្រាក់ដែលមានសុវត្ថិភាព រហ័ស និងមានភាពងាយស្រួល នោះហើយជាមូលហេតុ ដែលការទូទាត់ប្រាក់តាមរយៈបច្ចេកវិទ្យា contactless បានក្លាយជាជម្រើសសម្រាប់ការទូទាត់ លើប្រតិបត្តិការ ដែលមានទំហំតូច និងការចំណាយប្រចាំថ្ងៃ។ នៅពេលដែលការទូទាត់តាមរយៈបច្ចេកវិទ្យា contactless ត្រូវបានដាក់ឱ្យប្រើប្រាស់នៅតាមទីកន្លែង ដែលប្រជាជនទៅទិញទំនិញជាប្រចាំ ដូចជាបណ្តាផ្សារទំនើប ហាងលក់ទំនិញ និងស្ថានីយប្រេងឥន្ធនៈ ការទូទាត់ដោយប្រើបច្ចេកវិទ្យា contactless នឹងក្លាយជាវិធីសាស្ត្រទូទាត់ប្រក្រតីមួយយ៉ាងឆាប់រហ័ស សម្រាប់ប្រតិបត្តិការទូទាត់ ដែលតម្រូវឱ្យមានការប្រាស្រ័យជួបគ្នារវាងបុគ្គល។ នេះគឺជាឱកាសមួយសម្រាប់ Visa ដើម្បីសហការជាមួយដៃគូរបស់យើង ដើម្បីបង្កើនការទូទាត់ប្រាក់ដោយប្រើបច្ចេកវិទ្យា contactless នៅទូទាំងប្រទេស» ៕

អំពីក្រុមហ៊ុន Visa

Visa Inc. (NYSE: V) គឺជាក្រុមហ៊ុននាំមុខគេ ក្នុងបច្ចេកវិទ្យាទូទាត់សាច់ប្រាក់តាមរយៈឌីជីថល។ បេសកកម្មរបស់យើង គឺផ្សារភ្ជាប់ពិភពលោកទាំងមូល តាមរយៈការតភ្ជាប់បណ្តាញទូទាត់ប្រាក់ប្រកបដោយភាពច្នៃប្រឌិតថ្មី អាចទុកចិត្តបាន និងមានសុវត្ថិភាពបំផុត ជាមួយអ្នកប្រើប្រាស់ អាជីវករ និងជួយឱ្យសេដ្ឋកិច្ចមានការរីកចម្រើន។ បណ្តាញទំនើបឈានមុខគេបំផុតមួយរបស់ពិភពលោក គឺ VisaNet របស់យើង ផ្តល់ការទូទាត់ ដែលអាចទុកចិត្តបាន និងមានសុវត្ថិភាពនៅទូទាំងពិភពលោក និងមានលទ្ធភាពគ្រប់គ្រងប្រតិបត្តិការជាង 65,000ប្រតិបត្តិការ ក្នុង 1វិនាទី។ ក្រុមហ៊ុនផ្តោតការយកចិត្តទុកដាក់ឥតឈប់ឈរលើការច្នៃប្រឌិត ដែលនេះជាកត្តាជំរុញដល់ភាពរីកចម្រើនយ៉ាងឆាប់រហ័សនៃការធ្វើពាណិជ្ជកម្មបែបឌីជីថល ដែលបានផ្សារភ្ជាប់ទៅនឹងឧបករណ៍អេទ្បិចត្រូនិកណាក៏បាន សម្រាប់មនុស្សគ្រប់គ្នានៅគ្រប់ទីកន្លែង។ នៅពេលដែលពិភពលោកផ្លាស់ប្តូរពី analog ទៅឌីជីថល ក្រុមហ៊ុន Visa ក៏កំពុងតែពង្រឹងលើស្លាកសញ្ញា ផលិតផល បុគ្គលិក និងបណ្តាញរបស់ខ្លួនរួចជាស្រេច ដើម្បីចូលរួមជាមួយនឹងការផ្លាស់ប្តូរពាណិជ្ជកម្មនាថ្ងៃអនាគត។ ព័ត៌មានបន្ថែមសូមចូលទៅកាន់គេហទំព័រ visa.com/blog និង @VisaNews.

ព័ត៌មានបន្ថែម សូមទំនាក់ទំនងមកកាន់៖

កញ្ញា ត្រាង ង្វៀន (Trang Nguyen)
ក្រុមហ៊ុន Visa Worldwide Pte. Limited
ទូរស័ព្ទ ៖ (84) 28 3520 7439
អ៊ីមែល ៖ [email protected]

កញ្ញា គ្រី សុវណ្ណារី

ក្រុមហ៊ុន Red Dot (Cambodia) Co., Ltd តំណាងក្រុមហ៊ុន Visa Inc.

ទូរស័ព្ទ ៖ (855) 11 733 368

អ៊ីមែល ៖ [email protected]

[1] The Visa Consumer Payment Attitudes Study was prepared by CLEAR in Aug-Sep 2020, surveyed amongst 7,526 consumers in Singapore, Philippines, Thailand, Indonesia, Vietnam, Malaysia, Myanmar and Cambodia.

[2] VisaNet data Apr 2021.

[3] VisaNet data YOY growth Q4/2020 vs YOY growth Q1/2021.

June 1, 2021

កម្មវិធីប្រកួតសម្រស់ឯក Cambodia Beauty Collection

ទំព័រហ្វេសប៊ុក ផ្លូវការរបស់ Cambodia Beauty Collection ប្រកាស កម្មវិធីប្រកួតសម្រស់ឯក នឹងជ្រើសរើសបេក្ខនារីដែលមានសម្រស់ស្រស់ស្អាត និងមានអាយុចាប់ពី ១៦ឆ្នាំ ឡើងទៅ ដោយ មិន កំណត់ថានៅលីវឬរៀបអាពាហ៍ពិពាហ៍រួច ហើយនឹងឈប់ទទួលពាក្យថ្ងៃទី ១៩ ខែ មិថុនា ឆ្នាំ ២០២១ ខាងមុខនេះ ។ កម្មវិធីនេះ រៀបចំឡើង ដោយ ក្រុមហ៊ុន Cyber Bear Co., Ltd (ក្រុមហ៊ុនព័ត៌មានវិទ្យា របស់ប្រទេសជប៉ុន) ។

រង្វាន់ផ្តល់ជូនបេក្ខនារី ជ័យលាភី:

ជ័យលាភីលេខ ១ ទទួលបានទឹកប្រាក់ ៤០,០០០,០០០ រៀល
ជ័យលាភីលេខ ២ ទទួលបានទឹកប្រាក់ ២០,០០០,០០០ រៀល
ជ័យលាភីលេខ ៣ ទទួលបានទឹកប្រាក់ ១០,០០០,០០០ រៀល

បន្ថែមលើសពីនោះទៀត ម្ចាស់ជ័យលាភី នឹងទទួលបាន ការប្រើប្រាស ផលិតផល ម៉ាក ASNOW ពេញមួយឆ្នាំ ដោយមិន គិតថ្លៃ និងក្លាយជា ទូតសុឆន្ទៈ តារាតំណាងក្រុមហ៊ុនផ្ទាល់!!

នៅវគ្គផ្តាច់ព្រ័ត្រ នៃព្រឹត្តិការណ៍មានការចូលរួមពីតារាកិត្តិយសល្បីៗជាច្រើនរូប ដូចជា កញ្ញា Nikki Nikki, តារាចម្រៀង Orginal Song លោក Vanda, តារាចម្រៀង Rap,និង DJ Maily ប្រចាំប្រទេសកម្ពុជា រួមជាមួយនឹង លោក Minoru Ujita DJ ដ៏ល្បីឈ្មោះមកពីប្រទេស ជប៉ុន, កញ្ញា Hany Ito អ្នកឌីសាញ សម្លៀកបំពាក់់អន្តរជាតិ មកពីប្រទេស ជប៉ុន, លោក Hikaru Seino អ្នកឌីសាញផ្កាស្រស់ លំដាប់ពិភពលោក ផងដែរ ។

Cambodia Beauty Collection គឺជាឆាក ផ្សព្វផ្សាយវប្បធម៌ ដ៏ធំមួយ របស់យុវតី វ័យជំទង់នៅក្នុងប្រទេសកម្ពុជា ។ យើងមានគោលបំណងប្រារព្ធធ្វើកម្មវិធី រៀងរាល់ឆ្នាំ សម្រាប់ យុវតីវ័យជំទង់ និង ឲ្យជានិរន្តភាព ត្រូវបានគេស្រឡាញ់ពេញចិត្ត ។
Cambodia Beauty Collection គឺជាព្រឹត្តិការណ៍មួយដែលផ្តោតសំខាន់លើផ្នែក “ម៉ូដ និងសម្រស់” ដើម្បីធ្វើឱ្យក្តីសុបិន របស់យុវតីក្លាយជាការពិត យើងនឹងបង្កើតពិភពលោកថ្មីមួយដែលនារីៗកម្ពុជា ប្រាថ្នាចង់បាន និង ទទួលជោគជ័យ ក្នុងឯករាជ្យភាព ផ្នែកហិរញ្ញវត្ថុ ហើយធ្វើអោយសេដ្ឋកិច្ចរបស់ពួកគាត់មានភាពប្រសើរឡើង តាមរយៈការទទួលបាន ការបណ្តុះបណ្តាល នូវផ្នែកអភិវឌ្ឍ សោភ័ណ ភាពសម្រស់និងច្នៃម៉ូដនៅកម្ពុជា បន្ថែមជាមួយនឹងការអភិវឌ្ឍន៍ ភាពជាអ្នកដឹកនាំផងដែរ។

Cambodia Beauty Collection ចង់អោយនារីៗ មានឳកាស បំពេញក្តីស្រម៉ៃ របស់ខ្លួន ដែលពុំធ្លាប់មានកម្មវិធីណាផ្តល់អោយ ពីមុនមក នៅលើ ឆាក Run Way ដ៏ធំដែល អាចទទួល បេក្ខភាព នារី មានសមត្ថភាព ១០០នាក់ ក្នុងពេលតែមួយ ។

ការដាក់ពាក្យនៅតែបន្ត រហូតដល់ថ្ងៃទី ១៩ ខែ មិថុនា ឆ្នាំ ២០២១
យើងអាចធ្វើការដាក់ពាក្យបានដោយគ្រាន់ចុចលើគេហទំព័រខាងក្រោមនេះ៖

https://cyberbearkhm.com/beautycollection/kh/entry.php

ប្រញាប់ឡើង ដាក់ពាក្យមុន នឹងមានឳកាសទទួលសម្លេងឆ្នោតគាំទ្រមុនគេ!

May 20, 2021

Ford Ranger Wildtrak ស៊េរីថ្មីឆ្នាំ 2022 បើកទទួលការកក់ជាផ្លូវការហើយ!

កាលពីពេលថ្មីៗនេះក្រុមហ៊ុន អ អិម អេ ខេមបូឌា បានប្រកាសជាផ្លូវការអំពីការទទួលកក់ទុកមុននៃរថយន្ត Ford Ranger Wildtrak ស៊េរីថ្មីឆ្នាំ 2022 ជាម៉ូឌែលដែលលក់ដាច់ជាងគេ និងពេញនិយមបំផុតក្នុងទីផ្សារប្រទេសកម្ពុជា ហើយបងប្អូនជាច្រើនកំពុងតែទន្ទឹងរង់ចាំ និងបានសាកសួរមកកាន់ក្រុមហ៊ុនថា តើពេលណាក្រុមហ៊ុននឹងនាំចូលរថយន្តនេះមកជាផ្លូវការ និងចង់ឲ្យរថយន្តនេះមានវត្តមានឆាប់ៗក្នុងទីផ្សារប្រទេសកម្ពុជា? ដូច្នេះហើយដើម្បីឆ្លើយតបទៅនឹងតម្រូវការ និងការគាំទ្រយ៉ាងពេញទំហឹងទៅលើរថយន្ត Ford Ranger Wildtrak នេះ ក្រុមហ៊ុនក៏សម្រេចធ្វើការប្រកាសទទួលការកក់ទុកមុនជាផ្លូវការជាមួយនឹងតម្លៃពិសេស។

សម្រាប់រថយន្ត Ford Ranger Wildtrak ស៊េរីថ្មីឆ្នាំ 2022 នេះគឺមានការផ្លាស់ប្តូរទាំងរូបរាងផ្នែកខាងក្រៅ និងផ្នែកខាងក្នុងដែលធ្វើឲ្យរថយន្តនេះមើលទៅកាន់តែមានភាពអំណាច និងគួរឲ្យទាក់ទាញខ្លាំងមែនទែនដែលចំណុចផ្លាស់ប្តូរថ្មីទាំងនេះមានដូចជា៖

ផ្នែកខាងក្រៅ
ប៉ាណាផ្នែកខាងមុខត្រូវបានរចនារូបរាងថ្មីទាំងស្រុងដែលមានរាងបែបសំណាញ់ពណ៍ខ្មៅរលោងដែលមើលទៅផ្តល់នូវភាពអំណាច អមជាមួយនឹងពណ៍ទឹកក្រូចនៅផ្នែកសងខាងដែលមើលទៅលេចធ្លោជាងមុន

ស៊ុមកញ្ចក់ក្តោបទាំងសងខាងក៏បានរចនាពណ៍ខ្មៅ
យ៉ាន់កង់ទំហំ 18 អ៊ីញពណ៍ខ្មៅដែលធ្វើឲ្យរថយន្តនេះកាន់តែមានភាពស្ព័រ

ដៃទ្វាររថយន្តក៏បានប្តូរទៅជាពណ៍ខ្មៅ
កាងខ្យល់ផ្នែកខាងក្រោយពណ៍ខ្មៅរំលេចជាមួយនឹងឆ្នូតពណ៍ទឹកក្រូចឲ្យស័ក្តិសមជាមួយប៉ាណាផ្នែកខាងមុខ
ផ្នែកខាងក្នុង
តែមផុសអក្សរ Wildtrak នៅលើឈ្នាន់ទ្វារ
កៅអីស្បែកបែបប្រណិតពណ៍ខ្មៅបង្កប់ជាមួយថ្នេរដេរពណ៍ទឹកក្រូច មិនតែប៉ុណ្ណោះថែមទាំងបន្ថែមនូវឆ្នូតពណ៍ទឹកក្រូចនៅផ្នែកកណ្តាលដែលមើលទៅកាន់តែមានភាពទាក់ទាញ

ដៃទា្វរផ្នែកខាងក្នុងក៏ជាប្រភេទពណ៍ខ្មៅ

ចង្កូតស្បែកពណ៍ខ្មៅដែលបង្កប់ជាមួយនឹងថ្នេរដេរពណ៍ទឹកក្រូចកាន់តែច្រើន និងញឹកជាងមុន
ប្រអប់លេខបានបំពាក់ទៅដោយស្បែកប្រណិតពណ៍ខ្មៅ លាយជាមួយនឹងក្រូមដែលកាន់តែងាយស្រួលចាប់កាន់ និងទំនុកចិត្តពេលបើកបរ

ក្រៅពីចំណុចផ្លាស់ប្តូរថ្មីទាំងផ្នែកខាងក្រៅ និងផ្នែកខាងក្នុងដែលបានរៀបរាប់ខាងលើនេះ រថយន្ត Ford Ranger Wildtrak នៅមានប្រព័ន្ធសុវត្ថិភាព និងបច្ចេកវិទ្យារហូតដល់ 50 ចំណុចដែលលើសពីដៃគូប្រកួតប្រជែងក្នុងនោះរួមមាន៖ ប្រព័ន្ធជំនួយចូលចតដោយស្វ័យប្រវត្ត (Parallel Parking Assist) ប្រព័ន្ធផ្តល់សញ្ញាឲ្យអ្នកបើកបរឈប់សំរាកពេលមានអារម្មណ៍ងងុយគេង (Driver Alert System) ប្រព័ន្ធសម្រាប់កំណត់ល្បឿនពេលបើកបរ (MyKey System) សេនសឺជុំវិញរថយន្តចំនួន 10 គ្រាប់ (10 Sensors) ដែកថែបពិសេសចំនួន 2ដើម សម្រាប់ការពារផ្នែកចំហៀងសងខាងនៃរថយន្ត (Ultra-High-Strength Boron Steel Side Impact Beam Bar) ខែលដែកថែបការពារម៉ាស៊ីនផ្នែកខាងក្រោម (Front Bumper Protector) ប្រព័ន្ធផ្ដល់សញ្ញាគ្រោះថ្នាក់ពេលមានឧបសគ្គ ឬអ្នកថ្មើរជើងឆ្លងកាត់ និងប្រព័ន្ធចាប់ហ្វ្រាំងបន្ទាន់ដោយស្វ័យប្រវត្ត (Pre-Collision Assist with Autonomous Emergency Braking) ប្រព័ន្ធផ្តល់ដំណឹងនៅពេលបើកបរចេញពីគន្លងផ្លូវ (Lane Keeping System) ប្រព័ន្ធបន្ថយល្បឿន និងរក្សាគម្លាតសុវត្ថិភាពដោយស្វ័យប្រវត្ត (Adaptive Cruise Control) និងបច្ចេកវិទ្យាជាច្រើនទៀតដែលសរុបទាំងរហូតដល់ 50។ល។

បន្ទាប់ពីបានដឹងអំពីចំណុចផ្លាស់ប្តូរថ្មីនេះជឿជាក់ថាសន្ទុះនៃការគាំទ្ររបស់រថយន្ត Ford Ranger Wildtrak ស៊េរីថ្មីឆ្នាំ 2022 នឹងបន្តការកើនឡើង រថយន្តនេះនឹងបន្តផ្តល់ជូននូវជម្រើសម៉ាស៊ីន 2 ប្រភេទរួមមាន៖ ម៉ាស៊ីនជំនាន់ថ្មី 2.0L និងម៉ាស៊ីន 3.2L។ សម្រាប់ពណ៍មាន 5 ជម្រើសដូចជា៖ ស ខ្មៅ ទឹកប្រាក់ ប្រផេះ និងទឹកក្រូច។ រីឯតម្លៃវិញគឺកាន់តែពិសេសសម្រាប់បងប្អូនដែលបានកក់ទុកមុន ដូច្នេះបងប្អូនប្រញាប់រួសរាន់ឡើងព្រោះចំនួនមានកំណត់។ សម្រាប់ព័ត៍មានបន្ថែមអំពីរថយន្តនេះលោកអ្នកអាចអញ្ជើញទៅសាកសួរព័ត៍មាននៅគ្រប់អគារតាំងបង្ហាញរថយន្ត Ford ដែលមានដូចជា៖

អគារតាំងបង្ហាញសាខាផ្លូវព្រះមុនីវង្សដែលស្ថិតនៅអគារលេខ 444 ផ្លួវព្រះមុនីវង្ស ជាប់ទូតវៀតណាម លេខទូរស័ព្ទទំនាក់ទំនង៖ 023 214 214
អគារតាំងបង្ហាញសាខាទឹកថ្លាដែលស្ថិតនៅតាមបណ្តោយផ្លូវទៅព្រលានយន្តហោះ លេខទូរស័ព្ទទំនាក់ទំនង៖ 023 890 880
អគារតាំងបង្ហាញសាខាទួលសង្កែដែលស្ថិតនៅលើផ្លូវ 105 ជិតផ្សារសាំហាន់ លេខទូរស័ព្ទទំនាក់ទំនង៖ 078 990 800 | 087 990 800
អគារតាំងបង្ហាញសាខាខេត្តសៀមរាបដែលស្ថិតនៅអគារលេខ 593 តាមបណ្តោយផ្លូវជាតិលេខ 6A លេខទូរស័ព្ទទំនាក់ទំនង៖ 063 766 661។

May 17, 2021

អីយ៉ា! បញ្ចុះតម្លៃច្រើនដល់ម្លឹងផង? អ្នកស្រឡាញ់ Ford អាចពិចារណាបាន!

ពិតជាដំណឹងគួរឲ្យរីករាយសម្រាប់មិត្តអ្នកគាំទ្រ និងអ្នកស្រឡាញ់រថយន្តម៉ាក Ford ដែលកាលពីពេលថ្មីៗនេះក្រុមហ៊ុន អ អិម អេ ខេមបូឌា ដែលជាក្រុមហ៊ុននាំចូល និងចែកចាយផ្ដាច់មុខនូវរថយន្ត Ford គ្រប់ប្រភេទក្នុងទីផ្សារប្រទេសកម្ពុជាបានធ្វើការប្រកាសលក់លាងឃ្លាំងដោយធ្វើការបញ្ចុះតម្លៃយ៉ាងច្រើនសន្ធឹកសន្ធាប់មិនធ្លាប់មានពីមុនមកទៅលើម៉ូឌែល SUV របស់ខ្លួននោះគឺរថយន្ត Ford Everest 2.0L Bi-Turbo ស៊េរីឆ្នាំ 2020 ដែលធ្វើការបញ្ចុះតម្លៃរហូតដល់ទៅ $6,500 ឯណោះ ដែលតម្លៃចាស់កាលពីមុនមានតម្លៃរហូតដល់ទៅ $71,000 ហើយបន្ទាប់ពីការបញ្ចុះតម្លៃរួចមកគឺរថយន្តនេះមានតម្លៃត្រឹមតែ $64,500 ប៉ុណ្ណោះ។

បងប្អូនមានជម្រើសក្នុងការបង់រំលស់ជាមួយនឹងលក្ខខណ្ឌងាយៗ មិនស្មុគស្មាញដោយបង់ប្រាក់ប្រចាំខែត្រឹមតែ $527 ប៉ុណ្ណោះ ជាមួយនឹងការអនុម័តឆាប់រហ័សត្រឹមតែ 2 ថ្ងៃអាចយករថយន្តមកប្រើប្រាស់បាន ព្រមទាំងសេវាកម្មបង់រំលស់គ្រប់ 25 ខេត្ត/ក្រុងប្រកបដោយទំនុកចិត្ត។ ដូច្នេះបងប្អូនដែលស្រឡាញ់រថយន្ត Ford សូមប្រញាប់រួសរាន់ក្នុងការក្លាយជាម្ចាស់រថយន្ត Ford Everest 2.0L Bi-Turbo ស៊េរីឆ្នាំ 2020 នេះព្រោះចំនួននៃការផ្តល់ជូនមានកំណត់។

ការបញ្ចុះតម្លៃពិសេសបែបនេះគឺពិតជាឱកាសល្អសម្រាប់បងប្អូនដែលស្រឡាញ់គាំទ្ររថយន្ត Ford ដែលវាជាពេលវេលាដ៏ស័ក្តិសមក្នុងការទិញរថយន្តនេះមកប្រើប្រាស់ព្រោះពិតជាចំណេញច្រើនខ្លាំងមែនទែន។ រថយន្ត Ford Everest 2.0L Bi-Turbo ស៊េរីឆ្នាំ 2020 នៅតែជារថយន្ត SUV ដែលមានលក្ខណៈខុសប្លែកពីរថយន្ត SUV ដ៏ទៃក្នុងទីផ្សារប្រទេសកម្ពុជាជាមួយនឹងភាពប្រណិត និងសមត្ថភាពបើកបរគ្រប់ស្ថានភាពផ្លូវ ជាពិសេសនោះគឺ ម៉ាស៊ីន 2.0L ជំនាន់ថ្មី និងប្រអប់លេខ 10 វគ្គអូតូដែលអាចប្រើប្រាស់បានទាំងលេខដៃ និងលេខអូតូតែម្តង។

បងប្អូនមួយចំនួនបានស្គាល់រថយន្តនេះតាមរយៈពិធីសម្ពោធជាផ្លូវការ វីដេអូធ្វើបទបង្ហាញ ស្ពតផ្សាយពាណិជកម្ម ការផុសរូបផ្សេងៗ និងតាមដងវិថីនានា ប៉ុន្តែតើបងប្អូនដឹងទេថា Ford Everest 2.0L Bi-Turbo នេះមានលក្ខណៈពិសេសអ្វីខ្លះ? ដូច្នេះថ្ងៃនេះដែរយើងខ្ញុំសូមមកណែនាំតែចំណុចពិសេសដែលរថយន្តដ៏ទៃនៅក្នុងតម្លៃប្រហាក់ប្រហែលគ្នាពុំមាន នោះគឺ ប្រព័ន្ធសុវត្ថិភាព និងបច្ចេកវិទ្យាទំនើបៗចុងក្រោយដ៏ឆ្លាតវៃរបស់ Ford ដែលមានដូចជា៖

ម៉ាស៊ីនដ៏ស្ទុះ 0L Bi-Turbo ជំនាន់ថ្មីដែលអាចឲ្យរថយន្តនេះផលិតនូវកម្លាំងសេះរហូតដល់ទៅ 213PS និងកម្លាំងរមួល 500 Nm ដែលកម្រិតស៊ីប្រេងត្រឹមតែ 7L-8L ក្នុង 100 គីឡូម៉ែត្រតែប៉ុណ្ណោះ។ លើសពីនេះទៅទៀតថែមទាំងចំណេញក្នុងការបង់ពន្ធផ្លូវផងដែរគឺត្រឹមតែ 20 ម៉ឺនរៀលប៉ុណ្ណោះពិតជាចំណេញខ្លាំងមែនទែន
ប្រអប់លេខ 10 វគ្គអូតូជំនាន់ថ្មី (10-Speed Automatic) ដែលអាចប្រើប្រាស់បានទាំងលេខអូតូ និងលេខដៃលោកអ្នកអាចថែមថយលេខដោយគ្រាន់តែចុចសញ្ញា (+) និង (-)

ប្រព័ន្ធជំនួយចូលចតដោយស្វ័យប្រវត្ត (Parallel Parking Assist)
ប្រព័ន្ធផ្តល់សញ្ញាឲ្យអ្នកបើកបរឈប់សម្រាកពេលមានអារម្មណ៍ងងុយគេង (Driver Alert System)
ប្រព័ន្ធផ្តល់ដំណឹងគ្រោះថ្នាក់ផ្នែកចំហៀងរថយន្ត (Blind Spot Information System)
ប្រព័ន្ធផ្តល់ដំណឹងគ្រោះថ្នាក់ផ្នែកខាងក្រោយរថយន្ត (Cross Traffic Alert)
ប្រព័ន្ធសម្រាប់កំណត់ល្បឿនអតិបរមាពេលបើកបរ (MyKey System)
សេនសឺជុំវិញរថយន្តចំនួន 10 គ្រាប់ (10 Sensors)
ប្រព័ន្ធគ្រប់គ្រងការបើកបរគ្រប់ស្ថានភាពផ្លូវ (Terrain Management System)

មិនតែប៉ុណ្ណោះ សមត្ថភាពជើងក្រោមរបស់ Ford Everest 2.0L Bi-Turbo ត្រូវបានកែច្នៃបន្ថែម ដែលប្រកបដោយភាពធន់រឹងមាំជាងមុន គឺសំដៅទៅលើសុវត្ថិភាពជាពិសេសដល់ការទប់លំនឹងដោយមានភាពហាប់ណែនជាងមុន ធ្វើឲ្យការផ្ទុកទំងន់ អូស សណ្ដោងក្នុងស្ថានភាពផ្លូវលំបាកក៏ដូចជានៅពេលបត់បែនប្រកបដោយសុវត្ថិភាព និងជួយកាត់បន្ថយសម្លេងកង់ពេលបើកបរលើផ្លូវរាបផងដែរ។ កំណែទម្រង់ចុងក្រោយនេះនឹងធ្វើឲ្យសមត្ថភាពនៃការបើកបររបស់ Ford Everest 2.0L Bi-Turbo កាន់តែប្រសើរ និងមានផាសុកភាពជាងមុនដូចជាការកាត់បន្ថយសម្លេង ភាពញ័រ បង្កើនភាពទន់ភ្លន់មិនរលាក់ខ្លាំងដូចមុន។

ក្រៅពីចំណុចពិសេសដែលលើសគេទាំងនេះហើយ Ford Everest 2.0L Bi-Turbo នៅមានប្រព័ន្ធសុវត្ថិភាព និងបច្ចេកវិទ្យាទំនើបៗចុងក្រោយជាច្រើនទៀតរហូតដល់ជាង 50 ចំណុចបន្ថែមដែលក្នុងនោះមានកញ្ចប់បច្ចេកវិទ្យាជំនាន់ចុងក្រោយរបស់ Ford ដែលគេឲ្យឈ្មោះថា Ford Co-Pilot 360^TM Technology ដែលអាចបំពេញជូននូវតម្រូវការរបស់អតិថិជនបានយ៉ាងងាយស្រួល។ បើទោះបីយើងខ្ញុំបានរៀបរាប់ពីចំណុចពិសេសជាច្រើនរបស់រថយន្តនេះច្រើនយ៉ាងណាក៏ដោយ ប៉ុន្តែគឺពិតជាមិនទាន់អស់នោះទេ ដូច្នេះប្រសិនបើលោកអ្នកចង់ជ្រាបព័ត៍មានបន្ថែមអំពីរថយន្តនេះលោកអ្នកអាចអញ្ជើញទៅសាកសួរព័ត៍មាននៅគ្រប់អគារតាំងបង្ហាញរថយន្ត Ford ដែលមានដូចជា៖

អគារតាំងបង្ហាញសាខាផ្លូវព្រះមុនីវង្សដែលស្ថិតនៅអគារលេខ 444 ផ្លួវព្រះមុនីវង្ស ជាប់ទូតវៀតណាម លេខទូរស័ព្ទទំនាក់ទំនង៖ 023 214 214
អគារតាំងបង្ហាញសាខាទឹកថ្លាដែលស្ថិតនៅតាមបណ្តោយផ្លូវទៅព្រលានយន្តហោះ លេខទូរស័ព្ទទំនាក់ទំនង៖ 023 890 880
អគារតាំងបង្ហាញសាខាទួលសង្កែដែលស្ថិតនៅលើផ្លូវ 105 ជិតផ្សារសាំហាន់ លេខទូរស័ព្ទទំនាក់ទំនង៖ 078 990 800 | 087 990 800
អគារតាំងបង្ហាញសាខាខេត្តសៀមរាបដែលស្ថិតនៅអគារលេខ 593 តាមបណ្តោយផ្លូវជាតិលេខ 6A លេខទូរស័ព្ទទំនាក់ទំនង៖ 063 766 661។

May 12, 2021

Category: PR