PR - La Reine Media

ហេតុអ្វីបានជាសាលារៀនវ៉េស្ទឡាញន៍ បង្កើតកញ្ចប់សិក្សាសម្រាប់គ្រួសារ ហើយវាផ្តល់គុណប្រយោជន៍អ្វីខ្លះ?

ភ្នំពេញ៖ វ៉េស្ទឡាញន៍ គឺជាស្ថាប័នអប់រំមួយ ដែលបង្កើតឡើងដោយផ្អែកលើគោលការណ៍ គុណភាព គុណធម៌ មនុស្សធម៌ និងភាពជាអ្នកដឹកនាំ ជាពិសេសគឺ ដើរស្របជាមួយកម្មវិធីសិក្សាបែបអឺរ៉ុប ដែលអាចផ្តល់ឱ្យសិស្សនូវចំណេះដឹង ទាំងផ្នែកបញ្ញា ស្មារតី សីលធម៌រស់នៅ និងកាយសម្បទា ហើយសម្រាប់ឆ្នាំសិក្សាថ្មីនេះ សាលារៀនវ៉េស្ទឡាញន៍បានបញ្ចូលនូវកម្មវិធីសិក្សាថ្មី ដែលមានឈ្មោះថា «កញ្ចប់សិក្សាសម្រាប់គ្រួសារ»។

តើកញ្ចប់សិក្សាសម្រាប់គ្រួសារមានអ្វីខ្លះ? ហើយផ្តល់គុណប្រយោជន៍យ៉ាងដូចម្តេចខ្លះ?

លោក ប៉ិច បូឡែន ប្រធាននាយកប្រតិបត្តិក្រុមហ៊ុនវ៉េស្ទឡាញន៍ អេឌ្យូខេសិន គ្រុប បានបញ្ជាក់នៅក្នុងសិក្ខាសាលា ទម្លាប់ទាំង 7 សម្រាប់គ្រួសារ «គន្លឹះឆ្ពោះទៅកាន់ភាពជោគជ័យ» នារសៀលថ្ងៃទី 14 ខែកក្កដាថា ឆ្នាំសិក្សាថ្មីនេះ គ្រប់សាខាសាលារៀនវ៉េស្ទឡាញន៍ទាំងអស់ត្រូវបានដាក់បញ្ចូលនូវកម្មវិធីសិក្សាថ្មី ដែលមានឈ្មោះថា «កញ្ចប់សិក្សាសម្រាប់គ្រួសារ» ដោយអាណាព្យាបាលចុះឈ្មោះបុត្រធីតា នឹងបានសិក្សាមួយគ្រួសារ។

ប្រធាននាយកប្រតិបត្តិក្រុមហ៊ុនរូបនេះ បានបញ្ជាក់ថា មូលហេតុដែលសាលារៀនវ៉េស្ទឡាញន៍បង្កើត «កញ្ចប់សិក្សាសម្រាប់គ្រួសារ» ដោយសារលោកបានគិតឃើញថា មាតាបិតាគាត់ត្រូវការចំណូល ហើយចំណូលគាត់កើតចេញពីរកស៊ី ឬធ្វើការ អីចឹងហើយបានជាយើង (សាលារៀនវ៉េស្ទឡាញន៍) បង្កើតកម្មវិធីសក្សានេះឡើង ដើម្បីជួយអាណាព្យាបាលឱ្យមានចំណូលនិរន្តរ៍កាន់តែល្អ និងរីកចម្រើនការងារ ឬមុខបរបរ ហើយក៏ចង់ឱ្យសុភមង្គលគ្រួសារកាន់តែល្អ ក៏ដូចជាយើងអាចធ្វើការជាមួយកូនគាត់បានច្រើន អីចឹងក្នុងហ្នឹងមានកម្មវិធីសិក្សាដោយឥតគិតថ្លៃនោះមានដូចជា៖

1/ កម្មវិធីបណ្តះបណ្តាលទម្លាប់ល្អទាំង 7

2/ កម្មវិធីបណ្តុះបណ្តាល និងប្រឹក្សាយោបល់ចិត្តសាស្ត្រ

3/ កម្មវិធីបណ្តុះបណ្តាលជំនាញអភិវឌ្ឍអាជីវកម្ម

4/ កម្មវិធីបណ្តុះបណ្តាលជំនាញអភិវឌ្ឍអាជីពការងារ។

លោក ប៉ិច បូឡែន បានបន្ថែមចុងក្រោយថា ដូច្នេះដើម្បីធានាឱ្យបុត្រធីតារបស់ពួកយើងគ្រប់រូប អាចទទួលបានចំណេះដឹង និងជំនាញដើម្បីឆ្លើយតបទៅនឹងគុ

ណភាពទីផ្សារការងារទាំងក្នុងបច្ចុប្បន្ន និងក្នុងពេលអនាគត គឺតម្រូវឱ្យមាតាបិតា និងអាណាព្យាបាលទាំងអស់សហការគ្នា ដើម្បីលើកកម្ពស់ និងជ្រោមជ្រែងបុត្រធីតាក្នុងការអភិវឌ្ឍន៍ផ្នែកចំណេះដឹង។ ហើយដើម្បីបានសម្រេចនូវការអភិវឌ្ឍន៍មួយនេះ យើងឃើញថាការអប់រំ គឺជាការងារដ៏សំខាន់មួយដែលទាមទារពេលវេលា និងធនធានរបស់មាតាបិតា និងអាណាព្យាបាល។ ការអប់រំនេះនឹងទទួលបានលទ្ធផលផ្លែផ្កា សងត្រលប់មកវិញដ៏ល្អប្រសើរបំផុត សម្រាប់បុត្រាបុត្រីរបស់យើងក្នុងថ្ងៃអនាគត៕

July 16, 2018

Samsung Galaxy J8 សេរីថ្មី បានបង្ហាញខ្លួនជាផ្លូវការក្នុងទីផ្សារកម្ពុជា តម្លៃ $289

នេះគឺជាស្មាតហ្វូនស៊េរីថ្មីផ្សងទៀតរបស់ ក្រុមហ៊ុនបច្ចេកវិទ្យាយក្ស Samsung ទើបតែមានវត្តមានក្តៅៗនៅក្នុងទីផ្សារកម្ពុជាដែលស្ថិតនៅក្នុងខ្សែស្រឡាយត្រកូល J នឹងមានឈ្មោះជាផ្លូវការថា Samsung Galaxy J8 ។

Samsung Galaxy J8 ត្រូវបានរចនាខ្លួនមកយ៉ាងសាមញ្ញស្រស់ស្អាតមិនងាយនឹងឆាប់សុំាភ្នែកអេក្រង់លាតភ្លឺច្បាស់ត្រជាក់ភ្នែកដែលមានរូបរាងមិនខុសពីរៀមច្បងស៊េរី J ជំនាន់មុនប៉ុន្មាននោះទេ។

គួររំលឹកផងដែរថា Samsung Galaxy J8គឺជាស្មាតហ្វូនដែលបំពាក់មកជាមួយកាមេរ៉ាភ្លោះផ្នែកខាងក្រោយ ទំហំ 16 មេហ្គាភិចសែល ជាមួយនឹងកម្រិត Aperture F1.7 មានសមត្ថភាពថតរូបបានកាន់តែស្អាត ទោះក្នុងស្ថានភាពងងឹតបន្តិចក៏ដោយរួមនឹងមុខងារថតរូបពិសេសដូចជាLive Focus និង Bokeh Effects ហើយមួយគ្រាប់ទៀតគឺមានទំហំ 5 មេហ្គាភិចសែល(F1.9) សម្រាប់ថត Portrait។

កាមេរ៉ាក្រោយនេះ ត្រូវបានក្រុមហ៊ុនរចនាបែប Classic ដែលមានរាងបញ្ឈរនៅចំកណ្ដាល និងមាន LED Flashសម្រាប់ជំនួយដល់ការថតពេលយប់និងកន្លែងដែលមានពន្លឺទាបជាដើម។

ក្នុងនោះក៏មានបំពាក់សេនសឺ ស្កែនក្រយ៉ៅដៃនៅខាងក្រោមកាមេរ៉ាខាងក្រោយនិងមានប្រើប្រាស់ មុខងារដោះសោរ Face Recognition ដែលធ្វើអោយស្មាតហ្វូននេះ កាន់តែមានសុវត្ថិភាព និងទាន់សម័យថែមមួយកម្រិតទៀតផងដែរ។

សំរាប់កាមេរ៉ាមុខវិញ Samsung Galaxy J8 មានភ្ជាប់កាមេរ៉ាទំហំ 16 មេហ្គាភិចសែល អមជាមួយនឹងភ្លើង LED Flash ដែលផ្តល់ជូនអ្នកប្រើប្រាស់ថតរូប Selfie បានយ៉ាងស្រស់ស្អាតបំផុត។

ទូរស័ព្ទនេះ បានរចនាឡើងជាមួយអេក្រង់Premium Super AMOLED 6.0អ៊ីញដែលអាចផ្តល់នូវពណ៌និងកម្រិតភាពច្បាស់ម៉ត់ត្រជាក់ភ្នែក និងដំណើរការដោយ ប្រព័ន្ធប្រតិបត្តិការ Android 8.0 Oreo ចេញពីប្រអប់ និងមានកម្លាំងថាមពលថ្មទំហំ3,500mAh ដែលជាទំហំធំល្មម អាចអោយអ្នកប្រើប្រាស់ បានយូរ ទាំងការនិយាយ និង លេងបណ្តាញសង្គម អ៊ីនធើណេតផ្សេង។

វាបានបំពាក់នូវ RAMទំហំ 3GB មេម៉ូរីទំហំ 32GB និងអាចបន្ថែមម៉េម៉ូរីកាត micro SD រហូតដល់ 256GB ដោយមិនចាំបាច់បារម្ភ ពីការឆាប់ពេញនោះទេ។

ស្មាតហ្វូនស៊េរីថ្មីដ៏ស្រស់ស្អាតនេះ បានដាក់លក់ជាផ្លូវការនៅតាមបណ្តាហាងទំនើបសាមសុងនិងដេប៉ូចែកចាយទូរស័ព្ទសាមសុងទូទាំងប្រទេសកម្ពុជាជាមួយនឹង តម្លៃ $289 ដែលភ្ជាប់ជាមួយជម្រើស៣ពណ៌រួមមាន៖ពណ៌ខ្មៅ ពណ៌មាស និងពណ៌ស្វាយ។

July 15, 2018

ក្រុមហ៊ុនទូរស័ព្ទដៃ និងក្រុមហ៊ុន Mobile App ជាច្រើនមកជុំគ្នាក្នុងព្រឹត្តិការណ៍តាំងពិព័រណ៍ទូរស័ព្ទលើកទី1 នៅផ្សារទំនើប អ៊ីអនម៉ល ភ្នំពេញ

ដូចការកំណត់ទុកនៅថ្ងៃទី13 ខែកក្កដា ឆ្នាំ2018នេះ គឺជាថ្ងៃចាប់ផ្តើមដំបូងនៃព្រឹត្តិការណ៍តាំងពិព័រណ៍ទូរស័ព្ទលើកទី1 នៅកម្ពុជា ដោយមានក្រុមហ៊ុនទូរស័ព្ទដៃ និងក្រុមហ៊ុន ដែលមានបច្ចេកវិទ្យា (Mobile App) នៅលើទូរស័ព្ទដៃ ដើម្បីផ្តល់សេវាកម្មងាយៗជូនដល់អតិថិជន បានមកជុំគ្នានៅផ្សារទំនើប អីុអន ម៉ល ភ្នំពេញ ក្នុងគោលបំណងពន្យល់អ្នកប្រើប្រាស់ឱ្យបានយល់ដឹងពីអត្ថប្រយោជន៍នៃទូរស័ព្ទដៃដែលអ្នកកំពុងប្រើប្រាស់សព្វថ្ងៃនេះ។

នៅក្នុងព្រឹត្តិការណ៍ដ៏កម្រនេះដែរក៏មានមហាជនជាច្រើនចូលរួម ដើម្បីយល់ដឹងពីបច្ចេវិទ្យាដ៏ទំនើប និងដើរឱ្យទាន់សម័យកាល។ មហាជនទាំងអស់អាចមកធ្វើប្រើប្រាស់សាកល្បងទូរស័ព្ទដៃ និងសេវាកម្មផ្សេងៗ ដោយមានអ្នកជំនាញរង់ចាំពន្យល់យ៉ាងក្បោះក្បាយពីបច្ចេវិទ្យា ដែលធ្វើឱ្យលោកអ្នកមានភាពងាយស្រួលជាមុន មិនថាពេលទៅផ្សារ ការទូទាត់សាច់ប្រាក់ផ្សេងៗ ហៅតាក់ស៊ី ការវេរប្រាក់តាមប្រពន្ធ័អេឡិចត្រូនិកផ្សេងៗជាច្រើនទៀត។

លើសពីនេះដែរ លោកអ្នកក៏អាចធ្វើការទិញនូវគ្រឿងបរិក្ខាទូរស័ព្ទដៃជាច្រើន និងមានអត្ថប្រយោជន៍ខ្ពស់ ជាមួយនឹងការបញ្ចុះតម្លៃយ៉ាងពិសេសថែមទៀតផង។ គួររំឭកផងដែរថា ក្រុមហ៊ុនដែលបានចូលរួមនៅក្នុងព្រឹត្តិការណ៍តាំងពិព័រណ៍ទូរសព្ទ័លើកដំបូងនេះរួមមានដូចជា៖ ក្រុមហ៊ុន Huawei, Metfone, Aceleda Bank, iOne, iCracked, Baseus, Konfulon, Oppo, Meizu, Aeon Wallet, PDA Pro, Grab, VIVO , Nojima និង Coolcase។

គួរបញ្ជាក់ផងដែរថា ព្រឹត្តិការណ៍តាំងពិព័រណ៍ទូរស័ព្ទលើកទី1នេះ ក៏មានការលក់បញ្ចុះតម្លៃពិសេសដោយបូករួមជាមួយនឹងកាដូយ៉ាងច្រើនសន្ធឹកសន្ធាប់ពីសំណាក់ក្រុមហ៊ុនចួលរួមខាងលើ និងមានការប្រគំតន្ត្រីពីសំណាក់ តារាចម្រៀងល្បីប្រចាំព្រះរាជាណាចក្រកម្ពុជា លោក នីកូល, ក្រុមចម្រៀង Original Song Small World Small Band, ការសំដែងក្បាច់រាំពីក្រុម OMG និង The Ninja Top និងការបង្ហាញម៉ូដផងដែរ។

ការតាំងពិព័រណ៍នេះធ្វើឡើងនៅផ្សារទំនើប អីុអន ម៉ល ភ្នំពេញ ជាន់ផ្ទាល់ដី នៅទីតាំង Daylight Plaza និង Lively Plaza ក្នុងឱកាសអបអរសាទរខួប4ឆ្នាំរបស់ផ្សារទំនើបដ៏ធំមួយនេះ រយៈពេល3ថ្ងៃជាប់គ្នាគឺពីថ្ងៃទី13 ដល់ថ្ងៃទី15 ខែកក្កដា ឆ្នាំ2018នេះតទៅ៕

July 14, 2018

តារាសម្ដែងល្បីរបស់ថៃ នាង Vicki Sunisa បង្ហាញវត្តមានដំបូងនៅកម្ពុជា ជាមួយផលិតផលគ្រឿងសម្អាង LIV

តារាសម្ដែងស្រីដ៏ល្បីឈ្មោះប្រចាំប្រទេសថៃ ដែលគេស្គាលថាជាអ្នកនាង Vicki Sunisa ធ្លាប់ទាក់អារម្មណ៍របស់ទស្សនិកជនប្រជាជនខ្មែរជាច្រើនឆ្នាំមកហើយនោះ បានធ្វើដំណើរមកកាន់ប្រទេសកម្ពុជា ដែលនឹងបង្ហាញវត្តមានជាមួយផលិតផលគ្រឿងសម្អាងម៉ាកល្បី LIV Wite Dianomd នៅសណ្ឋាគារ សូហ្វីតែល រាជធានាភ្នំពេញ ថ្ងៃទី 14 ខែកក្កដា ឆ្នាំ 2018 ។

នៅក្នុងកិច្ចជំនួបជាមួយអ្នកសារព័ត៌មានកម្ពុជា តារាស្រីរូបនេះបានប្រាប់ឱ្យដឹងថា អ្នកនាងពិតជាមានអារម្មណ៍រំភើបសប្បាយរីករាយជាទីបំផុត ព្រោះថា កម្ពុជា គឺជាទឹកដីមួយដែលស្ថិតនៅក្នុងក្ដីស្រមៃរបស់នាង ដែលចង់មកទស្សនា ជាពិសេស ទឹកដីដ៏អច្ឆរិយៈក្រុងសៀមរាប ដែលមានប្រាសាទអង្គរ ជាសម្បត្តិរបស់ខ្មែរ និងជាបេតិកភណ្ឌពិភពលោក។ ជាមួយនឹងការបង្ហាញពីអារម្មណ៍ដ៏រំភើប អ្នកនាង Vicki Sunisa ក៏បានបង្ហើបប្រាប់ផងដែរថា ចំពោះការបង្ហាញខ្លួននៅលើទឹកដីកម្ពុជានាពេលនេះ គឺនាងបាននាំមកជាមួយនូវផលិតផលគ្រឿងសម្អាងដ៏ល្បីឈ្មោះ ដែលនាងជាអ្នកបង្កើតម៉ាកដោយផ្ទាល់ នោះគឺផលិតផលគ្រឿងសម្អាងម៉ាក « LIV Wite Dianomd » ។ ផលិតផលប្រ៊េន ដែលជាម៉ាកដ៏ល្បីបំផុតប្រចាំប្រទេសថៃ « LIV Wite Dianomd » មានច្រើនប្រភេទ រួមមានដូចជា ម្សៅផាត់ ក្រែមការពារកំដៅថ្ងៃ ឡេលាបស្បែកមុខឱ្យស និងក្រែមលាបបបូរមាត់ ជាដើម។ អ្នកនាង Vicki Sunisa បានរៀបរាប់ថា « ផលិតផលរបស់យើង គឺជាផលិតផលជាទីពេញចិត្តបំផុតសម្រាប់សុខភាពនារី និងបុរស នៅក្នុងប្រទេសកម្ពុជានេះតែម្ដង ។
យ៉ាងណាមិញ តារាសម្ដែងស្រីដ៏ល្បីឈ្មោះ និងជាអ្នកបង្កើតផលិតផល ដែលធ្លាប់ទទួលបានជោគជ័យលើការចែកចាយផលិតផលនៅតាមបណ្ដាលប្រទេសធំៗមួយចំនួនដូចជា សហរដ្ឋអាមេរិក ចិន ភូមា និង ថៃ អ្នកនាង Vicki Sunisa បានអះអាងថា ផលិតផលល្បីមួយនេះ មិនត្រឹមតែមានគុណភាពល្អ និងតម្លៃសមរម្យនោះទេ សំខាន់គឺមិនមានផលប៉ះពាល់ដល់សុខភាពស្បែករបស់អ្នកប្រើប្រាស់ឡើយ ព្រោះថា ស្ថានភាពស្បែករបស់ប្រជាជនកម្ពុជា និងប្រជាជនថៃ មានភាពប្រហាក់ប្រហែលគ្នា ដែលខុសពីតំបន់ និងប្រទេសមយចំនួននៅអឺរ៉ុប ខណៈដែលផលិតផលប្រ៊េន « LIV Wite Dianomd » មួយនេះជាផលិតផលតែមួយគត់ដែលមានវត្ថុធាតុផ្សំល្អដាច់គេ។

គួរបញ្ជាក់ផងដែលថា វត្ថុធាតុដើមយ៉ាងសំខាន់របស់ « LIV Wite Dianomd » គឺត្រូវបានច្នៃចេញពីគ្រាប់ពេជ្រ ព្រោះគ្រាប់ពេជ្រមានគុណប្រយោជន៍ម្យ៉ាងដែលអាចជួយឱ្យស្បែកភ្លឺថ្លា ម៉ត់រលោង ក្មេងជាងវ័យ មិនងាយចាស់ រួមជាមួយគ្រឿងផ្សំផ្សេងៗជាច្រើនទៀត ដែលសុទ្ធតែជំនួយដល់ស្បែក ជួយឱ្យស្បែកកាន់តែ ស ភ្លឺ ម៉ត់រលោង។ សូមជម្រាបបន្ថែមថា ខណៈនេះផលិតផលដ៏ល្បីមួយនេះ កំពុងធ្វើការសហការ និងស្វែងរកដៃគូចែកចាយយ៉ាងធំទូលាយនៅក្នុងប្រទេសកម្ពុជា ។ ដូច្នេះសម្រាប់ អតិថិជន ដែលជាអ្នកគាំទ្រ ក៏ដូចជាអ្នកដែលមានបំណងធ្វើជាអ្នកចែកចាយបន្ត អាចធ្វើការទំនាក់ទំនងមកកាន់ក្រុមហ៊ុនផ្ទាល់តែម្ដង៕

July 13, 2018

ម៉ាស៊ីនបោកគក់ទ្វារពីមុខ របស់ LG បំពាក់បច្ចេកវិទ្យា 6 Motions & Direct Drive បោកគក់សម្លៀកបំពាក់របស់អ្នកបានយ៉ាងល្អឥតខ្ចោះ

ថែរក្សាសំលៀកបំពាក់របស់អ្នកជាមួយការបោកគក់ ៦ ចលនា (6 Motions)

បច្ចេកវិទ្យាបោកគក់ 6 ចលនា (6 Motions) រចនាឡើងដើម្បីផ្តល់ជូននូវការបោកគក់ផ្សេងគ្នាដើម្បីឱ្យសាកសមនឹងសំលៀកបំពាក់របស់អ្នក។ ម៉ាស៊ីនបោកគក់ 6 ចលនា របស់ LG អាចធ្វើការបោកគក់បានច្រើនយ៉ាង ឬ ការរួមបញ្ចូលនៃចលនាខុសៗគ្នាអាស្រ័យលើកម្មវិធីបោកគក់ដែលយើងបានជ្រើសរើស។

លទ្ធផលគឺអស្ចារ្យ! ជាមួយនឹងវិធីចំនួនប្រាំមួយដើម្បីបោកសម្អាត ម៉ាស៊ីនបោកគក់ ៦ ចលនារបស់ក្រុមហ៊ុន LG អនុញ្ញាតឱ្យអ្នកជ្រើសរើសចលនាណាមួយដែលសមស្របសម្រាប់សម្លៀកបំពាក់របស់អ្នក:

ចលនាទាំង ៦ នោះមានដូចជា:

Tumble : ចលនានេះជាស្តង់ដារបស់ម៉ាស៊ីនបោកគក់។

Scrub: ក្នុងចលនានេះការបោកគក់មានកម្លាំងខ្លាំងហើយបាញ់ទឹកអោយម្សៅសាប៊ូរលាយ បានយ៉ាងល្អហើយនិងលឿនផងដែរ។

Rolling : ចលនានេះធ្វើការបោកគក់បានយ៉ាងស្ងាត់ល្អ សំលៀកបំពាក់រមៀលពីខាងក្រោមទឹក ហើយវាកកិតជាមួយផ្ទៃធុងខាងក្នុងយ៉ាងថ្នម។

Swing : ចលនានេះ គឺធ្វើការបោកគក់ខាងក្រោមផ្ទៃទឹកពីម្ខាងទៅម្ខាង ហើយវាថែរក្សាប្រភេទ ក្រណាត់ដែលងាយនិងខូចដូចជារោមជៀម និង សូត្របានយ៉ាងល្អ។ ដូចដែលយើងបោកគក់ សំលៀកបំពាក់ដោយដៃដែរវាការពារសាច់ក្រណាត់មិនអោយខូចឡើយ។

Filtration: ចលនានេះធ្វើការបាញ់ទឹកបានល្អឥតខ្ចោះដើម្បីបន្សើមសំលៀកបំពាក់។ នៅក្នុង ចលនានេះម្សៅសាប៊ូអាចរលាយចូលទៅក្នុងសាច់ក្រណាត់ភ្លាមៗហើយងាយស្រួលក្នុងការសំអាតស្នាមប្រឡាក់និងកាកសំណល់ផងដែរ។

Stepping : ចលនានេះគឺរក្សាក្រណាត់មិនអោយរួញ គឺវារុញសំលៀកបំពាក់ទៅផ្នែកខាងលើ នៃធុងម៉ាសុីនបោកនិងទំលាក់ចុះមកក្រោមវិញចលនានេះគឺងាយស្រួលក្នុងការកំចាត់ស្នាមប្រឡាក់និងមិនមានស្នាមជ្រួញលើសំលៀកបំពាក់ឡើយ។

បច្ចេកវិទ្យា Direct Drive

ដោយសារតែការលុបបំបាត់ខ្សែពាន, និងជំនួសមកវិញនូវបច្ចេកវិទ្យា Direct Drive ដើម្បីបង្កើនប្រសិទ្ធិភាពកំលាំងម៉ូទ័រ – ដូច្នេះវាកាត់បន្ថយនូវការប្រើប្រាស់អគ្គីសនី – ហើយការប្រើប្រាស់បានរយះពេលយូរមិនងាយខូច។

យើងមានទំនុកចិត្តលើវាខ្លាំងណាស់ដោយសារតែវាមានការធានារយៈពេល 10 ឆ្នាំលើម៉ូទ័រ និងគ្រឿងបន្លាស់ទាំងអស់របស់វាសុទ្ធតែមានស្តង់ដារ – គ្មានផ្នែកណាមួយដែលមិនមានស្តង់ដារឡើយ។ ហើយវាមានប្រព័ន្ធងាយស្រួលជួយធ្វើអោយការបោកគក់មានសំលេងស្ងាត់ល្អ។

មុខងារស្ទីមថែរក្សាស្បែកទារកកំចាត់មេរោគនិងក្លិនមិនល្អ

បច្ចេកវិទ្យាស្ទីមដើម្បីកំចាត់មេរោគនិងថែរក្សាស្បែកទារកផ្តល់នូវការសម្អាតសំលៀកបំពាក់បានយ៉ាងល្អ។ មុខងារស្ទីមកំចាត់មេរោគនិងថែទាំស្បែកទារកត្រូវបានទទួលនូវពានរង្វាន់ British Allergy Foundation ដែលមានន័យថាសម្លៀកបំពាក់របស់អ្នកស្រស់ស្អាតនិងទន់ល្មើយរៀងរហូត។

សន្សំសំចៃពេលវេលានិងស៊ីភ្លើងតិច

មុខងារ TurboWash ™ កាត់បន្ថយពេលវេលាបោគគក់ធម្មតារហូតដល់ 59 នាទីដោយកាត់បន្ថយការប្រើប្រាស់ទឹកនិងភ្លើងតិច។ វាបាញ់ទឹកទៅលើក្រណាត់ក្នុងរយៈពេលប្រហែល 120 វិនាទីដែលធ្វើអោយការលាងទឹកសម្អាតស្អាតមានប្រសិទ្ធិភាពជាងមុន ។

មុខងារ Add items

ប៊ូតុង ” Pause & Add items ” អនុញ្ញាតិឱ្យអ្នកបន្ថែមសំលៀកបំពាក់ទៅក្នុងម៉ាសុីនបោកដោយមិនចាំបាច់រង់ចាំរហូតដល់ការបោកគក់បញ្ចប់។ គ្រាន់តែចុចប៊ូតុង ‘ Pause’ ហើយរង់ចាំការបោកគក់ឈប់, ទ្វារនឹងបើក * ក្នុងរយៈពេលប្រហែល 3 វិនាទីតែប៉ុណ្ណោះ ** បន្ទាប់មកបន្ថែមសំលៀកបំពាក់របស់អ្នក, ចាប់ពីស្រោមជើងតូចៗទៅអាវធំ។ មិនបាច់បារម្មណ៍ពីការភ្លេចរបស់ដែលត្រូវបោក។

ម៉ាស៊ីនបោកមានច្រើនចលនាដើម្បីបោកគក់បានយ៉ាងល្អឥតខ្ចោះ

បច្ចេកវិទ្យា 6 ចលនា Direct Drive ធ្វើអោយធុងម៉ាសុីនបោកមានចលនាក្នុងទិសដៅជាច្រើននិងការថែរក្សាសាច់ក្រណាត់ បានយ៉ាងល្អត្រឹមត្រូវា និងទទួលបាននូវសំលៀកបំពាក់យ៉ាងស្អាតក្រៃលែង។

ចលនាទាំ់ង ៦ នោះមានដូចជា- Tumble , Scrub , Rolling, Swing, Filtration និង Stepping

អាយុកាលប្រើប្រាស់យូរ រំញ័រតិច និង សំលេងស្ងាត់ល្អ

បច្ចេកវិទ្យា Inverter និង Direct Drive ម៉ូទ័រដែលធ្វើអោយម៉ាសុីនបោកគក់របស់យើងគឺមានទំនុកចិត្តខ្ពស់និងសំលេងស្ងាត់ល្អ។ និងផ្តល់ជូននូវដំណើរការប្រើប្រាស់យូរអង្វែងម៉ាស៊ីនរបស់យើងបានមកជាមួយការធានាស្តង់ដាររយៈពេល 10 ឆ្នាំលើម៉ូទ័រ។

បច្ចេកវិទ្យា Smart ThinQ^Tmភ្ចាប់ជាមួយប្រព័ន្ធ Wifi

បច្ចេកវិទ្យា Smart ThinQ ™ ជាមួយប្រព័ន្ធ Wi -Fi ធ្វើឱ្យការបោកគក់កាន់តែងាយស្រួល។ ការបញ្ជាពីចំងាយ ជួយអោយអ្នកអាចធ្វើការបោកគក់បានគ្រប់ពេលវេលាគ្រប់ទីកន្លែង។ Smart Diagnosis ™ ជួយអ្នកដោះស្រាយបញ្ហាបានយ៉ាងឆាប់រហ័សស្ទើរតែគ្រប់បញ្ហាទាំងអស់មុនពេលវាក្លាយជាបញ្ហាកាន់តែធំ៕

July 13, 2018

ហេតុអ្វីត្រូវប្រើប្រាស់សេវាធនាគារ ជាប្រាក់រៀល?

ភ្នំពេញ៖ ផ្អែកតាមរបាយការណ៍ប្រចាំឆ្នាំ របស់ធនាគារជាតិ នៃកម្ពុជា ក្នុងឆ្នាំ២០១៧ ក្នុងការចាក់បញ្ចូលប្រាក់រៀលប្រមាណ ៣,៧ពាន់លានរៀល តាមរយៈការទិញប្រាក់ដុល្លារអាមេរិក ដែលមានតម្លៃសរុប ៩១៥លានដុល្លារអាមេរិក ដោយកើនឡើងប្រមាណ ១១,៤% បើធៀបនឹងឆ្នាំ២០១៦។ ទំនុកចិត្តនៃការប្រើប្រាស់ប្រាក់រៀល ពិតជាមានសារៈសំខាន់ណាស់ សម្រាប់ប្រជាពលរដ្ឋខ្មែរ និងសង្គមជាតិទាំងមូល។ សម្រាប់វិស័យហិរញ្ញវត្ថុ និងធនាគារ ការប្រើប្រាស់ប្រាក់រៀល គឺជាការចាំបាច់ ក្នុងការលើកកម្ពស់រូបិយប័ណ្ណក្នុងស្រុក និងជាពិសេសផ្តល់ផលចំណេញដល់អតិថិជនផ្ទាល់តែម្តង។ ដោយមានការគាំទ្រ និងលើកទឹកចិត្តពីធនាគារជាតិ ធនាគារពាណិជ្ជនានាបានចាប់ផ្តើមផ្តល់នូវផលិតផល និងសេវាកម្មធនាគារជាប្រាក់រៀល ជាមួយនឹងអត្ថប្រយោជន៍ល្អជាងប្រាក់ដុល្លារ ទៅតាមតម្រូវការរបស់អតិថិជន។

លោក ហុង ជៀប នាយកសេវាកម្មហិរញ្ញវត្ថុពាណិជ្ជកម្ម របស់ធនាគារ ស៊ីអាយអិមប៊ី ភីអិលស៊ី (ធនាគារ CIMB) បានឲ្យដឹងលម្អិតថា៖ «ក្នុងនាមជាធនាគារពាណិជ្ជថ្នាក់តំបន់ឈានមុខគេមួយ ក្នុងប្រទេសកម្ពុជា ធនាគារ CIMB មានមោទនភាព ក្នុងការរួមចំណែកដល់ការលើកកម្ពស់ការប្រើប្រាស់ប្រាក់រៀល នៅក្នុងគ្រឹះស្ថានធនាគារ ដោយនាំយកផលិតផលធនាគារជាប្រាក់រៀលដ៏សម្បូរបែប ទាំងទៅលើប្រភេទកម្ចី និងប្រាក់បញ្ញើ ដល់អតិថិជន។ ស្របតាមការលើកទឹកចិត្ត និងបទប្បញ្ញត្តិរបស់ធនាគារជាតិ នៃកម្ពុជា យើងនឹងបង្កើនការផ្សព្វផ្សាយយ៉ាងទូលំទូលាយ អំពីសារៈសំខាន់និងរួមចំណែកនៃការប្រើប្រាស់ប្រាក់រៀល ទាំងក្នុងវិស័យធនាគារ និងសកម្មភាពសេដ្ឋកិច្ចក្នុងស្រុកទាំងមូលផងដែរ»។

ជាការពិតណាស់ សម្រាប់ប្រតិបត្តិការធនាគារមួយចំនួន ដូចជាការទូទាត់ក្នុងប្រតិបត្តិការអាជីវកម្ម និងការបង់ពន្ធជាប្រាក់រៀលជាដើម អតិថិជនអាចកាត់បន្ថយចំណាយប្រតិបត្តិការ និងបង្កើនចំណេញបានច្រើន នៅពេលដែលពួកគេមានគណនីធនាគារជាប្រាក់រៀលស្រាប់ ដោយកាត់បន្ថយនូវហានីភ័យ ពីអត្រាប្តូរប្រាក់។ ជាមួយគ្នានេះ សម្រាប់ការដាក់ផ្ញើប្រាក់បញ្ញើជាប្រាក់រៀល អតិថិជនក៏ទទួលបានអត្រាការប្រាក់ល្អជាងប្រាក់ដុល្លារអាមេរិកផងដែរ។ ឧទាហរណ៍ សម្រាប់គណនីបញ្ញើប្រាក់រៀលមានកាលកំណត់ ធនាគារ CIMB ផ្តល់ជូនអិតិថិជន នូវអត្រាការប្រាក់ រហូតដល់ ៦% ខណៈដែលអត្រាការប្រាក់ ជាប្រាក់ដុល្លារអាមេរិក ត្រឹមតែ ៤% ប៉ុណ្ណោះ។

តាមរយៈការជួយឧបត្ថម្ភដ៏ថ្លៃថ្លា ពីសំណាក់ធនាគារជាតិ នៃកម្ពុជា ប្រាក់រៀលត្រូវបានរំពឹងថា នឹងមានការចរាចរកើនឡើងជាលំដាប់ ក្នុងប្រទេសកម្ពុជា ដែលជំរុញប្រសិទ្ធភាពគោលនយោបាយរូបិយវត្ថុ។ ធនាគារជាតិ នៃកម្ពុជា នឹងមានលទ្ធភាពកាន់តែច្រើន ក្នុងការគ្រប់គ្រងគោលនយោបាយម៉ាក្រូសេដ្ឋកិច្ច និងអភិវឌ្ឍសេដ្ឋកិច្ចជាតិប្រកបដោយចីរភាព។ ហើយប្រសិនបើប្រាក់រៀលជារូបិយវត្ថុចម្បង ការប្រើប្រាស់ប្រាក់រៀលតែមួយមុខ ក៏នឹងលើកកម្ពស់កិត្យានុភាព និងអធិបតេយ្យភាពរបស់ប្រទេសជាតិយើង៕

July 12, 2018

ទូទាត់ថ្លៃអគ្គិសនីកម្ពុជា ជាមួយ អេ អឹម ខេ កាន់តែងាយស្រួល រហ័ស និងមានទំនុកចិត្តខ្ពស់!

រីករាយជាមួយការបង់វិក្កយបត្រអគ្គិសនីកម្ពុជា ដោយឥតគិតថ្លៃសេវានៅការិយាល័យ អេ អឹម ខេ ចាប់ពីថ្ងៃនេះទៅ!

ព័ត៌មានលម្អិត 023220202/1800200200

July 11, 2018

កម្មវិធី «សិល្បៈនៃការទំនាក់ទំនងផ្នែកពាណិជ្ជកម្ម»

ភ្នំពេញ៖ នៅថ្ងៃទី 11 ខែកក្កដានេះ ក្រុមការងារ TEAM (The Entrepreneur Association & Member) បានរៀបចំកម្មវិធីមួយដែលមានឈ្មោះថា «សិល្បៈនៃការទំនាក់ទំនងផ្នែកពាណិជ្ជកម្ម» ក្នុងគោលដៅចែករំលែក និងផ្លាស់ប្ដូរបទពិសោធលើការទំនាក់ទំនងផ្នែកពាណិជ្ជកម្មរវាងគ្នា និងគ្នា ជាពិសេសជាមួយសមាជិកទាំងអស់ដែលបានចូលរួមនៅភោជនីយដ្ឋាន Samtoo ចាប់ពីម៉ោង 8:30 នាទីព្រឹក ដល់ម៉ោង 11 ព្រឹក។

គោលដៅសំខាន់នៃកម្មវិធី «សិល្បៈនៃការទំនាក់ទំនងផ្នែកពាណិជ្ជកម្ម» នេះ គឺធ្វើឡើងដើម្បីប្រមូលផ្ដុំម្ចាស់ក្រុមហ៊ុន ម្ចាស់ជំនួញ និងអ្នកដែលមានបំណងចង់បង្កើតអាជីវកម្មថ្មីផ្ទាល់ខ្លួនឱ្យមកជួបជុំគ្នាដើម្បីជជែកពិភាក្សា ផ្លាស់ប្ដូរបទពិសោធដែលទាក់ទងនឹងសិល្បៈនៃការទំនាក់ទំនងផ្នែកពាណិជ្ជកម្ម។

នៅក្នុងកម្មវិធី «សិល្បៈនៃការទំនាក់ទំនងផ្នែកពាណិជ្ជកម្ម» នេះផងដែរ នៅមានវាគ្មិនសំខាន់ៗជាច្រើនរូបទៀត ដូចជាលោក Frank Ebert ប្រធានទីផ្សារក្រុមហ៊ុន Biota Manufacturing , លោក ប៉ុល គិរីសម្បត្តិ ស្ថាបនិក TEAM, លោក សុក មុនី ប្រធានផ្នែកអភិវឌ្ឍន៍ពាណិជ្ជកម្មនៃក្រុមហ៊ុន Global Biomatrix និងលោក ហ្គោ សមន្ថា ស្ថាបនិកក្រុមហ៊ុនទឹកសុទ្ធ Super Gold។

វាគ្មិនទាំងអស់ខាងលើនេះ បានធ្វើបទបង្ហាញស្ដីអំពីបទពិសោធផ្ទាល់នៃសិល្បៈនៃការទំនាក់ទំនងផ្នែកពាណិជ្ជកម្ម ដោយបទពិសោធទាំងនោះអាចនិយាយបានថា ជាមេរៀនថ្មី និងល្អសម្រាប់សមាជិកដែលបានចូលរួម។

សមាជិកដែលបានចូលរួមនៅក្នុងកម្មវិធី «សិល្បៈនៃការទំនាក់ទំនងផ្នែកពាណិជ្ជកម្ម» មានអារម្មណ៍សប្បាយរីករាយ និងគាំទ្រចំពោះការរៀបចំឡើងដោយ TEAM ព្រោះពួកគាត់មានឱកាសបានជួបនូវមនុស្សសំខាន់ៗ ជាពិសេសគឺបុគ្គលដែលមានឥទ្ធិពលនៅក្នុងការសម្រេចចិត្តធ្វើជាដៃគូសហការទៅលើមុខជំនួញ ដោយសារតែសមាជិកដែលចូលរួមភាគច្រើន គឺសុទ្ធតែជាម្ចាស់ក្រុមហ៊ុន សហគ្រាស ម្ចាស់អាជីវកម្ម និងម្ចាស់មុខជំនួញទាំងអស់៕

July 11, 2018

មហារង្វាន់រដូវក្តៅពីម៉ាស៊ីនត្រជាក់ Samsung បានរកឃើញអ្នកឈ្នះហើយ!!!

បន្ទាប់ពីកម្មវិធី ”មហារង្វាន់រដូវក្តៅពីម៉ាស៊ីនត្រជាក់សាមសុង” ត្រូវបានបព្ចាប់ពេលនេះក្រុមហ៊ុនសាមសុងបានធ្វើការចាប់រង្វាន់ស្វែងរកម្ចាស់ ម៉ូតូហុងដា Zoomer X មួយគ្រឿង, ទូទឹកកក ២គ្រឿង, ទូរទស្សន៍ ២គ្រឿង, ម៉ាស៊ីនត្រជាក់ ១០គ្រឿង និងរង្វាន់ផ្សេងៗជាច្រើនរយរង្វាន់ទៀតពីកម្មវិធីនេះនៅការិយាល័យផ្ទាល់របស់ក្រុមហ៊ុនសាមសុងនៅថ្ងៃទី10 ខែកក្កដាឆ្នាំ2018។

បន្ទាប់ ពីធ្វើការចាប់សន្លឹកឆ្នោតផ្តល់សំណាងជូនដល់អតិថិជនក្នុងកម្មវិធី”មហារង្វាន់រដូវក្តៅពីម៉ាស៊ីនត្រជាក់សាមសុង” រួចហើយ លោក Seungho Choi អគ្គនាយកក្រុមហ៊ុនសាមសុង ប្រចាំកម្ពុជា ឡាវ បានមានប្រសាសន៍ថា៖ “ក្រៅពីផ្ដត់ផ្គង់ផលិតផល ប្រកបដោយគុណភាព ស្របតាមតម្រូវការរបស់អតិថិជន ក្រុមហ៊ុនមិនដែលភ្លេចទេ រឿងលើកទឹកចិត្ត និងការផ្ដល់ជូនពិសេសផ្សេងៗបន្ថែមទៀតដល់អតិថិជនរបស់យើង។

ការផ្ដល់ជូននេះ ជាការលើកទឹកចិត្ត និងថ្លែងអំណរគុណដល់អតិថិជនដែលតែងតែគាំទ្រផលិតផលសាមសុង និងដើម្បីបង្កើតបរិយាកាសរីករាយជាមួយគ្នារវាងក្រុមហ៊ុនសាមសុង និងអតិថិជនរបស់យើងផង”។

លោកបានបន្ថែមទៀតថា “យើងនឹងបន្តនាំមកនូវកម្មវិធីពិសេសៗជាច្រើនទៀត សម្រាប់អតិថិជនដែលតែងតែបន្តគាំទ្រផលិតផលរបស់យើង។ ”

កញ្ញា មាន សុនិតា ជាតំណាងឲ្យផលិតផលសាមសុង ក៏បានផ្ដល់កិត្តិយសចាប់រង្វាន់ក្នុងកម្មវិធីនេះផងដែរនិង បានសំដែងចំណាប់អារម្មណ៍ថា៖ “ពេលនិយាយ ឬឮឈ្មោះសាមសុង ខ្ញុំនឹកឃើញដល់គុណភាព បច្ចេកទេសទំនើប និងភាពសប្បាយរីករាយ ពីព្រោះសាមសុង តែងតែនាំមកនូវកម្មវិធីពិសេសៗសម្រាប់អតិថិជនមិនដែលដាច់ឡើយ។ ពេលធ្វើការចាប់សន្លឹកឆ្នោត ខ្ញុំមានអារម្មណ៍រំភើបជំនួសអតិថិជន ហើយពិតជាសប្បាយរីករាយជំនួសគាត់ នៅពេលចាប់បានឈ្មោះពួកគាត់រួចហើយ” កញ្ញាបានបន្ថែមទៀតថា ៖ “ការចាប់ឆ្នោតនេះ ធ្វើឡើងដោយសុក្រិត និងពឹងលើសំណាង ព្រោះយើងធ្វើការចាប់ដោយជ្រាវសន្លឹកឆ្នោត ហើយបោះឡើងទើបចាប់ គឺចាប់បានអ្នកណា សំណាងនឹងបានទៅអ្នកនោះ…”សូមរំលឹកថា ប្រូម៉ូសិនពិសេសពីម៉ាស៊ីនត្រជាក់សាមសុង បានចាប់ផ្ដើមពីថ្ងៃទី១១ខែឧសភាដល់ថ្ងៃទី៣០ ខែមិថុនា ឆ្នាំ២០១៨ ជាមួយលក្ខខណ្ឌងាយ ដោយរាល់ការជាវម៉ាស៊ីនត្រជាក់សាមសុងមួយគ្រឿងនឹងទទួលបានសន្លឹកឆ្នោតមួយសន្លឹក ដើម្បីចូលរួមចាប់ឆ្នោតផ្សងសំណាង ឈ្នះរង្វាន់ ម៉ូតូហុងដា Zoomer X មួយគ្រឿង, ទូទឹកកក ២គ្រឿង, ទូរទស្សន៍ ២គ្រឿង, ម៉ាស៊ីនត្រជាក់១០គ្រឿង និងរង្វាន់ផ្សេងៗជាច្រើនរយរង្វាន់ទៀត។

ចំពោះអតិថិជនដែលមិនបានឈ្នះរង្វាន់ធំក្រុមហ៊ុនក៏បានផ្តល់រង្វាន់លើកទឹកចិត្តមានដូចជា៖មួកសុវត្តិភាពចំនួន150រង្វាន់,អាវធំសាមសុង100រង្វាន់និងកាបូបសាមសុង50រង្វាន់ផងដែរ។ ក្រោយបញ្ចប់ការផ្ដល់ជូននេះ ក្រុមហ៊ុនបានសន្យានឹងនាំមកនូវកម្មវិធីពិសេសថ្មីៗជាច្រើនទៀតសម្រាប់អតិថិជនក្នុងពេលឆាប់ៗខាងមុខនេះ។

ឥឡូវនេះកម្មវិធី”មហារង្វាន់រដូវក្តៅពីម៉ាស៊ីនត្រជាក់សាមសុង”បានរកឃើញអ្នកដែលមានសំណាងហើយ ខាងក្រោមនេះ ជាឈ្មោះអតិថិជនដែលបានឈ្នះរង្វាន់៖

១/ រង្វាន់ម៉ូតូ Honda Zoomer X 1គ្រឿងបានទៅលើឈ្មោះ Seang Toma

២/ រង្វាន់ទឹកកក ២គ្រឿងបានទៅលើឈ្មោះ Chor Bouleang, ឈ្មោះ Phom

៣/ រង្វាន់ទូរទស្សន៏ ២គ្រឿងបានទៅលើឈ្មោះ Sok Sophea និង ឈ្មោះ Sovatha

៤/ រង្វាន់ម៉ាស៊ីត្រជាក់ 10គ្រឿងបានទៅលើឈ្មោះ Kruy Monin ឈ្មោះ Loeung Henglong

ឈ្មោះ Yong Veasna ឈ្មោះ Seoung PengHuon ឈ្មោះ Ly ឈ្មោះ Yim Sodana ឈ្មោះ Kim Nay ឈ្មោះ Chor Bouleang ឈ្មោះ Sroeun Sokheng និង ឈ្មោះ Sopheak

សូមបញ្ជាក់៖ ក្រុមហ៊ុនសាមសុងនឹងប្រគល់រង្វាន់ដល់អតិថិជនដែលឈ្នះរង្វាន់នៅការិយាល័យផ្ទាល់របស់ក្រុមហ៊ុនសាមសុងនៅថ្ងៃទី១៤ ខែកក្កដា ឆ្នាំ2018 វេលាម៉ោង ២រសៀល៕

July 10, 2018

ស្អាតបែបតារាជាមួយ Samsung Galaxy A8 Star

ថ្មីៗនេះ ក្រុមហ៊ុនសាមសុងបានធ្វើការសម្ពោធទូរស័ព្ទ Samsung Galaxy A8 Star ដែលជាទូរស័ព្ទម៉ូដែលថ្មីក្នុងគ្រួសារត្រកូលស៊េរី A ដែល មានរូបរាងស្អាត, ទាន់សម័យនិង បង្ហាញពីភាពស៊ីវិល័យដ៏ល្អឥតខ្ចោះ ជាមួយលក្ខណៈពិសេសដ៏សម្បូរបែបជាច្រើន ដែលបំពេញទៅតាមតម្រូវការរបស់អ្នកប្រើប្រាស់បច្ចុប្បន្ន។

ចំពោះលក្ខណៈលេចធ្លោដែលគ្រាន់តែឃើញភ្លាមចាប់អារម្មណ៏បំផុត នោះ គឺអេក្រង់ FHD Super AMOLED (1280 X 2220) ទំហំ 6.3 អ៊ីញ ដែលបង្ហាញរូបភាពច្បាប់ ធំទូលាយ និងសាកសមបំផុតសម្រាប់អ្នកដែលចូលចិត្តលេងហ្គេម ទស្សនាវីដេអូ ព្រោះអេក្រង់នេះមានមុខងារផ្តល់ពណ៌ និងរូបភាពច្បាស់កម្រិតខ្ពស់បានយ៉ាងល្អ។

ក្រៅពីអេក្រង់ដ៏ធំនិងកម្រិតភាពច្បាស់ដ៏លេចធ្លោ ចំណុចដ៏ទាក់ទាញមួយទៀតរបស់ Samsung Galaxy A8 star គឺបំពាក់នូវកាមេរ៉ាភ្លោះខាងក្រោយទំហំ 16 មេហ្គាភិចសែល(F1.7) និងកាមេរ៉ាខាងមុខទំហំ 24 មេហ្គាភិចសែល ជាមួយនឹងការរចនាបែបថ្មីដែលមានរាងបញ្ឈរនៅគៀនខាងឆ្វេងនិង LED Flash នៅពីខាងក្រោម។

ម្យ៉ាងវិញទៀត Samsung Galaxy A8 star ក៏ភ្ជាប់ជាមួយមុខងា Live Focus ដែលអាចចាប់យករូបភាពខាងមុខច្បាស់នឹងធ្វើឲ្យផ្ទៃខាងក្រោយព្រាលព្រមទាំងមុខងារ Selfie Focus ដែលត្រូវបានរចនាឡើងជាពិសេសសម្រាប់ការថតសែលហ្វីដោយផ្តោតលើរូបអ្នកនិងមិត្តភក្តិរបស់អ្នកបានយ៉ាងច្បាស់ស្រស់ស្អាតនិងលេចធ្លោទៅតាមភាពទាន់សម័យនៃបច្ចេកវិទ្យាកាមេរ៉ានាពេលបច្ចុប្បន្ន។

ក្រៅពីអេក្រង់ និងកាមេរ៉ា ចំណុចខាងក្រោមនេះជាលក្ខណៈសម្បត្តិ ដែលយើងគួរយល់ដឹងអំពីទូរស័ព្ទដៃមួយនេះ៖

– បំពាក់នូវRAMទំហំ 4GB មេម៉ូរីទំហំ 64GB និងអាចបន្ថែមម៉េម៉ូរីកាត micro SD រហូតដល់ 400GB
– ទូរស័ព្ទដៃ ស៊ីម2
– អាចប្រើប្រាស់ គណនីបាន 2 (Dual Accounts) លើកម្មវិធី Facebook, Line, Viber, Telegram WeChat និង WhatsApp ជាដើម។
– ល្បឿនដំណើរការដោយ Octa- Core 2.2 GHz + 1.8 GHz ដែលធ្វើឲ្យទូរស័ព្ទដំណើរការបានលឿន ទោះបើកកម្មវិធីច្រើនក៏ដោយ។
– កម្លាំងថ្ម 3,700mAh
– ស្កេនផ្ទៃមុខ (Face Recognition) និងស្កេនក្រយ៉ៅម្រាមដៃ (Fingerprint)

ឥឡូវនេះ Samsung Galaxy A8 star បានដាក់លក់ជាផ្លូវការនៅតាមបណ្តាហាងទំនើបសាមសុងនិងដេប៉ូចែកចាយទូរស័ព្ទសាមសុងទូទាំងប្រទេសកម្ពុជាជាមួយនឹង តម្លៃ $525 ដែលភ្ជាប់ជាមួយជម្រើស2ពណ៌រួមមាន៖ពណ៌ខ្មៅ និងពណ៌ស៕

July 9, 2018

Category: PR