PR - La Reine Media

វីដេអូអប់រំខ្លីអំពីអត្ថប្រយោជន៍សេវាធានារ៉ាប់រងខ្នាតតូច អេ អឹម ខេ

July 27, 2018

ស្រាបៀរថៃហ្គ័រ និង WWF រួមគ្នាប្រារព្វទិវា «សត្វខ្លាធំ» ជំរុញឱ្យរួមគ្នាអភិរក្ស

ដើម្បីទប់ស្កាត់ការសម្លាប់សត្វខ្លាធំ ដែលស្ទើរតែផុតពូជនៅលើពិភពលោក ក្រុមហ៊ុនស្រាបៀរថៃហ្គ័រ បានសហការជាមួយអង្គការអភិរក្សសត្វព្រៃនិងក្រុមហ៊ុន KENZOO រៀបចំទិវាសត្វខ្លាធំ នៅថ្ងៃទី21 ខែកក្កដានេះ រួមគ្នាអភិរក្សសត្វខ្លាធំ និងបង្កើនឱ្យមានចំនួនកាន់តែច្រើនឡើងវិញ។

លោក សេង ទៀក នាយកអង្គការ WWF មានប្រសាសន៍ថា “សត្វខ្លាធំគឺជាសត្វដ៏អស្ចារ្យនិងមានភាពទាក់ទាញ ហើយវាត្រូវបានចាត់ទុកជាសម្បត្តិបិតិកភណ្ឌជាតិ ដែលជាពេលវេលា ត្រឹមត្រូវបំផុត ដែលយើងទាំងអស់គ្នាដែលមានទាំងក្រុមហ៊ុនស្រាបៀ Tiger និងក្រុមហ៊ុន KENZO រួមគ្នាដើម្បីអភិរក្សសត្វខ្លាធំនេះ។

លោកសូមអោយមានការចូលរួមពីគ្រប់ស្រទាប់ទាំងអស់ដើម្បីអភិរក្សសត្វខ្លាធំ ហើយក៏សូមអំពាវនាវដល់អតិថិជនទាំងអស់អោយ បញ្ឈប់ការជួញដូរសត្វខ្លាធំ និងសាច់សត្វព្រៃជាបន្ទាន់ និងសូមអោយរាជរដ្ឋាភិបាលជួយបង្ក្រាបប្រកបដោយប្រសិទ្ធិភាព អ្នកដែលដាក់អន្ទ្រាក់នៅក្នុងព្រៃ ការពារនិងបង្កើនការពិន័យដល់អ្នកដែលដាក់អន្ទាក់ក្នុងព្រៃការពារ។

លោកបានបន្ថែមទៀតថា “អន្ទាក់គឺជាឃាតករលាក់មុខដែលឆក់យកជីវិតសត្វព្រៃ និងកំពុងតែបំផ្លិចបំផ្លាញជីវិតសត្វព្រៃរបស់ប្រទេសកម្ពុជា ក៏ដូចជាសត្វព្រៃដែលមានការយកចាត់ទុកដាក់ខ្ពស់របស់ពិភពលោកទាំងមូល”

លោក Roland Bala នាយកគ្រប់គ្រងនៃក្រុមហ៊ុនស្រាបៀរថៃហ្គ័រប្រចាំកម្ពុជា បានមានប្រសាសន៍ថា៖ “យើងចង់ឱ្យប្រជាជនធ្វើសកម្មភាពជួយសង្គ្រោះសត្វខ្លាធំនៅកម្ពុជា ដែលជានិមិត្តសញ្ញាម៉ាកយីហោដ៏ពេញនិយមរបស់យើង។ ដោយមានការគាំទ្រពីរាជរដ្ឋាភិបាលកម្ពុជា យើងកំពុងធ្វើការជាមួយដៃគូជាមួយអង្គការ WWF ម៉ាកសម្លៀកបំពាក់ KENZO និងសិល្បករច្នៃម៉ូតដ៏លេចធ្លោចំនូន៤រូបដើម្បីបង្កើតស្នាដៃសិល្បៈម៉ូតសម្លៀកបំពាក់ Rare Stripes ពិសេសនេះក្នុងគោលបំណងលើកកម្ពស់ការយល់ដឹងជាសកល និងមូលនិធិសម្រាប់ជួយសង្គ្រោះសត្វខ្លាធំ”

គួរបញ្ជាក់ថា ចំនួនសត្វខ្លាធំនៅលើពិភពលោកបានធ្លាក់ចុះយ៉ាងខ្លាំងគួរឲ្យកត់សម្គាល់ កាលពីសតវត្សរ៍មុន ដោយសារតែការបរបាញ់សត្វព្រៃ និងការបំផ្លាញទីជម្រកសត្វព្រៃគ្មានការគ្រប់គ្រង។ បច្ចុប្បន្នមាននៅសល់សត្វខ្លាធំចំនួន 3900 ក្បាលរស់នៅក្នុងព្រៃ ប៉ុន្តែសត្វខ្លាធំទាំងនេះបានរងការគំរាមកំហែងជារៀងរាល់ថ្ងៃ ដោយសារការបរបាញ់ ដើម្បីជួញដូរសត្វព្រៃដោយខុសច្បាប់។ ដើម្បីលើកកម្ពស់ការយល់ដឹង និងការការពារនិងជួយសង្គ្រោះសត្វខ្លាធំ គេបានរៀបចំបង្កើតស្នាដៃស្នាដៃរចនាម៉ូតសម្លៀកបំពាក់ Rare Stripes ជាផ្នែកមួយនៃកិច្ចសហការជាដៃគូរវាងក្រុមហ៊ុនស្រាបៀរថៃហ្គ័រ និងអង្គការ WWF ដែលជាគម្រោងផ្តួចផ្តើមរយៈពេលប្រាំមួយឆ្នាំដែលគាំទ្រដល់យុទ្ធនាការ TX2 ដែលជាគោលដៅពិភពលោកដើម្បីបង្កើនទ្វេដងចំនួនសត្វខ្លាធំត្រឹមឆ្នាំ2022។

ចំណែកកម្ពុជាគឺជាប្រទេសមួយក្នុងចំណោមប្រទេសចំនួន 13 ដែលមានសត្វខ្លាធំ ហើយរាជរដ្ឋាភិបាលកម្ពុជា បានប្តេជ្ញាចិត្តបង្កើនទ្វេដងចំនួនសត្វខ្លាធំទូទាំងពិភពលោក ដោយបានអនុម័តលើផែនការសកម្មភាពសង្គ្រោះសត្វខ្លាធំនៅកម្ពុជា ដែលផ្តោតលើការនាំយកសត្វខ្លាធំ ចូលទៅក្នុងតំបន់វាលទំនាបភាគខាងកើតនៃប្រទេសកម្ពុជា៕

July 21, 2018

សាលា ខេមប្រ៊ីជ អន្តរជាតិកម្ពុជា ប្រារព្ធពិធីចែកវិញ្ញាបនបត្រដល់សិស្សមត្តេយ្យសិក្សា

សាលា ខេមប្រ៊ីជ អន្តរជាតិកម្ពុជា គឺជាសាលាដែលផ្តល់សេវាកម្មមើលថែទាំកុមារតូច និងមត្តេយ្យសិក្សា ព្រមទាំងផ្តល់ការអប់រំកម្រិតថ្នាក់បឋមសិក្សា និងមធ្យមសិក្សា បានរៀបចំធ្វើកម្មវិធីចែកវិញ្ញាបនបត្រ និងប័ណ្ណសរសើរដល់សិស្សមត្តេយ្យសិក្សានៃ Cambridge Child Development Centre កាលពីព្រឹកថ្ងៃសៅរ៍ ទី21 ខែកក្កដា ឆ្នាំ2018 នៅមជ្ឈមណ្ឌលសហប្រតិបត្តិការកម្ពុជា – កូរ៉េ(CKCC)។

និងប័ណ្ណសរសើរដល់សិស្សកម្រិតថ្នាក់មត្តេយ្យសិក្សានេះ ក៏មានការសម្តែងសមត្ថភាព និងសិល្បៈជាភាសាខ្មែរ អង់គ្លេស និងចិន ពីសំណាក់ប្អូនៗសិស្សានុសិស្សផងដែរ ដែលកម្មវិធីនេះមានការចូលរួមយ៉ាងច្រើនពីសំណាក់មាតាបិតាសិស្ស សិស្សានុសិស្ស លោកគ្រូ-អ្នកគ្រូ គណៈគ្រប់គ្រងសាលា និងភ្ញៀវកិត្តិយស ដែលសរុបមានចំនួនប្រមាណជាង 200នាក់។ ក្នុងកម្មវិធីចែកវិញ្ញាបនបត្រនេះដែរ មានសិស្សបញ្ចប់វគ្គសិក្សាក្នុងឆ្នាំ2018 នេះមានចំនួន 23នាក់ ដែលត្រូវចូលរៀនថ្នាក់បឋមសិក្សាអន្តរជាតិនៅឆ្នាំបន្ទាប់។ ឧទាហរណ៍ក្នុងឆ្នាំសិក្សា2018នេះ សាលាខេមប្រ៊ីជអន្តរជាតិកម្ពុជា មានសិស្សកម្រិតថ្នាក់មត្តេយ្យ សរុបចំនួន 63នាក់ និងសិស្សកម្រិតថ្នាក់បឋម និងមធ្យមសិក្សាសរុបចំនួន 117នាក់។

ថ្លែងក្នុងពិធីនេះដែរ លោកស្រី Joanne Lorena នាយិកាមត្តេយ្យសិក្សានៃ Cambridge Child Development Centre បានមានប្រសាសន៍ថា លោកស្រីមានមោទនភាពក្រៃលែង ចំពោះសមិទ្ធផលដែលសិស្សានុសិស្ស និង លោកគ្រូ-អ្នកគ្រូសម្រេចបានក្នុងឆ្នាំនេះ ហើយថ្ងៃនេះជាពេលវេលាដែលក្រុមគ្រួសារ ក៏ដូចជាសហគមន៍ បានទទួលស្គាល់កិច្ចខិតខំប្រឹងប្រែងរបស់សិស្សានុសិស្ស។ លោកស្រីសង្ឃឹមថា សិស្សានុសិស្សនឹងមានភាពសប្បាយរីករាយក្នុងការសិក្សានៅឆ្នាំបន្ទាប់។

ស្តែងចេញពីការខិតខំប្រឹងប្រែងរបស់លោកគ្រូ-អ្នកគ្រូ និងសិស្សានុសិស្សរបស់សាលា ខេមប្រ៊ីជ អន្តរជាតិកម្ពុជាថ្មីៗនេះផងដែរ សិស្សចំនួន 17នាក់ ពីថ្នាក់ទី4 ដល់ទី7 នៃសាលា ខេមប្រ៊ីជ អន្តរជាតិកម្ពុជាបានចូលរួមកម្មវិធីប្រឡងគណិតវិទ្យា និងវិស្វកម្មប្រចាំអាស៊ី2018 ដោយលទ្ធផលទទួលបានមេដាយមាសចំនួន 10គ្រឿង និងមេដាយប្រាក់ចំនួន 7គ្រឿងផងដែរ។

គួរបញ្ជាក់ផងដែរថា សាលា ខេមប្រ៊ីជ អន្តរជាតិកម្ពុជាបានបង្កើតឡើងតាំងពីឆ្នាំ2008 មកម្ល៉េះ ដែលកម្មវិធីសិក្សាស្របតាមពាក្យស្លោករបស់ក្រសួងអប់រំ យុវជន និងកីឡា។ គ្រប់មុខវិជ្ជានៃកម្មវិធីសិក្សាត្រូវបានបណ្តុះបណ្តាលជាភាសាអន្តរជាតិ ដែលទទួលស្គាល់ដោយប្រទេសជាង90។ ជាក់ស្តែង កម្មវិធីមត្តេយ្យសិក្សាត្រូវបានទទួលសិទ្ធិពីប្រទេសសិង្ហបុរី ចំណែកកម្មវិធីបឋមសិក្សា និងមធ្យមសិក្សាត្រូវបានទទួលសិទ្ធិពីប្រទេសអង់គ្លេស៕

July 21, 2018

ចំណេញស្រួលៗ ភ្លាមៗ ពីសាមសុង ទិញទូរទស្សន៍1 ថែមទូរទស្សន៍1 ឱកាសបែបនេះ 4ឆ្នាំមានតែម្ដង ជិតផុតកំណត់ហើយ!!!

ប្រសិនបើអ្នកត្រូវការទូរទស្សន៍ថ្មី…ទិញឥឡូវនេះ ត្រូវម៉ាច់តែម្ដង! ព្រោះសាមសុងកំពុងផ្ដល់ជូនប្រូម៉ូសិន ទិញទូរទស្សន៍1 ថែមទូរទស្សន៍1 ភ្លាម។

ការផ្ដល់ជូនដ៏កម្របែបនេះ 4ឆ្នាំ មានតែម្ដងគត់ ដូច្នេះ សូមប្រញាប់រួសរាន់ឡើង ព្រោះប្រូម៉ូសិននឹងផុតកំណត់នៅថ្ងៃទី31កក្កដាខាងមុខនេះហើយ។ ចំណាយប្រាក់ទិញតែ1 ទទួលបានទូរទស្សន៍ដល់ទៅ2គ្រឿង ដើម្បីបន្ថែមការកម្សាន្តដ៏សម្បូរបែប និងសោភណភាពគេហដ្ឋានរបស់អ្នក ទាំងនៅបន្ទប់ទទួលភ្ញៀវ ទាំងបន្ទប់គេង។ នេះក៏ជាឱកាសដ៏ល្អបំផុត ដែលអ្នកអាចបានទូរទស្សន៍ថ្មីសម្រាប់ខ្លួនអ្នក ឬគ្រួសារអ្នកផង និងបានទូរទស្សន៍ថ្មីមួយគ្រឿងទៀតធ្វើជាកាដូសម្រាប់អ្នកមានគុណ ឬបងប្អូនសាច់ញាតិរបស់អ្នកផងដែរ។

ឱកាសចំណេញ កំពុងតែស្ថិតនៅក្នុងដៃអ្នក…ទិញឥឡូវនេះ កុំឱ្យកន្លងហួសឲ្យសោះ!!!

សូមរំឭកថា ក្រុមហ៊ុនសាមសុង បានធ្វើការលក់បញ្ចុះតម្លៃយ៉ាងភ្ញាក់ផ្អើលក្នុងរដូវកាលបាល់ទាត់ពិភពលោក FIFA World Cup នាឆ្នាំ 2018 ដោយផ្ដល់ឱកាសដល់លោកអ្នកដែលមានបំណងចង់ទិញទូរទស្សន៍សាមសុងដ៏ស្រស់ស្អាតម៉ូឌែលណាមួយដូចខាងក្រោម និងទទួលបានការថែមជូនទូរទស្សន៍1 ភ្លាមៗមិនឱ្យចាំយូរនោះទេ រួមជាមួយនឹងការលក់បញ្ចុះតម្លៃជាច្រើនម៉ូឌែលថែមទៀតផង។

កាលបរិច្ឆេទប្រូម៉ូសិន៖ ចាប់ថ្ងៃទី 14 មិថុនា ដល់ថ្ងៃទី 31 កក្កដា ឆ្នាំ 2018។ ចំពោះទូរទស្សន៍ដែលមាននៅក្នុងកម្មវិធីប្រូម៉ូសិនដ៏ពិសេស ទិញ 1 ថែម 1 ភ្លាមៗនេះមានដូចជា៖

– ទូរទស្សន៍សាមសុងម៉ូឌែល NU900KXXT ទំហំ 82អ៊ីញថែមជូនទូរទស្សន៍ទំហំ 43 អ៊ីញមួយគ្រឿងម៉ូឌែល UA43MU6100KXXT

– ទូរទស្សន៍សាមសុងម៉ូឌែល NU8000KXXT ទំហំ 75អ៊ីញថែមជូនទូរទស្សន៍ទំហំ 43អ៊ីញមួយគ្រឿងម៉ូឌែល UA43J5202AKXXT

– ទូរទស្សន៍សាមសុងម៉ូឌែល NU8500KXXT ទំហំ 65និង 55អ៊ីញថែមជូនទូរទស្សន៍ទំហំ 32អ៊ីញមួយគ្រឿងម៉ូឌែល UA32N4003DKXXT ឬ UA32J4003DKXXT

– ទូរទស្សន៍សាមសុងម៉ូឌែល MU7000KXXT ទំហំ 82 និង 75អ៊ីញថែមជូនទូរទស្សន៍ទំហំ 32អ៊ីញមួយគ្រឿងម៉ូឌែល UA32M4100DKXXT

– ទូរទស្សន៍សាមសុងម៉ូឌែល MU8000KXXT ទំហំ 65អ៊ីញថែមជូនទូរទស្សន៍ទំហំ 32 អ៊ីញមួយគ្រឿងម៉ូឌែល UA32M4100DKXXT។

ចំពោះការលក់បញ្ចុះតម្លៃភ្លាមៗនេះមានដូចជា៖

– ទូរទស្សន៍សាមសុងម៉ូឌែល QA75QBCAMKXXT ទំហំ ៧៥ អ៊ីញបញ្ចុះតម្លៃចំនួន ៣០០ ដុល្លារ

– ទូរទស្សន៍សាមសុងម៉ូឌែល QA65QBCAMKXXT ទំហំ ៦៥ អ៊ីញបញ្ចុះតម្លៃចំនួន ២៥០ ដុល្លារ

– ទូរទស្សន៍សាមសុងម៉ូឌែល QA55Q7FAMKXXT ទំហំ ៥៥ អ៊ីញបញ្ចុះតម្លៃចំនួន ២០០ ដុល្លារ

– ទូរទស្សន៍សាមសុងម៉ូឌែល MU6500KXXT ទំហំ ៦៥ អ៊ីញបញ្ចុះតម្លៃចំនួន ៥០ ដុល្លារ

– ទូរទស្សន៍សាមសុងម៉ូឌែល MU6100KXXT ទំហំ ៤៣ អ៊ីញបញ្ចុះតម្លៃចំនួន ៥០ ដុល្លារ

– ទូរទស្សន៍សាមសុងម៉ូឌែល MU6300KXXT ទំហំ ៥៥ អ៊ីញបញ្ចុះតម្លៃចំនួន ៣០ ដុល្លារ

– ទូរទស្សន៍សាមសុងម៉ូឌែល NU7300KXXT ទំហំ ៥៥ អ៊ីញបញ្ចុះតម្លៃចំនួន ៥០ ដុល្លារ

– ទូរទស្សន៍សាមសុងម៉ូឌែល NU7300KXXT ទំហំ ៤៩ អ៊ីញបញ្ចុះតម្លៃចំនួន ៣០ ដុល្លារ។

ជាងនេះទៀត លោកអ្នកអាចទទួលបានទូរទស្សន៍ដែលមានគុណភាពខ្ពស់ដែលមានតែមបញ្ជាក់ពីផលិតផលផ្លូវការរបស់សាមសុងផងដែរ សម្រាប់ព័ត៌មានបន្ថែមទាក់ទងនឹងម៉ូឌែលទូរទស្សន៍សាមសុងលោកអ្នកចង់បាន អាចទំនាក់ទំនងទៅកាន់ផេកផ្លូវការ Samsung Cambodia : https://www.facebook.com/SamsungCambodia/

July 21, 2018

កំពូលស្មាតហ្វូន OPPO Find X ពិតជាឡូយ ឃើញហើយលង់តែម្តង!

លោកអ្នកប្រហែលជាធ្លាប់បានឮពីស្មាតហ្វូនត្រកូល Find របស់ក្រុមហ៊ុន OPPO ដែលបានចេញលក់នៅប៉ុន្មានឆ្នាំមុន ពួកវាពិតជាមានភាពល្បីល្បាញខ្លាំង ដែលក្នុងនោះមានដូចជា OPPO Finder ជាប់ជាស្មាតហ្វូនមានកម្រាសស្តើងជាងគេក្នុងឆ្នាំ2012 ក្រោយមកគឺOPPO Find 5 ដែលជាប់ជាស្មាតហ្វូនដំបូងគេដែលប្រើប្រាស់នូវអេក្រង់ប្រភេទ1080P ហើយនៅឆ្នាំ2014 ក៏មាន OPPO Find 7 ដែលមានប្រើនូវ Skyline Notification ហើយក៏ជាម៉ូដែលដំបូងដែលប្រើប្រាស់នូវបច្ចេកវិទ្យាសាកថ្មលឿន VOOC។

ក្រោយពីរងចាំម៉ូដែលត្រកូល Find របស់ OPPO អស់រយៈពេល 4ឆ្នាំមកនេះ ទីបំផុតវាបានមកដល់ហើយ ។ នាថ្ងៃទី20 ខែកក្កដា ឆ្នាំ2018នេះ ក្រុមហ៊ុនស្មាតហ្វូនកំពូលម៉ាក OPPO បានធ្វើការប្រកាសនូវស្មាតហ្វូនកំពូលរបស់ខ្លួន OPPO Find X នៅឯសណ្ឋាគារ The Great Duke Cambodia (អតីតសណ្ឋាគារ Intercontinental)។ យើងសង្កេតឃើញមានការចូលជាកិត្តិយសពីសំណាក់តារាល្បីៗជាច្រើន ដែលមានដូចជាគឺអ្នកនាងពេជ្រ សោភា ,លោក Step និងកញ្ញា រ៉េត សូហ្សាណា ដែលអ្នកទាំងបីជាតារាតំណាងរបស់ OPPOក្នុងនោះ លោក ជាវណ្ណរិទ្ធ និងកញ្ញា ហិន ចន្ទនិរ័ត្ន ជាពិធីករ, លោកឆឹម សក្កដា និង អ្នកសារព័ត៌មានជាច្រើនរូប។

បច្ចុប្បន្ននេះ បើយើងនិយាយអំពីច្នៃប្រឌិត គឺក្នុងឧស្សាហ៍កម្មស្មាតហ្វូនទាំងមូលកំពុងតែជួបប្រទះនូវបញ្ហានេះ ពោលគឺការបង្កើតថ្មីមានការធ្លាក់ចុះ។ ទោះបីជាយ៉ាងនេះក្តីក៏ OPPO នៅតែអាចធ្វើទៅបានដោយក្រុមហ៊ុននេះ បានសង្កត់ធ្ងន់លើបទពិសោធរបស់អ្នកប្រើប្រាស់និងបច្ចេកវិទ្យាថ្មីៗនិងនៅតែបន្តនាំមុខគេ ក្នុងការស្រាវជ្រាវនូវបច្ចេកវិទ្យាសាកថ្មលឿន បច្ចេកវិទ្យាថតរូប ក៏ដូចជាបច្ចេកវិទ្យា5G, AI,បច្ចេកវិទ្យារូបភាព 3D និងអ្វីៗជាច្រើនទៀត។

ទូរស័ព្ទស្មាតហ្វូន OPPO Find X បានណែនាំនូវអេក្រង់បែប Panoramic ជាមួយនឹងសមាមាត្រ 93.8% ដែលនេះជាកម្រិតធំជាងគេដំបូងបង្អស់ក្នុងឧស្សាហកម្មទូរស័ព្ទ។ OPPO Find X ក៏មានលក្ខណៈពិសេសដោយបំពាក់នូវបច្ចេកវិទ្យាសាកថ្មលឿន VOOC, 3DLight Structure, បច្ចេកវិទ្យាAIBeauty ទាំងនេះជាបច្ចេកវិទ្យាច្នៃប្រឌិតដែលបង្កើតឡើងដោយ OPPO និងត្រូវបានរចនាឡើងដើម្បីបំពេញតម្រូវការឲ្យលើសពីការរំពឹងទុករបស់អតិថិជន។

ក្នុងការសម្ភោធ OPPO Find X នេះដែរ ក្រុមហ៊ុនក៏បានប្រកាសនូវម៉ូដែល OPPO Find X Automobili Lamborghini Edition ដែលវាត្រូវបានសហការណ៍ក្នុងការផលិតរវាងក្រុមហ៊ុន OPPO និងក្រុមហ៊ុនរថយន្តស្ព័រដ៏ល្បីគឺ Automobili Lamborghini។ សម្រាប់OPPO Find X Automobili Lamborghini Edition នេះ លក្ខណៈពិសេសរបស់វាគឺស្រដៀងទៅនឹង Find X ធម្មតាដែរ អ្វីដែលខុសគ្នានោះគឺការឌីហ្សាញ ដែលវាមានបញ្ចូលនូវរចនាបទនៃ OPPO និង Lamborghini ហើយវាថែមទាំងបានភា្ជប់ជាមួយនូវបច្ចេកវិទ្យាសាកថ្មលឿន Super VOOC ដែលអាចសាកថ្មឲ្យពេញក្នុងរយៈពេលតែ 35នាទីប៉ុណ្ណោះ។ បន្ថែមលើនេះទៀត គឺអង្គផ្ទុករបស់ Find X Lamborghini Edition មានរហូតដល់ 526GB។

ចំពោះតម្លៃនៃម៉ូដែលថ្មីនេះ ក្រុមហ៊ុន OPPO គ្រោងនឹងដាក់លក់ OPPO Find X នៅក្នុងទីផ្សារនៃប្រទេសកម្ពុជានៅថ្ងៃទី5 ខែសីហា ឆ្នាំ2018 ក្នុងតម្លៃ 899$ ហើយវាមានពីរពណ៌សម្រាប់ជ្រើសរើស គឺ Bordeaux Red (ពណ៌ក្រហម) និង Glacier Blue (ពណ៌ខៀវ) ហើងក្រុមហ៊ុននឹងបន្ថែមការដូជាស៊ុមរូបថតឌីជីថលដ៏ទាន់សម័យមួយ។ ចំណែកឯ OPPO Find X Automobili Lamborghini Edition នឹងមិនមានលក់នៅក្នុងទីផ្សារប្រទេសយើងឡើយ៕

July 20, 2018

កម្មវីធីចាប់រង្វាន់អាហារូបករណ៍ថ្នាំដុសធ្មេញ Colgate ឆ្នាំ2018 លើកទី2ស្ថិតនៅផ្សាររាត្រី ទីរួមខេត្តកំពងស្ពឺ

កាលពីថ្ងៃសៅរ៍ ទី14 ខែកក្កដា ឆ្នាំ2018 ក្រុមហ៊ុន ខលហ្គេត បានរៀបចំកម្មវិធីចាប់រង្វាន់ អាហារូបករណ៍លើកទី2របស់ខ្លួន ស្ថិតនៅបរិវេណផ្សាររាត្រី ទីរួមខេត្តកំពង់ស្ពឺ និងបានរកឃើញ អ្នកឈ្នះរង្វាន់ ចំនួន37រូបបន្ដែមទៀត។ នៅក្នុងកម្មវីធីនេះក៏មានកម្មវិធីលេងល្បែងកំសាន្តសប្បាយៗ ដើម្បីឈ្នះរង្វាន់ អនុស្សាវរីយ៍ជាច្រើន និងការលក់ជូនពិសេសដល់អតិថិជនផងដែរ។

យុទ្ធនាការនេះផ្តល់ឱកាសដល់ប្រជាជនកម្ពុជា ជាពិសេសមាតាបិតាដែលធ្លាប់តែបារម្ភណ៍ពីការសិក្សារបស់កូនៗ និងសិស្សានុសិស្សដែលកំពុងតែបារម្ភណ៍ពីការសិក្សារបស់ខ្លួន។ ឥឡូវនេះអតិថិជនទាំងអស់ នឹងមានឱកាសឈ្នះរង្វាន់ជាអាហារូបករណ៍ដែលមានតម្លៃសរុប 240លានរៀល។ គោលបំណងរបស់ ក្រុមហ៊ុន ខលហ្គេត នៅក្នុងយុទ្ធនាការនេះគឺដើម្បីផ្តល់នូវឱកាសដល់កុមារកម្ពុជាឲ្យមានការអប់រំកាន់តែប្រសើរ និងមានអនាគតរុងរឿង។

កម្មវិធីចាប់រង្វាន់អាហារូបករណ៍លើកចុងក្រោយនឹងមកដល់ឆាប់ៗនេះ! ដូច្នេះសូមកុំឲ្យឱកាសឈ្នះរង្វាន់ នេះរំលងឲ្យសោះ។ រង្វាន់អាហារូបករណ៍៣៧រង្វាន់ផ្សេងទៀតកំពុងរង់ចាំអ្នក ដូច្នេះប្រញាប់ឡើង! កម្មវិធីចាប់ រង្វាន់អាហារូបករណ៍លើកចុងក្រោយនឹងប្រព្រឹត្តទៅនៅថ្ងៃទី18 ខែសីហា ឆ្នាំ2018 ស្ថិតនៅ Lively Plaza Aeon Mall រាជធានីភ្នំពេញ នឹងមានកម្មវិធីលេងល្បែងកំសាន្តសប្បាយៗដើម្បីឈ្នះរង្វាន់អនុស្សាវរីយ៍ជាច្រើន និងការចូលរួមសម្តែងរបស់តារាកិត្តិយសផងដែរ។

ប្រញាប់ឡើង! ឱកាសឈ្នះរង្វាន់អាហារូបករណ៍លើកចុងក្រោយកំពុងរង់ចាំអ្នក ដោយគ្រាន់តែ សរសេរឈ្មោះ លេខទូរស័ព្ទ និងអាសយដ្ឋាន លើសំបកប្រអប់ថ្នាំដុសធ្មេញ ខលហ្គេត ឬ សំបកច្រាសដុសធ្មេញ ខលហ្គេត គ្រប់ប្រភេទ រួចយកទៅដាក់ក្នុងធុងឆ្នោតដែលនៅជិតអ្នក ចាប់ពីថ្ងៃនេះរហូតដល់ថ្ងៃទី31 ខែកក្កដា ឆ្នាំ2018។ សម្រាប់ព័ត៌មានបន្ថែម សូមមើលលើប្រអប់ថ្នាំដុសធ្មេញ ខលហ្គេត ឬទំនាក់ទំនងទៅលេខ 017 891 00។

ក្រុមហ៊ុន ខលហ្គេត សន្យានឹងជួយបន្តការគាំទ្រចំពោះយុទ្ធនាការសំខាន់ៗដើម្បីផ្តល់នូវ

ឱកាសដល់កុមារកម្ពុជាឲ្យមានការអប់រំកាន់តែប្រសើរនិងមានអនាគតរុងរឿង។

ខលហ្គេត ផ្គត់ផ្គង់ការសិក្សារកុមារកម្ពុជាឲ្យមានអនាគតកាន់តែប្រសើរ។

July 18, 2018

ក្រុមហ៊ុន មិត្តហ្វូន ផ្តល់ជូននូវកម្មវិធីពិសេសនៅក្នុងព្រឹត្តិការណ៍តាំងពិព័រណ៍ទូរស័ព្ទលើកទី1 នៅផ្សារទំនើប អីុអន ម៉ល ភ្នំពេញ

ក្រុមហ៊ុន មិត្តហ្វូន បានបង្ហាញខ្លួននៅក្នុងពិធីតាំងពិព័រណ៍ទូរស័ព្ទដៃ 1 Mobile ដែលព្រឹត្តិការណ៍តាំងពិព័រណ៍នេះគឺជាលើកទី1ហើយនៅកម្ពុជា ដោយមានក្រុមហ៊ុនទូរស័ព្ទដៃ ក្រុមហ៊ុនលក់គ្រឿងបរិក្ខាទូរស័ព្ទដៃ និងក្រុមហ៊ុន Mobile App នៅលើទូរស័ព្ទដៃជាច្រើនបានចូលរួម ដើម្បីផ្តល់នូវសេវាកម្ម និងភាពងាយស្រួលជូនដល់អតិថិជន ហើយព្រឹត្តិការណ៍នេះបានរៀបចំឡើងនៅក្នុងផ្សារទំនើប អីុអន ម៉ល ភ្នំពេញ រយៈពេល3ថ្ងៃជាប់គ្នា គឺពីថ្ងៃទី13 ដល់ថ្ងៃទី15 ខែកក្កដា ឆ្នាំ2018។ នៅក្នុងឱកាសនោះផងដែរ ក្រុមហ៊ុន មិត្តហ្វូន ក៏មានកម្មវិធីពិសេសៗជាច្រើនសម្រាប់ផ្តល់ជូនអតិថិជនរបស់ខ្លួន ដូចជា ការចែកសីុមលេខស្អាតៗដោយឥតគិតថ្លៃ ព្រមទាំងមានឱកាសឈ្នះរង្វាន់ជាច្រើនទៀតតាមរយៈការបង្វិលកងយករង្វាន់ ដែលរង្វាន់មានដូចជា Power Bank ដងថតរូប Selfie កាបូបស្ពាយ អាវយឺត កាតបញ្ចូលទឹកប្រាក់ពីមិត្តហ្វូនជាច្រើនទៀត។ សូមបញ្ជាក់ផងដែរថា រាល់អតិថិជន ដែលទិញសីុមកាតថ្មីចាប់ពីថ្ងៃទី01 ខែមិថុនា រហូតដល់ថ្ងៃទី30 ខែកញ្ញា ឆ្នាំ2018នេះ និងធ្វើការបញ្ចូលទឹកប្រាក់ចាប់ពី1ដុល្លារឡើងទៅ នឹងមានឱកាសឈ្នះរង្វាន់ជាច្រើនដូចជា៖ រង្វាន់ប្រចាំខែដេលធ្វើការចាប់រង្វាន់ជារៀងរាល់ខែ ទឹកប្រាក់500ដុល្លារ 1រង្វាន់, ទឹកប្រាក់1,000ដុល្លារ 1រង្វាន់, ទឹកប្រាក់1,500ដុល្លារ 1រង្វាន់ និងរង្វាន់ធំចុងក្រោយរថយន្តម៉ាក TOYOTA Hilux Revo ដែលមានតម្លៃរហូតដល់ទៅ35,000ដុល្លារ (ចាប់ឆ្នោតស្វែងរកអ្នកឈ្នះនៅក្នុងខែតុលា ឆ្នាំ2018)។ ក្រៅពីនេះ ក្រុមហ៊ុន មិត្តហ្វូន ក៏បានណែនាំដល់អតិថិជនទាំងអស់ពីសេវាកម្មដ៏សម្បូរបែបពីមិត្តហ្វូន ដែលមានដូចជា កម្មវិធី Nop 70+ ដោយលោកអ្នកចំណាយត្រឹមតែ1ដុល្លារ ក្នុង1សប្តាហ៍ លោកអ្នកអាចរីករាយជាមួយនឹងការលេង Facebook ឥតដែនកំណត់ និងទឹកប្រាក់100ដុល្លារ សម្រាប់ប្រើប្រាស់នៅក្នុងប្រព័ន្ធ, កម្មវិធី ទិញសីុមឈ្នះឡាន (Buy Sim Win Car) និងកម្មវិធី ប្រើប្រាស់ YouTube ឥតដែនកំណត់ដោយលោកអ្នកចំណាយត្រឹមតែ1ដុល្លារ ក្នុង1សប្តាហ៍ ឬ3ដុល្លារក្នុង1ខែតែប៉ុណ្ណោះ។

ទន្ទឹមគ្នានេះដែរ នៅក្នុងឱកាសតាំងពិព័រណ៍ទូរស័ព្ទលើកទី1 នៅផ្សារទំនើប អីុអន ម៉ល ភ្នំពេញ ផងដែរ ក្រុមហ៊ុន អីុ-ម៉ាន់នី ក៏បានផ្តល់ជូនដល់អតិថិជនទាំងងស់ដែលប្រើប្រាស់សីុមកាត មិត្តហ្វូន គឺអាចបើកគណនី អីុ-ម៉ាន់នី ដោយឥតគិតថ្លៃ ព្រមទាំងទទួលបានរង្វាន់ជាច្រើនទៀត និងទទួលបានព័ត៌មានលម្អិតពីសេវាកម្មដ៏ងាយស្រួល និងមានសុវត្ថិភាពរបស់ អីុ-ម៉ាន់នី ដែលមានដូចជា អាចធ្វើការទូទាត់វិក័យប័ត្រផ្សេងៗ ធ្វើការវេរលុយទៅគ្រប់ទីកន្លែងនៅក្នុងប្រទេសកម្ពុជា អាចដាក់លុយ ដើម្បីទូទាត់សាច់ប្រាក់ និងទិញកាតទូរស័ព្ទគ្រប់ប្រព័ន្ធយ៉ាងងាយស្រួលបំផុត ដោយលោកអ្នកអាចទាញយក App របស់ អីុ-ម៉ាន់នី ដើម្បីប្រើប្រាស់នៅលើទូរស័ព្ទដៃរបស់លោកអ្នកបានយ៉ាងងាយស្រួយ និងមានសុវត្ថិភាព (អាចប្រើប្រាស់បានទាំងទូរស័ព្ទដៃធម្មតា និងទូរស័ព្ទស្មាតហ្វូន) និងអាចទំនាក់ទំនងជាមួយនឹងភ្នាក់ងាររបស់ អីុ-ម៉ាន់នី ដែលមានជាង5,000ភ្នាក់ងារនៅទូទាំងប្រទេសកម្ពុជា៕

July 18, 2018

សណ្ឋាគារ Palace Gate Hotel & Resort ទទួលបានពានរង្វាន់2 ក្នុងពេលតែ1

ភ្នំពេញ៖ Palace Gate Hotel & Resort គឺជាសណ្ឋាគារដ៏ប្រណីតថ្មីមួយ មានទីតាំងស្ថិតនៅចំកណ្ដាលនៃបេះដូងនៃទីក្រុងដ៏រស់រវើករបស់ព្រះរាជាណាចក្រកម្ពុជា ដែលទើបតែបើកដំណើរទទួលស្វាគមន៍ភ្ញៀវទេសចរណ៍ជាតិ និងអន្តរជាតិបានរយៈមួយឆ្នាំសោះ ក៏ទទួលបានពានរង្វាន់ចំនួន2 ក្នុងពេលតែ1 ទៅហើយ។

ថ្មីៗនេះក្រុមហ៊ុន Prix Villegiature ដែលជាគណៈកម្មការវាយតម្លៃទៅលើសណ្ឋាគារដែលល្អដាច់គេបំផុតប្រចាំតំបន់អឺរ៉ុប អាស៊ី អាហ្វ្រិក និងមជ្ឈឹមបូព៌ា បានផ្ដល់ពានរង្វាន់ដល់សណ្ឋាគារ Palace Gate Hotel & Resort ជា «សណ្ឋាគារតែមួយគត់ដ៏ល្អបំផុតនៅអាស៊ី (Best unique hotel in Asia)» និងពានរង្វាន់មួយទៀតគឺជា «សណ្ឋាគារដែលមានរចនាបទ និងស្ថាបត្យកម្មខាងក្នុងល្អបំផុតនៅអាស៊ី (Best interior design and Architecture design in Asia)» ។

លោក ធី សុធា នាយកគ្រប់គ្រង់ទូទៅនៅសណ្ឋាគារ Palace Gate Hotel & Resort បានថ្លែងឱ្យដឹងថា៖ ហេតុផងដែលខាងក្រុមហ៊ុន Prix Villegiature បានជ្រើសរើស និងកំណត់ឱ្យសណ្ឋាគារ Palace Gate Hotel & Resort ជាប់ចំណាត់ថ្នាក់លេខ1 ក៏ព្រោះតែមានកត្តា2ធំៗដែលយើងគឺទី1 កត្តាស្ថាបត្យកម្ម ព្រោះសណ្ឋាគារ Palace Gate Hotel & Resort មានរចនាបទ និងស្ថាបត្យកម្មបែបវប្បធម៌ខ្មែរ ស្ទើរតែគ្រប់កន្លែងមិនថា បន្ទប់គេង បន្ទប់ទឹក សួរកម្សាន្ត អាងហែលទឹក ភោជនីដ្ឋានជាដើម ដែលធ្វើឱ្យភ្ញៀវដែលបានមកស្នាក់នៅទីនេះគាត់ទទួលបានអារម្មណ៍ពិត ពាក់ព័ន្ធនឹងវប្បធម៌របស់ខ្មែរ និងអារម្មណ៍ពីសណ្ឋាគារផ្សេង។ កត្តាទី2 ដែលធ្វើឱ្យ Palace Gate Hotel & Resort ជាប់ជា «សណ្ឋាគារតែមួយគត់ដ៏ល្អបំផុតនៅអាស៊ី» ក៏ព្រោះតែភ្ញៀវដែលបានមកស្នាក់នៅ បានផ្ដល់មតិត្រឡប់ (feedback) ថា Palace Gate Hotel & Resort ជាសណ្ឋាគារដែលល្អ ទាំងសេវាកម្ម តម្លៃ រួមទាំងអ្វីផ្សេងៗទៀត បើប្រៀបធៀនទៅនឹងសណ្ឋាគារដទៃគឺ Palace Gate Hotel & Resort ល្អជាងគេ។

នាយកគ្រប់គ្រង់ទូទៅរូបនេះ បានបញ្ជាក់បន្ថែមទៀតថា ការទទួលបានពានរង្វាន់នេះ ក៏បានជួយដល់ប្រទេសកម្ពុជាផងដែរ ជាពិសេសគឺវិស័យទេសចរណ៍ ព្រោះខាងក្រុមហ៊ុន Prix Villegiature នឹងជួយធ្វើការផ្សព្វផ្សាយពីសេវាកម្មល្អៗទាក់ទងនឹងវិស័យទេសចរណ៍នៅកម្ពុជា៕

July 17, 2018

ផាកកាហ្វេ សាខាភ្នំពេញសិនធើរ ចាប់ផ្តើមបើកសម្ពោធហើយ

កម្មវិធីសម្ពោធជាផ្លូវការភោជនីយដ្ឋាន ផាកកាហ្វេ សាខាភ្នំពេញសិនធើរ ដែលជាសាខាទី14 របស់ក្រុមហ៊ុន ផាកកាហ្វេ ហ្វ៊ូត អេន បេវើរីច ត្រូវបានធ្វើឡើងកាលពីព្រឹកថ្ងៃចន្ទ ទី16 ខែកក្កដា ឆ្នាំ2018នេះ ដោយមានការចូលរួមពីសំណាក់ភ្ញៀវកិត្តិយសជាច្រើនរូប។

ភោជនីយដ្ឋាន ផាកកាហ្វេ ជាទូទៅត្រូវបានគេស្គាល់ថា ជាហាងដែលបានផ្តោតសំខាន់ទៅលើគុណភាព និងអនាម័យម្ហូបអាហារ ជាពិសេសគ្មានជាតិប៊ីចេង ព្រមទាំងមានការខិតខំប្រឹងប្រែងក្នុងការអភិវឌ្ឍនូវគុណភាពសេវាកម្មរបស់ខ្លួន និងកត្តាធនធានមនុស្ស បានធ្វើឱ្យ ផាកកាហ្វេ ប្រែក្លាយខ្លួនជាអាជីវកម្មបែបគ្រួសារ មកជាអាជីវកម្មបែបស្តង់ដារ។ មកទល់ពេលនេះ ហាង ផាកកាហ្វេ បានពង្រីកសាខារបស់ខ្លូនរហូតដល់15សាខា គិតត្រឹមខែកក្កដា ឆ្នាំ2018 ដោយក្នុងមួយឆ្នាំ ផាកកាហ្វេ បានទទួលអតិថិជនប្រមាណជាង1.5លាននាក់។

ថ្លែងនៅក្នុងពិធីសម្ពោធនេះផងដែរ លោក ហេង សេងលី អគ្គនាយកគ្រប់គ្រងក្រុមហ៊ុន ផាកកាហ្វេ បានឱ្យដឹងថា ក្រុមហ៊ុនបានចាប់ផ្តើមលក់សិទ្ធិអាជីវកម្មលើកដំបូងគឺនៅក្នុងប្រលានយន្តហោះអន្តរជាតិភ្នំពេញ ដោយបច្ចុប្បន្នក្រុមហ៊ុនបានផ្តល់សិទ្ធិអាជីវកម្មចំនួន8ហើយ ដោយខ្លះបានដំណើរការ ហើយខ្លះទៀតកំពុងធ្វើការសាងសង់ និងគូរប្លង់ ហើយក្រុមហ៊ុនក៏កំពុងសិក្សាមើលទីតាំងមួយចំនួនទៀត រួមទាំងទីតាំងនៅក្នុងទីក្រុងភ្នំពេញ ក៏ដូចជានៅតាមបណ្តាខេត្តធំៗមួយចំនួនទៀតផងដែរ។

បន្ថែមពីលើការលក់សិទ្ធិអាជីវកម្ម ក្នុងនោះក្រុមហ៊ុន ផាកកាហ្វេ ក៏បានបើកឱ្យដំណើរការ2សាខាទៀតផងដែរ កាលពីខែមិថុនាកន្លងទៅ គឺនៅផ្សារទំនើប អ៊ីអន ម៉ល សែនសុខ សីុធី និងមួយទៀតនៅខេត្តកំពង់ចាម។

គួរបញ្ជាក់ផងដែរថា ភោជនីយដ្ឋាន ផាកកាហ្វេ ចាប់ផ្តើមបើកដំណើរការចាប់តាំងពីឆ្នាំ2004មកម្ល៉េះ ហើយក្រុមហ៊ុននេះមានចក្ខុវិស័យពង្រីកខ្លួនឱ្យក្លាយជាភោជនីយដ្ឋានលំដាប់លេខ1នៅក្នុងប្រទេសកម្ពុជា តាមរយៈការអភិវឌ្ឍគុណភាពម្ហូបអាហារ សេវាកម្ម និងការរចនាភោជនីយដ្ឋានឱ្យកាន់តែទំនើប។

ក្នុងនោះដែរ ក្រុមហ៊ុន ផាកកាហ្វេ ក៏មានគម្រោងក្នុងការពង្រីកឱ្យបាន60សាខានៅទូទាំងរាជធានីភ្នំពេញ និងនៅតាមបណ្តាខេត្តធំៗនៅក្នុងឆ្នាំ2022 ដោយរំពឹងថា នឹងអាចក្លាយជាចំណែកមួយចូលរួមក្នុងការកាត់បន្ថយភាពក្រីក្រដល់ប្រទេសកម្ពុជា តាមរយៈការជួយគាំទ្រផលិតផលខ្មែរ និងការបង្កើតការងារបន្ថែមសម្រាប់ប្រជាជនកម្ពុជាប្រមាណ1,350នាក់បន្ថែមពីលើអ្នកដែលកំពុងបម្រើការងារនាពេលបច្ចុប្បន្ន ដែលមានប្រមាណជា450នាក់៕

July 17, 2018

ផលិតផលគ្រឿងសំអាងដ៏ល្បីឈ្មោះម៉ាក LIV White Diamond បង្ហាញខ្លួននៅលើទីផ្សារកម្ពុជាហើយ

បន្ទាប់ពីបានបង្ហាញខ្លួន និងចរាចរណ៍យ៉ាងទូលាយនៅលើទីផ្សារតាមបណ្តាប្រទេសមួយចំនួនអស់រយៈពេលជាច្រើនឆ្នាំកន្លងទៅនេះ បច្ចុប្បន្ន ផលិតផលថែរក្សាសម្ផស្ស និងគ្រឿងសំអាងដ៏ល្បីឈ្មោះប្រចាំនៅក្នុងប្រទេសថៃ ម៉ាក LIV White Diamond ចាប់ផ្តើមមានវត្តមាននៅកម្ពុជាយើងហើយ ខណៈដែលផលិតផលលើវិស័យមួយនេះជាច្រើនទៀតកំពុងតែមានការប្រកួតប្រជែងយ៉ាងខ្លាំង ។

អ្នកនាង Vicki Sunisa ដែលជាកំពូលតារាសម្ដែងស្រីដ៏ល្បីឈ្មោះ និងម្ចាស់ម៉ាកសញ្ញាផលិតផលគ្រឿងសំអាងដ៏ល្បីមួយនេះ បានលើកឡើងនៅក្នុងអង្គសន្និសីទសារព័ត៌មាននៃការបង្ហាញខ្លួនលើកដំបូងនៅលើទីផ្សារកម្ពុជាកាលពីរសៀលថ្ងៃទី14 ខែកក្កដា ឆ្នាំ2018 កន្លងទៅ នៅសណ្ឋាគារ សូហ្វីតែល យ៉ាងដូច្នេះថា ៖ ចំពោះផលិតផល LIV White Diamond នេះ មិនមែនទើបតែបង្កើតឡើងថ្មីនោះទេ ប៉ុន្តែវាបានចរាចរណ៍យ៉ាងទូលាយជាច្រើនឆ្នាំមកហើយនៅតាមបណ្តាប្រទេសមួយចំនួនដូចជា មីយ៉ាន់ម៉ា ចិន ឡាវ ជាពិសេសប្រទេសថៃតែម្ដង ដែលក្នុងនោះក៏មានអ្នកសិល្បៈ ជាតារាសម្ដែង ក៏បាននិយមគាំទ្រប្រើប្រាស់ផលិតផលម៉ាកនេះផងដែរ ។ អ្នកនាងបានបន្តទៀតថា ៖ ដោយសាតែសម្លឹងឃើញពីការយល់ដឹងកាន់តែច្បាស់លើការថែរក្សាសម្រស់របស់ប្រជាជនកម្ពុជាមានការកើនឡើងនោះ អ្នកនាងបានសម្រេចចិត្តធ្វើការបែងចែកផលិតផលដែលមានម៉ាកសញ្ញាដ៏ល្បីរបស់ខ្លួនមកកាន់ទីផ្សារកម្ពុជា តាមរយៈកិច្ចសហការជាមួយដៃគូប្រចាំនៅកម្ពុជា « LIV White Diamond Cambodia» ។

លោក ចនសុន ដែលជាអ្នកតំណាងចែកចាយប្រចាំនៅកម្ពុជា ក៏បានថ្លែងនៅក្នុងពិធីខាងលើនេះផងដែរថា ៖ លោកមិនមានភាពស្ទាក់ស្ទើរក្នុងការសម្រេចចិត្តចាប់ជាដៃគូ ដើម្បីនាំចូល និងចែកចាយនូវផលិតផលគ្រឿងសំអាងម៉ាក LIV White Diamond នេះនោះឡើយ ព្រោះលោកបានយល់ដឹង និងស្គាល់យ៉ាងច្បាស់ពីតម្រូវការរបស់អ្នកប្រើប្រាស់ផលិតផលថែរក្សាសម្រស់នៅកម្ពុជា ជាពិសេស លោកមានជំនឿចិត្តយ៉ាងមុតមាំក្នុងការទទួលបានចំណែកទីផ្សារប្រកបដោយភាពជោគជ័យ ព្រោះតែផលិតផលម៉ាក LIV White Diamond ពិតជាមានគុណភាពល្អ ផលិតចេញពីវត្ថុធាតុដើមបែបធម្មជាតិពិតៗពីប្រទេសជប៉ុន ក្រោមបច្ចេកទេសរបស់សហរដ្ឋអាមេរិក ស្របតាមកម្រិតស្ដង់ដា និងមានការទទួលស្គាល់ពីស្ថាប័នពាក់ព័ន្ធយ៉ាងត្រឹមត្រូវ។

ចំពោះផលិតផល ដែលជាម៉ាកដ៏ល្បីបំផុតប្រចាំប្រទេសថៃ « LIV Wite Dianomd » មានច្រើនប្រភេទ រួមមានដូចជា ម្សៅផាត់ ក្រែមការពារកំដៅថ្ងៃ ក្រែមលាបបបូរមាត់ ឡេលាបស្បែក ឡេលាបមុខឱ្យស សេរ៉ូមជំនួយស្បែក រួមជាមួយនឹងផលិតផលជាច្រើនប្រភេទទៀត ។ សូមជម្រាបបន្ថែមថា ខណៈនេះផលិតផលដ៏ល្បីមួយនេះ កំពុងធ្វើការសហការ និងស្វែងរកដៃគូចែកចាយយ៉ាងធំទូលាយនៅក្នុងប្រទេសកម្ពុជា ។ ដូច្នេះសម្រាប់ អតិថិជន ដែលជាអ្នកគាំទ្រ ក៏ដូចជាអាជីវករ ដែលមានបំណងធ្វើជាអ្នកចែកចាយបន្ត អាចធ្វើការទំនាក់ទំនងមកកាន់ក្រុមហ៊ុនផ្ទាល់តែម្ដងតាមរយៈ Facebook : LIV White Diamond Cambodia ៕

July 16, 2018

Category: PR