PR - La Reine Media

ថ្នាក់ដឹកនាំសមាគមភ្នាក់ងារអចលនវត្ថុអាស៊ាន ចែកអំណោយដល់កុមារ និងចាស់ជរា 200នាក់

ថ្នាក់ដឹកនាំសមាគមភ្នាក់ងារអចលនវត្ថុអាស៊ាន ដែលអញ្ជើញមកពីប្រទេសដូចជា សិង្ហបុរី ម៉ាឡេស៊ី ហ្វីលីពីន មីយ៉ាន់ម៉ា ថៃ ឥណ្ឌូនេស៊ី និងប្រទេសវៀតណាម កាលពីថ្ងៃទី 24 ខែសីហា ឆ្នាំកន្លងទៅនេះ បានធ្វើសកម្មភាពមនុស្សធម៌ ដោយបានចុះចែកអំណោយដល់កុមារ និងចាស់ជរា។

ភរិយាតំណាងប្រធានសមាគមភ្នាក់ងារអចលនវត្ថុអាស៊ានឆ្នាំ 2018 ដែលបានមកចូលរួមសន្និបាត និងពិព៌រណ៍អចលនទ្រព្យអាស៊ាន (ARENA Convention and Exhibition) បានចុះចែកអំណោយដល់សហគមន៍ព្រែកទ័លក្រ ដល់កុមារ និងចាស់ជរាចំនួន 200នាក់ ដែលពួកគាត់រស់នៅក្នុងសហគមន៍ក្រីក្រ និងកំពុងជួបការលំបាក ហើយសម្ភារៈដែលចែកជូនមានដូចជា សៀវភៅសិក្សា កាបូប អង្ករ និងម្ហូបមួយចំនួន ដែលនេះគឺជាផ្នែកមួយនៃសកម្មភាពផ្សារភ្ជាប់សង្គម របស់ថ្នាក់ដឹកនាំសមាគមអចលនទ្រព្យអាស៊ាន ជាមួយសហគមន៍ក្រីក្រនៅកម្ពុជា៕

August 27, 2018

ក្រុមហ៊ុន DKSH បានរៀបចំសិក្ខាសាលាមួយស្ដីអំពី «ផ្លាស់ប្ដូរតម្រូវការអាហារូប្ថម្ភសម្រាប់ក្មេងដែលកំពុងលួតលាស»

DKSH គឺជាក្រុមហ៊ុនផ្ដល់សេវាកម្មពង្រីកទីផ្សារឈានមុខគេដោយផ្ដោតសំខាន់ក្នុងតំបន់អាស៊ី គាំទ្រដោយក្រុមហ៊ុនអាហារូប្ថម្ភ Abbott ថ្មីៗនេះបានរៀបចំសិក្ខាសាលាមួយស្ដីអំពី «ការកាត់បន្ថយចំណុចខ្វះខាតនៃប្រព័ន្ធការពារដើម្បីបង្កើនប្រយោជន៍លើការអភិវឌ្ឍន៍ការយល់ដឹង»។

សិក្ខាសាលានេះត្រូវបានធ្វើឡើងនៅសណ្ឋាគារ សុខា ភ្នំពេញ ដោយមានការដាក់សម្ពោធផលិតផល Similac Gain IQ ថ្មី ជាមួយនឹងភាពច្នៃប្រឌិតថ្មី ដោយការបញ្ចូលគ្នានៃ 2’-FL HMO និង Nucleotides ដែលជាផលិតផលរបស់ក្រុមហ៊ុនអាហារូប្ថម្ភ Abbott។ រួមជាមួយនឹងការថ្លែងសុន្ទរកថាស្វាគមន៍ និងបើកកម្មវិធីដោយសាស្ត្រាចារ្យវេជ្ជបណ្ឌិត អ៊ាប តឹកឆេង។

សាស្ត្រចារ្យវេជ្ជបណ្ឌិត Goh Eng Neo Anne ដែលជាប្រធានផ្នែកអាលែកហ្ស៊ី និងជាអ្នកប្រឹក្សាជាន់ខ្ពស់ផ្នែកជំងឺកុមារប្រចាំប្រទេសសិង្ហបុរីនៃមន្ទីរទេព្យ KK សម្រាប់ស្ត្រី និងកុមារ បានថ្លែងនៅក្នុងបទបង្ហាញថា «HMOs គឺជាសមាសធាតុរឹងមាំ និងមានច្រើនបំផុតនៅក្នុងទឹកដោះម្ដាយ បន្ទាប់ពីស្ករឡាក់តូស និងជាតិខ្លាចញ់។ ប្រហែល 10% នៃម៉ាក្រូជីវជាតិទឹកដោះម្ដាយត្រូវបានបង្កើតឡើងដោយ HMOs។ ក្នុងចំណោម HMOs សំខាន់ៗ 20ប្រភេទ HMO ចម្បងមួយដែលហៅថា 2’-fucosyllactose ឬ2’-FL គឺជា HMO ដែលមានចំនួនច្រើនបំផុតនៅក្នុងទឹកដោះម្ដាយភាគច្រើន។ វាជា HMO ដែលត្រូវបានសិក្សាច្រើនជាងគេ»។

លោកវេជ្ជបណ្ឌិត Li Fei ដែលជាថ្នាក់ដឹកនាំផ្នែកវិទ្យាសាស្ត្រនៃអាហារូប្ថម្ភប្រចាំមជ្ឈមណ្ឌលស្រាវជ្រាវ និងអភិវឌ្ឍន៍ផ្នែកអាហារូប្ថម្ភនៃក្រុមហ៊ុន Abbott បានថ្លែងក្នុងបទបង្ហាញថា « HMOs គឺជាសារធាតុផ្សំពិសេសសម្រាប់ទ្រទ្រង់ដល់ប្រព័ន្ធភាពស៊ាំ ដែលធន់នឹងការរំលាយអាហារដោយអង់ស៊ីមក្រពះពោះវៀនរបស់ខ្លួន។ ពួកវាជួយទ្រទ្រង់ដល់ប្រព័ន្ធភាពស៊ាំដែលកំពុងលូតលាស់ និងមានទំនាក់ទំនងជាមួយនឹងអត្រាថយចុះនៃជំងឺក្រពះពោះវៀន និងជំងឺផ្លូវដង្ហើម។ តាមការសិក្សាបែបវេជ្ជសាស្ត្របង្ហាញថា ភាគច្រើនសារធាតុ HMO មានច្រើននៅក្នុងទឹកដោះម្ដាយហើយ 2’-FL គឺ HMO ទីមួយដែលជួយពង្រឹងការលូតលាស់នៃប្រព័ន្ធភាពស៊ាំរបស់ក្មេងដែលបំបៅដោយទឹកដោះគោះម្សៅ»។

លោកវេជ្ជបណ្ឌិតរូបនេះបានបន្ថែមទៀតថា «នៅពេលក្មេងឈឺញឹកញ៉ាប់ សារធាតិចិញ្ចឹម និងថាមពលជាច្រើនត្រូវបានប្រើប្រាប់ដើម្បីប្រឆាំងនឹងមេរោគដូច្នេះហើយសារធាតុចិញ្ចឹមសម្រាប់ខួបក្បាល និងសរីរាង្គកាយមានតិចតួចតែប៉ុណ្ណោះ ដែលជាហេតុបណ្ដាលឱ្យមានការប៉ះពាល់ដល់ការសិក្សាលូតលាស់ និងសុខភាពរយៈពេលវែង។ ជាមួយ Similac Gain IQ និង Similac Gain IQ Kid ថ្មីជារូបមន្តទឹកដោះគោះម្សៅដំបូងគេបង្អស់លើសកលលោកដែលមានបញ្ចូលនូវ 2’-FL HMO ដែលជួយជំរុញប្រព័ន្ធការងាររាងកាយ និងទ្រទ្រង់ដល់ការលូតលាស់ដ៏ល្អបំផុត»។

Similac Gain ជាប្រភេទផលិតផលដែលផលិតឡើងតាមបែបវេជ្ជសាស្ត្រជាមួយនឹងការផ្លាស់ប្ដូរតម្រូវការអាហារូប្ថម្ភសម្រាប់ក្មេងដែលកំពុងលួតលាស់។ Similac Gain IQ សម្រាប់ក្មេងអាយុ 2 ទៅ3ឆ្នាំ និង Similac Gain IQ Kid សម្រាប់ក្មេងអាយុ 3ឆ្នាំឡើងទៅ។ នៅក្នុងកម្មវិធីនោះដែរ ក្រុមហ៊ុនអាហារូប្ថម្ភ Abbott បានណែនាំផលិតផល Similac Gain IQ ថ្មីជាមួយនឹងភាពច្នៃប្រឌិតដោយការបញ្ចូលគ្នានៃ 2’-FL HMO និង nucleotides៕

August 27, 2018

បង្កើនបរិយាកាស និងសោភ័ណភាពគេហដ្ឋានឱ្យកាន់តែល្អឥតខ្ចោះជាមួយ SAMSUNG QLED TV 2018

ទស្សនីយភាពលើអេក្រង់ដ៏ទំនើប និងជាទីពេញចិត្តបំផុត បានមកដល់ហើយ ជាមួយ QLED TV ដែលជាទូរទស្សន៍ប្រើបច្ចេកវិទ្យាទំនើបចុងក្រោយ Qunatum dot ផ្ដល់នូវពណ៌ដិតច្បាស់ សាច់ម៉ដ្ដខៃ រស់រវើក ជាមួយពន្លឺភ្លឺថ្លា ដូចទិដ្ឋភាពខាងក្រៅ 100%។

ជាមួយជម្រើសពណ៌ពេញលេញក្នុងការធ្វើឱ្យពន្លឺក្លាយជាពណ៌ច្បាស់រស់រវើកបច្ចេកវិទ្យា Qunatum dot ជួយចម្រោះពណ៌ ឱ្យច្បាស់ល្អឥតខ្ចោះគ្រប់ចំណុច និងគ្រប់ប្រភេទពណ៌ឥតខ្វះចន្លោះត្រង់ណាឡើយ ធ្វើឱ្យអ្នកអាចទស្សនាពីគ្រប់មុំនៃអេក្រង់ដ៏ទំនើបនេះ ជាមួយកម្មវិធីកម្សាន្តនានាបាន ច្បាស់ដូចធម្មជាតិពិត 100% ។

បន្ថែមលើនេះទៀត លើបច្ចេកវិទ្យា HDR10+ ដែលជាដំណើរការដោយឡែកបង្កើនវិសាលគមន៍ពន្លឺដិតច្បាស់ លេចធ្លោ គ្រប់មុំ គ្រប់ចំណុច និងគ្រប់ពេល ទូរទស្សន៍មួយនេះ ក៏មានបំពាក់ម៉ាស៊ីន Q Engine ដែលជា Processor មានសមត្ថភាពខ្ពស់បំផុត ក្នុងការវិភាគភ្លាមៗគ្រប់វិនាទីនៃរូបភាព ដើម្បីកែពណ៌ និងពន្លឺឱ្យដូចធម្មជាតិពិត។

រូបរចនាស្ដើង កញ្ចក់ពេញគែម ខ្សែឌុយបង្កប់មិនលៀនចេញ និងគ្មានជើងប៉ោងក្រោយ ស័ក្តិសមនឹងមុខងារទំនើបៗចុងក្រោយ ដែលនាំមកនូវការសម្សាន្តជាទីពេញចិត្ត ឥតទាក់ភ្នែក គ្មានការរំខាន។ ដើម្បីនាំមកនូវទូរទស្សន៍មួយដែលកាន់តែពិសេសបំផុតនោះ សាមសុងខិតខំកាត់បន្ថយចំណុចប៉ះពាល់អារម្មណ៍កម្សាន្ត និងសោភណភាពរបស់ទូរទស្សន៍ទំនើប។ ទូរទស្សន៍ QLED TV មានបច្ចេកវិទ្យាឈានមុខគេ ដែលភ្ជាប់មកជាមួយនូវរូបរាងដ៏ល្អឥតខ្ចោះដែលផ្ដល់នូវទស្សនីភាពយ៉ាងច្បាស់ត្រជាក់ភ្នែក សម្រាប់អ្នកទស្សនា។ រាល់មុខងារឆ្លាតវៃដែលអតិថិជនត្រូវការ មានមកជាមួយបច្ចេកវិទ្យាដ៏ទំនើបចុងក្រោយ លើកញ្ចក់ទូរទស្សន៍ថ្មី Samsung QLED TV។

QLED TV ក្លាយជាទូរទស្សន៍ក្នុងក្ដីសុបិនរបស់មនុស្សគ្រប់រូប ព្រោះវានាំមកនូវបទពិសោធដ៏ថ្មីសន្លាងដែលអតិថិជនពុំធ្លាប់ទទួលបានពីមុនមក។

សព្វថ្ងៃនេះ QLED TV មានលក់នៅតាមបណ្ដាហាងអេឡិចត្រូនិកទំនើបៗមួយចំនួនដូចជា ….ស៊ុនស៊ីម៉ិចកូ,K4, AEON Mall , KM Center, KLD3 -ល-៕

August 26, 2018

Galaxy Note 9 សមត្ថភាពខ្ពស់បំផុតបានមកដល់ហើយ ជាមួយការបង់រំលស់ដោយគ្មានការប្រាក់ ហើយបានប្រូម៉ូសិនពិសេសទៀត

ប្រើលែងទាស់ចិត្ត ដ្បិតកម្លាំងម៉ាស៊ីនខ្លាំង អាចដោនឡូត និងដំឡើងកម្មវិធីបានតាមចិត្ត លែងបារម្ភខ្លាចពេញ!!!

ភ្នំពេញ៖ បន្ទាប់ពីលេចចេញរូបរាងដ៏ស្រស់ស្អាតនឹងបច្ចេកវិទ្យាដ៏ទំនើបអស្ចារ្យនៃកំពូលស្មាតហ្វូន Samsung Galaxy Note9 ដែលជាទូរស័ព្វស្មាតហ្វូនក្នុងក្ដីស្រមៃ ដែលគ្រប់គ្នាទន្ទឹងរង់ចាំ ឥឡូវនេះបានមកដល់ទីផ្សារកម្ពុជាហើយជាមួយនឹងកម្មវិធីពិសេសដែលផ្តល់ជូនដល់អ្នកគាំទ្រចាប់ពីថ្ងៃទី 25 សីហា ដល់ 31 តុលា 2018 សម្រាប់ការបង់រំលស់ទូរសព្ទ័ Samsung Galaxy Note9 ដោយគ្មានការប្រាក់ (០%) រយៈពេល 6 ខែ ដោយអតិថិជនគ្រាន់តែបង់មុនត្រឹមតែ 30% នៃតម្លៃទូរស័ព្ទប៉ុណ្ណោះ។

អតិថិជនក៏អាចបង់រំលស់/ជាវពណ៌ណាមួយក៏បាន នឹងមានការថែមជូននូវកាស Samsung U-Flex មួយដ៏ទាន់សម័យរួមជាមួយកញ្ចប់ Smart ធំហ្មង ដែលប្រើប្រាស់ដោយ ឥតគិតថ្លៃសម្រាប់រយៈពេល 52 សប្តាហ៏។ សម្រាប់ការថែមជូននេះចាប់ពីថ្ងៃទី25សីហារហូតអស់ពីស្តុក។

Galaxy Note9 ត្រូវបានចាត់ទុកថាជាកំពូលស្មាតហ្វូនដ៏ទំនើបបំផុតប្រចាំឆ្នាំ2018 ដោយសារម៉ាស៊ីនមានសមត្ថភាពខ្ពស់បំផុត ថ្មកាន់បានយូរ និងមុខងារកាន់តែឆ្លាតវៃថ្មីៗបន្ថែមទៀត។ Galaxy Note9 ភ្ជាប់ជាមួយនឹងបច្ចេកវិទ្យាចុងក្រោយនៃកាមេរ៉ាភ្លោះដ៏ឆ្លាតវៃដែលមានសមត្ថភាពចាប់យករូបភាពកាន់ច្បាស់ និងស្អាតជាងមុនទោះស្ថិតក្នុងស្ថានភាពងងឹតបន្តិចក៏ដោយជាមួយនឹង IOS ( F1.5/F2.4)។

បន្ថែមលើនេះទៀត មុខងារផ្ដល់ដំណឹងរបស់កាមេរ៉ា នឹងប្រាប់ដល់អ្នកជាមុនក្នុងពេលថត ប្រសិនបើមានអ្នកណាម្នាក់ធ្មេចភ្នែក, មានចំណុចណាមួយព្រឹល, កញ្ចក់ស្រអាប់ និងពន្លឺមិនគ្រប់គ្រាន់ ដូចនេះនឹង ធ្វើឱ្យការថតរូបរបស់បានកាន់តែ ល្អឥតទាស់។ ក្នុងនោះផងដែរលោកអ្នកក៏អាចរីករាយនឹងការថត Selfie ជាមួយ S-Pen ដោយអ្នកពុំចាំបាច់កាន់កាមេរ៉ា ឬប្រើដង Selfie ឡើយ។

ជាមួយដំណើរការប្រព័ន្ធ Android 8.1 Oreo ស្មាតហ្វូនដ៏ទំនើបនេះ មានសមត្ថភាពកាន់តែខ្ពស់ជាងមុន និងដើរលឿនជាងមុន ដោយប្រើបន្ទះឈីប Exynos 9810 ភ្ជាប់ដោយ RAM ទំហំ 6 GB/មេមូរី 128 GB ថែមទាំងអាចបន្ថែមម៉េម៉ូរីកាត micro SD រហូតដល់ 512GB ដោយមិនចាំបាច់បារម្ភ ពីការឆាប់ពេញនោះទេ។ ក្នុងខែកញ្ញាខាងមុខនេះផងដែរក្រុមហ៊ុនសាមសុងនឹងចេញលក់នៅ Galaxy Note9 ដែលមាន RAM ទំហំ 8 GB/មេមូរី 512 GB។

អ្វីដែលអស្ចារ្យលើសពីនេះទៅទៀតគឺប៊ិក S-Pen ជាចំណុចដែលធ្វើឲ្យ Galaxy Note9 គ្មានគូប្រដូច និងជាលើកទី1 មិនធ្លាប់មាន ដែល ប៊ិក S-Pen បញ្ចេញអានុភាពបច្ចេកវិទ្យា Bluetooth និងដើរតួជាតេឡេបញ្ជាដ៏តូចច្រឡឹងដែលមានភាពឆ្លាតវៃបំផុត។

តាមរយៈ S-Pen អ្នកអាចថតរូបភាព, ចុចបញ្ជា slide, បិទបើកវីដេអូ Youtube និងកម្មវិធីជាច្រើនទៀត។ លើសពីនេះទៀត S-Pen អាចបញ្ចូលថ្មទូរស័ព្ទបានផងដែរ នៅពេលទូរស័ព្ទនេះអស់ថ្ម ដោយអ្នកគ្រាន់តែស៊កប៊ិកនេះចូលទូរស័ព្ទត្រឹម៤០វិនាទី ទូរស័ព្ទរបស់អ្នកនឹងមានភ្លើងអាចប្រើបាន៣០នាទីបន្តទៀត។

លោកអ្នកក៏អាចគូស, រចនា, បញ្ចេញគំនិតអ្វីនៅលើអេក្រង់ Galaxy Note9 ជាមួយ S-Pen បានដោយរលូន និងរស់រវើកគ្រប់ពេលដែលអ្នកត្រូវការ។

ចំណុចដ៏អស្ចារ្យទាំងនេះហើយទើបធ្វើឲ្យកំពូលស្មាតហ្វូនលំដាប់កំពូលនេះទទួលបានការគាំទ្រច្រើនសន្ធឹកសន្ធាប់ដែលធ្វើ ឱ្យការកុម្មង់ទុកមុនអស់ស្តុកមុនពេលកំណត់។

ដូច្នេះ សូមប្រញាប់រួសរាន់អញ្ជើញទៅយក Galaxy Note9 សំណព្វចិត្តរបស់អ្នក ទាំងអស់គ្នាណា!!!

August 25, 2018

ការវិនិយោគអចលនទ្រព្យគួរតែភ្ជាប់មកជាមួយនូវការទូទាត់ប្រាក់ដែលមានភាពងាយស្រួល

“ការវិនិយោគអចលនទ្រព្យ គូរតែភ្ជាប់មកជាមួយនូវការទូទាត់ប្រាក់ដែលមានភាពងាយស្រួល” នេះគឺជាជំនឿមួយរបស់់ភ្នាក់ងារដែលប្រកបដោយជំនាញក្នុងការគ្រប់គ្រងអចលនទ្រព្យ ខេបភីថល មេនេចមិន សូលូសិន (ស៊ី អ៊ឹម អេស) និងអ្នកផ្ដល់សេវាកម្មធនាគារចល័តនាំមុខគេនៅកម្ពុជា ធនាគារឯកទេសវីង (ខេមបូឌា) លីមីធីត។ នាថ្ងែនេះក្រុមហ៊ុនទាំងពីរ បានចុះហត្ថលេខាលើអនុស្សរណៈយោគយល់គ្នា ដើម្បីផ្ដល់សេវាកម្មដំបូងបង្អស់ ក្នុងការទូទាត់ដោយមិនប្រើសាច់ប្រាក់លើថ្លៃសេវា ឬថ្លៃអចលនទ្រព្យនៅកម្ពុជា។

ភាពជាដៃគូនេះ នឹងអនុញ្ញាតិឱ្យអតិថិជនដែលមានទំនុកចិត្តលើសវាកម្មឥតខ្ចោះ ដែលផ្ដល់ជូនដោយភ្នាក់ងារ ស៊ី អ៊ឹម អេស បង់ថ្លៃជួលប្រចាំខែ ថ្លៃទឹកភ្លើង ថ្លៃគ្រប់គ្រង និងសេវាកម្មផ្សេងទៀត បានយ៉ាងងាយស្រួលរហ័ស និងមានសុវត្ថិភាព តាមរយៈសេវាធនាគារចល័តដែលផ្ដល់ជូនដោយវីង។ អតិថិជនអាចធ្វើប្រតិបត្តិការទូទាត់ទាំងនេះ ដោយចូលទៅកាន់កម្មវិធីស្មាតហ្វូនវីង ឬវាយលេខកូដ USSD * 989 # ក៏ដូចជាទៅកាន់ភ្នាក់ងារជាង 5000កន្លែង ទូទាំងប្រទេសដើម្បីធ្វើការទូទាត់ប្រាក់។

មានប្រសាសន៍ក្នុងពិធី លោកចូចូ ម៉ាឡូឡូស អគ្គនាយកធនាគារឯកទេសវីង បានប្រាប់ឱ្យដឹងថា ការចាប់ដៃគូររវាងធានាគារឯកទេសវីង និងភ្នាក់ងារអចលនទ្រព្យ ស៊ី អ៊ឹម អេស មិនត្រឹមតែរួមចំណែកក្នុងការធ្វើមានងាយស្រួលក្នុងការឱ្យទទួលសេវាហិរញ្ញសម្រាប់អតិថិជនប៉ុណ្ណោះទេ។ ជាក់ស្ដែង វាក៏ចូលរួមចំណែកជួយដល់ការរីកចម្រើននៃវិស័យអចលនទ្រព្យនៅក្នុងប្រទេសកម្ពុជា តាមរយៈការបង្កើតប្រព័ន្ធអេកូនៃការទូទាត់ដោយមិនប្រើសាច់ប្រាក់ ដែលជាលទ្ធផលនៃការរួមបញ្ចូលគ្នាររវាងការច្នៃប្រឌិត និងការរចនាដែលគិតដល់អ្នកប្រើប្រាស់ជាធំ។

លោក ម៉ាឡូឡូស មានប្រសាសន៍ថា “យើងមានបំណងផ្ដល់ភាពងាយស្រួលសម្រាប់អតិថិជនរបស់ ស៊ី អ៊ឹម អេស ក្នុងការបង់ថ្លៃជួល ក៏ដូចជាសេវាកម្មដែលពាក់ព័ន្ធផ្សេងទៀតតាមប្រពន្ធ័ឌីជីថល ដែលជាបច្ចេកវិទ្យាទូទាត់ប្រាក់តាមអនឡាញផ្ដល់ជូនដោយវីង ដែលអាចឱ្យអតិថិជនធ្វើការទូទាត់តាមរយៈទូរស័ព្ទប្រភេទស្មាតហ្វូន ឬទូរស័ព្ទធម្មតា បានយ៉ាងងាយស្រួលនៅគេហដ្ឋានរបស់ពួកគេ ឬនៅគ្រប់ទីកន្លែង”។

លោក ចូវ៉ានី អេតូនីញ៉ូ នាយកគ្រប់គ្រង ភ្នាក់ងារ ស៊ី អ៊ឹម អេស មានប្រសាសន៍ថា ក្រុមហ៊ុនតែងតែស្វែងរកវិធីសាស្ត្រដែលល្អប្រសើរជាងមុន ដើម្បីឱ្យប្រាកដថា អតិថិជនរបស់យើងពេញចិត្តនឹងសេវាកម្មរបស់យើង ចាប់ពីពេលដែលពួកគេមកទទួលសេវាកម្មណែនាំទាក់ទងនឹងការវិនិយោគអចលនទ្រព្យ រហូតដល់ពេលដែលពួកគាត់សម្រេចចិត្តក្លាយជាម្ចាស់អចលនទ្រព្យនោះ។

លោក អេនតូនីញ៉ូ “យើងឃើញឧទាហរណ៍ជាច្រើន ដែលធនាគារឯកទេសវីងបានធ្វើកន្លងមក ពាក់ពន្ធ័នឹងការបង្កើតប្រព័ន្ធអេកូនៃការទូទាត់ដោយមិនប្រើសាច់ប្រាក់ ជាមួយស្ថាប័ននានា” ហេតុដូចនេះ ស៊ី អ៊ឹម អេស បានបង្កើតយុទ្ធសាស្ត្រដែលនឹងធ្វើឱ្យយើងក្លាយទៅជាក្រុមហ៊ុនអចលនទ្រព្យដំបូងគេ ដែលបានធ្វើជាដៃគូសហការជាមួយធនាគារ ដើម្បីណែនាំដំណោះស្រាយទូទាត់ដោយមិនប្រើប្រាស់សាច់ប្រាក់ជាលើកដំបូងក្នុងប្រវត្តិសាស្ត្រនៃវិស័យគ្រប់គ្រងអចលនទ្រព្យ។ ទាំងនេះក៏ជាផ្នែកមួយនៃជំហ៊ានដំបូងរបស់យើងក្នុងការរួមបញ្ចូលគ្នានូវសេវាកម្មអចលនទ្រព្យ និងបច្ចេកវិទ្យា ហើយយើងសង្ឃឹមថា ការនាំមកជូនថ្មីនេះ នឹងក្លាយជាឱកាសនៃការច្នៃប្រឌិតថ្មីៗក្នុងវិស័យសេវាកម្មអចលនទ្រព្យ ដែលស្រដៀងទៅនឹងសេវាកម្មនៅក្រៅប្រទេសផងដែរ។

ដើម្បីរីករាយជាមួយវិធីងាយស្រួលក្នុងការទូទាត់ប្រាក់តាមរយៈទូរស័ព្ទដៃ អតិថិជន ស៊ី អ៊ឹម អេស ត្រូវតម្រូវឱ្យចុះឈ្មោះបង្កើតគណនីវីង។ ដើម្បីបង្កើតគណនីយវីង អតិថិជនអាចទាញយកកម្មវិធីស្មាតហ្វូនវីង និងបំពេញព័ត៌មានមួយចំនួន។ ពួកគេក៏អាចទៅកាន់ភ្នាក់ងារវីង ខាស អ៊ិចប្រេស ឬវីងមីនីដើម្បីទទួលបានគណនីនេះ។ ជាមួយនឹងបច្ចេកវិទ្យាផ្ដល់ជូនដោយវីង ពួកគេក៏អាចធ្វើប្រតិបត្តិការជាច្រើនតាមរយៈកម្មវីធីស្មាតហ្វូនវីង រួមមានបញ្ចូលទឹកប្រាក់ទូរស័ព្ទ ទូទាត់វិក្ក័យបត្រ ទិញទំនិញតាមអនឡាញ ផ្ទេរប្រាក់ និងជាច្រើនទៀត។

អ្នកឧកញ៉ា គិត លីផាន់ណា នាយកប្រតិបត្តិភ្នាក់ងារ ស៊ី អ៊ឹម អេស បានមានប្រសាសន៍ថា “គោលដៅមួយដ៏សំខាន់របស់យើងនៅឆ្នាំនេះ គីការកែលម្អឥតឈប់ឈរនៅក្នុងដំណើរការលើកកម្ពស់ការផ្ដល់ជូននូវសេវាកម្មអតិថិជនរបស់យើង” យើងបានត្រួតពិនិត្យយ៉ាងយកចិត្តទុកដាក់លើទីផ្សារអចលនទ្រព្យនាពេលបច្ចុប្បន្នហើយបានវិភាគពីដំណើរការរបស់វា។ យើងបានរកឃើញថា មធ្យោបាយដ៏ល្អបំផុតដើម្បីបង្កើនសមត្ថភាពសេវាកម្មរបស់យើងគឺតាមរយៈកាច្នៃប្រឌិតផ្នែកបច្ចេកវិទ្យា។ នេះរួមបញ្ចូលទាំងការចាប់ដៃគូសហការជាមួយធនាគារ ឯកទេសវីងផងដែរ។ លើសពីនេះទៀត យើងក៏បានបង្កើតសេវាកម្មទីផ្សារផ្ទាល់ខ្លួនរបស់យើងដែលនឹងធ្វើឱ្យប្រសើរឡើងនូវបរិបថនៃការជួលអចលនទ្រព្យ និងអត្រាជោគជ័យរបស់អតិថិជនរបស់យើង។ យើងចង់ប្រកាសជាផ្លូវការនូវសេវាកម្មនេះនាពេលអនាគត។ ការផ្ដោតការយកចិត្តរបស់យើងនឹងបន្តធានាឱ្យបាននូវដំណើរការបទពិសោធន៍អតិថិជនដ៏អស្ចារ្យ សម្រាប់អតិថិជនរបស់យើងទាំងអស់ទោះបីជាពួកគេជាអ្នកអភិវឌ្ឍ អ្នកកាន់កាប់ ឬអ្នកជួលអចលនទ្រព្យក៏ដោយ។

អ្នកជំនាញ និងវិនិយោគគិននៅក្នុងវិស័យអចលនទ្រព្យបានព្យាករណ៍ថា កម្ពុជានឹងទទួលបានកំណើនយ៉ាងខ្លាំងនៅក្នុងទីផ្សារអចលនទ្រព្យនៅក្នុងឆ្នាំ 2018 ។ គេប៉ាន់ប្រមាណថា យ៉ាងហោចណាស់មានខុនដូចំនួន 13,000 បន្ថែមទៀតនឹងមានវត្តមានក្នុងទីផ្សារនៅឆ្នាំ 2018 ខណៈពេលដែលតម្រូវការជួលការិយាល័យនៅតែជាតម្រូវការពិសេសអគារថ្នាក់ B និងថ្នាក់ C ដែលជាអាគារដែលមានតម្រូវការខ្ពស់ នៅក្នុងដំណាក់កាលនៃការអភិវឌ្ឍនេះ៕

August 22, 2018

មន្ទីរពេទ្យ បំរ៉ុងរ៉ាត់ ផ្តល់ការវះកាត់ព្យាបាលជំងឺបេះដូងពីកំណើតដោយឥតគិតថ្លៃដល់កុមារកម្ពុជា 7នាក់

សន្និសិទសារព័ត៌មានស្តីពី «គម្រោងសប្បុរសធម៌ព្យាបាលជំងឺបេះដូងនៅកម្ពុជា» ត្រូវបានប្រារព្ធធ្វើឡើងក្រោមកិច្ចសហប្រតិបត្តិការពីមូលនិធីមន្ទីរពេទ្យ បំរ៉ុងរ៉ាត់ និងមន្ទីពេទ្យអន្តរជាតិ បំរ៉ុងរ៉ាត់ រួមជាមួយស្ថានទូតព្រះរាជាណាចក្រថៃប្រចាំព្រះរាជណាចក្រកម្ពុជា សមាគមគ្រូពេទ្យស្ម័គ្រចិត្តយុវជនសម្តេចតេជោ មន្ទីរពេទ្យកាល់ម៉ែត ព្រមទាំងក្រុមហ៊ុនអាកាសចរណ៍ថៃ អ៊ែរ អេស៊ា ដែលកម្មវិធីនេះធ្វើឡើងនៅមន្ទីរពេទ្យកាល់ម៉ែត កាលពីថ្ងៃទី១៧ ខែសីហា ឆ្នាំ២០១៨។

«គម្រោងសប្បុរសធម៌ព្យាបាលជំងឺបេះដូងនៅកម្ពុជា» តាមរយៈមូលនិធីមន្ទីរពេទ្យ បំរ៉ុងរ៉ាត់ និងមន្ទីពេទ្យអន្តរជាតិ បំរ៉ុងរ៉ាត់ ត្រូវបានបង្កើតឡើងក្នុងគោលបំណងប្រើប្រាស់ជំនាញឯកទេស និងធនធានផ្ទាល់របស់មន្ទីរពេទ្យ បំរ៉ុងរ៉ាត់ដើម្បីផ្តល់ការវះកាត់ព្យាបាលជំងឺបេះដូងពីកំណើតដោយឥតគិតថ្លៃជូនដល់កុមារក្នុងប្រទេសជិតខាង ដែលកន្លងមកមានដូចជាប្រទេសមីយ៉ាន់ម៉ា និងវៀតណាមជាដើម ហើយឆ្នាំនេះ បានធ្វើឡើងនៅក្នុងប្រទេសកម្ពុជា។

តាំងពីឆ្នាំ២០០៣ គម្រោងមួយនេះបានជួយដល់អ្នកជំងឺបានជាង ៧៧៧នាក់ មកហើយ នៅប្រទេសថៃ ដើម្បីឲ្យពួកគេទទួលបានការព្យាបាល ហើយធ្វើឲ្យពួកគេមានជីវិតស្រស់បំព្រងពោរពេញទៅដោយក្តីសង្ឃឹមសារជាថ្មីឡើងវិញ។ ក្នុងនោះក៏មានកុមារកម្ពុជាចំនួន៧នាក់ដែលមានជំងឺបេះដូងពីកំណើតត្រូវបានជ្រើសរើសក្នុងការទទួលបានការវះកាត់ព្យាបាលជំងឺបេះដូងដោយឥតគិតថ្លៃនៅមន្ទីរពេទ្យ បំរ៉ុងរ៉ាត់ ប្រទេសថៃ។

ថ្លែងក្នុងសន្និសិទសារព័ត៌មាននេះ ឯកឧត្តម ហ៊ុន ម៉ាណែត ប្រធានក្រុមប្រឹក្សាភិបាល សមាគមគ្រូពេទ្យស្ម័គ្រចិត្តយុវជនសម្តេចតេជោបានមានប្រសាសន៍ថា គម្រោងសប្បុរសធម៌ព្យាបាលជំងឺបេះដូងនៅកម្ពុជា តាមរយៈមូលនិធិមន្ទីរពេទ្យបំរ៉ុងរ៉ាត់ និងមន្ទីរពេទ្យអន្ដរជាតិ បំរ៉ុងរ៉ាត់ គឺជាការចូលរួមចំណែកដ៏ធំធេងមួយផងដែរទោះបីជាប្រទេសខុសគ្នាក្ដី ប៉ុន្ដែទិសដៅរួមរបស់យើងគឺជួយប្រជាពលរដ្ឋ ដែលមានការលំបាក។

ឯកឧត្តម ហ៊ុន ម៉ាណែត បានបន្ថែមថា រាជរដ្ឋាភិបាលកម្ពុជា ក៏បានដាក់ចេញនូវគោលនយោបាយមួយចំនួន ដើម្បីបង្កើនការគិតគូរ និងយកចិត្ដទុកដាក់ ចំពោះសុខមាលភាពប្រជាពលរដ្ឋ នៅទូទាំង ប្រទេស និងការជំរុញលើកទឹកចិត្ត ឲ្យមានការចូលរួមរបស់វិស័យឯកជន អង្គការសមាគមនានា តាមរយៈកម្មវិធី និងសកម្មភាពមនុស្សធម៌ផ្សេងៗ ដើម្បីផ្ដល់សេវាថែទាំសុខភាព ឲ្យបានកាន់តែទូលំទូលាយ និងការចុះពិនិត្យ ព្យាបាលជំងឺជូនប្រជាពលរដ្ឋក្រីក្រ នៅទូទាំងប្រទេសដោយឥតគិតថ្លៃផងដែរ។

ជាមួយគ្នានេះផងដែរ លោកស្រី Napas Paorohitaya តំណាងមូលនិធិមន្ទីរពេទ្យ បំរ៉ុងរ៉ាត់ និងជានាយកផ្នែកទីផ្សារនៃមន្ទីរពេទ្យអន្តរជាតិ បំរ៉ុងរ៉ាត់ បានលើកឡើងថា «គម្រោងដែលផ្តល់ការវះកាត់បេះដូងសម្រាប់កុមារដែលមានជំងឺសរសៃឈាមបេះដូងពីកំណើត ត្រូវបានផ្តួចផ្តើមឡើងក្នុងគោលបំណងដើម្បីជួយកុមារ និងត្រូវការការវះកាត់បេះដូងពិតប្រាកដ បើមិនដូច្នេះទេពួកគេនឹងប្រឈមនឹងការស្លាប់មុនអាយុ ឬការលូតលាស់មិនប្រក្រតី»។

លោកស្រី Napas Paorohitaya បន្ថែមថា ការវះកាត់បេះដូងគឺជាការងារដ៏ចាំបាច់ និងស្មុគស្មាញដែលតម្រូវឱ្យមានអ្នកជំនាញផ្នែកវេជ្ជសាស្ត្រខ្ពស់ និងអ្នកឯកទេសខាងវេជ្ជសាស្ត្រដែលមានបទពិសោធន៍ ហើយលើសពីនេះទៀត ការវះកាត់មានតម្លៃខ្ពស់ ជាពិសេសសម្រាប់អ្នកជំងឺដែលត្រូវការជំនួយ។ ទាំងនេះជាមូលហេតុដែលមូលនិធិមន្ទីរពេទ្យបំរ៉ុងរ៉ាត់ត្រូវបានបង្កើតឡើងដើម្បីធានាបានថា កុមារត្រូវបានព្យាបាលទាន់ពេលវេលាដោយកាត់បន្ថយផលវិបាក និងអត្រាមរណភាពស្របពេលដែលសុខភាពរបស់កុមារត្រូវបានលើកកម្ពស់។

ក្នុងនោះដែរ ឯកឧត្តម Panyarak Poolthup ឯកអគ្គរាជទូតនៃព្រះរាជាណាចក្រថៃប្រចាំព្រះរាជាណាចក្រកម្ពុជា បានមានប្រសាសន៍ថា «គម្រោងនេះ គឺជាបេសកកម្មដ៏ល្អឧត្តុង្គឧត្តមជាទីបំផុត។ គម្រោងនេះ មិនត្រឹមតែជួយសង្គ្រោះអាយុជីវិតក្មេងៗដែលមានជីវភាពក្រីក្រ និងអស់ក្តីសង្ឃឹមទាំងនេះប៉ុណ្ណោះទេ ថែមទាំងជាភស្តុតាងបញ្ជាក់យ៉ាងច្បាស់ពីចំណងសាមគ្គីភាព កិច្ចសហប្រតិបត្តិការ និងមិត្តភាពដ៏រឹងមាំរវាងប្រទេសថៃ និងប្រទេសកម្ពុជាទៀតផងដែរ។ គម្រោងសប្បុរសធម៌ព្យាបាលជំងឺបេះដូងនេះ គឺស្តែងឲ្យឃើញពីភាពជាក់ច្បាស់រវាង”បេះដូង និង បេះដូង” ពោលគឺបញ្ជាក់ពីទឹកចិត្តរបស់ប្រទេសថៃមានចំពោះប្រទេស កម្ពុជា»។

ឯកឧត្តមសាស្រា្តចារ្យ ឈាង រ៉ា អគ្គនាយកមន្ទីរពេទ្យកាល់ម៉ែត បានបញ្ជាក់ថា «ក្នុងនាមជាប្រជាជនកម្ពុជា ខ្ញុំសូមថ្លែងអំណរគុណ និងសម្តែងនូវការដឹងគុណយ៉ាងជ្រាលជ្រៅជាទីបំផុត ចំពោះម្ចាស់ជំនួយ និងដៃគូទាំងអស់នៃមូលនិធិនេះ ដែលសកម្មភាពទាំងអស់នេះ គឺជាការចាប់ផ្តើមចូលរួមចំណែកដល់កុមារកម្ពុជាជាមួយមជ្ឈមណ្ឌលជំងឺបេះដូងភ្នំពេញ ដែលធ្លាប់បានជួយវះកាត់ និងពិនិត្យព្យាបាលកុមារកម្ពុជាជាច្រើនមកហើយ ហើយគម្រោងនេះ នៅតែត្រូវការដៃគូសហការយូរអង្វែងសម្រាប់អនាគត តទៅទៀត»

គួរបញ្ជាក់ផងដែរថា អ្នកជំងឺ ក៏ដូចជាក្រុមគ្រួសាររបស់អ្នកជំងឺដែលបានជ្រើសរើសក្នុងការវះកាត់ព្យាបាលជំងឺបេះដូង នឹងត្រូវបានផ្តល់ការធ្វើដំណើរតាមយន្តហោះដោយឥតគិតថ្លៃទៅកាន់ប្រទេសថៃដើ ក្រោមការឧបត្ថម្ភគាំទ្រពីក្រុមហ៊ុនអាកាសចរណ៍ ថៃ អ៊ែរ អេស៊ា៕

August 20, 2018

ឡួយម៉្មង កាក់កបម្ល៉េះ! កំពូលស្មាតហ្វូនស៊េរីថ្មី #Huawei_nova3 #Nova_3 i បើកលក់ថ្ងៃដំបូងមនុស្សសម្រុកទិញដូចព្យុះ កំណើន 30 ដងធៀបនឹងស៊េរី Nova មុនៗ

ហ៊ួរវ័យ ដែលជាក្រុមហ៊ុនស្មាតហ្វូនឈានមុខលំដាប់អន្តរជាតិដែលកំពុងឡើងកូដ និងទទួលបានចំណាត់ថ្នាក់លេខ 2ទាំងបរិមាណលក់ និងចំណែកទីផ្សារលើពិភពលោក ជាពិសេសនៅកម្ពុជា វ៉ាដាច់ Apple ថ្មីៗនេះ បានប្រារព្ធពិធីសម្ពោធ និងបើកលក់ថ្ងៃដំបូងជាផ្លូវការនូវស៊េរីថ្មីលំដាប់កំពូល គឺ Huawei_Nova3 #Huawei_Nova3i បានធ្វើឱ្យរញ្ជួយកម្មវិធីនៅផ្សារទំនើបអីអន 2 សែនសុខ ជាមួយតារាចម្រៀង និងតារាល្បីៗ រួមមាន រាជនីក្បាច់រាំកញ្ញា ទេព បូព្រឹក្ស តារាចម្រៀងសាច់សខ្ចី វីវៈ និច ម្ចាស់បទ «សង្សារសុំបែក» ក្រុមរាំដ៏ល្បី ម្ចាស់បទ វ៉ៃមាលុយ តារាបង្ហាញម៉ូតល្បីៗជាច្រើន ដូចជា កញ្ញា ប្រាសាទ ដាវីន កញ្ញា សុផា លីនដា កញ្ញាចាន់គង្គារ កញ្ញា ពីយ៉ា វិកា ពិធីករ លោកឈាង ដាវុធ និងពិធីការិនីដ៏ស្រស់ស្អាត កញ្ញា វីត វីត តារា ព្រមទាំងតារាសម្ដែង និងតារា Facebook វ័យក្មេងដ៏ល្បីឈ្មោះ ជាច្រើនរូបទៀត បានផ្តល់កិតិ្តយស ដើម្បីអបអរបើកលក់កាលពីថ្ងៃទី 18 ខែ 08 ឆ្នាំ2018 ក្រោមកិច្ចសហការជាមួយហាង ណូជីម៉ា 2 ។

ថ្លែងនៅក្នុងព្រឹត្តិការណ៍បើកសម្ពោធការលក់នៅថ្ងៃដំបូងនេះ លោក អែម យុទ្ធូ នាយកជាន់ខ្ពស់ផ្នែកទីផ្សារក្រុមហ៊ុន Huawei ប្រចាំប្រទេសកម្ពុជា បានមានប្រសាសន៍ថា «សព្វថ្ងៃនេះ ស្មាតហ្វូន Huawei មានប្រជាប្រិយភាពខ្ពស់ និងទទួលបានការគាំទ្រពីដៃគូពាណិជ្ជកម្ម តារាល្បីៗ និងមិត្តអ្នកសារព័ត៌មាន ក៏ដូចជាមហាជននៅកម្ពុជា ជាមួយហាងចំនួនជាង 1500 កន្លែង គ្របដណ្ដប់ 25ខេត្ត-ក្រុង ទូទាំងប្រទេស។ យើងជឿជាក់ថា #Huawei_Nova3 #Huawei_Nova3i នឹងបំពេញនូវតម្រូវការដ៏ទាន់សម័យ ខណៈដែលស្មាតហ្វូននេះបានឆក់យកបេះដូងអ្នកប្រើប្រាស់ពិសេសយុវវ័យសម័យទំនើបតែម្ដង ចាប់តាំងតែពីថ្ងៃបង្ហាញខ្លួននាទីដំបូងមកម្ល៉េះ។ យើងមានក្ដីប្រាថ្នាមោះមុតចំពោះប្រជាជនកម្ពុជា ឱ្យទទួលបានបទពិសោធន៍បច្ចេកវិទ្យាថ្មីពី #Huawei_Nova3 #Huawei_Nova3i ដោយប្រើប្រាស់វាបំពេញតម្រូវការយ៉ាងឆ្លាតវៃ។ យើងជឿជាក់ថា #Huawei_Nova3 #Huawei_Nova3i ជាមួយកាមេរ៉ា 24MP, 4 AI Camera និង128 GB ROM នឹងនាំមកនូវបទពិសោធន៍ល្អឥតខ្ចោះដល់អ្នកប្រើប្រាស់ស្មាតហ្វូននៅកម្ពុជា»។

លោកបានបន្ថែមថា #Huawei_Nova3 #Huawei_Nova3i ទទួលបានការកម៉្មុងទុកជាមុនពីហាងធំៗប្រមាណ 800 ហាង ដោយក្រុមហ៊ុនជ្រើសយកតែ 18ហាងធំៗ ដែលទទួលបានការកុម្ម៉ង់ទុកជាមុនច្រើនជាងគេធ្វើកម្មវិធីលក់ពិសេសដោយបន្ថែមជាសរុបមកតួលេខលក់ចេញ ថ្ងៃដំបូងកើន10 ដងបើធៀបនឹង Nova 3e និង 30 ដង ធៀបនឹង Nova 2i ពោលគឺត្រឹមតែមួយថ្ងៃ ស្តុកទាំងអស់ត្រូវបានបព្ចោញពីឃ្លាំងដេប៉ូចែកចាយគ្មានសល់ ដែលជាតួរលេខបំបែកកំណត់ត្រានៅកម្ពុជា មិនដែលធ្លាប់មានពីមុនមក។

រាជនីក្បាច់រាំ និងកំពូលតារាចម្រៀងលេចធ្លោរជួរមុខកញ្ញា ទេព បូព្រឹក្ស ដែលចូលរួមសម្ដែង និងច្រៀងអបអរក្នុងកម្មវិធីនេះបានបង្ហើបពីចិត្តដែលលាក់ទុកក្នុងបេះដូងជាយូរថា «ក្រុមគ្រួសារ ឪពុកម្តាយគឺជា Fan របស់ទូរសព្ទ័ Huawei ហើយកញ្ញានឹងកុម្ម៉ងទិញពីរគ្រឿង ពណ៌ក្រហមមួយ និងពណ៌ស្វាយដេញមួយ ពោលគឺទិញមួយគូរតែម្តង ចំពោះកំពូលស្មាតហ្វូនស៊េរីថ្មី #Huawei_Nova3i #Huawei_Nova3 នេះ»។ ជាមួយគ្នានេះ តារាចម្រៀងសាច់សខ្ចី វីវៈ និច ដែលបាន និងកំពុងប្រើហ៊ួរវ័យថ្មីៗដូចជា #Huawei_Nova2i #Huawei_Nova3e និង #Huawei_P20 បាននិយាយថា «ស្មាតហ្វូន #Huawei_Nova3i #Huawei_Nova3 គឺជាស្មាតហ្វូនសម្រាប់អនាគត និងមនុស្សជំនាន់ថ្មី យុវវ័យឡួយឆាយសម័យលេងខ្លួន អួតសម្ភារៈនិយម »។

គួរកំណត់សំគាល់ផងដែរថា នាព្រឹកថ្ងៃទី 18 ម៉ោង 7 : 30 ព្រឹក ដោយភាពអន្ទះសារ និងរង់ចាំដ៏យូរ អតិថិជនសរុបដែលមានតម្រង់ជួរ និងទិញប្រើដំបូងនៅផ្សារទំនើបអីអនម៉លសែនសុខ ដែលមានប្រមាណជិត 100នាក់ ផ្សារអ៊ីអនសែនសុខជាន់ក្រាមលោកអ្នកដែលមកតម្រង់ជួរទិញមុនគេ នឹងទទួលបាន Coupon ពីក្រុមការងារ Huawei ដើម្បីទទួលបានកាដូបន្ថែមយ៉ាងច្រើនលើសពីការថែមធម្មតាតែមួយថ្ងៃដែលចំណេញកាដូគិតជាសាច់ប្រាក់ $149 ជាងនេះទៅទៀតកម្មវិធីទាំងមូលបានទាក់ទាញអតិថិជនក៏ដូចជា Fan ៗ ចូលរូមរង់ចាំ និងទស្សនាយ៉ាងរីករាយ និងអន្ទះសារប្រមាណ 5000 នាក់ ណែនណាន់តាន់តាប់ ស្ទះក៏ស្ទះ តាំងពីកន្លែងចតឡានជាន់ក្រោម ជាន់ទី 1 រហូតដល់ជាន់ទី 4 គ្រប់ជាន់គ្រប់កន្លែងផ្អើលពេញផ្សារទំនើបអីអនម៉លសែនសុខក៌ដូចជាទីក្រុងភ្នំពេញទាំងមូល។

Huawei_nova3 (24MP 4 AI Camera 128GB) បំពាក់កាមេរ៉ាមុខពីរគ្រាប់ទំហំ 24M + 2MP និងកាមេរ៉ាភ្លោះខាងក្រោយទំហំ 24M + 16MP ថតបែបអាជីព បែប bokeh effect មានផ្ទៃក្រោយព្រាល មុខងារ HDR Pro ធ្វើឱ្យមានតុល្យភាពពន្លឺ កម្រិត Aperture F1.8 ។ បច្ចេកវិទ្យា AI សម្គាល់ប្លង់រូបភាពដោយស្វ័យប្រវត្តិទាំងក្រោយ និងមុខ ជួយការថតសែលហ្វីស្អាតលេចធ្លោរ។ #Huawei_nova3 ក៏បំពាក់នូវអេក្រង់ឆកដ៏កំពុងពេញនិយម ធំពេញភ្នែក ទំហំ 6.3 អ៊ីញ កម្រិត Full HD+ 409 ppi។

Huawei_nova3i(24MP 4 AI Camera 128GB) បំពាក់កាមេរ៉ាមុខពីរគ្រាប់ទំហំ 24M + 2MP និងកាមេរ៉ាភ្លោះខាងក្រោយទំហំ 16M + 2MP ជាមួយការឌីហ្សាញរាងរៅដ៏ប្រណីត ពណ៌ភ្លឺចែងចាំង លម្អដោយគែមអាលុយមីញ៉ូម អេក្រង់ឆកធំ ទំហំ 6,3 អ៊ីញ កម្រិត Full HD+ ផ្ដល់នូវបទពិសោធន៏ទស្សនាភាពយន្ត និងលេងហ្គេមម៉ាពេញចិត្ត ក៏ដូចជាឆ្លើយតបនឹងតម្រូវការបទពិសោធន៍លេងហ្គេមដ៏រលូន Huawei ដាក់ឱ្យប្រើនូវ GPU Turbo បង្កើនដំណើរការកា្រហ្វិកឥតទាស់ចិត្ត នាំមកនូវបទពិសោធន៍ដ៏រំជើបរំជួលសម្រាប់យុវវ័យ។ Huawei_nova3 បំពាក់ដោយ CPU: Chip Kirin 970 មាន RAM 6GB, ROM 128 GB កម្លាំងថ្មវិញក៏មិនណយដែរ គឺ 3750 mAh Fast Charge សាកថ្មលឿនទាន់ចិត្ត Type C រីឯ #Huawei_nova3i បំពាក់ CPU: Chip Kirin 710 មាន RAM 4GB, ROM 128 GB និង ថាមពលថ្ម 3340 mAh ។

ស្របនឹងជោគជ័យលើទីផ្សារពិភពលោក ក៏ដូចជាប្រជាប្រិយភាពខ្ពស់ មិនថា P Series, Mate Series, Y Series ស៊េរីថ្មីសន្លាងចុងក្រោយជាស្មាតហ្វូន #Huawei_Nova3_Series បំពាក់បច្ចេកវិទ្យា កាមេរ៉ា AI បួនគ្រាប់ (24MP 4 AI Camera បំពាក់ ROM 128GB ត្រូវបានដាក់លក់ក្ដៅៗ #Huawei_Nova3 តម្លៃ 469 ដុល្លារ និង #Huawei_Nova 3i តម្លៃជាង 329 ដុល្លារ នឹងទទួលបាន Bluetooth Speaker ដ៏កាលីប Original ហើយថែមស៊ីមស្មាត ជាមួយកញ្ចប់សេវាកម្មធំហ្មង 12សប្ដាហ៍ និង 16 សប្ដាហ៍។

តោះ! ទស្សនាវីដេអូលម្អិតស្ដីពីលក្ខណៈពិសេស Huawei nova3/3i និងវីដេអូពីការកុម្ម៉ងទុកជាមុន

https://youtu.be/3beMEaiCPiY

https://youtu.be/Ydg6W91Z6uE

ព័ត៌មានលំអិត សូមចូលទៅកាន់បណ្តាញទំនាក់ទំនងសង្គម និងគេហទំព័រខាងក្រាមនេះ

Facebook: Huawei Mobile (KH)

Instagram: huaweimobilekh

Website: www.consumer.huawei.com/kh

August 20, 2018

ការអប់រំបុត្រធីតា ត្រូវធ្វើឡើងឱ្យដូចភ្លៀងរលឹម

ការអប់រំ គឺជាឆ្អឹងខ្នងនៃការអភិវឌ្ឍលើគ្រប់វិស័យ។ យើងជឿជាក់ថា ប្រសិនបើយើងចង់ឃើញការប្រែប្រួលជាវិជ្ជមានជាច្រើននៅក្នុងពិភពលោក និងនាពេលអនាគតនោះ យើងពិតជាត្រូវការផ្តល់ការអប់រំមួយប្រកបដោយគុណភាពដល់កុមារនៅថ្ងៃនេះ។

បរិបទនៃពិភពលោក និងសង្គមជាតិមានការវិវឌ្ឍយ៉ាងខ្លាំងនាពេលបច្ចុប្បន្ននេះ។ កត្តាទាំងនេះតម្រូវឱ្យប្រព័ន្ធអប់រំយើងត្រូវយកចិត្តទុកដាក់តាមដាន និងរៀបចំកែលម្អកម្មវិធីសិក្សា និងសេវាកម្មអប់រំរបស់យើងឱ្យកាន់តែល្អប្រសើរ ដើម្បីធានាឱ្យបានថា “សិស្សគ្រប់រូបមានគុណវុឌ្ឍិគ្រប់គ្រាន់សម្រាប់កសាងអនាគតដ៏ត្រចះត្រចង់។

ដើម្បីសម្រេចគោលដៅនេះបាន សាលារៀនវ៉េស្ទឡាញន៍ និងសាលារៀនណត្សឡាញន៍នឹងអនុវត្តកម្មវិធីសិក្សាគោល កម្មវិធីសិក្សាអម និងកម្មវិធីសិក្សាបន្ថែមឱ្យកាន់តែប្រសើរឡើងលើគ្រប់ចំណុច ជាពិសេសចំណេះដឹង និងជំនាញសម្រាប់សតវត្សរ៍ទី21 (21st Century Skills) ជំនាញទំនាក់ទំនង ជំនាញធ្វើការជាក្រុម គំនិតច្នៃប្រឌិត និងការគិតវិភាគបែបស៊ីជម្រៅ(4 Cs: Communication, Collaboration, Creativity and Critical Thinking) ភាសាចិន ចំណេះដឹងផ្នែកហិរញ្ញវត្ថុ ទម្លាប់ល្អទាំង7 សម្រាប់យុវជន និងសហគ្រិនភាព ដែលជាបំណិនជីវិតចាំបាច់សម្រាប់ភាពជោគជ័យក្នុងការងារ អាជីវកម្ម និងការរស់នៅនាពេលអនាគត។

ទន្ទឹមនឹងនេះដែរ ចំណេះដឹង និងជំនាញទាក់ទងនឹងវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា និងសិល្បៈ (STEM & Arts) ក៏ជាអាទិភាពមួយថ្មីទៀតរបស់សាលារៀនយើងខ្ញុំ ដែលពិចារណាក្នុងឆ្នាំសិក្សាថ្មីនេះផងដែរ។

ក្រៅពីការផ្តល់ចំណេះដឹង និងជំនាញនៃការអប់រំដល់សិស្សានុសិស្សហើយ សាលារៀនយើងខ្ញុំក៏បានបង្កើតនូវកម្មវិធីប្រឹក្សាយោបល់ផ្នែកអប់រំ និងចិត្តសាស្ត្រ និងអាជីពការងារដល់ប្អូនៗសិស្សានុសិស្ស និងមាតាបិតាដើម្បីជួយបំពេញបន្ថែមពីលើកម្មវិធីដែលយើងកំពុងដាក់ឱ្យអនុវត្តនៅតាមសាលារៀននីមួយ។

ការជំរុញឱ្យមានការផ្លាស់ប្តូរបទពិសោធដល់សិស្សានុសិស្ស តាមរយៈការបោះជំរំនៅតាមបណ្តាប្រទេសនានានៃសហគមន៍អាស៊ាន និងប្រទេសដទៃទៀត ព្រមទាំងការស្វែងរកសាលារៀនជាដៃគូក្នុងស្រុក និងនៅបរទេសដើម្បីផ្តល់អាហារូបករណ៍ដល់សិស្សានុសិស្សនៃសាលារៀនវ៉េស្ទឡាញន៍ និងសាលារៀនណត្សឡាញន៍គ្រប់សាខា។

បវេសនកាលថ្មី ឆ្នាំសិក្សា2018-2019 នឹងចូលមកដល់ក្នុងរយៈពេលដ៏ខ្លីខាងមុខនេះ។ ក្នុងនាមក្រុមប្រឹក្សាភិបាលគណៈគ្រប់គ្រង បុគ្គលិក និងគ្រូបង្រៀនទាំងអស់សូមថ្លែងអំណរគុណយ៉ាងជ្រាលជ្រៅចំពោះមាតាបិតា អ្នកអាណាព្យាបាលសិស្ស និងសិស្សានុសិស្សដែលបានគាំទ្រកន្លងមកលើសេវាកម្មអប់រំរបស់សាលារៀនយើងខ្ញុំ។

បវេសនកាលថ្មី ឆ្នាំសិក្សា2018-2019 នឹងចូលរៀនថ្ងៃទី3 ខែកញ្ញា ឆ្នាំ2018 “ចុះឈ្មោះបុត្រធីតានៅថ្ងៃនេះ ដើម្បីទទួលបានការសិក្សាទាំងគ្រួសារ” និងសម្រាប់ព័ត៌មានលម្អិតសូមទំនាក់ទំនងយើងខ្ញុំតាមរយៈទូរស័ព្ទលេខ 092 888 499 ៕

August 16, 2018

ពិតជាមានមោទនភាពខ្លាំងណាស់ដែលខ្មែរមានសមត្ថភាពក្នុងការផលិតនូវផលិតផលមានគុណភាពខ្ពស់ជាងផលិតផលនាំចូលពីប្រទេសមួយចំនួន

ភ្នំពេញ៖ ក្រុមហ៊ុន KHH គឺជាក្រុមហ៊ុនផលិតក្នុងស្រុកមួយនាំមុខគេនៅក្នុងប្រទេសកម្ពុជា ដែលថ្មីៗនេះក្រុមហ៊ុន បានទទួលនូវវិញ្ញាបនបត្រ ISO 9001: 2015 សម្រាប់គ្រប់ផលិតផលរបស់ខ្លួនដែលបានផលិត និងកំពុងដំណើរការនៅលើទីផ្សារសព្វថ្ងៃ ដូចជាផលិតផលប្រើប្រាស់ផ្ទាល់ខ្លួន និងផលិតផលប្រើប្រាស់នៅក្នុងផ្ទះ ផលិតផលទាំងនោះមានដូចជា សាប៊ូកក់សក់ម៉ាកក្លិន សាប៊ូលាងខ្លួនម៉ាកក្លិន សាប៊ូលាងដៃម៉ាកក្លិន សាប៊ូលាងចានម៉ាកស្អាត និងសាប៊ូលាងចានម៉ាកល្អ ព្រមទាំងផលិតផលលាងសម្អាតទូទៅ ដូចជា សាប៊ូសម្អាតការ៉ូ សាប៊ូបោកសម្លៀកបំពាក់ ទឹកក្រអូប និងសាប៊ូសម្អាតទូទៅសម្រាប់ប្រើក្នុងសណ្ឋាគារ ភោជ្ជនីដ្ឋាន ហាងកាហ្វេ និងកន្លែងផ្សេងៗផងដែរ ដែលបានទទួលស្គាល់គុណភាពស្ដង់ដារអន្តរជាតិ។

គ្រប់ផលិតផលរបស់ក្រុមហ៊ុន KHH ទាំងអស់បានផលិតដោយប្រើរូបមន្ត និង បច្ចេកវិទ្យាមកពីប្រទេសកូរ៉េ ជាមួយនឹងក្រុមអ្នកជំនាញក្នុងឧស្សាហកម្មនេះ គឺលោក Lee Sukho និងលោក Lee Hoon ដែលពួកគាត់មានបទពិសោធន៍នៅប្រទេសកូរ៉េ អស់រយៈពេលជាង 30 ឆ្នាំមកហើយ ។

ក្រុមហ៊ុន KHH មានអាជ្ញាប័ណ្ណត្រឹមត្រូវ និងបាននាំចូលវត្ថុធាតុដើមពីប្រទេសកូរ៉េ ដែលមានលិខិតបញ្ជាក់ និងបានធ្វើការសាកល្បងយ៉ាងម៉ត់ចត់ពីក្រសួងឧស្សាហកម្ម និងសិប្បកម្ម ដើម្បីឱ្យប្រាកដថា អតិថិជននឹងទទួលបាននូវភាពរីករាយជាមួយបទពិសោធន៍ល្អឥតខ្ចោះ នៅពេលបានប្រើប្រាស់ផលិតផលរបស់ខ្លួន។ក្រុមហ៊ុនបានប្រតិបត្តិការយ៉ាងតឹងរឹងអនុវត្តតាមស្ដង់ដារអន្ដរជាតិដើម្បីបង្កើតផលិតផលដែលមានគុណភាពគួរជាទីទុកចិត្តជូនដល់ប្រជាពលរដ្ឋខ្មែរគ្រប់រូប។

ថ្ងៃទី 15 ខែសីហា ឆ្នាំ 2018 ក្រុមហ៊ុន KHH បានផ្តល់ឱកាសដល់សិស្សនិស្សិតចំនួន 90នាក់ដែលមកពីសាកលវិទ្យាល័យជាតិគ្រប់គ្រង ដើម្បីចុះទស្សនកិច្ចសិក្សាក្នុងគោលបំណងបំផុសគំនិតដល់សិស្សនិស្សិតជំនាន់ក្រោយឱ្យពួកគាត់មានទំនុកចិត្ត និង ភាពជឿជាក់លើសមត្ថភាពខ្លួនឯងក្នុងការបង្កើតផលិតផលថ្មី ដែលជារបស់ខ្លួននាពេលអនាគត ក្នុងការប្រកួតប្រជែង ជាមួយផលិតផលនាំចូលពីបរទេស និស្សិតនឹងទទួលបានបទពិសោធន៍នៃភាពជាសហគ្រិន ទស្សនាខ្សែចង្វាក់ផលិតកម្ម របៀបក្នុងការរៀបចំអាជីវកម្ម និង ក្រុមហ៊ុនយើងមានផ្តល់ឱកាសការងារដល់និស្សិតដែលមានទេពកោសល្យផងដែរ។

គួរបញ្ជាក់ផងដែរថា នាពេលខាងមុខនេះ ក្រុមហ៊ុនក៏មានគំរោងចែកចាយទៅតាមបណ្តាប្រទេសនៅតំបន់អាស៊ី និងអឺរ៉ុប ផងដែរបន្ទាប់ពីទទួលបាននូវការគាំទ្រពីសំណាក់ប្រជាពលរដ្ឋខ្មែរយើងទាំងក្នុងនិងក្រៅប្រទេសអស់រយៈពេលជាង៣ឆ្នាំមកនេះ។

សម្រាប់សាលាដែលមានបំណងនាំសិស្សនិស្សិតចុះទស្សនកិច្ចសិក្សា សូមទំនាក់ទំនង៖
ក្រុមហ៊ុន ខ្មែរ ហៅហូល & ហ៊ែលឃែរ
ផ្ទះលេខ ៦១៦ ផ្លូវពេទ្យសត្វ ភូមិទ្រា សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ, ព្រះរាជាណាចក្រកម្ពុជាទូរស័ព្ទ: +៨៥៥ (០)២៣ ៩៨៥ ៧៦៤ / ៨៩ ៥១៧ ៣៦៦

August 15, 2018

កំពូលកម្មវិធីចម្អិនអាហារលំដាប់ពិភពលោក Master Chef Khmer ចាប់បញ្ចាំងលើស្ថានីយទូរទស្សន៍ ស៊ីធីអិន ថ្ងៃអាទិត្យនេះហើយ

ការប្រកួតប្រជែងចំអិនម្ហូបអាហារដ៏ធំបំផុត និងជោគជ័យបំផុតលំដាប់ថ្នាក់លើពិភពលោកដែលនាំមកជូនលោកអ្នកដោយស្រាបៀ GANZBERG នឹងត្រូវបានចាក់ផ្សាយនៅថ្ងៃអាទិត្យទី 19 ខែ សីហា ឆ្នាំ 2018 នៅលើទូរទស្សន៍ ស៊ីធីអិន វេលាម៉ោង 8 យប់នេះហើយ។ អ្នកចូលរួមប្រកួតប្រជែងចំនួន 25 រូបនឹងត្រូវបានបង្ហាញថ្វីដៃដ៏ប៉ិនប្រសប់របសើពួកគេដែល និងត្រូវប្រកួតប្រជែងគ្នារៀងរាល់សប្តាហ៍ដើម្បីមានឱកាសក្លាយជាអ្នកចម្អិនម្ហូបអាហារផ្ទះល្វែងធំបំផុតនៅកម្ពុជា និងទទួលបានរង្វាន់ធំជាទឹកប្រាក់ $ 50,000 (ប្រាំម៉ឺនដុល្លារ) ។

អស់រយៈពេលជាច្រើនឆ្នាំមកហើយដែលមាន Master Chef ជាច្រើននៅក្នុងសហរដ្ឋអាមេរិក អូស្ត្រាលី បារាំង អាស៊ី និងសូម្បីតែ Junior ប៉ុន្តែពេលនេះកម្ពុជាមានកិត្តយសបានផលិតនៅកម្មវិធីដ៏អស្ចារ្យនេះ គឺ Master Chef Khmer។ រៀងរាល់សប្ដាហ៍ពួកគេនឹងត្រូវបានវាយតម្លៃដោយចៅក្រមដ៏ពិសេសមួយគឺមេចុងភៅ Jessica ម្ចាស់ភោជនីយដ្ឋាន Kuy Teav លោក Nara ជាចុងភៅនៅឯសណ្ឋាគារ Raffles Hotel Le Royal និង លោក Rithy ជាមេចុងភៅនៅភោជនីយដ្ឋាន One More ។

នៅក្នុងរដូវកាលទី 1 នេះ នឹងមានឈុតពិសេសៗសរុបចំនួន 25 ឈុត ដែលនិងចាក់ផ្សាយរៀងរាល់ ថ្ងៃអាទិត្យ នៅវេលាម៉ោង 8 យប់នៅស្ថានីយទូរទស្សន៍ ស៊ីធីអិន តែមួយគត់។ អ្នកចូលរួមប្រកួតប្រជែងមានចំនួន 25 នាក់ ដែលបេក្ខជននិមួយៗត្រូវបែងចែកជាក្រុម ឬ ប្រកួតជាទោលទៅតាមវិញ្ញាសារដែល Judge ដាក់ឱ្យ ដូចនេះបេក្ខជនមួយរូបនិងត្រូវចាកចេញពីកម្មវិធីជារៀងរាល់សប្តាហ៍នៅវគ្គនីមួយៗរហូតដល់ជម្រុះពួកគេនៅសល់តែម្នាក់ដើម្បីឈ្នះពានរង្វាន់មេផ្ទះដ៏ល្អបំផុតនៅកម្ពុជា។

គួរបញ្ជាក់ថា ប្រជាជនកម្ពុជាទាំងមូលមានចិត្តរំភើបខ្លាំងចាប់តាំងពីការប្រកាសកាលជ្រើសរើសបបេក្ខជនតាំងពី ខែឧសភា ឆ្នាំមុនរួចមកហើយបានរង់ចាំយ៉ាងអន្ទះសារ។ បន្ទាប់ពីបានស្វែងរកបេក្ខជនជាច្រើនរូបដែលមានសមត្ថភាពចម្អិនម្ហូបមានរសជាតិឆ្ងាញ់ចំនួន 25នាក់ ដែលត្រូវបានជ្រើសរើសពីមនុស្សជាង 1000 នាក់។ ដូចនេះសូមកុំភ្លេចរង់ចាំទស្សនាកម្មវិធីលំដាប់ថ្នាក់ពិភពលោកនេះគឺ Master Chef Khmer មាននៅស្ថានីយទូរទស្សន៍ CTN តែមួយគត់ វេលាម៉ោង 8យប់ នារាត្រីថ្ងៃអាទិត្យ៕

August 15, 2018

Category: PR