Category: PR

មូលនិធិចេនឡាកម្ពុជា សហការជាមួយ ម័រ៉ាកខហ្វើលហ្វាយសង្ហិបុរី ទិញកង់ សម្ភារៈសិក្សា និងសំលៀកបំពាក់ ជូនបងប្អូនខ្មែរតាមបណ្ដាខេត្តមួយចំនួន
កាលពីថ្ងៃ 02 ដល់ថ្ងៃទី06 ខែកញ្ញា ឆ្នាំ2018 មូលនិធិចេនឡាកម្ពុជា (Chenla Foundation Cambodia) និងម័រ៉ាកលហ្វើលហ្វាយ (Miracles Worldwide Singapore) បានប្រមូលថវិកាជាង 25000ដុល្លារអាមេរិក ដើម្បីទិញកង់ចំនួន 500គ្រឿង សម្ភារៈសិក្សា សម្លៀកបំពាក់ និងសម្ភារៈក្មេងលេង ចែកជូនដល់ប្អូនៗសិស្សានុសិស្ស និងប្រជាពលរដ្ឋកម្ពុជាយើង នៅចំនួន 5 កន្លែងរួមមាន អង្គការផ្ទះបាយកុមារ (LRDE) ភ្នំពេញ, វិទ្យាល័យជាស៊ីមប្រលាយ ស្រុកស្ទោង ខេត្តកំពង់ធំ, ក្រុងសែនមនោរម្យ ខេត្តមណ្ឌលគីរី, បឋមសិក្សាគីរីរម្យ ខេត្តកំពង់ស្ពឺ និង ស្រុកកំពង់ត្រាច ខេត្តកំពត។
លោក ង៉ោ ប៉េងទី ដែលជាស្ថាបនិក និងជាប្រធានមូលនិធិចេនឡាបានមានប្រសាសន៍ថា កង់បានចូលរូមចំណែកជួយសម្រួលដល់សិស្សានុសិស្សដែលជួបបញ្ហាគ្មានមធ្យោបាយធ្វើដំណើរទៅសាលារៀន។
លោកបានបន្តទៀតថាមូលនិធិចេនឡា បានបង្កើតឡើងនៅថ្ងៃទី 09 ខែកុម្ភៈ ឆ្នាំ 2016 ដោយផ្តោតទៅលើ3 ផ្នែកសំខាន់ៗគឺ អាហារ ការអប់រំ និង សុខភាព។ បច្ចុប្បន្ននេះ មូលនិធិចេនឡាមានសកម្មភាពចែកអាហារជាប្រចាំ សប្តាហ៍ នៅមុខសាលាអន្តរជាតិខេរីដ រៀងរាល់ថ្ងៃសៅរ៍ ប្រចាំខែចែក កង់3 ទៅ 5 គ្រឿង និងកញ្ចប់ថវិកាប្រមាណ 1000ដុល្លារអាមេរិក ជូនដល់អង្គការផ្ទះបាយកុមារជារៀងរាល់ខែផងដែរ។
ក្រៅពីនេះមូលនិធិចេនឡាបានផ្តល់អង្ករ សម្ភារៈសិក្សា ថ្នាំពេទ្យ វ៉ែនតា ទៅប្រជាពលរដ្ឋ អង្គការ និង សាលានានាផងដែរ។មូលនិធិចេនឡា តែងតែគៀងគង សប្បុរសជន និង អង្គការបរទេស ដើម្បី ចូលរួមចំណែកជួយសង្គមជាតិ៕

September 15, 2018
កម្មវិធីសិក្ខារសាលា ការចាប់ដៃគូពាណិជ្ជកម្ម និងពិធីសម្ពោធកម្មវិធីមហោស្រពភាពយន្តថៃលើកទី3 ឆ្នាំ2018
ក្រោយពីបានទទួលការគាំទ្រយ៉ាងច្រើនពីសំណាក់ទស្សនិកជននៅប្រទេសកម្ពុជាក្នុងការទស្សនាខ្សែភាពយន្ដថៃ ស្ថានតំណាងពាណិជ្ជកម្ម ប្រចាំស្ថានឯកអគ្គរាជទូតថៃនៅរាជធានីភ្នំពេញ បានរៀបចំកម្មវិធីសិក្ខារសាលា និងការចាប់ដៃគូពាណិជ្ជកម្ម ស្តីពីការផលិតខ្សែភាពយន្តនៅសាលប្រជុំ AEON Hall និងរោងកុន Major Cineplex ស្ថិតនៅផ្សារទំនើប AEON សែនសុខ កាលពីថ្ងៃទី13 ខែកញ្ញា ឆ្នាំ2018កន្លងទៅថ្មីៗនេះ។
លោក ជីរ៉ាវុឍ សុណ្ណាអាត អគ្គទីប្រឹក្សាពាណិជ្ជកម្ម ប្រចាំស្ថានឯកអគ្គរាជទូតថៃនៅរាជធានីភ្នំពេញបានមានប្រសាសន៍ថា “កម្មវិធីមហោស្រពភាពយន្តថៃលើកទី3 ឆ្នាំ2018នេះ ធ្វើឡើងក្នុងគោលបំណង ដើម្បីជំរុញកិច្ចសហប្រតិបត្តិការរវាងអ្នកផលិតខ្សែភាពយន្ត និងបណ្តាក្រុមហ៊ុងដែលពាក់ព័ន្ធជាមួយវិស័យឧស្សាហកម្មភាពយន្តរបស់ប្រទេសកម្ពុជា និងថៃ។ នៅថ្ងៃនេះផងដែរ ក៏មានកម្មវិធីសិក្ខាសាលា និងការចាប់ដៃគូពាណិជ្ជកម្ម ដែលជាវេទិការដ៏សំខានក្នុងការចែករំលែកបទពិសោធន៍ស្តីអំពីបច្ចេកទេសនៃការថត និងកាត់តភាពយន្តពីអ្នកជំនាញដូចជា អ្នកផលិតភាពយន្ត អ្នកដឹកនាំសម្តែង និងអ្នកដែលមានបទពិសោធក្នុងវិស័យភាពយន្តមកពីប្រទេសទាំង2”។
ក្នុងកម្មវិធីសិក្ខារសាលានេះ ក៏មានវត្តមានវាគ្មិន2រូបមកពីប្រទេសថៃ ដែលពួកគាត់មានបទពិសោធជាច្រើនក្នុងការផលិតខ្សែភាពយន្ត មកធ្វើបទបង្ហាញស្ដីអំពី Short Film និង Special Effects ទៅកាន់សិស្សនិសិត្សមកពីសកលវិទ្យាល័យមួយចំនួនដែលមានដូចជា និស្សិតមកពី PSE សកលវិទ្យាល័យភូមិន្ទភ្នំពេញ និងសមាគមផលិតខ្សែភាពយន្ត ដើម្បីបង្ហាញពីបច្ចេកទេសផលិតខ្សែភាពយន្តដោយឥតគិតថ្លៃផងដែរ។ លើសពីនេះទៅទៀតក៏មានកម្មវិធី ចាប់ដៃគូពាណិជ្ជកម្មផ្នែកវិស័យភាពយន្ត ដែលមានការចូលរួមពីផលិតករ អ្នកដឹកនាំសម្តែង ម្ចាស់អាជីវកម្ម ដើម្បីចែករំលែកបទពិសោធ បច្ចេកទេស និងសហការចាប់ដៃគូពាណិជ្ជកម្មក្នុងការផលិតខ្សែភាពយន្ត ឬស្ពតពាណិជ្ជកម្មផ្សេងៗឱ្យមានគុណភាព។
នៅក្នុងថ្ងៃបើកសម្ពោធកម្មវិធីមហោស្រពភាពយន្តថៃលើកទី3 នេះ ក៏មានវត្តមានគណៈធិបតី ឯកឧត្តម សោម សុគន្ធ រដ្ឋលេខាធិការក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា ឯកឧត្តម ប៉ាន់យ៉ារ៉ាក់ ភូនសាប់ ឯកអគ្គរាជទូតថៃប្រចាំព្រះរាជាណាចក្រកម្ពុជា និងសិល្បករ សិល្បការិនីខ្មែរ និងថៃជាច្រើនរូបចូលរួមជាភ្ញៀវកិត្តិយសផងដែរ។
លោក ជីរ៉ាវុឍ សុណ្ណាអាត អគ្គទីប្រឹក្សាពាណិជ្ជកម្ម ប្រចាំស្ថានឯកអគ្គរាជទូតថៃនៅរាជធានីភ្នំពេញបានមានប្រសាសន៍ថា “ខ្សែភាពយន្តថៃចំនួន4រឿងដែលនឹងយកមកចាក់បញ្ចាំងជូនទស្សនាដោយឥតគិតថ្លៃនៅក្នុងរោងភាពយន្ត Major Platinum Cineplex Hall 3 ផ្សារទំនើប AEON សែនសុខ ដែលអាចផ្ទុកទស្សនិជនបានចំនួន266នាក់ក្នុងមួយលើក។
រឿងទី1 ដែលនឹងចាក់បញ្ចាំងនៅថ្ងៃទី13 ខែកញ្ញា ឆ្នាំ2018 នៅម៉ោង7ល្ងាច មានចំណងជើងថា “Memories of New Year” (អនុស្សាវរីយ៍ថ្ងៃចូលឆ្នាំ) ដែលរឿងនេះបានសម្តែងរួមគ្នាដោយតារាសម្តែងមកពីប្រទេសចំនួន4 ដូចជាប្រទេសកម្ពុជា ថៃ ឡាវ និងមីយ៉ាន់ម៉ា។ រឿងទី2 រឿង“Premika Parab” (ខារ៉ាអូខេមរណៈ) ចាក់បញ្ចាំងជូនទស្សនានៅថ្ងៃទី14 ខែកញ្ញា ឆ្នាំ2018 ម៉ោង7ល្ងាច។ រឿងទី3 រឿង“Siam Square” (ខ្មោចស្រីចាំអគារ) ចាក់បញ្ចាំងជូនទស្សនានៅថ្ងៃទី15 ខែកញ្ញា ឆ្នាំ2018 ម៉ោង12 ថ្ងៃត្រង់។ និងរឿងទី4 រឿង “Som Pak Sian (E-Sarn Love Story)” (រដឺនខកស្នេហ៍) ចាក់បញ្ចាំងជូនទស្សនា នៅថ្ងៃទី16 ខែកញ្ញា ឆ្នាំ2018 ម៉ោង12ថ្ងៃត្រង់៕

September 14, 2018
រីករាយជាមួយនឹងកម្មវិធី Sparkling Thursday Ladies Night នៅភោជនីយដ្ឋាន និងស្កាយបារ Sora ស្ថិតនៅជាន់ទី37 នៃសណ្ឋាគារ Rosewood ភ្នំពេញ
ចាប់ពីថ្ងៃព្រហស្បតិ៍ ទី30 ខែសីហា ឆ្នាំ2018 នេះទៅ នារីៗទាំងអស់អាចរីករាយជាមួយនឹងការកម្សាន្ត និងទទួលទានស្រា Prosecco ដោយសេរីពីម៉ោង8យប់រហូតដល់ម៉ោង10យប់ រៀងរាល់ថ្ងៃព្រហស្បតិ៍ ប្រកបដោយរសជាតិឆ្ងាញ់ និងស្រទន់ស័ក្តិសមជាមួយនឹងនារីៗសម័យថ្មី ដោយគ្រាន់តែជាវសំបុត្រចូលរួមនៅក្នុងកម្មវិធីដ៏ពិសេស “Sparkling Thursday” ដែលមានតម្លៃត្រឹមតែ10ដុល្លារតែប៉ុណ្ណោះ អ្នកអាចរីករាយជាមួយនឹងបរិយាកាសដ៏ល្អនៅលើដំបូលអគារ Vattanac Capital ដ៏ស្កឹមស្កៃ ជាន់ទី37 គឺ Sora Sky Bar ដែលស្ថិតនៅក្នុងសណ្ឋាគារលំដាប់អន្តរជាតិ Rosewood។
កម្មវិធីថ្មីនេះ ធ្វើឡើងដើម្បីឱ្យនារីៗទាំងអស់អាចជួបជុំជាមួយមិត្តភក្តិយ៉ាងរីករាយនាយប់ថ្ងៃព្រហស្បតិ៍ ជាមួយនឹងបរិយាកាសដ៏ល្អបរិសុទ្ធ និងរីករាយជាមួយនឹងទេសភាពនាពេលរាត្រីដ៏ស្រស់ស្អាតនៅចំកណ្តាលរាជធានីភ្នំពេញ។
ដូច្នេះចាប់ពីថ្ងៃនេះទៅ នារីៗទាំងអស់អាចរីករាយជាមួយនឹងមិត្តភក្តិនៅរៀងរាល់រាត្រីថ្ងៃព្រហស្បតិ៍ ជាមួយនឹងការទទួលទានស្រាដ៏ល្អ និងមានរសជាតិស្រទន់ ដោយសេរីនៅលើដំបូលសណ្ឋាគារ Rosewood នៅ Sora Sky Bar ស្ថិតនៅជាន់ទី37 ដ៏អស្ចារ្យ និងស្រស់ស្អាតបំផុតនៅក្នុងរាជធានីភ្នំពេញ៕

September 11, 2018
ការប្រារព្វម្មវិធី Cambodia Successful Brand Awards 2018/19 នៅសណ្ឋាគារ Sofitel Phnom Penh Phokeethra
មានក្រុមហ៊ុនល្បីៗជាច្រើននឹងត្រូវបង្ហាញខ្លួននៅក្នុងប្រទេសកម្ពុជាក្នុងកម្មវិធី Cambodia Successful Brand Awards ដែលជាពានរង្វាន់ លើកដំបូងដែលបានផ្តួចផ្តើមដោយក្រុនមហ៊ុន Brands Alliance International ។
ជាមួយនឹងគោលដៅដើម្បីធ្វើឱ្យអាជីវកម្មសហគ្រាសខ្នាតតូចនិងមធ្យមនៅកម្ពុជាទទួលបានការទទួលស្គាល់ ក៏ដូចជាបង្កើនកេរ្តិ៍ឈ្មោះសម្រាប់ អាជីវកម្មដែលទទួលបានជោគជ័យតាមរយៈវេទិកានេះ ក្រុមហ៊ុន Brands Alliance International មានមោទនភាព និងកិត្តិយស ជាខ្លាំងក្នុង ការចែករំលែកនៃដំណើររឿងរបស់សហគ្រិនទាំងអស់ដើម្បីជម្រុញ និងបណ្ដុះគំនិត ដល់យុវជនជំនាន់ក្រោយ។
ព្រឹត្តិការណ៍នេះជាពន្លឺ ដែលបង្ហាញពីការទទួលស្គាល់ អាជីវកម្មក្នុងស្រុក និងក្រៅប្រទេសដែលត្រូវបាននាំចូលមកកម្ពុជា ដែលនឹងនាំមកនូវការកើនឡើងនូវទំនុកចិត្ត ការគាំទ្រនិងភាពស្មោះត្រង់របស់អតិថិជន។ ជាមួយនឹងមានវត្តមានរបស់ លោក ជំទាវ ម៉ែនសំអន ឧបនាយករដ្ឋមន្រ្តី នៃព្រះរាជាណាចក្រកម្ពុជាជាភ្ញៀវកិត្តិយសរបស់យើង ពួកយើងជឿជាក់ថាសាធារណៈជន ទាំងអស់ គួរតែមាន ឱកាសចូលរួមធ្វើជាសាក្សីក្នុងកម្មវិធីដ៏ឪឡារិកនេះ។
ពិធីប្រគល់ពានរង្វាន់នេះនឹងប្រព្រឹត្តទៅនៅសណ្ឋាគារ Sofitel Phnom Penh Phokeethra នៅថ្ងៃទី 21 ខែកញ្ញាឆ្នាំ 2018 ចាប់ពីម៉ោង 6 ល្ងាចដល់ម៉ោង 10 យប់។ លោកអ្នកក៏អាចអាច ទិញសំបុត្រ សម្រាប់ការចូលរួមផងដែរ។
September 10, 2018
ព្រឹត្តិការណ៍ប្រកួតគូរគំនូរថ្នាក់ជាតិ «2018 National Art Competition» បានខិតជិតមកដល់ហើយ!!!
នៅសល់តែប៉ុន្មានថ្ងៃទៀត កម្មវិធីការប្រកួតគូរគំនូរថ្នាក់ជាតិ «2018 National Art Competition» ដែលរៀបចំឡើងដោយ Global Art Cambodia នឹងចាប់ហើយ ដោយមានដៃគូរចូលរួមសហការជាច្រើន។
កម្មវិធី «2018 National Art Competition» នឹងត្រូវធ្វើឡើងនៅថ្ងៃទី 16 ខែកញ្ញាខាងមុខនេះចាប់ពីម៉ោង 9ព្រឹក រហូតដល់ម៉ោង 5ល្ងាច នៅផ្សារទំនើប AEON Mall Sen Sok។
កម្មវិធីនេះផងដែរ គឺត្រូវបានចូលរួមប្រកួតដោយក្មេងៗដែលមានទេព្យកោសលខាងគូរគំនូរ និងត្រូវបានចែកជា 3ក្រុម ដោយក្រុមទី1 គឺក្មេងៗដែលមានអាយុពី 4ដល់ 6ឆ្នាំ, ក្រុមទី2 ក្មេងៗដែលមានអាយុពី 7ដល់ 9ឆ្នាំ និងក្រុមទី3 ក្មេងៗដែលមានអាយុចាប់ពី 10 ដល់18ឆ្នាំ៕
September 10, 2018
ខ្លាំងមែន! TrueMoney ធ្វើឱ្យការទិញសំបុត្រកុនរបស់លោកអ្នកកាន់តែមានភាពងាយស្រួល
ព្រឹត្តិការណ៍ដ៏កក្រើកមួយបានកើតឡើងកាលពីថ្ងៃទី07 ខែកញ្ញា ថ្មីៗនេះ ដែលរៀបចំដោយក្រុមហ៊ុនវេរលុយដ៏ធំមួយនៅប្រទេសកម្ពុជាគឺ TrueMoney សហការជាមួយរោងភាពយន្ត Major Cineplex by Smart នៅផ្សារទំនើប AEON Mall ភ្នំពេញ។
ភ្ញៀវសំខាន់ៗ តារាល្បីៗ រួមទាំងអ្នកគាំទ្រជាច្រើនរូបលើសពីមួយពាន់នាក់បានប្រមូលផ្តុំគ្នានៅជាន់ទី2 នៃផ្សារទំនើប AEON Mall ភ្នំពេញ ក្នុងព្រឹត្តិការណ៍សម្ពោធជាផ្លូវការនៃរោងភាពយន្ត 4DX by TrueMoney និងការដាក់ឱ្យប្រើប្រាស់ជាផ្លូវការមុខងារថ្មីក្នុងការទិញសំបុត្រកុនតាមរយៈទូរសព្ទដៃ ដោយសូម្បីតែតួឯកល្បីនៅក្នុងរឿង “ផ្កាថ្ម” លោក ណាឃុន ក៏បានប្រើប្រាស់កម្មវិធី TrueMoney នេះផងដែរ។
អគ្គនាយក ក្រុមហ៊ុន ទ្រូម៉ាន់នី លោក គង់ មាន បានមានប្រសាសន៍ថា “គិតមកដល់ពេលនេះ មានអ្នកកំពុងប្រើប្រាស់កម្មវិធី TrueMoney រហូតដល់ជាង15ម៉ឺននាក់ហើយ។ ពួកគាត់កាត់បន្ថយការដាក់លុយច្រើនតាមខ្លួន ដោយប្តូរមកចាយលុយកាន់តែទំនើបតាមរយៈកម្មវិធីនៅក្នុងទូរសព្ទដៃវិញ ព្រោះវាមានភាពងាយស្រួល ចំណេញពេលវេលា ព្រមទាំងទទួលបានការបញ្ចុះតម្លៃច្រើនទៀតផង។
“ទ្រូម៉ាន់នី មានភ្នាក់ងារច្រើនជាង6000 ទូទាំងខេត្តក្រុងគ្រប់ទីកន្លែង ដែលអ្នកប្រើប្រាស់កម្មវិធី TrueMoney អាចទៅដាក់លុយទុកចាយបានគ្រប់ពេលវេលា” លោកបានបន្ថែមយ៉ាងដូច្នេះ។
ប្អូនស្រី នីតា ដែលកំពុងតែត្រេកអរ ដែលឈ្នះសំបុត្រចូលទស្សនារឿង “Mission Impossible” បែប 4DX ដោយគិតថ្លៃ បាននិយាយថា “ការប្រើប្រាស់កម្មវិធី TrueMoney នៅក្នុងទូរសព្ទដៃនេះគឺពិតជាងាយស្រួលខ្លាំងមែនទែន ជាពិសេសនាងខ្ញុំពេញចិត្តនឹងការបញ្ចូលលុយទូរស័ព្ទតាម TrueMoney ព្រោះនាងខ្ញុំទិញកាត $5 ទទួលបាន1ម៉ឺនរៀលមកវិញ។ និយាយរួមចំណេញបាន1ម៉ឺនរៀល។
បើតាមការបញ្ជាក់ពីប្រធានផ្នែកទីផ្សារនៃក្រុមហ៊ុនទ្រូម៉ាន់នី លោក ឈន់ សកល បានឱ្យដឹង ថា “សម្រាប់មុខងារទិញសំបុត្រតាមទូរស័ព្ទដៃ គឺអតិថិជនចំណេញបាន2យ៉ាង ទី1 ចំណេញពេលវេលា មានន័យថា អតិថិជនមិនចាំបាច់តម្រង់ជួរ ហើយត្រូវអស់កៅអីល្អៗនោះទេ ទី2 គឺចំណេញលុយ ព្រោះរាល់ការទិញសំបុត្រតាម TrueMoney អតិថិជនចំណេញបានការបញ្ចុះតម្លៃរហូតដល់25%ឯណោះ។
នេះគឺជាជោគជ័យថ្មីមួយទៀតរបស់ TrueMoney ដែលបានពង្រីកសក្តានុពលរបស់ខ្លួនក្នុងការផ្តល់ជូនអតិថិជននូវសេវាថ្មីៗបន្ថែមទៀត។ អតិថិជនអាចចាយលុយតាមប្រព័ន្ធអេឡិចត្រូនិកដោយប្រើកម្មវិធីនៅក្នុងទូរស័ព្ទដៃជាមួយអត្ថប្រយោជន៍ដ៏សម្បូរបែប។ លោកអ្នកអាចទាញយកកម្មវិធី TrueMoney មកប្រើប្រាស់ដោយចូលទៅកាន់ App Store ឬ Play Store ដើម្បីទាញយកកម្មវិធី TrueMoney សូមចុច https://bit.ly/2NiWWzz ៕

September 8, 2018
ឈ្នះដំណើរកម្សាន្តទៅប្រទេសថៃដោយគ្រាន់តែជាវទំនិញ ឬសេវាកម្មណាមួយពីក្រុមហ៊ុន Star Auto Cambodia
ក្រុមហ៊ុន ស្តារ អូតូ ខេមបូឌា (Star Auto Cambodia) កំពុងរៀបចំកម្មវិធីចាប់រង្វាន់ពិសេសសម្រាប់អតិថិជន ក៏ដូចជាសាធារណជន គឺដំណើរកម្សាន្តសម្រាប់មនុស្ស 2នាក់ទៅទីក្រុងបាងកក។ កម្មវិធីនេះចាប់ផ្តើមពីថ្ងៃទី1 ខែកញ្ញា ដល់ថ្ងៃទី5 ខែតុលា ឆ្នាំ2018។
បើតាមលោក ឃុន ចាន់ថា នាយកគ្រប់គ្រងផ្នែកលក់ និងទីផ្សារនៃក្រុមហ៊ុន ស្តារ អូតូ ខេមបូឌា ដើម្បីមានឱកាសឈ្នះដំណើរកម្សាន្តដ៏រីករាយនេះអតិថិជនគ្រាន់តែអញ្ជើញទៅកាន់អគារតាំងបង្ហាញរថយន្ត Mercedes-Benz ដែលស្ថិតនៅតាមបណ្តោយផ្លូវ 60ម៉ែត្រ ចាប់ពីថ្ងៃទី1 ខែកញ្ញា រហូតដល់ថ្ងៃទី5 ខែតុលា ឆ្នាំ2018 ហើយជាវវត្ថុអនុស្សាវរីយ៍ ឬទៅទទួលយកសេវាកម្មណាមួយពីក្រុមហ៊ុន ស្តារ អូតូ ខេមបូឌា ដោយចំណាយត្រឹម 1ដុល្លារឡើងទៅប៉ុណ្ណោះ លោកអ្នកនឹងទទួលបានឆ្នោតមួយសន្លឹកសម្រាប់ផ្សងសំណាង។
លោក ឃុន ចាន់ថា បានបញ្ជាក់ទៀតថា៖ «ទោះគាត់ទិញអស់ 1,000រៀល ក៏គាត់បានឆ្នោតមួយសន្លឹកសម្រាប់ផ្សងសំណាងដែរ ទិញឡានក៏បានឆ្នោតផ្សងសំណាងដែរ។ ទិញអ្វីក៏ដោយហើយអស់ទឹកប្រាក់ប៉ុន្មានក៏បានដែរ។ មកទិញម្តងបានសន្លឹកឆ្នោតមួយសន្លឹក។ ថ្ងៃក្រោយគាត់មកទិញទៀតបានមួយសន្លឹកទៀត»។
សូមបញ្ជាក់ថា រង្វាន់ដំណើរកម្សាន្តទៅទីក្រុងបាងកក ប្រទេសថៃដែលនឹងផ្តល់ជូនដោយក្រុមហ៊ុន Star Auto Cambodia នេះ រួមមានសំបុត្រយន្តហោះទៅមក(ភ្នំពេញ-បាងកក-ភ្នំពេញ) សម្រាប់មនុស្ស 2នាក់រួមនឹងការស្នាក់នៅសណ្ឋាគារលំដាប់ផ្កាយ5 ចំនួន 2យប់។ លើសពីនេះ Star Auto Cambodia ដែលជាក្រុមហ៊ុនតែមួយគត់ទទួលសិទ្ធិផ្តាច់មុខនាំចូល និងចែកចាយរថយន្ត Mercedes ប្រចាំប្រទេសកម្ពុជានឹងផ្តល់សាច់ប្រាក់សុទ្ធចំនួន 1,000ដុល្លារបន្ថែមទៀតសម្រាប់ការចំណាយលើការធ្វើដំណើរ និងការដើរទិញអីវ៉ាន់ផ្សេង។
សូមជម្រាបផងដែរថា រង្វាន់ដំណើរកម្សាន្ដនេះមានសុពលភាពត្រឹមដំណាច់ឆ្នាំ2018នេះប៉ុណ្ណោះមិនអាចបន្តទៅឆ្នាំបន្ទាប់បានឡើយ ហើយតម្លៃសំបុត្រយន្តហោះ និងសណ្ឋាគារមិនអាចប្តូរជាសាច់ប្រាក់បានទេ។ ប៉ុន្តែអ្នកឈ្នះរង្វាន់នៅតែអាចទទួលសាច់ប្រាក់ចំនួន 1,000ដុល្លារដដែល៕
September 7, 2018
កម្ចីអនាគត អេ អឹម ខេ ផ្ដល់ឱកាស 2 ឱ្យនិស្សិតក្រីក្រក្នុងពេលតែ1
ភ្នំពេញ៖ កម្ចីអនាគត គឺជាប្រភេទកម្ចីថ្មីមួយរបស់ អេ អឹម ខេ ក្នុងការគាំទ្រដល់អតិថិជនក្រីក្រ។ អតិថិជនអាចទទួលបានកម្ចីពី អេ អឹម ខេ ដើម្បីឱ្យកូនៗរបស់ពួកគាត់ មានឱកាសទទួលបានកម្រិតសិក្សាខ្ពស់ជាងមុន។ កម្ចីអនាគត គឺជាផ្នែកមួយនៃការយកចិត្តទុកដាក់មួយ របស់ អេ អឹម ខេ ទៅលើការអភិវឌ្ឍន៍ធនធានមនុស្សនៅកម្ពុជា តាមរយៈការអប់រំ ជាពិសេសផ្ដល់ឱកាសឱ្យសិស្ស និស្សិតក្រីក្រ មានឱកាសទទួលបានការសិក្សាខ្ពស់ជាងមុន។
អ្វីដែលពិសេស ក្រៅតែពីទទួលបានកម្ចី ដើម្បីឱ្យកូនៗបានបន្តការសិក្សានៅថ្នាក់មហាវិទ្យាល័យ ហើយកូនៗរបស់អតិថិជន នឹងទទួលបានឱកាសការងារពី អេ អឹម ខេ ថែមទៀតផង។
សូមអញ្ជើញទស្សនាកិច្ចសម្ភាសរបស់អ្នកស្រី ពាំង ពិសាខ នាយកប្រតិបត្តិ ធនធានមនុស្ស នៃអេ អឹម ខេ ដើម្បីស្វែងយល់បន្ថែមពីកម្ចីមួយនេះ៖
September 7, 2018
សន្និសីទសារព័ត៌មាន ស្ដីអំពី មហាស្រពភាពយន្តថៃ លើកទី3 ឆ្នាំ2018
ភ្នំពេញ៖ ថ្ងៃទី6 ខែកញ្ញា ឆ្នាំ2018 ក្រោយពីបានទទួលការគាំទ្រ យ៉ាងច្រើនពីសំណាក់ទស្សនិកជន នៅប្រទេសកម្ពុជា ក្នុងការទស្សនាខ្សែភាពយន្តភាគថៃ ស្ថានទូត តំណាងពាណិជ្ជកម្មប្រចាំស្ថានឯកអគ្គរាជ ទូតថៃនៅរាជធានីភ្នំពេញ នឹងរៀបចំមហាស្រព ភាពយន្តថៃ លើកទី3 ឆ្នាំ2018 (Thai Film Festival 2018) នៅកម្ពុជា ដែលនឹងរៀបចំឡើងចាប់ពីថ្ងៃទី13 ដល់ 16 ខែកញ្ញា ឆ្នាំ2018 នៅរោងភាពយន្ត Major Platinum Cineplex ស្ថិតនៅ ផ្សារទំនើប Aeon Mall សែនសុខ។
លោក ជីរ៉ាវុឍ សុវណ្ណាអាត អគ្គទីប្រឹក្សាពាណិជ្ជកម្ម ប្រចាំស្ថានឯកអង្គរាជទូតថៃ នៅរាជធានីភ្នំពេញបានថ្លែងក្នុងសន្និសីត សារព័ត៍មាននៅរសៀល ថ្ងៃទី6 ខែកញ្ញា ឆ្នាំ2018 នេះថាកម្មវិធី Thai Film Festival 2018 ធ្វើឡើងក្នុងគោលបំណង ដើម្បីជំរុញកិច្ចសហប្រតិបត្តិ ការរវាងអ្នកផលិតខ្សែរភាពយន្ត និងបណ្តាក្រុមហ៊ុនដែលពាក់ពន្ធ័ ជាមួយវិស័យ ឧស្សាហ៍កម្មភាពយន្ត របស់ប្រទេសកម្ពុជានិងថៃ។
នៅថ្ងៃដំបូង នៃការរៀបចំមហោស្រព ភាពយន្តថៃនេះ និងមានរៀបចំកម្មវិធី “ចាប់ដៃគូរពាណិជ្ជកម្ម” រវាងពាណិជ្ជករថៃ និង កម្ពុជា ដែលជាវេទិការដ៍សំខាន់ ក្នុងការចែករំលែកបទពិសោធន៍ និងបច្ចេកទេសនៃការថត និងការ កាត់តភាពយន្ត ពីអ្នកជំនាញដូចជា អ្នកផលិតភាពយន្ត អ្នកដឹកនាំសម្តែង និងអ្នកដែលមាន ទេពកោសល្យក្នុងវិស័យភាពយន្តមកពីប្រទេសទាំងពីរ។
លោក ជីរ៉ាវុឍ សុវណ្ណាអាត បានបន្តថា ខ្សែរភាពយន្តថៃ ចំនួន4រឿង ដែលនឹងយកមក ចាក់បញ្ចាំងជូនទស្សនា ដោយឥតគិតថ្លៃ នៅក្នុងរោងភាពយន្ត Major Platinum Cineplex Hall 3 ផ្សារទំនើប Aeon Mall សែនសុខ ដែលអាចផ្ទុកទស្សនិកជន បានចំនួន266នាក់ ក្នុងមួយ លើក។ រឿងទី1 ដែលនឹងចាក់ថ្ងៃទី13 ខែកញ្ញា ឆ្នាំ2018 នៅម៉ោង7ល្ងាច មានចំណងជើងថា “Memories of New Year ” (អនុស្សាវរីយ៍ថ្ងៃចូលឆ្នាំ) ដែលរឿងនេះបានសម្តែងរួមគ្នា ដោយតារាសម្ដែងមកពីប្រទេសចំនួន4 ដែលមានដូចជា ប្រទេសកម្ពុជា ថៃ ឡាវ និង មីយ៉ាន់ម៉ា។ រឿងទី2 រឿង “Premika Parab” (ខារ៉ាអូខេមរណៈ) ចាក់បញ្ចាំងជូនទស្សនា នៅថ្ងៃទី14 ខែកញ្ញា ឆ្នាំ2018 ម៉ោង7ល្ងាច។ រឿងទី3 រឿង “Siam square” (ខ្មោចស្រីចាំអាគារ) ចាក់បញ្ចាំងជូនទស្សនា នៅថ្ងៃទី15 ខែកញ្ញា ឆ្នាំ2018 ម៉ោង12ថ្ងៃត្រង់។ និងរឿងទី4 រឿង “ Som Pak Sian (E-Sarn Love Story)” (រដឺនខកស្នេហ៍) ចាក់បញ្ចាំងជូនទស្សនា នៅថ្ងៃទី16 ខែកញ្ញា ឆ្នាំ2018 ម៉ោង12ថ្ងៃត្រង់។
សូមជំរាបជូនថា ក្នុងថ្ងៃបើសម្ពោធកម្មវិធីមហោស្រពភាពយន្តថៃលើកទី3នេះ នឹងមាន តារាកិត្តិយសថៃ គឺលោក Chhakrit Yaemnam ដែលជាតួរសម្តែងក្នុងរឿង “Memories of New Year” និងកញ្ញា Kaimook ដែលជាតួសម្ដែងក្នុងរឿង “Som Pak Sian” ព្រមទាំងមានសិល្បករ សិល្បការិនី ប្រចាំប្រទេសកម្ពុជាជាច្រើនរូបចូលរួមជាភ្ញៀវកិត្តិយស ដែលកម្មវិធីសម្ពោធនេះ នឹងរៀបចំនៅរោងភាពយន្ត Major Platinum Cineplex ថ្ងៃទី13 ខែកញ្ញា ឆ្នាំ2018 វេលាម៉ោង 5ល្ងាច ស្ថិតនៅផ្សារទំនើប Aeon Mall សែនសុខ៕

September 7, 2018
ក្រុមហ៊ុន LG បង្ហាញទូរទស្សន៍ OLED 8K ដំបូងគេបង្អស់លើពិភពលោកព្រឹត្តិការណ៍ IFA
ក្រុមហ៊ុន LG ជាអ្នកឈានមុខគេស្រាប់ក្នុងការបង្កើតទូរទស្សន៍ OLED ដ៏ទំនើប ហើយឥឡូវនេះក៏បានបង្ហាញនូវទូរទស្សន៍ OLED 8K ទំហំ (7680 x 4320) ដំបូងគេបង្អស់នៅលើពិភពលោកនៅឯព្រឹត្តិការណ៍ IFA 2018 ។
ទូរទស្សន៍ LG 88 អុីញ OLED 8K មានលក្ខណះពិសេសបញ្ចេញពន្លឺដោយខ្លួនឯង 33 លានភីចសេលដើម្បីបង្កើត បានជាគុណភាពរូបភាពយ៉ាងច្បាស់ឥតឧបមា។
ជាមួយនិងទូរទស្សន៍ OLED ដែលចែកចាយក្នុងទីផ្សារនៅក្នុងឆ្នាំ 2018 រំពឹងទ្វេរដងនិងកើនដល់ជាង 9 លានគ្រាប់ក្នុងឆ្នាំ 2022 ។ ក្រុមហ៊ុន LG និងបន្តដើម្បីបង្កើនការចែកចាយទូរទស្សន៍ OLED និងធ្វើអោយមានតំរូវការទូរទស្សន៍ OLED កាន់តែច្រើនថែមទៀត។ ខណះពេលដែលទីផ្សារទូរទស្សន៍ OLED 8K ស្ថិតនៅក្នុងកម្រិតចាប់ផ្តើមនៅឡើយគេរំពឹងថាទូរទស្សន៍ OLED 8K នេះនិងកើនឡើងច្រើន ជាង5លានគ្រាប់នៅក្នុងឆ្នាំ 2022 ហើយក្រុមហ៊ុន LG ប្តេជ្ញាថានិងធ្វើអោយបច្ចេកវិទ្យានិងទីផ្សារទូរទស្សន៍ OLED 8K និងឈានមុខគេ។
ថ្វីបើអេក្រង់ LCD មានភាពទំនើបក៏ដោយ។ ជារឿយៗ OLED វិវដ្តន៍ខ្លួនទៅជាបច្ចេកវិទ្យាអេក្រង់ ជំនាន់ថ្មី។ពីព្រោះវាបញ្ចេញពន្លឺដោយខ្លួនឯងបំបាត់ពន្លឺផ្ទៃខាងក្រោយ។ទាំងនេះវាធ្វើអោយទូរទស្សន៍ទទួលបាននូវលទ្ធផលយ៉ាងល្អឥតខ្ជោះទាំងគុណភាពរូបភាពនិងការរចនា។
ក្រុមហ៊ុនLG មិនមែនត្រឹម តែមានលទ្ធភាពជាអ្នកនាំមុខលើបច្ចេកវិទ្យាទាំងនេះទេក៏ប៉ុន្តែក្រុមហ៊ុនក៏ជោគជ័យលើទីផ្សារផងដែរ។
លោក Brian Kwon នាយកក្រុមហ៊ុន LG Home Entertainment បានមានប្រសាសន៍ថា “ ទូរទស្សន៍ OLED 8K ដំបូងគេបង្អស់របស់ក្រុមហ៊ុន LG គឺជាស្នាដៃបច្ចេកវិទ្យាកំពូលនិងជាជំហានវិវត្តន៍បន្ទាប់ នៅក្នុងបច្ចេកវិទ្យាអេក្រង់ផងដែរ” ។ ទូរទស្សន៍ 4K OLED ដើរតួរនាទីយ៉ាងសំខាន់នៅក្នុងឧស្សាហកម្ម ទូរទស្សន៍ ហើយក្រុមហ៊ុន LG សង្ឃឹមយ៉ាងមុតមាំថា OLED 8K និងតួរយ៉ាងសំខាន់ដូចគ្នា៕
September 5, 2018