Category: PR

ស្រាបៀរអាន់ឆ័រនឹងចាប់រង្វាន់ផ្តាច់ព្រ័ត្រនៅថ្ងៃអាទិត្យចុងសប្តាហ៍នេះ
រាជធានីភ្នំពេញ៖ នៅថ្ងៃអាទិត្យទី 21 ខែតុលា ឆ្នាំ2018 ខាងមុខនេះ ស្រាបៀរអានឆ័រនឹងរៀបចំកម្មវិធីចាប់រង្វាន់លើកចុងក្រោយនៅស្ថានីយទូរទស្សន៍ PNN ក្នុងកម្មវិធីតន្រ្តី Anchor Fun Zone ដើម្បីផ្តល់រង្វាន់លាភមង្គលជូនដល់គូស្វាមីភរិយាថ្មីទាំងអស់ដែលបានជាវស្រាបៀរអាន់ឆ័រសម្រាប់ទទួលភ្ញៀវកិត្តិយសក្នុងកម្មពិធីអាពាហ៍ពិពាហ៍របស់ខ្លួន។
កម្មវិធី Anchor Fun Zone នឹងមានការផ្សាយផ្ទាល់លើកញ្ចក់ទូរទស្សន៍ ភីអិនអិន (PNN) ចាប់ពីម៉ោង 8យប់-10យប់ ដោយមានការចូលរួមសម្តែងដ៏អស្ចារ្យពីតារាចម្រៀងល្បីឈ្មោះជាច្រើនរូបដើម្បីផ្តល់ការកម្សាន្តសប្បាយជូនទស្សនិកជន មានដូចជា លោក ខេមរះ សេរីមន្ត លោកជី ដេវីត កញ្ញាទេព បូព្រឹក្ស និងលោក Dede។ កម្មវិធីនេះធ្វើឡើងសម្រាប់តែអតិថិជនដែលបានជាវស្រាបៀរអាន់ឆ័រសម្រាប់កម្មវិធីអាពាហ៍ពិពាហ៍របស់ខ្លួន។ សម្រាប់ការចាប់រង្វាន់ផ្តាច់ព្រ័ត្រនេះ ស្រាបៀរអាន់ឆ័រ នឹងប្រគល់រង្វាន់ដំណើរក្រេបចន្ទទឹកឃ្មុំទៅកាន់កោះសាមុយប្រទេសថៃ ចំនួន 15 រង្វាន់ជូនគូស្វាមីភរិយាថ្មីដែលមានមហាសំណាង។
តើគូស្វាមីភរិយារូបណាខ្លះជាម្ចាស់រង្វាន់ផ្តាច់ព្រ័ត្រដ៏អស្ចារ្យទាំងនេះ?
សូមកុំភ្លេចចូលរួមទស្សនា និងតាមដានទាំងអស់គ្នា!!!
ពិសាដោយការទទួលខុសត្រូវ៕
October 17, 2018
បច្ចេកវិទ្យាឆ្លាតវៃ AI ដំណើរការនៅលើទូរទស្សន៍ OLED 2018 និងទូរទស្សន៍ Super UHD របស់ក្រុមហ៊ុន LG
ទូរទស្សន៍ OLED របស់ក្រុមហ៊ុន LG ស៊េរីថ្មី 2018 បំពាក់នូវបច្ចេកវិទ្យាឆ្លាតវៃ AI ដែលក្រុមហ៊ុន LG ខ្លួនឯងផ្ទាល់អោយឈ្មោះថា AI ThinQ។ បច្ចេកវិទ្យាឆ្លាតវៃ AI ThinQ មានសមត្ថភាពបញ្ជា ទូរទស្សន៍និងឧបករណ៍ផ្សេងៗទៀត ដោយប្រើប្រាស់សំឡេងរបស់អ្នក។
បច្ចេកវិទ្យាឆ្លាតវៃ AI ThinQ មានឈ្មោះស្រដៀងគ្នាទៅនិងបច្ចេកវិទ្យា Smart ThinQ ដែល ភ្ចាប់ជាមួយនឹងឧបករណ៍ប្រើប្រាស់ក្នុងគេហដ្ឋាន។ ទូរស័ព្ទស្មាតហ្វូនម៉ូដែល LGV30S+ និងម៉ូដែល LG G7 ក៏មានភ្ចាប់មកជាមួយនូវបច្ចេកវិទ្យាឆ្លាតវៃ AI ផងដែរ ដែលគេអោយឈ្មោះថា ThinQ។ អ្នកគួរតែដឹងថាទូរទស្សន៍ OLED ស៊េរីថ្មី 2018 និងទូរទស្សន៍ Super UHD ក៏អាច ប្រើបានជាមួួយកម្មវិធី Google Assistant ផងដែរ។
វាមានការច្រឡំគ្នាបន្តិចបន្តួច ប៉ុន្តែទាំងនេះជាអ្វីដែលអ្នកគួរតែដឹងថាតើបច្ចេកវិទ្យាឆ្លាតវៃ AI ដំណើរការនៅលើទូរទស្សន៍ LG ស៊រីថ្មីយ៉ាងដូចម្តេច។
អ្វីទៅជាបច្ចេកវិទ្យា ThinQ ?
បច្ចេកវិទ្យា ThinQ គឺជាអ្វីដែលក្រុមហ៊ុន LG ហៅបច្ចេកវិទ្យាឆ្លាតវៃ AI ដែលមាននៅលើ ផលិតផលថ្មី 2018 របស់ខ្លួន ។ ឈ្មោះនេះបានមកពីពាក្យ “ Think of You” រីឯពាក្យ “ Cue” មានន័យថាបំណងធ្វើ ដែលនេះគឺជាគោលបំណងផលិតផលក្រុមហ៊ុន LG ដែលមានបច្ចេក វិទ្យាឆ្លាតវៃ AI ។
តើអ្វីជាភាពខុសគ្នារវាងបច្ចេកវិទ្យាឆ្លាតវៃ AI ThinQ និងបច្ចេកវិទ្យា ThinQ ?
បច្ចេកវិទ្យាឆ្លាតវៃ AI ThinQ គឺជា ThinQ ក៏ប៉ុន្តែក្រុមហ៊ុន LG ហៅ ThinQ នៅលើទូរទស្សន៍ OLED ស៊រីថ្មី 2018 និងទូរទស្សន៍ Super UHD របស់ខ្លួន។
តើអ្នកអាចធ្វើអ្វីខ្លះជាមួយបច្ចេកវិទ្យាឆ្លាតវៃ AI ThinQ?
បច្ចេកវិទ្យាឆ្លាតវៃ AI ThinQ ប្រៀបបានដូចជា ជំនួយការផ្ទាល់ខ្លួនដែលមាននៅលើទូរទស្សន៍។ ដោយគ្រាន់តែចុចនិងសង្កត់ប៊ូតុងមេក្រូ លើតេឡេ និងនិយាយបញ្ចាទៅលើវា។
លោកអ្នកអាចប្រើសម្លេងរបស់អ្នកដើម្បីបញ្ចាដូចជា បិទទូរទស្សន៍ តម្លើងសម្លេង បន្ថយ សម្លេង ប្តូររូបភាព និងផ្សេងៗទៀត។ លោកអ្នកក៏អាចស្វែងរកមាតិកាផ្សេងៗទៀត នៅលើកម្មវិធី Netflix ដោយគ្រាន់តែនិយាយថា “ បង្ហាញភាពយន្ត Marvel ទាំងអស់អោយខ្ញុំ រឺក៏អាប់ដេតព្យាករណ៍ អាកាសធាតុពីអុីនធឺណឺត។
តើវាខុសគ្នាពីទូរទស្សន៍ Smart TV ឆ្នាំ 2107 យ៉ាងដូចម្តេច?
ទូរទស្សន៍ LG Smart TV 2017 ក៏អាចស្វែងរកដោយសម្លេងផងដែរ។ ក៏ប៉ុន្តែទូរទស្សន៍ AI ThinQ
2018 អាចបញ្ចាដោយសម្លេងដើម្បីគ្រប់គ្រងទូរទស្សន៍។
តើមានមុខងារនិងលក្ខណះពិសេសផ្សេងទៀតទេ?
ទូរទស្សន៍សេ៊រីថ្មីនេះក៏អាចដើរតួរនាទីជាមជ្ឈមណ្ឌលផ្ទះឆ្លាតវៃ ដូច្នេះលោកអ្នកអាចគ្រប់គ្រង
ឧបករណ៍ឆ្លាតវៃក្នុងផ្ទះផ្សេងទៀតដូចជា ម៉ាស៊ីនបូមធូលីរ៉ូបូត ម៉ាស៊ីនត្រជាក់ អំពូលភ្លើង និង
ឧបករណ៍ដ៏ទៃទៀតដែលអាចភ្ចាប់ជាមួយទូរទស្សន៍តាមរយះប្រព័ន្ធ Wi-fi រឺក៏ Bluetooth ។
តើទូរទស្សន៍ OLED ស៊េរីថ្មី 2018 និងទូរទស្សន៍ Super UHD អាចប្រើបានជាមួយកម្មវិធី
Google Assistant ដែររឺទេ?
ពិតមែនហើយវាអាចប្រើបានជាមួយកម្មវិធី Google Assistant លើកលែងតែនៅប្រទេស
សឹង្ហបុរី មិនទាន់អាចប្រើបានទេ។ នៅប្រទេសសឹង្ហបុរីអ្នកអាចប្រើកម្មវិធី Google Assistant នៅ
លើប្រភេទទូរស័ព្ទដៃស្មាតហ្វូនទាំង Andriod និង iOS ហើយនិងឧបករណ៍បំពងសម្លេង ដូចជា
Google Home និង Mini ។ ក៏ប៉ុន្តែកម្មវិធី Google Assistant នៅមិនទាន់បានដាក់អោយដំណើរ
នៅលើទូរទស្សន៍ក្នុងប្រទេសសឹង្ហបុរីទេ។
តើបច្ចេកវិទ្យា ThinQ និងបច្ចេកវិទ្យា Smart ThinQ ខុសគ្នាដូចម្តេច?
ឈ្មោះទាំងពីរនេះស្រដៀងគ្នា ក៏ប៉ុន្តែបច្ចេកវិទ្យា Smart ThinQ មិនមែនជាបច្ចេកវិទ្យាឆ្លាតវៃ
Artificial Intelligence ទេ។ បច្ចេកវិទ្យា Smart ThinQ បង្ហាញខ្លួននៅក្នុងឆ្នាំ 2012 និងនៅលើ
ឧបករណ៍ប្រើប្រាស់ក្នុងផ្ទះដែលអាចប្រើបាបជាមួយ Wi-fi តែប៉ុណ្ណោះ។
ចុចទីនេះដើម្បីមើលព័ត៌មានលម្អិតពីទូរទស្សន៍
October 12, 2018
តួឯករឿងបុព្វេសន្និវាស ក្លាយជាឯកអគ្គរដ្ឋទូត 3ប្រទេសរបស់ក្រុមហ៊ុនស្មាតហ្វូនលំដាប់ពិភពលោក Huawei ក្នុងនោះក៏មានកម្ពុជាដែរ!
ភ្នំពេញ៖ ថ្ងៃទី 12 ខែតុលា ឆ្នាំ2018 ក្រុមហ៊ុន Huawei ដែលជាក្រុមហ៊ុនទូរស័ព្ទឈានមុខគេមួយនៅកម្ពុជា បានប្រកាសតែងតាំងកញ្ញា Bella Ranne ជាឯកអគ្គរដ្ឋទូតថ្មី ប្រចាំប្រទេស កម្ពុជា ថៃ និងឡាវ ។ Bella (បេឡា) មានប្រជាប្រិយភាព និងសន្ទុះនៃការគាំទ្រកាន់តែខ្លាំង បន្ទាប់ពីបានសម្តែងជាតួឯកស្រីក្នុងរឿង «បុពេ្វសន្និវាស» ដែលជាខ្សែភាពយន្តភាគថៃល្បីកក្រើកបំផុតប្រចាំឆ្នាំ។ កំពូលតារាស្រីរូបនេះនឹងក្លាយជាឯកអគ្គរដ្ឋទូតកំពូលស្មាតហ្វូន Huawei Nova 3 និង Nova 3i។
ការរង់ចាំយ៉ាងអន្ទះសាររបស់អ្នកគាំទ្រដែលទន្ទឹងរង់ចាំថា តើនរណានឹងក្លាយជាឯកអគ្គរដ្ឋទូតថ្មីរបស់ Huawei ត្រូវបានបញ្ចប់។ ភាពរំភើបសប្បាយរីករាយជាមួយនឹងភាពភ្ញាក់ផ្អើលបានចាប់ផ្តើមនៅពេលដែលកញ្ញា Bella (បេឡា) បានក្លាយជាឯកអគ្គរដ្ឋទូតទាំងបីប្រទេស។ កញ្ញា នឹងមានសកម្មភាពរីករាយជាច្រើនជាមួយអ្នកគាំទ្រនៅកម្ពុជា។ មុខមាត់ថ្មីស្វាគមន៍ឯកអគ្គរដ្ឋទូតថ្មី Huawei ស៊េរី NOVA3 /Nova 3i នឹងមានអ្វីដែលរំភើបភ្ញាក់ផ្អើលកើតឡើងបន្តទៀតឆាប់ នេះៗ។
ក្នុងរយៈពេលប៉ុន្មានឆ្នាំចុងក្រោយនេះ Bella (បេឡា) ទទួលបានប្រជាប្រិយភាពខ្លាំងគួរឲ្យកត់សម្គាល់ តាមរយៈខ្សែភាពយន្តភាគថៃរឿង «ភរិយាបណ្តូលចិត្ត»។ ដោយសារតែសន្ទុះនៃការគាំទ្រ កញ្ញាត្រូវបានអញ្ជើញឲ្យចូលរួមកម្មវិធីជំនួបតារា កាលពី ខែតុលា ឆ្នាំ២០១៦ ដែលនេះជាការមកជួបអ្នកគាំទ្រនៅប្រទេសកម្ពុជាជាលើកទីមួយ។
បន្ទាប់ពីក្លាយជាតួឯកស្រីក្នុងខ្សែភាពយន្តរឿង «បុពេ្វសន្និវាស» ដែលជាខ្សែភាគយន្តទទួលបានការពេញនិយម និងកក្រើកបំផុតក្នុងស្រទាប់មហាជនទាំងក្នុង និងក្រៅប្រទេស ជាថ្មីម្តងទៀត Bella (បេឡា) បានមកចូលរួមកម្មវិធីជំនួបតារាជាលើកទីពីរ កាលពី ខែកក្កដា ឆ្នាំ២០១៨ ។ មិនតែប៉ុណ្ណោះស្របពេលជាមួយគ្នានេះដែរ កញ្ញាក៏ទទួលបានការអនុញ្ញាតឲ្យចូលគាល់ព្រះមហាក្សត្រីយានីនរោត្តម មុនីនាថ សីហនុ។
លើសពីនេះទៀតថ្មីៗនេះ Bella (បេឡា) ក៏ទទួលបានពានរង្វាន់ជាតារាស្រី ដែលមានប្រជាប្រិយភាពបំផុតប្រចាំឆ្នាំ ២០១៨ ផងដែរ។
លោក អែម យុទ្ធូ នាយកជាន់ខ្ពស់ផ្នែកទីផ្សាររបស់ក្រុមហ៊ុន Huawei ប្រចាំនៅកម្ពុជា បានលើកឡើងថា៖
«ការជ្រើសរើសអ្នកតំណាងថ្មីនេះ គឺជាយុទ្ធសាស្ត្រទីផ្សារក្នុងតំបន់ ដែលយើងចង់ផ្សារភ្ជាប់ទំនាក់ទំនងជាមួយទីផ្សារគោលដៅឲ្យកាន់តែជិតស្និទ្ធ ជាពិសេសជាមួយយុវវ័យ។ មិនតែប៉ុណ្ណោះនៅប្រទេស កម្ពុជា ថៃ និងឡាវ Bella (បេឡា) ទទួលបានប្រជាប្រិយភាព និងមានសន្ទុះនៃការគាំទ្រខ្លាំង ដែលអាចជួយជម្រុញឲ្យម៉ាកផលិតផលរបស់យើងកាន់តែមានភាពល្បីល្បាញក្នុងតំបន់។ ក្រុមហ៊ុននឹងពិនិត្យលទ្ធភាពដើម្បីរៀបចំអញ្ជើញ Bella (បេឡា) ដើម្បីចូលរួមកម្មវិធី Bella NOVA Tour Concert ឬ Bella NOVA Fans តាមពេលតាមវេលាសមស្របឆាប់ៗនេះ ឬកម្មវិធីណាមួយដែលសមស្របនាពេលអនាគត ដើម្បីបំពេញតម្រូវចិត្តយុវវ័យ»។
ទូរស័ព្ទ Huawei Nova 3 និង 3i ដែលមានកញ្ញា Bella(បេឡា) ជាអ្នកតំណាងពិតជាធ្វើឲ្យអ្នករាល់គ្នាពេញចិត្ត ទាំងតម្លៃ គុណភាព និងរូបរាង ដែលមានតួកញ្ចក់ចែងចាំង ដូចគ្រាប់ពេជ្រ បំពាក់កាមេរ៉ា 4 គ្រាប់ ពណ៌ភ្លឺទាក់ទាញ លម្អដោយគែមកោងអាលុយមីញ៉ូម មាំធន់ ម៉ាអ៊ែម។
លើសពីនេះទៅទៀត Huawei Nova 3 និង 3i នឹងមានជម្រើសពណ៌កាលីបទាន់សម័យពីរទៀត គឺពណ៌ស និងមាស ដែលនឹងមានលក់ឆាប់ៗនេះ៕
https://youtu.be/2pwwnFGxZhs
https://youtu.be/EPHTQZpIGKA
October 12, 2018
Samsung Galaxy A7 និង A9 ឆ្នាំ 2018 បានបើកសម្ពោធជាផ្លូវការហើយ នឹងមានការបើកឱ្យកម្ម៉ង់ទុនមុនសម្រាប់កម្ពុជា!
ក្រុមហ៊ុនសាមសុង បានធ្វើការដាក់បង្ហាញរូបរាងជាផ្លូវការនូវកំពូលស្មាតហ្វូនដ៏ទាក់ទាញត្រកូល A ស៊េរីរបស់ខ្លួនគឺ Samsung Galaxy A7 & A9នៅទីក្រុងកូឡាឡាំពួ ប្រទេសម៉ាឡេស៊ី កាលពី ថ្ងៃទី11 ខែតុលា ឆ្នាំ2018 កន្លងទៅនេះដែលមានការចូលរួមពីសំណាក់អ្នកសារព័ត៌មានកម្ពុជាផងដែរ។ ក្នុងព្រឹត្តិការណ៏ដ៏អស្ចារ្យនេះក៏បានផ្តល់សិទ្ធិឱ្យដៃគូផ្សព្វផ្សាយបានឃើញ និងធ្វើតេស្ត ដោយផ្ទាល់ដំបូងគេជាមួយនឹងផលិតផលពិត។
លោក Seungho Choi នាយកគ្រប់គ្រងក្រុមហ៊ុនថៃសាមសុងអេឡិចត្រូនិចប្រចាំប្រទេសកម្ពុជាបានមានប្រសាសន៏ថា «ស្មាតហ្វូនថ្នាក់កណ្តាលត្រកូល Galaxy A របស់ក្រុមហ៊ុន សាមសុង ទទួលបានជោគជ័យយ៉ាងខ្លាំង ហើយសម្រាប់ឆ្នាំ២០១៨នេះ Galaxy A នឹងនៅតែបន្តបង្ហាញខ្លួនទៀតជាមួយរូបរាងថ្មីប្លែក និងកាន់តែពិសេសដែលអាចឆក់យកចិត្តអ្នក ប្រើប្រាស់ ដោយសារតែកំណែប្រែថ្មីដ៏អស្ចារ្យនោះគឺសមត្ថភាពកាមេរ៉ាតែម្តងដែលឆ្នាំនេះ ក្រុមហ៊ុនសាមសុងដំឡើងលែនកាមេរ៉ាដល់ទៅ៣គ្រាប់សម្រាប់ Galaxy A7 និង Galaxy A9 មានកាមេរ៉ាដល់ទៅ 4គ្រាប់ឯនោះ»។
លោកបានបន្ថែមថា សម្រាប់ Galaxy A7 នឹងប្រកាសឲ្យទទួល ការកុម្ម៉ង់ទុកមុន(Pre-Order)ចាប់ពីថ្ងៃទី១៣ ដល់ ២៥តុលា ឆ្នាំ២០១៨ ដែលមានជម្រើស៣ពណ៌សម្រាប់ជ្រើសរើសគឺពណ៌ខ្មៅ,ពណ៌ខៀវ និងពណ៌មាសក្នុងតម្លៃត្រឹមតែ$345 តែប៉ុណ្នោះជាមួយនឹងការផ្តល់ជូននូវកាដូបន្ថែមដូចជា Samsung Power bank 1 ដ៏ស្រស់ស្អាតដែលអាចផ្ទុកថាមពលបានរហូតដល់10,000mAh និងបាសបំពងសម្លេង (Speaker) JBL GO2 មួយដ៏កាលីប1ហើយអ្នកអាចទទួលបានទូរស័ព្ទនៅថ្ងៃទី ២៨ ដល់ទីថ្ងៃទី៣០ ខែ តុលា។សម្រាប់ Galaxy A9 វិញនិងបង្ហាញវត្តមាននៅលើទីផ្សារកម្ពុជាក្នុងខែវិច្ជិកាខាងមុខនេះ។
ខាងក្រោមនេះគឺជាលក្ខណៈសម្បត្តិខ្លះៗនៃស្មាតហ្វូនដ៏ទាក់ទាញ Galaxy A7 និង Galaxy A9ដែលអ្នកគួរតែដឹង៖
1/ Galaxy A7
– បំពាក់នូវ RAMទំហំ 4GB មេម៉ូរីទំហំ 64GB និងអាចបន្ថែមម៉េម៉ូរីកាត micro SD រហូតដល់ 256GB
– បំពាក់កាមេរ៉ាក្រោយ៣គ្រាប់៖ទំហំ 24MP f/1.7 + 5MP f/2.2 + 8MP f/2.4 និងកាមេរ៉ាខាងមុខទំហំ24MP FF f/2.0
– ទូរស័ព្ទដៃ ស៊ីម2
– អាចប្រើប្រាស់ គណនីបាន 2 (Dual Accounts) លើកម្មវិធី Facebook, Line, Viber, Telegram WeChat និង WhatsApp ជាដើម។
– ល្បឿនដំណើរការដោយ Octa- Core 2.2 GHz ដែលធ្វើឲ្យទូរស័ព្ទដំណើរការបានលឿន ទោះបើកកម្មវិធីច្រើនក៏ដោយ។
– កម្លាំងថ្ម 3,300mAh
– ស្កេនផ្ទៃមុខ (Face Recognition) និងស្កេនក្រយ៉ៅម្រាមដៃ (Fingerprint)នៅពីចំហៀង
– បទពិសោធន៍សំលេង Dolby Atmos នៅពេលប្រើប្រាស់ជាមួយកាសត្រជៀក
2/ Galaxy A9
– បំពាក់នូវ RAMទំហំ 6GB មេម៉ូរីទំហំ 128GB និងអាចបន្ថែមម៉េម៉ូរីកាត micro SD រហូតដល់ 512GB
– បំពាក់កាមេរ៉ាក្រោយ4គ្រាប់៖ទំហំ 24MP f/1.7 + 5MP f/2.2+10MP Tele/F2.4 + 8MP ultra wide f/2.4 និងកាមេរ៉ាខាងមុខទំហំ24MP FF f/2.0
– ទូរស័ព្ទដៃ ស៊ីម2
– អាចប្រើប្រាស់ គណនីបាន 2 (Dual Accounts) លើកម្មវិធី Facebook, Line, Viber, Telegram WeChat និង WhatsApp ជាដើម។
– ល្បឿនដំណើរការដោយ Octa- Core 2.2 GHz Quad+ 1.8 GHz Quad ដែលធ្វើឲ្យទូរស័ព្ទដំណើរការបានលឿន ទោះបើកកម្មវិធីច្រើនក៏ដោយ។
– កម្លាំងថ្ម 3,720mAh
– ស្កេនផ្ទៃមុខ (Face Recognition) និងស្កេនក្រយ៉ៅម្រាមដៃ (Fingerprint)
– បទពិសោធន៍សំលេង Dolby Atmos នៅពេលប្រើប្រាស់ជាមួយកាសត្រជៀក
សូមប្រញាប់ឡើង មកក្លាយជាម្ចាស់នៃស្មាតហ្វូនដ៏ទាក់ទាញនេះភ្លាមទៅ……កុំឲ្យឱកាសនេះកន្លងផុតទៅ!
សម្រាប់ព័ត៌មានបន្ថែមសូមអញ្ចើញមកកាន់សាខានិងដេប៉ូចែកចាយរបស់ក្រុមហ៊ុនសាមសុងណាមួយដែលនៅជិតលោកអ្នកបំផុត!!!
https://www.youtube.com/watch?v=KgYENSy0ybE

October 12, 2018
ក្រុមហ៊ុនផលិតស្រាបៀរកម្ពុជា (CBL) ប្រគល់រង្វាន់ iPhone X ជូនអ្នកឈ្នះពីកម្មវិធីពិសាដោយទទួលខុសត្រូវដែលមានឈ្មោះ «GET YOUR SHAPE BACK»
នៅថ្ងៃទី 05 ខែតុលាកន្លងទៅនេះ ក្រុមហ៊ុនផលិតស្រាបៀរកម្ពុជា (CBL) ដែលជាក្រុមហ៊ុនផលិតស្រាបៀរលំដាប់ថ្នាក់ពិភពលោករួមមាន Heineken, Tiger, Tiger Crystal, ABC Extra Stout, Anchor, Gold Crown និង Gold Crown Stout បានប្រគល់រង្វាន់ iPhone X ថ្មីសន្លាងមួយគ្រឿងជូនលោក ឌុល វណ្ណា ដែលជាអ្នកឈ្នះពីកម្មវិធីពិសាដោយទទួលខុសត្រូវដែលមានឈ្មោះ «GET YOUR SHAPE BACK» ក្នុងការចាប់ឆ្នោតផ្សងសំណាងដែលបានប្រព្រឹត្តធ្វើឡើងកាលពីថ្ងៃទី 07 ខែកញ្ញាកន្លងមក។
ក្រុមហ៊ុននឹងចែករង្វាន់ទូរស័ព្ទ iPhone ថ្មីមួយទៀត នៅក្នុងរយៈពេលប៉ុន្មានខែខាងមុខ ដូច្នេះសូមលើកទឹកចិត្តអតិថិជនទាញយកកម្មវិធី GYSB app រួចហើយចូលរួមលេងដើម្បីមានឱកាសឈ្នះរង្វាន់ដ៏អស្ចារ្យពីការចាប់ឆ្នោតផ្សងសំណាងខាងមុខនេះ។
នៅក្នុងកម្មវិធី GYSB app មានមុខងារពិសេសដែលអ្នកប្រើស្មានតហ្វូន (ទាំង iOS និង Android ) អាចលេងហ្គេមចង់ចាំ ប្រសិនបើអ្នកទទួលបានពិន្ទុពេញ (6ពិន្ទុ) អាចមានឱកាសឈ្នះរង្វាន់ iPhone X តាមរយៈការចាប់រង្វាន់។
ដើម្បីអប់រំអតិថិជនឱ្យចេះទទួលទានក្នុងកម្រិតមធ្យម យើងបានបង្កើតកម្មវិធីពីរ៖ (1) តាមទំព័រហ្វេសប៊ុក Get Your Shape Back KH និង (2) កម្មវិធីទូរស័ព្ទស្មាតហ្វូនដែលមានឈ្មោះ «GET YOUR SHAPE BACK» ឬ «GYSB»។ រហូតមកដល់បច្ចុប្បន្ននេះ ទំព័រហ្វេសប៊ុកនេះមានអ្នកគាំទ្រ 110,000នាក់ និងមានអ្នកទាញយកកម្មវិធីនេះចំនួន 18,000។
គួររំលឹកផងដែរថា នេះគឺជាឆ្នាំទីប្រាំពីរហើយដែលក្រុមហ៊ុន CBL បានសហការជាដៃគូជាមួយក្រសួង ឬស្ថាប័នសំខាន់ៗដូចជាក្រសួងព័ត៌មាន សហភាពសហព័ន្ធយុវជនកម្ពុជា និងភាគីពាក់ព័ន្ធដទៃទៀតដើម្បីបណ្ដុះឱ្យមានឥរិយាបថទទួលខុសត្រូវចំពោះការទទួលទានគ្រឿងស្រវឹង៕
October 11, 2018
សន្សំប្រាក់រៀល ប្រកបដោយទំនុកចិត្ត នៅធនាគារ CIMB ជាមួយអត្រាការប្រាក់ 7%
ភ្នំពេញ៖ ដាក់ប្រាក់សន្សំជាប្រាក់រៀលឥឡូវនេះ ជាមួយនឹងគណនីបញ្ញើមានកាលកំណត់របស់ធនាគារ ស៊ីអាយអិមប៊ី ភីអិលស៊ី (ធនាគារ CIMB) លោកអ្នកនឹងទទួលបានអត្រាការប្រាក់រហូតដល់ ៧% ប្រកបដោយទំនុកចិត្តខ្ពស់។ ការផ្តល់ជូនពិសេសនេះ គឺជាការរួមចំណែកដល់ការលើកកម្ពស់ការប្រើប្រាស់ប្រាក់រៀល នៅក្នុងវិស័យធនាគារ និងបំពេញតម្រូវការអតិថិជនកាន់តែល្អប្រសើរ ទៅលើផលិតផលធនាគារជាប្រាក់រៀល។
លោកប៊ុន យីន ប្រធាននាយកប្រតិបត្តិរបស់ធនាគារ CIMB បានឲ្យដឹងថា៖ «ក្នុងនាមជាធនាគារពាណិជ្ជថ្នាក់តំបន់ឈានមុខគេមួយ ក្នុងប្រទេសកម្ពុជា យើងតែងតែផ្តល់ជូននូវការលើកទឹកចិត្ត ដល់អតិថិជន សម្រាប់ការដាក់ប្រាក់បញ្ញើ ទាំងក្នុងរយៈពេលខ្លី និងរយៈពេលយូរអង្វែងជាពិសេសប្រាក់រៀល។ មិនតែប៉ុណ្ណោះ សម្រាប់ការដាក់ប្រាក់បញ្ញើជាប្រាក់រៀល នៅធនាគារ CIMB អតិថិជនមិនត្រឹមតែទទួលបាននូវអត្រាការប្រាក់ខ្ពស់រហូតដល់៧%ប៉ុណ្ណោះទេ តែពួកគេថែមទាំងអាចចូលរួមលើកកម្ពស់រូបិយប័ណ្ណក្នុងស្រុក និងលើកស្ទួយសេដ្ឋកិច្ចជាតិផងដែរ»។
ដើម្បីទទួលបានការផ្តល់ជូនពិសេសនេះ អតិថិជនត្រូវដាក់ប្រាក់បញ្ញើតិចបំផុតត្រឹម ២លានរៀលប៉ុណ្ណោះ។ ហើយពួកគេអាចដកប្រាក់បញ្ញើរបស់ខ្លួន តាមពេលវេលាកំណត់ជាក់លាក់ណាមួយដែលបានព្រមព្រៀងជាមួយគ្នា រួមមាន១ខែ ៣ខែ ៦ខែ ឬ១២ខែ ដែលទទួលបានអត្រាការប្រាក់ ទៅតាមចំនួនជាក់ស្តែងដូចខាងក្រោម។
រយៈពេលតម្កល់ អត្រាការប្រាក់
១ ខែ ៤,៥%
៣ ខែ ៥,២៥%
៦ ខែ ៦,២៥%
១២ ខែ (១ឆ្នាំ) ៧%

ជាការពិតណាស់ ទំនុកចិត្តនៃការប្រើប្រាស់ប្រាក់រៀល ពិតជាមានសារៈសំខាន់ណាស់ សម្រាប់ប្រជាពលរដ្ឋខ្មែរ និងសង្គមជាតិទាំងមូល។ សម្រាប់វិស័យហិរញ្ញវត្ថុ និងធនាគារ ការប្រើប្រាស់ប្រាក់រៀល គឺជាការចាំបាច់ ក្នុងការលើកកម្ពស់រូបិយប័ណ្ណក្នុងស្រុក និងជាពិសេសផ្តល់ផលចំណេញដល់អតិថិជនផ្ទាល់តែម្តង។
ដោយមានការគាំទ្រ និងលើកទឹកចិត្តយ៉ាងពេញទំហឹង ពីសំណាក់រាជរដ្ឋាភិបាល និងធនាគារជាតិនៃកម្ពុជា ធនាគារ CIMB បាននាំយកផលិតផល និងសេវាកម្មធនាគារជាប្រាក់រៀលយ៉ាងសម្បូរបែប ទាំងទៅលើប្រភេទឥណទាន និងកម្ចី ដោយផ្តល់ជូននូវអត្ថប្រយោជន៍ល្អប្រសើរជាងប្រាក់ដុល្លារ ទៅតាមតម្រូវការរបស់អតិថិជនផងដែរ។ កម្មវិធីផ្តល់ជូនពិសេសនេះមានសុពលភាពត្រឹមថ្ងៃទី៣១ ខែធ្នូ ឆ្នាំ២០១៨៕
October 6, 2018
ក្នុងឱកាសបុណ្យភ្ជុំបិណ្ឌ អេ អឹម ខេ ជូនពរប្រជាជនខ្មែរប្រុស-ស្រី សូមមានសេចក្ដីសុខ និងរកស៊ីមានបាន!
អបអរពិធីបុណ្យភ្ជុំបិណ្ឌ! គ្រឹមស្ថានមីក្រូហិរញ្ញវត្ថុ អេ អឹម ខេ សូមជូនពរដល់ប្រជាជនខ្មែរទាំងអស់ទទួលបានសេចក្ដីសុខ សុភមង្គលគ្រប់ក្រុមគ្រួសារ និងរកទទួលទានមានបានប្រាក់កាក់ហូរចូលក្រាស់ក្រៃលៃលកសន្សំទុកសម្រាប់កូនចៅ ជាពិសេសសូមឱ្យការធ្វើដំណើរទៅទីជិតឆ្ងាយប្រកបដោយសុខសុវត្ថិភាព។
October 6, 2018
ឱកាសពិសេសៗ ឥឡូវនេះ បង់ថ្លៃទឹកតាមរយៈសេវាកម្ម អេ អឹម ខេ ឥតគិតថ្លៃ FREE…
October 5, 2018
LG Twin Wash TM ជាម៉ាស៊ីនបោកដំបូងគេបង្អស់លើពិភពលោក ធ្វើការបោកគក់សម្លៀកបំពាក់បាន2កន្លែងក្នុងពេលតែ1
ក្រុមហ៊ុន LG Electronic ជាអ្នកឈានមុខគេក្នុងឧបករណ៍ប្រើប្រាស់ក្នុងផ្ទះ និងនៅតែបន្តបង្កើតសមត្ថភាព ក្នុងការច្នៃប្រឌិតអោយកាន់តែល្អប្រសើរ ដែលផ្តល់នូវអត្ថប្រយោជន៍ដល់អតិថិជនគ្រប់គ្នានោះ។ ដោយឡែកម៉ាសុីនបោកគក់ LG TWINWashTM វាអាចផ្ទុកសម្លៀកបំពាក់បោកគក់ដាច់ដោយឡែកពីគ្នា អតិថិជនទាំងអស់អាចសន្សំសំចៃទាំងពេលវេលា អគ្គីសនី និងទឹករាល់ពេលធ្វើការបោកគក់។
ធ្វើការបោកគក់ដាច់ដោយឡែកពីគ្នា
ម៉ាស៊ីនបោកគក់ LG Twin WashTm ជាដំណោះស្រាយបោកគក់ សំលៀកបំពាក់មិនដែលមាន ពីមុនមក។ វាគឺមានប្រសិទ្ធិភាពនិងជួយលោកអ្នក ធ្វើការសម្អាតសម្លៀកបំពាក់បានកាន់តែ ច្រើននិងលឿន ដោយធ្វើការបោកគក់សម្លៀកបំពាក់ដែលផ្ទុកសម្លៀកបំពាក់ពីរកន្លែងផ្សេងគ្នាក្នុងពេលតែមួយ។
សន្សំសំចៃពេលវេលា
ម៉ាស៊ីនបោកគក់ LG Twin Wash^Tm កាត់បន្ថយពេលវេលាបោកគក់ របស់លោកអ្នកបានពាក់កណ្តាល។ ឥឡូវនេះលោកអ្នកអាចបញ្ចប់ការបោកគក់ដែលផ្ទុកសម្លៀកបំពាក់ពីរកន្លែង ផ្សេងគ្នាត្រឹមរយះពេល 49 នាទីប៉ុណ្ណោះជាមួយ ម៉ាស៊ីនបោកគក់ LG Twin Wash^Tm។
ត្រូវបានរចនាឡើងងាយស្រួលក្នុងការប្រើប្រាស់
ម៉ាស៊ីនបោកគក់ LG TWINWash™ ត្រូវបានរចនាឡើងធ្វើឱ្យងាយស្រួលសម្រាប់អតិថិជន ក្នុងការប្រើប្រាស់វាមានរូបរាងកោងបន្តិច។ ហើយផ្នែកខាងលើអាចផ្ទុកសម្លៀកបំពាក់ធំៗបានយ៉ាងច្រើន ហើយកន្លែងផ្ទុកខោអាវតូចគឺផ្ទុកនៅផ្នែកខាងក្រោម ដោយធ្វើការបោកគក់ដាច់ដោយឡែកដូចជាសម្លៀកបំពាក់ពណ៍ស សម្លៀកបំពាក់ដែលងាយខូច សម្លៀកបំពាក់ទារក និងសម្លៀកបំពាក់ផ្សេងៗទៀត។
បំពាក់ដោយបច្ចេកវិទ្យា TrueSteam^Tm
បច្ចេកវិទ្យា TrueSteam^Tmគឺអាចកំចាត់បាក់តេរីបានរហូតដល់ 99.9% កំចាត់ស្នាមជ្រីវជ្រួញ និងស្នាមប្រឡាក់លើសម្លៀកបំពាក់ក្នុងរយះពេល ២០ នាទី។
បោកគក់ ៦ ចលនាល្អសម្រាប់ក្រណាត់គ្រប់ប្រភេទ
ជ្រើសរើសកម្មវិធីបោកគក់ ៦ ចលនា Direct Drive ធ្វើអោយធុងបោកសម្លៀក បំពាក់បង្វិលច្រើនទិសផ្សេងៗគ្នា វាអាចថែរក្សាសាច់ក្រណាត់ និង បោកគក់បានយ៉ាងស្អាត ចលនាបោកគក់ទាំង ៦ នោះមានដូចខាងក្រោម:
- បង្វិលចុះឡើង (Tumbling )
- ស្រាយក្រណាត់មិនអោយរមួលចូលគ្នា (Stepping)
- សម្អាតក្អែលដែលស្ថិតនៅខាងក្នុង (Scrubbing)
- ក្រវីក្រណាត់ថ្នមៗ (Swing)
- បន្ថែមកំលាំងបោកគក់ (Rolling)
- ច្រោះយកសាប៊ូចេញ (Filtration)
ម៉ូទ័រ Inverter Direct Drive រំញ័រតិចនិងសម្លេងស្ងាត់ល្អ
ម៉ូទ័រ Inverter Direct Drive គឺមានប្រសិទ្ធិភាពខ្ពស់ទ្វេរដង ដែលធ្វើអោយកាន់តែប្រសើរឡើងនូវការបោកគក់និងប្រើប្រាស់ធន់បានយូរ មានរំញ័រតិចនិងសម្លេងស្ងាត់ល្អ។ លើសពីនេះទៅទៀតម៉ូទ័រនេះសន្សំសំចៃនិង ប្រើប្រាស់ថាមពលអគ្គីសនីតិចផងដែរ។
មុខងារ Add Item សំរាប់បន្ថែមសម្លៀកបំពាក់ដែលភ្លេចដាក់ចូលក្នុងម៉ាស៊ីន
បើសិនជាលោកអ្នកភ្លេចដាក់សម្លៀកបំពាក់ លោកអ្នកនៅតែអាចបន្ថែមសម្លៀកបំពាក់ បន្ទាប់ ពីម៉ាសុីនដំណើរការ ។ ម៉ាស៊ីនបោកគក់ LG Twin Wash^Tmបានបំពាក់នូវប៊ូតុងមុខងារ Add Item
ដែលអាចអោយលោកអ្នកបើកទ្វារម៉ាសុីនបោក និងបន្ថែមសម្លៀកបំពាក់ដែលភ្លេចពេលដែល ម៉ាស៊ីនកំពុងដំណើរការ៕
October 5, 2018
ជិះរថភ្លើងទៅស្រុកកំណើត អស់តែ 40រៀល ហើយបានក្រមាដ៏ស្រស់ស្អាតមួយទៀត
ភ្នំពេញ៖ នៅក្នុងរដូវបុណ្យភ្ជុំបិណ្ឌនេះ ប្រជាជនកម្ពុជាទាំងអស់ នឹងទទួលបានការផ្ដល់ជូន ដែលមិនធ្លាប់មានពីមុនមក ពីធនាគារឯកទេស វីង (ខេមបូឌា) លីមីតធីត ក្រោមកិច្ចសហការជាមួយក្រុមហ៊ុន រ៉ូយ៉ាល់ វេលវេ ខេមបូឌា។ អតិថិជនដែលប្រើប្រាស់កាតវីង សម្រាប់ធ្វើការទូទាត់ថ្លៃសំបុត្ររថភ្លើងទៅគ្រប់គោលដៅទាំងអស់ នឹងចំណាយអស់តែ 40 រៀល ប៉ុណ្ណោះ ហើយទទួលបាននូវក្រមាខ្មែរដ៏ស្រស់ស្អាតមួយទៀត ចាប់ពីថ្ងៃទី 5 ដល់ថ្ងៃទី 7 ខែតុលា 2018។
ការផ្ដល់ជូននេះ គឺជាការផ្តល់ជូនក្នុងរយៈពេល៣ឆ្នាំ ជាប់ៗគ្នា ដែលផ្តល់ដោយធនាគារឯកទេសវីង ជូនទៅប្រជាជនកម្ពុជា ក្នុងអំឡុងពេលថ្ងៃបុណ្យប្រពៃណីធំៗ ដើម្បីធ្វើឲ្យការដំណើរទៅកាន់ស្រុកកំណើត ឬដំណើរកំសាន្តទៅគ្រប់ទីកន្លែង មានភាពងាយស្រួល និងមានតម្លៃសមរម្យ។
នៅក្នុងឆ្នាំនេះ ជាកិច្ចតបស្នងដល់ការគាំទ្រ របស់ប្រជាជនកម្ពុជាទាំងអស់ ចំពោះការប្រើប្រាស់សេវាកម្ម របស់ក្រុមហ៊ុន វីង ក្នុងរយៈពេល 10ឆ្នាំ មកនេះ វីង ផ្ដល់ជូននូវតម្លៃពិសេស តែ “1 សេន” ឬ 40 រៀល សម្រាប់អតិថិជន វីង ដែលប្រើប្រាស់កាតគណនីវីង ក្នុងការទូទាត់ថ្លៃសំបុត្ររថភ្លើង ទៅកាន់គោលដៅណាមួយ នៅក្នុងប្រទេសកម្ពុជា នៅស្ថានីយ៍រថភ្លើងភ្នំពេញ ចាប់ពីថ្ងៃទី 5 រហូតដល់ថ្ងៃទី 7 ខែតុលា ខាងមុខនេះ។ ពិសេសជាងនេះទៅទៀតនោះ អតិថិជនរបស់ វីង នឹងទទួលបានក្រមាខ្មែរ ដ៏ស្រស់ស្អាតមួយផងដែរ នៅពេលដែលឡើងជិះលើរថភ្លើង។
សម្រាប់ប្រជាជនកម្ពុជា ពិធីបុណ្យភ្ជុំបិណ្ឌ គឺជាពិធីបុណ្យដ៏ធំបំផុតមួយប្រចាំឆ្នាំ។ ក្នុងរយៈពេល 15ថ្ងៃ នៃពិធីបុណ្យនេះ ប្រជាជនក្មេងចាស់ ប្រុសស្រី នាំគ្នាទៅកាន់វត្តអារាម និងប្រគេនចង្ហាន់ និងតីយទានដល់ព្រះសង្ឃ ដើម្បីឧទ្ធិសកុសល ដល់មាតាបិតា និងញាត្តិការទាំង៧សណ្តាន ដែលបានធ្វើមរណៈកាល ទៅកាន់លោកខាងមុខ។
ក្រមាជាវត្ថុមួយដែលតំនាងឲ្យវប្បធម៌របស់ខ្មែរ និងជានិមិត្តរូបនៃអត្តសញ្ញាណជាតិមួយ ក្នុងចំណោមអត្តសញ្ញាណជាតិខ្មែរជាច្រើនផ្សេងទៀត ដែលត្រូវបាននិយមប្រើប្រាស់ក្នុងសកម្មភាពជាច្រើនប្រភេទ។ ក្រមា គឺជាសំពត់ដ៏សុភាពរាបសារមួយប្រភេទ ត្បាញដោយអំបោះ ជាមួយការរចនាដោយគំរូក្រឡាខ្វែង និងពណ៌ជាច្រើនផ្សេងៗពីគ្នា និងត្រូវបានចាត់ទុកជា ផ្នែកមួយនៃប្រវិត្តសាស្ត្រខ្មែរ។
អតិថិជនរបស់ វីង ទាំងអស់ អាចពានាក្រមា ដែលជាអំណោយនេះ នៅពេលពួកគាត់ធ្វើដំណើរទៅកាន់វត្តអារាម ឬប្រគល់ក្រមានេះ ជូនទៅលោកឪពុកអ្នកម្ដាយ ជាទីគោរពស្រឡាញ់របស់ខ្លួន។
លោក ចូចូ ម៉ាឡូឡូស អគ្គនាយកធនាគារឯកទេស វីង មានប្រសាសន៍ថា ចាប់តាំងពីធនាគារឯកទេសវីង បានចាប់ផ្តើមប្រតិបត្តិការ នៅក្នុងព្រះរាជាណាចក្រកម្ពុជាមក យើង តែងតែប្រឹងប្រែងតបស្នងទៅកាន់សង្គមវិញ ទៅតាមអ្វីដែលក្រុមហ៊ុនអាចធ្វើទៅបាន។ តួយ៉ាង នៅក្នុងឆ្នាំនេះ ជាមួយនឹងការបញ្ចុះតម្លៃយ៉ាងច្រើន តាមរយៈមធ្យោបាយដឹកជញ្ជូនតាមរថភ្លើង របស់ក្រុមហ៊ុន រ៉ូយ៉ាល់ រេលវេ ធនាគារឯកទេសវីង បានជ្រើសយក ក្រមា ជានិមិត្តសញ្ញានៃការថ្លែងអំណរគុណ ចំពោះអតិថិជនរបស់ខ្លួន។
លោក ចូចូ ម៉ាឡូឡូស មានប្រសាសន៍បន្តទៀតថា “ធនាគារឯកទេស វីង យល់យ៉ាងច្បាស់ អំពីសារៈសំខាន់នៃពិធីបុណ្យភ្ជុំបិណ្ឌ ចំពោះប្រជាជនកម្ពុជា ជាពិសេសចំពោះអ្នក ដែលបានបាត់បង់សមាជិកគ្រួសារ ឬសាច់ញាតិ។ នេះគឺជាមូលហេតុ ដែលយើង សហការជាមួយក្រុមហ៊ុន រ៉ូយ៉ាល់ រេលវេ ដើម្បីផ្តល់សំបុត្រធ្វើដំណើរតាមរថភ្លើង ដែលមានតម្លៃទាបបំផុត ដើម្បីជួយជំរុញឲ្យប្រជាពលរដ្ឋកម្ពុជា ធ្វើដំណើរទៅកាន់ស្រុកកំណើតរបស់ខ្លួនដើម្បីជួបជុំក្រុមគ្រួសារ ប្រកបដោយសុវត្ថិភាព និងសន្សំសំចៃប្រាក់ក្នុងការធ្វើដំណើរទៅមក នៅក្នុងរដូវកាលបុណ្យទាននេះ។
ទន្ទឹមនឹងនេះដែរ លោក John Guiry អគ្គនាយកក្រុមហ៊ុន រ៉ូយ៉ាល់ រេលវេ បានលើកឡើងថា ក្រុមហ៊ុនមានសេចក្តីសោមនស្សរីករាយក្រៃលែង ក្នុងការសហការជាមួយធនាគារឯកទេស វីង (ខេមបូឌា) លីមីតធីត សម្រាប់ការផ្តល់ជូនជាពិសេសនេះ ព្រោះវា ក៏ជាចេតនារបស់ក្រុមហ៊ុនក្នុងការផ្តល់ជូនប្រជាជនកម្ពុជា នូវមធ្យោបាយដឹកជញ្ជូន ដែលមានភាពងាយស្រួល និងមានតម្លៃទាប សម្រាប់ការធ្វើដំណើរត្រឡប់ទៅស្រុកកំណើត នៅក្នុងឱកាសនៃពិធីបុណ្យភ្ជុំបិណ្ឌនាពេលខាងមុខនេះ។
ប្រជាជនកម្ពុជាគ្រប់រូប នឹងទទួលបានការផ្តល់ជូននេះ ប្រសិនបើពួកគេធ្វើការទូទាត់ប្រាក់តាមរយៈ WingPay ។ សម្រាប់អតិថិជនដែលចង់ទទួលបានការផ្តល់ជូននេះ អតិថិជនគ្រាន់តែធ្វើ ការទាញយក និងតំឡើងកម្មវិធីស្មាតហ្វូនវីង និងបញ្ចូលទឹកប្រាក់ តាមរយៈបុគ្គលិកជាតំនាងធនាគារឯកទេសវីង នៅស្ថានីយ៍រថភ្លើងចាប់ពីថ្ងៃនេះតទៅ។ ការផ្ដល់ជូនជាពិសេស នៅរដូវបុណ្យភ្ជុំបិណ្ឌ នេះ គឺជាផ្នែកមួយនៃការប្រារព្ធគម្រប់ខួប 10 ឆ្នាំ របស់ធនាគារឯកទេស វីង ដែលជាអ្នកផ្តល់សេវាហិរញ្ញវត្ថុចល័តឈានមុខគេនៅក្នុងប្រទេសកម្ពុជា៕
October 4, 2018

រយៈពេលតម្កល់	អត្រាការប្រាក់
១ ខែ	៤,៥%
៣ ខែ	៥,២៥%
៦ ខែ	៦,២៥%
១២ ខែ (១ឆ្នាំ)	៧%