Category: PR

កម្មវិធី Uncaged Night របស់ស្រាបៀរថៃហ្គ័របានបញ្ចប់ដោយជោគជ័យ
រាជធានីភ្នំពេញ៖ ស្រាបៀរ ថៃហ្គ័រ ដែលជាស្រាបៀរមានគុណភាពខ្ពស់លំដាប់ថ្នាក់អន្តរជាតិ បានរៀបចំកម្មវិធី “រាត្រី Uncaged Night” នៅទីតាំងបីគឺខេត្តបាត់ដំបង ខេត្តសៀមរាប និងរាជធានីភ្នំពេញចាប់ពីថ្ងៃទី ២៤ ខែវិច្ឆិការហូតដល់ថ្ងៃទី ៨ ខែធ្នូ ឆ្នាំ២០១៨ ដោយទទួលបានជោគជ័យយ៉ាងគគ្រឹកគ្រេងជាមួយការអញ្ជើញចូលរួមប្រកួតពីក្រុមរាំជាច្រើនក្រុម និងចូលរួមទស្សនាយ៉ាងច្រើនកុះករពីទស្សនិកជន។
ក្រុមរាំ NRT បានក្លាយជាម្ចាស់ពានរង្វាន់ក្នុងការប្រកួតក្បាច់រាំហ៊ីបហ៊បក្នុងវគ្គផ្តាច់ព្រ័ត្រនៃកម្មវិធី “រាត្រី Uncaged Night” ដែលបានប្រារព្ធធ្វើឡើងនៅកាលពីថ្ងៃទី ៨ ធ្នូ ២០១៨ នៅឯ Urban Beer House BBK II ក្នុងសង្កាត់បឹងកេងកង ២ ទីក្រុងភ្នំពេញ។ ក្រុមម្ចាស់ពានរង្វាន់នេះទទួលបានរង្វាន់ទឹកប្រាក់ជ័យលាភីចំនួន 3,000 ដុល្លារពីស្រាបៀរ ថៃហ្គ័រ។
សូមជម្រាបថា កម្មវិធី “រាត្រី Uncaged Night” គឺជាកម្មវិធីប្រកួតក្បាច់រាំហ៊ីបហប់ជាមួយរង្វាន់ទឹកប្រាក់ជ័យលាភី 3,000 ដុល្លារ ហើយជាពិសេសមានការចូលរួមសម្តែងកម្សាន្តសប្បាយរីករាយពីតារាចម្រៀងល្បីឈ្មោះប្រចាំព្រះរាជាណាចក្រកម្ពុជាជាច្រើនរូប ជាពិសេស ក្មេងខ្មែរ ដែលចេញមុខស្តែងចេញភាពក្លាហាននិពន្ធបទចម្រៀង Original ថ្មីសន្លាងមួយដើម្បីជំរុញយុវជនសម័យថ្មី ដែលមានទេពកោសល្យក្បាច់រាំហ៊ីបហប់ចូលមកប្រកួតគ្នាក្នុងកម្មវិធីរាត្រី Uncaged Night របស់ស្រាបៀរថៃហ្គ័រ។ បទចម្រៀង The Uncaged Night ដែលឧបត្ថម្ភផ្តាច់មុខដោយស្រាបៀរថៃហ្គ័រ ក្មេងខ្មែរសង្ឃឹមថា បទចម្រៀងថ្មីនេះនឹងជំរុញយុវជនគ្រប់រូបឲ្យស្តែងចេញភាពក្លាហានរបស់ខ្លួនក្នុងការបញ្ចេញនូវទេពកោសល្យ និងសមត្ថភាព។
ចំពោះព័ត៌មានលម្អិតបន្ថែម ចូលឆែកមើលទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH
សូមពិសាស្រាបៀរថៃហ្គ័រដោយការទទួលខុសត្រូវ៕
December 13, 2018
Bella និងកំពូលតារាចម្រៀងបួនដួង បានធ្វើឱ្យការប្រគំតន្ត្រីរបស់ Huawei ឡើងកក្រើក!
ភ្នំពេញ ថ្ងៃទី 12 ធ្នូ ឆ្នាំ 2018 ៖ សម្រែកហ៊ូរកញ្ជៀវ សំឡេងទះដៃយ៉ាងកងរំពង ជាមួយស្នាមញញឹម និងក្តីរំភើបរីករាយ ក្នុងឆាកតន្ត្រីដ៍ទំនើបជាមួយភ្លើងពណ៍ចម្រុះ បានកើតឡើងនៅក្នុងការប្រគំតន្ត្រី Bella nova 3 series Live Concert នាំមកជូនជាពិសេសដោយក្រុមហ៊ុន Huawei ដែលជាជំនួបជាមួយកំពូលតារាសម្តែងល្បី កញ្ញា Bella Ranne តារាថតផ្សព្វផ្សាយ Huawei nova3 series កំពូលតារាចម្រៀង លោកនីកូ កញ្ញាសុខស្រីនាង សុវត្ថិមុនីវណ្ណ និង សុវត្ថិមុនីនាគ បានចូលរួមអង្រួនការប្រគំតន្ត្រីឱ្យកក្រើក កាលពីថ្ងៃ 10 ធ្នូ នៅស្ទូឌីយូហង្សមាស ផ្សារទំនើបអ៊ីអនម៉ល 1 ជាន់ទី 4 ព្រមទាំងមានការផ្សាយផ្ទាល់លើកញ្ចក់ទូរទស្សន៍រស្មីហង្សមាស។
ក្រុមហ៊ុន Huawei ដែលជាក្រុមហ៊ុនស្មាតហ្វូនលំដាប់ថ្នាក់លេខ 2 ក្នុងពិភពលោក បានរៀបចំការប្រគំតន្ត្រីដ៏អស្ចារ្យ និងវិសេសវិសាលបំផុតនេះឡើង ដើម្បីអបអរសាទរការសម្ពោធស្មាតហ្វូន Huawei nova3 Lite ជាផ្លូវការក្នុងប្រទេសកម្ពុជា ដែលជាស្មាតហ្វូនដែលលក់ដាច់បំផុតប្រចាំឆ្នាំ និងរីករាយទិវាសិទ្ធមនុស្ស។ កម្មវិធីនេះមានការចូលរួមយ៉ាងច្រើនកុះករ ជាពិសេសមានការចូលរួមពីថ្នាក់ដឹកនាំរបស់ក្រុមហ៊ុន Huawei ប្រចាំប្រទេសកម្ពុជា ម្ចាស់ហាងទូរស័ព្ទជាដៃគូ ដៃគូសហការនៅតាមបណ្តាក្រុមហ៊ុននានា។
កញ្ញា Bella បានស្វាគមន៍អ្នកគាំទ្រជាមួយស្នាមញញឹម និងទឹកមុខស្រស់ស្រាយ រួសរាយរាក់ទាក់ ជាមួយនឹងបានបកស្រាយបទចម្រៀងពីរបទយ៉ាងពិរោះ។ កញ្ញាក៏បានបង្ហាញពីចំណាប់អារម្មណ៍ថា កញ្ញាពិតជានឹកអ្នកគាំទ្រនៅប្រទេសកម្ពុជាខ្លាំងណាស់ និងពិតជារីករាយដែលបានមកប្រទេសកម្ពុជាជាថ្មីម្តងទៀត ដោយមានការអញ្ជើញពីក្រុមហ៊ុន Huawei ។ ក្រៅពីការបកស្រាយបទចម្រៀង កញ្ញាក៏បានបង្ហាញពីទឹកមុខដ៏ក្រមិចក្រមើមផ្ទាល់ ដូចទៅនិងវីឌីអូផ្សព្វផ្សាយពាណិជ្ជកម្ម Huawei nova3 និង nova3i របស់កញ្ញា និងការលេងហ្គេមសប្បាយៗជាមួយអ្នកគាំទ្រនៅលើឆាកផងដែរ។
លើសពីនេះទៅទៀត វត្តមានក្នុងការចូលរួមរបស់លោកនីកូ កញ្ញាសុខស្រីនាង សុវត្ថិមុនីវណ្ណ និង សុវត្ថិមុនីនាគ ក្នុងឈុតសម្លៀកបំពាក់ពណ៍ក្រហមព្រមគ្នា ក៏បានធ្វើឲ្យការប្រគំតន្ត្រីកាន់តែជក់ចិត្ត និងរីករាយកាន់តែខ្លាំងជាមួយការបទស្រាយបទចម្រៀងពិរោះៗ ព្រមទាំងក្បាច់រាំពិសេសៗ គួរឲ្យចាប់អារម្មណ៍ដែលធ្វើឲ្យការប្រគំតន្ត្រីកាន់តែរស់រវើក។
នៅចុងកម្មវិធី កំពូលតារាចម្រៀងទាំងបួនដួង បានបកស្រាយរួមបទចម្រៀងរួមគ្នាជាចង្វាក់ប្រពៃណីខ្មែរ រីឯកញ្ញា Bella ក៏បានរាំយ៉ាងសមសួន គួរឲ្យទាក់ទាញផងដែរ។
ក្រៅពីនេះយើងក៏មានការលេងហ្គេមសប្បាយៗជាច្រើនដើម្បីឈ្នះរង្វាន់ជាច្រើនទាំងមុនកម្មវីធី និងក្នុងកម្មវិធី។ មិនតែប៉ុណ្ណោះ អ្នកចូលរួមក៏បានធ្វើតេស្តស្មាតហ្វូន nova3 series ជាមួយបទពិសោធន៏ក្នុងការថតរូបម៉ាឡូយ និង សែលហ្វីម៉ាកប់។
គួរបញ្ជាក់ផងដែរថាស្មាតហ្វូន nova3 Lite បានក្លាយជាស្មាតហ្វូនដែលលក់ដាច់បំផុត ដែលមានតម្លៃត្រឹមតែ $259 ដែលមានអេក្រង់កោង 3D ពេញតួ ធំកប់កែម បែបឆកទំហំបង្ហាញ 6.5 FHD+ FullView Display អេក្រង់លាតរហូតដល់ 90.1% និងកំរិតបង្ហាញ 2349 * 1080 High Resolution បំពាក់ដោយ AI កាមេរ៉ាបួនគ្រាប់ កាមេរ៉ាមុខពីរគ្រាប់ទំហំ 16MP + 2MP និងកាមេរ៉ាក្រោយពីរគ្រាប់ 13MP + 2MP ថាមពលថ្មរបស់ nova3 Lite មានទំហំធំមហាសាលរហូតដល់ 4000mAh។
ប្រសិនបើអ្នកខកខានមិនបានទៅទស្សនា ឬទស្សនាការផ្សាយផ្ទាល់ អ្នកអាចទស្សនាតាម៖
https://www.facebook.com/HMHDTVLIVE/videos/572114403227499/
December 13, 2018
ភោជនីយដ្ឋានខេមាអង្គរថ្មីត្រូវបានបើកបម្រើជាផ្លូវការក្នុងខេត្តសៀមរាប
ខេត្តសៀមរាប, កម្ពុជា — ថ្ងៃទី 10 ខែ ធ្នូ ឆ្នាំ 2018 ក្រុមហ៊ុនបដិសណ្ឋារកិច្ច ថាលាស បានធ្វើការបើកសម្ភោធសាខាទីបីរបស់ភោជនីយដ្ឋានខេមា ស្ថិតក្នុងខេត្តសៀមរាប មានឈ្មោះថា «ភោជនីយដ្ឋានខេមាអង្គរ» ដែលមានទីតាំងនៅតាមបណ្តោយស្ទឹង ភូមិវត្តបូរណ៍ ឃុំសាលាកម្រើក ខេត្តសៀមរាបដោយបើកបម្រើ ជារៀងរាល់ថ្ងៃចាប់ពីម៉ោង 6ព្រឹក ដល់ម៉ោង 10:30នាទីយប់។
ភោជនីយដ្ឋានខេមាអង្គរ នៅតែបន្តបម្រើជូនដល់ភ្ញៀវនូវអាហារដែលមានរសជាតិដើម ជាមួយឈុតអាហារ ទទួលទានដោយសេរី នំបុ័ងរសជាតិបែបបារាំង ឈីស សាច់បន្ទះស្តើងៗ នំខេក និងគ្រឿងបរិភោគ ជាច្រើនទៀត។
ភោជនីយដ្ឋានខេមា គឺនិយាយអំពីភាពរីករាយ និងអារម្មណ៍អស្ចារ្យជាមួយការទទួលទាន អាហារ។ មិនថាពេលព្រឹក ពេលរសៀល ឬពេលយប់ ភោជនីយដ្ឋានខេមាតែងតែមានអ្វីពិសេសៗសម្រាប់លោក អ្នកជានិច្ចដូចជា ការទទួលទានដោយសេរីសម្រាប់អាហារពេលព្រឹក ការទទួលទានដោយសេរីសម្រាប់ អាហារពេលថ្ងៃត្រង់ និងការទទួលទានអាហារ និងស្រាពេលល្ងាច ឬការទទួលទានទឹកតែពេលរសៀល។
“ខ្ញុំពិតជាមានអារម្មណ៍រំភើបណាស់ ដែលបាននាំយកទស្សនាទានរបស់ភោជនីយដ្ឋានខេមា មកកាន់ ខេត្តសៀមរាប” ប្រសាសន៍របស់អ្នកនាង Céline អ្នកគ្រប់គ្រងទូទៅភោជនីយដ្ឋាន ខេមាអង្គរសៀមរាប។ “ពួកយើងនឹងផ្តល់ជូននូវអាហារដែលមានគុណភាព សេវាកម្មដែលល្អ ឥតខ្ចោះ និងបរិយាកាសដ៏អស្ចារ្យ សម្រាប់ភ្ញៀវដើម្បីរីករាយជាមួយខេមា”
ខេមាអង្គរជាភោជនីយដ្ឋានថ្មីមួយ ដែលបើកបម្រើខាងវិស័យម្ហូបអាហារក្នុងខេត្តសៀមរាបដែលមានតម្លៃ សមរម្យ គុណភាពខ្ពស់ និងមានបរិយាកាសល្អក្នុងការទាក់ទាញអ្នកដែលចូលចិត្តទទួលទានអាហារ ។
សូមអញ្ជើញមកទស្សនាភោជនីយដ្ឋានខេមាអង្គរ និងទទួលយកបទពិសោធន៍ថ្មីនូវអ្វីដែលធ្វើឱ្យ ខេមា មានថ្ងៃនេះ! ពួកយើងក៏មានជាន់ខាងលើសម្រាប់លំហែបន្ទាប់ពីបំពេញការងាររួច ឬសូមធ្វើការកក់បន្ទប់ សម្រាប់កម្មវិធីជួបជុំរបស់លោកអ្នក។
ព័ត៌មានបន្ថែមសម្រាប់ភោជនីយដ្ឋានខេមាអង្គរ សូមចូលទៅកាន់គេហទំព័រ www.khema.asia

December 12, 2018
អតិថិជន 50នាក់ដំបូង ទទួលបានការញ៉ាំ Free ពេញ1ឆ្នាំ ក្នុងថ្ងៃសម្ពោធហាងថ្មីសាខាទី4 របស់ Carl’s Jr.
ក្រុមហ៊ុន ធីអេច អេហ្វ & ប៊ី ដែលជាក្រុមហ៊ុនតែមួយគត់ទទួលបានសិទិ្ធក្នុងការបម្រើសេវាកម្មអាហារ Fast Food ប្រភេទ ប៊ឺហ្គឺដ៏ល្បីឈ្មោះមកពីសហរដ្ឋអាមេរិក ដែលមានឈ្មោះថា carl’s Jr. នៅក្នុងព្រះរាជាណាចក្រកម្ពុជា បានចាប់បើកសម្ពោធហាងថ្មីសាខាទី4 នៅទួលទំពូង ។
ក្នុងឱកាសបើកដំណើការហាងថ្មី Carl’s Jr. មានការផ្តល់ជូនដ៏អស្ចារ្យ សម្រាប់អតិថិជន50នាក់ដំបូង ញ៉ាំឥតគិតថ្លៃ (ហ្វ្រី) ក្នុងរយៈពេល 1ឆ្នាំពេញ ក៏ដូចជាការផ្តល់ជូននូវគូប៉ុន ហ្វ្រីសាច់មាន់ ភេសជ្ជៈ និងវត្ថុអនុស្សាវរីយ៍ផ្សេងៗជាច្រើនទៀត។
សូមជម្រាបថា Carl’s Jr. កម្ពុជា មានបម្រើជូននូវ ប៊ឺហ្គឺសាច់គោអាមេរិក 100% ប៊ឺហ្គឺសាច់មាន់ សាច់មាន់បំពងស្រួយៗ ដំឡូងបារាំងបំពងឆ្ញាញ់ៗ ការ៉េមដ៏មានឱជារស និងសាឡាតស្រស់ៗ ព្រមទាំងអាហារសម្រន់ជាច្រើនផ្សេងទៀត។
Carl’s Jr. សាខាទួលទំពូង មានទីតាំងស្ថិតនៅផ្លូវ 155 កែងផ្លូវ 472 ខាងត្បូងផ្សារទួលទំពូងចម្ងាយ 500ម៉ែត្រ ។
សូមអញ្ជើញមក Carl’s Jr. សាខាទួលទំពូង និងភ្លក់រសជាតិ ប៊ឺហ្គឺ Carl’s Jr. ដ៏មានឱជារសឆ្ញាញ់ពិសា តម្លៃសមរម្យ ដែលត្រូវបានទទួលស្គាល់ និងគាំទ្រយ៉ាងច្រើនពីសំណាក់ភ្ញៀវជាតិ និង អន្តរជាតិ។
សម្រាប់ព័ត៌មានបន្ថែមសូមចូលទៅកាន់https://www.facebook.com/CarlsJr.Cambodia/

December 11, 2018
កម្មការិនី និងក្មួយប្រុសម្នាក់ នៅវិហារសួគ៌ ខេត្តកណ្តាល ត្រូវរង្វាន់ ទឹកប្រាក់ 100លានរៀល ពី អ៊ីឈីតាន់
សម្រាប់ស្រ្តីវ័យក្មេង ដែលមានសំណាងបានឈ្នះរង្វាន់100លានរៀល ពីតែបៃតង អ៊ីឈីតាន់ខាងលើនេះ មានឈ្មោះ ស្រី សុគ័ន អាយុ 26 ឆ្នាំ រស់នៅភូមិព្រៃធំ ឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល ។
ថ្លែងប្រាប់ក្រុមការងារដែលចុះប្រគល់រង្វាន់ដល់លំនៅដ្ឋាន កញ្ញាបានប្រាប់ឱ្យដឹងថា កាលពីសប្ដាហ៍កន្លងទៅនេះ បន្ទាប់ត្រឡប់មកពីធ្វើការនៅរោងចក្រ សេវេន អែន ជី កញ្ញាបានចូលលុយគ្នាជាមួយក្មួយប្រុសម្នាក់ឈ្មោះ ចំរើន ចំរុង អាយុ13ឆ្នាំ ម្នាក់ 1000 រៀល ទិញតែបៃតង អ៊ីឈីតាន់ រសជាតិកែក្រូចឆ្មារ ទឹកឃ្មុំ មកទទួលទាន លុះពេលមួលគម្របដប ក៏ស្រាប់តែឃើញមានរង្វាន់100លានរៀលនៅក្នុងគម្របដបតែម្ដង។
ភ្លាមនោះ កញ្ញាពិតជាមានអារម្មណ៍រំភើបរីករាយជាខ្លាំង ហើយក៏បានយកទៅបង្ហាញដល់អ្នកលក់ដែលកំពុងស្ថិតនៅជិតគ្នាស្រាប់ ព្រមគ្នាជាមួយនឹងការជូនដំណឹងដល់ក្រុមហ៊ុនតាមរយៈលេខទូរស័ព្ទដែលមាននៅនឹងគម្របដបតែម្ដង។ កញ្ញាបានបញ្ជាក់ប្រាប់ថា បច្ចុប្បន្នជីវភាពគ្រួសាររបស់កញ្ញាគឺមានភាពលំបាកជាខ្លាំង ព្រោះគ្មានមុខរបរអ្វីក្រៅពីបម្រើការងារជាកម្មការិនីរោងចក្រតែប៉ុណ្ណោះ។ កញ្ញាបានបញ្ជាក់ថា បន្ទាប់ពីទទួលបានប្រាក់រង្វាន់នេះ កញ្ញានឹងយកទៅដោះស្រាយជីវភាពខ្លះ ហើយយកមួយចំណែកទៅបង្កើតមុខរបរសម្រាប់ទ្រទ្រង់គ្រួសារឱ្យល្អប្រសើរទៅថ្ងៃអនាគត។
គួរបញ្ជាក់ផងដែរថា ជាការថ្លែងអំណរគុណចំពោះអតិថិជនដែលតែងគាំទ្រផលិតផលតែបៃតង អ៊ីឈីតាន់ ក្រុមហ៊ុន បានបង្កើនរង្វាន់ធំនូវទឹកប្រាក់100លានរៀល រហូតដល់50រង្វាន់, រង្វាន់ម៉ូតូ HONDA SCOOPY I ចំនួន50 គ្រឿង , រង្វាន់ i-phone ចំនួន 50គ្រឿង , រួមជាមួយរង្វាន់ តែបៃតង អ៊ីឈីតាន់ ហ្វ្រី (Free) ចំនួន 5,000,000 (5លាន) រង្វាន់ ។ រួសរាន់ឡើង អ្នកក្លាយជាសេដ្ឋីបន្ទាប់ អាចជារូបអ្នក …៕
December 11, 2018
ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រជូនគូស្វាមីភរិយាថ្មី ឆ្នាំ 2017-2018
រាជធានីភ្នំពេញ៖ កាលពីថ្ងៃសុក្រទី30 ខែវិច្ឆិកា ឆ្នាំ 2018 នៅទីស្នាក់ការក្រុមហ៊ុនផលិតស្រាបៀរកម្ពុជា (CBL) ស្រាបៀរលំដាប់ពិភពលោកទាំង3 គឺស្រាបៀរ ABC Extra Stout, Heineken និង Tiger បានរៀបចំកម្មវិធីប្រគល់រង្វាន់ផ្តាច់ព្រ័ត្រជូនដល់គូស្វាមីភរិយាថ្មីទាំងអស់ក្នុងកម្មវិធីអាពាហ៍ពិពាហ៍ឆ្នាំ 2017- 2018។ កម្មវិធីពិសេសនេះមានការអញ្ជើញចូលរួមពីគូស្វាមីភរិយាដែលឈ្នះរង្វាន់ ថ្នាក់គ្រប់គ្រងនិងបុគ្គលិកនៃក្រុមហ៊ុនផលិតស្រាបៀរកម្ពុជា (CBL) ភ្ញៀវកិត្តិយស និងអ្នកសារព័ត៌មានជាច្រើន។
ស្រាបៀរ ABC Extra Stout បានប្រគល់រង្វាន់ដំណើរកម្សាន្តក្រេបចន្ទទឹកឃ្មុំទៅទីក្រុងប៉ារីស ចំនួន 5 រង្វាន់។ ស្រាបៀរ Heineken បានប្រគល់រង្វាន់ដំណើរកម្សាន្តក្រេបចន្ទទឹកឃ្មុំទៅទីក្រុងអាំស្ទែដាំចំនួន 2 រង្វាន់។ ស្រាបៀរ Tiger បានប្រគល់រង្វាន់ដំណើរកម្សាន្តក្រេបទឹកឃ្មុំនៅប្រទេសជប៉ុនជាមួយនឹងបទពិសោធន៍រំភើបរីករាយនៃការជិះស្គីទឹកកក ចំនួន 15 រង្វាន់។ កម្មវិធីចាប់រង្វាន់ផ្តាច់ព្រ័ត្រនេះបានប្រព្រឹត្តធ្វើឡើងនៅស្ថានីយទូរទស្សន៍ PNN កាលពីថ្ងៃអាទិត្យទី 4 ខែវិច្ឆិកា ឆ្នាំ2018 ។
លោក ជាម សុនិត និងអ្នកស្រី យ៉ាន ស្រីម៉ៅ មកពីខេត្តព្រៃវែង ដែលជាគូស្វាមីភរិយាថ្មីមួយគូក្នុងចំណោមចំនួនគូស្វាមីភរិយាថ្មីជាច្រើនគូ ដែលបានឈ្នះរង្វាន់ដំណើរកម្សាន្តក្រេបចន្ទទឹកឃ្មុំទៅទីក្រុង អាំស្ទែដាំពីកម្មវិធីពិសេសនេះបានមានប្រសាសន៍ថា ពួកគាត់មានអារម្មណ៍រំភើបយ៉ាងខ្លាំងនៅពេលដឹងថាខ្លូនត្រូវរង្វាន់ធំពីស្រាបៀរ Heineken។ ពួកគាត់ទាំងពីរបានបញ្ជាក់ថា ក្រុមហ៊ុនផលិតស្រាបៀរកម្ពុជា (CBL) ពិតជាបានប្រគល់រង្វាន់ជូនគូស្វាមីភរិយាថ្មីទាំងអស់ដែលបានត្រូវរង្វាន់ពីកម្មវិធីពិសេសនេះ។
គម្រោងអាពាហ៍ពិពាហ៍ថ្មីក្នុងកម្មវិធីប្រូម៉ូសិនអាពាហ៍ពិពាហ៍រដូវកាលថ្មីរបស់ស្រាបៀរលំដាប់ពិភពលោកទាំង 3 គឺស្រាបៀរ ABC Extra Stout, Heineken និង Tiger ចាប់ផ្តើមពីថ្ងៃនេះរហូតដល់ខែកញ្ញា ឆ្នាំ 2019 ។ ស្រាបៀរ ABC Extra Stout នឹងចែករង្វាន់ដំណើរកម្សាន្តនៅទីក្រុងឡុងដ៏។ ស្រាបៀរ Heineken នឹងចែករង្វាន់ដំណើរកម្សាន្តក្រេបទឹកឃ្មុំនៅឡូសអាន់ជ័រលេស ហើយស្រាបៀរ Tiger នឹងចែករង្វាន់ដំណើរកម្សាន្តក្រេបទឹកឃ្មុំនៅទីក្រុងស៊ីដនី។
អបអរពិធីអាពាហ៍ពិពាហ៍របស់លោកអ្នកជាមួយស្រាបៀរលំដាប់ពិភពលោក។តើលោកអ្នកចង់ទិញស្រាបៀរលំដាប់ពិភពលោកសម្រាប់ពិធីអាពាហ៍ពិពាហ៍របស់អ្នកទេ? លោកអ្នកអាចទូរស័ព្ទមកលេខ 011 222 400 ឬ 011 333 500 សម្រាប់ព័ត៌មានបន្ថែម។
ពិសាដោយការទទួលខុសត្រូវ៕
December 11, 2018
កម្ពុជាមានរោងចក្រផលិត ក្បឿង និងទុយោ ខ្នាតអន្តរជាតិធានាដល់ការផ្គត់ផ្គង់ក្នុងស្រុក និង នាំចេញក្រៅប្រទេស
ស្របតាមបរិបថ ដែលប្រទេសកម្ពុជា កំពុងមានការរីកចម្រើន ឥតឈប់ឈរ លើគ្រប់វិស័យ ហើយបាននិងកំពុងបោះជំហានពីប្រទេសកសិកម្ម ទៅជាប្រទេសឧស្សាហកម្ម ដើម្បីកាត់បន្ថយការនាំចូលសម្ភារៈសំណង់ពីបរទេស ក៏ដូចជាជួយបង្កើនសេដ្ឋកិច្ចជាតិ និងបង្កើនការងារជូនប្រជាពលរដ្ឋ កាត់បន្ថយអត្រាចំណាកស្រុកផងនោះ វិនិយោគិនខ្មែរ បានបោះទុន បង្កើតរៀងចក្រថ្មីៗ លំដាប់អន្តរជាតិជាច្រើន នៅក្នុងប្រទេសកម្ពុជាជាបន្តបន្ទាប់។
ជាក់ស្តែង នៅថ្ងៃទី 07ខែធ្នូឆ្នាំ2018 នេះ ក្រុមហ៊ុន ជីប ម៉ុង អ៊ីនដាស្ទ្រីស៍ ដែលជាបុត្រសម្ព័ន្ធរបស់ក្រុមហ៊ុន ជីប ម៉ុង បានបើកសម្ពោធជាផ្លូវការរោងចក្រផលិតក្បឿង និងទុយោ ក្រោមអធិបតីភាពដ៏ខ្ពង់ខ្ពស់របស់ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម និងសិល្បកម្ម ដែលមានទីតាំងនៅក្នុងទឹកដីឃុំ ជើងកើប ស្រុក កណ្តាលស្ទឹង ខេត្តកណ្តាល ដើម្បីធានាដល់ការផ្គត់ផ្គង់ក្នុងស្រុក កាត់បន្ថយការនាំចូលពីបរទេស នឹងនាំចេញលក់ទៅក្រៅប្រទេសទៀតផង។
លោកឧកញ៉ា លាង ឃុន ប្រធានក្រុម អគ្គនាយកក្រុមហ៊ុនជីបម៉ុង បានលើកឡើងនៅក្នុងពិធីសម្ពោធនាថ្ងៃនេះថា ៖ យើងសម្ពោធជាផ្លូវការ រោងចក្រឧស្សាហកម្មខ្នាតធំ ដែលវិនិយោគដោយកូនខ្មែរ 100ភាគរយ ចំនួនពីរថ្មីបន្ថែមទៀត លើផ្ទៃដី 11ហិកតា ហើយរោងចក្រនីមួយមានបំពាក់ដោយគ្រឿងចក្រទំនើប និងបច្ចេកវិទ្យាចុងក្រោយបំផុតពីប្រទេសអ៊ីតាលី ហើយបុគ្គលិកបម្រើការមានចំណេះ និងជំនាញច្បាស់លាស់ មានបទពិសោធន៍យូឆ្នាំ និងទទួលបានការបណ្តុះបណ្តាលពីអ្នកជំនាញជាតិ និងអន្តរជាតិ។
លោកឧកញ៉ាបញ្ជាក់ថា រោងចក្រផលិតក្បឿង ជីបម៉ុង មានលទ្ធភាពអាចផលិតក្បឿងបាន 140សន្លឹកក្នុង1នាទី ខណៈរោងចក្រផលិតទុយោមានសមត្ថភាពអាចផលិតទុយោបាន 500តោនក្នុង1ខែ ដែលអាចឆ្លើយតបបានតាមតម្រូវការទីផ្សារសំណង់ក្នុងប្រទេសកម្ពុជា។
ការបង្កើតរោងចក្រឧស្សាហកម្មខ្នាតធំបែបនេះ ជាការចូលរួមចំណែកយ៉ាងខ្លាំងក្លា ក្នុងការធ្វើឲ្យសេដ្ឋកិច្ចជាតិកាន់តែរីកចម្រើន តាមរយៈការបង្កើតឱកាសការងារដ៏សំបូរបែបសម្រាប់ប្រជាពលរដ្ឋកម្ពុជា។
ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម និងសិប្បកម្ម បានថ្លែងក្នុងឱកាសនោះថា ការបង្កើតពាណិជ្ជកម្ម ដែលមានផលិតផល និងសេវាកម្មក្នុងវិស័យផ្សេងៗ របស់ក្រុមហ៊ុន ជីប ម៉ុង មិនត្រឹមតែអាចបង្កើតឱកាសការងារសម្រាប់ប្រជាពលរដ្ឋកម្ពុជាប៉ុណ្ណោះទេ វាថែមទាំងអាចធ្វើឱ្យកម្ពុជា មានផលិតផលក្នុងស្រុកដែលមានទាំងគុណភាព និងតម្លៃប្រសើរជាងផលិតផលនាំចូលសម្រាប់បម្រើតម្រូវការក្នុងស្រុកផងដែរ៕
December 7, 2018
បើកសម្ពោធសាខាទី5 របស់គ្រឿងអលង្ការម៉ាក PANDORA និងនាឡិកាដៃម៉ាក BERING នៅផ្សារទំនើប អ៊ីអន ម៉ល សែនសុខ
ក្រុមហ៊ុន សានដារ៉ា (SANDARA) ដែលបង្កើតឡើងដោយការវិនិយោគថ្មីរវាងសម្ព័ន្ធសហគ្រាសចម្រុះកាណាឌីយ៉ា ជាមួយនឹងក្រុមហ៊ុន NEGOCIA បានទទួលសិទ្ធិនាំយកគ្រឿងអលង្ការម៉ាក PANDORA និងនាឡិកាដៃម៉ាក BERING បានបើកសម្ពោធសាខាទី5 របស់ខ្លូននៅផ្សារទំនើប អ៊ីអន ម៉ល សែនសុខ កាលពីថ្ងៃទី6 ខែធ្នូ ឆ្នាំ2018។ PANDORA គឺជាម៉ាកគ្រឿងអលង្ការធំជាងគេបង្អស់នៅលើពិភពលោក និង BERING គឺជាម៉ាកនាឡិកាដៃដែលទទួលបានការលក់ជោគជ័យបំផុតលំដាប់ទី3 នៅក្នុងប្រទេសចិន ហើយហាងថ្មីទាំងពីរនេះ ជាហាងលក់គ្រឿងអលង្ការម៉ាកល្បីរបស់ប្រទេសដាណឺម៉ាក។
ការវិនិយោគទៅលើក្រុមហ៊ុន សានដារ៉ា (SANDARA) បានសបញ្ជាក់ឱ្យឃើញថា សម្ព័ន្ធសហគ្រាសចម្រុះកាណាឌីយ៉ា កំពុងឈានចូលទៅក្នុងទីផ្សារលក់រាយ និងចែកចាយនូវផលិតផលឧស្សាហកម្មក្នុងប្រទេសកម្ពុជា។ បច្ចុប្បន្ន សម្ព័ន្ធសហគ្រាសចម្រុះកាណាឌីយ៉ា បានវិនិយោគលើវិស័យធនាគារ, ហិរញ្ញវត្ថុ, បច្ចេកវិទ្យាហិរញ្ញវត្ថុ, ធានារ៉ាប់រង, អចលនទ្រព្យ, សំណង់, ហេដ្ឋារចនាសម្ព័ន្ធ, ផ្សារទំនើប, កន្លែងកម្សាន្ត, បដិសណ្ឋារកិច្ច, វិស័យអប់រំ និងវិស័យកសិកម្ម ដែលមានបុគ្គលិកប្រមាណជាង1ម៉ឺននាក់។
លោក Thierry Tea នាយកប្រតិបត្តិនៃក្រុមហ៊ុន សានដារ៉ា (SANDARA) បានបន្ថែមថា “នេះជាព្រឹត្តការណ៍ដ៏អស្ចារ្យសម្រាប់ក្រុមការងារយើងដែលបាននាំមកនូវម៉ាក PANDORA ដែលជាម៉ាកគ្រឿងអលង្ការដ៏ល្បីនៅលើពិភពលោក ដែលមានការលក់រហូតដល់3.5ពាន់លានដុល្លារអាមេរិក។ គោលបំណងរបស់យើងគឺផ្តល់នូវផលិតផលប្រកបដោយប្រណីតភាព តម្លៃសមរម្យ សម្រាប់ប្រជាជនកម្ពុជាដែលមានកំរិតជីវភាពមធ្យម។ យើងនឹងខិតខំប្រឹងប្រែងបន្តទៀត ដើម្បីផ្តល់នូវផលិតផលមានគុណភាពខ្ពស់ ដែលអតិថិជនអាចរកបាននៅប្រទេសជាង 100 ទូទាំងពិភពលោក”។
គួរបញ្ជាក់ផងដែរថា PANDORA គឺជាគ្រឿងអលង្ការ ដែលរចនា និងផលិតឡើងដោយដៃ ផ្សំពីវត្ថុធាតុដើមដែលមានគុណភាពខ្ពស់ និងមានតម្លៃសមរម្យ។ គ្រឿងអលង្ការ PANDORA ត្រូវបានលក់នៅក្នុងប្រទេសជាង 100 នៅលើទ្វីបចំនួន6 ដែលមានទីតាំង7,700កន្លែង ដែលរួមមានហាងជាង2,600។ PANDORA ត្រូវបានបង្កើតឡើងនៅឆ្នាំ1982 ដែលមានស្នាក់ការកណ្តាលនៅទីក្រុង Copenhagen ប្រទេសដាណឺម៉ាក។
ចំណែកនាឡិកាម៉ាក BERING គឺជាការបង្ហាញពីភាពកាន់តែស្រស់ស្អាតបែបអាតិច(Arctic) ធ្វើឡើងជាមួយរចនាបទភ្លឺថ្លា សមរម្យ និងភាពស្រស់ឆើតឆាយ។ គិតមកដល់ឆ្នាំ2017 នាឡិកាដៃម៉ាក BERING មានទីតាំងចែកចាយលក់រហូតដល់ទៅ5,000កន្លែងនៅ50ប្រទេសក្នុងពិភពលោក។ ក្រុមហ៊ុន BERING ទទួលរចនាម៉ូត អភិវឌ្ប ផលិត និងចែកចាយនាឡិកាដៃ ដែលមានគុណភាពខ្ពស់ រួមជាមួយនឹងគ្រឿងអលង្ការនានា។ គ្រប់ផលិតផលរបស់នាឡិកាដៃម៉ាក BERING គឺមានគុណភាពល្អ ដោយប្រើប្រាស់វត្ថុធាតុដើមដូចជា បច្ចេកវិទ្យាសេរ៉ាម៉េច ត្បូងកន្តៀង និងទីតានីញ (Titanium) ដែលផលិតឡើងយ៉ាងល្អិតល្អន់ ប្រណីត ការរចនាសាមញ្ញនិយមបែបដាណឺម៉ាក ក្នុងតម្លៃទាក់ទាញ និងមានភាពប្រកួតប្រជែងខ្លាំង។ ក្រុមហ៊ុន BERING បានបង្កើតឡើងក្នុងឆ្នាំ2010 ដោយមានកំណើនយ៉ាងឆាប់រហ័សនូវប្រាក់ចំណូលជាង350លានដុល្លាអាមេរិក នៅចន្លោះឆ្នាំ2015 និងឆ្នាំ2017។
សម្រាប់ព័ត៌មានបន្ថែម សូមចូលទៅកាន់ https://www.sandara.asia៕

December 7, 2018
អេ អឹម ខេ នឹងផ្អាកប្រតិបត្តិការនៅតាមម៉ាស៊ីន ATM និងភ្នាក់ងារជាបណ្ដោះអាសន្ន
អេ អឹម ខេ សូមជូនដំណឹងដល់អតថិជនថា ដើម្បីធ្វើការផ្លាស់ប្ដូរទីតាំងទិន្នន័យរបស់សាខាមួយចំនួនទៅប្រព័ន្ធធនាគារស្នូលថ្មី អេ អឹម ខេ នឹងផ្អាកប្រតិបត្តិការនៅតាមម៉ាស៊ីនដាក់/ដកប្រាក់ និងភ្នាក់ងារទាំងអស់ជាបណ្ដោះអាសន្ន ចាប់ពីម៉ោង 10យប់ ថ្ងៃទី07 ខែធ្នូ ឆ្នាំ2018 ដល់ម៉ោង 10 ព្រឹកថ្ងៃទី 10 ខែធ្នូ ឆ្នាំ 2018។
សម្រាប់ព័ត៌មានបន្ថែម៖ 023 22 02 02 ឬ 1800 200 200
December 6, 2018
សមាគមសាច់មាន់មកពីប្រទេសជប៉ុនសម្លឹងឃើញទីផ្សារកម្ពុជា
ប្រជាជនភាគច្រើននៅក្នុងប្រទេសកម្ពុជា ក៏ដូចជាប្រជាជននៅតាមបណ្តាលប្រទេសជាច្រើនលើពិលោក បានទទួលស្គាស់ថា រាល់ផលិតផលភាគច្រើន ដែលផលិតដោយប្រទេសជប៉ុនដូចជា៖ គ្រឿងអេឡិចត្រូនិក សម្ភារៈប្រើប្រាស់ ការសាងសង់អាគារដោយបច្ចេកវិទ្យារបស់ប្រទេសជប៉ុន ជាពិសេសគឺ គ្រឿងបរិភោរ ម្ហូបអាហារ សុខភាព និង ការរស់នៅរបស់ប្រជាជនជប៉ុនគឺជាកត្តាសំខាន់បំផុតរបស់ប្រទេសដែលជឿនលឿនមួយនេះ។
នៅថ្ងៃអង្គារ ទី4 ខែធ្នូ នៅឯភោជនីយដ្ឋាន Yakitori Ginza ក្នុងតំបន់ បឹងកក់ សមាគមសាច់មាន់ដែលមកពីប្រទេសជប៉ុន បានរៀបចំកម្មវិធីសិក្ខាសាលាស្តីអំពីការ ចិញ្ចឹមមាន់យកសាច់ និង យក ស៊ុត តាមបែបស្តងដាររបស់ប្រទេសជប៉ុន។
គួរបញ្ជាក់ថាកម្មវិធីសិក្ខាសាលាក៏បានរៀបចំនៅឯសណ្ឋាគារសុខាភ្នំពេញ – Sokha Hotel Phnom Penh នៅថ្ងៃទី 5 ខែធ្នូ ឆ្នាំ2018 ចាប់ពីម៉ោង 2 រសៀល រហូតដល់ម៉ោង 4ល្ងាច ហើយចំពោះភ្ញៀវដែលបានចូលរួមកម្មវិធីបានភ្លក្សសាច់មាន់ដែលមានរសជាតិឈ្ងុយឆាញ់ និងជាពិសេសសាច់មាន់ដែលជាគុណភាពស្តង់ដាររបស់ប្រទេសជប៉ុនដោយសេរី។
សរុបពីរថ្ងៃក្នុងកម្មវិធីសិក្ខាសាលាមានការអញ្ចីញចូលរួមពីភ្ញៀវកិត្តិយសជាច្រើនប្រមាណជាង 100នាក់មកពីបណ្តាលក្រុមហ៊ុនជាច្រើនដែលមកពីវិស័យ ម្ហូប អាហារ និង សណ្ឋាគារ។ ជាពិសេសវត្តមានរបស់វាគ្មិនមកពីប្រទេសជប៉ុន 4រូប គឺលោក Minoru Sato ប្រធានប្រតិបត្តិកំពូលនៃវិទ្យាស្ថាន និង សមាគមសាច់មាន់ប្រចាំប្រទេសជប៉ុន, លោក Yamanaka Bungo សមាជិកនៃសហគមសាច់មាន់ប្រចាំប្រទេសជប៉ុន និងជានិយោជិកតំណាឱ្យសហគមចិញ្ចឹមមាន់ប្រចាំប្រទេសជប៉ុន, លោក Ito, ជាសមាជិកនៃសហគមសាច់មាន់ប្រចាំប្រទេសជប៉ុន និងជានិយោជិក The Maruto Poulty Co., Ltd និង លោក Suzuki សមាជិកនៃសហគមសាច់មាន់ប្រចាំប្រទេសជប៉ុន។
លោក Minoru Sato ប្រធានប្រតិបត្តិកំពូលនៃវិទ្យាស្ថាន និង សមាគមសាច់មាន់ ប្រចាំប្រទេសជប៉ុន បានលើកឡើងថា “ប្រទេសជប៉ុនគឺជាប្រទេសដែលផលិត និង ចិញ្ចឹមមាន់យកសាច់, ស៊ុតដែលមានស្តងដារជាអន្តរជាតិ ហើយ ប្រទេសជប៉ុនបាននាំយកសាច់មាន់ទៅកាន់បណ្តាលប្រទេសជាច្រើនក្នុងតំបន់អាស៊ី លោកសង្ឃឹមថាប្រជាជនកម្ពុជានឹងមានឱកាសទទួលទានសាច់មាន់របស់ជប៉ុនក្នុងពេលឆាប់ៗ នេះ បន្ទាប់ពីសមាគមអាចរកដៃគូរសហការនាំចូលសាច់មាន់នេះបាន។
លោកបានបន្ថែមទៀតថាសមាគមន៍សាច់មាន់ប្រចាំប្រទេសជប៉ុន កំពុងតែស្វែររកដៃគូរសហការក្នុងការនាំយកសាច់មាន់ដែលមានគុណភាពខ្ពស់មកកាន់ប្រទេសកម្ពុជា អ្នកដែលមានចាប់ណាប់អារម្ម ណ៍អាចទំនាក់ទំនងទៅកាន់លោក Minoru Sato តាមរយៈអ៊ីម៉ែល [email protected] [email protected] ៕

December 5, 2018