Category: កីឡា

  • Man United ប៉ះ Spure វគ្គ ៨ក្រុមចុងក្រោយ ពានរង្វាន់ League Cup

    Man United ប៉ះ Spure វគ្គ ៨ក្រុមចុងក្រោយ ពានរង្វាន់ League Cup

    នៅទីបំផុត គេបានរកឃើញសមាសភាពក្រុមខ្លាំង ដែលនឹងត្រូវធ្វើការប្រកួតគ្នានៅវគ្គ ៨ក្រុមចុងក្រោយហើយ នៃពានរង្វាន់ League Cup ឬ រដូវកាល 2024/25។

    ក្នុងចំណោម៤គូ គេសង្កេតឃើញថា ជំនួបដ៏ធំប្រចាំវគ្គនេះ គឺជាការប៉ះគ្នារវាងក្រុមបិសាចក្រហម Manchester United និងក្រុមមាន់ខ្នាយមាស Tottenham Hotspur។ មុនមកដល់វគ្គនេះ ក្រុមបិសាចក្រហម បានបំបាក់ក្រុមកញ្រ្ជោងខៀវ Leicester City ក្នុងលទ្ធផល ៥-២ ស្របពេលដែល មាន់ខ្នាយមាស បានទំលាក់ក្រុមការពារដំណែងជើងឯក Premiere League មេឃខៀវ Manchester City ក្នុងលទ្ធផល ២-១។

    ខាងក្រោមនេះជាក្រុម ដែលនឹងត្រូវប្រកួតដណ្ដើមកៅអីទៅលេងវគ្គពាក់កណ្តាលផ្តាចព្រ័ត្រ៖ 

    • Tottenham vs Manchester United
    • Arsenal vs Crystal Palace
    • Newcastle vs Brentford
    • Liverpool vs Southampton

    គួរបញ្ជាក់ថា ក្រុមហង្សក្រហម Liverpool ជាម្ចាស់ការពារដំណែងជើងឯកក្នុងឆ្នាំនេះ បន្ទាប់ពីបានយកឈ្នះ ក្រុមតោខៀវ Chelsea នៅវគ្គផ្ដាច់ព្រ័ត្រ ក្នុងលទ្ធផល ១-០៕

  • អបអរសាទរ! ព្រះខ័នរាជស្វាយរៀង ឡើងវគ្គ ៨ក្រុមចុងក្រោយ AFC Challenge League

    អបអរសាទរ! ព្រះខ័នរាជស្វាយរៀង ឡើងវគ្គ ៨ក្រុមចុងក្រោយ AFC Challenge League

    ក្រុមព្រះខ័នរាជស្វាយរៀង របស់កម្ពុជា ក្រោមការដឹកនាំរបស់លោក ñ បានយកឈ្នះ ក្រុម SP Falcons FC របស់ម៉ុងហ្គោលី ដោយលទ្ធផល ២ ទល់នឹង ១ ក្នុងពានរង្វាន់ AFC Challenge League 2024/2025 កាលពីរសៀលថ្ងៃពុធ ទី៣០ ខែតុលា ឆ្នាំ២០២៤ ម្សិលមិញនេះ នាកីឡដ្ឋាន MFF Stadium Ulaanbaatar។

    ការប្រកួតម្សិលមិញនេះ ក្រុមព្រះខ័នរាជស្វាយរៀង បានបើកការនាំមុខមុន ដោយកីឡាករ Pablo Augusto Servo De Carvalho រហស្សនាម Lukaku ខ្មែរ ដោយបាល់ប៉េណាល់ទី នាទី២៤។ លុះចូលដល់តង់ទី២ នាទី៦៨ កីឡាករ Musatkin បានតាមស្មើមកវិញឲ្យក្រុមម្ចាស់ផ្ទះ ១-១ តែទោះបីជាយ៉ាងណាក៏ដោយ នៅនាទី៨០ ព្រះខ័នរាជស្វាយរៀង រកបានគ្រាប់បាល់ជ័យជំនះ រកបានដោយកីឡាករ Cristian Roque ចប់ការប្រកួត៩០នាទី ព្រះខ័នរាជស្វាយរៀង ២-១ Falcons FC។

    ដោយសារក្នុងពូលមានតែ ៣ក្រុម ហើយ ២ក្រុមត្រូវបានកៅអីឡើងជុំបន្តនោះ ដូច្នេះ ដែលរកបានតែ ១ពិន្ទុពីការប្រកួត ២លើក បានរុញឱ្យ ព្រះខ័នរាជស្វាយរៀង ដែលមានដល់ទៅ ៣ពិន្ទុ ហើយសល់ ១ប្រកួតក្នុងដៃ កក់កៅអីយ៉ាងកក់ក្ដៅដើម្បីឡើងទៅវគ្គ ៨ក្រុមចុងក្រោយ ទោះប្រកួត ចាញ់ ឬក៏ស្មើ ក្លិប របស់ឥណ្ឌូណេស៊ីក៏ដោយ។

    គួរបញ្ជាក់ថា ក្នុងពានរង្វាន់ខាងលើនេះ ក្រុមព្រះខ័នរាជស្វាយរៀង នឹងត្រូវប្រកួតបង្រ្គប់កិច្ចជាមួយក្រុម របស់ឥណ្ឌូណេស៊ី នៅថ្ងៃ០២ ខែវិច្ឆិកា ឆ្នាំ២០២៤ វេលាម៉ោង ២៖០០នាទីរសៀល ខណៈ បច្ចុប្បន្ន ស្វាយរៀង កំពុងឈរកំពូលតារាង មាន ៣ពិន្ទុ ខណៈ ឈរលេខ២ និង SP Falcons ឈរបាតតារាង មានម្នាក់១ពិន្ទុ៕

  • Rodri ក្លាយជាម្ចាស់ពាន Ballon d’Or 2024 ខណៈ Real Madrid ធ្វើពហិការ

    Rodri ក្លាយជាម្ចាស់ពាន Ballon d’Or 2024 ខណៈ Real Madrid ធ្វើពហិការ

    ខ្សែបម្រើរបស់មេឃខៀវ Manchester City និងក្រុមជម្រើសជាតិអេស្ប៉ាញ កីឡាករ Rodri បានក្លាយជាម្ចាស់ពាន Ballon d’Or បន្ទាប់ពីជួយក្លិបឈ្នះពានរង្វាន់ Premier League និង Euro 2024 ខណៈក្លិបអធិរាជស Real Madrid ធ្វើពហិការមិនចូលរួមក្នុងពិធីប្រគល់ពាននៅទីក្រុងប៉ារីស ដោយចាត់ទុកថា ជាការមិនគោរពកីឡាករខ្លួន។

    Rodri វ័យ ២៨ឆ្នាំ បានដើរតួយ៉ាងសំខាន់នៅពេលដែល Man City បានយកឈ្នះ Arsenal ដើម្បីឈ្នះពាន Premier League កាលពីរដូវកាលមុន ហើយត្រូវបានតែងតាំងជាអ្កីឡាករល្អ ប្រចាំព្រឹត្តិការណ៍ Euro 2024 ។ គ្រាប់​បាល់​នៅវគ្គផ្ដាច់ព្រ័ត្រ Champions League កាលពីឆ្នាំ ២០២៣ និងគ្រាប់បាល់ស៊ុតបញ្ចូល​ទី​តាម​ស្មើ​ក្នុង​ការ​ប្រកួត​វគ្គ ១៦ក្រុម Euro 2024 ​ទល់​នឹង Georgia ជួយឲ្យរូបគេឈ្នះពានឆ្នាំនេះ។

    មែនទែនទៅ ការ​សម្រេច​ចិត្ត​ផ្តល់​រង្វាន់ ​សម្រាប់​កីឡាករ​ល្អ ​ដល់​ខ្សែ​បម្រើ​រូប​នេះ​ បាន​បង្កភាពភ្ញាក់​ផ្អើល​យ៉ាងខ្លាំងនៅទីទាំងពិភពលោក ខណៈ​ដែល​ កីឡាករ Vinicius Junior ដែលជួយក្លិប Real Madrid លើកពាន​រង្វាន់ Liga និង Champions League បានត្រឹមតែជាតួរង។

    ទោះបីជាអ្នករៀបចំកម្មវិធីបារាំង ទទូចថា អត្តសញ្ញាណរបស់អ្នកឈ្នះគឺជាអាថ៌កំបាំង មិនត្រូវបែកធ្លាយមុនឡើយ ប៉ុន្តែនៅតែមានព័ត៌មានលេចធ្លាយដដែល ហើយប៉ុន្មានម៉ោងមុនពិធីនៅទីក្រុងប៉ារីសចាប់ផ្ដើម Real Madrid បានប្រកាសថា គណៈប្រតិភូរបស់ខ្លួន នឹងមិនចូលរួមពិធីនេះទេ ដោយសារតែអ្វីដែលខ្លួនយល់ថា ជាការមិនគោរពដល់ Vinicius ។

    Real Madrid បានប្រាប់ AFP ថា ៖«ប្រសិនបើលក្ខណៈវិនិច្ឆ័យនៃពានរង្វាន់មិនផ្តល់ឱ្យ Vinicius ជាអ្នកឈ្នះនោះ លក្ខណៈវិនិច្ឆ័យដូចគ្នាទាំងនោះគួរតែចផ្ដល់ទៅ Carvajal ជាអ្នកឈ្នះ។ ដោយសារតែនេះ មិនមែនជាករណីនោះទេ វាច្បាស់ណាស់ថា Ballon d’Or-UEFA មិនគោរព Real Madrid ហើយ Real Madrid មិនទៅកន្លែងដែលមិនគោរពនោះទេ»។

    គួរបញ្ជាក់ថា Vinicius ជាតួរអង្គដ៏សំខាន់របស់ Real Madrid កាលពីរដូវមុន ដោយបានស៊ុតបញ្ចូលទីបាន ២៤ គ្រាប់ និងបញ្ជូនបាល់ឱ្យមិត្តរួមក្រុមបាន ១១ ដងក្នុង ៣៩ ប្រកួតនៅគ្រប់ការប្រកួតទាំងអស់ និងជួយក្លិបឈ្នះពានរង្វាន់ចំនួន ៣កាលពីរដូវកាលមុន៕

  • Manchester United ធ្លាក់មកឈរលេខ១៤ ក្នងតារាង Premier League

    Manchester United ធ្លាក់មកឈរលេខ១៤ ក្នងតារាង Premier League

    ក្រុមបិសាចក្រហម Manchester United ក្រោមការដឹកនាំរបស់លោក Erik ten Hag បានបន្តបរាជ័យក្រោមថ្វីជើង ក្រុមញញួរដែក West Ham ក្នុងលទ្ធផល ១-២ កាលពីយប់ថ្ងៃអាទិត្យ ដោយធ្វើឲ្យក្រុមល្បីមួយនេះ ធ្លាក់មកកាន់លេខ១៤ ក្នុងតារាងចំណាត់ថ្នាក់នៅ Premier League រដូវកាលនេះ។

    ជំនួបរវាង បិសាចក្រហម និង ញញួរដែក កាលពីយប់មិញនេះ គឺក្រុមម្ចាស់ផ្ទះ West Ham បានបើកការនាំមុខមុនដោយកីឡាករ Crysencio Summerville នៅនាទី៧៤ ប៉ុន្តែ៧នាទីក្រោយមក ពោលគឺនៅនាទី៨១ កីឡាករ Casemiro បានជួយឲ្យបិសាចក្រហម តាមស្មើវិញ ១-១។ ប៉ុន្តែនៅចុងម៉ោងទៅហើយ Jarrod Bowen បានស៊ុតបាល់ប៉េណាល់ទី បានសម្រេច ជួយឲ្យ West Ham យកឈ្នះ Manchester United ក្នុងលទ្ធផល ២-១។

    មេនទែនទៅ ក្លិបបិសាចក្រហម ហាក់ធ្វើមិនបានល្អឡើយនៅ Premier League រដូវកាលនេះ ពោលគឺឆ្លងកាតតាមរយៈការប្រកួតចំនួន៩ កន្លងមក ឈ្នះ៣ ស្មើ២ និងចាញ់៤ ដោយមានត្រឹមតែ ១១ពិន្ទុប៉ុណ្ណោះ។ បើគិតត្រឹម៨ប្រកួតចុងក្រោយ គិតគ្រប់កម្មវិធី ឃើញថា ឈ្នះ តែម្ដងគត់ ហើយចាញ់២ និងស្មើ៥។

    គួរបញ្ជាក់ថា ឆ្លងកាត់តាមរយៈការប្រកួតចំនួន៩សប្ដាហ៍លើទីលាន ឃើញថា ក្រុម Manchester United កំពុងឈរលេខ១៤ ក្នុងតារាង Premier League មាន ១១ពិន្ទុ។ ចំណែកនៅពានរង្វាន់អឺរ៉ុប Europa League វិញ ក្រុមដែលមានរហស្សនាមបិសាចក្រហម រឹតតែធ្វើមិនបានល្អ ពោលគឺ ៣ប្រកួត ស្មើទាំង៣ មានពិន្ទុ៕

  • សោកស្ដាយ! គោជំទង់កម្ពុជា ហាលអាវត្រឹមវគ្គជម្រុះក្នុងពូល ក្រោយចាញ់ ហ្វីលីពីន យប់មិញ

    សោកស្ដាយ! គោជំទង់កម្ពុជា ហាលអាវត្រឹមវគ្គជម្រុះក្នុងពូល ក្រោយចាញ់ ហ្វីលីពីន យប់មិញ

    ភ្នំពេញ ៖ ក្រុមបាល់ទាត់ជម្រើសជាតិកម្ពុជា អាយុក្រោម១៧ឆ្នាំ ក្រោមការដឹកនាំរបស់លោក អស់ឱកាសឡើងទៅជុំផ្ដាច់ព្រ័ត្រហើយ បន្ទាប់ពីបរាជ័យក្រោមថ្វីជើង ហ្វីលីពីន យ៉ាងមិនគួរឲ្យជឿ ដោយលទ្ធផល ០-២ ក្នុងប្រកួតបញ្ចប់ក្នុងពូល B ពានរង្វាន់ AFC U17 Asian Cup ឆ្នាំ២០២៥។

    ក្នុងប្រកួតបើកឆាក ក្រុមជម្រើសជាតិកម្ពុជា បានឈ្នះ លើក្រុមបង់ក្លាដេស ក្នុងលទ្ធផល ១-០ និងបន្តយកឈ្នះ ក្រុមជម្រើសជាតិម៉ាកាវ ក្នុងលទ្ធផល ១-០ មុនពេលចាញ់ ក្រុមអាហ្វហ្គានីស្ថាន ក្នុងលទ្ធផល ៣-១ និង ហ្វីលីពីន ២-០។

    ក្រោយបញ្ចប់ការប្រកួតក្នុងពូល B អាហ្វហ្គានីស្ថាន ឈរកំពូលតារាងមាន ១២ពិន្ទុ, បង់ក្លាដេស ឈរលេខ២ ហ្វីលីពីន ឈរលេខ៣ និងកម្ពុជា ឈរលេខ៤ មាន ៦ពិន្ទុស្មើគ្នា ខណៈ ម៉ាកាវ ឈរបាតតារាង។ដូច្នេះ ក្នុងពូល B នេះ មានតែក្រុមអាហ្វហ្គានីស្ថាន មួយគត់ឡើងទៅវគ្គបន្ត ខណៈបង់ក្លាដេស ដែលជាក្រុមឈរលេខ២ ក៏អស់ឱកាសអ៊ុតក្រុមលេខ២ល្អដូចគ្នា។

    គួរបញ្ជាក់ថា ក្នុងចំណោមក្រុមទាំង១៦ មានក្រុមចំនួន ៣មកពីតំបន់អាស៊ាន ដែលបានឡើងទៅជុំចុងក្រោយគឺ ថៃ ក្នុងនាមជាក្រុមលេខ១ពូល D, ឥណ្ឌូណេស៊ី បានឡើងទៅកាន់ជុំចុងក្រោយ ក្នុងនាមជាក្រុមលេខ២ល្អបំផុតក្នុងពូល និង វៀតណាម ក៏បានឡើងទៅវគ្គបន្តក្នុងនាមជាក្រុមលេខ២ល្អបំផុតក្នុងពូលដែរ៕

  • បឹងកេត ប៉ះម្ចាស់ផ្ទះ Global FCហ្វីលីពីន ថ្ងៃស្អែកនេះ ដើម្បីបង្គ្រប់កិច្ចពាន AFC Cup

    បឹងកេត ប៉ះម្ចាស់ផ្ទះ Global FCហ្វីលីពីន ថ្ងៃស្អែកនេះ ដើម្បីបង្គ្រប់កិច្ចពាន AFC Cup

    នេះគឺជាការប្រកួតបញ្ចប់ពូលF នៃពានលំដាប់ទី២ ប្រចាំទ្វីបអាស៊ីខាងលើ ខណៈក្រុ មបឹងកេត បានជ្រុះចេញពីពាននេះទៅហើយ។ ខណៈដែល ព្រឹកមិញនេះ ក្លឹបបាល់ទាត់ របស់បឹងកេត អែហ្វស៊ី បានធ្វើដំណើរទៅដល់ទីក្រុងម៉ានីល ប្រទេសហ្វីលីពីនហើយ ដើម្បីប្រកួតបង្គ្រប់កិច្ច ជាមួយនឹងម្ចាស់ផ្ទះ នាថ្ងៃស្អែកទី ៣ ខែឧសភា នេះ។

    បឹងកេត

    ឆ្លងកាត់ ៥ប្រកួតឈ្នះ១ ស្មើ១ និងចាញ់៣ មាន ៤ពិន្ទុឈរលេខរៀងទី៣ ។ រីឯកាលពីជួបគ្នាជើងទី១ ក្រុម Global បានយកឈ្នះម្ចាស់ផ្ទះបឹងកេត ២-០ ឯណោះ ។

    ក្រុមកំពុងឈរកំពូលតារាងពិន្ទុ Global ក៏ទំនងជាមិនទុកមុខឲ្យក្រុមបឹងកេតដែរ ដោយសារក្រុមតំណាងប្រទេសហ្វីលីពីននេះ កំពុងត្រូវការ ៣ពិន្ទុបន្ថែម ដើម្បីគេចផុតពីការដណ្ដើមកៅអីពាន AFC Cup 2017 វគ្គបន្ដស្វ័យប្រវត្តិពីក្រុម Johor Darul Ta’zam របស់ម៉ាឡេស៊ី ដែលកំពុងមានពិន្ទុប្រកៀប្រកិតគ្នាបច្ចុប្បន្ន ក្នុងនោះក្រុម Global មាន ១២ពិន្ទុ និងក្រុម Johor មាន ១០ពិន្ទុ តែនៅសល់ ១ប្រកួតក្នុងដៃដូចគ្នា ។

    Global FC

    គួបញ្ជាក់ផងដែរថា៖ មុននឹងចេញទៅប្រកួតបង្គ្រប់កិច្ចនេះដែរ ក្រុមបឹងកេត បានធ្វើការប្រកួត ដណ្ដើមយកពិន្ទុ ជាមួយនឹងភ្នំពេញក្រោន កាលពីថ្ងៃសៅរកន្លងទៅនេះ ក្នុងពានរង្វាន់ លីកកំពូលកម្ពុជា ដោយបឹងកេត បានចាញ់យ៉ាងស្ពឺកមុខ ក្នុងលទ្ធផល ៤-០៕

  • ស្ទឹងត្រែង, ឧត្តរមានជ័យ និង គិរីវង់សុខសែនជ័យ ឡើងទៅវគ្គបន្ត នៃពានរង្វាន់ Hun Sen Cup យ៉ាងស្រួល

    ស្ទឹងត្រែង, ឧត្តរមានជ័យ និង គិរីវង់សុខសែនជ័យ ឡើងទៅវគ្គបន្ត នៃពានរង្វាន់ Hun Sen Cup យ៉ាងស្រួល

    ព្រឹត្តិការណ៍ប្រកួត បាល់ទាត់ដណ្ដើមពានរង្វាន់ Hun Sen Cup បាន ចូលដល់ដំណាក់កាលទី៣ ពោលគឺថ្ងៃស្អែកទី ៣ ដល់ថ្ងៃទី ២៤ ខែឧសភា ខាងមុខនេះ ខណៈដែល៣ក្រុមខាងលើបានប្រជែងដណ្ដើមកៅអី គ្នាយ៉ាងខ្លាំង នៅក្នុងខេត្តកំពង់ស្ពឺ ហើយការប្រកួតចុងក្រោយរបស់ពួកគេ ត្រូវបានឈ្នះដោយមិនបាច់ប្រកួត។

    បើយោងតាមការឲ្យដឹងពីមន្ដ្រីរៀបចំការប្រកួតខេត្តស្ទឹងត្រែង ត្រូវជួបខេត្តកំពង់ស្ពឺ ខណៈខេត្តឧត្តរមានជ័យ ត្រូវជួបក្រុមកំពង់ផែស្វយ័តខេត្តព្រះសីហនុ ប៉ុន្ដែដោយសារគូប្រជែងរបស់ខ្លួនទាំងពីរ ប្រកាសដកខ្លួនមុនការប្រកួត ធ្វើឲ្យខេត្តស្ទឹងត្រែង និងខេត្តឧត្តរមានជ័យទទួលបានកៅអីដំណាក់កាលទី៤ ដោយមិនបាច់ប្រកួត ។

    រីឯក្រុមគិរីវង់វិញ គឺចាប់ឆ្នោតចំប្រអប់សំណាង ដែលគ្មានគូប្រកួត ដូច្នេះគិរីវង់ ក៏ត្រូវឡើងវគ្គបន្ដផងដែរ ៕

  • Atletico សម្លឹងរកការសងសឹក Real នៅរាត្រីនេះ

    Atletico សម្លឹងរកការសងសឹក Real នៅរាត្រីនេះ

    Atletico Madrid និង​លោក Diego Simeone ដែល​ជា​គ្រូ​បង្វឹក​របស់​ពួក​គេ នឹង​ស្រេក​ឃ្លាន​ក្នុង​ការ​សង​សឹក​​នៅ​​កីឡ​ដ្ឋាន Santiago Bernabeu ពេល​ជួបក្រុម Real Madrid ក្នុង​ការ​ប្រកួត​​វគ្គ​១/២​ផ្តាច់​ព្រ័ត្រ ជើង​ទី​១ នៃក្រប​ខ័ណ្ឌ Champions League នៅ​​រាត្រី​នេះ ស្រប​ពេល​ដែល​ក្រុម​ភ្ញៀវ​មាន​ខ្សែ​ប្រយុទ្ធ​ដ៏​មុត​ស្រួច​បំផុត​គឺ​​ខ្សែ​ប្រយុទ្ធ Antoine Griezmann​។

    ក្រុម Atletico សង្ឃឹម​ថា នឹង​លុប​ចោល​នូវ​ការ​ខក​ចិត្ត​ផ្សេង​​ៗ​ទាក់​ទង​នឹង​ការរង​បរា​ជ័យ​ក្នុង​ការ​ប្រកួត​ក្រប​ខ័ណ្ឌ Champions League វគ្គ​ផ្តាច់​ព្រ័ត្រ កាល​ពី​ឆ្នាំ​២០១៤ និង​ឆ្នាំ​២០១៦ ក្រោម​ស្នា​ដៃ​ Real​។ ក្រុម Atletico បាន​បាត់​បង់​ Jose Maria Gimenez ដោយ​សារ​តែ​បញ្ហា​របួស​​ក្រលៀន ដែល​មាន​ន័យ​ថា ក្រុម​ភ្ញៀវ នឹង​ត្រូវ​អវត្ត​មាន​​ខ្សែ​ការ​ពារ​ដ៏​សំខាន់​បី​នាក់​របស់​ពួក​គេ​។ ស្រប​ពេល​ដែល​ក្រុម​របស់​​លោក Simeone មាន​កេរិ៍្ត​ឈ្មោះ​​ទៅ​លើ​ការ​មាន​តំបន់​ការ​ពារ​យ៉ាង​រឹង​មាំ ពួក​គេ​ក៏​មាន​​តំបន់​ប្រយុទ្ធ​យ៉ាង​មុត​ស្រួច​ផង​ដែរ ខណៈ​ដែល​ពួក​គេ​ទើប​តែ​បាន​ផ្តួលក្រុម Las Palmas ក្នុង​លទ្ធ​ផល ៥-០ កាល​ពី​ចុង​សប្តាហ៍​​មុន​នេះ ដោយ​ខ្សែ​ប្រយុទ្ធ Kevin Gameiro បាន​ស៊ុត​បាល់​បញ្ចូល​ទី​២​គ្រាប់​​។

    ទោះ​បី​ជា​យ៉ាង​ណា ក្រុម Real របស់​លោក Zinedine Zidane កំពុង​តែ​សម្លឹង​រក​​​ការ​ធ្វើ​ឲ្យ​ពួក​គេ​ក្លាយ​ជាក្រុម​ដំបូង​គេ​ក្នុង​ការ​ការ​ពារ​ពាន Champions League យ៉ាង​ជោគ​ជ័យ ក៏ដូច​ជា​បញ្ចប់​ការ​គ្រប់​គ្រង​របស់​ក្រុម Barcelona ក្នុង​ការ​ប្រកួត​ក្រប​ខ័ណ្ឌ La Liga​។ លោក Zidane បាន​បង្ហាញ​ឲ្យ​ឃើញ​ពី​បំណង​របស់​លោក​ក្នុង​ការ​ប្រជែង​ដណ្តើម​ពាន​ពីរ​ក្នុង​​រដូវ​កាល​តែមួយ​រួច​ជា​ស្រេច​​។ កីឡាករ​សំខាន់​ៗ​ជាច្រើន​ដូច​ជា Ronaldo, Gareth Bale, Karim Benzema, Luka Modric ឬ Toni Kroos សុទ្ធ​សឹង​បាន​អវត្ត​មាន​ក្នុង​ការ​ប្រកួត​​លីក​៣​លើក​ចុងក្រោយ​របស់​ក្រុម Real​។ ក្នុង​ពេល​អវត្ត​មាន​កីឡាករ​ឆ្នើម​ៗ​ទាំង​នេះ កីឡាករ​មួយ​ចំនួន​ដូច​ជា Isco, Alvaro Morata និង Marco Asensio បាន​បង្ហាញ​ពី​ទម្រង់​លេង​យ៉ាង​ល្អ ហើយ Real បាន​ឈ្នះ​រាល់​ការ​​ប្រកួត​ទាំង​៣​លើក​នោះ តាមរយៈ​ការ​ស៊ុត​បាល់​​​បញ្ចូល​ទី​សរុប​ដល់​ទៅ​១៣​​គ្រាប់​។ ក្រុម Real បាន​កម្តៅ​សាច់​ដុំ​សម្រាប់​ការ​ប្រកួត​នេះ តាម​រយៈ​ការ​ផ្តួល​ក្រុម Valencia ក្នុង​លទ្ធ​ផល ២-១​ កាល​ពី​ចុង​សប្តាហ៍​ថ្មី​ៗ​នេះ​។ ការ​ប្រកួត​នេះ​​នឹង​ចាប់​​ផ្តើម​នៅម៉ោង​១:៤៥​ទៀប​ភ្លឺ​​៕

    ប្រភពពី​៖ sports.yahoo

  • អ្នកចាំទី Cech ផ្ទុះកំហឹង ក្រោយ Arsenal ចាញ់ក្រុម Spurs

    អ្នកចាំទី Cech ផ្ទុះកំហឹង ក្រោយ Arsenal ចាញ់ក្រុម Spurs

    អ្នក​ចាំ​ទី Petr Cech របស់​ក្រុម Arsenal មិន​បាន​ព្យា​យាម​លាក់​បាំង​នូវ​កំហឹង និង​ការ​​ខក​ចិត្ត​ដែល​រូប​​គេ​មានអារម្មណ៍​ឡើយ ក្រោយ​ពី​ការ​​រង​បរា​ជ័យ​ក្នុង​លទ្ធ​ផល ២-០ ក្រោម​ស្នា​ដៃ​ក្រុម Tottenham Hotspur កាល​ពីថ្ងៃ​អាទិត្យ បាន​ផ្តល់​នូវ​ការ​ខក​ចិត្ត​​ដ៏​ធំមួយ​ដល់​ក្រុម​កាំ​ភ្លើង​ធំ​ក្នុង​ការ​ប្រជែង​យក​កៅ​អី​ក្នុងក្រប​ខ័ណ្ឌ Champions League​។

    គ្រាប់​បាល់​ស៊ុត​បញ្ចូល​ទី​ពី​សំណាក់​ខ្សែ​បម្រើ Dele Alli និង​ខ្សែ​ប្រយុទ្ធ Harry Kane បាន​ជួយ​ឲ្យ​ក្រុម Spurs ដែល​ស្ថិត​ក្នុង​ចំណាត់​ថ្នាក់​លេខ​២​នៅ​លើ​តារាង Premier League នោះ នាំ​មុខ​១៧​ពិន្ទុ​ដាច់​លើ​ក្រុម Arsenal និង​​​ជួយ​ឲ្យ​ក្រុម​​មាន់​ខ្នាយ​មាស​មួយ​នេះ ​ត្រូវ​បញ្ចប់​ដោយ​ស្ថិត​នៅ​​ពីលើ Arsenal ជាលើក​ទី​១​​បើ​គិត​ចាប់​តាំង​ពីឆ្នាំ​១៩៩៥​។ Tottenham នៅ​តែ​ស្ថិត​ក្នុង​ការ​​ប្រជែង​ពាន ខណៈដែល​ក្រុមរ​បស់​លោក Mauricio Pochettino កំពុង​តែដេញ​តាម​ពីក្រោយ​ក្រុម Chelsea ៤​ពិន្ទុ ហើយ​​ក្រុម​ទាំង​ពីរ​នៅ​សល់​៤​ប្រកួត​ដូច​គ្នា​​នៅ​រដូវកាល​នេះ​។

    ផ្ទុយ​ទៅ​វិញ​ក្រុម Arsenal កំពុង​តែ​ស្ថិ​តក្នុង​ចំណាត់​ថ្នាក់​លេខ​៦ និង​ដេញ​តាម​ពី​​ក្រោយ​ក្រុម​ឈរ​​លេខ​៤ Manchester City​ ដល់​ទៅ​៦​ពិន្ទុ បើ​ទោះ​បី​ក្រុម​កាំ​ភ្លើង​ធំ​នៅ​សល់​មួយ​ប្រកួត​ក្នុង​ដៃ​ក៏​ដោយ​។ ការ​ប្រកួត​បន្ទាប់​របស់ Arsenal គឺ​ការ​ធ្វើ​ជា​ម្ចាស់​ផ្ទះ​ទទួលក្រុម Manchester United ដែល​កំពុង​តែ​ស្ថិត​ក្នុង​ចំណាត់​ថ្នាក់​លេខ​៥ និង​នាំ​មុខ​៥​ពិន្ទុ​ពី​លើ​ក្រុម Arsenal របស់​លោក Arsene Wenger​ នៅ​ចុង​សប្តាហ៍​នេះ​។ Cech បានប្រាប់​គេហ​ទំ​ព័រ​របស់ Arsenal ថា៖ «ខ្ញុំ​មាន​អារម្មណ៍​ខឹង និង​ខក​ចិត្ត​ណាស់ ពីព្រោះ​នេះ​មិនមែន​ជា​ការ​ប្រកួត​ដែល​យើង​ចង់​ចាញ់​ឡើយ ហើយ​នេះ​ជា​ការ​ខក​ចិត្ត​ដ៏ធំ​បំផុត​សម្រាប់​យើង​»​៕

    ប្រភព​ព័ត៌​មាន៖ Reuters

  • Can រកគ្រាប់បាល់បញ្ចូលដ៏អស្ចារ្យ ខណៈ Liverpool ផ្តួល Watford ដើម្បីពង្រឹងទីតាំងលេខ៣

    Can រកគ្រាប់បាល់បញ្ចូលដ៏អស្ចារ្យ ខណៈ Liverpool ផ្តួល Watford ដើម្បីពង្រឹងទីតាំងលេខ៣

    ខ្សែ​បម្រើ Emre Can បាន​​រក​គ្រាប់​បាល់​​បញ្ចូល​ទី​យ៉ាងល្អ​ ខណៈដែល​ក្រុម​ហង្ស​ក្រហម Liverpool ដណ្តើម​បាន​ជ័យ​ជម្នះ​ក្នុង​លទ្ធ​ផល ១-០ លើ​ក្រុម Watford កាល​ពី​ថ្ងៃ​ចន្ទ​ នា​កីឡដ្ឋាន Vicarage Road ដើម្បី​​រក្សា​ក្តី​សង្ឃឹម​នៃ​ការ​ប្រជែង​យក​កៅអី​ក្នុង​ក្រប​ខ័ណ្ឌ Champions League​។

    ខ្សែ​បម្រើ​អន្តរ​ជាតិ​អាល្លឺ​ម៉ង់​វ័យ​២៣​ឆ្នាំ​រូបនេះ បាន​​ស៊ុត​បាល់​បក​ថយ​ក្រោយ​​ចូល​ក្នុង​​ជ្រុង​ម្ខាង​នៃ​សំណាញ់​ទី​យ៉ាងល្អ នៅ​ជិត​បញ្ចប់​តង់​ទី​មួយ​។ ជ័យ​ជម្នះ​នេះ បាន​ជួយ​ឲ្យ​ក្រុម Liverpool នាំ​មុខ​៤​​ពិន្ទុ​ដាច់​លើ​​ក្រុម​ឈរលេខ​៤ Manchester City និង​៥​ពិន្ទុ​ពីលើ​ក្រុម​ឈរ​លេខ​៥ Manchester Unite បើ​ទោះ​បី​លេង​ការ​ប្រកួត​ច្រើន​ជាង​ក្រុម​ទាំង​ពីរ​​១​ប្រកួត​ក៏​ដោយ​។ ក្រុម​ស្ថិ​តក្នុង​​ទីក្រុង Manchester ទាំង​​ពីរ​ហាក់​ដូច​ជា​ត្រូវ​ឡើង​​ទៅ​ឈរ​ពីលើ​ក្រុម​​ហង្ស​ក្រហម​របស់​លោក Jurgen Klopp ទៅ​​ហើយ ក្រោយ​ពី​ Liverpool បាន​រង​បរា​ជ័យ​​នៅ​កីឡដ្ឋាន Anfield ក្រោម​ស្នា​ដៃក្រុម Crystal Palace កាល​ពី​ចុង​សប្តាហ៍​មុន​។

    ប៉ុន្តែ ក្រុម Man City បាន​បញ្ចប់​ក្នុង​​លទ្ធ​ផល​ស្មើ ២-២ ពេល​ជួបក្រុម Middlesbrough កាល​ពី​ថ្ងៃ​អាទិត្យ ខណៈ​ដែល​ក្រុម Man United មិន​អាច​យក​ឈ្នះ​លើ​ក្រុម Swansea ដូច​គ្នា​។ Liverpool មិន​បាន​ជួប​​ការ​រីក​រាយ​ខ្លាំង​ឡើយ ខណៈ​ដែល Coutinho បាន​រង​របួស ក្រោយ​ពី​លេង​បាន​រយៈ​ពេល​១២​នាទី​។ លោក Klopp អ្នក​ចាត់​ការ​ទូទៅ​របស់​ក្រុម Liverpool បាន​ប្រាប់​ទូរ​ទស្សន៍ Sky Sports ថា៖ «ពិត​ណាស់​ គ្រាប់​​បាល់​នេះ​ពិត​ជា​អស្ចារ្យ​។ វា​ច្បាស់​ណាស់​ថា យើង​​ត្រូវ​តែ​ធ្វើ​ការ ហើយ​​​​នោះ​គឺ​ជា​អ្វី​ដែល​យើង​បានធ្វើ​។ វា​មិន​ងាយ​ស្រួល​នោះឡើយ​សម្រាប់​ក្រុម​ទាំ​ងអស់​ក្នុង​ការ​ឈ្នះ​នៅ​ទីនេះ​។ យើង​ត្រូវ​ការ​សំណាង​ខ្លះ ប៉ុន្តែ យើង​បាន​ធ្វើ​ការ​យ៉ាង​លំ​បាក​ដើម្បី​ដណ្តើម​យក​ជ័យ​ជម្នះ​នោះ»​​៕

    ប្រភព​ពី៖ Mirror