Category: ជីវិត និងកម្សាន្ត

ខណៈដែលព្រឹត្តិការណ៍ប្រកួតកីឡាអាស៊ីអាគ្នេយ៍ លើកទី២៩ (The 29th Sea Game) នៅប្រទេសម៉ាឡេស៊ី នាខែសីហា ដែលនឹងចាប់ផ្ដើមនាពេលឆាប់ៗខាងមុខនេះ សហព័ន្ធកីឡាទូកក្ដោង ជាបេក្ខភាពមួយ ដែលក្រសួងអប់រំយុវជន និង កីឡា និង គណៈកម្មាធិកាជាតិអូឡាំពិកកម្ពុជា បានផ្ដល់សិទ្ធិទៅចូលរួមនោះ បាននឹងកំពុងរៀបគម្រោងប្រជែងយកមេដាយ  និងកំពុងធ្វើការហាត់សម នៅឆ្នេរសមុទ្រ ខេត្តកែបជាកន្លែងហ្វឹកហាត់ជាស្ដង់ដាអន្តរជាតិ។

ក្រោមកិច្ចសហប្រតិបត្តិការ និងគាំទ្រគ្នាទៅវិញទៅមក សហព័ន្ធកីឡាទូកក្តោងកម្ពុជា បានសម្រេចជ្រើសរើសយកក្លឹបទូកក្តោងកែប ធ្វើជាមូលដ្ឋានហ្វឹកហាត់មួយ ដើម្បីហ្វឹកហាត់បច្ចេកទេសទូកក្តោង ក្នុងការត្រៀមចូលរួមការប្រកួតកីឡាអាស៊ីអាគ្នេយ៍ លើកទី២៩ (The 29th Sea Game) ដែលនឹងប្រព្រឹត្តនៅប្រទេសម៉ាឡេស៊ី និងធ្វើការហ្វឹកហាត់ ដើម្បីត្រៀមចូលរួមសម្តែងអបអរសាទរ ក្នុងពិធីបុណ្យ សមុទ្រលើកទី៦ ដែលនឹងរៀបចំនៅខេត្តកែប នាពេលខាងមុខនេះ ពិសេសដំណើរឆ្ពោះទៅរកការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ ដែលប្រទេសកម្ពុជានឹងធ្វើជាម្ចាស់ផ្ទះ។

ប្រធានសហព័ន្ធ កីឡាទូកក្តោងកម្ពុជា លោក ថោង រដ្ឋាស័ក បានឱ្យដឹងថា៖ សហព័ន្ធកីឡាទូកក្តោងកម្ពុជា និងក្លឹបទូកក្តោងកែប  មានចក្ខុវិស័យរួម គឺណែនាំ តម្រង់ទិស ជំរុញលើកទឹកចិត្តដល់ក្មេងៗ និងយុវជន កម្ពុជា ឱ្យមានចិត្តស្រលាញ់កីឡាទូកក្តោង ដើម្បីប្រមូលផ្តុំកីឡាករទូកក្តោង និងចម្រាញ់យកកីឡាករឆ្នើម ដែលអាចតំណាងឱ្យកម្ពុជា ដើម្បីចូលរួមការប្រកួតក្នុងឆាកជាតិ និងអន្តរជាតិ។

លោកបន្តថា ក្លឹបទូកក្តោងកែប មានទីតាំងស្ថិតនៅក្នុងខេត្តកែប ដែលមានឆ្នេរសមុទ្រមួយដ៏ស្រស់ស្អាត ហើយក្លឹបនេះ មិនត្រឹមតែ ជាកន្លែងបម្រើសេវាកីឡាលើទឹកដ៏សម្បូរបែបនោះទេ វាក៏ជាផលិតផលទេសចរណ៍ថ្មី ដ៏មានសក្តានុពលទាក់ទាញរបស់ Knai Bang Chatt Resort ផងដែរ។

ប្រធានសហព័ន្ធរូបនេះ ជឿជាក់ថា ផ្អែកលើលក្ខណៈអំណោយផលនៃទីតាំង និងភាពសំបូរបែបនៃសេវាកីឡាលើទឹកនេះ ក្លឹបទូកក្តោងកែបនឹងក្លាយជាគោលដៅកីឡាទេសចរណ៍ថ្មីមួយ ដ៏ពេញនិយម ប្រកបដោយភាពទាក់ទាញ សមស្របនិងការប្រសិទ្ធនាម ថាជា «តារារះនៅទិសនិរតី» ដែលបានផ្តល់ឱ្យដោយក្លឹបឆ្នេរសមុទ្រស្អាតបំផុតលើលោក៕

កាលពីល្ងាចម្សិលមិញនេះ ហង់ ជួនណារ៉ុន រដ្ឋមន្ត្រីក្រសួងអប់រំយុវជន និងកីឡា បានចេញលិខិតពន្យាពេលការប្រកួតកីឡា សិស្សបឋមសិក្សា ជ្រើសរើសជើងឯក ទូទាំងប្រទេស ឆ្នាំ២០១៦-២០១៧ ដោយមិនទាន់កំណត់ កាលបរិច្ឆេទថ្មីនោះទេ ។

លិខិតសុំលើកពេលប្រកួតនេះ មានដូចខាងក្រោម៖

អ្នកប្រដាល់កម្ពុជា ៤រូប និង អ្នកបរដាល់ថៃ ៤រូប នឹងប្រជែងយកពិន្ទុ ក្នុងវគ្គជម្រុះ ដើម្បីបានសិទ្ធទៅប្រកួតនៅវគ្គផ្ដាច់ព្រ័ត្រ នៃព្រឹត្តិកាណ៍ ប្រដាល់ដណ្ដើមខ្សែក្រវាត់ខារ៉ាបាវ ដែលមានទឹកប្រាក់រហូតទៅដល់៥ នូវរជ្ជកាល ថ្មីមួយទៀតដោយធ្វើក្នុង៥០០០ដុល្លារ ក្នុងប្រភេទទម្ងន់ ៦៣,៥០គីឡូក្រាម នាថ្ងៃសៅចុងសប្ដាហ៍នេះ។

អគ្គនាយករងកីឡានៃក្រសួងអប់រំយុវជន និង កីឡាលោក ម៉ិល កាដូ បានចាត់ទុកថា៖ ព្រឹត្តិការណ៍បែបនេះគឺ ជាឱកាសមួយសម្រាប់អ្នកប្រដាល់កម្ពុជាបានដុសខាត់នូវបច្ចេកទេសរបស់ខ្លួនក្នុងខណៈដែលកម្ពុជាបានសម្រេចចិត្តបញ្ជូនអ្នកប្រដាល់គុនខ្មែរទៅ ចូលរួមប្រកួតក្នុង ព្រឹត្តិការណ៍ស៊ីហ្គេមនាឆ្នាំ២០១៧នេះ ។

ប្រធានសហព័ន្ធប្រដាល់គុន ខ្មែរលោកឧត្តមសេនីយ៍ឯកតែម ម៉ឺន បានព្រមានថា៖ ត្រូវតែវ៉ៃឲ្យអស់ ពីសមត្ថ ភាព ព្រោះ ប្រាក់រង្វាន់ ៥០០០ដុល្លារអាចនឹងផ្លាស់ប្ដូរជីវភាពបាន ។ លោកបានធ្វើការកត់សម្គាល់ដែរ ថា កម្ពុជា មានសមត្ថភាពខ្ពស់តែកម្លាំងអន់ជាងគេ ។ លោកសំណូមពរឲ្យអ្នកប្រដាល់ កម្ពុជាខិតខំហ្វឹកហាត់ កម្លាំង បន្ថែមព្រោះបច្ចេកទេសល្អហើយ ។

សម្រាប់កីឡាករ៤ រូបកម្ពុជារួមមាន៖ ង៉ែត្រ រដ្ឋា ក្លិបតាព្រហ្មមានជ័យ រឿង សារ័ត្ន ក្លិបកងពលតូចឆ័ត្រយោង៩១១ រឿម វណ្ណៈ ក្លិបរាជសីហ៍ខេត្តបន្ទាយមានជ័យ និងមាស ច័ន្ទមាន សមាគមនកីឡាក្រសួងការពារជាតិ ចំណែកកីឡាករ៤រូបថៃរួមមាន៖ លូម លេង (Loom Leng) ផ្លាយ ណយ (Phlay Noy) ផេត ឆាយាក ភូមិ (Phet Chhayakphum) និង ប្រា វីដ(Pra Vit) ។

គួបញ្ជាក់ផងដែរថា អ្នកប្រដាល់ថៃទាំង ៤រូបនេះសុទ្ធតែធ្លាប់មកប្រកួត នៅស្រុកខ្មែរហើយតាម រយៈការ ប្រកួត កន្លងមកពួកគេ ហាក់ដូចជាមានសមត្ថភាពលើអ្នកប្រដាល់ខ្មែរ ។ លូម លេងធ្លាប់ទាត់ឌុម កែវដា ក្លិបម្កុដរាជ សីហ៍ ឲ្យសន្លប់ នៅទឹកទី ២ ។ ប្រា វីតធ្លាប់ទាត់រឿម វណ្ណៈឲ្យសន្លប់មុនស្នូរជួងបញ្ចប់ទឹកទី ១ ។ ផ្លាយ ណយ និង ផេត ឆាយាក ភូមិក៏សុទ្ធតែជាអ្នកប្រដាល់ជើងខ្លាំងទាំងអស់ ។

ព្រឹត្តិការណ៍ប្រកួតដណើមប្រាក់១០០០ដុល្លារអាមេរិក នៅសង្វៀន ទូរទស្សន៍អាស៊ីអាគ្នេយ៍ រវាងជើងខ្លាំង ពុទ្ធ ឆាយរិទ្ធី មកពីក្លិបពុទ្ធសេរីវង្ស និង ឡុង សុភី មកពីក្លិបសាលវ័ន្តកីឡា កំពុងទាក់ទាញប្រជាប្រិយភាពយ៉ាងខ្លាំងពីសំណាក់អ្នកស្នេហាវិស័យកីឡាប្រដាល់កម្ពុជា ខណៈដែលការប្រកួតនេះ នឹងចាប់ផ្ដើម នាយប់ថ្ងៃទី២៩ ខែមេសា ចុងសប្ដាហ៍នេះ។

អ្នកគ្រប់គ្រងកម្មវិធីប្រដាល់នៃស្ថានីយ៍ទូរទស្សន៍អាស៊ីអាគ្នេយ៍លោក ញាន សុធី បាននិយាយថា៖ អ្នកខ្លាំង អ្នកខិតខំហ្វឹកហាត់នឹងក្លាយជាម្ចាស់លុយនេះ ។ លោកបន្តថាព្រឹត្តិការបែបនេះមិនមានរៀងរាល់សប្ដាហ៍នោះទេតែអ្នកប្រដាល់ដែលមកប្រកួតក្នុងព្រឹត្តិការណ៍នេះលោកបានប្រាប់ឲ្យគេដឹងខ្លួនមុនដើម្បីត្រៀមខ្លួនហាត់ ។

លោកសុធីក៏បានព្រមានដែរថា លុយតម្លៃខ្លួនច្រើនហេតុនេះគេត្រូវតែវ៉ៃឲ្យអស់ពីសមត្ថភាព ។ប្រសិនបើអាជ្ញាកណ្ដាល ឬ ចៅក្រម ឬមន្ត្រីវិនិច្ឆ័យគេមើលឃើញថាការប្រកួតមិនអស់ពីសមត្ថភាពទេនោះគេនឹងត្រូវអាជ្ញាកណ្ដាលបណ្ដេញចុះពីសង្វៀនដោយមិនមានលុយតម្លៃខ្លួនហើយត្រូវជាប់ពិន័យរបស់សហព័ន្ធទៀតផង ។

អ្នកប្រដាល់ទាំងពីររូបនេះ ជាអ្នកលេងជង្គង់ និងកែងដូចគ្នាបែបនេះត្រូវបានគេចោទជាសំណួរថាតើនរណាជាអ្នកខ្លាំងពិតប្រាកដ ឯអ្នកខ្លះសួរថានរណានឹងក្លាយជាម្ចាស់លុយ ១០០០ដុល្លារនេះ ។ សូមបញ្ជាក់ថា ក្នុងការប្រកួតនេះអ្នកឈ្នះនឹងទទួលបាន ១០០០ដុល្លារ រីឯអ្នកចាញ់បានត្រឹមតែ ៣០០ដុល្លារប៉ុណ្ណោះ ៕