ជីវិត និងកម្សាន្ត - La Reine Media

អបអរសាទរ! ព្រះខ័នរាជស្វាយរៀង ឡើងវគ្គ ៨ក្រុមចុងក្រោយ AFC Challenge League

ក្រុមព្រះខ័នរាជស្វាយរៀង របស់កម្ពុជា ក្រោមការដឹកនាំរបស់លោក ñ បានយកឈ្នះ ក្រុម SP Falcons FC របស់ម៉ុងហ្គោលី ដោយលទ្ធផល ២ ទល់នឹង ១ ក្នុងពានរង្វាន់ AFC Challenge League 2024/2025 កាលពីរសៀលថ្ងៃពុធ ទី៣០ ខែតុលា ឆ្នាំ២០២៤ ម្សិលមិញនេះ នាកីឡដ្ឋាន MFF Stadium Ulaanbaatar។

ការប្រកួតម្សិលមិញនេះ ក្រុមព្រះខ័នរាជស្វាយរៀង បានបើកការនាំមុខមុន ដោយកីឡាករ Pablo Augusto Servo De Carvalho រហស្សនាម Lukaku ខ្មែរ ដោយបាល់ប៉េណាល់ទី នាទី២៤។ លុះចូលដល់តង់ទី២ នាទី៦៨ កីឡាករ Musatkin បានតាមស្មើមកវិញឲ្យក្រុមម្ចាស់ផ្ទះ ១-១ តែទោះបីជាយ៉ាងណាក៏ដោយ នៅនាទី៨០ ព្រះខ័នរាជស្វាយរៀង រកបានគ្រាប់បាល់ជ័យជំនះ រកបានដោយកីឡាករ Cristian Roque ចប់ការប្រកួត៩០នាទី ព្រះខ័នរាជស្វាយរៀង ២-១ Falcons FC។

ដោយសារក្នុងពូលមានតែ ៣ក្រុម ហើយ ២ក្រុមត្រូវបានកៅអីឡើងជុំបន្តនោះ ដូច្នេះ ដែលរកបានតែ ១ពិន្ទុពីការប្រកួត ២លើក បានរុញឱ្យ ព្រះខ័នរាជស្វាយរៀង ដែលមានដល់ទៅ ៣ពិន្ទុ ហើយសល់ ១ប្រកួតក្នុងដៃ កក់កៅអីយ៉ាងកក់ក្ដៅដើម្បីឡើងទៅវគ្គ ៨ក្រុមចុងក្រោយ ទោះប្រកួត ចាញ់ ឬក៏ស្មើ ក្លិប របស់ឥណ្ឌូណេស៊ីក៏ដោយ។

គួរបញ្ជាក់ថា ក្នុងពានរង្វាន់ខាងលើនេះ ក្រុមព្រះខ័នរាជស្វាយរៀង នឹងត្រូវប្រកួតបង្រ្គប់កិច្ចជាមួយក្រុម របស់ឥណ្ឌូណេស៊ី នៅថ្ងៃ០២ ខែវិច្ឆិកា ឆ្នាំ២០២៤ វេលាម៉ោង ២៖០០នាទីរសៀល ខណៈ បច្ចុប្បន្ន ស្វាយរៀង កំពុងឈរកំពូលតារាង មាន ៣ពិន្ទុ ខណៈ ឈរលេខ២ និង SP Falcons ឈរបាតតារាង មានម្នាក់១ពិន្ទុ៕

October 31, 2024

Rodri ក្លាយជាម្ចាស់ពាន Ballon d’Or 2024 ខណៈ Real Madrid ធ្វើពហិការ

ខ្សែបម្រើរបស់មេឃខៀវ Manchester City និងក្រុមជម្រើសជាតិអេស្ប៉ាញ កីឡាករ Rodri បានក្លាយជាម្ចាស់ពាន Ballon d’Or បន្ទាប់ពីជួយក្លិបឈ្នះពានរង្វាន់ Premier League និង Euro 2024 ខណៈក្លិបអធិរាជស Real Madrid ធ្វើពហិការមិនចូលរួមក្នុងពិធីប្រគល់ពាននៅទីក្រុងប៉ារីស ដោយចាត់ទុកថា ជាការមិនគោរពកីឡាករខ្លួន។

Rodri វ័យ ២៨ឆ្នាំ បានដើរតួយ៉ាងសំខាន់នៅពេលដែល Man City បានយកឈ្នះ Arsenal ដើម្បីឈ្នះពាន Premier League កាលពីរដូវកាលមុន ហើយត្រូវបានតែងតាំងជាអ្កីឡាករល្អ ប្រចាំព្រឹត្តិការណ៍ Euro 2024 ។ គ្រាប់បាល់នៅវគ្គផ្ដាច់ព្រ័ត្រ Champions League កាលពីឆ្នាំ ២០២៣ និងគ្រាប់បាល់ស៊ុតបញ្ចូលទីតាមស្មើក្នុងការប្រកួតវគ្គ ១៦ក្រុម Euro 2024 ទល់នឹង Georgia ជួយឲ្យរូបគេឈ្នះពានឆ្នាំនេះ។

មែនទែនទៅ ការសម្រេចចិត្តផ្តល់រង្វាន់ សម្រាប់កីឡាករល្អ ដល់ខ្សែបម្រើរូបនេះ បានបង្កភាពភ្ញាក់ផ្អើលយ៉ាងខ្លាំងនៅទីទាំងពិភពលោក ខណៈដែល កីឡាករ Vinicius Junior ដែលជួយក្លិប Real Madrid លើកពានរង្វាន់ Liga និង Champions League បានត្រឹមតែជាតួរង។

ទោះបីជាអ្នករៀបចំកម្មវិធីបារាំង ទទូចថា អត្តសញ្ញាណរបស់អ្នកឈ្នះគឺជាអាថ៌កំបាំង មិនត្រូវបែកធ្លាយមុនឡើយ ប៉ុន្តែនៅតែមានព័ត៌មានលេចធ្លាយដដែល ហើយប៉ុន្មានម៉ោងមុនពិធីនៅទីក្រុងប៉ារីសចាប់ផ្ដើម Real Madrid បានប្រកាសថា គណៈប្រតិភូរបស់ខ្លួន នឹងមិនចូលរួមពិធីនេះទេ ដោយសារតែអ្វីដែលខ្លួនយល់ថា ជាការមិនគោរពដល់ Vinicius ។

Real Madrid បានប្រាប់ AFP ថា ៖«ប្រសិនបើលក្ខណៈវិនិច្ឆ័យនៃពានរង្វាន់មិនផ្តល់ឱ្យ Vinicius ជាអ្នកឈ្នះនោះ លក្ខណៈវិនិច្ឆ័យដូចគ្នាទាំងនោះគួរតែចផ្ដល់ទៅ Carvajal ជាអ្នកឈ្នះ។ ដោយសារតែនេះ មិនមែនជាករណីនោះទេ វាច្បាស់ណាស់ថា Ballon d’Or-UEFA មិនគោរព Real Madrid ហើយ Real Madrid មិនទៅកន្លែងដែលមិនគោរពនោះទេ»។

គួរបញ្ជាក់ថា Vinicius ជាតួរអង្គដ៏សំខាន់របស់ Real Madrid កាលពីរដូវមុន ដោយបានស៊ុតបញ្ចូលទីបាន ២៤ គ្រាប់ និងបញ្ជូនបាល់ឱ្យមិត្តរួមក្រុមបាន ១១ ដងក្នុង ៣៩ ប្រកួតនៅគ្រប់ការប្រកួតទាំងអស់ និងជួយក្លិបឈ្នះពានរង្វាន់ចំនួន ៣កាលពីរដូវកាលមុន៕

October 29, 2024

Manchester United ធ្លាក់មកឈរលេខ១៤ ក្នងតារាង Premier League

ក្រុមបិសាចក្រហម Manchester United ក្រោមការដឹកនាំរបស់លោក Erik ten Hag បានបន្តបរាជ័យក្រោមថ្វីជើង ក្រុមញញួរដែក West Ham ក្នុងលទ្ធផល ១-២ កាលពីយប់ថ្ងៃអាទិត្យ ដោយធ្វើឲ្យក្រុមល្បីមួយនេះ ធ្លាក់មកកាន់លេខ១៤ ក្នុងតារាងចំណាត់ថ្នាក់នៅ Premier League រដូវកាលនេះ។

ជំនួបរវាង បិសាចក្រហម និង ញញួរដែក កាលពីយប់មិញនេះ គឺក្រុមម្ចាស់ផ្ទះ West Ham បានបើកការនាំមុខមុនដោយកីឡាករ Crysencio Summerville នៅនាទី៧៤ ប៉ុន្តែ៧នាទីក្រោយមក ពោលគឺនៅនាទី៨១ កីឡាករ Casemiro បានជួយឲ្យបិសាចក្រហម តាមស្មើវិញ ១-១។ ប៉ុន្តែនៅចុងម៉ោងទៅហើយ Jarrod Bowen បានស៊ុតបាល់ប៉េណាល់ទី បានសម្រេច ជួយឲ្យ West Ham យកឈ្នះ Manchester United ក្នុងលទ្ធផល ២-១។

មេនទែនទៅ ក្លិបបិសាចក្រហម ហាក់ធ្វើមិនបានល្អឡើយនៅ Premier League រដូវកាលនេះ ពោលគឺឆ្លងកាតតាមរយៈការប្រកួតចំនួន៩ កន្លងមក ឈ្នះ៣ ស្មើ២ និងចាញ់៤ ដោយមានត្រឹមតែ ១១ពិន្ទុប៉ុណ្ណោះ។ បើគិតត្រឹម៨ប្រកួតចុងក្រោយ គិតគ្រប់កម្មវិធី ឃើញថា ឈ្នះ តែម្ដងគត់ ហើយចាញ់២ និងស្មើ៥។

គួរបញ្ជាក់ថា ឆ្លងកាត់តាមរយៈការប្រកួតចំនួន៩សប្ដាហ៍លើទីលាន ឃើញថា ក្រុម Manchester United កំពុងឈរលេខ១៤ ក្នុងតារាង Premier League មាន ១១ពិន្ទុ។ ចំណែកនៅពានរង្វាន់អឺរ៉ុប Europa League វិញ ក្រុមដែលមានរហស្សនាមបិសាចក្រហម រឹតតែធ្វើមិនបានល្អ ពោលគឺ ៣ប្រកួត ស្មើទាំង៣ មានពិន្ទុ៕

October 29, 2024

សោកស្ដាយ! គោជំទង់កម្ពុជា ហាលអាវត្រឹមវគ្គជម្រុះក្នុងពូល ក្រោយចាញ់ ហ្វីលីពីន យប់មិញ

ភ្នំពេញ ៖ ក្រុមបាល់ទាត់ជម្រើសជាតិកម្ពុជា អាយុក្រោម១៧ឆ្នាំ ក្រោមការដឹកនាំរបស់លោក អស់ឱកាសឡើងទៅជុំផ្ដាច់ព្រ័ត្រហើយ បន្ទាប់ពីបរាជ័យក្រោមថ្វីជើង ហ្វីលីពីន យ៉ាងមិនគួរឲ្យជឿ ដោយលទ្ធផល ០-២ ក្នុងប្រកួតបញ្ចប់ក្នុងពូល B ពានរង្វាន់ AFC U17 Asian Cup ឆ្នាំ២០២៥។

ក្នុងប្រកួតបើកឆាក ក្រុមជម្រើសជាតិកម្ពុជា បានឈ្នះ លើក្រុមបង់ក្លាដេស ក្នុងលទ្ធផល ១-០ និងបន្តយកឈ្នះ ក្រុមជម្រើសជាតិម៉ាកាវ ក្នុងលទ្ធផល ១-០ មុនពេលចាញ់ ក្រុមអាហ្វហ្គានីស្ថាន ក្នុងលទ្ធផល ៣-១ និង ហ្វីលីពីន ២-០។

ក្រោយបញ្ចប់ការប្រកួតក្នុងពូល B អាហ្វហ្គានីស្ថាន ឈរកំពូលតារាងមាន ១២ពិន្ទុ, បង់ក្លាដេស ឈរលេខ២ ហ្វីលីពីន ឈរលេខ៣ និងកម្ពុជា ឈរលេខ៤ មាន ៦ពិន្ទុស្មើគ្នា ខណៈ ម៉ាកាវ ឈរបាតតារាង។ដូច្នេះ ក្នុងពូល B នេះ មានតែក្រុមអាហ្វហ្គានីស្ថាន មួយគត់ឡើងទៅវគ្គបន្ត ខណៈបង់ក្លាដេស ដែលជាក្រុមឈរលេខ២ ក៏អស់ឱកាសអ៊ុតក្រុមលេខ២ល្អដូចគ្នា។

គួរបញ្ជាក់ថា ក្នុងចំណោមក្រុមទាំង១៦ មានក្រុមចំនួន ៣មកពីតំបន់អាស៊ាន ដែលបានឡើងទៅជុំចុងក្រោយគឺ ថៃ ក្នុងនាមជាក្រុមលេខ១ពូល D, ឥណ្ឌូណេស៊ី បានឡើងទៅកាន់ជុំចុងក្រោយ ក្នុងនាមជាក្រុមលេខ២ល្អបំផុតក្នុងពូល និង វៀតណាម ក៏បានឡើងទៅវគ្គបន្តក្នុងនាមជាក្រុមលេខ២ល្អបំផុតក្នុងពូលដែរ៕

October 28, 2024

មនុស្សហោះដល់ភពអង្គារក្នុងរយៈពេលខ្លីជាងបច្ចុប្បន្ន ពេលប្រើបច្ចេកវិទ្យាថ្មីនេះ

បច្ចេកវិទ្យារ៉ុក្កែតនុយក្លេអែរមួយប្រភេទដែលហៅថា Pulsed Plasma Rocket (PPR) អនុញ្ញាតឱ្យយានអវកាសហោះដល់ភពអង្គារដោយប្រើពេលតែពីរខែ ខណៈដែលបច្ចុប្បន្នគេត្រូវចំណាយពេលប្រហែល 9ខែ។

កាលពីថ្ងៃទី 1 ឧសភា ទីភ្នាក់ងារអវកាសអាម៉េរិក ណាសា ប្រកាសថា ក្រុមហ៊ុនអាម៉េរិក Howe Industries កំពុងអភិវឌ្ឍបច្ចេកវិទ្យារ៉ុក្កែតប្លាស្មាមួយប្រភេទដែលត្រូវបានដាក់ឈ្មោះថា Pulsed Plasma Rocket ឬ PPR ដើម្បីឆ្លើយតបនឹងតម្រូវការរបស់ជើងហោះហើរទៅកាន់ភពអង្គារ និងឆ្ងាយជាងនេះ។ ប្រព័ន្ធនេះនឹងបង្កើតបានកម្លាំងរុញច្រានឡើងដល់ 100,000 N ជាមួយនឹងកម្លាំងរុញច្រានផ្ទាល់ខ្លួន (Isp) គឺ 5,000 វិនាទី។

យានអវកាសបច្ចុប្បន្ន ទាមទារឱ្យមានល្បឿនលឿនដើម្បីហោះរយៈចម្ងាយឆ្ងាយនៅក្នុងទីអវកាស។ ប្រការនេះអាចសម្រេចបានដោយរចនាប្រព័ន្ធរុញច្រានដែលមានកម្លាំងខ្លាំងក្លា និងកម្លាំងរុញច្រានផ្ទាល់ខ្លួនកម្រិតខ្ពស់។ ក៏ប៉ុន្តែ ប្រព័ន្ធបែបនេះមិនទាន់មានវត្តមាននៅលើពិភពលោក។ បច្ចេកវិទ្យា PPR ត្រូវបានអភិវឌ្ឍដើម្បីឆ្លើយតបនឹងតម្រូវការនេះ។

PPR គឺជាការវិវត្តរបស់បច្ចេកវិទ្យាកម្លាំងប្រតិកម្មនុយក្លេអែរបែបបំបែកអាតូម និងបែបប្រមូលផ្ដុំអាតូម (PuFF)។ នេះគឺជាបច្ចេកវិទ្យារុញច្រានទំនើបដែលប្រើប្រាស់ថាមពលនុយក្លេអែរ ដើម្បីកម្លាំងរុញសម្រាប់យានអវកាស។ ជាមូលដ្ឋាន PPR ប្រើប្រាស់ប្រព័ន្ធថាមពលនុយក្លេអែរដោយយោងទៅលើការបំបែកអាតូមដែលស្ថិតក្នុងរង្វង់គ្រប់គ្រង។ PPR ក៏តូចជាង សាមញ្ញជាង និងមានតម្លៃទាបជាង បើធៀបនឹង PuFF។

ណាសាឱ្យដឹងថា ប្រសិទ្ធភាពល្អឥតខ្ចោះរបស់ PPR បូករួមនឹងការរុញច្រានផ្ទាល់ខ្លួន (Isp) កម្រិតខ្ពស់ និងកម្លាំងរុញច្រានខ្លាំង ត្រូវបានគេរំពឹងថា នឹងជាបដិវត្តសម្រាប់សកម្មភាពស្រាវជ្រាវទីអវកាស។ ប្រសិទ្ធភាពខ្ពស់អនុញ្ញាតឱ្យបេសកកម្មនានាដែលមានក្រុមហោះហើរ ឆ្ពោះទៅកាន់ភពអង្គារ ដោយចំណាយពេលតែពីរខែ។ បច្ចុប្បន្ន ជើងហោះហើរមួយទិសពីផែនដីទៅកាន់ភពអង្គារ ត្រូវការពេលប្រហែល 9ខែ។

បច្ចេកវិទ្យា PPR អាចជួយរុញច្រានបណ្ដាយានអវកាសដែលមានទម្ងន់ធ្ងន់ជាងឆ្ងាយ បើធៀបនឹងប្រព័ន្ធរុញច្រានបច្ចុប្បន្ន។ យានអវកាសដែលប្រើប្រាស់បច្ចេកវិទ្យាថ្មីនេះនឹងត្រូវបានរចនាជាមួយនឹងខែលការពារទំនើបបំផុត អាចទប់ទល់នឹងកាំរស្មីចក្រវាលបញ្ចេញពីកាឡាក់ស៊ីនានា (GCR) ដែលជាភាគល្អិតថាមពលខ្ពស់ អាចបង្កគ្រោះថ្នាក់ដល់សុខភាពមនុស្ស នៅពេលធ្វើដំណើរក្នុងចក្រវាលរយៈពេលយូរ។

សមត្ថភាពរុញច្រានដ៏ទំនើបរបស់ PPR ក៏សមស្របនឹងបណ្ដាបេសកកម្មឆ្ងាយជាងភពអង្គារផងដែរ។ ឧទាហរណ៍ ជើងហោះហើរទៅកាន់តំបន់ខ្សែក្រវាត់អាចម៍ផ្កាយដើម្បីទាញយកធនធានរ៉ែជាដើម គឺអាចទៅរួចនៅពេលប្រើប្រាស់ PPR។

ដំណាក់កាលទីមួយនៅក្នុងការស្រាវជ្រាវ Concept ទំនើបថ្មី (NIAC) របស់ណាសា ស្ដីពីបច្ចេកវិទ្យា PPR គឺផ្ដោតទៅលើការវាយតម្លៃលំហូរនឺត្រុងរបស់ប្រព័ន្ធ ការរចនាយានអវកាស ប្រព័ន្ធអគ្គិសនី និងបណ្ដាប្រព័ន្ធរងសំខាន់ៗ ការវិភាគលទ្ធភាពរបស់ទូយោម៉ាញេទិច ការកំណត់គន្លងគោចរ និងផលប្រយោជន៍របស់ PPR។

ដំណាក់កាលទីពីរអាចជួយឱ្យណាសាឆ្ពោះទៅជិតដល់គោលដៅប្រែក្លាយសុបិនភពអង្គារឱ្យទៅជាការពិត ដោយការរចនាម៉ាស៊ីនជំនាន់បន្ទាប់ ក៏ដូចជាការធ្វើតេស្តសាកល្បងជាក់ស្ដែង និងរចនាយានអវកាសសម្រាប់បេសកកម្មដែលមានអវកាសចរ ហោះទៅកាន់ភពព្រះអង្គារ។ នេះបើតាមទំព័រ Interesting Engineering។

May 6, 2024

ក្រុមហ៊ុនមេរបស់ Google មានតម្លៃពីរលានលានដុល្លារ ព្រោះប្រាក់ចំណូលកើនឡើងខ្ពស់

កាលពីថ្ងៃទី 25 មេសា Alphabet ដែលជាក្រុមហ៊ុនមេរបស់ Google បានប្រកាសឯកសារ បង្ហាញថា ប្រាក់ចំណូលក្នុងត្រីមាសដំបូងនៃឆ្នាំ 2024 កើន 15%។ Alphabet ក៏បានប្រកាសអំពីការចែកភាគលាភដំបូងផងដែរ។

ជាក់ស្ដែង ប្រាក់ចំណូលរបស់ Alphabet បានកើនដល់ 80.5ពាន់លានដុល្លារ ពី 69.8ពាន់លានដុល្លារកាលពីឆ្នាំមុន។

មូលបត្រ Alphabet កើនរហូតដល់ 13% នៅក្នុងការជួញដូរក្រៅម៉ោងធ្វើការ ជួយឱ្យក្រុមហ៊ុនរកចំណូលបន្ថែមបានជាង 250ពាន់លានដុល្លារ នាំឱ្យតម្លៃមូលធនទីផ្សារកើនដល់ជាងពីរលានលាន (2,000,000,000,000) ដុល្លារ។ លទ្ធផលនេះក៏ជួយឱ្យ Alphabet មានឈ្មោះក្នុងបញ្ជីកំពូលក្រុមហ៊ុនដែលរួមមាន Microsoft, Apple និង Nvidia ផងដែរ។

April 26, 2024

ក្រុមហ៊ុន VinFast មានកម្មវិធី «ទទួលយករថយន្តសាំង – ផ្ដល់ជូនរថយន្តអគ្គិសនី»

បន្ទាប់ពីបានទទួលជោគជ័យក្នុងកម្មវិធី «ទទួលយកម៉ូតូសាំង – ផ្ដល់ជូនម៉ូតូអគ្គិសនី» ដែលបានអនុវត្តតាំងពីចុងខែមីនា កម្មវិធីថ្មី «ទទួលយករថយន្តសាំង – ផ្ដល់ជូនរថយន្តអគ្គិសនី» របស់ក្រុមហ៊ុនផលិតរថយន្តអគ្គិសនីវៀតណាម VinFast នឹងនាំមកនូវឱកាសសម្រាប់អតិថិជនដែលចង់ប្ដូររថយន្តសាំង យករថយន្តអគ្គិសនី VinFast ។

យោងតាមកម្មវិធីខាងលើ ម្ចាស់រថយន្តអគ្គិសនី VinFast ទាំងឡាយដែលចង់ប្ដូរយករថយន្តអគ្គិសនីស៊េរីខ្ពស់ជាង ក៏អាចទទួលបានអត្ថប្រយោជន៍ពីកម្មវិធី «ទទួលយករថយន្តសាំង – ផ្ដល់ជូនរថយន្តអគ្គិសនី» នេះផងដែរ។

ជាក់ស្ដែង អតិថិជនដែលជាម្ចាស់រថយន្តសាំង និងរថយន្តអគ្គិសនី VinFast នឹងទទួលបានការធានាពីក្រុមហ៊ុន Cho Tot ដែលជាដៃគូសហការ ទាក់ទងនឹងតម្លៃ។ ចំណែកម្ចាស់រថយន្តសាំងយីហោផ្សេងពី VinFast ក៏កម្មវិធីខាងលើទទួលទិញក្នុងតម្លៃសមរម្យជាងទីផ្សារ។

ទន្ទឹមនឹងនេះ នៅពេលទិញរថយន្តអគ្គិសនី VinFast ថ្មី អតិថិជនដែលលក់រថយន្តចាស់ឱ្យកម្មវិធី «ទទួលយករថយន្តសាំង – ផ្ដល់ជូនរថយន្តអគ្គិសនី» នឹងទទួលបានឥណទានឡើងដល់ 8 ឆ្នាំ ក៏ដូចជាឥណទានស្មើនឹង 80% នៃតម្លៃរថយន្តថ្មី ព្រមទាំងការប្រាក់ទាបបំផុត នៅទូទាំងប្រទេសវៀតណាម។

កម្មវិធី «ទទួលយករថយន្តសាំង – ផ្ដល់ជូនរថយន្តអគ្គិសនី» របស់ VinFast និង Cho Tot នៅវៀតណាម បានផ្ដើមដំណើរការចាប់ពីថ្ងៃទី 22 ខែមេសា ឆ្នាំ 2024។

April 23, 2024

Nissan មានវិធីដើម្បីបញ្ចុះតម្លៃរថយន្តអគ្គិសនី

ក្រុមហ៊ុន Nissan កំពុងតែប្រើប្រាស់វិធីសាស្ត្រ Gigacasting ទៅក្នុងការផលិតរថយន្តអគ្គិសនីនាពេលអនាគត ដូចទៅនឹង Tesla Model Y។ Gigacasting ប្រើប្រាស់ពុម្ពធំដើម្បីបង្កើតគ្រឿងបង្គុំសម្រាប់ប្រព័ន្ធគ្រឿងក្រោមរបស់រថយន្តអគ្គិសនី ជួយកាត់បន្ថយការចំណាយលើការផលិតបាន 10%។

នេះគឺជាផ្នែកមួយនៅក្នុងគម្រោង «The Arc» របស់ Nissan ក្នុងដំណើរឆ្ពោះទៅបង្ហាញរថយន្តចំនួន 30 ម៉ូដែលនៅឆ្នាំ 2027 និងសម្រេចបានតុល្យភាពស្ដីពីការចំណាយលើការផលិតរវាងរថយន្តប្រើម៉ាស៊ីនចំហេះក្នុង និងរថយន្តអគ្គិសនីនៅឆ្នាំ 2030។

ក្រៅពីនេះ Nissan ក៏កំពុងអភិវឌ្ឍថ្មផ្ទុកថាមពលប្រភេទរឹង ហើយគ្រោងនឹងបង្ហាញថ្មប្រភេទនេះសម្រាប់រថយន្តអគ្គិសនីនៅឆ្នាំ 2028។

បច្ចុប្បន្ន Nissan កំពុងប្រឹងប្រែងដើម្បីតាមឱ្យទាន់គូប្រជែងនានា ពិសេសគឺ Tesla របស់អាម៉េរិក និង BYD របស់ចិន នៅក្នុងទីផ្សាររថយន្តអគ្គិសនីពិភពលោក។

April 20, 2024

បច្ចេកវិទ្យាបង្កភ្លៀងសិប្បនិម្មិតរបស់អារ៉ាប៊ីសាអូឌីត

ភាគច្រើននៃផ្ទៃដីនៅប្រទេសអារ៉ាប៊ីសាអូឌីត គឺជាសមុទ្រខ្សាច់ និងវាលរហោឋានដែលមិនមានមនុស្សរស់នៅ។ ក្នុងនោះក៏មាន Rub’ AI Khali ដែលជាសមុទ្រខ្សាច់មានផ្ទុកខ្សាច់ច្រើនជាងគេលើពិភពលោក និងសមុទ្រខ្សាច់ An-Nafud ជាទីដែលមានភ្នំខ្សាច់កម្ពស់ជាង 30 ម៉ែត្រ រាប់មិនអស់។

ដោយសារតែមានភូមិសាស្ត្រដូចខាងលើ ទើបប្រទេសនៅអាស៊ីខាងលិចមួយនេះ តែងមានអាកាសធាតុក្ដៅខ្លាំង។ សីតុណ្ហភាពជាមធ្យមនៅក្នុងរដូវក្ដៅគឺប្រហែល 45 អង្សាសេ ប៉ុន្តែក៏អាចឡើងដល់ជាង 50 អង្សាសេផងដែរ។

ប្រទេសអារ៉ាប៊ីសាអូឌីត កំពុងតែងាកទៅរកបច្ចេកវិទ្យាបង្កភ្លៀងសិប្បនិម្មិត ក្នុងបំណងបង្កើនបរិមាណទឹកភ្លៀងឱ្យបានច្រើនជាងមុនចាប់ពី 10 ទៅ 20%។ បច្ចេកវិទ្យាដែលអារ៉ាប៊ីសាអូឌីតប្រើប្រាស់គឺ ការបណ្ដុះពពកបង្កភ្លៀងសិប្បនិម្មិត។

ចាប់តាំងពីបង្ហាញវត្តមានជាលើកដំបូងនៅសហរដ្ឋអាម៉េរិកកាលពីឆ្នាំ 1946 ការបង្កភ្លៀងសិប្បនិម្មិតគឺជាបច្ចេកវិទ្យាដែលត្រូវបានអនុវត្តនៅតាមប្រទេសជាច្រើនលើពិភពលោក។ គិតមកដល់បច្ចុប្បន្ន មានប្រទេសជាង 50 បាន និងកំពុងប្រើប្រាស់បច្ចេកវិទ្យានេះ។

បណ្ដុះពពកគឺជាបច្ចេកទេសដែលគេប្រើប្រាស់ធាតុគីមី ដែលមានដូចជាភាគល្អិតនៃអ៊ីយ៉ូតប្រាក់ជាដើម បាញ់ទៅលើពពក ដើម្បីបង្កើនបរិមាណទឹកភ្លៀងពីពពក។ នៅពេលចូលទៅដល់ពពក ភាគល្អិតអ៊ីយ៉ូតប្រាក់នឹងស្រូបទាញភាគល្អិតរបស់ទឹក ឱ្យប្រមូលផ្ដុំជុំវិញវា។ បន្ទាប់មក តំណក់ទឹកតូចៗនេះក៏ប៉ះគ្នា បង្កើតបានជាតំណក់ទឹកដែលធំជាងមុន រហូតដល់ធ្លាក់មកជាទឹកភ្លៀង។

បច្ចុប្បន្ន មានមធ្យោបាយចំនួនពីរដែលត្រូវបានប្រើប្រាស់ច្រើន នៅក្នុងការបណ្ដុះពពកដើម្បីបង្កើនទឹកភ្លៀង។ ទីមួយ គឺការប្រើប្រាស់យន្តហោះធុនស្រាលដើម្បីបាញ់កាំជ្រួចភ្លើងដែលមានផ្ទុកភាគល្អិតសូដ្យូមក្លរួ ឬអ៊ីយ៉ូតប្រាក់ ចូលទៅក្នុងពពក។ ទីពីរ គឺការបាញ់រ៉ុក្កែតតូចៗដែលមានផ្ទុកភាគល្អិត ពីដីទៅកាន់ពពក។

បើទោះជាបច្ចេកទេសបង្កភ្លៀងសិប្បនិម្មិត តែងតែមានប្រសិទ្ធភាពខ្ពស់ ប៉ុន្តែវាក៏ត្រូវបានគេសង្ស័យផងដែរ។ ជាក់ស្ដែង កាលពីដើមសប្ដាហ៍នេះ ភ្លៀងធំច្រើនមេដែលប្រហាក់ប្រហែលនឹងបរិមាណទឹកភ្លៀងពីរឆ្នាំបូកចូលគ្នា បានធ្លាក់ចុះលើទីក្រុងឌូបៃរបស់ប្រទេសអេមីរ៉ាត់អារ៉ាប់រួម (UAE) នៅក្នុងមួយថ្ងៃ បង្កឱ្យមានទឹកជំនន់យ៉ាងធ្ងន់ធ្ងរ។ នៅលើបណ្ដាញសង្គម គេឃើញមានការបញ្ចេញមតិជាច្រើនដែលចោទថា នេះគឺជាលទ្ធផលនៃការបង្កភ្លៀងសិប្បនិម្មិត។ ក៏ប៉ុន្តែ អ្នកវិទ្យាសាស្ត្រជាច្រើនបានបដិសេធការចោទប្រកាន់នេះ៕

April 19, 2024

«បើកបររថយន្តអគ្គិសនីបីឆ្នាំនៅជនបទ» ជាបទពិសោធន៍របស់អតីតគ្រូបង្រៀនម្នាក់នៅអាម៉េរិក

នៅក្នុងតំបន់ជនបទដែលមានស្ថានីយបញ្ចូលថាមពលថ្មមិនច្រើន លោក Frank Johnson អតីតគ្រូបង្រៀនមួយរូប រស់នៅក្នុងតំបន់ Dade រដ្ឋ Missouri សហរដ្ឋអាម៉េរិក បានចែករំលែកអំពីជីវភាពដែលលោកបានប្រើប្រាស់រថយន្តអគ្គិសនីតាំងពីឆ្នាំ 2021។

ចំណុចវិជ្ជមានរបស់រថយន្តអគ្គិសនី

នៅលើទំព័រ Springfield News-Leader លោក Frank Johnson ឱ្យដឹងថា រថយន្តអគ្គិសនីរបស់លោក ភាគច្រើនត្រូវបានបញ្ចូលថាមពលអគ្គិសនីក្នុងផ្ទះនៅពេលយប់ ហើយសាកថ្មល្បឿនលឿននៅលើផ្លូវល្បឿនលឿន គ្រាដែលលោកធ្វើដំណើរផ្លូវឆ្ងាយ។ កូនស្រីរបស់លោក ថែមទាំងបើកបររថយន្តអគ្គិសនីពាសពេញសហរដ្ឋអាម៉េរិក ដោយការបញ្ចូលថាមពលអគ្គិសនីនៅតាមស្ថានីយចល័ត។

ដោយសារតែមានបណ្ដាញស្ថានីយសាកថ្មនៅតាមបណ្ដោយផ្លូវល្បឿនលឿន (160 គីឡូម៉ែត្រ/ស្ថានីយ) លោក Frank Johnson លែងបារម្ភអំពីរយៈចម្ងាយដែលរថយន្តអគ្គិសនីរបស់លោកត្រូវធ្វើដំណើរ។

អតីតគ្រូបង្រៀនរូបនេះ ក៏បានឱ្យដឹងថា រថយន្តអគ្គិសនីមានភាពធន់ និងត្រូវការការថែទាំតិចជាងបើធៀបនឹងរថយន្តម៉ាស៊ីនចំហេះក្នុង។ លោកថា រថយន្តអគ្គិសនីសមស្របនឹងការប្រើប្រាស់ជាលក្ខណៈគ្រួសារ អ្នកប្រគល់ទំនិញ ក៏ដូចជាសិស្សសាលានៅជនបទ ដោយសារតែការចំណាយទៅលើអគ្គិសនីទាបជាង 5 ដង ធៀបនឹងតម្លៃសាំង។

លោក Frank បានផ្ដល់ជាយោបល់ថា សម្រាប់អ្នកដែលត្រូវធ្វើដំណើរផ្លូវឆ្ងាយជាញឹកញាប់ គួរតែជិះរថយន្តឈ្នួល បើសិនមិនទាន់ចង់បោះបង់រថយន្តសាំង។

លោក Frank Johnson អតីតគ្រូបង្រៀនមួយរូប រស់នៅក្នុងតំបន់ Dade រដ្ឋ Missouri សហរដ្ឋអាម៉េរិក

ចំណុចអវិជ្ជមានរបស់រថយន្តអគ្គិសនី

យោងតាមលោក Frank ចំណុចអវិជ្ជមានមួយចំនួនរបស់រថយន្តអគ្គិសនី រួមមាន រថយន្តថ្មីរបស់លោក ដំបូងឡើយសាកថ្មមួយពេញជិតបាន 490 គីឡូម៉ែត្រ ប៉ុន្តែបីឆ្នាំក្រោយមក សាកថ្មម្ដងជិះបាន 467 គីឡូម៉ែត្រ។ រថយន្តអគ្គិសនីក៏មានអាគុយផ្ទុកអគ្គិសនីដូចរថយន្តសាំង ដូច្នេះវាត្រូវការផ្លាស់ប្ដូរក្រោយរយៈពេលពី 5 ទៅ 7 ឆ្នាំ។

ថាមពលថ្មរបស់រថយន្តអគ្គិសនីនឹងឆាប់អស់នៅពេលអាកាសធាតុចុះត្រជាក់ ដូចជាពេលមេឃភ្លៀង ឬធ្លាក់ព្រឹលជាដើម បើធៀបនឹងរដូវក្ដៅ។

ប្រភេទរថយន្តអគ្គិសនី

រថយន្តដែលធ្វើដំណើរដោយអគ្គិសនី បច្ចុប្បន្នមានបីប្រភេទធំៗ រួមមាន រថយន្តអគ្គិសនីសុទ្ធ (BEVs), រថយន្តកូនកាត់សាំង-អគ្គិសនីថ្មធំ (Plug-In Hybrid / PHEV) និងរថយន្តកូនកាត់សាំង-អគ្គិសនីថ្មតូច (Hybrid / HEV)។

រថយន្តអគ្គិសនីសុទ្ធ (BEVs) គឺជារថយន្តដែលប្រើប្រាស់តែអគ្គិសនីពីថ្មដ៏ធំរបស់វា។ ថ្មរបស់រថយន្តនេះអាចបញ្ចូលអគ្គិសនីនៅតាមផ្ទះ ឬតាមស្ថានីយនានា។

រថយន្តអគ្គិសនីកូនកាត់សាំង-អគ្គិសនីថ្មធំ (Plug-In Hybrid / PHEV) គឺជាប្រភេទរថយន្តដែលប្រើប្រាស់ថាមពលចេញពីម៉ូទ័រអាគុយដ៏ធំរបស់វាទាំងស្រុង ដើម្បីធ្វើដំណើរនៅលើគ្រប់ស្ថានភាពផ្លូវ និងល្បឿន។

ការប្រើប្រាស់នូវថាមពលដែលចេញពីម៉ូទ័រថ្មអាគុយនឹងបន្តររហូតដល់ថាមពលថ្មអាគុយនោះស្ថិតនៅកម្រិតមួយដ៏ទាបបំផុត ទើបវាធ្វើការផ្លាស់ប្តូរទៅយកថាមពលដែលចេញពីម៉ាស៊ីនសាំងដើម្បីធ្វើការជំនួសវិញ។ អ្វីដែលជាផ្នែកមួយដ៏អស្ចារ្យរបស់រថយន្ត Plug-In Hybrid (PHEV) ដែលពុំមាននៅក្នុងរថយន្ត Hybrid (HEV) នោះគឺ ការបំពេញថាមពលថ្មឲ្យបានពេញវិញយ៉ាងរហ័ស តាមរយៈការបញ្ចូលថ្មពីប្រភពអគ្គីសនីតាមផ្ទះ ដែលវាមានលក្ខណៈដូចទៅនឹងការបញ្ចូលថ្មទូរស័ព្ទដៃរបស់យើងដែរ។

រថយន្តកូនកាត់សាំង-អគ្គិសនីថ្មតូច (Hybrid / HEV) គឺជាប្រភេទរថយន្តដែលប្រើប្រាស់កំលាំងថាមពលពីម៉ូទ័រថ្មអាគុយនៅពេលដែលរថយន្តនេះរត់នៅក្នុងរយៈល្បឿនយឺត។ នៅពេលដែលអ្នកបើកបរចង់បង្កើនល្បឿន រថយន្តនេះត្រូវការបន្ថែមថាមពល តាមរយៈការទាញយកថាមពលពីម៉ាស៊ីនដែលប្រើប្រាស់សាំង។ ការបង្កើនល្បឿននៃការបើកបរនេះនឹងធ្វើឲ្យរថយន្តផ្លាស់ប្តូរពីការប្រើប្រាស់ថាមពលថ្មអាគុយ ទៅប្រើប្រាស់ថាមពលពីម៉ាស៊ីនសាំងវិញ។ លើសពីនេះប្រសិនបើរថយន្តត្រូវការថាមពលច្រើនក្នុងពេលបើកបរ ដូចជាការបើកបរឡើងទីទួល ទាំងម៉ូទ័រថ្មអាគុយ និងម៉ាស៊ីនសាំងនឹងត្រូវបានប្រើប្រាស់ ដើម្បីឱ្យមានថាមពលគ្រប់គ្រាន់សំរាប់ស្ថានភាពផ្លូវបែបនេះ។

April 11, 2024

Category: ជីវិត និងកម្សាន្ត