Category: សុខភាព

វិធីបំបាត់អាការឈឺកដោយខ្លួនឯង យ៉ាងមានប្រសិទ្ធភាព
តើអ្នកកំពុងតែមានអារម្មណ៍ដូចជារមាស់ក កឡើងហើមតិចៗ ហើយព្រមទាំងមានអារម្មណ៍ថាបរិវេណម្តុំនោះដូចជាក្តៅៗមែនដែរទេ? នេះជាសញ្ញានៃជំងឺឈឺកហើយ តែសូមកុំបារម្ភ ហើយក៏កុំភ័យ ខ្លាចអី ដ្បិតថា អ្នកមិនមែនជាមនុស្សតែម្នាក់ដែលជួបប្រទះនឹងរឿងរ៉ាវបែបនេះនោះទេ ព្រោះថាជំងឺឈឺក គឺជាជំងឺមួយដែលអាចកើតឡើងជាប្រចាំទៅហើយសម្រាប់មនុស្សស្ទើរតែគ្រប់គ្នា។ សូមទុកក្តីបារម្ភចោលមួយឡែក កុំអាលប្រញាប់ទៅរកគ្រូពេទ្យអី ហើយងាកមកស្តាប់យោបល់ស្តីអំពីវិធីព្យាបាលដោយខ្លួនឯងដែល ឡារ៉ែន ធ្វើការបង្ហាញជូនបន្តិចសិនទៅមើល៍៖
ទទួលទានទឹកឱ្យបានច្រើន
ជាធម្មតាយើងត្រូវតែទទួលទឹកស្រាប់ទៅហើយ ដូច្នេះមិនចាំបាច់និយាយប្រាប់ក៏ដឹងដែរថា យើងគ្រប់គ្នាត្រូវការទទួលទានទឹក ប៉ុន្តែសម្រាប់ក្នុងអំឡុងពេលដែលអ្នកមានអាការឈឺក ទឹកគឺមានសមាសភាពសំខាន់ជាងពេលណាៗទាំងអស់។ ទឹក8-10កែវ ឬច្រើនជាងនេះក្នុងមួយថ្ងៃ (ទឹកមិនត្រជាក់ជាជម្រើសដ៏ត្រឹមត្រូវបំផុត) នឹងជួយរក្សាជាតិប្រេងក្នុងបំពង់ក ការពារភាពស្ងួត ប្រឆាំងនឹងអាការហើម និងរលាកបំពង់កជាដើម។
គ្រាប់ថ្នាំផ្អែម
ប្រភេទដូចជាស្ករគ្រាប់បៀបរសជាតិផ្អែមលាយប្រហើរ អាចជួយសម្រួលដល់ការឈឺចាប់បានខ្លះ។ គ្រូពេទ្យខ្លះបាននិយាយថា ស្ករអាចជួយកាត់បន្ថយការឈឺចាប់ក្នុងបំពង់ក និងអាការក្អក ប៉ុន្តែសូម ចាំថា គ្រាប់ថ្នាំបៀមដែលមិនមានជាតិស្ករក៏អាចជួយលោកអ្នកបានដែរ ព្រោះថាវាជួយរក្សា និងផ្តល់សំណើមក្នុងបំពង់ក ធ្វើឱ្យការឈឺចាប់ត្រូវបានកាត់បន្ថយ។
ចំហុយ
វិធីសាស្ត្របែបបុរាណ ក្នុងការបំបាត់ជំងឺឈឺកគឺ ការចំហុយ។ អង្គុយនៅពីខាងមុខចានទឹកក្តៅ ហើយគ្របមុខរបស់អ្នកឱ្យជិតដោយ មានបន្ថែមប្រេងខ្យល់1-2ដំណក់ទៅក្នុងទឹកក្តៅផង។ ចំហាយទឹកក្តៅនឹងចូលទៅជួយសម្រួលដល់ការដកដង្ហើម បន្ថយការឈឺចាប់នៅបំពង់ករបស់អ្នកជាមិនខាន។
ទឹកអំបិល
នេះក៏ជាវិធីព្យាបាលតាមបែបបុរាណមួយដែរ។ វិធីងាយៗគឺ ដាក់អំបិល¼ស្លាបព្រាបាយទៅក្នុងទឹកក្តៅឧណ្ហៗមួយកែវ (កាន់តែក្តៅកាន់តែល្អ តែយកត្រឹមកម្រិតដែលអ្នកអាចទទួលយកបាន)។ យកទឹកអំបិលនេះខ្ពុរមាត់ (ខ្ពុរឱ្យដល់បំពង់ក) ឱ្យបាន2-3ដងក្នុងមួយថ្ងៃ។ ទឹកអំបិលនឹងចូលទៅព្យាបាល និងកម្ចាត់មេរោគផ្សេងៗនៅក្នុងបំពង់ករបស់អ្នកយ៉ាងមានប្រសិទ្ធភាព។
ទឹកក្រូចឆ្មារ
ទឹកក្តៅមួយកែវ ទឹកឃ្មុំមួយស្លាបព្រាបាយ និងទឹកក្រូចឆ្មារមួយស្លាបព្រាបាយលាយចូលគ្នា។ ទទួលទានទឹកល្បាយនោះម្តងបន្តិច
យឺត។
សម្រាក
តើការសម្រាកបានជួយអ្វីខ្លះដល់អ្នកមានជំងឺឈឺក? មានច្រើន ណាស់! ខណៈពេលដែលអ្នកសម្រាក រាងកាយរបស់លោកអ្នកនឹងបង្កើនថាមពល ដើម្បីប្រឆាំងការឆ្លងរីករាលដាលទៅកាន់បំពង់ក។ ប្រសិនបើលោកអ្នកបានធ្វើការព្យាបាលតាមការណែនាំខាងលើហើយនោះ សូមកុំភ្លេចសម្រាកឱ្យបានច្រើនផង ដើម្បីជាការបន្ថែមប្រសិទ្ធភាពនៃការព្យាបាលឱ្យកាន់តែប្រសើរឡើងថែមទៀត៕
May 20, 2017
ជីវិតនឹងមានអារម្មណ៍ថាល្អគ្រាន់តែទទួលទានទឹកឱ្យត្រូវវិធី
អ្នកណាក៏ដឹងដែរថា ទឹកស្អាតល្អចំពោះសុខភាព តែមិនមែនថាទទួលទានទឹកធម្មតាហើយនឹងមានអារម្មណ៍ថាស្រួលខ្លួនភ្លាមនោះទេ ព្រោះរឿងបែបនេះស្ថិតនៅលើទិចនិកល្អៗដូចគ្នា ព្រោះបើទទួលទានទឹកត្រឹមត្រូវតាមវិធីហើយនោះ សុខភាពក៏នឹងរឹងប៉ឹង អាចតស៊ូពេញមួយឆ្នាំថ្មីនេះដោយមិនពិបាកឡើយ។
ដោយសារតែទឹកស្អាតមានប្រយោជន៍ចំពោះរាងកាយយ៉ាងច្រើន និងជារឿងចាំបាច់ក្នុងការរស់នៅ ព្រោះរាងកាយរបស់យើងប្រកប ទៅដោយទឹកស្ទើរតែ70%ឯណោះ ហើយក្នុងមួយថ្ងៃៗនឹងមានការ បញ្ចេញជាតិទឹកចេញពីរាងកាយក្នុងរូបបែបជាទឹកមូត្រ ញើស និងដង្ហើមប្រមាណជា0.5-2លិត្រ ហើយថែមទាំងជាចំណែកដ៏សំខាន់មួយក្នុងការធ្វើការរបស់ប្រព័ន្ធផ្សេងៗក្នុងរាងកាយទៀតផង។ ជាចំណែកប្រកបរបស់ឈាម ជួយដល់ការហូរវិលរបស់លោហិត ថែមទាំងនៅបានជួយគ្រប់គ្រងសីតុណ្ហភាពរាងកាយឱ្យស្ថិតស្ថេរ និងនៅជួយរំលាយ បឺតជ្រាប និងដឹកនាំសារធាតុអាហារទៅឯកោសិកាផ្សេងៗទូទាំងរាងកាយ ហើយដែលសំខាន់នោះគឺ ជួយដល់ការរំអិលរបស់ការធ្វើការងាររបស់អវយវៈផ្សេងៗក្នុងរាងកាយ និងបញ្ចេញកម្ទាត់វត្ថុកាកសំណល់ និងសារធាតុពុលចេញពីរាងកាយទៀតផង។
ក្រៅពីនេះទឹកស្អាតដែលយើងទទួលទានចូលទៅនោះ នៅបានជួយធ្វើឱ្យខួរក្បាលធ្វើការបានកាន់តែល្អឡើង សាច់ស្បែកស្រស់ភ្លឺថ្លា និងស្អាតចេញមកពីខាងក្នុង។ នោះគឺជាមូលហេតុដែលធ្វើឱ្យយើងត្រូវតែទទួលទានទឹកពី6-8កែវក្នុងមួយថ្ងៃ ដើម្បីរក្សាតុល្យការក្នុងរាងកាយរបស់យើង។
វេជ្ជបណ្ឌិតជំនាញខាងផ្នែកសុខភាពបានបង្ហើបឱ្យដឹងថា ជាទូទៅយើងគួរទទួលទានទឹកស្អាតបរិសុទ្ធឱ្យបានប្រមាណជា 2លីត្រក្នុងមួយថ្ងៃ ព្រោះបើរឹតតែទទួលទានទឹកច្រើនក៏រឹតតែបន្ទោបង់បញ្ចេញកាកសំណល់បានកាន់តែល្អឡើង ធ្វើឱ្យសាច់ស្បែកស្រស់បស់មានសំណើម ភ្លឺរលោង កាត់បន្ថយភាពធុញថប់តានតឹងបានច្រើនទៀត ផង។
“អំឡុងពេលដែលគួរទទួលទានទឹកបំផុតនោះគឺ ក្រោយពេលភ្ញាក់ពីគេង បន្ទាប់ពីនោះគួរទទួលទានទឹកមុនពេលបាយ1ម៉ោង និងក្រោយពេលបាយ1ម៉ោង ដោយវិធីទទួលទានទឹកមិនបានកំណត់តាមបែបណាមួយពិតប្រាកដនោះទេ គឺស្ថិតលើទិចនិករបស់មនុស្ស ម្នាក់ៗ បែងចែកទៅតាមឡែហ្វ៍ស្តាយល៍ តែមិនគួរទទួលទានទឹកម្តង8កែវជាប់ៗគ្នានោះទេ ព្រោះអាចធ្វើឱ្យសូដ្យូមនៅក្នុងឈាមធ្លាក់ចុះ ធ្វើឱ្យរឹតតែស្រេកទឹកខ្លាំងឡើងទៀត និងហើមខួរក្បាល។ ចំពោះបទពិសោធផ្ទាល់ខ្លួនវិញ ខ្ញុំនឹងទទួលទានទឹកនៅពេលព្រឹក 3កែវ ដើម្បីបន្ថែមទឹកឱ្យឈាម ពេលថ្ងៃ3កែវ ដើម្បីជួយបណ្តេញកាកសំណល់ចេញពីក្នុងរាងកាយ មុនងូតទឹកពេលព្រលប់1កែវ ដើម្បីបញ្ចុះសម្ពាធឈាម និងមុនគេង1កែវ ដើម្បីកម្ចាត់កាកសំណល់ដែលនៅសេសសល់ក្នុងរាងកាយ ជួយឱ្យគេងលក់ស្រួល តែមិនចាំបាច់ទទួលទានទឹកច្រើនជ្រុលពេកនោះទេ ព្រោះអាចនឹងធ្វើឱ្យគេងលក់មិនបានគ្រប់គ្រាន់” វេជ្ជបណ្ឌិតជំនាញខាងសុខភាពបញ្ជាក់បន្ថែម។
មិនថាតាមទិចនិកណាក៏ដោយ រឿងមួយដែលត្រូវពិនិត្យមើលឱ្យបានច្បាស់លាស់នោះគឺ ទឹកត្រូវតែជាទឹកស្អាតបរិសុទ នោះអ្នកនឹង មានសុខភាពល្អ50%ជាមុនស្រេចទៅហើយ៕
May 17, 2017
គួរធ្វើយ៉ាងណា បើសមត្ថភាពផ្លូវភេទធ្លាក់ចុះ?
បើទោះជាមានទ្រព្យសម្បត្តិច្រើនអនេករហូតគរដូចភ្នំយ៉ាងណាក៏ដោយ ក៏មិនប្រាកដថាមានសេចក្ដីសុខ និងសុភមង្គលក្នុងគ្រួសារនោះដែរ ខណៈបើលោកអ្នកជួបនឹងបញ្ហាអសមត្ថភាពផ្លូវភេទ។ មានពេលខ្លះ ដោយសារតែបញ្ហាអសមត្ថភាពមួយនេះ ក៏អាចបណ្តាលឱ្យកើតមានជាអំពើភិតក្បត់ផងដែរ។ បើដូច្នេះ តើមានវិធីណាអាចស្រោចស្រង់បានទេ? ពេលនេះ ឡារ៉ែន សូមឆ្លើយប្រាប់ថា ពិតជាមាន ហើយអាចជាដំណោះស្រាយយ៉ាងប្រសើរថែមទៀតផង។ ជាជំហានដំបូងលោកអ្នកគួរដឹងថា ការថមថយ ឬធ្លាក់ចុះនៃសមត្ថភាពផ្លូវ គឺបណ្តាលមកពីកត្តាជាច្រើនក្រោមសកម្មភាព និងទង្វើប្រចាំថ្ងៃរបស់ លោកអ្នកផ្ទាល់តែម្ដងដូចជា ៖
ខិតខំបំពេញការងារ
មួយថ្ងៃៗនៅតែជាមួយគំនរក្រដាស ព្រឹកឡើងបើកភ្នែកមិនទាន់ក៏កាន់ឯកសារទៅកន្លែងធ្វើការ លុះត្រឡប់មកផ្ទះវិញក៏នៅជាមួយឯកសាររហូតដល់ពាក់កណ្តាលអធ្រាត្រ។ ទង្វើបែបនេះ មិនយូរមិនឆាប់នឹងបណ្តាលឱ្យកើតមានជំងឺស្ត្រេស ដែលជាសត្រូវធំបំផុតជាមួយនឹងសម្ពន្ធផ្លូវភេទ។ ដើម្បីបញ្ចៀសបញ្ហាដ៏ធំមួយនេះ លោកអ្នកគួរតែមានការបែងចែកឱ្យបានច្បាស់លាស់រវាងពេលវេលាសម្រាប់បំពេញការងារ និងឱកាសក្នុងការបង្កើនសេចក្ដីសុខក្នុងរង្វង់គ្រួសារ ដោយការផ្តោតសំខាន់ទៅលើការរួមរស់ជាគូ ឬជីវិតសិចនេះឯង។
សេពថ្នាំពុលសម្លាប់អារម្មណ៍សិចដោយខ្លួនឯង
ព្រឹកឡើងមានកាហ្វេមួយកែវនៅលើតុធ្វើការ ពេលថ្ងៃក៏មានកាហ្វេនៅកៀកនឹងដៃ លុះពេលល្ងាចក៏មានកម្មវិធីជួបជុំជាមួយមិត្តភក្តិក្រោមវត្តមាននៃគ្រឿងស្រវឹង។ សាកគិតទៅមើលថា ទាំងអស់នេះជាភេសជ្ជៈជួយបង្កើនថាមពលសិច ឬជាឃាតករសម្លាប់អារម្មណ៍សិច? បើចង់ថែរក្សាសមត្ថភាពសិច គួរតែកាត់បន្ថយ ឬកាត់ផ្តាច់នូវទម្លាប់ដ៏អាក្រក់ទាំងនេះចោលឱ្យអស់ នោះលោកអ្នកពិតជាអាចមានថាមពលសិចយ៉ាងគ្រប់គ្រាន់ជាក់ជាមិនខាន។
អនុវត្តដោយភាពផ្អែមល្ហែមរាល់ថ្ងៃ
មិនត្រូវគិតថា ការអនុវត្តសិចជាប្រចាំ 3ដងក្នុងមួយសប្ដាហ៍ (ល្អបំផុត) ឬច្រើនជាងនេះ គឺជាទង្វើញៀនសិចនោះទេ។ ផ្ទុយទៅវិញ ជាមួយនឹងទង្វើបែបនេះ ក្រៅពីអាចជួយរក្សានូវថាមពលសិចឱ្យមានភាពស្ថិតស្ថេរយូរអង្វែង ថែមទាំងអាចរឹតបណ្តឹងសម្ពន្ធភាពជាមួយដៃគូយ៉ាងប្រសើរ ជាពិសេស អាចធ្វើឱ្យលោកអ្នកមានអារម្មណ៍ស្រស់- ស្រាយ សប្បាយចិត្ត និងជួយរក្សាសម្រស់ឱ្យនៅតែស្រស់ស្អាតក្មេងជាងវ័យ។
បន្ថែមថាមពល
ក្រៅពីព្យាយាមចាកចេញពីទម្លាប់អាក្រក់ខាងលើនេះ លោកអ្នកក៏អាចពង្រឹងថាមពលសិច ឬរក្សាសមត្ថភាពផ្លូវភេទដោយការទទួលទានអាហារមានប្រយោជន៍ចំពោះសុខភាពផងដែរ ដែលអាហារទាំងនោះមានដូចជា បន្លែ ផ្លែឈើ ត្រី សាច់ និងគ្រឿងសមុទ្រជាដើម៕
May 13, 2017
ឆ្ងល់ទេ…គ្រាន់តែញ៉ាំឪឡឹក ម៉េចហាមមិនឱ្យញ៉ាំទឹក?
បើតាមអ្នកជំនាញដែលបកស្រាយតាមរយៈគេហទំព័រ Soha បានឲ្យដឹងថា រាងកាយរបស់មនុស្សយើងត្រូវការ PH ដើម្បីរំលាយអាហារក្នុងកម្រិតជាក់លាក់ប្រាកដមួយ ហើយប្រសិនបើក្រោយពេលទទួលអាហារហើយ អ្នកពិសាទឹកចូលទៅបន្ថែមច្រើនទៀតនោះ PH ដែលជួយរំលាយអាហារនឹងត្រូវបានបំផ្លាញទាំងស្រុងដោយសារបរិមាណជាតិទឹកលើស ។
ចំពោះអាហារផ្លែឈើដែលមានជាតិកាកសរសៃ ដូចជាស្វាយ ល្ហុង ត្រសក់ស្រូវ -ល- មិនត្រូវបានណែនាំថា ជាប្រភេទអាហារដែលបំផ្លាញ PH ជួយរំលាយអាហារឡើយ បើទោះបីវាជាអាហារប្រភេទជួយសម្រួលដល់ប្រពន្ធរំលាយអាហារក្ដី តែផ្លែឈើដែលមានជាតិទឹកច្រើនដូចជា ឪឡឹក វិញ វាជាអាហារមានអត្ថប្រយោជន៍ចំពោះរាងកាយដោយសារតែវាសម្បូរទៅដោយជាតិទឹកច្រើន តែប្រសិនបើយើងទទួលទានវាច្រើន និងមិនត្រឹមត្រូវតាមក្បួនផងនោះ វានឹងបំប្លែងសារធាតុចិញ្ចឹម ទៅជាសារធាតុពុលនៅក្នុងខ្លួន ហើយវានឹងបំផ្លាញការរំលាយអាហាររបស់ PH និងថែមទាំងធ្វើឱ្យអាហាររំលាយមិនបានល្អ ហើយជួយជំរុញលំហូរកាកអាហារនៅក្នុងពោះវៀនធំឱ្យរអឹលរលូនទៀតផង ដែលជាហេតុបណ្ដាលឱ្យមានអាការរាករូស ចុកពោះ ហើមពោះ ទៅវិញ ។
ដូច្នោះរាល់ការទទួលទានផ្លែឪឡឹក នឹងមិនត្រូវបានអនុញ្ញាតឲ្យពិសាទឹកភ្លាមៗនោះទេ ព្រោះជាតិទឹកបានបំផ្លាញសារធាតុ PH រំលាយអាហារ ហើយថែមទាំងធ្វើឱ្យការរំលាយអាហារមិនប្រក្រតីទៀតផង ។
ដើម្បីជាការណ៍ល្អ ប្រសិនបើលោកអ្នកបរិភោគផ្លែឪឡឹកហើយ សូមរង់ចាំរយៈពេលប្រមាណជា ៣០ ទៅ ៤០ នាទីក្រោយ សឹមពិសាទឹកតាមក្រោយ ៕
May 12, 2017
ការប្រើចង្កឹះឫស្សី និងគ្រោះថ្នាក់ចំពោះសុខភាព
ចង្កឹះឫស្សី ប្រើម្តងចោលដែលលោកអ្នកនិយមយកមកប្រើក្នុងការចាប់អាហារញ៉ាំរៀងរាល់ថ្ងៃនេះ អ្នកមានដឹងទេថា ចង្កឹះឫស្សីមួយគូដែលស្ថិតនៅក្នុងស្រោមថ្មីស្អាតនោះ ដើម្បីថែរក្សាសាច់ឫស្សីឲ្យមានអាយុកាលវែង មិនឆាប់ខូច និងទុកបានយូរ តើរោងចក្រផលិតគេប្រើប្រាស់សារធាតុគីមីអ្វីខ្លះ? ព្រោះជាទូទៅឫស្សីជាវត្ថុធាតុដែលងាយពុកផុយ ហើយដុះផ្សិតទៀតផង ។
តាមរយៈគេហទំព័រ Soha អ្នកជំនាញបាននិយាយថា នៅក្នុងចង្កឹះឫស្សីមានផ្ទុកនូវសារធាតុគីមីពុល ដែលមានឥទ្ធិពលក្នុងការប្រឆាំងនឹងការដុះផ្សិត ព្រមទាំងមានផ្ទុកនូវសារធាតុស្ពាន់ធ័រ ដែលបណ្ដាលឲ្យមានគ្រោះថ្នាក់ដល់សុខភាពមនុស្ស ដែលបណ្តាលឱ្យមានអាការដូចជា វិលមុខ ចុកទ្រូង និងមានបញ្ហាចង្វាក់បេះដូងជាដើម ។
ជាចុងក្រោយ អ្នកជំនាញបានយកចង្កឹះឫស្សីដែលមានលក់នៅលើទីផ្សារមកធ្វើការពិសោធ ដោយការត្រាំទឹកក្ដៅចោលរយៈពេល ២ ទៅ ៣ នាទី រួចហើយក៏សង្កេតឃើញថា ទឹកដំបូងឡើយមានពណ៌សថ្លា តែមួយសន្ទុះក្រោយមកទឹកបានប្រែទៅជាពណ៌លឿង នេះបញ្ចាក់ថា ចង្កឹះឫស្សីមានលាបសារធាតុម្សៅស ដែលធ្វើឲ្យចង្កឹះរលោងស្អាត ហើយមានសារធាតុស្ពាន់ធ័រច្រើនលើសកំណត់ ទើបបណ្ដាលឲ្យទឹកមានសភាពលឿងខ្លាំង ។ ដូច្នោះហើយការទទួលទានអាហារដោយចង្កឹះឫស្សីប្រើម្តងចោល គឺជាហានិភ័យដ៏ធំដល់សុខភាពរាងកាយរបស់មនុស្សយើង ហេតុនេះគួរពិចារណាមុននឹងសម្រេចចិត្តប្រើប្រាស់វា ៕
May 11, 2017
អាថ៌កំបាំងក្នុងកាធ្វើធាតុផ្សំការពារជំងឺផ្សេងៗ រួមទាំងមេរោគមហារីកផង
នៅលើពិភពលោកនេះពោពេញទៅដោយរោគាគ្រប់ប្រភេទ ទើបវាជារឿងសំខាន់ណាស់ដែលត្រូវថែរក្សាសុខភាពដោយការជ្រើសរើសទទួលទានអាហារដែលមានតុល្យភាពដល់រាងកាយ នឹងជៀសវាងគ្រឿងភេសជ្ជៈស្រវឹង និងការជក់បារី ។
ក្រៅពីនេះអ្នកនៅអាចនាំយកធម្មជាតិមកប្រើសម្រាប់ថែរក្សាសុខភាពរបស់អ្នក ដោយការប្រើប្រាស់ធាតុផ្សំពីធម្មជាតិ ១០០ ភាគរយជួយបង្កើនប្រព័ន្ធប្រឆាំងជំងឺក្នុងរាងកាយ នឹងស្ដារសុខភាពរបស់អ្នក ខណៈដែលវាថែមទាំងអាចវាយលុកមេរោគនានាបានក្នុងអំឡុងពេលតែមួយបានទៀតផង ។
មូយក្នុងចំណោមរឿងដែលបានពោលមកខាងលើគឺ ទឹកផ្លែប៉ោមសៃឌើ ទឹកឃ្មុំបរិសុទ្ធពីធម្មជាតិ និង ខ្ទឹមស ត្រូវបាននាំយកមករួមបញ្ចូលគ្នាបានជាធាតុផ្សំព្យាបាលរោគមួយដែលមានសក្ដានុពលខ្លាំងអាចកម្ចាត់ភាពឈឺចាប់ និងរោគា បានច្រើនយ៉ាងណាស់ រួមទាំងជំងឺទឹកនោមផ្អែម ជំងឺលើសឈាម លើសកូឡេស្ដូរ៉ូល និងមេរោគមហារីកទៀតផង។
រូបមន្ដផ្សំនេះត្រូវបានសិក្សាស្រាវជ្រាវពីក្រុមអ្នកស្រាវជ្រាវអស់រយៈពេលជាច្រើនឆ្នាំ និងបានទទួលការអះអាងថា វាជារូបមន្ដផ្សំដែលមានសក្ដានុពលក្នុងការប្រឆាំងមេរោគមហារីកប្រភេទខ្លះ បើប្រើត្រឹមត្រូវតាមវិធីនឹងផ្ដល់លទ្ធផលល្អក្នុងរយៈពេល ២ សប្ដាហ៍ ។ រឿងដែលគួរឲ្យកត់សម្គាល់សម្រាប់រូបមន្ដនេះ គឺវាមានសមត្ថភាពជួយព្យាបាលមេរោគមហារីកបាន ថែមទាំងមិនមានផលប៉ះពាល់ទៀតផង ហើយគ្រឿងផ្សំទាំងអស់នេះអាចមាននៅក្នុងផ្ទះរបស់អ្នក ហើយវាអាចឲ្យអ្នកធ្វើបានយ៉ាងងាយស្រួលទៀតផង។
នេះគឺជាវិធីធ្វើ ទឹកផ្លែប៉ោមសៃឌើ ៖
គ្រឿងផ្សំ
១.ទឹកឃ្មុំធម្មជាតិសុទ្ធ ១ ពែង
២.ទឹកប៉ោមសៃឌើ ១ ពែង
៣.ខ្ទឹមស ១០ កំពឹស
វិធីធ្វើ
១.បន្ទាប់ពីអ្នកបាននាំយកគ្រឿងផ្សំទាំងអស់មកដាក់ចូលក្នុងឧបករណ៍ក្រឡុកប្រមាណជា ៦០ វិនាទី រហូតដល់ម៉ដ្ឋសព្វសាច់ហើយ…
២.បន្ទាប់មកចាក់ទឹកល្បាយក្រឡុកនោះចូលដប
៣.រួចយកក្លាសេ្សទុកក្នុងទូទឹកកក។
ចំណាំ ៖ ទឹកល្បាយផ្លែប៉ោមសៃឌើនេះទុកសម្រាប់ទទួលទាន ៥ ថ្ងៃ ហើយពិសាម្ដង ២ ស្លាបព្រាបាយនៅពេលព្រឹក ៕
May 10, 2017
ការមើលថែទាំអញ្ចាញធ្មេញ និងធ្មេញយ៉ាងត្រឹមត្រូវតាមវិធី
មានមនុស្សជាច្រើនតែព្រងើយកន្តើយនឹងការដុសសម្អាតធ្មេញ ដោយមិនដឹងឡើយថា ភាពស្អាតនៅក្នុងប្រអប់មាត់ក៏មានចំណែកសំខាន់ខ្លាំងដែរ ព្រោះវាអាចហុចផលដល់អវយវៈផ្នែកដទៃទៀតបាន ដោយគួរដុសសម្អាតធ្មេញយ៉ាងតិចក្នុងមួយថ្ងៃឱ្យបាន2ដង ចូរប្រើច្រាសដុសធ្មេញសរសៃទន់ មិនមែនជាច្រាសដែលមានសរសៃរឹងខ្លាំងពេកនោះទេ ព្រោះវាអាចធ្វើឱ្យធ្មេញឆាប់សឹក។ ទំហំរបស់ក្បាលច្រាសដុសធ្មេញក៏គួរមានខ្នាតដែលសមល្មមក្នុងការចូលទៅដល់គ្រប់កន្លុកកន្លៀតរបស់ធ្មេញបានយ៉ាងងាយស្រួល និងត្រូវផ្តល់ភាពសំខាន់របស់ការដុសសម្អាតធ្មេញដែលត្រឹមត្រូវតាមវិធី និងគ្រប់ទីតាំងរបស់ធ្មេញនីមួយៗ ដូច្នេះហើយទើប ឡារ៉ែន មានវិធីដុសសម្អាតធ្មេញដែលត្រឹមត្រូវមកជម្រាបជូនដូចតទៅ៖
1/ គួរដុសសម្អាតធ្មេញឱ្យត្រូវវិធីក្រោយពេលបរិភោគអាហាររួចគ្រប់ពេល តែបើមិនមានភាពងាយស្រួលក្នុងការដុសសម្អាតធ្មេញទេនោះក៏គួរតែខ្ពុរមាត់ខ្លាំងៗ ដោយទឹកស្អាតគ្រប់ពេល និងត្រូវដុសសម្អាតធ្មេញយ៉ាងតិចក្នុងមួយថ្ងៃ2ដងគឺ ភ្ញាក់ពីដំណេក និងមុនចូលគេង។
2/ ក្រោយពេលដុសធ្មេញ អាចប្រើម្រាមដៃដុសធ្វើម៉ាស្សានៅលើសាច់អញ្ចាញធ្មេញស្រាលៗគ្រប់កន្លែង ដើម្បីជួយឱ្យអញ្ចាញធ្មេញរឹងមាំ។
3/ ទទួលទានបន្លែ និងផ្លែឈើដែលជួយថែបំប៉នអញ្ចាញធ្មេញ និងជួយសម្អាតធ្មេញបែបងាយៗ ដូចជា ផ្លែក្រូច ប៉ិគក់ ត្របែក និងជម្ពូជាដើម។
4/ ចៀសវាងពីការខាំហែកវត្ថុរឹងៗដោយធ្មេញ ដូចជា ហែកថង់ប្លាស្ទិក ខាំខ្សែចំណងឱ្យដាច់ ប្រើធ្មេញគាស់បើកគម្របដបជាដើម ព្រោះអាចធ្វើឱ្យធ្មេញជំពើស បែក ឬរង្គើបាន។
5/ សង្កេតមើលធ្មេញ និងអញ្ចាញបន្ទាប់ពីដុសសម្អាតធ្មេញរួច ដោយការឆ្លុះកញ្ចក់មើលក្នុងប្រអប់មាត់ម្តងម្កាល បើឃើញមានចំណុចខ្មៅៗស្នាមហើមក្រហមៗនៅលើសាច់អញ្ចាញ ឬមានកំណកកំបោររឹងៗនៅតាមជើងធ្មេញ គួរតែទៅជួបទន្តពេទ្យ ដើម្បីពិនិត្យព្យាបាលជាបន្ទាន់។
6/ មិនគួរកេះធ្មេញដោយមិនចាំបាច់នោះទេ ព្រោះនឹងធ្វើឱ្យជើងធ្មេញមានប្រហោង និងអាចឆ្លងមេរោគបានទៀតផង។
7/ ក្នុងករណីដែលធ្មេញទឹកដោះ (សម្រាប់ក្មេងតូច) រង្គើធ្វើឱ្យឈឺ ខណៈពេលទទួលទានអាហារ ឬពេលដុសសម្អាតធ្មេញ ឬក៏មានធ្មេញពុកផុយរបេះអស់នៅសល់តែគល់ លែងមានធ្មេញហើយនោះ គួរតែទៅប្រឹក្សាជាមួយទន្តពេទ្យដើម្បីដកចេញភ្លាម។
វិធីដុសសម្អាតធ្មេញការដុសសម្អាតធ្មេញ គួរដុសសម្អាតឱ្យសព្វគ្រប់លើធ្មេញ និងគ្រប់ផ្នែករបស់ធ្មេញដែលច្រាសដុសធ្មេញចូលដល់ ពេលដុសធ្មេញមិនចាំបាច់ប្រើកម្លាំងសង្កត់ខ្លាំងៗនោះទេ ការដុសសម្អាតធ្មេញម្តងៗគួរប្រើពេលវេលាពី 2-3នាទី ការចាប់កាន់ច្រាសដុសធ្មេញ គួរចាប់កាន់ដងច្រាសដោយម្រាម 4ចំណែក ដោយម្រាមមេដៃដាក់សង្កត់នៅលើដងច្រាស ដែលធ្វើឱ្យអាចកម្រើកម្រាមដៃឱ្យច្រាសដុសធ្មេញវាសចុះ ឬវាសឡើងបានពេញដៃល្អ៕
May 9, 2017
អាហារ 5យ៉ាង ដែលមិនអាចខ្វះបាន សម្រាប់ស្ត្រី 30ឆ្នាំឡើង
អាហារចាំបាច់ចំពោះរាងកាយជានិច្ច អ្នកណាៗក៏ដឹងដែរ ទើបថ្ងៃនេះយើងមានអាហារសុខភាព 5យ៉ាងមកផ្ញើនារីៗ ជាអាហារដ៏ល្អដែលមិនអាចខ្វះបាន ដើម្បីមើលថែទាំសុខភាព និងការពាររោគដែលតែងកើតច្រើននៅក្នុងក្រុមនារីៗយើងពេលអាយុកាន់តែច្រើនឡើង ដូច្នេះយើងនាំគ្នាទៅមើលថា តើមានអ្វីខ្លះ?
1/ យ៉ាអួជាតិខ្លាញ់តិច រសជាតិធម្មជាតិ ជួយកាត់បន្ថយការកើតមហារីកសុដន់ និងការឆ្លងមេរោគក្នុងរន្ធស្បូន ក្រៅពីនេះនៅមានកាល់ស្យូមខ្ពស់ ការពារបញ្ហាពុកឆ្អឹងបានទៀតផង។
កម្រិតដែលគួរទទួលទាន៖ ទទួលទានក្នុងមួយសប្តាហ៍ 3-5ដង។
2/ ត្រីដែលមានខ្លាញ់ ដូចជា ត្រីសាលម៉ុន ត្រីមែកឃើរេល និងត្រីសាឌីន មានជាតិអាស៊ីតអូមេហ្កា 3 ជួយការពារជំងឺរលាកសន្លាក់ឆ្អឹងរូម៉ាតយដ៍ ជំងឺអេសអឹលអីុ ដែលកើតច្រើននៅលើស្ត្រីច្រើនជាងបុរស។
កម្រិតដែលគួរទទួលទាន៖ ទទួលទានក្នុងមួយសប្តាហ៍ 2-3ដង។
3/ សណ្តែក ទាំងសណ្តែកដែលទទួលទានបានទាំងកួ ដូចជា ពពាយ សណ្តែកកួ សណ្តែកហោឡាន់តៅ សណ្តែកអង្គុយ សណ្តែកក្រហម និងសណ្តែកខ្មៅ ដែលមានហ្វៃប៊ើរខ្ពស់ មានសារធាតុដែលមានឬទ្ធិទប់ស្កាត់អង់ហ្ស៊ីមប្រូទិអេស ដែលជួយការពារ និងកាត់បន្ថយការបំបែកខ្លួនរបស់កោសិកាមហារីក ជួយការពារមហារីកសុដន់ ហើយដែលសំខាន់គឺ ហុចផលល្អដល់អ័រម៉ូនភេទស្រី។
កម្រិតដែលគួរទទួលទាន៖ ទទួលទានក្នុងមួយសប្តាហ៍ 2-3ដង។
4/ ផ្លែប៉េងប៉ោះ និងឪឡឹក មានសារធាតុឡៃខូពីន ជួយការពារមហារីកសុដន់ មានសារធាតុអ៊ែនទីអុកស៊ីដេនត៍ ធ្វើឱ្យមើលទៅឃើញនៅក្មេងវ័យ ព្រោះជួយការពារស្បែកមិនឱ្យត្រូវកាំរស្មីអ៊ុលត្រាវីយ៉ូឡេបំផ្លាញ។
កម្រិតដែលគួរទទួលទាន៖ ទទួលទានក្នុងមួយសប្តាហ៍ 3-5ដង។
5/ ប៊ីរី ដូចជា ប្លូ៊ប៊ីរី ស្ត្រប៊ីរី រ៉ាសប៊ីរី មានអ៊ែនថូសៃអ៊ែនស៍ (Anthocyans) ដែលមានតួនាទីសំខាន់ក្នុងការជួសជុលកោសិកាក្នុងរាងកាយរបស់យើង ក្រៅពីនេះនៅមានការងារស្រាវជ្រាវមួយដែលអះអាងថា វាជួយកាត់បន្ថយភាពប្រថុយប្រថានក្នុងការកើតមហារីកបានច្រើនប្រភេទ ដូចជា មហារីកសុដន់ មហារីកប្រព័ន្ធរំលាយអាហារជាដើម។
កម្រិតដែលគួរទទួលទាន៖ ទទួលទានក្នុងមួយសប្តាហ៍ 3-4ដង។
ចង់ក្លាយជានារីរូបស្អាតសុខភាពល្អ ចូរកុំខកខានអាហារទាំង 5ប្រភេទដូចបានរៀបរាប់ពីខាងលើនេះ ព្រមទាំងត្រូវនាំគ្នាមើលថែទាំខ្លួនតាំងពីថ្ងៃនេះតទៅ៕
May 8, 2017
អ្នកណាខ្លះដឹងថា ស្រ្តីមានចំណង់រួមរ័កនៅពេលណា?
បើទោះបីស្ត្រី មិនស្តែងឱ្យឃើញពីតម្រូវការផ្នែកផ្លូវភេទច្បាស់ដូច បុរសក្តី ប៉ុន្តែពេលខ្លះអារម្មណ៍សិចរបស់ស្ត្រី កើនខ្លាំងជាងបុរសទៅទៀត។ ជាពិសេសនៅក្នុង អំឡុងពេលមួយចំនួនដែលមាននៅខាងក្រោមនេះតែម្ដង ដែលភាគគេបានកត់សម្គាល់ឃើញថា ស្រ្តីតែងកើតមានអារម្មណ៍ចង់រួមរ័ក។
– ត្រូវស្រាកម្តៅអារម្មណ៍៖ អំឡុងពេលស្ថិតនៅតែ២នាក់ជាមួយបុរសកំពូលស្នេហ៍ ស្ត្រីអាចចាប់ផ្តើមសាងភាពក្លាហានខ្លួនឯង ដោយក្រេបនូវរសជាតិដ៏ជាប់ចិត្តនៃសុរាពិសេសប្រភេទស្រាណាដែលដៃគូរបស់នាងចូលចិត្តដើម្បីជំរុញអារម្មណ៍នៃសេចក្តីសុខរួមគ្នាឱ្យកើតមានឡើង។
– ក្រោយថ្ងៃមានរដូវ៖ ក្រោយថ្ងៃមានរដូវបានកន្លងផុតទៅគឺជាអំឡុងពេលដែលកម្រិតអ័រម៉ូនក្នុងរាងកាយស្ត្រីកើនឡើង ព្រោះជាដំណាក់កាលដែលរាងកាយផលិតពង (អូវុល) ដើម្បីរង់ចាំទទួលការបន្តពូជតាមបែបធម្មជាតិ។ ពីរសប្តាហ៍រាប់ចាប់ពីថ្ងៃអស់រដូវចុងក្រោយ គឺជាចន្លោះពេលមួយសមស្របបំផុតក្នុងការបង្កាត់ភ្លើងស្នេហ៍កាមទេព និងជាពេលដែលស្ត្រីមានតម្រូវការផ្លូវ ភេទខ្លាំងដោយពុំចាំបាច់ឱ្យបុរសជាដៃគូជួយបបោសអង្អែលដាស់អារម្មណ៍សិចយូរៗដូចមុននោះឡើយ។
– មើលវីដេអូដាស់អារម្មណ៍៖ ស្ត្រីភាគច្រើនមានអារម្មណ៍ខ្លាចរអាមិនហ៊ានមើលវីដេអូសិចដោយមូលហេតុច្រើនយ៉ាង ពិសេស ខ្លាចបុរសគូស្នេហ៍យល់ថា នាងជាស្ត្រីល្មោភតណ្ហា។ ប៉ុន្តែបើជាសាច់រឿងស្នេហាមានឈុតឆាកឱបថើបបឺតមាត់ ស្ទាបបបោសអង្អែលសម្តែងដោយតួឯកប្រុសសង្ហាអាចធ្វើឱ្យឈាមរបស់ស្ត្រីពុះពោរឡើង ឯអារម្មណ៍ក៏កើតមានទៅតាមនោះដែរ រហូតទ្រាំលែងបាន ពេលនោះចៀសមិនផុតពីដឹកដៃគ្នាឡើងឋានសួគ៌ឡើយ ។
– ពេលនៅបែកគ្នា៖ អឡុងពេលរស់នៅបែកគ្នាបណ្តោះអាសន្នសម្ព័ន្ធស្នេហ៍របស់ស្ត្រី និងគូស្នេហ៍នឹងកាន់តែវេញត្របាញ់បញ្ចូលគ្នាយ៉ាងស្អិតល្មូតទ្វេឡើងនៅពេលបានជួបគ្នាម្តងៗ។ នេះដោយសារក្តីនឹករលឹកភាពស្រងេះស្រងោចដក់ជាប់ក្នុងចិត្ត ដែលចេះតែកើនឡើងដោយក្តីបារម្ភ និងទន្ទឹងរង់ចាំផ្លូវ។ ពេលបានជួបគ្នាវិញ ត្រូវទូទាត់នូវក្តីនឹងរឮកដោយយកសិចមកជំនួស។
– ពេលតប់ប្រមល់៖ ភាពធុញថប់តប់ប្រមល់របស់ស្ត្រីដែលយើងមិនច្បាស់ក្នុងចិត្តថា ជាអ្នកជំរុញកម្តៅខ្លួនឱ្យពុះពោរឡើងដូចកំហឹងនិងមិនអាចបង្កើតនូវសេចក្តីត្រូវការផ្នែកផ្លូវភេទឱ្យកើនឡើងខ្លាំង ដូចការខឹងក្រេវក្រោធនោះ បើភាគីបុរសជូយដោះស្រាយបញ្ហារកច្រកចេញឱ្យស្ត្រីធូរស្បើយ ក្នុងអារម្មណ៍គឺជារឿងល្អ។ ភាពតប់ប្រមល់នាំឱ្យឈឺក្បាល និងរោលរាលទៅដល់ចិត្ត។ ដូចនេះ សិចអាចធ្វើឱ្យការធុញថប់អារម្មណ៍ ធូរស្បើយបាន ហើយជួនកាលជួយកាត់បន្ថយ អាការឈឺក្បាលបានទៀតផង។
– អត់យូរ ជូរមាត់៖ ពេលដាច់របបសិចយូរ តម្រូវការផ្លូវភេទបានប្រមូលផ្តុំនៅក្នុងសារពាង្គកាយដោយពុំដឹងខ្លួន។ ការមិនបានរួមរ័កយូរមកហើយនេះ ធ្វើឱ្យអារម្មណ៍សិចរបស់ស្ត្រីកើនឡើងយ៉ាងខ្លាំង និងរង់ចាំការរួមភេទជាមួយដៃគូយ៉ាងអន្ទះសា។ នេះជាក្រឹត្យក្រមធម្មជាតិរបស់មនុស្ស ក្នុងវ័យបន្តពូជ ដែលនៅមានចំណង់ផ្លូវភេទអត់យូរតែងតែជូរមាត់ពិតជាពិបាកទប់អារម្មណ៍ណាស់….៕
May 6, 2017
ប្រាប់តៗគ្នា !! ហើមពោះមិនបាត់ ទឹកខាត់ណាលាយម្រះព្រៅជួយបាន
នេះជាវីធីស្រាស្រ្ដព្យាបាល អ្នកដែលមានអាការៈ ច្អល់ពោះ ហើមពោះ ជាច្រើនថ្ងៃមិនបាត់ ដោយលោកអ្នកអាចពិចារណាពិសាទឹក ខាត់ណាក្រឡុកលាយជាមួយស្លឹកម្រះព្រៅ ដែលជាឱសថបុរាណមានប្រសិទ្ធភាពបំផុត យើងមិនគួររំលងឡើយ ។
គ្រឿងផ្សំ ៖
១. ស្លឹកម្រះព្រៅ ៥-៦ សន្លឹក
២.ស្លឹកខាត់ណា ១-២ សន្លឹក
៣.ទឹកស្ករ ២ ស្លាបព្រាបាយ
៤.ទឹកកក កន្លះកែវ
៥.ទឹកឆ្អិន កន្លះកែវ
៦.អំបិល ១/៤ ស្លាព្រាកាហ្វេ
៧.ទឹកក្រូចឆ្មា ២ ស្លាព្រាបាយ
វីធីធ្វើ៖ គ្រាន់តែលាងស្លឹកម្រះព្រៅ និងស្លឹកខាត់ណាឲ្យស្អាត ហើយក្រឡុកជាមួយទឹកបន្ដិចឲ្យហ្មត់ បន្ទាប់មកច្រោះកាកចេញ។ បន្ទាប់ទៀតចាក់ចូលក្នុងម៉ាស៊ីនក្រឡុកដដែរ ហើយផ្សំជាមួយនឹង ទឹកឆ្អិន អំបិល ទឹកក្រូចឆ្មា និងទឹកស្ករ ហើយក្រឡុកឲ្យសព ។ ជាចុងក្រោយចាក់ទឹកកកចូលរួចក្រឡុកឲ្យហ្មត់ ជាការស្រេច ៕
May 6, 2017