សុខភាព - La Reine Media

ត្រឹមតែ10នាទីម៉ាស្សាស្បែកមុខដោយប្រើស្លាបព្រាបាយ ធានាថាក្មេងជាងវ័យ!

ការម៉ាស្សាស្បែកមុខ គឺជារឿងដែលស្ត្រីវ័យ30ឡើងទៅមិនគួរមើលរំលងបានឡើយ ដើម្បីព្យាយាមធ្វើឱ្យស្បែកមុខរបស់អ្នកមានសភាពតឹងណែន ក្មេងជាងវ័យ និងបាត់ស្នាមជ្រួញនៅលើមុខ។ ទស្សនាវដ្តី La Reine នឹងនាំមកជូនអ្នកនូវវិធីសាស្ត្រដែលធ្វើឱ្យស្បែកមុខរបស់អ្នកស្រស់ស្អាត ដោយការប្រើប្រាស់ស្លាបព្រាបាយ ជាមួយប្រេងអូលីវ ម៉ាស្សានៅលើស្បែកមុខ ដើម្បីទាញស្បែកមុខឱ្យតឹងណែនក្មេងជាវ័យយ៉ាងមានប្រសិទ្ធភាព ដែលវិធីនេះនារីៗនៅក្នុងតំបន់អាស៊ីយើងនិយមប្រើប្រាស់ណាស់។

ការម៉ាស្សាដោយស្លាបព្រាមានប្រសិទ្ធភាពយ៉ាងដូចម្ដេចដែរ?
អ្នកអាចធ្វើរបៀបនេះបានដោយងាយនៅតាមផ្ទះរបស់អ្នកយ៉ាងសប្បាយ ដោយមិនបាច់ទៅហាងម៉ាស្សានោះទេ ដែលការម៉ាស្សាបែបនេះជួយកម្ចាត់ស្នាមជ្រួញដែលកើតមានឡើងនៅបរិវេណស្បែកមុខរបស់អ្នកយ៉ាងល្អប្រសើរ។ វាបានបណ្ដេញគ្រាប់ឈាមចាស់ៗដែលនៅក្រោមស្បែកមុខ ដែលកំពុងរងចាំការបង្កើតស្នាមជ្រួញ។ តែនៅពេលនេះអ្នកអស់កង្វល់ទៀតហើយ ត្រឹមតែ10ថ្ងៃប៉ុណ្ណោះអ្នកនឹងសង្កេតឃើញថាស្បែកមុខរបស់អ្នកក្មេងជាងមុន ហើយលុបបំបាត់ស្នាមជ្រួញបានយ៉ាងមានប្រសិទ្ធភាពថែមទៀតផង។

សម្ភារដែលត្រូវមាន
1. ស្លាបព្រាបាយ1គូ
2. ប្រេងម៉ាស្សា ឬប្រើជាប្រេងអូលីវក៏បាន

ការអនុវត្ត
1. ម៉ាស្សាបរិវេណថ្ងាស់ពីចិញ្ចើមឡើងទៅ
2. ម៉ាស្សាជុំវិញបរិវេណរង្វង់ភ្នែក
3. ម៉ាស្សាថ្ពាល់
4. ម៉ាស្សាបរិវេណ-ក
5. ម៉ាស្សាបរិវេណចង្ការ

ការណែនាំ
បន្ទាប់ពីអ្នកលាងគ្រឿងសម្អាងនៅមុខរួច អ្នកអាចលាបគ្រីមលាបមុខបានតាមធម្មតា ឬអាចលាបជាមួយប្រេងម៉ាស្សា3ប្រភេទ បន្ទាប់មកយកស្លាបព្រាបាយមកម៉ាស្សាឱ្យបានពី5ទៅ10នាទី
ប្រមាណជា5ដងជាការស្រេច៕

July 19, 2017

គុណប្រយោជន៍នៃការផឹកទឹកក្ដៅឧណ្ហៗ ដែលអ្នកមិនបានដឹង

ការទទួលទានទឹកឲ្យបាន 8កែវក្នុងមួយថ្ងៃ នឹងជួយធ្វើឲ្យរាងកាយរបស់មនុស្សយើង មានសុខភាពល្អ ប៉ុន្តែអ្នកប្រហែលជា ពុំទាន់បានដឹងបន្ថែមទៀតទេថា ការទទួលទានទឹកក្ដៅ ឬទឹកក្ដៅឧណ្ហៗ បានផ្ដល់អត្ថប្រយោជន៍អ្វីខ្លះ ដល់រាងការរបស់អ្នក?

01) សម្រកទម្ងន់
ការទទួលទានទឹកក្ដៅ លាយជាមួយនឹងក្រូចឆ្មារ ជារៀងរាល់ពេលព្រឹក អាចជួយកាត់បន្ថយ ជាលិកាខ្លាញ់ នៅក្នុងរាងកាយ ដែលធ្វើឲ្យអ្នកស្រកទម្ងន់បាន ។

02) ជួយបំបាត់ អាការៈតឹងច្រមុះ និងឈឺបំពង់ក
ការទទួលទានទឹកក្ដៅ គឺជាឱសថកែរោគធម្មជាតិ ដ៏ពិសេស សម្រាប់សុខភាពរបស់យើង ដូចជា ជួយបំបាត់ បញ្ហាតឹងច្រមុះ ឈឺបំពង់ក ក្អក ផ្ដាសាយ និងថែមទាំងអាចជួយ ធ្វើឲ្យអ្នកជៀសផុត ពីការរលាកផ្លូវដង្ហើមបានទៀតផង។

03) ជួយកាត់បន្ថយ ជាតិពុលនៅក្នុងខ្លួន
ទឹកក្ដៅពិតជាពិសេសណាស់ សម្រាប់ការបន្សាបជាតិពុល នៅក្នុងខ្លួនរបស់មនុស្សយើង ព្រោះនៅពេលដែលអ្នកផឹកវាទៅ នឹងធ្វើឲ្យកំដៅក្នុងខ្លួនកើនទ្បើង ដែលជាហេតុធ្វើឲ្យអ្នក បែកញើស ហើយជាតិពុល ក៏ត្រូវបានចេញមកក្រៅ តាមរយៈញើសផងដែរ។

04) ការពារភាពចាស់មុនអាយុ
ពិតណាស់ថា មនុស្សយើងម្នាក់ សុទ្ធសឹងតែមិនចង់ចាស់ មុនវ័យនោះទេ ប៉ុន្តែគួរធ្វើយ៉ាងដូចម្ដេច ទើបអាចឲ្យអ្នកនៅក្មេងជាងវ័យបាន? បើតាមការសិក្សាស្រាវជ្រាវ បានឲ្យដឹងថា ការទទួលទានទឹកក្ដៅ អាចជួយជួស ជុលកោសិកា ស្បែកចាស់ៗ និងខូច ឲ្យប្រែមកជាសភាពស្បែកធម្មតា បានយ៉ាងមានប្រសិទ្ធភាព ដែលជាហេតុធ្វើឲ្យអ្នក នៅតែក្មេងជាងវ័យបាន។

05) ការពារ និងព្យាបាលការកើតមុន
ការទទួលទានទឹកក្ដៅ អាចជួយការពារ និងលុបបំបាត់ឫសគល់ នៃការកើតជំងឺមុន បានយ៉ាងមានប្រសិទ្ធភាព ព្រមទាំងធ្វើឲ្យស្បែកមុខ របស់អ្នកមានភាពស្រស់ស្អាតទៀតផង។

06) ជួយធ្វើឲ្យសក់មានសុខភាពល្អ និងមិនកើតអង្គែ
អត្ថប្រយោជន៍ ដែលទទួលបានពីការផឹកទឹកក្ដៅ អាចជួយធ្វើឲ្យសក់ មានសភាពទន់ និងភ្លឺរលោង។ លើសពីនេះទៅទៀត វាថែមទាំងអាចជួយ ធ្វើឲ្យការចាក់ឫស នៃសក់របស់អ្នក មានសភាពរឹងមាំ និងមានសុខភាពល្អ។ ទឹកក្ដៅអាចជួយ រក្សាស្បែកក្បាលរបស់អ្នក ឲ្យមានសុខភាពល្អ ដែលអាចធានា បានពីការកើតអង្គែ។

07) ជួយបង្កើនចរន្តរត់នៃឈាម និងជំរុញប្រព័ន្ធប្រសាទ ឲ្យមានសុខភាពល្អ
ការទទួលទានទឹកក្ដៅ ពិតជាមានសារៈសំខាន់ណាស់ ក្នុងការបង្កើនចរន្ត នៃការរត់របស់ឈាម ឲ្យមានភាពប្រសើរទ្បើង និងជំរុញប្រព័ន្ធប្រសាទ ឲ្យមានសុខភាពល្អ។

08) ជួយធ្វើឲ្យការរំលាយអាហារ មានភាពប្រសើរទ្បើង
តាមការសិក្សាថ្មីមួយ បានបង្ហាញាថា ការទទួលទានទឹកក្ដៅ កំទ្បុងពេល ឬបន្ទាប់ពីអ្នកបរិភោគ អាហាររួច ពិតជាអាចជួយធ្វើឲ្យការរំលាយ អាហារ នៅក្នុងក្រពះរបស់អ្នក មានលក្ខណៈ ប្រសើរទ្បើង។

09) ធ្វើឲ្យពោះវៀនមានចលនា
ចំណែកឯអត្ថប្រយោជន៍ ចុងក្រោយរបស់ទឹកក្តៅនោះ គឺអាចជួយធ្វើឲ្យពោះវៀន មានចលនាប្រក្រតី និងមានសុខភាពល្អ ព្រមទាំង ពុំមានការឈឺចាប់នៅក្នុងពោះវៀននោះទេ៕

July 17, 2017

ស្ត្រីមេផ្ទះកាន់តែមានទំនុកចិត្តលើ មុខម្ហូប ជាមួយប៊ីចេង Miwon

ស្ទើរតែរាល់ថ្ងៃ ឱ្យតែដល់ពេលទទួលទានអាហារជួបជុំគ្រួសារម្ដងៗ សម្រាប់អ្នកដាំស្ល ពិសេសស្ត្រីមេផ្ទះតែម្ដង តែងតែមានការព្រួយបារម្ភ និងរង្គាសចិត្តជាខ្លាំង ភ័យខ្លាចតែអ្នកទទួលទានម្ហូបដែលជាស្នាដៃរបស់ខ្លួនស្រែកថា មុខម្ហូបនេះមិនឆ្ងាញ់ ឬម្ហូបមួយនោះហូបមិនកើត ហើយរឹតតែបារម្ភជាងគេបំផុតនោះគឺខ្លាចស្វាមីសំណព្វចិត្តចេញទៅទទួលទានអាហារនៅក្រៅផ្ទះតែម្ដង។ ប៉ុន្តែពេលនេះ កង្វល់ទាំងអស់ខាងលើនេះ ទំនងជាអាចដោះស្រាយបានជាមួយនឹងវិធីសាស្ត្រយ៉ាងងាយស្រួលបំផុត ជាមួយនឹងប៊ីចេងម៉ាក មីវ៉ន (Miwon) ដែលជាផលិតផលមកពីប្រទេសកូរ៉េ។

មិនថាទោះជាមុខម្ហូប ស្ងោរ ឆា ចៀន ឬអាំងនោះទេ ស្ទើរតែគ្រប់ចុងភៅនៅតែត្រូវការគ្រឿងផ្សំរសជាតិចាំបាច់មួយប្រភេទដែលមិនអាចខ្វះបាន នោះគឺប៊ីចេង ខណៈដែលសារធាតុមួយនេះមានប្រសិទ្ធភាពខ្ពស់ក្នុងការបង្កើនរសជាតិម្ហូបអាហារឱ្យកាន់តែឈ្ងុយឆ្ងាញ់គួរជាទីទាក់ទាញបំផុត។ អាស្រ័យដោយសម្លឹងឃើញច្បាស់ពីតម្រូវការមួយនេះ ក្រុមហ៊ុន កាំងហួរ ត្រេឌីង អាហរ័ណ នីហរ័ណ បានសម្រេចសុំសិទ្ធិនាំចូល និងចែកចាយផ្តាច់មុខនូវផលិតផលប៊ីចេងដ៏ល្បីឈ្មោះប្រចាំនៅប្រទេសកូរ៉េមួយប្រភេទដែលមានឈ្មោះថា មីវ៉ន (Miwon) ដើម្បីចរាចរនៅលើទីផ្សារកម្ពុជា។

អ្នកស្រី សុខ ម៉ារូលីន នាយិកាគ្រប់គ្រងផលិតផលប៊ីចេង មីវ៉ន ប្រចាំនៅកម្ពុជា បានឱ្យដឹងថា ប៊ីចេង មីវ៉នទើបតែបង្ហាញខ្លួននៅលើទីផ្សារកម្ពុជាបានប្រមាណជា2ឆ្នាំតែប៉ុណ្ណោះ ប៉ុន្តែបើសម្លឹងមើលពីសន្ទុះនៃការគាំទ្រគឺមានភាពល្អប្រសើរបំផុតដែលនឹកស្មានមិនដល់។ ការគាំទ្រទាំងនេះក៏អាស្រ័យដោយអ្នកប្រើប្រាស់ក៏ដូចជាអ្នកទទួលទាន បានដឹងច្បាស់ពីគុណភាពរបស់ប៊ីចេង មីវ៉ន និងមិនប៉ះពាល់ដល់សុខភាពអ្នកទទួលទាន។ អ្នកស្រីក៏បានបញ្ជាក់ផងដែរថា សម្រាប់ប៊ីចេងម៉ាក មីវ៉ន គឺជាផលិតផលដែលមានឈ្មោះល្បី និងលក់ដាច់ជាងគេបំផុតនៅក្នុងប្រទេសកូរ៉េ ហើយក៏មានការដាក់
លក់ស្ទើរគ្រប់ប្រទេសនៅក្នុងតំបន់អាស៊ី និងទីផ្សារអឺរ៉ុបផងដែរ។ វាត្រូវបានផលិតឡើងពីវត្ថុធាតុដើមនៃធម្មជាតិសុទ្ធ មិនមានគីមី ពោលគឺមានវត្ថុធាតុដើមចំនួន2តែប៉ុណ្ណោះ គឺស្ករអំពៅ និងដំឡូងមី ដោយមានការទទួលស្គាល់ និងវាយតម្លៃគុណភាពពីស្ថាប័នសុខភាព និងចំណីអាហារយ៉ាងត្រឹមត្រូវ ជាពិសេសមុនពេលដាក់ចរាចរផលិតផល មីវ៉ន នៅកម្ពុជា ក្រុមហ៊ុនក៏ទទួលបានលិខិតបញ្ជាក់ចេញពីក្រសួងសុខាភិបាល រួមជាមួយនឹងការចុះបញ្ជីនៅក្រសួងពាណិជ្ជកម្មយ៉ាងត្រឹមត្រូវកាលពីខែមេសា ឆ្នាំ2015។

ជាមួយនឹងវត្តមានរបស់ប៊ីចេងម៉ាក មីវ៉ននៅលើទីផ្សារកម្ពុជានាពេលនេះ ក្រុមហ៊ុនបានគិតពិចារណាយ៉ាងយកចិត្តទុកដាក់ទៅលើសុខ-ភាពរបស់អ្នកប្រើប្រាស់ ជាពិសេសក្រុមហ៊ុនបានធ្វើការវេចខ្ចប់យ៉ាងត្រឹមត្រូវ ដោយមានការបែងចែកជា4ជម្រើសផ្សេងគ្នា រួមមានកញ្ចប់500ក្រាម, 250ក្រាម, 100ក្រាម និង50ក្រាម ដើម្បីតម្រូវទៅតាមការចង់បានរបស់អ្នកប្រើប្រាស់។

សូមបោះចោលនូវភាពភ័យខ្លាចអាហារមិនឆ្ងាញ់របស់លោកអ្នកចាប់ពីពេលនេះតទៅ ជាមួយវត្តមានប៊ីចេង មីវ៉ន៕

July 15, 2017

ស្វែងយល់ពីអាការជំងឺធ្លាក់ស និងវិធីការពារដោយខ្លួនឯង

ស្វែងយល់ពីអាការជំងឺធ្លាក់ស និងវិធីការពារដោយខ្លួនឯង ស្ទើរតែគ្រប់ស្ត្រីទាំងអស់សុទ្ធតែធ្លាប់បានប្រឈមនឹងការប្រែប្រួលនៃអាការធ្លាក់សនេះ ហើយអាការធ្លាក់សខ្លះអាចគ្រាន់តែជាការធ្លាក់សធម្មតាដែលនឹងបាត់ទៅវិញនៅពេលណាមួយ ប៉ុន្តែខ្លះទៀតក៏មិនព្រមបាត់ទៅវិញរហូតបង្កឱ្យក្លាយទៅជាជំងឺរ៉ាំរ៉ៃចំពោះស្ត្រីមួយចំនួន។ មិនមានអ្នកណាម្នាក់ដែលដឹងពីអាការក្នុងខ្លួនរបស់អ្នកច្បាស់ជាងរូបអ្នកខ្លួនឯងនោះទេ ដូច្នេះនៅពេលដែលផ្នែកណាមួយនៃរាងកាយរបស់អ្នកមានភាពខុសប្រ-ក្រតីនោះអ្នកពិតជាបានដឹងភ្លាម។

ស្ត្រីភាគច្រើនមិនបានទៅរកជួបគ្រូពេទ្យភ្លាមៗនៅពេលមានអាការធ្លាក់សតាមទ្វារមាសនោះទេ ព្រោះពួកគេមានការសង្ឃឹមថាវានឹងបាត់ទៅវិញ។ បើអ្នកនៅមិនទាន់បានទៅជួបអ្នកជំ-នាញនៅឡើយទេនោះ អ្នកគួរសាកល្បងសួរខ្លួនឯងជាមុននូវសំណួរមួយចំនួន ដែលគ្រូពេទ្យនឹងយកមកសាកសួរអ្នកដូចគ្នាដែរ ហើយបើសង្កេតឃើញថាភាគច្រើននៃចម្លើយរបស់អ្នកមានភាពស្រដៀង ឬដូចគ្នាទៅនឹងចម្លើយនៅក្នុងបន្ទាត់ខាងក្រោមនោះ មានន័យថាអ្នកមិនគួរអូសបន្លាយពេលវេលាក្នុងការទៅជួបអ្នកជំនាញផ្នែករោគស្ត្រីតទៅទៀតនោះទេ។

សំនួរអំពីជំងឺធ្លាក់ស
• តើពេលណាដែលអ្នកចាប់ផ្តើមមានការធ្លាក់សមិនធម្មតានេះ? (បើមានយូរហើយនោះអ្នកគួរទៅរកគ្រូពេទ្យ)
• តើវាមានពណ៌ដូចម្តេច? (ព័ណត្នោត ឬដូចឈាម ពណ៌លឿង ឬល្អក់ ពណ៌ស ប្រផេះ ឬពណ៌លឿង)
• តើវាមានក្លិនដែរឬទេ? (បើមានក្លិនឆ្អាប ឬស្អុយជាដើមត្រូវទៅជួបគ្រូពេទ្យជាបន្ទាន់)
• តើអ្នកមានអាការរមាស់ ឈឺ ឬក្រហាយនៅជុំវិញទ្វារមាសដែរឬទេ? (មានអាការបែបនេះក៏ត្រូវទៅពិគ្រោះជាមួយគ្រូពេទ្យដែរ)
• តើអ្នកមានដៃគូរួមភេទច្រើនដែរឬទេ? (បើមានច្រើន នោះមានន័យថាវាអាចបណ្តាលមកពីការឆ្លងមេរោគផ្សេងៗ)
• តើអ្នកដែលធ្វើការសម្អាតទ្វារមាសរបស់អ្នកដែរឬទេ? (ការដែលអ្នកមិនធ្លាប់សម្អាតទ្វារមាស ក៏អាចបង្កឱ្យមានជំងឺធ្លាក់សដែរ)

វិធីការពារខ្លួនពីជំងឺធ្លាក់ស
ខាងលើនេះគឺជាសំណួរសម្រាប់អ្នកដែលមានបញ្ហាធ្លាក់ស ប៉ុន្តែបើចំពោះអ្នកដែលចង់ការពារខ្លួនឱ្យគេចផុតពីជំងឺប្រភេទនេះនោះ សូមអនុវត្តតាមការណែនាំដូចខាងក្រោមនេះ៖
• សម្អាតទ្វារមាសឱ្យបានស្អាតល្អ ដោយប្រើសាប៊ូ និងទឹកក្តៅឧណ្ហៗ ដោយដុសថ្នមៗ។
• មិនត្រូវប្រើសាប៊ូណាដែលមានជាតិទឹក-អប់នោះទេ ហើយក៏មិនត្រូវប្រើ ស្ប៉ាយបាញ់ និងប្រើរបស់ដែលមានពពុះច្រើនដែរ។
• បន្ទាប់ពីងូតទឹករួច ត្រូវជូតសម្អាតពីខាងមុខដេញទៅខាងក្រោយ ដើម្បីកុំឱ្យបាក់តេរីដែលចេញពីរន្ធគូថចូលទៅក្នុងទ្វារមាស ដើម្បីបង្ការជំងឺធ្លាក់ស។
• ប្រើសំឡីអនាម័យដែលធ្វើពី Cotton 100%និងមិនត្រូវស្លៀកសម្លៀកបំពាក់តឹងពេកនោះទេ។

ជាមួយនឹងវិធីបង្ការខ្លួនឱ្យឃ្លាតឆ្ងាយពីបញ្ហាដ៏គួរឱ្យរំខាន និងគ្រោះថ្នាក់ខាងលើនេះ អ្នកជំនាញបានណែនាំនូវផលិតផលមួយប្រភេទដែលមានប្រសិទ្ធភាពខ្ពស់ក្នុងការធ្វើឱ្យបញ្ហាសុខភាពស្ត្រីមានភាពល្អប្រសើរ នោះគឺផលិតផលសំឡីអនាម័យ Essence ដែលមានប្រភពមកពីចក្រភពអង់គ្លេស និងទទួលបានការគាំទ្រយ៉ាងសម្បើមពីបណ្តាស្ត្រីជាច្រើនទាំងនៅក្នុងតំបន់អាស៊ីអាគ្នេយ៍ និងអឺរ៉ុបផងដែរ ដ្បិតផលិតផលមួយប្រភេទនេះ ត្រូវបានផលិតឡើងយ៉ាងល្អឥតខ្ចោះ មានសភាពទន់ល្មើយ ជ្រាបទឹកបានល្អ មិនស្កៀប មិនរមាស់ មិនរមួល អាចបត់បែនបានគ្រប់កាលៈទេសៈ មិនហប់ខ្យល់ ជាពិសេសមានសារធាតុសម្លាប់មេរោគ (ជែលស្ងួត) ដោយមានការទទួលស្គាល់ និងឆ្លងកាត់ស្ថាប័នពិសោធកម្រិតស្តង់ដារអន្តរជាតិយ៉ាងត្រឹមត្រូវ។ បន្ថែមពីនេះ Essence ដែលមាន4ប្រភេទសម្រាប់ជ្រើសរើសតម្រូវតាមការចង់បានរបស់ស្ត្រី រួមមាន Essence–Ultra , Essence–Ultra Plus,Essence–Ultra Night និង Essence–LingerieFit ត្រូវបានជាប់ចំណាត់ថ្នាក់កំពូលក្នុងការលក់ដាច់ជាងគេនៅតាមបណ្តាប្រទេសជឿនលឿនមួយចំនួនធំផងដែរ ដូចជា ចក្រភពអង់គ្លេស សហរដ្ឋអាមេរិក និងប្រទេសចិន។ ដោយឡែកបច្ចុប្បន្ននេះ ក្រៅពីមានប្រជាប្រិយភាពនៅស្ទើរគ្រប់ប្រទេសលើសាកលលោកដូចបានរៀបរាប់ខាងលើនេះ តាមរយៈការនាំចូល និងចែកចាយផ្ដាច់មុខរបស់ក្រុមហ៊ុន Comvestco PLC ដែលមានទីស្នាក់ការកណ្តាលស្ថិតនៅផ្លូវម៉ៅសេទុងសង្កាត់ទួលទំពូង2 ខណ្ឌចំការមន រាជធានីភ្នំ-ពេញទល់មុខមជ្ឈមណ្ឌល Park Way។ សំឡីអនាម័យ Essence ក៏កំពុងបង្ហាញវត្តមាននៅលើទីផ្សារកម្ពុជាផងដែរ ដែលលោកអ្នកក៏អាចស្វែងទិញបាននៅតាមបណ្តាទីផ្សារទំនើប និងតាមបណ្តាឱសថស្ថាននានាទូទាំងព្រះរាជាណាចក្រកម្ពុជា។ ដូច្នេះសូមថែរក្សាសុខភាពរបស់អ្នកឱ្យបានល្អ ដើម្បីឱ្យអ្នកក្លាយជានារីម្នាក់ដែលមានសំណាង និងឆ្លាតវៃ មិនប្រឈមនឹងជំងឺធ្លាក់សជាមួយសំឡីអនាម័យ Essence៕

July 15, 2017

តែខ្ញី ជួយព្យាបាលជំងឺទូទៅ 5យ៉ាង

យើងគ្រប់គ្នាដឹងហើយថា ខ្ញីគឺជារុក្ខជាតិម្យ៉ាង ដែលមានអត្ថប្រយោជន៍ច្រើនណាស់ចំពោះសុខភាពភាព។ ពេលខ្លះខ្ញី ត្រូវបានគេយកទៅធ្វើជាម្ហូបអាហារ ហើយពេលខ្លះទៀតខ្ញីត្រូវបានគេយកទៅធ្វើជាឱសថសម្រាប់ព្យាបាលជំងឺផ្សេងៗទូទៅមួយចំនួន ដូចជា ការឈឺក្រពះ, បញ្ហាដង្ហើម ឬការមករដូវជាដើម។

1) ព្យាបាលការឈឺក្រពះ
តែខ្ញី មានប្រសិទ្ធិភាពខ្ពស់អាចជួយកាត់បន្ថយការឈឺចាប់ដោយសារជំងឺក្រពះ និងជួយធ្វើឲ្យមានស្ថេរភាពថែមទៀត។ តែប្រភេទនេះ អាចធ្វើឲ្យប្រសើរឡើងនូវការស្រូបយកសារធាតុអាហារដូច្នេះវាអាចជៀសវាងការឈឺក្រពះ។

2) ព្យាលបាលការក្អួតចង្អោរ
តែប្រភេទនេះ អាចជួយបន្ធូរបន្ថយសសៃប្រសាទនៅពេលដែលអ្នកឈឺចលនា ឬចង្អោរ។ ផឹកតែខ្ញីមុនពេលធ្វើដំណើរ អាចបង្ការការក្អួតចង្អោរ និងការឈឺក្បាលប្រកាំង។

3) បញ្ហាផ្លូវដង្ហើម
តែខ្ញីអាចជួយបន្ថយបញ្ហានៃការរលាកផ្លូវដង្ហើមដូចជា តឹងច្រមុះ និងផ្តាសាយ។ ប្រភេទនៃតែក្តៅ និងហឺរកាត់បន្ថយមេរោគនៅក្នុងបំពង់ខ្យល់ ដែលធ្វើឲ្យដង្ហើមកាន់តែងាយស្រួល។

4) ព្យាបាលការឈឺចាប់ពេលមករដូវ
ការផឹកតែខ្ញីក្តៅៗមួយពែង ត្រូវបានគេចាត់ទុកថាមានប្រសិទ្ធិភាពបំផុតក្នុងការកាត់បន្ថយរោគសញ្ញានៃការមករដូវ។ នៅពេលដែលផឹកវាចូលទៅក្នុងពោះវាធ្វើឲ្យលោកអ្នកមានអារម្មណ៍ថាកក់ក្តៅ, រីករាយ,ផាសុខភាព និងជួយបញ្ឍប់ការឈឺក្រពះក្នុងអំឡុងពេលមានការឈឺចាប់រមួលពេលមករដូវ។

5) ឈាមរត់បានល្អ
តែខ្ញីអាចធ្វើឲ្យចរន្តឈាមដែលមានវីតាមីនសារធាតុរ៉ែ និងអាស៊ីតអាមីណូ។ នេះនឹងជួយកាត់បន្ថយហានិភ័យនៃការវិវត្តទៅជាជំងឺសរសៃឈាមបេះដង។ តែនេះក៏ជួយការពារបញ្ជីនៃសារធាតុខ្លាញ់ក្នុងសសៃឈាម ដែលធ្វើឲ្យប៉ះពាល់ដល់បេះដូង៕

July 14, 2017

អត្ថប្រយោជន៍ 8យ៉ាង បានមកពីការឆាប់ក្រោកពីដំណេក

ខាងក្រោមនេះគឺជាគុណសម្បត្តិទាំង ៨យ៉ាងដែលបានមកពីការឆាប់ក្រោកពីដំណេក៖

1.ជួយឲ្យអ្នករក្សាបាននូវភាពវិជ្ជមាន
មនុស្សម្នាក់ អាចនឹងរក្សានូវ ភាពជាវិជ្ជមានរបស់គេបាន ពេញមួយថ្ងៃប្រសិនបើគេ បានក្រោកពី ដំណេកនៅក្នុងពេលព្រឹកព្រលឹម។ អាកប្បកិរិយាជាទូទៅ នឹងមានការផ្លាស់ប្តូរ ហើយវានឹងបង្កើតនូវអារម្មណ៍ នៃភាពស្រស់ស្រាយមួយ។ ដោយការឆាប់ ក្រោកពីដំណេកនោះ អ្នកនឹងអាច បន្តស្ថិតនៅ មានកម្លាំងចិត្តជានិច្ច។វានឹងជួយធ្វើឲ្យ យើងម្នាក់ៗ អាចរក្សាបានូវអារម្មណ៍ ធូរស្រាលបានពេញមួយ ថ្ងៃ ។

2. បង្កើននូវកម្រិតនៃទំនុកចិត្តលើខ្លួនឯង
មនុស្សដែល ក្រោកពីដំណេកយឺតយ៉ាវ ជារឿយៗ តែងប្រឈមនឹងបញ្ហា នៃការមានទំនុកចិត្តទាប លើខ្លួនឯង។ ប៉ុន្តែការ ឆាប់ក្រោកពីដំណេកអាច ធ្វើឲ្យមនុស្សម្នាក់បង្កើន កម្រិតនៃទំនុកចិត្តលើខ្លួនឯងបានទៅវិញ ។ អ្នកនឹងទទួលបាននូវ អារម្មណ៍នៃការពេញចិត្ត និងមានភាពរីករាយ ប្រសិនបើអ្នក បានក្រោកពីគេងនៅក្នុងពេលព្រឹកព្រលឹម។

3. បង្កើននូវផលិតផលការងាររបស់អ្នក
អារម្មណ៍នៃភាពស្រស់ស្រាយ នៅក្នុងពេលព្រឹក នឹងធ្វើឲ្យអ្នកធ្វើការបាន យ៉ាងសកម្មនៅក្នុងពេល ថ្ងៃ។ ដោយការក្រោកពីដំណេក នៅក្នុងពេលព្រឹក នឹងអាចធ្វើឲ្យមនុស្សម្នាក់ បង្កើនបាននូវ ផលិតផលការងារ បានជាទីគាប់ចិត្ត។អារម្មណ៍នៃភាពស្រស់ស្រាយ នឹងធ្វើឲ្យអ្នកបង្កើតបាននូវ គំនិតថ្មីៗ ជាច្រើន ដូច្នេះហើយវានឹងអាច ជះឥទ្ធិពលទៅលើសមិទ្ធិផលការងារបស់អ្នក។

4. ស្វែងរកឃើញការពិតពីខ្លួនអ្នក
មនុស្សម្នាក់ ដែលបានក្រោកពី ព្រឹកព្រលឹមជារឿយៗ តែងតែអាចស្វែងរកឃើញ នូវផ្លូវនៃការឆ្ពោះទៅ កាន់ការស្វែងរកការ ពិតរបស់ខ្លួនឯង។ ការតាំងសមាធិ និង ការហាត់យូហ្គានៅក្នុងពេលព្រឹកព្រលឹម អាចជួយធ្វើឲ្យអ្នក មានរាងកាយ និងអារម្មណ៍ធូរស្រាល បានពេញមួយថ្ងៃ ។ មនុស្សម្នាក់ នឹងអាច ទទួលបាននូវតុល្យភាពនៃផ្លូវចិត្តដ៏ត្រឹមត្រូវមួយ ដោយការបន់ស្រន់នៅក្នុងពេលព្រឹកព្រលឹម ។ វានឹងជួយធ្វើឲ្យផ្លូវចិត្តរបស់យើងម្នាក់ៗ បានស្ងប់សុខល្អ។

5.កាត់បន្ថយការមានស្ត្រេស
ការចូលគេងយឺតយ៉ាវ និង ការក្រភ្ញាក់ពីដំណេកអាច នឹងបណ្តាលឲ្យខ្លួនអ្នកមានស្ត្រេស ដោយសារតែរាងកាយអ្នក មិនមានតុល្យភាពត្រឹមត្រូវមួយ។ ដោយការក្រោកពីដំណេក នៅក្នុងពេលព្រឹក ព្រលឹម នោះវានឹងជួយ ឲ្យយើងកាត់បន្ថយបាន នូវស្ត្រេសបានចេញពី រាងកាយ និង ផ្លូវចិត្ត។ កាលបើផ្លូវចិត្តរបស់យើងស្រស់ស្រាយ នោះមនុស្សម្នាក់ក៏នឹងទទួលបាននូវ ភាពស្រស់ថ្លា ជាជាងការមានស្ត្រេសផ្ទុកទុក នៅក្នុងខ្លួនទៀតនោះដែរ។

6. មានពេលក្នុងការសម្រាក
ប្រសិនបើមនុស្សម្នាក់ បានក្រោកពីព្រឹក នោះគេនឹងអាចធ្វើអ្វីៗបាន ដូចជាការគ្រោងទុក។ ការកំណត់ទុក នូវរឿងរ៉ាវចាំបាច់ដែល ត្រូវធ្វើមុនគេ ជាប្រចាំថ្ងៃ នឹងផ្តល់ពេលឲ្យអ្នក មានពេលវេលាបាន សម្រាកគ្រប់គ្រាន់ បន្ថែមទៀត។ នៅក្នុងពេលទំនេរនោះ ពួកគេអាច ធ្វើនូវកិច្ចការដែលជា ចំណង់ចំណូលចិត្តរបស់ពួកគេដូចចា សរសេរកំណត់ហេតុ ឬ គូររូបជាដើម។

7. បង្កើនកម្រិតនៃការប្រមូលផ្តុំអារម្មណ៍
ដោយការក្រោកពីដំណេក នៅក្នុងពេលព្រឹក នោះយើងម្នាក់ៗ នឹងអាចធ្វើឲ្យថាមពល នៃការចងចាំ របស់យើងប្រសើរឡើង។ អ្នកដែលតែងតែក្រោកពីព្រឹក ក៏នឹងអាចធ្វើការប្រមូលផ្តុំអារម្មណ៍បានល្អប្រសើរ ជាង អ្នកដែលមិនបានក្រោកពីព្រឹកនោះដែរ។

8. ជួយធ្វើឲ្យអ្នកមានសុខភាពល្អ
វាជាការពិតមួយ ដែលថា មនុស្សដែលឆាប់ចូលគេង និង ឆាប់ក្រោកពីព្រឹកគឺតែងតែមានស្ថានភាព រូបរាងកាយ និង សុខភាពមាំទាំជាងអ្នកដែលមិនបានធ្វើដូចនេះ ។ ដោយគ្រាន់តែការ ឆាប់ក្រោកពី ដំណេកវានឹងធ្វើឲ្យអ្នករក្សាបាននូវទម្លាប់ ដ៏ល្អមួយចំពោះសុខ៕

July 12, 2017

ប្រយោជន៍របស់ផ្លែមង្ឃុតដ៏ច្រើនអនេកចំពោះរាងកាយមនុស្ស

មង្ឃុតជាផ្លែឈើក្នុងស្រុកដែលមានគុណប្រយោជន៍ច្រើនណាស់ និងអាចរកទិញញ៉ាំបានតាមរដូវកាល ដោយតម្លៃធូរថ្លៃទៀតផង។ ចាស់ៗបុរាណតែងទទួលទានផ្លែមង្ឃុតដើម្បីបំបាត់អាការស្រេកទឹក និងអាការក្តៅក្នុង ក្រៅពីនេះមង្ឃុតថែមទាំងជាផ្លែឈើដែលជួយសម្រកទម្ងន់ មានសារធាតុអាហារដែលសំខាន់ចំពោះស្បែកទៀតផង ដូច្នេះយើងនាំគ្នាមកមើលពីគុណប្រយោជន៍របស់ផ្លែមង្ឃុតទាំងអស់គ្នាដូចតទៅ ៖

បំបាត់អាការក្តៅក្នុង
ដូចដែលបានរៀបរាប់ពីខាងដើមរួចហើយថា ចាស់ៗបុរាណតែងទទួលទានផ្លែមង្ឃុត ដើម្បីបំបាត់អាការក្តៅក្នុងព្រោះថាសាច់ផ្លែមង្ឃុតមានជាតិទឹកច្រើន ទើបធ្វើឱ្យរាងកាយអាចបឺតជ្រាបយកជាតិទឹកចេញពីសាច់ផ្លែមង្ឃុតចូលទៅក្នុងរាងកាយបានយ៉ាងមានតុល្យភាព។

សម្រកទម្ងន់
អាចបញ្ចុះទម្ងន់បានដោយសារតែមានជាតិកាកសរសៃច្រើន ដោយសារតែយើងទទួលទានមង្ឃុតចូលទៅនឹងធ្វើឱ្យមានអារម្មណ៍ឆាប់ឆ្អែត និងឆ្អែតបានយូរហ្នឹងឯង ហើយដោយផ្លែមង្ឃុតគ្មានកូឡេស្តេរ៉ូល ឬមានត្រឹមតែ 0.40ប៉ុណ្ណោះ ទើបធ្វើឱ្យមង្ឃុតក្លាយជាផ្លែឈើដែលទទួលទានហើយអាចសម្រកទម្ងន់បានយ៉ាងល្អ។

មានវីតាមីនច្រើន
មិនថាតែវីតាមីន Cវីតាមីន B ហ្វូលេត ជួយក្នុងការដុតបំផ្លាញប្រូតេអីុន និងជាតិខ្លាញ់ឱ្យចូលទៅក្នុងរាងកាយបានល្អឡើង និងនៅមានចំណែកជួយក្នុងការបំប៉នប្រព័ន្ធប្រសាទ ធ្វើឱ្យមនុស្សទទួលទានចូលទៅហើយមានអារម្មណ៍ថា ស្រស់ថ្លា និងកាត់បន្ថយអាការរបស់ជំងឺសោកសៅបានយ៉ាងល្អទៀតផង។

សារធាតុរ៉ែ មានទង់ដែង ដែក ប៉ូតាស្យូមនិងផ្សេងទៀត
ដែលមានតួនាទីសំខាន់ក្នុងការគ្រប់គ្រងសម្ពាធឈាមរបស់រាងកាយ ហើយថែមទាំងគ្រប់គ្រងអត្រាការលោតរបស់បេះដូងឱ្យនៅប្រក្រតី និងការពារជំងឺពាក់ព័ន្ធនឹងសរសៃឈាមបានទៀតផង។

ប្រឆាំងអនុមូលឥស្សរៈ
អាចនិយាយបានថា ទាំងបន្លែ និងផ្លែឈើផ្សេងៗសុទ្ធតែមានសារធាតុប្រឆាំងអនុមូលឥស្សរៈទាំងអស់ តែផ្តល់នូវលទ្ធផលខុសប្លែកពីគ្នា ឯផ្លែមង្ឃុតវិញក៏ផ្តល់នូវសារធាតុប្រឆាំងអនុមូលឥស្សរៈបានល្អដូចគ្នា និងនៅអាចតតាំងជំងឺផ្សេងទៀតបានដូចជា ជំងឺប្រតិកម្មចាញ់ និងជំងឺហឺតជាដើមទៀតផង៕

July 12, 2017

ផលប៉ះពាល់នៃការសម្អាតត្រចៀកដែលអ្នកមិនធ្លាប់ដឹង

មនុស្សភាគច្រើនតែងតែសម្អាតត្រចៀករបស់ខ្លួនជាមួយនឹងដុំសំឡីផ្សេងៗ ដើម្បីធ្វើអនាម័យ និងដើម្បីសុខភាពត្រចៀក នៅពេលដែលគាត់មានអារម្មណ៍ថាដូចជាមានអាចម៍ត្រចៀកច្រើន និងមួយវិញទៀតនៅក្រោយពេលងូតទឹករួច។ សកម្មភាពបែបនេះ លោកអ្នកបានគិតថា ជាសកម្មភាពដ៏ល្អមួយ ដើម្បីអនាម័យខ្ពស់ដល់ត្រចៀក ប៉ុន្តែតាមការស្រាវជ្រាវបានឲ្យដឹងថា ការសម្អាតត្រចៀកញឹកញាប់ធ្វើឲ្យប៉ះពាល់ដល់ត្រចៀកទៅវិញ។

អ្នកជំនាញខាងវះកាត់ត្រចៀករបស់អាមេរិកបានព្រមានថា ការប្រើឧបករណ៍ត្បារត្រចៀកញឹកញាប់ អាចប្រឈមមុខនឹងគ្រោះថ្នាក់ (ជំងឺថ្លង់)។ ជាធម្មតាអាចម៍ត្រចៀកត្រូវបានអ្នកជំនាញបញ្ជាក់ដឹងថា វាបានដើរតួនាទីយ៉ាងសំខាន់ក្នុងការសម្អាតត្រចៀក ដោយខ្លួនឯង ដូចជា ផ្តល់ជាតិប្រេង រក្សាលំនឹងសំណើមក្នុងត្រចៀក និងប្រឆាំងមេរោគបាក់តេរី។ ជាទូទៅអាចម៍ត្រចៀក កើតមកពីកាកសំណល់បញ្ចេញពីក្រដាសត្រចៀក ធ្វើដំណើរបន្តចេញក្រៅតាមរន្ធត្រចៀក និងធ្វើការសម្អាតសម្ងួត ដោយខ្លួនឯង រួចជ្រុះមកក្រៅ ។ ប្រសិនបើគ្មានអាចម៍ត្រចៀកទេ ត្រចៀកអ្នកនឹងមានសភាពស្ងួត ហើយរមាស់មិនខាន។ ដូច្នេះអ្នកគួរចៀសវាងទម្លាប់ត្បារត្រចៀកដោយឧបករណ៍រឹងផ្សេងៗ ព្រោះវាក៏អាចធ្វើឱ្យប៉ះពាល់ដល់ក្រដាសត្រចៀក និងអាចបង្កជាបញ្ហាសុខភាពផ្សេង។

ការសម្អាតត្រចៀកអាចធ្វើទៅបានលុះ ណាតែមានការអនុញាត និងធ្វើឡើងដោយ គ្រូពេទ្យជំនាញ ព្រោះបើមិនដូច្នោះទេ អ្នកអាចប្រឈមមុខនឹងបញ្ហាឈឺត្រចៀក ដាច់រលាត់រលាក កើតតេតាណុស និងកើតបាក់តេរីបន្ថែមទៀត បើឧបករណ៍ត្បារត្រចៀកគ្មានអនាម័យ។ បើតាមលោកវេជ្ជបណ្ឌិត Backous បានស្នើឱ្យអ្នកប្រើ សំឡីជ្រលក់ទឹកខ្មេះបន្តិច ឬអាល់កុល និងទឹកយកទៅត្បារសម្អាតត្រចៀកបាន ប្រសិនបើអ្នកទម្លាប់សម្អាត និងមិនអាចបពា្ឈប់ទម្លាប់នេះបានទេ៕

July 11, 2017

ស្លាកស្នាមក្រោយកើតមុនអាចបំបាត់បានទេ?

វាជារឿងមួយសំណាងណាស់ ប្រសិនបើស្បែករបស់អ្នកមិនដែលបន្សល់ទុកនូវស្លាកស្នាមបន្ទាប់ពីកើតមុនរួច ប៉ុន្តែសំណាងនេះមិនកើតមានចំពោះមនុស្សស្រីភាគច្រើននោះទេ ហេតុដូច្នេះហើយបានជាពួកគាត់តែងតែខិតខំធ្វើគ្រប់មធ្យោបាយ ដើម្បីការពារកុំឱ្យកើតមុន ក៏ដូចជាខិតខំប្រើប្រាស់ផលិតផលជាច្រើនប្រភេទទាំងផលិតផលបែបធម្មជាតិ និងលាយជាតិគីមី ដើម្បីបំបាត់ចោលនូវរាល់ស្លាកស្នាមដែលនឹងកើតមានឡើងបន្ទាប់ពីកើតមុនរួច។

ស្លាកស្នាមអាចកើតមាននៅលើស្បែក ដោយសារតែវាជារឿងធម្មតាដែលតែងតែកើតឡើង ឬអាចបណ្តាលមកពីការព្យាបាលដែលមិនត្រឹមត្រូវ រហូតបណ្តាលឱ្យក្លាយជាស្លាកស្នាម។ស្នាមដែលកើតមានបន្ទាប់ពីកើតមុនរួចនេះបណ្តាលមកពីការបំផ្លាញនៃស្រទាប់ស្បែក។

ស្នាមដែលបន្សល់ទុកក្រោយកើតមុនជាទូទៅតែងតែកើតមាននៅលើមុខ ខ្នង ស្មា និងផ្នែកផ្សេងទៀតនៃរាងកាយ។ ស្នាមទាំងនេះត្រូវបានចែកចេញជាពីរប្រភេទគឺ ស្នាមសើៗលើស្បែកនិងស្នាមដែលចូលជ្រៅទៅក្នុងសាច់។ ស្នាមសើៗនៅលើស្បែកជាស្នាមតូចៗដែលអាចមើលឃើញតាមរយៈការឆ្លុះកញ្ចក់ពិនិត្យមើល ហើយការព្យាបាលក៏មានប្រសិទ្ធភាពខ្ពស់ដែរ ប៉ុន្តែប្រសិនបើវាជាស្នាមជ្រៅវិញនោះ (ស្នាមធំខូងជ្រៅទៅក្នុងស្បែក) វាមានការពិបាកក្នុងការព្យាបាល ឬអាចនឹងព្យាបាលមិនបាត់តែម្តង ប្រសិនបើអ្នកមិនរួសរាន់ក្នុងការព្យាបាលវាទេនោះ។

ការព្យាបាលតាមបែបគីមី ៖ ការព្យាបាលបែបនេះភាគច្រើនត្រូវបានយកមកអនុវត្តសម្រាប់អ្នកដែលមានស្នាមជ្រៅ (ទទួលបានលទ្ធផលល្អច្រើន) ហើយរយៈពេលនៃការព្យាបាលគឺអាស្រ័យលើទំហំ និងជម្រៅនៃស្លាកស្នាម។ ប្រសិនបើអ្នកចង់ទទួលការព្យាបាលតាមបែបគីមីដែរនោះ អ្នកគួរតែស្វែងរកអ្នកដែលមានជំនាញច្បាស់លាស់ក្នុងការព្យាបាលទើបជាការប្រសើរ។

ការព្យាបាលដោយឡាស៊ែរ ៖ នេះក៏ជាវិធីព្យាបាលមួយទៀតដែលតែងតែផ្តល់នូវប្រសិទ្ធភាពសម្រាប់អ្នកដែលមានបញ្ហាស្នាមគ្រប់ប្រភេទ ជាពិសេសស្នាមធំៗ ឬខូងចូលជ្រៅទៅក្នុងសាច់ជាដើម។

ការព្យាបាលដោយផលិតផលកម្ចាត់ស្នាម ៖ វាអាចមិនមានប្រសិទ្ធភាពលឿនដូចការព្យាបាលដោយគីមី ឬដោយឡាស៊ែរនោះទេ ប៉ុន្តែវាមានភាពងាយស្រួល ហើយសូមកុំបារម្ភខ្លាំងពេកអីព្រោះបច្ចុប្បន្ននេះមានផលិតផលខ្លះមានសមត្ថភាពខ្ពស់ណាស់ ក្នុងការជួយព្យាបាលបញ្ហាស្នាមហើយក៏មិនប្រើពេលវេលាយូរពេកនោះដែរ។

ព្យាបាលតាមបែបធម្មជាតិ ៖ ភាគច្រើនការព្យាបាលស្នាមដែលកើតមានបន្ទាប់ពីកើតមុនរួចតាមវិធីធម្មជាតិត្រូវបានគេអនុវត្តនៅពេលវាទើបតែកើតថ្មីៗ ហើយជាស្នាមដែលមានទ្រង់ទ្រាយតូច។ មិនពិបាកណាស់ណាទេ បើអ្នកចង់ព្យាបាលដោយវិធីធម្មជាតិ ដោយធ្វើតាមដំណាក់កាលមួយចំនួនដូចជា លាងសម្អាតមុខឱ្យស្អាត ជូតមុខឱ្យស្ងួត រួចយកសំឡីមួយដុំតូចជ្រលក់ក្នុងទឹកក្រូចឆ្មារដែលមានលាយជាមួយទឹកបន្តិច មកជូតពីលើស្បែកត្រង់កន្លែងដែលមានស្នាម រួចទុកចោល15នាទី ឬពេញមួយយប់ក៏បាន បន្ទាប់មកសឹមលាងសម្អាតចេញជាការស្រេច។ វិធីនេះអាចប្រើពេលវេលាយូរបន្តិចហើយ តែទទួលបានលទ្ធផលជាទីពេញចិត្តបន្ទាប់ពីព្យាបាលរួច៕

July 10, 2017

ចំណាយតិចជាង 5នាទីក្នុងមួយថ្ងៃ ដើម្បីសម្រកខ្លាញ់ក្បាលពោះ

រាងស្អាត ស្លៀកពាក់អ្វីក៏សមគឺជាបំណងប្រាថ្នារបស់នារីគ្រប់រូប ហេតុនេះការថែរក្សារូបរាងឱ្យស្វែលស្រឡូនស្អាតគឺជាអ្វីដែលនារីភាគច្រើនតែងយកចិត្តទុកដាក់។ វិធីនៃការកាត់បន្ថយសារជាតិខ្លាញ់នៅក្នុងរាងកាយជាច្រើនត្រូវបានយកមកអនុវត្ត ប៉ុន្តែមានពេលខ្លះអ្នកអាចនឹងត្រូវចំណាយពេលវេលាយូរក្នុងការអនុវត្ត តែបែរជាមិនទទួលបានផ្លែផ្កាទៅវិញ។ តាមរយៈវិធីដែល ឡារ៉ែន ផ្តល់ជូនខាងក្រោមនេះ អ្នកចំណាយពេលតិចជាង5នាទីប៉ុណ្ណោះក្នុងមួយថ្ងៃ ដើម្បីសម្រកខ្លាញ់ក្បាលពោះយ៉ាងមានប្រសិទ្ធភាព។

ដោយគ្រាន់តែយកទឹកឃ្មុំសុទ្ធ1ស្លាបព្រាកាហ្វេលាយជាមួយនឹងទឹកក្រូចឆ្មារ2ស្លាបព្រាកាហ្វេ (បើអាចយកវាទៅដាក់កម្តៅឱ្យក្តៅបន្តិចកាន់តែប្រសើរ) មកទទួលទានរៀងរាល់ពេលភ្ញាក់ពីដំណេកនាពេលព្រឹកព្រលឹម មុនទទួលទានអាហារពេលព្រឹក និងក្រោយពេលទទួលទានអាហារណាដែលមានជាតិខ្លាញ់ច្រើនរួចតែប៉ុណ្ណោះ អ្នកនឹងទទួលបាននូវរូបរាងដ៏ស្រឡូនស្អាត មិនមានខ្លាញ់នៅក្បាលពោះដ៏គួរឱ្យស្អប់នោះទេ។

បើងាកមកគិតទៅដល់ពេលវេលានៃការលាយទឹកឃ្មុំ និងទឹកក្រូចឆ្មារវិញ យើងសង្កេតឃើញថា វាមានរយៈពេលខ្លីបំផុត គឺអាចនឹងមិនដល់5នាទីផង តែប្រសិទ្ធភាពរបស់វាគឺលើសពីការគិតរបស់អ្នកទៅទៀតចំពោះការសម្រកខ្លាញ់ក្បាលពោះ។ វិធីសាស្ត្រផ្សេងទៀតដែលអ្នកអាចសាកល្បង ដើម្បីឱ្យខ្លាញ់នៅបរិវេណក្បាលពោះរាបស្មើនោះគឺ ការទទួលទានផ្លែឈើមួយចំនួនដូចជា ផ្លែប្លូបឺរី ផ្លែប៊័រ ផ្លែប៉ោម ផ្លែក្រូច ផ្លែចេក ផ្លែម្នាស់ ផ្លែល្ហុងទុំ និងផ្លែទទឹមជាដើម។

បន្ថែមពីលើការទទួលទានទឹកឃ្មុំ ឬផ្លែឈើមួយចំនួនខាងលើនេះ អ្នកគួរតែចំណាយពេល5នាទីបន្ថែមពីលើទម្លាប់ហាត់ប្រាណដែលអ្នកធ្លាប់ធ្វើពីមុនមក ដោយចាប់ផ្តើមអនុវត្តនូវរបៀបហាត់ប្រាណដែលអាចជួយសម្រកខ្លាញ់ក្បាលពោះបានដូចជា ការជិះកង់ ការហែលទឹក និងការហាត់ប្រាណជាមួយបាល់ជាដើម។ បន្ទាប់ពីបានអានពីវិធីសាស្ត្រ ខ្លីៗខាងលើហើយនោះ ឡារ៉ែន សង្ឃឹមថា មិត្តនារីៗដែលមានបញ្ហាខ្លាញ់ក្បាលពោះ ឬនារីៗដែលចង់សម្រកទម្ងន់ទាំងអស់ អាចចាប់ផ្តើមអនុវត្តតាមវិធីនេះបាន ដើម្បីប្តូរពីក្បាលពោះធំមានខ្លាញ់ច្រើន មកជាក្បាលពោះដែលរាបស្មើស្រស់ស្អាតដូចតារាម៉ូឌែលវិញ៕

July 10, 2017

Category: សុខភាព