ពិតណាស់មនុស្សស្រីគ្រប់រូបគឺសុទ្ធតែចង់ស្អាត ដូច្នេះហើយការតុបតែងខ្លួនគឺជារឿងសំខាន់បំផុតសម្រាប់ពួកគាត់ ហើយនៅថ្ងៃនេះដែរ គេហទំព័រ ឡារ៉ែន សូមបង្ហាញជូននូវម៉ូដក្រចកបែបស្រទន់ ប៉ុន្តែអាចប្រើបានគ្រប់ពេលវេលា និងគ្រប់ទីកន្លែង។
ម៉ូដក្រចកទាំងនេះ គឺបានបង្កប់នូវភាពស្រស់ស្អាត និងភាពទាក់ទាញពីមនុស្សនៅជុំវិញខ្លួន ។ បើសុភានារីមិនជឿទេនោះ អាចសាកល្បងដោយខ្លួនឯងក៏បាន…
ក្លិនក្លៀកបណ្តោលមកពីក្រពេញញើសនៅក្រោមក្លៀក និងបាក់តេរីមានការកើនឡើង។ នេះជាជំងឺទូទៅមួយមិនមានផលប៉ះពាល់ដល់សុខភាពឡើយ ប៉ុន្តែវាបានរំខានដល់ជីវិតរបស់នៅប្រចាំថ្ងៃ និងទំនាក់ទំនងរបស់អ្នក។ ប្រសិនបើអ្នកខ្មាស់អៀនមិនហ៊ានជួបជាមួយនឹងគ្រូពេទ្យ ដើម្បីធ្វើការព្យាបាលនោះទេ អ្នកអាចអនុវត្តតាមវិធីធម្មជាតិវិញក៏មានប្រសិទ្ធភាពដែរ។
១. ក្រូចឆ្មាស្រស់
ក្រូឆ្មាមានរសជាតិជូរ, ត្រជាក់, មានប្រសិទ្ធភាពកាត់បន្ថយកម្ដៅ, ជាថ្នាំសម្លាប់មេរោគ, ប្រឆាំងនឹងការរលាក។ ប្រភពធម្មជាតិនៃទឹកអាស៊ីតនៅក្នុងក្រូចឆ្មា អាចជួយសម្លាប់បាក់តេរីនៅលើស្បែកក្លៀក ហើយអាស៊ីតខ្លាញ់អាចជួយលុបបំបាត់ញើស និងក្លិនក្លៀក។
វិធីសាមញ្ញបំផុត៖ បន្ទាប់ពីងូតទឹក យកក្រូចឆ្មាស្រស់មួយចំណិត ត្រដុសត្រង់ក្លៀកប្រហែលជា ១០នាទី។ បន្ទាប់មកប្រើកូនកន្សែងជ្រក់ទឹកក្តៅឧណ្ឌៗមកជូតសម្អាត។ អនុវត្តជារៀងរាល់ថ្ងៃ អ្នកនឹងឆាប់ឃើញលទ្ធផល។
ដើម្បីបង្កើនប្រសិទ្ធភាពនៃការព្យាបាលក្លិនក្លៀក គួរតែលាយទឹកក្រូចឆ្មាមួយលីត្រសម្រាប់បរិភោគក្នុងមួយថ្ងៃ។ ធ្វើបែបនេះអាចកាត់បន្ថយកម្ដៅ, បន្សាបជាតិពុលនៅក្នុងរាងកាយ, ជួយកាត់បន្ថយក្លិនខ្លួនដែលបង្កឡើងដោយសារតែក្រពេញញើស។
២. ស៊ុតស្ងោរ
បើយោងតាមឱសថបុរាណស៊ុតស្ងោរមានប្រសិទ្ធភាពក្នុងការព្យាបាលក្លិនក្លៀកខ្លាំងណាស់។ ប្រសិនបើបានអនុវត្តម្តងហើយ ម្តងទៀតអ្នកនឹងមានអារម្មណ៍ថា ក្លិនក្លៀនត្រូវបានបាត់បង់យ៉ាងលឿន។
យកស៊ុតពីគ្រាប់មកស្ងោរឲ្យឆ្អិន រួចបកសំបកចេញទាន់នៅក្តៅៗ ហើយខ្ចប់នឹងកូនកន្សែងមួយដើម្បីលុញនៅក្រោមក្លៀកទាល់តែស៊ុតត្រជាក់ទើបឈប់។ អនុវត្តបែបនេះឱ្យបានទៀងទាត់អ្នកនឹងទទួលបានផល។
៣. ខ្ញីស្រស់
ខ្ញីស្រស់អាចជួយការពារការបែបញើសក្លៀក និងជួយឲ្យក្លៀកស្ងួតបានយូរ។ តើគួរតែប្រើយ៉ាងម៉េច? អ្នកគ្រាន់តែប្រើទឹកខ្ញីស្រស់យកទៅជូតសម្អាតក្លៀកឱ្យបានរៀងរាល់ថ្ងៃ ដើម្បីជួយឱ្យស្បែកក្រោមក្លៀកស្ងួត និងមានក្លិនល្អឡើងវិញ៕
សម្រាប់មនុស្សស្រីពេលមានវដ្តរដូវប្រចាំខែច្រើនតែចង់ញ៉ាំនេះញ៉ាំនោះតាមចិត្តមាត់ ឬច្រើនតែធ្វើអ្វីមិនសូវជាប្រយ័ត្នប្រយែង អ្នកខ្លះភ្លេចខ្លួនទៅលើករបស់ធ្ងន់ៗ ឬបញ្ចេញកម្លាំងហាត់ប្រាណដោយមិនបាននឹកគិតឡើយថា អំឡុងពេលមានវដ្តរដូវប្រចាំខែនេះ ស្បូនកំពុងស្ថិតក្នុងអំឡុងពេលទន់ខ្សោយ។
ធ្លាប់មានករណីមួយដែលក្មេងស្រីជនជាតិចិនម្នាក់ អាយុ 15 ឆ្នាំស្លាប់បាត់បង់ជីវិតដោយសារការមានវដ្តរដូវ ព្រោះភ្លេចខ្លួនទៅបញ្ចេញកម្លាំងកាយហាត់ប្រាណ រួចហើយក៏ចុកពោះយ៉ាងខ្លាំង រហូតដល់ស្លាប់នៅក្នុងមន្ទីរពេទ្យ ដូច្នេះហើយទើបថ្ងៃនេះ ឡារ៉ែន មានព័ត៌មានល្អៗមកជម្រាបជូនមិត្តអ្នកអានដែលជានារីៗ គឺចំណុចហាមឃាត់ដែលមិនគួរធ្វើក្នុងអំឡុងពេលមានវដ្តរដូវប្រចាំខែ តើមានអ្វីខ្លះនោះ សូមតាមដានដូចតទៅ…។
1 . ហាមញ៉ាំទឹកត្រជាក់ ទឹកកក ឬរបស់ដែលត្រជាក់ខ្លាំង។
2 . ហាមញ៉ាំភេសជ្ជៈដែលមានជាតិអាល់កុលគ្រប់ប្រភេទ។
3 . ហាមញ៉ាំរបស់ប្រៃៗ ខ្លាញ់ច្រើន ឬរបស់ដែលចៀន បំពងផ្សេង។
4 . ហាមញ៉ាំផ្លែឈើមួយចំនួន ដូចជា ឪឡឹក ដូង និងផ្លែឈើដែលមានរសជាតិជូរខ្លាំង។
5 . ហាមស្លៀកពាក់សំពត់ខោអាវរឹបណែន ឬសម្លៀកបំពាក់ណាដែលរឹបក្បាលពោះ។
6 .ហាមហាត់ប្រាណគ្រប់យ៉ាង។
7 . ហាមមានភេទសម្ព័ន្ធជាដាច់ខាត៕
មនុស្សជាច្រើនតែងតែជួបនឹងបញ្ហា “ហាត់ប្រាណ” មិនទាន់បានប៉ុន្មានផង ក៏ហត់បាត់ទៅហើយ ធ្វើឱ្យអស់អារម្មណ៍លែងចង់ហាត់ប្រាណតទៅទៀតតែម្តង តែថ្ងៃនេះ ឡារ៉ែន សូមណែនាំជូនមិត្តអ្នកអានដែលចូលចិត្តការហាត់ប្រាណនូវកំពូលអាហារ4យ៉ាងដែលនឹងជួយបង្កើនកម្លាំងថាមពលដែលលោកអ្នកបាត់បង់ក្រោយការហាត់ប្រាណ និងជួយឱ្យការធ្វើលំហាត់ប្រាណរបស់លោកអ្នកកាន់តែងាយស្រួលឡើងផង។
1.ទឹកឃ្មុំ
ការសិក្សាស្រាវជ្រាវកាលពីពេលថ្មីៗនេះបានរកឃើញថា អាហារដែលមានចំណែកផ្សំរបស់ហ្វ្រាក់តូស (Fructose) និង គ្លុយខូស (Glucose)នឹងជួយបង្កើនកម្លាំងថាមពលក្នុងការធ្វើកិច្ច-ការផ្សេងៗបានច្រើនជាងអាហារដែលមានតែ គ្លុយខូស ម្យ៉ាង ហើយប្រាកដណាស់ថា ទឹកឃ្មុំ គឺជាអាហារដែលមានទាំង ហ្វ្រាក់តូស និងគ្លុយខូស ហើយទឹកឃ្មុំនៅមានវីតាមីន រួមទាំងសារធាតុប្រឆាំងអនុមូលឥស្សរ:ដែលល្អចំពោះសុខភាពទៀតផង។
2.ផ្លែប៉ោម
ការទទួលទានផ្លែប៉ោមមួយផ្លែមុនធ្វើលំហាត់ប្រាណ នឹងជួយធ្វើឱ្យលោកអ្នកហាត់ប្រាណបានកាន់តែយូរឡើង ព្រោះផ្លែប៉ោមសម្បូរទៅដោយ “ឃ្វើរ៍ស៊ីទីន” (Quercetin) ដែលជាសារធាតុដែលមានឥទ្ធិពលប្រឆាំងអុកស៊ីដេ-ស្សិនខ្ពស់បំផុត។ លទ្ធផលនៃការសិក្សាស្រាវជ្រាវបានរកឃើញថា ឃ្វើរ៍ស៊ីទីន អាចជួយឱ្យកីឡាករប្រណាំងកង់អាចធាក់កង់បានកាន់តែយូរឡើង ព្រោះ ឃ្វើរ៍ស៊ីទីន នឹងទៅជួយផលិតអុកស៊ីហ្ស៊ែននៅក្នុងសួតឱ្យកើនឡើង ធ្វើឱ្យមានអារម្មណ៍អាចអត់ទ្រាំនឹងការហត់នឿយបានកាន់តែខ្លាំងឡើងទៀត។ ក្រៅពីផ្លែប៉ោមហើយនោះសារធាតុ ឃ្វើរ៍ស៊ីទីន នេះ នៅត្រូវបានគេរកឃើញថា មានច្រើននៅក្នុងផ្លែទំពាំងបាយជូរផងដែរ។
3.ទឹកដោះ
មិនចាំបាច់ត្រូវទទួលទានភេសជ្ជៈសារធាតុរ៉ែ ឬភេសជ្ជៈប៉ូវកម្លាំងអ្វី ដើម្បីបង្កើនថាមពលឡើងវិញ បន្ទាប់ពីហាត់ប្រាណរួចនោះទេ តែចូរទទួលទានទឹកដោះគោធម្មតាទូទៅ ឬទឹកដោះសូកូឡា ដែលប្រកបដោយខាបូហាយដ្រេត និងប្រតេអុីនវិញ ព្រោះវានឹងជួយសម្រួលឱ្យរាងកាយរបស់លោកអ្នកមានតុល្យភាពល្អឡើងវិញក្រោយពេលហាត់ប្រាណរួច។
4.យ៉ាអួ
ការស្រាវជ្រាវថ្មីមួយបានរកឃើញថា “ប្រូបៃអូទិក” (Probiotics) ដែលមាននៅក្នុងយ៉ាអួនឹងជួយធ្វើឱ្យលោកអ្នកមានសុខភាពល្អ ក្រៅពីនេះយ៉ាអួនៅមានខាបូហាយដ្រេត និងប្រូតេ-អុីនលាយផ្សំគ្នាក្នុងបរិមាណដ៏សមល្មមទៀតផងដូច្នេះហើយទើបយ៉ាអួក្លាយជាកំពូលអាហារក្នុងការស្តារកម្លាំងថាមពលដល់រាងកាយរបស់លោកអ្នកក្រោយពេលហាត់ប្រាណ៕
រូបមន្តបំពោកផ្ទៃ មុខដែលបានពីធម្មជាតិកំពុងតែក្លាយជាទីពេញនិយមរបស់កំលោះក្រមុំយ៉ាង ខ្លាំង ព្រោះក្រៅ ពីគ្មានអាការប្រតិកម្មចាញ់លើផ្ទៃមុខហើយនោះ រូបមន្តបំពោកផ្ទៃមុខដោយធម្មជាតិនេះនៅជួយសន្សំប្រាក់របស់លោកអ្នកបានទៀតផង។
រូបមន្តបំពោកផ្ទៃមុខដោយផលិតផលធម្មជាតិនេះភាគច្រើននឹងជួយឱ្យលោកអ្នកមានផ្ទៃមុខស្អាតស្រស់ថ្លា និងគ្មានស្លាកស្នាមហើយ ថ្ងៃនេះ ឡារ៉ែន មានរូបមន្តបំពោកផ្ទៃមុខពីធម្មជាតិមួយទៀត ដែលជួយប្រឆាំងនឹងការកើតមុននៅលើផ្ទៃមុខមកជម្រាបជូន នោះគឺរូបមន្តបំពោកផ្ទៃមុខដោយបន្លែផ្លែឈើពណ៌ក្រហម ព្រោះបន្លែ និងផ្លែឈើពណ៌ក្រហមមានគុណសម្បត្តិជួយកាត់បន្ថយភាពឡើងខ្លាញ់ កម្ចាត់កោសិកាស្បែកដែលងាប់ចេញមិនឱ្យនៅញ៉ុកណែនបង្កកើតជាមុនកាត់បន្ថយស្លាកស្នាមឱ្យរលុបបាត់អស់ដូចធម្មជាតិព្រមទាំងថែបំប៉នស្បែកមុខឱ្យមានសំណើមស្រស់បស់ទៀតផង។
រូបមន្តផ្លែប៉ោមទឹកឃ្មុំ ការពារមុននិងលុបស្នាមអុចខ្មៅ
វិធីធ្វើ : កិនផ្លែប៉ោម 1ផ្លែឱ្យម៉ដ្ឋ លាយជាមួយទឹកឃ្មុំ 2ស្លាបព្រាកាហ្វេ រួចហើយយកមកលាបបំពោកនៅលើកន្លែង ដែលកើតមុន ទុកចោលប្រមាណជា 15 នាទី រួចសឹមលាងចេញដោយទឹកក្តៅឧណ្ហៗ ហើយលាងសម្អាតម្ដងទៀតដោយទឹកធម្មតា និងជូតមុខឱ្យស្ងួត។
រូបមន្តផ្លែប៉េងប៉ោះ កាត់បន្ថយខ្លាញ់ និងកម្ចាត់កោសិកាខូចៗចេញ
វិធីធ្វើ : ចិញ្ច្រាំប៉េងប៉ោះ 1ផ្លែឱ្យល្អិតយកមកលាបបំពោកឱ្យសព្វពេញផ្ទៃមុខ យកម្រាមដៃលុញម៉ាស្សាជារាងរង្វង់ថ្នមៗ រួចទុកចោលឱ្យរាងស្ងួតបន្តិច ឬមានអារម្មណ៍ថា ស្បែកមុខរាង តឹងសឹមលាងចេញដោយទឹកស្អាត រួចជូតមុខឱ្យស្ងួតជាការស្រេច។
រូបមន្តផ្លែឪឡឹកបង្កើនសំណើម និងភាពស្រស់បស់ដល់ស្បែកមុខ
វិធីធ្វើ : កិនសាច់ឪឡឹក 2ដុំធំៗល្មមឱ្យល្អិត រួចយកមកលាបបំពោកឱ្យសព្វលើផ្ទៃមុខ ទុកចោល ប្រមាណ10នាទី ឬរហូតមានអារម្មណ៍ថាតឹងស្បែកសឹមលាងចេញដោយទឹកក្តៅឧណ្ហៗ រួចតាមដោយទឹកធម្មតា និងបញ្ចប់ដោយការជូតមុខឱ្យស្អាត។
លាបបំពោកថែទាំស្បែកមុខឆ្លាស់គ្នា ដោយរូបមន្តផ្លែឈើដែលបានណែនាំនេះក្នុងមួយសប្តាហ៍1ដង ស្បែកមុខនឹងស្អាតភ្លឺថ្លាជាក់ជាមិនខាន៕
ពេលខ្លះអាការឈឺធ្មេញធ្វើឱ្យយើងខឹងមួម៉ៅ ឬជួនកាលឈឺរហូតដល់ចង់វិលមុខ ឈឺក្បាលគិតអ្វីមិនចេញទៀតផង នៅក្នុងស្ថានការណ៍ដែលយើងមិនអាចទៅពេទ្យធ្មេញបានទាន់ពេលវេលានោះ អាចនឹងត្រូវទ្រាំឈឺមួយរយៈ តែ ឡារ៉ែន មានវិធីបន្ថយអាការឈឺធ្មេញនេះបានដោយវិធី5យ៉ាងដូចខាងក្រោម។
1.កុំទទួលទានអាហារដែលនាំឱ្យឈឺធ្មេញ
កាត់បន្ថយនូវអ្វីដែលមានផលធ្វើឱ្យធ្មេញឈឺកាន់តែខ្លាំងឡើង ដូចជា ទទួលទានរបស់ត្រជាក់ខ្លាំង (ទឹកកក ការ៉េម), របស់ក្តៅខ្លាំង (ទឹកក្តៅ កាហ្វេក្តៅ និងអាហារក្តៅៗជាដើម) និងអាហារដែលមានរសជាតិផ្អែមខ្លាំង ឬជូរខ្លាំង។
2.កុំធ្វើឱ្យប៉ះទង្គិចដល់ធ្មេញដែលកំពុងឈឺ
កាត់បន្ថយការធ្វើឱ្យប៉ះទង្គិចដល់ធ្មេញដែលកំពុងឈឺ ពីព្រោះអាការឈឺធ្មេញនឹងកាន់តែកម្រើកខ្លាំងឡើង បើធ្មេញដែលឈឺនោះត្រូវបានធ្វើឱ្យប៉ះទង្គិចញឹកញាប់ វិធីងាយៗគឺ ទទួលទានអាហារណាដែលមិនចាំបាច់ទំពាខ្លាំងៗ និងវិធីមួយទៀតគឺ ទំពានៅធ្មេញម្ខាងទៀត។
3.យកកម្ទេចអាហារចេញពីធ្មេញ
បើអាការឈឺនោះបណ្តាលមកពីមានកម្ទេចអាហារ វិធីល្អបំផុតគឺប្រញាប់យកកម្ទេចអាហារទាំងនោះចេញឱ្យបានលឿនបំផុត ដោយការប្រើខ្សែសម្អាតធ្មេញ (Dental Floss) កុំប្រើឈើចាក់ធ្មេញ។
4.ប្រើទឹកក្តៅឧណ្ហៗជាជំនួយ
បើធ្មេញពុកមានប្រហោង សរសៃប្រសាទធ្មេញហើម និងមានខ្ទុះនៅជើងធ្មេញ ហើយមើលឃើញអាការហើមស្ទុលនៅលើថ្គាមនោះ ការប្រើទឹកក្តៅឧណ្ហៗជួយស្អំពីខាងក្រៅ នឹងជួយជម្រុញឱ្យការហូរខ្ទុះចេញមកខាងក្រៅឆាប់អស់ ជួយឱ្យអាការឈឺធ្មេញឆាប់បាត់កាន់តែលឿនឡើងថែមទៀតផង។
5.ប្រេងធាងម្លូ
ប្រេងធាងម្លូ ជាឱសថដែលជួយកាត់បន្ថយអាការឈឺធ្មេញបាន ដោយយកសំលីជ្រលក់ប្រេងធាងម្លូ ហើយយកញ៉ុកចូលក្នុងប្រហោងធ្មេញដែលឈឺ នោះប្រេងធាងម្លូនឹងបញ្ចេញឫទ្ធិជាថ្នាំបំបាត់ការឈឺចាប់បានភ្លាមតែម្តង។
វិធីការដែលណែនាំខាងលើនេះ ជាវិធីជួយ
ឱ្យអ្នកបាត់ខឹងមួម៉ៅ ដោយសារការឈឺធ្មេញក្នុងករណីដែលមិនអាចទៅជួបជាមួយគ្រូពេទ្យបានតែប៉ុណ្ណោះ មិនមែនជាវិធីព្យាបាលឡើយ ដូច្នេះបើអ្នកមានឱកាសហើយ គួរតែប្រញាប់ទៅជួបនឹងគ្រូពេទ្យ ដើម្បីទទួលយកការព្យាបាលដែលត្រឹមត្រូវទើបជាការប្រសើរ៕
ជំងឺលើសឈាម ឬសម្ពាធឈាមលើស ភាគច្រើនតែងកើតមានលើមនុស្សដែលមានវ័យចាប់ពី៤០ឆ្នាំប្លាយឡើងទៅ ដែលជំងឺប្រភេទនេះ ធ្លាប់បានឆក់យកយកអាយុជីវិតអ្នកជំងឺ និងធ្វើឲ្យអ្នកជំងឺរស់នៅជាមួយពិការភាពមិនតិចនាក់នោះឡើយ។ យ៉ាងណាក៏ដោយ ចំពោះជំងឺដ៏កាចសាហាវមួយនេះគេ ក៏នៅ តែមានវិធីបង្ការឬកាត់បន្ថយភាពប្រឈមផងដែរ ដែលលោកអ្នកអាចស្វែងយល់ជាមួយឡារ៉ែនដូចខាងក្រោមនេះ៖
រោគសញ្ញាៈ
ជំងឺលើសឈាម គឺបណ្តាលមកពីកំណកខ្លាញនៅក្នុងសរសៃឈាមច្រើន ដែលបង្កឱ្យចរន្តឈាមក្នុងរាងកាយមានដំណើរការខុសប្រក្រតី ធ្វើឱ្យសម្ពាធឈាមឡើងខ្ពស់ខុសពីធម្មតា និងបណ្តាលឱ្យសរសៃឈាមក្នុងខួរក្បាល ស្ទះ ឬដាច់ អាចធ្វើឱ្យមនុស្សស្លាប់ភ្លាមៗ ឬស្លាប់មួយចំហៀងខ្លួន។ ភាគច្រើន អ្នកមានជំងឺលើសឈាម ឬមានសម្ពាធឈាមខ្ពស់ តែងមានរោគសញ្ញាដូចជា រោយកញ្ចឹងក ឧស្សាហ៍ងងឹតមុខ ឬវិលមុខខ្លាំង ហ៊ឹងត្រចៀក ល្ហិតល្ហៃអស់កម្លាំង ឈឺក្បាលនៅពេលយប់ ឬពេលក្រោកពីទទួលទានដំណេកពេលព្រឹកព្រលឹមជាដើម។ ប៉ុន្តែអ្នកជំងឺលើសឈាមខ្លះក៏មិនបានបង្ហាញរោគសញ្ញា ឬប្រតិកម្មអ្វីទាំងអស់ ពោលគឺអ្នកជំងឺមានសភាពធម្មតាក៏មានដែរ។ ចំពោះអ្នកមានជំងឺលើសឈាម បើសិនជាមិនបានព្យាបាលទាន់ពេលវេលាទេ នោះអាការជំងឺអាចនឹងបង្កគ្រោះថ្នាក់កាន់តែខ្ពស់ ឬអាចបណ្ដាលជាជំងឺបេះដូង, ជំងឺតម្រងនោមចុះខ្សោយ និងដាច់សរសៃឈាមក្នុងខួរក្បាល ដែលជាជំងឺពិបាកព្យាបាល និងប្រឈមនឹងការបាត់បង់អាយុជីវិត។
ការថែទាំ និងព្យាបាលៈ
វិធីការពារៈ
លោកអ្នកអាចការពារខ្លួន និងចាកចេញពីជំងឺលើសឈាមបាន តាមរយៈការថែទាំសុខភាពឲ្យបានត្រឹមត្រូវ រាប់បញ្ចូលទាំងការព្យាយាមហាត់ប្រាណឲ្យបានយ៉ាងតិច30នាទីក្នុងមួយថ្ងៃ, កាត់បន្ថយការទទួលទានអាហារទាំងឡាយណាដែលសម្បូរជាតិខ្លាញ់ច្រើន, ប្រៃខ្លាំង, ផ្អែមខ្លាំង, ក៏ដូចជាការប្រើឱសថជំនួយសុខភាពបន្ថែមទៅតាមវេជ្ជបញ្ជាផងដែរ។ នៅពេលលោកអ្នកបានអនុវត្តត្រឹមត្រូវទាំង3ចំណុចសំខាន់ៗនេះ នោះបញ្ហាជំងឺលើសឈាមពិតជាគ្មានឱកាសមកបៀតបៀនលើខ្លួនរបស់អ្នកឡើយ៕
ឃឹនឆាយ ជាអាហារឱសថបុរាណដែលល្អបំផុតសម្រាប់សុខភាព និងមានគុណសម្បត្តិទាំងដើម ឫស និងស្លឹក ហើយវាជារុក្ខជាតិដែលសម្បូរទៅដោយម៉ាញេស្យូម វិតាមីនK កាកអាហារសរសៃ និងវីតាមីនC ជាច្រើនដែលជួយក្នុងការព្យាបាលជំងឺដូចជា ផ្ដាយសាយធំ ជំងឺហឺត ជាពិសេសមានសារជាតិដែកដែលជួយបង្កើតគ្រាប់ឈាមក្រហម ជួយសម្រួលប្រព័ន្ធសសៃឈាម ព្យាបាលជំងឺលើសឈាម និងរលាកសន្លាក់ផងដែរ។
ខាងក្រោមនេះជាវិធីធ្វើទឹកឃីនឆាយ៖
គ្រឿងផ្សំមាន៖
គល់ឃឹនឆាយដែលជាប់ឫស 1 គុម្ព
ការ៉ុត 1 មើម
ប៊ីធ្រូត 1 មើម
ឆៃថាវ 1 មើម
ទឹក 2 លីត្រ
វិធីធ្វើ៖
-លាងគល់ និងឫសឃឹនឆាយឱ្យស្អាត ហាន់ខ្លីៗ បន្ទាប់មកយកមើមការ៉ុត មើមប៊ីធ្រូត និងមើមឆៃថាវចិតសម្បកហើយលាងទឹកស្អាត រួចកោសវាជាសរសៃៗ ។
-យកឫសឃឹនឆាយ និងសរសៃការ៉ុត ប៊ីធ្រូត និងឆៃថាវកិនក្រឡុកក្នុងម៉ាស៊ីនក្រឡុកជាមួយទឹក2លីត្រ។
-ក្រោយមកស្រង់កាកចេញហើយយកទឹកនោះទៅឱ្យដាក់ដាំពុះ រួចលើកទុកឱ្យត្រជាក់។
– អ្នកអាចពិសានៅពេលពោះទំនេរមិនទាន់ហូបអីក៏បាន និងពេលយប់មុនចូលដំណេកមួយកែវ រៀងរាល់ថ្ងៃបាន៕
អាហារូបត្ថម្ភដែលមិនល្អ គឺជាកត្តាដែលនាំឱ្យកើតសភាវមួយដែលគេហៅថា “ក្រួសនៅក្នុងតម្រងនោម” ទើបជាហេតុបណ្ដាលឱ្យអ្នកជំងឺនឿយហត់ អស់កម្លាំង ហើយក្រួសក្នុងតម្រងនោមនេះយើងអាចកម្ចាត់បានដោយការទទួលទានភេស្ជជៈធ្វើពីបន្លែ និងផ្លែឈើដូចខាងក្រោមនេះ។
គ្រឿងផ្សំដែលត្រូវការមាន៖
-ទឹកស្អាត 1/2 លីត្រ
-សាច់ផ្លែក្រូចថ្លុង 1ផ្លែ
-ត្រសក់ 1 ផ្លែ
-ការ៉ុត 1 មើម
-ខ្ញី 2 ចំណិត
-ស្លឹកជីអង្កាម 5 សន្លឹក
វិធីធ្វើ៖
ដាក់សាច់ផ្លែក្រូចថ្លុង ការ៉ុត ត្រសក់ដែលហាន់ជាចំណិតរួចនោះចូលទៅក្រឡុកក្នុងម៉ាស៊ីនទឹកក្រឡុក បន្ទាប់មកបន្ថែមទឹកបន្តិច និងខ្ញី ក្រឡុកចូលគ្នាឱ្យម៉ដ្ឋ។
ក្រោយមកដាក់ស្លឹកជីអង្កាមចូលទៅក្រឡុកចុងក្រោមជាការស្រេច។ អ្នកអាចពិសា 2ដងក្នុងមួយថ្ងៃ នៅពេលព្រឹក និងមុនពេលបាយថ្ងៃត្រង់។
គុណប្រយោជន៍របស់រូបធាតុផ្សំខាងលើនេះដូចជា៖
1.សាច់ផ្លែក្រូចថ្លុង៖ ជាផ្លែឈើដែលមានប្រយោជន៍ចំពោះសុខភាពច្រើនបំផុត វាជួយព្យាបាល និងសម្អាតសារជាតិពុលនៅក្នុងរាងកាយ ក្រៅពីនោះវាសម្បូរដោយវីតាមីនC ដែលអាចជួយរំលាយជាតិខ្លាញ់ និងបន្ថែមកម្លាំងដល់រាងកាយ បំបាត់ភាពនឿយហត់។
2.ការ៉ុត៖ ការ៉ុតជាបន្លែដែលមានរសជាតិឆ្ងាញ់ ហើយពោពេញទៅដោយសារធាតុចិញ្ចឹម អង់ទីអុកស៊ីដង់ និងបេតាការ៉ូទីន ដែលរាងកាយបំប្លែងទៅជាវីតាមីន A ដែលជួយដល់ប្រព័ន្ធរំលាយអាហាររបស់យើង។
3.ត្រសក់៖ ជាប្រភេទបន្លែដែលសម្បូរទៅដោយសារជាតិអាហារកាកសរសៃ ជួយសម្អាតក្រពះ និងជាឱសថបុរាណសម្រាប់បញ្ជុះទឹកមូត្រផងដែរ៕
ស្ត្រីយើងរមែងតែងតែប្រឈមមុខជាមួយនឹងភាពឈឺចាប់នៅមុនពេល និងក្នុងនៅអំឡុងពេលមករដូវ ហើយមាននារីៗជាច្រើននាក់ណាស់ប្រហែលជាធុញទ្រាន់ជាមួយនឹងអាការឈឺចាប់នាពេលមករដូវម្ដងៗនេះ។ ក្នុងថ្ងៃនេះ ឡារ៉ែន បានពាំនាំនូវវិធីខ្លះៗក្នុងការថែរក្សាសុខភាពនារីដោយខ្លួនឯង ទាំងមុនពេល និងក្នុងអំឡុងពេលមករដូវមកជម្រាបជូនប្រិយមិត្តអ្នកអានទាំងអស់ ដើម្បីជួយបន្ថយភាពឈឺចាប់បានខ្លះ អីចឹងសូមអានទាំងអស់គ្នា ថាតើគួរធ្វើបែបណាខ្លះ?
1/ កំណត់ការទទួលទានអាហារមួយចំនួន
អ្នកគួរកំណត់ការទទួលទានជាតិស្ករ អំបិល ជាតិកាហ្វេអីុន ស្រា និងភេសជ្ជៈមានជាតិអាកុល ហើយបែរមកទទួលទានអាហារដូចជា បន្លែ ផ្លែឈើ គ្រាប់ធញ្ញជាតិ និងអាហារដែលមានសារធាតុកាបូនអីុដ្រាតមួយចំនួន ក្រោយពីសម្រាកការងារ ដើម្បីថែរក្សាសុខភាព តែមិនបណ្ដាលខ្លួនឱ្យធាត់នោះទេ។
2/ អាហារដែលសម្បូរដោយសារធាតុដែក
អ្នកគួរទទួលទានអាហារដែលមានសារធាតុដែកឱ្យបានច្រើន ដែលសារធាតុដែកទាំងនោះមាននៅក្នុង ថ្លើមសត្វ ស៊ុតលឿងនិងបន្លែពណ៌បៃតងចាស់-ល- ដើម្បីឱ្យរាងកាយបង្កើតគ្រាប់ឈាមក្រហមថ្មីៗ និងគួរទទួលទានបន្លែ ផ្លែឈើដែលមានវីតាមីន C ច្រើនដូចជា ក្រូចឆ្មារ ក្រូចពោធិ៍សាត់ ត្របែក ខាត់ណា និងប៉េងប៉ោះជាដើម ព្រោះវីតាមីន C នឹងជួយឱ្យរាងកាយស្រូបយកសារធាតុចិញ្ចឹម និងសារធាតុដែកចូលទៅក្នុងរាងកាយបានយ៉ាងល្អប្រសើរ។
3/ បំបាត់ការឈឺចាប់ដោយវិធីធម្មជាតិ
នៅក្នុងអំឡុងពេលមករដូវ ប្រសិនបើអ្នកមានអាការចុកពោះ និងឈឺចាប់ខ្លាំងក៏សូមណែនាំឱ្យឆុងតែឱសថបុរាណងាយៗដូចជា តែ Chamomile ឬប្រភេទតែ Peppermint ដោយឆុងទទួលទានក្ដៅៗ រួចលេបវីតាមីន C កាល់ស្សូម និងថ្នាំ Evening Primrose Oil។ ក្រៅពីនោះ អ្នកគួរតែងូតទឹកក្ដៅឧណ្ហៗ និងស្អំទឹកក្ដៅនៅលើបរិវេណពោះរបស់អ្នក ដើម្បីកាត់បន្ថយអាការឈឺចាប់។
4/ ហាត់ប្រាណ
ការហាត់ប្រាណយ៉ាងថ្មមជារឿយៗ ដើម្បីជំរុញឱ្យរាងកាយមានកម្លាំង និងថាមពល Endorphine ចេញមកក្រៅ ពីព្រោះថាមពលសារធាតុនេះ អាចជួយកាត់បន្ថយការឈឺចាប់របស់រាងកាយបានតាមបែបធម្មជាតិ ដោយជួយឱ្យរាងកាយមានអារម្មណ៍ធូរស្បើយ និងបំបាត់អារម្មណ៍តានតឹងមួយចំនួនដែលជាដើមហេតុបង្កឱ្យកើតមានអាការឈឺចាប់បែបនេះ ដែលជាផ្នែកមួយជួយកាត់បន្ថយការឈឺចាប់នៅមុន និងក្រោយពេលមករដូវ។
នារីៗជាច្រើនដែលមានអាការឈឺចាប់ពេលមករដូវខ្លាំងបំផុត ក៏ត្រូវរកវិធីកាត់បន្ថយការឈឺចាប់បន្ថែមទៀត មិនថាជាការសម្រាកឱ្យបានគ្រប់គ្រាន់ ការស្អំទឹកក្ដៅនៅបរិវេណពោះ និងក្រោមខ្នង ក៏ប៉ុន្ដែនៅពេលដែលការឈឺចាប់មិនបាត់សោះ ក៏គួរតែចេញទៅហាត់ប្រាណបន្ថែមថ្នមៗ ហើយបើនៅតែមិនបាត់ទៀតនោះ ក៏គួរតែលេបថ្នាំបំបាត់ការឈឺចាប់ដូចជា Aspirin, ibuprofen, Naproxen ឬលេបបញ្ចូលគ្នាក៏បានដែរ។ ក្រៅពីនោះ ការប្រើប្រេងកូឡា ឬប្រេងខ្យល់លាបនៅបរិវេណពោះ ក៏អាចជួយបន្ថយអាការឈឺចាប់បានដូចគ្នាដែរ នៅក្នុងអំឡុងពេលមករដូវ ក៏ប៉ុន្ដែត្រូវប្រើតាមការណែនាំរបស់គ្រូពេទ្យទើបត្រឹមត្រូវ។ ទោះបីជាយ៉ាងណាក៏ដោយប្រសិនបើនារីៗយើង ជួបនូវអាការឈឺចាប់ខ្លាំងនោះ អ្នកមិនគួរនៅសម្ងំស្ងៀមនោះទេ គួរតែរូតរះប្រញាប់ទៅមន្ទីរពេទ្យជាបន្ទាន់ បើសង្កេតឃើញមានអាការមិនប្រក្រតីណាមួយកើតឡើងគ្រូពេទ្យអាចនឹងពិនិត្យព្យាបាលអ្នកបានភ្លាមៗទាន់ពេលវេលា។
ជាចុងក្រោយ អាហារដែលគួរជៀសវាងទទួលទាននៅក្នុងអំឡុងពេលមករដូវមានដូចជា សាច់ក្រហម ទឹកដោះគោ និងអាហារដែលមានរសជាតិប្រៃ ព្រោះវាមិនបានជួយកាត់បន្ថយអាការឈឺចាប់នៅក្នុងពេលមករដូវរបស់អ្នកនោះទេ ហើយអ្នកគួរតែបែរមកទទួលទានសាច់ត្រីជំនួសវិញ ព្រោះជាតិខ្លាញ់អូមេហ្កា 3 ពីសាច់ត្រី និងត្រីសមុទ្រ អាចជួយកាត់បន្ថយការឈឺចាប់បានមួយចំនួនដែរ៕