សុខភាព - La Reine Media

5 គន្លឹះកម្ចាត់ភាពខ្មៅស្រអាប់ និងជួយឱ្យនារីមានមន្ដស្នេហ៍

January 6, 2018 by វល័ក្ខ

បញ្ហាពណ៌សម្បុរនៃស្បែក គឺជារឿងដ៏សំខាន់មួយសម្រាប់នារីនៅក្នុងប្រទេសកម្ពុជាយើង បើទោះបីជាអាកាសធាតុក្ដៅ មានពន្លឺព្រះអាទិត្រខ្លាំងក៏ដោយ ក៏នារីខ្មែរយើងតែងសង្ឃឹមចង់បានស្បែក-សស្អាតដូចជានារីកូរ៉េដែរ។ យ៉ាងណាមិញកុំទាន់បាក់ទឹកចិត្តអី ទោះជាស្បែកមិនសភ្លឺចែងចាំដូចជានារីកូរ៉េ ក៏ប៉ុន្ដែគេហទំព័រ ឡារ៉ែន បានពាំនាំនូវគន្លឹះទាំង 5យ៉ាងដែលជួយកម្ចាត់ភាពខ្មៅស្រអាប់នៅលើស្បែកដងខ្លួន ផ្ទៃមុខ ឱ្យប្រែមកជាស្រស់ស្អាតតាមបែបធម្មជាតិ និងចំណេញថវិកាច្រើន ព្រមទាំងស្រស់ស្អាតបានរយៈពេលយូរផងដែរ។ 1/ ខាត់ស្បែក នារីមួយចំនួននិយមលាឡេការពារកម្ដៅថ្ងៃ តែមិនសូវយកចិត្តទុកដាក់ក្នុងការខាត់ស្បែកឡើយ នេះជាមូលហេតុមួយដែលធ្វើឱ្យស្បែកអ្នកកាន់តែខ្មៅស្រអាប់ ព្រោះថា ការខាត់ស្បែក គឺជាការជម្រុះនូវកោសិកាស្បែកចាស់ចេញ ហើយកោសិកាស្បែកដែលរងនូវកម្ដៅព្រះអាទិត្យ វាបានខ្លោចស្លាប់ ហើយទោះបីជាអ្នកប្រើឡេលាបការពារកម្ដៅថ្ងៃក៏ដោយ ក៏នៅតែមើលឃើញស្បែករបស់អ្នកមានសភាពខ្មៅស្រអាប់ដែរ។ ដូច្នេះនារីទាំងឡាយគួរតែយកចិត្តទុកដាក់ក្នុងការខាត់ស្បែក ឬជម្រុះក្អែលនៅលើស្បែកចេញ ដោយប្រើអំបិលខាត់ស្បែក និងផ្សំលាយសម្រាប់ប្រើជាក្រែមខាត់ស្បែក ដើម្បីឱ្យស្បែកទន់ភ្លឺរលោង។ 2/ លាបឡេ Whitening Body Lotion នេះប្រហែលជាការចាប់ផ្ដើមដំបូងសម្រាប់សុភាពនារីទាំងអស់ ក្នុងការប្រើប្រាស់នូវប្រភេទឡេ Whitening Body Lotion ដែលត្រឹមត្រូវ ហើយជួយឱ្យស្បែកភ្លឺរលោង ដោយអនុវត្តតាមវិធីងាយៗដូចជា៖ – ជ្រើសរើសផលិតផលដែលមានម៉ាកល្បីៗមានទំនុកចិត្តអាចថែរក្សាស្បែករបស់អ្នកបាន ដោយវាមិនមានប្រតិកម្មជាមួយស្បែក និងមិនធ្វើឱ្យស្បែកខូចខាត។ – ត្រូវពិនិត្យមើលប្រភេទឡេ Whitening Body Lotion មានសារធាតុផ្សំពី … Read more

វិធីការពារកុំឱ្យក្រចកលឿង និងវិធីព្យាបាល

January 5, 2018 by វល័ក្ខ

មនុស្សមួយចំនួនតូចអាចគិតថា បើមានបញ្ហាក្រចកឡើងពណ៌លឿងនោះគឺមិនមានអីពិបាកនោះទេ គ្រាន់តែលាបពណ៌ភ្លឺៗគ្របពីលើទៅគឺរួចស្រេចបាត់ទៅហើយ។ តែ ឡារ៉ែន យល់ថានេះមិនមែនជាជម្រើសដ៏ល្អបំផុតនោះទេ ព្រោះបើទោះជាអ្នកអាចបិទបាំងភ្នែកអ្នកដទៃបាន តែអ្នកមិនអាចកុហកខ្លួនឯងបាននោះទេ។ គ្រប់ពេលតែងតែមានការបារម្ភថា អាថ៌កំបាំងនៃក្រចកលឿងរបស់អ្នកនឹងត្រូវបែកធ្លាយ ព្រោះមិនប្រាកដក្នុងចិត្តថាពេលណាថ្នាំក្រចកនឹងរបកចេញ ឬថ្ងៃណាមួយអាចនឹងចេញទៅក្រៅដោយភ្លេចលាបក្រចកជាដើម។ ដូច្នេះវិធីដ៏ល្អបំផុតក្នុងការបង្កើតសុវត្ថិភាព និងទំនុកចិត្តឱ្យក្រចកដៃដ៏ស្រឡូនរបស់អ្នកជាមួយនឹងក្រចកភ្លឺសស្អាតវិញនោះគឺ ការការពារ និងការព្យាបាលឱ្យវាវិលមករកសភាពដើមវិញ។ ជាញឹកញាប់សភាពក្រចកលឿងកើតឡើងដោយការប្រឡាក់ជាប់ពីពណ៌នៃថ្នាំលាបក្រចក ដូច្នេះវាសំខាន់ណាស់ដែលរាល់ពេលលាបពណ៌ក្រចកម្តងៗអ្នកត្រូវលាបពណ៌រលោងជាមុនសិន ដើម្បីការពារកុំឱ្យប្រឡាក់ក្រចក ហើយក៏ធ្វើឱ្យជាប់ពណ៌បានយូរផងដែរ។ គួរចៀសវាងប្រើទឹកថ្នាំសម្អាតក្រចកដែលមានជាតិ Acetone ព្រោះវានឹងធ្វើឱ្យក្រចករបស់អ្នកកាន់តែយ៉ាប់ឡើង។ បើអ្នកចេះជក់បារី ឱកាសដែលនាំឱ្យក្រចកឡើងពណ៌លឿងនឹងមានកាន់តែច្រើន ដោយសារសារធាតុ nicotine ពីបារីទាំងនោះ។ មូលហេតុទូទៅមួយទៀតដែលនាំឱ្យក្រចកប្រែមកជាពណ៌លឿងគឺបណ្តាលមកពីមេរោគផ្សិត។ មេរោគទាំងនេះមិនត្រឹមតែប្តូរពណ៌ក្រចកទេ តែវាថែមទាំងអាចធ្វើឱ្យក្រចករបស់អ្នករបក ឬមានក្លិនមិនល្អថែមទៀតផង។ ដូចដែលគេនិយាយថាការពារប្រសើរជាងព្យាបាលនោះវាមិនខុសទេ ដូច្នេះបើអាចការពារបានអ្នកគួរតែការពារ។ វិធីដែលអាចជួយការពារអ្នកពីអាការក្រចកឡើងពណ៌លឿងនោះគឺប្រេងដើមតែ លាយជាមួយវីតាមីនE ឬប្រេងគ្រាប់ផ្លែទំពាំងបាយជូរ។ ម៉ាស្សាក្រចកដៃដោយប្រេងជារៀងរាល់ថ្ងៃ ដើម្បីក្រចកមានសុខភាពល្អ ភ្លឺរលោង និងការពារក្រចកពីមេរោគផ្សិត។ ប្រសិនបើអ្នកបានសាកល្បងវិធីអស់ទាំងនេះរួចហើយ ប៉ុន្តែក្រចកនៅតែមានពណ៌លឿងទៀតនោះ វាអាចជារោគសញ្ញាដែលកើតមកពីសួត ឬថ្លើម ហើយវាក៏ជាពេលដែលអ្នកត្រូវទៅជួបគ្រូពេទ្យវិញម្តង។ ការការពារជារឿងល្អបំផុត តែបើកើតរួចហើយនោះគឺមានតែស្វែងរកវិធីព្យាបាលវិញប្រសើរជាង។ ការសាកល្បងព្យាបាលតាមបែបធម្មជាតិ ដោយវិធីមួយចំនួនត្រូវបានផ្តល់ជូនមានដូចជា ម្សៅ Baking soda, ថ្នាំដុសធ្មេញ និងទឹក … Read more

ទឹកក្រូចឆ្មា មានប្រយោជន៍ច្រើនជាងភាពជូរទៅទៀត

January 5, 2018 by វល័ក្ខ

តើស្ត្រីមេផ្ទះទាំងឡាយធ្លាប់ទេ ពេលដែលអ៊ុតក្រណាត់សស្តើងៗដោយឆ្នាំងអ៊ុតដែលកំពុងក្តៅខ្លាំង ហើយកើតមាន ស្នាមលឿងៗនៅលើសាច់ក្រណាត់ អ្នកអាចកែបញ្ហានេះបាន ដោយការយកទឹកក្រូចឆ្មាមកលាបនៅលើបាតឆ្នាំងអ៊ុតមុននឹងអ៊ុត ធ្វើបែបនេះក្រណាត់នឹងលែងឡើងស្នាមលឿងទៀតហើយ ។ សំពត់អាវដែលស្លៀកមកយូរហើយ ច្រើនតែមានស្នាមប្រឡាក់កខ្វក់ៗដឹតជាប់ណែនពិបាកក្នុងការបោកសម្អាត ស្ត្រីមេផ្ទះភាគច្រើនៗតែយកសំពត់អាវនោះទៅស្ងោរ ដែលវាក៏អាចជួយឲ្យសស្អាតឡើងវិញបានដែរ តែបើចង់ឲ្យកាន់តែសស្អាត និងកាន់តែរហ័សឡើងទៀតនោះ ចូរចិតផ្លែក្រូចឆ្មាជាបន្ទះៗដាក់ចូលទៅ 2 – 3បន្ទះផង ពេលស្ងោរនឹងរឹតតែជួយឲ្យសំពត់អាវនោះកាន់តែសស្អាតឡើងទៀត៕

ពិតទេ គ្រាប់ផ្លែត្របែកទុំ ទទួលទានហើយប្រថុយនឹងរោគរលាកខ្នែងពោះវៀន?

December 29, 2017 by វល័ក្ខ

«រលាកខ្នែងពោះវៀន» ជាអាការដែលគ្មាននរណាម្នាក់ចង់កើតឡើយ ហើយមនុស្សជាច្រើនប្រហែលជាបានដឹងច្បាស់ហើយថា វាបណ្ដាលមកពីអាការរលាករបស់ខ្នែងពោះវៀនដែលជាអវយវៈតូចមួយនៅជាប់នឹងចុងពោះវៀនធំ ដែលធ្វើឱ្យយើងឈឺពោះរហូតដល់ត្រូវចូលទៅទទួលយកការវះកាត់នៅឯមន្ទីរពេទ្យយ៉ាងបន្ទាន់ទៀតផង ហើយមនុស្សដែលមានភាពប្រថុយប្រថាននឹងរោគរលាកខ្នែងពោះវៀននេះមានតាំងពីអាយុ 15ឆ្នាំដល់45ឆ្នាំ ដែលអាចនិយាយបានថា ជាអំឡុងអាយុដែលវែងគួរសម។ មុននឹងទៅមើលថា តើគ្រាប់ផ្លែត្របែកទុំជាដើមចមរបស់រោគរលាកខ្នែងពោះវៀនមែនឬ? យើងនាំគ្នាមកមើលពីមូលហេតុរបស់ការរលាកខ្នែងពោះវៀនជាមុនសិនប្រសើរជាង។ មូលហេតុរបស់រោគរលាកខ្នែងពោះវៀនរលាកខ្នែងពោះវៀន បណ្ដាលមកពីអាការរលាកដែលកើតឡើងពីកម្ទេចចំណីអាហារធ្លាក់ចូលទៅសម្ងំនៅក្នុងខ្នែងពោះវៀនរយៈពេលយូររហូតវត្ថុរាវ ឬសារធាតុរំអិលមិនអាចហូរវិលចូលទៅបានតាមប្រក្រតី ទើបកើតជាអាការរលាកដោយវត្ថុដែលធ្លាក់ចូលទៅក្នុងខ្នែងពោះវៀននោះអាចជាអ្វីមួយក៏បានដែរ ដែលក្រពះបានបញ្ជូនទៅក្នុងពោះវៀនធំ ដូចជា កម្ទេចចំណីអាហារ សត្វល្អិត ដុំសាច់ដុះ ក្បាលអង្កាម ដុំក្រួស ឬក្រពេញទឹករងៃនៅបរិវេណនោះមានអាការហើមខ្លាំងរហូតធ្វើឱ្យខ្នែងពោះវៀនកៀបជាប់ណែនស្ទះ បង្កឱ្យរលាក និងឆ្លងមេរោគនៅទីបំផុត។ គ្រាប់ត្របែក មូលហេតុចម្បងរបស់រោគពោះវៀនដុះខ្នែង? នៅពេលបានដឹងហើយថា អ្វីក៏ដោយដែលរបូតធ្លាក់ចូលទៅញ៉ុកស្ទះក្នុងខ្នែងពោះវៀនរហូតធ្វើឱ្យរលាកនោះ សុទ្ធតែជាមូលហេតុបានទាំងអស់ ដូច្នេះមិនមែនមានតែគ្រាប់ផ្លែត្របែកទុំនោះទេដែលបង្កគ្រោះថ្នាក់ដល់ការញ៉ុកស្ទះរបស់ខ្នែងពោះវៀននោះ។ មិនថា ចំណីអាហារប្រភេទណា ក៏សុទ្ធតែមានភាពប្រថុយប្រថានទាំងអស់ គ្រាន់តែលក្ខណៈរបស់គ្រាប់ត្របែកវាមានខ្នាត និងភាពរឹងងាយក្នុងការចូលទៅញ៉ុកស្ទះក្នុងរន្ធខ្នែងពោះវៀនបានស្រួលហ្នឹងឯង។ អាការរបស់រោគរលាកខ្នែងពោះវៀន ដូចដែលមនុស្សជាច្រើនបានដឹងហើយថា អាការរបស់រោគរលាកខ្នែងពោះវៀនច្រើនតែបង្កឡើងដោយការចុកពោះ អាចនឹងមិនបានចុកពោះនៅលើទីតាំងខាងស្ដាំផ្នែកខាងក្រោមតាំងពីដំបូងតែម្ដងនោះទេ តែអាចនឹងចុកពោះជុំវិញរន្ធផ្ចិតជាមុន បន្ទាប់ពីនោះ6-12ម៉ោងតមកអាចរំកិលមកចុកនៅត្រង់ម្ដុំពោះខាងស្ដាំផ្នែកខាងក្រោម តែក៏ធ្លាប់មានខ្លះដែរដែលនឹងចុកនៅម្ដុំកណ្ដាលពោះ ឬខាងស្ដាំលើ អាស្រ័យលើទីតាំងរបស់ខ្នែងពោះវៀនរបស់មនុស្សម្នាក់ៗថា ស្ថិតនៅត្រង់ណា។ រឹតតែអ្នកណាដែលចុកពោះខ្លាំងក្លាទាំងខាងឆ្វេង និងខាងស្ដាំផងនោះ អាចជាសញ្ញាមួយដែលបង្ហាញថា ខ្នែងពោះវៀនអាចនឹងរលាកធ្ងន់ធ្ងររហូតដល់ថ្នាក់ស្អុយរលួយ មានខ្ទុះ ឬបែកធ្លាយខ្ចាត់ខ្ចាយពេញក្នុងពោះរហូតដល់ចាប់ផ្ដើមឆ្លងមេរោគទៅហើយទៀតផង។ តែមុននឹងចុកពោះខ្លាំងរហូតដល់ត្រូវចូលទៅទទួលយកការវះកាត់បែបបន្ទាន់នោះ វាអាចមានសញ្ញាដាស់តឿនតិចៗដែលមនុស្សជាច្រើនអាចមិនដឹងថា … Read more

រូបមន្ដធ្វើភេស្ជជៈព្យាបាលក្រួសក្នុងតម្រងនោមតាមបែបធម្មជាតិ

December 28, 2017 by វល័ក្ខ

អាហារូបត្ថម្ភដែលមិនល្អ គឺជាកត្តាដែលនាំឱ្យកើតជំងឺម្យ៉ាង ដែលគេហៅថា “ក្រួសនៅក្នុងតម្រងនោម” ជាហេតុបណ្ដាលឱ្យអ្នកជំងឺនឿយហត់ អស់កម្លាំង ហើយក្រួសនៅក្នុងតម្រងនោមនេះ អាចកម្ចាត់បានដោយការទទួលទានភេសជ្ជៈធ្វើពីបន្លែ និងផ្លែឈើដូចខាងក្រោមនេះ។ គ្រឿងផ្សំ – ទឹកស្អាត 1/2លីត្រ – ផ្លែក្រូចថ្លុង 1ផ្លែ – ត្រសក់ 1ផ្លែ – ការ៉ុត 1មើម – ខ្ញី 2ចំណិត – ស្លឹកជីអង្កាម 5សន្លឹក វិធីធ្វើ ហាន់ផ្លែក្រូចថ្លុង ការ៉ុត ត្រសក់ជាចំណិតៗ រួចក្រឡុកក្នុងម៉ាស៊ីនទឹកក្រឡុក បន្ទាប់មកបន្ថែមទឹកបន្តិច និងចំណិតខ្ញី រួចក្រឡុកចូលគ្នាឱ្យម៉ដ្ឋ។ ក្រោយមកទើបដាក់ស្លឹកជីអង្កាមចូលទៅក្រឡុកជាមួយគ្នាទៀតជាការស្រេច។ អ្នកអាចទទួលទាន2ដងក្នុងមួយថ្ងៃ គឺនៅពេលព្រឹក និងមុនពេលបាយថ្ងៃត្រង់។ គុណប្រយោជន៍របស់ទឹកភេសជ្ជៈដែលមានរូបធាតុផ្សំខាងលើនេះមានដូចជា ៖ 1/ ផ្លែក្រូចថ្លុង៖ ជាផ្លែឈើដែលមានផលប្រយោជន៍ចំពោះសុខភាពបំផុត វាជួយព្យាបាល និងសម្អាតសារជាតិពុលនៅក្នុងរាងកាយ ក្រៅពីវាសម្បូរទៅដោយវីតាមីនC ដែលអាចជួយរំលាយជាតិខ្លាញ់ និងបន្ថែមកម្លាំងដល់រាងកាយហើយ វាក៏មានសមត្ថភាពជួយបំបាត់ភាពនឿយហត់ផងដែរ។ 2/ ការ៉ុត៖ ការ៉ុតជាបន្លែដែលមានរសជាតិឆ្ងាញ់ ហើយពោរពេញទៅដោយសារធាតុចិញ្ចឹម … Read more

10វិធី បំបាត់អាការ «ត្អើក» យ៉ាងមានប្រសិទ្ធភាព

December 25, 2017 by វល័ក្ខ

«ត្អើក» ជាអាការដែលអាចកើតឡើងចំពោះមនុស្សគ្រប់គ្នា ដែលបណ្ដាលមកពីអាការដែលក្រពះអាហារកើតអាការក្រហាយ ធ្វើឱ្យសរសៃប្រសាទត្រូវជំរុញឱ្យធ្វើការខុសប្រក្រតី ហុចផលឱ្យសន្ទះបាំងខ្យល់ ឬសាច់ដុំដែលឃាំងកណ្ដាលរវាងប្រអប់ទ្រូង និងប្រអប់ពោះមានអាការបង្រួញខ្លួនឡើងរឹងជាចង្វាក់ៗ សាច់ដុំឆ្អឹងជំនីបានទទួលរងការញ័ររញ្ជួយឱ្យកើតការបង្រួញខ្លួនឡើងរឹងក្នុងលក្ខណៈដូចគ្នា។ មូលហេតុរបស់អាការត្អើក មានទាំងខាងសភាពរាងកាយ និងខាងអារម្មណ៍។ ខាងរាងកាយមានដូចជា ផលប៉ះពាល់បន្ទាប់បន្សំពីភាពខុសប្រក្រតីរបស់បំពង់ក និងដើមទ្រូង ដូចជា ឃើញមានដុំសាច់ដុះ ក្រពេញទឹករងៃរីកធំ ឬភាពខុសប្រក្រតីរបស់ប្រអប់ពោះ ដូចជា រលាកសាច់ភ្នាសប្រអប់ពោះ ឬអាការដែលកើតឡើងក្រោយការវះកាត់។ ចំណែកអាការត្អើកបណ្តាលមកពីខាងអារម្មណ៍ មានដូចជា ការភ្ញាក់ផ្អើលឡើងភ្លាមៗ ឬមានបញ្ហាធុញថប់តានតឹងរ៉ាំរ៉ៃជាដើម។ ក្រៅពីនេះ ការទទួលទានភេសជ្ជៈដែលមានហ្គាសច្រើន ដូចជា ស្រាបៀរ ស្រាសូដា ការទទួលទានអាហារច្រើនជ្រុលពេក ទទួលទានអាហាររសជាតិហឹរ ឬប្រៃខ្លាំង និងជក់បារីច្រើនក៏ជាមូលហេតុរបស់អាការត្អើកបានដូចគ្នា។ ជាប្រក្រតីអាការត្អើកនឹងបាត់ទៅវិញជាបណ្ដើរៗនៅពេលដែលពេលវេលាកន្លងផុតទៅបានមួយរយៈ តែបើសិនជាមានអាការត្អើកក្នុងអំឡុងពេលសំខាន់ៗ ដូចជា ស្ថិតក្នុងអំឡុងពេលប្រជុំ សម្ភាសចូលធ្វើការ ឬនៅទីសាធារណៈជាដើមនោះ អ្នកច្រើនតែចង់ឱ្យអាការត្អើកនេះឆាប់បាត់ទៅវិញឱ្យលឿនៗ ដូច្នេះចូរសាកល្បងធ្វើតាមវិធីខាងក្រោមទាំងអស់នេះសាកលមើល៖ ដកដង្ហើមក្នុងថង់ក្រដាស ទំពានំប៉័ងក្រៀម បង្អោនខ្លួនទទួលទានទឹកពីមាត់កែវដែលនៅខាងមុខ ឬខាងណាដែលនៅជិតបបូរមាត់ ក្រេបទឹកពីកែវលឿនៗ ច្រើនក្អឹក លេបទឹកកកដែលកិនម៉ដ្ឋ ធ្វើឱ្យភ្ញាក់ផ្អើលខ្លាំង ដូចជា ទះខ្នងស្រាលៗមិនឱ្យដឹងខ្លួនភ្លាមៗ ច្របាច់ត្រង់សាច់ប៉ោងក្រោមម្រាមមេដៃរបស់ដៃម្ខាងទៀត ឬសង្កត់ម្ដុំស្នាមចង្អូរលើបបូរមាត់ យកម្រាមដៃញ៉ុករន្ធត្រចៀកប្រមាណជា … Read more

អនុវត្តតាម 3ចំណុចនេះរាល់ថ្ងៃ សមត្ថភាពសិចរបស់អ្នកនឹងនៅតែអស្ចារ្យ

December 23, 2017 by វល័ក្ខ

គ្មានអ្នកណាម្នាក់ហាននិយាយថា ខ្លួនមិនត្រូវការសិចនោះទេ ដែលសូម្បីតែឈានចូលដល់វ័យអាយុ 70ឆ្នាំក៏នៅតែប្រាថ្នាមានសមត្ថភាពសិចខ្លាំងនៅឡើយ ចុះសម្រាប់គូស្នេហ៍ដែលនៅមានកម្លាំងពេញនៅឡើយនោះ រឿងអីមិនចង់បានភាពស្រណុកសុខស្រួលស្កប់ស្កល់? ប៉ុន្តែទោះជាយ៉ាងណា បញ្ហានៅតែកើតមាន ដែលវាអាចកើតចេញមកពីចន្លោះប្រហោងនានា ក្រោមសកម្មភាពប្រចាំថ្ងៃ រហូតបណ្ដាលឱ្យមានអារម្មណ៍តានតឹងដូចជា សម្ពាធការងារ កម្លាំងថាមពលថមថយ និងបរិយាកាសជុំវិញជាដើម។ ដូច្នេះដើម្បីជំរុញឱ្យការប្រព្រឹត្តសកម្មភាពសិចប្រសើរឡើងសូមស្វែងយល់ជាមួយចំណុចសំខាន់ចំនួន3 ដែលមានប្រសិទ្ធភាពបង្កើនភាពល្អប្រសើរដល់ជីវិតសិចរបស់អ្នកដូចខាងក្រោម ៖ 1 / ការទទួលទានអាហារប្រចាំថ្ងៃ មនុស្សជាច្រើនតែងតែមើលរំលង ឬមិនបានខ្វាយខ្វល់ចំពោះបញ្ហានៃរបបអាហារ ដែលអាចជះឥទ្ធិពលដល់ជីវិតសិចនោះទេ។ ការកង្វះជីវជាតិ ឬបរិភោគអាហារមិនត្រឹមត្រូវអាចនាំទៅរកភាពកង្វះថាមពលដែលឈានទៅរកការបញ្ចេញសមត្ថភាពនៅលើគ្រែជាមួយដៃគូមិនបានពេញលេញ។ ដូច្នេះដើម្បីកែខៃនូវចំណុចអវិជ្ជមាននេះ អ្នកត្រូវគិតដល់ការទទួលទានអាហារឱ្យបានសមស្របជារៀងរាល់ថ្ងៃ។ ពាក្យថាសមស្របនេះគឺសំដៅដល់បរិមាណអាហារល្មមនិងមានតុល្យភាពដែលអ្នកត្រូវទទួលទានច្រើនដងក្នុងមួយថ្ងៃ ដើម្បីបង្ការការនឿយហត់អស់កម្លាំង។ អាហារដែលសម្បូរដោយវីតាមីន កាបូនអីុត្រាត ផ្លែឈើស្រស់ៗ និងបន្លែពណ៌បៃតងគឺជាប្រភពនៃថាមពល។ បន្ថែមពីនេះ ធញ្ញជាតិ ខ្លាញ់ត្រី ប្រេងអូលីវ ប្រេងដូង និងផ្លែប៊័រ ក៏ជាប្រភពដ៏ល្អក្នុងការផ្ដល់កម្លាំងថាមពលសិចដល់រាងកាយយ៉ាងប្រសើរផងដែរ។ 2/ ចៀសវាងភាពថុញថប់ (ស្ត្រេស) ស្ដ្រេសជារបាំងធំបំផុតក្នុងបញ្ហាលើគ្រែ។ កាលណាអ្នកមានអារម្មណ៍តានតឹងខ្លាំងពីការងារនោះ អ្នកប្រាកដជាមិននឹកនាដល់រឿងសិចឡើយ។ ដូច្នេះការកាត់បន្ថយស្ត្រេស និងធ្វើឱ្យចិត្តស្ងប់ជាការល្អក្នុងការកែខៃជីវិតសិចរបស់អ្នក។ តើគួរធ្វើបែបណា? ដំណោះស្រាយដ៏ល្អគឺ បែងចែកពេលវេលាឱ្យបានច្បាស់លាស់។ ចាត់ទុកការងារជារឿងមួយ និងសុភមង្គលគ្រួសារជារឿងផ្សេងពីគ្នា។ ដូច្នេះមិនថា អ្នកមានបញ្ហាពីកន្លែងការងារក៏ដោយ … Read more

វិធីថែបំប៉នស្បែកមុខស្ងួត ដោយប្រើផ្លែឈើ

December 22, 2017 by វល័ក្ខ

ស្បែកមុខស្ងួត របកឡើងហុយ បើនារីៗយើងធ្លាប់ជួបបញ្ហានេះ អាចបណ្តាលមកពីច្រើនមូលហេតុ ជាពិសេសនារីៗដែលត្រូវអង្គុយធ្វើការនៅក្នុងបន្ទប់ម៉ាស៊ីនត្រជាក់ជាប់រហូតរយៈពេលយូរ ធ្វើឱ្យស្បែកមុខរបស់អ្នកសម្រួលខ្លួនមិនទាន់រហូតដល់ខ្វះសំណើម និងខ្វះភាពស្រស់បស់។ ថ្ងៃនេះ ឡារ៉ែន មានផ្លែឈើ5ប្រភេទមកណែនាំក្នុងការជួយថែបំប៉នស្បែកមុខរបស់នារីៗយើងឱ្យត្រឡប់មកមានសំណើមស្រស់បស់កាន់តែខ្លាំងឡើងវិញ តើមានអ្វីខ្លះនោះ សូមតាមដានជាបន្ត។ 1/ ប្រទាលកន្ទុយក្រពើ (Aloe Barbadensis Mill) ស្លឹកប្រទាលកន្ទុយក្រពើមានគុណសម្បត្តិជួយកាពារស្បែកមិនឱ្យស្ងួត បន្ថែមសំណើម ប្រឆាំងការរលាក ធ្វើឱ្យស្បែករាបរលោង ការពារពន្លឺអ៊ុលត្រាវិយ៉ូឡេ។ ស្លឹកប្រទាលកន្ទុយក្រពើមានជ័រខាប់ៗ និងសាច់ថ្លាៗដែលអាចជួយរក្សាសំណើមនៅលើស្រទាប់ស្បែកខាងក្រៅបាន ក្រៅពីនេះនៅមានសារធាតុ Carboxypeptidase ដែលជួយភ្ជិតស្បែក ជួយបកស្រទាប់ស្បែកដែលក្រៀមស្ងួតចេញ និងបង្កើតស្រទាប់ស្បែកថ្មីដែលរាបរលោងឡើងមកជំនួសវិញ។ 2/ ត្រសក់ (Cucumis Sativus Linn) ផ្លែត្រសក់មានសារធាតុ Cystin, Methionin និងនៅមានសារធាតុ ផូលីស៊ែកខារ៉ាយ ដែលជួយធ្វើឱ្យស្បែកមុខស្រស់ថ្លាមានសំណើម ប្រឆាំងនឹងការឡើងស្នាមកន្ទួលក្រហម ល្អសម្រាប់អ្នកដែលមានស្បែកមុខស្ងួត និងអ្នកមានមុខឡើងខ្លាញ់ បង្កើនភាពតឹងណែនរបស់ស្បែក រក្សាភាពក្មេងជាងវ័យ និងថែមទាំងមានសារធាតុរ៉ែផ្សេងទៀតដែលជួយធ្វើឱ្យកើតមានសំណើមតាមធម្មជាតិនៅលើស្រទាប់ស្បែកទៀតផង។ 3/ ផ្លែម្នាស់ (Anana Comosus (Linn) Merr) ផ្លែម្នាស់ ជួយការពារស្បែកពីអនុមូលឥស្សរៈ កាត់បន្ថយការក្លាយ … Read more

របៀបតុបតែងមុខឱ្យស្រស់ស្អាតរីករាយក្នុងថ្ងៃ Christmas

December 21, 2017 by វល័ក្ខ

ថ្ងៃ Christmas ចាត់ទុកថាជាថ្ងៃពិសេសសម្រាប់មនុស្សមួយចំនួនដែលប្រកាន់នូវជំនឿតាមបែបសាសនាគ្រិស្ត។ វាជាថ្ងៃដ៏រីករាយបំផុតក្នុងការជួបជុំគ្នា បង្កើនភាពរីករាយ ទំនាក់ទំនង ហើយក៏ឆ្លៀតពេលបង្អួតពីភាពស្រស់ស្អាតដាក់គ្នាផងដែរ។ ដូច្នេះដើម្បីឱ្យថ្ងៃជួបជុំដ៏រីករាយរបស់អ្នកកាន់តែពិសេសទៅទៀតនោះ អ្នកត្រូវតែទុកចិត្តថា សម្រស់នៃការផាត់មុខរបស់អ្នកគឺស្រស់ស្អាតគ្រប់គ្រាន់សមស្របទៅនឹងពេលវេលា។ ភ្នែក៖ ការតុបតែងមុខសម្រាប់មនុស្សម្នាក់ ស្អាត ឬមិនស្អាតគឺអាស្រ័យលើការតុបតែងភ្នែកនេះហើយ ហេតុនេះហើយបានជាការតុបតែងភ្នែកត្រូវបានយកចិត្តទុកដាក់ខ្លាំងជាងទីតាំងផ្សេង។ ចង់តុបតែងភ្នែកឱ្យបានស្អាត អ្នកត្រូវដឹងពីទម្រង់ភ្នែក ម៉ូដ និងពណ៌របស់សម្លៀកបំពាក់ដែលអ្នកត្រូវពាក់ ទីកន្លែង និងពេលវេលាដែលអ្នកត្រូវចូលរួមផងដែរ។ ការផាត់ភ្នែកត្រូវផ្តោតលើទីតាំងសំខាន់4គឺ ត្របកភ្នែកខាងលើ ត្របកភ្នែកខាងក្រោម ការគូសរឹមភ្នែក និងការគូសរោមភ្នែក។ ប្រសិនបើអ្នកចង់ផាត់ភ្នែកបែបធម្មជាតិក្នុងថ្ងៃ Christmas អ្នកអាចជ្រើសរើសយកពណ៌ផ្កាឈូក ទឹកក្រូច សូកូឡាស្រាល ឬពណ៌លឿងស្រាលក៏បាន។ ថ្ពាល់៖ មិនបាច់ឱ្យមើលទៅច្បាស់លាស់ពេកទេ ព្រោះថ្ងៃ Christmas គួរតែមើលទៅធម្មតា ស្អាតតាមបែបងាយៗ និងសមភ្នែកទៀតផង។ អ្នកគួរជ្រើសរើសពណ៌ផាត់ថ្ពាល់បែបស្រាលៗ នឹងធ្វើឱ្យអ្នកមានអារម្មណ៍ថា ភាពស្រស់ស្អាតដែលអ្នកមានគឺជាភាពស្រស់ស្អាតស័ក្តិសមបំផុតសម្រាប់ថ្ងៃ Christmas របស់អ្នក។ បបូរមាត់៖ វាជាចំណាប់អារម្មណ៍មួយផ្នែកទៀតដែលធ្វើឱ្យអ្នកមានភាពលេចធ្លោកាន់តែខ្លាំង។ ជ្រើសរើសពណ៌ក្រែមលាបមាត់ណាដែលអ្នកគិតថា ស័ក្តិសមជាមួយបបូរមាត់របស់អ្នក ព្រមទាំងត្រូវជាមួយនឹងម៉ូដសម្លៀកបំពាក់របស់អ្នកផងដែរ។ បន្ថែមក្រែមរលោងបន្តិច (បើលាបក្រេមរលោងច្រើនពេក វាអាចមើលទៅប្រតាក) ពីលើពណ៌ក្រែមដែលអ្នកលាបនោះ ធានាថាអ្នកពិតជាទទួលបាននូវបបូរមាត់ដែលពេញទៅដោយមន្តសេ្នហ៍ជាក់ជាមិនខានឡើយ៕

វិធីថែរក្សាសម្រស់ ទោះរងាក៏នៅតែស្រស់ស្អាត

December 20, 2017 by វល័ក្ខ

អាកាសធាតុត្រជាក់ នាំយកនូវសំណើមចេញពីស្បែករបស់អ្នកស្ទើរតែអស់រលីង ហើយបើប្រហែសភ្លេចខ្លួនតែបន្តិច ឃើញថា ស្បែករបស់អ្នកនឹងឡើងពណ៌សំព្រុសតែម្តង។ ដូច្នេះកុំឱ្យសភាពបែបនេះមានឱកាសមកជិតខ្លួនអ្នកឱ្យសោះណា សូមសាកល្បងថែរក្សាស្បែករបស់អ្នកតាមរយៈសកម្មភាពមួយចំនួនដូចតទៅ៖ កំណត់ពេលងូតទឹក៖ ប្រហែលជាមិនមានអ្នកណាអាចឃាត់បានទេ បើអ្នកចង់ងូតទឹកក្តៅឧណ្ហៗនាពេលដែលអាកាសធាតុកំពុងបញ្ចេញឥទ្ធិពលនៃភាពត្រជាក់នោះ តើមែនដែរទេ? បើទោះជាមានអ្នកធ្លាប់ប្រាប់អ្នកជាច្រើនដងមកហើយថា ទឹកក្តៅនឹងនាំយកសំណើមចេញពីស្បែករបស់អ្នក ធ្វើឱ្យស្បែកងាយនឹងស្ងួតបែកស្រកា ប៉ុន្តែអ្នកក៏នៅតែឃាត់ចិត្តមិនបាន ព្រោះការងូតទឹកក្តៅនាអំឡុងពេលនេះគឺពិតជាមានអារម្មណ៍ថាស្រួលខ្លួនខ្លាំងណាស់។ អូខេ! បើជ្រុលថាឃាត់មិនបានទៅហើយនោះ ចង់ងូតទឹកក្តៅក៏ងូតទៅចុះ ប៉ុន្តែត្រូវចាំឱ្យជាប់ក្នុងចិត្តថាមិនត្រូវងូតយូរជាង10នាទីនោះទេ ហើយក៏មិនអាចច្រើនជាងម្តងដែរក្នុងមួយថ្ងៃនោះ បើមិនអីុចឹងទេស្បែករបស់អ្នកនឹងកាន់តែស្ងួត និងកាន់តែយ៉ាប់ឡើងថែមទៀត។ ឡេ៖ មិនចង់ឱ្យអ្នកជិតខាងមើលឃើញភាពស្ងួតបែកស្រកានៃស្បែករបស់អ្នកទេមែនទេ? ឡេលាបស្បែកដែលមានជាតិសំណើមគ្រប់គ្រាន់មានប្រសិទ្ធភាពយ៉ាងរហ័សក្នុងការបិទបាំងសភាពបែបនេះ ដូច្នេះសង្ឃឹមថា លោកអ្នកនឹងមិនចាំឱ្យវាបង្ហាញចេញមក រួចហើយទើបកែខៃតាមក្រោយទេណា៎។ ក្រែមថែរក្សាប្រអប់ជើង៖ សម្រាប់ពេលរាត្រី អ្នកគួរតែមើលថែប្រអប់ជើងផងណា៎! សម្អាតវាឱ្យស្អាត បន្ថែមក្រែមថែរក្សាស្បែកបន្តិច រួចពាក់ស្រោមជើងឱ្យរួចរាល់សិនសឹមចូលគេង នោះធានាថាក្រៅពីមានអារម្មណ៍កក់ក្តៅ និងគេងលក់ស្រួលហើយនោះ ប្រអប់ជើងរបស់អ្នកក៏មានឱកាសបង្ហាញនូវភាពស្រស់ស្អាតមានអនាម័យផងដែរ។ ខាត់ស្បែកថ្នម៖ វាជាការផ្តល់នូវភាពភ្លឺរលោងដល់ស្បែក តែអ្នកត្រូវធ្វើវាតាមបែបស្រាលៗទាំងលើផ្ទៃមុខ ខ្នង ដៃ ជើង និងផ្នែកផ្សេងៗនៃរាងកាយ។ កុំភ្លេចថែមសំណើម ឬប្រេងទៅឱ្យស្បែកផងបន្ទាប់ពីខាត់កម្ចាត់ស្បែកចាស់ៗចោលហើយ។ ទឹកឃ្មុំ និងស្ករសជាសារធាតុផ្សំដែលគេនិយមប្រើដើម្បីម៉ាស្សាខាត់ស្បែក កែងដៃ ជង្គង់ និងខ្នងជាដើម។ ស្រោមដៃ៖ ជាមិត្តដ៏ល្អសម្រាប់អាកាសធាតុត្រជាក់បែបនេះ។ វាអាចផ្តល់នូវភាពកក់ក្តៅ … Read more

វិធីបង្កើតទម្លាប់ល្អ ដើម្បីភាពស្រស់ស្អាតគ្រប់គ្នាក្នុងគ្រួសារ

December 19, 2017 by វល័ក្ខ

មិនចាំបាច់ទាល់តែទៅស្វែងរកសេវាកម្មថែរក្សាសម្រស់ ក៏លោកអ្នកអាចទទួលបានភាពស្រស់ស្អាតដែរ ព្រោះថាការដែលលោកអ្នកមានទម្លាប់ល្អៗសម្រាប់អនុវត្តហើយនោះ ភាពស្រស់ស្អាតក៏ពិតជាមិនរត់ទៅណាដែរ។ កាន់តែពិសេសជាងនេះទៅទៀតនោះគឺ ប្រសិនបើអ្នកអាចធ្វើជាអ្នកដឹកនាំគ្រប់គ្នានៅក្នុងគ្រួសារឱ្យមានទម្លាប់ថែរក្សាភាពស្អាតឱ្យបានត្រឹមត្រូវដូចអ្នកដែរនោះ ធានាថាគ្រប់គ្នាពិតជាបានស្រស់ជាមិនខាន។ សូមចាំថាការអនុវត្តវិធីងាយៗនៅផ្ទះដោយខ្លួនឯងឱ្យបានញឹកញាប់វានឹងក្លាយជាទម្លាប់ ហើយនៅពេលដែលគ្រប់គ្នានៅក្នុងគ្រួសារមានទម្លាប់ល្អហើយនោះសូមធានាថា ក្តីបារម្ភដែលទាក់ទងនឹងការថែរក្សាសម្រស់ក៏ពិតជាមិនអាចមករំខានអ្នកណាម្នាក់នៅក្នុងផ្ទះរបស់អ្នកបានទៀតឡើយ។ ស្បែកស្អាតត្រូវចាប់ផ្តើមពីការសម្អាត៖ ការសម្អាតស្បែកជាប្រចាំនាពេលព្រឹក និងពេលយប់ជាអ្វីដែលអ្នកត្រូវតែធ្វើឱ្យបានជាប់ជាប្រចាំ។ ក្នុងករណីដែលអ្នកចង់ឱ្យការសម្អាតផ្ទៃមុខរបស់អ្នកកាន់តែមានលក្ខណៈពិសេស និងមានប្រសិទ្ធភាពខ្ពស់ ព្រមទាំងផ្តល់នូវគុណប្រយោជន៍ជាច្រើនដល់សម្រស់ស្បែករបស់អ្នកទៀតនោះអ្នកអាចយកទឹកឃ្មុំបន្តិចលាយជាមួយទឹកដោះគោឆៅមួយស្លាបព្រា រួចយកវាទៅកម្តៅ3-4វិនាទីក្នុងម៉ាស៊ីនមៃក្រូវេវ ហើយយកមកលាបឱ្យសព្វលើផ្ទៃមុខ និងក រួចលាងសម្អាតចេញជាមួយទឹកក្ដៅតិចៗជាការស្រេច។ ចំហុយជាកូនសោបើកទ្វារនៃភាពស្រស់ស្រាយ៖ ចំហុយមុខរបស់អ្នកឱ្យបានម្ដងក្នុងមួយសប្ដាហ៍ ដើម្បីសម្អាតជាតិពុល មុនក្បាលខ្មៅ និងស្នាមតូចៗចេញពីស្បែកមុខ។ ការបន្ថែមប្រេងផ្សេងៗឱ្យត្រូវទៅតាមប្រភេទស្បែករបស់អ្នក គឺជាការជួយឱ្យការចំហុយស្បែកមុខកាន់តែមានប្រសិទ្ធភាពខ្ពស់ឡើង។ សូមចាំថា ការចំហុយស្បែកគឺជាវិធីដែលជួយឱ្យស្បែកមានភាពស្រស់ស្រាយ និងមានសុខភាពល្អជាប់ជានិច្ច។ ចងចាំជានិច្ចថាស្បែកត្រូវមានសំណើម៖ ប្រេងបន្លែ ដូចជា ប្រេងអាល់ម៉ុនជាដើមត្រូវបានគេទុកថាជាជំនួយការដ៏ល្អបំផុតក្នុងការនាំមកនូវសំណើមដល់ស្បែក និងកាត់បន្ថយស្នាមជ្រួញ។ គ្រឿងម៉ាស្សានៅផ្ទះ៖ ការម៉ាស្សាសម្អាតស្បែកដោយប្រើផលិតផលដែលមានស្រាប់នៅក្នុងផ្ទះម្តង ឬពីរដងក្នុងមួយសប្តាហ៍គឺជាទម្លាប់ដ៏ប្រសើរមួយ ដែលអ្នកគួរតែនាំគ្នាអនុវត្ត។ គ្រាន់តែយកប្រេងអូលីវបន្តិចលាយជាមួយនឹងស្ករត្នោតបន្តិច ហើយយកមកត្រដុសថ្នមៗលើស្បែក រួចសម្អាតចេញដោយទឹកក្តៅឧណ្ហ។ ក្រោយមកបន្តិចកុំភ្លេចបិទរន្ធញើសរបស់អ្នកដោយការសាចទឹកត្រជាក់លើផ្ទៃមុខផង។ វិធីនេះនឹងចូលរួមចំណែកធ្វើការកម្ចាត់ និងសម្អាតស្បែកចាស់ៗចេញ ដើម្បីផ្តល់ឱកាសឱ្យស្បែកថ្មីបានបង្ហាញវត្តមាននៅលើផ្ទៃមុខរបស់អ្នកវិញជាមិនខាន។ កុំបំភ្លេចម៉ាសជំនួយផ្ទៃមុខ៖ ការប្រើម៉ាសបិទមុខដែលអ្នកទិញមកស្រាប់ៗអាចនឹងធ្វើឱ្យស្បែករបស់អ្នកប្រឈមនឹងបញ្ហាផ្សេងៗ ហើយអ្នកក៏អាចនឹងត្រូវចំណាយប្រាក់ច្រើនបន្តិច ដូច្នេះប្រសិនបើអ្នកចង់ឱ្យមានភាពចំណេញ និងមិនមានក្តីបារម្ភទៀតនោះ សូមសាកល្បងនាំសមាជិកក្នុងគ្រួសារបិទម៉ាសដែលអ្នកធ្វើឡើងដោយខ្លួនឯង ដែលបានមកពីការផ្សំចូលគ្នានៃគ្រីម មួយស្លាបព្រា ចេកទុំកិនម៉ដ្ឋមួយផ្លែ … Read more

អាថ៌កំបាំងជួយឱ្យស្បែកមុខ «ស» ស្អាតជាទីគាប់ចិត្ត

December 18, 2017December 18, 2017 by វល័ក្ខ

មិនមានអ្នកណាបដិសេធមិនចង់បានស្បែកស្រស់ស្អាតនោះទេ មិនថាអ្នកនោះស្ថិតក្នុងវ័យក្មេង ចាស់ ប្រុស ឬស្រីនោះទេ ឱ្យតែមានគេសួរថា ចង់បានស្បែកស្រស់ស្អាតឬអត់ ពិតជាឆ្លើយថាចង់គ្រប់តែគ្នាហ្នឹង។ បើដូច្នេះមែន សូមសាកល្បងធ្វើតាមការណែនាំខាងក្រោមនេះ ដើម្បីទទួលបានផ្ទៃមុខដ៏ស្រស់ផូរផង់ដូចបំណង។ ស្បែកស្រស់ស្អាតចាប់ផ្តើមឡើងជាមួយការលាងសម្អាត៖ ការសម្អាតស្បែកមុខតាមបែបធម្មជាតិទាំងពេលព្រឹក និងពេលរាត្រីគឺជារឿងដ៏សំខាន់ដែលអ្នកគ្រប់គ្នាគួរតែបានដឹង និងត្រូវតែធ្វើ។ ការលាងសម្អាតស្បែកលើបរិវេណផ្ទៃមុខតាមវិធីធម្មជាតិមានភាពងាយស្រួលបំផុត ដោយគ្រាន់តែយកទឹកឃ្មុំបន្តិចទៅលាយជាមួយទឹកដោះគោឆៅ1ស្លាបព្រាបាយ ហើយយកវាទៅកម្តៅ 23វិនាទី រួចសឹមយកមកលាបលើផ្ទៃមុខ និងក ហើយលាងសម្អាតចេញដោយទឹកក្តៅឧណ្ហៗជាការស្រេច។ ចំហុយស្បែកមុខ៖ ចំហុយស្បែកមុខរបស់អ្នករាល់មួយសប្តាហ៍ម្តងដើម្បីសម្លាប់ជាតិពុលដែលមាននៅលើស្បែកមុខ កម្ចាត់មុនក្បាលខ្មៅ និងស្នាមជាំផ្សេងៗពីស្បែកមុខ។ បន្ថែមដោយការលាបប្រេងដែលត្រឹមត្រូវទៅតាមប្រភេទស្បែករបស់អ្នកគឺកាន់តែប្រសើរ។ សូមចងចាំថា ការចំហុយផ្ទៃមុខជួយឱ្យស្បែកមុខរបស់អ្នកភ្លឺថ្លា និងរលោងស្រស់ស្អាតដូចបំណងប្រាថ្នា។ គ្រឿងខាត់ស្បែកធ្វើដោយខ្លួនឯង៖ ដុសខាត់សម្អាតស្បែកជាមួយនឹងគ្រឿងខាត់ស្បែកដែលធ្វើឡើងដោយខ្លួនឯង 1 ឬ2ដងក្នុងមួយសប្តាហ៍ ដើម្បីជួយកម្ចាត់កោសិកាស្បែកចាស់ៗចោល នាំមកនូវសភាពស្បែកដែលមានតែភាពរលោងស្អាត ដោយយកប្រេងអូលីវបន្តិចលាយជាមួយស្ករក្រហមបន្តិច រួចយកវាមកត្រដុសថ្នមៗលើស្បែក ហើយសឹមសម្អាតវាចេញឱ្យស្អាតជាមួយនឹងទឹកក្តៅតិច។ យកទឹកត្រជាក់មកលាបលើផ្ទៃមុខតិចៗដើម្បីបិទរន្ធរោមជាការស្រេច។ រក្សាសំណើមផ្ទៃមុខជានិច្ច៖ ប្រេងបន្លែគឺជាសារធាតុផ្សំដែលមានប្រយោជន៍បំផុតក្នុងការជួយផ្តល់សំណើមដល់ស្បែក ការពារស្បែកពីភាពជ្រីវជ្រួញ។ កុំភ្លេចម៉ាសបិទមុខ៖ ម៉ាសបិទមុខតាមបែបធម្មជាតិជួយការពារអ្នកពីបញ្ហាផ្សេងៗដែលតែងកើតឡើងលើផ្ទៃមុខ។ អនុវត្តយ៉ាងតិចណាស់មួយសប្តាហ៍ម្តង បើចង់ឱ្យក្តីបារម្ភចំពោះស្បែកមុខរបស់អ្នកត្រូវកម្ចាត់ចោល។ ស្បែកមុខស្រស់ស្រាយ៖ សម្រាប់អ្នកដែលចង់បានស្បែកមុខស្រស់ស្អាត ឡារ៉ែន សូមណែនាំវិធីងាយបំផុត ព្រមទាំងមិនប៉ះពាល់ដល់សុខភាពស្បែកមួយវិធីគឺ លាងមុខជាមួយទឹកសម្បកក្រូចមួយសប្តាហ៍ម្តង។ យកសម្បកក្រូចទៅស្ងោរជាមួយទឹកប្រមាណ5នាទី រួចទុកវាឱ្យត្រជាក់។ … Read more