សុខភាព - La Reine Media

ទង្វើដែលគួរប្រយ័ត្ន ក្នុងពេលបើកប្រតិបត្ដិការរួមរ័ក

September 3, 2019 by ធឿន មករា

ជីវិតផ្លូវភេទ មិនត្រឹមតែផ្ដល់នូវសេចក្ដីស្រណុកស្រួលសម្រាប់លោកអ្នកប៉ុណ្ណោះទេ ប៉ុន្ដែវាក៏អាចមានផលប៉ះពាល់ផងដែរ ប្រសិនបើអ្នកបើកប្រតិបត្ដិការគ្មានការប្រុងប្រយ័ត្ននោះ។ ជាទូទៅគ្រោះដោយអកុសលទាំងនេះ គឺច្រើនកើតឡើងក្នុងខណៈពេលកំពុងរួមភេទដែលមានទីតាំងមិនប្រក្រតី ឬក៏សាហាវខ្លាំងពេក។ ដូច្នេះ យើងគួរតែស្វែងយល់គ្រោះថ្នាក់ដែលមានដូចខាងក្រោមនេះ៖ 1. បញ្ហារមួលសាច់ដុំ៖ ការរមួលសាច់ដុំកំភួនជើង គឺជាប្រភេទរបួសនៅក្នុងអំឡុងពេលរួមភេទដែលកើតឡើង ជាទូទៅដោយសារតែការប្រើក្បាច់ប្លែកៗ និងពិបាកសម្របខ្លួនតាម។ លោកអ្នកកុំព្យាយាមប្រើក្បាច់ច្រើនខ្លាំងពេក លុះត្រាតែអ្នកមានភាពប្រាកដច្បាស់ថា អ្នកទាំង2អាចប្រព្រឹត្ដទៅបានដោយគ្មានបង្ករបួសស្នាមដល់ខ្លួនប្រាណ។ បើសិនអ្នកជួបបញ្ហានេះ អ្នកត្រូវយកកន្សែងត្រជាក់មកស្អំវាអាចបំបាត់ភាពឈឺចាប់ក្នុងរយៈពេលប៉ុន្មានម៉ោងក្រោយមក។ ម្យ៉ាងវិញទៀតអ្នកក៏ត្រូវប្រើឱសថជំនួយផងដែរ។ 2. ប្រដាប់ភេទមានការឈឺចាប់៖ ស្ដ្រីរួមភេទរមែងឈឺចាប់នៅត្រង់ប្រដាប់ភេទក្រោយពីប្រតិបត្ដិការរួច។ ការឈឺចាប់នេះអាចបណ្ដាលមកពីត្រដុសខ្លាំងៗពេក ដោយសារតែមានជាតិរំអិលមិនគ្រប់គ្រាន់ ដែលច្រើនកើតមានញឹកញាប់នៅពេលពួកគេឈានដល់វ័យអស់រដូវ។ លោកអ្នកគួរផ្ដល់ពេលវេលាបបោសអង្អែលឱ្យបានយូរបន្ដិច ដែលវិធីនេះអាចជួយឱ្យស្ដ្រីផលិតទឹករំអិលបានគ្រប់គ្រាន់សម្រាប់ទទួលយកអាវុធដ៏រឹងរបស់អ្នកបានដោយគ្មានបញ្ហា ឬក៏អ្នកអាចប្រើទឹករំអិលជាជំនួយក៏បានដែរ។ ម្យ៉ាងទៀតអ្នកអាចទៅពិគ្រោះជាមួយវេជ្ជបណ្ឌិតជំនាញ ដើម្បីធ្វើការព្យាបាលឱ្យបានត្រឹមត្រូវ ប្រសិនបើអ្នកតែងតែឈឺចាប់ក្នុងអំឡុងពេលរួមភេទ ឬក៏ក្រោយពីប្រតិបត្ដិការរួច។ ជួនកាលការឈឺចាប់ទាំងនេះ អាចបណ្ដាលមកពីជំងឺឆ្លងតាមប្រដាប់ភេទ ឬក៏រន្ធនោម។ ជំងឺឆ្លងអាចបង្កឱ្យរលាកប្រដាប់ភេទដែលរមែងតែងតែភាយក្លិនអាសោច និងឈឺត្រង់ប្រដាប់ភេទ។ ប្រសិនបើជួបបញ្ហានេះសូមទៅរកសេវាកម្មថែទាំសុខភាពឱ្យបានម៉ត់ចត់ ដើម្បីព្យាបាលឱ្យទាន់ពេលវេលា។ 3. ប្រដាប់ភេទរលាត់៖ ការដាច់រលាត់ទាំងនេះតែងតែកើតឡើងចំពោះនារីគ្រប់រូបមិនអាចចៀសផុតនោះទេ។ ការដាច់រលាត់លើប្រដាប់ភេទបន្ដិចបន្ដួចអាចកើតឡើងនៅពេលការរួមរ័កដែលប្រព្រឹត្ដទៅក្នុងរូបភាពកម្រោលពេក ខណៈពេលដែលពុំមានទឹករំអិលគ្រប់គ្រាន់។ ប៉ុន្ដែស្ដ្រីអាចគ្មានអារម្មណ៍ឈឺចាប់នៅពេលទទួលបានអារម្មណ៍ស្រណុកស្រួលដល់កំពូល។ ការដាច់រលាត់បន្ដិចបន្ដួចវាអាចជាសះស្បើយឡើងវិញដោយខ្លួនឯង ប៉ុន្ដែប្រសិនបើវាមានលក្ខណៈធ្ងន់ធ្ងរ និងចេញឈាមនោះ វាអាចបង្កគ្រោះថ្នាក់បាន។ ដូច្នេះភាគីស្ដ្រីគួរតែស្វែងរកការព្យាបាលរបួសទាំងនោះ ដើម្បីបង្ការជំងឺឆ្លងផ្សេងៗ។ ប្រសិនបើមានទឹករំអិលគ្រប់គ្រាន់ វាគឺជាកត្ដាសំខាន់ដែលអាចជួយកាត់បន្ថយការដាច់រលាត់បានច្រើនបំផុត។ … Read more

“ជំងឺស្អប់សំឡេង” ពេលឮសំឡេងធ្វើឱ្យមានអារម្មណ៍វិកល រោគនេះពិតជាមានមែន!

August 29, 2019 by ធឿន មករា

អ្នកធ្លាប់ឃើញមនុស្សដែលមានអារម្មណ៍ភ្ញាក់ខ្លាចៗ នៅពេលបានឮសំឡេងស្រែកទ្រហឹងចុះមកពីលើពិដានផ្ទះដែរឬទេ? អាការនេះអាចជារោគសញ្ញាមួយដែលគេហៅថា “ជំងឺស្អប់សំឡេង” ឬពាក្យបច្ចេកទេសហៅថា Misophonia។ រោគស្អប់សំឡេង ជាសភាវដែលកើតឡើងនៅក្នុងស្ថានភាពកន្លែងមានសំឡេងអ្វីម្យ៉ាង ដែលបានធ្វើឱ្យមនុស្សយើងមានអារម្មណ៍ភ័យខ្លាច ស្អប់ ធុញទ្រាន់ និងតានតឹងក្នុងអារម្មណ៍ ហាក់បីដូចជាមានសម្ពាធមកលើខ្លួនឯង ដែលមិនអាចស្រាយចំណងបាន រហូតដល់អ្នកខ្លះទៀតមានអារម្មណ៍ថា ខ្លួនកំពុងតែស្ថិតនៅក្នុងពិភពដាច់ដោយឡែកមួយផ្សេងទៀត ; ដែលកំពុងតែតទល់ជាមួយសំឡេងប្លែក ដែលមនុស្សធម្មតាស្ដាប់មិនឮ។ តើជំងឺស្អប់សំឡេងមានអាការយ៉ាងដូចម្ដេច? អាការនៃជំងឺស្អប់សំឡេងអាចបណ្ដាលមកពីកត្តាមនុស្សយើងជាច្រើនប្រភេទដូចជា សំឡេងដែលមនុស្សបង្កើត ឬទទួលពីមជ្ឈដ្ឋានជុំវិញខ្លួនដែលបង្កសំឡេងដដែលៗ។ ដូច្នេះហើយ បើទោះបីជាសំឡេងតែមួយ សំឡេងស្ងាប សំឡេងអ៊ូអរ រញ៉េរញ៉ៃ សំឡេងដកដង្ហើមក៏ដោយ ក៏សំឡេងទាំងអស់នោះអាចបង្កជាផលប៉ះពាល់ដល់អាការនៃជំងឺស្អប់សំឡេងបានដែរ។ រោគសញ្ញានៃជំងឺស្អប់សំឡេង ក្នុងករណីមិនធ្ងន់ធ្ងរ អ្នកជំងឺបង្ហាញឱ្យឃើញសញ្ញាមួយចំនួនដូចជា៖ – កើតវិតក្កកង្វល់ - ធុញធប់មិនស្រណុកក្នុងចិត្ត - ចង់រត់គេចពីអ្វីម្យ៉ាង – កើតអារម្មណ៍ទើសស្អប់ច្រើន ក្នុងករណីដែលអ្នកជំងឺធ្ងន់ធ្ងរ អាចមានរោគសញ្ញាដូចជា៖ – មានអារម្មណ៍ក្រេវក្រោធ – រហ័សឡើងកំហឹង – ភ្ញាក់កន្ត្រាក់ ឬភ័យខ្លាច – មានអារម្មណ៍តឹងណែនច្របូកច្របល់ - សេចក្តីប្រាថ្នាដំបូងរបស់អ្នកជំងឺ គឺតទល់ជាមួយសំឡេង … Read more

ពណ៌ទឹកសំបោរ ប្រាប់អ្វីខ្លះពាក់ព័ន្ធជាមួយសុខភាព?

August 27, 2019 by ធឿន មករា

កើតអាការផ្ដាសាយនៅពេលណា ក៏មានទឹកសំបោរគ្រប់ពេលវេលា ទាំងមានលក្ខណៈទឹកថ្លាៗ ឬទឹកសំបោរខាប់ៗ ខ្លះមានពណ៌ខៀវលាយលឿង ទាំងខ្លះទៀតមានពណ៌ផ្សេងៗគ្នា។ តើលក្ខណៈពណ៌ទាំងនោះ បានប្រាប់អ្វីខ្លះអំពីសភាពជំងឺរបស់មនុស្សយើង? ដូច្នេះទស្សនាវដ្តី ឡារ៉ែន សូមជម្រាបជូននូវចំណេះដឹងថ្មីមួយ ដែលជួយឱ្យលោកអ្នកអាចពិចារណា និងធ្វើកំណត់សម្គាល់សុខភាពដោយខ្លួនឯងបាន ងាយៗក្នុងការតាមដានអាការជំងឺដូចខាងក្រោម។ ហេតុអ្វីបានពណ៌ទឹកសំបោរអាចប្រាប់អំពីសុខភាពរបស់យើងបាន? ពណ៌ទឹកសំបោរពិតជាអាចប្រាប់អំពីសភាពសុខភាពរបស់យើងបាន ព្រោះពណ៌ទឹកសំបោរអាចប្រាប់អាការបានថា តើប្រព័ន្ធគ្រប់គ្រងសីតុណ្ហភាពនៅក្នុងរាងកាយរបស់មនុស្សយើងកំពុងតែប្រយុទ្ធប្រឆាំងជាមួយជំងឺដល់កម្រិតណា? អាការជំងឺនោះកើតឡើងធ្ងន់ធ្ងរកម្រិតណា? តើមានអាការឆ្លងមេរោគដែរឬទេ? ឬមានការប្រតិកម្មចាញ់ដែរឬទេ? ឬក៏តើរាងកាយរបស់យើងកំពុងជួបប្រទះនឹងជំងឺអ្វីខ្លះ? ចុះហេតុអ្វីមនុស្សយើងមានទឹកសំបោរ? ដូចយើងបានជ្រាបដឹងហើយថា ទឹកសំបោរជាធម្មតាគឺមានសភាពដូចទឹករអិលថ្លាៗ មិនមានពណ៌ មិនមានក្លិន អាចមានសភាពណឺតបន្ដិតបន្ដួច ដែលមានធាតុបន្សំដូចជា ទឹក ប្រូទីនសារធាតុប្រព័ន្ធភាពស៊ាំ (សារធាតុដែលត្រូវបានបង្កើតនៅក្នុងឈាម ដើម្បីទប់ទល់នឹងរោគផ្សេងៗ) និងអំបិលរលាយ (ខណៈដែលជួបនៅក្នុងទឹកភ្នែក នៅពេលមនុស្សយើងហូរទឹកភ្នែក ហើយហូរចូលមាត់មានរសជាតិប្រៃ)។ ទឹកសំបោរហូរចេញមក ដើម្បីការពារមិនឱ្យច្រមុះស្ងួតខ្លាំងពេក និងត្រូវបានការពារប្រព័ន្ធផ្លូវដង្ហើមស្រូវយកខ្យល់លាយជាមួយធូលី ឬវត្ថុតូចល្អិតដែលមិនអាចមើលឃើញដោយភ្នែកចូលទៅក្នុងរាងកាយ។ លក្ខណៈទឹកសំបោរប្រាប់អំពីជំងឺ 1. ទឹកសំបោរថ្លាទឹកសំបោរថ្លា គឺមិនមានពណ៌ និងប្រហាក់ប្រហែលទឹករលោង ដែលកើតមានក្រោយពេលទឹកភ្នែកហូរចេញមកក្រៅ ឬបណ្ដាលមកពីមានជំងឺគ្រុនផ្ដាសាយ។ ដោយសាតែទឹកច្រមុះ ឬទឹកសំបោរដែលចេញមកនោះ វាអាចជួយព្យាបាលដំបៅច្រមុះខាងក្នុងឱ្យមានសំណើម និងមិនស្ងួតខ្លាំងពេក។ ទឹកសំបោរគឺមានលក្ខណៈបែបនេះ គឺវាអាចជាសះស្បើយដោយឯកឯងបាន ដោយមិនចាំបាច់លេបថ្នាំព្យាបាល។ … Read more

“ជំងឺគ្រុនឈាម” និង 4រោគសញ្ញាលេចធ្លោ និងភាពធ្ងន់ធ្ងររបស់ជំងឺដែលគួរសង្កេតមើល

August 21, 2019 by ធឿន មករា

គ្រុនឈាម គឺជាជំងឺឆ្លងដោយសារមេរោគវីរុស Dengue Haemorrhagic Virus ដែលមានមូសខ្លាជាភ្នាក់ងារចម្លង។ ជំងឺនេះ ជួបប្រទះច្រើននៅក្នុងរដូវភ្លៀង អំឡុងខែឧសភា ដល់ខែកញ្ញា។ កើតនៅលើកុមារអាយុ 5-9ឆ្នាំច្រើនបំផុត ចុះមកគឺកុមារអាយុ 10-14ឆ្នាំ ដោយមានមូសខ្លាជាភ្នាក់ងារចម្លងជំងឺ។ មូសខ្លាមាន 2ប្រភេទ គឺមូសខ្លាព្រៃ និងមូសខ្លាស្រុក តែដែលគេជួបប្រទះញឹកញាប់បំផុតនោះគឺ មូសខ្លាស្រុក ដោយប្រទះឃើញនៅក្នុងផ្ទះ និងបរិវេណជុំវិញផ្ទះ។ មានច្រើនពូជ ជាពិសេសពូជ Aedes Aegypti ហើយមូសខ្លាភេទញីច្រើនរកស៊ីនៅពេលថ្ងៃ ចូលចិត្តទម្លាក់ស៊ុតនៅក្នុងទឹកនឹងដែលស្អាត ហើយមេរោគវីរុសនឹងស្ថិតនៅក្នុងខ្លួនមូសបានរហូតមួយជីវិតរបស់សត្វមូសមួយក្បាលនោះប្រមាណជា 1-2ខែ។ រោគសញ្ញាលេចធ្លោក្រោយឆ្លងមេរោគវីរុស Dengue ចូលមកក្នុងរាងកាយបាន 5-8ថ្ងៃ។ អាការរបស់អ្នកជំងឺនឹងបង្ហាញឡើងមាន 4កម្រិត ៖ 1. ក្ដៅខ្លួនខ្លាំងពី 2-7ថ្ងៃ។ 2. មានអាការចេញឈាមញឹកញាប់ ដោយឃើញមានស្នាមអុចៗពណ៌ឈាមចេញនៅលើស្បែក។ 3. កើតសភាវថ្លើមរីកធំ អាចស្ទាបប៉ះនៅបរិវេណក្រោមឆ្អឹងជំនីខាងស្ដាំ និងពេលចុចសង្កត់ទៅ នឹងឈឺចាប់។ 4. សភាវនៃប្រព័ន្ធឈាមរត់មានបញ្ហាធ្ងន់ធ្ងរ និងអាចកើតសភាវគាំងប្រកាច់។ អាការៈរបស់អ្នកជំងឺគ្រុនឈាម កុមារកើតជំងឺគ្រុនឈាម នឹងកើតអាការគ្រុនក្ដៅខ្លួនភ្លាមៗ … Read more

10 សញ្ញាគ្រោះថ្នាក់នៃជំងឺថប់បារម្ភ ក្នុងវ័យកាន់តែចាស់

August 19, 2019 by ធឿន មករា

ជំងឺថប់បារម្ភ ឬជំងឺបាក់ទឹកចិត្ត មិនមែនកើតតែចំពោះមនុស្សពេញវ័យ វ័យកណ្ដាលនោះទេ។ មនុស្សវ័យចំណាស់គឺជាវ័យមួយទៀត ដែលងាយនឹងជួបប្រទះគ្រោះថ្នាក់នៃជំងឺមួយនេះមិនតិចឡើយ។ ជាពិសេសគេអាចសន្មត់ថា មនុស្សវ័យចំណាស់ គឺងាយមានគ្រោះថ្នាក់ដល់សុខភាពរាងកាយ និងសុខភាពផ្លូវចិត្តមិនចាញ់វ័យផ្សេងៗដូចគ្នា។ តើជំងឺថប់បារម្ភនៅក្នុងវ័យចំណាស់ កើតឡើងដោយសារមូលហេតុអ្វី? ជំងឺថប់បារម្ភនៅក្នុងវ័យចំណាស់ ដែលភាសាបច្ចេកទេសពេទ្យហៅថា Late-Life Depression កើតឡើងចំពោះមនុស្សដែលមានវ័យចាប់ពីអាយុ 60ឆ្នាំឡើងទៅ ឬក្រោមនេះក៏មាន។ ដោយជំងឺនេះ កើតមានដោយសារភាពខុសប្រក្រតីនៃប្រព័ន្ធសរសៃប្រសាទ ដែលធ្វើឱ្យសភាវផ្លូវអារម្មណ៍ផ្លាស់ប្ដូរ។ ហើយមានកត្តាចម្បងមួយទៀត ដែលបណ្ដាលមកពីការផ្លាស់ប្ដូររបបនៃជីវិតផ្សេងៗដូចជា ៖ 1. វ័យចូលនិវត្ត រស់នៅតែឯង មិនបានចេញទៅជួបមិត្តភក្តិ ឬក្រុមមនុស្សដូចពេលមុនៗ 2. នៅឆ្ងាយពីដៃគូជីវិត 3. បាត់បង់បុគ្គលជាទីស្រឡាញ់ដូចជា ឪពុកម្ដាយ បង ប្អូន កូន ចៅ និងមិត្តជិតស្និទបំផុត 4. រស់នៅតែម្នាក់ឯង មិនបានរស់នៅជាមួយក្រុមគ្រួសារ ឬញាតិមិត្ត 5. ជាប់បំណុលគេច្រើន 6. ទទួលទានជាតិស្រវឹងច្រើនពេក 7. កង្វះវីតាមីន B12 ជាដើម។ អាការនៃជំងឺថប់បារម្ភក្នុងវ័យចំណាស់រោគសញ្ញានៃជំងឺថប់បារម្ភនេះ នៅក្នុងមនុស្សចាស់កើតមានចាប់ពីអាការកម្រិតស្រាលទៅកម្រិតមធ្យម។ វាអាចមានសញ្ញាគ្រោះថ្នាក់ដូចខាងក្រោម៖ … Read more

3 វិធីដុសសម្អាតធ្មេញដែលលោកអ្នកយល់ខុសមករហូត

August 14, 2019 by ធឿន មករា

ទន្តពេទ្យជំនាញបានបង្ហើបឱ្យដឹងពីព័ត៌មានដ៏គួរឱ្យចាប់អារម្មណ៍មួយពាក់ព័ន្ធនឹងការថែរក្សាសុខភាពប្រអប់មាត់ និងធ្មេញ ដូច្នេះចូរសាកល្បងពិនិត្យមើលទៅមើល៍ថា តើរាល់ថ្ងៃនេះ យើងបានដុសសម្អាតធ្មេញត្រឹមត្រូវតាមវិធីដែលទន្តពេទ្យបានប្រាប់ឱ្យដឹងដែរឬទេ? 1. ឈប់យកច្រាសដុសធ្មេញដែលច្របាច់ថ្នាំដុសធ្មេញដាក់ពីលើហើយទៅជ្រលក់ក្នុងទឹក ឬឆ្លងកាត់ទឹកមុនយកមកដុសធ្មេញ..មនុស្សជាច្រើននឹងខ្ពុរមាត់ ហើយយកច្រាសដុសធ្មេញទៅជ្រលក់ទឹកមុននឹងចាប់ផ្ដើមដុសសម្អាតធ្មេញ ធ្វើដូច្នេះ នៅពេលច្រាសទទឹកទឹក នឹងធ្វើឱ្យមានទឹកនៅក្នុងមាត់ច្រើន ថ្នាំដុសធ្មេញក៏នឹងរលាយយ៉ាងឆាប់រហ័ស ក្លាយជាពពុះពេញក្នុងមាត់។ បន្ទាប់ពីនោះ ក៏នឹងហូរកក្លាក់ចុះមកតាមកដៃមកដល់កែងដៃ រួចក៏ត្រូវប្រញាប់ដុសធ្មេញ និងខ្ពុរមាត់ចេញយ៉ាងលឿន រហូតដល់ចប់ការដុសធ្មេញទាំងមិនដល់2នាទីផង។ ដូច្នេះ មុនច្របាច់ថ្នាំដុសធ្មេញដាក់ច្រាស អាចធ្វើការសម្អាតច្រាសដុសធ្មេញដោយទឹកស្អាត ហើយគោះទឹកចេញឱ្យអស់ ឬស្ងួតល្មម មុននឹងដុសសម្អាតធ្មេញ។ ចូរធ្វើការសម្អាតប្រអប់មាត់ត្រួសៗ(ដោយការខ្ពុរមាត់នឹងទឹក) ដើម្បីយកកម្ទេចអាហារដែលជាប់នៅតាមកន្លុក-កន្លៀតជើងធ្មេញចេញឱ្យអស់ជាមុនសិន។ 2. ឈប់ខ្ពុរមាត់បន្ទាប់ពីដុសធ្មេញហើយភ្លាម(គ្រាន់តែស្ដោះពពុះថ្នាំដុសធ្មេញចេញឱ្យអស់ ឬខ្ពុរមាត់ត្រឹមតែ 1ដងក្រោយពេលដុសធ្មេញ)។ បរិមាណថ្នាំដុសធ្មេញដែលនៅសល់បន្តិចបន្តួច(បន្ទាប់ពីស្ដោះចេញ ឬខ្ពុរចេញ 1ដង)ដែលអាចនឹងត្រូវលេបចូលទៅក្នុងពោះនោះ មិនបង្កឱ្យមានគ្រោះថ្នាក់អ្វីទេ។ មានការសិក្សាស្រាវជ្រាវរឿងមួយដែលល្បីល្បាញយ៉ាងខ្លាំងកាលពីឆ្នាំ1992 នៅទីក្រុង ណត់ទិងហ៊ែម ប្រទេសអង់គ្លេសបានរកឃើញថា កុមារដែលដុសធ្មេញហើយខ្ពុរមាត់ដោយយកមាត់ទៅហាត្រង់ទឹកចេញពីក្បាលរ៉ូប៊ីណេ(ហើយខ្ពុរមាត់ឃ្លុកៗ)មានធ្មេញពុកតិចជាងកុមារដែលខ្ពុរមាត់ដោយទឹកក្នុងកែវ។ បន្ទាប់ពីនោះ ក៏មានការងារសិក្សាស្រាវជ្រាវផ្សេងៗទៀតតាមមកជាច្រើនដើម្បីពិនិត្យមើល និងបានអះអាងចំពោះរឿងនោះដូចៗគ្នា រហូតដល់ខាងសមាគមទន្តពេទ្យនៃប្រទេសអង់គ្លេសសរុបចេញមកជាការណែនាំថា “មិនត្រូវខ្ពុរមាត់ ក្រោយដុសធ្មេញហើយភ្លាមទេ”។ 3. កុំអាលញ៉ាំអាហារ ឬញ៉ាំទឹកអ្វី(រួមទាំងទឹកសុទ្ធផង)យ៉ាងហោចណាស់កន្លះម៉ោងបន្ទាប់ពីដុសធ្មេញ គឺដើម្បីឱ្យ ហ្វ្ល័រអូរ៉ាយ បានបញ្ចេញ ឫទ្ធិការពារធ្មេញពុកយ៉ាងពេញទំហឹង៕

ក្អក កណ្ដាស់ញឹកញាប់ ប្រយ័ត្នកើតជំងឺរលាកទាំង3នេះ

August 12, 2019 by ធឿន មករា

មនុស្សភាគច្រើនយល់ថាអាការកណ្ដាស់ តឹងច្រមុះ និងដកដង្ហើមខ្លីៗ ជាអាការនៃជំងឺផ្ដាសាយធម្មតា។ ប៉ុន្តែទោះជាយ៉ាងណាក៏ដោយ ប្រភពនៃរោគសញ្ញា ឬអាការទាំងនេះ គឺអាចជាការអាឡែកស៊ី ឬប្រតិកម្មចាញ់អ្វីម្យ៉ាង។ មនុស្សយើងមានសរសៃឈាមតូចឆ្មារជាច្រើននៅក្នុងច្រមុះ ហើយនៅពេលដែលប៉ះពាល់ទៅនឹងខ្យល់ធូលី ក៏កើតការប៉ះលើសរសៃឈាមតូចឆ្មារនៅក្នុងស្បែកស្ដើងនៃច្រមុះ ដែលបណ្ដាលឱ្យពិបាកក្នុងការដកដង្ហើម និងតឹងច្រមុះ។ តើកត្តារោគរលាកអ្វីខ្លះដែលធ្វើឱ្យអ្នក ក្អក កណ្ដាស់ញឹកញាប់? វាមានហានិភ័យដល់រាងកាយ និងសុខភាពឬទេ? តោះមកពិចារណាចំណុចខាងក្រោមនេះដូចតទៅ៖ 1.រោគប្រតិកម្មចាញ់អាកាសធាតុ ក្នុងករណីដែលមិនមែនជាជំងឺផ្តាសាយ គឺមិនបានកណ្តាស់ និងមានទឹកសំបោរខាប់ស្អិត រួមទាំងមិនមានអាការឈឺក្បាលឡើយ ដូច្នេះវាអាចទៅរួចថា អាការកណ្តាស់ញឹកញាប់របស់អ្នកនេះ អាចបណ្តាលមកពីសភាពរបស់រោគប្រតិកម្មចាញ់ធាតុអាកាស រឹតតែនៅលើមនុស្សដែលមានអាការកណ្តាស់ញឹកញាប់ជាប់ៗគ្នា ឬមានអាការរមាស់ក្នុងភ្នែក ហៀរទឹកភ្នែករួមជាមួយផងនោះ ក៏រឹតតែសង្ស័យថា អាចនឹងកើតរោគប្រតិកម្មចាញ់អាកាសធាតុ ឬជំងឺច្រមុះបានដែរ ព្រោះរោគនេះជាអាការដែលកើតឡើងនៅលើសាច់ភ្នាសក្នុងច្រមុះ ដែលសាច់ភ្នាសក្នុងច្រមុះរបស់អ្នកកើតរោគនេះនឹងឆាប់រហ័សមានប្រតិកម្មជាមួយនឹងកត្តាជំរុញជាច្រើនដូចជា សភាពអាកាសធាតុ ធូលីដី លំអងទឹកភ្លៀង កេសររបស់ផ្កា មេរោគផ្សិត រោមសត្វ ឬសូម្បីតែក្លិន និងវត្ថុដែលធ្វើឱ្យរលាកក្រហាយផ្សេងៗរហូតបង្កឱ្យកើតជាអាការកណ្តាស់។ 2. អាការរលាកច្រមុះ ពេលខ្លះមិនប្រាកដថា ក្អកស្ងួត ហៀរសំបោរ កណ្ដាស់ ឈឺក្បាល សុទ្ធតែជាជំងឺផ្ដាសាយទេ។ វាអាចជាអាការរបស់អាការរលាកច្រមុះ ដែលអ្នកកំពុងប្រឈម និងនឹកស្មានមិនដល់។ … Read more

គ្រឿងសម្អាង និងការថែរក្សាសម្ផស្សដែលត្រូវហាមឃាត់ក្នុងអំឡុងពេលមានគភ៌

August 8, 2019 by ធឿន មករា

ការផ្លាស់ប្តូរប្រែប្រួលរបស់ស្រ្តីមានគភ៌ថ្មោងថ្មីដែលមើលឃើញច្បាស់នោះគឺ រូបរាងដែលចេះតែរីកធំឡើងជារៀងរាល់ខែ អាចធ្វើឱ្យអ្នកដែលទើបតែតាំងគភ៌ជាលើកដំបូងលែងមានភាពជឿជាក់លើខ្លួនឯង រួមទាំងផ្ទៃមុខ សាច់ស្បែករបស់ខ្លួនក៏អាចនឹងប្រែប្រួលទៅតាមនោះដែរ តែអ្វីដែលសំខាន់នោះគឺ អ្នកមានគភ៌លើកដំបូងអាចមិនសូវមានទំនុកចិត្តលើផលិតផលគ្រឿងសម្អាងដែលកំពុងប្រើនោះថា តើវាមានសុវត្ថិភាពចំពោះកូនសម្លាញ់ដែលនៅក្នុងផ្ទៃ ឬក៏អត់? ដូច្នេះថ្ងៃនេះយើងនាំគ្នាមកមើលទាំងអស់គ្នាថា តើផលិតផលថែរក្សាសម្ផស្សណាខ្លះដែលត្រូវហាមឃាត់ក្នុងខណៈមានគភ៌។ 1. គ្រីមថែបំប៉នស្បែកមិនគួរប្រើគ្រឿងសម្អាងដែលស្ថិតក្នុងក្រុម Whitening និងផលិតផលបំបាត់មុន ស្នាមអុច ស្នាមជាំខ្មៅផ្សេងៗ និងដែលមានគ្រោះថ្នាក់បំផុតនោះគឺ Retinol ឬអាស៊ីតវីតាមីន A ដោយសារតែវាអាចជ្រាបចូលទៅក្នុងក្រសែឈាម និងអាចបណ្តាលឱ្យទារកនៅក្នុងគភ៌រលូត ឬពិការបាន តែពពួកគ្រីមការពារកម្តៅថ្ងៃអាចនៅប្រើបាន។ 2. ថ្នាំព្យាបាលមុនព្រោះការព្យាបាលមុននឹងមានសារធាតុ Roaccutane ដែលមានប្រសិទ្ធភាពក្នុងការព្យាបាលខ្ពស់ ទើបចាំបាច់ត្រូវស្ថិតនៅក្រោមការគ្រប់គ្រងរបស់ពេទ្យយ៉ាងតឹងរឹង និងហាមប្រើប្រាស់នៅលើស្ត្រីមានគភ៌ ដោយសារតែថ្នាំមួយនេះអាចបង្កឱ្យមានគ្រោះថ្នាក់ដល់ទារកក្នុងគភ៌ និងត្រូវបញ្ឈប់ការប្រើប្រាស់ថ្នាំប្រភេទនេះប្រមាណជា 1-2 ខែជាមុនសិន ទើបអាចមានគភ៌បាន។ 3. ការជ្រលក់ពណ៌សក់ លាបពណ៌សក់ ពន្យឺតសក់ ឬអ៊ុតសក់អ្វីទាំងអស់នេះ មានសារធាតុម្យ៉ាងដែលអាចនឹងធ្វើឱ្យយើងកើតអាការប្រតិកម្មចាញ់បាន ដូចជាថា បើយើងកើតប្រតិកម្មចាញ់ និងមានស្នាមរបួស ឬដំបៅនៅលើស្បែកក្បាល វាអាចនឹងធ្វើឱ្យកើតការឆ្លងមេរោគរាលដាលកាន់តែលឿនឡើង ស្រួលមិនស្រួលអាចនឹងហុចផលអាក្រក់ដល់កូននៅក្នុងគភ៌ទៀតផង ដូច្នេះទើបយើងមិនណែនាំឱ្យស្រ្តីមានគភ៌ទៅធ្វើពណ៌សក់ក្នុងអំឡុងពេលនោះឡើយ។ 4. ខាត់ស្បែកមុខ និងស្បែកដងខ្លួនជាពិសេសការខាត់ស្បែកដោយសារធាតុគីមី អាចធ្វើឱ្យកើតប្រតិកម្មចាញ់ និងឡើងកន្ទួល ឬជួនកាលអាចនឹងឆ្លងមេរោគបានដោយងាយបើស្ត្រីមានគភ៌មានរបួស … Read more

បន្លែផ្លែឈើ 8មុខ ដែលគួរញ៉ាំទាំងសម្បក

August 6, 2019 by ធឿន មករា

បន្លែផ្លែឈើជាច្រើនប្រភេទដែលយើងតាំងចិត្តចង់ញ៉ាំ ដើម្បីឱ្យទទួលបានវីតាមីន និងសារធាតុរ៉ែដែលមានប្រយោជន៍ដល់រាងកាយ តែបែរជាមិនបានដឹងខ្លួនឡើយថា បានបំផ្លាញអ្វីល្អៗ មានប្រយោជន៍ជាច្រើនដែលធម្មជាតិផ្ដល់ឱ្យមកចោលអស់ដោយការ “បក ឬចិតសម្បក” ចោលហ្នឹងឯង។ តើមានបន្លែផ្លែឈើប្រភេទណាខ្លះដែលយើងគួរញ៉ាំទាំងសម្បក….តោះ! យើងទៅមើលទាំងអស់គ្នា។ ផ្លែត្របែកត្របែកជាផ្លែឈើដែលមានវីតាមីនC ខ្ពស់ ដែលសម្បករបស់ត្របែកក៏ជាប្រភពនៃវីតាមីនល្អៗជាច្រើនដូចគ្នា ដូច្នេះបើញ៉ាំផ្លែត្របែកទាំងសម្បកបាន នឹងធ្វើឱ្យយើងទទួលបានវីតាមីនដែលមានប្រយោជន៍ចំពោះរាងកាយកាន់តែច្រើនឡើងដូចគ្នាដែរ។ មើមការ៉ុតមើមការ៉ុតមានសារធាតុបេតាឃែរ៉ូធីនខ្ពស់ និងថែមទាំងមានច្រើននៅនឹងសម្បកទៀតផង។ បើជាការ៉ុតមើមធំៗដែលមានសម្បកអាចនឹងក្រាស់ឬមិនស្អាតគួរឱ្យចង់ទទួលទានផងនោះ អ្នកខ្លះអាចនឹងមិនចង់ញ៉ាំទាំងសម្បកឡើយ តែបើសិនជាកូនមើមការ៉ុតតូចៗ ឬមើមការ៉ុតខ្ចីៗ តូចៗវិញនោះក៏ញ៉ាំទាំងសម្បកតែម្ដងទៅ។ ផ្លែប៉េងប៉ោះ មុខម្ហូបខ្លះ អាចត្រូវបកសម្បកផ្លែប៉េងប៉ោះចេញ។ ទោះជាសាច់ប៉ងប៉ោះទន់ខ្លាំងប៉ុនណាក៏ដោយ តែចង់ប្រាប់ថា បើយកមកញ៉ាំទាំងឆៅស្រស់ៗ ឬដាក់ចូលទៅស្ងោរ ទៅឆាក្នុងខ្ទះ ឬឆ្នាំងដោយមិនបាច់បកសម្បកបាន ក៏នឹងល្អខ្លាំងណាស់ ព្រោះសម្បករបស់ផ្លែប៉េងប៉ោះជាប្រភពរួមនៃវីតាមីនC បេតាឃែរ៉ូធីន និងឡៃខូពីន ជាពិសេសពេលផ្លែប៉េងប៉ោះទុំ ឡៃខូពីននឹងរឹតតែច្រើនឡើងទៀតផង បើមិនបានញ៉ាំទាំងសម្បក ច្បាស់ជាស្ដាយខ្លាំងណាស់។ ផ្លែសារីអ្នកខ្លះចូលចិត្តញ៉ាំផ្លែសារីបែបបកសម្បកអស់តែឡារ៉ែនសូមប្រាប់ថា នៅក្នុងសម្បករបស់ផ្លែសារី មានវីតាមីនC ខ្ពស់ណាស់ និងថែមទាំងមានសារធាតុប្រឆាំងមហារីក និងជួយបញ្ចុះកូឡេស្តេរ៉ូលក្នុងរាងកាយទៀតផង ដូច្នេះលើកក្រោយ បើញ៉ាំផ្លែសារី គ្រាន់តែលាងឱ្យស្អាត រួចហាន់ជាចំណិត ហើយញ៉ាំតែម្ដងទៅ។ ផ្លែប៉ោមផ្លែឈើកំពូលល្បីល្បាញដែលមនុស្សជាច្រើនចិតសម្បកចោលយ៉ាងគ្មានស្ដាយស្រណោះ ព្រោះមិនចូលចិតញ៉ាំសម្បកខ្លះទៅ ឬសម្បកមិនគួរឱ្យញ៉ាំខ្លះទៅក៏មាន … Read more

កើតមានអាការរមាស់គូទ និងមានហូរឈាម តើគួរធ្វើដូចម្តេច?

July 23, 2019 by ធឿន មករា

មនុស្សពេញវ័យអាចនឹងកើតមានអាការរមាស់គូទ ដែលបណ្ដាលមកពីបញ្ហាស្បែក និងការរលាក។ នៅពេលអ្នកកើតមានអាការប្រតិកម្មចាញ់ណាមួយនៅលើស្បែកនៅបរិវេណគូទ គឺវាមិនងាយនឹងបំបាត់ដោយភ្លាមៗនោះទេ ព្រោះមានបាក់តេរីជាច្រើនបានតោងជាប់នឹងស្បែកគូទរបស់អ្នក។ ថ្ងៃនេះទស្សនាវដ្ដី ឡារ៉ែន សូមជម្រាបពីការបំបាត់អាការរមាស់នៅលើស្បែកគូទ ដោយចំណាយតិច និងមានប្រសិទ្ធភាពខ្ពស់ដូចខាងក្រោម។ វេជ្ជបណ្ឌិតជាច្រើននិយាយថា រមាស់គូទអាចកើតមានលើមនុស្សគ្រប់វ័យ មិនមែនមានចំពោះតែទារកនោះទេ។ ក្នុងករណីថ្ងៃណាមួយ លោកអ្នកភ្ញាក់ពីគេង ស្រាប់តែកើតមានអាការរមាស់គូទ អេះមិនបាត់ ឬដល់ថ្នាក់អេះចេញឈាម សូមកុំទាន់អាល់ភ័យ។ វាមិនមែនតែអ្នកតែឯងនោះទេ សមាជិកខ្លះនៃគ្រួសាររបស់អ្នក មិត្តភក្តិ និងមិត្តរួមការងាររបស់អ្នកក៏ប្រហែលជាធ្លាប់កើតអាការរមាស់គូទនេះដែរ តែគ្រាប់តែពួកគេមិននិយាយប្រាប់អ្នកតែប៉ុណ្ណោះ។ មានកត្តាជាច្រើនដែលអាចបង្កឱ្យកើតមានអាការរមាស់គូទនេះ ក្នុងនោះរួមមានជំងឺត្រអក ជំងឺរលាកស្បែករ៉ាំរ៉ៃ និងជំងឺឆ្លងប្រភេទមេរោគផ្សិតជាដើម។ ជំងឺរលាកទងសួតក៏អាចបណ្តាលឱ្យកើតមានអាការរមាស់លើស្បែកនេះផងដែរ។ ជំងឺកាមរោគក៏អាចបង្កឱ្យរមាស់គូទដូចគ្នា ព្រោះជំងឺនេះកើតលើប្រដាប់ភេទ ហើយវាឆ្លងរាលដាលជុំវិញតំបន់ឯកជនរហូតដល់គូទ។ ប្រសិនបើអ្នកជួបករណីដូចរៀបរាប់ខាងលើ អ្នកគួរចំណាយពេលទៅជួបវេជ្ជបណ្ឌិត ជាពិសេសប្រសិនបើកើតមានអាការរមាស់លើប្រដាប់ភេទ។ តែប្រសិនបើអ្នកមានអាការរមាស់ត្រឹមតែបរិវេណគូទ តែអេះមិនចេះបាត់រមាស ់ អ្នកអាចបំបាត់វាបានតាមវិធីងាយទាំង5យ៉ាងដូចខាងក្រោមនេះ។ 1. ប្រទាលកន្ទុយក្រពើ ប្រទាលនេះជាថ្នាំធម្មជាតិដ៏មានប្រសិទ្ធភាពសម្រាប់ព្យាបាលអាការរមាស់គូទ។ ចូរលាបជាតិអន្ធិលៗរបស់វានៅលើតំបន់ដែលកំពុងរមាស់ប្រហែលជា10នាទី ទៅ15 នាទី រួចទើបលាងសម្អាតជាមួយទឹកស្អាតជាធម្មតា។ អនុវត្តពីរបីដងក្នុងមួយថ្ងៃ រហូតដល់ជាសះស្បើយជាការស្រេច។ 2. ប្រេងដូង ប្រេងដូងមានប្រសិទ្ធភាពខ្លាំងណាស់នៅពេលនិយាយដល់ការព្យាបាលអាការរមាស់គូទ មិនថារមាស់គូទដោយសារជំងឺត្រអក ជំងឺរលាកស្បែក ឬជំងឺផ្សិតនោះឡើយ។ … Read more

ទទួលបានភាពស្រស់ស្អាត ដោយវីតាមីន 7ប្រភេទ

July 22, 2019 by ធឿន មករា

ផ្ទៃមុខស្រស់ស្អាតតែម្យ៉ាងមិនគ្រប់គ្រាន់ទេ តែស្បែកក៏ត្រូវតែស្អាតដូចគ្នាដែរ ហើយមានវិធីច្រើនណាស់ ដើម្បីឱ្យស្បែកស្អាត ដែលក្នុងនោះមានទាំងការថែសម្រស់តាមរយៈការប្រើប្រាស់ផលិតផល ការជំនួយស្បែកតាមបែបធម្មជាតិដូចជា ការខាត់ ឬការទទួលទានជាដើម។ លេខនេះ ឡារ៉ែន សូមណែនាំអ្នកឱ្យងាកមកថែរក្សាសម្រស់តាមរយៈការដាក់បញ្ចូលវីតាមីនវិញម្តង ហើយវីតាមីនទាំងនោះមានដូចជា៖ 1. វីតាមីន A : និយាយដល់វីតាមីន A ធ្វើឱ្យគិតដល់ភាពភ្លឺថ្លានៃភ្នែក ប៉ុន្តែអ្នកដឹងទេថាក្រៅពីភ្នែកហើយនោះវាក៏ជួយថែរក្សាស្បែកផងដែរ។ បើអ្នកជាមនុស្សម្នាក់ក្នុងចំណោមអ្នកផ្សេងទៀតដែលមានស្បែកស្ងួតនោះ វីតាមីន A ពិតជាក្លាយជាមិត្តដែលយល់ចិត្តអ្នកបំផុតក្នុងការជួយកម្ចាត់សភាពស្បែកស្ងួត ជួយស្តារ និងជួសជុលជាលិកាស្បែកធ្វើឱ្យស្បែករលោងមានសំណើម និងស្រស់ស្រាយ។ 2. វីតាមីន B Complex : មិនថាវាជា វីតាមីន B1, B2, B3, B5, B6, B7, B9 ឬជា B12 នោះទេគឺសុទ្ធតែមានគុណប្រយោជន៍សម្រាប់សម្រស់ និងសុខភាពរបស់យើងគ្រប់គ្នា។ ស្បែក សក់ ក្រចក ឈាម ភ្នែក… សុទ្ធតែទទួលបានប្រយោជន៍ជាច្រើនពីវីតាមីនទាំងប៉ុន្មានខាងលើនេះ។ អាហារដែលសម្បូរទៅដោយប្រភពវីតាមីន B ទាំងអស់នេះ ដូចជាបន្លែស្លឹកបៃតង … Read more

ហេតុអ្វីបានជាបុរសជាជំងឺផ្ដាសាយលឿនជាងស្ត្រី?

July 17, 2019 by ធឿន មករា

សម្រាប់អ្នកជំងឺគ្រុនផ្ដាសាយធំ ភាគច្រើនមានអាការក្អករយៈពេល 1-2 សប្ដាហ៍ មានហៀរទឹកសំបោរ ឈឺក មានអាការគ្រុនក្ដៅ នឿយហត់អស់កម្លាំង ទន់ខ្សោយសាច់ដុំ។ ហើយរោគសញ្ញាទាំងអស់នេះ នឹងបណ្ដាលឱ្យអ្នកចុះខ្សោយកម្លាំងខ្លាំង ដែលមានខ្លះទៀតឈានដល់អាការធ្ងន់ធ្ងរ អាចបណ្ដាលឱ្យប៉ះពាល់ដល់ជីវិតបានផងដែរ។ ការស្រាយបញ្ជាក់មូលហេតុជំងឺគ្រុនផ្ដាសាយធំ មានវិធីសាមញ្ញជាច្រើនដែលអាចឱ្យយើងព្យាបាលបានដោយខ្លួនឯង វាជាជំងឺដែលងាយកើតឡើងដោយសារវីរ៉ុស។ មនុស្សមួយចំនួនកើតជំងឺគ្រុនផ្តាសាយ 2 ទៅ4ដងក្នុង1ឆ្នាំ ចំណែកក្មេងៗវិញគឺ អាចកើតបានរហូតដល់ទៅ4 ទៅ6ដងក្នុង1ឆ្នាំ។ យ៉ាងណាមិញ អាការរោគជំងឺនេះ អាចជាសះស្បើយវិញបានយ៉ាងលឿន គឺអាស្រ័យទៅលើភេទរបស់មនុស្ស។ លទ្ធផលនៃការសិក្សារបស់ស្ថាប័នពេទ្យ John Hopkins Bloomberg School of Public Health បានអះអាងថា ជាទូទៅស្ត្រីមានប្រភេទអ័រម៉ូនម្យ៉ាងដែលជួយឱ្យឆាប់ជាសះស្បើយពីអាការគ្រុនផ្ដាសាយបានលឿនជាងបុរស បើទោះបីជាប្រព័ន្ធភាពស៊ាំសម្រាប់ការពារវីរ៉ុសគ្រុនផ្ដាសាយធំ ដែលស្ថិតនៅក្នុងកម្រិតស្មើគ្នាយ៉ាងណាក៏ដោយ។ ក៏ប៉ុន្ដែ ការស្រាយបញ្ជាក់របស់អ្នកវិទ្យាសាស្ត្រនៃក្រុមវេជ្ជបណ្ឌិតខាងលើ បានរកឃើញថ្មី ក៏បានអះអាងបន្ថែមថា បើទោះបីជាការពិសោធទៅលើសត្វកណ្ដុរ និងកោសិកាភេទប្រុសដែលមានឆ្លងវីរ៉ុសគ្រុនផ្ដាសាយធំ H1N1 ក្រុមសម្ពន្ធ A ក៏ដោយ តែលទ្ធផលសរុបបានបង្ហាញថា បុរសគឺឆាប់ជាសះស្បើយពីជំងឺគ្រុនផ្ដាសាយធំបានលឿនជាងស្ត្រី។ អ្នកវិទ្យាសាស្ត្រដដែរបានអះអាងថែមថា សភាពដែលបុរសឆាប់ជាសះស្បើយពីជំងឺគ្រុនផ្ដាសាយធំលឿនជាងស្ត្រី ក៏ព្រោះតែភេទប្រុសអាចផលិតប្រូតេអុីនមួយដែលឱ្យឈ្មោះថា “Amphiregulin” ដែលជួយហុចផលដល់ការព្យាបាលអាការឈឺចាប់បានច្រើនជាងស្ត្រី។ … Read more