ក្រសួងការបរទេសអាម៉េរិក និង មន្ទីរបញ្ចកោណ ប្រកាសកញ្ចប់ជំនួយយោធាបន្ថែមតម្លៃ ៧២៥ លានដុល្លារសម្រាប់ អ៊ុយក្រែន ក្នុងនោះមានទាំងមីស៊ីលសម្រាប់ប្រព័ន្ធ HIMARS ផងដែរ។
«ខ្ទង់ជំនួយនេះត្រូវបានលើកឡើងក្រោយពីការវាយប្រហារតាមផ្លូវអាកាសរបស់ រុស្ស៊ី នៅពាសពេញទឹកដីអ៊ុយក្រែន» រដ្ឋមន្ត្រីការបរទេសអាម៉េរិក Antony Blinken ប្រកាសកាលពីថ្ងៃទី ១៤ តុលា ស្ដីពីកញ្ចប់ជំនួយយោធាបន្ថែមដែលមានតម្លៃ ៧២៥ លានដុល្លារ សម្រាប់ អ៊ុយក្រែន។
ក្រសួងការពារជាតិអាម៉េរិក ក្នុងថ្ងៃដដែលបានប្រកាសថា កញ្ចប់ជំនួយយោធាថ្មីបំផុតសម្រាប់ អ៊ុយក្រែន នឹងបន្ថែមរ៉ុក្កែតជាច្រើនទៀតសម្រាប់ប្រព័ន្ធរ៉ុក្កែតប្រតិកម្មរហ័សចល័ត HIMARS។ កញ្ចប់ថ្មីនេះធ្វើឱ្យជំនួសសរុបរបស់ វ៉ាស៊ីងតោន សម្រាប់ ទីក្រុងកៀវ ឡើងដល់ ១៨.៣ ពាន់លានដុល្លារអាម៉េរិក។
មន្ទីរបញ្ចកោណ ក៏បានឱ្យដឹងថា កញ្ចប់ជំនួយថ្មីសម្រាប់ អ៊ុយក្រែន នេះ នឹងមានទាំងអាវុធប្រឆាំងរថក្រោះ មីស៊ីលល្បឿនលឿនប្រឆាំងវិទ្យុសកម្ម HARM រួមនឹងយានយោធា និងសម្ភារៈសុខាភិបាលផងដែរ។
ភាគីខាងរុស្ស៊ី មិនទាន់មានប្រតិកម្មអ្វីនៅឡើយ ទាក់ទិននឹងកញ្ចប់ជំនួយយោធាថ្មីរបស់ សហរដ្ឋអាម៉េរិក សម្រាប់ អ៊ុយក្រែន៕
