អន្តរជាតិ - La Reine Media

មេដឹកនាំសង្គ្រាមប្រឆាំង COVID-19 បានឆ្លងវីរុស ខណៈអេស្ប៉ាញក្លាយជា “វាលពិឃាត” ទី2ក្នុងលោក របស់មេរោគបង្កជំងឺរលាកសួតថ្មី

March 30, 2020 by សឿន សំណាង

មេដឹកនាំក្នុងសង្គ្រាមប្រឆាំង COVID-19 របស់អេស្ប៉ាញ បានឆ្លងវីរុសបង្កជំងឺរលាកសួតប្រភេទថ្មី ក្នុងខណៈដែលចំនួនអ្នកឆ្លងមេរោគសរុបនៅប្រទេសនេះ បានកើនឡើងលើសពីប្រទេសចិន។ “ប្រធានមជ្ឈមណ្ឌលចាត់ចែងករណីបន្ទាន់របស់ក្រសួងសុខាភិបាលអេស្ប៉ាញ លោក Fernando Simon វិជ្ជមានជាមួយនឹង COVID-19 បន្ទាប់ពីបានធ្វើតេស្ត” Maria Jose Sierra ដែលជាអនុប្រធានរបស់លោក Simon ថ្លែងបែបនេះ នៅក្នុងសន្និសីទសារព័ត៌មានមួយនៅឯរាជធានី Madrid កាលពីម្សិលមិញ។ លោកប្រធាន Simon គឺជាអ្នកដឹកនាំយុទ្ធនាការប្រយុទ្ធប្រឆាំងនឹង COVID-19 របស់រាជាណាចក្រអេស្ប៉ាញ និងជាអ្នកដែលតែងតែរក្សាទំនាក់ទំនងជាមួយនាយករដ្ឋមន្ត្រី Pedro Sanchez។ ប្រភពព័ត៌មានមិនបានឱ្យដឹងថា បច្ចុប្បន្នសុខភាពរបស់លោកយ៉ាងណាហើយនោះទេ។ អនុប្រធាន Sierra បានប្រកាសថា បុគ្គលិកពេទ្យចំនួន12,298នាក់បានឆ្លងមេរោគCOVID-19 គឺស្មើនឹង14% នៃចំនួនអ្នកឆ្លងមេរោគសរុបរបស់ប្រទេសអេស្ប៉ាញ។ ក្រុមគ្រូពេទ្យបានឱ្យដឹងថា ពួកគេកំពុងខ្វះសម្ភារការពារខ្លួន។ អេស្ប៉ាញ បច្ចុប្បន្នបានក្លាយជាប្រទេសដែលមានអ្នកស្លាប់ដោយសារមេរោគCOVID-19 ច្រើនជាគេបង្អស់លំដាប់ទី2ក្នុងពិភពលោក បន្ទាប់ពីប្រទេសអ៊ីតាលី ដោយមានអ្នកស្លាប់ដល់ទៅ7,340នាក់។ COVID-19 បានចាប់ផ្ដើមឆ្លងរាលដាលពីប្រទេសចិន កាលពីខែធ្នូ ឆ្នាំ2019 ហើយបានបង្ហាញខ្លួននៅក្នុងប្រទេស និងដែនដីចំនួន199 នៅទូទាំងពិភពលោក បណ្ដាលឱ្យមនុស្សចំនួន 741,030នាក់បានឆ្លងមេរោគ ក្នុងនោះមានអ្នកជំងឺ … Read more

បុគ្គលិកពេទ្យអាមេរិកាំង បានជួយឱ្យអ្នកជំងឺCOVID-19ជិតស្លាប់ម្នាក់ និងកូនចៅ បានលាគ្នាជាលើកចុងក្រោយ តាមរយៈទូរស័ព្ទ

March 30, 2020 by សឿន សំណាង

គិលានុដ្ឋាយិកាម្នាក់នៅក្នុងរដ្ឋ Washington បានយកទូរស័ព្ទរបស់ខ្លួនភ្ជាប់ទៅកាន់កូនរបស់អ្នកជំងឺ COVID-19 ដើម្បីឱ្យពួកគេបានជួបមុខគ្នាជាលើកចុងក្រោយបង្អស់។ អ៊ំស្រី Carolann Gann អាយុ75ឆ្នាំ ធ្លាប់ធ្វើជាគិលានុបដ្ឋាកជាង30ឆ្នាំ បានធ្លាក់ខ្លួនឈឺនៅឯមជ្ឈមណ្ឌលចាស់ជរាមួយនៅ Issaquah ជាយក្រុង Seattle កាលពីសប្ដាហ៍មុន។ អ៊ំស្រីរូបនេះ បានទូរស័ព្ទទៅកូនស្រី ឈ្មោះ Michelle Bennett ដែលជានគរបាលជាន់ខ្ពស់ម្នាក់ ដើម្បីប្រាប់ថា បុគ្គលិកពេទ្យកំពុងធ្វើតេស្តរកមេរោគឱ្យគាត់។ បន្ទាប់មក គាត់ក៏ត្រូវបាននាំទៅកាន់មន្ទីរពេទ្យ ប៉ុន្តែសុខភាពរបស់គាត់ កាន់តែដុនដាបទៅៗ។ អ៊ំស្រី Gann បានបាត់បង់ជីវិតកាលពីថ្ងៃទី27មីនា ដោយពុំមានកូនចៅណាម្នាក់នៅក្បែរទាល់តែសោះ ព្រោះតែពួកគេមិនត្រូវបានអនុញ្ញាតឱ្យចូលក្នុងមន្ទីរពេទ្យ ដោយសារ COVID-19។ Bennett និយាយថា “ពិតជាមិនគួរឱ្យជឿសោះថា កាលពីសប្ដាហ៍មុន ម្ដាយរបស់ខ្ញុំនៅឯមជ្ឈមណ្ឌលថែទាំចាស់ជរា ហើយ7ថ្ងៃក្រោយ គាត់បែរជាទៅចោលខ្ញុំដូច្នេះសោះ។ ហេតុអីក៏រឿងនេះអាចកើតឡើងបាន?។ ម្ដាយខ្ញុំ បានទូរស័ព្ទប្រាប់ថា គាត់បានឆ្លង COVID-19។ ពេលនោះ ពិភពលោកហាក់ត្រូវបាក់រលំមកលើរូបខ្ញុំដូច្នោះដែរ”។ Bennett ដែលជាស្ត្រីភេទទី3ម្នាក់ ហើយប្រពន្ធរបស់នាងឈ្មោះ Brand Gordon Bennet បាននិយាយថា … Read more

ពិភពលោក កាលពីសប្ដាហ៍មុន…(បណ្ដុំរូបភាព)

March 30, 2020 by សឿន សំណាង

-រូបភាពបង្ហាញពីជីវិតរស់នៅប្រចាំថ្ងៃរបស់អ្នកទីក្រុងវូហាន...បុគ្គលិកអ្នកបញ្ជូនម្ហូបអាហារម្នាក់ កំពុងឈររង់ចាំហុចកញ្ចប់ចំណីអាហារពីលើរបារបាំងឃាំងផ្លូវចូលតំបន់ស្នាក់អាស្រ័យមួយក្នុងទីក្រុង។ រូបភាពកាលពីថ្ងៃអាទិត្យ ទី29 មីនា(រ៉យទ័រ)

-ព្រះអង្គម្ចាស់ ឆារ៍លស៍ នៃរាជវង្សអង់គ្លេស ទ្រង់មានលទ្ធផល “វិជ្ជមាន” ពីការពិនិត្យរកមេរោគកូវីដ-19 ដោយនៅក្នុងសេចក្ដីថ្លែងការណ៍ពីព្រះរាជដំណាក់ ឃ្លែរេនស៍ បានបញ្ជាក់កាលពីថ្ងៃទី25 ថា ព្រះអង្គ ទ្រង់នៅតែមានព្រះរាជសុខភាពល្អដូចមុនជាធម្មតា និងព្រះអង្គទ្រង់បានបង្ខាំងព្រះកាយនៅក្នុងប្រទេសស្កុតលែនដ៍ ខាងក្រោមនេះ គឺបណ្ដុំរូបភាពព័ត៌មានអន្តរជាតិជុំវិញពិភពលោក កាលពីសប្ដាហ៍កន្លងទៅ… -អ្នកជំនាញការនៃកងទ័ពរុស្ស៊ី កំពុងឈរនៅខាងក្រៅកន្លែងសម្រាកថែទាំ នើសស៊ីង ហូម(Honneger) ដែលមានអ្នកស្លាប់ដោយសារមេរោគកូវីដ-19 មិនតិចជាង 35នាក់ឡើយ នៅក្នុងតំបន់ Albino អ៊ីតាលី(រូបភាពកាលពីថ្ងៃសៅរ៍ ទី28មីនា របស់ AFP) -ស្លាកសញ្ញាណែនាំពីការរក្សាគម្លាតឆ្ងាយពីគ្នា នៅក្នុងប្រទេសសហរដ្ឋអាមេរិក(AP) -លោកប្រធានាធិបតីនៃសហរដ្ឋអាមេរិក ដូណាល់ ត្រាំ ក្នុងពិធីចុះហត្ថលេខាលើបទបញ្ជាប្រកាសឱ្យប្រើច្បាប់ The CARES act ដែលជាច្បាប់ប្រើប្រាស់ថវិកាគ្រាអាសន្ន ដើម្បីជួយដល់ផ្នែកសេដ្ឋកិច្ចរបស់ពលរដ្ឋអាមេរិកាំង ក្នុងស្ថានការណ៍វិបត្តិកូវីដ-19 ចំនួន 2លានលានដុល្លារ នៅក្នុងបន្ទប់ធ្វើការរាងពងក្រពើ ប្រចាំសេតវិមាន កាលពីថ្ងៃសុក្រ ទី27 មីនា(AFP) -អាជ្ញាធរ និងមន្ត្រីយោធា នេសឹននែល ហ្គាដ ក្នុងទីក្រុងនីវយ៉ក ដើរនៅពីមុខតង់កៅស៊ូ ដែលសាងឡើង … Read more

សហរដ្ឋអាមេរិក អនុញ្ញាតឱ្យពលរដ្ឋយកសំណាកវត្ថុវិភាគដោយខ្លួនឯង ហើយផ្ញើទៅកាន់មន្ទីរពិសោធន៍ដើម្បីធ្វើតេស្តរកមេរោគCOVID-19

March 30, 2020 by សឿន សំណាង

ពលរដ្ឋអាមេរិកាំងដែលសង្ស័យថាបានឆ្លងវីរុសCOVID-19 អាចយកសំណាកវត្ថុវិភាគរបស់ខ្លួនដោយខ្លួនឯង ហើយផ្ញើទៅកាន់មន្ទីរពិសោធន៍ ដែលប្រការនេះនឹងជួយបង្កើនល្បឿននៃការធ្វើតេស្តរកមេរោគCOVID-19។ នាយកដ្ឋានគ្រប់គ្រងអាហារ និងឱសថនៃសហរដ្ឋអាមេរិក បានអនុញ្ញាតឱ្យមានការយកសំណាកវត្ថុវិភាគដោយខ្លួនឯង ចំពោះរាល់ពលរដ្ឋដែលសង្ស័យថាខ្លួនបានឆ្លងCOVID-19 ដោយវិធានការនេះនឹងត្រូវបានអនុវត្តចាប់ពីសប្ដាហ៍នេះតទៅ។ នេះបើតាមការឱ្យដឹងរបស់ជំនួយការរដ្ឋមន្ត្រីក្រសួងសុខាភិបាល Brett Giroir កាលពីថ្ងៃទី29មីនាឆ្នាំ2020។ អ្នកដែលសង្ស័យថាខ្លួនបានឆ្លងCOVID-19 នឹងតម្រូវឱ្យប្រើប្រាស់សម្លីកប្បាសដើម្បីផ្ដិតយកសំណាកវត្ថុវិភាគក្នុងច្រមុះ(ទឹកសម្បោរ) ក្រោយមកដាក់វានៅក្នុងកូនថង់ផ្លាស្ទិក រួចផ្ញើទៅកាន់មន្ទីរពិសោធន៍។ ប្រការនេះនឹងជួយឱ្យពលរដ្ឋ និងក្រុមគ្រូពេទ្យ អាចកាត់បន្ថយបានភាពតានតឹងយ៉ាងច្រើន។ ជំនួយការរដ្ឋមន្ត្រីក្រសួងសុខាភិបាលអាមេរិកាំង លោក Brett Giroir ថ្លែងថា “ដំណើរការនេះនឹងជួយបន្ថែមល្បឿននៃការធ្វើតេស្ត កាត់បន្ថយចំនួនលើកនៃការប្ដូរផ្លាស់ឈុតការពារចាំបាច់របស់ក្រុមគ្រូពេទ្យ។ វាក៏ជួយសន្សំសំចៃកម្លាំងធនធានដ៏មានតម្លៃ ដើម្បីទុកសម្រាប់មន្ទីរពេទ្យផ្សេងៗទៀតផងដែរ”។ យោងតាមស្ថិតិរបស់សាកលវិទ្យាល័យ Johns Hopskins នៅសហរដ្ឋអាមេរិក កាលពីថ្ងៃទី29មីនា បានឱ្យដឹងថា ចំនួនអ្នកឆ្លងមេរោគថ្មីបានកើនជិត18,000ករណីបន្ថែមទៀត នាំឱ្យតួលេខនៃអ្នកបានឆ្លងមេរោគCOVID-19 ទូទាំងប្រទេស ឡើងដល់ជាង141,000ករណី។ រីឯចំនួនអ្នកស្លាប់ថ្មីមានចំនួន247ករណី ធ្វើឱ្យតួលេខនៃអ្នកស្លាប់ដោយសារវីរុសនេះ កើនដល់2,458ករណី។ មន្ត្រីរដ្ឋាភិបាលសហរដ្ឋអាមេរិក បានឱ្យដឹងថា ប្រទេសនេះបានធ្វើតេស្តទៅលើមនុស្សប្រមាណជា894,000ករណី ចាប់តាំងពីCOVID-19 បានបង្ហាញខ្លួននៅសហរដ្ឋអាមេរិក។ ក្រុមអ្នកជំនាញការបានព្រមានថា ទីក្រុង New York នឹងរងផលប៉ះពាល់ធ្ងន់ធ្ងរជាងទីក្រុង Wuhan របស់ប្រទេសចិន ឬតំបន់ … Read more

លោកយាយវូហាន អាយុ 103ឆ្នាំ ជាមនុស្សចាស់បំផុតដែលឈ្នះវីរុសកូរ៉ូណា

March 30, 2020 by សឿន សំណាង

សារព័ត៌មាន Independent របស់ប្រទេសអង់គ្លេស បានរាយការណ៍ថា រកឃើញស្ត្រីចំណាស់ អ្នកស្រុកវូហានម្នាក់ អាយុ 103ឆ្នាំ គឺជាមនុស្សដែលមានវ័យច្រើនបំផុត ដែលបានយកឈ្នះមេរោគវីរុសកូរ៉ូណាប្រភេទថ្មី និងព្យាបាលជា បានត្រឡប់ទៅផ្ទះវិញហើយ។ លោកវេជ្ជបណ្ឌិត ស៊ឹង យូឡាន់ អ្នកព្យាបាលលោកយាយចាង បានរៀបរាប់ប្រាប់អ្នកសារព័ត៌មាន Chutian Metropolis Daily ថា ស្ថិតិនៃការធូរស្បើយយ៉ាងឆាប់រហ័សរបស់មនុស្សដែលមានអាយុខ្ទង់រយឆ្នាំនេះ គឺមកពីលោកយាយគ្មានលក្ខខណ្ឌផ្នែកសុខភាពផ្សេងទៀត ក្រៅពីអាការមិនសូវជាធ្ងន់ធ្ងរប៉ុន្មានរបស់ជំងឺរលាកបំពង់ខ្យល់រ៉ាំរ៉ៃ។ លោកយាយជរា ចាង បានទទួលការវិនិច្ឆ័យថា បានឆ្លងមេរោគវីរុសកូវីដ-19 នៅឯមន្ទីរពេទ្យ លី យួន នៃមហាវិទ្យាល័យវេជ្ជសាស្ត្រ តុង ជិ ក្នុងទីក្រុងវូហាន កាលពីថ្ងៃទី1 មីនាកន្លងទៅ និងបានទទួលការព្យាបាលរហូតដល់ជា ក្លាយជាបុគ្គលចំណាស់បំផុតដែលបានជាសះស្បើយពីជំងឺគ្រោះថ្នាក់នោះរហូតមកដល់បច្ចុប្បន្ន បន្ទាប់ពីលោកតា អាយុ 101ឆ្នាំម្នាក់ដែលជាសះស្បើយពីវីរុសនេះ នៅក្នុងវូហានដូចគ្នាកាលពីពេលមុន។ គួររំឭកដែរថា អ្នករស់នៅក្នុងទីក្រុងវូហានទាំង 11លាននាក់ ត្រូវបានបង្ខាំង(មិនឱ្យចេញទៅណា)តាំងពីចុងខែមករា។ ជំងឺនេះមានអ្នកឆ្លងមេរោគជាង 80,700នាក់នៅក្នុងប្រទេសចិន និងមានអ្នកស្លាប់ជាង 3,000នាក់៕ ប្រភព៖ សារព័ត៌មានបរទេស

ចំនួនអ្នកស្លាប់ដោយសារ COVID-19 នៅអ៊ីតាលី កើនលើស11,000នាក់

March 30, 2020 by សឿន សំណាង

រដ្ឋាភិបាលនៃប្រទេសអ៊ីតាលី អាចនឹងបន្តពន្យារសុពលភាពនៃបទបញ្ជាបម្រាមគោចរ ខណៈដែលតួលេខអ្នកស្លាប់បានកើនឡើងលើស10,000នាក់ ក្នុងចំណោមអ្នកជំងឺជិត100,000នាក់។ ប្រទេសអ៊ីតាលី កាលពីថ្ងៃទី29មីនា បានប្រកាសថា ប្រទេសនេះ មានអ្នកស្លាប់756ករណីបន្ថែមទៀត ធ្វើឱ្យតួលេខនៃអ្នកស្លាប់សរុបឡើងដល់10,779ករណី។ តួលេខអ្នកស្លាប់ថ្មីបានថយចុះបន្តិចក្នុងអំឡុង2ថ្ងៃជាប់ៗគ្នា បើធៀបនឹងចំនួនអ្នកស្លាប់919នាក់ក្នុងថ្ងៃទី27មីនា និង889នាក់ក្នុងថ្ងៃទី28មីនា។ អ៊ីតាលី បច្ចុប្បន្នជាប្រទេសដែលមានអ្នកស្លាប់ដោយសារ COVID-19 ច្រើនជាងគេបង្អស់ក្នុងពិភពលោក ពោលគឺមានចំនួនដល់ទៅ1/3 នៃអ្នកស្លាប់សរុបទូទាំងពិភពលោក។ ក្នុងថ្ងៃទី29មីនាដដែល ប្រទេសអ៊ីតាលី បានរកឃើញអ្នកផ្ទុកមេរោគ COVID-19 ជាង5,200ករណី ធ្វើឱ្យចំនួនអ្នកឆ្លងមេរោគសរុប កើនដល់97,689ករណី ច្រើនជាងគេលំដាប់ទី2នៅក្នុងពិភពលោកបន្ទាប់ពីសហរដ្ឋអាមរិក។ មន្ត្រីអ៊ីតាលីបានឱ្យដឹងថា តួលេខពិតអាចមានច្រើនជាងតួលេខដែលបានប្រកាស ដោយសារបច្ចុប្បន្នប្រទេសនេះ ធ្វើតេស្តចំពោះតែអ្នកដែលមានរោគសញ្ញាធ្ងន់ធ្ងរប៉ុណ្ណោះ ខណៈដែលមនុស្សរាប់ពាន់នាក់នៅឯផ្ទះរបស់ពួកគេ កំពុងរង់ចាំការធ្វើតេស្ត។ គិតមកដល់ថ្ងៃនេះ នៅទូទាំងពិភពលោកមានអ្នកឆ្លងមេរោគCOVID-19 សរុប721,946នាក់ ក្នុងនោះមានអ្នកស្លាប់33,966នាក់ ជាសះស្បើយ151,312នាក់ និងកំពុងប្រឈមនឹងការស្លាប់មានដល់ទៅ26,789នាក់៕ ប្រភព៖ សារព័ត៌មានបរទេស

WHO ប្រកាស៖ ចំនួនអ្នកឆ្លងមេរោគកូវីដ-19 កើនជាងកន្លះលាន ចំណែកវ៉ាក់សាំង គ្មានផ្លូវកាត់ទេ ត្រូវរង់ចាំ 1ឆ្នាំ

March 30, 2020March 30, 2020 by សឿន សំណាង

ទីក្រុងហ្សឺណែវ ថ្ងៃទី27 មីនា អង្គការសុខភាពពិភពលោក ឬ WHO បានបង្ហើបឱ្យដឹងថា ចំនួនអ្នកឆ្លងមេរោគវីរុសកូរ៉ូណាប្រភេទថ្មី ឬកូវីដ-19 ដែលបានអះអាងហើយទូទាំងពិភពលោក បានកើនឡើងដល់ជាងកន្លះ លាននាក់ និងមានអ្នកស្លាប់ច្រើនជាង 20,000នាក់ហើយ ដែលនេះជា “ស្ថិតិដ៏គួរឱ្យសោកសៅ” បំផុត។ WHO បានបញ្ជាក់ថា ចំនួនអ្នកឆ្លងមេរោគកូវីដ-19 ទូទាំងពិភពលោកបានកើនឡើងដល់ 509,164នាក់ គិតត្រឹមម៉ោង10 ម៉ោងនៅអឺរ៉ុប នៃថ្ងៃសុក្រ ទី27 មីនា ដោយវីរុសបានឆ្លងសាយភាយទូទាំងប្រទេស និងភូមិភាគ ជាង 200កន្លែង និងធ្វើឱ្យមានអ្នកស្លាប់ច្រើនរហូតដល់ 23,335នាក់។ លោក ថេដ្រូស អាត់ហាណូម គីប្រ៊ីយេស៊ុស ប្រធានអង្គការសុខភាពពិភពលោក បានថ្លែងថា នៅតែត្រូវរង់ចាំយ៉ាងហោចណាស់ក៏ 12-18ខែទៀតដែរ ទម្រាំនឹងមានវ៉ាក់សាំងការពារមេរោគមួយនេះ…។ លោកព្រមទាំងបាននិយាយសង្កត់ធ្ងន់ទៅលើភាពចាំបាច់យ៉ាងបន្ទាន់ក្នុងការព្យាបាលអ្នកជំងឺ និងបន្ថយចំនួនអ្នកស្លាប់ ទៀតផង។ “ការសាកល្បងដែលបានរួមដៃគ្នាជាធ្លុងមួយ មានន័យអំពីការសាកល្បងខាងការព្យាបាលរបស់ប្រទេសជាច្រើន ដើម្បីស្វែងរកវិធីព្យាបាលជំងឺដែលបណ្ដាលមកពីវីរុសកូវីដ-19 គឺជាការសាកល្បងជាប្រវត្តិសាស្ត្រ ដែលវានឹងជួយឱ្យការពិសោធភ័ស្តុតាងពាក់ព័ន្ធនឹងថ្នាំដែលមានប្រសិទ្ធផលខាងការព្យាបាល” លោក ថេដ្រូស បានប្រកាសថា អ្នកជំងឺ 1ឈុតដំបូងនៅក្នុងប្រទេសន័រវេយ៍ … Read more

អតីតរដ្ឋមន្ត្រីរបស់បារាំងម្នាក់ បានបាត់ស្លាប់ដោយសារ COVID-19

March 29, 2020 by សឿន សំណាង

អតីតរដ្ឋមន្ត្រីរបស់បារាំងម្នាក់បាត់បង់ជីវិតដោយសារ COVID-19

លោក Patrick Devedjian អាយុ75ឆ្នាំ ដែលជាអតីតរដ្ឋមន្ត្រីម្នាក់របស់ប្រទេសបារាំង បានក្លាយជាអ្នកនយោបាយជាន់ខ្ពស់ដំបូងបង្អស់របស់ប្រទេសនេះ បានស្លាប់ដោយសារ COVID-19។ Patrick Devedjian គឺជារដ្ឋមន្ត្រីទទួលបន្ទុកដោះស្រាយបញ្ហាសេដ្ឋកិច្ចរបស់ប្រទេសបារាំង ក្រោយវិបត្តិហិរញ្ញវត្ថុឆ្នាំ2008។ លោកក៏ធ្លាប់ធ្វើជាទីប្រឹក្សាផ្ទាល់របស់អតីតប្រធានាធិបតីបារាំង Nicolas Sarkozy ផងដែរ។ អតីតរដ្ឋមន្ត្រីរូបនេះ បានប្រកាសថា លោកមានរោគសញ្ញាឆ្លង COVID-19 កាលពីថ្ងៃទី25មិនា។ លោក Devedjian ធ្លាប់បានកាន់កាប់តំណែងជាច្រើន តាំងពីបានចូលប្រលូកក្នុងឆាកនយោបាយចាប់ពីឆ្នាំ1983។ លោកក៏ធ្លាប់បានធ្វើជាអភិបាលក្រុង Antony មុនពេលចូលកាន់តំណែងប្រធានតំបន់ Haut-de-Seine នៅជាយក្រុងភាគខាងលិចនៃរដ្ឋធានីបារីស។ គិតមកដល់ពេលនេះ ប្រទេសបារាំង បានរកឃើញអ្នកជំងឺ COVID-19 ចំនួន38,105នាក់ ក្នុងនោះមាន 2,317នាក់បានបាត់បង់ជីវិត និងជិត6,000នាក់បានជាសះស្បើយ៕ ប្រភព៖ សារព័ត៌មានបរទេស

រដ្ឋមន្ត្រីហិរញ្ញវត្ថុអាល្លឺម៉ង់ ស្លាប់ដោយសារធ្វើអត្តឃាត ព្រោះតែបារម្ភអំពី COVID-19

March 29, 2020March 29, 2020 by សឿន សំណាង

Thomas Schaefer ជារដ្ឋមន្ត្រីក្រសួងហិរញ្ញវត្ថុរបស់រដ្ឋ Hesse នៃប្រទេសអាល្លឺម៉ង់ ត្រូវបានគេរាយការណ៍ថា បានធ្វើអត្តឃាតព្រោះតែ “មានការបារម្ភជ្រុល” អំពីវិធានការទប់ទល់នឹងហានិភ័យដួលរលំនៃសេដ្ឋកិច្ចជាតិ ដោយសារតែ COVID-19។ Schaefer មានអាយុ54ឆ្នាំ ត្រូវបានប្រទះឃើញដេកស្លាប់នៅក្បែរផ្លូវរថភ្លើងមួយកន្លែងកាលពីថ្ងៃទី28មីនាកន្លងទៅ។ ការិយាល័យរដ្ឋអាជ្ញានៃតុលាការក្រុង Wiesbaden បានឱ្យដឹងថា ពួកគេជឿថា រដ្ឋមន្ត្រីរូបនេះ បានធ្វើអត្តឃាត។ “យើងពិតជាតក់ស្លុតខ្លាំងណាស់…។ យើងពិតជាមានការសង្វេគខ្លាំងណាស់” អភិបាលរដ្ឋ Hesse លោក Volker Bouffier មានប្រសាសន៍បែបនេះនៅក្នុងសេចក្ដីប្រកាសរបស់លោក បន្ទាប់ពីករណីខាងលើបានកើតឡើង។ លោក Bouffier បានឱ្យដឹងថា លោក Schaefer បានកាន់កាប់តំណែងរដ្ឋមន្ត្រីហិរញ្ញវត្ថុនៃរដ្ឋ Hesse អស់រយៈពេល10ឆ្នាំមកហើយ។ លោកបានខិតខំប្រឹងប្រែង “មិនថាយប់ថ្ងៃ” ដើម្បីជួយដល់ក្រុមហ៊ុននានា និងកម្មករទូទៅ ក្នុងការប្រយុទ្ធប្រឆាំងនឹងផលប៉ះពាល់សេដ្ឋកិច្ចពី COVID-19។ អភិបាលរដ្ឋ Hesse បានថ្លែងថា “យើងជឿថា គាត់ពិតជាមានការព្រួយបារម្ភខ្លាំងណាស់។ នេះពិតជាដំណាក់កាលដ៏លំបាកដែលយើងត្រូវការមនុស្សដូចគាត់”។ Schaefer កន្លងមកនេះ ត្រូវបានគេយល់ថាជាអ្នកបន្តវេនរបស់អភិបាលរដ្ឋ Hesse គឺលោក Bouffier។ … Read more

ហ្វីលីពីន៖ យន្តហោះដឹកអ្នកជំងឺឆ្ពោះទៅកាន់ជប៉ុន ផ្ទុះឆេះនៅព្រលានយន្តហោះ Ninoy Aquino

March 29, 2020 by សឿន សំណាង

យន្តហោះដឹកមនុស្ស8នាក់ ក្នុងនោះមានអ្នកជំងឺម្នាក់ បានផ្ទុះឆេះ និងជ្រុលចេញផុតពីផ្លូវនៃព្រលានយន្តហោះ Ninoy Aquino ក្នុងរដ្ឋធានីម៉ានីល ប្រទេសហ្វីលីពីន។ យន្តហោះធន់តូច IAI Westwind ត្រូវបានគេឱ្យដឹងថា ជាយន្តហោះដែលរដ្ឋាភិបាលប្រទេសហ្វីលីពីនជួលដើម្បីដឹកអ្នកជំងឺម្នាក់ទៅកាន់ប្រទេសជប៉ុន។ យន្តហោះ ដែលមានស្លាកលេខ RP-C5880នេះ បានចាប់ផ្ដើមហោះហើរនៅវេលាម៉ោង20 ថ្ងៃទី29មីនា។ ក្នុងពេលចាប់ផ្ដើមហោះហើរ យន្តហោះនេះស្រាប់តែឆេះសន្ធោសន្ធៅ និងធ្លាក់ចេញពីផ្លូវក្នុងព្រលានយន្តហោះ។ កងកម្លាំងពន្លត់អគ្គិភ័យត្រូវប្រើពេលដល់ទៅ1ម៉ោង ទើបអាចពន្លត់ភ្លើងឆេះយន្តហោះនេះបាន។ អ្នកយកព័ត៌មានក្នុងស្រុក Dexter Cabalza បានឱ្យដឹងថា យន្តហោះនេះដឹកមនុស្ស8នាក់ ក្នុងនោះមានបុគ្គលិកសុខាភិបាល3នាក់ និងអ្នកជំងឺម្នាក់។ សារព័ត៌មាន Reuters បានចេញផ្សាយថា មនុស្សទាំង8នាក់នៅលើយន្តហោះនេះ បានបាត់បង់ជីវិត។ ចំណែកអ្នកជំងឺម្នាក់នៅលើយន្តហោះនេះ គេមិនទាន់ដឹងច្បាស់ថា ជាអ្នកជំងឺ COVID-19 ឬយ៉ាងណានោះដែរ។ នៅមុនពេលជួបគ្រោះថ្នាក់ យន្តហោះនេះបានហោះហើរជាច្រើនលើកជុំវិញបណ្ដាកោះរបស់ហ្វីលីពីន ដើម្បីដឹកជញ្ជូនឧបករណ៍វេជ្ជសាស្ត្រសំខាន់ៗ។ ទន្ទឹមនឹងនេះ យន្តហោះនេះក៏ធ្លាប់បានហោះទៅកាន់ប្រទេសជប៉ុន ប្រទេសថៃ និងកោះតៃវ៉ាន់ផងដែរ៕ ប្រភព៖ សារព័ត៌មានបរទេស

អ្នកជំនាញបកស្រាយ៖ ហេតុអ្វី កូវីដ-19 អាចសម្លាប់ជីវិតមនុស្សប្រុស ច្រើនជាងមនុស្សស្រី?

March 29, 2020 by សឿន សំណាង

ទីភ្នាក់ងារព័ត៌មាន ស៊ីនហួ បានរាយការណ៍ថា ជំងឺឆ្លងដោយសារមេរោគវីរុសកូរ៉ូណាប្រភេទថ្មី(កូវីដ-19) ដែលកំពុងតែរាតត្បាតទូទាំងពិភពលោកនាពេលបច្ចុប្បន្ននេះ មានសញ្ញាថា បានសម្លាប់ជីវិតអ្នកជំងឺ “ភេទប្រុស” ច្រើនជាងអ្នកជំងឺ “ភេទស្រី”។ ក្រុមអ្នកជំនាញការ បានផ្ដល់ការយល់ឃើញថា ក្រៅពីសភាវរាងកាយមិនសូវរឹងមាំ និស្ស័យចូលចិត្តកាត់បន្ថយសុខភាពខ្លួនឯង ដូចជាការជក់បារី និងផឹកគ្រឿងស្រវឹង ដែលអាចបំផ្លាញសួតហើយនោះ ឥទ្ធិពលពីអ័រម៉ូនក្នុងការតបស្នងរបស់ប្រព័ន្ធប្រឆាំងជំងឺ អាចមានតួនាទីសំខាន់នៅក្នុងបាតុភូតនេះផងដែរ…។ លោកស្រីវេជ្ជបណ្ឌិត ដេប្រាហ៍ ប៊ើស ប្រធានកងប្រតិបត្តិការកូវីដ-19 ជនជាតិអាមេរិក ប្រចាំសេតវិមាន បានលើកឡើងនៅក្នុងសេចក្ដីថ្លែងការណ៍ប្រចាំថ្ងៃថា មានរបាយការណ៍ពីប្រទេសអ៊ីតាលី ដែលបានបង្ហាញឱ្យឃើញពីការស្លាប់បាត់បង់ជីវិតដោយសារមេរោគវីរុសកូវីដ-19 របស់មនុស្សប្រុសគ្រប់អំឡុងវ័យ មានអត្រាខ្ពស់ជាងមនុស្សស្រី…ដែលនេះជា “សញ្ញាដ៏គួរឱ្យវិតក្កកង្វល់មួយ”។ ស្ថិតិ ពីអង្គភាពសាធារណៈសុខាភិបាលអ៊ីតាលី បានបញ្ជាក់ថា បុរសមានអត្រាច្រើនដល់ទៅ 58ភាគរយនៃអ្នកជំងឺកូវីដ-19 ទាំងអស់ 13,882នាក់ ហើយ 72% នៃអ្នកជំងឺដែលស្លាប់ក្នុងអំឡុងថ្ងៃទី 21កុម្ភៈ-12 មីនា ដោយមនុស្សប្រុសដែលចូលមន្ទីរពេទ្យមានសញ្ញាថា បានស្លាប់ច្រើនជាងមនុស្សស្រីច្រើនដល់ទៅ 75%។ ខណៈដែលស្ថិតិពីប្រទេសផ្សេងៗ ក៏បានរកឃើញដូចគ្នាដែរថា មនុស្សប្រុសបានស្លាប់ដោយសារវីរុសកូវីដ-19 ច្រើនជាងមនុស្សស្រី។ មជ្ឈមណ្ឌលគ្រប់គ្រង និងការពាររោគ នៃប្រទេសចិន(CCDC) បានចង្អុលបង្ហាញថា ការស្លាប់របស់មនុស្សប្រុសដែលបានទទួលការអះអាងហើយថា … Read more

COVID-19! តួលេខចុងក្រោយ៖ មនុស្សជាង30,000នាក់បានស្លាប់ដោយសារជំងឺរលាកសួតប្រភេទថ្មីនៅទូទាំងពិភពលោក

March 29, 2020 by សឿន សំណាង

តួលេខនៃការស្លាប់ដោយសារវីរុសCOVID-19 នៅទូទាំងពិភពលោក បានកើនឡើងយ៉ាងឆាប់រហ័ស ពិសេសគឺនៅអឺរ៉ុប និងសហរដ្ឋអាមេរិក នាំឱ្យករណីស្លាប់សរុបកើនដល់30,851នាក់ ក្នុងចំណោមអ្នកផ្ទុកវីរុស662,967នាក់។ ករណីស្លាប់ដោយសារវីរុសCOVID-199 នៅទូទាំងពិភលោកមាន30,671ករណី ក្នុងនោះ អឺរ៉ុបមាន2/3។ ចំណែកអ៊ីតាលីវិញមាន1/3 ក្នុងចំណោមករណីស្លាប់នៅទូទាំងពិភពលោក ដោយប្រទេសនេះមានអ្នកស្លាប់10,023ករណី។ សហរដ្ឋអាមេរិកបន្តជាសម្បុកមេរោគCOVID-19 ធំជាងគេក្នុងលោក ដោយមានអ្នកផ្ទុកមេរោគចំនួន123,313ករណី អ្នកស្លាប់2,211ករណី និងជាសះស្បើយ3,231ករណី។ ករណីស្លាប់នៅសហរដ្ឋអាមេរិកបានកើនឡើងទ្វេដងក្នុងរយៈពេល3ថ្ងៃមកនេះ។ អ៊ីតាលីជាសម្បុកមេរោគធំលំដាប់ទី2ក្នុងពិភពលោក៖ ករណីឆ្លងមេរោគថ្មី5,974នាក់ អ្នកឆ្លងមេរោគសរុប92,472នាក់ អ្នកស្លាប់ថ្មី889នាក់ អ្នកស្លាប់សរុប10,023នាក់។ អេស្ប៉ាញជាសម្បុកមេរោគធំលំដាប់ទី2 នៅអឺរ៉ុប៖ ករណីឆ្លងមេរោគថ្មី7,516នាក់ អ្នកឆ្លងមេរោគសរុប73,235 នាក់ អ្នកស្លាប់ថ្មី844នាក់ អ្នកស្លាប់សរុប5,982នាក់។ អាល្លឺម៉ង់ជាសម្បុកមេរោគធំទី5ក្នុងពិភពលោក៖ អ្នកឆ្លងមេរោគថ្មី6,824ករណី អ្នកស្លាប់ថ្មី82នាក់ អ្នកឆ្លងមេរោគសរុប57,695ករណី និងអ្នកស្លាប់សរុប433ករណី។ បារាំង៖ មានអ្នកឆ្លងមេរោគថ្មី4,611ករណី អ្នកឆ្លងមេរោគសរុប37,573នាក់ អ្នកស្លាប់ថ្មី319ករណី និងអ្នកស្លាប់សរុប2,314ករណី។ អង់គ្លេសមានអ្នកឆ្លងមេរោគថ្មី2,546ករណី អ្នកស្លាប់ថ្មី260ករណី អ្នកឆ្លងសរុប17,089ករណី និងអ្នកស្លាប់សរុប1,019ករណី។ អ៊ីរ៉ង់គឺជាសម្បុកមេរោគធំទី2នៅអាស៊ី បន្ទាប់ពីប្រទេសចិន ដោយមានអ្នកឆ្លងមេរោគថ្មី3,076ករណី អ្នកស្លាប់ថ្មី139ករណី អ្នកឆ្លងមេរោគសរុប35,408ករណី អ្នកស្លាប់សរុប2,517ករណី៕ ប្រភព៖ សារព័ត៌មានបរទេស