ធាតុអាកាសស្ងួតៗ ក្នុងរដូវរងា មិនមែនបំផ្លាញតែស្បែកប៉ុណ្ណោះទេ សក់របស់អ្នក ក៏ត្រូវភាពស្ងួតនៅក្នុងអាកាស ប្រមូលយកសំណើម និងភាពស្រស់បស់ទៅបាត់អស់ដែរ ទើបធ្វើឱ្យសក់ឡើងស្ងួត ងាយជំពាក់គ្នា និងថែមទាំងងាយជ្រុះទៀតផង។ ដូច្នេះហើយ ទើបក្នុងរដូវត្រជាក់ យើងត្រូវតែមានវិធីមើលថែទាំសរសៃសក់ តាមរយៈគន្លឹះល្អៗ 5យ៉ាង សម្រាប់សុភាពនារី ដូចខាងក្រោម ៖
- ប្រើ ខន់ឌីស្សឹននើរ៍(Conditioner)រៀងរាល់ពេលកក់សក់
នៅក្នុងធាតុអាកាសត្រជាក់ដែលស្ងួត និងមានខ្យល់បក់ទៀតផងនោះ អាចធ្វើឱ្យសរសៃសក់របស់អ្នកបាត់បង់សំណើមបានដោយងាយ ដូច្នេះនារីៗយើង ត្រូវតែយកចិត្តទុកដាក់ក្នុងការផ្តល់ភាពស្រស់បស់ដល់សរសៃសក់ឡើងវិញ ដោយការប្រើឃ្រីម ខន់ឌិស្សឹននើរ៍ គ្រប់ពេល ក្រោយការកក់សក់ និងការធ្វើម៉ាសក៍សក់(អប់សក់) ជាប្រចាំ ដែលយើងអាចធ្វើបានដល់ទៅ 2ដងក្នុង 1សប្តាហ៍។
2. កុំទុកឱ្យសក់សើមយូរពេក
ក្នុងរដូវត្រជាក់ សក់ច្រើនតែក្រស្ងួត ជាងប្រក្រតី ហើយអ្នកក៏មិនគួរចេញពីផ្ទះ ទៅទាំងសក់នៅសើមបែបនោះដែរ ព្រោះនៅពេលអ្នកប៉ះនឹងខ្យល់ដែលបក់មក សក់នឹងជំពាក់គ្នា។ រឹតតែសក់ដែលនៅមិនទាន់ស្ងួតផងនោះនឹងរឹតតែជំពាក់គ្នាខ្លាំងទៅទៀត។ ធ្វើឱ្យសក់ឡើងរញ៉េរញ៉ៃ និងមិនងាយសិតឱ្យស្រួលឡើងវិញទៀតផង។
3. បន្ថែមភាពស្រស់ស្អាត ព្រមទាំងការពារសក់ ដោយមួកអំបោះចាក់
វត្ថុតែងខ្លួនស្អាតៗ ប្រចាំរដូវត្រជាក់ ដូចជា មួកអំបោះចាក់ ជាដើមនេះ គឺជាអ្វី ដែលគួរឱ្យយកមកតុបតែងខ្លួនជាទីបំផុត ព្រោះវានឹងជួយការពារសក់របស់អ្នក ពីការបាត់បង់សំណើមបានយ៉ាងល្អ និងថែមទាំងធ្វើឱ្យក្បាលកក់ក្តៅទៀតផង។
4. ធ្វើម៉ាស្សាស្បែកក្បាល ដោយប្រេង មុនចូលគេង
ក្នុងរដូវរងា ចូរប្រើប្រេងបន្តិច ម៉ាស្សាស្បែកក្បាលឱ្យសព្វ ហើយគេងទាំងអ៊ីចឹងតែម្តង។ ប្រេងនឹងជួយរក្សានិងបន្ថែមសំណើមដល់ស្បែកក្បាល ដែលស្ងួត ងាយរបក ក្នុងរដូវត្រជាក់ ឱ្យមានសំណើម និងស្រស់បស់ឡើងវិញ ធ្វើឱ្យឫសសក់រឹងមាំ ហុចផលឱ្យសរសៃសក់ទាំងមូលមានសុខភាពរឹងមាំ។
5. ធាតុអាកាសត្រជាក់ មិនបាច់កក់សក់ញឹកញាប់ពេកក៏បាន
ការកក់សក់ គឺជាការលាងសម្អាត យកជាតិប្រេងដែលចិញ្ចឹមសរសៃសក់ និងស្បែកក្បាល តាមធម្មជាតិចេញ។ ក្នុងរដូវត្រជាក់ ដែលធាតុអាកាសស្ងួត ធ្វើឱ្យសរសៃសក់ និងស្បែកក្បាលស្ងួតជាងប្រក្រតីស្រាប់ទៅហើយ ដូច្នេះការផ្អាក ឬពន្យារការកក់សក់ ឱ្យឃ្លាតឆ្ងាយពីគ្នាយូរថ្ងៃបន្តិច នឹងធ្វើឱ្យជាតិប្រេងដែលស្រោបការពារ និងចិញ្ចឹមសរសៃសក់ និងស្បែកក្បាល នៅតែបំពេញតួនាទីបានល្អដដែល៕
នៅទូទាំងពិភពលោក បច្ចុប្បន្ន មានមនុស្សចំនួន 163,721,530នាក់ បានឆ្លង Covid-19 ក្នុងនោះមាន 3,393,409នាក់បានស្លាប់, 142,188,055នាក់បានជាសះស្បើយ និង18,140,066នាក់កំពុងព្យាបាល៕
លោកយាយ ថាឃិឈិម៉ាក់ កើតនៅថ្ងៃទី15 ខែមករា ឆ្នាំ1931 បាននិយាយរៀបរាប់អំពីការក្លាយជាគ្រូបង្វឹកហាត់ប្រាណនេះថា លោកយាយរៀបការតាំងពីអាយុ 29ឆ្នាំ បន្ទាប់ពីនោះ ក៏បំពេញតួនាទីជាមេផ្ទះរហូតមក ធ្វើឱ្យមិនសូវមានពេលវេលាមើលថែទាំខ្លួនឯងប៉ុន្មានឡើយ និងត្រូវគេសួរនាំរឿងទម្ងន់ខ្លួន(ធាត់)ជាប្រចាំ។ រហូតដល់អាយុ 65ឆ្នាំ ទើបសម្រេចចិត្តធ្វើការហាត់ប្រាណយ៉ាងពិតប្រាកដ។
«ខ្ញុំចូលក្លិបហ្វ៊ីតនេសហាត់ប្រាណ ព្រោះត្រូវការសម្រកទម្ងន់តែប៉ុណ្ណោះ ពេលសម្រកបានសម្រេចហើយ តមក ខ្ញុំក៏ចង់បានរាងកាយផ្នែកខាងក្រោមឱ្យរឹងប៉ឹង និងតាមដោយការចង់បានស្មាបើកធំ និងចង្កេះរៀវ ហើយនៅពេលដឹងខ្លួនម្ដងទៀត ខ្ញុំក៏កំពុងបង្ហាត់ក្បាច់ហាត់ប្រាណដល់អ្នកឯទៀតទៅហើយ»
ឧទាហរណ៍ដូចជា អាហារពេលព្រឹក លោកយាយនឹងទទួលទាន ណាត់តូ ស៊ុតឆៅ បន្លែជ្រក់ ស៊ុបមីសូ និងផ្សេងៗទៀត ដែលល្អចំពោះពោះវៀន និងប្រព័ន្ធរំលាយអាហារ។ អាហារថ្ងៃត្រង់ នឹងទទួលទានបែបស្រាលៗដូចជា ផ្លែចេក យ៉ាអួ ចំណែកអាហារពេលល្ងាច មានបន្លែភាគច្រើន និងញ៉ាំស្រាក្រហម 1កែវពេញ។
ការក្លាយមកជាគ្រូបង្វឹកហ្វ៊ីតនេស ឬគ្រូបង្វឹកហាត់ប្រាណនៅពេលដែលអាយុច្រើនបែបនេះ មិនមែនជារឿងងាយឡើយ តេក៏មិនមែនជារឿងពិបាកដែរ ដោយលោកយាយថាឃិឈិម៉ាក់ យល់ឃើញថា បើយើងធ្វើបានល្អបំផុត ព្យាយមឱ្យដល់ទីបំផុត យើងក៏អាចទទួលបានជោគជ័យដែរ និងដែលសំខាន់អាយុ គ្រាន់តែជាតួលេខ គ្មាននរណាចាស់ហួសនឹងចាប់ផ្ដើមអ្វីមួយនោះឡើយ៕