នាព្រឹកថ្ងៃទី 9 កញ្ញានេះ រដ្ឋបាលរាជធានីភ្នំពេញ តាមរយៈទំព័រ Facebook បានចេញប្រកាស សម្រេចផ្អាកបណ្ដោះអាសន្នរាល់សម្មភាពការងារ និងអាជីវកម្មដែលមានហានិភ័យឆ្លងរាលដាល COVID-19 នៅក្នុងសហគមន៍។
ការផ្អាកនេះនឹងមានរយៈពេល 14 ថ្ងៃ ដោយមានសុពលភាពចាប់ពីថ្ងៃទី 10 ខែកញ្ញា ឆ្នាំ 2021 ដល់ថ្ងៃទី 23 ខែកញ្ញា ឆ្នាំ 2021 ដើម្បីទប់ស្កាត់ការឆ្លងរាលដាលនៃវីរុស COVID-19 នៅក្នុងសហគមន៍។
ព័ត៌មានលម្អិត សូមអានសេចក្ដីប្រកាសរបស់រដ្ឋបាលរាជធានីភ្នំពេញ ដូចខាងក្រោម៖
ក្រុមអង្គការដែលដឹកនាំកម្មវិធី COVAX បានឱ្យដឹងថា ប្រភពវ៉ាក់សាំងបង្ការ COVID-19 សម្រាប់ចែករំលែកដល់បណ្ដាប្រទេសក្រីក្រ នៅក្នុងឆ្នាំនេះ ត្រូវថយចុះ 30% ធៀបនឹងគោលដៅ 2 ពាន់លានដូស។
គោលដៅបែងចែកវ៉ាក់សាំង COVID-19 ចំនួន 2 ពាន់លានដូស សម្រាប់បណ្ដាប្រទេសក្រីក្រ នឹងត្រូវបានកាត់បន្ថយ 30% មកនៅត្រឹម 1.425 ពាន់លានដូស ក្នុងឆ្នាំ 2021 នេះបើតាមប្រកាសរួមដែលត្រូវបានសម្ព័ន្ធវ៉ាក់សាំង Gavi, អង្គការសុខភាពពិភពលោក (WHO), UNICEF និង សម្ព័ន្ធផ្លាស់ប្ដូរការច្នៃប្រឌិតថ្មី ត្រៀមសម្រាប់រោគរាតត្បាត (CEPI) ដែលបានចេញផ្សាយកាលពីថ្ងៃទី 8 កញ្ញា។
ក្រុមអង្គការខាងលើឱ្យដឹងថា មានមូលហេតុជាច្រើនដែលនាំឱ្យមានការកាត់បន្ថយការផ្គត់ផ្គង់វ៉ាក់សាំងនេះ ក្នុងនោះមានទាំងបញ្ហាកាត់បន្ថយការនាំចេញ និងបញ្ហាផលិតរបស់បណ្ដាក្រុមហ៊ុន ដូចជា វិទ្យាស្ថានសេរ៉ូមឥណ្ឌា, ក្រុមហ៊ុន Johnson & Johnson និង AstraZeneca ក៏ដូចជាបញ្ហាយឺតយ៉ាវក្នុងការអនុម័តវ៉ាក់សាំងថ្មីនៅ សហរដ្ឋអាមេរិក និង ចិនផងដែរ។
Seth Berkley ប្រធានអង្គការ Gavi ថ្លែងថា៖ «នេះគឺជាបញ្ហាអាក្រក់សម្រាប់ពិភពលោក ព្រោះយើងបានឃើញហើយអំពីផលប៉ះពាល់ដ៏ធ្ងន់ធ្ងរកើតឡើងនៅពេលវីរុសឆ្លងរាលដាលដោយមិនអាចគ្រប់គ្រងបាន»។
ប្រកាសរួមខាងលើឱ្យដឹងដែរថា គោលដៅផ្គត់ផ្គង់វ៉ាក់សាំង 2 ពាន់លានដូស គ្រោងនឹងសម្រេចបាននៅក្នុងត្រីមាសដំបូងនៃឆ្នាំ 2022។
គិតមកដល់បច្ចុប្បន្ន វ៉ាក់សាំង 5.56 ពាន់លានដូស ត្រូវបានចាក់នៅទូទាំងសកលលោក ដោយមធ្យមភាគក្នុង 1 ថ្ងៃ ចាក់បាន 31.23 លានដូស។ ក៏ប៉ុន្តែ ប្រហែល 80% ក្នុងចំណោមនោះ ត្រូវបានចាក់នៅក្នុងបណ្ដាប្រទេសអ្នកមាន។ ជាង 41% នៃប្រជាជនសរុបរបស់ពិភពលោក បានទទួលការចាក់វ៉ាក់សាំងយ៉ាងតិច 1 ដូសរួចហើយ ប៉ុន្តែ អត្រានេះនៅក្នុងបណ្ដាប្រទេសក្រីក្រគឺត្រឹមតែ 1.9% ប៉ុណ្ណោះ៕
ក្រសួងសុខាភិបាលវៀតណាម កាលពីថ្ងៃទី 8 កញ្ញា បានប្រកាសថា បាន និងកំពុងសហការជាមួយក្រុមហ៊ុន បារាំង ក្នុងការពិសោធលើមនុស្សដំណាក់កាលទីបី និងទទួលបច្ចេកវិទ្យាផលិតអង្គបដិប្រាណប្រភេទ polyclonal ដែលមានឈ្មោះថា XAV-19 សម្រាប់ព្យាបាលជំងឺ COVID-19។
ធាតុរាវសម្រាប់បញ្ចូលក្នុងសរសៃឈាមរបស់ XAV-19 គឺជាអង្គបដិប្រាណសម្រាប់ព្យាបាលអ្នកជំងឺ COVID-19 កម្រិតមធ្យម។ ថ្នាំនេះត្រូវបានក្រុមហ៊ុន បារាំង Xenothera អភិវឌ្ឍ ដោយយោងទៅលើបច្ចេកវិទ្យាផលិតអង្គបដិប្រាណរបស់ក្រុមហ៊ុននេះផ្ទាល់ ដែលរួមផ្សំរវាងវិស័យជាតិពន្ធុវិទ្យា និងប្រព័ន្ធស៊ាំវិទ្យា។ លទ្ធផលនៃការពិសោធលើមនុស្សដំណាក់កាលទីមួយ និងទីពីរ បង្ហាញថា «ថ្នាំមានសុវត្ថិភាព ប្រសិទ្ធភាពល្អ ក្នុងការទប់ស្កាត់មិនឱ្យជំងឺវិវឌ្ឍទៅជាធ្ងន់ធ្ងរ និងមានប្រសិទ្ធភាពក្នុងការបន្សាបវីរុស និងកាត់បន្ថយរលាក» នេះបើតាមក្រសួងសុខាភិបាល។
ថ្នាំ XAV-19 ក៏មានប្រសិទ្ធភាពក្នុងការទប់ទល់នឹងវីរុសបំប្លែងថ្មីនានារបស់ COVID-19 ដែលត្រូវបានរកឃើញកន្លងមក។ ថ្នាំនេះក៏អាចបង្កើតភាពស៊ាំភ្លាមៗ និងរារាំងវីរុសជ្រៀតចូលក្នុងកោសិកា។
XAV-19 កំពុងត្រូវបានពិសោធលើមនុស្សដំណាក់កាលទីបី នៅប្រទេសបារាំង និងប្រទេសមួយចំនួននៅអឺរ៉ុប។ ថ្នាំនេះក៏នឹងត្រូវបានផ្គត់ផ្គង់នៅប្រទេសបារាំង បន្ទាប់ពីទទួលបានការអនុម័តឱ្យប្រើប្រាស់បន្ទាន់។
អ្នកស្រី Odile Duvaux ប្រធានក្រុមហ៊ុន Xenothera ឱ្យដឹងថា ក្រុមហ៊ុននេះបានត្រៀមខ្លួនសហការពិសោធលើមនុស្សដំណាក់កាលទីបីនៅ វៀតណាម និងផ្ទេរបច្ចេកវិទ្យាក្នុងការផលិត។ ចំណែកអនុរដ្ឋមន្ត្រីសុខភិបាល វៀតណាម Tran Van Thuan អះអាងថា វៀតណាម ក៏បានត្រៀមខ្លួនជាស្រេច ក្នុងកិច្ចសហការនេះផងដែរ៕
– ឆ្លងថ្មី = 596 នាក់
– ជាសះស្បើយថ្មី = 397 នាក់
– ស្លាប់ថ្មី = 6 នាក់។
– ករណីឆ្លងក្នុងសហគមន៍ 419 នាក់
– អ្នកដំណើរពីបរទេស 177 នាក់
– អ្នកឆ្លងសរុប = 96,935 នាក់
– អ្នកជាសះស្បើយសរុប = 92,015 នាក់
– អ្នកស្លាប់ = 1,987 នាក់
– អ្នកឆ្លងសរុប= 222,777,304 នាក់
– អ្នកជាសះស្បើយ= 199,304,747 នាក់
– អ្នកស្លាប់= 4,600,073 នាក់
– អ្នកកំពុងព្យាបាល = 18,872,484 នាក់៕
ប្រទេសចិន បានចាក់វ៉ាក់សាំងបង្ការ COVID-19 ជាង 2 ពាន់លានដូស ដោយប្រើប្រាស់ផលិតផលក្នុងស្រុក ក្នុងនោះមានជាង 969 លាននាក់បានទទួលការចាក់រួចរាល់។
លោក Mi Feng អ្នកនាំពាក្យរបស់គណៈកម្មការសុខាភិបាលជាតិចិន (NHC) បានឱ្យដឹងថា គិតត្រឹមថ្ងៃទី 6 កញ្ញា ប្រទេសចិន បានចាក់វ៉ាក់សាំង COVID-19 ជាង 2.11 ពាន់លានដូស។ ប្រទេសនេះកំពុងប្រើប្រាស់វ៉ាក់សាំងចំនួន 7 ប្រភេទ ដើម្បីចាក់ឱ្យពលរដ្ឋ។
អ្នកនាំពាក្យខាងលើឱ្យដឹងថា ពលរដ្ឋជាង 969.9 លាននាក់បានទទួលការចាក់វ៉ាក់សាំងរួចរាល់។ ក្នុងចំណោមវ៉ាក់សាំងបង្ការ COVID-19 ទាំង 7 ប្រភេទដែល ចិន ពុងប្រើប្រាស់ មាន 5 ប្រភេទចាក់ 2 ម្ជុលគឺរួចរាល់, 1 ប្រភេទចាក់តែ 1 ម្ជុល និង 1 ប្រភេទចាក់ 3 ម្ជុល។
កាលពីខែកក្កដា និងខែសីហា ចិនបានចាក់វ៉ាក់សាំងប្រហែល 13 លានដូសជារៀងរាល់ថ្ងៃ ទាបជាងមធ្យមភាគ 19 លានដូសក្នុងមួយថ្ងៃកាលពីខែមិថុនា។ ប្រទេសនេះគ្រោងនឹងចាក់វ៉ាក់សាំងបង្ការ COVID-19 ដល់ពលរដ្ឋ 1.1 ពាន់លាននាក់រួចរាល់ នៅចុងខែតុលាខាងមុខ។
ក្រុមអ្នកជំនាញផ្នែកសុខាភិបាលយល់ថា ប្រទេសចិនត្រូវការចាក់វ៉ាក់សាំងដល់ពលរដ្ឋឱ្យបានច្រើនជាង 80% ដើម្បីទទួលបានភាពស៊ាំក្នុងសង្គម ដែលនេះប្រហាក់ប្រហែលនឹង 1.12 ពាន់លាននាក់ នៅក្នុងចំណោមប្រជាជនចិន សរុបជាង 1.4 ពាន់លាននាក់។
ប្រទេសចិន បានផ្គត់ផ្គង់វ៉ាក់សាំង COVID-19 ប្រមាណ 1 ពាន់លានដូសដល់ពិភពលោក។ ប្រធានាធិបតី ស៊ី ជីនពីង កាលពីខែមុនបានអះអាងថា ប្រទេសនេះនឹងព្យាយាមបញ្ជូនវ៉ាក់សាំងឱ្យបាន 2 ពាន់លានដូសដល់បណ្ដាប្រទេស នៅក្នុងឆ្នាំ 2021៕
– ឆ្លងថ្មី = 511 នាក់
– ជាសះស្បើយថ្មី = 487 នាក់
– ស្លាប់ថ្មី = 11 នាក់។
– ករណីឆ្លងក្នុងសហគមន៍ 359 នាក់
– អ្នកដំណើរពីបរទេស 152 នាក់
– អ្នកឆ្លង = 96,339 នាក់
– អ្នកជាសះស្បើយ = 91,618 នាក់
– អ្នកស្លាប់ = 1,981 នាក់
– អ្នកឆ្លងសរុប= 221,997,694 នាក់
– អ្នកជាសះស្បើយ= 198,606,051 នាក់
– អ្នកស្លាប់= 4,589,119 នាក់
– អ្នកកំពុងព្យាបាល = 18,802,524 នាក់៕
តួលេខ COVID-19 ថ្មី នៅ កម្ពុជា ក្នុងអំឡុង 24 ម៉ោង នៃថ្ងៃទី 05 កញ្ញា ឆ្នាំ 2021 រួមមាន៖
– ឆ្លងថ្មី = 528 នាក់,
– ជាសះស្បើយថ្មី = 447 នាក់,
– ស្លាប់ថ្មី = 13 នាក់។
ក្នុងនោះមានអ្នកឆ្លងថ្មីទាំង 528 នាក់ មាន៖
– ករណីឆ្លងសហគមន៍ 340 នាក់
– អ្នកដំណើរពីបរទេស 188 នាក់
គិតត្រឹមព្រឹកថ្ងៃទី 06 ខែកញ្ញា ឆ្នាំ 2021 តួលេខ COVID-19 សរុប នៅ កម្ពុជា រួមមាន៖
– ឆ្លងសរុប = 95,828 នាក់
– ជាសះស្បើយសរុប = 91,131 នាក់
– អ្នកស្លាប់សរុប = 1,970 នាក់។
តួលេខ COVID-19 នៅទូទាំងពិភពលោក គិតមកដល់ថ្ងៃនេះ រួមមាន៖
– អ្នកឆ្លងសរុប= 221,556,009 នាក់
– អ្នកជាសះស្បើយ= 198,063,983 នាក់
– អ្នកស្លាប់= 4,581,930 នាក់
– អ្នកកំពុងព្យាបាល = 18,910,096 នាក់៕
តួលេខ COVID-19 ថ្មី នៅ កម្ពុជា ក្នុងអំឡុង 24 ម៉ោង នៃថ្ងៃទី 03 កញ្ញា ឆ្នាំ 2021 រួមមាន៖ – ឆ្លងថ្មី = 422 នាក់, – ជាសះស្បើយថ្មី = 376 នាក់, – ស្លាប់ថ្មី = 13 នាក់។
គិតត្រឹមព្រឹកថ្ងៃទី 04 ខែកញ្ញា ឆ្នាំ 2021 តួលេខ COVID-19 សរុប នៅ កម្ពុជា រួមមាន៖ – ឆ្លងសរុប = 94,839 នាក់, – ជាសះស្បើយសរុប = 90,273 នាក់ និង – អ្នកស្លាប់សរុប = 1,950 នាក់។
តួលេខ COVID-19 នៅទូទាំងពិភពលោក គិតមកដល់ថ្ងៃនេះ រួមមាន៖ – អ្នកឆ្លងសរុប= 220,647,541 នាក់, – អ្នកជាសះស្បើយ= 197,149,966 នាក់, – អ្នកស្លាប់= 4,567,424 នាក់ និងកំពុងព្យាបាល = 18,930,151 នាក់៕
អាជ្ញាធរប្រទេសគុយបា បានចាប់ផ្ដើមយុទ្ធនាការចាក់វ៉ាក់សាំងបង្ការ COVID-19 ដល់កុមារចាប់ពីអាយុ 2 ឆ្នាំឡើងទៅ ដែលនេះគឺជាគន្លឹះមួយដើម្បីអាចបើកដំណើរការសាលារៀនឡើងវិញ នៅខែតុលាខាងមុខ។
កុមារ និងពលរដ្ឋដែលមានអាយុចាប់ពី 2 ឆ្នាំ ដល់ 18 ឆ្នាំ នឹងត្រូវបានចាក់វ៉ាក់សាំងមួយក្នុងចំណោមពីរប្រភេទដែលអភិវឌ្ឍដោយប្រទេសគុយបា នោះគឺវ៉ាក់សាំង Abdala និង Soberana ក្នុងនោះ ក្រុមគោលដៅដែលមានវ័យចាប់ពី 12 ដល់ 18 ឆ្នាំ នឹងត្រូវបានចាក់មុន បន្ទាប់មកគឺក្រុមកុមារវ័យក្រោម 12 ឆ្នាំ។
យុទ្ធនាការចាក់វ៉ាក់សាំងនេះត្រូវបានធ្វើឡើងក្នុងគ្រាដែលតួលេខអ្នកឆ្លង COVID-19 នៅ គុយបា បានកើនដល់ជាង 672,000 នាក់ និងស្លាប់ជាង 5,500 នាក់។
វីរុសបំប្លែងខ្លួនថ្មី Delta កំពុងរាតត្បាតប្រទេសកោះដែលមានប្រជាជន 11.2 លាននាក់នេះ។ ជិតពាក់កណ្ដាលក្នុងចំណោមជាង 5,500 នាក់ដែលបានស្លាប់ និងជិត 1/3 នៃករណីឆ្លងសរុបនៅ គុយបា ត្រូវបានរកឃើញនៅក្នុងខែសីហាកន្លងទៅ។
សាលារៀនស្ទើរតែទាំងអស់នៅ គុយបា បានបិទទ្វារចាប់ពីខែមីនា ឆ្នាំ 2020 ហើយសិស្សត្រូវតាមដានមេរៀនតាមរយៈទូរទស្សន៍ជាតិ។ ឆ្នាំសិក្សាថ្មីរបស់ គុយបា នឹងចាប់ផ្ដើមពីថ្ងៃទី 6 កញ្ញា ប៉ុន្តែ សិស្សសាលារបស់ប្រទេសនេះនឹងត្រូវបន្តរៀនពីចម្ងាយរហូតដល់ពួកគេបានទទួលការចាក់វ៉ាក់សាំងបង្ការ COVID-19 គ្រប់គ្នា។
រដ្ឋាភិបាល គុយបា ឱ្យដឹងថា ពួកគេមានផែនការបើកដំណើរការសាលារៀនឡើងវិញជាបណ្ដើរៗចាប់ពីខែតុលាតទៅ បន្ទាប់ពីយុទ្ធនាការចាក់វ៉ាក់សាំងដល់កុមារ និងក្មេងជំទង់បានបញ្ចប់៕
ការសិក្សាស្រាវជ្រាវមួយដែលផ្សាយនៅលើទំព័រ Medrxiv បានព្រមានថា COVID-19 ប្រភេទបំប្លែងថ្មីដែលមានឈ្មោះថា Mu អាចកាត់បន្ថយប្រសិទ្ធភាពរបស់វ៉ាក់សាំង និងអាចធ្វើឱ្យអ្នកជំងឺ ប្រឈមនឹងហានិភ័យត្រូវចូលពេទ្យខ្ពស់។
ក្រោយការតាមដានរយៈពេល 8 ខែ ចុងក្រោយ វ៉ារ្យ៉ង់មួយប្រភេទរបស់ COVID-19 ដែលរកឃើញដំបូងនៅ កូឡុំប៊ី កាលពីខែមករា ត្រូវបាន WHO បញ្ចូលឈ្មោះទៅក្នុងបញ្ជីនៃក្រុមវីរុសបំប្លែងខ្លួនថ្មីដែលគួរឱ្យយកចិត្តទុកដាក់។
វ៉ារ្យ៉ង់ថ្មីនេះ ត្រូវបានអង្គការសុខភាពពិភពលោក ដាក់ឈ្មោះថា Mu និងចាត់វាទៅក្នុងក្រុមវីរុសបំប្លែងថ្មីដែលមានគ្រោះថ្នាក់ប្រហាក់ប្រហែលគ្នានឹង Lambda, Kappa, Iota និង Eta។ នៅលំដាប់ខ្ពស់ជាងនេះមួយថ្នាក់ គឺមានបណ្ដាវ៉ារ្យ៉ង់ដែលគួរឱ្យព្រួយបារម្ភ រួមមាន Alpha, Beta, Gamma និង Delta។
វ៉ារ្យ៉ង់ Mu បានបង្ហាញវត្តមាននៅក្នុងប្រទេសជាង 40 រួចមកហើយ។ Mu ត្រូវបានរកឃើញច្រើននៅក្នុងបណ្ដាប្រទេសនៅទ្វីបអាមេរិកខាងត្បូង រួមមាន ប៉េរូ, អ៊ុយរ៉ាហ្គាយ, បូឡាវី និង ប៉ារ៉ាហ្គាយ។ ក្រៅពីនេះ វាក៏ត្រូវបានរកឃើញនៅ អេស្ប៉ាញ, បារាំង និង សហរដ្ឋអាមេរិក។ ថ្មីៗនេះ Mu ក៏បង្ហាញវត្តមាននៅ ជប៉ុន ផងដែរ។
មូលហេតុដែលនាំឱ្យ WHO ចាត់ Mu ទៅក្នុងបញ្ជីនៃក្រុមវ៉ារ្យ៉ង់ ដែលគួរឱ្យយកចិត្តទុកដាក់គឺដោយសារវាបានឆ្លងផុតស្ដង់ដាកំណត់របស់ WHO៖
1-មានការប្រែប្រួលហ្សែនដែលត្រូវបានគេព្យាករ ឬដឹងថា នឹងប៉ះពាល់ដល់ចំនុចពិសេសរបស់វីរុស ដូចជា លទ្ធភាពនៃការឆ្លងរាលដាល, កម្រិតនៃភាពធ្ងន់ធ្ងររបស់ជំងឺ និងអាចគេចពីប្រព័ន្ធការពាររាងកាយ។ល។
2-បង្កើតជាការឆ្លងរាលដាលខ្លាំងក្នុងសហគមន៍ នៅក្នុងប្រទេសជាច្រើន ជាមួយនឹងអត្រាឆ្លងកាន់តែច្រើនឡើងទៅតាមពេលវេលា។
3-អាចប៉ះពាល់ដល់ផ្នែករោគឆ្លងយ៉ាងច្បាស់ផ្សេងទៀត ដែលអាចបញ្ជាក់អំពីហានិភ័យថ្មីចំពោះសុខភាពសាធារណៈនៅទូទាំងសកលលោក។
តើ Mu ទប់ទល់នឹងវ៉ាក់សាំង បាន ឬទេ?
ការពិសោធរបស់ក្រុមអ្នកវិទ្យាសាស្ត្រអ៊ីតាលី បានបង្ហាញថា «Mu នៅតែត្រូវបានគ្រប់គ្រងដោយវ៉ាក់សាំង Pfizer»។ ប៉ុន្តែ អ្នកវិទ្យាសាស្ត្រ បញ្ជាក់ថា អង្គបដិប្រាណដែលវ៉ាក់សាំងបង្កើតឡើងចំពោះ Mu គឺមានកម្រិតទាបជាង បើធៀបនឹងវីរុស COVID-19 ប្រភេទដំបូង។
តើ Mu ងាយស្រួលឆ្លងពីមនុស្សម្នាក់ ទៅមនុស្សម្នាក់ ឬទេ?
មកដល់បច្ចុប្បន្ន នៅមានការសិក្សាស្រាវជ្រាវតិចតួចនៅឡើយ អំពីវ៉ារ្យ៉ង់ Mu។ ដូច្នេះ អ្នកវិទ្យាសាស្ត្រពិបាកវាយតម្លៃលើសមត្ថភាពនៃការឆ្លងរាលដាលរបស់វា។
បើទោះជា Mu មិនទាន់មានលក្ខណៈដូចទៅនឹងវ៉ារ្យ៉ងដែលគួរឱ្យខ្លាច ដូចជា Delta ប៉ុន្តែ អ្នកស្រាវជ្រាវឱ្យដឹងថា WHO គួរតែតាមដានវាឱ្យបានម៉ត់ចត់៕