Category: សុខភាព

ស្ថិតិស្ដីពី COVID-19 នៅ កម្ពុជា និងទូទាំងពិភពលោក គិតមកដល់ព្រឹកថ្ងៃទី 1 ខែវិច្ឆិកា ឆ្នាំ 2021
តួលេខ COVID-19 ថ្មី នៅ កម្ពុជា ក្នុងអំឡុង 24 ម៉ោង នៃថ្ងៃទី 31 តុលា 2021 រួមមាន៖
– ឆ្លងថ្មី = 91 នាក់
– ជាសះស្បើយថ្មី = 175 នាក់
– ស្លាប់ថ្មី = 6 នាក់។
ក្នុងចំណោមអ្នកឆ្លងថ្មីទាំង 91 នាក់ មាន៖
– ករណីឆ្លងសហគមន៍ 75 នាក់
– អ្នកដំណើរពីបរទេស 16 នាក់
គិតមកដល់ព្រឹកថ្ងៃទី 1 ខែវិច្ឆិកា ឆ្នាំ 2021 តួលេខ COVID-19 សរុបនៅ កម្ពុជា រួមមាន៖
– អ្នកឆ្លងសរុប= 118,613 នាក់
– អ្នកជាសះស្បើយ= 114,902 នាក់
– អ្នកស្លាប់= 2,794 នាក់
តួលេខ COVID-19 សរុប នៅទូទាំងពិភពលោក គិតមកដល់ថ្ងៃនេះ រួមមាន៖
– អ្នកឆ្លងសរុបជាង = 247,463,590 នាក់
– អ្នកជាសះស្បើយសរុបជាង = 224,135,380 នាក់
– អ្នកស្លាប់សរុបជាង = 5,014,970 នាក់
– អ្នកកំពុងព្យាបាលសរុបជាង = 18,313,200 នាក់
November 1, 2021
រាជធានីភ្នំពេញ បើកយុទ្ធនាការចាក់វ៉ាក់សាំងបង្ការជំងឺ COVID-19 ដល់កុមារអាយុ 5 ឆ្នាំ
យុទ្ធនាការចាក់វ៉ាក់សាំងបង្ការជំងឺ COVID-19 ដល់កុមារអាយុ 5 ឆ្នាំ ត្រូវបានបើកដំណើរការនៅរាជធានីភ្នំពេញ នៅព្រឹកថ្ងៃទី 1 ខែវិច្ឆិកា ឆ្នាំ 2021។
យុទ្ធនាការចាក់វ៉ាក់សាំងខាងលើនេះ នឹងធ្វើឡើងសម្រាប់ដូសទីមួយ ចាប់ពីថ្ងៃទី 1 វិច្ឆិកា ដល់ថ្ងៃទី 14 វិច្ឆិកា ឆ្នាំ 2021 ខណៈដូសទីពីរនឹងចាប់ផ្ដើមពីថ្ងៃទី 28 ខែវិច្ឆិកា ឆ្នាំ 2021 ដល់ថ្ងៃទី 11 ខែធ្នូ ឆ្នាំ 2021។
ការចាក់វ៉ាក់សាំងនៅកម្ពុជា គិតត្រឹមថ្ងៃទី 31 ខែតុលា ឆ្នាំ 2021 រួមមាន ទីមួយ៖ អាយុ 18 ឆ្នាំ ឡើងទៅ ចាក់បាន 100%, ទីពីរ៖ អាយុ 12 ឆ្នាំ ដល់ 17 ឆ្នាំ ចាក់បាន 97.89% និងទីបី៖ អាយុចាប់ពី 6 ឆ្នាំ ដល់ 11 ឆ្នាំ ចាក់បាន 101.22%។
November 1, 2021
អាម៉រិក ពន្យារពេលអនុម័តលើវ៉ាក់សាំងបង្ការ COVID-19 របស់ក្រុមហ៊ុន Moderna សម្រាប់កុមារ
ក្រុមហ៊ុន Moderna បានឱ្យដឹងថា អាជ្ញាធរ សហរដ្ឋអាម៉េរិក ពន្យារពេលការអនុម័តឱ្យប្រើប្រាស់វ៉ាក់សាំងបង្ការ COVID-19 របស់ក្រុមហ៊ុននេះ ដើម្បីមានពេលវេលាគ្រប់គ្រាន់សម្រាប់វាយតម្លៃបន្ថែម។
ការិយាល័យគ្រប់គ្រងអាហារ និងឱសថ (FDA) របស់ សហរដ្ឋអាម៉េរិកកាលពីថ្ងៃទី 29 វិច្ឆិកា បាន «ប្រកាសឱ្យ Moderna ដឹងថា ពួកគេត្រូវការពេលវេលាបន្ថែមទៀតដើម្បីវាយតម្លៃលើការវិភាគលក្ខណៈអន្តរជាតិនានាស្ដីពីហានិភ័យនៃបញ្ហារលាកសាច់ដុំបេះដូងបន្ទាប់ពីបានចាក់វ៉ាក់សាំង»។ នេះបើតាមក្រុមហ៊ុនផលិតឱសថ Moderna បានឱ្យដឹងនៅក្នុងប្រកាសកាលពីថ្ងៃទី 31 តុលា។
Moderna ឱ្យដឹងថា ដំណើរការនៃការវាយតម្លៃរបស់ FDA ស្ដីពីការដែលថា គួរតែលើកទឹកចិត្តឱ្យចាក់វ៉ាក់សាំងរបស់ក្រុមហ៊ុននេះ ដល់ក្មេងដែលមានវ័យចាប់ពី 12 ឆ្នាំ ដល់ 17 ឆ្នាំដែរ ឬអត់ នោះអាចអូសបន្លាយពេលដល់ខែមករា ឆ្នាំ 2022។
បញ្ហារលាកសាច់ដុំបេះដូង និងរលាកស្រោមបេះដូងខាងក្រៅគឺជារោគសញ្ញាដ៏កម្រ ទាក់ទងនឹងវ៉ាក់សាំងបង្ការ COVID-19 របស់ Pfizer និង Moderna ដែលកើតឡើងនៅលើក្មេងប្រុស និងបុរសវ័យក្មេង។
ក៏ប៉ុន្តែ មជ្ឈមណ្ឌលគ្រប់គ្រង និងទប់ស្កាត់ជំងឺឆ្លង (CDC) របស់ សហរដ្ឋអាម៉េរិក បានឱ្យដឹងថា ហានិភ័យនៃការកើតអាការខាងលើគឺខ្ពស់ជាងធម្មតា បន្ទាប់ពីឆ្លង COVID-19។ CDC អាម៉េរិក បញ្ជាក់ថា «បញ្ហារលាកសាច់ដុំបេះដូងបន្ទាប់ពីបានចាក់វ៉ាក់សាំងដែលប្រើបច្ចេកវិទ្យា mRNA គឺកម្រកើតមាន ហើយវាមានលក្ខណៈស្រាល»។
សហរដ្ឋអាម៉េរិក កាលពីថ្ងៃទី 29 ខែតុលា បានអនុញ្ញាតឱ្យប្រើប្រាស់វ៉ាក់សាំងបង្ការ COVID-19 របស់ Pfizer-BioNTech សម្រាប់ចាក់ឱ្យកុមារអាយុចាប់ពី 5 ឆ្នាំ ដល់ 11 ឆ្នាំ ដោយបរិមាណទាបជាង ធៀបនឹងការចាក់ឱ្យមនុស្សពេញវ័យ។ មុននោះ Moderna ក៏បានដាក់ពាក្យទៅកាន់ FDA ដើម្បីសុំច្បាប់ចាក់វ៉ាក់សាំងដល់ក្មេងអាយុក្រោម 18 ឆ្នាំផងដែរ៕
November 1, 2021
យុទ្ធនាការចាក់វ៉ាក់សាំងបង្ការជំងឺ COVID-19 ជុំទីមួយ នឹងត្រូវបានបិទបញ្ចប់នាព្រឹកនេះ
ប្រមុខរដ្ឋាភិបាលកម្ពុជា សម្តេចតេជោ ហ៊ុន សែន អញ្ជើញជាអធិបតីភាពក្នុងពិធីបិទយុទ្ធនាការចាក់វ៉ាក់សាំងបង្ការជំងឺ COVID-19 ជុំទីមួយ សម្រាប់ពលរដ្ឋអាយុចាប់ពី 6 ឆ្នាំឡើង និងបើកយុទ្ធនាការចាក់សម្រាប់កុមារដែលមានអាយុ 5 ឆ្នាំ នៅឯទីស្តីការគណ:រដ្ឋមន្ត្រី។
ព្រឹត្តិការណ៍ដែលប្រារព្ធឡើងនៅព្រឹកថ្ងៃទី 1 ខែវិច្ឆិកា ឆ្នាំ 2021 ខាងលើនេះ គឺជាការបង្ហាញនូវជោគជ័យរបស់ កម្ពុជា លើគោលនយោបាយប្រយុទ្ធប្រឆាំងនឹងជំងឺ COVID-19។
រាជរដ្ឋាភិបាលកម្ពុជា បានចាប់ផ្តើមបើកយុទ្ធនាការចាក់វ៉ាក់សាំងបង្ការជំងឺ COVID-19 ចាប់ពីថ្ងៃទី 10 ខែកុម្ភៈ ឆ្នាំ 2021 រហូតមកដល់បច្ចុប្បន្ន ដោយប្រើប្រាស់វ៉ាក់សាំងជាជំនួយរបស់អង្គការ និងរដ្ឋាភិបាលនានា រួមនឹងវ៉ាក់សាំងដែល កម្ពុជា បានទិញពីប្រទេសចិន។
គិតត្រឹមថ្ងៃទី 31 ខែតុលា ឆ្នាំ 2021 រដ្ឋាភិបាលកម្ពុជា ចាក់វ៉ាក់សាំងជូនប្រជាពលរដ្ឋអាយុចាប់ ពី 6 ឆ្នាំឡើង បានចំនួនជិត 13,709,000 នាក់ ស្មើនឹងជាង 85.68% ធៀបនឹងចំនួនប្រជាជនសរុប 16 លាននាក់។ ក្នុងនោះ ពលរដ្ឋដែលបានចាក់ពីរដូស មានចំនួនជាង 13 លាននាក់ ខណៈអ្នកចាក់ដូសទី 3 មានជិត 2 លាននាក់។ នេះបើតាមរបាយការណ៍របស់ក្រសួងសុខាភិបាល។
នៅក្នុងចំណោមប្រជាជនចំនួនជិត 13,709,000 នាក់ដែលបានទទួលការចាក់វ៉ាក់សាំង រួមមាន ទីមួយ៖ 10,000,088 នាក់ ជាពលរដ្ឋពេញវ័យ, 1,788,802 នាក់ ជាពលរដ្ឋដែលមានអាយុចាប់ពី 12 ដល់ក្រោម 17 ឆ្នាំ និង 1,920,599 នាក់ ជាពលរដ្ឋដែលមានអាយុចាប់ពី 6 ឆ្នាំ ដល់ក្រោម 12។
November 1, 2021
ស្ថិតិស្ដីពី COVID-19 នៅ កម្ពុជា និងទូទាំងពិភពលោក គិតមកដល់ព្រឹកថ្ងៃទី 30 ខែតុលា ឆ្នាំ 2021
តួលេខ COVID-19 ថ្មី នៅ កម្ពុជា ក្នុងអំឡុង 24 ម៉ោង នៃថ្ងៃទី 29 តុលា 2021 រួមមាន៖
– ឆ្លងថ្មី = 106 នាក់
– ជាសះស្បើយថ្មី = 234 នាក់
– ស្លាប់ថ្មី = 8 នាក់។
ក្នុងចំណោមអ្នកឆ្លងថ្មីទាំង 109 នាក់ មាន៖
– ករណីឆ្លងសហគមន៍ 90 នាក់
– អ្នកដំណើរពីបរទេស 16 នាក់
គិតមកដល់ព្រឹកថ្ងៃទី 30 ខែតុលា ឆ្នាំ 2021 តួលេខ COVID-19 សរុបនៅ កម្ពុជា រួមមាន៖
– អ្នកឆ្លងសរុប= 118,427 នាក់
– អ្នកជាសះស្បើយ= 114,534 នាក់
– អ្នកស្លាប់= 2,781 នាក់
តួលេខ COVID-19 សរុប នៅទូទាំងពិភពលោក គិតមកដល់ថ្ងៃនេះ រួមមាន៖
– អ្នកឆ្លងសរុបជាង = 246,758,500 នាក់
– អ្នកជាសះស្បើយសរុបជាង = 223,553,000 នាក់
– អ្នកស្លាប់សរុបជាង = 5,004,400 នាក់
– អ្នកកំពុងព្យាបាលសរុបជាង = 18,200,800 នាក់
October 30, 2021
សូមប្រយ័ត្ន! អ្នកបានចាក់វ៉ាក់សាំងរួចហើយ នៅតែអាចចម្លង Delta ដល់សមាជិកទាំងឡាយក្នុងគ្រួសារ
(អង់គ្លេស)-លទ្ធផលនៃការស្រាវជ្រាវរបស់សាកលវិទ្យាល័យនៃចក្រភព អង់គ្លេស Imperial College London បានបង្ហាញថា អ្នកបានទទួលការចាក់វ៉ាក់សាំង COVID-19 ដែលឆ្លង Delta នៅតែអាចចម្លងវីរុសនេះដល់សមាជិកគ្រួសារ។
«យើងបានរកឃើញថា អ្នកដែលបានចាក់វ៉ាក់សាំងរួចហើយ នៅតែអាចឆ្លង និងចម្លងវីរុសក្នុងគ្រួសារ ឆ្លងទៅកាន់សមាជិកដែលបានចាក់វ៉ាក់សាំងរួចហើយថែមទៀតផង» វេជ្ជបណ្ឌិត Anika Singanayagam ដែលជាអ្នកគ្រប់គ្រងមួយរូបនៅក្នុងគម្រោងស្រាវជ្រាវរបស់សាកលវិទ្យាល័យ Imperial College London បានឱ្យដឹងកាលពីថ្ងៃទី 28 តុលា។
ការស្រាវជ្រាវនេះត្រូវបានធ្វើឡើងលើមនុស្សចំនួន 621 នាក់។ ក្នុងចំណោម 205 នាក់ ដែលប៉ះពាល់ផ្ទាល់ជាមួយនឹងអ្នកផ្ទុក Delta មាន 38% គឺជាអ្នកដែលបានចាក់វ៉ាក់សាំង COVID-19 រួចហើយ ខណៈ 25% មិនទាន់ចាក់វ៉ាក់សាំង។
ក្រុមមនុស្សដែលបានចាក់វ៉ាក់សាំង មានលទ្ធផលអវិជ្ជមានទៅវិញឆាប់រហ័សជាង ធៀបនឹងក្រុមដែលមិនទាន់ចាក់វ៉ាក់សាំង ប៉ុន្តែ កំហាប់វីរុសក្នុងដំណាក់កាលខ្ពស់បំផុត នៅតែប្រហាក់ប្រហែលនឹងអ្នកមិនទាន់បានចាក់វ៉ាក់សាំង។
ចំពោះសមាជិកគ្រួសារដែលបានចាក់វ៉ាក់សាំងរួចហើយតែនៅតែវិជ្ជមាននឹង COVID-19 ភាគច្រើនពួកគេបានចាក់វ៉ាក់សាំងមុនក្រុមមនុស្សដែលបានចាក់វ៉ាក់សាំងក្រោយ និងអវិជ្ជមាន។ ក្រុមអ្នកវិទ្យាសាស្ត្រឱ្យដឹងថា នេះគឺជាភ័ស្ដុតាងបង្ហាញថា សមត្ថភាពរបស់ប្រព័ន្ធភាពស៊ាំត្រូវថយចុះទៅតាមពេលវេលា និងបានគាំទ្រឱ្យមានការចាក់ដូសបន្ថែម។
អ្នកវិទ្យាសាស្ត្រសង្កត់ធ្ងន់ថា លទ្ធផលនៃការស្រាវជ្រាវនេះមិនធ្វើឱ្យមានការប្ដូរផ្លាស់ចំពោះការយល់ឃើញដែលថា ការចាក់វ៉ាក់សាំងគឺជាវិធីសាស្ត្រល្អបំផុតដើម្បីកាត់បន្ថយហានិភ័យនៃការកើតអាការធ្ងន់ធ្ងរនៅពេលបានឆ្លងវីរុស COVID-19 នោះទេ៕
October 30, 2021
អាម៉េរិក អនុញាតឱ្យចាក់វ៉ាក់សាំង Pfizer ដល់ក្មេងពីអាយុ 5 ឆ្នាំ ដល់ 11 ឆ្នាំ
សហរដ្ឋអាម៉េរិក បានអនុម័តឱ្យប្រើប្រាស់វ៉ាក់សាំងបង្ការ COVID-19 របស់ Pfizer សម្រាប់ចាក់ដល់ក្មេងដែលមានអាយុពី 5 ឆ្នាំ ដល់ 11 ឆ្នាំ បន្ទាប់ពីក្រុមអ្នកជំនាញអះអាងថា ផលប្រយោជន៍មានច្រើនលើសលុប ធៀបនឹងហានិភ័យ។
ការសម្រេចខាងលើដែលត្រូវបានធ្វើឡើងកាលពីថ្ងៃទី 29 តុលា បានបើកផ្លូវឱ្យមានយុទ្ធនាការចាក់វ៉ាក់សាំងបង្ការ COVID-19 ដល់ក្មេងចំនួន 28 លាននាក់នៅប្រទេសនេះ។ ក្រៅពី សហរដ្ឋអាម៉េរិក កន្លងមកក៏មានប្រទេសជាច្រើនបានអនុញ្ញាតឱ្យចាក់វ៉ាក់សាំងដល់កុមារដែលមានអាយុប្រហាក់ប្រហែលនេះដែរ មានដូចជា កម្ពុជា ស៊ីលី គុយបា ចិន និង អេមីរ៉ាតអារ៉ាប់រួម។
ក្រុមហ៊ុនឱសថ Pfizer និងដៃគូសហការ BioNTech សប្ដាហ៍នេះបានប្រកាសថា រដ្ឋាភិបាលអាម៉េរិក បានទិញវ៉ាក់សាំង Comirnaty ចំនួន 50 លានដូសពីក្រុមហ៊ុននេះ សម្រាប់ចាក់ឱ្យក្មេងៗ ក្នុងនោះរួមទាំងកុមារអាយុក្រោម 5 ឆ្នាំផងដែរ។
ក្រុមអ្នកជំនាញកំពុងសិក្សាអំពីសុវត្ថិភាពរបស់វ៉ាក់សាំង Pfizer នៅលើក្មេងចំនួន 3,000 នាក់ ប៉ុន្តែ មិនបានរកឃើញផលប៉ះពាល់ធ្ងន់ធ្ងរណាមួយនោះទេ។ កុមារអាយុចាប់ពី 5 ឆ្នាំ ដល់ 11 ឆ្នាំ នឹងត្រូវបានចាក់វ៉ាក់សាំង Pfizer ចំនួន 2 ដូស ដែលមានគម្លាតពីគ្នា 3 សប្ដាហ៍ ដោយបរិមាណ 10 microgram ដែលស្មើនឹង 1/3 ធៀបនឹងបរិមាណវ៉ាក់សាំងដែលចាក់ឱ្យក្រុមមនុស្សដែលមានអាយុច្រើនជាងនេះ៕
October 30, 2021
ភ្នំពេញ នៅតែត្រូវបន្តអនុវត្តវិធានការរដ្ឋបាល ដើម្បីទប់ស្កាត់ COVID-19
រដ្ឋបាលរាជធានីភ្នំពេញ សម្រេចបន្តនូវវិធានការរដ្ឋបាល សម្រាប់រយៈពេល 14 ថ្ងៃ រហូតដល់ថ្ងៃទី 11 ខែវិច្ឆិកា ឆ្នាំ 2021 ដើម្បីប្រយុទ្ធប្រឆាំង និងទប់ស្កាត់ការឆ្លងរាលដាលនៃជំងឺរលាកសួតថ្មីដែលបង្កឡើងដោយវីរុស COVID-19។
October 28, 2021
ស្ថិតិស្ដីពី COVID-19 នៅ កម្ពុជា និងទូទាំងពិភពលោក គិតមកដល់ព្រឹកថ្ងៃទី 28 ខែតុលា ឆ្នាំ 2021
តួលេខ COVID-19 ថ្មី នៅ កម្ពុជា ក្នុងអំឡុង 24 ម៉ោង នៃថ្ងៃទី 27 តុលា 2021 រួមមាន៖
– ឆ្លងថ្មី = 109 នាក់
– ជាសះស្បើយថ្មី = 272 នាក់
– ស្លាប់ថ្មី = 8 នាក់។
ក្នុងចំណោមអ្នកឆ្លងថ្មីទាំង 109 នាក់ មាន៖
– ករណីឆ្លងសហគមន៍ 92 នាក់
– អ្នកដំណើរពីបរទេស 17 នាក់
គិតមកដល់ព្រឹកថ្ងៃទី 28 ខែតុលា ឆ្នាំ 2021 តួលេខ COVID-19 សរុបនៅ កម្ពុជា រួមមាន៖
– អ្នកឆ្លងសរុប= 118,220 នាក់
– អ្នកជាសះស្បើយ= 114,063 នាក់
– អ្នកស្លាប់= 2,766 នាក់
តួលេខ COVID-19 សរុប នៅទូទាំងពិភពលោក គិតមកដល់ថ្ងៃនេះ រួមមាន៖
– អ្នកឆ្លងសរុបជាង = 245,793,800 នាក់
– អ្នកជាសះស្បើយសរុបជាង = 222,795,500 នាក់
– អ្នកស្លាប់សរុបជាង = 4,987,900 នាក់
– អ្នកកំពុងព្យាបាលសរុបជាង = 18,010,400 នាក់
October 28, 2021
ស្ថិតិស្ដីពី COVID-19 នៅ កម្ពុជា និងទូទាំងពិភពលោក គិតមកដល់ព្រឹកថ្ងៃទី 27 ខែតុលា ឆ្នាំ 2021
តួលេខ COVID-19 ថ្មី នៅ កម្ពុជា ក្នុងអំឡុង 24 ម៉ោង នៃថ្ងៃទី 26 តុលា 2021 រួមមាន៖
– ឆ្លងថ្មី = 111 នាក់
– ជាសះស្បើយថ្មី = 264 នាក់
– ស្លាប់ថ្មី = 7 នាក់។
ក្នុងចំណោមអ្នកឆ្លងថ្មីទាំង 111 នាក់ មាន៖
– ករណីឆ្លងសហគមន៍ 100 នាក់
– អ្នកដំណើរពីបរទេស 11 នាក់
គិតមកដល់ព្រឹកថ្ងៃទី 27 ខែតុលា ឆ្នាំ 2021 តួលេខ COVID-19 សរុបនៅ កម្ពុជា រួមមាន៖
– អ្នកឆ្លងសរុប= 118,111 នាក់
– អ្នកជាសះស្បើយ= 113,791 នាក់
– អ្នកស្លាប់= 2,758 នាក់
តួលេខ COVID-19 សរុប នៅទូទាំងពិភពលោក គិតមកដល់ថ្ងៃនេះ រួមមាន៖
– អ្នកឆ្លងសរុបជាង = 245,287,500 នាក់
– អ្នកជាសះស្បើយសរុបជាង = 222,385,600 នាក់
– អ្នកស្លាប់សរុបជាង = 4,978,800 នាក់
– អ្នកកំពុងព្យាបាលសរុបជាង = 17,923,075 នាក់
October 27, 2021