សុខភាព - La Reine Media

អង្គការសហប្រជាជាតិ ព្រួយបារម្ភខ្លាំងអំពីការហាមឃាត់ការធ្វើដំណើរឆ្លងប្រទេស ដោយសារវ៉ារ្យ៉ង់ អូមីក្រុង

អគ្គលេខាធិការនៃអង្គការសហប្រជាជាតិ បានសម្ដែងការព្រួយបារម្ភខ្លាំង នៅពេលបណ្ដាប្រទេសនាំគ្នាហាមឃាត់ការធ្វើដំណើរទៅមកតំបន់អាហ្វ្រិក ដើម្បីទប់ស្កាត់ការឆ្លងរាលដាលរបស់ វីរុសបំប្លែងខ្លួនថ្មី អូមីក្រុង (Omicron)។

«មិនអាចទម្លាក់កំហុសលើប្រជាជននៅ ទ្វីបអាហ្វ្រិក ដោយសារតែអត្រាចាក់វ៉ាក់សាំងទាបខ្លាំងពេកនៅទ្វីបនេះ ហើយក៏មិនអាចដាក់ទណ្ឌកម្មលើពួកគេ ព្រោះពួកគេកំណត់បាន និងចែករំលែកព័ត៌មានវិទ្យាសាស្ត្រ សុខាភិបាលដ៏សំខាន់ ជាមួយពិភពលោក» អគ្គលេខាធិការអង្គការសហប្រជាជាតិ លោក អង់តូនីញ៉ូ ហ្គោទែរ៉េស (Antonio Guterres) បានថ្លែងដូច្នេះកាលពីថ្ងៃទី ២៩ វិច្ឆិកា។ លោកបន្តថា «ខ្ញុំមានការព្រួយបារម្ភខ្លាំងដោយសារតែបណ្ដាប្រទេសនៅ ទ្វីបអាហ្វ្រិក ត្រូវបានដាក់ឱ្យនៅឯកោ»។

បច្ចុប្បន្ន ប្រទេសជាច្រើនក្នុងពិភពលោក បានសម្រេចហាមឃាត់អ្នកដំណើរពីបណ្ដាប្រទេសនៅ ទ្វីបអាហ្វ្រិក បើទោះជាវ៉ារ្យ៉ង់ អូមីក្រុង បានបង្ហាញខ្លួននៅ អឺរ៉ុប អាស៊ី និង អាម៉េរិកខាងជើង រួចហើយក្ដី។ លោក Guterres បានស្នើឱ្យរដ្ឋាភិបាលនៃបណ្ដាប្រទេស ពិនិត្យអំពីវិធានការផ្សេងជំនួសការហាមឃាត់នេះ ក្នុងនោះមានដូចជា ការធ្វើតេស្តច្រើនដង ដើម្បី «បញ្ចៀសការឆ្លងរាលដាល និងអនុញ្ញាតឱ្យមានការធ្វើដំណើរ និងលំហូរសេដ្ឋកិច្ច»។

អង្គការសុខភាពពិភពលោក (WHO) បានចាត់ អូមីក្រុង ដែលត្រូវបានរកឃើញដំបូងនៅទ្វីប អាហ្វ្រិកខាងត្បូង ចូលក្នុងក្រុម វ៉ារ្យ៉ង់ ដែលគួរឱ្យព្រួយបារម្ភ។ វ៉ារ្យ៉ង់ថ្មីនេះបានបង្ហាញខ្លួននៅក្នុងបណ្ដាប្រទេសក្នុងទ្វីប អឺរ៉ុប និងប្រទេសមួយចំនួនទៀតនៅក្នុងពិភពលោក៕

November 30, 2021

ករណីឆ្លងថ្មីនូវជំងឺកូវីដ-១៩ នៅ កម្ពុជា កើនឡើង ធៀបនឹងម្សិលមិញ

ក្នុងរយៈពេល ២៤ ម៉ោងនៃថ្ងៃទី ២៨ វិច្ឆិកា កម្ពុជា បានរកឃើញអ្នកឆ្លងថ្មី ចំនួន ២៥ នាក់ទៀត ដែលតួលេខនេះខ្ពស់ជាងបន្តិច បើធៀបនឹង ២៣ ករណី កាលពី ២៤ ម៉ោងនៃថ្ងៃទី ២៧ វិច្ឆិកា។

គិតមកដល់ថ្ងៃទី ២៩ វិច្ឆិកា ២០២១ ស្ថិតិនៃករណីកូវីដ-១៩ នៅ កម្ពុជា រួមមាន៖

នៅទូទាំងពិភពលោក ករណីកូវីដ-១៩ មានដូចខាងក្រោម៖

-ឆ្លងថ្មី ៖ ១២,៣៩៧ នាក់
-ឆ្លងសរុប ៖ ២៦១,៧៦៣,៤៦៣ នាក់
-ស្លាប់សរុប ៖ ៥,២១៧,៣០៣ នាក់
-ជាសះស្បើយសរុប ៖ ២៣៦,៤២៣,៥៩៤ នាក់
-កំពុងព្យាបាល៖ ២០,១២២,៥៦៦ នាក់

November 29, 2021

កូវីដ-១៩ ប្រភេទ អូមីក្រុន(Omicron) ឆ្លងរាលដាលដល់ទ្វីប អាម៉េរិកខាងជើង

ក្រុមមន្ត្រីរបស់ប្រទេស កាណាដា បានប្រកាសថា វ៉ារ្យ៉ង់អូមីក្រុន (Omicron) បានឆ្លងរាលដាលដល់ អាម៉េរិកខាងជើង ដោយមានពីរករណីដំបូងត្រូវបានរកឃើញនៅខេត្ត អូនតារីយ៉ូ (Ontario)។

ក្រុមមន្ត្រីសុខាភិបាលជាន់ខ្ពស់នៅខេត្ត អូនតារីយ៉ូ គឺ Christine Elliott និង Kieran Moore បានឱ្យដឹងកាលពីថ្ងៃទី 28 វិច្ឆិកា ថា អ្នកជំងឺទាំងពីរនាក់ដែលបានឆ្លងវីរុស កូវីដ-១៩ ប្រភេទ អូមីក្រុន ថ្មីៗនេះបានត្រលប់មកពីប្រទេស នីហ្សេរីយ៉ា មុនពេលរកឃើញថា វិជ្ជមាននឹង កូវីដ-១។ សមត្ថកិច្ចកំពុងស្រាវជ្រាវអ្នកដែលបានប៉ះពាល់ផ្ទាល់ និងប្រយោលដើម្បីស្វែងរកអ្នកជំងឺដែលពាក់ព័ន្ធ។

នៅ សហរដ្ឋអាម៉េរិក វេជ្ជបណ្ឌិត Anthony Fauci ប្រធានវិទ្យាស្ថានជាតិគ្រប់គ្រងជំងឺឆ្លង កាលពីថ្ងៃទី 27 វិច្ឆិកា ឱ្យដឹងថា វ៉ារ្យ៉ង់ថ្មីប្រហែលជាបានឆ្លងទៅដល់ សហរដ្ឋអាម៉េរិក ហើយថា អូមីក្រុន មានសមត្ថភាពឆ្លងរាលដាលខ្ពស់ អាចគេចពីប្រព័ន្ធការពាររាងកាយ ក៏ដូចជាផ្នែកមួយនៃប្រព័ន្ធការពាររាងកាយដែលបង្កើតឡើងដោយវ៉ាក់សាំង។

អង្គការសុខភាពពិភពលោក (WHO) បានចាត់ អូមីក្រុន ដែលត្រូវបានរកឃើញដំបូងនៅទ្វីប អាហ្វ្រិកខាងត្បូង ចូលក្នុងក្រុម វ៉ារ្យ៉ង់ ដែលគួរឱ្យព្រួយបារម្ភ។ វ៉ារ្យ៉ង់ថ្មីនេះបានបង្ហាញខ្លួននៅក្នុងបណ្ដាប្រទេសក្នុងទ្វីប អឺរ៉ុប និងប្រទេសមួយចំនួនទៀតនៅក្នុងពិភពលោក៕

November 29, 2021

កម្ពុជា រកឃើញអ្នកឆ្លងថ្មី ២៦ នាក់ ថយចុះច្រើនធៀបនឹងតួលេខកាលពីម្សិលមិញ

ក្នុងរយៈពេល ២៤ ម៉ោងនៃថ្ងៃទី ២៦ វិច្ឆិកា កម្ពុជា រកឃើញអ្នកឆ្លងថ្មី ២៦ (PCR) នាក់ទៀត ជាសះស្បើយ ២៩ នាក់ និងស្លាប់ ៥ នាក់ (៤ នាក់ មិនបានចាក់វ៉ាក់សាំង)។ តួលេខនៃករណីឆ្លងថ្មីខាងលើ ទាបជាងឆ្ងាយធៀបនឹង ២៩ ករណី កាលពីថ្ងៃទី ២៥ វិច្ឆិកា។

ករណីកូវីដ-១៩ សរុបនៅ កម្ពុជា គិតមកដល់ថ្ងៃទី ២៧ វិច្ឆិកា ២០២១ រួមមាន៖
– អ្នកឆ្លងសរុប= ១២០,០៦៤ នាក់
– អ្នកជាសះស្បើយ= ១១៦,៤៤៦ នាក់
– អ្នកស្លាប់= ២,៩២៧ នាក់

ទិន្នន័យបន្ថែម សូមអានសេចក្ដីជូនព័ត៌មានដូចខាងក្រោម៖

នៅទូទាំងពិភពលោក ករណីកូវីដ-១៩ មានដូចខាងក្រោម៖

-ឆ្លងថ្មី ៖ ៤១,៨៤៤ នាក់
-ឆ្លងសរុប ៖ ២៦០,៩០៨,៩៣៨ នាក់
-ស្លាប់សរុប ៖ ៥,២០៦,៨០៤ នាក់
-ជាសះស្បើយសរុប ៖ ២៣៥,៦៩៩,២០២ នាក់
-កំពុងព្យាបាល៖ ២0,០០២,៩៣២ នាក់

November 27, 2021

ចូ បៃឌិន អំពាវនាវឱ្យបោះបង់ចោលកម្មសិទ្ធិបញ្ហាវ៉ាក់សាំង ដើម្បីទប់ទល់នឹងវីរុសបំប្លែងថ្មី Omicron

លោក បៃដិន ជំរុញឱ្យបណ្ដាប្រទេសបោះបង់ការការពារកម្មសិទ្ធិបញ្ញាចំពោះវ៉ាក់សាំង ដើម្បីបង្កើនល្បឿននៃការចាក់វ៉ាក់សាំងនៅទូទាំងសកលលោក ក្នុងបំណងទប់ស្កាត់ជំងឺកូវីដ-១៩ ដែលបង្កឡើងដោយវ៉ារ្យ៉ង់ Omicron។

កាលពីថ្ងៃទី 26 វិច្ឆិកា ប្រធានាធបិតីអាម៉េរិក លោក ចូ បៃដិន យល់ថា ព័ត៌មានស្ដីពីវីរុសបំប្លែងខ្លួនថ្មី Omicron ជាថ្មីម្ដងទៀត «បានបង្ហាញអំពីសារសំខាន់នៃការបោះបង់កម្មសិទ្ធិបញ្ហាវ៉ាក់សាំងដោយឆាប់រហ័ស» ដើម្បីអនុញ្ញាតឱ្យផលិតវ៉ាក់សាំងទូទាំងពិភពលោក។

លោក បៃដិន ក៏បានជំរុញឱ្យបណ្ដាប្រទេសអ្នកមាន បង្កើនជំនួយជាវ៉ាក់សាំងដល់បណ្ដាប្រទេសក្រីក្រ នៅក្នុងសង្គ្រាមប្រឆាំងជំងឺរាតត្បាត។ លោកបញ្ជាក់ថា «សហរដ្ឋអាម៉េរិក បានផ្ដល់ជំនួយជាវ៉ាក់សាំងច្រើនជាងប្រទេសនានាបូកចូលគ្នាទៅទៀត។ ហើយដល់ពេលដែលប្រទេសផ្សេងៗ ត្រូវតាមឱ្យទាន់ល្បឿន និងភាពជាប្រទេសចិត្តទូលាយដូច សហរដ្ឋអាម៉េរិក»។

ការអំពាវនាវរបស់ប្រធានាធិបតីអាម៉េរិក នេះ ត្រូវបានធ្វើឡើងបន្ទាប់ពីបានរឹតត្បិតការធ្វើដំណើរទៅមកជាមួយនឹងប្រទេសចំនួន ៨ នៅភាពខាងត្បូងនៃ ទ្វីបអាហ្វ្រិក ដើម្បីទប់ស្កាត់វ៉ារ្យ៉ង់ Omicron ដែលទើបត្រូវបានរកឃើញ និងទើបត្រូវបានអង្គការសុខភាពពិភពលោក (WHO) វាយតម្លៃថា មានសមត្ថភាពឆ្លងរាលដាលខ្លាំងជាង Delta។

ទិន្នន័យរបស់ក្រសួងការបរទេសអាម៉េរិក បង្ហាញថា ប្រទេសនេះបានសន្យាផ្ដល់ជំនួយជាវ៉ាក់សាំងបង្ការជំងឺកូវីដ-១៩ យ៉ាងតិច ១.១ ពាន់លានដូស ក្នុងនោះ ២៣៦.១ លានដូសត្រូវបានប្រគល់រួចរាល់ និង ២៧.៨ លានដូស កំពុងត្រូវបានដឹកជញ្ជូនទៅកាន់បណ្ដាប្រទេសជាគោលដៅ។ ៥០% នៃវ៉ាក់សាំងរបស់ សហរដ្ឋអាម៉េរិក ត្រូវបានផ្ដល់ជំនួយតាមរយៈយន្តការ Covax របស់ WHO ចំណែកក្រៅពីនេះត្រូវបានផ្ដល់ជំនួយលក្ខណៈទ្វេភាគី។

វ៉ារ្យ៉ង់ B.1.1.529 ត្រូវបានរកឃើញជាលើកដំបូងនៅប្រទេស Botswana កាលពីថ្ងៃទី 11 វិច្ឆិកា ហើយក្រោយមកត្រូវបានអង្គការសុខភាពពិភពលោក (WHO) ដាក់ឈ្មោះឱ្យថា Omicron និងត្រូវបានដាក់បញ្ចូលទៅក្នុងបញ្ជីនៃវីរុសដែលគួរឱ្យព្រួយបារម្ភ កម្រិតធ្ងន់ធ្ងរបំផុត៕

November 27, 2021

BioNTech ប្រកាសថា អាចកែតម្រូវវ៉ាក់សាំងប្រឆាំងកូវីដ-១៩ ក្នុងរយៈពេល ៦ សប្ដាហ៍ ក្នុងគ្រាដែលវ៉ារ្យ៉ង់ Omicron កំពុងបង្កការព្រួយបារម្ភ

ក្រុមហ៊ុន BioNTech ដែលជាដៃគូសហការអភិវឌ្ឍវ៉ាក់សាំងបង្ការជំងឺកូវីដ-១៩ ជាមួយនឹង Pfizer ឱ្យដឹងថា ពួកគេអាចធ្វើបច្ចុប្បន្នភាពវ៉ាក់សាំងដោយប្រើពេលតែ ៦ សប្ដាហ៍ បើសិនជាវីរុសបំប្លែងខ្លួនថ្មី Omicron អាចគេផុតពីអង្គបដិប្រាណ។

«Pfizer និង BioNTech បានធ្វើសកម្មភាពតាំងពីច្រើនខែមុនដើម្បីអាចកែសម្រួលវ៉ាក់សាំងប្រភេទ mRNA ក្នុងរយៈពេល ៦ ខែ និងដឹកជញ្ជូនឡូត៍ទំនិញដំបូងក្នុងរយៈពេល ១០០ ថ្ងៃ បើសិនមានវត្តមានវ៉ារ្យ៉ង់ដែលមានសមត្ថភាពគេចផុតពីប្រព័ន្ធការពាររាងកាយ» ក្រុមហ៊ុនរបស់ អាល្លឺម៉ង់ BioNTech បានប្រកាសដូច្នេះកាលពីថ្ងៃទី 26 វិច្ឆិកា។

BioNTech បន្ថែមថា ពួកគេកំពុងពិសោធមើលថា តើវ៉ាក់សាំងបង្ការកូវីដ-១៩ ដែលក្រុមហ៊ុននេះសហការអភិវឌ្ឍជាមួយក្រុមហ៊ុន អាម៉េរិក Pfizer មានប្រសិទ្ធភាពចំពោះវីរុសបំប្លែងថ្មីប្រភេទ Omicron ឬទេ។ លទ្ធផលចុងក្រោយនៃការស្រាវជ្រាវ តាមគម្រោងនឹងត្រូវបានប្រកាសឱ្យដឹងក្នុងរង្វង់ ២ សប្ដាហ៍ទៀត។

វ៉ារ្យ៉ង់ B.1.1.529 ត្រូវបានរកឃើញជាលើកដំបូងនៅប្រទេស Botswana កាលពីថ្ងៃទី 11 វិច្ឆិកា ហើយក្រោយមកត្រូវបានអង្គការសុខភាពពិភពលោក (WHO) ដាក់ឈ្មោះឱ្យថា Omicron និងត្រូវបានដាក់បញ្ចូលទៅក្នុងបញ្ជីនៃវីរុសដែលគួរឱ្យព្រួយបារម្ភ កម្រិតធ្ងន់ធ្ងរបំផុត។

ពលរដ្ឋនៅតំបន់ពាណិជ្ជកម្ម Johannesburg ក្នុងប្រទេសអាហ្វ្រិកខាងត្បូង កាលពីថ្ងៃទី 26 វិច្ចិកា

ក្រុមហ៊ុន Moderna របស់ អាម៉េរិក ក៏បានឱ្យដឹងថា ពួកគេកំពុងពិសោធបេក្ខភាពវ៉ាក់សាំងជំរុញចំនួន ៣ ក្នុងគោលដៅអភិវឌ្ឍវ៉ាក់សាំងទុកចាក់ដូសបន្ថែមសម្រាប់តែវ៉ារ្យ៉ង់ Omicron។

ចំណែកក្រុមហ៊ុនរបស់ អាម៉េរិក មួយទៀតគឺ Johnson & Johnson ក៏បានបញ្ជាក់ថា កំពុងពិសោធវ៉ាក់សាំងដែលមានប្រសិទ្ធភាពរបស់ពួកគេ ចំពោះវ៉ារ្យ៉ង់ថ្មី ដើម្បីវាយតម្លៃថា ត្រូវការធ្វើបច្ចុប្បន្នភាពវ៉ាក់សាំងដែរ ឬយ៉ាងណា។

AstraZeneca ដែលជាក្រុមហ៊ុនរបស់ អង់គ្លេស ឯណោះវិញ ក៏កំពុងធ្វើការស្រាវជ្រាវនៅ Botswana និង Eswatini ជាប្រទេសនៅតំបន់ភាគខាងត្បូងនៃ ទ្វីបអាហ្វ្រិក ដែលបានរកឃើញ Omicron ក្នុងបំណងប្រមូលទិន្នន័យជាក់ស្ដែងស្ដីពីប្រសិទ្ធភាពរបស់វ៉ាក់សាំង AstraZeneca ចំពោះវីរុសកូវីដ-១៩ ប្រភេទថ្មី៕

November 27, 2021

ករណីឆ្លងថ្មីជំងឺ COVID-19 នៅ កម្ពុជា បន្តថយចុះមកក្រោម 30 នាក់

កម្ពុជា រកឃើញអ្នកឆ្លងថ្មី 29 (PCR) នាក់ ជាសះស្បើយ 30 នាក់ និងស្លាប់ 04 នាក់ (02 នាក់ មិនបានចាក់វ៉ាក់សាំង)។

ក្នុងចំណោមករណីឆ្លងថ្មី មាន៖

– ករណីឆ្លងសហគមន៍ 23 នាក់
– អ្នកដំណើរពីបរទេស 06 នាក់

ករណី COVID-19 សរុបនៅ កម្ពុជា គិតមកដល់ថ្ងៃទី 26 វិច្ឆិកា 2021 រួមមាន៖

– អ្នកឆ្លងសរុប= 120,038 នាក់
– អ្នកជាសះស្បើយ= 116,417 នាក់
– អ្នកស្លាប់= 2,922 នាក់

ទិន្នន័យបន្ថែម សូមអានសេចក្ដីជូនព័ត៌មានដូចខាងក្រោម៖

-ឆ្លងថ្មី ៖ 40,348 នាក់
-ឆ្លងសរុប ៖ 260,311,242 នាក់
-ស្លាប់សរុប ៖ 5,199,470 នាក់
-ជាសះស្បើយសរុប ៖ 235,255,925 នាក់
-កំពុងព្យាបាល៖ 19,855,847 នាក់

November 26, 2021

អង្គការសុខភាពពិភពលោក កោះប្រជុំបន្ទាន់ ដោយសារតែវ៉ារ្យ៉ង់ថ្មីនៃវីរុសកូវីដ-១៩

អង្គការសុខភាពពិភពលោក (WHO) លើកគម្រោងប្រជុំបន្ទាន់ និងតាមដានយ៉ាងយកចិត្តទុកដាក់លើវីរុសបំប្លែងខ្លួនថ្មី B.1.1.529 របស់ កូវីដ-១៩ បើទោះជាត្រូវបានរកឃើញតែប៉ុន្មានករណីនៅ ទ្វីបអាហ្វ្រិក។

«យើងមិនទាន់ដឹងច្រើនអំពីវ៉ារ្យ៉ង់នេះ។ អ្វីដែលយើងបានដឹង នោះគឺវាមានការប្រែប្រួលច្រើនទម្រង់។ ការព្រួយបារម្ភគឺថា នៅពេលមានការទម្រង់ច្រើន វាអាចមានឥទ្ធិពលដល់ដំណើរការរបស់វីរុស» វេជ្ជបណ្ឌិត Maria Van Kerkhove ប្រធានក្រុមបច្ចេកទេសប្រឆាំង កូវីដ-១៩ របស់ WHO ថ្លែងដូច្នេះកាលពីថ្ងៃទី 25 វិច្ឆិកា។

ស្ថាប័ននេះកំពុងតែតាមដានយ៉ាងម៉ត់ចត់ចំពោះវ៉ារ្យ៉ង់ B.1.1.529 ហើយក៏នឹងបើកកិច្ចប្រជុំបន្ទាន់ពិសេសនៅក្នុងថ្ងៃទី 26 វិច្ឆិកា នេះ ដើម្បីពិភាក្សាអំពីឥទ្ធិពលដែលបង្កប់ក្នុងវ៉ារ្យ៉ង់នេះ ដល់វ៉ាក់សាំង និងវិធីសាស្ត្រព្យាបាល។

វេជ្ជបណ្ឌិត Van Kerkhove បន្ថែមថា ក្រុមស្រាវជ្រាវនឹងពិនិត្យមើលលទ្ធភាពឱ្យដឹងថា តើ B.1.1.529 អាចក្លាយជាវ៉ារ្យ៉ង់ដែលគួរឱ្យព្រួយបារម្ភ ឬអត់ ហើយក្រោយមក WHO នឹងដាក់ឈ្មោះឱ្យវាទៅតាមអក្ខរក្រមរបស់ក្រិក។

វ៉ារ្យ៉ង់ B.1.1.529 មានការប្រែប្រួលចំនួន 50 ទម្រង់នៅក្នុងប្រូតេអ៊ីនបន្លា ជាផ្នែកដែលវ៉ាក់សាំងប្រើប្រាស់ដើម្បីបង្កើតអង្គបដិប្រាណសម្រាប់ប្រឆាំងវីរុសកូវីដ-១។ ចំនួនទម្រង់នៃការប្រែប្រួលក្នុងប្រូតេអ៊ីនបន្លា អាចប៉ះពាល់ដល់លទ្ធភាពនៃការឆ្លងរបស់វីរុស ក៏ដូចជាកោសិកាពិបាកក្នុងការវាយប្រហារមេរោគ។

ទ្វីបអាហ្វ្រិក ទើបតែបានរកឃើញវីរុសបំប្លែងថ្មី B.1.1.529 នេះ ប៉ុន្មានករណីប៉ុណ្ណោះ។ រដ្ឋាភិបាលអង់គ្លេស កាលពីថ្ងៃទី 25 វិច្ឆិកា និយាយថា វ៉ារ្យ៉ង់ថ្មីនេះគឺជា «វីរុសបំប្លែងខ្លួនថ្មីដែលអាក្រក់បំផុត» ព្រមទាំងបានដាក់ចេញនូវវិធានការទប់ស្កាត់ជាច្រើនដែលទាក់ទងនឹងការធ្វើដំណើរទៅមក រវាងប្រទេសនេះ ជាមួយបណ្ដាប្រទេសនៅ អាហ្វ្រិក៕

November 26, 2021

ករណីឆ្លងថ្មីនូវជំងឺ COVID-19 នៅ កម្ពុជា បន្តថយចុះពីមួយថ្ងៃ ទៅមួយថ្ងៃ

កម្ពុជា បានរកឃើញអ្នកឆ្លងថ្មី 32 (PCR) នាក់ទៀត ខណៈអ្នកស្លាប់ថ្មី 04 នាក់ អំឡុង 24 ម៉ោងនៃថ្ងៃទី 24 វិច្ឆិកា 2021។

ក្នុងចំណោមអ្នកឆ្លងថ្មី មាន៖
– ករណីឆ្លងសហគមន៍ 25 នាក់
– អ្នកដំណើរពីបរទេស 07 នាក់

ករណី COVID-19 សរុបនៅ កម្ពុជា គិតមកដល់ថ្ងៃទី 25 វិច្ឆិកា 2021 រួមមាន៖
– អ្នកឆ្លងសរុប= 120,009 នាក់
– អ្នកជាសះស្បើយ= 116,387 នាក់
– អ្នកស្លាប់= 2,918 នាក់

ទិន្នន័យបន្ថែម សូមអានសេចក្ដីជូនព័ត៌មានដូចខាងក្រោម៖

នៅទូទាំងពិភពលោក ករណី COVID-19 មានដូចខាងក្រោម៖

-ឆ្លងថ្មី ៖ 41,844 នាក់
-ឆ្លងសរុប ៖ 259,731,904 នាក់
-ស្លាប់សរុប ៖ 5,192,249 នាក់
-ជាសះស្បើយសរុប ៖ 234,886,211 នាក់
-កំពុងព្យាបាល៖ 19,653,444 នាក់

November 25, 2021

រុស្ស៊ី នឹងនាំចេញវ៉ាក់សាំងបង្ការជំងឺ COVID-19 ប្រភេទបាញ់តាមរន្ធច្រមុះ

ប្រទេសរុស្ស៊ី ប្រកាសថា មានគម្រោងនាំចេញវ៉ាក់សាំងបង្ការ COVID-19 ប្រភេទបាញ់តាមច្រមុះ ជាប្រភេទវ៉ាក់សាំងដែលត្រូវបានប្រធានាធិបតី Putin ប្រើប្រាស់ជាដូសជំរុញ។

Kirill Dmitriev ប្រធានមូលនិធិវិនិយោគផ្ទាល់របស់ រុស្ស៊ី (RDIF) ដែលជាស្ថាប័នវិនិយោគទៅលើវ៉ាក់សាំងយុទ្ធសាស្ត្ររបស់ រុស្ស៊ី និងឃោសនាទៅក្រៅប្រទេស កាលពីថ្ងៃទី 24 វិច្ឆិកា បានឱ្យដឹងថា រុស្ស៊ី នឹងនាំចេញវ៉ាក់សាំងបង្ការ COVID-19 ប្រភេទបាញ់តាមរន្ធច្រមុះ នៅឆ្នាំក្រោយ។

ព័ត៌មានខាងលើនេះត្រូវបានលើកឡើងបន្ទាប់ពីប្រធានាធិបតី Putin កាលពីថ្ងៃទី 24 វិច្ឆិកា បានបង្ហើបឱ្យដឹងថា បានប្រើប្រាស់វ៉ាក់សាំងប្រភេទបាញ់ ក្រោយពីចាក់វ៉ាក់សាំង Sputnik V បាន 6 ខែ ដោយសារតែបរិមាណនៃអង្គបដិប្រាណថយចុះ។ ក្រៅពីនេះ លោក Putin ក៏បានចាក់វ៉ាក់សាំងដូសជំរុញ Sputnik V Light ផងដែរ។

លោក Putin បានថ្លែងថា៖ «ខ្ញុំមិនមានបញ្ហាអ្វីទាំងអស់។ មិនមានអ្វីខុសធម្មតា។ ថ្ងៃនេះ ក្រោយការប្រើប្រាស់វ៉ាក់សាំងបានពីរដង ខ្ញុំអាចហាត់ប្រាណបន្តិចបាន នៅពេលព្រឹក»៕

November 25, 2021

Category: សុខភាព