អ្នកវិជ្ជមានថ្មីនឹង កូវីដ-១៩ ទាំង ៤០ នាក់ គឺសុទ្ធតែជាករណីឆ្លងក្នុងសហគមន៍ និងសុទ្ធតែវិជ្ជមាននឹង អូមីក្រុង។
Category: សុខភាព
របកគំហើញថ្មីអាចព្យាបាលមហារីក ដោយមិនប៉ះពាល់សុខភាព៖ បញ្ជូន និងបញ្ជាបាក់តេរីតាមរយៈរលកសំឡេង ឱ្យទៅកម្ចាត់កោសិកាជំងឺ
ក្រុមអ្នកស្រាវជ្រាវនៅ Caltech បានធ្វើការកែប្រែបាក់តេរី E. coli និងរំញោចវាដោយប្រើរលកសំឡេងអ៊ុលត្រាសោន (Ultrasound គឺជារលកសំឡេងដែលមានហ្វ្រេកង់ខ្ពស់ជាងកម្រិតអតិបរមាដែលត្រចៀកមនុស្សអាចស្ដាប់ឮ) ដើម្បីឱ្យវាបញ្ចេញសារធាតុគីមីកម្ចាត់កោសិកាមហារីក ប៉ុន្តែ មិនប៉ះពាល់ដល់កោសិកាធម្មតា។
ក្រុមអ្នកវិទ្យាសាស្ត្រនៅ វិទ្យាស្ថានបច្ចេកវិទ្យា California (Caltech) សហរដ្ឋអាម៉េរិក បានរកឃើញវិធីសាស្ត្រល្អជាងមុន នៅក្នុងការព្យាបាលជំងឺមហារីក។ ជំនួសឱ្យការសម្លាប់ទាំងឫសសក់ដូចទៅនឹងការព្យាបាលជំងឺមហារីកនាបច្ចុប្បន្ន ក្រុមអ្នកវិទ្យាសាស្ត្រ អាចប្រើប្រាស់រលសំឡេង បញ្ជាទៅលើ បាក់តេរី ដែលត្រូវបានកែប្រែហ្សែន ឱ្យផ្ដោតទៅលើតែការស្វែងរក និងកម្ចាត់កោសិកាមហារីក។
នៅក្នុងការស្រាវជ្រាវដែលត្រូវបានចុះផ្សាយលើទស្សនាវដ្ដី Nature Communications ក្រុមអ្នកវិទ្យាសាស្ត្រមកពីបន្ទប់ពិសោធន៍របស់សាស្ត្រាចារ្យ Mikhail Shapiro ឱ្យដឹងថា ពួកគេបានអភិវឌ្ឍបាក់តេរី Escherichia coli (E. coli) មួយប្រភេទ ដែលមានសមត្ថភាពពិសេសអាចជ្រៀតចូលទៅក្នុងដុំសាច់ពកនៅពេលចាក់បញ្ចូលទៅក្នុងរាងកាយអ្នកជំងឺ។ នៅពេលទៅដល់គោលដៅ បាក់តេរីទាំងនេះនឹងបញ្ចេញថ្នាំប្រឆាំងជំងឺមហារីក បន្ទាប់ពីទទួលបានរលកសំឡេងអ៊ុលត្រាសោន ពីវេជ្ជបណ្ឌិត។
បាក់តេរីប្រភេទ E. coli ដែលមានឈ្មោះថា Nissle ១៩១៧ ត្រូវបានប្រើប្រាស់ក្នុងការពិសោធន៍នេះ។ នៅពេលត្រូវបានចាក់បញ្ចូលទៅក្នុងរាងកាយ បាក់តេរីទាំងនេះ នឹងចូលទៅពាសពេញរាងកាយ ហើយក៏ត្រូវប្រព័ន្ធការពាររាងកាយសម្លាប់ចោលទាំងអស់ លើកលែងតែបាក់តេរី ដែលបានចូលទៅក្នុងដុំសាច់ពក ជាទីដែលប្រព័ន្ធការពាររាងកាយមិនអាចធ្វើអ្វីបាន។
ដើម្បីធ្វើឱ្យ បាក់តេរី ក្លាយជាឧបករណ៍មានប្រយោជន៍ក្នុងការកម្ចាត់កោសិកាមហារីក ក្រុមអ្នកវិទ្យាសាស្ត្រត្រូវកែប្រែវាដើម្បីអាចផ្ទុកហ្សែនថ្មីចំនួន ២ ក្រុម ក្នុងនោះ ១ ក្រុមទទួលខុសត្រូវក្នុងការផលិតអង្គបដិប្រាណណាណូ ជាប្រូតេអ៊ីន រាំងខ្ទប់សញ្ញាមួយប្រភេទ ដែលដុំសាច់ពកប្រើប្រាស់ដើម្បីទប់ស្កាត់ប្រតិកម្មរបស់ប្រព័ន្ធការពាររាងកាយ។ វត្តមានរបស់អង្គបដិប្រាណទាំងនេះ បង្កភាពងាយស្រួលដល់ប្រព័ន្ធការពាររាងកាយក្នុងការវាយប្រហារលើកោសិកាមហារីក។ ចំណែកហ្សែន ១ ក្រុមទៀត ដើរតួនាទីដូចទៅនឹងកុងតាក់បើកបិទកម្ដៅ ដែលអាចរំញោចទៅលើហ្សែនបញ្ចេញអង្គបដិប្រាណណាណូ នៅពេល បាក់តេរី ឆ្លងកាត់កម្ដៅដែលបានកំណត់។
ដើម្បីកម្ដៅ បាក់តេរី ដែលស្ថិតនៅជ្រៅក្នុងរាងកាយមនុស្ស ជាទីដែលដុំសាច់ពកកំពុងរីកចម្រើន ក្រុមអ្នកវិទ្យាសាស្ត្រត្រូវប្រើប្រាស់រលកសំឡេងអ៊ុលត្រាសោនប្រមូលផ្ដុំ FUS (Focused Ultrasound)។ FUS គឺដូចទៅនឹងបច្ចេកវិទ្យាអេកូ ដែលប្រើនៅក្នុងការឆ្លុះមើលទារកក្នុងផ្ទៃ ប៉ុន្តែ មានកម្រិតខ្ពស់ជាង និងចំណុចប្រមូលផ្ដុំតូចជាង។ ការប្រមូលផ្ដុំរលកអ៊ុលត្រាសោនត្រង់មួយចំណុច ធ្វើឱ្យជាលិកានៅត្រង់នោះក្ដៅ ប៉ុន្តែ ជាលិកានៅជុំវិញ មិនរងផលប៉ះពាល់។ ដោយវិធីគ្រប់គ្រងកម្រិតនៃកម្លាំងអ៊ុលត្រាសោន ក្រុមអ្នកវិទ្យាសាស្ត្រអាចបង្កើនកម្ដៅរបស់ជាលិកានោះឱ្យដល់កម្រិតដែលពួកគេត្រូវការ។
ដើម្បីឱ្យដឹងថា បាក់តេរី ដែលបានកែប្រែហ្សែន ធ្វើសកម្មភាពដូចដែលបានគ្រោងទុក ឬអត់ ក្រុមអ្នកវិទ្យាសាស្ត្របានចាក់កោសិកាដែលមានបាក់តេរី ទៅក្នុងសត្វកណ្ដុរដែលមានដុំសាច់ពក នៅក្នុងបន្ទប់ពិសោធន៍។ បន្ទាប់ពី បាក់តេរី បានចូលដល់ដុំសាច់ពក ពួកគេប្រើប្រាស់រលកសំឡេងអ៊ុលត្រាសោន ដើម្បីធ្វើឱ្យវាឡើងកម្ដៅ។
តាមរយៈការពិសោធជាច្រើន Shapiro និងសហការី រកឃើញថា សត្វកណ្ដុរដែលបានព្យាបាលដោយ បាក់តេរីថ្មី និងរលកសំឡេង មានដុំសាច់ពករីកធំយឺតជាងឆ្ងាយ បើធៀបនឹងសត្វកណ្ដុរដែលគ្រាន់តែព្យាបាលដោយរលកសំឡេង, ដោយបាក់តេរី ឬ មិនព្យាបាល។ នេះមានន័យថា ពួកគេអាចព្យាបាលជំងឺមហារីកប្រកបដោយសុវត្ថិភាពបានមួយកម្រិត។
ទោះជាយ៉ាងនេះក៏ដោយ ក្រុមអ្នកវិទ្យាសាស្ត្រខាងលើបានបញ្ជាក់ថា ពួកគេត្រូវធ្វើការពិសោធជាច្រើនទៀត ដើម្បីប្រើប្រាស់វិធីព្យាបាលខាងលើឱ្យបានសមស្របបំផុត៕
កូវីដ-១៩ នៅ កម្ពុជា! រកឃើញអ្នកឆ្លងថ្មី ជាង ៣០ នាក់ទៀត ក្នុងថ្ងៃទី ២៩ មីនា ២០២២
ក្នុងចំណោមអ្នកវិជ្ជមានថ្មីនឹង កូវីដ-១៩ ចំនួន ៣៣ នាក់ មាន ករណីឆ្លងសហគមន៍ទាំង ៣៣ នាក់ ដែលទាំងអស់សុទ្ធតែវិជ្ជមាននឹង អូមីក្រុង។
BA.២ ក្លាយជាវីរុសបំប្លែងខ្លួនថ្មីចម្បងដែលបង្កឱ្យមានជំងឺកូវីដ-១៩ នៅទូទាំងសកលលោក
«កូនចៅ» សែស្រឡាយ BA.២ របស់ វ៉ារ្យ៉ង់ អូមីក្រុង នៃ វីរុស SARS-CoV-២ (កូវីដ-១៩) បច្ចុប្បន្នគឺជាមូលហេតុចម្បងដែលនាំឱ្យមានជំងឺកូវីដ-១៩ នៅលើពិភពលោក ពិសេសគឺនៅ អឺរ៉ុប និង អាស៊ី ធ្វើឱ្យមានការបារម្ភអំពីលទ្ធភាពនៃការផ្ទុះឆ្លងរាលដាលជាថ្មីនៅ សហរដ្ឋអាម៉េរិក។
យោងតាម អង្គការសុខភាពពិភពលោក (WHO) វ៉ារ្យ៉ង់ BA.២ បច្ចុប្បន្ន បង្កឱ្យមានករណីឆ្លង ៨៦% ក្នុងចំណោមករណីឆ្លងកូវីដ-១៩ សរុប ដែលត្រូវបានវិភាគហ្សែន។ AB.២ មានសមត្ថភាពឆ្លងរាលដាលលឿនជាងឆ្ងាយ ធៀបនឹង «បងប្អូនបង្កើត» របស់វា គឺ BA.១ និង BA.១.។ ក៏ប៉ុន្តែ មកដល់ពេលនេះ ភ័ស្ដុតាងនានាបានបង្ហាញថា BA.២ អាចនឹងមិនបង្កអាការធ្ងន់ធ្ងរ។
វ៉ាក់សាំងនានា មិនសូវមានប្រសិទ្ធភាពចំពោះ BA.២ បើធៀបទៅនឹងបណ្ដាវ៉ារ្យ៉ង់មុនៗ ដូចជា Alpha ឬ វីរុសដើម SARS-CoV-។ BA.២ ត្រូវបានគេហៅថា វ៉ារ្យ៉ង់ «បំបាំងកាយ» ព្រោះថា ពិបាកក្នុងការរកឃើញវា។ BA.២ រួមនឹង «បងប្អូន» របស់វាមួយផ្សេងទៀត គឺ BA.៣ ដែលជាវីរុសកំពុងបង្ហាញខ្លួនកាន់តែច្រើន អាចត្រូវបានរកឃើញនៅពេលវិភាគហ្សែនតែប៉ុណ្ណោះ ហើយនេះគឺជាប្រការដែលមិនមែនប្រទេសណាក៏មានសមត្ថភាពគ្រប់គ្រាន់ដើម្បីវិភាគទ្រង់ទ្រាយទូទៅនោះដែរ។
បញ្ហាខាងលើនេះបញ្ជាក់ថា វីរុសកូវីដ-១៩ នៅតែអាចបង្កឱ្យមានករណីឈឺធ្ងន់ និងស្លាប់ជាបន្តទៀត ពិសេសចំពោះក្រុមមនុស្សដែលងាយរងគ្រោះ និងអ្នកដែលមិនទាន់បានចាក់វ៉ាក់សាំង៕
កូវីដ-១៩ នៅ កម្ពុជា! រកឃើញអ្នកឆ្លងថ្មី ជាង ៣០ នាក់ទៀត ក្នុងថ្ងៃទី ២៨ មីនា ២០២២
ក្នុងចំណោមអ្នកវិជ្ជមានថ្មីនឹង កូវីដ-១៩ ចំនួន ៣៩ នាក់ មាន ករណីឆ្លងសហគមន៍ ៣៨ នាក់ និងអ្នកដំណើរពីបរទេស ១ នាក់ ដែលទាំងអស់សុទ្ធតែវិជ្ជមាននឹង អូមីក្រុង។
វ៉ាក់សាំងច្រើនលានដូស ដែលជាជំនួយរបស់ ប្រទេសចិន បានដឹកមកដល់ កម្ពុជា កាលពីព្រឹកមិញ
វ៉ាក់សាំងចំនួន ៥ លានដូស ដែលជាជំនួយរបស់ ប្រទេសចិន ត្រូវបានដឹកមកដល់ ភ្នំពេញ នាព្រឹកថ្ងៃទី ២៩ មីនា ២០២២ នេះហើយ។
វ៉ាក់សាំងដែលទើបមកដល់ថ្មីនេះ ស្ថិតក្នុងចំណោមវ៉ាក់សាំង ២០ លានដូស ដែល ប្រធានាធិបតីចិន លោក ស៊ី ជិនពីង បានប្រកាសផ្តល់ជូន កម្ពុជា កាលពីថ្ងៃទី ១៨ ខែមីនា ក្នុងជំនួបតាមទូរស័ព្ទជាមួយ ប្រមុខរដ្ឋាភិបាលកម្ពុជា។
គិតមកដល់បច្ចុប្បន្ន ប្រទេសចិន បានផ្តល់ជំនួយជាវ៉ាក់សាំងការពារជំងឺកូវីដ-១៩ ដល់ កម្ពុជា សរុបចំនួន ២៨,៧២៤,៨០០ ដូស រួចហើយ ដែលក្នុងនោះ មាន ២០ លានដូស ជាជំនួយថ្មី។
ដោយមានវ៉ាក់សាំងជាជំនួយរបស់ ចិន ក៏ដូចជាជំនួយរបស់បណ្ដាប្រទេសក្នុងពិភពលោក និងវ៉ាក់សាំងដែលជាការបញ្ជាទិញរបស់ រាជរដ្ឋាភិបាល មកដល់ពេលនេះ កម្ពុជា បានចាក់វ៉ាក់សាំងជូនប្រជាជនដែលមានអាយុចាប់ពី ៣ ឆ្នាំឡើងទៅ បានជាង ៩២% ធៀបនឹងចំនួនប្រជាជនសរុប។
«អ្នកវិជ្ជមាននឹងកូវីដ-១៩ មិនបាច់ធ្វើតេស្ត ឬធ្វើចត្តាឡីស័កទៀតទេ»! នេះគឺនៅ ប្រទេសអេស្ប៉ាញ
អាជ្ញាធរអេស្ប៉ាញ អនុញ្ញាតឱ្យអ្នកកំពុងវិជ្ជមាននឹង វីរុស SARS-CoV-2 (កូវីដ-១៩) ដែលមានរោគសញ្ញាស្រាល មិនចាំបាច់ធ្វើចត្តាឡីស័កនៅផ្ទះ ឬធ្វើតេស្តរកវីរុស នៅពេលប្រទេសនេះចាត់ទុក កូវីដ-១៩ ជាជំងឺធម្មតាដូចផ្ដាសាយ។
ចាប់ពីថ្ងៃនេះ អាជ្ញាធរអេស្ប៉ាញ កំណត់ អនុញ្ញាតឱ្យអ្នកឆ្លងកូវីដ-១៩ ដែលមានអាការរោគស្រាល ឬមិនមានរោគសញ្ញា អាចរស់នៅ ប្រកបមុខរបររកស៊ី ដូចធម្មតា។ ការធ្វើតេស្ត ឬការធ្វើចត្តាឡីស័កនៅផ្ទះ បន្ទាប់ពីឆ្លង កូវីដ-១៩ លែងជាបញ្ហាដែលត្រូវតែអនុវត្តដូចមុនទៀតហើយ។
អ្នកដែលត្រូវធ្វើតេស្ត ឬធ្វើចត្តាឡីស័ក គឺជាក្រុមមនុស្សដែលមានហានិភ័យខ្ពស់ រួមមាន មនុស្សវ័យចាប់ពី ៦០ ឆ្នាំ និងអ្នកមានអង្គបដិប្រាណថយចុះ ក៏ដូចជាស្ត្រីមានផ្ទៃពោះ និងបុគ្គលិកសុខាភិបាល។
ដូច្នេះ នៅ ប្រទេសអេស្ប៉ាញ វិធានការទប់ស្កាត់ការឆ្លងកូវីដ-១៩ នៅសល់តែមួយគត់ គឺពាក់ម៉ាសនៅក្នុងអគារសាធារណៈ អគារ ឬសាលដែលមានមនុស្សច្រើន និងនៅក្នុងរថយន្តក្រុង រថភ្លើង និងយន្តហោះ៕
កូវីដ-១៩ នៅ កម្ពុជា! រកឃើញអ្នកឆ្លងថ្មី ជាង ៥០ នាក់ទៀត ក្នុងថ្ងៃទី ២៧ មីនា ២០២២
ក្នុងចំណោមអ្នកវិជ្ជមានថ្មីនឹង កូវីដ-១៩ ចំនួន ៥២ នាក់ ដែលបានរកឃើញកាលពី ២៤ ម៉ោង នៃថ្ងៃទី ២៧ មីនា មានករណីឆ្លងសហគមន៍ទាំង ៥២ នាក់ ដែលទាំងអស់សុទ្ធតែវិជ្ជមាននឹង អូមីក្រុង។
កូវីដ-១៩ នៅ កម្ពុជា! រកឃើញអ្នកឆ្លងថ្មី 58 នាក់ទៀត ក្នុងថ្ងៃទី ២៥ មីនា ២០២២
ក្នុងចំណោមអ្នកវិជ្ជមានថ្មីនឹង កូវីដ-១៩ មាន ករណីឆ្លងសហគមន៍ ៥៤ នាក់ និងអ្នកដំណើរពីបរទេស ៤ នាក់ ដែលទាំងអស់សុទ្ធតែវិជ្ជមាននឹង អូមីក្រុង។
កូវីដ-១៩ ប្រភេទ អូមីក្រុង «បំបាំងកាយ» បង្កឱ្យមានអាការធ្ងន់ធ្ងរនៅលើកុមារ
ការសិក្សាស្រាវជ្រាវថ្មីមួយដែលត្រូវបានធ្វើឡើងនៅទីក្រុងហុងកុង (ប្រទេសចិន) បានបង្ហាញថា កុមារដែលឆ្លង BA.២ ជាវីរុសបំប្លែងខ្លួនថ្មីដែលអាច «បំបាំងកាយ» របស់ វ៉ារ្យ៉ង់ អូមីក្រុង នៃ វីរុសកូវីដ-១៩ មានលទ្ធភាពធ្វើឱ្យអាការរោគរបស់អ្នកជំងឺ ប្រែជាធ្ងន់ធ្ងរជាង បើធៀបនឹង វីរុសបំប្លែងខ្លួនដទៃ ឬធៀបនឹងជំងឺរលាកសួត និងជំងឺផ្ដាសាយ។
លទ្ធផលនៃការស្រាវជ្រាវនេះត្រូវបានចាត់ទុកថា ជារបកគំហើញបឋម ព្រោះមិនទាន់ត្រូវបានផ្ទៀតផ្ទាត់ត្រឹមត្រូវដោយអ្នកវិទ្យាសាស្ត្រខាងក្រៅប្រទេសចិន ឬចុះផ្សាយនៅលើទស្សនាវដ្ដីវេជ្ជសាស្ត្រ ក៏ដូចជាមិនទាន់មានការសិក្សាស្រាវជ្រាវផ្សេងបញ្ជាក់បន្ថែម។
វេជ្ជបណ្ឌិត Beth Thielen នៅសាកលវិទ្យាល័យ Minnesota សហរដ្ឋអាម៉េរិក យល់ថា លទ្ធផលនៃការស្រាវជ្រាវនៅ ហុងកុង នេះ ឱ្យយើងដឹងអំពីផលប៉ះពាល់ដំបូងរបស់ វ៉ារ្យ៉ង់ BA.២ និងបញ្ជាក់អំពីសារសំខាន់នៃការចាក់វ៉ាក់សាំងបង្ការជំងឺកូវីដ-១៩។
ការសិក្សាស្រាវជ្រាវរបស់ក្រុមអ្នកវិទ្យាសាស្ត្រនៅ សាកលវិទ្យាល័យហុងកុង ត្រូវបានធ្វើឡើងដោយការប្រៀបធៀបអត្រានៃការចូលពេទ្យរបស់កុមារ ដោយសារ BA.២ ជាមួយនឹងបណ្ដា វីរុសបំប្លែងខ្លួនដទៃ ក្នុងអំឡុងពេលពី ខែមករា ២០២០ ដល់ខែ វិច្ឆិកា ២០២១៕