ក្នុងអំឡុង ២៤ ម៉ោងនៃថ្ងៃទី ២០ មេសា កម្ពុជា បានរកឃើញអ្នកវិជ្ជមាននឹង កូវីដ-១៩ ចំនួន ២៩ នាក់ ដែលសុទ្ធតែជាប្រភេទ អូមីក្រុង ក្នុងនោះមានករណីឆ្លងក្នុងសហគមន៍ ២២ នាក់ និងអ្នកដំណើរពីបរទេស ៧ នាក់។
តួលេខអ្នកវិជ្ជមានថ្មីខាងលើនេះ ខ្ពស់ជាងជិតពាក់កណ្ដាល បើធៀបនឹងថ្ងៃទី ១៧ ខែមេសា ឆ្នាំ ២០២២ ពោលគឺក្រោយពិធីបុណ្យចូលឆ្នាំខ្មែរ ១ ថ្ងៃ។ នៅថ្ងៃទី ១៧ មេសា កម្ពុជា មានអ្នកឆ្លងកូវីដ-១៩ ចំនួន ១៦ នាក់ ដែលសុទ្ធតែជាប្រភេទ អូមីក្រុង និងជាករណីឆ្លងក្នុងសហគមន៍។
ចំពោះអ្នកដំណើរពីបរទេសដែលមិនទាន់បានទទួលការចាក់វ៉ាក់សាំងបង្ការជំងឺកូវីដ-១៩ នឹងត្រូវធ្វើចត្តាឡីស័យ ៧ ថ្ងៃ ជំនួសឱ្យ ១៤ ថ្ងៃ ដែលធ្លាប់បានអនុវត្តកន្លងមក។
ព័ត៌មានលម្អិត សូមអានសេចក្ដីប្រកាសព័ត៌មានរបស់ ក្រសួងសុខាភិបាល ដូចខាងក្រោម៖
១០ ថ្ងៃទៀត ទើបមន្ត្រីជំនាញរបស់ ក្រសួងសុខាភិបាល អាចវាយតម្លៃបានអំពីកម្រិតឆ្លងកូវីដ-១៩ នៅក្នុងថ្ងៃបុណ្យចូលឆ្នាំខ្មែរ នេះបើតាម សម្ដេច ហ៊ុន សែន នាយករដ្ឋមន្ត្រីកម្ពុជា។
ការអះអាងនេះត្រូវបានលើកឡើងនៅក្នុងពិធីសម្ពោធសមិទ្ធផល នៃគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញ ជំហានទី៤ នាព្រឹកថ្ងៃទី ២០ មេសា ២០២២។
ប្រមុខរដ្ឋាភិបាលកម្ពុជា លើកឡើងថា មិនអាចវាយតម្លៃថាល្អ ឬយ៉ាងណាបាននៅឡើយ បើទោះក្រោយពិធីចូលឆ្នាំនេះមិនទាន់មានហានិភ័យធ្ងន់ធ្ងរទាក់ទងនឹងការឆ្លងជំងឺកូវីដ-១។ សម្ដេចថា ត្រូវរង់ចាំមើលស្ថានភាពរហូតដល់ដំណាច់ខែមេសា។
សម្ដេចតេជោ បានឱ្យដឹងថា បច្ចុប្បន្នប្រជាពលរដ្ឋចាក់វ៉ាក់សាំងដូសទី ៣ បានជាង ៨ លាននាក់ ក្នុងចំណោមមនុស្សជាង ១៤ លាននាក់ និងដូសទី ៤ បានជាង ១ លាននាក់។ សម្ដេចក៏បានអំពាវនាវឱ្យប្រជាជនបន្តទៅទទួលការចាក់វ៉ាក់សាំងដូសជំរុញ ដើម្បីបង្កើនភាពស៊ាំក្នុងសហគមន៍ឱ្យបានខ្លាំងក្លាថែមទៀត។
ក្នុងអំឡុង ២៤ ម៉ោងនៃថ្ងៃទី ១៩ មេសា កម្ពុជា បានរកឃើញអ្នកវិជ្ជមាននឹង កូវីដ-១៩ ចំនួន ២៧ នាក់ ដែលសុទ្ធតែជាប្រភេទ អូមីក្រុង និងជាករណីឆ្លងក្នុងសហគមន៍។
ក្នុងអំឡុង ២៤ ម៉ោងនៃថ្ងៃទី ១៨ មេសា កម្ពុជា បានរកឃើញអ្នកវិជ្ជមាននឹង កូវីដ-១៩ ចំនួន ១៤ នាក់ ដែលសុទ្ធតែជាប្រភេទ អូមីក្រុង និងជាករណីឆ្លងក្នុងសហគមន៍។
មកដល់បច្ចុប្បន្ន ពិភពលោកមានប្រទេសចំនួនតែ ៧ ប៉ុណ្ណោះ ដែលបាន និងកំពុងធ្វើយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនដល់កុមារដែលមានអាយុក្រោម ៥ ឆ្នាំ។
សារព័ត៌មាន Business Insider កាលពីថ្ងៃទី ១៦ មេសា បានឱ្យដឹងថា សហរដ្ឋអាម៉េរិក នៅមានការរារែកក្នុងការចាក់វ៉ាក់សាំងបង្ការជំងឺកូវីដ-១៩ ដល់កុមារអាយុក្រោម ៥ ឆ្នាំ ដោយរង់ចាំរហូតដល់ពេល Pfizer រួមនឹង Moderna បញ្ចប់ដំណាក់កាលពិសោធន៍វ៉ាក់សាំងសម្រាប់កុមារអាយុពី ៦ ខែ ដល់ ៤ ឆ្នាំ។ ចំណែក អឺរ៉ុប វិញ បច្ចុប្បន្នផ្ដោតទៅលើការចាក់វ៉ាក់សាំងជូនកុមារអាយុលើសពី ៥ ឆ្នាំ លើកលែងតែ ស៊ុយអែត ដែលប្រឆាំងនឹងការចាក់វ៉ាក់សាំងជូនកុមារអាយុក្រោម ១១ ឆ្នាំ។
ប្រទេសមួយចំនួនដែលបានបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនដល់កុមារអាយុក្រោយ ៥ ឆ្នាំ៖
គុយបា
កាលពីខែតុលា ២០២១ ប្រទេសគុយបា បានអនុញ្ញាតឱ្យប្រើប្រាស់វ៉ាក់សាំងក្នុងស្រុក Soberana-២ និង Soberana-plus សម្រាប់ការចាក់ជូនកុមារអាយុចាប់ពី ២ ឆ្នាំឡើងទៅ។
ក្រុមអ្នកស្រាវជ្រាវរបស់ គុយបា ឱ្យដឹងថា មិនមានផលវិបាកណាមួយគួរឱ្យចាប់អារម្មណ៍ឡើយ នៅក្នុងការពិសោធវ៉ាក់សាំងបង្ការកូវីដ-១៩ លើកុមារតូច។
វ៉េណេស៊ុយអេឡា
កាលពីខែវិច្ឆិកា ២០២១ ប្រទេសវ៉េណេស៊ុយអេឡា បានអនុម័តឱ្យប្រើប្រាស់បន្ទាន់នូវវ៉ាក់សាំង Soberana-២ របស់ គុយបា សម្រាប់កុមារអាយុពី ២ ឆ្នាំ ដល់ ១១ ឆ្នាំ។ មកដល់ចុងខែមីនា ២០២២ រដ្ឋាភិបាលវ៉េណេស៊ុយអេឡា ឱ្យដឹងថា កុមារប្រមាណ ៧៣% របស់ប្រទេសនេះ បានទទួលការចាក់វ៉ាក់សាំងយ៉ាងតិច ១ ដូសរួចហើយ។
ប្រទេសចិន
គិតមកដល់ខែវិច្ឆិកា ២០២១ កុមារប្រមាណ ៨៤ លាននាក់ នៅ ប្រទេសចិន បានទទួលការចាក់វ៉ាក់សាំងបង្ការកូវីដ-១៩ Sinovac ចំនួន ២ ដូស។ កុមារនៅប្រទេសចិន ដែលមានអាយុចាប់ពី ៣ ឆ្នាំឡើងទៅ អាចត្រូវបានចាក់វ៉ាក់សាំង Sinovac ឬ Sinopharm ហើយការចាក់នេះគឺជាការស្ម័គ្រចិត្ត។
អាជ្ញាធរហុងកុង កាលពីខែកុម្ភៈ ២០២២ ក៏បានយល់ព្រមឱ្យចាក់វ៉ាក់សាំង Sinovac ជូនកុមារអាយុលើសពី ៣ ឆ្នាំ ខណៈកុមារអាយុលើសពី ៥ ឆ្នាំ អាចចាក់វ៉ាក់សាំងរបស់ BioNTech។
បារ៉ែន
ប្រទេសនេះបានចុះកិច្ចសន្យាទិញវ៉ាក់សាំង Sinopharm របស់ ប្រទេសចិន កាលពីខែតុលា ២០២១។ បច្ចុប្បន្ន កុមារអាយុពី ៣ ដល់ ១១ ឆ្នាំ នៅ ប្រទេសបារ៉ែន អាចចាក់វ៉ាក់សាំងខាងលើ។
ប្រទេសស៊ីលី
កាលពីខែវិច្ឆិកា ២០២១ ក្រុមមន្ត្រីសុខាភិបាលរបស់ ស៊ីលី ប្រកាសផែនការចាក់វ៉ាក់សាំងបង្ការកូវីដ-១៩ សម្រាប់កុមារអាយុពី ៣ ឆ្នាំ ដល់ ៥ ឆ្នាំ ដោយប្រើប្រាស់វ៉ាក់សាំង Sinovac ឬហៅថា CoronaVac នៅប្រទេសនេះ។
អាហ្សង់ទីន
អាជ្ញាធររបស់ អាហ្សង់ទីន បានអនុញ្ញាតឱ្យប្រើប្រាស់វ៉ាក់សាំង Sinopharm ជាបន្ទាន់ សម្រាប់ចាក់ជូនកុមារអាយុពី ៣ ឆ្នាំឡើងទៅ កាលពីដើមខែតុលា ២០២១។
នៅប្រទេសនេះ គិតត្រឹមខែមករា ២០២២ កុមារអាយុពី ៣ ដល់ ១១ ឆ្នាំ ជាង ៤៦% បានទទួលការចាក់វ៉ាក់សាំងដូសទី ២ ខណៈដែល ៦៩.៥% ក្នុងក្រុមនេះ បានចាក់ម្ជុលដំបូង។
កម្ពុជា
គិតត្រឹមថ្ងៃទី ១៧ ខែមេសា ឆ្នាំ ២០២២ កំណើនអត្រានៃការចាក់វ៉ាក់សាំងបង្ការកូវីដ-១៩ លើកុមារអាយុចាប់ពី ៣ ឆ្នាំ ដល់ ក្រោម ៥ ឆ្នាំ មាន ៥២,៨៤% ធៀបជាមួយនឹងប្រជាជនគោលដៅ ៦១០,៧៣០ នាក់។ រដ្ឋាភិបាលកម្ពុជា បានសម្រេចចាក់វ៉ាក់សាំងបង្ការជំងឺកូវីដ-១៩ ជូនកុមារដែលមានអាយុពី ៣ ឆ្នាំដល់ក្រោម ៥ ឆ្នាំ ចាប់ពីថ្ងៃទី ២៣ ខែកុម្ភៈ ២០២២។
ក្នុងអំឡុង ២៤ ម៉ោងនៃថ្ងៃទី ១២ មេសា កម្ពុជា បានរកឃើញអ្នកវិជ្ជមាននឹង កូវីដ-១៩ ចំនួន ១៦ នាក់ ដែលសុទ្ធតែជាប្រភេទ អូមីក្រុង និងជាករណីឆ្លងក្នុងសហគមន៍។
ក្នុងអំឡុង ២៤ ម៉ោងនៃថ្ងៃទី ១២ មេសា កម្ពុជា បានរកឃើញអ្នកវិជ្ជមាននឹង កូវីដ-១៩ ចំនួន ១៨ នាក់ ដែលសុទ្ធតែជាប្រភេទ អូមីក្រុង និងជាករណីឆ្លងក្នុងសហគមន៍។
ទ្វីបអឺរ៉ុប រកឃើញករណីឆ្លងមេរោគ salmonella ចំនួន ១៥០ នាក់ ដែលត្រូវបានគេជឿថា ទាក់ទិននឹងបណ្ដាផលិតផលនំសូកូឡា Kinder ផលិតដោយរោងចក្រ Ferrero នៅ ប្រទេសបែលហ្ស៊ិក។
ក្នុងប្រកាសរួមមួយកាលពីថ្ងទី ១២ មេសា មជ្ឈមណ្ឌលគ្រប់គ្រងនិងទប់ស្កាត់ជំងឺឆ្លងអឺរ៉ុប និងអាជ្ញាធរគ្រប់គ្រងសុវត្ថិភាពចំណីអាហារអឺរ៉ុប ឱ្យដឹងថា ករណីឆ្លងមេរោគ salmonella ភាគច្រើនគឺជាក្មេងអាយុក្រោម ១០ ឆ្នាំ ក្នុងនោះមានករណីជាច្រើនត្រូវចូលព្យាបាលនៅមន្ទីរពេទ្យ។
គិតមកដល់ថ្ងៃទី ៨ មេសា ស្ថាប័នមានសមត្ថកិច្ចបានរកឃើញករណីឆ្លង salmonella ចំនួន ១១៩ នាក់ និង ករណីសង្ស័យថាបានឆ្លងចំនួន ៣១ នាក់ នៅក្នុង ៩ ប្រទេស នៃតំបន់អឺរ៉ុប រួមមាន បែលហ្ស៊ិក, បារាំង, អាល្លឺម៉ង់, អៀឡង់, លុចសំបួ, ហូឡង់, ន័រវែស, អេស្ប៉ាញ, ស៊ុយអែត និង អង់គ្លេស។
ស្ថាប័នខាងលើបានឱ្យដឹងថា បានរកឃើញមេរោគ salmonella ក្នុងផលិតផលនំសូកូឡា Kinder ដែលផលិតដោយរោងចក្រ Ferrero នៅទីរួមស្រុក Arlon នៃ ប្រទេសបែលហ្ស៊ិក និងបានអំពាវនាវឱ្យបណ្ដាប្រទេស បន្តតាមដាន ព្រោះថា ករណីឆ្លងមេរោគនេះអាចនឹងមានការកើនឡើងបន្ថែមទៀត។
កាលពីសប្ដាហ៍កន្លង ក្រុមហ៊ុនផលិតនំស្ករគ្រាប់ Ferrero របស់ អ៊ីតាលី បានបង្ខំចិត្តបិទទ្វារនៅ ប្រទេសបែលហ្ស៊ិក និងប្រមូលមកវិញនូវផលិតផលដែលបានដាក់លក់នៅ សហរដ្ឋអាម៉េរិក, អង់គ្លេស និងប្រទេសមួយចំនួននៅ អឺរ៉ុប។
ក្រុមហ៊ុន Ferrero បានទទួលស្គាល់ថា មានកំហុសឆ្គងក្នុងការផលិត និងបានផ្ញើការសុំអភ័យទោសដល់អតិថិជន ទាក់ទងនឹងបញ្ហាឆ្លងមេរោគ salmonella នៅលើផលិតផលនំសូកូឡា Kinder។
មេរោគ salmonella អាចបង្កឱ្យមានអាការរាករូស ក្ដៅខ្លួន និងឈឺក្រពះនៅលើមនុស្ស។ នេះគឺជាប្រភេទមេរោគដែលឆ្លងច្រើនជាគេមួយនៅលើចំណីអាហារ៕
ក្នុងអំឡុង ២៤ ម៉ោងនៃថ្ងៃទី ១១ មេសា កម្ពុជា បានរកឃើញអ្នកវិជ្ជមាននឹង កូវីដ-១៩ ចំនួន ១៧ នាក់ ដែលសុទ្ធតែជាប្រភេទ អូមីក្រុង និងជាករណីឆ្លងក្នុងសហគមន៍។
