សុខភាព - La Reine Media

មន្ទីរពេទ្យកុមារអង្គរបន្ថែមការយល់ដឹងដល់អាណាព្យាបាល ពីរបៀបថែទាំកូន និងបង្ការជំងឺបុត្រធីតា តាមរយៈវេទិកាថ្មីមួយ

មន្ទីរពេទ្យកុមារអង្គរបានបង្ហាញគម្រោងមួយដែលមានឈ្មោះថា វេទិកាតុកាហ្វេវិទ្យាសាស្ដ្រ ឬ Science Café ជាវេទិកាផ្តល់ចំណេះដឹងបន្ថែមដល់ឪពុកម្ដាយ ឬអាណាព្យាបាលដែលមានកូនមកសម្រាកព្យាបាលជំងឺក្នុងមន្ទីរពេទ្យកុមារអង្គរ ដើម្បីបន្ថែមការការពារ និងថែទាំបុត្រធីតាមិនឱ្យមានជំងឺ និងចេះថែទាំនៅពេលពួកគេឈឺថ្កាត់ផងដែរ។
ការពិតទៅ វេទិកាតុកាហ្វេវិទ្យាសាស្ដ្រនេះ បានបង្កើតឡើងអស់រយៈពេល 3ឆ្នាំមកហើយ គឺតាំងពីឆ្នាំ2016 មកម៉្លេះ ដោយមានកម្មវិធីបង្រៀនជាប្រចាំ សម្រាប់ចែករំលែកចំណេះដឹងសុខភាព ដល់មាតាបិតាដែលនាំកូនមកព្យាបាលជំងឺ ក្នុងមន្ទីរពេទ្យកុមារអង្គរ។ វេទិកានេះ ដូចជាថ្នាក់រៀនមួយដូច្នោះដែរដែលបង្រៀនមេរៀនពីជំងឺផ្សេងៗដែលងាយកើតលើកុមារតូចៗ និងរបៀបថែទាំពួកគេ។

កញ្ញា ប៉ុល ស្រីមុំ អ្នកស្រាវជ្រាវការិយាល័យស្រាវជ្រាវវិទ្យាសាស្ដ្រ Oxford ប្រចាំប្រទេសកម្ពុជា នៅក្នុងមន្ទីរពេទ្យកុមារអង្គរបានឱ្យដឹងថា គោលបំណងនៃវេទិកានេះ គឺផ្តល់ភាពជិតស្និទ្ធរវាងគ្រូពេទ្យនិងអាណាព្យាបាលកុមារ បង្កើនការយល់ដឹងបន្ថែមពីសុខភាពកុមារក៏ដូចជាជំងឺផ្សេងៗដែលកំពុងកើតមាន។ កញ្ញា ស្រីមុំ បានឱ្យដឹងថា រយៈពេល 3ឆ្នាំមកនេះ វេទិកានេះបានអញ្ជើញគ្រូពេទ្យតាមឯកទេសជាច្រើនសម្រាប់ការធ្វើបទបង្ហាញ និងផ្តល់ចំណេះដឹងផ្នែកថែទាំកុមារដល់ឪពុកម្ដាយ និងអាណាព្យាបាលកុមារ ហើយមេរៀនមួយចំនួនគឺបានពីការសម្ភាសអាណាព្យាបាលដែលពួកគេមានចម្ងល់ និងចង់ដឹងបន្ថែមពីអាការជំងឺ និងរបៀបថែទាំឱ្យបានល្អប្រសើរ។ ការបង្រៀននេះទៀតសោត បានផ្តោតលើជំងឺតាមរដូវកាល ដែលឧស្សាហ៍កើតលើកុមារ ដូចជាជំងឺផ្ដាសាយ គ្រុនឈាម និងកង្វះអាហារូបត្ថម្ភជាដើម។

អ្នកស្រី ចាន់ លីណា ដែលបានចូលរួមក្នុងវេទិកាកាហ្វេវិទ្យាសាស្ដ្របាននិយាយថា កម្មវិធីនេះពិតជាល្អ និងមានសារៈសំខាន់ណាស់ និងធ្វើឱ្យអ្នកស្រីទទួលបានចំណេះដឹងថ្មីបន្ថែមទាក់ទងនឹងអនាម័យថែទាំកូន។

លោកវេជ្ជបណ្ឌិត មីលីយ៉ា ធី ដែលធ្វើជាគ្រូឧទ្ទេសក្នុងវេទិកាតុកាហ្វេវិទ្យាសាស្ដ្រកាលពីពេលទៅថ្មីៗនេះ បាននិយាយថា លោកបានចែករំលែកចំណេះដឹងទាក់ទងនឹងជំងឺដែលកើតឡើងតាមរដូវកាលទាំងរដូវប្រាំង និងវស្សា។ លោកវេជ្ជបណ្ឌិតបានពន្យល់ថា រដូវកាលទាំង2 នេះតែងនាំមកនូវជំងឺផ្សេងៗគ្នាដែលអាណាព្យាបាលគួរស្វែងយល់ ពិសេសជំងឺផ្ដាសាយ និងជំងឺគ្រុនឈាមដែលតែងកើតលើកុមារភាគច្រើន ប្រសិនបើមិនមានការថែទាំត្រឹមត្រូវពីអាណាព្យាបាល។

សម្រាប់លោកវេជ្ជបណ្ឌិត មីលីយ៉ា ការយល់ដឹងពីជំងឺជាមុន ពិតជាសំខាន់ណាស់សម្រាប់ឪពុកម្ដាយ ព្រោះដើម្បីឱ្យកូនៗរបស់ពួកគាត់មានអនាម័យ និងចេះថែទាំកុមារកុំឱ្យឈឺ។ លោកថា ការការពារប្រសើរជាងការព្យាបាល ហើយលោកជឿថា អាណាព្យាបាលទាំងអស់នឹងយកចំណេះដឹងដែលបានរៀនពីគ្រូពេទ្យទៅអនុវត្តប្រសិនពួកគេស្រឡាញ់សុខភាពកូន។

កញ្ញា ប៉ុល ស្រីមុំ យល់ថា វេទិកានេះមានសារៈសំខាន់ និងជាឱកាសដែលឱ្យវាគ្មិនជាគ្រូពេទ្យមានពេលផ្តល់ព័ត៌មានកាន់តែលម្អិតទាក់ទងនឹងជំងឺ រីឯអាណាព្យាបាលអ្នកជំងឺវិញ ក៏ពួកគាត់មានឱកាសជជែកវែកញែកទាក់ទងនឹងអាការជំងឺរបស់កូន និងមានសំណួរទាក់ទងនឹងជំងឺរបស់កូនពួកគាត់ដែរ៕

February 10, 2020

ចំនួនអ្នកស្លាប់ដោយសារវីរុសកូរ៉ូណា បានកើនលើសពីអាសន្នរោគ SARS ទៅហើយ

អ្នកស្លាប់បន្ថែម 97នាក់ ដោយសារតែមេរោគកូរ៉ូណា គឺកើន11,9% បើធៀបនឹងម្សិលមិញ ធ្វើឱ្យចំនួនអ្នកស្លាប់សរុបឡើងដល់ 910នាក់ ច្រើនជាងជិត100នាក់ បើធៀបនឹងអាសន្នរោគ SARS។

គណៈកម្មការសុខាភិបាលខេត្ត Hebei នៃប្រទេសចិន ព្រឹកនេះបានបញ្ជាក់ថា មានអ្នកស្លាប់បន្ថែមចំនួន 91នាក់ ដោយសារបានឆ្លងមេរោគដ៏កំណាចនេះ ធ្វើឱ្យចំនួនអ្នកស្លាប់សរុបនៃខេត្ត Hubei ឡើងដល់ 871 នាក់។ នេះបើតាមទីភ្នាក់ងារសារព័ត៌មាន CNN។

ខេត្ត Hubei ក៏បានរកឃើញអ្នកឆ្លងមេរោគថ្មីចំនួន 2,618នាក់ ធ្វើឱ្យចំនួនសរុបនៃការបានឆ្លងមេរោគនេះនៅខេត្ត Hubei កើនឡើងដល់ 29,631នាក់។

គណៈកម្មការសុខាភិបាលជាតិរបស់ចិន ក៏បានប្រកាសដែរថា ចំនួនអ្នកស្លាប់ថ្មីនៅទូទាំងប្រទេសចិន គឺមាន 97នាក់ ធ្វើឱ្យចំនួនអ្នកស្លាប់សរុបនៃប្រទេសនេះ កើនដល់ 908នាក់។

ដូច្នេះ ចំនួនអ្នកស្លាប់ដោយសារមេរោគកូរ៉ូណាទូទាំងពិភពលោក សរុបមាន 910នាក់ ក្នុងនោះ មាន2នាក់ ស្លាប់នៅខាងក្រៅប្រទេសចិនដីគោក ពោលគឺ1ករណីនៅហុងកុង និង1ករណីទៀតនៅហ្វីលីពីន។ ចំនួនខាងលើនេះ បានលើសពីចំនួនអ្នកស្លាប់ដោយសារអាសន្នរោគ SARS ដែលបានកើតឡើងពីឆ្នាំ 2002-2003 នេះបើតាមអង្គការសុខភាពពិភពលោក។

គណៈកម្មការសុខាភិបាលចិន ក៏បានឱ្យដឹងថា ប្រទេសនេះ បច្ចុប្បន្ន មានអ្នកឆ្លងមេរោគកូរ៉ូណាបន្ថែមចំនួន 3,062នាក់ ធ្វើឱ្យចំនួនអ្នកឆ្លងមេរោគនេះ នៅប្រទេសចិនដីគោក សរុបឡើងដល់ 40,171នាក់៕

ប្រភព៖ សារព័ត៌មានបរទេស

February 10, 2020

សហរដ្ឋអាមេរិកចាប់ផ្ដើមនាំគ្នា “រត់ប្រណាំង” ជា “ផ្លូវការ” ជាមួយពេលវេលា ក្នុងការទប់ស្កាត់វីរុសកូរ៉ូណាថ្មី បន្ទាប់ពី…

ការ “រត់ប្រណាំង” យក “ជ័យជ” រវាងសហរដ្ឋអាមេរិក និងមេរោគកូរ៉ូណា កំពុងចាប់ផ្ដើមជាបណ្ដើរៗហើយ បន្ទាប់ពីអ្នកជំងឺម្នាក់ អាយុ35ឆ្នាំ ត្រូវបានបញ្ជូនទៅកាន់មន្ទីរពេទ្យនៅក្នុងតំបន់ Snohomish និងបានរកឃើញថា មានផ្ទុកមេរោគរលាកសួតកូរ៉ូណា រួមនិងករណីពលរដ្ឋអាមេរិកាំងម្នាក់បានស្លាប់ក្នុងថ្ងៃនេះ (8កុម្ភៈ) នៅឯក្រុង Wuhan ដោយសារមេរោគកូរ៉ូណា។

បុគ្គលិកពេទ្យពិភាក្សាគ្នាអំពីវិធីកំចាត់មេរោគកូរ៉ូណានៅឯមន្ទីរសុខាភិបាលខណ្ឌ Snohomish រដ្ឋវ៉ាស៊ីនតោន។

អ្នកឯកទេស និងជាអ្នកគ្រប់គ្រងផ្នែករោគឆ្លងនៅមជ្ឈមណ្ឌលសុខាភិបាលខណ្ឌ Snohomish ក្រុងវ៉ាស៊ីនតោន សហរដ្ឋអាមេរិក ចាប់ផ្ដើមធ្វើសកម្មភាពភ្លាមៗ ដោយមិនរង់ចាំក្រុមសុខាភិបាលនៃមជ្ឈមណ្ឌលគ្រប់គ្រង និងទប់ស្កាត់រោគឆ្លងអាមេរិក (CDC) មកពី Atlanta នោះទេ នៅពេលទទួលបានរបាយការណ៍ថា មានករណីផ្ទុកមេរោគកូរ៉ូណាដំបូងក្នុងតំបន់ដែលគាត់គ្រប់គ្រង។ Hollianne Bruce បានសម្រេចចិត្តទាក់ទងទៅកាន់បុរសជាអ្នកជំងឺដែលកំពុងត្រូវបានដាក់ឱ្យនៅដោយឡែកក្នុងមន្ទីរពេទ្យមួយ ក្នុងតំបន់។

កន្លែងធ្វើតេស្តរកមេរោគ Corona នៅទីក្រុង Lynnwood រដ្ឋវ៉ាសនតោន

នៅសហរដ្ឋអាមេរិក ការទប់ស្កាត់ការឆ្លងរាលដាលនៃមេរោគឆ្លង គឺជាតួនាទីរបស់មូលដ្ឋាននិមួយៗ។ ក្រោយពីបានរកឃើញអ្នកឆ្លងមេរោគដំបូង ក្រុមមន្ត្រីសុខាភិបាលខណ្ឌ និងក្រុង ចាប់ផ្ដើមរត់ប្រណាំងជាមួយពេលវេលាដើម្បីនាំអ្នកជំងឺទៅដាក់ឱ្យនៅដោយឡែក និងស្វែងយល់អំពីកន្លែងដែលអ្នកជំងឺរស់នៅ និងតាមដានអ្នកដែលធ្លាប់បានជួបអ្នកជំងឺនេះ។ ក្រុមបុគ្គលិកសុខាភិបាលក៏ព្យាយាមបំបាត់ព័ត៌មានចចាមអារ៉ាមគ្មានមូលដ្ឋាន ដើម្បីកាត់បន្ថយការភ័យខ្លាចក្នុងសហគមន៍ ក៏ដូចជាត្រៀមជាស្រេចក្នុងការដោះស្រាយករណីឆ្លងមេរោគថ្មីបន្ទាប់។

នៅមជ្ឈមណ្ឌលសុខាភិបាលខណ្ឌ Snohomish បុគ្គលិក 113នាក់ បានចំណាយពេលសរុប 1,000ម៉ោងក្នុងការព្យាយាមគ្រប់គ្រងមេរោគ ចាប់តាំងពីបានផ្ញើគំរូមេរោគរបស់អ្នកជំងឺវ័យ 35ឆ្នាំខាងលើ ទៅកាន់មជ្ឈមណ្ឌលគ្រប់គ្រង និងបង្ការរោគឆ្លង CDC (Centers for Disease Control and Prevention)។ បុគ្គលិកត្រួតពិនិត្យអាហារ អ្នកគ្រប់គ្រងធនធានមនុស្ស និងអ្នកជំនាញនៃផ្នែកផ្សេងៗ ក៏បានចូលរួមក្នុងការរត់ប្រណាំងជាមួយពេលវេលានេះដែរ។

សកម្មភាពទប់ទប់នឹងមេរោគកូរ៉ូណា ក្នុងរយៈពេល2សប្ដាហ៍កន្លងទៅ នៅឯមជ្ឈមណ្ឌលសុខាភិបាលខណ្ឌ Snohomish ដែលជាកន្លែងមានការិយាល័យពោរពេញដោយពាក្យស្លោក និងសារក្រើនរំឭកជាច្រើន ដូចជា “ភាពស៊ាំ៖ ប្រព័ន្ធការពារល្អបំផុតរបស់អ្នក!” ឬផ្ដល់ឈាមសង្គ្រោះមនុស្ស” ជាដើម បង្ហាញឱ្យឃើញនូវអ្វីដែលអាចនឹងកើតឡើងនៅក្នុងមជ្ឈមណ្ឌលសុខាភិបាលចំនួន 3,000កន្លែង នៅមូលដ្ឋានក្នុងសហរដ្ឋអាមេរិក នាប៉ុន្មានសប្ដាហ៍ខាងមុខ ពិសេសគឺ បន្ទាប់ពីមានពលរដ្ឋអាមេរិកម្នាក់បានស្លាប់ដោយសារបានឆ្លងមេរោគកូរ៉ូណាថ្មីនៅប្រទេសចិន។

ក្រុមគ្រូពេទ្យកំពុងពិនិត្យអ្នកជំងឺនៅឯប្រទេសចិន

សូមបញ្ជាក់់ថា នៅក្នុងថ្ងៃនេះ (8កុម្ភៈ) ដែរ ស្ថានទូតអាមេរិកប្រចាំនៅទីក្រុងប៉េកាំងប្រទេសចិន បានប្រកាសថា ពលរដ្ឋអាមេរិកាំងម្នាក់ បានបាត់បង់ជីវិតដោយសារការឆ្លងមេរោគកូរ៉ូណាថ្មី។ ស្ថានទូតសហរដ្ឋអាមេរិកលើកឡើងថា ពលរដ្ឋខ្លួនម្នាក់នោះ មានវ័យ៦០ឆ្នាំ និងបានស្លាប់ក្នុងមន្ទីរពេទ្យទីក្រុង Wuhan នៃខេត្ត Hubei។ នេះបើតាមទីភ្នាក់ងារសារព័ត៌មាន AFP៕

ប្រភព៖ សារព័ត៌មានបរទេស

February 8, 2020

ពលរដ្ឋចិននាំគ្នារកទិញថ្នាំអេដស៍ ដើម្បីទុកទប់ទល់វីរុសកូរ៉ូណា! អ្នកឆ្លៀតឱកាសរកលុយ និងសប្បុរសជនក៏បង្ហាញខ្លួន

ដោយសារតែមិនទាន់មានវិធីសាស្ត្រ ឬថ្នាំព្យាបាលពិសេស ពលរដ្ឋជាច្រើននៅប្រទេសចិន បាននាំគ្នាស្វែងរកទិញថ្នាំព្យាបាលជំងឺអេដស៍មកជំនួសបណ្ដោះអាសន្ន ដោយសង្ឃឹមថាពួកគេអាចឆ្លងផុតគ្រាលំបាក និងនៅមានជីវិតក្រោយការរាតត្បាតនៃអាសន្នរោគកូរ៉ូណានេះ។

បច្ចុប្បន្ន ក្នុងពិភពលោក មិនទាន់មានថ្នាំពិសេស និងមានប្រសិទ្ធភាពខ្ពស់សម្រាប់ព្យាបាលអ្នកជំងឺកូរ៉ូណានៅឡើយ បណ្ដាលឱ្យវីរុសនេះ សម្លាប់មនុស្សដល់ទៅ 724នាក់ គិតមកត្រឹមថ្ងៃទី8កុម្ភៈ ឆ្នាំ2020។ បើទោះបីជាមិនទាន់មានភ័ស្ដុតាងបង្ហាញពីលទ្ធផលនៃការពិសោធន៍ស៊ីជម្រៅក៏ដោយ ប៉ុន្តែ គណៈកម្មការសុខាភិបាលកណ្ដាលរបស់ចិន បានឱ្យដឹងថា ថ្នាំ lopinavir/ritonavir ដែលគេប្រើសម្រាប់ព្យាបាលជំងឺអេដស៍ ក៏អាចប្រើប្រាស់ដើម្បីព្យាបាលអ្នកមានផ្ទុកមេរោគកូរ៉ូណាផងដែរ ថ្វីបើមិនទាន់បានបកស្រាយអំពីយន្តការព្យាបាលនៃថ្នាំនេះ។

គ្រូពេទ្យចិនប្រើថ្នាំព្យាបាលអេដស៍ ដើម្បីព្យាបាលជំងឺរលាកសួតថ្មីកូរ៉ូណា

អ្នកវិទ្យាសាស្ត្រក៏កំពុងដុតដៃដុតជើងក្នុងការរកវិធីបង្កើតថ្នាំប្រឆាំងមេរោគកូរ៉ូណានេះដែរ

ប្រការខាងលើនេះ បានធ្វើឱ្យមានការភ្ញាក់ផ្អើលខ្លាំង ពិសេសគឺចំពោះថ្នាំ Kaletra ឬហៅថា Aluvia។ នេះគឺជាថ្នាំ lopinavir/ritonavir ដែលត្រូវបានដាក់់លក់ក្រោមឈ្មោះ Kaletra និងជាថ្នាំប្រឆាំងមេរោគអេដស៍តែមួយប្រភេទគត់ដែលត្រូវបានដាក់លក់នៅប្រទេសចិន។

Devy អាយុ38ឆ្នាំ មកពីខេត្ត Shandong បានឱ្យដឹងថា គាត់គឺជាមនុស្សម្នាក់ក្នុងចំណោមរាប់រយនាក់ដែលបានព្យាយាមស្វែងរកជួបអ្នកមានផ្ទុកមេរោគអេដស៍ ដើម្បីសុំថ្នាំនេះ។

បើទោះបីជាថ្មីៗនេះ Devy មិនធ្លាប់បានទៅកាន់ខេត្ត Hubei ឬ ក្រុង Wuhan ដែលជាសម្បុកមេរោគកូរ៉ូណាក៏ដោយ ប៉ុន្តែគាត់នៅតែព្រួយបារម្ភខ្លាចឆ្លងជំងឺនេះ ព្រោះថា គាត់មានអាការក្ដៅខ្លួន និងរកកលក្អួត។ ក្នុងពេលមានអារម្មណ៍អស់សង្ឃឹម គាត់ក៏បានស្គាល់បុរសម្នាក់ដែលមានផ្ទុកមេរោគអេដស៍។ បុរសម្នាក់នេះ មានរហ័សនាមថា Brother Squirrel ហើយគាត់កំពុងផ្ដត់ថ្នាំ Kaletra ដោយមិនគិតថ្លៃចំពោះអ្នកណាដែលកំពុងសង្ស័យថា ខ្លួនឯងមានផ្ទុកមេរោគកូរ៉ូណា។ Devy បានទៅជួប Brother Squirrel ហើយទទួលបានថ្នាំនេះចំនួន 30គ្រាប់។

ថ្នាំវ៉ាក់សាំងទប់ស្កាត់មេរោគកូរ៉ូណា nCoV នឹងត្រូវបានពិសោធនៅដើមសប្ដាហ៍ក្រោយ

ឱសថបុរាណចិនក៏ត្រូវបានគេយកមកប្រើសម្រាប់ព្យាបាលជំងឺកូរ៉ូណា

សូម្បីតែក្រោយពេលគាត់ត្រូវគ្រូពេទ្យពិនិត្យឃើញថា មិនមានផ្ទុកមេរោគកូរ៉ូណាប្រភេទ nCoV ក៏ដោយ ប៉ុន្តែ Devy នៅតែជឿថា ការស្វែងរកថ្នាំអេដស៍ គឺជាជម្រើសត្រឹមត្រូវ។

“អ្នកមានរក្សាខ្សត់”

នៅលើទំព័រសារព័ត៌មាន Reuters លោក Brother Squirrel (ឈ្មោះពិត Andy Li) បានឱ្យដឹងថា បន្ទាប់ពីបានឮថា មន្ត្រីសុខាភិបាលចិន ណែនាំឱ្យប្រើថ្នាំសម្រាប់អ្នកជំងឺអេដស៍ ដើម្បីព្យាបាលជំងឺកូរ៉ូណា លោក និងអ្នកជំងឺអេដស៍ជាច្រើននាក់ ក៏បាននាំគ្នាចែករំលែក និងប្រមូលបានថ្នាំអេដស៍ Kaletra ប្រហែល 5,400គ្រាប់ ក្នុងរយៈពេលមិនដល់1សប្ដាហ៍។ ក្រោយមក ពួកគេបានបង្ហោះសារនៅលើបណ្ដាញសង្គម Weibo ដើម្បីស្វែងរកអ្នកត្រូវការថ្នាំនេះ។

Andy យល់ថា ក្រុមរបស់គាត់ដូចជា “កំពុងអនុវត្តភារកិច្ចយោធា” ដូច្នោះដែរ។ ក្នុងរយៈពេល3ថ្ងៃដំបូងបន្ទាប់ពីបង្ហោះសារ លោក Andy បានទទួលសាររាប់រយ ធ្វើឱ្យគាត់រវល់រកតែពេលហូបបាយមិនចង់បាន ព្រោះមមាញឹកនឹងការរៀបចំថ្នាំធ្វើទៅឱ្យអ្នកដែលកំពុងត្រូវការ។

Andy បន្ថែមថា ៖ “មានមនុស្សច្រើនណាស់ដែលកំពុងត្រូវការថ្នាំនេះ ហើយខ្ញុំក៏មិនចង់ខ្ជះខ្ជាយពេលវេលា ព្រោះពេលវេលានៅពេលនេះ គឺជាអាយុជីវិត”។

ឱកាសចំណេញពីថ្នាំអេដស៍

ទន្ទឺមនិងសប្បុរជនដូច Andy ក៏មានមនុស្សជាច្រើនកំពុងរកបានផលចំណេញពីតម្រូវការថ្នាំអេដស៍នេះ។

មនុស្សជាង 34,893នាក់ ត្រូវបានគេបញ្ជាក់ថា បានឆ្លងមេរោគកូរ៉ូណានៅប្រទេសចិន ដែលភាគច្រើនគឺជាអ្នកស្រុក Wuhan នៅខេត្ត Hubei។ ក៏ប៉ុន្តែ កង្វះខាតឧបករណ៍ពិសោធន៍ បានធ្វើឱ្យមនុស្សជាច្រើនសង្ស័យថា ជាក់ស្ដែងមានមនុស្សច្រើនជាងនេះកំពុងផ្ទុកមេរោគ តែមិនទាន់បានពិនិត្យ។

វ៉ាក់សាំងការពារមេរោគរលាកសួត Wuhan នឹងមានក្នុងអំឡុង3ខែទៀត

Gatsby Fang ដែលជាអ្នកនាំទំនិញឆ្លងដែននៅប្រទេសចិន បានប្រាប់ថា គាត់បានបញ្ជាទិញថ្នាំអេដស៍ Kaletra ពីប្រទេសឥណ្ឌាកាលពីថ្ងៃទី 23មករា បន្ទាប់ពីមានដំណឹងថា ប្រភេទថ្នាំនេះអាចជួយទប់ទល់មេរោគកូរ៉ូណាបាន។

Gatsby បង្ហើបឱ្យដឹងថា ថ្នាំមួយដបដែលមាន60គ្រាប់ គាត់លក់ក្នុងតម្លៃ600យន់ (ប្រហែល85ដុល្លារអាមេរិក) គឺគាត់ចំណេញចាប់ពី 200-300យន់ (28-42ដុល្លារ) ក្នុងមួយដប។ ជាធម្មតា តម្លៃរបស់ថ្នាំនេះ ត្រឹមតែ100យន់ (14ដុល្លារ) ប៉ុណ្ណោះ តែពេលនេះ វាបានឡើងដល់ 300-400យន់ (42-57ដុល្លារ) ក្នុងមួយដប។ ក្រោយការនាំចូលទំនិញបាន2ថ្ងៃ Gatsby បានលក់ដាច់គ្មានសល់។ មានអតិថិជនខ្លះ បានបញ្ជាទិញដល់ទៅ 600ដបក្នុងពេលតែមួយ។

តាមការឱ្យដឹងពីអ្នកជំនួញឆ្លងដែនខាងលើ អតិថិជនរបស់គាត់មានច្រើនប្រភេទ ចាប់ពីអ្នកដែលមានផ្ទុកមេរោគកូរ៉ូណា គ្រូពេទ្យជួរមុខនៅខេត្ត Hubei រហូតដល់អ្នកដែលមិនមានផ្ទុកមេរោគនេះសោះ ក៏ទិញទុកការពារផងដែរ។ ក្រៅពីនេះ ក៏មានអ្នកខ្លះក្លែងធ្វើជាអ្នកជំងឺមកទិញថ្នាំអេដស៍ដើម្បីយកទៅលក់បន្ត រកចំណេញ។

យ៉ាងណាក៏ដោយ លោក Gatsby បានឱ្យដឹងថា អតិថិជនភាគច្រើនរបស់គាត់ គឺជាអ្នកដែលមិនទាន់ទទួលបានការព្យាបាល ឬមិនទាន់ដឹងច្បាស់ថាខ្លួនមានផ្ទុកមេរោគដ៏សាហាវនេះដែរឬអត់។

សូមបញ្ជាក់ថា ថ្វីបើមានការប្រើប្រាស់ថ្នាំអេដស៍ដើម្បីព្យាបាលអ្នកជំងឺកូរ៉ូណានៅប្រទេសចិន ប៉ុន្តែ អង្គការសុខភាពពិភពលោក WHO បានប្រកាសថា បច្ចុប្បន្ន គេមិនទាន់រកឃើញថ្នាំ ឬវិធីព្យាបាលពិសេសណាមួយសម្រាប់មេរោគនេះនៅឡើយ៕

ប្រភព៖ សារព័ត៌មានបរទេស

February 8, 2020

អាជ្ញាធរចិន មិនបានសុំទោសចំពោះសពលោកវេជ្ជបណ្ឌិត Li Wenliang ដែលត្រូវមហាជនចាត់ទុកជា “វីរបុរសប្រឆាំងកូរ៉ូណា”

មន្ត្រីចិនមិនបានឆ្លើយតបទៅនឹងសំណួរដែលសួរថា “តើអាជ្ញាធរនឹងសុំទោសចំពោះការស្លាប់របស់លោកគ្រូពេទ្យ Li Wenliang ដែរ ឬអត់?” នោះទេ ផ្ទុយទៅវិញ គ្រាន់តែអានសេចក្ដីប្រកាសចូលរួមរំលែកទុក្ខប៉ុណ្ណោះ។

ក្នុងសន្និសីទសារព័ត៌មាននៅហុងកុងកាលពីម្សិលមិញ តំណាងក្រសួងការបរទេសចិនប្រចាំក្រុងហុងកុង លោក Xie Feng បានអានសេចក្ដីប្រកាសដ៏ខ្លីមួយដែលផ្ញើមកពីអាជ្ញាធរក្រុង Wuhan សម្ដែងការចូលរួមរំលែកទុក្ខដ៏ក្រៀមក្រំបំផុត ជាមួយក្រុមគ្រួសារនៃសពលោកវេជ្ជបណ្ឌិត Li Wenliang ដែលបានបាត់បង់ជីវិតកាលពីព្រឹកម្សិលមិញ (7កុម្ភៈ ឆ្នាំ2020) ដោយសារជំងឺរលាកសួតដែលបង្កឡើងដោយមេរោគកូរ៉ូណាប្រភេទថ្មី nCoV។

តំណាងក្រសួងការបរទេសចិន បានបន្តថា មេរោគកូរ៉ូាណា nCoV នេះ អាចត្រូវបានទប់ស្កាត់ និងព្យាបាលជាសះស្បើយ ហើយថា ការជឿជាក់នេះកើតចេញពីកម្លាំងនៃប្រព័ន្ធសុខាភិបាលប្រទេសចិន។ លោកក៏បានកោតសរសើរចំពោះល្បឿននៃប្រតិកម្មរបស់ក្រុងប៉េកាំងចំពោះអាសន្នរោគនេះ ខណៈដែលរដ្ឋអំណាចគ្រប់ជាន់ថ្នាក់ ត្រូវបានប្រមូលផ្ដុំ និងសាមគ្គីគ្នាជាធ្លុងមួយ។

សូមរំឭកថា អ្នកប្រើបណ្ដាញសង្គមនៅប្រទេសចិន បាននាំគ្នាសម្ដែងការស្ដាយស្រណោះចំពោះការចាកចេញដោយគ្មានថ្ងៃត្រឡប់របស់វេជ្ជបណ្ឌិត Li Wenliang ហើយថា អាជ្ញាធរនៅជំពាក់ពាក្យសុំទោសចំពោះគាត់។

Li Wenliang ត្រូវបានគេចាត់ទុកថា ជាមនុស្សម្នាក់ក្នុងចំណោមមនុស្សដំបូងគេដែលបានចែករំលែកព័ត៌មាន និងព្រមានអំពីអាសន្នរោគរលាកសួតដែលបង្កឡើងដោយមេរោគកូរ៉ូណា (nCoV) នៅប្រទេសចិន។ ក្នុងថ្ងៃទី30 ខែធ្នូ ឆ្នាំ2019 Li Wenliang បានផ្ញើសារចូលក្នុងក្រុម WeChat របស់គាត់ដែលមានមិត្តភក្ដិរបស់គាត់ 150នាក់ ដែលជាមិត្តចាស់។ គាត់បានព្រមានអំពីអ្នកជំងឺ 7នាក់ដែលបានឆ្លងមេរោគមួយប្រភេទដែលគាត់យល់ថា ដូចទៅនឹងមេរោគផ្លូវដង្ហើម SARS (Severe Acute Respiratory Syndrome) ដែលធ្លាប់បានកើតឡើងនៅប្រទេសចិនកាលពីឆ្នាំ2002 និងបានសម្លាប់មនុស្សប្រមាណជា800នាក់ នៅទូទាំងពិភពលោក។

បន្ទាប់ពីបែកធ្លាយសារខាងលើ ក្រុមមន្ត្រីសុខាភិបាលនៃក្រុង Wuhan បានកោះហៅលោកគ្រូ Li ដោយស្នើឱ្យគាត់និយាយអំពីមូលហេតុដែលគាត់បានចែករំលែកព័ត៌៌មាននេះ។ ថ្ងៃទី3មករា ក្រុមនគរបាលក៏បានហៅគាត់ទៅសួរនាំ ហើយបង្ខំឱ្យគាត់សន្យាថា “បានចែករំលែកព័ត៌មានមិនពិត ធ្វើឱ្យច្របូកច្របល់ក្នុងសង្គមជាតិ”។

បើទោះជាមានការខឹងសម្បាខ្លាំងពីមជ្ឈដ្ឋានទូទៅ មន្ត្រីតំណាងក្រសួងការបរទេសចិនលោក Xie Feng ក៏នៅតែមិនឆ្លើយតបនឹងសំណួរដែលសួរថា “តើអាជ្ញាធរនឹងសុំទោសចំពោះការស្លាប់របស់លោកគ្រូពេទ្យ Li Wenliang ដែរ ឬអត់?” ផ្ទុយទៅវិញ លោក Xie Feng គ្រាន់តែអានសេចក្ដីប្រកាសចូលរួមរំលែកទុក្ខតែប៉ុណ្ណោះ។

លោកគ្រូពេទ្យ Li Wenliang ដែលត្រូវមហាជនចិន ចាត់ទុកជាវីរបុរសប្រឆាំងអាសន្នរោគកូរ៉ូណា

លោក Xie Feng បានប្រកាសថា ពលរដ្ឋចិនមានសេរីភាពក្នុងការបញ្ចេញមតិ និងទទួលព័ត៌មានបានពេញលេញទៅតាមច្បាប់។ លោកថា ៖ “បើសិនប្រើអ៊ីនធើណិត អ្នកនឹងបានឃើញថា អ្នករាល់គ្នាអាចបញ្ចេញមតិអំពីបញ្ហាអាសន្នរោគដោយសេរី និងសកម្មបែបណា”។

សូមបញ្ជាក់ថា អាសន្នរោគកូរ៉ូណា បានចាប់ផ្ដើមឆ្លងរាលដាលតាំងពីចុងឆ្នាំ 2019 នៅក្រុង Wuhan ប្រទេសចិន ហើយមកទល់នឹងពេលនេះ អាសន្នរោគនេះ បានសម្លាប់មនុស្ស 724នាក់ និងអ្នកជំងឺ 6,106នាក់ផ្សេងទៀត កំពុងស្ថិតក្នុងស្ថានភាពគ្រោះថ្នាក់ដល់ជីវិត៕

ប្រភព៖ សារព័ត៌មានបរទេស

February 8, 2020

បបោសអង្អែលបែបណា ទើបធ្វើឱ្យដៃគូរបស់អ្នកឈ្លក់វង្វេង?

សម្រាប់ការបើកសង្រ្គាមប្រយុទ្ធដោយយកគ្រែ ពូក ខ្នល់ខ្នើយ ធ្វើជាសមរភូមិក្ដៅគេជឿថា គ្មានភាគីណាមួយដែលមិនប្រាថ្នាភាពជោគជ័យ និងអាចឈានដល់ចំណុចកំពូល ក៏ដូចជាបំណងប្រាថ្នានាំការទទួលបាននូវភាពស្រណុកសុខស្រួលនោះឡើយ។ ចង់ដឹងទេថា តើមានក្បួនយុទ្ធសាស្រ្តណាខ្លះ ដែលអាចធ្វើឱ្យអ្នក និងដៃគូទទួលបានសេចក្ដីសុខសាន្តបាន? សូមតាមដាន និងសាកល្បងអនុវត្តនូវវិធីសាស្រ្តទាំង 5ដូចខាងក្រោមនេះ៖

១-បបោសអង្អែល តាមរយៈសកម្មភាពមាត់
ការបបោសអង្អែល ដោយការបឺតមាត់គ្នា គឺជាការដាស់អារម្មណ៍ឱ្យគ្នាទៅវិញទៅមកមួយប្រកបដោយភាពស្រៀវស្រើប។ បបូរមាត់ដ៏ស្រទន់ របស់ភាគីស្រីនឹងញ័រចំប្រប់ដោយសារបានប៉ះផ្អឹបនឹងបបូរមាត់ប្រកបដោយសិល្បៈរបស់បុរសជាគូស្នេហ៍។ ក្នុងពេលដែលខ្យល់ដង្ហើមក្តៅឧណ្ហៗ បាញ់ចេញពី ច្រមុះភាគីខាងប្រុសទៅលើផែនថ្ពាល់ដ៏រលើបរលោងរបស់ភាគីខាងស្រី វានឹងធ្វើឱ្យទទួលអារម្មណ៍ថា ការខាំលិឍបបូរមាត់ជាមួយបុរសគូស្នេហ៍ ជាការស្រេកឈ្លាន ត្រេកត្រអាលមួយ ហើយអារម្មណ៍ខាងស្រីក៏នឹងចាប់ផ្តើមឡើងកម្តៅដោយសកម្មភាពដ៏មមាញឹកនៃបបូរមាត់របស់បុរសជាគូស្នេហ៍។

២-បបោសអង្អែល ដោយការប្រើអណ្តាត
ការបបោសអង្អែលដោយការស៊កអណ្តាតទៅកាន់ទីតាំងស្រៀវស្រើបឱ្យគ្នាទៅវិញទៅមក វាបានធ្វើឱ្យភ្លើងកាមគុណកាន់តែពុះកញ្ជ្រោល រោលរាលខ្លាំងឡើង មិនថាចំពោះការថ្នាក់ថ្នមបបោសអង្អែលនោះកើតឡើងរវាងអណ្តាត និងអណ្តាត ឬអណ្តាត និង ក ឬការបបោសអង្អែល ដ៏ស្រៀវស្រើបបំផុតរវាងអណា្តតជាមួយនឹងទីតាំងអាថ៌កំបាំងរបស់គូស្នេហ៍ទាំងពីរនោះទេ ដោយសារតែអណ្តាតអាចគ្រប់គ្រងបាន ទោះចង់គ្រលាស់ដាស់អារម្មណ៍ ត្រង់ផ្នែកណា ឬចង់បាញ់ឆ្ពោះទៅកាន់ផ្នែកទទួលអារម្មណ៍ស្រើបស្រាលណាមួយរបស់ដៃគូក៏បាន។ ដូច្នេះហើយទើបអណ្តាតបានក្លាយទៅជាផ្នែកដ៏សំខាន់បំផុតមួយក្នុងការដាស់អារម្មណ៍ឱ្យគ្នាទៅវិញទៅមក ព្រោះថា ប្រសិនបើខ្វះការបបោសអង្អែល ដោយការប្រើអណ្តាត នោះសេចក្តីសុខស្រួលដែលបានពីសិចនឹងមិនបានសមដូចអារម្មណ៍នោះឡើយ។

៣-បបោសអង្អែលដោយប្រើច្រមុះថើបឈ្មុល
ការបបោសអង្អែលឱ្យគ្នាទៅវិញទៅមកដោយការប្រើច្រមុះថើបស្រង់ក្លិនឈ្មុសឈ្មុល ចាត់ទុកថាជាសកម្មភាពលើគ្រែ ពិសេសមួយ ដែលគូស្នេហ៍គ្រប់រូបគប្បីគួរបំពេញឱ្យគ្នា។ សិចដែលខ្វះការបបោសអង្អែលដោយច្រមុះទៅលើទីតាំងស្រៀវស្រើបផ្សេងៗ គឺជាសិចដែលមិនបាន សម្តែងចេញនូវក្តីស្រលាញ់ឱ្យដល់ទីបំផុតឡើយ លើកលែងតែការចូលដល់ទីតាំងនោះមានក្លិនមិនល្អ។ អារម្មណ៍ដែលគូស្នេហ៍ច្រើន តែបំពេញឱ្យគ្នាទៅវិញទៅមកនោះ គឺត្រង់បរិវេណ ក ជាពិសេសខាងស្រី ពេលត្រូវឈ្មុសឈ្មុលដោយច្រមុះកោងស្រួចរបស់បុរសជាគូស្នេហ៍ តែងតែបិតភ្នែកប្រិមៗ ផ្អឹបមាត់ប្រកបដោយសេចក្តីសុខស្រួលរាល់លើក។

៤-បបោសអង្អែលដោយបង្អូសម្រាមដៃ
ការប្រើម្រាមដៃជំនួសក្នុងការមានសិចនោះ វាជាអាវុធរំញោច និងដាស់អារម្មណ៍ឱ្យពុះកញ្ជ្រោលបានខ្លាំង។ ម្រាមដៃដ៏ស្រលូន ដែលដាក់បង្អូសទៅលើចំណុចសំខាន់ៗនៅលើរាង្កកាយអាចធ្វើឱ្យអារម្មណ៍គូស្នេហ៍ទាំងពីរអ្នកពុះកញ្ច្រោល។ ម្រាមដៃដែលធ្វើការវាយលុកបានគ្រប់កន្លុកកន្លៀត កៀនកោះទាំងអស់លើរាង្គកាយ ជាពិសេសទីកំបាំង ឬទីតាំងហប់ខ្យល់។ កតា្តសំខាន់គូស្នេហ៍ច្រើន ប្រើម្រាមដៃដើម្បីដាស់អារម្មណ៍ឱ្យពុះកញ្រ្ចោល ឬ អាចនិយាយម្យ៉ាងទៀតថា ដើម្បីកម្តៅសាច់ដុំរាង្គកាយមុននឹងឈានដល់ដំណាក់កាលដោយការដាក់ចូលដកចេញ។ ប៉ុន្តែយ៉ាងណាក៏ដោយ ត្រូវមានការប្រុងប្រយ័ត្នចំពោះក្រចកដៃ ពីព្រោះកាលដែល អ្នកទុកក្រចកដៃវែងពេក នោះមុខក្រចកអាចនឹងបង្កជារបួសស្នាមដល់គ្នា។

៥-បបោសអង្អែលដោយខ្លួនប៉ះខ្លួន
គូស្នេហ៍ជាច្រើនអាចនឹងមើលរំលងនូវការបបោស អង្អែលចំណុចមួយនេះ ប៉ុន្តែយើងសូមបញ្ជាក់ប្រាប់ថា ការដែលខ្លួនត្រូវផ្អោប និងត្រូវឱបរឹតយ៉ាង ណែននោះ វាអាចផ្តល់នូវសេចក្តីសុខ និងភាពកក់ក្តៅដល់គូស្នេហ៍ទាំងសងខាងបានយ៉ាងល្អប្រសើររហូតនឹកស្មានមិនដល់។ ដូច្នេះ ចូរកុំបោះប ង់ការបបោសអង្អែលដោយខ្លួនប៉ះខ្លួននេះឱ្យសោះណា៕

February 8, 2020

អ្នកស្លាប់ដោយសារអាសន្នរោគកូរ៉ូណា កើនដល់724នាក់ ខណៈអ្នកផ្ទុកមេរោគដែលស្ថិតក្នុងស្ថានភាពអាសន្ន កើនដល់ 6,106នាក់

មនុស្សចំនួន 86នាក់បន្ថែមទៀតហើយបានស្លាប់ដោយសារអាសន្នរោគកូរ៉ូណា។ ចំនួននេះកើនឡើង 13,4% បើធៀបនឹងចំនួនអ្នកស្លាប់កាលពីម្សិលមិញ។ ករណីស្លាប់បន្ថែមនេះ បានធ្វើឱ្យចំនួនអ្នកស្លាប់សរុបកើនដល់ 724នាក់។

គណៈកម្មការសុខាភិបាលខេត្ត Hubei ព្រឹកនេះបានបញ្ជាក់ថា មានអ្នកស្លាប់បន្ថែម 81នាក់ គឺច្រើនជាង12នាក់ បើធៀបនឹងម្សិលមិញ។ ប្រការនេះ បានបង្កើនចំនួនអ្នកស្លាប់ដោយសារមេរោគកូរ៉ូណាថ្មីនៅក្នុងខេត្តនេះ ឡើងដល់ 699នាក់។

ខេត្ត Hubei ក៏បានរកឃើញអ្នកឆ្លងមេរោគថ្មីនេះបន្ថែម 2,841ករណី នាំឱ្យចំនួនអ្នកឆ្លងសរុបក្នុងខេត្តនេះ ឡើងដល់ 24,953នាក់។

គណៈកម្មការសុខាភិបាលចិនឯណោះវិញ ក៏បានប្រកាសថា ចំនួនអ្នកស្លាប់បន្ថែមនៅទូទាំងប្រទេសចិនដីគោក គឺ 86នាក់។ ចំនួននេះ បានធ្វើឱ្យអ្នកស្លាប់សរុបនៅទូទាំងពិភពលោក កើនដល់ 722នាក់។ ចំណែកអ្នកឆ្លងថ្មី មានចំនួន 3,385នាក់ ធ្វើឱ្យអ្នកឆ្លងសរុបនៅចិនដីគោក ឡើងដល់ 34,546នាក់។

ដូច្នេះ គិតមកដល់ពេលនេះ នៅទូទាំងពិភពលោក មានអ្នកស្លាប់សរុប 724នាក់ រួមទាំងអ្នកស្លាប់ម្នាក់នៅហ្វីលីពីន និងម្នាក់នៅហុងកុង។ ចំណែកអ្នកឆ្លងសរុបទូទាំងពិភពលោកក៏កើនឡើងដល់ 34,879នាក់ ក្នុងនោះមាន 6,106នាក់កំពុងស្ថិតក្នុងស្ថានភាពអាសន្នបំផុត៕

ប្រភព៖ សារព័ត៌មានបរទេស

February 8, 2020

ប្រជាជនចិនកំពុងអាណិត ស្រណោះ “អ្នកក្លាហានដំបូងគេ ដែលបានព្រមានអំពីអាសន្នរោគកូរ៉ូណា”

អ្នកប្រើបណ្ដាញសង្គមនៅប្រទេសចិន បាននាំគ្នាសម្ដែងការស្ដាយស្រណោះចំពោះការចាកចេញដោយគ្មានថ្ងៃត្រឡប់របស់វេជ្ជបណ្ឌិត Li Wenliang ហើយថា អាជ្ញាធរនៅជំពាក់ពាក្យសុំទោសចំពោះគាត់។

មន្ទីរពេទ្យធំរបស់ក្រុង Wuhan កាលពីព្រឹកមិញ បានបញ្ជាក់នៅលើទំព័រ Weibo របស់ខ្លួនថា វេជ្ជបណ្ឌិត Li Wenliang អាយុ34ឆ្នាំ ដែលជាមនុស្សម្នាក់ក្នុងចំណោមមនុស្សដែលបានបញ្ចេញសារព្រមានអំពីអាសន្នរោគរលាកសួតថ្មី ពិតជាបានបាត់បង់ជីវិតនៅវេលាម៉ោង2និង58នាទី (ប្រហែលម៉ោង2 នៅភ្នំពេញ) ក្រោយពីបានប្រយុទ្ធនឹងជំងឺរលាកសួត nCoV អស់មួយរយៈពេលមកនេះ។

ព័ត៌មានស្ដីអំពីការស្លាប់របស់គ្រូពេទ្យខាងលើនេះត្រូវបានសារព័ត៌មាន Global Times ដែលគ្រប់គ្រងដោយទីភ្នាក់ងារសារព័ត៌មាន People’s Daily (អ្នកនាំពាក្យផ្លូវការរបស់បក្សកុម្មុយនីសចិន) បានបង្ហោះសារដំបូងនៅលើបណ្ដាញសង្គម Twetter កាលពីវេលាម៉ោងប្រហែល20និង40នាទីនៃថ្ងៃទី6កុម្ភៈកន្លងទៅ។ មិត្តភក្ដិ និងក្រុមគ្រូពេទ្យនៅមន្ទីរពេទ្យ Wuhan ប្រាប់ថា ការស្លាប់របស់់គ្រូពេទ្យ Li Wenliang គឺបណ្ដាលមកពីជំងឺរលាកសួតដែលបង្កឡើងដោយមេរោគកូរ៉ូណា nCoV នេះបើតាមសារព័ត៌មាន Global Times។

បន្ទាប់ពីការបានបង្ហោះសារដំបូងនៅលើបណ្ដាញសង្គម Twetter ត្រឹមតែប៉ុន្មាននាទីប៉ុណ្ណោះ អ្នកលេងបណ្ដាញសង្គមរាប់ពាន់នាក់បានបញ្ចេញមតិសោកស្ដាយ និងអាណិតអាសូរចំពោះការស្លាប់របស់វេជ្ជបណ្ឌិតរូបនេះ។

អ្នកលេងបណ្ដាញសង្គមម្នាក់បញ្ចេញមតិនៅខាងក្រោមសេចក្ដីប្រកាសរបស់មន្ទីរពេទ្យក្រុង Wuhan ថា ៖ “យើងខ្ញុំនឹងចងចាំមិនភ្លេចចំពោះលោកគ្រូពេទ្យដែលបានបញ្ចេញព័ត៌មានដំបូងគេទាក់ទិននឹងអាសន្នរោគនេះ ហើយដែលត្រូវគេចាត់ទុកថាជាព័ត៌មានមិនពិត។ តើយើងខ្ញុំអាចធ្វើអ្វីបានខ្លះ? ប្រការដែលយើងខ្ញុំអាចធ្វើបាននោះគឺមិនភ្លេចគាត់”។

Hashtag “គ្រូពេទ្យ Li បាត់បង់ជីវិត” ភ្លាមនោះ ទទួលបានការចូលមើល និងការបញ្ចេញមតិរាប់លានដង នៅលើបណ្ដាញសង្គម Weibo។ ប៉ុន្តែប៉ុន្មានម៉ោងក្រោយមក អត្ថបទដែលបានបង្ហោះនៅលើគណនី Twitter របស់ Global Times ក៏ត្រូវបានគេលុបចោល។ ទំព័រសារព័ត៌មានផ្សេងៗរបស់រដ្ឋចិន ក៏បានលុបចោលព័ត៌មានដែលទាក់ទិននឹងការស្លាប់របស់វេជ្ជបណ្ឌិតវ័យក្មេង ដោយមិនមានការបកស្រាយអ្វីទាំងអស់។

អង្គការសុខភាពពិភពលោក WHO ដំបូងក៏បានសម្ដែងការសោកស្ដាយចំពោះវេជ្ជបណ្ឌិត Li Wenliang នៅលើទំិព័រ Twetter ៖ “យើងខ្ញុំពិតជាក្ដុកក្ដួលចំពោះមរណភាពរបស់វេជ្ជបណ្ឌិត Li Wenliang។ យើងទាំងអស់គ្នាត្រូវតែលើកតម្កើងកិត្តិយសនៃកិច្ចការដែលគាត់បានធ្វើ ទាក់ទិននឹង #nCoV2019″។ ប៉ុន្តែ ក្រោយមក មិនដឹងមានមូលហេតុអ្វី WHO ក៏បានកែប្រែអត្ថបទរបស់ខ្លួន ដោយសរសេរថា ពួកគេពុំមានព័ត៌មានអ្វីស្ដីអំពីស្ថានភាពរបស់លោក Li Wenliang នោះឡើយ។

មនុស្សជាច្រើនកំពុងតែសង្ឃឹមទៅលើអព្ភូតហេតុដ៏អស្ចារ្យមួយកើតឡើង ខណៈដែលមន្ទីរពេទ្យធំរបស់ក្រុង Wuhan កាលពីវេលាម៉ោង 00និង45នាទី ថ្ងៃទី7កុម្ភៈ ប្រកាសថា គ្រូពេទ្យ Li “កំពុងស្ថិតក្នុងស្ថានភាពគ្រោះថ្នាក់” ប៉ុន្តែ មិនទាន់បាត់បង់ជីវិតដូចការរាយការណ៍របស់សារព័ត៌មាននោះទេ។

“យប់នេះ ពួកយើងមិនដេកនោះទេ ពួកយើងគឺនៅរង់ចាំអព្ភូតហេតុ។ យប់នេះយើងខ្ញុំមិនបាច់ដេកទេ ប៉ុន្តែ Li Wenliang ត្រូវតែរស់”។

មនុស្សជាច្រើនបានបញ្ចេញមតិនៅលើគណនីបណ្ដាញសង្គម Weibo របស់លោកគ្រូ Li ដោយបួងសួងឱ្យគាត់អាចបន្តបង្ហោះសារនៅលើទំព័ររបស់គាត់តទៅទៀត។ ប្រហែល 2ម៉ោងក្រោយការប្រកាសលើកទីមួយរបស់មន្ទីរពេទ្យធំនៅក្រុង Wuhan មន្ទីរពេទ្យនេះបានចេញសេចក្ដីប្រកាសជាលើកទីពីរ។ អព្ភូតហេតុដែលមនុស្សគ្រប់គ្នាកំពុងរង់ចាំ ពេលនេះមិនបានកើតសោះឡើយ។ មន្ទីរពេទ្យធំនៃក្រុង Wuhan បានបញ្ជាក់ថា លោកគ្រូពេទ្យ Li បានបាត់បង់ជីវិតក្រោយការប្រកាសព័ត៌មានលើកទីមួយ។

“អ្នកដែលរក្សាអណ្ដាតភ្លើងឱ្យហ្វូងមនុស្ស នឹងក្លាយជាមនុស្សដែលស្លាប់កកប្រាណ ព្រោះតែខ្យល់ និងព្រឹល” អ្នកលេងបណ្ដាញសង្គម នាំគ្នាចែករំលែកតៗគ្នានូវពាក្យមួយឃ្លានេះ ដើម្បីសម្ដែងការសោកស្ដាយចំពោះការលាចាកលោករបស់លោកគ្រូពេទ្យ Li Wenliang។

ប្រធានបទ ” អាជ្ញាធរក្រុង Wuhan នៅជំពាក់ពាក្យសុំទោសលោកគ្រូ Li Wenliang” ដែលគេយកមកជជែកគ្នានៅលើបណ្ដាញសង្គមចិន Weibo បានទាក់ទាញចំណាប់អារម្មណ៍អ្នកប្រើប្រាស់អ៊ីនធើណិតរាប់ម៉ឺននាក់ចូលមកបញ្ចេញមតិ មុនពេលប្រធានបទនេះត្រូវបានលុបចេញ។

“មនុស្សពេញវ័យជាច្រើននឹងដឹងខ្លួនបន្ទាប់ពីយប់នេះ ៖ ពិភពលោកមិនស្រស់ស្អាតដូចអ្វីដែលយើងបានស្រមៃនោះទេ។ អ្នកទាំងអស់មានការខឹងសម្បាខ្លាំងដែរទេ បើសិនអ្នកណាម្នាក់ក្នុងចំណោមពួកយើង មានសំណាងគ្រប់គ្រាន់ក្នុងការបញ្ចេញមតិដើម្បីអនាគតសង្គម? សូមមេត្តាធានាឱ្យបានប្រាកដថា អ្នកទាំងអស់គ្នានឹងចងចាំការខឹងសម្បានាយប់នេះ” នេះគឺជាមតិមួយដែលត្រូវគេយកចិត្តទុកដាក់ច្រើនបំផុត ក្នុងចំណោមមតិដែលត្រូវបានបង្ហោះនៅខាងក្រោមសេចក្ដីប្រកាសរបស់មន្ទីរពេទ្យធំ Wuhan។

Li Wenliang ត្រូវបានគេចាត់ទុកថា ជាមនុស្សម្នាក់ក្នុងចំណោមមនុស្សដំបូងគេដែលបានចែករំលែកព័ត៌មាន និងព្រមានអំពីអាសន្នរោគរលាកសួតដែលបង្កឡើងដោយមេរោគកូរ៉ូណា (nCoV) នៅប្រទេសចិន។ ក្នុងថ្ងៃទី30 ខែធ្នូ ឆ្នាំ2019 Li Wenliang បានផ្ញើសារចូលក្នុងក្រុម WeChat របស់គាត់ដែលមានមិត្តភក្ដិរបស់គាត់ 150នាក់ ដែលជាមិត្តចាស់។ គាត់បានព្រមានអំពីអ្នកជំងឺ 7នាក់ដែលបានឆ្លងមេរោគមួយប្រភេទដែលគាត់យល់ថា ដូចទៅនឹងមេរោគផ្លូវដង្ហើម SARS (Severe Acute Respiratory Syndrome) ដែលធ្លាប់បានកើតឡើងនៅប្រទេសចិនកាលពីឆ្នាំ2002 និងបានសម្លាប់មនុស្សប្រមាណជា800នាក់ នៅទូទាំងពិភពលោក។

សាររបស់លោកគ្រូ Li បានទាក់ទាញចំណាប់អារម្មណ៍របស់ក្រុមមន្ត្រីអាជ្ញាធរក្រុង បន្ទាប់ពីមនុស្សម្នាក់ក្នុងក្រុមរបស់គាត់ បានបង្ហោះរូបភាពនៃការជជែករបស់ពួកគេនៅលើបណ្ដាញសង្គម។ ក្រោយមកទៀត គ្រូពេទ្យ7នាក់ដែលស្ថិតក្នុងក្រុមជជែករបស់លោកគ្រូ Li ក៏បានចែករំលែកព័ត៌មាននេះទៅកាន់ក្រុមជជែកចំនួន3ផ្សេងទៀត។

នៅក្នុងយប់ដដែលនោះ ក្រុមមន្ត្រីសុខាភិបាលនៃក្រុង Wuhan បានកោះហៅលោកគ្រូ Li ដោយស្នើឱ្យគាត់និយាយអំពីមូលហេតុដែលគាត់បានចែករំលែកព័ត៌៌មាននេះ។ ថ្ងៃទី3មករា ក្រុមនគរបាលបានហៅគាត់ទៅសួរនាំ ហើយបង្ខំឱ្យគាត់សន្យាថា “បានចែករំលែកព័ត៌មានមិនពិត ធ្វើឱ្យច្របូកច្របល់ក្នុងសង្គមជាតិ”។

ថ្ងៃទី8មករា លោកគ្រូ Li បានពិនិត្យសុខភាពអ្នកជំងឺកូរ៉ូណាម្នាក់។ ពីរថ្ងៃក្រោយមក លោកគ្រូ Li ចាប់ផ្ដើមមានអាការក្អក និងពិបាកដកដង្ហើម ប៉ុន្តែ ការពិនិត្យជាច្រើនលើកបង្ហាញថា គាត់មិនមានផ្ទុកមេរោគកូរ៉ូណា nCoV នោះទេ។ យ៉ាងនេះក្ដី គាត់នៅតែនៅឆ្ងាយពីប្រពន្ធដែលកំពុងមានផ្ទៃពោះ និងកូនតូចរបស់គាត់។ ឪពុកម្ដាយរបស់គាត់ក៏កំពុងសម្រាកព្យាបាលដោយសារជំងឺគ្រុនក្ដៅ ប៉ុន្តែ ពេលនេះមិនដឹងថា ពួកគេបានឆ្លងមេរោគនេះដែរឬយ៉ាងណា? សារព័ត៌មានក្នុងស្រុកមួយចំនួន ចេញផ្សាយថា ប្រពន្ធរបស់គាត់ក៏បានឆ្លងមេរោគនេះដែរ។

ថ្ងៃទី12មករា គ្រូពេទ្យ Li បានចូលសម្រាកព្យាបាលក្នុងមន្ទីរពេទ្យ ហើយថ្ងៃទី1កុម្ភៈ គាត់ត្រូវគេបញ្ជាក់ថា មានផ្ទុកមេរោគកូរ៉ូណា។ នៅក្នុងសំណេរចុងក្រោយនៅលើគណនី Weibo លោកគ្រូ Li រៀបរាប់អំពីស្ថានភាពជំងឺរបស់គាត់ ហើយទទួលបានមតិរាប់ម៉ឺនដែលបង្ហាញការអាណិតអាសូរចំពោះគាត់។

ក្នុងចំណោមមតិទាំងនោះ គេឃើញមានមតិមួយដែលទទួលបានការចុចចូលចិត្តជាង 100,000លើក ដោយបានសរសេរថា ៖ “លោកគ្រូ Li លោកជាគ្រូពេទ្យដែលល្អ និងមានបេះដូង”។

មនុស្សម្នាក់ទៀត បានហៅលោកគ្រូ Li ថាជាមនុស្សម្នាក់ក្នុងចំណោម “ព្យាការី” ទាំង8រូប ៖ “ប្រជាជនទូទាំងប្រទេស រួមគ្នាសាមគ្គីជាមួយលោក”។

តុលាការកំពូលចិន កាលពីថ្ងៃទី28មករា បានបង្ហោះសារនៅលើបណ្ដាញសង្គម រិះគន់ទៅលើចំណាត់ការរបស់មន្ត្រីនៅ Wuhan ដែលបានចោទប្រកាន់លោកគ្រូ Li និងក្រុមគ្រូពេទ្យមួយចំនួនទៀតថាបានចែករំលែកព័ត៌មានចចាមអារ៉ាម។ មានឃ្លាមួយសរសេរថា “បើសិនសាធារណជនស្ដាប់ “ពាក្យចចាមអារ៉ាម” នោះ ហើយអនុវត្តវិធានការទប់ស្កាត់ ដូចជាពាក់ម៉ាសការពារ ឬសម្អាតមេរោគ និងជៀសវាងការទៅកាន់ផ្សារលក់សត្វរស់ជាដើម ប្រាកដជាអាចទប់ស្កាត់ការឆ្លងរាលដាលនៃមេរោគនេះបាន”៕

ប្រភព៖ សារព័ត៌មានបរទេស

February 7, 2020

បន្លែ ផ្លែឈើ គួរញ៉ាំឱ្យបានគ្រប់ពណ៌ដើម្បីសុខភាពល្អ

បន្លែ និងផ្លែឈើដែលមានពណ៌ផ្សេងៗពីគ្នានីមួយៗ សុទ្ធតែមានគុណប្រយោជន៍ខាងសារធាតុអាហារខុសប្លែកពីគ្នា ដូច្នេះបើចង់ទទួលទានអាហារឱ្យក្លាយជាថ្នាំ ត្រឹមតែ 5ប្រភេទក្រុម មិនគ្រប់គ្រាន់ទេ ត្រូវឱ្យគ្រប់ទាំង 5ពណ៌ទៀតផង។

ទី1. បន្លែ និងផ្លែឈើពណ៌ក្រហម* មុខម្ហូបសុខភាព៖ ទឹកជ្រលក់ប៉េងប៉ោះដុត និងឆាប៉េងប៉ោះ។
* មានអ្វីល្អខ្លះ?៖ ឡៃខូពីន ឃែរ៉ូធីណយដ៍ ដែលឱ្យពណ៌ក្រហមដល់ផ្លែប៉េងប៉ោះទុំ និងផ្លែឪឡឹក គឺជាសារធាតុប្រឆាំងនឹងរ៉ាឌីកាល់សេរីមួយដ៏ល្អបំផុត កាត់បន្ថយការត្រូវបានបំផ្លាញរបស់ប្រូតេអុីន កាត់បន្ថយភាពប្រថុយនឹងការកើតជំងឺបេះដូង និងការពារមហារីក បានយ៉ាងល្អទៀតផង។
Tip៖ ឡៃខូពីន នឹងបញ្ចេញឥទ្ធិពលបានពេញទំហឹង នៅពេលឆ្លងកាត់ការចម្អិនដោយប្រើកម្ដៅ។

ទី2. បន្លែ និងផ្លែឈើពណ៌ស្វាយ* មុខម្ហូបសុខភាព៖ ត្រប់វែងពណ៌ស្វាយជ្រលក់ពងមាន់ចៀន និងស្ងោរស៊ុបស្ពៃក្តោបពណ៌ស្វាយ។
* មានអ្វីល្អខ្លះ?៖ ពណ៌ស្វាយដែលយើងឃើញនោះ កើតឡើងពីការរួមគ្នារបស់សារធាតុប្រឆាំងរ៉ាឌីកាល់សេរី ក្រុមអ៊ែនថូសាយ៉ានីន មានឥទ្ធិពលក្នុងការពន្យារការកើតរោគជាតិខ្លាញ់ញ៉ុកណែនក្នុងសរសៃឈាម និងរោគសរសៃឈាមបេះដូងឡើងរឹង និងថែមទាំងជួយបង្កើនលំហូរវិលនៅក្នុងសរសៃឈាមតូចៗ និងជួយពន្យារការចុះខ្សោយរបស់កែវភ្នែក។ បន្លែ ផ្លែឈើក្នុងក្រុមពណ៌ស្វាយនេះ មានដូចជា ផ្លែស្រកានាគសាច់ពណ៌ស្វាយ ស្ពៃក្តោបពណ៌ស្វាយ ដំឡូងពណ៌ស្វាយ ផ្លែទំពាំងបាយជូរ បាយតំណើបខ្មៅ និងផ្លែពោតពណ៌ស្វាយជាដើម។
Note៖ ក្លិន និងពណ៌ អាចខុសពីផ្លែត្រប់វែង ឬស្ពៃក្តោបធម្មតា តែរសជាតិឆ្ងាញ់ម

ទី3. បន្លែ និងផ្លែឈើពណ៌ស* មុខម្ហូបសុខភាព៖ ញាំផ្សេងៗ(មានមើមខ្ទឹម-សស្រស់)ដែលមានដាក់ខ្ទឹមបារាំង។
* មានអ្វីល្អខ្លះ?៖ សារធាតុសំខាន់នៅក្នុងបន្លែ ផ្លែឈើពណ៌ស គឺអាល់លិស៊ីន ដែលជួយគ្រប់គ្រងបរិមាណជាតិខ្លាញ់នៅក្នុងឈាម កាត់បន្ថយកូលេស្តេរ៉ូល និងអឹលឌីអឹល(ជាតិខ្លាញ់អាក្រក់)។ មាននៅក្នុងមើមខ្ទឹមស និងមើមខ្ទឹមបារាំង ក្រៅពីនេះនៅមានពណ៌របស់ផេកធីន ដែលជាជាតិកាកសរសៃរលាយក្នុងទឹក (ឃើញមាននៅក្នុងសាច់ផ្លែប៉ោម ផ្លែត្របែក និងផ្លែស្រកានាគសាច់ពណ៌ស)ដែលជួយធ្វើឱ្យបរិមាណជាតិស្ករនៅក្នុងឈាមនៅនឹងស្មើ កាត់បន្ថយភាពឃ្លានអាហារ ល្អសម្រាប់អ្នកដែលកំពុងគ្រប់គ្រងទម្ងន់ខ្លួន។

ទី4. បន្លែ និងផ្លែឈើពណ៌បៃតង* មុខម្ហូបសុខភាព៖ ឆាត្រកួនប្រេងខ្យង ឆាបន្លែប្រូខូលីជាមួយបង្គា ស្ងោរស្លឹកបាស់សាច់ជ្រូកចិញ្ច្រាំ។
* មានអ្វីល្អខ្លះ?៖ បន្លែពណ៌បៃតង សម្បូរទៅដោយ លូធីន និងស៊ីស៊ែនធីន ដែលជួយបញ្ចុះអត្រាការចុះខ្សោយរបស់ផ្ទាំងអេក្រង់សរសៃប្រសាទភ្នែក ដែលជាមូលហេតុសំខាន់អាចធ្វើឱ្យភ្នែកខ្វាក់នៅពេលអាយុច្រើនឡើង។
Tip៖ បើធ្វើម្ហូបអាហារបរិភោគខ្លួនឯង គួរប្រើពេលវេលាកុំឱ្យលើស 5នាទីក្នុងការចម្អិនបន្លែពណ៌បៃតងមិនដូច្នោះទេ សារធាតុអាហារល្អៗ នឹងបាត់បង់អស់ដោយសារកម្ដៅ ដែលអាចសង្កេតឃើញបានតាមរយ:បន្លែដែលចាប់ផ្តើមប្តូរទៅជាពណ៌លឿង លែងបៃតងស្រស់ដូចមុន។

ទី5 .បន្លែ និងផ្លែឈើពណ៌លឿង/ទឹកក្រូច* មុខម្ហូបសុខភាព៖ ល្ពៅឆាសាច់ជ្រូកចិញ្ច្រាំ ញាំការ៉ុត។
* មានអ្វីល្អខ្លះ? បន្លែផ្លែឈើដែលមានពណ៌លឿង និងពណ៌លឿងទុំ ដូចជា ផ្លែល្ពៅ មើមការ៉ុត ផ្លែត្រសក់ស្រូវ និងល្ហុងទុំ ដែលសម្បូរទៅដោយសារធាតុប្រឆាំងរ៉ាឌីកាល់សេរី ជាពិសេសបំផុត អាល់ហ្វា និងបេតាឃែរ៉ូធីន ដែលជួយបំប៉នខ្សែភ្នែក ឆ្អឹង និងប្រព័ន្ធការពារជំងឺរឹងមាំ និងជួយជំរុញការកម្ចាត់កោសិកាមហារីករបស់រាងកាយបានទៀតផង៕

February 7, 2020

បញ្ហាសំខាន់ទាំង3 ប្រឈមនឹងសុខភាពផ្លូវភេទរបស់បុរស

បើនិយាយចំពោះបុរសៗវិញ អ្នកណាៗក៏សុទ្ធតែប្រាថ្នានូវភាពអស្ចារ្យ និងកម្លាំងមាំមួននៃសមត្ថភាពផ្លូវភេទដែរ ប៉ុន្តែក្ដីប្រាថ្នាមួយនជមិនមែនសុទ្ធតែ អាចទទួលបានគ្រប់គ្នានោះឡើយ លើសពីនេះទៅទៀត មានអ្នកខ្លះបានបាត់បង់ភាពជាម្ចាស់ការរបស់ខ្លួននៅលើសមរភូមិក្ដៅសាច់មុនពេលកំណត់ក៏មាន។ តើចំណុចនេះបណ្តាលមកពីវ័យឱ្យប្រាកដ? ចម្លើយពិត លោកអ្នកអាចស្វែងយល់ជាមួយសំណេរខាងក្រោមនេះ ៖

1). មានការគិតថាអាការលិង្គមិនងើប មិនឡើងមិនអាចដំណើរការរួមសង្វាសបានតែងតែកើតមានចំពោះបុរសវ័យចំណាស់ដែលមានអាយុចាប់ពី ៥០ឆ្នាំឡើងទៅ តើការយល់ឃើញខាងលើនេះពិតដែរ ឬទេ? ចម្លើយឆ្លើយថា ការលើកយកមកនិយាយយ៉ាងដូច្នេះ គឺនៅមិនទាន់ត្រឹមត្រូវ100%នៅឡើយនោះទេ។ បញ្ហាអសមត្ថភាពនៃលិង្គនេះ តែងតែកើតមានឡើង មិនថាអសមត្ថភាពនៃលិង្គ ឬលិង្គលែងដំណើរការនៅពេលចង់រួមរ័ក ពោលគឺនិយាយរួមថា លិង្គ មិនងើបរឹងតម្រូវទៅតាមការចង់បានក្នុងជីវិតភេទសម្ពន្ធនោះ វាមិនមែនបណ្តាលមកពីតែកក្តាអាយុកើនឡើងច្តើននោះទេ។ អាការមិនដំណើរការ នៃលិង្គក៏អាស្រ័យដោយសារតែមានបញ្ហាពាក់ព័ន្ធជាមួយនឹងជំងឺខ្លះ ដែលប៉ះពាល់ដល់ជីវិតភេទសម្ពន្ធ ដូចជាលិង្គវៀចក្រងេវនៅពេលងើបរឹងឡើង ដែលប្រភេទនេះ ភាសាបច្ចេកទេសហៅថា ជំងឺ Payronie (ជំងឺលិង្គ) ដែលអូសបន្លាយពេលដ៏យូរមិនចង់រួមរ័ក ឬពេលរួមរ័កឆាប់ចេញទឹកកាមពេក។2). ពេលដែលកម្រិតអ័រម៉ូន តេស្តូស្តេរ៉ូន (Testosterone) ធ្លាក់ចុះទាប តើអាចមានឥទ្ធិពលដល់សុខភាពផ្លូវភេទដែរ ឬទេ? ហើយការធ្លាក់ចុះនៃចំណង់តណ្ហាលិង្គ មិនអាចងើបរឹងបានដូចកាលពីមុន និងបណ្តាលឱ្យបុរសលែងរវីរវល់នឹងការរួមសង្វាសតទៅទៀត ឬយ៉ាងណា ? ការពិតគឺយ៉ាងដូច្នេះមែន។ អាការដូចដែលបានលើកយកមកធ្វើជាអំណះអំណាងនេះ ក៏អាស្រ័យដោយសារការស្រកថយចុះនូវអ័រម៉ូន តេស្តូស្តេរ៉ូន (Testosterone) នៅពេលអាយុឈានចូលដល់ល្បាក់៤០ឆ្នាំ រូបកាយរបស់បុរសក៏ចាប់ផ្តើមធ្លាក់ថយចុះក្នុងការផលិតចេញនូវអ័រម៉ូន តេស្តូស្តេរ៉ូន (Testosterone) នេះ ។ Testosterone ជាអ័រម៉ូនដ៏ពិសិដ្ឋក្នុងការបង្កើនកំលាំងសាច់ដុំ ក្នុងការជួយកំចាត់ជាតិខ្លាញ់ពីក្នុងរូបរាងកាយ ដើម្បីជួយផលិតទឹកកាមចេញមក។

បុរសភេទទាំងអស់សុទ្ធតែមានបញ្ហាដូចគ្នា ដោយសារតែកម្រិតអ័រម៉ូន Testosterone ត្រូវធ្លាក់ចុះទៅតាមធម្មជាតិ ប៉ុន្តែមិនមែនមានន័យថា អ័រម៉ូននេះ អស់រលីងនោះទេ ពោលគឺវាអាចរក្សាទុកបានមួយភាគណានោះក្នុងរូបកាយរបស់បុរសអស់មួយជីវិត ដោយមិនបានបណ្តាលឱ្យកើតមានបញ្ហាអ្វីដែល ធ្ងន់ធ្ងរនោះទេ ប៉ុន្តែទោះជាយ៉ាងណាក៏ដោយក៏មានបុរសប្រមាណ ១/៥ (ក្នុងចំណោម៥នាក់អាចមានម្នាក់) ដែលអាយុលើសពី៦០ឆ្នាំ ទៅមានកំរិតអ័រ ម៉ូន Testosterone ក្រោមកម្រិតមធ្យម ឬធម្មតា ដែលគេហៅថា អាការរងការបាត់បង់អ័រម៉ូនធ្ងន់ធ្ងរ ស្ថិតនៅក្នុងករណីយ៉ាង។ ដូច្នេះការព្យាបាល ដោយឱសថប្រភេទអ័រម៉ូន គឺអាចជាជម្រើសមួយដ៏ល្អដែលទទួលយកបាន ។

3). តើការបរិភោគអាហារសម្បូរទៅដោយជាតិខ្លាញ់ អាចបង្កផលប៉ះពាល់ដល់សមត្ថភាពផ្លូវភេទរបស់បុរសដែរ ឬទេ? វាជាការពិតណាស់ទៅហើយ ដែលរបបអាហារបរិភោគគ្មានតុល្យភាពត្រឹមត្រូវប្រចាំថ្ងៃ អាចជះឥទ្ធិពលយ៉ាងច្រើនដល់គុណភាព និងបរិមាណនៃជីវិតផ្លូវភេទរបស់បុរស។ ផ្អែកតាមការសិក្សាស្រាវជ្រាវជាច្រើនសុទ្ធតែបានបង្ហាញឱ្យឃើញច្បាស់ថា បុរសដែលចូលចិត្តបរិភោគខ្លាញ់ ឬកូឡេស្តេរ៉ូល ដូចជាឆាចៀនខ…៘ សុទ្ធតែងាយទទួលរងផលប៉ះពាល់ដល់សមត្ថភាពនៃលិង្គ ដោយមិនអាចទទួលបានក្តីពេញចិត្តក្នុងជីវិតភេទសម្ពន្ធនោះឡើយ ជាពិសេសខណៈដែលមិនបានបរិភោគអាហារមានតុល្យភាពរវាងត្រីសាច់បន្លែផ្លែឈើ ដែលជាសារជាតិបំប៉នយ៉ាងសំខាន់ ចំពោះសុខភាពផ្លូវភេទ។ ការកាត់បន្ថយ សុរា និងគ្រឿងស្រវឹងផ្សេងៗ (សារធាតុអាល់កុល) បារី ថ្នាំជក់ ក៏ទទួលបានលទ្ធផលដ៏ល្អ ព្រោះតែគ្រឿងទាំងអស់នេះអាចធ្វើឱ្យមានការធ្លាក់ថយចុះនូវចំណង់ផ្លូវភេទ ថែមទាំងធ្វើឱ្យបាត់បង់សារជាតិបំប៉នសំខាន់ ដែលមានប្រយោជន៍សម្រាប់សុខភាពផ្លូវភេទបុរស។

បន្ទាប់ពីបានស្វែងយល់តាមរយៈទំព័រសុខភាពផ្លូវភេទខាងលើនេះ លោកអ្នកពិតជាអាចមានវិធីសាស្រ្តក្នុងការបង្ការ និងបញ្ចៀសភាពអសមត្ថភាពនៃសម្ពន្ធមេត្រីដ៏ផ្អែមល្ហែមរបស់លោកអ្នកបានខ្លះហើយមែនទេ ? សូមធ្វើការពិចារណា ដើម្បីភាពយូរអង្វែងនៃសមត្ថភាពផ្លូវភេទរបស់អ្នកទាំងអស់គ្នា៕

February 7, 2020

Category: សុខភាព