ក្នុងអំឡុង ២៤ ម៉ោង នៃថ្ងៃទី ២៦ ខែឧសភា ២០២២ កម្ពុជា មិនមានករណីជាសះស្បើយថ្មី អ្នកវិជ្ជមានថ្មី និងអ្នកស្លាប់ថ្មី ដោយសារកូវីដ-១៩ នោះទេ។
Category: សុខភាព
ករណីឆ្លងជំងឺអុតស្វា (monkeypox) នៅ កាណាដា និង សហរដ្ឋអាម៉េរិក បន្តកើនឡើង
ស្ថាប័នសុខាភិបាលសាធារណៈរបស់ ប្រទេសកាណាដា (PHAC) កាលពីម្សិលមិញ បានរកឃើញអ្នកឆ្លងជំងឺអុតស្វា (monkeypox) បន្ថែមទៀត។
ក្នុងសេចក្ដីប្រកាស PHAC ឱ្យដឹងថា ក្រៅពីករណីឆ្លងជំងឺអុតស្វាចំនួន ១៦ នាក់ដែលបានរកឃើញមុននោះនៅ Quebec បច្ចុប្បន្ន កាណាដា មានករណីឆ្លងសរុប ២៦ ហាក់ហើយ ក្នុងនោះរួមមាន ២៥ ករណីនៅ Quebec និង ១ ករណីនៅ Ontario។ ការប្រកាសខាងលើក៏បានអះអាងថា អាចនឹងមានច្រើនករណីទៀតនៅក្នុងរយៈពេលប៉ុន្មានថ្ងៃខាងមុខ គ្រាដែលមន្ទីរពិសោធន៍របស់ PHAC បន្តទទួលបានសំណាកថ្មីពីមូលដ្ឋាននានា។
ក្នុងថ្ងៃដដែល មជ្ឈមណ្ឌលទប់ស្កាត់ និងគ្រប់គ្រងជំងឺឆ្លង (CDC) របស់ សហរដ្ឋអាម៉េរិក ក៏បានប្រកាសថា បានរកឃើញអ្នកឆ្លងជំងឺអុតស្វាចំនួន ៩ ករណីនៅក្នុង ៧ រដ្ឋ រួមមាន California, Florida, Massachusetts, New York, Utah, Virginia និង វ៉ាស៊ីងតោន។ ក្នុងពេលដ៏ខ្លីខាងមុខ នឹងមានករណីឆ្លងថ្មីជាច្រើនទៀត នេះបើតាមការវាយតម្លៃរបស់ក្រុមមន្ត្រីសុខាភិបាលអាម៉េរិក ខណៈដែល CDC អាម៉េរិក ស្នើឱ្យក្រុមវេជ្ជបណ្ឌិត និងប្រជាជនបង្កើនការប្រុងប្រយ័ត្នជាមួយនឹងរោគសញ្ញានៃជំងឺនេះ។
យោងតាម អង្គការសុខភាពពិភពលោក (WHO) ជំងឺអុតស្វា មិនងាយឆ្លងពីមនុស្សទៅមនុស្ស។ វីរុសនេះឆ្លងនៅពេលមនុស្សប៉ះពាល់គ្នាយូរជាមួយនឹងរបួស ធាតុរាវរបស់រាងកាយ តំណក់ទឹកផ្លូវដង្ហើម ឬសម្ភរដែលមានផ្ទុកវីរុស ដូចជា ភួយខ្នើយជាដើម។ អាការដំបូងនៃជំងឺអុតស្វា គឺ ក្ដៅខ្លួន ឈឺក្បាល ហើមកូនកណ្ដុរ ឈឺខ្នង និងសាច់ដុំ ក្រោយមកក៏ចេញពងមានខ្ទុះលើស្បែកនៅត្រង់មុខ ដៃ និងកន្លែងជាច្រើនទៀតរបស់រាងកាយ។ រោងសញ្ញាចាប់ផ្ដើមបង្ហាញខ្លួនក្នុងរង្វង់ពី ១ ទៅ ២ សប្ដាហ៍ រាប់ចាប់ពីពេលឆ្លងវីរុស។
ពិភពលោករកឃើញករណីឆ្លងជំងឺអុតស្វា (monkeypox) ជាង ២០០ នាក់ហើយ!
នៅទូទាំងសកលលោក ករណីឆ្លងជំងឺអុតស្វា បានកើនឡើងដល់ ២១៩ នាក់ នេះគឺជាការប្រកាសរបស់ មជ្ឈមណ្ឌលគ្រប់គ្រង និងទប់ស្កាត់ជំងឺឆ្លងអឺរ៉ុប (ECDC) ធ្វើឡើងកាលពីម្សិលមិញ។
យោងតាម ECDC បច្ចុប្បន្នមានប្រទេសជាង ១០ ដែលស្ទើរតែទាំងអស់គឺនៅ អឺរ៉ុប បានរាយការណ៍ថា ប្រទេសពួកគេមានករណីវិជ្ជមាននឹងវីរុសអុតស្វា។ នេះគឺជាលើកដំបូងដែលការផ្ទុះឆ្លងជំងឺមួយនេះបានកើតឡើងនៅ អឺរ៉ុប ដែលដើមឡើយមិនមានទំនាក់ទំនងអ្វីសោះជាមួយនឹងការផ្ទុះឆ្លងជំងឺនេះនៅ អាហ្វ្រិក កាលពីលើកមុន។
ស្ទើរតែទាំងអស់នៃករណីឆ្លងជំងឺនេះគឺជាបុរស និងបានសារភាពថា ធ្លាប់រួមភេទជាមួយនឹងមនុស្សភេទដូចគ្នា។ បច្ចុប្បន្ន អង់គ្លេស គឺជាប្រទេសដែលមានករណីឆ្លងជំងឺនេះច្រើនជាងគេ (៧១ នាក់), លំដាប់ទីពីរគឺ អេស្ប៉ាញ (៥១ នាក់) និង ព័រទុយហ្គាល់ (៣៧ នាក់)។ ក្រៅពី អឺរ៉ុប ប្រទេសកាណាដា ក៏មាន ១៥ នាក់ និង សហរដ្ឋអាម៉េរិក មាន ៩ នាក់។
ក្នុងប្រកាសកាលពីថ្ងៃទី ២៣ ឧសភា ប្រធានក្រុមបច្ចេកទេសនៃស្ថាប័នគ្រប់គ្រងជំងឺឆ្លងរបស់ អង្គការសុខភាពពិភពលោក លោកស្រី Maria Van Kerkhove បានអះអាងថា ពិភពលោកអាចគ្រប់គ្រង់ការឆ្លងរាលដាលរបស់ជំងឺអុតស្វាបាន។
ស្ថានភាពជំងឺកូវីដ-១៩ នៅ កម្ពុជា សម្រាប់ថ្ងៃទី ២៦ ខែឧសភា ២០២២
ក្នុងអំឡុង ២៤ ម៉ោង នៃថ្ងៃទី ២៥ ខែឧសភា ២០២២ កម្ពុជា មិនមានករណីជាសះស្បើយថ្មី អ្នកវិជ្ជមានថ្មី និងអ្នកស្លាប់ថ្មី ដោយសារកូវីដ-១៩ នោះទេ។
ជំងឺអុតស្វា (monkeypox)! ក្រុមអ្នកជំនាញថា មិនចាំបាច់ចាក់វ៉ាក់សាំងបង្ការទូលំទូលាយ
ក្រុមអ្នកជំនាញផ្នែករោគឆ្លងនៅ អាហ្វ្រិកខាងត្បូង យល់ថា មិនចាំបាច់ធ្វើយុទ្ធនាការចាក់វ៉ាក់សាំងទ្រង់ទ្រាយធំដើម្បីទប់ស្កាត់ជំងឺអុតស្វា (monkeypox) និងមិនជឿថា ជំងឺនេះអាចផ្ទុះឆ្លងរាលដាលដូចកូវីដ-១។
គិតត្រឹមថ្ងៃទី ២៥ ឧសភា ប្រទេសអាហ្វ្រិកខាងត្បូង មិនទាន់មានករណីវិជ្ជមាន ឬករណីសង្ស័យណាមួយនៅឡើយ ទាក់ទងនឹងជំងឺអុតស្វា។ ប៉ុន្តែ ក្រុមមន្ត្រីសុខាភិបាលរបស់ប្រទេសនេះ កំពុងតែមានការប្រុងប្រយ័ត្នខ្ពស់បន្ទាប់ពីមនុស្សជាង ២០០ នាក់ បានឆ្លង និងសង្ស័យថាបានឆ្លងជំងឺនេះនៅក្នុងប្រទេសចំនួន ១៩ ក្នុងពិភពលោក ដែលភាគច្រើននៅ អឺរ៉ុប រាប់ចាប់ពីដើមខែឧសភានេះ។
វីរុសបំប្លែងខ្លួនថ្មីដែលបង្កជំងឺអុតស្វានៅក្នុងការផ្ទុះឆ្លងកន្លង ធ្លាប់បង្កអត្រានៃការស្លាប់ប្រហែល ១% ប៉ុន្តែ ក្នុងការផ្ទុះឆ្លងថ្មីនេះ មិនទាន់មានករណីស្លាប់នៅឡើយ។
កាលពីថ្ងៃទី ២៥ ឧសភា នាយកប្រតិបត្តិរបស់ វិទ្យាស្ថានស្រាវជ្រាវជំងឺឆ្លង (NICD) របស់ ប្រទេសអាហ្វ្រិកខាងត្បូង Adrian Puren បានអះអាងថា មកដល់បច្ចុប្បន្ន ការចាក់វ៉ាក់សាំងទូលំទូលាយដើម្បីទប់ស្កាត់ជំងឺអុតស្វា គឺជារឿងមិនចាំបាច់។ យុទ្ធនាការចាក់វ៉ាក់សាំងបង្ការគួរផ្ដល់អាទិភាពឱ្យជំងឺដទៃ ដែលមានហានិភ័យឆ្លង និងស្លាប់ក្នុងអត្រាខ្ពស់។ ក៏ប៉ុន្តែ លោកបញ្ជាក់ថា ក្រុមមន្ត្រីសុខាភិបាលត្រូវតែមានការប្រុងប្រយ័ត្នចំពោះការផ្ទុះឆ្លងរបស់ជំងឺអុតស្វាលើកនេះ។
អ្នកជំនាញ Jacqueline Yeyer មកពី NICD ថ្លែងថា ការផ្ទុះឆ្លងជំងឺអុតស្វាលើកនេះមិនមានអ្វីខុសប្លែកពីធម្មតា ក្រៅតែពីទីតាំងផ្ទុះឆ្លង។ លោកស្រីឱ្យដឹងថា ការវិភាគហ្សែនវីរុសបង្កជំងឺអុតស្វាដែលផ្ទុះឆ្លងនាបច្ចុប្បន្ន ក៏បានបង្ហាញថា មិនមានអ្វីខុសពីវីរុសបង្កជំងឺអុតស្វាដែលបានផ្ទុះឆ្លងកាលពីប៉ុន្មានឆ្នាំកន្លងនៅ នីហ្សេរីយ៉ា។ ជំងឺអុតស្វាបច្ចុប្បន្ន ផ្ទុះឆ្លងនៅតំបន់ផ្សេងដែលមិនមែននៅ អាហ្វ្រិកខាងលិច និង អាហ្វ្រិកកណ្ដាល។
លោកស្រី Weyer ជឿថា វីរុសអុតស្វាមិនឆ្លងរាលដាលលឿនដូចទៅនឹងវីរុសកូវីដ-១៩ ហើយរលកនៃការឆ្លងជំងឺអុតស្វាលើកនេះអាចត្រូវបានគ្រប់គ្រងយ៉ាងឆាប់រហ័សតាមរយៈការធ្វើតេស្ត ការតាមរកអ្នកពាក់ព័ន្ធ ការតាមដានអាការ និងការធ្វើចត្តាឡីស័ក ជំនួសឱ្យការចាក់វ៉ាក់សាំង។
ចំណែកសាស្ត្រាចារ្យ Moritz Kraemer មកពីសាកលវិទ្យាល័យ Oxford (អង់គ្លេស) វិញ យល់ថា បច្ចុប្បន្នមិនទាន់មានទិន្នន័យគ្រប់គ្រាន់សម្រាប់ធ្វើការព្យាករចំពោះការឆ្លងរាលដាលរបស់ជំងឺនេះ។
យោងតាម អង្គការសុខភាពពិភពលោក (WHO) ជំងឺអុតស្វា មិនងាយឆ្លងពីមនុស្សទៅមនុស្ស។ វីរុសនេះឆ្លងនៅពេលមនុស្សប៉ះពាល់គ្នាយូរជាមួយនឹងរបួស ធាតុរាវរបស់រាងកាយ តំណក់ទឹកផ្លូវដង្ហើម ឬសម្ភរដែលមានផ្ទុកវីរុស ដូចជា ភួយខ្នើយជាដើម។ អាការដំបូងនៃជំងឺអុតស្វា គឺ ក្ដៅខ្លួន ឈឺក្បាល ហើមកូនកណ្ដុរ ឈឺខ្នង និងសាច់ដុំ ក្រោយមកក៏ចេញពងមានខ្ទុះលើស្បែកនៅត្រង់មុខ ដៃ និងកន្លែងជាច្រើនទៀតរបស់រាងកាយ។ រោងសញ្ញាចាប់ផ្ដើមបង្ហាញខ្លួនក្នុងរង្វង់ពី ១ ទៅ ២ សប្ដាហ៍ រាប់ចាប់ពីពេលឆ្លងវីរុស។
ស្ថានភាពជំងឺកូវីដ-១៩ នៅ កម្ពុជា សម្រាប់ថ្ងៃទី ២៥ ខែឧសភា ២០២២
ក្នុងអំឡុង ២៤ ម៉ោង នៃថ្ងៃទី ២៤ ខែឧសភា ២០២២ កម្ពុជា មិនមានករណីជាសះស្បើយថ្មី អ្នកវិជ្ជមានថ្មី និងអ្នកស្លាប់ថ្មី ដោយសារកូវីដ-១៩ នោះទេ។
ជំងឺអុតស្វា (monkeypox) ! ក្រសួងសុខាភិបាលកម្ពុជា ណែនាំវីធានការទប់ស្កាត់ការឆ្លងជំងឺនេះ
យោងតាម អង្គការសុខភាពពិភពលោក (WHO) ជំងឺអុតស្វា មិនងាយឆ្លងពីមនុស្សទៅមនុស្ស។ វីរុសនេះឆ្លងនៅពេលមនុស្សប៉ះពាល់គ្នាយូរជាមួយនឹងរបួស ធាតុរាវរបស់រាងកាយ តំណក់ទឹកផ្លូវដង្ហើម ឬសម្ភារដែលមានផ្ទុកវីរុស ដូចជា ភួយខ្នើយជាដើម។
អាការដំបូងនៃជំងឺអុតស្វា គឺ ក្ដៅខ្លួន ឈឺក្បាល ហើមកូនកណ្ដុរ ឈឺខ្នង និងសាច់ដុំ ក្រោយមកក៏ចេញពងមានខ្ទុះលើស្បែកនៅត្រង់មុខ ដៃ និងកន្លែងជាច្រើនទៀតរបស់រាងកាយ។ រោងសញ្ញាចាប់ផ្ដើមបង្ហាញខ្លួនក្នុងរង្វង់ពី ១ ទៅ ២ សប្ដាហ៍ រាប់ចាប់ពីពេលឆ្លងវីរុស។
យោងតាម ក្រសួងសុខាភិបាល គិតមកដល់ថ្ងៃទី ២៥ ឧសភានេះ កម្ពុជា មិនទាន់មានករណីជំងឺអុតស្វា (monkeypox) នេះនៅឡើយ ប៉ុន្តែ ដើម្បីបង្ការ ក្រសួងសុខាភិបាល បានចេញសេចក្ដីណែនាំដែលមានខ្លឹមសារដូចខាងក្រោម៖
ស្ថានភាពជំងឺកូវីដ-១៩ នៅ កម្ពុជា សម្រាប់ថ្ងៃទី ២៤ ខែឧសភា ២០២២
ក្នុងអំឡុង ២៤ ម៉ោង នៃថ្ងៃទី ២៣ ខែឧសភា ២០២២ កម្ពុជា មិនមានករណីជាសះស្បើយថ្មី អ្នកវិជ្ជមានថ្មី និងអ្នកស្លាប់ថ្មី ដោយសារកូវីដ-១៩ នោះទេ។
ស្ថានភាពជំងឺកូវីដ-១៩ នៅ កម្ពុជា សម្រាប់ថ្ងៃទី ២៣ ខែឧសភា ២០២២
ក្នុងអំឡុង ២៤ ម៉ោង នៃថ្ងៃទី ២២ ខែឧសភា ២០២២ កម្ពុជា មិនមានករណីជាសះស្បើយ អ្នកវិជ្ជមានថ្មី និងអ្នកស្លាប់ថ្មី ដោយសារកូវីដ-១៩ នោះទេ។
ប្រទេសដំបូងដែលប្រកាស «ធ្វើចត្តាឡីស័ក» ចំពោះអ្នកឆ្លងជំងឺអុតស្វា (monkeypox)
អាជ្ញាធរវាយតម្លៃហានិភ័យ របស់ បែលហ្ស៊ិក បានប្រកាសធ្វើចត្តាឡីស័ក ២១ ថ្ងៃ ចំពោះអ្នកដែលបានឆ្លងជំងឺអុតស្វា (monkeypox)។
ទីភ្នាក់ងារសារព័ត៌មាន RT កាលពីថ្ងៃទី ២២ ឧសភា ឱ្យដឹងថា ប្រកាសខាងលើត្រូវបានធ្វើឡើងនៅពេលដែលពលរដ្ឋ ៣ នាក់របស់ប្រទេសនេះ ត្រូវបានពិនិត្យឃើញថា មានផ្ទុកវីរុសបង្កជំងឺអុតស្វា ដែលជាជំងឺមួយបានបង្ហាញខ្លួននៅក្នុងប្រទេសជាង ១០ រួចមកហើយក្នុងសប្ដាហ៍កន្លង។ ស្ថាប័នសុខាភិបាលរបស់ បែលហ្ស៊ិក បញ្ចេញប្រកាសនេះកាលពីថ្ងៃទី ២០ ឧសភា ២០២២។
អ្នកវីរុសសាស្ត្រ Marc Van Ranst បានឱ្យដឹងថា បែលហ្ស៊ិក បានរកឃើញអ្នកជំងឺទី ៤ ដែលបានឆ្លងវីរុសបង្កជំងឺអុតស្វា។ លោកបញ្ជាក់ថា ដូចទៅនឹង ៣ ករណីមុន ករណីទី ៤ នេះមានជាប់ទាក់ទងនឹងព្រឹត្តិការណ៍បុរសស្រលាញ់ភេទដូចគ្នាអន្តរជាតិ Darklands ដែលត្រូវបានរៀបចំធ្វើឡើងកាលពីដើមខែឧសភា នៅ Antwerp។
វិជ្ជបណ្ឌិត Ranst និយាយថា «ប្រការសំខាន់គឺថា អ្នកទាំងឡាយដែលបានចូលរួមព្រឹត្តិការណ៍ Darklands ត្រូវតែយកចិត្តទុកដាក់ទៅលើរាល់អាការដែលកើតឡើងលើខ្លួនពួកគេ»។
ស្ថានភាពនេះបង្ហាញថា ជំងឺផ្ទុះឡើងក្នុងទ្រង់ទ្រាយកាន់តែធំ។ ជំងឺអុតស្វា តែងជាសះស្បើយដោយឯកឯងក្នុងរង្វង់ ២-៣ សប្ដាហ៍។ ជំងឺនេះ ភាគច្រើនបង្ហាញវត្តមាននៅ អាហ្វ្រិកខាងលិច និង អាហ្វ្រិកកណ្ដាល។
យោងតាម អង្គការសុខភាពពិភពលោក (WHO) ជំងឺអុតស្វា មិនងាយឆ្លងពីមនុស្សទៅមនុស្ស។ វីរុសនេះឆ្លងនៅពេលមនុស្សប៉ះពាល់គ្នាយូរជាមួយនឹងរបួស ធាតុរាវរបស់រាងកាយ តំណក់ទឹកផ្លូវដង្ហើម ឬសម្ភរដែលមានផ្ទុកវីរុស ដូចជា ភួយខ្នើយជាដើម។ អាការដំបូងនៃជំងឺអុតស្វា គឺ ក្ដៅខ្លួន ឈឺក្បាល ហើមកូនកណ្ដុរ ឈឺខ្នង និងសាច់ដុំ ក្រោយមកក៏ចេញពងមានខ្ទុះលើស្បែកនៅត្រង់មុខ ដៃ និងកន្លែងជាច្រើនទៀតរបស់រាងកាយ។ រោងសញ្ញាចាប់ផ្ដើមបង្ហាញខ្លួនក្នុងរង្វង់ពី ១ ទៅ ២ សប្ដាហ៍ រាប់ចាប់ពីពេលឆ្លងវីរុស។
