Category: សុខភាព

អាហារ 10 យ៉ាង បង្កើនភាពមាំទាំសម្រាប់បុរស
បើរាងកាយត្រូវបានប្រើការយ៉ាងពេញទំហឹងរាល់ថ្ងៃនោះ ក៏ប្រហែលជាយ៉ាប់យ៉ឺនប្រាកដណាស់ ដូច្នេះអ្នកគួរតែបង្កើនភាពមាំទាំដោយកំពូលអាហារ 10 យ៉ាងដែលជាប្រភពកម្លាំងថាមពលដូចតទៅនេះ។
ទោះជាចាប់ផ្តើមព្រឹកថ្ងៃថ្មីដោយការហ្វឹកហាត់តាំងសមាធិ ការហាត់ប្រាណធ្ងន់-ស្រាលឆ្លាស់គ្នាក្នុងកម្រឹតខ្លាំងក្លាយ៉ាងពេញទំហឹងមែនក៏ដោយ ក៏អ្នកនៅតែត្រូវការកម្លាំងថាមពលដែលស័ក្តិសមដែរ ទោះជាប្រសិទ្ធភាពរបស់រាងកាយនៅតែមានលំនឹងបានរហូតដល់ចប់មួយថ្ងៃ(ព្រោះក្នុងអំឡុងពេលរសៀលកម្រឹតកម្លាំងថាមពលនឹងស្រកចុះក្រឺតដោយមិនដឹងខ្លួនរហូតដល់ធ្វើឱ្យអ្នកចង់តែទ្រោបទៅលើតុ)ក៏ដោយ និងទោះជាការលបសម្រាកមួយស្រឡេតមិនមែនជាជម្រើសដែលអាចទៅរួចក៏ដោយ ក៏នៅមានអាហាដែលសម្បូរដោយគុណតម្លៃខាងភោជនាហារដែលនឹងជួយជំរុញឱ្យអ្នកបាត់ទន់ល្វើយដូចគេបេះចេញ ដូចជា កំពូលអាហារទាំង 10 យ៉ាងនេះដែរ ព្រោះក្រៅពីសម្បូរដោយសារធាតុអាហារដែលជួយស្តាថាមពលហើយនោះ នៅបានផ្តល់កម្លាំងថាមពលយ៉ាងបន្តបន្ទាប់ដោយមិនធ្វើឱ្យរាងកាយបានទទួលកាឡូរីក្នុងបរិមាណច្រើនជ្រុលពេកទៀតផង។
1 – សាច់ត្រីសាល់ម៉ុន
អាស៊ីតខ្លាញ់ពីសាច់ត្រីសាល់ម៉ុនផ្តល់កម្លាំងថាមពលបែបដុតបំផ្លាញយឺត និងជួយកាត់បន្ថយអាការឈឺចាប់សាច់ដុំ ទើបធ្វើឱ្យអ្នកមានកម្លាំងកំហែងហាត់ប្រាណរហូតដល់ចប់បាន។
2 – អ៊ែព្រីខដ
ផ្លែឈើប្រភេទនេះសម្បូរដោយសារធាតុអាហារដូចជាវីតាមីន A វីតាមីន C និងប៉ូតាស្យូម និងពេលអ្នកទន់កម្លាំងជាតិស្ករក៏ នឹងធ្វើឱ្យអ្នកស្វាហាប់ឡើងវិញ។
3 – សណ្តែកហោឡាន់តៅ
ធញ្ញជាតិកាឡូរីទាបប្រភេទនេះនឹងជួយបង្កើនកម្រឹតវីតាមីន B និងស័ង្កសីក្នុងរាងកាយ ទើបជួយការពារមិនឱ្យអ្នកកើតជំងឺផ្តាសាយរហូតគ្មានកម្លាំងកំហែងទៅហាត់ប្រាណ។
4 – ដំឡូងបារាំង
ជួយបង្កើនបរិមាណកាកសរសៃអាហារ បើអ្នកញ៉ាំទាំងសំបក ហើយរាងកាយក៏នឹងរំលាយកាបូហាយដ្រេតក្នុងឌំឡុងបារាំងយ៉ាងយឺតៗ ដើម្បីឱ្យអ្នកនាំយកកម្លាំងថាមពលទៅប្រើបានយ៉ាងបន្តបន្ទាប់។
5 – ទឹកដោះប្រតេអ៊ីនខ្ពស់
ទឹកដោះជាប្រភពប្រូតេអ៊ីនដែលងាយស្រួលរក តែមនុស្សប្រុសសាច់ដុំធំៗដូចរូបអ្នកត្រូវការប្រូតេអ៊ីនច្រើនជាងមនុស្សប្រក្រតី។ បើចង់បង្កើនសាច់ដុំឱ្យមានប្រសិទ្ធិភាព អ្នកត្រូវជ្រើសរើសយកប្រភេទដែលមានប្រូតេអ៊ីនខ្ពស់ សម្បូរទៅដោយកាល់ស្យូម និងជាតិខ្លាញ់ទាប។
6 – យ៉ាអួ
បើចង់ឱ្យល្អគួរជ្រើសរើសយករសជាតិធម្មជាតិ យ៉ាអួសម្បូរទៅដោយម៉ាញេស្យូមដែលនឹងធ្វើឱ្យអ្នកគេងលក់យ៉ាងមានគុណភាព រហូតភ្ញាក់ឡើងវិញព្រមជាមួយភាពក្លៀវក្លាស្វាហាប់យ៉ាងពិតប្រាកដ។
7 – តែបៃតង
ក្រៅពីមានកាហ្វេអ៊ីនដែលជួយបានហើយ តែបៃតងនៅជំរុញឱ្យរាងកាយនាំយកជាតិខ្លាញ់ដែលប្រមូលសន្សំទុកមកប្រើប្រាស់ក្នុងការបង្កើនភាពមាំទាំទៀតផង។
8 – អាល់ម៉ុន
សណ្តែកប្រភេទនេះនឹងធ្វើឱ្យអ្នកបានទទួលរ៉ៃបូហ្វ្លាវីន(វីតាមីន B2 )ដែលជួយប្តូរកាបូហាយដ្រេតទៅជាកម្លាំងថាមពល ដែលរាងកាយនាំយកទៅប្រើបានគ្រប់តាមបរិមាណដែលគួរបរិភោគក្នុងមួយថ្ងៃៗ។
9 – ផ្លែប៉ោម
ផ្លែឈើដែលឱ្យទាំងវីតាមីន កាកសរសៃអាហារ និងហ្វ្រុតថូសនឹងធ្វើឱ្យអ្នកដែលចូលចិត្តរបស់ផ្អែមៗមានអារម្មណ៍ថាបាត់ចង់ និងនៅជួយថែរក្សាកម្រឹតជាតិស្ករក្នុងក្រសែឈាមទៀតផង។
10 – ទំពាំងបារាំង
ញ៉ាំមើមទំពាំងបារាំងតែមិនប៉ុន្មានដើម លោកអ្នកក៏បានទទួលវីតាមីន B ក្នុងបរិមាណដែលរាងកាយត្រូវការបានទៅហើយ ហើយបន្លែប្រភេទនេះក៏មានរសជាតិឆ្ងាញ់ជាងវីតាមីន B ប្រភេទម្សៅ ឬប្រភេទគ្រាប់ទៀតផង៕

May 21, 2020
តួលេខអ្នកឆ្លងវីរុសCOVID-19 បានកើនលើស5លាននាក់ហើយ នៅទូទាំងពិភពលោក
ពិភពលោកទាំងមូលត្រូវបានរាយការណ៍ថា មានអ្នកជំងឺ COVID-19 ជាង5លាននាក់ ខណៈចំនួនអ្នកស្លាប់ដោយសារវីរុសកូរ៉ូណានេះ កើនដល់ជាង329,000នាក់។
ប្រទេសនិងដែនដីចំនួន213ក្នុងពិភពលោក បានរកឃើញអ្នកជំងឺCOVID-19 ចំនួន5,076,003នាក់ និងអ្នកស្លាប់សរុប329,112នាក់ ក្នុងនោះ អ្នកជំងឺថ្មីមានចំនួន86,893នាក់ និងអ្នកស្លាប់ថ្មីមានចំនួន4,667នាក់ ខណៈអ្នកដែលបានជាពីជំងឺមានចំនួន1,902,554នាក់។ នេះបើតាមស្ថិតិរបស់ Worldometer។
ទ្វីបអាមេរិកមានអ្នកជំងឺCOVID-19 សរុប2,281,740នាក់ ក្នុងនោះអាមេរិកខាងជើងមាន1,761,652នាក់ អាមេរិកខាងត្បូងមាន520,088នាក់ ខណៈទ្វីបអឺរ៉ុបមាន1,830,667នាក់ អាស៊ីមាន863,440នាក់ និងអាហ្វ្រិកមាន96,990នាក់។
សហរដ្ឋអាមេរិកបានរកឃើញអ្នកជំងឺថ្មី18,789នាក់ និងអ្នកស្លាប់ថ្មីមាន1,369នាក់ក្នុងអំឡុង24ម៉ោងចុងក្រោយនេះ ធ្វើឱ្យចំនួនអ្នកជំងឺសរុបកើនដល់1,589,372នាក់ និងអ្នកស្លាប់សរុបឡើងដល់94,902នាក់។
ប្រទេសរុស្ស៊ីបានរកឃើញអ្នកជំងឺសរុប308,705នាក់ ក្នុងនោះមានអ្នកស្លាប់2,972នាក់។ ក្នុងរយៈពេល24ម៉ោងចុងក្រោយនេះ ប្រទេសរុស្ស៊ីបានរកឃើញអ្នកជឺងឺ8,764នាក់។
អេស្ប៉ាញបានរាយការណ៍ថា បានរកឃើញអ្នកជំងឺថ្មី721នាក់ និងអ្នកស្លាប់ថ្មី110នាក់ក្នុងអំឡុង24ម៉ោងចុងក្រោយនេះ ធ្វើឱ្យតួលេខអ្នកជំងឺCOVID-19សរុបក្នុងប្រទេសនេះ ឡើងដល់279,524នាក់ និងអ្នកស្លាប់27,888នាក់៕
ប្រភព៖ សារព័ត៌មានបរទេស
May 21, 2020
ថៃជោគជ័យក្នុងការសាកល្បងវ៉ាក់សាំងនៅលើសត្វ
តាមគម្រោង ប្រទេសថៃនឹងមានវ៉ាក់សាំងប្រឆាំង COVID-19 នៅឆ្នាំក្រោយ នេះបើតាមមន្ត្រីជាន់ខ្ពស់ម្នាក់បានឱ្យដឹងកាលពីម្សិលមិញ បន្ទាប់ពីការពិសោធសាកល្បងនៅលើសត្វកណ្ដុរ ទទួលបានលទ្ធផលល្អ។
ទីភ្នាក់ងារសារព័ត៌មាន Reuters កាលពីថ្ងៃទី20ឧសភា បានដកស្រង់សម្ដីរបស់លោក Taweesin Wisanuyothin អ្នកនាំពាក្យរបស់មជ្ឈមណ្ឌលគ្រប់គ្រងស្ថានភាព COVID-19 របស់រាជរដ្ឋាភិបាលថៃ បានឱ្យដឹងថា ប្រទេសថៃនឹងចាប់ផ្ដើមសាកល្បងវ៉ាក់ថ្មីប្រឆាំង COVID-19 នៅលើសត្វស្វានៅសប្ដាហ៍ក្រោយ បន្ទាប់ពីការសាកល្បងនៅលើសត្វកណ្ដុរទទួលបានជោគជ័យ។
មន្ត្រីខាងលើបានថ្លែងថា “តាមគម្រោង វ៉ាក់សាំងរបស់ថៃនឹងត្រូវបានដាក់ឱ្យប្រើប្រាស់នៅឆ្នាំក្រោយ”។
វ៉ាក់សាំងថ្មីនេះត្រូវបានអភិវឌ្ឍដោយវិទ្យាស្ថានវ៉ាក់សាំងជាតិ ក្រសួងវេជ្ជសាស្ត្រ និងមជ្ឈមណ្ឌលស្រាវជ្រាវវ៉ាក់សាំងនៃសាកលវិទ្យាល័យ ជូឡាឡុងកន របស់ប្រទេសថៃ (Chulalongkorn)។
នៅទូទាំងពិភពលោក មានវ៉ាក់សាំងចំនួនជាង100ប្រភេទដែលមានសក្ដានុពលក្នុងការទប់ស្កាត់វីរុសCOVID-19 កំពុងត្រូវបានអភិវឌ្ឍ ក្នុងនោះមានវ៉ាក់សាំងមួយចំនួនកំពុងត្រូវបានសាកល្បងនៅលើមនុស្ស ប៉ុន្តែ កាលពីខែមេសា អង្គការសុខភាពពិភពលោក(WHO) បានព្រមានថា វ៉ាក់សាំងមួយតែងត្រូវការពេលយ៉ាងតិច12ខែទើបអាចដាក់ឱ្យប្រើប្រាស់បាន។
វ៉ាក់សាំងប្រឆាំង COVID-19 ដែលត្រូវបានសាកល្បងដំបូងគេនៅសហរដ្ឋអាមេរិក នោះគឺវ៉ាក់សាំងរបស់ក្រុមហ៊ុនផលិតឱសថ Moderna។ វ៉ាក់សាំងនេះត្រូវបានសាកល្បងនៅលើក្រុមអ្នកស្ម័គ្រចិត្តមួយចំនួន ហើយវាបង្ហាញថា មានប្រសិទ្ធភាពក្នុងការបង្កើតអង្គបដិប្រាណ។ នេះបើតាមទិន្នន័យថ្មីបំផុតដែលត្រូវបានក្រុមហ៊ុន Moderna ប្រកាសឱ្យដឹងនាដើមសប្ដាហ៍នេះ។
លោក Taweesin បានឱ្យដឹងថា ប្រទេសថៃ ចង់ក្លាយជាប្រទេសមួយក្នុងចំណោមប្រទេសដែលមានវ៉ាក់សាំងដំបូងគេដើម្បីប្រើប្រាស់ឱ្យទាន់ពេល។
គិតមកដល់បច្ចុប្បន្ន ប្រទេសថៃ បានរកឃើញអ្នកជំងឺរលាកសួតប្រភេទថ្មី (COVID-19) សរុប 3,034នាក់ និង56នាក់បានបាត់បង់ជីវិត៕
ប្រភព៖ សារព័ត៌មានបរទេស
May 21, 2020
ឆ្លងមេរោគក្នុងក្រសែឈាម គឺជាអ្វី? និងគ្រោះថ្នាក់ប៉ុនណា?
ការឆ្លងមេរោគក្នុងក្រសែឈាម ទោះវាត្រឹមតែជាអាការ មិនមែនជាជំងឺមែន តែយើងត្រូវតែធ្លាប់បានឮមកខ្លះហើយយ៉ាងពិតប្រាកដ ព្រោះមិនថាលោកអ្នកឈឺដោយជំងឺអ្វីនោះទេ ក៏អាចមានសិទ្ធិក្នុងការកើតអាការឆ្លងមេរោគក្នុងក្រសែឈាមបានដែរ ហើយដែលសំខាន់នោះគឺ បើមិនបានទទួលការព្យាបាលយ៉ាងត្រឹមត្រូវ និងទាន់ពេលវេលានោះទេ ក៏អាចធ្វើឱ្យស្លាប់បាត់បង់ជីវិតបានភ្លាមៗក្នុងរយៈពេលតែមិនប៉ុន្មាននាទីប៉ុណ្ណោះ។
តើការឆ្លងមេរោគក្នុងក្រសែឈាមគឺជាអ្វី?
សភាវឆ្លងមេរោគក្នុងក្រសែឈាម កើតឡើងពីការដែលមានមេរោគឆ្លងចូលមកក្នុងរាងកាយយើងតាមផ្លូវណាមួយ មេរោគរត់តាមក្រសែឈាម បង្កឱ្យកើតអាការរលាកក្លាយ ឆ្លងមេរោគនៅបរិវេណណាមួយ ឬទូទាំងរាងកាយ។ ជាប្រក្រតី នៅពេលមេរោគចូលមកក្នុងរាងកាយ នឹងមានគ្រាប់ឈាមសនៅចាំបំពេញតួនាទីចាប់មេរោគនោះរួចជាស្រេចហើយ តែនៅពេលណាដែលរាងកាយស្ថិតក្នុងសភាវទន់ខ្សោយ មិនអាចតតាំងជាមួយមេរោគបាន ទើបជាហេតុឱ្យមេរោគចូលទៅក្នុងក្រសែឈាមរហូតកើតអាការឆ្លងមេរោគហ្នឹងឯង។
បច្ច័យប្រថុយប្រថានចំពោះសភាវការឆ្លងមេរោគក្នុងក្រសែឈាម
– ជំងឺឈឺថ្កាត់
ប្រាកដណាស់ថា ពេលណាក៏ដោយដែលរាងកាយចុះទន់ខ្សោយ កើតជំងឺ ប្រព័ន្ធប្រឆាំងជំងឺមិនសមប្រកប ឬបំពេញតួនាទីមិនបានពេញទំហឹង នៅពេលនោះមេរោគក៏អាចចូលមកក្នុងរាងកាយរហូតធ្វើឱ្យកើតការឆ្លងមេរោគក្នុងក្រសែឈាមបាន ដូចជា គ្រុនផ្តាសាយធំ គ្រុនឈាម ជាដើម។
– កុមារ និងមនុស្សចាស់ មានឱកាសប្រថុយប្រថានក្នុងការឆ្លងមេរោគក្នុងក្រសែឈាមខ្លាំងជាងមនុស្សវ័យជំទង់ និងវ័យធ្វើការងារ។
ដោយសារតែកុមារតូចៗ និងមនុស្សវ័យចំណាស់មានប្រព័ន្ធប្រឆាំងជំងឺទាបជាងមនុស្សក្នុងវ័យផ្សេងៗ បើមានអាការឈឺថ្កាត់ ឬមិនមាំទាំស្រាប់ហើយផងនោះ ទើបមានឱកាសប្រថុយប្រថានក្នុងការឆ្លងមេរោគក្នុងក្រសែឈាមច្រើនជាងហ្នឹងឯង។
– អ្នកដែលមានជំងឺប្រចាំកាយ
ដូចជា ជំងឺថ្លើមរឹង ទឹកនោមផ្អែម ខ្សោយក្រលៀនរ៉ាំរ៉ៃ អេដស៍ ជាដើម ព្រោះរាងកាយស្ថិតនៅក្នុងអំឡុងពេលដែលប្រព័ន្ធប្រឆាំងជំងឺធ្វើការមិនបានពេញលេញ។
– ការដាក់ឧបករណ៍ផ្សេងៗក្នុងរាងកាយ
បើជាអ្នកជំងឺដែលត្រូវការសុលទុយយោតាមទ្វាធំ និងបង្ហួរនោម ឬបំពង់ និងទុយយោផ្សេងៗចូលទៅក្នុងបំពង់ក ឬតាមផ្នែកណាមួយរបស់រាងកាយ ត្រូវប្រយ័ត្នប្រយែងឱ្យឧបករណ៍ទាំងនោះស្អាត គ្មានមេរោគ ព្រោះអ្នកជំងឺកំពុងស្ថិតក្នុងសភាវប្រព័ន្ធប្រឆាំងជំងឺចុះខ្សោយស្រាប់ហើយ មេរោគពីឧបករណ៍ទាំងនោះអាចនឹងធ្វើឱ្យអ្នកជំងឺឆ្លងមេរោគ និងនាំឆ្ពោះទៅរកសភាវឆ្លងមេរោគក្នុងសរសៃឈាមបាន។
– មេរោគបង្កជំងឺមានភាពខ្លាំងក្លាខុសប្រក្រតី និងអ្នកជំងឺស្ថិតក្នុងសភាវឌឺថ្នាំ
បើជាអ្នកជំងឺដែលមានប្រវត្តិធ្លាប់ឈឺថ្កាត់ជាប្រចាំស្រាប់ហើយនោះ រាងកាយនឹងចុះខ្សោយ និងមេរោគអភិវឌ្ឍរហូតមិនអាចប្រើថ្នាំដដែលនោះដើម្បីធ្វើការព្យាបាលតទៅទៀតបាននោះ បើនៅរកថ្នាំផ្សេងទៀតមកជំនួសមិនបាន និងព្យាបាលមិនបានទាន់ពេលវេលា ក៏អាចនឹងកើតសភាវឆ្លងមេរោគក្នុងក្រសែឈាមបានដូចគ្នាដែរ។
អាការរបស់ការឆ្លងមេរោគក្នុងក្រសែឈាម
– គ្រុនក្តៅខ្លួនលើសពី 38,3 អង្សា
– ជីពចរលោតញាប់លើសពី 90 ដងក្នុងមួយនាទី(មនុស្សធំ)
– ដង្ហើមញាប់ជាង 24 ដងក្នុងមួយនាទី(មនុស្សធំ)
– គ្រាប់ឈាមសកើនចំនួនច្រើនឡើង
– សម្ពាធឈាមធ្លាក់ចុះទាប រហូតអាចមានអាការសន្លប់បាត់ស្មារតី
– បើឆ្លងមេរោគក្នុងអវយវៈមួយចំនួននោះ នឹងកើតមានអាការនៅលើបរិវេណនោះ ដូចជា បត់ជើងតូចចេញមកក្រហាយផ្សា
ដែលបណ្តាលមកពីឆ្លងមេរោគនៅក្នុងប្លោកនោម ឬក្អក និងឈឺក្នុងដើមទ្រូងនៅពេលមានអាការឆ្លងមេរោគនៅក្នុងសួតជាដើម។
– ការធ្វើការងាររបស់អវយវៈផ្សេងៗរអាក់រអួល ឬគាំង ដូចជា ក្រលៀន សួត បេះដូង រហូតចុងក្រោយស្លាប់បាត់បង់ជីវិត។
ការការពារអាការឆ្លងមេរោគក្នុងក្រសែឈាម
1 – ថែរក្សាសភាពរាងកាយឱ្យនៅរឹងមាំជាប់ជានិច្ច(កុំឱ្យឈឺញឹកញាប់ពេក)
2 – បរិភោគអាហារឱ្យមានប្រយោជន៍ គ្រប់ 5 ប្រភេទក្រុម ហាត់ប្រាណជាប់ជាប្រចាំ ក្នុងមួយសប្តាហ៍ 2 – 3 ដង។
3 – សម្រាកឱ្យបានគ្រប់គ្រាន់ គេងក្នុងមួយថ្ងៃឱ្យបាន 6 – 8 ម៉ោង។
4 – ចាក់វ៉ាក់សាំងការពារជំងឺម្តងម្កាល ដូចជា វ៉ាក់សាំងការពារជំងឺគ្រុនផ្តាសាយធំ មេរោគវីរុសរលាកថ្លើម ។
5 – ត្រួតពិនិត្យរាងកាយឱ្យបានជាប់លាប់រៀងរាល់ឆ្នាំ។
6 – អ្នកដែលមានជំងឺប្រចាំកាយត្រូវទៅជួបលោកគ្រូពេទ្យតាមការណាត់ និងលេបថ្នាំឱ្យបានទៀងទាត់៕
May 20, 2020
បារាំងបញ្ជាឱ្យបិទសាលារៀនវិញហើយ នៅក្នុងទីក្រុងចំនួន8 ក្រោយរកឃើញកូនសិស្សឆ្លងមេរោគ 70នាក់
កាលពីថ្ងៃទី19 ឧសភាម្សិលមិញ ទីភ្នាក់ងារព័ត៌មាន ដេលីមែល បានរាយការណ៍ថា រដ្ឋបាលក្នុងតំបន់នៃទីក្រុងរូបេហ្ស៍ ក្នុងខេត្តន័រ ភាគខាងជើងរបស់ប្រទេសបារាំង ជាប់នឹងព្រំដែនប្រទេសបែលហ្ស៊ិក បានបញ្ជាឱ្យបិទសាលារៀនវិញចំនួន 8កន្លែងជាបន្ទាន់ ជាសាលារៀនរបស់រដ្ឋ 7កន្លែង និងសាលាឯកជន 1កន្លែងទៀត ដោយសារតែបានរកឃើញកូនសិស្សថ្នាក់មត្តេយ្យ 1នាក់ ជាភ្នាក់ងារចម្លងមេរោគកូវីដ-19 បន្ទាប់ពីពួកគេបានបើកទ្វារបង្រៀនឡើងវិញកាលពីសប្ដាហ៍កន្លងទៅ។
ក្នុងរបាយការណ៍ បានបញ្ជាក់ថា បទបញ្ជាឱ្យបិទសាលារៀនទាំង 8កន្លែងនោះវិញជាបន្ទាន់ គឺជាវិធានការការពារការចម្លងសាយភាយមេរោគ ដោយសារតែនៅមិនទាន់រកឃើញកូនសិស្សដទៃទៀតកើតជំងឺកូវីដ-19 ដោយអាជ្ញាធរនឹងប្រញាប់ប្រញាល់ស៊ើបអង្កេតលើករណីនេះ រួមទាំងស្វែងរកបុគ្គលដែលក្មេងៗបានប៉ះពាល់ និងនៅជិតស្និទ្ធជាមួយ ក្នុងអំឡុងពេលបើកសាលារៀនឡើងវិញកាលពីរយៈពេល 1សប្ដាហ៍កន្លងមក និងរំពឹងថា សាលារៀនអាចនឹងបើកទ្វារឡើងវិញបាន នោថ្ងៃទី25 ឧសភាខាងមុខ។
សម្រាប់សាលារៀន ដែលបានពិនិត្យរកឃើញមានការឆ្លងរាលដាលនៃមេរោគកូវីដ-19 និងត្រូវបញ្ជាឱ្យបិទទ្វារជាបណ្ដោះអាសន្នវិញនោះ ស្ថិតនៅក្នុងទីតាំងខេត្តម៉ាយែន មណ្ឌលប៉េអ៊ី ដឺ ឡា លួរ , ខេត្តហ្វ៊ីនីស្ទែរ មណ្ឌលប្រឺតាញ , ខេត្តកុងតាល់ មណ្ឌលអូវែញ-រ៉ូណាល , ខេត្តអូ-ហ្គារ៉ុង និងខេត្តអេរ៉ូ មណ្ឌលអុកស៊ីតានី , ខេត្តអង់ដ្រេលួរ មណ្ឌលហ្សង់-វ៉ាល់ ដឺ លួរ និងទីក្រុងនីស មណ្ឌលប្រូវ៉ង់ សាល កូតដាហ្សួរ៕
A teacher teaches to schoolchildren in a classroom at a private school during its reopening in Saint-Sebastien-sur-Loire near Nantes during the outbreak of the COVID-19 in France, May 12, 2020. REUTERS
A disinfection squad cleans the school canteen of Saint Exupery primary school as France prepares for the gradual lifting of lockdown restrictions during the outbreak of the COVID-19 in Cannes, France. REUTERS
A shelf with books and games which could not be used by children is protected by tape in a classroom in a private school on the eve ot its reopening in Saint-Sebastien-sur-Loire near Nantes in France, May 11, 2020. REUTERS
A school staff member cleans school supplies in a classroom at a primary school during its reopening in Paris, France. REUTERS
Primary school reopening in Nice as a small part of French children head back to their schools in France. REUTERS
Schoolchildren listen to their teacher at the primary school Simone Veil during its reopening in Nice, France. REUTERS
A teacher, wearing a protective face mask, teaches to schoolchildren in a classroom at a private school in Saint-Sebastien-sur-Loire, France, May 12, 2020. REUTERS
Employees install signs on the floor to help children to respect social distancing at a primary school on the eve of its reopening in Nice as France softens its strict lockdown. REUTERS
ប្រភព៖ សារព័ត៌មានបរទេស
May 20, 2020
ល្អ ប្លែក! សិស្សនៅប្រទេសចិន ពាក់ “ស្លាបរក្សាគម្លាត” ដើម្បីការពារការឆ្លង COVID-19
សិស្សានុសិស្សនៃសាលាបឋមសិក្សាមួយនៅប្រទេសចិន នាំគ្នាពាក់ស្លាបប្រវែង1ម៉ែត្រ និងមានចម្រុះពណ៌គួរឱ្យចាប់អារម្មណ៍ ក្នុងបំណងធានាឱ្យបានប្រាកដចំពោះការរក្សាគម្លាតក្នុងថ្ងៃចូលរៀន។
ថ្ងៃដំបូងនៃការវិលត្រឡប់ចូលសាលារៀនវិញ ក្រោយការឈប់សម្រាកអស់មួយរយៈពេលវែងដោយសារ COVID-19 សិស្សថ្នាក់ទី4នៃសាលាបឋមសិក្សាភាសាបរទេសមួយនៅទីក្រុង Taiyuan នៃខេត្ត Shanxi ប្រទេសចិន កាលពីថ្ងៃទី18ឧសភាកន្លងទៅ ត្រូវបានស្នើឱ្យពាក់ស្លាបដែលមានប្រវែងមួយម៉ែត្រនៅខាងក្រោយខ្នង ដើម្បីទប់ស្កាត់សិស្សទាំងនោះឈរក្បែរគ្នាខ្លាំងពេក ក្នុងបំណងការពារការឆ្លងវីរុស។
ស្លាបដែលមានរូបរាងដូចស្លាបយន្តហោះ ឬស្លាបមេអំបៅ និងមានពណ៌ចម្រុះនេះ ត្រូវបានអាណាព្យាបាលរបស់សិស្ស ធ្វើឱ្យកូនៗ ហើយនៅលើស្លាបទាំងនោះ មានសរសេរអក្សរថា “ព្រោះតែខ្ញុំគោរព ឱ្យតម្លៃមិត្ត ដូច្នេះសូមរក្សាគម្លាតឱ្យបានមួយម៉ែត្រ”។
នាយកសាលាខាងលើបានឱ្យដឹងថា ការពាក់ស្លាបនេះអាចជួយឱ្យសិស្សទទួលដឹងបាននូវគម្លាតសុវត្ថិភាព ក៏ដូចជាយល់ និងដឹងគុណដល់ការចូលរួមចំណែករបស់ក្រុមគ្រូពេទ្យ ដែលជាក្រុមមនុស្សនៅជួរមុខក្នុងសង្គ្រាមប្រឆាំង COVID-19។
គំនិតខាងលើនេះ ត្រូវបានធ្វើឡើងដោយយកគំរូតាមសាលាបឋមសិក្សាមួយនៅទីក្រុង Hangzhou កាលពីសប្ដាហ៍មុន។ មុននេះ មានសាលាបឋមសិក្សាមួយផ្សេងទៀតនៅ Hangzhou ក៏មានគំនិតស្រដៀងគ្នានេះដែរ ដោយឱ្យសិស្សពាក់មួករាងស្លាបកន្ទុំរុយវែងៗ ដែលជួយឱ្យសិស្សអាចរក្សាគម្លាតពីគ្នាបានមួយកម្រិតផងដែរ។
COVID-19 បានផ្ទុះឆ្លងរាលដាលនៅប្រទេសចិន ចាប់ពីចុងឆ្នាំ2019 ហើយមកដល់បច្ចុប្បន្ន វាបានរាលដាលដល់ប្រទេសនិងដែនដីចំនួន213ក្នុងពិភពលោក បណ្ដាលឱ្យមានមនុស្សជិត5លាននាក់បានឆ្លងមេរោគ និងជាង323,000នាក់បានបាត់បង់ជីវិត។ ប្រទេសចិន មានមនុស្សជិត83,000នាក់បានឆ្លងCOVID-19 ក្នុងនោះមានជាង4,600នាក់បានស្លាប់ និងជាង78,000នាក់បានជាសះស្បើយ៕
ប្រភព៖ សារព័ត៌មានបរទេស
May 20, 2020
ចាំមើលមើល៍…តើលោកត្រាំ នឹងពាក់ម៉ាស់ការពារវីរុសឬអត់ ពេលទៅមើលរោងចក្រផលិតរថយន្ត Ford?
Ford Motor Co កាលពីថ្ងៃអង្គារ(ទី19ឧសភា) បានបញ្ជាក់ពីគោលការណ៍របស់ក្រុមហ៊ុន ដែលបានកំណត់ឱ្យភ្ញៀវគ្រប់រូបដែលមកទស្សនារោងចក្ររបស់ខ្លួន ត្រូវតែពាក់ម៉ាស់អនាម័យការពារការឆ្លងមេរោគកូវីដ-19 ប៉ុន្តែមិនបានបញ្ជាក់ថា ខ្លួននឹងបង្ខំឱ្យលោកប្រធានាធិបតី ដូណាល់ ត្រាំ ប្រតិបត្តិតាមគោលការណ៍ខាងលើ ឬក៏អត់នោះទេ…ខណៈដែលមេដឹកនាំសហរដ្ឋអាមេរិករូបនេះ មានកំណត់ការទៅទស្សនារោងចក្រផលិតរថយន្ត នៅក្នុងរដ្ឋមីឈិហ្គែន មួយនេះ ក្នុងអំឡុងចុងសប្ដាហ៍នេះ។
លោក ដូណាល់ ត្រាំ មានផែនការទៅមើលរោងចក្រមួយកន្លែងរបស់ Ford នៅក្នុងទីក្រុងអ៊ិបស៊ីលែនធី រដ្ឋមិឈិហ្គែន នៅថ្ងៃព្រហស្បតិ៍(ទី21 ឧសភា) ដែលបច្ចុប្បន្នត្រូវបានប្រើប្រាស់ធ្វើជាកន្លែងផលិតម៉ាស៊ីនជួយការដកដង្ហើម តែយ៉ាងណាក៏ដោយ គេនៅមិនទាន់ដឹងច្បាស់នៅឡើយថា តើក្រុមហ៊ុនផលិតរថយន្តដ៏ធំបំផុតលំដាប់ទី2 របស់សហរដ្ឋអាមេរិកមួយនេះ នឹងអនុញ្ញាតឱ្យលោកត្រាំ ល្មើសគោលការណ៍ផ្សេងៗដែលពួកគេបានកំណត់មកជាច្រើនសប្ដាហ៍ហើយនោះ ឬយ៉ាងណាឡើយ?។
អ្នកនាំពាក្យរបស់ក្រុមហ៊ុន Ford បានថ្លែងកាលពីថ្ងៃអង្គារ(ទី19ឧសភា)ម្សិលមិញថា “គោលការណ៍របស់យើង គឺគ្រប់គ្នាត្រូវតែពាក់ឧបករណ៍ការពារ ដើម្បីការពារការឆ្លងរាលដាលរបស់កូវីដ-19។ យើងបានចែករំលែករបៀបវិន័យសុវត្ថិភាពទាំងអស់របស់ Ford ទៅឱ្យសេតវិមានជាមុនរួចអស់ហើយ នៅក្នុងរួមមានទាំងសៀវភៅណែនាំអំពីខ្សែចង្វាក់ផលិតកម្មរបស់យើង ផែនទីបត់ណែនាំបុគ្គលិក និងបែបបទពិនិត្យវាយតម្លៃខ្លួនឯង សម្រាប់ត្រៀមការក្នុងដំណើរទស្សនានេះ”
នៅក្នុងសៀវភៅគោលការណ៍របស់ក្រុមហ៊ុន ពាក់ព័ន្ធនឹងរោគរាតត្បាតដ៏ធំពីវីរុសកូរ៉ូណាប្រភេទថ្មី ដែលបានផ្សព្វផ្សាយកាលពីថ្ងៃទី1 ឧសភា បានបញ្ជាក់ថា បុគ្គលិក និងភ្ញៀវដែលមកទស្សនាគ្រប់រូប ចាំបាច់ត្រូវតែពាក់ម៉ាស់អនាម័យការពារគ្រប់ពេលវេលា ពេលស្ថិតនៅក្នុងរោងចក្រផលិតកម្មរបស់ Ford នៅក្នុងសហរដ្ឋអាមេរិក។
សេតវិមាន បានបដិសេធការផ្ដល់ចម្លើយថា តើលោកត្រាំ នឹងពាក់ម៉ាស់ការពារដែរឬទេ? ខណៈដែលកាលពីពេលមុននេះ លោកត្រាំ ធ្លាប់បានប្រាប់ថា លោកនឹងពាក់ម៉ាស់ការពារ បើសិនជាចាំបាច់ តែកាលពីសប្ដាហ៍កន្លងទៅ លោកត្រាំបានធ្វើដំណើរទៅពិនិត្យមើលមជ្ឈមណ្ឌលចែកចាយម៉ាស់អនាម័យមួយកន្លែងនៅក្នុងរដ្ឋ ផេនស៊ីលវេនៀ ពេលនោះលោកត្រាំមិនបានពាក់ម៉ាស់ការពារមេរោគឡើយ។
សហភាពពលករ ឬ United Auto Workers ឬ UAW និងបណ្ដាអ្នកផលិតរថយន្ត ប៊ិកទ្រី បានពិភាក្សាគ្នាអស់ជាច្រើនសប្ដាហ៍ ពាក់ព័ន្ធនឹងរបៀបវិន័យផ្នែកសុវត្ថិភាពផ្សេងៗដែលត្រូវដាក់បញ្ជាឱ្យអនុវត្ត ដើម្បីបើកផ្លូវសម្រាប់ការវិលត្រឡប់មកដំណើរការគ្រឿងចក្រផលិតរថយន្តឡើងវិញ កាលពីថ្ងៃចន្ទ(ទី18ឧសភា) ក្រោយពីបានបិទប្រតិបត្តិការទាំងស្រុងតាំងពីចុងខែមីនា។
កាលពីខែកន្លងទៅ លោកអនុប្រធានាធិបតី ម៉ៃក៍ ផេនស៍ បានពាក់ម៉ាស់អនាម័យការពារ ក្នុងអំឡុងពេលទស្សនារោងចក្រមួយកន្លែងរបស់ ជេនេរ៉ាល ម៉ូទ័រស៍ ដែលត្រូវបានប្រើប្រាស់ធ្វើជាកន្លែងផលិតម៉ាស៊ីនជួយការដកដង្ហើម ដូចគ្នានឹងលោកស្រី មែរី បារ៉ា CEO របស់ក្រុមហ៊ុន ជីអឹម
ដែរ តែលោកស្រីបានប្រាប់ទៅអ្នកចូលរួមក្នុងអំឡុងកិច្ចប្រជុំតុមូល ក្រោយចប់ការដើរទស្សនារោងចក្រថា អ្នកទាំងអស់គ្នា អាចដោះម៉ាស់ចេញបាន៕
ប្រភព៖ សារព័ត៌មានបរទេស
May 20, 2020
អ្នកជំងឺCOVID-19 កើនជិតដល់ 5លាននាក់នៅទូទាំងពិភពលោក
ពិភពលោកទាំងមូលត្រូវបានរាយការណ៍ថា មានមនុស្សជាង324,000នាក់បានស្លាប់ ក្នុងចំណោមអ្នកជំងឺCOVID-19 ជិត5លាននាក់ ខណៈប្រទេសដែលមានអ្នកជំងឺកូរ៉ូណាលើសពី100,000នាក់បានកើនដល់11ប្រទេស។
យោងតាមគេហទំព័រ Worldometer ប្រទេសនិងដែនដីចំនួន213ក្នុងពិភពលោកមានអ្នកជំងឺកូរ៉ូណាសរុប4,980,533នាក់ និងអ្នកស្លាប់សរុប324,445នាក់ ក្នុងនោះមានអ្នកជំងឺថ្មី95,495នាក់ និងអ្នកស្លាប់ថ្មី4,666នាក់។ ចំណែកអ្នកជំងឺដែលបានជាសះស្បើយបានកើនដល់1,957,884នាក់។
ទ្វីបអាមេរិកនៅតែជាសម្បុកមេរោគកូរ៉ូណាធំជាងគេក្នុងពិភពលោក ដោយមានអ្នកជំងឺសរុប2,226,468នាក់ ក្នុងនោះអាមេរិកខាងជើងមាន1,738,811នាក់ អាមេរិកខាងត្បូងមាន487,657នាក់ ខណៈទ្វីបអឺរ៉ុបមាន1,815,438នាក់ អាស៊ីមាន841,131នាក់ និងអាហ្វ្រិកមាន93,229នាក់។
ប្រទេសដែលមានអ្នកជំងឺច្រើនជាង100,000នាក់ បានកើនឡើងដល់11ប្រទេស រួមមាន សហរដ្ឋអាមេរិក រុស្ស៊ី អេស្ប៉ាញ ប្រេស៊ីល អង់គ្លេស អ៊ីតាលី បារាំង អាល្លឺម៉ង់ ទួរគី អ៊ីរ៉ង់ និងឥណ្ឌា៕
ប្រភព៖ សារព័ត៌មានបរទេស
May 20, 2020
ជិត1.6លាននាក់ឆ្លង COVID-19 នៅអាមេរិក! លោក Trump ថា នេះជា “មេដាយកិត្តិយស”
អ្នកជំងឺ COVID-19 សរុប នៅសហរដ្ឋអាមេរិក បានឡើងដល់ជិត1.6លាននាក់ ក្នុងនោះមានជាង93,000នាក់បានបាត់បង់ជីវិត ប៉ុន្តែប្រធានាធិបតីអាមេរិកាំង លោក Donald Trump យល់ថា តួលេខខ្ពស់បែបនេះបង្ហាញថា សហរដ្ឋអាមេរិកធ្វើបានល្អជាងប្រទេសដទៃក្នុងការធ្វើតេស្តរកវីរុស។
តួលេខសរុបអំពីអ្នកឆ្លងវីរុសCOVID-19 នៅសហរដ្ឋអាមេរិកបានកើនឡើងដល់1,569,659នាក់ និងអ្នកស្លាប់សរុបមានចំនួន93,473នាក់ ក្រោយពីបានរកឃើញអ្នកជំងឺថ្មី20,829នាក់ និងអ្នកស្លាប់ថ្មី16,000នាក់បន្ថែមទៀតក្នុងរយៈពេល24ម៉ោងចុងក្រោយនេះ។ អ្នកជំងឺដែលបានជាសះស្បើយមានចំនួន 362.984នាក់។ នេះបើតាម Worldometer ដែលជាគេហទំព័រធ្វើបច្ចុប្បន្នភាពតួលេខ COVID-19 ទាន់ហេតុការណ៍បំផុត។
យោងតាម Politco នៅក្នុងសន្និសីទសារព័ត៌មាននៅសេតវិមានកាលពីថ្ងៃទី19កន្លងទៅ ប្រធានាធិបតី Donald Trump ថ្លែងថា មូលហេតុដែលនាំឱ្យសហរដ្ឋអាមេរិកមានអ្នកឆ្លងវីរុសCOVID-19 ច្រើនជាងគេក្នុងពិភពលោក គឺដោយសារសហរដ្ឋអាមេរិកធ្វើតេស្តរកមេរោគបានច្រើនជាងបណ្ដាប្រទេសផ្សេងៗទៀត ហេតុនេះវាអាចត្រូវបានចាត់ទុកថាជា “មេដាយកិត្តិយស”។
“នៅពេលយើងមានអ្នកឆ្លងវីរុសCOVID-19ច្រើន ខ្ញុំមិនចាត់ទុកថាជារឿងអាក្រក់នោះទេ ហើយបើគេពិនិត្យទៅលើជ្រុងណាមួយនោះ នេះគឺជាប្រការល្អមួយ។ ព្រោះថា វាមានន័យថា សមត្ថភាពក្នុងការធ្វើតេស្តរកមេរោគរបស់យើង បានល្អជាងគេ” លោក Trump ថ្លែងប្រាប់អ្នកយកព័ត៌មានបែបនេះ។ ប្រធានាធិបតីសង្កត់ធ្ងន់បន្ថែមថា “ខ្ញុំចាត់ទុកប្រកាសនេះជាមេដាយកិត្តិយសមួយ ពិតណាស់វាគឺជាមេដាយកិត្តិយស”។
យោងតាមលោក Trump គិតមកដល់បច្ចុប្បន្ន សហរដ្ឋអាមេរិកបានធ្វើតេស្តរកមេរោគជូនពលរដ្ឋជិត14លានលើក គឺខុសគ្នាប្រហែល3លានលើកបើធៀបជាមួយនឹងទិន្នន័យនៅលើគេហទំព័រ Covid Tracking Project។ លោក Trump បន្តថា “បើយើងធ្វើតេស្ត1លាននាក់ជំនួសឱ្យ14លាននាក់ នោះចំនួនអ្នកជំងឺដែលយើងរកឃើញនឹងមានចំនួនតិច តើមែនឬអត់?”។
សហរដ្ឋអាមេរិក បច្ចុប្បន្នគឺជាសម្បុកមេរោគCOVID-19 ធំជាងគេបង្អស់ក្នុងពិភពលោក រាប់ទាំងចំនួនអ្នកឆ្លងវីរុស និងអ្នកស្លាប់ដោយសារវីរុស។ អ្នកជំនាញបានព្យាករថា តួលេខអ្នកស្លាប់ដោយសារ COVID-19 នៅប្រទេសនេះនឹងកើនដល់147,000នាក់នៅដើមខែសីហាខាងមុខ៕
ប្រភព៖ សារព័ត៌មានបរទេស
May 20, 2020
អៀកឡង់ អនុវត្តបែបណាចំពោះភ្ញៀវបរទេសក្រោយបើកច្រកព្រំដែន?
ប្រទេសអៀកឡង់កំពុងរៀបចំឱ្យសេដ្ឋកិច្ច និងដំណើរការប្រទេសរបស់ខ្លួនជាប្រក្រតីជាមួយនឹងទម្លាប់ថ្មី សម្រាប់បញ្ចៀសប្រទេសពីបញ្ហាគ្រោះថ្នាក់នៃជំងឺ Covid-19 និងបញ្ហាសេដ្ឋកិច្ច។
ជាគម្រោងការប្រទេសនេះនឹងធ្វើតេស្តគ្រប់អ្នកដំណើរទាំងអស់ដែលចូលមកក្នុងប្រទេសបន្ថែមពីការវាស់កម្តៅ និងការសម្អាតដៃជាមួយអាល់កុល។ ស្របពេលជាមួយគ្នានេះដែរអ្នកដំណើរទាំងអស់ចាំបាច់តម្រូវឱ្យធ្វើចត្តាឡីសក្តខ្លួនឯងរយៈពេល 14ថ្ងៃ និងត្រូវតែទាញយកកម្មវិធីតាមដាន Covid-19 (Covid-19 Tracing app) នៅគ្រប់ទូរស័ព្ទដៃទាំងអស់ ដើម្បីឱ្យអាជ្ញាធរដឹងពីកន្លែងដែលយើងបានដើរ និងដឹងពីអ្នកទាំងឡាយដែលជាប់ពាក់ព័ន្ធនឹងដំណើររបស់យើងនៅក្នុងប្រទេសរបស់គេ។
នៅក្នុងកម្មវិធីទូរស័ព្ទដៃនេះផងដែរ អ្នកដំណើរទាំងអស់នឹងត្រូវតាមដានគ្រប់វិនាទី ហើយវានឹងលោតសញ្ញាប្រាប់ភ្លាមៗចំពោះអ្នកដែលធ្លាប់ទទួលលទ្ធផលវិជ្ជមាន Covid-19។ ការធ្វើបែបនេះត្រូវបានអ្នកនៅក្នុងឧស្សាហកម្មទេសចរណ៍របស់ប្រទេសអៀកឡង់ សង្ឃឹមទុកថាអាចនឹងជួយស្រោចស្រង់ស្ថានភាពអាក្រក់បានខ្លះចំពោះបញ្ហាធ្លាក់ចុះនៃទេសចរណ៍ក្នុងស្រុក ព្រោះ 10% នៃ GDP របស់ប្រទេសនេះបានមកពីវិស័យទេសចរណ៍៕
May 19, 2020