Category: សង្គម និងសេដ្ឋកិច្ច

ជឿថាកន្លែងកម្សាន្ដនៅលើពិភពនេះ គឺមានច្រើនកន្លែងណាស់ដែលសុទ្ធសឹងតែជាទីដ៏គួរឱ្យចាប់អារម្មណ៍ និងជាទីប៉ងប្រាថ្នាចង់ទៅដល់។ ក៏ប៉ុន្ដែមុននឹងសម្រេចចិត្តធ្វើដំណើរកម្សាន្ដនាអំឡុងពេលឈប់សម្រាកនេះ ទស្សនាវដ្តី ឡារ៉ែន សូមណែនាំទីកន្លែងទេសចរណ៍ចម្រុះទាំង10ទីតាំង ដែលកំពុងសម្ញែងខ្លួនទាក់ទាញភ្នែកអ្នកទេសចរ និងមានសោភ័ណ្ឌភាពស្រស់ស្អាតដាច់គេ ហើយក៏ជាទីកន្លែងដែលអ្នកមិនគួរមើលរំលង។ ដូច្នេះសូមតាមដានជាមួយនឹងអត្ថបទស្តីពីតំបន់ទេសចណ៍ទាំង10កន្លែងនៅលើពិភពលោក ដែលអ្នកមិនគួរមើលរំលងដូចតទៅ។

1. Bora Bora Resort នៅលើកោះ Bora Bora
ជារមណីយដ្ឋានមួយដ៏ស្រស់ស្អាត ស្ថិតនៅលើផ្ទៃទឹកពណ៌ខៀវខ្ចីដ៏ធំល្វឹងល្វើយ Bora Bora Resort ស្ថិតនៅក្នុងតំបន់ Motu Tehotu នៅលើកោះ Bora Bora ក្នុងចំណោមកោះរបស់ French Polynesia។

2. Blue Caves, Zakynthos Island, ប្រទេសក្រិច
ទីកន្លែងនេះអាចថាជាកន្លែងដែលស្រស់ស្អាតបំផុតនៅក្នុងកោះ Zakynthos ដែលជាកោះធំបំផុតក្នុងសមុទ្រ Lonian ប្រទេសក្រិច។ កោះនេះមានទិដ្ឋភាពឆ្នេរសមុទ្រដ៏ស្រស់ស្អាត និងរូងភ្នំ Blue Caves ដែលគួរឱ្យចង់គយគន់។ ចំណុចពិសេសនៃរូងភ្នំនេះគឺជាសម្រស់ដ៏ស្រស់ស្អាតនៃទឹកសមុទ្រថ្លាឆ្វង់ រួមជាមួយនឹងចំណាំងផ្លាតដ៏ស្រស់ស្អាតពីផ្ទៃមេឃធំល្វឹងល្វើយនៅលើផ្ទៃទឹក។

3. Tian Tan Buddha, Lantau Island, ទីក្រុងហុងកុង
ប្រសិនបើបានទៅដល់ទឹកដីក្រុងហុងកុងកុំរំលងឱ្យសោះនូវរូបចម្លាក់ព្រះពុទ្ធដ៏ធំនេះ ដែលជាតំបន់ដ៏ល្បីនៅទីក្រុងហុងកុង។ ជារូបសំណាក់ព្រះពុទ្ធសង់ពីសំរឹទ្ធធំជាងគេលើពិភពលោក វាមានកម្ពស់34ម៉ែត្រ និងទម្ងន់ជាង250តោន ដែលត្រូវបានសាងសង់រួចរាល់ក្នុងអំឡុងឆ្នាំ1993 ដើម្បីឧទ្ទិសដល់ព្រះពុទ្ធសាសនា។

4. Paterswoldse Meer Lake, Groningen, ប្រទេស Netherlands
កន្លែងដ៏ស្រស់ស្អាតនេះជាផ្ទៃទឹកបឹងដ៏ធំល្វឹងល្វើយនារដូវក្ដៅ និងជាកន្លែងសម្រាប់លេងស្គីទឹកកកដ៏ល្បីឈ្មោះនារដូវត្រជាក់នៅក្នុងប្រទេសហូឡង់។ វាជាកន្លែងលេងស្គីធម្មជាតិដែលមានទេសភាពជុំវិញយ៉ាងស្រស់ត្រកាល។

5. The Gardens at Marqueyssac, Vezac, ប្រទេសបារាំង
ក្រុង Vezac ត្រូវបានគេស្គាល់ខ្ទរខ្ទារតាមរយៈទេសភាពដ៏អស្ចារ្យនៃសួន Gardens of Marqueyssac ដ៏ល្បីឈ្មោះនេះ។ សួនទេសភាពដ៏ស្រស់ស្អាតនេះត្រូវបានកសាងឡើងតាំងពីសតវត្សទី17 ដែលទាក់ទាញនូវចំណាប់អារម្មណ៍របស់ភ្ញៀវទេសចរគ្រប់រូបដែលបានទៅដល់ទីនោះ។

6. Plitvice Lakes National Park, ប្រទេស Croatia
ប្រសិនបើអ្នកអាចទស្សនាជុំវិញពិភពលោក អ្នកមិនត្រូវរំលងសួន Plitvice Lakes National Park នេះទេដែលជាសួនធម្មជាតិដ៏ចំណាស់ និងធំជាងគេក្នុងប្រទេសក្រូអាត និងត្រូវបានបើកឱ្យចូលទស្សនាតាំងពីឆ្នាំ1949 សួននេះត្រូវបានគេចាត់បញ្ចូលជាសួនសម្បត្តិបេតិកភណ្ឌពិភពលោករបស់អង្គការ UNESCO ដំបូងគេបង្អស់។ បើគិតស្ថិតិប្រចាំឆ្នាំ2017 មានអ្នកទេសចរមិនតិចជាង12លាននាក់ទេ ដែលបានមកទស្សនាកន្លែងដ៏ស្រស់ស្អាតនេះ។

7. Benteng Chittorgarh, ប្រទេសឥណ្ឌា
ស្ថិតនៅប៉ែកខាងលិចប្រទេសឥណ្ឌា កន្លែងនេះជាទីតាំងស្ថិតនៅក្នុងបន្ទាយទ័ព Benteng ដែលទាក់ទាញអ្នកទេសចរឱ្យមកទស្សនាពីគ្រប់ទិសទីជុំវិញពិភពលោក។ វាមានចំណុចពិសេសជាច្រើន ដូចជា វាំងបុរាណ ប្រាសាទបុរាណ និងប៉មចំណាស់ជាច្រើន ដែលក្នុងនោះបានបញ្ជាក់យ៉ាងច្បាស់នូវវប្បធម៌ និងប្រវត្តិសាស្រ្តដ៏សំខាន់របស់បន្ទាយនេះផងដែរ។

8. Crystalline Turquoise Lake, Jiuzhaigou National Park, ប្រទេសចិន
ស្ថិតនៅក្នុងតំបន់ជ្រលង Jiuzhaigou ក្នុងតំបន់ខ្ពង់រា​បទីបេ Crystalline Turquoise Lake ជាតំបន់ដ៏ស្រស់ស្អាតដែលក្នុងនោះមាន ទឹកជ្រោះ ទឹកធ្លាក់ និងផ្ទៃទឹកថ្លាដូចកញ្ចក់ ដែលមើលទៅហាក់ដូចជា កន្លែងដែលគ្មានមនុស្សឬសត្វណារស់នៅរាប់ពាន់ឆ្នាំមកហើយ។

9. Capilano Suspension Bridge, Vancouver, ប្រទេស British Colombia
ស្ពានដ៏អស្ចារ្យមួយនេះមានកម្ពស់ជាង70ម៉ែត្រ និងមានប្រវែងជាង140ម៉ែត្រ ស្ពាននេះជាតំបន់ទាក់ទាញដ៏ខ្លាំងសម្រាប់អ្នកទេសចរ។

10. Pulpit Rock, Preikestolen, ប្រទេស Norway
ផ្ទាំងថ្មដ៏ធំនេះជាកន្លែទេសចរណ៍ដ៏ទាក់ទាញដោយសារចំណុចពិសេសនៃជ្រលងថ្មដ៏ធំ និងជ្រៅកម្ពស់ជិត604ម៉ែត្រពីផ្ទៃទឹកខាងក្រោម។​ ផ្ទៃថ្មដ៏ធំនេះមានទំហំ25ម៉ែត្រការ៉េ ដែលអាចឱ្យអ្នកទស្សនាចូលទៅឈរមើលទេសភាពដ៏ស្រស់ស្អាតជុំវិញនោះបានផងដែរ។ ប៉ុន្តែមុននឹងទៅដល់ អ្នកត្រូវឡើងជ្រលងភ្នំប្រវែងប្រមាណជាង3.8គីឡូម៉ែសិន៕

ក្រោយពីបញ្ចប់ជីវិតគូរវាងតារាសម្តែងអ្នកនាង ភិន សុដាលីស រួចមក គេមើលឃើញថា តារាសម្តែងដ៏មានឈ្មោះល្បីល្បាញ លោក ប៉ែន ចំរ៉ុង ហាក់ដូចជាមិនមានទំនាក់ទំនងស្នេហាជាមួយអ្នកណាផ្សេងទៀតទ្បើយ។ តែកាលពីពេលថ្មីៗនេះ ពិតជាមានការភ្ញាក់ផ្អើលខ្លាំងណាស់ ក្រោយពីគេបានមើលឃើញនៅក្នុងបណ្តាញសង្គមរបស់នារីម្នាក់បានបង្ហោះរូបភាពស្និទ្ធស្នាលជាមួយនឹងតារាប្រុសរូបនេះ និងថែមទាំងភ្ជាប់ជាមួយសារដ៏មានអត្ថន័យផ្អែមល្ហែមមិនធម្មតាទៀតផង។

ជាក់ស្ដែងនៅក្នុងថ្ងៃខួបកំណើតរបស់លោក ប៉ែន ចំរ៉ុង ត្រូវបានអ្នកលេងបណ្ដាញសង្គមម្នាក់ចែកចាយឃ្លីបវីដេអូរបស់លោកនឹងនារីម្នាក់នោះដែលបានស្ដែងឱ្យឃើញពីភាពផ្អែមល្ហែមដោយការឱបថើប បឺតជញ្ជក់មាត់គ្នាយ៉ាងច្បាស់ៗតែម្ដង។

តាមរយៈឃ្លីបវីដេអូ​​​នេះ​ដែរ គេឃើញរូប​នារីវ័យក្មេងម្នាក់​នោះ​​កាន់នំខួបកំណើតមួយ និងហៅ​ ប៉ែន ចំរ៉ុង​ ថា​ ប្ដី​ពេញ​​ៗ​មាត់​តែ​ម្ដង​ ដោយ​គ្មាន​លាក់​លៀម​អ្វី​ឡើយ​។ បន្ថែម​​ពី​នេះ​ នាងបាន​ជូន​ពរ​ឱ្យ​​លោក​កាន់​តែ​មាន​ភាព​ល្បី​ល្បាញ​ទ្វេ​ឡើង និង​សុំឱ្យតារាប្រុសរូបនេះឈប់​ខូច​តទៅ​ទៀត​​ ហើយ​ស្រឡាញ់​តែ​នាង​ម្នាក់​គត់ទៀតផង។ ចំណែកលោក ប៉ែន ចំរ៉ុងវិញ បានឱបស្មានាង និងផ្តល់ស្នាមថើបមាត់នារីម្នាក់នោះយ៉ាងផ្អែមល្អែម ជាមួយពាក្យថា “ឈប់គិតច្រើនថា ប្តីមានស្រី កុំរករឿងប្តីទៀតណា៎”។

តាមរយៈសាច់រឿងនៃការបែកធ្លាយមួយនេះបានធ្វើឱ្យអ្នកគាំទ្រជាច្រើនមានការភ្ញាក់ផ្អើលខ្លាំងមែនទែន តែទោះជាយ៉ាងណាក៏អ្នកគាំទ្រ នៅតែចង់ដឹងច្បាស់ពីរឿងនេះថា តើជារឿងពិត ឫក៏យ៉ាងណា?។ សារព័ត៌មាន ឡារ៉ែន នៅមិនទាន់អាចទំនាក់ទំនងតារាប្រុសរូបនេះដើម្បីសុំការបកស្រាយបាននៅឡើយទេ៕

កូរ៉េខា​ង​ជើង និង​ខាង​ត្បូង បានយល់​​ព្រម​រៀប​ចំ​ការ​ប្រកួត​កីឡា​បាល់​​បោះ​រួម​គ្នា​មួយ ក្នុង​ទីក្រុង Pyongyang  ហើយនឹង​បង្កើត​ក្រុម​រួម​គ្នា​ជាច្រើន​ទៀតក្នុងព្រឹត្តិការណ៍​កីឡា​អាស៊ី នា​ខែ​សីហា ក្នុង​ប្រទេស​ឥណ្ឌូនេស៊ី​។ នេះ​បើយោង​តាម​ការ​ប្រកាស​​របស់​​ប្រទេស​​ទាំង​2 កាល​ពីថ្ងៃ​ចន្ទ ក្រោយពី​ការ​​ចរ​ចា​នា​នា​ពេញ​ 1​ថ្ងៃ នៅ​ឯ​ព្រំ​ដែន​រួម​គ្នា​របស់​ពួក​គេរួចមក​។

ការ​ប្រកួត​កីឡា​បាល់​បោះ​នេះ នឹង​ត្រូវ​ប្រព្រឹត្ត​ទៅ​​នៅថ្ងៃ​ទី​4 ខែកក្កដា ដើម្បី​អប​អរ​​ខួប​គម្រប់​នៃ​​កិច្ច​ព្រម​ព្រៀង​រួម​គ្នា​មួយ​របស់​​អន្តរ​កូរ៉េ​​។ នេះ​បើយោង​តាម​ការ​ប្រកាស​របស់ប្រទេស​ទាំង​2 ក្នុង​សេចក្តីថ្លែង​ការណ៍​មួយ​។ ការ​ប្រកួត​មួយ​ផ្សេង​ទៀត​នឹង​ត្រូវ​រៀប​ចំ​ឡើង​នៅ​ទីក្រុង​សេ​អ៊ូល នៅ​ចុង​ឆ្នាំ​នេះ​។ អត្ត​ពលិក​​មក​ពី​ប្រទេស​ទាំង​2 នឹង​ដង្ហែ​ក្បួន​ជាមួយ​គ្នា​ក្រោម​ទង់​ជាតិ​រួម​គ្នា​មួយ និង​ប្រទេស​ដែល​មាន​ឈ្មោះ​ថា «កូរ៉េ» អំឡុង​ពេល​បើក និង​បិទ​កម្ម​វិធី​ប្រកួត​នៃ​ព្រឹត្តិ​ការណ៍​កីឡា​អាស៊ី ដូច​ដែល​ពួក​គេ​បាន​ធ្វើរួចមកហើយ​ក្នុង​ព្រឹត្តិ​ការណ៍​អូឡាំ​ពិក​រដូវ​រងា​ក្នុង​ប្រទេស​កូរ៉េ​ខាង​ត្បូង កាលពី​ខែ​កុម្ភៈ​ដូច្នោះ​ដែរ​។

ពួក​គេ​ក៏​បានយល់​ព្រម​ក្នុង​ការ​បង្កើត​ក្រុមរួម​​ចម្រុះ​គ្នា សម្រាប់​ព្រឹត្តិ​ការណ៍​នា​​ពេល​ខាងមុខ​ និង​សម្រាប់​យុទ្ធ​នា​​ការ​អន្តរ​ជាតិ​ផ្សេង​ទៀតផងដែរ ហើយ​ប្រទេស​ទាំង​2 នឹង​រៀប​ចំ​ការ​ពិភាក្សា​​ផ្សេង​ៗ​ជាច្រើន​​បន្ថែម​ទៀត​​ដើម្បី​​ធ្វើ​ការងារ​លើ​សេចក្តីលម្អិត​នានា​ទាំងនោះ។ លោក Jeon Choong-ryul អគ្គ​រដ្ឋ​លេខា​ធិការ​របស់​គណៈ​កម្មា​ធិការ​អូឡាំ​ពិក និង​កីឡា​កូរ៉េ បាន​ឱ្យ​ដឹង​ថា៖ «យើង​នឹង​ព្យា​យាម​​បង្ហាញ​ពី​ស្មារតី និង​គោល​ការណ៍​នា​នា​ដែល​ត្រូវ​បាន​ព្រម​ព្រៀង​រវាង​មន្ត្រី​ជាន់​ខ្ពស់​របស់​កូរ៉េ​ខាង​ត្បូង និង​ខាង​ជើង ក្រោម​ការ​ជឿជាក់​ថា កីឡា​អាច​ដើរ​តួ​ជា​អ្នក​នាំ​ផ្លូវ​មួយ​សម្រាប់​ការ​ដោះ​ដូរ​​កាន់​តែ​ច្រើនឡើង​​រវាង​​អន្តរ​កូរ៉េ​»​៕

ប្រភពពី៖ Channel News Asia

ដើមទ្រូងគឺជាផ្នែកដ៏សំខាន់មួយសម្រាប់ជួយលើកសម្រស់នារីៗយើង ឱ្យមើលទៅមានមន្ដស្នេហ៍ និងទាក់ទាញបំផុត។ ក៏ប៉ុន្ដែនារីៗភាគច្រើនតែងជួប​ប្រទះនឹងបញ្ហាដើមទ្រូងតូច ស្ទើរតែរាបស្មើដូចជាពងទាចៀន ហើយមើលទៅមិនមានភាពទាក់ទាញ និងគួរឱ្យបាក់ចិត្តស្រឡាញ់ទាល់តែសោះ។ ចាប់ពីថ្ងៃនេះទៅ សូមមិត្តនារីៗទាំងអស់កុំកង្វល់តទៅទៀត ព្រោះថា ទស្សនាវដ្តី ឡារ៉ែន សូមជម្រាបជូនពីគន្លឹះទាំង4 ដែលអាចអនុវត្តបានយ៉ាងងាយនៅក្នុងផ្ទះដោយខ្លួនឯង ដើម្បីឱ្យដើមទ្រូងមានសភាពតឹងណែនល្អ និងត្រឡប់មកសភាពស្រស់ស្អាតដូចដើមវិញ។

1. ប្រើប្រាស់គ្រីម ឬប្រេងសម្រាប់ម៉ាស្សាដើមទ្រូង
សុភាពនារីទាំងឡាយអាចត្រៀមគ្រីម ឬប្រេងសម្រាប់ម៉ាស្សាដើមទ្រូង ឬមួយក៏ប្រើប្រាស់ឡេប្រេងអូលីវ ដែលអ្នកមានស្រាប់នៅក្នុងផ្ទះក៏បាន ដើម្បីប្រើប្រាស់សម្រាប់ម៉ាស្សា។ អ្នកត្រូវប្រើម្រាមដៃទាំង3 រួមមាន ដៃចង្អុរ ដៃកណ្ដាល ដៃនាង ជ្រលក់ជាមួយប្រេង ឬគ្រីម រួចចុចពីលើស្បែកត្រង់បរិវេណសុដន់ ហើយធ្វើការម៉ាស្សាថ្មមៗទៅតាមរង្វង់ដើមទ្រូងក្នុងរយៈពេលពី5-10នាទី។

2. ម៉ាស្សាជុំវិញសុដន់
យកគ្រីម ឬប្រេងលាបជុំវិញបរិវេណសុដន់ឱ្យបានជុំសព្វលើកលែងតែបរិវេណក្បាលដោះតែប៉ុណ្ណោះ។ បន្ទាប់មកទៀត ត្រូវយកដៃខាងឆ្វេងមកជួយម៉ាស្សាបរិវេណសុដន់ខាងស្ដាំ។ ហើយលក្ខណៈនៃការម៉ាស្សាបរិវេណសុដន់នោះ គឺត្រូវម៉ាស្សាជាលក្ខណៈរង្វង់ ដោយចាប់ផ្ដើមម៉ាស្សាពីផ្នែកខាងក្រោមក្បែរសាច់ក្លៀក ម៉ាស្សាដេញជារង្វង់ចូលមកខ្សែខាងក្នុងនៃបរិវេណដើមទ្រូង។ នៅក្នុងអំឡុងពេលដែលអ្នកធ្វើម៉ាស្សានោះ អ្នកត្រូវម៉ាស្សាទាញស្បែកសុដន់ឱ្យខិតឡើងមកខាងលើចំនួន20ដង រហូតដល់អ្នកមានអារម្មណ៍ក្ដៅនៅបរិវេណដើមទ្រូង។ បន្ទាប់មកទៀត ត្រូវអនុវត្តបែបនេះ នៅសុដន់ខាងឆ្វេងដូចគ្នាទៀត។

3. ទាញសុដន់ឱ្យឡើង
សុភាពនារីទាំងឡាយត្រូវប្រើម្រាមដៃខាងឆ្វេង ផ្អិបជាប់នឹងសុដន់ខាងស្ដាំ ហើយទាញឡើងមកលើប្រមាណជា2សង់ទីម៉ែត្រ។ បន្ទាប់មកទៀត ចូរយកម្រាមដៃខាងស្ដាំចុចម៉ាស្សាតាមរង្វង់ខ្សែដើមទ្រូង ដោយព្យាយាមម៉ាស្សាទាញសាច់សុដន់ឱ្យឡើងមកលើចំនួន20​ដង។ បន្ទាប់មក អ្នកត្រូវអនុវត្តលើសុដន់ផ្នែកខាងឆ្វេងម្ខាងទៀតចំនួន20ដងដូចគ្នាដែរ។

4. លើកផ្ទៃសុដន់ឱ្យខ្ពស់ពីគល់សុដន់
ប្រើដៃទាំងសងខាងប្រមូល ឬលើកសុដន់ឡើង ចេញពីសាច់នៃគល់សុដន់របស់អ្នក ដោយចាប់ផ្ដើមលើកពីខាងក្រោមទៅចំចំណុចកណ្ដាលនៃសុដន់របស់អ្នក។ បន្ទាប់មកទៀតនារីៗយើងត្រូវម៉ាស្សាបែបនេះឱ្យបាន20ដង ទៅតាមលំដាប់លំដោយ។

យ៉ាងណាដែរ គន្លឹះទាំង4នេះ ពិតជាងាយស្រួលសម្រាប់សុភាពនារីយើងណាស់មែនទេ? កុំភ្លេចអនុវត្តតាមផងណ៎ា ធានាថា មានប្រសិទ្ធភាពជួយឱ្យសុដន់របស់អ្នកមានសភាពតឹងណែន ឡើងធំដូចសភាពដើមជាមិនខាន។ តែកុំភ្លេចត្រូវអនុវត្តជារៀងរាល់ថ្ងៃផងណា៎៕

រីករាយជាមួយនឹងម៉ូដក្រចកបែបសុភាព បង្កប់ដោយមន្តស្នេហ៍មិនជិនណាយចិត្ត ជាមួយនឹងម៉ូដក្រចកពណ៌ស្រស់ស្រទន់ និងបែប Healthy គឺមិនធ្វើឱ្យក្រចករបស់អ្នកខូច ឬឡើងពណ៌លឿងនោះឡើយ។ ដូច្នេះសូមប្រិយមិត្តនារីៗទាំងអស់រីករាយជាមួយនឹងម៉ូដក្រចកដ៏ស្រស់ស្អាត គួរជាទីពេញចិត្តដូចតទៅ៕

កីឡាករ​វាយកូន​គោល Brooks Koepka បាន​ក្លាយ​ជា​កីឡាករ​ដំបូង​គេក្នុង​រយៈ​ពេល​ 3ទស​វត្សរ៍ ក្នុ​ងការ​ក្លាយ​ជា​ម្ចាស់​ជើង​​ឯក US Open ជាលើក​ទី​2 ​​ជាប់​ៗ​​គ្នា​កាល​ពីថ្ងៃ​អាទិត្យ ក្រោយពី​រក​បាន​ 68​ពិន្ទុ​​ក្នុង​ការ​ប្រកួត​ជុំ​ចុង​ក្រោយ នៅ​លើ​ទីលាន Shinnecock Hills ដើម្បី​ផ្តួល​កីឡាករ Tommy Fleetwood តាម​រយៈ​ការ​នាំមុខ​ 1​ឈើ​។

រយៈពេល​ 1​ឆ្នាំ ក្រោយ​ពី​រូប​គេ​បាន​ទទួល​ជ័យជម្នះ​នៅលើ​ទីលាន Erin Hills កីឡាករ Koepka បាន​គ្រប់គ្រង​លើ​អារម្មណ៍​របស់​គេ​ចាប់​តាំង​ពី​រន្ធ​ទី​9 ដើម្បី​ដណ្តើម​បាន​ជ័យជម្នះ​ជា​មួយ​នឹង​ពិន្ទុ​សរុប​ 282​។ កីឡាករ​វាយកូន​គោល​មាន​ចំណាត់​ថ្នាក់​លេខ​9 ​ក្នុង​ពិភព​លោក​រូបនេះ គឺ​ជាកីឡាករ​ដំបូង​គេ​ចាប់​តាំងពីលោក Curtis Strange ក្នុង​ឆ្នាំ​1988-1989 ក្នុង​ការ​ឈ្នះ​ពាន US Open ជាប់​ៗ​គ្នា​។ កីឡាករ​អង់គ្លេស Fleetwood ដែលមានចំណាត់ថ្នាក់​​លេខ​12 ​ក្នុងពិភព​លោក ធ្វើ​បាន​យ៉ាង​ល្អ​ក្នុង​ការ​ប្រកួត US Open តាម​រយៈ​​ការរក​បាន​ 63ពិន្ទុ​ក្នុង​ជុំ​ចុងក្រោយ សម្រាប់​ការ​រក​បា​ន​ពិន្ទុ​សរុប​281​។

Fleetwood បាន​វាយ​កូន​គោល​យ៉ាងល្អ​ដើម្បី​ដាក់​សម្ពាធ​លើ​ជើង​ខ្លាំង​ជាច្រើន​ដូច​ជា Koepka, Dustin Johnson, Daniel Berger និង Tony Finau មុន​នឹង​ចាញ់​ទាំង​ប្រផិត​ប្រផើយ​។ Koepka បាន​ឱ្យ​ដឹង​ថា៖ «នៅពេលនេះ ខ្ញុំ​មិន​ដឹង​រក​ពាក្យ​អ្វី​មក​និយាយ​ឡើយ​។ យើង​​បាន​ដេញ​តាម​ពីក្រោយ​នៅ​សប្តាហ៍នេះ មុន​នឹង​វាយ​បក​វិញ​កាល​ពីថ្ងៃ​សុក្រ ហើយ​ធ្វើ​អ្វី​ដែល​យើង​បាន​ធ្វើ​»​៕

ប្រភពពី៖ Sport.yahoo.com

គេ​និយាយថា “ឃ្លាន​ឆ្ងាញ់ ស្រឡាញ់​ល្អ” តែ​ដល់ពេល​នៅ​ជាមួយគ្នាយូរៗទៅ “ទោះ​ឃ្លាន​ក៏​លែង​ឆ្ងាញ់ ទោះ​ស្រឡាញ់​ក៏​លែង​ល្អ។ ហេសៗ រឿង​បែបនេះ តើ​វា​ជាការ​ពិត ឬ​យ៉ាងណា?​ វា​ក៏ដូចជា​រាង​ពិបាក​នឹង​ប្រាប់​ដែរ ព្រោះថា គូ​ស្វាមីភរិយា​ជាច្រើន​គូ​ក៏​នៅតែ​ផ្អែមល្ហែម​នឹង​គ្នា ទោះជា​ពេលវេលា​កន្លងទៅ​យូរ​សែន​យូរ​យ៉ាងណាក៏ដោយ ដូច្នេះ​យើង​នាំគ្នា​មក​មើលថា តើ​ពួកគេ​ទាំងនោះ​ធ្វើយ៉ាងណា​ខ្លះ ទើប​សម្ពន្ធភាព​ស្នេហ៍​របស់​ពួកគេ​នៅតែ​ស្ថិតស្ថេរ​យូរអង្វែង និង​ផ្អែមល្ហែម​រៀងរាល់ថ្ងៃ​បែប​ហ្នឹង?

“រឿង​បែប​ហ្នឹង​ហ្អេ៎? គ្មានអ្វី​ពិបាក​សោះ គ្រាន់តែ​និយាយ​គ្នា​ឱ្យដឹង និយាយ​គ្នា​ដោយ​ពាក្យ​ដែល​ពីរោះ​ត្រចៀក និង​មិន​ប៉ះពាល់​ក្ដៅក្រហាយ​ដល់​ចិត្ត​គ្នា​ទៅបាន​ហើយ តែ​ប៉ុណ្ណឹង​ឯង។ ប្ដី​ខ្ញុំ គាត់​ជាម​នុស្ស​មិនសូវ​មាត់ក និង​គួរឱ្យ​ស្រឡាញ់ ខ្ញុំ​ថា​យ៉ាងម៉េច ក៏​គាត់​មិនដែល​ប្រកែក​ដែរ តែបើ​ថ្ងៃ​ណា ស្រាប់តែ​គាត់​ប្រកែក​ឡើង ខ្ញុំ​ក៏​ព្រម​តាម​គាត់​ដូចគ្នា​ទៅ។ បែប​ហ្នឹង​គេ​ហៅថា ស្គាល់​ពី​ចិត្ត​គេ ស្គាល់​ពី​ចិត្ត​យើង នៅ​ជាមួយគ្នា​បានយូរ និង​មិនចេះ​ធុញទ្រាន់​ឡើយ”។

“ខ្ញុំ​វិញ ពេល​ឃើញ​ភរិយា​គាត់​រាងដូចជាធុញៗ ក្រញូវៗ ខ្ញុំ​ក៏​ធ្វើខ្លួន​ឱ្យ​សប្បាយរីករាយ ឬ​និយាយ​រឿង​កំប្លុកកំប្លែង​ឱ្យស្ដាប់ ព្យាយាម​នាំ​គាត់​ចេញពី​ស្ថានការណ៍​ដែល​ធ្វើឱ្យ​គាត់​មិន​សប្បាយចិត្ត ជួយ​គាត់​ធ្វើ​ការងារ​ផ្ទះ​ខ្លះទៅ នាំទៅ​ដើរលេង​នៅទីនេះ ទីនោះ​ខ្លះទៅ មិនយូរប៉ុន្មាន​គាត់​ក៏​តាំងស្មារតី​បាន​ឡើងវិញ និង​សប្បាយរីករាយ​ដូច​មុន​បាត់ទៅហើយ…”។

“ផស់​ខ្ញុំ​វិញ​ហ្អេ៎? ម៉ាក់​ប្រាប់ថា មនុស្ស​ប្រុស បើ​ញ៉ាំ​ឆ្អែត​គ្រប់យ៉ាង​ហើយ ធានាថា​មិន​ទៅណា​ទេ… ខ្ញុំ​ក៏​ព្យាយាម​រិះរក​វិធី​ឱ្យ​គាត់​បាន​ទទួលទាន​អាហារ​យ៉ាង​មាន​សេចក្ដីសុខ។ ពេល​ញ៉ាំ​បាយ​ជាមួយគ្នា ក៏​នឹងមិន​និយាយ​ពី​រឿង​ការងារ ឬ​រឿង​អ្វីដែល​ធ្វើឱ្យ​មិន​សប្បាយចិត្ត​ទេ ថែមទាំង​បើ​ថ្ងៃ​ណា​គាត់​កើតមាន​អារម្មណ៍​ភិសវង់​ផង ក៏​ផ្ដល់ឱ្យ​គាត់​បាន​ឆ្អែត​ជាមួយនឹង​សេចក្ដីស្នេហា​ដែល​យើង​ប្រគល់ឱ្យ​ទាំង​កាយ និង​ចិត្ត​ដោយ​ក្ដី​ស្មោះស្ម័គ្រ និង​ឆ្អែត​ទៅជា​មួយ​សេចក្ដីសុខ​ដែល​កើត​ពី​ទង្វើ​របស់​យើង​រួមគ្នា។ បែបនេះ នៅ​ជាមួយគ្នា​ប៉ុន្មាន​ឆ្នាំ ក៏​នៅតែ​ផ្អែមល្ហែម​ដូច​មុន​ដដែល​ដែរ”។

“ការពិតទៅ រឿង​ដែល​គួរឱ្យ​ធុញទ្រាន់​បំផុត គឺ​ភាពដដែលៗរវាង​គ្នា​នឹង​គ្នា និង​គ្មាន​អ្វីដែល​គួរឱ្យ​រំភើប​ឡើយ ដូច​ជីវិត​របស់​យើង​ដែល​ព្រឹក​ឡើង​ក៏​ទៅធ្វើ​ការ ល្ងាច​ត្រឡប់មកវិញ​ក៏​អស់កម្លាំង ឱកាស​ចង់​ស៊ិះ​ស៊ុ​ស​គ្នា​ក៏​កាន់តែ​តិច​ទៅ ព្រោះ​ស្ត្រី​មេផ្ទះ គេ​មាន​ការងារ​ច្រើន យូរៗទៅ​ក៏​ធុញ​ក្នុងការ​ស្រឡាញ់គ្នា ដល់​អី​ុ​ចឹ​ង ភាពស្និទ្ធស្នាល​គ្នា​ក៏​ចាប់ផ្ដើម​រលាយបាត់។ តែ​ល្អ​ណាស់ ដែល​ខ្ញុំ​ចេះ​សង្កេតឃើញ​ទាន់ និង​ចាប់ផ្ដើម​កែសម្រួល​ខ្លួន​ដោយ​ធ្វើ​ការងារ​ឱ្យ​តិចជាង​មុន មាន​ពេល​នាំ​ភរិយា​ទៅ​ដើរលេង​នៅទីនេះ ទីនោះ​ឱ្យបាន​ច្រើនឡើង។ លុះ​ពេល​មាន​បរិយាកាសល្អៗ រឿងរ៉ាវ​របស់​សេចក្ដី​ស្រឡាញ់ និង​ចំណង់​រវាង​គ្នា​និង​គ្នា​ក៏​ត្រឡប់មក​ជាថ្មី ហើយ​នៅពេល​មាន​សេចក្ដីសុខ​ជាមួយគ្នា​ញឹកញាប់​ទៅ អ្វីៗជាច្រើន​វា​ក៏​ត្រឡប់មក​ដូចដើម​វិញ”។

“ខ្ញុំ​សង្កេតឃើញថា ក្រោយពី​បានរស់នៅ​ជាមួយគ្នា​ហើយ គាត់​ប្រែប្រួល​មិន​ដូច​ពីមុន ខ្ញុំ​ក៏​ខិតខំ​ព្យាយាម​ក្នុង​ការធ្វើ​គ្រប់យ៉ាង​ឱ្យ​គាត់​ដូចដើម​វិញ ប្រាប់​ឱ្យ​គាត់​ចេះ​យកចិត្ត​គ្នា​ខ្លះ ប្រាប់​ឱ្យ​គាត់​ត្រឡប់មកផ្ទះ​វិញ​ទៀង​ពេលខ្លះ ទាំង​ការងារ​របស់គាត់​ក៏​ច្រើន។ ពេលនោះ​ប្រៀបដូចជា​មនុស្ស​ឆ្កួត ព្យាយាម​ប្រើ​អំណាច​ដើម្បី​គ្រប់គ្រង​គាត់​ឱ្យបាន​ដូច​ចិត្ត​ខ្លួនឯង​ចង់បាន តែ​មើលទៅ​ហាក់ដូចជា​កាន់តែ​ធ្វើ កាន់តែ​យ៉ាប់យ៉ឺន​ឡើង។ គាត់​ព្យាយាម​រក​វិធី​គេចវេះ​ពី​ការ​នៅក្បែរ​គ្នា ដែល​វារឹតតែ​ធ្វើឱ្យ​ខ្ញុំ​ខឹង​គាត់​កាន់តែខ្លាំង​ឡើង និង​កាចឡើង។ គាត់​ក៏​ចាប់ផ្ដើម​ឆ្ងាយទៅៗ ពេលនោះ​គិតថា មិនយូរ​ទេ​ជីវិត​គូរ​បស់​យើង​នឹង​ដួលរលំ​មិន​ខាន…។

លុះ​មកដល់​ថ្ងៃមួយ ពេល​នៅ​ម្នាក់ឯងស្ងាត់ៗ ខ្ញុំ​ក៏​នឹក​ឃើញថា ដែល​ប្រាប់​ខ្លួនឯង​ថា គាត់​ប្រែប្រួល​មិន​ដូច​មុន​នោះ ការពិតទៅ​គាត់​ប្រែប្រួល ព្រោះ​មកពី​ខ្ញុំ​ប្រែប្រួល​ខ្លួនឯង​ទេតើ! លុះ​នឹកឃើញ​ដូច្នេះហើយ ក៏​ចាប់ផ្ដើម​កែសម្រួល​ខ្លួនឯង​សាជាថ្មី ឱ្យ​ត្រឡប់​មកជា​នារី​ម្នាក់​ដែល​គាត់​ធ្លាប់​សុំ​សេចក្ដីស្នេហា និង​សុំ​រៀបការ​ជាមួយ​កាលពីមុន។ ប្លែក​មែនទែន តែ​ជា​រឿង​ពិត! គាត់​ក៏​ចាប់ផ្ដើម​ប្រែប្រួល​ត្រឡប់​ក្លាយ​មកជា​រូបគាត់​ដែល​គួរឱ្យ​ស្រឡាញ់ ដែល​ធ្លាប់​មកសុំ​សេចក្ដីស្នេហា​ពី​ខ្ញុំ​ដូច​កាលពីមុន​វិញ​ដែរ… បន្ទាប់ពី​នោះមក ខ្ញុំ​ក៏​លែង​ត្រឡប់​ទៅជា​នាង​យក្ខិនី​ទៀត ឯ​គាត់​ក៏​ត្រឡប់​មកជា​តួឯក​ដ៏​សែន​ល្អ​រហូត​តទៅ​ដូចគ្នា”។

ទាំងអស់នោះ ប្រហែល​វា​ជា​ផ្នែក​មួយ​របស់​ជីវិត​ពិត​ដែល​បាន​កើតឡើង និង​អាច​ហៅ​អតីតកាល​ដ៏​សែន​ផ្អែមល្ហែម​ឱ្យ​ត្រឡប់មក​សាជាថ្មី​វិញ​បាន តែ តើ​មាន​អ្នកណា​អាច​ដឹង​ទេ​ថា ហេតុ​អី​បាន​ពួកគេ​អាច​ហៅ​ភាព​ផ្អែមល្ហែម​របស់​ជីវិត​គូ​ឱ្យ​ត្រឡប់មកវិញ​បាន?

ចម្លើយ​ក៏​គឺ ពួកគេ​មើលឃើញ​អំពើ​ល្អ​របស់​គ្នា​ទៅវិញទៅមក ព្រោះ​នៅពេលដែល​មនុស្ស​យើង​មើលឃើញ​អំពើ​ល្អ​របស់​គ្នា​ទៅវិញទៅមក​ហើយ រឿង​អ្វី​ក៏​អាចធ្វើ​បានដែរ​សម្រាប់​ម​នុស្ស​ល្អ​ម្នាក់​នោះ គឺ​មនុស្ស​ដែល​យើង​ស្រឡាញ់…៕