Category: សង្គម និងសេដ្ឋកិច្ច

តួប្រុសក្នុងរឿង « បងប្រុសកំពូលកូរ » ចូលរួមបួងសួង និងផ្ដល់កម្លាំងចិត្តជូនក្មេងៗទាំង 12 នាក់វិលត្រឡប់មកវិញ
តារាចម្រៀងថៃ -កូរ៉េ លោក ប៊ែមប៊ែម ពីក្រុមចម្រៀង GOT7 និង លោក នីឆៈឃុន ពីក្រុមចម្រៀង 2PM បានបង្ហោះសារចូលរួមបួងសួង និងផ្ដល់កម្លាំងចិត្ត ដល់ក្រុមជំនាញជួយសង្គ្រោះក្នុងព្រៃភ្នំ ដើម្បីស្វែងរកក្មេងៗជាកីឡាករទាំង 12 នាក់ និងគ្រូបង្វឹកម្នាក់ បានវិលត្រឡប់មកវិញដោយសុខសុវត្ថិភាព។
មកទល់ពេលនេះ នៅមិនទាន់មានសញ្ញាបញ្ជាក់ពីការបាត់ខ្លួនជីវិតទាំង 13 រូបនោះនៅឡើយទេ ទាំងក្រុមគ្រួសារ និង ញតិប្រជាជាតិថៃ បាននាំគ្នាប្រមូលម្ដុំនៅមុខម្ដុំមាត់ល្អាងភ្នំ ថាំហ្លួង ខេត្ត ឈៀងរ៉ៃ ដើម្បីធ្វើការបួសួង និងនិមន្ដព្រះសង្ឃ សូត្រធម៌ បញ្ជូលបារីព្រះពុទ្ធជាម្ចាស់ ស្រោចស្រង់ជីវិតទាំង 13 រូបផងដែរ។ នៅក្នុងនោះតារាចម្រៀង លោក នីឆៈឃុន ពីក្រុមចម្រៀង 2PM និងតារាសម្ដែងក្នុងរឿង « បងប្រុសកំពូលកូរ » បានធ្វើការបួងសួងថា « សូមឱ្យបានជួបទាំង 13 នាក់ យ៉ាងមានសុខសុវត្ថិភាពក្នុងពេលឆាប់ៗនេះផងបាទ សូមឱ្យព្រះឃុំគ្រងទុក្ខជីវិត ក្រុមការងារជួយសង្គ្រោះក្នុងព្រៃផងដែរបាទ »។
យ៉ាងណាមិញ តារាចម្រៀង ប៊ែមប៊ែម ពីក្រុមចម្រៀង GOT7 ក៏បានលើកឡើងដែរថា « សូមឱ្យទទួលបានដំណឹងល្អនៅពេលឆាប់ៗនេះ សូមបានត្រឡប់មកផ្ទះវិញ យ៉ាងអស់គ្រោះភ័យផងបាទ » ។ លោកក៏បានបញ្ជាក់ប្រាប់អ្នកគាំទ្រតាមរយៈការ Comment ផងដែរថា មានឱកាសលោកគ្រោងនឹងមកធ្វើការបួងសួងនៅមាត់ល្អាងភ្នំជាមួយប្រជាជនថៃផងដែរ លោកជួយជាកម្លាំងចិត្ត៕
June 29, 2018
កូរ៉េទាំង2 នឹងបង្កើតក្រុមរួមគ្នាក្នុងប្រភេទកីឡា 3មុខក្នុងព្រឹត្តិការណ៍កីឡាអាស៊ី
កូរ៉េខាងជើង និងខាងត្បូង នឹងប្រើប្រាស់ក្រុមរួមគ្នាក្នុងប្រភេទកីឡា 2យ៉ាង ដែលរួមមានការប្រណាំងទូកកានូ ទូកចែវ និងកីឡាបាល់បោះផ្នែកនារីក្នុងព្រឹត្តិការណ៍កីឡាអាស៊ី។ នេះបើយោងទៅតាមគណៈកម្មការរៀបចំកាលពីថ្ងៃព្រហស្បតិ៍ ខណៈដែលវាកំពុងបង្ហាញពីសញ្ញានៃការកាត់បន្ថយនូវភាពតានតឹងនានា។
ប្រទេសទាំង2 ក៏នឹងដើរជាក្បួនរួមគ្នាក្នុងកម្មវិធីបើក និងបិទផងដែរសម្រាប់ព្រឹត្តិការណ៍កីឡាប្រចាំទ្វីបមួយនេះ ដែលនឹងត្រូវរៀបចំឡើងនៅប្រទេសឥណ្ឌូនេស៊ី ចាប់ពីថ្ងៃទី18 ខែសីហា ដល់ទី2 ខែកញ្ញា។ គណៈកម្មាធិការអូឡាំពិកជាតិរបស់កូរ៉េខាងត្បូងបានប្រាប់ AFP ថា អង្គភាពគ្រប់គ្រងរបស់ប្រទេសនេះបានសម្តែងនូវការចាប់អារម្មណ៍ក្នុងការបង្កើតក្រុមរួមគ្នាសម្រាប់កីឡាបាល់បោះ យូដូ កានូ កាយសម្ព័ន្ធ វាយកូនឃ្លីលើតុ ចែវទូក និងកីឡាសូហ្វតេនីស។
ទីក្រុងសេអ៊ូល និងទីក្រុងព្យុងយ៉ាង បានយល់ព្រមនៅខែនេះក្នុងការបង្កើតក្រុមរួមគ្នានានាសម្រាប់ប្រភេទកីឡាមួយចំនួន បើទោះបីការកំណត់យកកីឡាដ៏ជាក់លាក់ទើបតែត្រូវបានប្រកាសកាលពីថ្ងៃព្រហស្បតិ៍ក៏ដោយ ក្រោយពីកិច្ចប្រជុំមួយក្នុងទីក្រុងហ្សាការតា រវាងក្រុមប្រឹក្សាអូឡាំពិកអាស៊ី គណៈកម្មការរៀបចំការប្រកួត និងមន្ត្រីតំណាងប្រទេសទាំង2។
ក្រោយពីកិច្ចប្រជុំកាលពីថ្ងៃព្រហស្បតិ៍ លោក SjafrieSjamsoeddin អនុប្រធានរៀបចំការប្រកួតបានប្រាប់អ្នកយកព័ត៌មានថា៖«យើងមិនបានបន្ថែមកីឡាជាច្រើនទៀតឡើយ។ យើងត្រូវតែមានភាពតឹងរ៉ឹងជាមួយនឹងកម្មវិធីប្រកួត ហេតុនេះវានឹងមិនមានការផ្លាស់ប្តូរបន្ថែមទៀតឡើយ»៕
ប្រភពពី៖ Channel News Asia
June 29, 2018
នាំគ្នាមកស្គាល់តួអង្គចាស់ៗនៅក្នុងរឿងភាគល្បី « រសជាតិជីវិត »
នៅចាំពួកគាត់ទេ! តួអង្គសំខាន់ៗ ក្នុងរឿង «រសជាតិជីវិត» ពេលនេះមកជួបជុំគ្នាម្តងទៀត បន្ទាប់ពីរឿងចេញផ្សាយកន្លងទៅបានរយៈពេល14ឆ្នាំមកហើយ។ ជឿជាក់ថាទស្សនិកជននៅចាំមិនភ្លេច ខ្សែភាពយន្តដ៏ល្បីកាលពីអំឡុងឆ្នាំ2004 គឺរឿង «រសជាតិជីវិត» ដែលចូលរួមសម្តែងដោយតារាប្រុសស្រីដូចជា កែវ ពេជ្រពិសី , ដុកទ័រ រិទ្ធិ, លោក កែវ ង៉ែត (បូរ៉ា) , អ្នកនាង ម៉ែន ម៉ាឡៃ , លោក ពិសិដ្ឋ និងអ្នកគ្រូពេទ្យ កញ្ញា ជាដើម ដែលរួមដៃគ្នាថតរឿងដ៏ល្អបែបអប់រំក្នុងការរស់នៅក្នុងសង្គម ផ្តល់ជាគំនិត ការសម្រេចចិត្ត ជាពិសេសក៏បានបញ្ចូលចំនេះដឹងខាងការថែទាំរក្សាសុខភាពទៀតផង។
លោក Matthew Robinson អ្នកដឹកនាំរឿង និងជាម្ចាស់ផលិតកម្ម ខ្មែរមេគង្គ បានបង្ហោះរូបភាពចាស់ៗដែលបង្ហាញពីសកម្មភាពថតរឿង «រសជាតិជីវិត» និងបង្ហើបថា រឿង «រសជាតិជីវិត» មានទាំងអស់ 100 ភាគ ដែលជារឿងភាគអប់រំបានោផ្សាយចេញនៅលើកញ្ចក់ទូរទស្សន៍ មានប្រជាប្រិយភាពល្បីល្បាញជាងគេនៅក្នុងថ្ងៃទី 6 ខែ ឧសភា ឆ្នាំ 2004 ។ ឥឡូវនេះក្នុងឆ្នាំ 2018 ហើយ តារាសម្ដែងទាំងអស់នៅក្នុងរឿងនេះ បានវិលត្រឡប់មកជួបជុំគ្នាវិញនៅក្នុងកម្មវិធីសម្ភាសន៍របស់ BBC តែជាអកុសល អ្នកគ្រូពេទ្យ ម៉ាឡៃ អវត្តមាន ដោយសារតែនាង បានទៅរស់នៅប្រទេសអូស្ដា្រលីហើយ។
ពិតជាប្លែកអារម្មណ៍ និងធ្វើឱ្យអ្នកគាំទ្រតារាក្នុងរឿង« រសជាតិជីវិត » រំភើបទប់អារម្មណ៍មិនបាន ខណៈបានបង្ហាញខ្លួនជាថ្មី និងបានមកជួបជុំគ្នា ថតរូបជាមួយគ្នាម្តងទៀតបែនេះ មហាជនអ្នកគាំទ្រពិតជាមានការនឹករលឹកដល់តារាសម្ដែងទាំងអស់នោះជាខ្លាំងណាស់ រហូតអ្នកខ្លះលើកឡើងថា ពួកគាត់មិនប្រែប្រួលច្រើនទេ គ្រាន់តែរៀងចំណាស់បន្តិច តែនៅស្អាត និងសង្ហា ដដែល។
សូមទស្សនាកម្ររូបភាពរបស់ពួកគាត់ខាងក្រោម៖
June 29, 2018
លោក អ៊ឹម ជីវ៉ា និងអ្នកនាង ចន ច័ន្ទលក្ខិណា ខ្នះខ្នែងរៀបចំបុណ្យសព ឌីជេ អាលីយ៉ា
នៅក្នុងពិធីបុណ្យសពរបស់តារាសម្ដែងស្រី អ្នកនាង អាលីយ៉ា គេកត់សម្គាល់ឃើញមានតារាសិល្បៈជាច្រើន ព្រមទាំងអ្នកសារព័ត៌មានជាច្រើនរូបទៀត បានចូលរួមគោរពវិញ្ញាណក្ខន្ធជាលើចុងក្រោយ តែយ៉ាងមិញ តារាសម្តែងប្រុសលោក អ៊ឹម ជីវ៉ា និងប្រធានសមាគមសិល្បករខ្មែរ អ្នកនាង ចន ច័ន្ទលក្ខិណា បានចេញមុខ ប្រកាសទទួលជួយរៀបចំទាំងស្រុង នូវពិធីបុណ្យសពរបស់តារាស្រី ឌីជេ អា លីយ៉ា ខណៈដែលសពក៏ត្រូវធ្វើពិធីបូជា នៅរសៀលម៉ោង 3 ថ្ងៃទី 28 ខែមិថុនា ម្សិលមិញនេះ។
លោក អ៊ឹម ជីវ៉ា បានប្រកាសនៅលើគណនីហ្វេសប៊ុកថា «សូមជូនដំណឹងដល់ បងប្អូនមហាជន និងសារព័ត៌មានទាំងអស់មេត្តាជ្រាបថា ខ្ញុំបាទ អ៊ឹម ជីវ៉ា និងបងស្រី ចន ច័ន្ទលក្ខិណា និងទៅចូលរួម និងជួយចាត់ចែងបុណ្យសព អាលីយ៉ា នៅម៉ោង១១ព្រឹកនេះ។ សូមបញ្ជាក់ដែរថា ក្នុងពិធីបុណ្យសពនេះ សប្បុរសជនដែលជួយដល់បុណ្យសព អាលីយ៉ា គឺជួយចេញថ្លៃមេនបូជាសព និងថ្លៃផ្កា មាន កញ្ញា ឌួង ហ្សូរីដា និងលោកស្រី ងិន ម៉ារីយ៉ា។
លោកនិយាយទៀតថា «ចំណែករោងបុណ្យ បបរបុណ្យ និងកម្មវិធីទាំងមូល គឺអ្នកបង ចន ច័ន្ទលក្ខិណា ប្រធានសមាគមនសិល្បករ និង ខ្ញុំបាទ អ៊ឹម ជីវ៉ា ក្រុមប្រឹក្សាសមាគមសិល្បករខ្មែរ ជាអ្នករ៉ាប់រងទទួលបន្ទុកទាំងអស់ បានន័យថា បើខ្វះខាតលុយប៉ុន្មាន សមាគមជាអ្នកជួយចេញជំនួសទាំងអស់។ រីឯកាបូជាសព និងត្រូវបូជាសព អា លីយ៉ា នឹងធ្វើនៅរសៀលថ្ងៃនេះ នៅវត្តទួលអស់លោក ក្នុងសង្កាត់គីឡូម៉ែត្រលេខ6 ខណ្ឌឫស្សីកែវ រាជធានីភ្នំពេញ»។
គួរបបញ្ជាក់ផងដែរថា ក្រៅពីមានការជួយពីសមាគមសិល្បករខ្មែរ ក៏មានសប្បុរសជនមួយចំនួនជួយដល់ពិធីបុណ្យសព អាលីយ៉ា រួមមានដូចជា សិល្បករសិល្បការិនីបានរៃអង្គាសគ្នា ប្រពន្ធតារាសម្ដែង ស៊ុក សុភា ម្ដាយ ថៃ នរៈពិទូ ជាដើម។ មុនពេលបិទភ្នែកលាចាកលោកទៅ សមាគមសិល្បករខ្មែរ ក៏បានជួយដល់ អាលីយ៉ា ជាង1លានរៀល។ លោក អ៊ឹម ជីវ៉ា បន្ថែម៕
June 29, 2018
អ្នកដឹកនាំរឿង « សសរកន្លោង » ចេញមុខពន្លាស់អ្នកបំផ្លើសព័ត៌មានបាត់ខ្លួនសមាជិកកីឡាករក្មេងៗទាំង 12 នាក់នៅប្រទេសថៃ
ពិតជារឿងមួយដ៏ហួសចិត្តដែលអ្នកលេងបណ្ដាញសង្គមខ្មែរមួយចំនួន ចង់បានចំនួនអ្នក Like Page ឱ្យមានកំនើនឡើងខ្លាំង បានសរសេរព័ត៌មានប្រឌិតរឿង ដោយអះអាងថា ម៉ោង 4 ទាបភ្លឺនេះ ក្រុមអ្នកជំនាញរបស់អង់គ្លេស បានរកឃើញសាកសពក្មេងទាំង 12 នាក់ ក្នុងចំនោម 13 ហើយ។ ការសន្និដ្ឋានរបស់ក្រុមអ្នកសង្គ្រោះ បានប្រាប់មានសង្ឃឹមរស់តិចតួចណាស។ ដែលព័ត៌មានមិនពិតនេះ បានធ្វើឱ្យមហាជនខ្មែរជាច្រើននាក់ មានទឹកចិត្តអាណិតអាសូរ និងកំពុងតាមដានសកម្មភាពជួយសង្គ្រោះនេះ មានក្ដីខឹងយ៉ាងសម្បាទៅកាន់ Page ព័ត៌មានមួយនេះ។
នៅក្នុងនោះដែរ លោក រ៉ូណាន អ្នកដឹកនាំរឿង « សសរកន្លោង » ចេញមុខពន្លាស់ដែរថា « ពួកអ្នកឆក់ឳកាស ដោយមិនគិតពិចារណា ដើម្បីតែប្រយោជន៍ខ្លួន បង្កើត Page បោកប្រាស់ ឱ្យបងប្អូនមានការចុច Like កាលណាបានច្រើន K ហើយ វានិងប្រកាសលក់ Page ឬស្វែងរកលុយតាមរយៈ Page នេះពេលល្បី។ ដូចនេះ សូមបងប្អូនជួយ ចុច Report Page នេះ ម្នាក់មួយៗ ឱ្យបានគ្រប់ៗគ្នា ដើម្បី Page បាត់ស្រមោលលេងដំណើរការណ៍។ កែប្រែ មនុស្សអាក្រក់ក្នុងសង្គមខ្មែរ យើងត្រូវចាប់ផ្តើមពីខ្លួនយើងទៅ »។ មិននឹកស្មានថា ហ៊ានបំភ្លីព័ត៌មានដើម្បីផលប្រយោជន៍ផ្ទាល់ខ្លួនបែបនេះឡើយ។
គួរបញ្ជាក់ផងដែរថា ពាក់ព័ន្ធជាមួយករណីតាមជួយសង្គ្រោះក្មេងៗទាំង 12 នាក់ មកដល់ខ្ទង់ម៉ោង 10 យប់ថ្ងៃព្រហស្បតិ៍ម្សិលមិញនេះ ប្រតិបត្តិការជួយសង្គ្រោះត្រូវបានផ្អាកជាបណ្តោះអាសន្ន ខណៈភ្លៀងធ្លាក់យ៉ាងសន្ធប់បានកើតមានឡើងនាំឲ្យទឹកចាប់ផ្តើមជោរជន់មកវិញរឹងតែខ្លាំង នៅតំបន់រូងភ្នំ ថាំហ្លួង ក្នុងខេត្តឈៀងរ៉ៃ ដែលក្មេង១២នាក់ និងគ្រូបង្វឹកម្នាក់កំពុងជាប់ខ្លួននោះ ។ នេះបើតាមការចេញផ្សាយដោយ Bangkok Post ៕
June 29, 2018
បែលហ្ស៊ិក ឈរលេខ1 លើអង់គ្លេស ខណៈជប៉ុនបានទៅវគ្គ 16ក្រុម
ក្រុមបាល់ទាត់ជម្រើសជាតិបែលហ្ស៊ិក បានផ្តួលក្រុមជម្រើសជាតិអង់គ្លេសដើម្បីដណ្តើមបានចំណាត់ថ្នាក់លេខ1 ក្នុងការប្រកួតវគ្គចែកពូលនៃយុទ្ធនាការ World Cup របស់ពួកគេ កាលពីថ្ងៃព្រហស្បតិ៍ ក្រោយពីក្រុមជម្រើសជាតិជប៉ុនបានឈានទៅវគ្គបន្ទាប់ ដោយសារតែមានកំណត់ត្រាផ្នែកវិន័យល្អជាង។
ការដណ្តើមបានជ័យជម្នះក្នុងលទ្ធផល 1-០ សម្រាប់ក្រុមដែលមានការផ្លាស់ប្តូរច្រើនរបស់លោក Roberto Martinez ក្នុងទីក្រុង Kaliningrad នឹងធ្វើឱ្យពួកគេទៅជួបក្រុមជម្រើសជាតិជប៉ុន ដែលបានបញ្ចប់ក្នុងចំណាត់ថ្នាក់លេខ2 ពីលើក្រុមសេណេហ្គាល់ បើទោះបីចាញ់ក្រុមជម្រើសជាតិប៉ូឡូញក្នុងលទ្ធផល 1-០ ក្នុងការប្រកួតចុងក្រោយនៃពូលរបស់ពួកគេក៏ដោយ។
ស្របពេលជាមួយគ្នានេះ ក្រុមជម្រើសជាតិអង់គ្លេសនឹងត្រូវប៉ះជាមួយនឹងក្រុមជម្រើសជាតិកូឡុំប៊ី ក្នុងការប្រកួតវគ្គ 16ក្រុមចុងក្រោយ បន្ទាប់ពីក្រុមរបស់អាមេរិកខាងត្បូងមួយនេះបានផ្តួលក្រុមជម្រើសជាតិសេណេហ្គាល់ 1-០ ដើម្បីបញ្ចប់ដោយការឈរលេខ1 ក្នុងពូលរបស់ពួកគេ។ ប៉ុន្តែ លទ្ធផលនេះក៏មានន័យផងដែរថា ក្រុមប្រជុំដោយកីឡាករវ័យក្មេងរបស់លោក Gareth Southgate គេចផុតពីការជួបក្រុមខ្លាំងៗក្នុងប្រទេសរុស្ស៊ី ដូចជាក្រុមជម្រើសជាតិបារាំង អាហ្សង់ទីន ព័រទុយហ្គាល់ និងប្រេស៊ីល។
លោក Martinez គ្រូបង្វឹកនៃក្រុមជម្រើសជាតិបែលហ្ស៊ិក ពិតជារីករាយណាស់ជាមួយនឹងជ័យជម្នះនេះ តាមរយៈការបញ្ជាក់ថា វាមិនអាចទៅរួចឡើយក្នុងការរៀបចំផែនការអវិជ្ជមានក្នុងព្រឹត្តិការណ៍ World Cup នោះ។
គ្រូបង្វឹករូបនេះបានឱ្យដឹងថា៖ «កីឡាករចំណូលថ្មីជាច្រើនសង្ឃឹមថា អាចចូលលេង ហើយពួកគេធ្វើឱ្យខ្ញុំរីករាយ។ យើងមានក្រុមដ៏ខ្លាំងមួយ ដែលយើងបានធ្វើកាលពី 90នាទីមុន»។ ស្របពេលជាមួយគ្នានេះ លោក Southgate បានចាត់ទុកថា ការប្រកតវគ្គ 16ក្រុមចុងក្រោយរបស់អង់គ្លេស នៅពេលប្រកួតជាមួយនឹងក្រុមជម្រើសជាតិកូឡុំប៊ី គឺជាការប្រកួតដ៏ធំបំផុតរបស់ក្រុមលោកសម្រាប់រយៈពេល 1ទសវត្សរ៍កន្លងមកនេះ៕
ប្រភពពី៖ Sport24
June 29, 2018
ឈុតអាហារពេលថ្ងៃត្រង់សម្រាប់អ្នកធ្វើការ នៅភោជនីយដ្ឋាន IZA បែបជប៉ុន
កំពុងស្វែងរកកន្លែងទទួលទានអាហារពេលថ្ងៃត្រង់មែនទេ? ដោយសារតែភាពមមាញឹកនៃការងារ និងការកកស្ទះនៃចរា-ចរណ៍នៅក្នុងរាជធានីភ្នំពេញនាពេលបច្ចុប្បន្ននេះកាន់តែខ្លាំងឡើងជារៀងរាល់ថ្ងៃ បានធ្វើឱ្យបុគ្គលិកបម្រើការងារនៅក្នុងការិយាល័យកំពុងជួបនូវបញ្ហាពិបាកក្នុងការស្វែងរកកន្លែងទទួលទានអាហារពេលថ្ងៃត្រង់ ដែលមានទីតាំងល្អនៅចំកណ្តាលទីក្រុងភ្នំពេញជិតកន្លែងធ្វើការ ដែលផ្តល់នូវភាពងាយស្រួល និងមានបរិយាកាសល្អ ប្រកបដោយផាសុកភាព។ នៅពេលនេះភោជនីយដ្ឋានជប៉ុន IZA បានបើកដំណើរការបម្រើអាហារពេលថ្ងៃត្រង់ជាលក្ខណៈឈុតអាហារថ្ងៃត្រង់បែបជប៉ុនដ៏សម្បូរបែប និងប្រកបដោយឱជារស ចាប់ពីថ្ងៃទី10 ខែឧសភា ឆ្នាំ2018នេះតទៅហើយ។
គ្រាន់តែឮឈ្មោះភោជនីយដ្ឋាន IZA ដែលស្ថិតនៅជាន់ទី37 នៃអគារ Vattanac Capital ដែលជាភោជនីយដ្ឋានរបស់សណ្ឋាគារលំដាប់អន្តរជាតិ Rosewood ភ្នំពេញ នោះ លោកអ្នកប្រហែលជាគិតទៅដល់តម្លៃ និងភាពខ្ពង់ខ្ពស់លើសពីសមត្ថភាពរបស់លោកអ្នកក្នុងការមកទទួលទានអាហារនៅទីនេះ តែបើលោកអ្នកបានមកផ្ទាល់នៅភោជនីយដ្ឋាន លោកអ្នកនឹងបានទទួលនូវបទពិសោធន៍ថ្មីក្នុងការទទួលទានអាហារពេលថ្ងៃត្រង់ដ៏ស្រស់ស្រាយជាមួយនឹងការគយគន់ទេសភាពទីក្រុងភ្នំពេញ ដើម្បីរំសាយភាពស្មុគស្មាញពីការពាររបស់លោកអ្នកជាមួយនឹងតម្លៃដ៏សមរម្យ និងមានជម្រើសច្រើនបែប ទាំងបែបជប៉ុន100% (អាហារឆៅ) និងទាំងបែបអាសីុ (អាហារចម្អិនឆ្អិន)។ ដោយសារតែសម្លឹងឃើញពីផលវិបាកនៃការជ្រើសរើសកន្លែងទទួលទានអាហារពេលថ្ងៃត្រង់របស់បុគ្គលិកក្រុមហ៊ុន ភោជនីយដ្ឋាន IZA ដែលជាភោជនីយដ្ឋានបែបជប៉ុនស្ថិតនៅក្នុងសណ្ឋាគារ Rosewood ភ្នំពេញ បានបើកដំណើរការបម្រើជូនអាហារពេលថ្ងៃត្រង់ ជាលក្ខណៈឈុតដល់សាធារណជនទូទៅ បន្ថែមពីលើសេវាកម្មដែលមានស្រាប់ ដែលបម្រើជូននូវអាហារពេលល្ងាចដ៏រ៉ូមែនទិកជាមួយនឹងការទទួលទានអាហារបណ្តើរគយគន់ទេសភាពនាពេលរាត្រីនៅក្នុងរាជធានីភ្នំពេញបណ្តើរ ដែលបានដំណើរការតាំងពីដើមខែមករា ឆ្នាំ2018មកម្លេ៉ះ។ ឈុតអាហារពេលថ្ងៃត្រង់នៅភោជនីយដ្ឋាន IZA មានដូចជា IZA TOKUSEN CHIRASHI, SALMON AVOCADO CHIRASHI, BIFUTEKI DON, YAKITORI DON, SALMON TERIYAKI, KATSU CURRY RICE (បែបចម្អិនឆ្អិន) និង SUSHI GOZEN, SASHIMI GOZEN (បែបឆៅ) ដែលមានបម្រើជូនជាមួយនឹងឈុត Miso Soup, Garden Salad និងជ្រក់ (Pickles) ព្រមទាំងមានជាប្រភេទមីផងដែរ ដូចជា TOKYO TONKOTSU RAMEN, NINNIKU RAMEN, KARA MISO RAMEN, SHIO RAMEN, CURRY NAMBAN UDON (CURRY) និង DANDAN MAZE UDON ជាដើម។ ក្រៅពីអាហារថ្ងៃត្រង់ជាលក្ខណៈឈុត ដែលផ្តល់នូវជីវជាតិគ្រប់គ្រាន់ និងមានភាពងាយស្រួលដល់អតិថិជនហើយនោះ នៅភោជនីយដ្ឋាន IZA ក៏មានជាប្រភេទបង្អែមលៀងមាត់ជាប្រភេទនំខេក ការ៉េម និងភេសជ្ជៈជាច្រើនជម្រើសទៀតសម្រាប់ផ្តល់ជូនអតិថិជនផងដែរមានដូចជា ប្រភេទភេសជ្ជៈមិនមានជាតិអាល់កុល (តែក្តៅ និងតែទឹកកកបែបជប៉ុនជាច្រើនប្រភេទ) និងប្រភេទភេសជ្ជៈមានជាតិអាល់កុល ដូចជា ប្រភេទស្រាសាកេបែបជប៉ុន (រសជាតិដើមនៃស្រាជប៉ុនជាច្រើនជម្រើស) ស្រាបិទបែបជប៉ុន (Brewery: CRAFT BEER និង DRAUGHT BEER) និងប្រភេទស្រាដបជាច្រើនរសជាតិ និងចម្រើនជម្រើសទៀត ដែលស័ក្តិសមនឹងការទទួលទាននាពេលថ្ងៃត្រង់តែម្តង។
សូមបញ្ជាក់ផងដែរថា អាហារឈុតពេលថ្ងៃត្រង់ពីភោជនីយដ្ឋាន IZA គឺបើកបម្រើជូនអតិថិជនទាំងអស់ពីថ្ងៃចន្ទ ដល់ថ្ងៃសុក្រ ពីម៉ោង12ថ្ងៃត្រង់រហូតដល់ម៉ោង2:30នាទីថ្ងៃ។
សម្រាប់ព័ត៌មានបន្ថែម និងការកក់កន្លែងទុកមុន សូមទំនាក់ទំនងមកកាន់លេខទូរស័ព្ទ 023 936 866៕
June 28, 2018
ញ៉ែម សុគន្ធ បង្ហាញភាពផ្អែមល្ហែមជាមួយគូដណ្ដឹង មិនខ្វល់ពីរឿងអាស្រូវស្រឡាញ់ប្រុសដូចគ្នា
ថ្មីៗនេះ នៅលើបណ្ដាញសង្គមហ្វេសប៊ុកត្រូវបានទម្លាយរឿងរ៉ាវជាច្រើនដែលស្ដែងឱ្យដឹងថា តារាសម្ដែងលោក ញ៉ែម សុគន្ធ មុនពេលភ្ជាប់ពាក្យ គេមើលឃើញថា លោកបានបែកធ្លាយរឿងរ៉ាវអាស្រូវផ្លូវភេទដែលត្រូវគេចោទថា ជាមនុស្សប្រុសម្នាក់ស៊ីមិនរើសមុខ ស្រីក៏បាន ប្រុសក៏បាន ប៉ុន្តែតារារូបនេះនៅតែបង្ហាញរូបភាព និងសារផ្អែមល្ហែមដើម្បីបន្សាបដំណឹងអាស្រូវទាំងនោះ។
លោក ញ៉ែម សុគន្ធ បានបង្ហោះរូបភាពផ្អែមល្ហែមជាមួយគូដណ្ដឹងយ៉ាងស្អិតល្មួតដូចស្ករតាំងម៉ែ ព្រមទាំងនិយាយថា «Million of happiness from you huni , I’m feel warm from the top of my heart, I love you »។ សារនេះហាក់បីដូចជាចង់បង្ហាញថា លោកមិនបានចាប់អារម្មណ៍ចំពោះរឿងអាស្រូវទាំងនោះឡើយ ហើយរហូតមកទល់ពេលនេះក៏គ្មានការបកស្រាយផ្ទាល់មាត់ដើម្បីបំភ្លឺបន្ថែមពាក់ព័ន្ធនឹងរឿងអាស្រូវស្រឡាញ់ភេទដូចគ្នាណាមួយពីលោក ញ៉ែម សុគន្ធ ឡើយ។
គួររំឭកផងដែរថា តារាសម្តែងចង្កាព្រែក ញ៉ែម សុគន្ធ បានភ្ជាប់ពាក្យមួយកញ្ញា ងួន កែវមល្លិកា កាលពីថ្ងៃទី18 ខែមិថុនា ឆ្នាំ2018កន្លងទៅ ដែលមិនមែនជាអ្នកសិល្បៈឡើយ តែនាងមានសម្រស់ស្រស់សោភា មិនចាញ់តារាសិល្បៈប៉ុន្មានឡើយ៕
June 28, 2018
ខាត់ សុឃីម អំពាវនាវឱ្យបងប្អូនទាំងអស់ចូលរួមគោរពវិញ្ញាណក្ខន្ធ ឌីជេ អាលីយ៉ា ជាលើកចុងក្រោយ
ពិតជាគួរឱ្យអនិច្ចាណាស់ តារាសម្ដែង បង្ហាញម៉ូដ និងជាពិធីការិនីនិយាយភាសាអង់គ្លេសបានល្អ អ្នកនាង អាលីយ៉ា ខណៈនេះបានទទួលមរណភាពហើយ។
គួរកត់សម្គាល់ផងដែរថា អ្នកលេងបណ្ដាញសង្គមជាច្រើនបាននាំគ្នា Share រូបភាពអ្នកនាង និងសកម្មភាពសប្បុរសធម៌ដែលអ្នកនាងធ្លាប់បានចូលរួមដោយក្ដីអាឡោះអាល័យ សោកសង្រេង និងបានឧទ្ទិសឱ្យវិញ្ញាណក្ខន្ធអ្នកនាងបានទៅកាន់សុគតិភព បើទោះបីជាអ្នកនាងមិនទាន់ទទួលបានយុតិ្តធម៌អស់រយៈពេលជាង 2 ឆ្នាំមកហើយក្ដី។
ក្នុងនោះដែរសិល្បការិនីពហុជំនាញទាំងសម័យ និងបុរាណ អ្នកនាង ខាត់ សុឃីម ក៏បានបង្ហោះសារនៅលើហ្វេសប៊ុកផ្ទាល់ខ្លួន អំពាវនាវឱ្យបងប្អូនអ្នកគាំទ្រ ឌីជេ អាលីយ៉ា និងតារាសិល្បករ-សិល្បការិនីទាំងអស់ ចូលរួមពិធីបុណ្យសព និងគោរពវិញ្ញាណក្ខន្ធ ឌីជេ អាលីយ៉ា ជាលើកចុងក្រោយ។ អ្នកនាង ខាត់ សុឃីម បានបញ្ជាក់ដំណឹងថា «សូមជម្រាបជូនបងប្អូនទាំងអស់គ្នាថា អាលីយ៉ា New Aaliyah Liyah Aaliyah Khao នឹងត្រូវលើកចូលផ្ទះថ្មីរបស់នាងនៅម៉ោង1រសៀលនេះ ហើយលើកចូលមេរុនៅម៉ោង 3រសៀល ហើយបូជានៅម៉ោង 3:20 នាទីរសៀល ថ្ងៃទី28 ខែមិថុនា ឆ្នាំ2018នេះតែម្ដង នៅវត្ត “ទួលសារាវន្ត” ហៅវត្ត “ទួលអស់លោក” ចូលតាមច្រកទល់មុខស្ថានីយទូរទស្សន៍ CTN ឫស្សីកែវយើងនេះ។ សេចក្ដីដូចបានជម្រាបជូនខាងលើ សូមបងប្អូនជិតឆ្ងាយជ្រាបជាដំណឹង» ។
គួរជម្រាបជូនបន្ថែមដែរថា ប្រសិនបើបងប្អូនប្រិយមិត្តអ្នកគាំទ្រ ឌីជេ អាលីយ៉ា មានបំណងចូលរួមពិធីបុណ្យសព សូមអញ្ជើញទៅចូលរួមបានទាំងអស់គ្នាដើម្បីជូនដំណើរនាងទៅកាន់សុគតិភពជាលើកចុងក្រោយ៕
June 28, 2018
គ្រូបង្វឹកអាល្លឺម៉ង់ ថា ក្រុមខ្លួនពិតជាមិនសមទៅវគ្គ 16ក្រុមចុងក្រោយមែន
លោក Joachim Loew បានបញ្ជាក់ថា ក្រុមជម្រើសជាតិអាល្លឺម៉ង់របស់លោក ពិតជាមិនមានការស័ក្តិសមក្នុងការឈានទៅវគ្គ 16ក្រុមចុងក្រោយមែន ក្រោយពីបានឃើញក្រុមរបស់លោកបង្ហាញពីទម្រង់លេងដ៏សែនអន់ក្នុងពេលចាញ់ក្រុមជម្រើសជាតិកូរ៉េខាងត្បូងយ៉ាងមិននឹកស្មានដល់ ក្នុងលទ្ធផល 2-០ ក្នុងការប្រកួតចុងក្រោយនៃពូល F កាលពីថ្ងៃពុធ។
លទ្ធផលនេះ បានធ្វើឱ្យក្រុមអាល្លឺម៉ង់ដែលជាម្ចាស់ការពារតំណែងជើងឯក ធ្លាក់ចេញត្រឹមវគ្គចែកពូលជាលើកទី1 ក្នុងប្រវត្តិសាស្ត្ររបស់ខ្លួន បើគិតចាប់តាំងពីឆ្នាំ1938 ខណៈដែលពួកគេក៏បានបញ្ចប់ដោយស្ថិតនៅបាតតារាងនៃពូលផងដែរ។
ក្រុមម្ចាស់ជើងឯក 4សម័យកាលមួយនេះ គួរតែផ្តួលក្រុមកូរ៉េខាងត្បូងដោយគ្រាប់បាល់នាំមុខចាប់ពី 2គ្រាប់ឡើងទៅ ក្នុងការប្រកួតចុងក្រោយនៃពូល F របស់ពួកគេក្នុងទីក្រុង Kazan ដើម្បីឈានទៅវគ្គ 16ក្រុមចុងក្រោយ ប៉ុន្តែក្រោយពីបានខ្ជះខ្ជាយឱកាសជាច្រើន ក្រុមជម្រើសជាតិអាល្លឺម៉ង់ បានស្រឡាំងកាំងនៅនាទីបន្ថែម 5នាទី ខណៈដែលកូរ៉េខាងត្បូងបានស៊ុតបាល់បញ្ចូលទី 2គ្រាប់ ដើម្បីកត់ត្រាជ័យជម្នះជាប្រវត្តិសាស្ត្រមួយលើក្រុមមានចំណាត់ថ្នាក់លេខ1 ក្នុងពិភពលោកមួយនេះ។
លោក Loew បាននិយាយថា យើងមិនស័ក្តិសមក្នុងការឈានទៅវគ្គ 16ក្រុមចុងក្រោយឡើយ។ យើងបានខិតខំព្យាយាមខ្លាំង ដើម្បីឈ្នះ ប៉ុន្តែ យើងមិនបានទទួលឱកាសក្នុងការរកគ្រាប់បាល់នាំមុខឡើយ៕
ប្រភពពី៖ Sport24
June 28, 2018