Category: សង្គម និងសេដ្ឋកិច្ច

តាមរយៈសារព័ត៌មាន Thairath បានចេញផ្សាយនៅថ្ងៃទី 9 ខែកក្កដា ឆ្នាំ 2018 នេះ បានឱ្យដឹងថា នៅវេលាម៉ោង 19 និង 15 នាទីយប់ អ្នកសារព័ត៌មានបានរាយការណ៍មកថា ក្រុមកងទ័ពជួយសង្គ្រោះ និង ក្រុមអ្នកជ្រមុជទឹកបរទេស បានសម្រេចប្រតិបត្តិការណ៍ទី 2 ក្នុងការនាំយកឈុតទី 2 ដែលរួមមានក្មេងៗនៅក្នុងក្រុមកីឡាបាល់ទាត់ជ្រូកព្រៃសមាជិកទី 6-7-8 ចេញពីរូងភ្នំថាំលួង ស្រុក ម៊ែសាយ ខេត្ត ឈៀងរ៉ាយ បានដោយសុវត្ថិភាព។ នៅក្នុងនោះ អ្នកដែលបាននាំចេញមកដំបូងនៅក្នុងថ្ងៃដដែលគឺ ក្មេងជ្រូកព្រៃទី 5 បានចេញពីរូងភ្នំនាវេលាម់ៅង 17 និង 05 នាទីល្ងាច។

គួរបញ្ជាក់ផងដែរថា បន្ទាប់ពីបានចេញមកពីរូងភ្នំ ក្រុមគ្រូពេទ្យបានធ្វើការពិនិត្យរាងកាយរួចរាល់ ទើបបាននាំបញ្ជូនទៅមណ្ឌុលសុខភាពជាមុនសិន ដើម្បីឱ្យគ្រូពេទ្យជំនាញធ្វើការត្រួតពិនិត្យសុខភាពម្ដងទៀត មុនពេលបន្ដដំណើរទៅកាន់មន្ទីរពេទ្យធំនៅក្នុងខេត្ត ឈៀង រ៉ាយ ដែលនៅទីនោះ បានត្រៀមបន្ទប់សម្រាកព្យាបាល និងគ្រូពេទ្យជំនាញៗរួចជាស្រេច។

សូមជម្រាបបន្ថែមថា មកទល់ពេលនេះម៉ោងនេះ នៅមិនទាន់មានការបញ្ជាក់អំពីផែនការទី 3 នៅឡើយទេ ដែលខណៈនេះអ្នកនៅសល់មានចំនួន 5 នាក់ទៀត រួមទាំងគ្រូបង្វឹកផងដែរ។ យ៉ាងណាមិញប្រតិបត្តិការណ៍ទី 3 រំពឹងទុកថា នឹងធ្វើយ៉ាងលឿនជាទីបំផុត៕

តាមរយៈសារព័ត៌មានថៃ Teenee មុននេះបន្ដិចបានឱ្យដឹងថា ខណៈវេលាម៉ោង 15 រសៀលនេះ អ្នកសារព័ត៌មានថៃបានរាយការណ៍​មកថា មានការប្រកាសឱ្យបិទផ្លូវចាប់ពីវេលាម៉ោង 15 និង 00 នាទី នៅម្ដុំមុខផ្លូវសាលារៀន និងផ្លូវទៅកាន់មន្ទីរពេទ្យ ដែលត្រៀមជួយសង្គ្រោះ « ក្រុមជ្រូកព្រៃ » ឈុតទី2នារសៀលនេះតែម្ដង។

បើតាមការគូសបញ្ជាក់ពីអ្នកជំនាញ និងគ្រូពេទ្យជួយសង្គ្រោះបានបង្ហើបឱ្យដឹងថា បន្ទាប់ចំណាយពេលប្រតិបត្តិការណ៍គម្រោងទី 2 ចាប់តាំងពីវេលាម៉ោង 11ព្រឹក រហូតមកទល់ពេលនេះ « ក្រុមជ្រូកព្រៃ » បានធ្វើដំណើរមកបានពាក់កណ្ដាលផ្លូវហើយ។ ដំណឹងល្អដែរមនុស្សជាច្រើនទន្ទឹងផ្លូវដំណើរជួយសង្គ្រោះឈុតទី2 នេះ នឹងសម្រេចតាមការគ្រោងទុកមកដល់នៅពេលសៀលនេះ នៅក្នុងនោះ ក៏មានដំណើរនៃលោក នាយករដ្ឋមន្ត្រីថៃ ប្រាយុធ ចាន់អូឆា ចូលរួមគ្រប់គ្រងស្ថានការណ៍ដោយផ្ទាល់ នាវេលាម៉ោង 17 និង 00 នាទីល្ងាចនេះ ៕

តាមរយៈសារព័ត៌មាន Matichon បានចេញផ្សាយមុននេះបន្ដិចបានឱ្យដឹងថា ដំណើរបាត់ខ្លួនយ៉ាងផ្សងគ្រោះថ្នាក់របស់ក្មេងៗក្រុមកីឡាករបាល់ទាត់ ក្រុមជ្រូកព្រៃ និងគ្រូបង្វឹក នៅក្នុងរូងភ្នំថាំលួង បានបង្កឱ្យមានការចាប់អារម្មណ៍ និងព្រួយបារម្ភ ជុំវិញពិភពលោកតែម្ដង។ ទន្ទឹមនឹងនោះ មិនត្រឹមតែមានក្រុមបរទេសដែលបានបញ្ជូនអ្នកជំនាញស្ម័គ្រមួយសង្គ្រោះនេះទេ នៅក្នុងសារព័ត៌មាន ចិន ក៏បានធ្វើវីដេអូបង្ហាញអំពីដមណើរនៃការបាត់ខ្លួនដំបូងរបស់ « ក្រុមជ្រូកព្រៃ » រហូតដល់ដំណាក់កាលជួយសង្គ្រោះបានចេញមក 4 នាក់ ផ្សាយចេញឱ្យទស្សនាផងដែរ។

គួរបញ្ជាក់ផងដែរថា វីដេអូមួយនេះ ជាវីដេអូដែលផលិតដោយក្រុមសារព័ត៌មានចិន បើទោះបីជាអ្នកមិនចេះស្ដាប់ភាសា ក៏អាចទស្សនាបានយ៉ាងងាយយល់ផងដែរ។ ដើម្បីកុំឱ្យខាតពេលយូរ សូមអញ្ជើញទស្សនាវីដេអូចាងក្រោយនេះ ៖

សេចក្តីរាយការណ៍ថ្មីៗនេះពីសារព័ត៌មាន​ Independent បានរាយការណ៍នៅមុននេះបន្តិចថា មនុស្សស្លាប់ក្នុងគ្រោះទឹកជំនន់​នៅភាគខាងលិចប្រទេសជប៉ុន​បានកើនឡើងដល់ជាង 100នាក់ហើយ។

នៅក្នុងនោះ​មនុស្សជិត 13,000នាក់​​កំពុងរស់នៅដោយគ្មានចរន្តអគ្គិសនីយ និង​គ្មាន​ទឹកស្អាត ខណៈក្រុមជួយសង្គ្រោះកំពុងព្យាយាម​ជួយសង្គ្រោះ។

តាមសេចក្តីរាយការណ៍ពីសារព័ត៌មាន NHK បានឱ្យដឹងថា​មនុស្សយ៉ាងហោចណាស់ 110នាក់​បាន​សល់បន្ទាប់ពីទទួលរងការវាយលុកដោយទឹកជំនន់​ ស្របពេលដែល​មនុស្ស​ច្រើនលាននាក់​ត្រូវបានជម្លៀសចេញ​ពី​លំនៅដ្ឋាន ហើយ​ក្នុងនោះ​មនុស្ស​ចំនួន 79នាក់​បានបាត់ខ្លួន៕

តាមរយៈសារព័ត៌មានថៃ MGR Online បានចេញផ្សាយមុននេះបន្ដិច បានឱ្យដឹងថា អ្នកជំនាញជ្រមុជទឹកចូលរូងភ្នំងថាំលួង បានចាប់ផ្ដើមប្រតិបត្តិការណ៍ទី 2 ដើម្បីចូលយកក្រុមក្មេងៗ ក្រុមជ្រូកព្រៃដែលនៅសល់ 9 នាក់ក្នុងឈុតទី 2។

បើតាមការណ៍ការពីអ្នកសារព័ត៌មានថៃ បានអះអាងថា ក្រុមអ្នកជ្រមុជបានចាប់ផ្ដើមចូលទៅប្រតិបត្តិការណ៍គម្រោងទី 2 នេះ នៅវេលាម៉ោង 1 រសៀល ដែលមានជនជាតិបរទេសចំនួន 10 រូប ដើម្បីជួយសង្គ្រោះអ្នកនៅសល់ទាំង 9 នាក់នៅរង់ចាំត្រង់ចំនុចទួលដោះក្រមុំ ឆ្ងាយពីមាត់ច្រករូងភ្នំថាំលួង 3.7 គីឡូម៉េត្រ។

គួរបញ្ជាក់ផងដែរថា នៅក្នុងថ្ងៃនេះ ក្រុមអ្នកជំនាញជួយសង្គ្រោះបានធ្វើការផ្លាស់ប្ដូរផែនការ ខុសពីថ្ងៃម្សិលមិញដែលបាននាំចេញតែក្មេងៗដែលមានសុខភាពរឹងមាំ ពោលគឺ លោកវេជ្ជបណ្ឌិត រីឆាត ហ៊ែរីស ជាអ្នកត្រួតពិនិត្យសុខភាពក្មេងៗ បានអះអាងថា នៅក្នុងថ្ងៃនេះ នឹងនាំចេញតែចំពោះក្មេងៗដែលមានសុខភាពអន់ខ្សោយជាងគេបង្អស់ ដោយទុកអ្នកនៅសល់មានសុខភាពមាំមួន៕

តាមរយៈសារព័ត៌មាន Teenee បានឱ្យដឹងថា បើតាមគ្រូពេទ្យ និងក្រុមអ្នកជំនាញជួយសង្គ្រោះស្ម័គ្រចិត្តបានបង្ហើបហេតុផលដែលត្រូវនាំ 4 អ្នកនាក់ដំបូង នៃក្រុមជ្រូកព្រៃចេញពីរូងភ្នំថាំលួងជាឈុតដំបូង។

ចំណែកក្រុមឧតុនិយមវិញ បានបង្ហាញពីការព្រួយបារម្ភចំពោះភ្លៀងធ្លាក់ខ្លាំងដែលនាំឱ្យមានគ្រោះថ្នាក់ ធ្វើឱ្យកម្រិតកម្ពស់ទឹកនៅក្នុងរូងភ្នំកើនឡើង និងណែនាំឱ្យប្រញាប់នាំ 9 នាក់ដែលនៅសល់ ចាកចេញពីរូងភ្នំឱ្យបានលឿនបំផុត។

បើតាមការបញ្ជាក់ពីក្រុមគ្រូពេទ្យជំនាញ បានរាយការណ៍ប្រាប់អ្នកសារព័ត៌មានថា ឈុតដំបូងដែលត្រូវនាំចេញពីរូងភ្នំទាំង 4 នាក់នេះ សំខាន់បំផុតគឺការពិនិត្យសុខភាពរាងកាយ និងផ្លូវចិត្ត។ បើទោះបីជាគ្មាននរណាម្នាក់បានឃើញពីការនាំក្មេងៗចេញមកខាងក្រៅដោយវិធីជ្រមុជទឹកបែបណាក៏ដោយ តែប្អូនទាំង 4 នាក់ដែលនាំចេញមកបាន សុទ្ធតែមានសភាពរាងកាយរឹងមាំ បានចេញមកមុន។

ចំនែកអ្នកដែលនៅសល់ 9 នាក់ទៀត បើទោះបីជាក្មេងៗប្រុស តែក្រុមអ្នកចិត្តវិទ្យា បានអះអាងថា ពួកគេនៅមិនទាន់មានភាពក្លាហានគ្រប់គ្រាន់ និងដើម្បីបញ្ចៀសនូវបញ្ហាគ្រោះថ្នាក់កើតឡើងពីការជ្រមុជទឹក ទើបត្រូវឱ្យនៅរង់ចាំសិន។

គួរបញ្ជាក់ផងដែរថា ការពិចារណានាំអ្នកដែលមានសភាពរាងកាយរឹងមាំចេញមកមុនគឺជារឿងសំខាន់ និងមាននៅសល់ខ្លះទៀត មានជំងឺហ៊ឺត ។

ដោយឡែកករណីគ្រូបង្វឹកវិញ អាចនឹងមានអាការជំងឺនៅត្រឹមកម្រិតព័ណ៌លឿង ដែលគ្រូពេទ្យបានណែនាំឱ្យនៅថែរក្សារាងកាយឱ្យរឹងមាំជាមុនសិន។

សូមជម្រាបបន្ថែមថា ខណៈនេះនៅតំបន់ខេត្ត ឈៀងរ៉ាយ កំពុងមានភ្លៀងធ្លាក់តាមរយៈៗ ដែលបង្កឱ្យមានក្ដីបារម្ភ និងប្រញាប់យកអ្នកនៅសល់ទាំង 9 នាក់ឱ្យបានចេញពីរូងកាន់តែលឿនបំផុត៕