Category: សង្គម និងសេដ្ឋកិច្ច

ផ្ទុះសង្ស័យ !! ឈ្មោះ « ការកេត » ក្នុងរឿងភាគល្បីថៃ លួចគំនិតចេញពីរឿងខ្មែរនៅអំឡុងឆ្នាំ1962
នៅពេលថ្មីៗនេះ ស្រាប់តែអ្នកលេងបណ្ដាញសង្គមហ្វេសប៊ុកបានទម្លាយការសង្ស័យចំពោះរឿងភាគល្បីរបស់ប្រទេសថៃ មានចំណងជើងថា « បុព្វេសន្និវាស » ដែលតួឯកស្រីមានឈ្មោះថា « ការកេត » និងត្រូវបានសង្ស័យថា លួចគំនិតចេញពីរឿងខ្មែរនៅអំឡុងឆ្នាំ1962 ដែលមាននៅក្នុងឯកសាស្រាវជ្រាវរបស់សៀវភៅ « មួយម៉ឺនអាល័យ » របស់ក្រុមព្រះសូរិយា។
ដោយផ្អែកលើការបញ្ជាក់របស់គណនី Viriya Lim បានលើកឡើងថា « ភស្តុតាងច្បាស់ចែស ថៃលួចកុនខ្មែរដែលថតតាំងពីឆ្នាំ 1962 មាន សាក់ ស៊ីស្បោង ជាតួរងផង។ សំខាន់ គាត់នៅរស់រានមានជីវិត ឯប្រទេសអាឡឺម៉ង់ដល់សព្វថ្ងៃ។ សាក្សីរស់ រឿង ការកេត! »។ ប្រភពដដែរបានបន្ដ« រឿង ការកេត ដែលក្មេងៗភ្លូកទឹកភ្លូកដី លើកតម្កើង ថាជារឿងថៃល្បី។ ក្នុងសៀវភៅ សរសេរថា រឿងខ្មែររាប់រយរឿង ដែលផលិតកម្មថៃ ស្នើសូមសិទ្ធិដាក់បញ្ចាំងនៅបាងកក។ 1960 ដល់ 1670 ជាយុគមាស នៃវិស័យភាពយន្តខ្មែរ ល្បីទូទាំងពិភពលោក»។
តែយ៉ាងណាមិញ អ្នកលេងបណ្ដាញសង្គមមួយចំនួនទៀត បានយល់ឃើញថា នោះគ្រាន់តែមានឈ្មោះតួស្រី « ការកេត » ដូចគ្នាតែប៉ុណ្ណោះ តែសាច់រឿងប្រហែលខុសគ្នាក៏ថាបាន៕
July 20, 2018
ពិតទេ ! លោក អែតវីន សាងប្រជាប្រិយភាពតាមរយៈរូបភាពសិចស៊ី ?
តាមរយៈបណ្ដាញទំនាក់ទនងសង្គមហ្វេសប៊ុក បានឱ្យដឹងថា តារាសម្ដែង លោក អែតវីន កន្លងបានទម្លាយរូបភាពសិចស៊ី នៅលើបណ្ដាញទំនាក់ទំនងសង្គមហ្វេសប៊ុក ដែលបង្កឱ្យមហាជនភាគច្រើនមានការងឿងឆ្ងល់ថា លោកមានគោលបំណងចង់បានប្រជាប្រិយភាពឬយ៉ាងណា?
គួរកត់សម្គាល់ដែរថា លោក យិត មាសឧស្សាហ៍ ហៅ អែតវីន បានក្លាយជាតារាសម្តែងប្រុសមួយរូប ដែលទទួលបានការគាំទ្រច្រើន ពីសំណាក់ទស្សនិកជន ខណៈតារារូបនេះធ្លាប់បានសម្តែង ខ្សែភាពយន្តជាច្រើន។ ជាមួយគ្នានេះ រាល់ភាពយន្ត ដែលលោកសម្តែងភាគច្រើន សុទ្ធសឹងតែទទួលបាននូវការកោតសរសើរ ពីផលិតករ និងទស្សនិកជន ដោយសារតារារូបនេះ មិនត្រឹមតែមានរូបសម្បត្តិស្រស់សង្ហារនោះតែ ថែមទាំងពោរពេញដោយសមត្ថភាព ទេពកោសល្យខាងសិល្បៈទៀតផង។
គួរបញ្ជាក់ដែរថា បើងាកមកការប្រើប្រាស់ជីវិតឯកជន និងរឿងអាស្រូវផ្សេងៗ ក្នុងការងារសិល្បៈ លោកអែតវីន ក៏មានមិនតិចនោះដែរ ពោលគឺកាលពីមួយរយៈមុន ខណៈដែលលោកបង្ហាញ រូបភាពសិចស៊ីក្នុងបណ្តាញសង្គមហ្វេសប៊ុក ដែលទម្លាយពីរូបរាងគួរឲ្យទាក់ទាញ និងសាច់ដុំធំៗនោះ គឺត្រូវបានទស្សនិកជនសង្ស័យថា ទំនង់ជា ដើម្បីទាក់ទាញ់ចំណាប់អារម្មណ៍ ពីបុគ្គលដែលមានចំណងផ្លូវភេទ ហើយមើលទៅ។ ការមន្ទិលនេះ នៅមិនទាន់ការបកស្រាយពីសមីខ្លួននៅឡើយទេ។
សូមរំឭកដែរថា អែតវីន ជាបេក្ខភាពចំណាត់ថ្នាក់លេខ1 ផ្នែកខាងតារាបង្ហាញម៉ូដបុរសនៅកម្ពុជាក្នុងកម្មវិធី”Mr Asia Contest Cambodia” ។ តារាបង្ហាញម៉ូដរូបនេះតែម្នាក់គត់ ដែលបានមានឱកាសទៅចូលរួមក្នុងការប្រកួតក្នុងកម្មវិធី”Mr Asia Contest ” បង្កើតឡើងក្នុងគោលបំណងលើកស្ទួយវិស័យសិល្បៈក្នុងតំបន់អាស៊ី និងបានបញ្ចប់ទៅកាលពីពេលថ្មីនេះ ហើយជាលទ្ធផលតំណាងកម្ពុជាជាប់ជាតារាញញឹមស្រស់ សម្រាប់ការចូលរួមជាលើកដំបូងនេះ៕
July 20, 2018
Alisson បំពេញការផ្ទេរទៅកាន់ក្លិប Liverpool ក្នុងតម្លៃខ្លួនជាកំណត់ត្រាពិភពលោក
Liverpool បានឈានដល់ការព្រមព្រៀងគ្នាមួយ ជាមួយនឹងក្លិប Roma ដើម្បីនាំយកអ្នកចាំទី Alisson ក្នុងតម្លៃខ្លួនជាកំណត់ត្រាពិភពលោក៧២,៥លានអឺរ៉ូ (ស្មើនឹង៨៤,៤លានដុល្លារអាមេរិក)។ អ្នកចាំទីអន្តរជាតិប្រេស៊ីលរូបនេះ បានបំពេញការផ្ទេរជាផ្លូវការរបស់គេ ក្រោយពិបានទទួលការត្រួតពិនិត្យសុខរួចរាល់កាលពីល្ងាចថ្ងៃព្រហស្បតិ៍ មុននឹងត្រូវបានប្រកាសជាកីឡាកររបស់ Liverpool កាលពីរាត្រីថ្ងៃព្រហស្បតិ៍។
កីឡាកររូបនេះបានចុះកុងត្រារយៈពេលវែងមួយនៅឯកីឡដ្ឋាន Anfield ក្រោយពីត្រូវបានបញ្ចុះបញ្ចូលឲ្យជ្រើសរើសយកក្លិប Liverpool ដោយមិត្តរួមក្រុមប្រេស៊ីល Roberto Firmino និងការតេតាមទូរស័ព្ទពីលោក Jurgen Klopp ដែលជាគ្រូបង្វឹក។
Liverpool បានឲ្យដឹងនៅលើគេហទំព័ររបស់ខ្លួនថា៖ «កីឡាករវ័យ២៥ឆ្នាំរូបនេះ បានចុះហត្ថលេខារយៈពេលវែងជាមួយនឹងក្រុមហង្សក្រហម ក្រោយពីទទួលការត្រួតពិនិត្យសុខភពនិងបំពេញការផ្ទេរជាផ្លូវការរបស់គេនៅឯទីលានហ្វឹកហាត់ Melwood នៅថ្ងៃនេះ»។
ក្លិប Roma បានប្រកាសពីតម្លៃខ្លួននៃការផ្ទេរសម្រាប់ Alisson ដែលបានបង្ហាញខ្លួនក្នុងព្រឹត្តិការណ៍ World Cup ក្នុងប្រទេសរុស្ស៊ី។ ក្លិបរបស់ក្របខ័ណ្ឌ Serie A មួយនេះ បានឲ្យនៅលើបណ្តាញសង្គម Twitter ថា៖ «ក្លិប AS Roma អាចប្រកាសបាន Alisson Becker បានបំពេញការផ្ទេររសប់គេទៅកាន់ក្លិប Liverpool ក្នុងការផ្ទេរមួយដែលអាចនឹងមានតម្លៃខ្លួនដល់ទៅ៧២,៥លានអឺរ៉ូ»។
Alisson បានប្រាប់គេហទំព័រ liverpoolfc.com បានឲ្យដឹងថា៖ «ខ្ញុំពិតជារីករាយណាស់ វាជាសុបិនមួយដែលក្លាយជាការពិតក្នុងការពាក្យអាវដ៏មានកិត្យនុភាពមួយសម្រាប់ក្លិបមួយ ក្នុងទំហំបែបនេះ ដែលតែងតែស៊ាំនឹងការឈ្នះ»៕
ប្រភពពី៖ Sky Sports
July 20, 2018
ប្រាក់បញ្ញើជារូបិយប័ណ្ណកើនឡើង 20%ក្នុងឆមាសទី1 ឆ្នាំនេះ
ប្រាក់បញ្ញើជារូបិយប័ណ្ណបានកើនឡើង20% នៅឆមាសទីដើមឆ្នាំ20188 ដែលមានកំណើនខ្ពស់ជាងបន្តិចក្នុងរយៈពេលដូចគ្នាកាលពីឆ្នាំ។017។ ការកើនឡើងនៃអត្រាប្រាក់បញ្ញើជារូបិយប័ណ្ណនេះ គឺដោយសារការបន្តកើនឡើងនៃប្រាក់ចំណូល និងការសន្សំប្រាក់របស់ប្រជាជន រួមនឹងការបន្តទទួលបានលំហូរមូលធនចូលមកក្នុងសេដ្ឋកិច្ចតាមរយៈប្រព័ន្ធធនាគារផងដែរ។
យោងតាមរបាយការណ៍របស់ធនាគារជាតិនៃកម្ពុជាបង្ហាញថា អនុបាតប្រាក់បញ្ញើជារូបិយប័ណ្ណធៀបនឹងរូបិយវត្ថុទូទៅ និងប្រាក់បញ្ញើសរុបដែលឆ្លុះបញ្ចាំងពីស្ថានភាពដុល្លារូបនីយកម្ម នៅបន្តមានកម្រិតខ្ពស់ ប៉ុន្តែមានស្ថិរភាពក្នុងកម្រិតប្រមាណ84% និង95%រៀងគ្នាក្នុងរយៈពេលប្រមាណ 10ឆ្នាំចុងក្រោយនេះ។
ទន្ទឹមនឹងនេះប្រាក់បញ្ញើបានកើនឡើង21% ទាបជាងកំណើន24% នៅឆមាសទី1 ឆ្នាំ2017 ជាចម្បងដោយសារការថយចុះនៃអត្រាការប្រាក់បញ្ញើ។ ផ្ទុយទៅវិញរូបិយវត្ថុក្នុងចរាចរណ៍មានកំណើន22% ខ្ពស់ជាង18% ក្នុងរយៈពេលដូចគ្នាកាលពីឆ្នាំមុនដោយសារ៖ 1.កំណើនការប្រើប្រាស់ប្រាក់រៀលក្នុងអំឡុងបុណ្យចូលឆ្នាំប្រពៃណីជាតិ។ 2.ការបង្កើនចំណាយរដ្ឋាភិបាល និង3.ការដំឡើងប្រាក់ខែមន្ត្រីរាជការ និងកម្លាំងប្រដាប់អាវុធ។ ការណ៍នេះបង្ហាញពីការកើនឡើងជាបន្តបន្ទាប់ នូវជំនឿទុកចិត្តរបស់សាធារណជនលើប្រាក់រៀល និងតួនាទីកាន់តែសកម្មរបស់ប្រាក់រៀលនៅក្នុងសេដ្ឋកិច្ចដែលរួមចំណែករក្សាកម្រិតដុល្លាររូបនីយកម្ម មិនឱ្យកើតឡើងក្នុងពេលកន្លងមក។
ក្រៅពីនេះឥណទានចំពោះវិស័យឯកជនបានកើនឡើងបន្តិចប្រមាណ16.8% ធៀបនឹង16.5% នៅក្នុងខែមិថុនាឆ្នាំមុន ដែលបង្ហាញថា ចលនាសាច់ប្រាក់នៅក្នុងសេដ្ឋកិច្ចនៅតែបន្តរឹងមាំ និងគាំទ្រដល់កំណើនប្រាក់បញ្ញើជារូបិយប័ណ្ណ និងរូបិយវត្ថុទូទៅ។ កំណើនឥណទានចំពោះវិស័យឯកជនត្រូវបានគាំទ្រដោយការបន្តកើនឡើងនៃសកម្មភាពសេដ្ឋកិច្ច ទោះជាគ្រឹះស្ថានធនាគារ និងមីក្រូហិរញ្ញវត្ថុមានការប្រុងប្រយ័ត្នក្នុងការផ្តល់ឥណទាន និងត្រៀមទុកសាច់ប្រាក់ច្រើនជាងឆ្នាំមុនក៏ដោយ៕
July 20, 2018
ញាក់សាច់ ! ឌីជេ អាចារ្យធំ ចេញមុខពន្លះ G-Devith ឱ្យឆ្អែតបាយទៀតហើយ
ពិតជាភ្ញាក់ផ្អើលខ្លាំងនៅលើបណ្ដាញសង្គមហ្វេប៊ុក ដែលគេមើលឃើញថា តារាចម្រៀងរ៉េបប្រចាំផលិតកម្មរស្មីហង្សមាស គឺលោក G-Devith បានបញ្ចេញបទចម្រៀងថ្មី ដែលមានចំនងជើងថា “BODY” ជា ភាសាថៃ ធ្វើឱ្យមហាជន ជាពិសេសហ្វេនរបស់លោកជាច្រើន បានសរសើរពីទេព្យកោសល្យថ្មីរបស់លោក ដែលបានព្យាយាមវាយលុកទីផ្សារអន្តជាតិ។ ទន្ទឹមនឹងមានការគាំទ្រពីសំណាក់ជនជាតិថៃ និងខ្មែរមួយចំនួនហើយនោះ នៅក្នុងក៏មានមតិរិះគន់មួយចំនួនចេញពីមាត់អ្នកសិល្បៈជាតិនិយម គឺលោក អាចារ្យធំ នគររាជ ដែលត្រូវបានគេមើលឃើញថា លោកជាម្នាក់បានចូលរួមអភិរក្សវប្បធម៌បុរាណខ្មែរ នៅលើបណ្ដាញសង្គហ្វេសប៊ុក។
ភ្លាមៗតែម្ដង ឌីជេអាចារ្យធំ គ្រាន់តែបានឃើញវីដេអូចម្រៀងនេះភ្លែត ក៏ស្រាប់តែបោះសម្តីខ្លាំងៗថា « ឮតែ (ណង…សួយក៏ឌី)…??? នេះឬអ្នកសិល្បៈ(ខ្មែរ)???
ខ្មាសដូនតា! មិនគួរផែនដីនៃខឿនវប្បធម៌ដ៏អស្ចារ្យនេះ មានកោសិកាអវិជ្ជមានកើតបាន ហើយប្រឹងលូនទៅលិឍបាតជើងចោរ…! ។ (#ខ្មែរប្រឹងលួចថៃបច្ចុប្បន្ន) ឯ (#ថៃប្រឹងប្លន់អតីតកាលរបស់ខ្មែរ)។ លោកអាចប្រកាសប្រាប់ពិភពលោកបាន ថាលោកបានមកកើតច្រឡំប្រទេសទេ លោកប្ដូរសញ្ជាតិ ប្ដូរឈាមចុះ កុំឱ្យឈ្មោះជាតិខ្មែរនេះ នាំថោកដល់លោកឯង »។
គួររំឭកផងដែរថា មួយរយៈមុន ឌីជេអាចារ្យធំ ធ្លាប់មានសង្គ្រាមពាក្យសម្ដីឌឺដងដៀមដាមទៅកាន់តារាចម្រៀង G-Devith ថា ជាតារាចម្រៀងមិនជួយលើកស្ទួយនិងអភរិរក្សវប្បធម៌ប្រពៃណីខ្មែរ ជាតារាចម្រៀងប្លែកសលុយ ហើយចាត់ទុកថា ជាការបំផ្លាញវប្បធម៌ខ្មែរ ថែមទៀតផង៕
July 20, 2018
ឌីជេ ហេរ៉ូ អ្នកតំណាងឱ្យម្ចាស់បុរី RN VIP ពាំនាំអំណោយសប្បុរធម៌និងទឹកប្រាក់ចំនួន 1 ម៉ឺនដុល្លារជូនដល់មន្ទីរពេទ្យគន្ធបុប្ផា
នៅរសៀលថ្ងៃទី19 ខែកក្កដ ឆ្នាំ 2018 នេះពិធីករល្បីឈ្មោះប្រចាំស្ថានីយទូរទស្សន៍អាស៊ីអាគ្នេយ៍លោក ឌីជេ ហេរ៉ូ ដែលជាអ្នកតំណាងម្ចាស់បុរី RN VIP បានដឹកនាំក្រុមការងារ ពាំនាំអំណោចសប្បុរសធម៌យ៉ាងច្រើនដូចជា ម៉ាស៊ីបន្សុទ្ធទឹក កែវទឹកដែលអាចរក្សាកំដៅ និងប្រគល់ទឹកប្រាក់ចំនួន 1 ម៉ឺនដុល្លារសហរដ្ឋអាមេរិក ជូនដល់មន្ទីរពេទ្យគន្ធបុប្ផា។ ក្នុងពិធីនោះ លោកក៏បានគៀរគរតារាសិល្បៈមួយចំនួនរួមកញ្ញា ឌួង ហ្សូរីដា និងកញ្ញា ឌួង ហ្សូរីម៉ា ឱ្យមកចូលរួមផងដែរ ដើម្បីរួមគ្នាចែករំលែកអំពើល្អ។
លោកឌីជេ ហេរ៉ូ បានប្រាប់អ្នកសារព័ត៌មានឡារ៉ែនថា ក្រោយពីបានបំពាក់ម៉ាស៊ីបន្សុទ្ធទឹកចំនួន6គ្រឿងជូនដល់មន្ទីរពេទ្យ លោក និងក្រុមការងាររបស់បុរី RN VIP ជាច្រើនរូប ក៏ត្រូវជំនួសមុខឱ្យលោក វ៉ន វណ្ណៈ ម្ចាស់បុរី ហើយបានធ្វើពិធីប្រគល់ម៉ាស៊ីទាំងនោះជូនមន្ទីរពេទ្យ ដោយក្នុងពិធីនោះ ក៏មានការប្រគល់ទឹកប្រាក់ចំនួន20លានរៀល និងមានការចែកកែវទឹកដែលអាចរក្សាកំដៅ និងភាពត្រជាក់បាន ប្រមាណជា200កែវផង ជូនដល់គ្រួសារអ្នកជំងឺ និងអ្នកជំងឺ។ លោកថាការប្រគល់ថវិកា និងឧបករណ៍បន្សុទ្ធទឹកជូនដល់មន្ទីរពេទ្យនេះ គឺតបតាមការស្នើសុំរបស់មន្ទីរពេទ្យ ក្នុងពេលដែលខាងមន្ទីរពេទ្យ បានឱ្យម្ចាស់បុរី RN VIP លោក វ៉ន វណ្ណៈ ជាជួយបំពាក់ម៉ាស៊ីនចម្រោះទឹកស្អាតឱ្យអ្នកជំងឺ និងក្រុមគ្រូពេទ្យបានទទួលទាន ដើម្បីជាការកាត់បន្ថយការចំណាយលើទឹកសុទ្ធ ដើម្បីឱ្យបុគ្គលិក និងអ្នកជំងឺមានទឹកស្អាតទទួលទាន។
ជាមួយគ្នានោះដែរ លោក ហេរ៉ូ ប្រាប់បន្ដថា ម៉ាស៊ីបន្សុទ្ធទឹកនោះ មិនត្រឹមតែបំលែងទឹកម៉ាស៊ីពីក្បាលរ៉ូម៉ានេ ឱ្យក្លាយជាទឹកបរិសុទ្ធគ្មានមេរោគប៉ុណ្ណោះទេ ប៉ុន្តែទឹកនោះក៏មានគុណប្រយោជន៍សម្រាប់ឆុងទឹកដោះគោបានយ៉ាងដូចទឹកឆ្អិនផងដែរ ដែលលោកបានហៅគ្រឿងម៉ាស៊ីន ឬឧបករណ៍ចម្រោះទឹកស្អាតដែលបានបំពាក់នោះថា ជាការបំពេញតម្រូវការយ៉ាងប្រសើរដល់អ្នកជំងឺ ក្នុងការកាត់បន្ថយជំងឺពីការទទួលទានទឹកមិនស្អាត និងពីការចំណាយលុយលើការទិញទឹក។ លោកថា កាលពីលើកទឹក1 បងធម៌របស់លោកដែលជាម្ចាស់បុរី បានបរិច្ចាគថវិកាប្រមាណ5លានជួយដល់មន្ទីរពេទ្យម្ដងហើយ ហើយមកពីបងធម៌ខ្លួនមើលឃើញពីកង្វះខាតដែលមានការចាំបាច់នៅក្នុងមន្ទីរពេទ្យគន្ធបុប្ផា ទើបសម្រេចបំពាក់ទាំងម៉ាស៊ីនទឹកស្អាតឱ្យ និងបន្ថែមទាំងប្រាក់20លានរៀលទៀត ដោយមិនរាប់បញ្ចូលការចុះចែកលើកែវទឹកអនាម័យជាច្រើនរយកែវ ជូនដល់គ្រួសារអ្នកជំងឺ។
លោកបានបញ្ជាក់ផងដែរថា លោកមានអារម្មណ៍សប្បាយចិត្តណាស់ ដែលម្ចាស់ជំនួញធំៗច្រើនឡើង កាន់តែងាកមករួមចំណែកជួយសង្គម ជាពិសេសគឺជួយបរិច្ចាគនូវផលចំណេញ ជូនដល់មន្ទីរពេទ្យគន្ធបុប្ផា៕

July 20, 2018
សិស្សប្រឡងបាក់ឌុបឆ្នាំមុន អាចដកសញ្ញាបត្រនៅឆ្នាំនេះបាន
ក្រសួងអប់រំ យុវជន និងកីឡា បានចេញសេចក្តីប្រកាសមួយកាលពីព្រឹកមិញនេះឱ្យមន្ត្រីអប់រំនៅតាមមន្ទីរនានានៅទូទាំងប្រទេសមកយកសន្លឹកសញ្ញាបត្រមធ្យមសិក្សាទុតិយភូមិសម្រាប់សម័យប្រឡងថ្ងៃទី21 ខែសីហា ឆ្នាំ2017។
សន្លឹកសញ្ញាបត្រនេះត្រូវបានផលិតរួចរាល់ និងចែកជូនបេក្ខជនដែលប្រឡងជាប់មធ្យមសិក្សាទុតិយភូមិដោយឥតគិតថ្លៃ។ ក្រសួងក៏បានណែនាំឱ្យមន្ទីរអប់រំ យុវជន និងកីឡា នៅទូទាំងប្រទេសផ្សព្វផ្សាយឱ្យបានទូលំទូលាយតាមគ្រប់មធ្យោបាយដើម្បីសិស្សមកដកយកសញ្ញាបត្ររបស់ខ្លួនឱ្យបានគ្រប់គ្នា។
គួរបញ្ជាក់ថា មុនពេលធ្វើកំណែទម្រង់ប្រព័ន្ធអប់រំ សិស្សត្រូវរង់ចាំជាច្រើនឆ្នាំទើបអាចដកសញ្ញាបត្រមធ្យមសិក្សាទុតិយភូមិរបស់ខ្លួនបាន តែសម្រាប់ប៉ុន្មានឆ្នាំចុងក្រោយនេះ ក្រសួងអប់រំ យុវជន និងកីឡា បានពន្លឿនការបោះពុម្ពសន្លឹកសញ្ញាបត្រមធ្យមសិក្សាទុតិយភូមិ ដើម្បីបង្កើនភាពងាយស្រួលដល់បេក្ខជនទាំងអស់ដែលបានប្រឡងបាក់ឌុបជាប់អាចដកសញ្ញាបត្រផ្លូវការរបស់ខ្លួនដើម្បីប្រើប្រាស់បានយ៉ាងលឿន៕
July 20, 2018
GENTING HIGHLANDS មជ្ឈមណ្ឌលកម្សាន្តនៅប្រទេស ម៉ាឡេស៊ី មានអ្វីឱ្យរំភើបខ្លះទៅ?
ពេលនិយាយពីការទៅដើរលេងកម្សាន្តនៅប្រទេសម៉ាឡេស៊ី មណ្ឌលទេសចរណ៍ដ៏ល្បីល្បាញដែលមនុស្សជាច្រើនត្រូវតែនឹកដល់មុនគេបង្អស់នោះគឺ ហ្គេនធីង ហាយលែនដ៍ ហ្នឹងឯង តែដឹងឬទេថា តើនៅទីនោះមានកន្លែងកម្សាន្តបែបណាខ្លះ ឬមានដំណើរកម្សាន្តអ្វីដែលគួរឱ្យចាប់អារម្មណ៍ខ្លះទៅ? តាម ឡារ៉ែន មក ថ្ងៃនេះយើងនឹងនាំទៅលុកលុយមណ្ឌលទេសចរណ៍ ហ្គេនធីង ហាយលែនដ៍ទាំងអស់គ្នា។
ហ្គេនធីង ហាយលែនដ៍ (Genting Highlands) ស្ថិតនៅក្នុងរដ្ឋ ប៉ាហាំង ដែលនៅឆ្ងាយពីទីក្រុងគូឡាឡាំពួ ប្រមាណជា51គីឡូម៉ែត្រ ដោយស្ថិតនៅលើកំពូលភ្នំដែលមានកម្ពស់ដល់ទៅ2,000ម៉ែត្រ ទើបធ្វើឱ្យទីនោះមានធាតុអាកាសត្រជាក់ និងមានអ័ព្ទពេញមួយឆ្នាំទល់មួយឆ្នាំ។ ផ្ទៃដីខាងលើមិនមែនមានតែភាពស្រស់ស្អាតរបស់ធម្មជាតិ និងទេសភាពដ៏ល្អអស្ចារ្យប៉ុណ្ណោះទេតែនៅពេញទៅដោយភាពកម្សាន្តសប្បាយដ៏ច្រើនរូបបែប ទាំងកាស៊ីណូ សណ្ឋាគារប្រណីតរោងភាពយន្ត ទីលានវាយកូនហ្គោល និងសួនកម្សាន្ត 2កន្លែងគឺ Outdoor Theme Park និង First World Indoor Theme Park រួមទាំងកិច្ចការងារកម្សាន្តផ្សេងៗទៀតជាច្រើនដែល ឡារ៉ែន នឹងប្រមូលយកមកជម្រាបជូនមិត្តអ្នកអានដូចតទៅ ៖
1. ជិះកន្ត្រកខ្សែរ៉ក Awana Skyway
ដោយសារតែ ហ្គេនធីង ហាយលែនដ៍ ស្ថិតនៅលើកំពូលភ្នំដែលមានកម្ពស់លើនីវ៉ូទឹកសមុទ្រដល់ទៅ 2,000ម៉ែត្រ ដូច្នេះហើយទើបវិធីដែលងាយស្រួលបំផុតដែលយើងនឹងឡើងទៅដល់លើនោះបានគឺ ការជិះកន្ត្រកខ្សែរ៉កហ្នឹងឯង ហើយក្នុងអំឡុងការជិះឡើងនេះ ក្រៅពីនឹងបានជក់ចិត្តលង់ទៅជាមួយធាតុអាកាសនៅលើភ្នំដែលត្រជាក់ពេញមួយរយៈពេលនៃការជិះនោះហើយ អ្នកទេសចរនៅបានទទួលបទពិសោធន៍ដ៏គួរឱ្យរំភើបញាប់ញ័រតាមរយៈទស្ស-នីយភាពរបស់ព្រៃសន្សើមដែលមានអាយុច្រើនជាង130លានឆ្នាំ ដែលស្ថិតនៅខាងក្រោមនោះទៀតផង។
2. ទីសក្ការៈអាទិទេពស័ក្តិសិទ្ធិនៃ Chin Swee Caves Temple
បើអ្នកណាមានឱកាសបានមកលេង ហ្គេនធីង ហាយលែនដ៍ ឡារ៉ែន សូមណែនាំថា គួរតែទៅគោរពសក្ការៈរូបចម្លាក់របស់ ព្រះអាចារ្យ ឈិន ស្វ៊ី ជាអាទិទេពដែលអ្នកស្រុកនៅមណ្ឌល ហ្វូ៊ចៀន ផ្ដល់នូវការគោរពបូជាយ៉ាងខ្លាំង រួមទាំងអ្នកទេសចរជនជាតិម៉ាឡេស៊ី និងជនជាតិបរទេសផងក៏និយមទៅធ្វើបុណ្យសក្ការៈជាប់ជានិច្ចដែរ។ វត្ត ឈិន ស្វ៊ី ស្ថិតនៅក្នុងព្រៃថ្មដែលមានកម្រិតកម្ពស់លើនីវ៉ូទឹកសមុទ្រដល់ទៅ4,600ហ្វ៊ីត នៅខាងក្នុងវត្តប្រកបទៅដោយចេតិយ9ជាន់បែបចិន ព្រះពុទ្ធរូបថ្មដ៏ធំ រូបចម្លាក់ម្ចាស់ម៉ែគង់ស៊ីអីុម បន្ទប់មើលទេសភាព កន្លែងប្រតិបត្តិធម៌ និងភោជនីយដ្ឋានម្ហូបបួស រួមទាំងរូបចម្លាក់ផ្សេងៗដែលតម្រៀបគ្នាជាជួរនៅតាមផ្លូវដើរលើចង្កេះភ្នំ។
3. បេះផ្លែ ស្រ្តបឺរី នៅ Strawberry Leisure Farm
កិច្ចការងារកម្សាន្តមួយក្នុងចំណោមកិច្ចការងារកម្សាន្តដែលមិនគួររំលងនៅពេលទៅលេងប្រទេសម៉ាឡេស៊ី លើភ្នំហ្គេនធីង ហាយលែនដ៍នោះគឺ ការសប្បាយជក់ចិត្តជាមួយការបេះផ្លែស្រ្តបឺរីធំៗ ពណ៌ក្រហមរលោង ផ្អែមត្រជាក់នៅក្នុង Strawberry Leisure Farm ដែលនៅខាងក្នុងកសិដ្ឋាននោះ ក្រៅពីមានផ្លែស្រ្តបឺរីឱ្យបេះ និងថតរូបទុកជាអនុស្សាវរីយ៍ហើយ ទីនេះនៅមានវត្ថុគួរឱ្យចាប់អារម្មណ៍ផ្សេងៗទៀតជាច្រើន មានទាំង សណ្ដែកបណ្ដុះ ឥន្ទ្រីយ និងរុក្ខជាតិក្នុងផើងពពួកដើមផ្កាអ័រគីដេដ៏ច្រើនប្រភេទ រួមទាំងហាងកាហ្វេ និងហាងលក់វត្ថុអនុស្សាវរីយ៍ដែលអនុញ្ញាតឱ្យភ្ញៀវចូលទស្សនា និងទិញយ៉ាងសប្បាយដៃ។
4. បើកពិភពមហស្ចារ្យ នៅ Cyber World First World Hotel
Genting Cyber World គឺមជ្ឈមណ្ឌលរួមនៃការកម្សាន្តដែលអាចបានជួបនៅក្នុង First World Plaza នៅលើហ្គេនធីង ហាយលែនដ៍ ដែលទីនោះនឹងបើកបម្រើសេវាកម្មពេញ24ម៉ោងតែម្ដង ក្រៅពីនេះនៅផ្ដល់សេវាកម្មអុីនធើណិតល្បឿនលឿនទៀតផង។ ភាគច្រើនអ្នកដែលមកទីនេះច្រើនតែមកលេងហ្គេម លេងក្ដារលើទឹករលករួមទាំងជក់ចិត្តដិតអារម្មណ៍ជាមួយបទពិសោធដ៏សម្បូរបែបពីវត្ថុជួយបង្កើនភាពងាយស្រួលតាមរយៈពិភពឌីជីថល ក្រៅពីនោះ នៅខាងក្នុងក៏មានសួនកម្សាន្តសម្រាប់ឱ្យក្មេងៗបានសប្បាយរីករាយផងដែរ។
ក្រៅពីទាំងអស់ខាងលើនេះហើយ ហ្គេនធីង ហាយលែនដ៍ នៅពេញទៅដោយវត្ថុជួយបង្កើនភាពងាយស្រួល និងទីកន្លែងកម្សាន្តដែលគួរឱ្យសប្បាយរីករាយជាច្រើនទៀត ដែលអាចសប្បាយបានគ្រប់ភេទគ្រប់វ័យតែម្ដង ហើយថែមទាំងស្ថិតនៅមិនឆ្ងាយពីប្រទេសរបស់យើងប៉ុន្មានឡើយ។ អ្នកណាដែលកំពុងសម្លឹងរកមើលកន្លែងដើរលេងសប្បាយទាំងគ្រួសារនៅក្រៅប្រទេសជិតៗខ្លួននោះ ទីនេះក៏ជាជម្រើសមួយដែលគួរឱ្យចាប់អារម្មណ៍ដែរ៕
July 20, 2018
ស្ថាប័នហិរញ្ញវត្ថុ 6 ផ្តល់កម្ចីលើការអប់រំវិស័យទេសចរណ៍
ស្ថាប័នហិរញ្ញវត្ថុចំនួន6 ចាប់ផ្តើមផ្តល់ប្រាក់កម្ចីជាពិសេសដើម្បីជួយដល់និស្សិតសម្រាប់ការអប់រំវិស័យទេសចរណ៍។ កម្មវិធីនេះព្យាយាមដោះស្រាយបញ្ហាកង្វះអ្នកជំនាញទេសចរណ៍ដោយលើកកម្ពស់លទ្ធភាពទទួលបានឥណទានរបស់និស្សិតដែលនឹងត្រូវប្រើប្រាស់ដើម្បីផ្តល់ហិរញ្ញប្បទានដល់វគ្គសិក្សានៅតាមសាកលវិទ្យាល័យ និងមជ្ឈមណ្ឌលវិជ្ជាជីវៈ។ នេះបើតាមសេចក្តីប្រកាសរបស់ក្រសួងទេសចរណ៍។
សេចក្តីប្រកាសនេះបានឱ្យដឹងថា ស្ថាប័នហិរញ្ញវត្ថុចំនួន6 រួមមានៈ ធនាគារ អេស៊ីលីដា(ACLEDA Bank) ធនាគារ កាណាឌីយ៉ា (Canadia Bank) ហ្វូតាបាមីក្រូហិរញ្ញវត្ថុ (Futaba Micro Finance) ហត្ថាកសិករ លីមីតធីត (Hattha Kaksekar Limited) គ្រឹះស្ថានមីក្រូហិរញ្ញវត្ថុ ក្រេឌីត(KREDIT Microfinance Institution Ltd) និងគ្រឹះស្ថានមីក្រូហិរញ្ញវត្ថុ សេអឹមកា CMK Microfinance Institution បានចូលរួមក្នុងគម្រោងហិរញ្ញប្បទានដែលដឹកនាំដោយរដ្ឋាភិបាល។
ក្រសួងបានបន្តឱ្យដឹងថា ដំណើរការទាក់ទងនឹងការធានាប្រាក់កម្ចី គឺមានលក្ខណៈសាមញ្ញហើយលក្ខខណ្ឌត្រូវបានរក្សាទុកទាប រួមទាំងមិនមានតម្រូវការវត្ថុបញ្ចាំ។ ការទូទាត់នឹងមានរយៈពេលប្រហែល 7ឆ្នាំ ដោយអ្នកខ្ចីអាចមានជម្រើសផ្សេងៗដើម្បីសងប្រាក់កម្ចីក្នុងអត្រាការប្រាក់ទាប។
ក្រសួងបានបញ្ជាក់ទៀតថា ការទូទាត់សងមានច្រើនជម្រើសដែលរួមមាន៖
-នៅក្នុងអំឡុងពេលសិក្សា អ្នកខ្ចីអាចបង់សងតែការប្រាក់ប្រមាណ 4ដុល្លារក្នុង 1ខែសម្រាប់ទំហំប្រាក់កម្ចីចំនួន 500ដុល្លារ។
-នៅក្នុងអំឡុងពេលសិក្សា អ្នកខ្ចីអាចបង់ប្រាក់ដើម និងការប្រាក់ប្រមាណ 46ដុល្លារក្នុង 1ខែក្នុងរយៈពេល 1ឆ្នាំសម្រាប់ទំហំទឹកប្រាក់កម្ចីចំនួន 500ដុល្លារ។
-បន្ទាប់ពីបញ្ចប់ការសិក្សា ពេលរកការងារធ្វើបានហើយ ទើបអ្នកខ្ចីបង់សងក៏បាន ដែលមានទាំងប្រាក់ដើម និងការប្រាក់ប្រមាណ 46ដុល្លារក្នុង 1ខែក្នុងរយៈពេល 1ឆ្នាំ សម្រាប់ទំហំទឹកប្រាក់កម្ចីចំនួន 500ដុល្លារ។
លោក ហូ វណ្ឌី អគ្គលេខាធិការនៃសម្ព័ន្ធភាពទេសចរណ៍ជាតិកម្ពុជា បានកោតសរសើរកម្មវិធីនេះដោយនិយាយថា វានឹងបង្កើនធនធានមនុស្សនៅក្នុងឧស្សាហកម្មនេះ។ “វាគឺជាឱកាសដ៏ល្អមួយសម្រាបនិស្សិតក្នុងការពង្រឹងជំនាញរបស់ពួកគេហើយវាចាំបាច់ខ្លាំងណាស់ព្រោះវិស័យបដិសណ្ឋារកិច្ចនៅកម្ពុជាបច្ចុប្បន្ន ខ្វះអ្នកជំនាញ ជាពិសេសនៅក្នុងសណ្ឋាគារ ផ្ទះសំណាក់ ក្រុមហ៊ុនអាកាសចរណ៍ ទីភ្នាក់ងារទេសចរណ៍ និងភោជនីយដ្ឋាន”។
លោក ហូ វណ្ឌី អគ្គលេខាធិការនៃសម្ព័ន្ធភាពទេសចរណ៍ជាតិកម្ពុជា
ឯកឧត្តម ថោង ខុន រដ្ឋមន្ត្រីក្រសួងទេសចរណ៍បានថ្លែងជារឿយៗថា វិស័យទេសចរណ៍មានសក្ដានុពលយ៉ាងសំខាន់ក្នុងការរួមចំណែកអភិវឌ្ឍសេដ្ឋកិច្ចសង្គមកម្ពុជាដោយបានបង្កើតការងារជូនពលរដ្ឋកាត់បន្ថយការចំណាកស្រុកទៅរកការងារធ្វើនៅក្រៅប្រទេសព្រមទាំងជួយកាត់បន្ថយភាពក្រីក្រផងដែរ។
ឯកឧត្តមបានបន្តថា ដើម្បីរក្សាតម្រូវការក្នុងវិស័យទេសចរណ៍កម្ពុជាត្រូវការការបណ្ដុះបណ្ដាលយ៉ាងហោចណាស់ចំនួន 5ម៉ឺននាក់ក្នុងមួយឆ្នាំ។“គោលនយោបាយរបស់យើងនៅតែបន្តជំរុញឱ្យមានអ្នកជំនាញទេសចរណ៍នៅកម្ពុជា ហើយយើងជឿថា នេះជាមធ្យោបាយដ៏ល្អក្នុងការធ្វើដូច្នេះ”។ គិតត្រឹមរយៈពេល 5ឆ្នាំមកនេះវិស័យទេសចរណ៍បានរកចំណូលចូលក្នុងសេដ្ឋកិច្ចជាតិប្រមាណ 15.145លានដុល្លារអាមេរិក។
សូមបញ្ជាក់ថា គិតត្រឹមឆ្នាំ2017 កម្ពុជាមានរមណីយដ្ឋានទេសចរណ៍ចុះបញ្ជីផ្លូវការប្រមាណ394កន្លែង រួមមានរមណីយដ្ឋានទេសចរណ៍វប្បធម៌ប្រវត្តិសាស្ត្រចំនួន 114កន្លែង រមណីយដ្ឋានវប្បធម៌ប្រវត្តិសាស្ត្រធម្មជាតិ 21កន្លែង រមណីយដ្ឋានកែច្នៃ33កន្លែង រមណីយដ្ឋានទេសចរណ៍វប្បធម៌ធម្មជាតិ27កន្លែង និងរមណីយដ្ឋានទេសចរណ៍ធម្មជាតិ 196កន្លែង។
រមណីយដ្ឋានទាំងអស់នេះបានទាក់ទាញភ្ញៀវទេសចរអន្តរជាតិនៅរយៈពេល 4ខែដើមឆ្នាំ2018នេះមានចំនួនជាង 2លាននាក់កើនឡើងជិត14% បើធៀបនឹងរយៈពេលដូចគ្នាកាលពីឆ្នាំ2017។ ទន្ទឹមគ្នានេះបើតាមការព្យាករកម្ពុជានឹងទទួលបានភ្ញៀវទេសចរអន្តរជាតិប្រមាណ 6លាន 2សែននាក់នៅដំណាច់ឆ្នាំ2018នេះ និងប្រមាណ 7លាននាក់នៅឆ្នាំ2020 ហើយអាចនាំមកនូវចំណូលប្រមាណ 5,000លានដុល្លារអាមេរិក និងអាចបង្កើតឱកាសការងារបានប្រមាណ 1លាននាក់ផងដែរ។
របាយការណ៍បានបញ្ជាក់ថា នៅឆ្នាំ2013 ចំណូលបានមកពីវិស័យទេសចរណ៍មានចំនួន 2,547លានដុល្លារ ឆ្នាំ2014 មានចំនួន 2,736លានដុល្លារ ឆ្នាំ2015មានចំនួន 3,012លានដុល្លារ ឆ្នាំ2016 មានចំនួន3,212លានដុល្លារ និងឆ្នាំ2017 មានចំនួន 3,638លានដុល្លារ។ សរុបក្នុងរយៈពេល 5ឆ្នាំមកនេះ វិស័យទេសចរណ៍រកចំណូលបានចំនួន 15,145លានដុល្លារអាមេរិក៕
July 20, 2018
ចាន់ សម័យ វិលចូលសិល្បៈវិញ និងមានការជ្រោមជ្រែងឱ្យចូលផលិតកម្មធំ
ក្រោយពីព្យាយាមបិទបាំងជីវិតឯកជន និងរស់នៅក្នុងស្ថានភាពលំបាកអស់រយៈពេលជាង 20ឆ្នាំមក ខណៈនេះតារាចម្រៀងប្រុស ចាន់ សម័យ ត្រូវបានសិល្បករ-សិល្បការិនីព្យាយាមស្វែងរកជំនួយសប្បុរសធម៌ដើម្បីជួយព្យាបាលជំងឺរបស់លោក និងទទូចឱ្យលោកវិលមកចូលសិល្បៈវិញ ដោយមានការជ្រោមជ្រែងពីសំណាក់អ្នកដឹកនាំកម្មវិធីទូរទស្សន៍ និងការគាំទ្រពីមហាជនផងដែរ។
ជាក់ស្តែង យោងតាមការរៀបរាប់ពីសាច់រឿងជីវិតដ៏កម្សត់ ម្ចាស់បទ «មិនស្រឡាញ់អូន មិនបាន» និងភរិយាព្រមទាំងកូនៗ គឺពិតជាជួបប្រទះនឹងបញ្ហាជាច្រើន រកព្រឹកខ្វះល្ងាច រកមួយថ្ងៃ រស់មួយថ្ងៃ ដោយសារតែលោក ចាន់ សម័យ ដែលជាមេគ្រួសារត្រូវទំនុកបម្រុងគ្រួសារទាំងមូលនេះបានធ្លាក់ខ្លួនមានជំងឺរបេងឆ្អឹង មិនអាចដើរបានស្រួលបួលដូចគេឯង រហូតត្រូវបង្ខំចិត្តផ្អាកពីការងារសិល្បៈ និងខិតខំស្វែងរកអាហារចិញ្ចឹមជីវិតតាមគ្រប់វិធី ដូចជាស្ទូចត្រីយកមកចិញ្ចឹមគ្រួសារ ជាដើម។
លោកបានបញ្ជាក់តាមរយៈការសម្ភាសនៅលើបណ្ដាញសង្គមនៅពេលថ្មីៗនេះថា លោកនឹងវិលត្រឡប់ចូលសិល្បៈវិញ បន្ទាប់ពីជំងឺរបេងឆ្អឹងរបស់លោកបានធូរស្រាល តែមិនទាន់បានប៉ុន្មានផងដោយសារតែការលើកទឹកចិត្តដ៏ច្រើនពីអ្នកគាំទ្ររបស់លោក លោកបានសម្រេចចិត្តចូលរួមក្នុងកម្មវិធីសិល្បៈមួយដែលមានឈ្មោះថា «ចម្រៀងគ្រួសារខ្មែរ» ថែមទាំងបានបកស្រាយចម្រៀងចំនួន 2បទដែលស្តាប់ទៅនៅតែពីរោះមិនធម្មតាដដែល។ ក្នុងនោះអ្នកនាង កាតុ ដែលបានចូលរួមក្នុងកម្មវិធីនេះផងដែរ បានសន្យាថា នឹងជួយរកខាងផលិតកម្មឱ្យលោកបានចូលច្រៀងវិញទៀតផង។
ជាការលើកទឹកចិត្ត សូមប្រិយមិត្តស្ដាប់ចម្រៀងរបស់លោកចាន់ សម័យទាំងអស់ខាងក្រោមនេះ៖
https://youtu.be/cQIWsMun_cM
July 19, 2018