Category: សង្គម និងសេដ្ឋកិច្ច

នាពេលថ្មីៗនេះ លើបណ្ដាញទំនាក់ទំនងសង្គមហ្វេសប៊ុករបស់តារាប្រុសដែលមានរហស្សនាម «កំពូលទើស»​ នៅក្នុងពិភពសិល្បៈ គឺលោក ម៉ៃ សុគន្ធ បានបង្ហោះរូបភាពជាច្រើនសន្លឹករបស់កំពូលតារាចម្រៀងប្រុសនៅក្នុងផលិតកម្មរស្មីហង្សមាស លោក ខេមរៈ សិរីមន្ដ ដែលគេមើលឃើញថា ម៉ៃ សុគន្ធ បានឌឺដងផ្លែផ្កាឱ្យសិរីមន្តចំពោះរឿងដែលលោក ខេមរៈ សិរីមន្ដ ជិះឧទ្ធម្ភាគ​ចក្រមកបោះទុនចូលប្រឡូកក្នុងវិស័យអចលនទ្រព្យ ពុះដីឡូត៍លក់។

ម៉ៃ សុគន្ធ បានបញ្ចេញពាក្យរិះគន់យ៉ាងធ្ងន់ៗដោយមិនខ្លាចរអាថា «ត្រឹមតែទៅលក់ដីនៅម្តុំវាលស្រែមួយរយសោះ ជិះសុទ្ធតែអេលីកុកទែរ(ឧទ្ធម្ភាគចក្រ) មើលតែទៅលក់ពេជ្រនៅឌូបៃ Bodia ថ្មីជានិច្ច អ្នកមានជាន់ថ្មីជាន់ដីអាលាក់ហើយ ឃើញថាឧកញ៉ាល្បីៗមួយចំនួនធំ ដែលមានរបរបើកលក់ដី​​ ឬបុរី គាត់នៅតែរក្សាជំហរដដែល មិនសម្បើមដូចអ៊ីចឹងសោះ ចម្លែកអីតែអ្នកចម្រៀងយើង បានអ៊ីចឹងគេប្រៀបធៀបទៅនឹង ក្ងោក មិនខុសមែន»។

តែយ៉ាងណាមិញ អ្នកគាំទ្ររបស់តារាចម្រៀង ខេមរៈ សិរីមន្ដ បាននិយាយតប Comment វិញថា «នេះគឺជាសិទ្ធិបុគ្គលទេ គេមានលុយ គេចង់ជិះអី ជារឿងរបស់គេហើយម៉េចក៏ទើសម្ល៉េះ?»៕

បើយោងតាមហ្វេសប៊ុកផ្លូវការរបស់ ទេព បូព្រឹក្ស នាងបានបង្ហោះរូបឪពុករបស់នាងមួយសន្លឹក ដោយភ្ជាប់ជាមួយនឹងសារថា «រីករាយថ្ងៃកំណើតលោកពុក សូមឱ្យពុកមានសុខភាពល្អ អាយុវែង»។

ជាមួយនឹងការបង្ហាញមុខឪពុកនេះផងដែរ ត្រូវបានអ្នកគាំទ្ររបស់នាងចាប់អារម្មណ៍យ៉ាងខ្លាំង ដោយសារមើលឃើញតាមរយៈរូបភាពថា ឪពុករបស់នាង គឺជាមន្ត្រីនគរបាលពាក់ស័ក្តិ5 ជាបុគ្គលមានមុខមាត់គួរសមក្នុងសង្គម តែអ្វីដែលសំខាន់ គឺកញ្ញា ទេព បូព្រឹក្ស បានបង្ហាញពីក្តីគោរពស្រឡាញ់ចំពោះឪពុកជាសាធារណៈ តាមរយៈការបង្ហោះសារជូនពរឪពុកក្នុងថ្ងៃខួបកំណើត។

ដូចប្រិយមិត្តបានដឹងហើយថា  ទេព បូព្រឹក្ស គឺជាតារាចម្រៀងបែបយុវវ័យមួយដួងដែលមានភាពល្បីល្បាញ និងទទួលបានការគាំទ្រច្រើនពីទស្សនិកជនជាពិសេសយុវវ័យ និងបច្ចុប្បន្នកំពុងតែជោគជ័យលើមុខជំនួញដែលសហការហ៊ុនគ្នាជាមួយនឹងលោក G-Devith ក្នុងការលក់គ្រឿងសម្អាង និងសម្លៀកបំពាក់ និងធ្វើឱ្យមហាជនកោតសរសើរគ្រប់គ្នាថា អ្នកទាំងពីរស័ក្តិសមគ្នាខ្លាំងណាស់ ព្រោះស្ទីលចេញមកបែបយុវវ័យដូចគ្នា៕

កុមារមិនស្តាប់ហេតុផល ឬក្លាយជាមនុស្សរឹងទទឹងមិនមែនជាកំហុសកុមារទាំងស្រុងនោះទេ តែវាអាចជាបញ្ហារបស់មនុស្សធំដែលរស់នៅជុំវិញពួកគេ ព្រោះ​ក្មេង​ជាអ្នកដែលមានខួរក្បាលទទេស្អាតហើយ​គ្រប់ឥរិយាបថដែលគេស្តែងឡើង​គឺជាការថតយករូបភាព​ពីមនុស្សធំ។ ម្យ៉ាងវិញទៀត កុមារ​ភាគច្រើន​អាចវិភាគរឿងរ៉ាវគ្រប់យ៉ាងបានដោយផ្អែកលើព័ត៌មានដែលគេទទួលបាន ហេតុនេះប្រសិនបើគេទទួលព័ត៌មានវិជ្ជមានបានច្រើន គេនឹងក្លាយជាមនុស្សល្អ តែប្រសិនបើគេទទួលបានព័ត៌មានអាក្រក់ច្រើន គេនឹងក្លាយជាមនុស្សដែលមិនស្តាប់ហេតុផល ហើយ​ក្លាយជា មេរំខាន និងបង្កើតជាក្តីព្រួយបារម្ភជាច្រើន​សម្រាប់អាណាព្យាបាល។

យោងតាម​ការស្រាវជ្រាវរបស់អ្នកជំនាញអប់រំ​បានឱ្យដឹងថា​កុមារ​ដែលមានវ័យក្រោម​ 6ឆ្នាំ​ សួរសំណួរប្រមាណ​ជាង 400ដងក្នុងមួយថ្ងៃ។ ព្រោះគេចង់ដឹងគ្រប់យ៉ាងដែលគេបានឃើញ ហើយម្យ៉ាងវិញទៀត​កុមារជាវ័យដែលមានការរីកលូតលាស់លឿនបំផុតហេតុនេះធ្វើឱ្យពួកគេក្លាយជាមនុស្សដែលឃ្លានទាំង​ចំណីអាហារ និង​ព័ត៌មានប្លែកៗសម្រាប់ជីវិត។

ជាកំហុសឆ្គងមនុស្សធំជាច្រើន​​តែងតែមានការធុញទ្រាន់ចំពោះសំណួរជាច្រើនដែលពួកគេគិតថាឥតប្រយោជន៍ ហើយឆ្លើយឱ្យតែរួចពីមាត់​ និង​មានអាណាព្យាបាលខ្លះ​ស្តីឱ្យ​កូនៗកុំឱ្យសួរច្រើនថែមទៀតផង។ កត្តាទាំងអស់នេះអាចធ្វើឱ្យពួកគេ​ព្យាយាមស្វែងរកចម្លើយដោយខ្លួនឯង ដោយមិនត្រឹមត្រូវ ហើយថែមទាំង​ក្លាយជាមនុស្សដែលមិនសូវយល់ហេតុផល​ថែមទៀតផង។

ការឆ្លើយសំណួររបស់ក្មេងតូចៗដោយយកចិត្តទុកដាក់ អាចធ្វើឱ្យពួកគេមានភាពកក់ក្តៅ ហើយមិនចង់នៅក្បែរ​ឧបករណ៍អេឡិចត្រូនិកច្រើនពេកនោះទេ ព្រោះ​ពួកគេមានភាពស្និទ្ធស្នាលច្រើន​ជាមួយមនុស្សធំ និងចង់នៅក្បែរមនុស្សធំដើម្បីទទួលបានចម្លើយ​ល្អៗសម្រាប់ពួកគេ។ ម្យ៉ាងវិញទៀត អាណាព្យាបាលក៏អាចប្រើប្រាស់វិធីមួយចំនួន​ដើម្បីកាត់បន្ថយសំណួរប្រកបដោយភាពវិជ្ជមាន ឬ​នាំពួកគេទៅកាន់ពិភព​អប់រំ​ប្រកបដោយ​គំនិតស៊ីជម្រៅ និងហេតុផល​ល្អៗជាច្រើន​សម្រាប់ជីវិតដែលវាជាមូលដ្ឋានគ្រឹះក្នុងការកសាងចរិតលក្ខណៈ និង​ឥរិយាបថល្អសម្រាប់ក្មេងៗ។

មនុស្សធំគួរតែសប្បាយចិត្តនៅពេលដែល​ក្មេងសួរសំណួរ​ថ្មីៗ ហើយ​ឆ្លើយប្រាប់គេដោយហេតុផលជាក់ស្តែងចំពោះរាល់ចម្ងល់ទាំងអស់នោះ។ ក្រៅពីនេះ​អាណាព្យាបាល​ក៏អាចចាប់យកចម្ងល់តូចមួយរបស់ក្មេងទៅពង្រីកឱ្យគេរីករាយក្នុងការស្វែងយល់​ដោយ​នាំពួកគេឱ្យមើលឃើញពីពិភពជាក់ស្តែងពាក់ព័ន្ធនឹង​អ្វីដែលគេសួរបានយ៉ាងល្អ។ ជាឧទាហរណ៍ ប្រសិនបើក្មេង​សួរពី​ប្រភេទបន្លែ យើងអាច​នាំពួកគេទៅកាន់សួនបន្លែដែលដាំនៅក្បែរផ្ទះ យកសៀវភៅវចនានុក្រមរូបភាព ឬស្វែងរកឱកាសល្អណាមួយដើម្បីនាំពួកគេទៅផ្សារ​ដើម្បីបង្ហាញពួកគេឱ្យឃើញពីប្រភេទបន្លែជាច្រើនទៀតដែលគេមិនទាន់ស្គាល់ ហើយបើពួកគេចាប់អារម្មណ៍ខ្លាំងពីវា យើងក៏អាចពន្យល់ពួកគេពីវិធីដែលគេដាំវាបានថែមទៀតផង។

ថ្វីត្បិតតែប្រភពព័ត៌មានខ្លះ វាមើលទៅដូចជាច្រើនហួសពីអ្វីដែលជាការគិតរបស់ក្មេង តែ​ធាតុពិត​សម្តីដែលក្មេងៗបានស្តាប់នឹងក្លាយជា​ប្រភព​ព័ត៌មានសម្រាប់ពួកគេ និង​អាចជួយរំឭកគេឱ្យមានការចងចាំបានកាន់តែល្អនៅពេលដែលគេជាប់ករណីជាក់ស្តែង។ ស្ថានភាពនេះហើយដែលយើងឃើញថា​ពេលខ្លះ​ក្មេងៗ មួយចំនួន​អាចដោះ-ស្រាយបញ្ហាបានល្អ ឬមានភាពឆ្លាតវៃជាងក្មេងដទៃ គឺដោយសារតែគេចំណាំនូវព័ត៌មាន​ងាយៗដែលមនុស្សធំណែនាំបានច្រើន។

វិធីសាស្រ្តល្អមួយផ្សេងទៀតដើម្បី​នាំក្មេងឱ្យ​យល់កាន់តែច្បាស់ពីការរស់នៅ និង​រីករាយជាមួយនឹង​សំណួរដែលគេសួរ អាណាព្យាបាល​អាច​ព្យាយាមអានរឿងខ្លីៗសម្រាប់កុមារ​ឱ្យបានច្រើន​ដើម្បីយកទៅនិយាយបន្តប្រាប់ពួកគេ នៅពេលដែលគេសួរពីហេតុផលនៃការរស់នៅ។

ជាទូទៅ រឿងកុមារ ជាប្រភេទរឿងដែល​មាន​តួអង្គតិច ងាយចាំ តែ​បញ្ចប់ដោយ​តម្លៃអប់រំ​ល្អៗ សម្រាប់នាំក្មេងឱ្យ​ក្លាយជាមនុស្សពូកែ ហេតុនេះ​ក្នុងករណីដែលក្មេងមិនទាន់ចេះអានដោយខ្លួនឯងអាណាព្យាបាល​អាច​ជ្រើសរើស​យក​វិធីនេះទៅប្រើប្រាស់បាន ព្រោះនៅពេលដែលពួកគេឆ្ងល់ពីរឿងណាមួយ​ដែលពិបាកពន្យល់​ យើងអាចលើករឿងខ្លីៗដែលពាក់ព័ន្ធនឹងចំណុចនោះដើម្បីប្រាប់គេ។ នេះជាវិធីដ៏ទាក់ទាញមួយដែលអ្នកជំនាញអប់រំណែនាំ ព្រោះវាអាចធ្វើឱ្យក្មេងរីករាយ​ក្នុងការទទួលចម្លើយ ហើយថែមទាំង​អាចរៀន​ពីចំណុចល្អៗដោយមិនបាច់បង្ខំ។

ម្យ៉ាងវិញទៀត ដើម្បីឆ្លើយតបនឹងរឿង​រ៉ាវ​នានាដែលកុមារឆ្ងល់ឱ្យបានល្អ អាណាព្យាបាល​ក៏អាចយកចិត្តទុកដាក់​កត់ចំណាំ​រឿង​រ៉ាវដែលពួកគេសួរមួយចំនួន​ ដើម្បី​ប្រាប់គេជាក់ស្តែងនៅពេលមានឱកាសល្អនាំគេធ្វើដំណើរទៅកាន់កន្លែងថ្មីៗ ឬ​ឃើញរឿង​ជាក់ស្តែងមួយចំនួន​ដោយចៃដន្យ ដើម្បីឱ្យគេបានសិក្សា ហើយយល់កាន់តែច្បាស់៕

ក្រូចពោធិ៍សាត់​ខ្មែរ ជា​ប្រភេទ​ផ្លែឈើ​ដែល​ផ្តល់​រសជាតិ​ជូរអែម​ឆ្ងាញ់ មិន​ចាញ់​ក្រូច​នាំចូល​ពី​បរទេស​នោះទេ ហើយ​ថែមទាំង​សម្បូរ​ដោយ​វីតាមីនល្អៗបំប៉ន​សុខភាព​មនុស្ស​ទៀតផង ដោយសារតែ​ការដាំដុះ​ដំណាំ​ហូប​ផ្លែ​របស់​កសិករ​ខ្មែរ​យើង​មិន​ប្រើ​ថ្នាំ​គីមី​ដូច​ផ្លែឈើ​នាំចូល​ពី​ប្រទេសជិតខាង​ហ្នឹងឯង។

អ្នកនាង សេង ឆាយ​ដា​ឡែ​ន ម្ចាស់​ចម្ការ​ក្រូចពោធិ៍សាត់ ដែលមាន​ទីតាំង​ស្ថិតនៅ​ក្នុងស្រុក​វាលវែង ខេត្តពោធិ៍សាត់​មានប្រសាសន៍ថា ដោយ​មើលឃើញ​ពី​តម្រូវការ​ផ្លែឈើ​ធម្មជាតិ របស់​ប្រជាពលរដ្ឋ​ខ្មែរ គ្រួសារ​របស់​អ្នកនាង​បានចាប់ផ្តើម​មុខរបរ​ដាំ​ក្រូចពោធិ៍សាត់​តាំងពី​ឆ្នាំ2013 មក នៅលើ​ផ្ទៃដី​ជិត 1ហិកតា ដើម្បី​សាកល្បង​ប្រមូល​ផល​លក់​នៅលើ​ទីផ្សារជាមុនសិន មុននឹង​សម្រេច​ពង្រីក​ការដាំដុះ​បន្ថែម។ ដោយមាន​ការគាំទ្រ​ច្រើន​ពី​អតិថិជន បាន​ជំរុញ​ឱ្យ​គ្រួសារ​របស់​អ្នកនាង​សម្រេច​បន្ថែម​ថវិកា​ពង្រីក​ការដាំដុះ​ដំណាំ​ក្រូចពោធិ៍សាត់​នេះ​ឱ្យបាន​កាន់តែច្រើនឡើងៗ ដែល​មកទល់​បច្ចុប្បន្ន​នេះ​មាន​ទំហំ​សរុប​ប្រមាណ​ជា 2ហិកតា​ហើយ និង​ទើបតែ​ឱ្យ​ផល​ពេញលេញ​ក្នុង​រយៈពេល1-2ឆ្នាំ​ចុងក្រោយ​នេះឯង។

អ្នកនាង ដា​ឡែ​ន បានឱ្យដឹងថា ក្រូចពោធិ៍សាត់​ចាប់ផ្តើម​ឱ្យ​ផល​ក្នុងអំឡុង​ខែ​មិនា ហើយ​អាច​បេះ​បាន​ច្រើន​ពេញលេញ​នៅ​ខែកក្កដា ឬ​សីហា ដោយ​ក្នុង​មួយ​ដើម​គេ​អាច​បេះ​បាន​ប្រមាណ​ពី 300 ទៅ400ផ្លែ​ឯណោះ ហើយ​អាច​បេះ​បាន​រហូតដល់​ខែតុលា​ទើប​អស់​ផ្លែ​ទៅវិញ ដែល​សរុបទៅ​ចំនួន 2ហិកតា នេះ កសិករ​អាច​ប្រមូល​ផល​បានជា​មធ្យម​ប្រមាណ​ជា 100 ទៅ150ស្លឹក​ឯណោះ(1សឹ្ល​ក​ស្មើនឹង10ផ្លូន 1ផ្លូន​ស្មើនឹង4ឡូ 1ឡូ​ស្មើ12ផ្លែ)។ ម្ចាស់​ចម្ការ​ក្រូចពោធិ៍សាត់​ខាងលើ​បញ្ជាក់ថា ដោយសារ​ក្រូច​មាន​រសជាតិ​ជូរអែម​ឆ្ងាញ់ និង​មិនមាន​សារធាតុ​គីមី​ផង​នោះ បានធ្វើឱ្យ​ក្រូចពោធិ៍សាត់​ខ្មែរ​មានការ​គាំទ្រ​ច្រើន​ពី​អតិថិជន​នៅតាម​បណ្តា​ខេត្តផ្សេងៗ ដូចជា​ខេត្តពោធិ៍សាត់​ខ្លួនឯង កំពង់ឆ្នាំង កំពង់ស្ពឺ កំពង់សោម និង​ពិសេស​អតិថិជន​នៅ​ទីក្រុង​ភ្នំពេញ ដែលមាន​ទាំង​អតិថិជន​ទិញ​រាយ និង​អតិថិជន​ទិញ​យកទៅលក់​បន្ត​នៅតាម​ផ្សារ និង​នៅតាម​ហាង​បន្លែ​ធម្មជាតិ ឬ​ផ្សារ​ទំនើបល្បីៗមួយចំនួន និង​លក់​តាម​អន​ឡាញ​ទៀតផង។ សម្រាប់​តម្លៃ​បោះ​ដុំ​វិញ ក្រូចពោធិ៍សាត់​គេ​អាច​លក់បាន​ក្នុងតម្លៃ 9,500រៀលទៅ11,000រៀល​ក្នុង​មួយ​ឡូ នេះ​សម្រាប់​តម្លៃ​បោះ​ដុំ ហើយ​បើសិន​យកទៅ​លក់រាយ​បន្ត គេ​អាច​លក់បាន​ក្នុងតម្លៃ 17,000រៀល ទៅ18,000រៀល​ក្នុង​មួយ​ឡូ។ ទោះជា​វា​មានតម្លៃ​ថ្លៃ​ជាង​ក្រូច​នាំចូល​ពី​ប្រទេសជិតខាង​បន្តិច​ក៏ពិតមែន ប៉ុន្តែ​ក្រូចពោធិ៍សាត់​ខ្មែរ​មានការ​គាំទ្រ​ខ្លាំង​ពី​ប្រជាពលរដ្ឋ​ខ្មែរ ព្រោះ​ប្រមូល​ផល​បាន​សឹងតែ​ផ្គត់ផ្គង់​មិន​គ្រប់​តម្រូវការ​របស់​ម៉ូយ​នៅលើ​ទីផ្សារ​ផង ហើយ​បើ​នៅតែមាន​ការគាំទ្រ​ច្រើន​ដូច្នេះ នារី​ម្ចាស់​ចម្ការ​ខាងលើ​នឹង​ពង្រីក​ផ្ទៃដី​ដាំ​ដុះ​ឱ្យបាន​ចំនួន​កាន់តែច្រើន​ថែមទៀត​ដែរ។

ចំពោះ​លក្ខណៈ​សម្គាល់​វិញ ក្រូចពោធិ៍សាត់​ខ្មែរ​មាន​លក្ខណៈ​ខុសពី​ក្រូច​នាំចូល​ពី​បរទេស នៅត្រង់ថា ក្រូច​ខ្មែរ​មាន​សម្បក​ក្រាស់ មាន​ផ្លែ​ធំ-តូច​នៅ​លាយឡំ​គ្នា មាន​ពណ៌​ខៀវ​លាយ​លឿងតិចៗនៅលើ​សម្បក តែ​សម្រាប់​ក្រូច​វៀតណាម​វិញ​បើ​តូច គឺ​តូច​ស្មើ និង​បើ​ធំ គឺ​ធំ​ស្មើគ្នា ព្រោះ​គេ​មាន​បច្ចេកទេស​ដាំ​ដុះ​បានល្អ ប៉ុន្តែ​ភាគច្រើន​មានប្រើ​សារធាតុ​គីមី ហើយ​មាន​សម្បុរ​សម្បក​ពណ៌​ខៀវ​រលោង​ល្អ និង​មាន​សម្បក​ស្តើង។

អ្នកនាង ដា​ឡែ​ន អ្នកជំនាញ​ខាង​ដំណាំ​ក្រូច​បាន​បញ្ជាក់ថា ក្រូចពោធិ៍សាត់​មិន​ពិបាក​ដាំ​និង​ថែទាំដូច​ដំណាំ​មួយចំនួនទៀត​នោះទេ ប៉ុន្តែ​ក្រូច​ត្រូវការ​ដី​ដែលមាន​ជីវជាតិ​ល្អ​គួរសម​ដែរ ទើប​ដាំ​ទៅ​ដើម​វា​លូតលាស់​បានល្អ និង​ឱ្យ​ផ្លែ​ច្រើន។

ចំពោះ​វិធីសាស្ត្រ​ដាំ​ដុះ​វិញ ដំបូង​គេ​ភ្ជួរ​ដី​ជាមុន​ដើម្បី​សម្លាប់​ស្មៅ និង​ជួយ​ឱ្យ​ដី​ធូរ​នៅ​ស្រទាប់លើៗធ្វើឱ្យ​សន្សើម​ធ្លាក់ចុះ​ល្អ​ទៅដល់​ស្រទាប់ដី​ខាងក្រោម។ បន្ទាប់ពី​ភ្ជួរ​ដី​រួច គេ​កាប់​រណ្តៅ​ទំហំ​មួយ​ម៉ែត្រ4ជ្រុង មាន​ជម្រៅ​កន្លះ​ម៉ែត្រ ឬមួយ​ម៉ែត្រ​ក៏បាន ដោយ​រណ្តៅនីមួយៗត្រូវ​ឃ្លាតឆ្ងាយ​ពីគ្នា​ចម្ងាយ 5ម៉ែត្រ។​ បន្ទាប់ពី​កាប់​រណ្តៅ រួច​គេ​អាចដាក់​ជីធម្មជាតិ ដូចជា​កូនឈើតូចៗលាយ​ជាមួយ​ជី​លាមក​សត្វ​ជាការ​ទ្រាប់​បាត​រណ្តៅ ទើប​យក​កូនដើម​ក្រូចពោធិ៍សាត់​ដែល​គេ​ផ្សាំ​រួច​ទៅ​ដាំ​នៅតាម​រណ្តៅនីមួយៗ ហើយ​ថែទាំ​ដោយ​ការ​ស្រោច​ទឹក តែ​មិនបាច់​ស្រោច​ជាប្រចាំ​ទេ ដោយសារ​ដើម​ក្រូច​មិនសូវ​ជា​ត្រូវការ​ទឹក​ប៉ុន្មាន​ឡើយ​គឺ​ស្រោច​ទៅតាម​លក្ខខណ្ឌ​អាកាសធាតុ។

ក្រៅពី​ស្រោច​ទឹក​ហើយ គឺ​ត្រូវ​ជម្រះ ឬ​បាញ់ថ្នាំ​សម្លាប់​ស្មៅ​ចោល ហើយ​ដាក់​ជីធម្មជាតិ​បន្ថែមខ្លះៗទៀត​ធ្វើឱ្យ​កូន​ក្រូច​លូតលាស់​បានល្អ។ ត្រឹមតែ​រយៈពេល 2ឆ្នាំ វា​នឹង​ចាប់ផ្តើម​ឱ្យ​ផល តែ​ផ្លែ​ដំបូង​បាន​ចំនួន​ត្រឹមតែ 3 – 4ផ្លែ​ប៉ុណ្ណោះ​ក្នុង​មួយដើមៗ រហូតដល់​ដើម​ក្រូច​អាយុ​បាន 4ឆ្នាំ​ទើប​វា​ឱ្យ​ផល​បាន​ពេញលេញ ដោយ​ក្នុង​មួយដើមៗគេ​អាច​បេះ​បាន​ចន្លោះ​ពី300 ទៅ400ផ្លែ។

នៅពេលដែល​វា​ធំ កសិករ​ត្រូវ​ចេះ​ថែទាំ ដោយ​ត្រូវ​កាត់​ស្លឹក ឬ​មែ​កណា​មិនល្អ​ចោល ដើម្បី​ទុកឱ្យ​ដើម​មាន​កម្លាំង​ស្រូបយក​ជីវជាតិ​ពីដី​ទៅ​ចិញ្ចឹម​មែក​ណា​ដែលល្អៗ ដើម្បីឱ្យ​វា​ហុច​ផល​បាន​កាន់តែ​ច្រើនឡើង។

អ្នកជំនាញ​ខាង​ភោជនាហារ​បាន​និយាយថាក្រូចពោធិ៍សាត់​ជា​ផ្លែឈើ​ប្រភេទ​ល្អ​មួយ ដែល​សម្បូរទៅដោយ​វីតាមីន​C និង​ជាតិ​កាក​សរសៃ​ខ្ពស់ និង​សម្បូរ​ជាតិ​ស្ករ​ពី​ធម្មជាតិ ដែល​ជួយផ្តល់​កម្លាំង​ថាមពលភ្លាមៗដល់​អ្នក​ទទួលទាន។ ម្យ៉ាងទៀត​ក្រូចពោធិ៍សាត់​មាន​ផ្ទុក​នូវ​សារធាតុ Limonin ឬ Limonin Glucoside និង Hesperidin សម្រាប់​ទប់ស្កាត់​ជំងឺមហារីក ហើយ​អាច​ទប់ស្កាត់​ជំងឺ​បេះដូង​ទៀតផង ក្រៅពី​នោះគេ​អាច​យក​សម្បក​ផ្លែក្រូច​ពោធិ៍សាត់​ទៅ​ហាល​ឱ្យ​ស្ងួត ហើយ​ហាន់​ជា​ចំណិតតូចៗឆុង​ជំនួស​ស្លឹក​តែ​ទទួលទាន​រាល់ថ្ងៃ ព្រោះ​វា​អាចជួយ​កាត់បន្ថយ​សារជាតិ​ខ្លាញ់​ដែលមាន​ក្នុង​សារពាង្គកាយ​របស់​មនុស្ស​យើង​បាន​យ៉ាង​ល្អ​ទៀតផង៕

នៅពេលថ្មីៗនេះ តារាពហុជំនាញ ខាត់ សុឃីម ក៏បានចូលរួមយ៉ាងសកម្មផងដែរក្នុងការស្វែងរកការឧបត្ថម្ភនានាជួយដល់កុមារកម្សត់ខាងលើ ហើយអ្នកនាងក៏បានប្រកាសត្រៀមដាក់លក់សម្លៀកបំពាក់របស់អ្នកនាងផ្ទាល់ដើម្បីប្រមូលថវិកាបន្ដិចបន្ដួច ជួយឧបត្ថម្ភការព្យាបាលសង្គ្រោះជីវិតកុមារ លី ហេង ដែលត្រូវឡានកុងតឺន័រកិនដាច់ជើងមួយចំហៀងយ៉ាងគួរឱ្យអាណោចអាធម្ម និងកំពុងត្រូវការជំនួយបន្ទាន់ក្នុងការព្យាបាលនៅប្រទេសវៀតណាម។  

ដោយនឹកសោកស្តាយ និងអាណិតអាសូរកុមារាកម្សត់នោះខ្លាំងពេក អ្នកនាងខាត់ សុឃីម បានខំព្យាយាមប្រឹងប្រែងស្វះស្វែងរកជំនួយសប្បុរសធម៌ ទាំងអារម្មណ៍ក្ដុកក្តួលនៅពេលធ្វើការ​ Live Video លក់សម្លៀកបំពាក់។ តារាពហុជំនាញ អ្នកនាង ខាត់ សុឃីម បានបង្ហោះសារថា៖ សួស្តីអូនៗបងៗ នៅចាំក្មេងប្រុសដែលជួបគ្រោះថ្នាក់ចរាចរណ៍ត្រូវឡានកិនដែរឬទេ គាត់ត្រូវកាត់ជើងចោល គាត់ត្រូវកាត់ប្រដាប់ភេទទៀត អាសូរណាស់ កូនគេកូនឯង ហើយគាត់ឥឡូវកំពុងតែត្រូវការជំនួយខ្លាំងដើម្បីសង្គ្រោះឱ្យផុតពីមច្ចុរាជ100% អ៊ីចឹងមានតែសង្ឃឹមលើបងប្អូនយើងទាំងអស់គ្នា តិចក្តីច្រើនក្តីតាមសទ្ធា ម៉ាក់អូនយៀនធានា100% នៃថវិកានឹងទៅដល់ដៃអាណាព្យាបាលក្មេងដោយគ្មានបាត់មួយកាក់មួយសេនឡើយ បើអ្នកចង់ចូលរួមឆាតមក​ខ្ញុំនឹងធ្វើការឡាយផ្ទាល់ លក់ខោអាវ1ទឹករបស់ខ្ញុំ ដើម្បីជួយក្មួយ បានប៉ុន្មានយកប៉ុណ្ណឹង មក មក មហាមិត្ត រួមគ្នា ធ្វើបុណ្យ។

ខណៈអ្នកនាង ខាត់ សុឃីម កំពុងធ្វើការ Live លក់សម្លៀកបំពាក់ដើម្បីជួយដល់ក្មេងកម្សត់ខាងលើ ក្នុងនោះក៏មានអ្នកទស្សនា និងសប្បុរសជនជាច្រើនបានចូលជាវភ្លាមៗនូវសម្លៀកបំពាក់ដែលពួកគេស្រឡាញ់ ហើយក៏ជាចំណែកមួយដើម្បីជួយដល់កុមារកម្សត់ផងដែរ។

សូមជម្រាបបន្ថែមថា ក្មេង​ប្រុសកម្សត់មានវ័យ 8ឆ្នាំនោះត្រូវបានឡានធុនធ្ងន់បើកកិនពីលើជើង បណ្តាលឱ្យរងរបួសធ្ងន់ រហូតត្រូវខាងមន្ទីរពេទ្យសម្រេចកាត់ជើងដែលរងរបួសនោះចេញដើម្បីសង្រ្គោះជីវិតរបស់ប្អូន ហើយពេលនេះប្អូនកំពុងតែការទទួលការព្យាបាលសង្គ្រោះបន្ទាន់នៅឯមន្ទីរពេទ្យមួយក្នុងប្រទេសវៀតណាម។ ដោយសារតែក្រុមគ្រួសាររបស់ប្អូនមានជីវភាពខ្វះខាត មិនមានថវិកាគ្រប់គ្រាន់ក្នុងការព្យាបាលរបួសដ៏ធ្ងន់ធ្ងររបស់ប្អូន ធ្វើឱ្យមហាជនជាច្រើនមិនអាចមើលនឹងភ្នែកបាន ក៏នាំគ្នាជួយស្វះស្វែងរកការឧបត្ថម្ភពីសប្បុរសជននានាជាបន្តបន្ទាប់។ បើទោះជាមានការជួយឧបត្ថម្ភ ពីសប្បុរសជននានាហើយក្ដី ប៉ុន្តែការចំណាយផ្សេងៗក៏នៅតែត្រូវការបន្ថែមនៅឡើយ ព្រោះនៅពេលនេះប្អូនប្រុស លី ហេង កំពុងស្ថិតនៅក្នុងបន្ទប់សង្គ្រោះបន្ទាន់នៅឡើយ៕