Category: សង្គម និងសេដ្ឋកិច្ច

មនុស្សស្ទើរគ្រប់គ្នាលើពិភពលោកសុទ្ធតែចង់ក្លាយជាមនុស្សរឹងមាំ មានឧត្តមភាពសម្រាប់ការរស់នៅ និងទទួលបានការឱ្យតម្លៃពីអ្នកដទៃជា-ដើម។ តែអ្វីដែលជាកត្តាប្រឈម​សម្រាប់ពួកគេ គឺមនុស្សចូលចិត្ត​ពឹងផ្អែកលើកត្តាក្រៅខ្លួនច្រើនជាងការអភិវឌ្ឍខ្លួនឯង ដែលធ្វើឱ្យ​ពួកគេមិនទុកចិត្តលើខ្លួនឯង ស្របពេលដែលមនុស្សតិចតួចប៉ុណ្ណោះអាចសម្រេចក្តីស្រមៃទាំងអស់នោះ។

លោកស្រី តូច សុជាតា នាយិកា​ក្រុមហ៊ុន InspiredIn Cambodia បានលើកឡើងថា ទំនុកចិត្តលើខ្លួនឯងជារឿងសំខាន់បំផុតដែលអាចធ្វើឱ្យ​មនុស្សទទួលបាននូវភាពរឹងមាំ និង​ជម្នះបាននូវឧបសគ្គជីវិតនានា។ នៅពេលដែលយើងមានទំនុកចិត្ត យើងនឹងអាចមានកម្លាំងគ្រប់គ្រាន់ដើម្បី​បង្តើតឱកាសសម្រាប់ខ្លួនឯង ដើម្បីក្លាយជាអ្នកដឹកនាំ ឬបង្កើតសមិទ្ធផលសំខាន់ៗសម្រាប់មនុស្ស។

លោកស្រីធ្លាប់រំឭកថា កាលពីមុនលោកស្រីជា​បុគ្គលិកអង្គការក្រៅរដ្ឋាភិបាល​ធ្វើការងារផ្នែកពង្រឹងភាពអង់អាចដល់ស្ត្រី ដែលមានបទពិសោធជាង 10ឆ្នាំ ជាមួយនឹងប្រាក់ខែសមរម្យ។ នៅក្នុងការងារលោកស្រីមើលឃើញថាទាំងស្ថាប័នរដ្ឋ​ ឯកជន​ និង​ភាគីពាក់ព័ន្ធដទៃទៀតភាគច្រើនមានអ្នកដឹកនាំ​ជាបុរស ចំណែកឯចំនួនស្ត្រីនៅមានតិចតួចនៅឡើយ ហេតុនេះលោកស្រីក៏សម្រេចចិត្ត​ចេញមកបង្កើតអាជីវកម្ម​ដើម្បី​ផ្តល់ការលើកទឹកចិត្តដល់ស្ត្រីជាច្រើនផ្សេងទៀតហ៊ានធ្វើការងារសំខាន់ៗ​។ លោកស្រី តូច សុជាតា បាននិយាយថា៖ “​នៅពេលខ្ញុំចេញពីការងារនៅអង្គការ​ភ្លាម មិនមានអ្នកណាម្នាក់​គាំទ្រនោះទេ ទាំងមិត្តភ័ក្តិ ក្រុមគ្រួសារ និងអ្នកស្គាល់គ្នាផ្សេងទៀត ព្រោះគាត់គិតថា​ខ្ញុំមានបទពិសោធច្រើនឆ្នាំមានឱកាសច្រើនក្នុងការ​ចូលរួមសកម្មភាពប្រជុំទាំងក្នុង និងក្រៅប្រទេស។ ប្រសិនបើខ្ញុំឈប់ពីការងារ ខ្ញុំនឹងប្រឈម​នឹងបញ្ហាហិរញ្ញវត្ថុ។ តែសម្រាប់ខ្ញុំ ខ្ញុំគិតថា​ខ្ញុំនឹងមិនដើរបុកជញ្ជាំងនោះទេ”។

សហគ្រិនខាងលើបានបន្ថែមទៀតថា ប្រសិនបើយើងពិតជាមានជំនឿលើខ្លួនឯង ហើយហ៊ានធ្វើការងារ​ដែលមានភាពទទួលខុសត្រូវខ្ពស់ យើងនឹងមិន​ធ្វើឱ្យឧបសគ្គ​មួយចំនួន​រារាំងការអភិវឌ្ឍរបស់យើងបានឡើយ។ មនុស្សត្រូវ​តែហ៊ាន​សម្រេចចិត្ត និង​ជឿជាក់លើខ្លួនឯងថាអាចតស៊ូ​ជាមួយ​នឹងស្ថានភាព​លំបាក​ៗបានដើម្បី​បង្កើតភាពជាគំរូល្អដល់អ្នកដទៃទៀត​។ ចាប់ផ្តើមពីការសម្រេចចិត្តនេះ លោកស្រី បានបង្កើតក្រុមហ៊ុន​ផ្នែកស្រាវជ្រាវ និងអប់រំបានដោយរលូននាពេលបច្ចុប្បន្ន។

បង្ហាញលើចំណុចនេះដែរ លោកស្រី នុច គីមលីន ស្ថាបនិកក្រុមហ៊ុន ATCam Consulting បានលើកឡើងថា​ មនុស្សម្នាក់ៗត្រូវតែខំប្រឹងប្រែងប្រកបដោយទំនុកចិត្ត​ដើម្បី​បង្កើតបរិយាកាសល្អសម្រាប់ការរស់នៅ ធ្វើការងារ និងការធ្វើអាជីវកម្មជាដើម។ មនុស្សគ្រប់គ្នាត្រូវតែហ៊ានបង្ហាញសក្តានុពលរបស់ខ្លួន ដើម្បីឱ្យអ្នកនៅជុំវិញខ្លួនដឹងថាយើងអាចធ្វើអ្វីបានខ្លះ ហើយ​សមត្ថភាពរបស់យើងអាចនឹងជួយអ្នកគ្រប់គ្នា​បាន រួមទាំងស្ថាប័ន​ដែលយើងកំពុងធ្វើការងារ។ ជាធម្មតានៅក្នុងសង្គមខ្មែរយើងនៅពេលដែលយើងបង្ហាញសក្តានុពល​ខ្លាំងជាងគេ គេអាចថាយើងអួត តែសម្រាប់លោកស្រីបែរជាគិតថា​វាជាចំណុចដែលបង្អាក់សមត្ថភាពរបស់មនុស្សទៅវិញទេ ប្រសិនបើគេធ្វើរឿងត្រឹមត្រូវ ហើយបង្ហាញនូវអ្វីដែលគេអាចធ្វើបាន​មិនបំប៉ោងហួសពីការពិតនោះ។ ហេតុនេះ​យើងទាំងអស់គ្នា ត្រូវតែខំប្រឹងប្រែងអភិវឌ្ឍសមត្ថភាព ហើយអនុវត្តវាឱ្យល្អបើទោះជាពេលខ្លះមានឧបសគ្គកើតឡើងក៏ដោយ។

លោកស្រី នុច គីមលីន បាននិយាយថា៖ “​ដើម្បីទទួលបាននូវ​ការអភិវឌ្ឍកាន់តែខ្លាំង យើងត្រូវហ៊ានធ្វើអ្វីដែលអ្នកដទៃ​មិនហ៊ានធ្វើ ហើយហ៊ានបង្កើតគំនិតថ្មីៗជានិច្ចទោះក្នុងស្ថានភាពណាក៏ដោយ។ ហេតុនេះប្រសិនបើយើងជាមនុស្សដែលកំពុងធ្វើការងារឱ្យគេ យើងត្រូវតែមានទំនុកចិត្តក្នុងការបង្កើតគំនិតថ្មីៗដើម្បីអភិវឌ្ឍស្ថាប័ន និងរិះរកមធ្យោបាយដើម្បីឱ្យស្ថាប័នអភិវឌ្ឍកាន់តែខ្លាំងនោះយើងនឹងអាចរីកចម្រើនទៅតាមនោះដែរ តែប្រសិនបើយើងគិតថាធ្វើការងារឱ្យគេ គឺធ្វើតែតាម​បញ្ជារបស់មេ យើងនឹងគ្មានទទួលបានអ្វីប្រសើរឡើងនោះទេ”។

ជាចំណុច សំខាន់មួយផ្សេងទៀតដែលលោកស្រី នុច គីមលីន បានបង្ហាញ គឺចាំបាច់ត្រូវតែ ព្យាយាម​ស្វែងរកបទពិសោធឱ្យបានច្រើន​ដើម្បីអនុវត្តក្នុងជីវិត ជាជាងការដែលគ្រាន់តែ​គិតត្រឹមតែទ្រឹស្តីហើយមិនព្រមអនុវត្តអ្វីទាំងអស់។ មនុស្សជោគជ័យ​ភាគច្រើនជាមនុស្សដែលហ៊ានទទួលបទពិសោធច្រើន មិនមែនមនុស្សដែលមានតែទ្រឹស្តីនោះទេ។ ពេលខ្លះយើងម្នាក់ៗត្រូវតែបង្កើនទំនុកចិត្តក្នុងការដើរកាត់ការងារលំបាកៗ ព្រោះអារម្មណ៍រន្ធត់ ការបាក់ទឹកចិត្ត បរាជ័យ និងការឈឺចាប់ខ្លះ​ ដែលកើតចេញពីសកម្មភាពដើម្បីអភិវឌ្ឍ​នឹងធ្វើឱ្យមនុស្សរឹងមាំ​កាន់តែខ្លាំងប្រសិនបើយើងហ៊ានប្រឈមជាមួយវា។​ ការហ៊ានសម្រេចចិត្តធ្វើសកម្មភាពថ្វីត្បិតតែមិនសុទ្ធតែធ្វើឱ្យយើងរីករាយព្រោះតែជួបឧបសគ្គមែន តែវាក៏ល្អជាងការអង្គុយស្ងៀម​មិនធ្វើអ្វីសោះនោះដែរ៕

នៅពេលថ្មីៗនេះ តារាសម្ដែងលោក ហង្ស អច្ឆរិយា ទទួលបានការងារក្នុងស្រុកច្រើនជាងមុន​ និងកន្លងមកមានទាំងការសម្ដែងរឿងនៅក្នុងប្រទេសថៃទៀតផង ដែលសកម្មភាពសិល្ប:ទាំងអស់របស់លោកកំពុងដុតកម្តៅមហាជនឱ្យចាប់អារម្មណ៍ពីទេពកោសល្យដ៏ប៉ិនប្រសប់ និងការបង្ហាញសិល្បៈថតរូបអាក្រាតកាយរបស់លោកនៅលើបណ្ដាញសង្គមហ្វេសប៊ុក។ រូបអាក្រាតរបស់លោកនោះត្រូវបានគេសង្កេតឃើញថា បានកន្រ្តាក់អារម្មណ៍មហាជន(ពិសេសនារីៗ)ពេញបណ្ដាញហ្វេសប៊ុក និងទទួលបានការសរសើរថា លោកជាតារាចិត្តសឿង ហ៊ានថតរូបភាពអាក្រាតកាយខុសពីតារាភាគច្រើន។

តារាសិចស៊ីប្រុសរូបនេះ ធ្លាប់បានប្រាប់ថា ដោយសារតែលោកធ្លាប់ថតភាពយន្តស្រឡាញ់ភេទដូចគ្នាជាមួយផលិតករបរទេស ហើយលោកក៏ធ្លាប់ថតស្រាតដាក់ផ្សាយនៅលើទស្សនាវដ្ដីបរទេសផងដែរ ដូច្នេះហើយទើបលោកនៅតែជាប់ឈ្មោះថាជាតារាស៊ិចស៊ី រហូតដល់មានអ្នកខ្លះរើសអើងថា លោកជាតារាដែលប្ដូររូបកាយ ដើម្បីល្បីឈ្មោះ ហើយមិនសូវផ្ដល់នូវភាពជិតស្និទ្ធជាមួយ។ យ៉ាងណាមិញ គេកត់សម្គាល់ឃើញថា ការងារសិល្ប:របស់ ហង្ស អច្ឆរិយា មានការរីកចម្រើនជាងមុនច្រើន ដោយទទួលបានការសម្ដែងក្នុងរឿងធំៗជាហូរហែមិនចេះដាច់ បើទោះជាក្នុងពេលនេះលោកមិនទាន់មានឱកាសបានសម្ដែងតួឯកនៅឡើយក្ដី។

មុននេះបន្ដិចលោកបានប្រាប់សារព័ត៌មាន ឡារ៉ែនថា លោកបានទទួលការសម្ដែងភាពយន្ដភាគថ្មីមួយទៀតរបស់ស្ថានីយទូរទស្សន៍បាយ័ន ដែលមានចំណងជើងថា «គ្រូខ្មែរ​» ដែលជាវណ្ណកម្មថ្មី ត្រូវឱ្យលោកសម្ដែងជាគ្រូមន្ដអាគមអូមអាម បញ្ចេញមន្ដវិជ្ជាការតស៊ូជាមួយពពួកព្រាយ ធ្មប់ និងបិសាច។ លោកថា កាន់តែថ្មីសន្លាងសម្រាប់រូបលោកទៀតហើយ ដែលត្រូវសម្ដែងជាតួគ្រូមន្តអាគមបែបនេះ ព្រោះកន្លងមកលោកមិនធ្លាប់សម្ដែងតួបែបហ្នឹងទាល់តែសោះ តែលោកមានការតាំងចិត្តចំពោះរឿងនេះខ្លាំង។ លោកបន្ដថា រឿងនេះជារឿងដែលបានលើកតម្កើងពីវប្បធម៌ខ្មែរយ៉ាងខ្លាំង រួមមានការសម្ដែងរបាំអប្សរា មានការប្រើប្រាស់មន្ដវិជ្ជាខ្មែរបុរាណ និងទំនៀមទម្លាប់ប្រពៃណីបុរាណខ្មែរ ដែលពិភពលោកកំពុងចាប់អារម្មណ៍។ លោករំពឹងខ្ពស់ថា មហាជននឹងគាំទ្រស្នាដៃសម្ដែងរបស់លោក ហើយកាន់តែប្លែកអារម្មណ៍តាមរយៈរឿងភាគល្អឯកមួយនេះ៕

គួរបញ្ជាក់ផងដែរថា ក្រៅពីការសម្ដែងក្នុងរឿងភាគធំៗហើយនោះ លោកក៏ទទួលបានជោគជ័យក្នុងការងារដើរម៉ូដ និងសម្ដែងរឿងផ្សេងទៀតស្ទើរតែរកពេលទំនេរមិនបាន ជាពិសេសសម្រាប់ការដើរម៉ូដជាទម្រង់ដោះអាវ លែងខ្លួនមួយកំណាត់លើបញ្ចេញសាច់ដុំធំៗ ដែលតារាប្រុសៗមួយចំនួនមិនហ៊ានទទួល៕

ដូចដែលប្រិយមិត្តគ្រប់គ្នាបានដឹងហើយអំពីតារាចម្រៀងល្បីឈ្មោះលោក ហេង ពិទូ គឺជាតារាចម្រៀងមួយរូបដែលមានសមត្ថភាពខ្ពស់ក្នុងការនិពន្ធ និងផលិតបទចម្រៀងជាស្នាដៃកូនខ្មែរ ដែលមានមេឡូឌីពីរោះៗ និងចាក់ដោតអារម្មណ៍របស់យុវវ័យ ហើយបច្ចុប្បន្ននេះលោកក៏ទទួលបានការគាំទ្រជាខ្លាំងចំពោះការបង្ហាញបទពិសោធ និងគន្លឹះនិពន្ធបទចម្រៀងថ្មី តាមរយៈការធ្វើជាគណៈកម្មការក្នុងកម្មវិធីប្រកួតចម្រៀង The Melody។

តែដោយឡែក នៅពេលថ្មីៗនេះ លោក ហេង ពិទូ ស្រាប់តែបង្ហាញពីអារម្មណ៍ដ្រាម៉ានៅលើហ្វេសប៊ុករបស់ខ្លួនដែលស្ដែងឱ្យដឹងពីមិត្តភ័ក្តិរបស់លោកដែលបានបែកគ្នាអស់រយៈពេល 7ឆ្នាំហើយ និងក្រោយមកបានជួបគ្នាដោយចៃដន្យម្តងទៀត ស្រាប់តែមិត្តភ័ក្តិម្នាក់នេះបានបោះពាក្យសម្តីមិនពីរោះស្តាប់មកកាន់លោក  រហូតលោកមិនអាចទប់បាន ក៏សរសេររៀបរាប់ដ្រាម៉ាប្រាប់មហាជ​នអ្នកគាំទ្ររបស់លោកជាសំណេរបែបសន្ទនាថា:

ពួកម៉ាកខ្ញុំ៖ អីហា ច្រៀងចង់ងាប់ទៅវិញហើយអត់សល់អីសោះហា

ខ្ញុំ៖ ចុះឱ្យធ្វើម៉េចបើអត់

ពួកម៉ាកខ្ញុំ៖ អីហា អញមកនៅភ្នំពេញរកស៊ីមិនដល់​ 3ឆ្នាំផង សល់លុយដូរឡាន ឥឡូវជិតបង់រំលស់ផ្ទះទៀតហើយ

ខ្ញុំ៖ គ្នាគ្រាន់តែមិនបានជួលផ្ទះគេប៉ុណ្ណឹង មិនពិបាកត្រូវដល់ថ្ងៃបង់ភ័យ

ពួកម៉ាក់ខ្ញុំ៖ អើគ្នាឥឡូវជិះ Hybrid 07 ពួកម៉ាកឯងមានការអីចាំខលមកគ្នាមក ឥឡូវឯងរកចេញទៅមើលផ្ទះមួយ ហើយចង់ដូរឡានយក GS300 វិញ

ខ្ញុំ៖ អរគុណណាស់ពួកម៉ាក។

រឿងពិត មិត្តភ័ក្តិបែកគ្នា 7ឆ្នាំ ជួបគ្នាកន្លែងញ៉ាំអី អួតជារឿងធម្មតារបស់មនុស្ស តែបើអួតជ្រុលពេកវាក្លាយទៅជា អួតពិសេសៗ បានន័យថា ថែមពងទាសាច់ឌុប។ ហាហា DJ សូមបទ បែកគ្នាយូរហើយ ឯងនៅតែមិនផ្លាស់ប្តូរ»។

ពិតជាចម្លែកចិត្តគួរឱ្យកត់សម្គាល់មែន ព្រោះតារាចម្រៀងប្រុសរូបនេះ មិនដែលបង្ហាញអារម្មណ៍ដ្រាម៉ានៅលើហ្វេសប៊ុករបស់ខ្លួនបែបនេះឡើយ ភាគច្រើនលោកតែងតែបង្ហោះអំពីសកម្មភាពការងារ និងការនិពន្ធបទចម្រៀងតែប៉ុណ្ណោះ។ ក៏ប៉ុន្ដែ យ៉ាងណាមិញលោក ហេង ពិទូ ក៏ត្រៀមបង្ហាញស្នាដៃបទថ្មី ដែលជាបទចម្រៀងកូនខ្មែរ នាពេលខាងមុខឆាប់ៗនេះដែរ។ សូមកុំភ្លេចរង់ចាំគាំទ្រស្នាដៃបទចម្រៀងកូនខ្មែរមួយរូបនេះជាបន្ដទៀត៕

ម្ដងនេះរឿងរ៉ាវដ៏ក្តៅគគុកធំមួយនៅក្នុងសង្គមសិល្បៈខ្មែរ កំពុងធ្វើឱ្យមានការភ្ញាក់ផ្អើលចំពោះសារនៅលើហ្វេសប៊ុករបស់លោក ខេមរៈ សិរីមន្ត តារាចម្រៀងល្បីឈ្មោះប្រចាំផលិតកម្មហង្សមាស ដែលបានសម្រេចចិត្តដាក់វិធានការក្ដៅចំពោះ លោក ម៉ៃ សុគន្ធ ដោយដាក់ពាក្យបណ្ដឹង ពីបទញុះញង់មានជាអាទិ៍ និងធ្វើឱ្យប៉ះពាល់ដល់សិទ្ធិ និងផលប្រយោជន៍បុគ្គល ក្រោយពីលោក ម៉ៃ សុគន្ធ បានធ្វើការរិះគន់ចំពោះតារាចម្រៀងប្រុសរូបនេះ កាលពីថ្ងៃម្សិលមិញ។

គួររំឭកដែរថា កាលពីថ្ងៃម្សិលមិញនេះ លោក ម៉ៃ សុគន្ធ បានបញ្ចេញពាក្យរិះគន់យ៉ាងធ្ងន់ៗដោយមិនខ្លាចរអាចំពោះ លោក សិរីមន្ដ ថា «ត្រឹមតែទៅលក់ដីនៅម្តុំវាលស្រែមួយរយសោះ ជិះសុទ្ធតែអេលីកុកទែរ(ឧទ្ធម្ភាគចក្រ) មើលតែទៅលក់ពេជ្រនៅឌូបៃ Bodiaថ្មីជានិច្ច អ្នកមានជាន់ថ្មីជាន់ដីអាលាក់ហើយ ឃើញថាឧកញ៉ាល្បីៗមួយចំនួនធំ ដែលមានរបរបើកលក់ដី​​ ឬបុរី គាត់នៅតែរក្សាជំហរដដែល មិនសម្បើមដូចអ៊ីចឹងសោះ ចម្លែកអីតែអ្នកចម្រៀងយើង បានអ៊ីចឹងគេប្រៀបធៀបទៅនឹងក្ងោក មិនខុសមែន»។

ដោយមិនបង្អង់យូរឡើយ តារាចម្រៀងប្រុសហង្សមាសរូបនេះ បានរៀបចំពាក្យបណ្ដឹង និងប្រកាសនៅលើហ្វេសប៊ុករបស់ខ្លួនថា «មេធាវីរបស់ខ្ញុំបានរៀបចំសំណុំបែបបទរួចអស់ហើយ បទល្មើស និងភ័ស្តុតាងមានគ្រប់គ្រាន់អស់ហើយ

-បទចោទ -បទញុះញង់មាន​ជា​អាទិ៍ -បទធ្វើឱ្យប៉ះពាល់សិទ្ធិ និងផលប្រយោជន៍បុគ្គល។ ខ្ញុំមិនដែលគិតចង់មានបញ្ហាជាមួយបុគ្គលម្នាក់ហ្នឹងឡើយ តែគាត់ចង់បានបែបនេះ ដូច្នេះទទួលយកអ្វីដែលខ្លួនបានសាងបទល្មើសនេះចុះ»។

គ្រាន់តែឃើញសាររបស់លោក សិរីមន្ដ ភ្លាម នៅព្រឹកនេះកំពូលតារាទើស ម៉ៃ សុគន្ធ ក៏បានតបជាពាក្យសម្ដីនៅលើហ្វេសប៊ុកខ្លួនវិញថា «ដោយក្តីរីករាយ ស្គាល់ពាក្យ “ប្រយោល” ទេ ចាស្ទីនកូពី ( នាមដែលហៅទៅកាន់ ខេមរៈ សិរីមន្ត) »។ ដូច្នោះហើយ មហាជនកំពុងរង់ចាំមើលថា តើដំណើររឿងនឹងឈានទៅដល់ចំណុចខ្លាំងបែបណាតទៀត?៕