Category: សង្គម និងសេដ្ឋកិច្ច

5តិចនិក ជួយសន្សំថ្លៃភ្លើង បន្ថយការចាយវាយនៅក្នុងផ្ទះ
លេខនេះទំព័រ ឡារ៉ែន ដេគ័រ មានគំនិតល្អៗពាក់ព័ន្ធនឹងតិចនិកជួយសន្សំសំចៃថ្លៃភ្លើង កាត់បន្ថយថ្លៃចាយវាយនៅក្នុងផ្ទះមកជម្រាបជូនប្រិយមិត្តអ្នកអាន។ ថ្លៃភ្លើង ជាថ្លៃចាយវាយចម្បងមួយដែលគ្រប់គ្នាត្រូវបង់ដោយមិនអាចខកខានបាន តែយើងអាចបន្ថយចំនួនការប្រើប្រាស់អគ្គិសនីបាន ព្រោះក្រៅពីនឹងធ្វើឱ្យថ្លៃចាយវាយនៅក្នុងផ្ទះថយចុះហើយ នៅជួយកាត់បន្ថយសភាវពិភពលោកកើនកម្ដៅបានទៀតផង។
1 បិទកុងតាក់ភ្លើង និងគ្រឿងប្រើប្រាស់អគ្គិសនីគ្រប់ប្រភេទពេលឈប់ប្រើហើយ គឺមិនគួរបើកភ្លើងទុកចោលពេលគ្មានអ្នកណានៅក្នុងផ្ទះឡើយ។
2. បន្ថយចំនួនអំពូលភ្លើងក្នុងបន្ទប់ និងងាកមកពឹងលើថាមពលពន្លឺធម្មជាតិឱ្យច្រើនវិញ។
3. ជ្រើសរើសប្រើអំពូលភ្លើងដែលមានកម្រិតស្តង់ដារ វានឹងជួយឱ្យយើងសន្សំសំចៃថាមពលអគ្គិសនីបានច្រើនឡើង។
4. ដាក់គោមភ្លើងនៅលើតុធ្វើការ ឬបំពាក់អំពូលភ្លើងចំពោះតែកន្លែងណាមួយ ជំនួសឱ្យការបើកភ្លើងពេញក្នុងបន្ទប់ ដើម្បីធ្វើការ។
5. បើចាំបាច់ត្រូវបើកភ្លើងនៅក្នុងចំណុចណាមួយទុកចោលពេញមួយយប់ ចូរជ្រើសរើសអំពូលភ្លើងដែលមានកម្លាំងគីឡូវ៉ាត់ទាប ដើម្បីជួយសន្សំសំចៃថ្លៃភ្លើង។
ឧស្សាហ៍មើលថែទាំអំពូលភ្លើង ជូតសម្អាតឱ្យបានញឹកញាប់ ដើម្បីបង្កើនពន្លឺឱ្យភ្លឺពេញបន្ទប់ វានឹងជួយបន្ថយការប្រើប្រាស់ថាមពលអគ្គិសនីបានទៀតផង ហើយគួរងាកមកប្រើអំពូលភ្លើងសន្សំសំចៃថាមពលអគ្គិសនី ឬអំពូលភ្លើង LED វិញកាន់តែប្រសើរ៕
September 5, 2018
ហេតុអ្វីបុរសៗត្រូវគិតពីការថែរក្សាសម្រស់?
ពេលខ្លះមនុស្សមួយចំនួន ក៏ដូចជាបុរសៗផ្ទាល់បានគិតថា វាហាក់ដូចជារឿងចម្លែកដែលបុរសៗត្រូវប្រើប្រាស់ផលិតផលថែរក្សាសម្រស់ស្បែក។ ទោះយ៉ាងណាសូមចាំថា គំនិតមួយដែលថាត្រូវតែរក្សាភាពស្រស់ស្អាតនោះមិនមែនសម្រាប់តែស្រីៗនោះទេ តែបុរសក៏ត្រូវការស្បែកដែលស្រស់ស្អាតដូចគ្នាដែរ។ មានអីទៅពិបាកគ្រាន់តែអនុវត្តតាមវិធីងាយៗមួយចំនួន នោះអ្នកពិតជាមានអារម្មណ៍ដឹងថា ស្បែកដែលធ្លាប់តែព្រលែងចោល និងស្បែកដែលមានតែការយកចិត្តថែទាំមានភាពខុសគ្នាយ៉ាងណាជាមិនខាន។
ថែរក្សាស្បែកជារឿងសំខាន់ : ជាធម្មតារន្ធញើសបុរសគឺធំជាងនារី នោះមានន័យថា ខ្លាញ់ និងការស្រូបយកក្អែលគឺកាន់តែងាយជាង។ នេះជាមូលហេតុដែលតម្រូវឱ្យបុរសៗទាំងឡាយសម្អាតស្បែករបស់ខ្លួនជារៀងរាល់ថ្ងៃ។ នៅពេលដែលអ្នកជ្រើសរើសផលិតផល ដើម្បីប្រើប្រាស់អ្នកគួរតែយកបែបធម្មជាតិ និងគ្មានក្លិនក្រអូបដូច្នេះអ្នកមិនចាំបាច់ភ័យថានឹងបំភាយក្លិនក្រអូបដូចមនុស្សស្រីនោះទេ។
សម្របខ្លួនប្រើម៉ាសបិទមុខ : ចង់បានមុខស្រស់ស្រាយ ប៉ុន្តែដូចជាមិនដាច់ចិត្តដើរទៅទិញ ព្រោះខ្មាសអ្នកលក់ផងខ្មាសស្រីៗដែលនៅទីនោះផងហើយក៏ដូចជាពិបាករកម៉ាសសម្រាប់បុរសៗទៀតមែនទេ? កុំបារម្ភ អ្នកមិនទាន់អស់ផ្លូវទេនៅមានជម្រើសដ៏ឆ្លាតវៃមួយទៀតគឺម៉ាស់បិទមុខបែបធម្មជាតិ។ ងាយណាស់មិនចាំបាច់ទៅទិញមិនចាំបាច់ទៅហាងនាំតែមានអ្នកឃើញនោះទេ ធ្វើខ្លួនឯងក្នុងបន្ទប់ មើលទូរទស្សន៍បណ្តើរ ស្តាប់ចម្រៀងបណ្តើរក៏បាន ឬគេងលក់តែម្តងក៏មិនអីដែរ។ ឡារ៉ែន ធ្លាប់បានជម្រាបច្រើនមកហើយពីរបៀបធ្វើម៉ាសបិទមុខ តែបើចង់សាកល្បង ទឹកឃ្មុំ ម្សៅតែជប៉ុន និងទឹកយកមកលាយចូលគ្នាយកមកបិទមុខម្តងមើលក៏បានដែរ។ ទុកចោល15នាទី រួចលាងសម្អាតចេញនោះ ធូលីដី និងជាតិកខ្វក់ផ្សេងៗក៏នឹងត្រូវបានសម្អាតចេញពីផ្ទៃមុខរបស់អ្នកយ៉ាងមានប្រសិទ្ធភាពជាមិនខាន។
ខាត់ស្បែកជារឿងដែលត្រូវធ្វើបន្ទាប់ : ស្បែកបុរសត្រូវការការសម្អាតជាខ្លាំង ហើយការដុសខាត់ស្បែកថ្នមៗ នឹងជួយសម្អាតស្បែក និងកម្ចាត់កោសិកាចាស់ៗចេញយ៉ាងល្អ។ ស្ករត្នោតជាមួយនឹងប្រេងល្ង2-3តំណក់ យកមកដុសលើស្បែកថ្នមៗ រួចលាងសម្អាតចេញនោះអ្នកនឹងមានអារម្មណ៍ថាស្បែកមានសំណើមជាងមុន។
កោររោមជារឿងគេចមិនផុត : ការកោររោមគឺជាកត្តាមួយដែលធ្វើឱ្យស្បែករមាស់ ដូច្នេះបន្ទាប់ពីកោររោមមុខរួច អ្នកគួរផ្តល់ជំនួយឱ្យស្បែកមុខ ដោយប្រទាលកន្ទុយក្រពើ ព្រោះវាអាចជួយបង្រួមរន្ធញើសជាងការប្រើផលិតផលដែលផ្សំដោយជាតិអាល់កុលដែលអាចធ្វើឱ្យស្បែកមុខរបស់អ្នកស្ងួត និងងាយដាច់រលាត់។
ហាត់ប្រាណ : មនុស្សឆ្លាតគេមិនដែលបោះបង់ចោលការហាត់ប្រាណនោះទេ ព្រោះគេដឹងច្បាស់ថា វាមានប្រយោជន៍យ៉ាងច្រើន ទាំងផ្នែកសម្រស់ និងសុខភាព៕
September 5, 2018
កម្ពុជាទទួលភ្ញៀវទេសចរអន្តរជាតិបានជាង 1.7លាននាក់ក្នុងរយៈពេល 8ខែ ដើមឆ្នាំ2018 នេះ
រយៈពេល 8ខែដើមឆ្នាំនេះ ភ្ញៀវទេសចរអន្តរជាតិជាង 1.7លាននាក់បានទិញសំបុត្រចូលទស្សនាតំបន់រមណីយដ្ឋានអង្គរ ដែលនាំចំណូលប្រមាណ 80លានដុល្លារដល់សេដ្ឋកិច្ចកម្ពុជា។ នេះបើយោងតាមរបាយការណ៍ពីក្រសួងទេសចរណ៍។
ក្នុងរបាយការណ៍បានបញ្ជាក់ថា គិតចាប់ពីខែមករា ដល់ខែសីហា ឆ្នាំ2018 ភ្ញៀវទេសចរអន្តរជាតិប្រមាណ 1.7លាននាក់(1,744,704នាក់)បានទិញប័ណ្ណចូលទស្សនារមណីយដ្ឋានអង្គកើនឡើង8,49%បើធៀបនឹងរយៈពេលដូចគ្នាកាលពីឆ្នាំមុន។ ក្នុងរយៈពេល 8ខែនៃឆ្នាំនេះគ្រឹះស្ថានអង្គរអាចប្រមូលចំណូលពីការលក់ប័ណ្ណចូលទស្សនារមណីយដ្ឋានអង្គរបានរហូតដល់ជិត 80លានដុល្លារ(78,778,208ដុល្លារ)កើនឡើងប្រមាណ13%(13,79%) ដោយក្នុងនោះភ្ញៀវទេសចរចិនដែលបានទិញសំបុត្រចូលទស្សនាច្រើនជាងគេឈរនៅលេខរៀងទី1។
របាយការណ៍ដដែលបានបញ្ជាក់ថា សម្រាប់តែសីហាឆ្នាំនេះ មានភ្ញៀវទេសចរជាង 201,865នាក់បានទិញប័ណ្ណចូលទស្សនាតំបន់អង្គរ ធ្វើឱ្យទទួលបានចំណូលជាង 9,113,3040ដុល្លារ និងបានបរិច្ចាគចំនួនជាង 4សែនដុល្លារចូលមូលនិធិមន្ទីរពេទ្យគន្ធបុប្ផា ហើយបើក្នុងរយៈពេល 8ខែដើមឆ្នាំនេះវិញ បរិច្ចាគបានប្រមាណជាង 3,,4លានដុល្លារចូលមូលនិធិមន្ទីរពេទ្យគន្ធបុប្ផា។
ឯកឧត្តម ថោង ខុន រដ្ឋមន្រី្ត ក្រសួងទេសចរណ៍ធ្លាប់បានបញ្ជាក់ថា កំណើននៃភ្ញៀវទេសចរបរទេសមកកម្ពុជាបានផ្ដល់នូវឱកាសវិនិយោគយ៉ាងច្រើនដល់កម្ពុជាក្នុងការជំរុញកំណើនសេដ្ឋកិច្ចជាតិ ដោយវិស័យនេះបានចូលរួមចំណែកក្នុងផលទុនជាតិសរុបប្រមាណ13%។
លោកស្រី ឆាយ ស៊ីវលីន ប្រធានសមាគមទីភ្នាក់ងារទេសចណ៍កម្ពុជាបានមានប្រសាសន៍ថា៖ ដើម្បីសម្រេចឱ្យបាននូវគោលដៅទាក់ទាញភ្ញៀវទេសចរឱ្យកើនដល់ 7លាននាក់នៅឆ្នាំ2020 ក្រសួងបានស្នើឱ្យគ្រប់ស្ថាប័ន និងភាគីពាក់ព័ន្ធបន្តចូលរួមអភិរក្ស និងរុករកតំបន់ទេសចរណ៍ធម្មជាតិ និងវប្បធម៌បន្ថែម ខណៈកម្ពុជាបច្ចុប្បន្នកំពុងស្ថិតក្នុងគោលដៅទេសចរណ៍បែបធម្មជាតិ និងវប្បធម៌ពីភ្ញៀវទេសចរអន្តរជាតិក្នុងតំបន់ និងប៉ែកអឺរ៉ុប។
លោកជំទាវបន្ថែមថា ការកើនឡើងនៃចំនួនភ្ញៀវទេសចរនាពេលនេះ គឺដោយសារភ្ញៀវទេសចរកាន់តែមានទំនុកចិត្តមកលើកញ្ចប់សេវាកម្មទេសចរណ៍របស់កម្ពុជា ស្របពេលដែលក្រសួងទេសចរណ៍ និងស្ថាប័នពាក់ព័ន្ធ បាននិងកំពុងខិតខំផ្សព្វផ្សាយពីសក្តានុពលតំបន់ទេសចរណ៍របស់កម្ពុជា។
គួរបញ្ជាក់ថា ក្នុងរយៈពេលប៉ុន្មានឆ្នាំចុងក្រោយនេះ វិស័យទេសចរណ៍មានការអភិវឌ្ឍគួរឱ្យកត់សម្គាល់ ហើយសម្រាប់គោលដៅទៅមុខ 5ឆ្នាំបន្តនោះ ក្រសួងនឹងបន្តទាក់ទាញភ្ញៀវទេសចរមកកម្ពុជា ឱ្យកើនដល់ 15លាននាក់នៅឆ្នាំ2030៕

September 5, 2018
Del Potro ផ្តួល Isner ដើម្បីឈានទៅវគ្គ 1/2 នៃ US Open
កីឡាករវាយកូនបាល់ Juan Martin del Potro បានឈានទៅវគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ US Open ជាលើកទី3 កាលពីថ្ងៃអង្គារ ក្រោយពីបានផ្តួលកីឡាករ John Isner ក្នុងលទ្ធផល 6-7 (5/7) 6-3 7-6 (7/4) និង6-2 ដើម្បីបញ្ចប់ក្តីសង្ឃឹមរបស់អាមេរិក សម្រាប់ការដណ្តើមជើងឯកផ្នែកបុរសក្នុងព្រឹត្តិការណ៍នេះ ចាប់តាំងពីឆ្នាំ2003មក។
កីឡាករអាហ្សង់ទីន Del Potro ដែលជាម្ចាស់ជើងឯកឆ្នាំ2009 នឹងត្រូវឈានទៅជួបនឹងកីឡាករមានចំណាត់ថ្នាក់លេខ1 ក្នុងពិភពលោក Rafael Nadal ដែលជាម្ចាស់ជើងឯក ឬកីឡាករអូទ្រីស Dominic Thiem ដើម្បីប្រជែងយកកៅអីទៅវគ្គផ្តាច់ព្រ័ត្រ។ Del Potro បានរងបរាជ័យក្នុងសិតទី1 របស់គេនៃយុទ្ធនាការនេះពេលប្រកួតជាមួយនឹង Isner ដែលបានធ្វើឱ្យគេឈានទៅដល់វគ្គ 8នាក់ចុងក្រោយជាលើកទី1 របស់គេ ក្នុងព្រឹត្តិការណ៍របស់ Grand Slam លើទឹកដីខ្លួនឯង។ ប៉ុន្តែ ទោះបីជាយ៉ាងណា កីឡាករវ័យ២29ឆ្នាំរូបនេះ មិនបានភ្លាត់ស្នៀតទៀតឡើយ ក្នុងការប្រកួតរយៈពេល 3ម៉ោង និង31នាទី ខណៈដែល Isner បានវាយកូនបាល់ 26លើក និងធ្វើឱ្យមានកំហុស 52លើក ខណៈដែល Del Potro បានបង្កើតឱ្យមានកំហុសត្រឹមតែ 14លើកប៉ុណ្ណោះ។
ក្រោយពីបានយកឈ្នះជាលើកទី8 លើកីឡាករ Isner ក្នុងការជួបគ្នាចំនួន 12លើកនោះ Del Potro បានឱ្យដឹងថា៖ «ការឈានទៅកាន់វគ្គពាក់កណ្តាលផ្តាច់ព្រ័ត្រម្តងទៀតក្នុងទីក្រុងញូវយ៉ក ក្នុងយុទ្ធនាការដែលខ្ញុំចូលចិត្តជាងគេនេះ គឺពិតជាពិសេសណាស់សម្រាប់ខ្ញុំ។ ការជួបជាមួយនឹង John ក្នុងការប្រកួតបែបនេះ ពិតជារឿងដ៏រំភើបមួយ»៕
ប្រភពពី៖ Channel News Asia
September 5, 2018
រងជើងឯក World Cup ក្រូអាស៊ី ត្រៀមប៉ះ ព័រទុយហ្គាល់ ថ្ងៃព្រហស្បតិ៍
ខណៈដែលនៅតែមានការរីករាយចំពោះការជួបភាពជោគជ័យជាប្រវត្តិសាស្ត្រក្នុង World Cup ក្រុមបាល់ទាត់ជម្រើសជាតិក្រូអាស៊ី នឹងត្រូវធ្វើដំណើរទៅកាន់ការសាកល្បងសមត្ថភាពដ៏មានសក្តានុពលមួយ ខណៈដែលរដូវកាលថ្មីរបស់ពួកគេ នឹងចាប់ផ្តើមជាមួយនឹងការប្រកួតមិត្តភាពជាមួយនឹងក្រុមជម្រើសជាតិព័រទុយហ្គាល់ ក្នុងទីក្រុង Faro នៅថ្ងៃព្រហស្បតិ៍។
វានឹងក្លាយជាការប្រកួតជាលើកទី1 របស់ប្រទេសដ៏តូចមួយនេះ ចាប់តាំងពីពួកគេត្រូវបានដឹកនាំដោយខ្សែបម្រើឆ្នើម Luka Modric ដែលបានរងបរាជ័យក្រោមស្នាដៃក្រុមជម្រើសជាតិបារាំង ក្នុងព្រឹត្តិការណ៍ World Cup វគ្គផ្តាច់ព្រ័ត្រ កាលពីខែកក្កដា ខណៈដែលការបរាជ័យនេះត្រូវបានចាត់ទុកថា ជាជ័យជម្នះមួយសម្រាប់ក្រុមរបស់ប្រទេសមួយ ដែលមិនធ្លាប់បានឈានដល់ដំណាក់កាលនេះសោះកាលពីពេលមុនៗ។ ជ័យជម្នះរបស់ពួកគេបានកើតឡើងស្របពេលមានភាពចម្រូងចម្រាសជុំវិញកីឡាបាល់ទាត់ក្នុងប្រទេសក្រូអាស៊ី ពោលគឺមានចាប់ពីភាពជាតិនិយមជ្រុលរបស់ក្រុមអ្នកគាំទ្រ រហូតដល់បញ្ហាផ្នែកច្បាប់ជាដើម។ ប៉ុន្តែ អ្នកគាំទ្រនានា នឹងត្រូវរំឭកឱ្យឃើញពីរឿងអតីតកាល នៅពេលដែលក្រុមជម្រើសជាតិក្រូអាស៊ី ប៉ះជាមួយនឹងក្រុមជម្រើសជាតិអង់គ្លេស ក្នុងការប្រកួតយុទ្ធនាការ Nations League លើទឹកដីខ្លួនឯង នាថ្ងៃទី12 ខែតុលា។
ការប្រកួតនេះ នឹងត្រូវលេងនៅក្នុងកីឡដ្ឋានដែលគ្មានអ្នកទស្សនា ដែលជាការដាក់ទណ្ឌកម្មរបស់ UEFA នៅមុនពេលពួកគេប្រកួតជម្រុះសម្រាប់យុទ្ធនាការ Euro ឆ្នាំ2020 ជាមួយនឹងក្រុមជម្រើសជាតិអ៊ីតាលី៕
ប្រភពពី៖ Channel News Asia
September 5, 2018
ប៊ុត សីហា នៅតែប្រឹងប្រែងក្នុងវិថីសិល្បៈ បើទោះជាមិនសូវមានទីផ្សារច្រៀងដូចគេ
លោក ប៊ុត សីហា មួយរយៈមកនេះហាក់ទទួលបានការគាំទ្រពីសំណាក់ទស្សនិកជនច្រើនគួរសមឡើងវិញ បន្ទាប់ពីតារាចម្រៀងប្រុសរូបនេះបានកែប្រែកំហុសរបស់ខ្លួនវិញ ក្រោយជួបរឿងអាស្រូវពាក់ព័ន្ធនឹងការប្រើប្រាស់សារធាតុញៀន។ ជាមួយគ្នានេះ បើទោះបីជាពេលកន្លងទៅ លោកធ្លាប់បានធ្វើឱ្យទស្សនិកជនខកចិត្តក៏ដោយ ប៉ុន្តែអ្វីដែលល្អ គឺលោកចេះដឹងខ្លួន កែប្រែកំហុស សាងកេរ្តិ៍ឈ្មោះឡើងវិញ ដែលជាកត្តាមួយធ្វើឱ្យលោកមានអ្នកគាំទ្រជាថ្មីម្តងទៀត ខណៈក្រៅពីបង្ហើរសំនៀងហើយនោះ គេក៏ឃើញវត្តមានរបស់លោកចូលរួមក្នុងកិច្ចការសង្គមសប្បុរសធម៌មួយចំនួនផងដែរ។
រឿងអាស្រូវចាស់ត្រូវបានបញ្ចប់ បច្ចុប្បន្ននេះលោកកំពុងព្យាយាមចូលរួមធ្វើសកម្មភាពសប្បុរសធម៌ជាមួយនឹងកុមារ និងក្មេងៗ ខ្វះខាតជាច្រើននៅតំបន់ដាច់ស្រយាលជាមួយអង្គការ IKARE។ ជាក់ស្តែងកាលពីថ្មីៗនេះ តាមរយៈគណនីហ្វេសប៊ុកមួយដែលមានភាពស្និទ្ធស្នាលជាមួយតារាចម្រៀងអតីតម្ចាស់ពាន The Voice Cambodia រូបនេះបានបង្ហោះវីដេអូមួយ និងបានរៀបរាប់ថា «ថតរូប និងបញ្ជូល MV បទ “កូនខុសហើយម៉ែ” និងថតបទថ្មី 3បទ ចេញថ្ងៃសៅរ៍នេះហើយ បទរបស់សីហា បទថ្មីរបស់គាត់ រង់ចាំទាំងអស់គ្នាណា»។ មើលតាមវីដេអូនេះ លោកប៊ុតសីហា បានខំប្រឹងប្រែងខ្លាំងណាស់ បើទោះជាការច្រៀងនេះមិនដូចជាច្រៀងនៅផលិតកម្មធំៗដូចពេលមុនក្តី ប៉ុន្តែយើងសង្កេតឃើញថា ទឹកមុខរបស់លោកប៊ុតសីហា ពោរពេញដោយភាពរីករាយយ៉ាងខ្លាំង។
គួរជម្រាបថា ប៊ុត សីហា តាមរយៈការបង្ហើរសំនៀងនេះ ទស្សនិកជនបានសង្កេតឃើញថា ទោះខកខានឡើងឆាកចម្រៀងធំៗជាយូរមកហើយក្តី តែទឹកដមសំឡេង និងការដាក់អារម្មណ៍របស់លោកត្រូវមហាជន ពិសេសអ្នកគាំទ្រជាច្រើននៅតែសរសើរមិនដាច់ពីមាត់ថា លោកធ្វើបានល្អ ហើយពួកគេសន្យាថា នឹងធ្វើជាអ្នកគាំទ្រលោកជារៀងរហូត ប្រសិនបើតារារូបនេះ ធ្វើខ្លួនជាមនុស្សល្អក្នុងសង្គម មិនបកក្រោយទៅប្រព្រឹត្តអំពើពាក់ព័ន្ធនឹងគ្រឿងញៀនទៀតនោះ៕
September 5, 2018
ម៉ៃ សុគន្ធ ចេញចម្រៀងថ្មីមានសម្ទុះចាប់អារម្មណ៍ខ្លាំង
តាមរយៈបណ្ដាញសង្គមហ្វេសប៊ុកនាពេលថ្មីៗនេះ គេបានឃើញតារាកំពូលទើសប្រចាំពិភពសិល្បៈខ្មែរគឺ លោក ម៉ៃ សុគន្ធ បានបង្ហោះបទចម្រៀងថ្មី ដែលជាចម្រៀង Cover ពីបទចម្រៀងល្បីរបស់វៀតណាមដោយមិនខ្លាចមហាជនរិះគន់ទាល់តែសោះ។ តែផ្ទុយទៅវិញ បែរជាមានសម្ទុះនៃការចាប់អារម្មណ៍ខ្លាំងចំពោះចម្រៀងរបស់លោកទៅវិញ។
បទថ្មីរបស់ លោក ម៉ៃ សុគន្ធ មានចំណងជើងថា «មហាទើស» ដែលសម្រួលតន្ត្រីដោយ Mc Bull និងនិពន្ធទំនុកច្រៀងដោយកវី តូច ស៊ីវចន្ទ។ គួរបញ្ជាក់ផងដែរថា បទវៀតណាមដែលកំពុងតែល្បីខ្លាំង និងកំពុងមានការច្រៀងលំនាំតាមនោះ មានចំណងជើងថា « đờilạlắm à nghen» ហើយបទចម្រៀងនេះទទួលបានការពេញនិយមកាន់តែខ្លាំងពីសំណាក់បណ្ដាប្រទេសជិតខាង រួមទាំងប្រជាជនកម្ពុជាផងដែរ បើទោះជាអ្នកស្តាប់មិនយល់អត្ថន័យនៃបទចម្រៀងនេះក៏ដោយ ប៉ុន្តែសាច់ភ្លេងហាក់ធ្វើឱ្យអ្នកស្តាប់បាត់ទុក្ខកង្វល់មួយគ្រាទៅតាមបទចម្រៀងមួយនេះផងដែរ។
តោះ! កុំឱ្យខាតពេលយូរ សូមទៅទស្សនាវីដេអូចម្រៀងថ្មីរបស់លោក ម៉ៃ សុគន្ធ ទាំងអស់គ្នា៖
https://youtu.be/1m_TJYDCXkw
September 5, 2018
ទស្សនាវីដេអូ Pre-Wedding នី រតនា និងគូដណ្ដឹង
ប្រមាណជាចុងឆ្នាំ 2018 នេះ តារាចម្រៀងប្រចាំផលិតកម្មហង្សមាស និងជាអតីតម្ចាស់ពាន Cambodian Idol គឺ លោក នី រតនា និងមានគម្រោងចូលរោងការចាប់ៗហើយ លោកបានដឹកដៃគូដណ្ដឹងរូបស្រស់របស់លោក ក៏បានធ្វើដំណើរកម្សាន្ដនៅឯប្រទេសថៃយ៉ាងរ៉ូមែនទិក។ ក្នុងនោះលោកក៏បានថតរូបស្អាតៗបែបស្និទ្ធស្នាលគ្នាជាច្រើន បង្ហោះឱ្យអ្នកគាំទ្របានឃើញក្នុងបណ្ដាញសង្គមហ្វេសប៊ុក និងអ៊ីនស្ដាក្រាម ដែលធ្វើឱ្យគ្រប់គ្នានឹកច្រណែនយ៉ាងខ្លាំងតែម្ដង។
ជាក់ស្តែងថ្មីៗនេះ បន្ទាប់ពីទម្លាយពីរូបថត Pre-Wedding ជាច្រើនសន្លឹក តារាចម្រៀងប្រុសរូបនេះ ត្រូវបានគណនីហ្វេសប៊ុកឈ្មោះ R & T Pre Wedding Trailer ទម្លាយវីដេអូខ្លី Pre-Wedding របស់លោក និងអនាគតភរិយា យ៉ាផ្អែមល្ហែម ធ្វើឱ្យមហាជនពិតជាចាប់អារម្មណ៍ខ្លាំង ព្រោះតែទាំងទេសភាព បច្ចេកទេសថត និងលោក នី រតនា ជាមួយអនាគតភរិយា ពិតជាស្អាតទាំងអស់តែម្តង។
ដើម្បីឱ្យកាន់តែជាក់ច្បាស់ថា ស្រស់ស្អាតប៉ុណ្ណានោះ សូមទស្សនាវីដេអូខាងក្រោមនេះ ៖
September 4, 2018
ភ្ញាក់ផ្អើល !! គណនីហ្វេសប៊ុកមួយទម្លាយថា ម៉េង កែវពេជ្ជតា ដណ្ដើមយកប្តីគេនៅបារាំង
នៅពេលថ្មីៗនេះមានការភ្ញាក់ផ្អើលយ៉ាងខ្លាំង ដែលគេមើលឃើញថា មានគណនីហ្វេសប៊ុកមួយ បានទម្លាយសារយ៉ាងវែងអន្លាយរៀបរាប់ថា បុរសម្នាក់រស់នៅស្រុកបារាំង បានសម្រេចចិត្តបោះបង់គ្រួសារ ព្រោះតែតារាចម្រៀងអ្នកនាង ម៉េង កែវពេជ្ជតា និងធ្វើឱ្យកូនស្រី និងប្រពន្ធរបស់ខ្លួន មានសេចក្ដីឈឺចាប់យ៉ាងខ្លាំង។ ដូចដែរដឹងថា តារាចម្រៀងស្រីរូបនេះ មិនទាន់រលត់រឿងរ៉ាវពាក់ព័ន្ធជាមួយឆាកនយោបាយផងនោះ ស្រាប់តែមានរឿងស្រូវថ្មីមួយផ្សេងទៀតផ្ទួនៗតែម្ដង។ យ៉ាងណា នៅមិនទាន់ដឹងថា តើការចោទប្រកាន់នេះជារឿងពិត ឬយ៉ាងណានោះទេ ខណៈដែលមិនទាន់មានការឆ្លើយតបពីអ្នកនាង ម៉េង កែវពេជ្ជតា។
សារដែលបានបង្ហោះជាខេមរភាសានោះ មានខ្លឹមសារថា«ក្តៅៗ មេង ពេជ្ជតា លួចប្តីគេនៅបារាំង! ក្នុងលិខិតខាងក្រោមនេះ ក្មេងស្រីម្នាក់រៀបរាប់ អំពីការឈឺចាប់របស់នាង និងម្តាយនាង ទាក់ទងនឹងរឿងឪពុករបស់នាង លែងលះជាមួយម្តាយនាងដោយ ម៉េង កែវពេជ្ជតា បានទាក់ទងសាហាយស្មន់បង្វក់ឪពុករបស់នាង ឱ្យលែងលះជាមួយម្តាយរបស់នាង អំឡុង ម៉េង កែវពេជ្ជតា មកច្រៀងនៅបារាំង ឆ្នាំ2009 និង 2011 នាង និងម្តាយទើបតែដឹងរឿងសាហាយស្មន់នេះ ឆ្នាំ2015។ គោលបំណង ម៉េង ពេជ្ជតា មកបារាំង ឆ្នាំ2018 គឺមកនៅប្រទេសបារាំងជាមួយឪពុកនាង រូបថតផ្ទះ ម៉េង ពេជ្ជតា បង្ហះក្នុងបណ្តាញសង្គមជាផ្ទះរបស់នាង ហើយនៅជិតផ្ទះរបស់ក្មេងស្រី ធ្វើឱ្យនាង និងម្តាយនាងរឹតតែឈឺចុកចាប់។ ទោះជាយ៉ាងណាក្មេងស្រី បានយំរៀបរាប់ថា ទោះឪពុកនាងមានកំហុសយ៉ាងណាក៍ដោយនាងនិងម្តាយនាងនៅតែស្រឡាញ់ឪពុករបស់នាងខ្លាំងណាស់ នាង និងម្តាយនាងនៅតែមានសង្ឃឹមរងចាំទទួលឪពុកនាងត្រឡប់មករកម្តាយនាងនិងនាងជានិច្ច។ សរុបសេចក្តី មេងពេជ្ជតា យកប្តីគេនៅបារាំង»។
គួបញ្ជាក់ដែរថា ការបង្ហោះនេះ គឺស្របនឹងដំណើររបស់អ្នកនាងទើបតែបានដល់ទឹកដីបារាំងកាលពីចុងខែសីហា ដោយក្នុងពេលនេះអ្នកនាងកំពុងនាំកូនដើរកម្សាន្តយ៉ាងសប្បាយរីករាយនៅក្នុងទីក្រុងប៉ារីស។ អ្នកនាងម៉េង កែវពេជ្ជតា មិនទាន់ឃើញបញ្ចេញប្រតិកម្មនឹងការបង្ហោះនេះនៅឡើយទេ ប៉ុន្តែផ្អែកតាមការបង្ហោះ បានធ្វើអោយប៉ះទង្គិចដល់កេរ្តិ៍ឈ្មោះរបស់អ្នកនាងយ៉ាងខ្លាំង ក្នុងនាមជាតារាចម្រៀងម្នាក់៕

September 4, 2018
រាជបណ្ឌិត្យសភា និងអ្នកជំនួញចិនបង្កើតគេហទំព័រពាណិជ្ជកម្មអេឡិចត្រូនិកសម្រាប់ទំនិញក្នុងស្រុក
រាជបណ្ឌិត្យសភាកម្ពុជា RAC (Royal Academy of Cambodia) បានចាប់ដៃគូជាមួយអ្នកជំនួញផ្នែកពាណិជ្ជកម្មអេឡិចត្រូនិកមកពីយូណាននៅភាគខាងត្បូងប្រទេសចិនដើម្បីបង្កើនការលក់ផលិតផលតាមប្រព័ន្ធអ៊ីនធើណិតលើផលិតផលកសិកម្មកម្ពុជា។ នេះបើតាមការឱ្យដឹងតាមរយៈពីធីចុះហត្ថលេខាលើកិច្ចព្រមព្រៀង MoU មួយកាលពីពេលថ្មីៗនេះ។
នៅក្នុងកិច្ចប្រជុំជាមួយលោក Yimin Yu មកពីមជ្ឈមណ្ឌលអភិវឌ្ឍន៍ពាណិជ្ជកម្មអេឡិចត្រូនិករបស់តំបន់យូណាន ទីក្រុងគុនមីងនៃសាធារណរដ្ឋប្រជាមានិតចិន និងបណ្ឌិតសភាចារ្យ សុខ ទូចប្រធានរាជបណ្ឌិត្យសភាកម្ពុជា RAC បានយល់ព្រមធ្វើការរួមគ្នាដើម្បីបង្កើតទីផ្សារអនឡាញសម្រាប់ទំនិញកសិកម្មកម្ពុជាក្នុងចំណោមគម្រោងដទៃទៀត ហើយក៏បានព្រមព្រៀងសហការគ្នាដើម្បីប្រមូលទិន្នន័យស្តីពីទំនិញកសិកម្មកម្ពុជា និងបង្កើតគេហទំព័រពាណិជ្ជកម្មអេឡិចត្រូនិកជាភាសាខ្មែរ និងចិនដើម្បីជំរុញការទិញទំនិញតាមអ៊ីនធើណិតដោយផ្ទាល់។
នៅក្នុងជំនួបនេះ ភាគីទាំង2 ក៏បានពិភាក្សាអំពីលទ្ធភាពនៃការនាំផលិតផលកសិកម្មពីទីជនបទរបស់ប្រទេសកម្ពុជាទៅលក់នៅក្នុងប្រទេសចិន ហើយរំពឹងថាស្ថាប័នទាំង2 អាចបំពេញការងារជាមួយគ្នាក្រោយពីការចុះអនុស្សរណៈនៃការយោគយល់នេះរួច។ កិច្ចសហប្រតិបត្តិការនេះក៏គ្រោងនឹងបង្កើតប្រព័ន្ធផ្ទុកព័ត៌មានសម្រាប់ផលិតផលកសិកម្មកម្ពុជា ហើយនឹងសាងសង់ឃ្លាំងនៅក្នុងកំពង់ផែក្រុងព្រះសីហនុ និងទីតាំងផ្សេងៗទៀត។
គោលបំណងនៃជំនួបរវាងស្ថាប័នទាំង2 គឺ៖
– កិច្ចសហប្រតិបត្តិការលើទម្រង់នៃគម្រោងជំនួយនៃថវិកាសហប្រតិបត្តិការសម្រាប់ប្រទេស LDC ៖ ផ្តោតលើការផលិតដែលធានាគុណភាពដោយពឹងផ្អែកទម្រង់ពាណិជ្ជកម្មក្នុងទីជនបទរបស់ប្រទេសកម្ពុជា
– កិច្ចសហប្រតិបត្តិការលើការសិក្សាស្រាវជ្រាវពាណិជ្ជកម្មការបោះពុម្ព និងបង្កើនការគាំទ្រចំពោះកម្មវិធីបណ្តុះបណ្តាល និងការផ្លាស់ប្តូរអ្នកសិក្សាស្រាវជ្រាវ។
ឯកឧត្តម ហ៊ាន វណ្ណហន អគ្គនាយកនៃអគ្គនាយកដ្ឋានកសិកម្មបានគាំទ្រគម្រោងនេះ។ លោកបានមានប្រសាសន៍ថា ដោយសារកិច្ចសហការនេះ វានឹងជំរុញការធានាគុណភាពសម្រាប់ផលិតផលកសិកម្មចម្បងរបស់កម្ពុជា។ «ខ្ញុំគិតថា ភាពជាដៃគូនឹងមានប្រសិទ្ធភាពក្នុងការលើកកម្ពស់ការលក់ផលិតផលរបស់យើងនៅបរទេស»។
ក្នុងរយៈពេល 5 ឆ្នាំចុងក្រោយនេះការវិនិយោគរបស់ចិននៅក្នុងប្រទេសកម្ពុជាបានកើនលើស 21ពាន់លានដុល្លារ ដោយប្រទេសចិនបានកសាងផ្លូវជិត 3,000គីឡូម៉ែត្រ និងស្ពាន7 នៅក្នុងព្រះរាជាណាចក្រកម្ពុជា។ នៅក្នុងឆមាសទីមួយនៃឆ្នាំ2018 ការវិនិយោគរបស់ចិនស្មើនឹងជាង 5ពាន់លានដុល្លារ៕
September 4, 2018