Category: សង្គម និងសេដ្ឋកិច្ច

នៅពេលថ្មីៗនេះ បន្ទាប់ពីបានទទួលដំណឹងថា កូនស្រីរបស់ខ្លួនដែលមានឈ្មោះថា Veronica កំពុងតែធ្លាក់ខ្លួនឈឺធ្ងន់ ស្ទើរតែចង់បញ្ចប់ជិវិតខ្លួនឯង ពោលគឺ កើតជំងឺបាក់ទឹកចិត្តធ្ងន់ធ្ងរនោះ ស្រាប់តែលោក យ៉ែម សំអូន បានប្រកាសចេញបទចម្រៀង Original និពន្ធ និងបកស្រាយដោយរូបលោកផ្ទាល់ដើម្បីផ្ញើទៅកូនស្រីដែលកំពុងតែឈឺធ្ងន់នៅអូស្រ្តាលី។

ជាក់ស្ដែង ក្រោយពេលឮដំណឹងថា កូនស្រីមានជំងឺផ្លូវចិត្តធ្ងន់ធ្ងររួចមក លោក យ៉ែម សំអូន កំពុងរៀបចំនិពន្ធបទចម្រៀង Original Song មួយបទមានចំណងជើងថា «ទឹកភ្នែកសម្ងាត់ឪពុកខ្ញុំ» ច្រៀងរៀបរាប់អត្ថន័យពីរោះ និងសាច់ភ្លេងដ៏សែនកម្សត់ធ្វើឱ្យអ្នកដែលបានស្តាប់ហើយមានអារម្មណ៍ក្ដុកក្ដួលក្នុងចិត្តយ៉ាងខ្លាំង។  បទនេះដែរនឹងចេញផ្សាយដើម្បីស្វាគមន៍​ឱកាស​​បុណ្យភ្ជុំបិណ្ឌខាងមុខ និងជាការដាស់តឿនកូនៗមួយចំនួនដែលភ្លេចសងគុណ​ឪពុក-ម្ដាយក្នុងពេលដែល​ពួកគាត់នៅមានជីវិត​នៅ​ឡើយ។

ដើម្បីឱ្យជ្រាបកាន់តែច្បាស់ សូមប្រិយមិត្តទស្សនិកជនចូលរួមទស្សនាវីដេអូខាងក្រោមនេះទាំងអស់គ្នា៖

ថ្មីៗនេះ លោក ប៊ុត សីហា បានបញ្ចេញវីដេអូចម្រៀងថ្មី ដែលបង្ហាញពីស្នាដៃនិពន្ធបទចម្រៀងនៅលើបណ្ដាញទំនាក់ទំនងសង្គមហ្វេសប៊ុក និងកំពុងទទួលបានការចាប់អារម្មណ៍យ៉ាងសន្ធឹកសន្ធាប់ បើទោះបីជារូបលោកបច្ចប្បន្ននេះមិនទាន់មានផលិតកម្មធំណាចេញបទចម្រៀងឱ្យរូបលោកក៏ដោយ។

ចម្រៀងថ្មីរបស់លោក សីហា មានចំណងជើងថា «គ្មាន​អ្នក​ណាកែចិត្តបងទេ»  ជាបទចម្រៀងរៀបរាប់អំពីប្រវត្តិជីវិតពិតរបស់លោក និងកំហុសឆ្គងចំពោះក្រុមគ្រួសារ។ ហើយបទនេះដែរ ជាការនិពន្ធទំនុកច្រៀងដោយ សុខ លឹមរក្សា សម្រួលតន្ត្រីដោយ លោក អ៊ិច សំណាង បានធ្វើឱ្យបទចម្រៀងនិពន្ធថ្មីមួយនេះមានសម្ទុះខ្លាំងនៅលើបណ្ដាញសង្គម ទោះជាទើបតែបង្ហោះកាលពីថ្ងៃម្សិលមិញនេះក៏ដោយ។ គួរបញ្ជាក់ផងដែរថា លោក ប៊ុត សីហា ក៏កំពុងត្រៀមចេញបទចម្រៀងនិពន្ធថ្មីដែលមានអត្ថន័យអប់រំ និងលើកស្ទួយកិច្ចការសង្គម ជាច្រើនបទបន្ដបន្ទាប់ទៀតដែរ។

ចង់ដឹងថា ការបកស្រាយបទចម្រៀងនិពន្ធថ្មី ពិរោះរណ្ដំយ៉ាងណានោះ កុំឱ្យខាតពេលយូរ សូមទស្សនាវីដេអូខាងក្រោម៖

ប្រភេទមុន ដែលតែងកើតមាននៅលើស្បែកមុខរបស់មនុស្សនាសម័យនេះមានដូចជា មុនដែលកើតពីប្រតិកម្ម មុនដែលកើតពីការប្រែប្រួលអ័រម៉ូនមុនកប់ក្នុងសាច់ មុនធំ មុនធម្មតា សូមតាមដានលម្អិតជាមួយនឹងប្រភេទនៃមុនដូចតទៅ៖

ប្រភេទមុន
**មុនមិនប្រតិកម្មមានដូចជា ៖
– មុនក្បាលបើក
– មុនអង្កាម
– មុនក្បាលខ្មៅ
-មុនក្បាលបិទ
– មុនក្បាលស

**មុនកើតពីការប្រតិកម្មមានដូចជា ៖
– មុនប្រតិកម្ម
– មុនក្បាលខ្ទុះ
– មុនក្បាលដំរី
– មុនខ្ទុះគ្រាប់ធំ។ល។

ដំណើរនៃការកកើតមុន
នៅតាមបរិវេណរបស់រន្ធរោមនៅលើស្បែកមុខរបស់មនុស្សយើងនេះហើយ ជាមូលហេតុសំខាន់ដែលធ្វើឱ្យកើតមុន។ ក្រពេញខ្លាញ់ (Sebaceous Gland) បរិវេណរន្ធរោម មានតួនាទីកសាងខ្លាញ់ (Sebum) ប្រឆាំងនឹងស្បែកមុខ ដែលធ្វើឱ្យស្បែកមិនស្ងួត និងមានភាពរលើបរលោង។ Sebum បន្សំដោយ Triglyceride, Ester, Wax និងសារធាតុផ្សេងៗទៀត។ នៅពេលខ្លះវាបានបញ្ចេញជាតិខ្លាញ់ច្រើនជ្រុល ធ្វើឱ្យកកកុញនៅបរិវេណក្បែរៗរន្ធរោម និងកើតមានប្រតិកម្មបង្កឱ្យកើតជាមុន ដែលហៅថា ម៉ៃក្រូខូមីឌុន (Microcomedone) ដែលជាមូលហេតុនៃការកើតមុននៅលើស្បែក។ Microcomedone អាចនឹងបាត់ទៅវិញដោយខ្លួនឯង ឬវិវត្តទៅជាមុនតាមបែបផ្សេងៗគ្នាទៅតាមកត្ដារួមបញ្ចូល។ ប្រសិនបើមានការលាយឡំរបស់ជាតិខ្លាញ់ និងកោសិកាស្បែកចាស់(ក្អែល)នឹងធ្វើឱ្យកើតមុននៅក្នុងសាច់ជាដើម៕

វិធីការពារងាយៗគឺ ការកម្ចាត់បញ្ហាដែលបង្កឱ្យកើតមុន និងមិនធ្វើឱ្យឡើងខ្លាញ់មុខ តាមចំណុចណែនាំដូចខាងក្រោមនេះ ៖

1. គេងឱ្យបានគ្រប់គ្រាន់ : ការគេងមិនគ្រប់គ្រាន់ អាចជាមូលហេតុបណ្ដាលឱ្យកើតមុនដូចគ្នា ដោយសារតែរាងកាយរបស់យើងទន់ខ្សោយ និងអស់កម្លាំង។

2. ធ្វើអារម្មណ៍ឱ្យរីករាយ : អារម្មណ៍រីករាយស្រស់ស្រាយ ធ្វើឱ្យអ្នកមានសេ​ចក្ដីសុខចៀសផុតពីភាពតានតឹង ដែលជាមូលហេតុបណ្ដាលឱ្យកើតមុន។

3. ទទួលទានអាហារបន្លែច្រើន : ការដែលអ្នកទទួលទានអាហារបន្លែ នឹងធ្វើឱ្យអ្នកលាងជាតិពុលចេញពីរាងកាយបានយ៉ាងល្អ និងផ្តល់វីតាមីនផ្សេងៗដល់រាងកាយរបស់អ្នកជាច្រើនព្រមទាំងជួយឱ្យរាងកាយរបស់អ្នករឹងមាំឡើង។

4. ទទួលទានអាហារដែលមានសារធាតុខ្លាញ់សមល្មម : ប្រសិនបើអ្នកទទួលទានអាហារដែលមានសារធាតុខ្លាញ់ច្រើនពេក អាចនឹងបណ្ដាលឱ្យមានជាតិខ្លាញ់ក្នុងរាងកាយច្រើនដែលជាមូលហេតុមួយទៀតនៃការកើតមុន។

5. លាងមុខឱ្យបានស្អាត : ការលាងមុខឱ្យស្អាត ធ្វើឱ្យមុខរបស់អ្នកស្អាត មិនកខ្វក់ដែលវាជាវិធីការពារមួយទៀត តែគប្បីប្រយ័ត្នបន្ដិច មិនគួរលាងមុខញឹកញាប់ពេកនោះទេព្រោះបណ្ដាលឱ្យស្បែកមុខរបស់អ្នកស្ដើង និងខូច។ ការលាងមុខ គួរលាងត្រឹមតែ2ដងនៅក្នុងមួយថ្ងៃ គឺនៅពេលព្រឹក និងពេលល្ងាច និងនៅក្នុងអំឡុងពេលលេងកីឡារួច ពេលហាត់ប្រាណរួច ឬអំឡុងពេលណាដែលអ្នកគិតថាផ្ទៃមុខរបស់អ្នកកខ្វក់ខ្លាំង។ អ្នកអាចលាងមុខបានតាមតម្រូវការ ជាមួយប្រភេទសាប៊ូដែលមិនកាត់ស្បែកមុខ មិនគួរញីដុសស្បែកមុខជាមួយសាប៊ូខ្លាំងៗពេកនោះទេ អ្នកត្រូវលាងមុខយ៉ាងថ្នមៗ។ អ្នកត្រូវលាងមុខ ចាប់ពីផ្នែកខាងក្រោមដេញទៅដល់ថ្ងាស និងស្នៀតផ្កា។ បន្ទាប់ពីដុសមុខនឹងសាប៊ូរួច អ្នកត្រូវលាងសម្អាតសាប៊ូចេញឱ្យអស់ពីផ្ទៃមុខផង។ មិនត្រូវប្រើឡេ ឬ Astringent ជូតស្បែកមុខរបស់អ្នកនោះទេលើកលែងតែមុខរបស់អ្នកមានខ្លាញ់ច្រើនតែប៉ុណ្ណោះ។ ហើយអ្នកគួរកក់សក់យ៉ាងខ្ជាប់ខ្ជួនផងដែរ ចំពោះអ្នកដែលមានសក់ក្រាស់ អ្នកគួរ កក់សក់ជារៀងរាល់ថ្ងៃ ដើម្បីការពារមេរោគចម្លងមកផ្ទៃមុខរបស់អ្នក ដែលអាចបណ្តាលឱ្យកើតមុនបាន។

6. ប្រើក្រដាសផ្ដិតខ្លាញ់ពីផ្ទៃមុខ : ប្រសិនបើមុខរបស់អ្នកមានខ្លាញ់ច្រើនពេកនោះ សូមសាកល្បងប្រើក្រដាសផ្ដិតខ្លាញ់ចេញពីផ្ទៃមុខរបស់អ្នក ក៏ជាវិធីការពារមួយដែរ។ អ្នកត្រូវផ្ដិត ឬជូតល្មមៗបានហើយ មិនគួរជូតពេញមួយថ្ងៃនោះទេ។

7. ចៀសវាងការប៉ះពាល់មុខ : ផ្ដោតអារម្មណ៍ជាមួយមុខឱ្យបានតិចតួចបំផុត ព្រោះដៃរបស់អ្នកទាំងកខ្វក់ ទាំងមានបាក់តេរី ដែលជាមូលហេតុធ្វើឱ្យកើតមុន។

8. ប្រើថ្នាំបំបាត់មុន : ប្រើប្រាស់ថ្នាំ ដើម្បីជួយបំបាត់បញ្ហាមុននៅលើផ្ទៃមុខរបស់អ្នក៕

ការប្រកួតបាល់ទាត់ក្រោមដំណក់ទឹកភ្លៀងនៅយប់ថ្ងៃទី5 ខែកញ្ញា រវាងក្រុមបាល់ទាត់មហាហង្ស និងក្រុមជើងខ្លាំងមួយដែលមានឈ្មោះថា ក្រុមMan U Khmer ត្រូវបានម្ចាស់ផលិតកម្មមហាហង្ស លោក អ៊ិន សុភិន ប្រាប់សារព័ត៌មានឡារ៉ែនថា គឺជាការប្រកួតមិត្តភាពដើម្បីអបអរដល់ភាពយន្តរឿង «ព្រលឹង» សម្ដែងដោយលោក ហេង នរៈកក្កដា ដែលទើបថតចប់។ តែអ្វីដែលគេភ្ញាក់ផ្អើលនោះ គឺការប្រកួតត្រូវបញ្ចប់ដោយតារាសម្ដែងរូបនេះរកបានដល់ 5គ្រាប់តែម្នាក់ឯង ធ្វើឱ្យក្រុមមហាហង្សឈ្នះដល់ 7-0 (ពិតជាមិនធម្មតាមែន!)។

លោក ហេង នរៈកក្កដា អះអាងថា លោកបានចំណាយពេលថតកុនរឿង «ព្រលឹង» ​ឱ្យផលិតកម្មមហាហង្សនេះដោយលំបាក និងផ្សងគ្រោះថ្នាក់ច្រើនណាស់ ដោយសារតែភាពយន្តមួយនេះជារឿងបែបភ័យរន្ធត់ និងតម្រូវឱ្យលោកសម្ដែងជាតួខ្មោច និងថតដល់ពាក់កណ្ដាលអធ្រាត្រនៅក្នុងព្រៃជ្រៅទៀតផង។ លោកនិយាយថា ការសម្ដែងនៅក្នុងរឿងនេះ ធ្វើឱ្យលោកបានស្គាល់នូវរសជាតិជីវិតច្រើនណាស់ ជាពិសេសគឺការដេកព្រៃ និងខានមានពេលសប្បាយជួបជុំជាមួយមិត្តភក្តិ ដែលនាំឱ្យលោកដាក់សំណើសុំលេងបាល់មិត្តភាពនៅពេលខ្សែភាពយន្តនេះថតចប់។

លោកធ្វើឱ្យក្រុមជាគូប្រកួតភ្ញាក់ផ្អើលយ៉ាងខ្លាំង ដោយសារតែលោកម្នាក់ឯងរកបាន 5គ្រាប់ ដែលមិនអាចឱ្យសមាជិកផ្សេងទៀតមិនសរសើរពីថ្វីជើងលោកមិនបានឡើយ។ ជ័យជម្នះរបស់លោក មិនខុសពីការសម្ដែងការអបអរចំពោះខ្សែភាពយន្តដែលបានថតចប់ និងស្វាគមន៍សមាជិកថ្មី គឺពិធីករ មូល សារ៉ាវ៉ាន់ ដែលជាតួអង្គសំខាន់មួយក្នុងរឿង «ព្រលឹង» ដែលទើបបង្ហាញខ្លួនចូលលេងក្នុងក្រុមមហាហង្សជាលើកដំបូងនោះទេ។

លោក ហេង នរៈកក្កដា ត្រូវបានគេចាត់ទុកថា ជា Super Star មួយរូបរបស់ក្រុមមហាហង្ស ដោយក្នុងតង់ទី1លោករកបាន 3គ្រាប់ និងតង់ទី2 រកបាន 2គ្រាប់បន្ថែមទៀត ខណៈដែលចំនួនគ្រាប់ទាំងនោះបានជួយឱ្យក្រុមមហាហង្សទទួលបានបានដល់ទៅ 7គ្រាប់ ឈ្នះលប់លើក្រុមគូប្រកួត។ លោកថា សប្បាយចិត្តណាស់ ដែលលោកអាចស្វែងរកគ្រាប់បាល់បានច្រើនម្នាក់ឯង ស្របគ្នាដែលខ្សែភាពយន្តរបស់លោកគឺរឿង «ព្រលឹង» ក៏បានបញ្ចប់ដោយជោគជ័យដែរ ទោះជាមានការរំខានដោយភ្លៀង និងត្រូវធ្វើដំណើរផ្លូវឆ្ងាយក៏ដោយ។ យ៉ាងណាមិញ លោកថា លោកមិនដែលគិតថា ចង់ក្លាយខ្លួនជាកីឡាករអាជីពទេ បើទោះជាលោកកាន់តែមានថ្វីជើងល្អឡើងក្នុងការលេងបាល់នាពេលកន្លងមកក៏ដោយ។

នៅក្នុងការប្រកួតនៅថ្ងៃនោះ គេឃើញវត្តមានតារាសម្ដែងល្បីៗជាច្រើនដូចជា លោក មូល សារ៉ាវ៉ាន់ ពិធីករ PNN  លោក ភឹម តារាវិបុល និងតារាជាច្រើនរូបទៀត ក្រៅពីលោក ហេង នរៈកក្កដា ដែលអាចរកបាន5គ្រាប់ម្នាក់ឯងហើយនោះ។ យ៉ាងណាមិញ នេះមិនមែនជាលើកទី1ទេ ដែលក្រុមមហាហង្សរកបានច្រើនគ្រាប់ ព្រោះជ័យជម្នះលើសលប់លើកណា ក៏មិនដែលគ្មានការរួមចំណែករបស់លោក ហេង នរៈកក្កដាដែរ៕

បន្ទាប់ពីល្ខោនខោលខ្មែរក្លាយជាប្រធានបទក្ដៅរួចមក គេកត់សម្គាល់ឃើញថា នៅលើបណ្ដាញសង្គមហ្វេសប៊ុក បានអណ្ដែតដោយរូបភាពសិល្បៈវប្បធម៌ជាច្រើនសន្លឹក ជាពិសេសគឺ ការស្រឡាញ់សិល្បៈបុរាណខ្មែរ ដែលដូនតាបានបន្សល់ទុកឱ្យ។ ក្រៅពីនោះ គេក៏ឃើញមានជនជាតិបរទេសដែលរស់នៅក្នុងស្រុកខ្មែរមួយចំនួន បានចេញមុខបង្ហោះពីសមត្ថភាពដែលអាចសម្ដែង និងលេងឧបករណ៍តន្ត្រីខ្មែរបានយ៉ាងគួរឱ្យចាប់អារម្មណ៍ខ្លាំងបំផុត។

ជាក់ស្តែងវីដេអូមួយដែលបង្ហោះដោយគណនីហ្វេសប៊ុកមួយដែលមានឈ្មោះថា SarathSarathSarath បានបង្ហាញពីជនជាតិបរទេសមួយរូបដែលអាចលេងចាប៉ីដងវែងបានយ៉ាងល្អ ហើយលោកថែមទាំងបានរៀបរាប់ថា «កូនស្រីខ្ញុំ ត្រូវកូនសិស្សបារាំងចែចង់យកទៅស្រុកគាត់ តែខ្ញុំមិនដាច់ចិត្តបេះចេញពីដើមទ្រូងទេ កូនចាប៉ីខ្ញុំអើយចូលចិត្ត»។ គ្រាន់តែអានហើយ ក៏មានអារម្មណ៍ថា ហេតុអ្វីបានជាជនជាតិបរទេសរូបនេះស្រឡាញ់ចាប៉ីដងវែងដូចជាកូនស្រីរបស់ខ្លួនខ្លាំងម្ល៉េះ?

យ៉ាងណាមិញ មហាជនអ្នកគាំទ្រជាច្រើនដែលបានទស្សនាវីដេអូនេះហើយ បានពោលសរសើរកំឡោះសង្ហាបរទេសរូបនោះមិនដាច់ពីមាត់ថា «ខ្លូនជាបរទេសសោះតែអាចលេងចាប៉ីដងវែងខ្មែរបានយ៉ាងល្អ និងប្រកបដោយទឹកមុខសប្បាយរីករាយ និងសោមនស្សជាមួយការលេងឧបករណ៍បុរាណខ្មែរនេះខ្លាំងណាស់»។

កុំឱ្យខកខានយូរ សូមទស្សនាវីដេអូបរទេសសម្ដែងចាប៉ីដងវែងខ្មែរ ខាងក្រោមនេះ ៖