Category: សង្គម និងសេដ្ឋកិច្ច

ភាយន្ដល្បី « ព្រះម៉ែណាឃី 2 » ដាក់បញ្ចាំងក្នុងរោងកុនឆាប់ៗនេះ
តាមរយៈការទម្លាយវីដេអូផ្សព្វផ្សាយភាយន្ដថ្មីៗ គេមើលឃើញថា រឿងភាគដ៏ល្បីល្បាញប្រចាំឆ្នាំ 2017 កន្លងទៅមានចំនងជើងថា « ណាឃី ឬ ព្រះម៉ែ ណាឃី » ដែលសម្តែងដោយលោក Ken និងនាង Taew ទទួលបានការចាប់អារម្មណ៍ខ្លាំង រហូតមានហ្វេនជាច្រើនសំណូមពរឱ្យមានភាគទី2 ទើបអ្នកដឹកនាំរឿងជ្រើសរើសយកតួផ្សេងមកដើរតួជំនួសវិញ ។
ភាយន្ដល្បី « ព្រះម៉ែណាឃី 2 » គឺសម្តែងដោយ Nadech Kugimiya និងនាង Yaya Urassaya នឹងមានវត្តមាននៅតាមរោងកុនប្រទេសថៃ នៅថ្ងៃទី 18 ខែតុលា ខាងមុខនេះហើយ ។ ក្រោយពីការបញ្ចប់នៃការនៃដាក់បញ្ចាំងនៅក្នុងរោងកុនរួចហើយ ភាពយន្ដមួយនេះ និងត្រូវបានចាក់ផ្សាយនៅលើកញ្ចក់ទូរទស្សន៍ប៉ុស្ដិ៍លេខ 3 ថៃ ជារឿងភាគបន្ដផងដែរ។
គួរបញ្ជាក់ផងដែរថា ទើបតែវបង្ហាញឈុតខ្លីៗនៅលើបណ្ដាញសង្គមតែប៉ុណ្ណោះ អ្នកគាំទ្រជាច្រើនទប់អារម្មណ៍ទស្សនាស្ទើតែមិនបានទៅហើយ។ តោះកុំឲ្យខាតពេលយូរទៅទស្សនាឈុតខ្លីៗនៅខាងក្រោមទាំងអស់គ្នា ៕
https://youtu.be/qtyeJXznbdk
September 14, 2018
ចង់តែសើច!! ខណៈដែលកំពូលតារាចម្រៀងស្រីទាំងបួនជួបគ្នា
ថ្មីៗនេះ មានគណនីហ្វេសប៊ុកមួយបានទម្លាយវីដេអូមួយ ដែលគេមើលឃើញថា កំពូលតារាចម្រៀងស្រី 4 រូប មាន មាស សុខសោភា, ឱក សុគន្ធកញ្ញា, ពេជ្រ សោភា និងអ្នកនាង សុគន្ធ នីសា បានជួបគ្នា ខណៈដែលថតឈុតសម្លៀកបំពាក់ឱ្យហាងកាត់ដេរមួយកន្លែង។
អ្វីដែលពិសេសនៅក្នុងវីដេអូនេះគឺ តារាស្រីទាំងអស់ ក្រៅពីបានជួបជុំធ្វើការជាមួយគ្នា ពួកគេបានបង្ហាញនៅចរិតហ្ស៊ីនបែបកំប្លែងៗ កូរពេញកន្លែងថតតែម្តង។ ចង់ដឹងថា តារាចម្រៀងស្រី ពេជ្រ សោភា និងអ្នកនាង និមន្ទល កូរតារាស្រីចម្រៀងស្រី 3 ដួងទៀតយ៉ាងណានោះ សូមទស្សនាវីដេអូសំណើចខាងក្រោមនេះ ៖
September 14, 2018
ដឹងហើយ! បញ្ហាដែលធ្វើឱ្យគណិតវិទ្យាធ្លាក់ច្រើន គឺដោយសារបច្ចេកទេសកុំព្យូទ័រ
ក្រោយពីមានផ្ទុះការតវ៉ាយ៉ាងច្រើនពីសំណាក់សិស្សានុសិស្សដែលកើតទុក្ខមិនសុខចិត្តជាមួយនឹងលទ្ធផលប្រឡងមធ្យមសិក្សាទុតិយភូមិសម័យប្រឡងថ្ងៃទី20 ខែសីហា ឆ្នាំ2018 នោះ ក្រសួងអប់រំ យុវជន និងកីឡា បានប្រកាសដោះស្រាយដោយបង្កើតគណៈកម្មការមួយឡើង ដើម្បីវិនិច្ឆ័យឱ្យបានច្បាស់លាស់។
សិស្សជាច្រើនបានលើកគ្នាមកតវ៉ា ដោយក្នុងនោះក៏មានសិស្សពូកែគណិតវិទ្យាទូទាំងប្រទេសផងដែរ ដោយពួកគេបានកើតទុក្ខមិនសុខចិត្តជាមួយនឹងលទ្ធផលគណិតវិទ្យារបស់ពួកគេដែលចេញមកបាននិទ្ទេស F ហើយបានដាក់ពាក្យស្នើសុំឱ្យក្រសួងដោះស្រាយ។
បន្ទាប់ពីបានស្វែងរក និងស្រាវជ្រាវរកបញ្ហាមិនប្រក្រតីរួចមក ក្រសួងអប់រំ យុវជន និងកីឡា បានចេញសេចក្តីប្រកាសព័ត៌មានជាថ្មីដោយបានបញ្ជាក់ថា បញ្ហាដែលកើតមានកន្លងមក គឺដោយសារ «ដំណើរការបូកស្រង់ពិន្ទុតាមប្រព័ន្ធកុំព្យូទ័រមានបញ្ហាបច្ចេកទេសដែលធ្វើឱ្យប៉ះពាល់ដល់ពិន្ទុវិញ្ញាសាគណិតវិទ្យារបស់ថ្នាក់វិទ្យាសាស្ត្រ ក្នុងមណ្ឌលមួយចំនួន ដោយកុំព្យូទ័រមិនបានបូកស្រង់មុខវិជ្ជាគនិតវិទ្យារបស់បេក្ខជនចំនួន 740បន្ទប់»។
បន្ទាប់ពីបានដោះស្រាយបញ្ហាបច្ចេកទេសរួច លទ្ធផលត្រូវបានប្រកាសសាជាថ្មីដោយក្នុងនោះឃើញថា ចំនួនអ្នកទទួលបាននិទ្ទេសA ដល់និទ្ទេសE មានការកើនឡើង៕
September 14, 2018
ពិតណាស់ !! G-Devith ប្រកាសស្ពាយបង្វិចចេញពីផលិកម្មរស្មីហង្សមាស
លែងចម្លែកចិត្តទៀតហើយ ខណៈដែលតារាចម្រៀង លោក ងួន ចាន់ដេវីត ហៅ G-Devith បានប្រកាសនៅលើបណ្ដាញសង្គមហ្វេសប៊ុករបស់ខ្លួនថា ជាតារាចម្រៀងឯករាជ បន្ទាប់ពីបានបញ្ចេញបទចម្រៀងរបស់ខ្លួនប៉ុន្មានបទចុងក្រោយនេះ ដោយមិនមាននៅក្នុងផលិតកម្មរស្មីហង្សឡើយ។
បើទោះបីស្ពាយបង្វិចចេញពីផលិតកម្មរស្មីហង្សមាសហើយ ដែលជាទ្រនំរបស់ខ្លួន ធ្លាប់ជ្រកសាងកេរ្តិ៍ឈ្មោះ អស់រយៈពេលជាច្រើនឆ្នាំ លោក G-Devith នៅរំពឹងថា ការគាំទ្រ នៅតែប្រសើរជាងចូលជ្រក ក្នុងផលិតកម្មណាមួយ ដែលមានអ្នកគ្រប់គ្រងពីលើខ្លួន ជាហេតុធ្វើឱ្យលោកពិបាកនឹងសម្របខ្លួន។ លើហ្វេសប៊ុកផេចរបស់លោក G-Devith បានប្រកាសជាផ្លូវការថា «ខ្ញុំបានចាកចេញ ដោយជំហរ ជាអ្នកចម្រៀងឯករាជ្យ ដើម្បីផ្លាស់ប្តូរបទពិសោធន៍ ការងារឆ្ពោះទៅកាន់បទពិសោធន៍ថ្មី ដើម្បីចែករំលែកទៅកាន់អ្នកគាំទ្រ ជាទីស្រឡាញ់ទាំងអស់គ្នា»។
គួរបបញ្ជាក់ដែរថា មហាជនអ្នកគាំទ្រក៏កំពុងតែរង់ចាំមើលថា តើលោកនឹងដឹកដៃគូស្នេហ៍របស់ខ្លួន គឺកញ្ញា ទេព បូព្រឹក្ស ចេញពីហង្សមាសជាមួយគ្នាដែរ ឬយ៉ាងណាទេ ព្រោះតែពួកគេទាំងពីរមិនអាច ខ្វះនរណាម្នាក់បានឡើយ ពោលគឺទាំងការងារសិល្បៈ និងរឿងផ្ទាល់ខ្លួន ព្រោះតែអ្នកទាំងពីរស្រឡាញ់គ្នា ស្ទើរតែបេះមិនចេញទៅហើយ៕
September 14, 2018
UEFA នឹងរៀបចំយុទ្ធនាការលំដាប់ទី3 សម្រាប់ក្លិបនៅអឺរ៉ុប ពីរដូវកាលឆ្នាំ2021-2022
សហព័ន្ធកីឡាបាល់ទាត់ទ្វីបអឺរ៉ុប ហៅកាត់ថា UEFA នឹងត្រូវចាប់ផ្តើមយុទ្ធនាការលំដាប់ទី3 សម្រាប់ក្លិបអឺរ៉ុប ពីចាប់ពីរដូវកាលឆ្នាំ2021-2022។ នេះបើយោងតាមការប្រកាសរបស់លោក Andrea Agnelli ដែលជាប្រធានសហព័ន្ធក្លិបអឺរ៉ុប (ECA)។
ក្នុងពេលបើកកិច្ចប្រជុំរបស់លោកនៅឯសន្និបាតរយៈពេល 2ឆ្នាំម្តងរបស់ ECA ក្នុងទីក្រុង Split កាលពីថ្ងៃអង្គារ ប្រធានក្លិប Juventus រូបនេះបានឱ្យដឹងថា៖ «ស្របពេលដែលកំពុងរង់ចាំការអនុម័តរបស់គណៈកម្មាធិការប្រតិបត្តិរបស់ UEFA ភ្លើងខៀវត្រូវបានផ្តល់ឱ្យដើម្បីយុទ្ធនាការលំដាប់ទី3 និងដើម្បីនាំយកក្លិបសរុបចំនួន96 ចូលរួមក្នុងរដូវកាលឆ្នាំ2021-2022»។ លោក Agnelli ប្រធានសហព័ន្ធក្លិបទ្វីបអឺរ៉ុប បានប្រាប់សមាជិករបស់ខ្លួនក្នុងកិច្ចប្រជុំមួយក្នុងទីក្រុង Split ថា វានឹងមានយុទ្ធនាការលំដាប់ទី3 ដែលនឹងត្រូវរៀបចំឡើងរួមជាមួយនឹងក្របខ័ណ្ឌដែលមានស្រាប់ដូចជា Champions League ដែលជាយុទ្ធនាការលំដាប់ទី1 និងក្របខ័ណ្ឌលំដាប់ទី2 Europa League។ ក្រោយមក ECA បានបញ្ជាក់ក្នុងសេចក្តីថ្លែងការណ៍មួយថា សំណើនេះគឺជាមានគោលបំណងក្នុងការកាត់បន្ថយចំនួនក្រុមក្នុងក្របខ័ណ្ឌ Europa League វគ្គចែកពូលពី48 នៅត្រឹម 32ក្រុម។ ក្របខ័ណ្ឌ Champions League នឹងរក្សានៅដដែលជាមួយនឹងក្រុមចំនួន32 ក្នុងវគ្គចែកពូល។ អឺរ៉ុប ធ្លាប់មានយុទ្ធនាការក្របខ័ណ្ឌលំដាប់ទី3 សម្រាប់ក្រុមឈ្នះពានក្នុងស្រុកនានា ដែលមានឈ្មោះថា Cup Winners’ Cup ប៉ុន្តែ ពាននេះត្រូវបានលុបចោលទៅវិញក្នុងឆ្នាំ1999។ បច្ចុប្បន្ន ក្រុមឈ្នះពាន នឹងឈានទៅកាន់ក្របខ័ណ្ឌ Europa League តែម្តង៕
ប្រភពពី៖ The Guardian
September 14, 2018
Vettel ចង់ផ្តល់ភាពជូរចត់ដល់ Hamilton នៅលើទឹកដីសិង្ហបុរី ចុងសប្តាហ៍នេះ
កីឡាករ Sebastian Vettel កំពុងតែស្ថិតក្រោមសម្ពាធ ក្នុងការកាត់បន្ថយពិន្ទុនាំមុខរបស់កីឡាករ Lewis Hamilton នៅលើតារាងពិន្ទុរួម ក្នុងព្រឹត្តិការណ៍ Singapore Grand Prix នៅចុងសប្តាហ៍នេះ ក៏ដូចជាលុបចោលការចងចាំដ៏ឈឺចាប់របស់ក្រុម Ferrari ពីការប្រណាំងកាលពីឆ្នាំមុនដែរ។
ជាធម្មតា ក្រុម Mercedes ជួបការលំបាកនៅលើទីលានក្រោមពន្លឺថ្ងៃដ៏ក្តៅ Marina Bay Circuit ប៉ុន្តែ កាលពីឆ្នាំ2017 Hamilton បានទទួលជ័យជម្នះពីការចេញដំណើរពីលេខរៀងទី5 លើទីលាន ក្រោយពីទាំងក្រុម Ferrari និងកីឡាករ Max Verstappen របស់ក្រុម Red Bull សុទ្ធសឹងបានជួបបញ្ហាដូចគ្នានៅលើទីលាន។ ក្រុម Ferrari និង Vettel នៅតែមានការជឿជាក់ ក្រោយពី Hamilton បានទទួលជ័យជម្នះក្នុងការប្រណាំងនៅលើទីលាន Mozaក្នុងប្រទេសអ៊ីតាលី កាលពី 10ថ្ងៃមុន បើទោះបីក្រុមមួយនេះ បានដណ្តើមយកការនាំមុខមុននៅលើទីលានប្រណាំងរបស់ខ្លួនក៏ដោយ។ ការជួបបញ្ហារបស់ Vettel ក្នុងជុំទី1 ក្រោយពីការប៉ះទង្គិចជាមួយនឹង Hamilton បានធ្វើឱ្យកីឡាករអង់គ្លេសរូបនេះ បង្កើនពិន្ទុនាំមុខរបស់គេនៅលើតារាងជើងឯកផ្នែកបើកបររហូតដល់ទៅ 30ពិន្ទុ ហើយកីឡាករ Vettel សញ្ជាតិអាល្លឺម៉ង់ បានសន្យាថា នឹងធ្វើការស្តារមុខមាត់ត្រឡប់មកវិញ នៅលើទឹកដីសិង្ហបុរី ជាកន្លែងដែលរូបគេធ្លាប់បានឈ្នះការប្រណាំងចំនួន 4លើក។
ក្រោយពីការប្រណាំងនៅអ៊ីតាលី Vettel បានឱ្យដឹងថា៖ «ពិតណាស់ វាគឺជារឿងដ៏ខកចិត្តមួយនៅពេលនេះ។ ប៉ុន្តែខ្ញុំនឹងប្តូរទំព័រថ្មី និងផ្តោតលើការប្រណាំងនៅសិង្ហបុរី។ ខ្ញុំចូលចិត្តកន្លែងនោះ ហើយខ្ញុំរីករាយក្នុងការទៅប្រកួតនៅទីនោះ»។ ការប្រណាំងនេះ នឹងចាប់ផ្តើមនៅម៉ោង4:09រសៀល (ម៉ោងនៅកម្ពុជា)៕
ប្រភពពី៖ Channel News Asia
September 14, 2018
តោះស៊ែរផង!! « វង់ភ្លេងអារក្ស » ភ្លេងបុរាណខ្មែរដែលកំពុងជិតកប់បាត់ហើយ
« វង់ភ្លេងអារក្ស » ប្រជាជនខ្មែរ ប្រើសម្រាប់បម្រើឱ្យជំនឿខាងលទ្ធិព្រលឹង ( ពិធីលៀងអារក្ស ឬ ពិធីបញ្ជាន់អារក្ស ) ត្រូវបានគេប្រគំឡើង តាមបែបប្រពៃណីដើម្បីអមជាមួយការបញ្ចូល ឬ បញ្ជាន់អារក្ស ។ ដើមកំណើតរបស់ភ្លេងអារក្ស មានកំណើតប្រហែលតាំងពីបុរេប្រវត្តិមកម្លេះ ដែលចាប់ប្រភពចេញពីតំបន់ទំនាបលេចទឹកខាងជើងទន្លេសាប ។ បច្ចុបន្បន្ននេះ វង់ភ្លេងប្រភេទនេះ កម្រឃើញមានអ្នកស្រុកអ្នកភូមិប្រគំទៀតណាស់ ដែលជាហេតុបណ្ដាលឱ្យភ្លេងបញ្ជាន់អារក្ស ស្ទើតែនឹងបាត់បង់ផងដែរ។
វង់ភ្លេងអារក្សមានឧបករណ៍ ខ្សែឌៀវ ប៉ីអរ ទ្រខ្មែរ ស្គរដៃ ចាប៉ីដងវែង ឈិង ទ្រអ៊ូ និង ប៉ីពក( សម្រាប់លេងបទជ្រង ដើម្បីអន្ទងព្រលឹង )។ នៅពេលដែលមានមនុស្សឈឺ ឬ បញ្ហាអាក្រក់អ្វីមួយ គេមានជំនឿថា កើតឡើងដោយសារឧបទ្រុពចង្រៃ ដូច្នេះគេរៀបចំពិធី បញ្ជាន់អារក្សនេះឡើង ដើម្បីបណ្ដេញឧបទ្រុពចង្រៃ នាំមកនូវភាពសុខក្សេមក្សាន្តដល់សហគមន៍ ។ ចង្វាក់ភ្លេង ឬ សាច់បទភ្លេងមានលក្ខណៈ ទៅតាមភាពឧបទ្រុពចង្រៃនោះ ។ ដូច្នេះគេត្រូវលេងរន្ថើនខ្លាំង ឬ កំសត់ទៅតាមពេលវេលា ដោយប្រើភាព ចាស់បុរាណ ហើយបង្កើតជាចង្វាក់ភ្លេង លឿនយឺត តឹងទៅតាមបរិយាកាស ។ ភ្លេងអារក្សត្រូវការអ្នកច្រៀងជាចាំបាច់ ដើម្បីអន្ទងប្រលឹងដោយអមជាមួយនឹងឧបករណ៍ប៉ីពក ។
ថ្មីៗនេះ នៅលើបណ្ដាញសង្គមហ្វេសបានបង្ហោះក្រុមព្រឹទ្ធាចារ្យមួយក្រុមបានសម្ដែង « វង់ភ្លេងអារក្ស » បែបបុរាណនេះ។ ដើម្បីចូលរួមថែរក្សាតម្លៃសិល្បៈវង់ភ្លេងបុរាណខ្មែរ គេឃើញមានអ្នកលេងបណ្ដាញសង្គមជាច្រើនចាប់អារម្មណ៍ និងធ្វើការសែ៊ររំលែកបន្ដយ៉ាងភ្លូកទឹកភ្លូក។ ចង់ដឹងថា ភ្លេងបញ្ជាន់អារក្សមានសំលេងរន្ថើន និងរំណ្ដំយ៉ាងណានោះ សូមទស្សនាវីដេអូខាងក្រោមនេះ ៖
September 14, 2018
ក្រសួងអប់រំនឹងប្រើពេល 1សប្តាហ៍ដើម្បីដោះស្រាយបញ្ហាមិនសុខចិត្តរបស់សិស្សទូទាំងប្រទេស
បន្ទាប់ពីមានការកើតទុក្ខមិនសុខចិត្តពីសំណាក់សិស្សានុសិស្សនៅទូទាំងប្រទេសចំពោះលទ្ធផលនៃការប្រឡងមធ្យមសិក្សាទុតិយភូមិ ជាពិសេសលើមុខវិជ្ជាគណិតវិទ្យានោះ ក្រសួងអប់រំ យុវជន និងកីឡា បានចេញសេចក្តីប្រកាសឱ្យអ្នកចង់តវ៉ាទាំងអស់ដាក់ពាក្យបណ្តឹងមកកាន់ក្រសួងដោយផ្ទាល់។
ស្របពេលជាមួយគ្នានេះដែរ ក្រសួងអប់រំ យុវជន និងកីឡា ក៏បានចេញសេចក្តីប្រកាសកាលពីថ្ងៃពុធផងដែរថា ក្រសួងនឹងរៀបចំគណៈកម្មការកោសល្យវិច័យ ដើម្បីពិនិត្យដោះស្រាយឡើងវិញចំពោះការមិនពេញចិត្ត លើលទ្ធផលនៃការប្រឡងមធ្យមសិក្សាទុតិយភូមិ សម័យប្រឡង 20សីហា ឆ្នាំ2018 កន្លងទៅនោះ។
ចំពោះគណៈកម្មការកោសល្យវិច័យនេះ នឹងចាប់ផ្តើមដំណើរការងារចាប់ពីថ្ងៃទី12 ខែកញ្ញាទៅ ដោយចំណាយពេល 1សប្តាហ៍ដើម្បីដោះស្រាយ។
មជ្ឈដ្ឋានជាច្រើនកំពុងតែតាមដានមើលយ៉ាងល្អិតល្អន់ចំពោះការដោះស្រាយបញ្ហានេះ ខណៈសិស្សពូកែជាច្រើន រួមទាំងសិស្សពូកែទូទាំងប្រទេសផ្នែកគណិតវិទ្យាផង ក៏បានចូលរួមតវ៉ាផងដែរ ចំពោះលទ្ធផលនៃការផ្ដល់ពិន្ទុគណិតវិទ្យាដែលភាគច្រើនមានផលប៉ះពាល់ថា ពួកដែលបាននិទ្ទេស F គឺដោយសារការទាញថយនៃពន្ទុគណិតវិទ្យាដែលធ្វើឱ្យលទ្ធផលការប្រឡងទាំងមូលរបស់គេធ្លាក់ចុះ ដែលធ្វើឱ្យពួកគេបាត់បង់ឱកាសក្នុងការប្រឡងយកអាហារូបករណ៍ ប្រឡងចូលសាលាល្បីៗ ឬប្រឡងទៅសិក្សានៅក្រៅប្រទេសជាដើម៕
September 14, 2018
ជិតចប់ត្រីមាសទី3 ឆ្នាំ2018នេះ ការប្រមូលពន្ធកើនឡើង12.58%ធៀបនឹងឆ្នាំ2017
បើគិតក្នុងរយៈពេលដូចគ្នា ចាប់ពីខែមករា ដល់ខែសីហា ឆ្នាំ2018 អគ្គនាយកដ្ឋានពន្ធដារទទួលបានចំណូលពន្ធ-អាករគ្រប់ប្រភេទដែលប្រមូលបានប្រមាណ 168លានដុល្លារអាមេរិក ស្មើនឹង12.58%។ នេះបើយោងសេចក្ដីប្រកាសព័ត៌មានរបស់អគ្គនាយកដ្ឋានពន្ធដារ កាលពីរសៀលថ្ងៃទី១០ ខែកញ្ញា។
ក្នុងខែសីហា ឆ្នាំ2018 លទ្ធផលប្រមូលចំណូលពន្ធដែលអគ្គនាយកដ្ឋានពន្ធដារទទួលបាន(តាមប្រព័ន្ធគ្រប់គ្រងទិន្នន័យចំណូលអនឡាញ(online)របស់អគ្គនាយកពន្ធដារ) មានចំនួន 587.63ប៊ីលានរៀល(ប្រមាណជា 146.91លានដុល្លារអាមេរិក) ស្មើនឹង 7.64% នៃផែនការច្បាប់ឆ្នាំ2018។
ឯកឧត្តម គង់ វិបុល អគ្គនាយកពន្ធដារ បញ្ជាក់ថា បើប្រៀបធៀបនឹងចំណូលកាលពីខែសីហា ឆ្នាំ2017(តាមប្រព័ន្ធគ្រប់គ្រងទិន្នន័យចំណូលអនឡាញ)ឃើញថា ការប្រមូលពន្ធ-អាករគ្រប់ប្រភេទក្នុងខែសីហា ឆ្នាំ2018នេះកើនឡើងចំនួន 74.27ប៊ីលានរៀល (ប្រមាណ 18.57លានដុល្លារអាមេរិក) កំណើន ស្មើនឹង14.47%។
ឯកឧត្តមបានឱ្យដឹងទៀតថា ចំណូលសរុបរយៈពេល 8ខែ ដើមឆ្នាំ2018 នេះអគ្គនាយកដ្ឋានពន្ធដារ ប្រមូលចំណូលពន្ធ-អាករគ្រប់ប្រភេទបានចំនួន 6013.20ប៊ីលានរៀល (ប្រមាណជា1503.29លានដុល្លារអាមេរិក) ស្មើនឹង 78.15% នៃផែនការច្បាប់កំណត់។
បើប្រៀបធៀបនឹងរយៈពេលដូចគ្នាក្នុងឆ្នាំ2017ឃើញថា ការប្រមូលពន្ធ-អាករគ្រប់ប្រភេទក្នុង រយៈពេល 8ខែ ឆ្នាំ2018 មានការកើនឡើងចំនួន 671.89ប៊ីលានរៀល(ប្រមាណ 168លានដុល្លារអាមេរិក) កំណើនស្មើនឹង12.58%។
អគ្គនាយកពន្ធដារបានរំពឹងថា ចំណូលពន្ធអាករគ្រប់ប្រភេទសម្រាប់ឆ្នាំ2018 អាចប្រមូលបានគ្រប់ផែនការកំណត់ដោយច្បាប់។ ឯកឧត្តមក៏បានណែនាំបន្ថែមដល់គ្រប់អង្គភាពឱ្យបន្តខិតខំពង្រឹងការអនុវត្តច្បាប់វិន័យការងារ និងត្រូវមានភាពទន់ភ្លន់ តែម៉ឺងម៉ាត់ដោយផ្អែកលើទិដ្ឋភាពច្បាប់ក្នុងការឆ្លើយតបទៅកាន់អ្នកជាប់ពន្ធ សំដៅឱ្យពួកគាត់រីករាយទទួលយក និងស្ម័គ្រចិត្តបង់ពន្ធគ្រប់ៗគ្នាធ្វើយ៉ាងណាកាត់បន្ថយជាអតិបរមានូវការរអ៊ូរទាំរបស់អ្នកជាប់ពន្ធ និងផ្តល់កិច្ចសហការល្អ។
ទន្ទឹមនេះអគ្គនាយកដ្ឋានពន្ធដារបានដាក់ចេញនូវវិធានការមួយចំនួនដូចជា បន្តអនុវត្តប្រកបដោយប្រសិទ្ធភាពខ្ពស់ថែមទៀតសម្រាប់ឆ្នាំចុងក្រោយនេះនូវយុទ្ធសាស្ត្រកៀរគរចំណូលរយៈពេលមធ្យមរបស់រាជរដ្ឋាភិបាលឆ្នាំ2014-2018 ការរៀបចំកែសម្រួលយន្តការបង្វិលសងអាករលើតម្លៃបន្ថែមឱ្យបានកាន់តែប្រសើរឡើង។
លើសពីនេះទៀត វិធានការបន្ទាប់គឺ សហការជាមួយអគ្គនាយកដ្ឋានគោលនយោបាយនៃក្រសួងសេដ្ឋកិច្ច និងហិរញ្ញវត្ថុ និងស្ថាប័នពាក់ព័ន្ធដើម្បីរៀបចំយុទ្ធសាស្ត្រកែទម្រង់ពន្ធដារដោយផ្តោតការយកចិត្តទុកដាក់ជាសំខាន់លើការរៀបចំយុទ្ធសាស្ត្រកៀរគរចំណូលរយៈពេលមធ្យមរបស់រាជរដ្ឋាភិបាលឆ្នាំ2019-2023 និងការលើកទឹកចិត្តពន្ធចំពោះវិស័យធុរកិច្ចមួយចំនួន៕

September 13, 2018
ក្នុងរយៈពេល 8ខែនៃឆ្នាំ2018 គ្រោះធម្មជាតិបានឆក់យកជីវិតពលរដ្ឋកម្ពុជាជាង 100នាក់
ការកើតឡើងនូវគ្រោះធម្មជាតិមានដូចជា ខ្យល់កន្ត្រាក់ រន្ទះបាញ់ និងទឹកជំនន់ បានសម្លាប់ប្រជាជនកម្ពុជាប្រមាណ 138នាក់ និងប្រជាពលរដ្ឋប្រមាណជា 53ម៉ឺននាក់ផ្សេងទៀតត្រូវបានរងគ្រោះ។ នេះបើយោងតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ ក្នុងរយៈពេល8ខែ ដើមឆ្នាំ2018។
របាយការណ៍បានគូសបញ្ជាក់ថា៖ រយៈពេល 8ខែ ដើមឆ្នាំ2018នេះ គ្រោះមហន្តរាយបានកើតឡើងខុសប្លែកពីឆ្នាំមុនៗ ពោលគឺបញ្ហាគ្រោះធម្មជាតិបណ្ដាលឱ្យមានជីវិតមនុស្សស្លាប់មានដូចជា៖ ខ្យល់កន្ត្រាក់បានកើតឡើង រហូតដល់ 166លើក សម្លាប់មនុស្សចំនួន6នាក់ រន្ទះបាញ់បានសម្លាប់មនុស្សចំនួន 88នាក់ និងគ្រោះទឹកជំនន់បានសម្លាប់មនុស្ស 44នាក់។
គណៈកម្មាធិការជាតិគ្រប់គ្រងគ្រោះមហន្តរាយ បានអះអាងថា៖ ករណីគ្រោះទឹកជំនន់បានចាប់ផ្តើមតាំងពីក្រោយចូលឆ្នាំខ្មែរមក រហូតដល់ជិតយុទ្ធនាការបោះឆ្នោត ហើយក៏កើតមានជំនន់ទឹកភ្លៀងនៅប៉ែកខាងលិចប្រទេស ដូចជា៖ ខេត្តបាត់ដំបង ខេត្តបន្ទាយមានជ័យ ខេត្តប៉ៃលិន និងខេត្តកំពង់ស្ពឺជាដើម។ រីឯខេត្តតាមមាត់សមុទ្រមាន ខេត្តព្រះសីហនុ ខេត្តកោះកុង និងខេត្តកំពត ក៏រងផលប៉ះពាល់ពីគ្រោះទឹកជំនន់នេះផងដែរ។
ចំពោះគ្រោះទឹកជំនន់ ក្នុងរបាយការណ៍បានឱ្យដឹងថា មានចំនួនពលរដ្ឋរងគ្រោះប្រមាណជាង12ម៉ឺនគ្រួសារស្មើនឹងចំនួនមនុស្សប្រមាណជាង 53ម៉ឺននាក់ហើយពលរដ្ឋដែលត្រូវជម្លៀសមានជាង 1ម៉ឺនគ្រូសារ ស្មើនឹងមនុស្សចំនួន 5ម៉ឺននាក់។
ដោយឡែកដំណាំស្រូវវិញបានរងផលប៉ះពាល់ប្រមាណជាង 8ម៉ឺនហិកតា ខូចខាតជាង 3ម៉ឺនហិកតា។ ចំពោះដំណាំរួមផ្សំ ប៉ះពាល់ជាង 1ម៉ឺនហិកតា ខូចខាតប្រមាណជាង 5ពាន់ហិកតា និងផ្លូវលំជនបទលិចទឹកប្រមាណជាង 1ម៉ឺនគីឡូម៉ែត្រ។
ក្នុងរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយបានបញ្ជាក់ទៀតថា៖ គិតចាប់ពីថ្ងៃទី10កញ្ញានេះ រហូតដល់ថ្ងៃភ្ជុំបិណ្ឌ បើមិនមានព្យុះ ឬសម្ពាធបរិយាកាសផ្សេងៗកើតឡើងទេ កម្ពុជានឹងទទួលបានសុវត្ថិភាព។ តែផ្ទុយទៅវិញ ប្រសិនបើមានព្យុះ ឬសម្ពាធបរិយាកាសផ្សេងៗកើតឡើង នោះទឹកជំនន់អាចនឹងឡើងម្តងទៀត ដូច្នេះសូមអំពាវនាវឱ្យប្រជាពលរដ្ឋ អាជ្ញាធរ និងស្ថាប័នពាក់ព័ន្ធមានការប្រុងប្រយ័ត្ន និងតាមដានយ៉ាងយកចិត្តទុកដាក់ខ្ពស់បំផុត៕
September 13, 2018