ការតុបតែងមុខសម្រាប់ការថត Pre-wedding នាសម័យថ្មីនេះគឺខុសពីសម័យមុន ដើម្បីទទួលបាននូវភាពស្រស់ស្អាតបែបធម្មជាតិ និងត្រូវជាមួយនឹងទម្រង់មុខ ការស្លៀកពាក់ និងទីកន្លែងថតជាក់ស្តែង។ ការតុបតែងមុខដើម្បីថត Pre-wedding ត្រូវផ្តោតសំខាន់ទៅលើភាពស្រស់ស្រាយ និងបែបធម្មជាតិ ដោយគ្រាន់បន្ថែមសម្រស់ និងពណ៌នៃបបូរមាត់ និងពណ៌ភ្នែកតែបន្តិចគឺជាការស្រេច។ ដូច្នេះសូមពិនិត្យមើលការ Make-up របស់អនាគតកូនក្រមុំដ៏ស្រស់ស្អាត ដែលមាននៅក្នុងទំព័រតុបតែងមុខរបស់ ឡារ៉ែន ដូចតទៅ៕
វីដេអូដែលលោកអ្នកកំពុងទទឹងរងចាំ គឺបានមកដល់ហើយ MV នៃបទចម្រៀងដែលល្បីខ្លាំងរបស់កំពូងតារាចម្រៀង ខេមរៈ សិរីមន្ត មានចំណងជើងថា «ខ្ញុំលែងត្រូវការស្នេហា» ដោយក្នុង MV នេះ មានការចូលរួមសម្តែងពីសំណាក់ លោក ខេមរៈ សិរីមន្ត ផ្ទាល់ ជាមួយតារាប្រុសស្រីស្រស់ស្អាតពីរដួងទៀត។
អត្ថន័យនៅក្នុងបទចម្រៀងនេះគួសបញ្ជាក់ឱ្យឃើញអំពី ជីវីតគូសង្សារដែលធ្លាប់តែមានភាពផ្អែមល្ហែមនឹងគ្នា តែចុងក្រោយត្រូវយល់ខុសដោយសារ អារម្មណ៍ស្រឡាញ់គេតែម្ខាង ទើបបណ្ដាលឱ្យខាងប្រុសជាអ្នកសម្រេចចិត្តដើរចេញទៅ ។ ក្រោយបានមើល MV នេះចប់ អ្នកទស្សនាបានសរសើរថា ទាំងបទចម្រៀងនិងការសម្តែងពិតជាល្អណាស់សូមសរសើរ។
ចង់ដឹងថា សាច់រឿងប្រទាក់ក្រឡាគ្នាបែបណានោះ សូមទស្សនាវីដេអូខាងក្រោម៖
ការថត Pre-wedding ដែលជារូបនៃភាពផ្អែមល្ហែម និងទុកជាអនុស្សាវរីយ៍ស្នេហ៍ មុនចូលដល់ថ្ងៃរៀបការ គឺជារឿងសំខាន់ខ្លាំងណាស់។ ដូច្នេះសម្លៀកបំពាក់ដែលអ្នកត្រូវស្លៀកពាក់ក៏ត្រូវតែជ្រើសរើសជាពិសេស ដើម្បីឱ្យត្រូវជាមួយនឹងទីកន្លែង និងរដូវកាល ដើម្បីទទួលបាននូវរូបភាពដ៏ស្រស់ស្អាតដូចបំណងសម្រាប់ទុកជាអនុស្សាវរីយ៍ផង និងទុកប្រើប្រាស់នៅក្នុងថ្ងៃពិសេសរបស់អ្នកផង។ តោះ! ជ្រើសរើសម៉ូដសម្លៀកបំពាក់សម្រាប់ថតPre-wedding របស់អ្នកនៅក្នុងទំព័រនេះទាំងអស់គ្នាណ៎ា៕
តើសុភាពនារីទាំងឡាយបានត្រៀមអ្វីខ្លះសម្រាប់ថ្ងៃពិសេសរបស់អ្នក? បើមិនទាន់ត្រៀមខ្លួនទេនោះ សូមអញ្ជើញមក កេណរី ដែលជាហាងកាត់សម្លៀកបំពាក់នារីដ៏ទាន់សម័យ។ នៅហាង កេណរី មានម៉ូដរ៉ូបកូនក្រមុំស្អាតៗជាច្រើន ដែលមានទាំងម៉ូដរ៉ូបកូនក្រមុំដែលមានស្រាប់ ដែលអ្នកអាចធ្វើការជាវភ្លាមៗ ឬអាចកុម៉្មង់ម៉ូដបានតាមចំណង់ចំណូលចិត្ត។
តោះថ្ងៃពិសេសផង ចាំអីទៀត! សូមមកហាង កេណរី ឥឡូវនេះ ដើម្បីទទួលបានរ៉ូបកូនក្រមុំក្នុងក្តីសុបិនរបស់អ្នក។
ចង់បានម៉ូដរ៉ូបបែបណា ធានាថាដូចបំណងជាមិនខាន!
កូនក្រមុំរបស់ កេណរី ត្រូវតែស្រស់ស្អាត
កូនក្រមុំរបស់ កេណរី ត្រូវតែពិសេស
កូនក្រមុំរបស់ កេណរី ត្រូវតែលេចធ្លោបំផុតនៅក្នុងថ្ងៃសំខាន់របស់អ្នក៕
កំពូលមហាសេដ្ឋីដែលមានលុយច្រើនជាងគេនៅក្នុងពិភពលោក Jeff Bezos បានប្ដេជ្ញាថា លោកនឹងចំណាយថវិកាប្រមាណ 2ពាន់លានដុល្លារអាមេរិកដើម្បីជួយដល់គ្រួសារដែលគ្មានផ្ទះសំបែង និងសាលាបឋមសិក្សាដែលមានចំណូលទាប។
នេះគ្រាន់តែជាទឹកចិត្តមនុស្សធម៌តិចតូចប៉ុណ្ណោះសម្រាប់កំពូលមហាសេដ្ឋី Amazon.com រូបនេះព្រោះកាលពីឆ្នាំមុនលោកបានប្រកាសនៅលើបណ្ដាញសង្គម Twitter ថា លោកនឹងចំណាយធនធានដែលលោកមានជួយដល់វិស័យអប់រំជាពិសេសគឺសម្រាប់អ្នកដែលគ្មាននលទ្ធផលភាពសិក្សាព្រោះលោកយល់ឃើញថា មានតែការសិក្សាទេ ទើបជួយអភិវឌ្ឍពិភពលោកឱ្យរីកចម្រើនបាន។
គួរបញ្ជាក់ផងដែរថា បច្ចុប្បន្នលោក Jeff Bezos ត្រូវបានទស្សនាវដ្ដីដ៏ល្បីរបស់អាមេរិក Forbes ចុះផ្សាយថា លោកមានទ្រព្យសម្បត្តិ 163ពាន់លានដុល្លារ និងជាកំពូលអ្នកមានលុយច្រើនជាងគេលើលោកដោយបានច្រានលោក Bill Gates ឱ្យធ្លាក់ពីកំពូលតំណែងមហាសេដ្ឋីលេខ1 មកនៅត្រឹមលេខ2 វិញ៕
លោក ម៉ៃ សុគន្ធ ត្រូវបានគេផ្អើលឡើងពេញស្រទាប់មហាជនមុននោះ ដោយសារតែតារាចម្រៀងលោក ខេមរៈ សិរីមន្ត ប្រកាសប្ដឹង បន្ទាប់ពីលោក ចេញមុខរិះគន់ម្ដងហើយៗម្ដងទៀត ដែលការរិះគន់លើកចុងក្រោយ គឺថា លោកសិរីមន្ត ធ្វើខ្លួនលើសខ្លាំង ដោយជិះឧទ្ធម្ភាគចក្រទៅបើកសម្ពោធមុខរបរដីឡូតិ៍។
គួររំឭកផងដែរថា ម៉ៃ សុគន្ធ បានបញ្ចេញពាក្យរិះគន់យ៉ាងធ្ងន់ៗដោយមិនខ្លាចរអាចំពោះ លោក សិរីមន្ដ ថា «ត្រឹមតែទៅលក់ដីនៅម្តុំវាលស្រែមួយរយសោះ ជិះសុទ្ធតែអេលីកុកទែរ(ឧទ្ធម្ភាគចក្រ) មើលតែទៅលក់ពេជ្រនៅឌូបៃ Bodiaថ្មីជានិច្ច អ្នកមានជាន់ថ្មីជាន់ដីអាលាក់ហើយ ឃើញថាឧកញ៉ាល្បីៗមួយចំនួនធំ ដែលមានរបរបើកលក់ដី ឬបុរី គាត់នៅតែរក្សាជំហរដដែល មិនសម្បើមដូចអ៊ីចឹងសោះ ចម្លែកអីតែអ្នកចម្រៀងយើង បានអ៊ីចឹងគេប្រៀបធៀបទៅនឹងក្ងោក មិនខុសមែន»។
គួរបញ្ជាក់ផងដែរថា ចាប់តាំងពីថ្ងៃប្រកាសរហូតមកទល់ថ្ងៃនេះ បណ្ដឹងរបស់លោក ខេមរៈ សិរីមន្ត ក៏ស្ងាត់ដូចគ្នា ដោយសូម្បីតែលោក ខេមរៈ ភារុណ ជាបងប្រុសដែលធ្លាប់ចេញមុខអត្ថាធិប្បាយជំនួសគ្រប់រឿង ក៏សុំមិនបំភ្លឺបានផងដែរ៕
កម្មវិធីប្រកបដោយភាពច្នៃប្រឌិតដើម្បីលើកកម្ពស់ជីវភាពរបស់កសិករតាមរយៈការប្រើកម្មវិធីប្លុកឆេន (blockchain)បានចាប់ផ្តើមជាផ្លូវការនូវបច្ចេកវិទ្យាក្នុងវិស័យកសិកម្ម ដែលត្រូវបានគេហៅថា “ប្លុករ៉ាយស‟ (blockrice) កំពុងចាប់ផ្តើមបទពិសោធជាលើកដំបូងដោយផ្តោតលើកសិករនៅក្នុងខេត្តព្រះវិហារ ដែលកម្មវិធីនេះជាការសហការគ្នារវាងអង្គការអុកស្វាមកម្ពុជា និងក្រុមហ៊ុនក្នុងស្រុកអាមរូរ៉ាយស៍ (Amru Rice)។
លោកឧកញ៉ា សុង សារ៉ន អគ្គនាយកក្រុមហ៊ុន Amru Rice ជាក្រុមហ៊ុនមួយដែលបានចូលរួមនៅក្នុងកម្មវិធីនេះបានប្រាប់កាសែតឡារ៉ែនពាណិជ្ជថា វាគឺជាការពិសោធជាលើកដំបូង ព្រោះប្លុកឆេនហ្នឹងគេច្រើនធ្វើទៅលើការចិញ្ចឹមត្រី ដំណាំកាហ្វេនៅប្រទេសវៀតណាម និងអាហ្វ្រិកជាដើម គ្រាន់តែថានៅស្រុកយើងៗធ្វើនៅលើដំណាំស្រូវ មានន័យថា គោលគំនិតនេះមិនមែនថ្មីទេនៅលើពិភពលោក តែសម្រាប់យើង blockchain នេះថ្មី យើងបានធ្វើទៅលើស្រូវអង្ករដែលជាវិស័យលេចធ្លោជាងគេ (យើងគួរតែធ្វើទៅលើដំណាំដទៃទៀតផងដែរ)។
លោកឧកញ៉ាបានលើកឡើងថា ជាគោលគំនិតគេចង់កសាងគម្រោង3 ដែលគម្រោងទី1 គឺប្រព័ន្ធតាមដានការដាំដុះ ទី2 បង្កើនតម្លាភាពក្នុងខ្សែចង្វាក់ផ្គត់ផ្គង់ និងទី3 បង្កើនកម្រិតជីវភាពរស់នៅរបស់កសិករ។ លោកមានប្រសាសន៍ថា “លោកសង្ឃឹមថាកម្មវិធីសាកល្បងនេះនឹងទទួលបានជោគជ័យ ហើយពួកគេនឹងអាចពង្រីកវាទៅកាន់សហករណ៍ថ្មីៗបន្ថែមទៀតក្នុងការធ្វើវឌ្ឍនភាពនាពេលអនាគត ហើយគោលបំណងរបស់យើងគឺបង្កើនទីផ្សារជូនកសិករខ្មែរ‟។
លោក កាន់ គន្ធី អគ្គនាយករងគ្រប់គ្រងក្រុមហ៊ុន Amru Rice បានប្រាប់ឡារ៉ែនពាណិជ្ជថា កម្មវិធីនេះនឹងត្រូវអនុវត្តជាមួយនឹងសហគមន៍កសិករអង្ករសរីរាង្គនៅខេត្តព្រះវិហារដល់ខែមីនា ឆ្នាំ2019។ សហគមន៍នេះនឹងត្រូវបានផ្សារភ្ជាប់ទៅនឹងការប្រើប្រាស់បច្ចេកវិទ្យាblockchain និងកិច្ចសន្យាប្រកបដោយភាពឆ្លាតវៃ ជាមួយគ្រប់ភ្នាក់ងារដែលជាប់ពាក់ព័ន្ធក្នុងខ្សែចង្វាក់ផ្គត់ផ្គង់រួមទាំងក្រុមហ៊ុន Sano Rice ដែលជាក្រុមហ៊ុនផលិតនំស្រូវរបស់ប្រទេសហូឡង់ដែលនឹងប្រើអង្កររបស់សហគមន៍នេះធ្វើជាវត្ថុធាតុដើមសម្រាប់ផលិតផលិតផលរបស់ពួកគេផងដែរ។
លោកអគ្គនាយករងបានបន្ថែមថា អ្នកចូលរួមទាំងអស់មកពីសហគមន៍កសិកម្ម និងក្រុមហ៊ុន Sano Rice នឹងមានកុងត្រាឌីជីថលរួមគ្នា។ លោកបានពន្យល់ថា ក្នុងអំឡុងពេលដំណើរការចាប់ពីការដាំដុះរហូតដល់ការផលិតជាអង្ករ អ្នកចូលរួមខ្សែចង្វាក់ផលិតកម្មនេះនឹងចែករំលែកព័ត៌មានជាមួយគ្នាតាមរយៈប្រព័ន្ធទិន្នន័យដែលបានចែករំលែកដោយប្រើ blockchainជាបច្ចេកវិទ្យាដែលអាចឱ្យយើងប្រើ blockrice បាន។ ទិន្នន័យទិន្នផលដោយកម្មវិធីនេះនឹងត្រូវធ្វើការវិភាគដើម្បីស្វែងរកមធ្យោបាយពង្រឹងសហគមន៍កសិកម្មក្នុងស្រុក។
លោក គន្ធី បានមានប្រសាសន៍ទៀតថា៖ “បច្ចេកវិទ្យា blockchain ដែលត្រូវបានប្រើប្រាស់នេះអាចជួយកាត់បន្ថយថ្លៃដើម ដែលកាលពីមុនមានអ្នកលក់ អ្នកទិញ ឈ្មួញកណ្តាល និងទីផ្សារច្រើនដំណាក់ធ្វើឱ្យមានតម្លៃថ្លៃ តែការប្រើ blockchain វាបានកាត់បន្ថយច្រើន‟។ បច្ចុប្បន្នការប្រើ blockchain ដែលជាបច្ចេកវិទ្យាថ្មីនេះទើបបានប្រើប្រាស់នៅក្នុងសហគមន៍កសិកម្មតែមួយប៉ុណ្ណោះ (មានកសិករប្រមាណ 50នាក់) និងទៅលើផលិតផលតែមួយ គឺស្រូវតែវាអាចធ្វើជាមួយផលិតផលដទៃទៀតបាន‟។
លោកបានបន្ថែមថា ទិន្នន័យនេះក៏អាចត្រូវបានប្រើ និងគ្រប់គ្រងដោយអង្គការក្រៅរដ្ឋាភិបាលអុក-ស្វាមដែលធ្លាប់បានធ្វើការយ៉ាងជិតស្និទ្ធជាមួយប្រជាជនដោយគាំទ្រតម្លៃសមរម្យ និងស្តង់ដារជីវភាពសម្រាប់ប្រជាជននៅទូទាំងខ្សែចង្វាក់ផលិតកម្ម និងការផ្គត់ផ្គង់ ពីព្រោះយើងក៏បានដឹងដែរថា អុកស្វាមគាត់បានចុះជាប់ជាមួយកសិករ គាត់ស្គាល់ពីបញ្ហា និងតម្រូវការបែបណាដែលអាចឱ្យយើងជឿជាក់បានក្នុងការធ្វើបច្ចេកវិទ្យានេះក្នុងកម្រិតណា។
ទោះយ៉ាងណាក៏ដោយប្រសិនបើទទួលបានជោគជ័យ វាអាចត្រូវបានពង្រីកដើម្បីរួមបញ្ចូលសហគមន៍ទាំងអស់ដែលកំពុងធ្វើការជាមួយ Amru Rice ដែលមានសហគមន៍កសិកម្មរហូតដល់ 27 កន្លែងនៅក្នុងខេត្តព្រះវិហារតែមួយ។
ឯកឧត្តម ហ៊ាន វណ្ណហន អគ្គនាយកនៃអគ្គនាយកដ្ឋានកសិកម្មបានប្រាប់ឡារ៉ែនពាណិជ្ជថា៖ លោកមិនទាន់បានទទួលព័ត៌មានស្តីអំពី blockchain ច្បាស់លាស់ទេ ព្រោះជាកិច្ចព្រមព្រៀងរបស់អុកស្វាម និងក្រុមហ៊ុន Amru Rice។ លោកមានប្រសាសន៍ថា “យើងមានមន្ទីរកសិកម្មខេត្តព្រះវិហារជាអ្នកសម្របសម្រួលការងារនេះ តែចំពោះការផ្តល់មតិលើ blockchain នេះ ខ្ញុំមិនអាចបញ្ជាក់ជូនបានទេ ពីព្រោះខ្ញុំមិនទាន់សិក្សាបានច្បាស់លាស់ ឬយល់មិនបានច្បាស់អំពីបច្ចេកវិទ្យា blockchain តែសង្ឃឹមថាការប្រើបច្ចេកវិទ្យាដែលស្រដៀងគ្នាទៅនឹងការចុះពាណិជ្ជសញ្ញា ឬជាការបំពេញឱ្យកិច្ចការបែប QR កូដសម្រាប់ផលិតផលកសិកម្មរបស់កម្ពុជាជាការល្អ តែសូមឱ្យមានភាពស្មោះត្រង់រវាងភាគីទាំងអស់ បានន័យថា ប្រសិនបើយើងធ្វើអង្ករក្រអូប ផលិតផលយើងត្រូវចេញមកជាអង្ករក្រអូប កុំឱ្យមានការបន្លំជាអង្ករផលិតផលផ្សេងទៅវិញនោះ‟៕
កម្មវិធីប្រកួតចម្រៀងដណ្តើមពានកម្មវិធី “The Melody” បានឈានមកដល់ថ្ងៃផ្តាច់ព្រ័ត្រ ហើយនៅក្នុងនោះបេក្ខភាពម្នាក់ដែលមានភាពលេចធ្លោជាងគេគឺ បេក្ខជន មាស មុន្នីរាជ បានបង្ហើបឱ្យដឹងថា នៅថ្ងៃកម្មវិធីវគ្គផ្តាច់ព្រ័ត្រ នៅថ្ងៃសៅរិ៍ខាងមុខនេះ លោកបានត្រៀមបទចម្រៀងមួយដែលបញ្ចូលសិល្បៈបុរាណ មកបង្ហាញមហាជន និងគណៈកម្មការ។
លោក មាស មុនី្នរាជ មកពីក្រុម Country Style បានប្រាប់ឱ្យដឹងថា នៅថ្ងៃទី22 ខែកញ្ញា ខាងមុខនេះ កម្មវិធី “The Melody” នឹងឈានទៅដល់វគ្គផ្តាច់ព្រ័ត្រ ដោយតម្រូវឲបេក្ខជនទាំងអស់ បញ្ចេញសមត្ថភាពប្រកួតប្រជែងដណ្តើមពាន ដូច្នេះហើយទើបលោកបានត្រៀមបទថ្មីមួយដែលរំលេចនូវការសម្តែងពិសេសៗ។
លោកបានបញ្ជាក់ថា នៅថ្ងៃប្រឡងផ្តាច់ព្រ័ត្រ លោកមានអារម្មណ៍ថារំភើបផង ភ័យផង និងតាំងចិត្តថានឹងប្រឹងអោយអស់លទ្ធភាព ដើម្បីទទួលបានជោគជ័យក្នុងកម្មវិធី។ ព្រោះថានៅសល់គ្នា៣នាក់ ហើយក៏រង់ចាំមើលដូចគ្នាថាខ្ញុំឬបេក្ខជន2នាក់ទៀត ទទួលបានជោគជ័យកាន់ពានលេខ1 សម្រាប់រដូវការទី1នេះ៕
បន្ទាប់ពីតារាចម្រៀងស្រី ទេព បូព្រឹក្ស ត្រូវបានសារព័ត៌មានលើបណ្ដាញសង្គមហ្វេសប៊ុកចុះផ្សាយពីនាង ដោយដាក់ចំណងជើងចាស់ដៃថា « នាង និងគូស្នេហ៍ G-Devith ស៊ីបាយបែបថតរឿងជប៉ុន » តារាស្រីរូបនេះ បានធ្វើការ Live Video តបតទៅកាន់គណនីហ្វេសប៊ុកបុរសម្នាក់ដែលបានស៊ែររូបនាង និងដាក់ចំណងជើងដោយពាក្យពេចន៍មិនពិរោះស្ដាប់ និងពន្លះសារព័ត៌មាននោះផងដែរ ។
យ៉ាងណាមិញ នៅថ្ងៃម្សិលមិញនេះ គេក៏បានមើលឃើញលោក G-Devith ធ្វើការ Live Video ចេញមុខបកស្រាយជំនួស ទេព បូព្រឹក្ស ផងដែរ។ តារាស្រីទម្រង់មុខសិចស៊ីរូបនេះ បានប្រកាសនៅលើបណ្ដាញសង្គមហ្វេសប៊ុក ខ្លួននិងដាក់ពាក្យបណ្ដឹង ផ្ដឹងចំពោះបុរសដែលជាម្ចាស់គណនីខាងលើនោះ។ នាងសរសេរថា « ខ្មែរស្រលាញ់ខ្មែរ ខ្មែរការពារខ្មែរ ទោះជាពួកខ្ញុំខឹងញ័រសាច់ប៉ិនណា ក៏ពួកខ្ញុំមិនទៅប្តឹងផ្តល់ដែរ ព្រោះខ្មែរដូចគ្នាបើមិនស្រលាញ់ការពារគ្នាមិចបានមនុស្សណាក៏ធ្វើខុសដែរសំខាន់កុំឱ្យមានជាលើកទី2 ។ អីចឹងខ្ញុំសំរេចចិត្តមិនប្តឹងទៅម្ចាស់ account enno vo ដែលមានឈ្មោះពិតថា ពូលប៉ូយ ដែលរស់នៅ ភូមិ: ភូមិថ្មី ឃុំ: ប្រឡាយ ស្រុក: ស្ទោង ខេត្ត: កំពង់ធំ។ អីចឹងបើមាន Web-site រឺសារពត៌មាន ឬនាក់ណា Post ទៀតក៏តាមនឹងចុះ ព្រោះអ្វីដែរយាយគឺពួកខ្ញុំនិយាយអស់ហើយ ។ អរគុណបងប្អូន »។
ជាមួយគ្នានោះដែរ ក៏មានការមិនពេញចិត្តពីមតិភាគច្រើន ធ្វើឱ្យតារាស្រីរូបនេះបានសម្រេចចិត្តលុបរូបភាពនេះពីបណ្ដាញសង្គមភ្លាមៗ។ បើទោះបីជាយ៉ាងនេះក្ដី ក៏នៅតែមានអ្នកលេងបណ្ដាញសង្គមមួយចំនួន បែរជានៅតែបង្ហោះរូបរបស់នាង ភ្ជាប់ជាមួយសារដៀល រិះគន់មិនឈប់ឈរ ធ្វើឱ្យលោក ម៉ៃ សុគន្ធ ដែលជាតារាល្បីពូកែខាងរិះគន់ និងមានរហ័សនាមថាជា មហាទើសមួយរូប ទ្រាំមិនបានចេញមុខតែម្ដង។
ជាក់ស្ដែង លោក ម៉ៃ សុគន្ធ បានធ្វើការស៊ែររូបអ្នករិះគន់កញ្ញា ទេព បូព្រឹក្ស ប៉ុន្មានសន្លឹករួមជាមួយនឹងសារសរសេរថា «ច្រណែនគេទេដឹង ចូលចិត្តណាស់អាវប្បធម៌ជាន់គេពន្លិច និងកេងចំនេញ។ ខុសទេបើគាត់ភិចនិចជាជីវិតឯកជន ហើយនៅតំបន់អាងទឹកទៀត ចង់ឱ្យគាត់ស្លៀកសារុងចងពុំមែនលើសហើយលោកអ្នកភ្លាវ»។ សារមួយនេះ បានធ្វើឱ្យមហាជនមានភាពចម្លែកចិត្តជាខ្លាំងព្រោះជាលើកទី 1 ហើយដែលតារាប្រុសរូបនេះ បញ្ចេញមតិគាំទ្រសិល្បករគ្នាឯង។ ជាពិសេសគឺអ្នកគាំទ្រកញ្ញា ទេព បូព្រឹក្ស បានបញ្ចេញអារម្មណ៍ពេញចិត្តពេញថ្លើមចំពោះសម្ដីរបស់លោក ម៉ៃ សុគន្ធ ស្ដូកតែម្ដង៕
ម៉ូដសក់ស្អាតៗ Cute ៗ ក៏សំខាន់ដែរ សម្រាប់ការថត Pre-wedding ដូច្នេះ តោះជ្រើសរើសម៉ូដសក់ដែលអ្នកស្រឡាញ់ពេញចិត្ត ហើយតុបតែងសម្រាប់ថ្ងៃថត Pre-wedding របស់អ្នក! នោះរូបថតដែលអ្នកទទួលបាន នឹងស្រស់ស្អាតដូចបំណងរបស់អ្នកជាមិនខានឡើយ៕
សូមរីករាយទស្សនារូបភាពខាងក្រោម៖
