Category: សង្គម និងសេដ្ឋកិច្ច

លោកតា ចេក អរគុណដល់ទឹកចិត្តសប្បុជនផ្ដល់រ៉ឺម៉កកង់បីជួយសម្រាលជីវភាពគ្រួសារ
នៅពេលថ្មីៗនេះ តារាកំប្លែង លោកតា ចេក កំពុងទទួលបានការចាប់អារម្មណ៍យ៉ាងខ្លាំងពីស្ថានភាពជីវភាពគ្រួសារ និងជំងឺរបស់លោក នៅក្នុងនោះលោកតា ក៏ទើបតែទទួលបានការឧបត្ថមមួយដ៏ធំ ពីក្រុមហ៊ុនភេសជ្ជះប៉ូវកម្លាំងមួយ ដែលបានផ្ដល់ ម៉ូតូ1គ្រឿង ភ្ជាប់ជាមួយរ៉ឺម៉កថ្មីស្រឡាង ស្ដែងពីទឹកចិត្តសប្បុរសធម៌រហូតធ្វើលោករំភើបចិត្តជាខ្លាំង។
នៅលើបណ្ដាញសង្គមហ្វេសប៊ុក លោកតា ចេក បានបង្ហោះសារដោយអារម្មណ៍ត្រេកអរថា « ថ្ងៃនេះខ្ញុំសប្បាយចិត្តណាស់ដោយបានការជួយឧបត្ថមពីក្រុមហុនភេសជ្ជះប៉ូវកម្លាំង ហ្សូរ៉ាស់ ដោយលោកបានឃើញក្រុមគ្រួសារខ្ញុំជួបការលំបាកខ្វះខាតនូវមធ្យោបាយសំរាប់អូស រឺម៉កទៅលក់ភេសជ្ជះពីព្រោះម៉ូតូកចាស់ហើយកបណ្ដាលឱ្យឆេះពីដងរឺម៉កវិញកចាស់ខ្លាំងដែរ ពីព្រោះពឺងលើការលក់ដូវិញគ្រាន់តែដោះស្រាយក្នុងគ្រួសារតែប៉ុណ្ណោះ បើសន្សំលុយទិញកមិនដឹងថ្ងៃណាបានដែរ មកដល់ថ្ងៃនេះក្រុមហុនភសជ្ជះប៉ូវកម្លាំងហ្សូរ៉ាស់បានជួយភេសជ្ជះ10កេះរួមទាំងម៉ូតូ1គ្រឿងភ្ជាប់នឹងរ៉ឺម៉កថ្មីស្រឡាងដល់ខ្ញុំ ជាមធ្យោបាយក្នុងការអូសទៅលក់ក្រុមគ្រួសារខ្ញុំសប្បាយរីករាយខ្លាំងណាស់» ។
លោកតា បានបញ្ជាក់បន្ដថា « សូមថ្លែងអំណអគុណដល់ក្រុមហុនភសជ្ជះប៉ូវកម្លាំងហ្សូរ៉ាស់ទទួលបានការគាំទ្រពីតិជននឹងរកចេះតែមានបានរីកចំរើនទៅ មុខរហូត។ ខ្ញុំនឹងគ្រួសារសូមជូនពរដល់ក្រុមហុនភេសជ្ជះប៉ូវកម្លំាងហ្សូរ៉ាស់នឹងសហការីបុគ្គលឹកទាំងអស់សូមជួបតែសេចក្ដីសុខចំរើន នឹងបានអាយុយ៉ឺនយូរតរៀងទៅ »៕
October 21, 2018
លោក លោក ទ្រី សក្កដា រៀបរាប់បទពិសោធន៍ជោគជ័យជាអ្នកនិពន្ធនៅហង្សមាស
មួយរយៈចុងក្រោយនេះ មហាជនគ្រប់រូបបានទទួលស្គាល់លោក លោក ទ្រី សក្កដា គឺជាអ្នកនិពន្ធល្បីឈ្មោះប្រចាំផលិតកម្មហង្សមាស ដោយលោកក៏បានវិវត្តន៍ខ្លួនក្លាយជាអ្នកដឹកនាំការសម្ដែង និងក្លាយជាអ្នកចម្រៀង Original Song។ ជាមួយភាពជោគជ័យរបស់លោក កវីរូបនេះក៏បានរៀបរាប់ពីបទពិសោធន៍ និងការងារមួយចំនួនដែលលោកបានត្រៀមក្នុងសិល្បៈ ចែករំលែកឱ្យអ្នកគាំទ្របានដឹងផងដែរ។
លោក ទ្រី សក្កដា និយាយថា ការរៀបចំខួបកំណើតលើកនេះ លោកមានបំណងចង់ឱ្យមានការជួបជុំ និងមានការស្គាល់លោកកាន់តែច្រើន បន្ទាប់ពីលោកក៏សាងស្នាដៃក្នុងវិស័យនិពន្ធ វិស័យដឹកនាំសម្ដែង និងច្រៀងបាន។ លោកថារយៈពេលជាង2ឆ្នាំនៅហង្សមាស លោកបាននិពន្ធបទចម្រៀងឱ្យហង្សមាសបានប្រមាណជាង300បទមកហើយ ដោយភាគច្រើនសុទ្ធតែជាបទនិពន្ធថ្មី និងជាបទផ្តោតលើយុវវ័យ ដោយក្នុងចំណោមបទទាំងនោះក៏មានការដឹកនាំសម្ដែងដោយផ្ទាល់របស់លោកផងដែរ។ ដោយឡែកសម្រាប់អាជីពចម្រៀង លោកបានចេញបទ Original បានចំនួន9បទហើយ ដោយបទ«ខ្មាសគេ» និងបទចម្រៀងមួយចំនួនគឺមានការគាំទ្រគួរឱ្យកត់សម្គាល់នៅលើបណ្ដាញសង្គមយូធូប។
លោក ទ្រី សក្កដា បញ្ជាក់ថា លោកមិនមានគម្រោងដើរចេញពីការនិពន្ធបទចម្រៀងនៅក្នុងផលិតកម្មហង្សមាសនោះទេ បើទោះជាលោកបានក្លាយជាតារាចម្រៀងឯករាជ្យ ដែលត្រូវគេមើលឃើញថាចាប់ផ្ដើមជោគជ័យនៅក្នុងពេលនេះ។
លោកក៏មិនមានគម្រោងហក់ចូលផលិតកម្មហង្សមាសនោះដែរ ដោយលោកយល់ថានៅក្នុងទ្រនំមួយនេះ លោកមានតំណែងជាអ្នកនិពន្ធរួចហើយ មិនចង់ឡុកឡាក់ក្នុងតំណែងជាអ្នកចម្រៀងមួយទៀត ដែលនាំអោយតារាចម្រៀងដែលរង់ចាំច្រៀងបទចម្រៀងរបស់លោកមានអារម្មណ៍ខកចិត្តនោះទេ៕
October 21, 2018
លោក Mourinho សន្យាថា នឹងមានឥរិយាបថដ៏ល្អបំផុតនៅទឹកដី Chelsea ល្ងាចនេះ
លោក Jose Mourinho អ្នកចាត់ការទូទៅរបស់ក្រុម Manchester United បានសន្យាថា នឹងបង្ហាញពីភាពអត់ធ្មត់ និងការគោរព ប្រសិនបើលោករងបរាជ័យក្នុងការប្រកួតក្របខ័ណ្ឌ Premier League ជាលើកទី១នៅរដូវកាលនេះ នៅលើទឹកដីអតីតក្រុម Chelsea របស់លោកនៅថ្ងៃសៅរ៍នេះ។
លោក Mourinho ដែលបានដឹកនាំក្លិបមានមូលដ្ឋាននៅទីក្រុងឡុងដ៍មួយនេះ២លើក និងបានជួយឲ្យពួកគេឈ្នះពានលីក៣លើកនោះ មិនបានរីករាយចំពោះការជួបគ្នាកាលពីមុនជាមួយនឹងក្រុម Chelsea ក្នុងនាមជាគ្រូបង្វឹករបស់ Man United ដោយចាញ់៤លើកក្នុងចំណោមការប្រកួត៦លើក ក្នុងនោះរាប់បញ្ចូលទាំងពាន FA Cup វគ្គផ្តាច់ព្រ័ត្រ កាលពីដើមឆ្នាំនេះផងដែរ។
លោក Mourinho បានប្រាប់សន្និសីទសារព័ត៌មានមួយកាលពីថ្ងៃសុក្រថា៖ «សម្រាប់ខ្ញុំ វាជាការប្រកួត១ផ្សេងទៀត។ តើខ្ញុំនឹងអបអរដូចមនុស្សឆ្កួតសម្រាប់ការរកគ្រាប់បាល់បញ្ចូលទីរបស់ក្រុមខ្ញុំ ឬដណ្តើមបានជ័យជម្នះនៅកីឡដ្ឋាន Stamford Bridge ឬ? ខ្ញុំមិនគិតអ៊ីចឹងឡើយ»។
លោក Mourinho បានធ្លាក់ចូលក្នុងជម្លោះពាក្យសម្តី ជាមួយនឹងអតីតគ្រូបង្វឹករបស់ក្រុម Chelsea លោក Antonio Conte ដែលលោកបានរិះគន់សម្រាប់ការអបអរជ្រុលហួសហេតុ ក្រោយពីក្រុម Chelsea ដណ្តើមបានជ័យជម្នះ ៤-០ លើក្រុម Man United ក្នុងរដូវកាលឆ្នាំ២០១៦-២០១។
បើគិតគ្មានហេតុការណ៍នោះ ឬលោក Conte លោក Mourinho បានបញ្ជាក់ថា លោកតែងតែមានការពិចារណាខ្ពស់ចំពោះសកម្មភាពរបស់លោក នៅពេលដែលធ្វើដំណើរទៅជួបអតីតក្លិបរបស់លោក ដែលកំពុងតែស្ថិតក្នុងចំណាត់ថ្នាក់លេខ២លើតារាង ពោលគឺ៦ចំណាត់ថ្នាក់ខ្ពស់ជាងក្រុម Man United។
លោក Mourinho បានបន្ថែមទៀតថា៖ «ខ្ញុំនឹងព្យាយាមគ្រប់គ្រងខ្លួនខ្ញុំ និងគោរពដល់កីឡដ្ឋាន និងអ្នកគាំទ្រ ដែលធ្លាប់ជាអ្នកគាំទ្ររសប់ខ្ញុំ និងជាកីឡដ្ឋានរបស់ខ្ញុំអស់រយៈពេលជាច្រើនឆ្នាំ»។ ការប្រកួតនេះនឹងចាប់ផ្តើមនៅម៉ោង៦:៣០ល្ងាច៕
ប្រភពពី៖ Channel News Asia
October 20, 2018
អាជ្ញាធរឃុំកំពង់ភ្លុកចេញមុខបកស្រាយរឿងសាកសពចងព្យួរនៅកន្លែងតំបន់ទេសចរណ៍ ជាការសម្ដែងភាពយន្ដ
អាជ្ញាធរ ឃុំកំពង់ភ្លុក ស្រុកប្រាសាទបាគង ខេត្តសៀមរាប លោក គុជស៊ាក់ សិរីវត្ថានា ក៏បានចេញមុខបដិសេធ ចំពោះសាកសពដែលត្រូវបានគេយកទៅចងព្យួរជាប់នឹងដើមឈើ ដែលមហាជនមានការភ្ញាក់ផ្អើល ក៏ដូចជាតក់ស្លុត និងភ័យខ្លាចយ៉ាងខ្លាំង ដោយសាកសពក្លែងក្លាយនោះ ក្រុមថតកុនរបស់ផលិតកម្មថោន យកទៅចងព្យួរ ដើម្បីជាការសម្ដែងតែប៉ុណ្ណោះ។
អាជ្ញាធរ ឃុំ កំពង់ភ្លុក បានប្រាប់ឱ្យដឹងថា «យើងខ្ញុំក្នុងនាមជាអាជ្ញាធរឃុំ កំពង់ភ្លុក សូមបញ្ជាក់ថា រូបភាពដែលបងប្អូនភ្ញៀវជាតិ និងអន្តរជាតិ បានឃើញសាកសពក្លែងក្លាយ ដែល ក្រុមថតកុនរបស់ផលិតកម្ម ថោន យកមកចងព្យួរក្នុងព្រៃគុបកំពង់ភ្លុក គ្រាន់តែជារូបភាពក្នុងការសម្តែងទេ សូមកុំយល់ច្រឡំ ហើយសូមឲ្យផលិតកម្មថោន និង លោក K01 ចេញមុខបកស្រាយជាបន្ទាន់។ សូមបងប្អូនដែលស្រឡាញ់តំបន់ កំពង់ភ្លុក ជួយ Share ឲ្យដល់ផលិតកម្ម ថោន និង លោក K01 ឃើញផង»។
គួរបញ្ជាក់ផងដែរថា អាជ្ញាធរបានស្នើឱ្យខាងផលិតកម្ម ថោន រួមជាមួយនិងលោក K01 ដែលបានផ្សាយព័ត៌មានមិនពិត ដោយលើកឡើងថា ជាសាកសពត្រូវគេរំលោភសម្លាប់ រួចយកមកចងព្យួរ ដើម្បីបំបិទភស្តុតាង ចេញមុខមកបកស្រាយជាបន្ទាន់ ពាក់ព័ន្ធនឹងរឿងរ៉ាវខាងលើនេះ ជៀសវាងធ្វើឱ្យមានការភាន់ច្រឡំ កាន់តែខ្លាំង ពីសំណាក់មហាជន និងអ្នកទេសចរណ៍ ដែលបានទៅកម្សាន្ត នៅតំបន់នោះ៕
October 19, 2018
ថ្ងៃក្ដៅយ៉ាងហ្នឹងហើយ នៅខ្វះវីតាមីន D ទៀតឬ?
ក. នែ បើយើងខ្វះវីតាមីន D ត្រូវធ្វើយ៉ាងម៉េចទៅ?
ខ. ខ្វះវីតាមីនអី ក៏ទិញវីតាមីនហ្នឹងមកញ៉ាំទៅ មានលក់ម៉ាគំនរ
គ. ធ្លាប់ឮគេប្រាប់ថា ជំងឺពុកឆ្អឹងពាក់ព័ន្ធនឹងវីតាមីន D ណា៎…
ខ. មែនហ្អេ៎? វាអត់ពាក់ព័ន្ធនឹងកាល់ស្យូមសោះ…
គ. វីតាមីន Dហ្អេ៎? វាមាននៅក្នុងពន្លឺថ្ងៃហ្នឹងណា៎…
ខ. ស្រុកយើងថ្ងៃក្ដៅយ៉ាងហ្នឹង មិនខ្វះវីតាមីន D ទេ
តាមរយៈបទសន្ទនាខាងលើ វេជ្ជបណ្ឌិតជំនាញ និងជាអ្នកធ្វើការវិភាគរឿងវីតាមីន D បានប្រាប់ថា មនុស្សជាច្រើនខ្វះចំណេះដឹងពាក់ព័ន្ធនឹងវីតាមីន D ឬបើទោះជាដឹង និងដឹងយ៉ាងច្បាស់ពីភាពសំខាន់របស់វីតាមីន D មែន តែបែរជាយល់ច្រឡំថា យើងរស់នៅក្នុងប្រទេសក្ដៅ នឹងបានទទួលពន្លឺថ្ងៃយ៉ាងបរិបូណ៍សម្រាប់រាងកាយក្នុងការសាងវីតាមីន D យ៉ាងគ្រប់គ្រាន់ហើយ។
តាមរយៈការស្រាវជ្រាវបានរកឃើញថា ប្រជាជនដែលរស់នៅក្នុងតំបន់ទីក្រុងមានសភាវខ្វះវីតាមីន D ច្រើនណាស់ ដោយមនុស្សចាស់អាយុ 60ឆ្នាំឡើងខ្វះវីតាមីន D មានប្រមាណជា 65% ក្រុមមនុស្សក្នុងវ័យលែងមានបុត្រ 60% ក្រុមស្ត្រីដែលអស់វដ្តរដូវមានច្រើនដល់ទៅ 80% ជាហេតុធ្វើឱ្យក្រុមមនុស្សទាំងនោះកើតមានភាពប្រថុយប្រថានក្នុងការកើតជំងឺពុកឆ្អឹងនាពេលអនាគត។
វីតាមីន D និងរោគពុកឆ្អឹង
វីតាមីន D ជាវីតាមីនដែលមានភាពចាំបាច់ចំពោះរាងកាយមនុស្ស ដោយវានឹងទៅជួយទប់ស្កាត់ការបញ្ចេញអ័រម៉ូន ប៉ារ៉ាថៃរ៉យដ៍ (Parathyroid) ជាអ័រម៉ូនគ្រោះថ្នាក់ ដែលនឹងទៅបំផ្លាញកាល់ស្យូមចេញពីឆ្អឹង។ ក្រៅពីនេះវីតាមីន D នៅជួយសាងសារធាតុ អូស្តេអូខាល់ស៊ីន (Osteocalcin) ជួយទាញកាល់ស្យូមចូមក្នុងឆ្អឹង និងជួយសាងសាច់ដុំឱ្យរឹងមាំ។ ជាការការពាររោគពុកឆ្អឹងបានមួយផ្លូវ ហើយថែមទាំងជួយកាត់បន្ថយភាពប្រថុយប្រថានក្នុងការដួលរបស់មនុស្សចាស់បានទៀតផង។
វីតាមីន D និងពន្លឺថ្ងៃ
មនុស្សភាគច្រើនប្រហែលជាដឹងច្បាស់ស្រេចហើយថា វីតាមីន D ពាក់ព័ន្ធនឹងពន្លឺថ្ងៃតែ… ពាក់ព័ន្ធយ៉ាងណានោះ យើងអាចអធិប្បាយបានយ៉ាងងាយបំផុតគឺ នៅពេលរាងកាយបានទទួលពន្លឺថ្ងៃ រាងកាយប្រៀបដូចជា “គ្រឿងបំប្លែង‟ ដែលអាចបំប្លែងពន្លឺថ្ងៃដែលទទួលបាននោះឱ្យក្លាយទៅជាវីតាមីន D បានដោយឯកឯងជាស្វ័យប្រវត្តិ។ វីតាមីន D ដែលកើតឡើងនោះនឹងចាកចេញពីស្បែកឆ្ពោះទៅសរសៃឈាមតូចៗខាងក្រោមស្បែក ដោយធ្វើប្រតិកម្មជាមួយប្រូតេអុីនចាប់វីតាមីន D ចូលទៅក្នុងក្រសែឈាម និងឆ្ពោះទៅរកអវយវៈផ្សេងៗជាបន្ត ដូចជា ថ្លើមក្រលៀន ពោះវៀន ឆ្អឹង ដើម្បីបឺតជ្រាបយកកាល់ស្យូមធ្វើឱ្យឆ្អឹងរឹងមាំហ្នឹងឯង។
ទទួលបានពន្លឺថ្ងៃយ៉ាងម៉េច ទើបគ្រប់គ្រាន់?
នៅពេលនិយាយថា ត្រូវទទួលពន្លឺថ្ងៃ នារីៗច្បាស់ថ្ងូររហ៊ឹសជាមិនខាន ព្រោះកម្ដៅដ៏ក្ដៅរបស់ព្រះអាទិត្យនៅស្រុកយើងនេះពិបាកនឹងទ្រាំទ្របានណាស់ តែវេជ្ជបណ្ឌិតជំនាញបានផ្ដល់ព័ត៌មានថា អំឡុងពេលដែលស័ក្តិសមក្នុងការទទួលយកពន្លឺថ្ងៃ គឺម៉ោង06.00 – 09.00 និងម៉ោង15.00 – 17.00 ជាអំឡុងពេលដែលពន្លឺថ្ងៃមិនក្ដៅខ្លាំង និងមិនបង្កអន្តរាយដល់ស្បែកមនុស្សខ្លាំងពេកទេ ដោយរយៈពេលត្រឹមតែ30នាទីដែលស្បែកបើកទទួលយកពន្លឺថ្ងៃចូលមកក្នុងរាងកាយនេះនឹងអាចសាងវីតាមីន Dដល់រាងកាយបានដល់ទៅ1,000យូនីតឯណោះ។
ញ៉ាំផ្សិត ជម្រើសមួយទៀតក្នុងការទទួលបាន វីតាមីន D
រុក្ខជាតិដែលមានវីតាមីន D ខ្ពស់បំផុតគឺ ផ្សិត។ ទាំងវាស្ថិតនៅក្នុងទីម្លប់ និងសើម តែបែរជាមានសារធាតុដែលជាតួផ្ដើមកំណើតឱ្យវីតាមីន D ខ្ពស់បំផុតនៅពេលដែលសារធាតុត្រូវពន្លឺថ្ងៃផ្លាស់ប្ដូរក្លាយជាវីតាមីន D ដូច្នេះបើអ្នកបេះផ្សិតបានមក ត្រូវយកផ្សិតនោះទៅដាក់ហាលថ្ងៃប្រមាណជាកន្លះម៉ោង ទៅមួយម៉ោង រួចសឹមយកមករក្សាទុកក្នុងទូទឹកកក ហើយទាំងអស់នេះ ផ្សិតដែលហាលថ្ងៃរួចអាចយកទៅរក្សាទុកក្នុងទូទឹកកកបានយូររហូតដល់ទៅ14ថ្ងៃ។ ក្រៅពីផ្សិតហើយ គេនៅអាចរកវីតាមីន D បានពីសាច់ត្រី ្រថាត៍ ត្រីប្លាធូ និងគ្រំអយស្ទ័របានផងដែរ។
ឡារ៉ែនសង្ឃឹមថា មិត្តអ្នកអានប្រហែលជាបានទទួលចំណេះដឹងល្អៗពាក់ព័ន្ធនឹងវីតាមីន D ដែលជាប្រយោជន៍ល្មមសមគួរហើយ ជាពិសេសនារីៗដែលខ្លាចពន្លឺថ្ងៃ ចូរងាកមកផ្ដល់ភាពសំខាន់ជាមួយវីតាមីន D ព្រមជាមួយការមើលថែទាំសុខភាពលើផ្នែកផ្សេងៗទៀត ដើម្បីឱ្យបានស្អាត សង្ហា សុខភាពរឹងមាំ ចាកឆ្ងាយពីជំងឺទាំងអស់គ្នា៕
October 19, 2018
ម៉ូដសម្លៀកបំពាក់នារីម៉ាក LOOKSWOMEN លេខ 125

October 19, 2018
លោក Pochettino ពេញចិត្តក្រុម Spurs បច្ចុប្បន្ន បើទោះបីមិនទិញកីឡាករថ្មីចូល
លោក Mauricio Pochettino អ្នកចាត់ការទូទៅរបស់ក្រុម Tottenham បានសម្ដែងការមិនសោកស្តាយជុំវិញការមិនបានទិញចូលកីឡាករថ្មីក្នុងក្រុមរបស់លោកក្នុងពេលបិទរដូវកាល តាមរយៈការបញ្ជាក់ថា ការចាប់ផ្តើមយ៉ាងល្អរបស់ក្រុមរបស់លោកក្នុងក្របខ័ណ្ឌ Premier League បង្ហាញថា ការសម្រេចចិត្តនេះពិតជាត្រឹមត្រូវ។
Spurs ដែលបានក្លាយជាក្រុមដំបូងគេក្នុងការមិនទិញចូលកីឡាករថ្មីសូម្បីតែម្នាក់ បើគិតចាប់តាំងពីទីផ្សារដោះដូរកីឡាករត្រូវបានបង្កើតឡើងនោះ បានតាមស្មើទៅនឹងកំណត់ត្រាដ៏ល្អបំផុតរបស់ពួកគេក្នុងក្របខ័ណ្ឌ Premier League តាមរយៈការរកបាន 18ពិន្ទុពីការប្រកួត 8លើក។
លោក Daniel Levy ប្រធានប្រតិបត្តិក្លិបបានបង្ហើបឱ្យដឹងនៅសប្តាហ៍នេះក្នុងកិច្ចប្រជុំមួយជាមួយនឹងអ្នកគាំទ្ររបស់ក្លិប Tottenham ថា លោកមានការរីករាយចំពោះសកម្មភាពនារដូវក្តៅរបស់ក្លិប ហើយលោក Pochettino ក៏បានយល់ស្របបែបនោះដែរ។
លោក Pochettino បានឱ្យដឹងថា៖ «វាពិតជាលំបាកណាស់ក្នុងការទទួលបានកីឡាករថ្មីដែលយើងត្រូវការ វាមិនអាចទៅរួចឡើយ តែខ្ញុំពិតជារីករាយ និងពេញចិត្តជាមួយនឹងក្រុមដដែលរបស់ខ្ញុំ ពោលគឺកីឡាករទាំង 25នាក់»។
គ្រូបង្វឹករូបនេះបានប្រាប់បន្តថា៖ «យើងមិនមានការសោកស្តាយឡើយ ប៉ុន្តែ យើងពិតជារីករាយណាស់ នៅពេលដែលយើងបានចាប់ផ្តើមរដូវកាលនេះ ជាមួយនឹងការប្រកួត 3លើកដែលយើងឈ្នះ ហើយយើងបានស្ថិតនៅលើកំពូលតារាង ដែលនាំឱ្យមនុស្សជាច្រើននិយាយផ្សេងៗគ្នាថា ក្រុម Tottenham ពិតជាឆ្លាតវៃណាស់ ពីព្រោះពួកគេរក្សាទុករាល់កីឡាករពីរដូវកាលមុនទាំងអស់»។
លោក Pochettino បានបន្ថែមទៀតថា៖ «ក្រោយពីយើងបានចាប់ផ្តើមចាញ់ការប្រកួតប៉ុន្មានលើកមក ការបារម្ភផ្សេងៗបានចាប់ផ្តើមបង្កើតឱ្យមានឥទ្ធិពលដ៏ធំមួយក្នុងទស្សនៈនោះ។ ប៉ុន្តែ ខ្ញុំត្រូវតែរំឭកអ្នកគ្រប់គ្នាថា នេះគឺជាការចាប់ផ្តើមយ៉ាងល្អបំផុតរបស់យើង ក្រោយពីការប្រកួត 8លើក»៕
ប្រភពពី៖ Sport24
October 19, 2018
Pacquiao ថា មានភាពច្បាស់លាស់ 90% ក្នងការជួប Broner នៅខែមករា
សេ្ដចប្រដាល់ហ្វីលីពីន Manny Pacquiao បានបញ្ជាក់ថា ការប្រកួតនៅខែមករា នៅលើទឹកដីអាមេរិក ជាមួយនឹងកីឡាករអាមេរិក Adrien Broner មានភាពច្បាស់លាស់ស្ទើរតែទាំងស្រុងហើយ ប៉ុន្តែ រូបគេបានព្យាយាមលុបចោលពាក្យចចាមអារ៉ាមផ្សេងៗចំពោះការប្រកួតសងសឹកជាមួយនឹងកីឡាករ Floyd Mayweather។
Pacquiao វ័យ 39ឆ្នាំ បានបង្កើតឱ្យមានទំព័រថ្មីក្នុងអាជីពកីឡាប្រដាល់របស់គេ កាលពីខែកក្កដា ដែលនៅពេលនោះរូបគេបានកត់ត្រាជ័យជម្នះតាមរយៈការផ្តួលដៃគូឱ្យសន្លប់ជាលើកទី1 ក្នុងរយៈពេល 9ឆ្នាំ ក្នុងការប្រកួតជាមួយនឹងកីឡាករ Lucas Matthysse សញ្ជាតិអាហ្សង់ទីន។
ចាប់តាំងពីពេលនោះមក Pacquiao បានច្រានចោលការអំពាវនាវនានាក្នុងការចូលនិវត្តន៍ និងបានសន្យាថា នឹងប្រកួតម្តងទៀត ដែលបាននាំឱ្យមានព័ត៌មានមិនច្បាស់លាស់ទាក់ទងនឹងគូប្រកួតបន្ទាប់របស់គេ។ ប៉ុន្តែ ក្នុងកម្មវិធីសប្បុរសធម៌មួយកាលពីថ្ងៃពុធ ក្នុងទីក្រុងម៉ានីល Pacquiao បានប្រាប់អ្នកយកព័ត៌មានថា៖ «Broner, Adrien Broner»។
កីឡាកររូបនេះបានបន្ថែមទៀតថា រូបគេចង់ប្រកួតជាមួយនឹងអតីតម្ចាស់ខ្សែក្រវាត់ពិភពលោក 4ប្រភេទផ្សេងគ្នារូបនេះ នៅថ្ងៃទី12 ឬថ្ងៃទី19 ខែមករា ក្នុងទីក្រុង Las Vegas។ ខណៈបន្ថែមថា ការប្រកួតនេះ មានភាពច្បាស់លាស់៩០ភាគរយនោះ Pacquiao បានឱ្យដឹងថា៖ «វាស្ទើរតែជាការប្រកួតចុងក្រោយហើយ ប៉ុន្តែវាមិនទាន់បញ្ចប់នៅឡើយទេ»។
Mayweather វ័យ 41ឆ្នាំ បានឱ្យដឹងកាលពីខែកញ្ញាថា រូបគេនឹងចាកចេញពីការចូលនិវត្តន៍ ដើម្បីជួបជាមួយនឹង Pacquiao នៅចុងឆ្នាំនេះ ក្នុងការប្រកួតសងសឹកមួយ ក្រោយពីការជួបគ្នាជាលើកទី1 កាលពីឆ្នាំ2015 ដែលកីឡាករទាំង2 នឹងរកបានចំណូលច្រើនដូចគ្នា៕
ប្រភពពី៖ Channel News Asia
October 19, 2018
ការរៀបការនឹងធ្វើឱ្យអ្នកមានសេចក្ដីសុខ និងអាយុវែង
អ្នកដែលមានសុខភាពល្អ មិនមែនជាមនុស្សដែលមានសេចក្ដីសុខតែម្យ៉ាងនោះទេ តែបច្ចុប្បន្ននេះគួរតែរាប់ការរៀបការចូលផងដែរ ព្រោះគូអាពាហ៍ពិពាហ៍ គឺជាអ្នកដែលសាងសេចក្ដីសុខដល់រូបអ្នក និងធ្វើឱ្យអាយុរបស់អ្នកកាន់តែវែងឡើងទៀតផង។ ក្រុមអ្នកស្រាវជ្រាវផ្នែកកម្មវិធីកាំរស្មីមហារីកវិទ្យាពីមហាវិទ្យាល័យ ហាវ៉ាដ បានរកឃើញថា អ្នកដែលរៀបការ ហើយមានជំងឺមហារីកនឹងមានជីវិតរស់នៅបានយូរជាងអ្នកនៅលីវ ហើយមានជំងឺដូចគ្នា។
ក្នុងអំឡុង4ឆ្នាំកន្លងមក មានអ្នកជំងឺច្រើនជាង735,000នាក់បានទទួលការវិនិច្ឆ័យថា កើតជំងឺមហារីក និងជំងឺមហារីកចង្រៃដែលសម្លាប់ជីវិតមនុស្សមានដូចជា មហារីកពោះវៀនធំ មហារីកសុដន់ និងមហារីកថ្លើម។ តាមរយៈការសិក្សាស្រាវជ្រាវបានរកឃើញថា ការនៅលីវគឺជាបច្ច័យប្រថុយប្រថានសម្រាប់អ្នកកើតជំងឺមហារីក ពួកគេអាចនឹងគ្មានសេចក្ដីព្យាយាម និងតាំងចិត្តចូលទៅទទួលយកការព្យាបាលតាមដែលអាចធ្វើបានឡើយ។ ដោយហេតុនេះ ការគាំទ្រពីដៃគូជីវិតនឹងនឹងជួយជំរុញឱ្យអ្នកមានជីវិតកាន់យឺនយូរឡើង ដូច្នេះគោលបំណងចុងក្រោយនាំការមានជីវិតរស់នៅយូរអង្វែង គឺការមានជីវិតអាពាហ៍ពិពាហ៍ដែលល្អ និងឥតខ្ចោះ។ ក្រៅពីនេះ ការសិក្សាស្រាវជ្រាវផ្សេងៗទៀតនៅបានរកឃើញទៀតថា គូអាពាហ៍ពិពាហ៍ដែលមានសេចក្ដីសុខច្រើនតែមានសុខភាពល្អប្រសើរជាងមនុស្សទាំងឡាយទៀតផង។
ការសិក្សាស្រាវជ្រាវមួយដែលបានបោះពុម្ពផ្សាយនៅក្នុងព្រឹត្តិបត្រពាក់ព័ន្ធនឹងការរៀបការ និងគ្រួសារ បានតាមដានគូស្វាមីភរិយាចំនួន1,681គូដើម្បីនឹងសង្កេតមើលថា តើសភាវសេចក្ដីសុខក្នុងជីវិតអាពាហ៍ពិពាហ៍មានផលដល់សុខភាពរាងកាយរបស់ពួកគេយ៉ាងណាខ្លះ? ការសិក្សាស្រាវជ្រាវនោះបានរកឃើញថា កិច្ចការងាររវាងគូស្វាមីភរិយា ដូចជា ការដើរលេងក្នុងពេលរាត្រី ការមើលខ្សែភាពយន្តនៅពេលយប់ ឬការចេញទៅញ៉ាំអាហារនៅក្រៅផ្ទះជាមួយគ្នា សុទ្ធតែធ្វើឱ្យគូស្វាមីភរិយាទាំងនោះមានសេចក្ដីសុខ និងមានសុខភាពល្អឡើង។ អ្នកសិក្សាស្រាវជ្រាវក៏បានធ្វើការវិភាគដោយការដាក់សំនួរ 11ចំណុចសម្រាប់គូស្វាមីភរិយាចំនួន 1,681គូនោះ ដើម្បីសង្កេតមើលថា តើពួកគេមានសេចក្ដីសុខប៉ុនណា និងមានវិធីចាត់ការជាមួយការប្រចណ្ឌហួងហែង កំហឹង និងភាពមិនស្មោះត្រង់នឹងគ្នាយ៉ាងណាខ្លះទៀតផង។
លទ្ធផលនៃការវិភាគបានបង្ហាញឱ្យដឹងថា ជីវិតអាពាហ៍ពិពាហ៍ដែលមានគុណភាព និងការមានសុខភាពល្អនោះ ជារឿងដែលគួបផ្សំទៅជាមួយគ្នា ហើយទោះបីជាគូស្វាមីភរិយាមានអាយុខុសឆ្ងាយពីគ្នាក៏ដោយ ក៏សម្ព័ន្ធភាពដែលអស្ចារ្យបំផុតនៅតែជាជីវិតអាពាហ៍ពិពាហ៍ដែលពោរពេញទៅដោយសេចក្ដីសុខ និងមានសុខភាពដែលរឹងប៉ឹងល្អដែរ។
គ្មានចំណុចជំទាស់អ្វីទាំងអស់សម្រាប់ការងារវិភាគទាំង2យ៉ាងនេះ ហើយអ្វីដែលសំខាន់ ការវិភាគនេះថែមទាំងជាការចង្អុលឱ្យឃើញពីភាពសំខាន់របស់តួបុគ្គល សម្ព័ន្ធភាព និងការរៀបការផងដែរ៕
October 19, 2018
សាន់ វិសាល ប្រាប់មូលហេតុបាត់ខ្លួនពីកម្មវិធី Cambodia’s Got Talent
គ្រប់គ្នាពិតជាងឿងឆ្ងល់ណាស់ថា ហេតុអ្វីបានជាបាត់មុខរបស់លោក សាន់ វិសាល ពីកម្មវិធី Cambodia’s Got Talent ជំនួសដោយលោក រ៉ាស៊ី ត្រូវជាដៃគូលោក ជា វិបុលទៅវិញ ។ លោក សាន់ វិសាល ត្រូវបានទស្សនិកជនស្គាល់ថា ពិធីករមួយរូបដែលមានប្រជាប្រិយភាពមួយរូបប្រចាំស្ថានីយទូរទស្សន៍ហង្សមាស ហើយគេតែងតែឃើញរូបលោកធ្វើជាពិធីករក្នុងកម្មវិធីល្បីៗថ្នាក់អន្តរជាតិទៀតផង ដូចជាកម្មវិធី Cambodia Karaoke និង Cambodia Got Talent ជាដើម តែនៅសុខៗស្រាប់តែបាត់ខ្លួនមិនបានបង្ហាញវត្តបន្ដទៀត។
ថ្មីៗនេះទទួលបានដំណឹងថា លោក សាន់ វិសាល ការអវត្តមានក្នុងការងារលោក គឺដោយសារតែលោកកំពុងតែវះកាត់ព្យាបាលជង្ងឺធ្ងន់ធ្ងរមួយ ក្នុងនោះលោកបានសរសេរសារនៅលើគណនីហ្វេសបុកផ្ទាល់ថា « ខ្ញុំឆ្លងកាត់ការវះកាត់អស់ប៉ុន្មានអាទិត្យនេះរួចរាល់ហើយ ព្រោះតែជំងឺខ្ញុំមិនអាចបំពេញកាងារបាន មិនយូរមិនឆាប់យើងនិងបានជួបគ្នាហើយ សូមទោសដែលមិនបានជួបនិងធ្វើការជាមួយបេក្ខជនទាំងអស់ក្នុងវគ្គ live show ក្នុងកម្មវិធី Cambodia’s Got Talent រដូងកាលទី2 នេះ សូមចូលរួមគាំទ្រអ្នកមានសមត្ថភាពទេពកោសល្យជាបន្តក្នុងកម្មវិធី Cambodia got talent លើកញ្ចក់ទូរទស្សន៍ហង្សមាស hdtv »។
ខណៈដឹងបែបនេះភ្លាម មហាជនជាច្រើនបានចូលមកបង្ហាញអារម្មណ៍ព្រួយបារម្មណ៍ និងជូនពរឱ្យ លោក សាន់ វិសាល ឆាប់បានជាសះស្បើយ និងវិលត្រលប់មកបម្រើអារម្មណ៍អ្នកទស្សនាបន្តទៀត៕
October 19, 2018