Category: សង្គម និងសេដ្ឋកិច្ច

តារាចម្រៀងជើងចាស់ នូ ស៊ឹប កំពុងធ្លាក់ខ្លួនឈឺខ្លាំងមែនទែនហើយ
មុននេះបន្ដិច នៅបណ្ដាញសង្គមហ្វេសប៊ុកគេមើលឃើញថា តារាចម្រៀង នូ ស៊ឹប កំពុងធ្លាក់ខ្លួនឈឺខ្លាំង រហូតដល់មានសភាពគួរឱ្យព្រួយបារម្ភខ្លាំង។ បើតាមប្រភពអ្នកសិល្បៈ បានបង្ហោះឱ្យដឹងថា « ពេលនេះលោកគ្រូ នូ ស៊ឹប គាត់ឈឺហើយ កូនសូមបួងសួងអស់ទេវតា និងវត្ថុសាកសិទ្ធសូមជួយឱ្យពរប៉ាឆាប់ជាពីជំងឺឆាប់ផងចុះ »។
តាមស្ថានភាពសុខភាពនាពេលបច្ចុប្បន្ននេះ តារាចម្រៀងជើងចាស់ខាងលើវ័យ 70 ឆ្នាំរូបនេះ លោកមិនអាចធ្វើការឡើងច្រៀងតាមការប្រគំតន្ត្រីធំៗ ឬឡើងឆាកនៅក្នុងរយៈពេលយូរៗបានទេ លោកបានត្រឹមតែថតសំឡេងជូនផលិតកម្មដែលលោកធ្លាប់ស្គាល់គ្នាប៉ុណ្ណោះ ។
ដោយស្ថានភាពបច្ចុប្បន្នកំពុងខ្វះខាតខ្លាំង ទើបបានជាលោក នូ ស៊ឹប សូមអំពាវនាវដល់សប្បុរសជនទាំងឡាយ មេត្តាជួយឧបត្ថម្ភលោកជាថវិកាខ្លះដើម្បីសម្រួលក្នុងការព្យាបាលជំងឺ និងជីវភាពរស់នៅប្រចាំថ្ងៃផង៕
November 13, 2018
ភ្ញាក់ផ្អើល !! នារីវៀតណាម ស្លៀកឈុតកូនក្រមុំខ្មែរល្បីពេញបណ្ដាញសង្គម
តាមរយៈគេហទំព័រ 2sao.vn របស់ប្រទេសវៀតណាម បានឱ្យដឹងថា ខណៈនេះអ្នកលេងបណ្ដាញសង្គមនៅវៀតណាម កំពុងភ្ញាក់ផ្អើលជាមួយទម្រង់មុខឆើតឆាយ ផ្នែកធំ ច្រមុះស្រួច របស់ Net IDol ស្រីស្អាត ទាក់ទាញតាមរយៈការតែងខ្លួនជាមួយសម្លៀកបំពាក់ឈុតកូនក្រមុំប្រពៃណីបុរាណខ្មែរ ដែលមានការចែកចាយព្រោងព្រាតនៅលើបណ្តាញសង្គម និងសារព័ត៌មានក្នុងប្រទេសវៀតណាមបន្តចុះភ្លូកទឹកភ្លូកដី ។
នាង Son Thi Thu Ha កើតនៅឆ្នាំ 2000 មកពីខេត្ត ត្រាវិញ នាភាគខាងត្បូងប្រទេសវៀតណាម បានបង្កចំណាប់អារម្មណ៍ ជាមួយភាពទាក់ទាញ ក្នុងស្ថានភាពឈុតសម្លៀកបំពាក់ប្រពៃណីខ្មែរ ។ Ha មានឈ្មោះហៅក្រៅថា Ha Tay ។ រូបភាពបែបប្រណីខ្មែរនេះ ត្រូវបានស្ត្រីវ័យក្មេងជនជាតិវៀតណាមផុស លើបណ្តាញសង្គមហ្វេសប៊ុក កាលពីថ្ងៃទី10 ខែវិច្ឆិកា ឆ្នាំ2018 ដោយមានអ្នកចែកចាយនៅលើបណ្តាញសង្គម ជាង 2K Share៕
November 13, 2018
លោក Solari ក្លាយជាគ្រូបង្វឹកផ្លូវការរបស់ក្លិប Real Madrid
លោក Santiago Solari បច្ចុប្បន្នក្លាយជាគ្រូបង្វឹកថ្មីរបស់ក្លិប Real Madrid ជាផ្លូវការ និងបញ្ចប់ពេលវេលារបស់លោកក្នុងនាមជាគ្រូបង្វឹកបណ្តោះអាសន្ន។
គ្រូបង្វឹកសញ្ជាតិអាហ្សង់ទីនរូបនេះ ទើបតែត្រូវបានអនុញ្ញាតឱ្យដឹកនាំក្រុមជាបណ្តោះអាសន្នសម្រាប់រយៈពេល 2សប្តាហ៍ មុននឹងក្លិបនេះត្រូវតែសម្រេចចិត្តលើអនាគតរបស់លោក ហើយបច្ចុប្បន្ន ពួកគេបានធ្វើការសម្រេចចិត្តជាផ្លូវការ ក្រោយពីលោក Solari ដឹកនាំក្រុមឱ្យឈ្នះ 4លើកពីការប្រកួតទាំង 4លើក។
បណ្តាញសារព័ត៌មាន ESPN បានចេញផ្សាយថា ក្រោយពីដណ្តើមបានជ័យជម្នះលើក្រុម Celta Vigo កាលពីរាត្រីថ្ងៃអាទិត្យ ក្លិប Real Madrid បានបញ្ជូនកុងត្រាថ្មីរបស់លោក Solari ទៅឱ្យសហព័ន្ធកីឡាបាល់ទាត់អេស្ប៉ាញ ហើយកាសែត MARCA បានប្រកាសពីព័ត៌មាននេះ។
គ្រូបង្វឹករូបនេះបានទទួលសិទ្ធិក្នុងការបន្តដឹកនាំនៅកីឡដ្ឋាន Santiago Bernabeu ក្រោយពីបានផ្តួលក្រុម Melilla, Real Valladolid, Viktoria Plzen និង Celta Vigo បើទោះបីក្លិបយក្សមួយនេះបានសម្រេចចិត្តរួចជាស្រេចនៅមុនពេលការប្រកួតនាកីឡដ្ឋាន EstadioBalaidos កាលពីថ្ងៃអាទិត្យក៏ដោយ។
លោក Solari បានចូលកាន់តំណែងកាលពីថ្ងៃទី29 ខែតុលា ក្នុងកិច្ចសន្យាបណ្តោះអាសន្ន ក្រោយពីការបណ្តេញលោកគ្រូបង្វឹកសញ្ជាតិអេស្ប៉ាញ JulenLopetgui ចេញពីតំណែង។ ចាប់តាំងពីពេលនោះមក គ្រូបង្វឹកវ័យ 42ឆ្នាំរូបនេះ បានដឹកនាំឱ្យក្រុម Real ឈ្នះ 4ប្រកួតពីការប្រកួតទាំង 4លើក ដែលជាការចាប់ផ្តើមដ៏ល្អបំផុតរបស់អ្នកចាត់ការទូទៅម្នាក់ក្នុងប្រវត្តិសាស្ត្ររបស់ក្លិប។
ការផ្លាស់ប្តូរនេះ បានធ្វើឱ្យក្រុម Real ដេញតាមពីក្រោយក្រុមកំពុងនាំមុខលើតារាងលីក Barcelona ត្រឹមតែ 4ពិន្ទុគត់ និងកំពុងតែស្ថិតយ៉ាងប្រកៀកក្នុងការឈានទៅកាន់វគ្គ 16ក្រុមចុងក្រោយនៃក្របខ័ណ្ឌ Champions League៕
ប្រភពពី៖ Marca
November 13, 2018
ប៉ុប ពី បង្ហោះសារចាក់ដោត៖ « បើចង់ស្រឡាញ់គ្នាឱ្យបានយូរអង្វែង សូមកុំត្រចៀកស្រាល»
គ្រាន់តែបង្ហោះសារភ្លាម អ្នកលេងបណ្ដាញសង្គម និងអ្នកសិល្បៈអាចមើលបានដឹងថា តារាសម្ដែង ប៉ុប ពី ឬមានឈ្មោះពិត លាង សុធា ប្រហែលមានបំណងចង់ឱ្យគូស្នេហ៍នាងបានដឹងថា តើការស្រឡាញ់គ្នា ត្រូវមានការជឿជាក់លើគ្នា ទៅវិញទៅមក កុំតាមពាក្យសំដីអ្នកដទៃញុះញុង ដោយគ្មានការពិចារណា និងមិនចង់ឱ្យគូស្នេហ៍នាងខ្វល់ពីរឿងអតីតកាល ព្រោះបើរំឮកពីអតីតកាលរបស់រូបនេះ ក៏មិនធម្មតាដែរ។ ពោលគឺ ទំរាំតែធ្លាក់មកលើដៃគូស្នេហ៍នេះបច្ចុប្បន្ន ប៉ុបពី មានគូស្នេហ៍ជាច្រើនមកហើយ (ហិហិ…)។
បើមើលសារនៅលើហ្វេសប៊ុករបស់ ប៉ុបពី បានសរសេរសារយ៉ាងដូច្នេះថា «បើស្រឡាញ់មនុស្សម្នាក់ និងចង់ឱ្យមានក្តីសុខកុំខ្វល់នឹង រឿងអតីតកាល គ្នាទៅវិញទៅមក
EX. មានបុរសខ្លះសុខចិត្តស្រឡាញ់ស្ត្រី មេម៉ាយមានកូន2 ឬ3 ព្រមរួមរស់នៅជាមួយគ្នាជារៀងរហូត, ហើយស្ត្រីខ្លះសុខចិត្ត ស្រឡាញ់បុរសពោះម៉ាយមានកូនរួចហើយ ដោយមិនខ្វល់រឿងអតីតកាលដូចគ្នា ដូច្នេះសរុបសេចក្តីមក គឺនិស្ស័យ សួរថាចុះមនុស្សមួយផែនដី ហេតុអីបានត្រូវមកជួបស្រឡាញ់គ្នាបាន? ដូច្នេះសំខាន់សេចក្តីសុខយើង កើតចេញពីភាពស្មោះត្រង់ និងទុកចិត្តជឿរជាក់លើគ្នាទៅវិញទៅមក»។
ពីធីការិនីដើមទ្រូងធំៗរូបនេះ បានសង្កត់ធ្ងន់ថា «បើចង់ស្រឡាញ់គ្នាឱ្យបានយូរអង្វែង សូមកុំត្រចៀកស្រាល ជឿពាក្យញុះញុងអ្នកដទៃគេ ដោយគ្មានការពិតនឹងពាក្យមុសារ ជួបជាគូរ ព្រាត់ជាកម្ម សូមអ្នកដែលពូកែច្រណែនសុភមង្គលគេ និងយកពេលទៅមើលថែ ក្រុមគ្រួសារអ្នកវិញល្អជាង កុំយកពេលមកអុជអាលគ្រួសារអ្នកដទៃ ឱ្យគេបែកបាក់ឈ្លោះគ្នាដោយសារតែអ្នក បើមិនបានធ្វើបុណ្យ សូមកុំសាងបាបកម្មអី»។
ក្រោយអានសាររបស់តារាសម្ដែង និងពិធីការិនីនេះហើយ ប្រិយមិត្តយល់យ៉ាងណាដែរ?
November 13, 2018
Djokovic ផ្តួល Isnerក្នុងការប្រកួតបើកឆាកនៃពាន ATP Finals
កីឡាករវាយកូនបាល់ Novak Djokovic បានចាប់ផ្តើមការប្រជែងរបស់គេសម្រាប់ការឈ្នះពាន ATP Finals ជាលើកទី6 តាមរយៈការផ្តួលកីឡាករ John Isner ទាំង 2សិតជាប់ៗគ្នាកាលពីថ្ងៃចន្ទ ក្រោយពីកីឡាករ Alexander Zverev បានកត់ត្រាជ័យជម្នះជាលើកទី6 ជាប់ៗគ្នាពេលប្រកួតជាមួយនឹងកីឡាករ Marin Cilic។
កីឡាករវាយកូនបាល់សញ្ជាតិស៊ែប៊ី ដែលមានចំណាត់ថ្នាក់លេខ1ក្នុងពិភពលោករូបនេះ បានបង្ហាញពីទម្រង់លេងយ៉ាងរឹងមាំនៅលើទីលាន O2 Arena ខណៈដែលរូបគេសម្លឹងរកការបញ្ចប់រដូវកាលនេះប្រកបដោយភាពផ្លែផ្កា ក្រោយពីបានយកឈ្នះក្នុងលទ្ធផល 6-4 និង6-3 ដោយការបង្ហាញពីទម្រង់លេងប្រកបដោយភាពទាក់ទាញ។
ជាមួយនឹងការជួបលទ្ធផលផ្ទុយមួយផ្សេងទៀតរបស់កីឡាករ Roger Federer ដែលបានចាញ់ក្រោមស្នាដៃកីឡាករ Kei Nishikori ក្នុងការប្រកួតបើកឆាកកាលពីថ្ងៃអាទិត្យ Djokovic បានធ្វើឱ្យមានកំហុសត្រឹមតែ 6លើកគត់ និងបានវាយកូនបាល់បានល្អចំនួន 86ភាគរយនៃការវាយសេវារបស់គេ។
រូបគេបានបំបែកស្នៀតប្រកួតរបស់ Isner ក្នុងហ្គេមទី5 នៃសិតទី1 ដើម្បីបង្កើតឱ្យមានការគ្រប់គ្រងយ៉ាងរឹងមាំ និងមិនបានបណ្តោយឱ្យមានការភ្លាត់ស្នៀតកើតមានឡើយ មុននឹងដណ្តើមបានជ័យជម្នះក្នុងរយៈពេលត្រឹមតែ 73នាទីប៉ុណ្ណោះ។
Djokovic បានឱ្យដឹងថា៖ «ការប្រកួតនេះពិតជាអស្ចារ្យណាស់។ ខ្ញុំបានទទួលសេវារបស់ John យ៉ាងល្អក្នុងដំណាក់កាលដែលមិនអាចទៅរួច ប៉ុន្តែខ្ញុំបានស្ថិតក្នុងទីតាំង និងពេលវេលាដ៏ត្រឹមត្រូវ»៕
November 13, 2018
តារាសម្ដែង ចៅខ្មែរ រៀបការភេទដូចគ្នា កក្រើកពេញពិភពសិល្បៈ
មានគូស្នេហ៍ស្រឡាញ់ភេទដូចគ្នានៅក្នុងចង្កោមសិល្បៈ បានបង្ហាញមុខមាត់ជាបន្ដបន្ទាប់ដែលធ្វើឱ្យមហាជននឹកស្មានមិនដល់ ហើយខ្លះក៏មានអារម្មណ៍រំភើបជំនួសពួក ខណៈពួកគេបានដឹកដៃគ្នាចូលរោងការ។ ស្របជាមួយគ្នានោះដែរ តារាសម្ដែងប្រុស ដែលមហាជនជាច្រើនស្គាល់ថាជា ចៅខ្មែរ ក៏បានរៀបអាពាហ៍ពិពាហ៍ជាមួយស្វាមី នៅថ្ងៃទី 12 ខែវិច្ឆិកា នេះ។ បើទោះជាភេទដូចគ្នា តែអ្នកទាំងពីរបានប្រកាសឱ្យដឹងពីគម្រោងជីវិត ដើម្បីចងសម្ព័ន្ធប្ដីប្រពន្ធរបស់ខ្លួនឱ្យរឹងមាំ។
ជាមួយនឹងការតាំងចិត្ត លោកបានប្រកាសថានឹងធ្វើឱ្យសង្គមអ្នកសិល្បៈដឹងថាទោះជាគូស្នេហ៍ភេទដូចគ្នា តែក៏មិនឱ្យសង្គមគ្រួសារស្ដីថានោះដែរ។ លោក ចៅខ្មែរ និយាយថា ដ្បិតតែលោករៀបការភេទដូចគ្នា ដែលច្បាប់រដ្ឋមិនអនុញ្ញាតិ ប៉ុន្តែលោកបានធ្វើឡើងធំដុំ ដោយមានពិធីសូត្រមន្ត និងចងដៃមិនខុសពីមង្គលប្រុសស្រីទូទៅនោះទេ ដ្បិតថាពិធីខ្លះគ្រាន់តែធ្វើរបៀបឧបកិច្ចៗ។ ពិធីនោះ ក៍ភ្ជាប់នឹងពិធីឡើងផ្ទះ និងសម្ពោធហាងលក់ផលិតផល ដែលអ្នកទាំងពីរសន្សំលុយកាក់រួមគ្នាទិញបាន។
ក្នុងពិធីនោះ លោកត្រូវគេឃើញសាច់ញាតិ និងមេបាទាំងខាងកូនកំលោះ និងខាងចៅខ្មែរ ចូលរួមដោយទឹកមុខសប្បាយរីករាយ ដោយតំណាងគ្រួសារទាំងសងខាង សុទ្ធតែបញ្ជាក់ថា គ្មានអារម្មណ៍អាម៉ាស់នោះទេ ផ្ទុយទៅវិញគឺសប្បាយចិត្ត និងគាំទ្រដែលកូនប្រុសទាំងពីរក្លាហានបញ្ចេញអារម្មណ៍ពិត ហ៑ានរៀបការជាមួយគ្នា។ មង្គលការនេះ ត្រូវគេឃើញភ្ញៀវកិត្តិយសចូលរួមយ៉ាងច្រើនកុះករ ដោយកាន់តែយប់ជ្រៅ កាន់តែសម្បូរតារាសិល្ប:ចូលរួម បើទោះជាពិធីធ្វើឡើងក្នុងបុរីវាលស្បូវ៕

November 13, 2018
រោងចក្រកែច្នៃដំឡូងមីនៅកម្ពុជាកំពុងលេចចេញជារូបរាងជំរុញទឹកចិត្តកសិករ
ក្រុមហ៊ុន ហ្គ្រីន លីឌើរ (Green Leader)ដែលជាក្រុមហ៊ុនវិនិយោគលើរោងចក្រកែច្នៃម្សៅដំឡូងមី និងជីវឥន្ធន:អេតាណុល នៅក្នុងតំបន់សេដ្ឋកិច្ចពិសេសស្រុកស្នួល ខេត្តក្រចេះបានឱ្យដឹងថាក្រុមហ៊ុនកំពុងសាងសង់ប្រមាណជាបាន70% ហើយ ដោយរោងចក្រកែច្នៃនេះនឹងមានសមត្ថភាពផលិតម្សៅដំឡូងមីបានប្រមាណជា 1លានតោនក្នុងមួយឆ្នាំ ហើយគ្រោងនឹងបញ្ចប់ការសាងសង់នៅដំណាច់ឆ្នាំនេះ និងឈានទៅដល់ការដាក់ឱ្យដំណើរការកែច្នៃដំឡូងមីនៅដើមឆ្នាំក្រោយ។
លោក Tse Michael Nam នាយកក្រុមហ៊ុន ហ្គ្រីន លីឌើរ (Green Leader) បានឱ្យដឹងថា យោងតាមគម្រោងផែនការដែលបានគ្រោងទុក ការសាងសង់រោងចក្រកែច្នៃដំឡូងមី ដែលបានចាប់ផ្ដើមដំណើរការកាលពីថ្ងៃទី1 ខែមេសា ឆ្នាំ2018កន្លងទៅបានសម្រេច70%ហើយ។ នេះបើតាមសេចក្ដីរាយការណ៍ស្ដីពីវឌ្ឍនភាពនៃការកសាងរោងចក្រកែច្នៃដំឡូងមី កាលពីថ្ងៃទី9 ខែវិច្ឆិកា ឆ្នាំ2018ក្នុងជំនួបជាមួយលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងមានការចូលរួមពីលោក Gao Hua នាយកប្រតិបត្តិក្រុមហ៊ុន ហ្គ្រីន លីឌើរ ផងដែរ ។
សូមបញ្ជាក់ថាក្រុមហ៊ុន Green Leaderនឹងបន្តសាងសង់រោងចក្រ 3កន្លែង (នៅខេត្តត្បូងឃ្មុំ កំពង់ចាម និងខេត្តស្ទឹងត្រែង) បន្ថែមទៀតក្នុងចំណោម 10រោងចក្រនៅទូទាំងប្រទេសកម្ពុជា ដែលរួមមានខេត្តពោធិ៍សាត់ បាត់ដំបង ប៉ៃលិន បន្ទាយមានជ័យ និងឧត្តរមានជ័យ។
ក្រសួងកសិកម្មបានឱ្យដឹងថា តាមការស្រាវជ្រាវរបស់មជ្ឈមណ្ឌលអន្តរជាតិសម្រាប់កសិកម្មតំបន់ត្រូពិក (International Center for Tropical Agriculture, CIAT) បានបង្ហាញថា កម្ពុជាមានផ្ទៃដីដាំដុះដំឡូងមីរហូតដល់ទៅជាង 67ម៉ឺនហិកតា ជាមួយនឹងទិន្នផលប្រមាណ 14.8លានតោនដែលទទួលបានក្នុងឆ្នាំ2017។ បច្ចប្បន្នកម្ពុជាជាប្រទេសផលិតដំឡូងមីលំដាប់ទី8 លើពិភពលោក និងលំដាប់ទី4 ក្នុងតំបន់អាស៊ីអាគ្នេយ៍។
យោងតាមរបាយការណ៍អគ្គនាយកដ្ឋានកសិកម្មបានបង្ហាញថា កាលពីឆ្នាំ2017កន្លងទៅ ការនាំចេញផលិតផលចំណិតដំឡូងមីស្ងួតទៅកាន់ទីផ្សារបរទេសមានប្រមាណជាង 2.3លានតោន ខណៈដែលការនាំចេញដំឡូងមីស្រស់មានចំនួនជាង 75ម៉ឺនតោន ក្នុងនោះប្រទេសថៃ និងវៀតណាមត្រូវបានចាត់ទុកថាជាទីផ្សារធំបំផុតក្នុងការនាំចេញ ខណៈទីផ្សារនាំចេញទៅប្រទេសចិនផ្ទាល់ ហាក់មានតិចតួចនៅឡើយ។
សូមបញ្ជាក់ថា ក្រោមគម្រោងកិច្ចសហការរវាងទីភ្នាក់ងារអភិវឌ្ឍន៍អង្គការសហប្រជាជាតិUNDP ប្រចាំកម្ពុជា និងក្រុមហ៊ុន Green Leader លើការបង្កើតមូលនិធិរួមគ្នាដែលមានទឹកប្រាក់សរុប 80ម៉ឺនដុល្លារសហរដ្ឋអាមេរិក គឺសម្រាប់អនុវត្តគម្រោងជំរុញការអភិវឌ្ឍទីផ្សារដំឡូងមីនៅកម្ពុជា ស្របតាមយុទ្ធសាស្ត្រសមាហរណកម្មពាណិជ្ជកម្ម និងគោលនយោបាយអភិវឌ្ឍន៍វិស័យដំឡូងមីកម្ពុជា៕
November 12, 2018
អីយៈ!! អតីតគូស្នេហ៍ យូរី ផលិតករលោក រ៉េត រៀបការជាមួយភរិយាមានសម្រស់ស្អាតជាងតារាទៅទៀត
នៅចាំផលិតករ រ៉េត ដែលមានឈ្មោះពេញ ហៀង ចាន់ណារ៉េត ដែលជាអតីតអ្នកដឹកនាំនៅផលិតកម្មសាន់ដេ និងជាអ្នកដឹកនាំនៅផលិតកម្មថោន ខណៈបានសម្រេចចូលរោងជ័យក្រាបផ្ទឹមក្បាលដល់កន្ទេល ជាមួយកូនអ្នកមានទ្រព្យស្តុក ដែលជាអ្នកខេត្តបន្ទាយជ័យ ក្រោយបរាជ័យស្នេហាជាមួយតារាចម្រៀង យូរី កន្លងទៅ ។
មង្គលការនេះដែរបានប្រារពឡើងកាលពីពេលថ្មីៗនេះ នៅគេហដ្ឋានខាងប្រុស ក្នុងទឹកដីចំការដូង ក្រោយបានរាប់អាន និងស្គាល់ គ្នា អំឡុងផលិតកររ៉េត មានទុក្ខធំដោយសារស្នេហានោះ ។ បើតាមប្រភពបានបញ្ជាក់ថា ខាងស្រីជាជាកូនអ្នកមានទ្រព្យស្តុកក្នុងទឹកដីខេត្តបន្ទាយមានជ័យ ប៉ុន្តែជាប់ឈ្មោះជាអ្នកមេម៉ាយសាច់ខ្ចីកូនមួយ មានកូនប្រុសវ័យ ប្រហែល 5ឆ្នាំ ដោយបានហៅលោករ៉េតប៉ាប៉ាពេញមាត់ ។ ទោះបីជាយ៉ាងណាអ្វីដែលគួរឲ្យសរសើរនោះ គឺសម្រស់របស់ភិរយា លោករ៉េត ស្រស់សោភា មិនចាញ់តារាប៉ុន្មាននោះទេ។
គួរំឭកដែរថា ផលិតកររូបសង្ហានេះ ត្រូវបានមហាជនដឹងរឿងរ៉ាវផ្ដាច់ចំណងស្នេហាជាមួយតារាចម្រៀងស្រី យូរី នៅអំឡុងឧសភា ឆ្នាំ 2017 កាលណោះលោកបានបង្ហាញសារឈឺចាប់មួយខ្សែ បន្ទាប់ពីលោកបានប្រើជីវិតរួមរស់ជាមួយកញ្ញា យូរី យ៉ាងផ្អែមល្ហែមតាមបែបអនីតិសង្វាស ក្រោយគ្រាដែលលោកបានដឹងថា នាងកំពុងតែស្រវាទៅរកអ្នកថ្មី។ តែយ៉ាងណាមិញ អ្នកទាំងពីរក៏បានបញ្ចប់សម្ព័ន្ធមេត្រីភាពរវាងគ្នារួចហើយ ដោយស្ងប់ស្ងាត់ទៅវិញ៕
November 12, 2018
រយៈពេល 9ខែ ការនាំចេញទៅកាន់ប្រទេសជប៉ុនកើនឡើង
នយោបាយទំនាក់ទំនងពាណិជ្ជកម្មរវាងរដ្ឋាភិបាលកម្ពុជាជាមួយនឹងប្រទេសជប៉ុនបានធ្វើឱ្យការនាំចេញទៅកាន់ប្រទេសមួយនេះកើនឡើងយ៉ាងខ្លាំងក្នុងរយៈពេល 9ខែនៃឆ្នាំនេះ។
យោងតាមតួលេខចុងក្រោយពីអង្គការពាណិជ្ជកម្មក្រៅប្រទេសរបស់ជប៉ុន (JETRO)បានឱ្យដឹងថា ពាណិជ្ជកម្មរវាងប្រទេសទាំង2 បានកើនឡើងគួរកត់សម្គាល់ចាប់ពីខែមករា ដល់ខែកញ្ញាដោយការនាំចេញរបស់កម្ពុជាកើនឡើង23.5% និងការនាំចូលកើនឡើង12.7%។ ក្នុងនោះការនាំចេញទំនិញដែលមានតម្លៃ 1.18ពាន់លានដុល្លារត្រូវបានបញ្ជូនទៅប្រទេសជប៉ុនខណៈប្រទេសកម្ពុជាបានទិញទំនិញជប៉ុនប្រហែល 293លានដុល្លារ។
គ្រាន់តែនៅក្នុងខែកញ្ញាមួយ ការនាំចេញទៅកាន់ប្រទេសជប៉ុនបានកើនឡើងជាង22.5% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន ខណៈដែលការនាំចូលបានកើនឡើង21.9%។ ក្នុងអំឡុងខែនោះការនាំចេញមានតម្លៃ174.5លានដុល្លារ ខណៈការនាំចូលមានចំនួន37.6លានដុល្លារ។
ការនាំចេញរបស់កម្ពុជាភាគច្រើន គឺសម្លៀកបំពាក់ និងផលិតផលស្បែកជើង។ យោងតាមក្រុមហ៊ុន JETRO បានឱ្យដឹងថា ប្រទេសជប៉ុនភាគច្រើននាំចេញគ្រឿងម៉ាស៊ីនរថយន្ត និងគ្រឿងអេឡិចត្រូនិកមកកម្ពុជារួមទាំងសាច់គោ ដែក និងឱសថផងដែរ។
អ្នកនាំពាក្យក្រសួងពាណិជ្ជកម្មបានឱ្យដឹងថា ទំនាក់ទំនងទ្វេភាគីមានភាពស្និទ្ធស្នាលក្នុងគ្រប់វិស័យទាំងអស់មិនត្រឹមតែធ្វើពាណិជ្ជកម្មទេ។ តួលេខពាណិជ្ជកម្មចុងក្រោយរបស់ JETRO បង្ហាញពីទំនុកចិត្តចំពោះផលិតផលកម្ពុជា និងពង្រឹងសារៈសំខាន់នៃការធ្វើសមាហរណកម្មក្នុងតំបន់ដែលកំពុងកើនឡើង។
ឯកឧត្តម ចម ប្រសិទ្ធ រដ្ឋមន្ត្រីក្រសួងឧស្សាហកម្មកម្ពុជាបានកោតសរសើរចំពោះទំនាក់ទំនងពាណិជ្ជកម្មរវាងរដ្ឋាភិបាលកម្ពុជា និងជប៉ុនក្នុងអំឡុងជំនួបជាមួយលោក Miyao Masahiro ប្រធានក្រុមហ៊ុន JETRO។ ឯកឧត្តមរដ្ឋមន្ត្រីបានប្រាប់លោក Masahiro ថា រដ្ឋាភិបាលកម្ពុជាមានការកោតសរសើរយ៉ាងខ្លាំងចំពោះការងាររបស់ JETRO នៅក្នុងប្រទេសកម្ពុជា។ «JETRO ដើរតួនាទីយ៉ាងសំខាន់ក្នុងការជំរុញពាណិជ្ជកម្ម និងការវិនិយោគនៅក្នុងប្រទេសកម្ពុជា។ យើងតែងតែកោតសរសើរចំពោះកិច្ចសហប្រតិបត្តិការរបស់វិនិយោគិនជប៉ុនចំពោះការអភិវឌ្ឍប្រទេស»។
ឯកឧត្តមមានប្រសាសន៍ថា ក្នុងពេលកន្លងមក ក្រុមហ៊ុនជប៉ុនស្ទាក់ស្ទើរក្នុងការវិនិយោគនៅកម្ពុជាដោយលើកឡើងពីក្តីបារម្ភសុវត្ថិភាព ប៉ុន្តែលោកបានបន្ថែមថា ឥឡូវនេះពួកគេមានបំណងចង់វិនិយោគលើវិស័យផ្សេងៗគ្នា។ មានរោងចក្រជប៉ុនចំនួន 82 កំពុងដំណើរការនៅក្នុងប្រទេសកម្ពុជាដែលបានបង្កើតការងារ 30.000 កន្លែង។
ឯកឧត្តមរដ្ឋមន្ត្រីបានអំពាវនាវឱ្យក្រុមហ៊ុនជប៉ុនបន្តវិនិយោគនៅកម្ពុជាតាមដែលអាចធ្វើទៅបាន។ ក្រសួងនឹងបន្តគាំទ្រ និងសម្របសម្រួលការវិនិយោគរបស់វិនិយោគិនជប៉ុន។
លោក Masahiro បានថ្លែងអំណរគុណដល់ក្រសួង និងរដ្ឋាភិបាលកម្ពុជាចំពោះកិច្ចប្រឹងប្រែងរបស់ពួកគេក្នុងការគាំទ្រដល់ក្រុមហ៊ុនជប៉ុន និងវិនិយោគិន។ យើងនឹងបន្តការងារនេះដើម្បីទាក់ទាញវិនិយោគិនជប៉ុនមកកម្ពុជា ហើយយើងក៏នឹងខិតខំប្រឹងប្រែងផងដែរដើម្បីគាំទ្រដល់សហគ្រាសខ្នាតតូច និងមធ្យមនៅកម្ពុជា។
យោងតាមធនាគារជាតិនៃកម្ពុជា អ្នកទិញផលិតផលកម្ពុជាច្រើនជាងគេគឺ សហរដ្ឋអាមេរិក (21%) បន្ទាប់មកប្រទេសអង់គ្លេស និងអាល្លឺម៉ង់ដែលរួមគ្នាមានចំនួន 17.8% នៃការនាំចេញសរុប ឯជប៉ុនមាន 7.5%។
កាលពីឆ្នាំមុនប្រទេសកម្ពុជាបានទិញភាគច្រើនពីប្រទេសចិន41.7% ប្រទេសថៃ16.% និងប្រទេសវៀតណាមចំនួន11.7 % នៃការនាំចូលសរុប។ ទន្ទឹមនឹងនេះការនាំចូលពីប្រទេសជប៉ុនតំណាងឱ្យ4.2% នៃការនាំចូលទាំងអស់៕
November 12, 2018
Man City ផ្តួល Man Utd ខណៈ Chelsea និង Arsenal បានត្រឹមស្មើដូចគ្នា
ក្រុម Manchester City បានបន្ថែមពិន្ទុនាំមុខលើក្រុម Manchester United រហូតដល់ទៅ 12ពិន្ទុ ក្រោយពីចាប់ផ្តើមបានត្រឹមតែ 12ប្រកួតក្នុងការប្រកួតក្របខ័ណ្ឌ Premier League នៅរដូវកាលនេះ និងបានវិលទៅឈរនៅលើកំពូលតារាងវិញ តាមរយៈការដណ្តើមបានជ័យជម្នះក្នុងលទ្ធផល 3-1 ក្នុងការប្រកួតរវាងក្រុមស្ថិតក្នុងទីក្រុងតែមួយនាកីឡដ្ឋាន Etihad កាលពីថ្ងៃអាទិត្យ។
ការស៊ុតបាល់បញ្ចូលទីនៅដើមតង់នីមួយៗ ពីសំណាក់កីឡាករ David Silva និង Sergio Aguero បានជួយឱ្យ Man City ស្ថិតក្នុងការគ្រប់គ្រងទាំងស្រុង ហើយខ្សែបម្រើ Ilkay Gundogan បានធ្វើឱ្យក្រុម Man United រងបរាជ័យក្នុងការប្រកួតក្របខ័ណ្ឌលីកជាលើកទី4 នៅរដូវកាលនេះ ក្រោយពីការស៊ុតបាល់ប៉េណាល់ទីរបស់ Anthony Martial បានជួយឱ្យក្រុមភ្ញៀវមានក្តីសង្ឃឹមឡើងវិញបន្តិច។ ស្របពេលជាមួយគ្នានេះ ក្រុម Liverpool បានរក្សាការប្រជែងដណ្តើមពាន តាមរយៈការយកឈ្នះលើក្រុម Fulham ក្នុងលទ្ធផល 2-។ ប៉ុន្តែ Man City បានឡើងទៅឈរលើក្រុម Liverpool 2ពិន្ទុនៅលើកំពូលតារាង ស្របពេលដែល Man United នៅតែស្ថិតក្នុងចំណាត់ថ្នាក់លេខ8។
ក្រុម Chelsea មិនខុសពីក្រុមកំពូលតារាងទាំង2 ខាងលើឡើយ ខណៈដែលពួកគេនៅតែរក្សាការមិនស្គាល់ចាញ់សោះក្នុងក្របខ័ណ្ឌលីក ក្នុងរដូវកាលមកទល់ពេលនេះ ប៉ុន្តែមិនបានរក្សាការដេញតាមពីក្រោយយ៉ាងប្រកៀកឡើយ ក្រោយពីបានបញ្ចប់ក្នុងលទ្ធផលស្មើ ០-០ ជាមួយនឹងក្រុម Everton ស្របពេលក្រុមឈរលេខ5 Arsenal បានត្រូវការគ្រាប់បាល់នៅជិតបញ្ចប់ការប្រកួតពីកីឡាករ HenrikhMkhitaryan ដើម្បីដណ្តើមបានលទ្ធផលស្មើ 1-1 ជាមួយនឹងក្រុម Wolves នាកីឡដ្ឋាន Emirates៕
ប្រភពពី៖ Sport24
November 12, 2018