Category: សង្គម និងសេដ្ឋកិច្ច

កញ្ញា រឿន ស៊ីណាត ដែលជាបេក្ខនារី តំណាងកម្ពុជាក្នុងកម្មវិធី «Miss Universe» បានបញ្ចេញសកម្មភាពយ៉ាងលេចធ្លោរ ជាមួយនឹងឈុតសម្លៀកបំពាក់គ្រប់ទម្រង់។ អ្វីដែលសំខាន់ ក្នុងចំណោមបេក្ខនារីមកពីជាង 90 ប្រទេសលើពិភពលោក រឿន ស៊ីណាត ត្រូវបាន​មហាជន​លើកការសរសើរ ពីការដើរ​បង្ហាញ​ម៉ូតរបស់​នា​ង ក្នុង​ដំណើរ​យ៉ាង​ទន់ភ្លន់​បង្ហាញពី​លក្ខណៈ​ជា​នារី​ខ្មែរ ដែល​បង្កប់​ភាពរឹងមាំ​ស្វាហាប់ និង ប្រកបដោយ​ទេពកោសល្យ​ខ្ពស់​លើ​ឆាក​អន្តរជាតិ។

ជាក់ស្តែង បន្ទាប់ពីបានបញ្ចេញសកម្មភាពយ៉ាងច្រើនរួចមក នៅថ្ងៃម្សិលមិញនេះ បវរកញ្ញា រឿន ស៊ីណាត បានបង្ហាញវត្តមានយ៉ាងអស្ចារ្យ និងមានជំនឿចិត្តក្នុងឈុតតំណាងជាតិ ដែលបានជាឈុតរចនាឡើងអស់រយៈពេល 60 ថ្ងៃ​ ។ មួយឈុតនេះគឺពិតជាសមសួន ល្វតល្វន់ យ៉ាងខ្លាំង ព្រមទាំងបង្អួតសម្រស់ដល់ទស្សនិកជន និងគណៈកម្មការក្នុងកម្មវិធី លំដាប់ថ្នាក់ពិភពលោកមួយនេះ។

គួរបញ្ជាក់ផងដែរថា នៅចុងបញ្ចប់នៃការប្រឡងប្រជែងនេះកម្មវិធីប្រកួតយកពានរង្វាន់បវរកញ្ញាពិភពលោកឆ្នាំ 2018 តម្រូវឱ្យមហាជនបោះឆ្នោតគាំទ្រនៅជុំទី 3 នៃវគ្គផ្ដាច់ព្រ័ត្រ។ លោកអ្នកអាចបោះឆ្នោតតាមរយៈការចែកសែរនៅលើការចូលចិត្តនិងខម្មិន្តយោបល់ដល់រូបថតអ្នកប្រឡងបវរកញ្ញា Miss Universe ជាពិសេសគឺបវរកញ្ញាតំណាងប្រទេសកម្ពុជា នោះនាងនឹងទទួលបានចំពោះ ការសែរ 100 ពិន្ទុ Like / React: 50 ពិន្ទុ ខម្មិន្តមតិយោបល់ទទួលបាន 20 ពិន្ទុ (ការខម្មិន្តគ្មានដែនកំណត់)។

សូមជម្រាបដែលថា សំឡេងការបោះឆ្នោតគាំទ្រទាំងអស់របស់អ្នកនឹងត្រូវបានរាប់បញ្ចូល ដរាបណាលោកអ្នកបាន Like និង Fallow ទំព័រហ្វេសប៊ុក Queen Of Universe។ ការបោះឆ្នោតនេះនឹងបញ្ចប់នៅថ្ងៃទី 16 ខែធ្នូ ឆ្នាំ2018 ម៉ោង 7 យប់ (ម៉ោងប្រទេសថៃ) ៕

ក្នុងរយៈពេលចុងក្រោយនេះ គេកត់សម្គាល់ថា តារាចម្រៀងប្រចាំផលិតកម្មថោន កញ្ញា ស៊ូ ស៊ីរីកា ប្រឺងប្រែងយកចិត្តទុក្ខដាក់ថែរក្សាសម្ផស្សយ៉ាងខ្លាំង ដោយក្រៅពីបំប៉នស្បែកឱ្យមើលទៅស្រស់ស្អាត និងក្មេងជាងវ័យ នាងក៏ប្រឹងស្រវ៉ាហាត់ប្រាណណាស់ដែរ បើទោះបីជានាងគឺនារីភេទក៏ដោយ។

ម្នាក់ៗបានកោតសរសើរពីការតស៊ូរបស់តារាចម្រៀងស្រីរូបនេះ នៅពេលដែលបានបង្ហាញរាងពិតកាលពីមិនទាន់ហាត់ប្រាណ និងសម្រកទម្ងន់ ។ តារាចម្រៀងស្រីនៅទ្រនំថោនរូបនេះ បានទម្លាយរូបភាពខ្លួនដ៏ភ្ញាក់ផ្អើល និងសរសេរសារថា «ពី74មក54 វាមិនមែនងាយស្រួលទេ តែខ្ញុំអត់បោះបង់គោលដៅទេ ហើយខ្ញុំស្រលាញ់រាងប៉ិនហ្នឹងព្រោះមើលទៅរឹងមាំ ហើយនាងខ្ញុំមិនខ្លាចនឹងបង្ហាញរូបហ្នឹងទេ តែវាជាភាពជោគជ័យមួយទៅវិញទេដែលអាចជំនះខ្លួនឯងឱ្យធ្វើបាន។

មិនមែនស្គមជាងនេះមិនបាន តែចំនង់ចិត្តខ្ញុំគឺបែបហ្នឹង។ អ្នកណាថាកីឡាកាស ស្រីសាច់ដុំ រឺស្រីឌាំងអត់ខ្វល់ទេ បើអាឡែងតែខ្វល់មាត់អ្នកដទៃហ្នឹងគ្មានបានធ្វើអីទេហិហិ ចឹងសង្ឃឹមថាអាចបែងចែកដាច់ចុះរវាងខ្លាញ់នឹងរាងមាំ។ អរគុណពុកម៉ែបងប្អូនដែលតែងតែលើកទឹកចិត្ត។ បញ្ជាក់: បើមើលមុខអត់ច្បាស់អាចzoomបាន»៕

តារាកំប្លែងនាយ កំប៉ោយ ត្រូវបានមើលឃើញថាធ្លាក់ខ្លួនឈឺយ៉ាងធ្ងន់ធ្ងរ ដោយសារតែជម្ងឺក្រលៀន និងតម្រងនោម និងកំពុងសម្រាកព្យាបាលនៅក្នុងមន្ទីរពេទ្យមួយកន្លែង ។ តារាកំប្លែងរូបនេះ បានបង្ហោះសារឱ្យដឹងអំពីអាការខ្លួន និងអំពាវរកជំនួយក្នុងការព្យាបាល តាមរយៈបណ្ដាញសង្គមហ្វេសប៊ុក កាលពីថ្ងៃទី 4 ខែ ធ្នូ ឆ្នាំ ២០១៨ ថ្មីៗនេះ។ ការបង្ហោះរបស់លោក ត្រូវបានតារាសិល្បៈមើលឃើញ និងជួយសែររំលែកដំណឹងនេះបន្ដ រហូត តារាកំប្លែងរួមជំនាន់ និងធ្លាប់ប្រលូកក្នុងការថតវីដេអូចម្រៀងរួមគ្នានោះគឺ នាយព្រែក បានចេញមុខស្វះស្វែងរកជំនួយក្នុងការព្យាបាលនេះ។

នាយ ព្រែក បានទៅសួរសុខទុក្ខក្នុងនាមតំណាងសមាគមសិល្បករខ្មែរ ឱ្យដឹងអំពីស្ថានភាពជំងឺរបស់ នាយកំប៉ោយ ថែមបាននាំថវិកាបន្ដិចបន្ដិចជួយសម្រួលថ្លៃព្យាបាលនាយផងដែរ។ នាងព្រែក បានបង្ហោះសារនៅលើហ្វេសប៊ុកខ្លួនថា «យប់នេះខ្ញុំបាទ តំណាងសមាគមសិល្បករខ្មែរបាននាំយកថវិកាដែលជាមូលនិធិសិល្បករចាស់ជរាចំនួន200$ និង ថវិកាផ្ទាល់របស់ខ្ងុំមួយចំនួនមកជួយសម្រាលដល់ការលំបាករបស់ប្អូនប៉ោយដែលមានបញ្ហាតំរងនោមធ្ងន់ធ្ងរស្ថិតក្នុងដំណាក់កាលលាងឈាមនៅមន្ទីរពេទ្យព្រះកេតុមាលា (ពេទ្យទាហាន) ។ នាយប៉ោយជាតារាកំប្លែងនិង អ្នកចំរៀងកន្រ្ទឹមយ៉ាងចំណាន ប្អូនចូលសំដែងកំប្លែងតាំងពីតូចដំណាលគ្នានឹងខ្ងុំដែរដូចវីដេអូដែលមាននៅខាងក្រោម ។ សព្វថ្ងៃប្អូនប៉ោយសំដែងកំប្លែងជាប្រចាំនៅទូរទស្សន៍បាយ័ន»។

គួរបញ្ជាក់ផងដែរថា នាយព្រែកក៏បានអំពាវដល់បងប្អូនចង់សួរសុខទុកតារាកំប្លែង នាយ កំប៉ោយ និងជួយជាថវិកាសប្បុរសធម៌ អាចទំនាក់ទំនងតាមរយៈទូរស័ព្ទមកលេខ 015 226 221 ឬ 098 707 055 ៕

ម្ចាស់បទមេម៉ាយសប្បាយចិត្ត កញ្ញា រ័ត្ន រចនា ត្រៀមប៉ះគ្នាលើកដំបូងជាមួយតារាចម្រៀងជើងចាស់ លោក សាន ផានិត ក្នុងកម្មវិធីរាត្រីសមោសរខ្នាតធំ នៅក្នុងប្រទេសកូរ៉េខាងត្បូងតែម្ដង។ កម្មវិធីនោះ ជាវេទិកាជួបជុំរបស់បងប្អូនពលករខ្មែរប្រចាំឆ្នាំ ព្រមទាំងមានប្រគល់ពានជូនដល់តារាចម្រៀង និងម្ចាស់ជ័យលាភីបុរសឯកនារីឯកនាថ្ងៃនោះផងដែរ។

លោក សាន ផានិត និយាយថា លោកខានចេញច្រៀងក្រៅប្រទេសជាយូរមកហើយ ទើបលោកសប្បាយចិត្តយ៉ាងខ្លាំង ដែលគណកម្មការរៀបចំពេញចិត្តឱ្យលោកចេញទៅកូរ៉េ ហើយបានប៉ះគ្នាជាមួយតារាចម្រៀងខេម កញ្ញា រ៉ូលីន និងតារាចម្រៀងមួយចំនួនទៀត។ យ៉ាងណាមិញ លោកថាក្នុងចំណោមតារាចម្រៀង ដែលត្រូវចេញទៅសម្ដែងភាគច្រើនរូបលោកសុទ្ធតែធ្លាប់ឡើងឆាកប៉ះគ្នា គឺលើកលែងតែម្ចាស់បទម៉េម៉ាយសប្បាយចិត្ត ដែលលោកមិនធ្លាប់បានចាប់ដៃគូ ដែលលោកបញ្ជាក់ថា ជំនួបប៉ះគ្នាលើកនេះ គឺធ្វើឱ្យលោកយល់ថា ជាជំនួបនៅលើវេទិកាធំមួយ ហើយស្ថិតក្នុងប្រទេសកូរ៉េ ដែលមានជនជាតិខ្មែររស់នៅច្រើនទៅទៀត។

យ៉ាងណាមិញ ម្ចាស់បទ មេម៉ាយសប្បាយចិត្ត រូបនេះ ក៏ត្រៀមបកស្រាយបទរាំវង់រាំក្បាច់ បទមរតកដើម និងបទញាក់ឱ្យរន្ថើនវេទិកានៅក្នុងប្រទេសកូរ៉េនោះផងដែរ។ កាប៉ះគ្នាលើកទីកដីកូរ៉េនោះ គឺចំថ្ងៃឆ្លងឆ្នាំថ្ងៃទី 31 ខែ ធ្នូ ដោយតារាទាំងពីរដួងនេះរំពឹងថា នឹងទទួលបានជោគជ័យខ្លាំងក្លា ក្នុងឱកាសបង្ហាញខ្លួននោះ។ លោក ឡេង ណាវ៉ាត់ត្រា ជាអ្នកគាំទ្រនិងទ្រទ្រង់កម្មវិធីនេះ ក៏បានអះអាងថា កម្មវិធីដែលគ្រោងធ្វើឡើងនោះ គឺជាការរៀបរបស់ឯកអគ្គរាជទូតរបស់ប្រទេសកម្ពុជាប្រចាំ នៅក្នុងប្រទេសកូរ៉េ ដើម្បីឱ្យបងប្អូនពលករកូរ៉េទូទាំងប្រទេសកូរ៉េ បានរីករាយជាមួយនឹងកម្មវិធីសិល្ប: បន្ទាប់ពីធ្វើការហត់ពេញមួយឆ្នាំ តាំងពីដើមខែមករា៕

ក្នុង​សន្និសីទ​សារព័ត៌មាន​​បើក​មុខ​ជំនួញ​ថ្មី​​​រួម​​គ្នា​នៅ​ម្ដុំ​ផ្សារ​ព្រៃ​ទទឹង​តាម​បណ្ដោយ​ផ្លូវ​ជាតិ​លេខ​3 ​​ព្រឹក​មិញ​នេះ​កំពូល​តារា​ចម្រៀង​លោក ព្រាប សុវត្ថិ ​បាន​ទម្លាយ​រឿង​រ៉ាវ​កាច់កុង​គ្នា​ជាមួយ​ ខេមរៈ សិរីមន្ត មុន​ពេល​សម្រេច​ចិត្ត​វិនិយោគ​ទុន​​ 20លាន​ដុល្លារ​អាមេរិក​លើ​ទំហំ​ដី​ 50 ហិតា។

លោក ព្រាប សុវត្ថិ ថ្លែងថា គម្រោងចាប់ដៃជាមួយ លោក ខេមរៈ សិរីមន្ត និងលោកឧកញ៉ា ឡេង ណាវ៉ាត់ត្រា លើកនេះ គឺជាគម្រោងធំមួយសម្រាប់គម្រោងពុះដីឡូតិ៍លក់ និងសាងសង់បុរី ដោយគម្រោងទាំងមូល ក្រៅពីស្ថិតនៅលើទីតាំងដែលជាទីប្រជុំជនល្អ ងាយស្រួលរស់នៅ មានតម្លៃធូរថ្លៃ ក៏ជាគម្រោងដែលបង្ហាញពីការសាមគ្គី និងយល់ចិត្តថ្លើមគ្នារវាងពួកលោកទាំង3 ជាពិសេសគឺលោកខេមរៈ សិរីមន្ត កាន់តែល្អផងដែរ។ លោកថា រវាងលោក និងលោកខេមរៈ សិរីមន្ត គឺជាបងប្អូនគ្នាដ៏ល្អ តាំងពីមុនហក់ចូលហង្សមាសមកម្ល៉េះ ប៉ុន្តែមកពីពេលកន្លងមកមិនមានគម្រោងឯកជនរួមគ្នា ក្រៅពីប៉ះគ្នាលើឆាក ទើបធ្វើឱ្យម្នាក់ៗមានការយល់ច្រលំថាលោក និងលោកខេមរៈ សិរីមន្ត កុងគ្នា។

លោកថាសប្បាយចិត្ត ដែលលោក និងលោក ខេមរៈ សិរីមន្ត បានចាប់ដៃគ្នាក្នុងគម្រោងធំដុំ ខណៈដែលមុខជំនួញនេះ គឺបានកិច្ចសហការ និងការដុតដៃដុតជើងពីអ្នកជំនាញដីធ្លីគឺលោក ឡេង ណាវ៉ាត់ត្រា យ៉ាងយកចិត្តទុកដាក់។ លោករំពឹងយ៉ាងខ្លាំងថា គម្រោងធំមួយនេះ នឹងកក្រើក ហើយទទួលបានលទ្ធផលខ្លាំងជាងមុន ដោយសារតែគម្រោងមួយនេះក្រៅពីពុះជាឡូតិ៍ដាក់លក់ ក៏មានគម្រោងសង់ជាផ្ទះវីឡាសម្រាប់លក់ ហើយស្ថិតនៅក្នុងតំបន់សក្កានុពលនៅតាមបណ្ដោយផ្លូវជាតិលេខ3។ លោកប្រកាសគ្មានថ្ងៃបែកហ៊ុនគ្នាពីគ្នានោះទេ បើទោះជាកាលៈទេសៈក្នុងពេលខាងមុខ មុខជំនួញមួយនេះអាចឱ្យលោកមានទុនអាចឈរម្នាក់ឯង។

លោក ខេមរៈ សិរីមន្ត ក៏បានថ្លែងប្រាប់អ្នកសារព័ត៌មានថា បន្ទាប់ពីរំលេចគម្រោងយក្សមួយនេះ លោក និងលោក ព្រាប សុវត្ថិ នឹងមានគម្រោងយក្សធំៗបែបនេះបន្តបន្ទាប់ទៀត ដោយការបាក់បែកសាមគ្គីគឺមិនអាចមានឡើយ ជាពិសេសនៅក្នុងកាលៈទេសៈ ដែលលោកក៏ត្រូវការដៃគូសហការ និងត្រូវការបង្កើនដើមទុនជាមួយដៃគូឱ្យបានច្រើនកាន់តែដើម្បីប្រកួតប្រជែងនេះ។ លោកថាគម្រោងសង់បុរី និងពុះលក់លើទីតាំងថ្មីនៅម្ដុំផ្សារព្រៃទទឹងនេះ មិនត្រឹមតែផ្ដល់ឱ្យអតិថិជននៅដីឡូតិ៍ល្អៗ និងសំណង់ផ្ទះរឹងមាំមិនឱ្យប៉ះពាល់មុខមាត់ជាតារាចម្រៀងរបស់ពួកលោកប៉ុណ្ណោះទេ ប៉ុន្តែក៏មានផ្ដល់កាដូយ៉ាងពិសេសចំពោះអតិថិជនដែលជាវភ្លាមៗក្រោយប្រកាសសន្និសីទនេះផងដែរ។

ឧកញ៉ា ឡេង ណាវ៉ាត់ត្រា ជា​ដៃ​គូ​វិនិយោគ​ដ៏​ធំ​ជាមួយ​កំពូល​តារា​ចម្រៀង​ទាំង​ពីរ​​បាន​លើក​ឡើង​ថា មុខ​ជំនួញ​ថ្មី​លើ​ទំហំ​ដី​50 ហិតា នេះ​​ទទួល​បាន​ការ​ចាប់​អារម្មណ៍​យ៉ាង​ខ្លាំង​​ពី​អតិថិជន​​ចំពោះ​​​វត្តមាន​​​​​លោក ព្រាប សុវត្ថិ និង ខេរមៈ សិរីមន្ត។ លោកថា បាន​ជា​ពុក​ម៉ែ​បង​ប្អូន​គាត់​មាន​ជំនឿ​ចិត្ត​ដោយ​សារ​តែ​បង​ ព្រាប សុវត្ថិ និង បង​សិរីមន្ត ពួក​គាត់​គឺ​ជា​តារា​ចម្រៀង​ល្បី​ស្រាប់​ដូច្នេះ​​មិន​បាច់​ភ័យ​​ព្រួយ​រឿង​ទិញ​ដី​ឡូត៍​ឬ​ក៏​ផ្ទះ​​ដែល​សាង​សង់​ ដោយ​ពួក​យើង​ទាំង​៣​វិនិយោគ​ជាមួយ​គ្នា​នោះ​ទេ ព្រោះ​រូប​ខ្ញុំ​ក៏​ដូច​ជា​បង​ៗ​ទាំង​ពីរ​គឺ​ស្រឡាញ់​កិត្តិយស​កេរ្តិ៍ឈ្មោះ​មិន​អាច​យក​មក​លេង​សើច​បាន​ទេ៕​​

កម្ពុជា​កំពុង​សិ្ថ​ត​ក្នុង​ចរន្ត​ដ៏​សំខាន់​មួយ​របស់​ពិភពលោក គឺ​បដិវត្តន៍​ឧស្សាហកម្ម​ដែលមាន​ការផ្លាស់ប្តូ​រយ៉ា​ង​ខ្លាំង​លើ​ការធ្វើការងារ ការធ្វើ​អាជីវកម្ម ដំណើរការ​ឧស្សាហកម្ម និង​ពាណិជ្ជកម្ម​ជាដើម។ នៅក្នុងដំណាក់កាល​នេះ វា​ទាមទារ​ឱ្យមាន​ការយកចិត្តទុកដាក់​ឱ្យបាន​ខ្លាំងក្លា​ដើម្បី​ដោះស្រាយ​បញ្ហា​ប្រឈមមួយចំនួន​ដែលជា​ឧបសគ្គ​រាំងស្ទះ​ដល់​ដំណើរ​នៃ​ការអភិវឌ្ឍ និង​ការប្រកួតប្រជែង​នៅក្នុង​តំបន់។ នៅថ្ងៃនេះអ្នកយកព័ត៌មាន​នៃ​កាសែត ឡា​រ៉ែ​ន​ពាណិជ្ជ បានធ្វើ​បទ​សម្ភាស​ជាមួយ​លោក​សាស្ត្រាចារ្យ ជី គឹមអ៊ីព្រឹទ្ធបុរស​នៃ​មហាវិទ្យាល័យ វិទ្យាសាស្ត្រ និង​បច្ចេកវិទ្យា នៃសាកលវិទ្យាល័យ​បៀ​ល​ប្រាយ អំពី​កត្តា​ប្រឈម និង​ដំណោះស្រាយសំខាន់ៗលើ​វិស័យ​ធនធានមនុស្ស​ក្នុងបដិវត្តន៍​ឧស្សាហកម្ម 4.0។

1. បច្ចុប្បន្ននេះ​ប្រទេស​កម្ពុជា​កំពុងស្ថិត​ក្នុង​ចរន្ត​មួយ​ដែល​នឹង​ឈានទៅរក​បដិវត្តន៍​ឧស្សាហកម្ម 4.0 តើ​ប៉ុន្មាន​ឆ្នាំ​ទៀត​យើង​នឹង​ចូលទៅក្នុង​បដិវត្តន៍​ឧស្សាហកម្ម​នេះ​ពេញលេញ?
បើ​យើង​និយាយ​ពី​ឧស្សាហកម្ម 4.0 ពិភពលោក​គេ​ចាប់ផ្តើម​នៅ​ដើម​សតវត្សរ៍​ទី21នេះហើយ ដែល​ក្នុងនោះ​ប្រទេសនីមួយៗត្រូវការ​ធនធានមនុស្ស​ដែលមាន​សមត្ថភាព​ខ្ពស់​ជា​ចាំបាច់ ដើម្បី​ធ្វើឱ្យ​ការងារ​គ្រប់
យ៉ាង​ត្រូវតែមាន​ភាព​ឆ្លាត​វៃ​ដូចជា ផលិតផល​ឆ្លាត​វៃ (smart product) រោងចក្រ​ឆ្លាត​វៃ (smart factory) សហគ្រិន​ឆ្លាត​វៃ (smart entrepreneur) ផ្ទះ​ឆ្លាត​វៃ (smart home) សាលា​ឆ្លាត​វៃ(smart school) និង​រដ្ឋ​ឆ្លាត​វៃ(smart nation)ជាដើម។

សម្រាប់​កម្ពុជា​វិញ យើង​ក៏​កំពុង​យកចិត្តទុកដាក់​ក្នុង​ការជំរុញ​ខ្លួនឯង​ឱ្យចូល​ទៅក្នុង​បដិវត្តន៍​ឧស្សាហកម្ម 4.0 នេះដែរ។ ជាក់ស្តែង​ក្រសួង​អប់រំ យុវជន និង​កីឡាបាន​បង្កើត​កម្មវិធីសិក្សា​វិទ្យាសាស្ត្រ បច្ចេកវិទ្យា វិស្វកម្ម និង​គណិតវិទ្យា (STEM) ដើម្បី​ជំរុញ​យុវជន​កម្ពុជា​ឱ្យមាន​ចំណេះដឹង​កាន់តែ​ទូលំទូលាយ​សម្រាប់​ទទួល​បានអនាគត​ធនធានមនុស្ស​លើ​វិស័យ​វិទ្យាសាស្ត្រ វិស្វកម្ម និង​វិស័យ​នានា​ផ្សេងទៀត​សម្រាប់​គ្រប់គ្រង​ឧបករណ៍​ឆ្លាត​វៃ​ដែល​នឹងត្រូវ​ប្រើប្រាស់​នាពេល​អនាគត។ ចំពោះពេលវេលា​វិញ ប្រទេស​យើង​ប្រហែលជា​ត្រូវការ​រយៈពេល 10ឆ្នាំ​ទៀត ដើម្បី​ជំរុញឱ្យមាន​ធនធាន​គ្រប់គ្រាន់​សម្រាប់​បដិវត្ត​ន៍​ឧស្សាហកម្ម​លើក​ទី4 នេះ ព្រោះ​ការធ្វើ​បដិវត្តន៍​ឧស្សាហកម្ម​លើ​ពិភពលោក គឺ​ប្រើ​រយៈពេល 100ឆ្នាំ ដូច្នេះ​ក្នុង​កាលៈទេសៈ​ដែល​យើង​ទើបតែ​ចាប់ផ្តើម​សតវត្សរ៍​ទី21នេះ យើង​អាច​នៅសល់​ពេលវេលា​យូរ​គួរសម​ដែរ​ដើម្បី​អនុវត្ត​វា។

2. តើ​នៅពេលដែល​យើង​ចូលដល់​ឧស្សាហកម្ម 4.0នេះ និង​តើ​បច្ចេកវិទ្យា​មាន​សារៈសំខាន់​ខ្លាំង​ប៉ុនណា​សម្រាប់​កម្ពុជា?
បច្ចេកវិទ្យា​មាន​សារៈសំខាន់​ខ្លាំងណាស់​សម្រាប់​បដិវត្ត​ន៍​ឧស្សាហកម្ម​ថ្មី​នេះ ព្រោះ​ឧបករណ៍​ទំនើប និងឆ្លាត​វៃ​ជា​ផ្នែក​យ៉ាងសំខាន់​ក្នុង​ការជំរុញឱ្យ​សេដ្ឋកិច្ច​មានការ​រីកចម្រើន។ ជាក់ស្តែង​បើ​យើង​ចង់​សង់ផ្ទះ​មួយ40ជាន់ បើ​យើង​មិន​យក​កម្មវិធី​វិស្វកម្ម​ថ្មី​មក​ធ្វើ​ទេយើង​នឹង​ដើរ​មិនទាន់​ប្រទេសជិតខាង​ឡើយ ចំណែក វិស័យផ្សេងៗក៏​ដូចគ្នា ចាំបាច់​ណាស់​ត្រូវ​ប្រើប្រាស់​បច្ចេកវិទ្យា​ទំនើបនាពេល​បច្ចុប្បន្ននេះស្ទើរ​គ្រប់​វិស័យរួមទាំង​វិស័យ​ព័ត៌មាន សំណង់​ធារាសាស្ត្រ និង​ការគ្រប់គ្រង​គ្រោះ​រញ្ជួយ​ដី​ជាដើម ចាំបាច់​ត្រូវតែ​ផ្សារភ្ជាប់​ជាមួយ​បច្ចេកវិទ្យា​ទំនើប ដើម្បី​ធ្វើឱ្យ​វា​កាន់តែ​ប្រសើរឡើង។មាន​ប្រទេស​ខ្លះគេ​ប្រើប្រាស់​បច្ចេកវិទ្យាដើម្បី​វាស់​ស្ទង់ និង​បញ្ជូន​ព័ត៌មាន​ពី​គ្រោះមហន្តរាយ​ឱ្យ​ប្រជាជន​គេ​បានដឹង​ថែមទៀត​ផង។ នៅពេល​មាន​បញ្ហា​កើតឡើង អ្នកជំនាញ​មិន​ត្រឹមតែ​អាច​ផ្សព្វផ្សាយ​តាម​វិទ្យុ ឬ​ទូរទស្សន៍​ទេ តែ​គេ​អាច​ប្រើប្រាស់​កម្មវិធី (mobile apps) ឬ​បណ្តាញ​សង្គម​ដើម្បី​ផ្តល់ព័ត៌មាន​ដល់​ប្រជាជន​គ្រប់​ទីកន្លែង​តាមរយៈ​ទូរស័ព្ទ​បាន​យ៉ាង​ងាយ។

ងាក​មក​វិស័យសេដ្ឋកិច្ច​វិញ បច្ចេកវិទ្យា​ជា​ចំណុច​មិនអាច​ខ្វះ​បាន​សម្រាប់​បដិវត្តន៍​ឧស្សាហកម្ម 4.0 នេះ ព្រោះ​បច្ចុប្បន្ននេះ​បច្ចេកវិទ្យា​បាន​ចូលរួមចំណែក​យ៉ាងច្រើន​ក្នុង​ការធ្វើ​ទីផ្សារ ការ​ចែកចាយ​ផលិតផល និង​ការគ្រប់គ្រង​ចង្វាក់​ផលិតកម្ម​បាន​យ៉ាង​មានប្រសិទ្ធភាព និង​ងាយស្រួល​បំផុត។ ក្រុមហ៊ុន ឬ​សហគ្រាស​ណា​មិន​ប្រើប្រាស់​បច្ចេកវិទ្យា គាត់​នឹងត្រូវ​ចំណាយ​ច្រើន​ទាំង​ថវិកា និង​ពេលវេលា ដែល​ធ្វើឱ្យ​គាត់​ពិបាក​ប្រកួតប្រជែង​ក្នុង​ទីផ្សារ។

3. បើ​មើល​តាម​ស្ថានភាព​បច្ចុប្បន្ន តើ​កម្ពុជា​ត្រូវការ​អ្វីខ្លះ​បន្ថែមទៀត​ដើម្បី​ចូលទៅ​កាន់​បដិវត្តន៍​ឧស្សាហកម្ម?
ដូច​បានបញ្ជាក់​ខាងលើ​រួចហើយ​ថា កម្ពុជា​ត្រូវការ​ជា​ចាំបាច់​នូវ​ធនធានមនុស្ស​ដែល​អាចមាន​សមត្ថភាព​គ្រប់គ្រាន់​ដើម្បី​គ្រប់គ្រង​ការងារ​ជាមួយ​បច្ចេកវិទ្យា​ថ្មី និង​មាន​ភាព​ច្នៃប្រឌិត​ខ្ពស់​ដែល​អាចធ្វើ​ការងារ​ខុសប្លែក​ពី​ការងារ​ដែល​ម៉ាស៊ីន​អាចធ្វើ​បាន។ ជំនាញ​ដែល​គេ​ត្រូវការ​សម្រាប់​បដិវត្តន៍​ឧស្សាហកម្ម​ថ្មី​នេះគឺជំនាញ​ដោះស្រាយ​បញ្ហា ជំនាញ​ក្នុង​ការគិត​ឱ្យបានស៊ីជម្រៅ ជំនាញ​ច្នៃប្រឌិត ជំនាញ​គ្រប់គ្រង និង​សម្រប-សម្រួល​ជាមួយ​មនុស្ស ជំនាញ​សម្រាប់​ទំនាក់ទំនង ជំ-នាញ​ក្នុង​ការចរចា ជំនាញ​ក្នុងការ​សម្របសម្រួល​សេវាកម្ម និង​ជំនាញ​ក្នុងការ​គ្រប់គ្រង​បច្ចេកវិទ្យា​ជាដើម។

ដើម្បី​ដើរ​ឱ្យដល់​គោលដៅសំខាន់ៗទាំងអស់នោះ ស្ថាប័ន​អប់រំ​ទាំង​រដ្ឋ និង​ឯកជន​ចាំបាច់​ត្រូវតែ​ធ្វើការ​ផ្លាស់ប្តូរ​ប្រព័ន្ធ​អប់រំ​ឱ្យស្រប​នឹង​ប្រព័ន្ធ​អប់រំ 4.0។ ការងារ​នេះ​ទាមទារ​ឱ្យមាន​ការខិតខំ​បង្កើត​កម្មវិធីសិក្សា​ថ្មី ដោយ​ផ្លាស់ប្តូរ​កម្មវិធីសិក្សា​ដែល​ហួស​កាលបរិច្ឆេទ ប្រើប្រាស់​លែងកើត ឱ្យក្លាយ​ជាការ​បណ្តុះបណ្តាល​បែប​ទំនើប​ដោយ​រាប់បញ្ចូល​ទាំង​បច្ចេកវិទ្យា និង​ជំនាញ​សម្រាប់​សតវត្សរ៍​ទី21 សម្រាប់​ឱ្យ​និស្សិតទាំងអស់​បាន​សិក្សា​ដើម្បី​ប្រកួតប្រជែង​ជាមួយ​បណ្តា​ប្រទេស​នានា​នៅ​កម្ពុជា ព្រោះថា បន្តិចទៀតនេះ​រោងចក្រ ក៏​ជា​រោងចក្រ​ឆ្លាត​វៃ​ដែរ ការងារ​មួយចំនួន​នឹងត្រូវជំនួស​ដោយ​ម៉ាស៊ីន ហេតុនេះ​ទាល់តែ​ប្រជាជន​យើងចេះ​គ្រប់គ្រង​ម៉ាស៊ីន​ទាំងអស់នោះ ទើប​អាច​ចាប់យក​ឱកាស​ការងារ​បាន។ ក្រៅពីនេះ​វិស័យ​ជាច្រើន​ផ្សេងទៀត​ក៏មាន​ការផ្លាស់ប្តូរ​ផងដែរ ចាំបាច់​ទាមទារ​ឱ្យមានធនធានមនុស្ស​ដែលមាន​សមត្ថភាព​ឆ្លើយតប​ជាមួយទីផ្សារ​អនាគត មិនមែន​សិក្សា​កម្មវិធីចាស់ៗនោះទេ។

4. តើ​លោក​សាស្ត្រាចារ្យ​អាច​បកស្រាយ​លម្អិត​បាន​ទេ​អំពី​ប្រព័ន្ធ​អប់រំ 4.0 ថា តើ​មាន​ចំណុច​ពិសេស​អ្វីខ្លះ?
ប្រព័ន្ធ​អប់រំ 4.0 ជា​ប្រព័ន្ធ​អប់រំ​ដែលមាន​កម្មវិធីសិក្សា​ឆ្លើយតប​នឹង​តម្រូវការ​ជាក់ស្តែង​រប​ស់​បដិវត្តន៍​ឧស្សាហកម្ម 4.0 ហើយ​វា​ទាមទារ​ឱ្យមាន​ការបញ្ចូល​ភាព-ជាក់ស្តែង​ច្រើនជាង​មុន។ ក្រៅពី​ផ្លាស់ប្តូរ​កម្មវិធីសិក្សា​ថ្មី គ្រឹះស្ថាន​ឧ​ត្ត​មសិ​ក្សា​ចាំបាច់​ត្រូវមាន​មន្ទីរពិសោធន៍ (lab) ដើម្បី​ពិសោធ​ប្រសិនបើ​មុខវិជ្ជា​ទាំងអស់នោះ​តម្រូវ ដូចជា​មុខវិជ្ជា​វិទ្យាសាស្ត្រ​ជាដើម។ ក្រៅពីនេះ​ចាំបាច់​ត្រូវមាន​ការអនុវត្ត​ផ្ទាល់​ឱ្យបាន​ច្រើន​តាមរយៈ​ការចុះ​ទៅកាន់​សហគ្រាស ឬ​ខ្សែចង្វាក់​ផលិតកម្មផ្ទាល់ ដើម្បី​តាមដាន​ឱ្យដឹងពី​ការ​អនុរត្ត​ជាក់ស្តែង​របស់​ក្រុមហ៊ុន​នានា​ដែល​កំពុងដំណើរការ នៅ​ឆមាស​ទី2 ឆ្នាំ​ទី2។ បន្ថែម​ពីលើ​នេះ សម្រាប់​កម្មវិធី​គ្រប់គ្រង​បណ្ណាល័យ​ត្រូវ​ប្រើប្រាស់​ប្រព័ន្ធ​បច្ចេកវិទ្យា និង​ឧបករណ៍​ទំនើប​ដើម្បី​កាន់​តែមាន​ភាពងាយស្រួល​ក្នុងការ​ស្រាវជ្រាវ ព្រោះ​មេរៀន​អាច​នឹង​កាន់​តែមាន​លក្ខណៈ​ទូលំទូលាយ​ជាង​មុន។ ចំពោះ​និស្សិត​ដែល​សិក្សា​លើ​ផ្នែក​ដែល​ពាក់ព័ន្ធ​នឹង​បច្ចេកវិទ្យា​ខ្លាំង ត្រូវតែ​ធ្វើ​កម្មវិធី (application) តែម្តង​នៅ​ឆ្នាំ​ទី4 ហើយ​គាត់​ក៏​ចាំបាច់​ត្រូវ​ចុះទៅ​សហគមន៍ ឧស្សាហកម្ម និង​ក្រុមហ៊ុន​បច្ចេកវិទ្យា​ជាក់ស្តែង ដើម្បី​ព្យាយាម​ស្វែងយល់​ពី​បញ្ហា​ដើម្បី​យក​បច្ចេកវិទ្យា​របស់គាត់​ទៅធ្វើ​ការងារ ឬ​ដោះស្រាយ​បញ្ហា​ទាំងអស់នោះ។ ប្រព័ន្ធ​អប់រំ 4.0ក៏​ត្រូវតែ​បញ្ចូល​ជំនាញ​ទន់ (soft skills) ដើម្បីឱ្យ​ពួកគាត់​ចេះទាំង​ជំនាញ​វិជ្ជាជីវៈ និង​ជំនាញ​ទំនាក់ទំនង ជំនាញ​ក្នុងការធ្វើការងារ​ជា​ក្រុម មាន​សិល្បៈ​ក្នុងការ​រស់នៅ​ប្រកបដោយ​សក្តានុពល ចេះ​រស់នៅ​ក្នុងសង្គម និង​អនុវត្ត​ការ-ងារ​បានល្អ​ទាំង​ជាមួយ​ថ្នាក់លើ និង​ថ្នាក់ក្រោម។ ស្របពេល​ជាមួយគ្នា​នោះដែរ និស្សិត​ត្រូវតែ​ធ្វើការ​ងារ​ជា​ក្រុមឱ្យបាន​ច្រើន ដើម្បី​អនុវត្ត​ជំនាញ​ទាំងអស់នោះ​ឱ្យបាន​ល្អ​លើ​ការគ្រប់គ្រង​ការងារ​ជាក់ស្តែង​ជាមួយ​មនុស្ស។

5. បើ​ក្រឡេក​មក​មើល​កម្ពុជា តើ​យើង​មាន​កត្តា​ប្រឈម​អ្វីខ្លះ​ក្នុងការ​ដើរចូល​បដិវត្ត​ន៍​ឧស្សាហកម្ម 4.0 នេះ?
នៅ​ស្រុក​យើង បញ្ហា​ប្រឈម​ខ្លាំង គឺ​ធនធានមនុស្ស​នៅមានកម្រិត។ តាម​ដែល​ខ្ញុំ​បាន​ជួបប្រទះនិស្សិត​ផ្នែក​បច្ចេកវិទ្យា​ព័ត៌មាន​ខ្លះ​មិន​ច្បាស់​ទាំងការ​ចែកលេខ​ផង ហើយ​ពេល​ដាក់​លំ​ហាត់​គណិតវិទ្យាម្តងៗ គាត់​លំបាក​ខ្លាំង​ក្នុងការ​ដោះស្រាយ ស្រប​ពេលដែល​បច្ចេកវិទ្យា​ព័ត៌មានវិទ្យា (ICT) ត្រូវការ​ជា​ចាំបាច់​នូវ​ចំណេះដឹង​ផ្នែក​គណិតវិទ្យា។ ចំពោះ​និស្សិត​ផ្នែក​សំណង់​ក៏​ដូចគ្នា​ដែរ ប្រសិនបើ​គាត់​មិន​ច្បាស់​ផ្នែក​គណិតវិទ្យា គាត់​អាច​នឹង​ប្រឈម​ជាមួយ​បញ្ហា​ខ្លាំង។បញ្ហា​នេះ​កើតឡើង​ដោយសារតែ​ការបណ្តុះបណ្តាល​ផ្នែក​គណិតវិទ្យា​នៅមានកម្រិតហេតុនេះហើយ​ទើប​ក្រសួង​អប់រំ យុវជន និង​កីឡា កំពុង​យកចិត្តទុកដាក់​ខ្លាំង​ក្នុងការ​បណ្តុះបណ្តាល​ជំនាញ STEM ឱ្យបាន​ច្រើន​នៅ​ថ្នាក់​បឋម និង​មធ្យមសិក្សា ដើម្បី​ឱ្យមាន​គ្រឹះ​រឹងមាំ​សម្រាប់​ចូលទៅ​ថ្នាក់​ឧ​ត្ត​មសិ​ក្សា។

បញ្ហា​ប្រឈម​របស់​យើង​បច្ចុប្បន្ននេះ គឺ​មូលដ្ឋានគ្រឹះ​របស់​សិស្ស​ដែល​ចូលមក​គ្រឹះស្ថាន​ឧ​ត្ត​មសិ​ក្សា​នៅមានកម្រិត ដែល​ធ្វើឱ្យ​ថ្នាក់​ឧ​ត្ត​មសិ​ក្សា​មានការ​លំបាក​បណ្តុះបណ្តាល។ ប្រសិនបើ​សិស្ស​ចូលមក​ឧ​ត្ត​មសិ​ក្សា​ខ្សោយ មានការ​លំបាក​ណាស់​ក្នុងការ​ធ្វើឱ្យ​គាត់​ចេញទៅ​វិញ ហេតុនេះ​យើង​នៅ​ត្រូវ​ការខិតខំ​ប្រឹងប្រែង​បន្តទៀត។

ចំពោះ​លំហូរ​ការងារ​វិញ​ក៏​អាចជា​បញ្ហា​ប្រឈម​ដែរ ព្រោះ​ប្រសិនបើ​និស្សិត​យើង​នៅមានកម្រិត​ទាប​ជាង​និស្សិត​មកពី​បណ្ដា​ប្រទេស​នានា​ក្នុង​តំបន់យើង​នឹង​លំបាក​ប្រកួតប្រជែង​ក្នុង​ទីផ្សារ ទាំង​ការងារ និង​អាជីវកម្ម។ ជា​ឧទាហរណ៍ នៅពេលដែល​គេ​ប្រកាស​ដេញថ្លៃ​គម្រោង​វិស្វកម្ម ប្រសិនបើ​និស្សិត​យើង​ចេញទៅ​មិនមាន​ភាព​ច្នៃប្រឌិត​ខ្លាំង គេ​អាច​ពិចារណា​យក​ធនធានមនុស្ស​ពី​ប្រទេស​ដទៃ​បាន ព្រោះ​បច្ចុប្បន្ននេះ​អាស៊ាន​ចាប់ផ្តើម​បើកចំហ​លំហូរ​ការងារ​ក្នុង​តំបន់។ ទោះជា​យ៉ាងនេះ​ក្តី យើង​មើលឃើញថានិស្សិត​ស្រុក​យើង​ខ្លះ​ក៏​អាចមាន​សមត្ថភាព​ធ្វើ​ការងារនៅ​ក្នុងប្រទេស​គេ​បានដែរ ដូចជា​និស្សិត​បៀ​ល​ប្រាយ​ម្នាក់ ក៏បាន​ធ្វើការ​ងារ​ជា​អ្នកជំនាញ​បច្ចេកវិទ្យា​ព័ត៌មានវិទ្យា​ធំ​ម្នាក់​នៅ​ប្រទេស​ថៃ​ដែរ ហើយ​រួមទាំង​និស្សិតខ្លាំងៗមួយចំនួនទៀត គ្រាន់តែ​ចំនួន​នោះ​មិនទាន់មាន​ច្រើន​នៅឡើយ។

ចំណែក​ការទាក់ទាញ​ការវិនិយោគ ក៏​អាចមាន​បញ្ហា​ដែរ ប្រសិនបើ​ធនធានមនុស្ស​នៅមានកម្រិត។ ឧទាហរណ៍​ប្រសិនបើ​ក្រុមហ៊ុន Microsoft ចង់​បង្កើត​រោងចក្រ​ផលិត​ឈី​ប (CHIP) នៅ​ស្រុក​យើងគេ​ត្រូវ​ចំណាយ​ពេលវេលា និង​ធនធាន​ជាច្រើន​ដើម្បី​បណ្តុះបណ្តាល​ធនធានមនុស្ស​ទាំង​ផ្នែក​គ្រឿង​ផ្គុំ(hardware) និង​កម្មវិធី (software) ស្រប​ពេលដែល​ការអប់រំ​នៅ​កម្ពុជា​ផ្តោត​ខ្លាំង​តែ​លើ​កម្មវិធី (software)ដែល​ធ្វើឱ្យ​ក្រុមហ៊ុនធំៗអាច​ងាក​ទៅ​ដា​ក់នៅ​ប្រទេសជិតខាង​ណា​ដែលមាន​និស្សិត​ខ្លាំង​ទាំង​ផ្នែក​គ្រឿងផ្គុំ និង​កម្មវិធី​តែម្តង។

6. បច្ចុប្បន្ននេះ តើ​ធនធានមនុស្ស​របស់​យើង​ស្ថិតនៅក្នុង​កម្រិតណា​ដែរ ប្រសិនបើ​ប្រៀបធៀប​ជាមួយ​បណ្តា​ប្រទេស​ក្នុងតំបន់?
បើ​ធៀប​ជាមួយ​ប្រទេសជិតខាង យើង​ឃើញថាយើង​នៅមានកម្រិត​ទាប​ជាង​ថៃ និង​វៀតណាម តែបើ​ឡាវ និងមីយ៉ាន់ម៉ា យើង​អាច​ឈ្នះ​គេ​បាន។ នៅមានកម្រិតកន្លែង​នេះ មិនមែន​រើសយក​ទៅធ្វើ​ការមិន​បាន​ទេយើង​ក៏មាន​អ្នកចេះច្រើន​គួរសម​ដែរ ព្រោះ​កន្លងមក​ក៏មាន​និស្សិត​ខ្មែរ​យើង​ជា​អ្នកធ្វើការងារ​ផ្នែក​គ្រប់គ្រង​បច្ចេកវិទ្យា​នៅ​ឌូ​បៃ និង​បណ្តា​ប្រទេស​មួយចំនួនទៀត​ដែរ តែ​ខ្ញុំ​ចង់​ប្រៀបធៀប​ត្រង់​ថា ក្នុងចំណោម 1,000នាក់យើង​អាចមាន​អ្នកខ្លាំង 20នាក់ តែ​គេ​វិញអាចមានច្រើនជាង​នេះ​តិចតួច។

ដើម្បី​ដោះស្រាយ​បញ្ហា​នេះ​យើង​ត្រូវតែ​ពង្រឹងសមត្ថភាព​និស្សិត​ឱ្យបាន​ខ្លាំង ដោយមាន​ការចូល-រួម​ពី​សំណាក់​រដ្ឋាភិបាល គ្រឹះស្ថាន​អប់រំ និង​និស្សិត​ខ្លួនឯង​ផ្ទាល់​ផងដែរ។

សម្រាប់​រដ្ឋាភិបាល គួរ​មានការ​ផ្សព្វផ្សាយ​ឱ្យបាន​ទូលំទូលាយ​ពី​ការបណ្តុះបណ្តាល និង​ការរៀនសូត្រ​នៅ​កម្រិត​មហាវិទ្យាល័យ ដើម្បីឱ្យ​យុវជន​យល់ច្បាស់​ថា នៅ​សាកលវិទ្យាល័យ​គេ​សិក្សា​ពីអ្វី​ខ្លះ? ហើយ​ជំរុញ​ឱ្យ​សិស្ស​រើស​ជំនាញ​សិក្សា​នៅ​ថ្នាក់​ឧ​ត្ត​ម​សិក្សា​ឱ្យបាន​ត្រឹមត្រូវ។ ចំណុច​សំខាន់​មួយ​ផ្សេងទៀតគឺ​បណ្តុះបណ្តាល​មូលដ្ឋានគ្រឹះ​ឱ្យបាន​រឹងមាំ ដើម្បីឱ្យ​គាត់​មាន​ភាពងាយស្រួល​ក្នុងការ​អភិវឌ្ឍ​ខ្លួន​ក្រោយ​ទទួលបាន​ការបណ្តុះបណ្តាល​បន្ថែម​នៅ​កម្រិត​ឧ​ត្ត​មសិ​ក្សា។

ចំពោះ​និស្សិត​ខ្លួនឯង​វិញ ចាំបាច់​ត្រូវមាន​គោលដៅ​ឱ្យបាន​ច្បាស់លាស់ ហើយ​ខិតខំ​ប្រឹងប្រែង​ឱ្យ​ដូច​និស្សិត​នៅ​បណ្តា​ប្រទេស​នានា​ក្នុង​តំបន់​ដែរ។ និស្សិត​យើង​ខ្លះ​នៅមាន​ការធ្វេសប្រហែស​ច្រើន​ក្នុង​ការសិក្សា​ស្រាវជ្រាវ ហើយ​មាន​និស្សិត​ខ្លះ​ថែមទាំង​សិក្សាច្រើន​សាលា​ដែល​ធ្វើឱ្យ​គាត់​អស់​ថាមពល​ក្នុងការសម្រួច​មុខវិជ្ជា​ណាមួយ​ឱ្យ​ខ្លាំង​ថែមទៀត​ផង។

7. តើ​សាកលវិទ្យាល័យ​បៀ​ល​ប្រាយ បាន​ត្រៀម​អ្វីខ្លះ ដើម្បី​ចូលរួម​ដោះស្រាយ​បញ្ហា​ធនធានមនុស្ស​នេះ?
សាកលវិទ្យាល័យ​បៀ​ល​ប្រាយ បានរៀបចំ​យ៉ាង​យកចិត្តទុកដាក់​ក្នុងការ​កែប្រែ​ប្រព័ន្ធ​អប់រំ​ឱ្យ​ក្លាយជា​វិស័យ​អប់រំ 4.0។ យើង​បានចាប់ផ្តើម​ធ្វើការ​កែប្រែ​កម្មវិធី​មួយចំនួន​ដែល​ហួសសម័យកាល​សម្រាប់​ការប្រើប្រាស់​ជាក់ស្តែង​មកជា​កម្មវិធី​ដែល​ឆ្លើយតប​ជាមួយនឹង​តម្រូវការ​នាពេល​បច្ចុប្បន្ន។ យើង​ក៏បាន​ជ្រើសរើស​គ្រូ​ប្រកបដោយ​គុណភាព និង​បទពិសោធ​ខ្ពស់​ដើម្បី​បណ្តុះបណ្តាល​ដល់​និស្សិត ស្រប​ពេលដែល​សាស្ត្រាចារ្យ​ក៏​ទទួលបាន​ការបណ្តុះបណ្តាល​បន្ថែម​ផងដែរ​ពី​កម្មវិធីថ្មី។

លើសពីនេះទៅទៀត សាកលវិទ្យាល័យ​បៀ​ល​ប្រាយ បាន​សហការ​ល្អជា​មួយ​គ្រឹះស្ថាន​ឧ​ត្ត​មសិ​ក្សា​ដើម្បី​បង្កើត​កម្មវិធីសិក្សា​ថ្មី​ដោយមាន​ការត្រួតពិនិត្យ និង​ទទួលស្គាល់​ពី​គ្រឹះស្ថាន​ឧ​ត្ត​មសិ​ក្សា សម្រាប់​បន្តធ្វើ​សិក្ខាសាលា​ផ្សព្វផ្សាយ​ឱ្យបាន​កាន់តែ​ទូលំទូលាយ​ដល់​សាស្ត្រាចារ្យ​របស់​យើង។ បន្ថែម​ពីលើ​នេះ យើង​ក៏បាន​រៀបចំ​ឱ្យមាន​ជាម​ន្ទី​រពិសោធន៍ (lab) សម្រាប់​និស្សិត​វិស្វករសំណង់ អគ្គិសនី និង​បាន​បញ្ចូនទៅរោងចក្រ​សហគ្រាស ក្រុមហ៊ុន និង​កន្លែង​អនុវត្តផ្ទាល់​នានា​ផងដែរ ដើម្បី​ជួយ​ពួកគាត់​ឱ្យមាន​សមត្ថភាពគ្រប់គ្រាន់​ដើម្បី​ចាប់យក​ឱកាស​ការងារ។

8. តើ​លោក​សាស្ត្រាចារ្យ​មាន​អនុសាសន៍​យ៉ាងណា​សម្រាប់​សាធារណជន និង​និស្សិត​នៅ​កម្ពុជា?
សម្រាប់​និស្សិត​ទូទៅ ចំពោះ​មតិ​ខ្ញុំ​ផ្ទាល់ មិន​ថា​ពួកគាត់​កំពុង​សិក្សា​ក្នុង​គ្រឹះស្ថានសិក្សា​របស់​រដ្ឋឬ​ឯកជន​នោះទេ គាត់​ចាំបាច់​ត្រូវមាន​ជំនាញ​ទន់(soft skills) ដើម្បី​សម្រប​ខ្លួន​ឱ្យបាន​ល្អ​ក្នុងកន្លែងធ្វើការ​ងារអាជីវកម្ម និង​សង្គម​ជាក់ស្តែង។ សីលធម៌ និង​ភាពស្មោះត្រង់​ជា​រឿង​សំខាន់ ដែល​អាច​បូកផ្សំ​ជាមួយ​ភាពប៉ិនប្រសប់ក្នុងការ​ប្រាស្រ័យ​ទាក់ទង ធ្វើឱ្យ​គាត់​ក្លាយជា​ធនធាន​កាន់តែមាន​ប្រយោជន៍ និង​ជា​តម្រូវការខ្លាំង​របស់​ស្ថាប័ន​នានា​នៅ​កម្ពុជា។

បើ​មិនមាន​ជំនាញ​ទន់​ទេ គាត់​អាច​នឹង​លំបាក​ទទួលបាន​ជោគជ័យ ព្រោះ​ជំនាញ​នេះ​អាចធ្វើឱ្យ​គាត់គ្រប់គ្រង​ការងារ និង​គ្រប់គ្រង​ខ្លួនឯង រួមទាំង​អភិវឌ្ឍ​ជំនាញ​បាន​កាន់តែ​ប្រសើរឡើង៕

នៅពេលថ្មីៗនេះ គេមើលឃើញក្នុងហ្វេសប៊ុករបស់អ្នកគ្រូម្នាក់បានបង្ហោះសារ និងរូបប៉ុន្មានសន្លឹក ដោយគ្រាន់តែឃើញភ្លាមធ្វើឱ្យអ្នកលេងហ្វេសប៊ុកនាំគ្នាចែករំលែកជាង 2 ម៉ឺននាក់ទៅហើយ បើទល់ពេលនេះម៉ោងនេះ ព្រោះរឿងមួយនេះពិតជាជាក់ដោតអារម្មណ៍ខ្លាំងណាស់។

អ្នកគ្រូម្នាក់នេះឈ្មោះ Povthavy Ung ក៏បានសរសេររៀបរាប់ពីសិស្សម្នាក់នេះថា « រំជួលចិត្ត​ណាស់ពេលស្តាប់ឮសម្តីសិស្សនិយាយ​ ៖ អ្នកគ្រូ! សុំទោស​ខ្ញុំសុំយកប្អូនមករៀនជាមួយដែរ គ្មានអ្នកមើលវាទេ​ ម៉ែខ្ញុំទៅស៊ីឈ្នួលគេនៅឆ្ងាយ​ ពុកខ្ញុំវិញទៅធ្វើការពេលយប់។ ម៉ោង​ 8៖30 គាត់មកយកប្អូនពីខ្ញុំវិញហើយ​ ប្អូនប្រុសខ្ញុំអាយុ 5ខែ »។ ក្រោយពេលបង្ហោះហើយ អ្នកលេងបណ្ដាញសង្គមពោលពាក្យអាណិតអាសូរគ្រប់គ្នា រួមទាំងតារាសម្ដែង និងចម្រៀងផងដែរ។

មើលឃើញតែទទួលដំណឹងមួយនេះ បានធ្វើឱ្យកំពូលតារាចម្រៀងដ៏ល្បីមួយរូបប្រចាំផលិតកម្មរស្មីហង្សមាសគឺលោក ណុប បាយ៉ារិទ្ធ​ មានអារម្មណ៍ក្តុកក្តួលជាខ្លាំង ដោយលោកអត់ទ្រាំមិនបានក៏បង្ហោះសារមួយចេញពីចិត្តលោកថា «រំជួលចិត្តណាស់ ជីវិតគឺបែបហ្នឹង តស៊ូ ព្យាយាម ជូនពរឱ្យក្មួយមានអនាគតល្អទៅថ្ងៃខាងមុខ»៕