Category: សង្គម និងសេដ្ឋកិច្ច

  • បវរកញ្ញា រឿន ណាត បង្ហាញស្នាមញញឹម និងអារម្មណ៍រំភើបចំពោះបវរកញ្ញាម្ចាស់មកុដ

    បវរកញ្ញា រឿន ណាត បង្ហាញស្នាមញញឹម និងអារម្មណ៍រំភើបចំពោះបវរកញ្ញាម្ចាស់មកុដ

    ពិតជាធ្វើឱ្យអ្នកគាំទ្ររំភើប និងរំជួលចិត្តយ៉ាងខ្លាំង ខណៈដែលបវរកញ្ញា រឿន ណាត បង្ហាញស្នាមញញឹម និងអារម្មណ៍រំភើបរីករាយចំពោះបវរកញ្ញាហ្វីលីពីន ដែលជាម្ចាស់មកុដបវរកញ្ញាចក្រវាឡ Miss Univers ឆ្នាំ 2018 នេះ គឺកញ្ញា Catriona Gray មានវ័យ 24 ឆ្នាំ។

    បវរកញ្ញាតំណាងប្រទេសកម្ពុជារូបនេះ បានសម្ដែងអារម្មណ៍ថា « បវរកញ្ញាហ្វីលីពីន ពិតជាមានសម្រស់ស្រស់ស្អាត និងពិតជាស័ក្ដសមចំពោះមកុដ Miss Univers ឆ្នាំ 2018 នេះខ្លាំងមែនទែន ហើយនាងខ្ញុំពិតជារំភើប និងគាំទ្រចំពោះបវរកញ្ញាហ្វីពីនរូបនេះ »។ មិនត្រឹមតែនិយាយប៉ុណ្ណោះទេ រឿន ណាត បានរាក់ទាក់សម្ដែងការត្រេកអរសាទរចំពោះបវរកញ្ញាដទៃ និងបវរកញ្ញាហ្វីលីពីន ដោយផ្ទាល់ថែមទៀតផង ។

    រឿន ណាត បានបញ្ជាក់ថា នាងនិងវិលត្រឡប់មកកម្ពុជាវិញនៅ 2 ថ្ងៃបន្ទាប់ទៀត ក្រោយការបញ្ចប់កម្មវិធីប្រកួតដ៏អស្ចារ្យនេះ ។ ដើម្បីជាក់ច្បាស់ សូមទស្សនាវីដេអូរបស់ បវរកញ្ញា រឿន ណាត ដ៏គួរឱ្យស្រឡាញ់៖

  • រកឃើញបវរកញ្ញាចក្រវាឡប្រចាំឆ្នាំ 2018 នេះហើយ !!!

    រកឃើញបវរកញ្ញាចក្រវាឡប្រចាំឆ្នាំ 2018 នេះហើយ !!!

    តាមរយៈការបង្ហោះផ្សាយផ្ទាល់ពីទំព័រ Miss Universe ផ្លូវការបានឱ្យដឹងថា បវរកញ្ញាចក្រវាឡប្រចាំឆ្នាំ 2018 គឺបវរកញ្ញា ហ្វីលីពីន កញ្ញា Catriona Gray មានវ័យ 24 ឆ្នាំ និងមានរូបសម្រស់ស្រស់សោភា ។

    បវរកញ្ញារូបនេះ បានលើកឡើងពីបទពិសោធន៍នៃការតាំងចិត្តប្រកួតថា « ហ្វីលីពីន, អ្នកតែងជាកម្លាំងបណ្ដាលចិត្តខ្ញុំឥតឈប់ឈរ ហើយផ្តល់ឱ្យខ្ញុំនូវការលើកទឹកចិត្តនិងការគាំទ្រ។ ខ្ញុំមិនចង់បានអ្វីក្រៅពីនាំយកមោទនភាពដល់អ្នក ដែលធ្លាប់បានផ្តល់ឱ្យខ្ញុំនូវអ្វីទាំងអស់នោះទេ ខ្ញុំឈរលើកម្លាំងចិត្តអធិស្ឋានជាអ្នកចម្បាំ»។

    បវរកញ្ញារូបនេះ ទទួលបានសំឡេងការគាំទ្រ និងការផ្ដល់ពិន្ទុរយ៉ាងសុក្រិតពីសំណាក់គណៈកម្មការ ៕

    សូមទស្សនាវីដេអូខាងក្រោមនេះ ៖

  • ភ្ញាក់ផ្អើល !! អ្នកគាំទ្រកម្ពុជា បង្សុកូលឧទ្ទិសកុសលជូនវិញ្ញាក្ខន្ធតារាចម្រៀងកូរ៉េ Jonghyun គម្រប់មរណភាពមួយឆ្នាំហើយ

    ភ្ញាក់ផ្អើល !! អ្នកគាំទ្រកម្ពុជា បង្សុកូលឧទ្ទិសកុសលជូនវិញ្ញាក្ខន្ធតារាចម្រៀងកូរ៉េ Jonghyun គម្រប់មរណភាពមួយឆ្នាំហើយ

    រយៈពេលមួយឆ្នាំទៅហើយ ដែលតារាចម្រៀងប្រុស Kim Jonghyun ដែលបានធ្វើអត្តឃាតដោយសារវិបត្តិផ្លូវចិត្ត។ មិនថាអ្នកតែអ្នកគាំទ្រក្នុងប្រទេសកូរ៉េទេ សូម្បីតាមបណ្ដាប្រទេសដែលនិយមស្ដាប់ចម្រៀងកូរ៉េ រួមទាំងកម្ពុជាផងនោះ ក៏មានអ្នកគាំទ្រជាច្រើនបានចូលរួមអាល័យ សោកស្ដាយចំពោះការបាត់បង់តារាចម្រៀងប្រុសមួយនេះដែរ។

    ថ្មីៗនេះក្រុមយុវនារីដែលជាអ្នកគាំទ្រតារាចម្រៀងកូរ៉េខាងលើ បានបង្ហោះរូបយកចង្ហាន់ទៅប្រគេនព្រះសង្ឃ បង្សុកូលឧទ្ទិសកុសលជូនវិញ្ញាក្ខន្ធតារាចម្រៀងរូបនោះ ព្រមទាំងសរសេររៀបរាប់ថា៖ «ទោះជាតិចក្ដី តូចក្ដីតែនេះជាទឹកចិត្ត ហើយពួកយើងពេញចិត្តនឹងធ្វើ។ ហើយក៏សូមអរគុណដល់អ្នកទាំងអស់គ្នាផងដែរ សូមជូនបុណ្យកុសល និងជូនពរឱ្យគ្រប់គ្នាជួបតែរឿងល្អៗ និងជោគជ័យគ្រប់ភារកិច្ច។ អរគុណដែលបាននៅជាមួយ និងចូលរួមជាមួយពួកយើងរាល់ពេលមានគម្រោងម្តងៗ Together for the better SM Stan Cambodia x SHINee 샤이니 » ។

    គួររំឭកផងដែរថា សម្រាប់ការបាត់បង់ជីវិតរបស់តារាចម្រៀងប្រុសល្បីឈ្មោះរូបនេះ បានកើតឡើងនៅល្ងាចថ្ងៃទី18 ខែធ្នូ ឆ្នាំ2017 ដែលបានចេញផ្សាយដំបូងដោយសារព័ត៌មានកូរ៉េល្បីឈ្មោះ yonhapnewsបានផ្សាយឱ្យដឹងថា តារាប្រុស Kim Jonghyun វ័យ 27 ឆ្នាំ ជាសមាជិកនៅក្នុងក្រុមចម្រៀង SHINEE ត្រូវបានប្រទះឃើញកំពុងដេកសន្លប់នៅក្នុងបន្ទប់ដេកប្រមាណជាជាង 6 ម៉ោងមកហើយ។ បងស្រីរបស់លោកបានទូរស័ព្ទបញ្ជូនដំណឹងទៅប៉ូលិសដើម្បីសុំជំនួយ ព្រោះនាងបានដឹងជាមុនថា ប្អូនប្រុសបម្រុងនឹងធ្វើអត្តឃាត។ មុនពេលធ្វើអត្តឃាត តារាប្រុសរូបនេះ បានផ្ញើសារអេឡិចត្រូនិកចុងក្រោយចូលទូរស័ព្ទដៃបងស្រីថា «រហូតដល់ពេលនេះវានៅតែលំបាកណាស់ សូមមេត្តាបណ្ដោយខ្ញុំទៅ ខ្ញុំវេទនាណាស់ »៕

  • គូស្នេហ៍ ប៉ែន ចំរ៉ុង បង្ហើបថា ​មាន​ក្តី​សុខ​ខ្លាំងណាស់​ដែលមាន​លោកជា​ប្តី

    គូស្នេហ៍ ប៉ែន ចំរ៉ុង បង្ហើបថា ​មាន​ក្តី​សុខ​ខ្លាំងណាស់​ដែលមាន​លោកជា​ប្តី

    តារាសម្ដែង ប៉ែន ចំ​រ៉ុង បានពាក់ចិញ្ចៀនសុំគូស្នេហ៏រៀបការនៅមុខចាស់ទុំ ថែមទាំងបានបញ្ចាក់ពីការត្រៀមចូលរោងការ​នៅ​ឆ្នាំ ២០១៩ ផងដែរ។ ជាងនេះទៅទៀត អនាគតភរិយារបស់ ប៉ែនចំរ៉ុង ធ្លាប់បានបង្ហើបថា លោក ប៉ែន ចំ​រ៉ុង ជាកំពូលបុរសពូកែ​យល់ចិត្តណាស់​និង​ថែមទាំង​ចេះ​ធ្វើ​ម្ហូប​សម្រាប់រូបនាង។

    សូមជម្រាបថា គូរស្នេហ៏របស់ប៉ែន ចំរ៉ុង ត្រូវបានគេ​ស្គាល់​ថា​ជា​អ្នកស្រីអ្នក​ខេត្តបាត់ដំបង មានរូបសម្រស់ស្រស់សោភាមិនចាញ់តារាសម្ដែងស្រីប៉ុន្មាននោះទេ ហើយពួកគេតែងតែសម្ញែងភាពផ្អែមល្ហែមនៅលើបណ្ដាញសង្គមហ្វេសមិនដែលដាច់ឡើយ។ ព្រោះតែស្អិតដូចស្ករតាំងម៉ែបែបនេះ បានជាភរិយលោក ចំរ៉ុង រៀបរាប់ថា៖ «​អរគុណ​រឿង​ល្អ​ និង ​រឿង​អាក្រក់​ទាំង ឡាយ​ដែល​បង្រៀន​ឱ្យ​ខ្ញុំ​រឹងមាំ​និង​ដើរ​ដល់​ផ្លូវ​មួយ​នេះ​។ មនុស្ស​ម្នាក់​មិនអាច​តម្រូវ​មនុស្ស​រាប់រយ​នាក់​បានទេ​ កុំ​ហាម​មាត់​គេ ​សំខាន់​យើង​ធ្វើឱ្យ​ល្អ​និង​មាន​សេចក្តីសុខ​សម្រាប់​ខ្លួនឯង​ទៅបាន​ហើយ អាក្រក់​ក្នុង​ក្រសែភ្នែក​អ្នក​ដ៏​ទៃ​ដែល​គេ​ចេះតែ​វាយតម្លៃ​ តែ​ជាម​នុស្ស​ល្អ​សម្រាប់​ខ្ញុំ »​។

    មិនតែប៉ុនហ្នឹងទេ គូស្នេហ៍ ប៉ែ​ន ចំ​រ៉ុង ថែមទាំង​ប្រកាសថា ​មាន​ក្តី​សុខ​ខ្លាំងណាស់​ដែលមាន​លោក ប៉ែន ចំ​រ៉ុង ជា​ប្តី។ ខណះនោះដែរមានអ្នកគាំទ្រជាច្រើននាក់ជូនពរគូស្នេហ៍សិល្បៈមួយគូនេះ នឹងរំពឹងថាពួកគេទាំងពីស្រលាញ់គ្នារហូតដល់ចាស់កោងខ្នង៕

  • រំភើបជំនួស!! រឿន ណាត ផ្សព្វផ្សាយក្រម៉ាខ្មែរ និងជូនជាកាដូដល់បវរកញ្ញាសាសន៍ដទៃ

    រំភើបជំនួស!! រឿន ណាត ផ្សព្វផ្សាយក្រម៉ាខ្មែរ និងជូនជាកាដូដល់បវរកញ្ញាសាសន៍ដទៃ

    ដូចប្រិយមិត្តបានជ្រាបហើយថា បវរកញ្ញា រឿន ណាត បានបញ្ចប់វិញ្ញាសារ ដើរម៉ូតឈុតហែលទឹក ឈុតស្រមោលស និងឈុតតំណាងជាតិខ្មែរ ប្រកបទៅដោយជំនឿចិត្តយ៉ាងមុតមាំ និងសមត្ថភាពដែលខិតខំហ្វឹកហាត់អស់រយៈពេលយូរ រហូតទទួលបានការពោលសរសើរពីសំណាក់អ្នកគាំទ្រ រួមទាំងជនជាតិបរទេសផងដែរ។ បវរកញ្ញារូបនេះ ត្រៀមបង្ហាញវត្តមាននៅលើឆាកដ៏អស្ចារ្យក្នុងប្រទេសថៃនាថ្ងៃទី ១៧ ខែធ្នូ ស្អែកនេះ ជាថ្មីម្ដងទៀត ដែលនឹងឈានចូលដល់វគ្គព្រ័ត្រ ក្រោយការបញ្ចប់ការបោះឆ្នោតនៅយប់ថ្ងៃទី ១៦ នេះ។

    ជារឿងដ៏សែនមានមោទកភាពចំពោះប្រទេសជាតិកម្ពុជា បវវកញ្ញា រឿន ណាត ឆ្លៀតពេលទំនេរ កញ្ញា បានជួយផ្សព្វផ្សាយ ក្រមាខ្មែរ ដោយយក ក្រមាខ្មែរ ធ្វើជាកាដូ ជនដល់មនុស្សជាច្រើននៅក្នុងកម្មវិធីប្រកួតនេះ ក្នុងនោះយើងឃើញថា ក្រមាខ្មែរជាច្រើន ត្រូវបានប្រគល់ជូនបវរកញ្ញាជាតិសាសន៍ដទៃ និងក្រុមអ្នកផលិតកម្មវិធីនេះ ពាក់បង់ក ថែមទាំងថតបង្ហោះជាមួយប្រកបដោយស្នាមញញឹមទៀតផង។

    នេះជាទង្វើមិនសរសើរមិនបានទេ ព្រោះថា ក្រម៉ាខ្មែរ គឺតំណាងឱ្យប្រទេសកម្ពុជាដែលមានវប្បធម៏ថ្លៃថ្លា ព្រមទាំងបង្ហាញអំពីគំនិតច្នៃប្រឌិតដ៏អស្ចារ្យរបស់ជនជាតិខ្មែរតាំងពីបុរាណកាលមក ខណៈដែលបវរកញ្ញារូបនេះ បានងបង្ហាញក្ដីស្រឡាញ់តាមរយៈក្រម៉ាខ្មែរប្រគល់ជូនដល់ជនបរទេស​ នោះស្ដែងឱ្យឃើញថា នាងពិតជាស្រឡាញ់ជាតិសាសន៍របស់ខ្លួន រហូតដល់មិនអាចបំភ្លេចបាន បើទោះបីជានាងធ្វើដំណើរទៅដល់ទីណាក៏ដោយ ៕

  • ឃុង ឃុយ និយាយរឿងគ្មានបទច្រៀងដូច ចេន សាយចៃ

    ឃុង ឃុយ និយាយរឿងគ្មានបទច្រៀងដូច ចេន សាយចៃ

    គេបានកត់សម្គាល់ឃើញថា លោក​ ឃុង ឃុយ ក្លាយ​ជា​តារា​ចម្រៀង​នៅ​​ក្នុង​ផលិតកម្ម​ថោន​ក្នុង​ឆ្នាំ​​2016 ហើយ​បទ​​ចម្រៀង​មួយ​ចំនួន​របស់​លោក ​ទទួល​បាន​ការ​គាំទ្រ​ពី​ទស្សនិកជន​នៅ​ក្នុង​ស្រុក​ខ្មែរ​ផង​ដែរ។ ពិសេស​បទ​ចម្រៀង​ចេញ​នា​ឱកាស​បុណ្យ​ចូល​ឆ្នាំ​ប្រពៃណី​ខ្មែរ​​​ចាប់​ដៃ​គូ​ជាមួយ​ ចេន សាយចៃ ​ទទួល​បាន​ការ​គាំទ្រ​យ៉ាង​ខ្លាំង​ពី​​មហាជន​ទាំង​ក្នុង​ និង​ក្រៅ​សិល្បៈ។

    ក្រៅ​ពី​ចេញ​បទ​ចម្រៀង​ចូល​ឆ្នាំ​ប្រពៃ​ណី​ខ្មែរ​​រួច​មក​​តារា​ចម្រៀង​ខ្មែរ​​សុរិន្ទ​លោក ឃុង ឃុយ មិន​មាន​​បទ​ចម្រៀង​ថ្មី​ដូច​អ្នក​នាង ចេន សាយចៃ នោះ​ទេ​ជា​ហេតុ​ធ្វើឱ្យ​មហាជន​មាន​ការ​ងឿង​ឆ្ងល់​យ៉ាង​ខ្លាំង​។

    លោក ឃុង ឃុយ ថា នៅ​សុរិន្ទ​ហ្នឹង​ខ្ញុំ​អត់​មាន​ចូល​ផលិតកម្ម​ណា​មួយ​ផង​គឺ​ខ្ញុំ​ជា​អ្នក​ចម្រៀង​Freelance។ មូល​ហេតុ​ដែល​ខ្លួន​ពុំ​​សូវ​មាន​បទ​ថ្មី​ក្រៅ​តែ​ពី​បទ​ចូល​ឆ្នាំ​ប្រពៃណី​ខ្មែរ​ ដោយ​សារ​តែ​មួយ​រយៈ​នេះ​លោក ជាប់​រវល់​ជាមួយ​ការងារ​ចម្រៀង​នៅ​ឯ​ខេត្ត​សុរិន្ទ​​ស្ទើរ​រក​ពេល​​ទំនេរ​គ្មាន​ ទើប​មិន​សូវ​បាន​​ចេញ​ចូល​មក​ទទួល​បទ​ថ្មី​ដែល​ខាង​ផលិតកម្ម​ថោន​ដាក់​ឱ្យ។ លោកថា ខាង​ផលិតកម្ម​ថោន​ បាន​ត្រៀម​បទ​​ថ្មី​សម្រាប់​ខ្ញុំ​ដូច​ ចេន សាយចៃ ដែរ​តែ​​មក​ពី​ខ្ញុំ​មិន​មាន​ពេល​វេលា​គ្រប់​គ្រាន់​ ព្រោះ​រវល់​​​ច្រៀង​នៅ​ឯ​ខេត្ត​សុរិន្ទ​ដើម្បី​រក​ប្រាក់​សិន។

    គួរបញ្ជាក់ផងដែរថា កាលពីពេលកន្លងទៅ លោក ឃុង ឃុយ បានបកស្រាយបទចម្រៀងមរតកដើម រួមគ្នាជាមួយអ្នកនាង ចេន សាយចៃ ក្រៅពីបទប្រពៃណី ក៏ទទួលបានការគាំទ្រយ៉ាងសន្ធឹកសន្ធាប់ផងដែរ ។ មហាជនរំពឹងថា ឆាប់ៗនេះ ខាងផលិតកម្មនឹងមានបទចម្រៀងឱ្យលោកច្រៀងសម្រាប់កម្សាន្ដអារម្មណ៍អ្នកគាំទ្របន្ដទៀត៕

    https://youtu.be/k9fN2dwONeU

  • ឈិត សុវណ្ណបញ្ញា ជូនថវិកា 100 ដុល្លារសម្រាប់ការព្យាបាលជំងឺលោកតា សង់ ស៊ីស

    ឈិត សុវណ្ណបញ្ញា ជូនថវិកា 100 ដុល្លារសម្រាប់ការព្យាបាលជំងឺលោកតា សង់ ស៊ីស

    ដោយសង្កេតឃើញ នាយ សង់ សេត និងកញ្ញា សុន ស្រីពេជ្រ បានសម្រេចចិត្តប្រកាសលក់ផ្ទះ ដើម្បីព្យាបាលជំងឺ លោកតា សង់ ស៊ីស ដែលកំពុងធ្លាក់ខ្លួនឈឺឡើងស្គមដោយជំងឺលើសឈាមនិងត្រូវទិញថ្នាំសំរាប់ព្យាបាលជំងីជាប្រចាំផងដែរ។

    តារាចម្រៀងសុន ស្រីពេជ្រ បានបង្ហោះសារថា «ពុកខ្ញុំស្គមណាស់ ប្អូនផ្ញើររូបម្សិលមិញឱ្យមើលប្រាប់ថាគាត់រាល់ថ្ងៃដើរបេះតែស្លឹកបាស់និងផ្ទីស្ងោរពិសារសឹងរាល់ថ្ងៃពេលខ្លះគ្មានទាំងសាច់ពិសារផង ទឹកភ្នែកកូនហូរឥតឈប់ពេលឃើញរូបនឹង»។ ក្រោយពីបានបង្ហោះសារនិងរូប មហាជនជាច្រើនមានអារម្មណ៍ក្ដុកក្ដួល និងជូនពរលោកតាឱ្យឆាប់ជាសះស្បើយ។

    ហើយនៅពេលថ្មីនេះទៀតសោត តារាចម្រៀងនៅផលិតថោនកញ្ញា ឈិត សុវណ្ណបញ្ញា ក៏មានចិត្តអាណិតដល់រូបលោកតាបានឧបត្ថម្ភជូនជាថវិកាមួយចំនួន ដើម្បីជួយសំរួលបន្ទុកខ្លះដល់ សុន ស្រីពេជ្រ ដែលកំពុងតែខ្វះខាត់ថវិការដើម្បីព្យាបាលជម្ងឺឳពុកផងដែរ។ ក្នុងនោះដែរ សុន ស្រីពេជ្របានបង្ហោះដោយចេញពិចឹត្តក្នុងបណ្ដាញហ្វេសប៊ុកថា « បងសូមថ្លែងអំណរគុណដល់ប្អូនស្រី ឈិត សុវណ្ណបញ្ញា ដែលអាណិតអាសូរនិងបានជួយឧបត្ថម្ភថវិកាចំនួន 100ដុល្លារអាមេរិក ដល់លោកពុកបង កំពុងមានជំងឺសព្វថ្ងៃ។ សូមទេវត្តាទិសទាំងប្រាំបីជួយបីបាច់ថែរក្សាអូនឱ្យមានសុខភាពល្អ កាន់តែទទួលបាននូវការគាំទ្រពីទស្សនិកជនកាន់តែច្រើន ការងាររីកចំរើន ពិសេសសម្រស់ស្រស់ស្អាតនិងជៀសផុតពីជំងឺផ្សេងៗ»៕

  • លោក Klopp កើត​សរសើរ Man Utd មុនពេល​ជួប​ជាមួយ Liverpool ថ្ងៃអាទិត្យ​នេះ

    លោក Klopp កើត​សរសើរ Man Utd មុនពេល​ជួប​ជាមួយ Liverpool ថ្ងៃអាទិត្យ​នេះ

    លោក Jurgen Klopp អ្នកចាត់ការ​ទូទៅ​រប​ស់​ក្រុម Liverpool បាន​និយាយថា ក្រុម Manchester United មាន «គុណភាព​ដ៏​មិនគួរ​ឲ្យ​ជឿ» បើទោះបី​ពួកគេ​ជួប​ភាព​ត្រដាបត្រដួស​នៅ​រដូវ​កាល​នេះ​ក៏ដោយ និង​បាន​កាត​បន្ថយ​ការ​ខ្វល់ខ្វាយផ្សេងៗទៅលើ​បញ្ហា​របួស​កីឡាករ​នៃ​ក្រុម​របស់លោក នៅ​មុនពេល​ការប្រកួត​ក្របខ័ណ្ឌ Premier League នៅ​ថ្ងៃអាទិត្យ​នេះ។

    Liverpool កំពុងតែ​ស្ថិតក្នុង​ចំណាត់ថ្នាក់​លេខ១នៅលើ​តារាង​ក្របខ័ណ្ឌ Premier League មុននឹង​ឈានទៅ​កាន់ការ​ប្រកួត​នៅ​ចុង​សប្តាហ៍​នេះ ដោយមាន១៦ពិន្ទុ​នាំមុខ​លើ​ក្រុម​របស់លោក Jose Mourinho ប៉ុន្តែ លោក Klopp មិនបាន​ចាត់ទុកថា ជា​ចំណុច​ដ៏​មានប្រៀប​ឡើយ។

    គ្រូបង្វឹក​រូបនេះ​បាន​ឲ្យ​ដឹង​កាលពី​ថ្ងៃ​សុក្រ​ថា៖ «ខ្ញុំ​មិន​ធ្លាប់បាន​ចាប់អារម្មណ៍​ទៅលើ​ចំណុចផ្សេងៗរបស់ Manchester United ហើយ​នៅថ្ងៃនេះ ខ្ញុំ​ក៏​មិនបាន​ចាប់អារម្មណ៍​ដូចគ្នា។ ខ្ញុំ​ដឹង​ពី​ការរិះគន់ និង​ចំណុច​ផ្សេងទៀត ប៉ុន្តែ នៅពេលដែល​យើង​វិភាគ​ពី​ពួកគេ និង​បិទ​សំឡេង វា​នូវ​គុណភាព​ជាច្រើន​ក្នុង​ក្រុម»។

    លោក Mourinho បាន​បន្ថែមទៀតថា៖ «មាន​ល្បឿន បច្ចេកទេស ភាពខ្លាំង​ផ្នែក​រាងកាយ និង​គ្រប់​ចំណុច​ទាំងអស់។ ពួកគេ​នៅតែមាន David de Gea ជា​អ្នកចាំទី ដែលជា​អ្នកចាំទី​ដ៏​ឆ្នើម។ ពួកគេ​មាន​ខ្សែប្រយុទ្ធ​ដែល​អាច​ផ្លាស់ប្តូរ​គ្នា​បាន​ដូចជា (Marcus) Rashford, (Romelu) Lukaku, (Jesse) Lingard, (Anthony) Martial ដែលមាន​ភាព​មុត​ស្រួច​ដ៏​អស្ចារ្យ»។

    លោក Mourinho កំពុងតែ​ព្យាយាម​ដោះស្រាយ​បញ្ហា​ក្នុងការ​ទាញយក​ភាពខ្លាំង​បំផុត​របស់​ខ្សែបម្រើ Paul Pogba ដែល​មិន​ចូល​លេង​ក្នុង​ជម្រើស​ដំបូង​សោះ​ក្នុង​ការប្រកួត២លើកចុងក្រោយ​នៃ​ក្របខ័ណ្ឌ Premier League។ ការប្រកួត​នេះ​នឹង​ចាប់ផ្តើម​នៅ​ម៉ោង១១យប់៕

    ប្រភពព័ត៌មាន៖ Channel News Asia

  • ប្រធាន​សមាគមន៍​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា​អាណត្តិ​ទី6 ត្រូវបាន​រកឃើញ​ហើយ!!!

    ប្រធាន​សមាគមន៍​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា​អាណត្តិ​ទី6 ត្រូវបាន​រកឃើញ​ហើយ!!!

    បន្ទាប់ពី​បាន​ឆ្លងកាត់​ការធ្វើ​បទ​បង្ហាញ និង​ការឃោសនា​ពី​ទស្សនៈវិស័យ​ក្នុងការ​ដឹកនាំ​សមាគមន៍​យ៉ាង​ស្វិតស្វាញ​អស់​រយៈពេល​ជាង 3ម៉ោង ពេលនេះ​ចំពោះ​បេក្ខភាព​ដែល​បាន​ជាប់ឆ្នោត​ក្លាយជា​ប្រធាន សមាគមន៍​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា​អាណត្តិ​ទី6 គឺ​លោក ច្រឹ​ក សុខ​នី​ម ជាមួយ​សំឡេង​សន្លឹកឆ្នោត 34 សំឡេង ខណៈដែល​លោក វ៉ន ចាន់ថន ទទួលបាន 25 សំឡេង ហើយ​លោក សុ​ត វីរៈ ទទួលបាន​ត្រឹម 7 សំឡេង តែប៉ុណ្ណោះ ។

    ជាមួយនឹង​ការទទួលបាន​តំណែង​ជា​ប្រធាន​សមាគមន៍​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា​ក្នុង​អាណត្តិ​ទី៦នេះ លោក ច្រឹ​ក សុខ​នី​ម បាន​តាំងចិត្ត​យ៉ាង​មុតមាំ​ក្នុងការ​ខំប្រឹង និង​ព្យាយាម​ដឹកនាំ​សមាគមន៍​ឱ្យមាន​ភាព​រីកចម្រើន ជឿនលឿន​ទៅមុខ ដើម្បី​លើកកម្ពស់​វិស័យ​អចលនទ្រព្យ​នៅ​កម្ពុជា​ឱ្យ​កាន់តែ​ល្អប្រសើរ ជាពិសេស ធ្វើឱ្យ​ក្រុមហ៊ុន​អចលនទ្រព្យ​ទាំងអស់ ដែលជា​សមាជិក​របស់​សមាគម ទទួលបាន​នូវ​អត្ថប្រយោជន៍​យ៉ាង​ល្អប្រសើរ​ជាង​ពេលបច្ចុប្បន្ន​នេះ ៕ 

  • កក្រើកអស់បរទេស!! បវរកញ្ញា រឿន ណាត បង្ហាញឈុតរាត្រីដែលល្អបំផុត និងមានជំនឿចិត្តខ្លាំងបំផុត

    កក្រើកអស់បរទេស!! បវរកញ្ញា រឿន ណាត បង្ហាញឈុតរាត្រីដែលល្អបំផុត និងមានជំនឿចិត្តខ្លាំងបំផុត

    តាមរយៈទំព័រកម្សាន្ដបរទេស Angelopedia បានឱ្យដឹងថា ការប្រកួត Preliminary Competition ក្នុងកម្មវិធី Miss Universe 2018 បានប្រព្រឹត្តទៅនៅយប់ថ្ងៃទី13​ ខែធ្នូ ឆ្នាំ2018នេះ IMPACT Arena ក្រុងបាងកក ប្រទេសថៃ ដោយវគ្គនេះបេក្ខភាពបវកញ្ញាតំណាងជាតិនីមួយៗ ត្រូវប្រកួត 2វិញ្ញាសា គឺរ៉ូបរាត្រីសមោលសរ និង ឈុតហែលទឹក។ ពិន្ទុដែលបានពីការប្រកួតដ៏សំខាន់នេះ នឹងបូកជាមួយពិន្ទុវគ្គសម្ភាសន៍ ដើម្បីសម្រេចថាបេក្ខនារីរូបណានឹងឆ្លងទៅកាន់ Top20 នៅរាត្រីផ្ដាច់ព្រ័ត្រ ដែលបញ្ចប់នៅថ្ងៃអាទិត្យ ទី 15 ខាងមុខនេះ។

    អ្វីដែលធ្វើឱ្យចាប់អារម្មណ៍ក្នុងវគ្គ Preliminary Competition នេះ យើងសង្កេតឃើញបវរកញ្ញានីមួយៗបានរំលេចសម្រស់ក្នុងឈុតរាត្រីសមោសរប្រណីតៗ គួរជាទីទាក់ភ្នែក ជាពិសេសគឺបវរកញ្ញាកម្ពុជា កញ្ញា រឿន ណាត​ តែម្ដង។ ជាក់ស្ដែង កញ្ញា រឿន ណាត បានបង្ហាញវត្តមាននៅលើឆាក គ្រងដោយឈុតរាត្រីពណ៌ក្រហមកុលាប បញ្ចេញកាយវិការដើរល្វតល្វន់ ប្រកបដោយភាពជឿជាក់ គួរឱ្យមោទកភាពជាទីបំផុត។ ដើម្បីជ្រាបកាន់តែច្បាស់ថាតើបវរកញ្ញាចក្រវាលកម្ពុជា 2018 រឿន ណាត នឹងស្លៀករ៉ូបរាត្រីសមោលសរបែបណា នឹងដើរស្អាតយ៉ាងណា សូមទស្សនារូបភាព និងវីដេអូខាងក្រោម៖