Category: សង្គម និងសេដ្ឋកិច្ច

Bayern រីករាយនឹងប៉ះ Liverpool ក្នុង ChampionsLeague វគ្គ 16ក្រុម
Bayern Munich កំពុងតែសម្លឹងឆ្ពោះទៅកាន់ការជួបការប្រកួតដ៏ស្វិតស្វាញមួយជាមួយនឹងក្រុម Liverpool ដើម្បីប្រជែងយកកៅអីទៅវគ្គ 8ក្រុមចុងក្រោយនៃក្របខ័ណ្ឌ Champions League ។ នេះបើយោងតាមការបញ្ជាក់របស់លោក Hasan Salihamidzic ប្រធានផ្នែកកីឡារបស់ក្រុមម្ចាស់ជើងឯកអាល្លឺម៉ង់មួយនេះ កាលពីថ្ងៃចន្ទ។
ក្លិបទាំង2 មានប្រវត្តិដូចគ្នាក្នុងយុទ្ធនាការនេះ តាមរយៈការឈ្នះពានប្រចាំទ្វីបអឺរ៉ុបមួយនេះចំនួន 5លើកដូចគ្នា។ Liverpool បច្ចុប្បន្នជាក្រុមកំពុងមានទម្រង់លេងយ៉ាងល្អ និងកំពុងតែឈរលើលេខ1 នៅក្នុងតារាងក្របខ័ណ្ឌ Premier League ស្របពេលដែលក្រុម Bayern Munich មិនបានស្ថិតក្នុងទម្រង់លេងដ៏ខ្លាំងរបស់ពួកគេឡើយ ក្នុងក្របខ័ណ្ឌ Bundesliga មកទល់ពេលនេះ។
ក្រោយពីការចាប់ឆ្នោតសម្រាប់វគ្គ 16ក្រុមចុងក្រោយក្នុងទីក្រុង Nyon កាលពីថ្ងៃចន្ទ លោក Salihamidzic បានឱ្យដឹងថា៖ «ពួកគេជាក្រុមខ្លាំងនៅពេលនេះ និងជាក្រុមកំពុងនាំមុខលើតារាងលីកនៅអឺរ៉ុប។ ពួកគេកំពុងតែស្ថិតក្នុងទម្រង់លេងយ៉ាងល្អ និងមានភាពរឹងមាំផ្នែករាងកាយ។ យើងកំពុងតែសម្លឹងឆ្ពោះទៅកាន់ការប្រកួតនោះ បើទោះបីវាជាការប្រកួតដ៏ស្វិតស្វាញមួយក៏ដោយ»។
ស្របពេលជាមួយគ្នានេះ ក្រុមធ្លាក់ទម្រង់លេង Manchester United របស់លោក Jose Mourinho នឹងត្រូវប៉ះជាមួយនឹងក្រុមម្ចាស់ជើងឯកបារាំង Paris Saint-Germain។ ក្រុមម្ចាស់ការពារតំណែងជើងឯក Real Madrid ត្រូវបានចាប់ឆ្នោតឱ្យជាមួយនឹងក្រុម Ajax ក្នុងការចាប់ឆ្នោតកាលពីថ្ងៃចន្ទ ក្នុងទីក្រុង Nyon ខណៈដែលក្រុមយក្សអេស្ប៉ាញមួយនេះនឹងប្រមាញ់រកការឈ្នះពានជាលើកទី5 ក្នុងរយៈពេល 6រដូវកាល ហើយ Lionel Messi និង Barcelona នឹងជួបជាមួយនឹងក្រុម Lyon។
ក្រុមដែលបានបញ្ចប់ក្នុងចំណាត់ថ្នាក់លេខ2 ក្នុងពូល នឹងធ្វើជាម្ចាស់ផ្ទះការប្រកួតជើងទី2 នាថ្ងៃទី12 ឬទី13 និងថ្ងៃទី19 ឬទី20 ខែកុម្ភៈ ខណៈដែលការប្រកួតជើងទី2 នឹងប្រព្រឹត្តទៅនៅថ្ងៃទី5 ឬទី6 និងទី12 ឬទី13 ខែឧសភា៕
ការចាប់ឆ្នោតសម្រាប់ Champions League វគ្គ១៦ក្រុមចុងក្រោយ
Schalke 04 vs Manchester City
Atletico Madrid vs Juventus
Manchester United vs Paris Saint-Germain
Tottenham Hotspur vs Borussia Dortmund
Lyon vs Barcelona
Roma vs Porto
Ajax v Real Madrid
Liverpool v Bayern Munich
December 18, 2018
Ferrari នឹងអបអរថ្ងៃគម្រប់ខួបអាយុ 50ឆ្នាំរបស់ Schumacher ជាមួយនឹងការសម្តែងបើកបរ
អតីតកីឡាករប្រណាំងរថយន្ត Formula One ដ៏ឆ្នើមគឺ Michael Schumacher នឹងត្រូវបានរំឭកដោយFerrari ជាមួយនឹងការសម្តែងដ៏ពិសេសមួយដើម្បីអបអរថ្ងៃគម្រប់អាយុ 50ឆ្នាំរបស់គេ នៅថ្ងៃទី3 ខែមករា។ នេះបើយោងតាមការប្រកាសរបស់ក្រុមអ៊ីតាលីមួយនេះ កាលពីថ្ងៃចន្ទ។
Schumacher ដែលជាម្ចាស់ជើងឯក Formule One 7សម័យកាល បានរងរបួសក្បាលយ៉ាងធ្ងន់ធ្ងរក្នុងឧប្បត្តិហេតុជិះស្គី កាលពី 5ឆ្នាំមុន និងមិនធ្លាប់បានបង្ហាញខ្លួនជាសាធារណៈទៀតឡើយចាប់តាំងពីពេលនោះមក។
កម្មវិធីដែលមានឈ្មោះថា ‘Michael 50’ មួយនេះ ដែលនឹងត្រូវរៀបចំឡើងនៅសារមន្ទីរ Ferrari ក្នុងទីក្រុង Maranello នឹងត្រូវរៀបចំឡើងដោយមានការចូលរួមពីសំណាក់អង្គការ Keep Fighting Foundation ដែលបានបង្កើតឡើងកាលពី 2ឆ្នាំមុន ដោយក្រុមគ្រួសាររបស់ Schumacher។
Ferrari បានឱ្យដឹងក្នុងសេចក្តីថ្លែងការណ៍មួយថា៖ «កម្មវិធីនេះត្រូវបានរៀបចំឡើងក្នុងគោលបំណងអបអរ និងសម្តែងនូវការដឹងគុណចំពោះអ្នកបើកបរដ៏ជោគជ័យបំផុតរូបនេះ»។ កីឡាករ Schumacher សញ្ជាតិអាល្លឺម៉ង់ បានបើកបរឱ្យក្រុមនេះចាប់ពីឆ្នាំ1996 ដល់ឆ្នាំ2006 ដោយបានឈ្នះពានពិភពលោក 5លើកក្នុងចំណោមពានទាំង 7លើករបស់គេចាប់ពីឆ្នាំ2000 ដល់ឆ្នាំ2004។
ក្រុម Ferrari ក៏បានឈ្នះពានផ្នែកបើកបរចំនួន 6លើកផងដែរ អំឡុងពេលដែលរូបគេស្ថិតនៅជាមួយនឹងក្រុមនេះ។ កម្មវិធីបើកបរសម្តែងនេះ នឹងអនុញ្ញាតឱ្យសាធារណជនបានឃើញនូវសមិទ្ធផលដែល Schumacher បានផ្តល់ឱ្យចំពោះការអភិវឌ្ឍរថយន្តនេះ ក្នុងនាមជាអ្នកបើកបរម្នាក់ និងក្រោយមកជាអ្នកផ្តល់ប្រឹក្សាម្នាក់។ នេះបើយោងទៅតាមការបញ្ជាក់របស់ក្រុម Ferrari៕
December 18, 2018
ចង់វិលទៅកាន់អតីតកាលដ៏អស្ចារ្យរបស់ខ្មែរទេ?? កុំឱ្យខកខានទស្សនារឿង នាងវឌ្ឍនាទេវី ទម្រង់ 100 ឆ្នាំ
ពីទំព័រ« ទំព័រអំពីឯកសារប្រវត្តិសាស្រ្ត» បានឱ្យជ្រាបដែរថា របាំព្រះរាជទ្រព្យបែបមុខសខ្មែរ នឹងលើកមកសម្ដែងជូនទស្សនិកជនទាំងអស់បានទស្សនា ក្នុងរាជធានីភ្នំពេញ ដោយច្នៃចេញពីសាច់រឿងថ្មី ក្រោមចំណងជើង ”នាងវឌ្ឍនាទេវី” ដឹកនាំដោយ សម្ដេចព្រះរាម នរោត្តម បុប្ផាទេវី ។
ការសម្ដែងដ៏កម្រនេះ នឹងត្រូវបង្ហាញជូនដោយនាដកាមានទេពកោសល្យ និងជំនាញប៉ិនប្រសប់ ក្នុងការនាំយកទម្រង់សិល្បៈដ៏អស្ចារ្យ ព្រមទាំងនាំអនុស្សាវរីយ៍ឆ្នាំ 1906 ត្រលប់មកវិញ។ ព្រឹត្តិការណ៍នេះ មានគោលបំណងដើម្បីផ្ដល់ឱកាសដល់សាធារណជន និងជនបរទេស បានទស្សនាការសម្ដែង និងស្វែងយល់អំពី របាំព្រះរាជទ្រព្យខ្មែរ ដែលយកនូវបែបបទនៃចលនាក្បាច់រាំ សម្លៀកបំពាក់ និងការតុបតែងខ្លួនរបស់នាដកា តាមលំនាំឆ្នាំ1906។
បើតាម លោក ព្រឿង ឈាង ទីប្រឹក្សាក្រសួងវប្បធម៌ និង វិចិត្រសិល្បៈ ប្រាប់ថា សម្ដេចព្រះរាម នរោត្តម បុប្ផាទេវី បានដឹកនាំនិងហ្វឹកហាត់អ្នករបាំ សម្រាប់ការសម្ដែងនេះដោយផ្ទាល់ ដើម្បីធ្វើឱ្យការសម្ដែង “នាងវឌ្ឍនាទេវី” ផ្ដល់ឱ្យទស្សនិកជន នូវបទពិសោធន៍ដ៏រំភើបអស្ចារ្យ ។ អ្នកទស្សនា នឹងមានអារម្មណ៍ថា ខ្លួនឯងកំពុងតែធ្វើដំណើរត្រលប់ទៅកាន់អតីតកាល ព្រមទាំងស្វែងយល់ពីពិភពនៃរឿងព្រេង ដែលទាក់ទងនឹងដើមកំណើតប្រជាជន និងវប្បធម៌ខ្មែរ។
ម្យ៉ាងទៀត ការរៀបចំនេះប្រើពេលស្ទើរតែពេញមួយឆ្នាំ ដើម្បីប្រមូលគំនិត បង្កើតជាសាច់រឿងនិទាន និងក្បាច់រាំ ក្នុងការបង្ហាញដំណើររឿង ”នាងវឌ្ឍនាទេវី” តាមរយៈទម្រង់សិល្បៈនៃរបាំព្រះរាជទ្រព្យ។
ផ្ទាំងទស្សនីយភាពនេះ នឹងចាប់ផ្ដើម រយៈ ពេល2ថ្ងៃ គឺ ថ្ងៃទី18 និងទី19 ខែមករា ឆ្នាំ2019 នៅសាលមហោស្រពចតុមុខ វេលាម៉ោង 6:30 នាទីល្ងាច។ ដោយឡែក ថ្ងៃសៅរ៍ ទី19 ខែមករា ឆ្នាំ 2019 វេលាម៉ោង 3:30 រសៀល (សម្រាប់តែសិស្ស និស្សិត និងមនុស្សអាយុក្រោម25ឆ្នាំ)។
គួរបញ្ជាក់ផងដែរថា ចំពោះទីតាំងលក់សំបុត្រ លោកអ្នកអាចស្វែងរកនៅវិទ្យាស្ថានបារាំង នៅសាលមហោស្រពចតុមុខ ឬ តាមរយៈ Latsticket.asia នៅលើគេហទំព័រ https://hello.last2ticket.com/event/1157/ ៕
December 18, 2018
គ្រាន់តែធ្វើបុណ្យជូនតារាកូរ៉េ ត្រូវគេរិះគន់ព្រោងព្រាត អស់ទ្រាំលែងបាន ផ្ញើសារសួរទៅកាន់សម្ដេច
ផ្ទុះការិះគន់ព្រោងព្រាតនៅលើបណ្ដាញសង្គមហ្វេសប៊ុកដ៏គួរឱ្យភ្ញាក់ផ្អើល ខណៈដែលបានឃើញក្រុមអ្នកគាំទ្រតារាចម្រៀងកូរ៉េ Kpop ឈ្មោះថា SM Stan Cambodia បានបង្ហោះរូបភាពបានយកចង្ហាន់ទៅប្រគេនព្រះសង្ឈ ដើម្បីបង្សុកូលឧទ្ទិសកុសលផលបុណ្យជូនតារាចម្រៀងកូរ៉េ Jonghyun អតីតសមាជិកក្រុមតារាចម្រៀងកូរ៉េ SHINee ដែលបាត់បង់ជីវិតដោយធ្វើអត្តឃាត ដោយសារវិបត្តិផ្លូវចិត្ត អស់រយៈគម្រប់1ឆ្នាំ ។
តែជាអកុសល ក្រុមយុវតីអ្នកគាំទ្រតារាចម្រៀងកូរ៉េ ត្រូវរងការិះគន់មិនប្រណីថ្វីមាត់ពីសំណាក់អ្នកលេងបណ្ដាញសង្គមទៅវិញ ទាំងដែលពួកនាងគ្មានកំហុសអ្វីទាល់តែសោះ បើទោះបីជាពួកនាងគ្រាន់តែធ្វើបុណ្យក្នុងនាមជាអ្នកគាំទ្រក៏ដោយ ។ អស់ទ្រាំលែងបាន យុវតីម្នាក់បានផ្ញើរសារចូលទំព័រហ្វេសសបុករបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដោយបានសួរជាសំនួរ និងទទូចឱ្យសម្ដេចមេត្តាជួយស្រាយចម្ងល់របស់នាងផងដែរ ។
នាងក៏បានរៀបរាប់សារយ៉ាងវែងអន្លាយពីការមិនអស់ចិត្តចំពោះការរិះគន់ ចំពោះទង្វើធ្វើបុណ្យកុសលជូនតារាចម្រៀងកូរ៉េ ដោយនិយាយយ៉ាងដូច្នោះថា ៖
សួរគ្រូពលរដ្ឋ គាត់ប្រាប់ថាអត់មានច្បាប់មិនឱ្យគាំទ្រ Kpopទេ ហើយក៏មិនមានច្បាប់ហាមឃាត់មិនឱ្យធ្វើបុណ្យឧទ្ទិសកុសលជូនតារាបរទេសដែរ ដល់ពេលសួរគ្រូប្រវត្តិវិទ្យា គាត់ក៏ប្រាប់មិនដែលម៉ែអាណាមានប្រវត្តិអ៊ីចឹងទេ តែខ្លាចពួកទើសគាត់ទើបចេញពីទ្រុងមិនបានចូលរៀនពេញម៉ោង ព្រោះអាល័យទៅកសាងខ្លួនឱ្យក្លាយជា សត្វbodia ( សំដៅដល់អ្នកនិយមរិះគន់លើបណ្ដាញសង្គម ) ហើយគាត់មិនជឿ អ៊ីចឹងមានតែchat សួរសម្ដេចតែម្ដង។
តែបើសម្ដេចប្រាប់ថាមិនមានច្បាប់នឹងទេ ចឹងមានន័យថា សត្វbodia គាត់បង្កើតច្បាប់នឹងខ្លួនឯង ព្រោះគាត់ខ្លាចគេមិនដឹងថា គាត់ស្រលាញ់វប្បធម៌ពេករហូតដល់បែកកាវ ក្បាលឆ្កែទើសសូម្បីតែគេធ្វើបុណ្យ តែអេ៎ បើសិនជាគេធ្វើបុណ្យចឹងខុសហើយគាត់ទើស so when their dady d*e ប្រហែលជាមិនធ្វើបុណ្យឱ្យទេមើលលទៅ។
ចាំមើលពេលណាគាត់ប្រជុំសភា សុំឱ្យគាត់លើករឿងនឹងមកនិយាយតែម្ដង កុំឱ្យខ្មែយើងចេញច្បាប់បែកស្លុយច្រើនពេក។ ហើយមួយ អារឿងគេធ្វើបុណ្យអ៊ីចឹងទើសណាស់ តែបើអារឿងស្អី post អារូបchat 18+នឹងស្អី « shareមួយ Inboxទៅ» ហើយអាខ្លះទៀតចូលខម្មិន្ត «បង send ឱ្យខ្ញុំមើលផង» ហើយដល់ពេលចូលមើលPF….Fck with me សុទ្ធតែពពួកសត្វbodia សុទ្ធតែពពួកទើសរឿងគេធ្វើបុណ្យ ចឹងបានថាខ្លួនឯងខួរឆ្កែទេ តែមកទើសគេខួរមនុស្ស។ អាខ្លះទៀតចូល cmt ថា«បើមិនចង់ឱ្យគេទើស កុំ post ឱ្យគេឃើញទៅបានហើយ»អ៊ីចឹងលើកក្រោយមិនចង់ឱ្យគេដឹងពីទំហំនៃក្ដីស្រលាញ់ when your mother fcker d*e មិនបាច់យំទេ ម៉ាអាប្លោកនេះ។
ចុងក្រោយសុំមេត្តាសម្ដេចជួយបកស្រាយឱ្យពពួកសត្វខ្លះបានយល់ផង។ ចំណាំ៖ «អ្នកមិនពាក់ព័ន្ធសុំមេត្តាអែបកៀន»។ បន្ទាប់ពីនាងបានធ្វើការបង្ហោះរូបភាព និងសរសេរខ្លឹមសារខាងលើ ត្រូវបានអ្នកប្រើប្រាស់បណ្តាញសង្គមហ្វេសបុកធ្វើការស៊ែរ ខម្មិន្តបញ្ចេញមតិយោបល់ផ្សេងៗ ខុសៗគ្នា៕

December 18, 2018
នូ សុផេន ជោគជ័យតំឡើងរឿងទុំទាវ និយាយជាភាសាអង់គ្លេសលើកស្ទួលវប្បធម៍នៅប្រទេសជប៉ុន
លោក នូ សុផេន ដែលត្រូវបានគេស្គាល់ថាជាអ្នកផលិតកម្មវិធីទម្រង់សិល្បៈវប្បធម៌នៅទូរទស្សន៍អប្សរា និងជាអ្នកឌីហ្សាញឈុតបុរាណខ្មែរមួយរូបមានឱកាសទៅចូលរួមព្រឹត្តិការណ៍Cambodian Week international នៅប្រទេសជប៉ុនបានត្រឡប់មកកម្ពុជាវិញហើយម្សិលមិញនេះ។ បន្ទាប់ពីលោកបានចំណាយច្រើនថ្ងៃនៅប្រទេសជប៉ុនដើម្បីរៀបចំទម្រង់របាំប្រជាប្រិយខ្មែរ និងបានទាំងតំឡើងរឿងទុំទាវ និយាយជាភាសាអង់គ្លេស ផ្សព្វផ្សាយទម្រង់វប្បធម៍ខ្មែរនៅទីនោះ។
លោក នូ សុផេន អនុប្រធាននាយកដ្ឋានផលិតកម្មប្រចាំទូរទស្សន៍អប្សរា បានថ្លែងបន្ទាប់ពីចុះពីលើយន្តហោះមកថា លោកទទួលបានជោគជ័យយ៉ាងខ្លាំង ក្នុងការបង្ហាញជូននូវទម្រង់សិល្បៈច្រើនផ្នែក បន្ទាប់ពីនិស្សិតខ្មែរទទួលអាហារូបករណ៍នៅក្នុងប្រទេសជប៉ុនមួយក្រុម បានធានាឱ្យលោកចេញទៅរៀបចំទម្រង់វប្បធម៌ ដើម្បីបង្កើតជាព្រឹត្តិការណ៍ Cambodian Week ប្រចាំឆ្នាំ ស្របគ្នានឹងប្រទេសប្រមាណ 49 ប្រទេសដែលមាននិស្សិតសិក្សានៅក្នុងប្រទេសជប៉ុនដូចគ្នា ក៏បានរៀបចំជាទម្រង់វប្បធម៌បង្អួតភ្នែកអ្នកចូលរួមខ្លាំងជាងកម្ពុជាភាគច្រើន។
យ៉ាងណាមិញ លោកថាភាពលេចធ្លោមិនលើសពីក្រុមកម្ពុជានោះទេ បើទោះជាទម្រង់សិល្បៈរបស់ខ្មែរទាំងរបាំច្រើនប្រភេទ និងការសម្ដែងរឿងទុំទាវ ជាភាសាអង់គ្លេសដែលបានធ្វើឡើង សម្ដែងដោយនិស្សិតខ្មែរតែ8រូប។ លោកថានិស្សិតបរទេសរហូតដល់49នាក់បានចូលរួមសម្ដែងរបាំ និងសម្ដែងរឿងទុំទាវជួយដល់ក្រុមខ្មែរទើបធ្វើអោយកម្មវិធីទាំងមូលទទួលបានភាពជោគជ័យ ហើយមិនចាញ់ក្រុមសិល្បករថៃ វៀតណាម និងម៉ាឡេជាដើម ដែលគេយកសិល្បករជំនាញៗពីប្រទេសគេផ្ទាល់ យកទៅបង្ហាញនោះទេ។
លោក នូ សុផេន ពន្យល់ថា ទោះជាអ្នកសម្ដែងនៅព្រឹត្តិការណ៍នោះ មិនមែនជាតារាអាជីព ហើយសុទ្ធតែជានិស្សិតទទួលបានអាហារូបករណ៍នៅក្នុងប្រទេសជប៉ុន តែនិស្សិតទាំងនោះមិនសូវមានភាពខុសឆ្គងក្នុងការសម្ដែងនោះទេ ដោយសារតែមុនចេញសម្ដែង4ខែ លោកបានផ្ញើជូននូវវីដេអូឯកសារដើម្បីឱ្យនិស្សិតខ្មែរ និងនិស្សិតបរទេសដែលជួយសម្ដែងហ្វឹកហាត់យ៉ាងស្ទាត់មកហើយ ដោយលោកក៏បានដើរតួកែក្បាច់ និងកែកាយវិកា តាមរយៈវីដេអូផ្ញើទៅផ្ញើមក ទើបធ្វើឱ្យនិស្សិតទាំំងនោះនៅពេលការសម្ដែងលេចឡើងគឺមិនមានបញ្ហា។
លោកថាក្រោយការបង្ហាញឱ្យឃើញពីវប្បធម៌របស់ខ្មែរ មានជនបរទេសច្រើនឡើងបានស្គាល់ពីខ្មែរ ខណៈដែលក្នុងពេលមុនគេដឹងត្រឹមតែថាខ្មែរមានអង្គរវត្ត តែមិនសូវដឹងច្រើនរឿងខ្មែរមានរបាំយ៉ាងមិច នឹងមានសាច់រឿងទុំទាវដ៏ជក់ចិត្តដល់ម្លឹងឡើយ៕
December 18, 2018
កូនប្រុសតារាកំប្លែងនាយឆើត ផ្ទុះសម្ដីជាមួយតារាស្រី Original Song តែរលត់ភ្លើងទាន់
ភ្ញាក់ផ្អើលយ៉ាងខ្លាំង តារាសម្ដែងលោក រ៉ៃយ៉ា ដែលត្រូវគេស្គាល់ថា ជាកូនប្រុសរបស់តារាកំប្លែងនាយឆើត ត្រូវគេឃើញផ្ទុះជម្លោះដាក់គ្នា ជាមួយតារាចម្រៀងស្រី កញ្ញា វណ្ណា វត្តី ដោយអ្នកទាំងពីរប៉ះសម្ដីគ្នាចំៗ មានទាំងហ្វេនរៀងខ្លួន ចូលមកជួយបញ្ឆេះកំហឹងថែមទៀតផង។
ជម្លោះដែលបានកើតឡើង គឺដោយសារតែ កញ្ញា វណ្ណា វត្តី ស៊ែ Original Song របស់លោកគីសាន់ រ៉ៃយ៉ា បទ«ប្រពន្ធកូនសំខាន់ តែបងមិនអាចថែ» ហើយសរសេរឃ្លាថា «បើជ្រុលជាអស់ចិត្តហើយ មិនបាច់មករៀបរាប់ច្រើនទេ កុំភ្លេចផ្ញើលុយឱ្យប្រពន្ធកូនបងផង ព្រោះដើម្បីកុំឱ្យគេថា បងអាត្មានិយមនោះអី!» ខណ:ដែលឃ្លារបស់នាងត្រូវបានម្ចាស់បទ យល់ថា «ជាការមាក់ងាយ និងដៀមដាម»។ លោករ៉ៃយ៉ា បានបង្ហោះសារតបវិញភ្លាមៗថា «សុំទោសកញ្ញា វណ្ណា វត្តី ស៊ែបទខ្ញុំហើយ និយាយមកដូចជាទើសនឹងបទខ្ញុំម៉េស វាមិនមែនជារឿងពិតឯណា វាគ្រាន់តែជាបទចម្រៀងខ្ញុំតើ បើមិនពេញចិត្តកញ្ញា អាចលុបវិញបាន!»។ ក្រោយសំណេរបស់លោក គីសាន់ រ៉ៃយ៉ា អ្នកគាំទ្រច្រើននាក់ ចេញមុខមកជេរ វណ្ណា វត្តី ហើយអ្នកគាំទ្រម្ខាងទៀតក៏ចូលតបត ស្របគ្នាដែល វណ្ណា វត្តី ក៏ចេញមុខ Live Video វាយបក។
សូមជម្រាបថា កញ្ញា វណ្ណា វត្តី ថា ការបង្ហោះរបស់នាង គឺគ្រាន់តែមានបំណងនិយាយស្រប នឹងអត្ថន័យក្នុងបទចម្រៀង ជាការផ្ញើសារទៅកាន់បុរសទាំងឡាយ ដែលបានធ្វើរឿងខុសឆ្គងដូចអត្ថន័យបទចម្រៀងប៉ុណ្ណោះ ប៉ុន្តែទំនងជាលោក រ៉ៃយ៉ា យល់ច្រលំ ទើបកើតជាជម្លោះ។ យ៉ាងណាមិញនាងថា ស្ថានភាពជម្លោះត្រូវបានរំលត់បន្ទាប់ពីនាង និងលោករ៉ៃយ៉ា បានឆាតជជែកគ្នាត ហើយម្ចាស់បទចម្រៀង ក៏យល់ស្របថា ខ្លួនមានរឿងយល់ច្រលំ៕

December 17, 2018
ចិនផ្តល់ប្រាក់កម្ចីជាង 260លានដុល្លារដល់កម្ពុជា
ទឹកប្រាក់ហិរញ្ញប្បទានចំនួនជាង 260លានដុល្លារត្រូវបានសាធារណរដ្ឋប្រជាមានិតចិនផ្តល់ឱ្យកម្ពុជាក្នុងកិច្ចសហប្រតិបត្តិការរវាងកម្ពុជា និងចិន ដែលទឹកប្រាក់នេះត្រូវបាន ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងលោក Deng Boqingអនុប្រធានទីភ្នាក់ងារចិនសម្រាប់កិច្ចសហប្រតិបត្តិការបានចុះហត្ថលេខារួមគ្នាលើកិច្ចព្រមព្រៀងក្របខ័ណ្ឌចំនួន2។ នេះបើយោងតាមសេចក្តីប្រកាសព័ត៌មានរបស់ក្រសួងសេដ្ឋកិច្ច និងហិរញ្ញវត្ថុ។
កិច្ចព្រមព្រៀងក្របខ័ណ្ឌចំនួន2 នោះរួមមាន៖
1- កិច្ចព្រមព្រៀងស្តីពីកិច្ចសហប្រតិបត្តិការសេដ្ឋកិច្ច និងបច្ចេកទេសនូវហិរញ្ញប្បទានឥតសំណងចំនួន 1,200លានយន់ (ជាង174លានដុល្លារ)។ថវិកានេះនឹងត្រូវប្រើប្រាស់សម្រាប់អនុវត្តគម្រោងលើកកម្ពស់ជីវភាពប្រជាជន និងគម្រោងសាងសង់ហេដ្ឋារចនាសម្ព័ន្ធសំខាន់ៗ។
2-កិច្ចព្រមព្រៀងក្របខ័ណ្ឌស្តីពីឥណទានសម្បទានជាប្រាក់យន់ចិន សម្រាប់គម្រោងអភិវឌ្ឍន៍អាងទឹករក្សាក្នុងខេត្តព្រះវិហារដែលមានចំនួន 622លានយន់ (ជាង 90លានដុល្លារ)។
ការចុះកិច្ចព្រមព្រៀងខាងលើធ្វើឡើងក្នុងអំឡុងដំណើរទស្សនកិច្ចរបស់លោក Deng Boqingអនុប្រធានទីភ្នាក់ងារចិនសម្រាប់កិច្ចសហប្រតិបត្តិការ នៃសាធារណរដ្ឋប្រជាមានិតចិន នៅកម្ពុជាពីថ្ងៃទី12 ដល់ថ្ងៃទី15 ខែធ្នូ ឆ្នាំ2018។ ខណៈដែលគណ:ប្រតិភូចិន បានចូលជួបសម្តែងការគួរសម និងពិភាក្សាការងារជាមួយអគ្គបណ្ឌិតសភាចារ្យ អូន ព័ន្ធមុនីរ័ត្ន។
ពិធីចុះហត្ថលេខានាពេលនេះ គឺសបញ្ជាក់ឱ្យឃើញនូវកិច្ចសហប្រតិបត្តិការល្អក្នុងក្របខ័ណ្ឌភាពជាដៃគូយុទ្ធសាស្រ្តគ្រប់ជ្រុងជ្រោយកម្ពុជា-ចិន ដែលធ្វើឱ្យរដ្ឋាភិបាលនៃប្រទេសទាំង2 កម្ពុជា-ចិន បន្តពង្រឹងកិច្ចសហប្រតិបត្តិការលើគ្រប់វិស័យ ក្នុងការជំរុញធ្វើឱ្យប្រសើរឡើងនូវកំណើនសេដ្ឋកិច្ច និងកំណើនជីវភាពរបស់ប្រជាជននៃប្រទេសទាំង2។
គួរបញ្ជាក់ថា គិតត្រឹមថ្ងៃទី13 ខែធ្នូ ឆ្នាំ2018 ទំហំហិរញ្ញប្បទានសហប្រតិបត្តិការពីរដ្ឋាភិបាល នៃសាធារណរដ្ឋប្រជាមានិតចិន នឹងមានចំនួនសរុបប្រមាណ 5,800លានដុល្លារអាមេរិកហើយ ក្នុងនោះឥណទានសម្បទានមានសរុបចំនួនប្រមាណ 4,400លានដុល្លារអាមេរិក និងហិរញ្ញប្បទានក្នុងក្របខ័ណ្ឌនៃកិច្ចសហប្រតិបត្តិការសេដ្ឋកិច្ច និងបច្ចេកទេសចំនួនប្រមាណ 1,400លានដុល្លារអាមេរិក៕

December 17, 2018
រដូវធ្វើត្រីប្រហុកបានចាប់ផ្តើមហើយ
រដ្ឋបាលជលផលបានជំរុញឱ្យប្រជាពលរដ្ឋអ្នកផលិតប្រហុក-ផ្អក ត្រូវប្រញាប់រួសរាន់ទៅទិញត្រីដែលជាតម្រូវការសម្រាប់ការផលិតប្រហុក និងផ្អកនៅតាមបណ្តោយដងទន្លេសាប ដែលចាប់ផ្តើមតាំងពីថ្ងៃសុក្រទី14 ខែធ្នូហើយនឹងបន្តរហូតដល់ថ្ងៃទី20 ខែធ្នូ ឆ្នាំ2018។
ស្ថាប័ននេះបានឱ្យដឹងនៅក្នុងសេចក្តីថ្លែងការណ៍មួយកាលពីថ្ងៃសុក្រថា «រដូវខ្ពស់បំផុតក្នុងការនេសាទត្រី»បានចាប់ផ្តើមពីថ្ងៃសុក្រទី14 ខែធ្នូ ឆ្នាំ2018 និងស្នើឱ្យអ្នកផលិតត្រីប្រហុក និងផ្អក មកតំបន់នេសាទតាមដងទន្លេសាបជាពិសេសនៅរាជធានីភ្នំពេញ និងខេត្តកណ្តាលដើម្បីទិញត្រី។
លោក អេង ជាសាន អគ្គនាយករដ្ឋបាលជលផលបានមានប្រសាសន៍ថា៖«ក្នុងអំឡុងពេលនេះយើងព្យាករថា កម្ពស់ទឹកក្នុងទន្លេនឹងល្អប្រសើរបំផុតសម្រាប់ការចាប់ត្រីទឹកសាប ជាទីតាំងល្អបំផុតសម្រាប់ទិញត្រីគឺនៅភ្នំពេញ និងកណ្តាល»។ ខណៈដែលវាលំបាកក្នុងការប៉ាន់ប្រមាណថា តើត្រីនឹងចាប់បានប៉ុន្មានក្នុងរដូវកាលនេះ លោកជឿជាក់ថា វានឹងមានបរិមាណច្រើនជាងឆ្នាំមុនៗ ដោយសារតែការបង្ក្រាបរបស់រដ្ឋាភិបាលលើសកម្មភាពនេសាទខុសច្បាប់កាលពីពេលកន្លងមក។
លោក ជាសាន បាននិយាយថា៖«យើងរំពឹងថា យ៉ាងហោចណាស់ក៏ដូចជាការនេសាទត្រីនៅឆ្នាំមុនៗដែរ។ យើងបានធ្វើការបង្ក្រាបការនេសាទខុសច្បាប់ និងការពារតំបន់អភិរក្ស ដូច្នេះយើងសង្ឃឹមថា បរិមាណត្រីនៅទន្លេនាឆ្នាំនេះនឹងកើនឡើងគួរឱ្យកត់សម្គាល់»។
លោកអគ្គនាយកបានឱ្យដឹងទៀតថា និយាយជាទូទៅមានរដូវខ្ពស់2 សម្រាប់ចាប់ត្រីនៅកម្ពុជា។ ពេលទី1 ត្រីធ្លាក់ក្នុងខែធ្នូ ខណៈពេលមួយទៀតនៅចុងខែមករា។ លោកក៏បានប្រាប់ឱ្យដឹងដែរថា ប្រជានេសាទកំពុងតែប្រមូលផលត្រីជាបន្តបន្ទាប់ ទោះជាពុំទាន់មានលទ្ធផលច្បាស់លាស់ក៏ដោយ ក៏ក្នុងឆ្នាំនេះលោករំពឹងថា ត្រីអាចនឺងទទួលបានច្រើនជាងឆ្នាំមុន ហើយលក់ជូនពលរដ្ឋ ក៏អាចនឹងថោកជាងមុន គឺក្នុងតម្លៃ600 ទៅ800រៀលប៉ុណ្ណោះក្នុងមួយគីឡូក្រាម។
សូមជម្រាបថា កាលពីឆ្នាំមុន ត្រីដែលប្រើសម្រាប់លក់ប្រហុកត្រូវបានលក់ក្នុងតម្លៃ 0.3ទៅ0,5ដុល្លារ(ប្រមាណ1,200 ទៅ2,000រៀលក្នុងមួយគីឡូក្រាម)។ ប្រហុកត្រូវបានផលិតឡើងពីត្រីតូចៗ ខណៈពេលដែលត្រីធំៗ ត្រូវបានប្រើសម្រាប់ការធ្វើជាត្រីងៀត និងម្ហូបអាហារផ្សេងទៀត។

December 17, 2018
Alvarezវាយ Fielding ឱ្យសន្លប់ទឹកទី៣ ឈ្នះខ្សែក្រវាត់ពិភពលោក
កីឡាករប្រដាល់ Saul “Canelo” Alvarez បានបង្ហាញពីភាពខ្លាំងរបស់ខ្លួនពេលជួបជាមួយនឹង Rocky Fielding ខណៈដែលរូបគេបានដណ្តើមជ័យជម្នះដោយការវាយឱ្យគូប្រកួតសន្លប់ដោយបច្ចេកទេសក្នុងទឹកទី3 កាលពីថ្ងៃសៅរ៍ (ត្រូវនឹងព្រឹកថ្ងៃអាទិត្យនៅកម្ពុជា) ដើម្បីឈ្នះខ្សែក្រវាត់ WBA ក្នុងទម្ងន់76.2គីឡូក្រាម នៅលើសង្វៀន Madison Square Garden។
តារាឆ្នើមម៉ិកស៊ិក វ័យ 28ឆ្នាំរូបនេះ ដែលជាបេក្ខភាពមានក្តីសង្ឃឹមច្រើនក្នុងការឈ្នះនោះ បានបង្ហាញពីភាពខ្លាំងរបស់ខ្លួនចាប់តាំងពីដើមទឹក តាមរយៈការវាយទៅលើដងខ្លួន និងធ្វើឱ្យកីឡាករអង់គ្លេស Fielding ដួលទៅលើសង្វៀនសរុបចំនួន 4លើក។
Alvarez ដែលធ្វើឱ្យកំណត់ត្រាឈ្នះរបស់គេកើនដល់ 51លើក ចាញ់ 1លើក និងស្មើ 2លើកនោះ បានបំពេញការទទួលជ័យជម្នះរបស់គេតាមរយៈការវាយចំគោលដៅយ៉ាងល្អដើម្បីធ្វើឱ្យ Fielding ដួលលត់ជង្គង់ ហើយលោកអាជ្ញាកណ្តាលបានបញ្ចប់ការប្រកួតនេះតែម្តង។
បើទោះបីមានកម្ពស់ខ្ពស់ជាង និងមានប្រវែងដៃវែងជាងក៏ដោយ Fielding ដែលមានកំណត់ត្រាឈ្នះ២៧លើក និងចាញ់២លើក បានឈានទៅកាន់ការប្រកួតនេះក្នុងនាមជាកីឡាករមានក្តីសង្ឃឹមឈ្នះតិចតួច។
Alvarez ដែលការរងបរាជ័យជាលើកទី1 របស់គេបានកើតឡើងក្រោមស្នាដៃកីឡាករ Floyd Mayweather កាលពីឆ្នាំ2013នោះ បានបង្ហាញពីមូលហេតុដែលរូបគេបានក្លាយជាម្ចាស់ខ្សែក្រវាត់ពិភពលោក 3ប្រភេទទម្ងន់ផ្សេងគ្នា និងធ្វើឱ្យខ្លួនគេផ្ទាល់ស្ថិតលើផ្លូវឆ្ពោះទៅកាន់ការប្រកួតដ៏កក្រើកមួយទៀតជាមួយនឹងដៃគូប្រកួតដ៏ស័ក្តិសម។
Alvarez បានឱ្យដឹងថា៖ «ខ្ញុំមានអារម្មណ៍ថា ពិតជារឹងមាំ។ យើងធ្វើបានយ៉ាងល្អ ហើយខ្ញុំមានអារម្មណ៍រីករាយណាស់»។ កីឡាកររូបនេះបានបន្ថែមទៀតថា៖ «យើងនឹងរីករាយជាមួយនឹងជ័យជម្នះនេះ និងរាល់អ្វីៗដែលយើងបានធ្វើសម្រេចក្នុងឆ្នាំ2018 ហើយបន្ទាប់មក យើងនឹងគិតពីអ្វីដែលនឹងត្រូវធ្វើតទៅទៀត»៕
ប្រភពពី៖ Channel News Asia
December 17, 2018
Liverpool ផ្តួល Man Utdដើម្បីដណ្តើមលេខ 1 លើតារាង Premier League មកវិញ
ការស៊ុតបាល់ផ្លាតចូលទី 2គ្រាប់របស់ខ្សែបម្រើ XherdanShaqiri បានជួយឱ្យក្រុម Liverpool យកឈ្នះលើក្រុម Manchester United ក្នុងការប្រកួតក្របខ័ណ្ឌ Premier League ជាលើកទី1ក្នុងចំណោមការជួបគ្នា9លើក ខណៈដែលក្រុមរបស់លោក Jurgen Klopp បានវិលទៅឈរលើកំពូលតារាងវិញ តាមរយៈការដណ្តើមបានជ័យជម្នះ 3-1 នាកីឡដ្ឋាន Anfield កាលពីថ្ងៃអាទិត្យ។
លោក Jose Mourinho អ្នកចាត់ការទូទៅរបស់ក្រុម Man United បានអះអាងនៅមុនពេលការប្រកួតថា កំពុងនាំមុខលើតារាងលីកមួយនេះ ជួបសំណាងរបស់ពួកគេនៅរដូវកាលនេះ ប៉ុន្តែ បើទោះបីមានសំណាងទៅលើគ្រាប់បាល់ 2គ្រាប់របស់កីឡាករបម្រុង Shaqiri នៅរយៈពេល 17នាទីចុងក្រោយក៏ដោយ ប៉ុន្តែក្រុមភ្ញៀវពិតជាមិនស័ក្តិសមទទួលបានលទ្ធផលក្រៅទឹកដីគឺការរងបរាជ័យជាលើកទី5 នៅរដូវកាលនេះឡើយ។
Liverpool បានឡើងឈរពីលើក្រុម Manchester City ដើម្បីវិលទៅកាន់កំពូលតារាងវិញ ដោយនាំមុខ 1ពិន្ទុ ប៉ុន្តែនាំមុខដល់ទៅ 19ពិន្ទុលើក្រុម Man United ដែលនៅតែស្ថិតក្នុងចំណាត់ថ្នាក់លេខ6 និងដេញតាមពីក្រោយក្រុមស្ថិតក្នុងចំណាត់ថ្នាក់លេខ4 ចំនួន 11ពិន្ទុ។
លោក Mourinho បានឱ្យដឹងថា៖ «កីឡាករបានប្រឹងអស់ពីសមត្ថភាព ហើយនៅពេលដែលពួកគេផ្តល់រាល់នូវអ្វីៗទាំងអស់ ខ្ញុំមិនដែលខកចិត្តជាមួយនឹងពួកគេឡើយ។ ខ្ញុំមានអារម្មណ៍ល្អចំពោះពួកគេ ពួកគេលេងជាមួយនឹងគុណភាពរបស់គេ ដូចគូប្រកួតរបស់យើងដែលលេងក្នុងគុណភាពរបស់ពួកគេដែរ។ គ្រូបង្វឹករូបនេះបានបន្ថែមទៀតថា៖ «ប៉ុន្តែ ក្រុម Liverpool មានល្បឿនលឿន មានភាពរឹងមាំ និងខ្លាំងផ្នែករាងកាយ។ ពួកគេគ្រប់គ្រងការលេងយ៉ាងល្អក្នុងពេលមានបាល់ និងគ្មានបាល់»៕
ប្រភពពី៖ Channel News Asia
December 17, 2018