Category: សង្គម និងសេដ្ឋកិច្ច

ឆ្នាំថ្មី!! ខេមរៈ សិរីមន្ត សម្ញែងភាពផ្អែមល្ហែមជាមួយភរិយាគួរឱ្យលើសជាតិស្ករ…
នៅដើមឆ្នាំ2018 តារាចម្រៀង ខេមរៈ សិរីមន្ត ដែលប្រិយមិត្តស្គាល់ថាជាកំពូលតារាចម្រៀងដ៏ល្បីល្បាញមួយរូប បានបង្ហាញមុខភរិយា និងក្រុមគ្រួសារលោកជាហូរហែ។ តារាពេញនិយមរបស់យុវវ័យរូបនេះ ពិតមែនលែងលាក់បាំងរឿងប្រពន្ធកូនបានទៀតហើយ ថែមទាំងបង្ហាញការស្រលាញ់ប្រពន្ធកូនខ្លាំងណាស់ ដូចជាមុនពេលដែលចេញទៅច្រៀងសម្ដែងនោះ តារាចម្រៀងផលិតហង្សមាសរូបនេះ បានឱបថើបកូនៗជាមុន ហើយភរិយារបស់លោកគឺមិនឱ្យធ្វើការអីទេ ពោលត្រឹមតែនៅផ្ទះមើលថែកូនទាំង2ប៉ុណ្ណោះ។
ថ្មីៗនេះទៀត លោកក៏បានបង្ហោះនូវរូបភាពផ្អែមល្ហែម និងព្រមទាំងបានសរសេររៀបរាប់ថា «ម្សិលមិញរវល់ពេញមួយថ្ងៃមិនបាននៅក្បែរអូន ថ្ងៃនេះបងសងអូនវិញគឺកំដរអូនដើរលេងពេញមួយថ្ងៃវិញម្តង»។ គ្រាន់តែឃើញបែបនេះភ្លាម អ្នកគាំទ្រមានការច្រណែននឹងលោកខ្លាំងណាស់ ដោយសារតែសម្ដីផ្អែមល្ហែមរបស់លោកចំពោះភរិយា អាចនិងធ្វើឱ្យអ្នកគាំទ្រលើសជាតិស្ករជាខ្លាំង៕
January 2, 2019
ញាក់សាច់!! រឿង «ចិញ្ចៀន » តារាស្រី ញឹម ចាន់ថន ស្រាតមួយល្វែងខាងលើទាំងស្រុងតែម្ដង
យោងតាមការប្រកាសក្នុងវេទិកាសន្និសីទកាសែតកាលពីព្រឹកថ្ងៃទី30 ខែធ្នូ ប្រកាសដាក់បញ្ចាំងរឿង«ចិញ្ចៀន»តារាសម្ដែងកញ្ញា ញឹម ចាន់ថន បានអះអាងថា ខ្លួនបានចំហរមួយល្វែងលើ ដោយគ្មានប្រើបច្ចេកទេសបិទបាំង ដោយសារតែមិនចង់ឱ្យផលិតករកាត់ប្លង់នោះចោល។ បានស្ម័គ្រចិត្តថតក្នុងភាពយន្តនេះ ដោយហ៊ានថតស្រាតមួយកំណាត់លើមិនខ្មាស់លោក ម៉េង ប៊ុនឡូ និងក្រុមការងារតែម្ដង ដោយសារតែកញ្ញា មិនចង់ឱ្យលោក ម៉េង ប៊ុនឡូ ដែលអ្នកនិពន្ធកាត់ប្លង់ស៊ិចស៊ីនោះចោល។ យ៉ាងណាមិញ នាងថានោះគឺដោយសារតែដើម្បីលោក ម៉េង ប៊ុនឡូ ប៉ុណ្ណោះ បើក្រៅពីលោក គឺទោះជាឱ្យថ្លៃនាងប៉ុន្មានក៏មិនទទួលថតដែរ។
ញឹម ចាន់ថន បានថ្លែងក្នុងវេទិកាសន្និសីទកាសែត ដែលបានធ្វើឡើងនៅភោជនីយដ្ឋានវីហ្វ្រេនបឹងត្របែកថា ជាលើកទី១ដែលកញ្ញាហ៊ានថតដោះអាវ ដោយមិនមានបច្ចេកទេសបិទបាំង ដែលមានន័យថាបើទោះជាអ្នកទស្សនាបានឃើញត្រឹមតែខ្នង ប៉ុន្តែនៅក្នុងពេលថត គឺលោក ម៉េង ប៊ុនឡូ និងក្រុមការងារសុទ្ធតែបានឃើញគ្មានសល់ បើទោះជាក្នុងប្លង់នោះរាងព្រាលៗងងឹតបន្តិច។ នាងថាការហ៊ានថតនោះ មិនមែនចង់ល្បីនោះទេ ប៉ុន្តែដោយសារតែភាពយន្តរឿង«ចិញ្ចៀន»គឺជារឿងដែលនាងដាក់ហ៊ុន25ភាគរយ ហើយលោកម៉េង ប៊ុនឡូ 50ភាគរយ និងទូច ស្រីលក្ខណ៍ 25ភាគរយ ដែលមានន័យថារូបនាងក៏ជាម្ចាស់មួយរូប និងមិនចង់ឱ្យប្លង់ដែលលោក ម៉េង ប៊ុនឡូ និពន្ធឡើងមិនអាចថតកើត ទើបលោកសម្រេចចិត្តសម្ដែង។ នាងនិយាយថា«ក្នុងរឿងខ្ញុំអត់មានប្រើបច្ចេកទេសបិទបាំងអីទេ គឺដោះអាវមែនទែន ហើយហេតុផលដែលខ្ញុំហ៊ានថត គឺដោយសារតែខ្ញុំគិតថាតួប្រុសដែលឃើញយើងនៅក្នុងពេលនោះ គឺជាលោក ម៉េង ប៊ុនឡូ ដែលមានអារម្មណ៍ដូចបងប្អូន ប៉ុន្តែបើឱ្យផលិតករណាផ្សេងមកហៅថតចឹង គឺអត់ថតទេ!»។
ក្រៅពីថតដោះអាវដោយមិនខ្មាស់តួប្រុស ក្នុងរឿង«ចិញ្ចៀន»ក៏មានឈុតឆាកតម្រូវឱ្យនាងត្រូវជិះខ្សែរ៉ត ដើម្បីធ្វើជាខ្មោចហោះចុះហោះឡើង នៅតំបន់មាត់ជ្រោះ ដែលជាប្លង់ស្រាវខ្លួន ភ័យរឿងគ្រោះថ្នាក់ផងដែរ។ នាងនិយាយថាសម្រាប់ភាពយន្តបរទេសគេប្រើបច្ចេកទេសដាក់ពូក និងម៉ាស៊ីនដើម្បីការពារហានិភ័យ ប៉ុន្តែសម្រាប់រូបនេះ គឺអត់មានអ្វីទាំងអស់ ដោយមានតែខ្សែរ៉តមួយទាញចុះទាញឡើង ហើយក៏តម្រូវឱ្យថតទម្លាក់ពីលើជ្រោះយ៉ាងស្រាវសាច់តែម្ដង។ ក្នុងនោះក៏មានបង្ហាញពីតំបន់ដែលមានទេសភាពស្អាតចំនួន4ខេត្តក្នុងខេត្តកំពង់ស្ពឺ ព្រះវិហារ កំពង់ចាម និងកំពតដែលមនុស្សភាគច្រើនមិនធ្លាប់ទៅដល់ផងដែរ ទើបនាងរំពឹងយ៉ាងខ្លាំងថាស្នាដៃរបស់ខ្លួននឹងទទួលជោគជ័យ។
លោកម៉េង ប៊ុនឡូ បានអះអាងថាក្នុងភាពយន្តលោកសម្រេចធ្វើឡើងដោយមានភាគហ៊ុន3នាក់ គឺលោក50ភាគរយ កញ្ញាញឹម ចាន់ថន 25ភាគរយ និងកញ្ញា ទូច ស្រីលក្ខណ៍ 25ភាគរយ ហើយផលិតកម្មចក្រវាឡពេជ្រ គឺជាអ្នកជ្រោមជ្រែងពីក្រោយ។ ក្នុងភាពយន្តរឿង«ចិញ្ចៀន»នេះ គឺមានរឿងរ៉ាវពាក់ព័ន្ធនឹងចិញ្ចៀនទាំំងអស់ ដោយក្នុងរឿងទាំំងមូលមានឈុតភ័យរន្ធត់ និងសំណើចពាក់កណ្ដាលស្មើគ្នា ហើយក្រៅពីនោះបង្ហាញពីក្បាច់គុនល្បុក្កតោ តំបន់ទេសចរណ៍ និងឈុតឆាកស្នេហារ៉ូម៉ាទិក។ ភាពយន្តនេះ ប្រកាសដាក់បញ្ចាំងផ្លូវការគ្រប់រោង នៅថ្ងៃទី3 មករា ដើមឆ្នាំ ដោយអ្នកទិញសំបុត្រទស្សនា ក៏មានឱកាសឈ្នះរង្វាន់ចិញ្ចៀនពេជ្រតម្លៃ1500ដុល្លារ ក្នុងការចាប់ឆ្នោតនៅពេលទម្លាក់រឿងផងដែរ។ លោកសរសើរកញ្ញា ញឹម ចាន់ថន ដែលហ៊ានថតដោះអាវនៅចំពោះលោក ខណៈដែលលោកបង្ហាញការបារម្ភតាំងពីដើមទី នឹងពិបាករកតួស្រីហ៊ានថតឈុតនេះ ប្រសិនបើមិនមែនជាញឹម ចាន់ថន ដែលជាតួជិតស្និទ្ធ៕

January 1, 2019
តើគួរជ្រើសរើសវ៉ែនតាបែបណា ឱ្យស័ក្ដិសមនឹងភ្នែករបស់អ្នក?
ជឿថាមនុស្សភាគច្រើននៅក្នុងសម័យកាលបច្ចុប្បន្ននេះ បានជ្រាបដឹងអំពីគ្រោះថ្នាក់នៃកម្ដៅថ្ងៃកើតឡើងចំពោះស្បែក ហើយក៏មានការការពារស្បែកដោយប្រើប្រាស់ឡេការពារកម្ដៅថ្ងៃជាច្រើនផលិតផល ដែលមានលក់នៅលើទីផ្សារផងដែរ។ ការផ្សព្វផ្សាយពាណិជ្ជកម្មបានប្រាប់អតិថិជនថា គ្រោះថ្នាក់ចំពោះស្បែក ដោយសារកម្ដៅថ្ងៃអាចនឹងធ្វើឱ្យស្បែកខ្មៅជាំ ស្បែកឡើងប្រេះ ស្ងួត ស្រអាប់ មិនស្រស់ថ្លា ហើយគ្រោះថ្នាក់ធ្ងន់ធ្ងរ អាចនឹងកើតជំងឺមហារីកស្បែក ដោយសារកាំរស្មីយូវី (UV)។ គ្រូពេទ្យជំនាញបានប្រាប់ឱ្យដឹងថា កាំរស្មី UV មិនត្រឹមតែមានគ្រោះថ្នាក់ចំពោះស្បែកតែមួយប៉ុណ្ណោះទេ តែវាក៏បង្កគ្រោះថ្នាក់យ៉ាងសាហាវចំពោះភ្នែករបស់អ្នកដូចគ្នាដែរ។ កាំរស្មីព្រះអាទិត្យមួយនេះ បានបង្កឱ្យភ្នែកមានអាការឈឺចុកចាប់ដូចជា ក្រហាយភ្នែក ហូរទឹកភ្នែក ភ្នែកឡើងក្រហម ភ្នែកឡើងសរសៃក្រហមតូចៗ ភ្នែកឡើងបាយ ទឹកដក់ក្នុងភ្នែក និងរលាកប្រស្រីភ្នែកជាដើម។ ទោះជាយ៉ាងណាក៏ដោយ មានមនុស្សភាគតិចណាស់ ដែលបានចាប់អារម្មណ៍ការពារភ្នែកពីកម្ដៅថ្ងៃ ខណៈដែលពួកគេធ្វើដំណើរលើផ្លូវវែងឆ្ងាយ។ ការការពារភ្នែកពីកាំរស្មី UV ជារឿងដ៏សំខាន់បំផុត ដែលអ្នកត្រូវយកចិត្តទុកដាក់ចំពោះសុខភាពភ្នែករបស់អ្នក។ មានវិធីសាស្ត្រជាច្រើនដែលគ្រូពេទ្យជំនាញបានណែនាំ តែទស្សនាវដ្ដី ឡារ៉ែន សូមលើកយកនូវវិធីប្រើប្រាស់វ៉ែនតាការពារកម្ដៅថ្ងៃ សម្រាប់ចែកជូនប្រិយមិត្តអ្នកអានឱ្យបានជ្រាបដូចតទៅ។
1. តើធ្វើដំណើរផ្លូវឆ្ងាយត្រូវប្រើ វ៉ែនតាខ្មៅ ឬវ៉ែនតាការពារកាំរស្មី UV?
វ៉េនតាខ្មៅការពារកម្ដៅថ្ងៃ ឬកាំរស្មី UV ជាទូទៅគឺមាន7ពណ៌ដូចជា ពណ៌ស្វាយ ពណ៌ទឹកសមុទ្រ ពណ៌ខៀវ ពណ៌បៃតង ពណ៌លឿង ពណ៌ការ៉ុត និងពណ៌ក្រហម។ ពណ៌ទាំងអស់នេះសុទ្ធសឹងតែជាពណ៌ដែលអាចទប់ទល់នឹងកម្ដៅថ្ងៃបានយ៉ាងល្អ ដូច្នេះរាល់វ៉ែនតាការពារកម្ដៅថ្ងៃនីមួយៗ តែងមានពណ៌ទាំងអស់នេះ ចម្រុះគ្នានៅក្នុងសាច់កញ្ចក់វ៉ែនតា និងទៅតាមការនិយមពេញចិត្តរបស់អ្នកប្រើប្រាស់ ក្នុងការរៀបចំស្ទាយល៍រៀងៗខ្លួន។ យ៉ាងណាមិញ បើទោះបីជាពណ៌ដែលបានរៀបរាប់ទាំងអស់នេះ អាចការពារពន្លឺព្រះអាទិត្យបានក្ដី ក៏វាមិនអាចទប់ទល់បានពេញ100%បាននោះទេ។ អ្នកត្រូវបន្ថែមនូវបន្ទះការពារកាំរស្មី UV មួយជាន់ទៀត។ នៅលើកញ្ចក់វ៉ែនតាដែលបានសរសេរថា UV 400 ឬ UV 100% នោះសុទ្ធសឹងតែមានការបញ្ជាក់ការពារយ៉ាងត្រឹមត្រូវ។ តែយ៉ាងណាមិញ អ្នកមិនគួរជ្រើសរើសប្រើប្រាស់វែ៉នតាដែលមានពណ៌ខ្មៅខ្លាំង ឬកញ្ចក់ខ្មៅតែម្ដងនោះទេ ព្រោះថា ពណ៌ខ្មៅ វាជាពណ៌ដែលស្រូប ឬចម្លងកម្ដៅថ្ងៃបានយ៉ាងប្រសើរបំផុត នោះវាអាចនឹងងាយស្រូបកម្ដៅចូលក្នុងរង្វង់ភ្នែករបស់អ្នក នាំឱ្យភ្នែករបស់អ្នកងាយរងគ្រោះថ្នាក់ទៅវិញ។
2. ការជ្រើសរើសវ៉ែនតាឱ្យស័ក្ដិសមនឹងអ្នក
* វ៉ែនតាដែលការពារភ្នែកពីកាំរស្មីព្រះអាទិត្យបាន100%។
* ជ្រើសរើសមុខកញ្ចក់ដែលអាចបិទបាំងរង្វង់ភ្នែកបានពេញ មិនឱ្យត្រូវពន្លឺថ្ងៃ ដើម្បីការពារភ្នែកមិនឱ្យឡើងជាំខ្មៅ ។
* វ៉ែនតាត្រូវបន្ថែមបន្ទះការពារកាំរស្មីយ៉ាងហោច1ជាន់បន្ថែមទៀត ត្រូវពិនិត្យ និងសាកល្បងមើលជាមួយពន្លឺថ្ងៃថាតើ មានពន្លឺចូលភ្នែកដែលឬទេ? មុននឹងសម្រេចចិត្តទិញយកមកប្រើ។
* ជ្រើសរើសវ៉ែនតាដែលផ្ទុយនឹងទម្រង់មុខរបស់អ្នក ដូចជា អ្នកដែលមានមុខមូល មិនគួរជ្រើសវ៉ែនតាណា ដែលមានរូបរាងមូលដែរនោះទេ។
* ទំហំនៃកញ្ចក់វ៉ែនតាត្រូវតូចល្មមសមនឹងទំហំមុខរបស់អ្នក។
* វ៉ែនតាដែលអ្នកពាក់ចាំបាច់ត្រូវតែសមស្របទៅនឹងបុគ្គលិកលក្ខណៈរបស់ខ្លួនអ្នកផងដែរ។ មានន័យថា បើអ្នកជាមនុស្សសុភាពរាបសារ មិនគួរពាក់វ៉ែនតាណាដែលមានម៉ូដហ៊ឺហារ ឡូយឆាយជ្រុលពេកនោះទេ។
3. ការប្រើប្រាស់កញ្ចក់កែវភ្នែក (Contact Lens)
គ្រូពេទ្យជំនាញ បានប្រាប់ឱ្យដឹងថា ការប្រើកញ្ចក់កែវភ្នែក ឬ Contact Lens នៅក្នុងកម្ដៅថ្ងៃអាចមានផលអាក្រក់ ដូចជា មានឱកាសឆ្លងមេរោគ ធ្វើឱ្យភ្នែកស្ងួត និងកញ្ចក់ភ្នែកខ្វះអុកស៊ីហ្ស៊ែន ជាពិសេសកញ្ចក់ Lens ដែលឃោសនាថា មានទឹកជាសមាសធាតុផ្សំច្រើននោះ គឺអាចធ្វើឱ្យភ្នែកស្ងួតលើសដើម។ សម្រាប់កញ្ចក់ Lens ពណ៌ផ្សេងៗនោះ ម៉ាកខ្លះមិនមានស្តង់ដារ អាចធ្វើឱ្យអាល់លែកហ្ស៊ី រលាក ឬធ្វើឱ្យស្ងួតភ្នែកលើសដើម ដោយសារកញ្ចក់ Lens ប្រភេទនេះក្រាស់ជាងធម្មតា រីឯកញ្ចក់ពា Lens មួយចំនួនទៀត អាចកោងខុបខ្លាំង ដើម្បីឱ្យអ្នកពាក់មើលទៅឃើញភ្នែកធំ នោះវាធ្វើឱ្យកញ្ចក់ Lens កោង អាចសង្កត់គែមកញ្ចក់ភ្នែកកាន់តែខ្លាំងឡើង។ សម្រាប់ការថែទាំកែវភ្នែក បើអ្នកពាក់កញ្ចក់ Lens នោះ អ្នកត្រូវថែទាំជាពិសេស មិនថាជាកញ្ចក់ Lens បែបមីញ៉ូប ឬកញ្ចក់ Lens បែបពណ៌ផ្សេងៗនោះទេ អ្នកគួរតែត្រៀមនូវទឹកលាងសម្អាតកញ្ចក់ភ្នែក (ទឹកភ្នែកសិប្បនិម្មិត) ដែលមានលក់ទូទៅ សម្រាប់លាងសម្អាត និងកម្ចាត់មេរោគឱ្យបានល្អ៕
December 31, 2018
អីយ៉ាៗ!! នីឡា និងតារាខ្មែរគ្រវីសក់មិនចាញ់យាយគ្រវីសក់ប៉ុន្មានទេ តោះមើល…
បើតាមការបង្ហោះរបស់លោក ពែកមី បានឱ្យឃើញថា តារាសម្ដែងស្រី នីឡា បេប៊ី នាយព្រែកនិងព្រះកាយច័ន្ទ បានបញ្ចេញក្បាច់រាំគ្រវីសក់អមសងខាងលោក ពែកមី និងឌីជេ ប៊ីអាយជី កម្សាន្ដយ៉ាងសប្បាយរីករាយ ដែលហាក់បីដូចជាកម្របានឃើញសកម្មភាពក្រៅឆាកយ៉ាងសប្បាយបែបនេះកន្លងមក។
លោក ពែកមី បានប្រាប់ឱ្យដឹងថា «មើលលេងកុំជេរ ក្រោយឆាកខ្លាំងជាងលើឆាកទៀត ខិខិសប្បាយនឹងការងារ»។ ក្រោយពីបានបង្ហោះវីដេអូនេះ អ្នកគាំទ្រលាន់មាត់ថា នីឡា និងព្រះកាយច័ន្ទ បញ្ចេញស្ទាយគ្រវីសក់មិនចាញ់យាយគ្រវីសក់នៅថៃប៉ុន្មាននោះទេ ពោលគឺ ទប់សំណើចមិនជាប់ ហិហិហិ…..។
ចង់ដឹងថា នីឡា និងតារាស្រីស្អាតៗមានសកម្មភាពបែបណានោះ សូមទស្សនាវីដេអូខាងក្រោមនេះ ៖
December 31, 2018
សប្បាយថតរូបស្អាតៗជាមួយភ្លើងកាំជ្រួចនៅ វិមានឈ្នះ-ឈ្នះ នាថ្ងៃឆ្លងឆ្នាំសកល
រយៈពេលពីរថ្ងៃនេះ គេឃើញមានអ្នកចូលរួមមានរហូតដល់រាប់ម៉ឺននាក់ ដោយមានមនុស្សកកកុញជាងពិធីបុណ្យអុំទូក ជួបជុំមើលការបាញ់កាំជ្រួចនៅឯវិមានឈ្នះ-ឈ្នះ។
យោងតាមរបាយការណ៏របស់គណៈកម្មការរៀបចំពិធីសម្ពោធវិមាន ឈ្នះ ឈ្នះ បានឱ្យដឹងថា ពិធីសម្ពោធនេះ គម្រោងរយៈពេល៣ថ្ងៃ ដោយមានអុជកាំជ្រូចប្រភេទ3D សរុបចំនួន2ម៉ោង និង15នាទី ដោយនៅថ្ងៃទី29 បាញ់នៅវេលាម៉ោង៧យប់ មានរយៈពេល45នាទី នៅថ្ងៃទី30បាញ់នៅវេលាម៉ោង7យប់ មានរយៈពេល30នាទី និងថ្ងៃទី31 ដែលជាថ្ងៃឆ្លងឆ្នាំផងនោះ គឺបាញ់កាំជ្រួច នៅវេលាម៉ោង12យប់ ហើយមានរយៈពេលដល់1ម៉ោងពេញ។
គួរបញ្ជាក់ថា ពិធីនេះ ក៏មានការតាំងពិព័រណ៍ពាណិជ្ជកម្ម ពិព័រណ៍ទេសចរណ៍ ម្ហូបអាហារ ក្បួនជិះកង់កម្សាន្ត ការប្រដាល់គុនដណ្តើមខ្សែក្រវ៉ាត់ពិភពលោក អុកចត្រង្គ ប្រណាំងរទះគោ ក្របី រទះសេះ ការប្រគំតន្ត្រី ការសម្តែងរបាំផងដែរ៕
សូមទស្សនារូបភាពស្អាតៗអមដោយរស្មីកាំជ្រួចនៅវិមានឈ្នះ-ឈ្នះ ដែលបានបង្ហោះលើបណ្ដាញសង្គមហ្វេសប៊ុក៖

ប្រភពរូបភាព៖ David Tito Sorn DaVid
December 31, 2018
ទេព បូព្រឹក្ស ធ្វើឱ្យកុមារកំព្រានិងកុមាររងគ្រោះនូវសេពសន្ឋវៈញញឹមបិទមាត់មិនជិត
ក្រោយពីផ្ទុះរឿង កញ្ញា ទេព បូព្រឹក្ស ដែលជាតារាចម្រៀងដ៍ល្បីមួយរូប ដែលត្រូវគេជះសា្របៀរ និងយកកំប៉ុងស្រាបៀរគប់ កាលពីវេលាម៉ោង 9 និង50នាទីយប់នៅចំនុចភោជនីយដ្ឋានមួយកន្លែង ឈ្មោះ “សមុទ្រ”។ ថ្មីៗនេះរឿងរ៉ាវដ៏ក្ដៅគគុកពេញបណ្ដាញសង្គមហ្វេសប៊ុក ក៏បានបញ្ចប់ដោយជនបង្កព្រមសងជំងចិត្តចំនួន 1 ម៉ឺនដុល្លារនិងសុំទោសជាសារធារណៈ។
តែយ៉ាងណាមិញ ទេព បូព្រឹក្ស ក៏មិនបានបង្អង់យូរទេ នាងបានយកថវិកាដែលបានពីសំណងនេះយកទៅជួយសិល្បករកំពុងសម្រាកព្យាបាលជំងឺដូចជា លោកពូ សានម៉ៅ លោកពូ ក្ដឹប កីឡាករ អេ រដ្ឋា និងមន្ទីពេទ្យគន្ធបុប្ផា។ ជាក់ស្តែងនៅថ្ងៃនេះ កញ្ញាក៏បានយកថវិកាទៅជួយដល់អង្កការ អាហ្វេស៊ីបកម្ពុជា ដែលមូលហេតុដោយសារតែកញ្ញា ឃើញនិងដឹងព័ត៌មានថា កុមារកំព្រាដែលរស់នៅក្នុងអង្គការនេះ គឺជា ជនរងគ្រោះដោយសារតែត្រូវជនអគតិមួយចំនួនចាប់រំលោភនូវសេពសន្ឋវៈ ពីឪពុកនិងបុគ្គលដទៃ ព្រមទាំងអ្នកខ្លះទៀតត្រូវបានបៀតបៀនកេរ្តិ៍ខ្មាស់និងរំលោភសិទ្ឋកុមារផងដែរ ទើបធ្វើឱ្យកញ្ញាមានចិត្តអាណិតអាសូររហូតបានមកដល់អង្គការនេះតែម្តង។
តារាស្រីរូបនេះបានធ្វើឱ្យស្នាមញញឹមរបស់កុមារកំព្រានិងកុមាររងគ្រោះនូវសេពសន្ឋវៈ ដែលរស់នៅក្នុងអង្គការអាហ្វេស៊ិបកម្ពុជា មានភាព សើច សប្បាយរីករាយហើយអ្វីដែលរឹតតែធ្វើឱ្យតារារូបនេះមានការភ្ញាក់ផ្អើលនោះ គឺបានជួបនិងតារាហូលីវូត2នាក់ប្តីប្រពន្ឋនៅទីនោះថែមទៀតផង ដែលពួកគាត់បានអញ្ជើញមកលេងអង្គការហ្វាស៊ីនេះដែរ ។ ដោយកញ្ញាទេព បូព្រឹក្សបានរៀបរាប់ថា«តើអ្នកទាំងអស់គ្នា ស្គាល់ពួកគាត់ទេ ខ្ញុំដឹងថាអ្នកទាំងអស់គ្នាច្បាស់ជាបានស្គាល់ពួកគាត់រួចមកហើយ ព្រោះពួកគាត់ជាតារាហូលីវូត ថ្ងៃនេះយើងបានមកជួបប្អូនៗ នៅអង្គកាអាហ្វេស៊ីបកម្ពុជា សំរាប់នាងខ្ញុំក្នុងថ្ងៃនេះ បានយកថវិកាមួយចំនួនមកជូនដល់អង្គអាហ្វេស៊ីបកម្ពុជា»៕

December 31, 2018
ហេតុអ្វីបានជាបដិវត្តន៍ឧស្សាហកម្មទី4 ត្រូវការការអប់រំសិល្បៈកាន់តែច្រើន?
នៅក្នុងយុគសម័យឧស្សាហកម្មអ្នកជំនាញផ្នែកបច្ចេកវិទ្យា និងបច្ចេកទេសជាផ្នែកដែលមានតម្រូវការខ្ពស់បំផុត ព្រោះគ្រប់ផលិតកម្មទាំងអស់សុទ្ធតែត្រូវការអ្នកជំនាញ តែក្រោយពេលពិភពលោកបោះជំហានទៅមុខមួយជំហានទៀតអ្នកជំនាញបច្ចេកទេសទាំងអស់ត្រូវតែមានផ្នែកសំខាន់មួយទៀតដើម្បីទប់លំនឹងរបស់ខ្លួនក្នុងទីផ្សារការងារ។ ផ្នែកដ៏សំខាន់នោះ គឺសិល្បៈដោយបូករួមទាំងសិល្បៈនៃការរស់នៅ សិល្បៈនៃការធ្វើការងារ និងសិល្បៈក្នុងការធ្វើអាជីវកម្មជាដើម។
បច្ចុប្បន្ននេះ វិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) ជាផ្នែកសំខាន់បំផុតសម្រាប់ពិភពលោក តែចរន្តនាពេលអនាគត មុខវិជ្ជាសំខាន់នេះនឹងត្រូវប្តូរទៅជា STEAM ដោយបញ្ចូលនូវសិល្បៈដែលជាមុខវិជ្ជាមួយដែលម៉ាស៊ីនមិនអាចធ្វើជំនួសមនុស្សបាន។ យោងតាមទិន្នន័យរបស់វេទិកាសេដ្ឋកិច្ចពិភពលោកសម្រាប់ការងារអនាគតឆ្នាំ2018 (World Economic Forum’s Future ofJobs report 2018) បានឱ្យដឹងថា ការងារបច្ចេកវិទ្យានិងបច្ចេកទេសបានបង្កើនការប្រកួតប្រជែងយ៉ាងខ្លាំងជាមួយការងារ និងអាជីពប្រពៃណី។ ហើយចំណុចដែលធ្វើឱ្យអ្នកជំនាញបច្ចេកវិទ្យាទាំងអស់នោះអាចទាញយកឱកាសការងារពីផ្នែកផ្សេងៗបានគឺ ទេពកោសល្យដែលពួកគេមាន អាចបង្កើតសមត្ថភាព និងប្រសិទ្ធភាពខ្លាំងសម្រាប់ស្ថាប័ន។
របាយការណ៍ខាងលើបានបង្ហាញផងដែរថា មនុស្សចាំបាច់ត្រូវតែមានជំនាញសិល្បៈ ដែលជាផ្នែកទន់បន្ថែមលើទេពកោសល្យដែលមានស្រាប់នៅក្នុងខ្លួន ស្របពេលដែលពួកគេប្រើប្រាស់បច្ចេកទេស និងឧបករណ៍ទំនើបដើម្បីដោះស្រាយបញ្ហា។ ចាប់ពីពេលនេះទៅ មនុស្សចាំបាច់ត្រូវតែបង្កើនសមត្ថភាពឱ្យបានលើសពីអ្វីដែលមនុស្សមានក្នុងឆ្នាំ2010 ឬ2018។
មានអ្នកជំនាញខ្លះ គាត់ចេះខ្លាំងលើជំនាញបច្ចេកវិទ្យា ឬជំនាញបច្ចេកទេស តែគាត់មិនមានសិល្បៈក្នុងការរស់នៅ និងធ្វើការងារឱ្យបានល្អ ហេតុនេះគាត់ចាំបាច់ត្រូវតែបន្ថែមជំនាញទាំងអស់នោះដើម្បីធានាពីសុវត្ថិភាពការងាររបស់គាត់ ព្រោះអនាគតទៅ ទោះបីជាការងាររបស់អ្នកបច្ចេកវិទ្យាក៏ដោយ ក៏ម៉ាស៊ីនអាចធ្វើជំនួសបានដែរ និងមិនមែនជំនួសបានត្រឹមតែការងារតិចតួចនោះទេ។
ជំនាញសិល្បៈដែលអ្នកជំនាញបច្ចុប្បន្នគួរមានបន្ថែមនោះគឺ៖
1.សិល្បៈច្នៃប្រឌិតអ្នកជំនាញក្នុងវិស័យបច្ចេកវិទ្យា ឬវិទ្យាសាស្ត្រភាគច្រើនជាមនុស្សដែលមានសមត្ថភាពធ្វើការងារបានល្អ ហើយរហ័សជាងអ្នកដទៃ តែអ្វីដែលចាំបាច់ត្រូវមាននាពេលខាងមុខ គឺភាពច្នៃប្រឌិតដើម្បីដើរចេញឱ្យផុតពីភាពដដែល។ នៅពេលមនុស្សត្រូវបានជំនួសដោយម៉ាស៊ីន ការច្នៃប្រឌិតជាផ្នែកសំខាន់មួយដែលមិនរងការប៉ះពាល់ ព្រោះម៉ាស៊ីនអាចធ្វើការងារបានល្អឥតខ្ចោះតែលើការងារដំឡើង កែច្នៃ ឬរៀបចំចង្វាក់ផលិតកម្មប៉ុណ្ណោះ តែគ្មានសមត្ថភាពបង្កើតរបស់ថ្មីៗ ឬធ្វើនវានុវត្តន៍នោះទេហេតុនេះការងារសំខាន់ៗទាំងអស់នេះទាមទារឱ្យមានមនុស្សទៅធ្វើ។
សិល្បៈក្នុងការច្នៃប្រឌិត ជាផ្នែករុញកំណើនអភិវឌ្ឍន៍មនុស្សឱ្យកាន់តែខ្លាំង ព្រោះមនុស្សមិនចាំបាច់ខ្វល់ពីការអនុវត្តច្រើនពេកទេ ពួកគេគ្រាន់តែគិតស្រាវជ្រាវរិះរកអ្វីដែលល្អ ពិសោធឱ្យបានជោគជ័យ ម៉ាស៊ីននឹងធ្វើការងារទាំងអស់នោះជំនួសមនុស្ស ដែលវានឹងធ្វើឱ្យសមិទ្ធផលថ្មីៗកើតឡើងយ៉ាងឆាប់រហ័ស ហើយដោះស្រាយតម្រូវការមនុស្សបានកាន់តែច្រើនជាងមុន។
2. សិល្បៈក្នុងការគ្រប់គ្រងមនុស្សបើទោះបីជាការងាររបស់មនុស្សមួយចំនួនធំ ត្រូវបានដណ្តើមដោយម៉ាស៊ីនក៏ដោយ តែមនុស្សក៏មិនមែនអស់ការងារធ្វើដែរ។ ចរន្តនៃបដិវត្តន៍ឧស្សាហកម្មទី4 គឺផ្លាស់ប្តូរការងាររបស់មនុស្សពីការទទួលខុសត្រូវតិច ទៅធ្វើការងារកាន់តែធំជាងមុន។ ការងារលីសែង លើកដាក់ ដំឡើង និងរៀបចំកំប៉ិកកំប៉ុកនឹងត្រូវបានធ្វើដោយម៉ាស៊ីន តែគ្រប់កន្លែងការងារមិនអាចអវត្តមានមនុស្សបានទេ។ មនុស្សនឹងផ្លាស់ទីពីអ្នកធ្វើដោយផ្ទាល់ទៅជាអ្នកបញ្ជា និងត្រួតពិនិត្យលើភាពមិនប្រក្រតីវិញម្តងហេតុនេះដើម្បីឱ្យមានការរីកចម្រើន មនុស្សនៅតែត្រូវការសិល្បៈនៃការគ្រប់គ្រងមនុស្ស។
សិល្បៈនៃការគ្រប់គ្រងមនុស្សនាពេលអនាគតនឹងកាន់តែមានតម្រូវការខ្ពស់ ព្រោះមនុស្សចាប់ផ្តើមមានសមត្ថភាពខ្លាំងជាងមុន ហេតុនេះទាមទារឱ្យអ្នកគ្រប់គ្រងពួកគេទាល់តែចេះទាំងបច្ចេកទេស និងសិល្បៈដឹកនាំខ្លាំងពូកែ៕
December 31, 2018
រដ្ឋមន្ត្រីពាណិជ្ជកម្ម គាំទ្រគម្រោងសាងសង់ប្រព័ន្ធឃ្លាំងស្តុក និងឡសម្ងួតស្រូវ-អង្ករ 10ម៉ឺនតោន
រដ្ឋមន្ត្រីក្រសួងពាណិជ្ជកម្មបានគាំទ្រគម្រោងសាងសង់ប្រព័ន្ធឃ្លាំងស្តុក និងឡសម្ងួតស្រូវ-អង្ករដោយក្រុមហ៊ុនចិនដែលមានសមត្ថភាពសម្ងួតស្រូវសើមចំនួន 10ម៉ឺនតោនក្នុងមួយថ្ងៃ និងអាចស្តុកស្រូវ-អង្ករស្ងួតបានដល់ទៅ 1លានតោននៅតាមខេត្តដែលមានសក្តានុពលក្នុងប្រទេសកម្ពុជា។
ការគាំទ្ររបស់ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មបានធ្វើឡើងអំឡុងពេលជួបពិភាក្សាការងារជាមួយលោក ប៊ី គង់មីន (BI GUANGMIN) ប្រធានក្រុមប្រឹក្សានៃក្រុមហ៊ុន Henan Yuguang International Economic & Technical Cooperation នៅទីស្តីការក្រសួងពាណិជ្ជកម្ម។
ឯកឧត្តម រដ្ឋមន្ត្រី ក៏បានស្នើឱ្យភាគីចិន សហការជាមួយក្រុមហ៊ុនហ្គ្រីនត្រេដ ខិតខំធ្វើការសិក្សារៀបចំគំនូរប្លង់ សាងសង់សម្រាប់ទីតាំងនីមួយៗ ព្រមទាំងធ្វើបញ្ជីចំណាយលម្អិតសម្រាប់ការងារសាងសង់ និងការបំពាក់សម្ភារបរិក្ខារផ្សេងៗ ស្របតាមទំហំទឹកប្រាក់ដែលរដ្ឋាភិបាលបានកំណត់ និងមានភាពច្បាស់លាស់គ្រប់ជ្រុងជ្រោយ ដើម្បីជំរុញកិច្ចការនេះទៅមុខបានរលូន និងទទួលបានជោគជ័យ។
លោក ប៊ី គង់មីន បានគូសបញ្ជាក់ថា ប្រព័ន្ធឃ្លាំងស្តុក និងឡសម្ងួតស្រូវ-អង្ករនេះនឹងនាំមកនូវប្រាក់ចំណូលក្នុងវិស័យស្រូវ-អង្ករកម្ពុជា តាមរយ:ការជំរុញការនាំចេញអង្ករទៅកាន់ទីផ្សារអន្តរជាតិ ក្នុងមួយឆ្នាំ 50ម៉ឺនតោន កាត់បន្ថយការហូរចេញស្រូវទៅប្រទេសជិតខាង ជួយពង្រឹងខ្សែចង្វាក់ផ្គត់ផ្គង់ស្រូវ និងបង្កើនការបញ្ជាទិញសម្រាប់ការនាំចេញ ជាពិសេសធ្វើឱ្យតម្លៃស្រូវ-អង្ករកម្ពុជា មានស្ថិរភាពសម្រាប់កសិករ និងភាគីពាក់ព័ន្ធ។
គួររំឭកផងដែរថា កាលពីខែវិច្ឆិកា ឆ្នាំ2017 រាជរដ្ឋាភិបាលកម្ពុជាបានចុះអនុស្សរណៈយោគយល់គ្នាស្តីពីគម្រោងជំរុញផលិតកម្មស្រូវ និងការនាំចេញអង្ករ ជាមួយវិស័យឯកជននៃប្រទេសចិន។ នៅក្នុងនោះ ភាគីកម្ពុជា តំណាងដោយក្រសួងសេដ្ឋកិច្ច និងហិរញ្ញវត្ថុ និងក្រសួងពាណិជ្ជកម្ម ហើយភាគីចិន តំណាងដោយក្រុមហ៊ុនចំនួន3 គឺ៖ Henan Yuguang International Economic & Technical Cooperation, ធនាគារនីហរ័ណ-អាហរ័ណចិន (the Export-Import Bank of China) និងក្រុមហ៊ុនស៊ីទីក ហ្គ្រុប (CITIC Group Corporation)។
យោងតាមអនុស្សរណៈ ក្រុមហ៊ុនចិន Henan Yuguang International Economic & Technical Cooperation មានកាតព្វកិច្ចទទួលការងារសាងសង់ឡសម្ងួត និងឃ្លាំងស្តុកស្រូវ-អង្ករ នៅក្នុងប្រទេសកម្ពុជា៕
December 31, 2018
កំណាព្យខ្មែរជាទម្រង់អក្សរសិល្ប៍ល្អប្រណីត តែយុវជនមិនសូវចាប់អារម្មណ៍
កម្ពុជាជាប្រទេសដែលមានអរិយធម៌ចំណាស់ជាងគេនៅតំបន់អាស៊ីអាគ្នេយ៍ ដោយក្នុងនោះយើងមានទម្រង់សិល្បៈប្រកបដោយគុណតម្លៃជាច្រើនទម្រង់ ដូចជាស្ថាបត្យកម្ម សិល្បៈវប្បធម៌អរូបិយ និងសិល្បៈអក្សរសិល្ប៍ជាដើម។ នៅក្នុងទម្រង់នៃអក្សរសិល្បិ៍ខ្មែរ កំណាព្យត្រូវបានគេមើលឃើញថាជាទម្រង់អក្សរសិល្ប៍មួយប្រភេទដែលមានប្រជាប្រិយភាពបំផុតកាលពីអតីតកាល ព្រោះកវីនិពន្ធកម្ពុជាបានចងក្រងទុកនូវក្បួនច្បាប់ រឿងព្រេងកថា រួមទាំងអត្ថបទអប់រំជាច្រើនដោយប្រើប្រាស់កំណាព្យកាព្យឃ្លោងដើម្បីទុកជាការកម្សាន្តផង និងការអប់រំផង។ នាពេលបច្ចុប្បន្ននេះ ដោយសារតែសង្គមមានការប្រែប្រួល និងដោយសារតែចរន្តសកលដែលមានភាពយន្ត និងទស្សនីយភាពសម្បូរបែប កំណាព្យហាក់សាបរលាបបន្តិចនៅក្នុងសង្គម ព្រោះយុវជនជំនាន់ថ្មីមិនសូវចាប់អារម្មណ៍។
អ្នកនិពន្ធ និងជាអ្នកអក្សរសាស្ត្រមួយរូបគឺ លោក សុគន្ធ សុខា បានលើកឡើងថា កំណាព្យបច្ចុប្បន្នហាក់មានស្ថានភាពសាបរលាបបន្តិច ព្រោះយុវជនបច្ចុប្បន្នគាត់ងាកមកចាប់អារម្មណ៍ច្រើនលើប្រលោមលោកខ្សែភាពយន្ត និងបច្ចេកវិទ្យាច្រើនជាងការចាប់អារម្មណ៍លើកំណាព្យ។ នាពេលបច្ចុប្បន្ននេះមានប្រជាជនខ្មែរមិនច្រើនទេដែលចេះសរសេរកំណាព្យ កុំថាឡើយដល់ទៅចូលចិត្តកំណាព្យ ហេតុនេះប្រសិនបើមិនចាប់ផ្តើមយកចិត្តទុកដាក់លើវិស័យនេះទេកំណាព្យអាចនឹងធ្លាក់ចុះខ្លាំងជាងនេះទៅទៀត។ បញ្ហាសំខាន់មួយផ្សេងទៀតដែលធ្វើឱ្យវិស័យកំណាព្យស្ថិតក្នុងស្ថានភាពធ្លាក់ចុះ គឺកង្វះការផ្សព្វផ្សាយ។ នៅពេលយើងមិនសូវមានការផ្សព្វផ្សាយ និងលើកទឹកចិត្តមនុស្សឱ្យមើលឃើញពីតម្លៃនៃកំណាព្យខ្មែរ ស្របពេលដែលផ្នែកផ្សេងៗជាច្រើនទៀតកំពុងត្រូវបានផ្សព្វផ្សាយច្រើននោះ យុវជនក៏ដូចជាប្រជាជនខ្មែរទូទៅដែរ ប្រាកដជាបែរចំណាប់អារម្មណ៍ទៅលើរឿងដែលមានមនុស្សច្រើនចាប់អារម្មណ៍មិនខាន។
លោក សុគន្ធ សុខា បាននិយាយថា៖ “យុវជននាពេលបច្ចុប្បន្នចូលចិត្តធ្វើអ្វីមួយឆាវៗ ឬផ្អើលៗតាមគ្នា ហេតុនេះនៅពេលខ្លះ ពួកគេអាចចាប់អារម្មណ៍លើរឿងអ្វីមួយក្នុងរយៈពេលខ្លីៗ ដែលធ្វើឱ្យផ្នែកវប្បធម៌អក្សរសិល្ប៍ ដូចជាកំណាព្យជាដើម មិនសូវត្រូវបានគេយកចិត្តទុកដាក់ ព្រោះគ្មានការគាំទ្រយូរអង្វែង”។
អ្នកនិពន្ធខាងលើបានលើកឡើងផងដែរថាចំពោះសៀវភៅកំណាព្យវិញ យើងសង្កេតឃើញថាមានតិចតួចបំផុតនៅក្នុងទីផ្សារ ព្រោះមិនសូវមានអ្នកណាចាប់អារម្មណ៍អានកំណាព្យនោះទេ ដែលការណ៍នេះនឹងធ្វើឱ្យអ្នកសរសេរ អ្នកនិពន្ធ ឬការបោះពុម្ពផ្សាយអំពីកំណាព្យចាប់ផ្តើមធ្លាក់ចុះ។ ចំពោះការសរសេរនិពន្ធកំណាព្យ និងការផូស្តបង្ហាញនៅក្នុងបណ្តាញសង្គមក៏ដូចគ្នាដែរ គឺមិនសូវមានអ្នកចូលចិត្តអានកំណាព្យ ឬលើកទឹកចិត្តអ្នកសរសេរកំណាព្យឡើយ ដែលកត្តានេះបង្ហាញឱ្យឃើញថា អ្នកសរសេរកំណាព្យមិនសូវទទួលបានការលើកទឹកចិត្តឡើយ។ ការមិនសូវមានការលើកទឹកចិត្តនេះអាចបណ្តាលមកពីបញ្ហាសំខាន់មួយទៀតដែរ គឺគុណភាពរបស់អ្នកសរសេរដែលនៅមិនទាន់បានល្អគ្រប់ជ្រុងជ្រោយហេតុនេះវាក៏ទាមទារឱ្យស្មេរ ឬអ្នកសរសេរកំណាព្យត្រូវពង្រឹងសមត្ថភាពរបស់ខ្លួនបន្ថែមឱ្យកាន់តែទាក់ទាញខ្លាំងឡើងដែរ។
ជុំវិញបញ្ហានេះ លោក ឡុច ចន្ថា ជាអ្នកនិពន្ធកម្ពុជាមួយរូបបានលើកឡើងថា កំណាព្យ គឺជាទម្រង់អក្សរសិល្ប៍ដ៏ល្អឯករបស់កម្ពុជា ព្រោះថា កំណាព្យជាទម្រង់មូលដ្ឋានដែលអាចបំបែកចេញជាអត្ថបទរឿងជាកំណាព្យផង អាយ៉ៃផង បទចម្រៀង និងជាទម្រង់សិល្បៈជាច្រើនដទៃទៀត។ កំណាព្យខ្មែរមានលក្ខណៈពិសេសត្រង់យើងមានបែបបទច្រើន ហើយទម្រង់ទាំងអស់នោះធ្វើឱ្យកំណាព្យមានភាពសម្បូរបែបដែលអាចពណ៌នាបានគ្រប់កាលៈទេសៈ ទាំងការរៀបរាប់ជាដំណើររឿង ការបង្ហាញពីអារម្មណ៍រីករាយ សោកសៅសោកស្តាយ ឬការបង្កើនការអប់រំជាដើម ដែលសុទ្ធតែអាចអន្ទងចិត្តអ្នកអានឱ្យជក់ចិត្តចង់អានរហូតតាំងពីដើមដល់ចប់។
លោក ឡុច ចន្ថា បាននិយាយថា៖ “កំណាព្យខ្មែរជាទម្រង់អក្សរសិល្ប៍យ៉ាងប្រណីតរបស់កម្ពុជា តែបច្ចុប្បន្ននេះវាទាមទារជាចាំបាច់នូវការយកចិត្តទុកដាក់ឡើងវិញ”។
អ្នកនិពន្ធខាងលើបានលើកឡើងផងដែរថាដើម្បីឱ្យកំណាព្យខ្មែររីកលូតលាស់បានលឿន លុះត្រាតែយើងទាំងអស់គ្នាចាប់ផ្តើមផ្តល់តម្លៃដល់អ្នកនិពន្ធតាមរយៈការគាំទ្រស្នាដៃរបស់ពួកគាត់ ការបង្កើតកម្មវិធីប្រកួតប្រជែងដើម្បីផ្តល់ពានរង្វាន់ និងចាប់ផ្តើមបង្កើតស្នាដៃប្រកបដោយគុណតម្លៃល្អៗដើម្បីផ្តល់ជាចំណីអារម្មណ៍ដល់អ្នកអានឡើងវិញ។ ចំពោះអ្នកដែលមិនធ្លាប់អានកំណាព្យ អាចសាកល្បងស្វែងរកស្នាដៃកំណាព្យល្អៗរបស់ខ្មែរយើងមកអានដើម្បីឱ្យដឹងថា ស្នាដៃទាំងអស់នោះមានតម្លៃប៉ុនណា ហើយផ្តល់គុណប្រយោជន៍ច្រើនប៉ុនណា។ ការរំលែកចំណាប់អារម្មណ៍ពីបច្ចេកវិទ្យា ឬទស្សនីយភាពប្លែកៗក្នុងសង្គមបច្ចុប្បន្ន មកគាំទ្រទម្រង់សិល្បៈកំណាព្យខ្មែរអាចនឹងធ្វើឱ្យយុវជនកម្ពុជាកាន់តែច្រើនឡើងមានគំនិតស៊ីជម្រៅ ហើយថែមទាំងអាចរក្សាបាននូវមរតកវប្បធម៌ប្រកបដោយគុណតម្លៃរបស់យើងទៀតផង៕
December 31, 2018
Djokovic តាមស្មើកំណត់ត្រារបស់ Nadal តាមរយៈការឈ្នះពាន Mubadala ទី4
កីឡាករវាយកូនបាល់មានចំណាត់ថ្នាក់លេខ1ក្នុងពិភពលោក Novak Djokovic បានឈ្នះពាន Mubadala World Tennis Championship ជាលើកទី4 កាលពីថ្ងៃសៅរ៍ តាមរយៈការវាយបកដេញតាមពីក្រោយដើម្បីផ្តួលកីឡាករ Kevin Anderson ក្នុងលទ្ធផល 4-6 7-5 និង7-5។
Djokovic ដណ្តើមបានជ័យជម្នះក្នុងការប្រជែងដណ្តើមពិន្ទុកាត់សេចក្តីទី5 នៅពេលប្រកួតជាមួយនឹងកីឡាករសញ្ជាតិអាហ្វ្រិកខាងត្បូង ដែលបានឈ្នះពានក្នុងយុទ្ធនាការមុនបើករដូវកាលមួយនេះកាលពីឆ្នាំមុន។
កីឡាករវ័យ31ឆ្នាំរូបនេះ ធ្លាប់បានឈ្នះព្រឹត្តិការណ៍ដែលមានរយៈពេល3ថ្ងៃមួយនេះ ក្នុងប្រទេសអ៊េមីរ៉ាតអារ៉ាប់រួម កាលពីឆ្នាំ2011 2012 និង2013 ហើយបច្ចុប្បន្ន បានតាមស្មើកំណត់ត្រារបស់កីឡាករ Rafael Nadal នៃការឈ្នះពាននេះជាលើកទី4។
Djokovic ដែលកំពុងតែត្រៀមខ្លួនដើម្បីធ្វើការប្រជែងដណ្តើមពាន Australian Open ជាលើកទី7នៅខែក្រោយនោះ បានឲ្យដឹងថា៖ «ខ្ញុំពិតជាអស់កម្លាំងបន្តិច។ យើងមិនបានរំពឹងទុកថា នឹងលេងរយៈពេល2ម៉ោង និង30នាទីឡើយ នៅមុនពេលចាប់ផ្តើមនៅរដូវកាលនេះ»។
Djokovic ដែលជាម្ចាស់ជើងឯក Wimbledon និង US Open បច្ចុប្បន្ន នឹងត្រូវធ្វើដំណើរទៅកាន់ទីក្រុងដូហា ដើម្បីធ្វើការប្រកួតក្នុងព្រឹត្តិការណ៍ Qatar Open ដែលនឹងចាប់ផ្តើមនៅថ្ងៃចន្ទនេះ។ រូបគេនឹងត្រូវប៉ះជាមួយនឹងកីឡាករបូស្នី Damir Dzumhur ក្នុងការប្រកួតបើកឆាក៕
ប្រភពពី៖ Channel News Asia
December 31, 2018