Category: សង្គម និងសេដ្ឋកិច្ច

  • មកដឹងអាថ៌កំបាំងលោកតាម្នាក់រក្សាវ័យបាន 2XX ឆ្នាំ ជាមនុស្សអាយុវែងជាងគេនៅលើលោក

    មកដឹងអាថ៌កំបាំងលោកតាម្នាក់រក្សាវ័យបាន 2XX ឆ្នាំ ជាមនុស្សអាយុវែងជាងគេនៅលើលោក

    លោកតា លី ឈីងយ៉ុន ត្រូវបានសារព័ត៌មានចិនអះអាងថា ជាមនុស្សដែលមានអាយុវែងជាងគេបំផុតនៅក្នុងពិភពលោកនេះ ហើយបានធ្វើឱ្យមនុស្សជាច្រើនចាប់អារម្មណ៍ និងកើតចម្ងល់ថា ហេតុអ្វីលោកតាមានអាយុវែងម្លេះ? តើពិតដូចជាអ្វីដែលគេនិយាយដែរឬទេ? ថាតើលោកតាមានអាថ៌កំបាំងរក្សាសុខភាពអ្វីខ្លះ? ។ ជាការពិតណាស់ ភាគច្រើនគេមើលឃើញថា មនុស្សចាស់ជនជាតិជប៉ុនដែលមានអាយុរស់នៅបានយូរអង្វែងជាងគេ 122 ឆ្នាំ និង 6 ថ្ងៃ។ តែចំណែកបុរសចំណាស់ខាងលើនេះវិញ អាចថែរក្សាអាយុជីវិតបានវែងមិនធម្មតាឡើយ។

    សៀវភៅកំណត់ហេតុរបស់លោក លី ឈីងយ៉ុន បានរៀបរាប់ថា បានកើតក្នុងឆ្នាំ 1677 និង មរណភាពក្នុងឆ្នាំ 1933 សរុបមានអាយុ 256ឆ្នាំ ហើយក៏មានការស៊ើបអង្កេតពីលោក វ៉ី ជុងឈាន ដែលបានរកឃើញសំបុត្រអបអរបុណ្យកំណើតជូនលោកគម្រប់ខួបទី 150ឆ្នាំ និង ខួបទី 200ឆ្នាំ ។ លោកតា លី ឈីងយ៉ុន ជាអ្នកជំនាញខាង ឱសថបុរាណចិន ដូចជា វល្លិស្មៅជាដើម លើសពីនេះ គាត់ក៏ជាអ្នកពូកែខាងទ្រឹស្ដីជីកុងផងដែរ ។ ហើយកត្តាទាំងពីរនេះដែលអាចឱ្យគាត់រស់រានមានអាយុយឺនយូរដូចនេះ។ លោកបានរៀបរាប់ពីរូបមន្តសម្ងាត់ដើម្បីឱ្យមានអាយុវែងនេះទៅកាន់ស្ដេចត្រាញ់ វ៉ី ប៉ីហ្វូ សម័យសាធារណរដ្ឋចិន 1916 – 1927 មាន4ចំណុចគឺ ៖ ធ្វើចិត្តឱ្យស្ងប់, អង្គុយឱ្យដូចអណ្ដើក ,ដំណើររហ័សដូចព្រាបហើរ ,ដេកដូចសុនក។

    ជាពិសេសជាងនេះទៅទៀត លោកតាបានដើររុករកឱសថរុក្ខជាតិបុរាណចិនតាំងពីលោកមានអាយុ10ឆ្នាំមកម្ល៉េះគឺ បានទៅដល់ដែនដី កាន់ស៊ូ, ទីបេ, អណ្ណាម, ថៃ និង ម៉ាន់ជូ ដើម្បីប្រមូលរុក្ខឱសថទាំងនោះ មកប្រើប្រាស់ បង្កើនអាយុរបស់លោក៕

  • ម្ដាយកំពូលតារាសម្ដែងស្រីអ្នកនាង ស្វែង សុជាតា ទទួលមរណភាព

    ម្ដាយកំពូលតារាសម្ដែងស្រីអ្នកនាង ស្វែង សុជាតា ទទួលមរណភាព

    ពិតជាសោកសៅ ខណៈតារាសម្ដែងមាននិស្ស័យជាតួកាចនិងតួកំសត់ អ្នកនាង ស្វែង សុជាតា កំពុងតែជួបទុក្ខ យ៉ាងក្រៀមក្រំជាទីបំផុត ដែលបាត់បង់អ្នកម្ដាយដែលជាទីស្រឡាញ់ និងគោរពរបស់ខ្លួន។

    នៅថ្ងៃទី8 ខែមករា ឆ្នាំ2019 នេះ អ្នកនាង ស្វែង សុជាតា បានបង្ហាញសារ ជួបទុក្ខក្នុងគ្រួសារក្នុងពាក្យពេចន៍ រៀបរាប់ខ្លី ភ្ជាប់មកជាមួយរូបដូនចាស់ ដែលអ្នកនាង ហៅពេញមាត់ ថាអ្នកម្ដាយ បានតម្កល់ក្នុងមឈូសថា «សូមវិញ្ញាណក្ខន្ធអ្នកម្តាយ បានទៅកាន់សុខគតិភព កុំបីឃ្លៀងឃ្លាតឡើយ»។

    សូមជម្រាបថា អ្នកនាង ស្វែង សុជាតា ជាតារាសម្តែងពោរពេញដោយទេពកោសល្យ និងទទួលបានការកេរ្តិ៍ឈ្មោះល្បីក្នុងវិស័យសិល្បៈសម្ដែងជាយូរណាស់មកហើយ។ តារាស្រីរូបនេះ ត្រូវបានទស្សនិកជនចាត់ទុកថា ជាតារាស្រីជើងចាស់មួយរូបដែលមានទេពកោសល្យខ្ពស់ក្នុងការសម្ដែង មិនថាជាតួកាចឆ្នាស់ ឬតួស្លូតបូតកម្សត់នោះឡើយ ដែលជាហេតុធ្វើឱ្យអ្នកនាងអាចឈានជើងចូលសម្ដែងក្នុងវិស័យភាពយន្តហូលីវូដបានយ៉ាងងាយ។

    ខណៈកំពុងជួបទុក្ខក្រៀមក្រំ មហាជន​ជាច្រើន​បានការផ្ញើ​សារ​ចូលរួម​រំលែក​ទុក្ខ​យ៉ាង​សោកសៅ​ និងឧទ្ទិសឱ្យវិញ្ញាណក្ខន្ធម្ដាយអ្នកនាង បានអញ្ជើញទៅកាន់សុគតិភព៕

  • ស្រីស្អាតអៀរឡង់ Jessie Vard បង្ហាញមុខសង្សារថ្មីហើយ

    ស្រីស្អាតអៀរឡង់ Jessie Vard បង្ហាញមុខសង្សារថ្មីហើយ

    ដូចជាប្រិយមិត្តបានស្គាល់រួចមកហើយ តារាម៉ូដែលវ័យ17ឆ្នាំ នាងJessie Vard ដែលល្បីតែខាង ស៊ិចស៊ី ពេលនេះ នាងបានធ្វើ่ឱ្យអ្នកគាំទ្រខ្មែរ ភ្ញាក់ផ្អើលម្ដងទៀត ក្នុងការបង្ហាញមុខមាត់សង្សារថ្មីរបស់នាង។

    នៅពេលថ្មីៗនេះ ណេតអាយដលសិចស៊ីរូបនេះ បានបង្ហាញភាពផ្អែមល្ហែមឱបរឹតជាមួយគូស្នេហ៍ ដែលធ្វើឱ្យមហាជននឹកស្មានមិនដល់ ព្រោះថា សង្សារថ្មីរបស់នាងរូបនេះ មានទម្រង់មុខដូចជាមនុស្សស្រីដែលនិយមតែងខ្លូនធ្វើប្រុសអីចឹងដែរ។ តែយ៉ាងណាមិញ គូស្នេហ៍ថ្មីរបស់នាង Jessie ត្រូវបានអ្នកគាំទ្រសរសើរថា មានមុខមាត់ស្អាតមិនចាញ់កូនកាត់ប៉ុន្មានទេ។

    សូមរំឭកដែរថា នាង Jessie Vard ជាតារាបង្ហាញម៉ូត ដែលកំពុងតែទទួលបានប្រជាប្រិយភាពក្នុងពេលបច្ចុប្បន្ន ហើយនាងក៏មិនមែនជាកូនកាត់ថៃនោះទេ ដោយនាង ជាជនជាតិ អៀរឡង់ តែមករស់នៅប្រទេសថៃ យូរណាស់មកហើយ។ ជារឿយៗ នាងតែងតែបញ្ចេញក្បាច់រាំ ជាមួយនឹងបទចម្រៀងបរទេស និងបទចម្រៀងថៃតែប៉ុណ្ណោះ។ ហើយកន្លងមករូបនាងក៏បានរាំ Cover ចម្រៀងខ្មែរមួយបទ ដែលផ្ទុះខ្លាំងនៅលើបណ្ដាញសង្គមហ្វេសប៊ុក គឺបទ«មាន់ស្រែ» ច្រៀងដោយ កញ្ញា រ៉ាប៊ី។ ការរាំរបស់នាង ក្នុងបទនេះ គឺមិនសូវត្រូវ ទៅតាមទម្រង់ និង ក្បាច់ប៉ុន្មាននោះទេ ព្រោះនាងបានលាយជាមួយនឹងស្ទីលស៊ីអារម្មណ៍ សាហាវលើសពីការគិត ដែលធ្វើឱ្យអ្នកគាំទ្រ មើលហើយ ចង់ឈាមច្រមុះ៕

  • ក្រោយពីប្រកែក សួស វីសា កាន់តែផ្អែមល្ហែមគ្មានការលាក់លាមស្នេហាជាមួយ ថម មី ទៀតទេ…

    ក្រោយពីប្រកែក សួស វីសា កាន់តែផ្អែមល្ហែមគ្មានការលាក់លាមស្នេហាជាមួយ ថម មី ទៀតទេ…

    ថ្មីៗនេះ គេមើលឃើញទៀតហើយថា តារាស្រីនៅទ្រនំរស្មីហង្សមាស សួស វីសា និងគូស្នេហ៍លោក​ ថម មី ទើបតែដឹកដៃគ្នាដើរលេងកម្សាន្តនៅតាមខេត្ត ជាមួយនឹងគ្រួសារយ៉ាងមានសុភមង្គល ។ ក្រោយពីមហាជនបានឃើញបែបនេះក៏មានការរំភើបចឹត្តជំនួស ព្រោះដោយឃើញភាពស្និទ្ទស្នាលពួកគេកាន់តែប្រសើរឡើងជាពិសេសនោះអ្នកគាំទ្រកំពុងរងចាំដំណឹងល្អក្នុងពេលឆាប់ៗនេះ។

    សួស វីសា ជាតារាដែលកំពុងមានរាសីឡើង បន្ទាប់ពីបានក្ដោបឱកាសគ្រងតំណែងក្នុងកម្មវិធី The Voice Kids Cambodia រដូវកាលទី2 ជំនួស សុគន្ធ​ នីសា ។ កាលពីមុនកញ្ញា សួស វីសា តែងប្រកាសខ្លួនថា នៅទំនេរ​ មិនទាន់ជំពាក់ស្នេហ៍ជាមួយអ្នកណាម្នាក់ទេ តែក្រោយមកបានលេចឮដំណឹងល្ហៀងៗឡើងថា នាងកំពុងបង្ហាត់ភ្លើងស្នេហ៍​ជាមួយលោក ថមមី តែត្រូវបាននាងច្រានចោលទៀតថា «មិនមែនជាការពិតទេ» តែសម្រាប់លោក ប៊ុនថុល ប៊ុនថង ហៅ​ថមមី បានទទួលស្គាល់ថា លោកពិតជាមានទំនាក់ទំនងស្នេហ៍ជាមួយកញ្ញា វីសា មែន ហើយអ្វីដែលលោកកាន់រំភើបចិត្តខ្លាំង នោះ គឺនៅពេលឃើញ សួស វីសា លេចមុខមាត់ និងល្បីរន្ធឺខ្លាំងនៅហង្សមាស។

    ជាក់ស្ដែងនៅពេលនេះ គូស្នេហ៍លាក់មុខមួយគូនេះកំពុងតែបង្ហាញ​ឱ្យមហាជនឃើញភាពផ្អែមល្ហែមជាមួយគ្នាខ្លាំងឡើងៗ និងបានបង្ហោះរូបភាពកាន់ដៃគ្នាដើរលេងកម្សាន្តនៅតាមខេត្ត ជាមួយនឹងគ្រួសារយ៉ាងមានសុភមង្គល ។ ដើម្បីឱ្យជាក់ច្បាស់ សូមទស្សនារូបភាព និងវីដេអូខាងក្រោមនេះ ៖

  • លោក Queiroz វាយ​បក​លើ​ក្រុម​អ្នក​រិះ​គន់វិញ ក្រោយ​ពី​អ៊ី​រ៉ង់លត់ យេម៉ែន ចាស់​ដៃ

    លោក Queiroz វាយ​បក​លើ​ក្រុម​អ្នក​រិះ​គន់វិញ ក្រោយ​ពី​អ៊ី​រ៉ង់លត់ យេម៉ែន ចាស់​ដៃ

    លោក Carlos Queiroz គ្រូបង្វឹកនៃក្រុម​ជម្រើស​ជាតិ​អ៊ី​រ៉ង់ បាន​វាយ​បក​ទៅលើ​ក្រុម​អ្នក​រិះ​គន់ ក្រោយពី​ក្រុម​របស់​លោក​បាន​លត់​ក្រុម​យេម៉ែន យ៉ាង​ចាស់​ដៃ​ក្នុងលទ្ធផល 5-០ កាលពីថ្ងៃ​ចន្ទ ដើម្បី​បង្ហាញ​ពី​ភាពខ្លាំង​របស់​ខ្លួន​ទៅកាន់​​ក្រុម​ជាគូ​ប្រជែង​ពា​ន​។

    អតីត​គ្រូបង្វឹក​របស់​ក្រុម Real Madrid រូបនេះ បាន​កោត​សរសើរ​កីឡាករ​របស់​លោក​សម្រាប់​​​ការ​យក​ឈ្នះ​​លើ​ក្រុម​ខ្សោយ​ជាង​គេក្នុង​​ពូល D ដោយ​ងាយ ក្នុង​ទីក្រុង​អា​ប៊ូ​ដា​ប៊ី ខណៈ​ដែល​ពួកគេ​​បាន​បំ​បាក់​មុខ​​ការ​បង្ហាញខ្លួន​ជាលើក​ទី​1 ​របស់​ក្រុម​​ប្រទេស​ដាច់​ដោច​ដោយ​សង្គ្រាម​មួយ​នេះ ក្នុង​យុទ្ធនាការ Asian Cup​។

    ប៉ុន្តែ អារម្មណ៍​របស់​លោក​បានផ្លាស់​ប្តូរ​​ភ្លាម​ៗ នៅ​ពេល​ដែល​​ត្រូវ​បាន​រំឭក​ពី​អតីត​គ្រូបង្វឹកនៃក្រុម​ជម្រើស​ជាតិ​លោក BrankoI vankovic ដែល​បច្ចុប្បន្នកំពុង​តែ​ដឹកនាំក្រុម​ Persepolis របស់​អ៊ី​រ៉ង់ ហើយ​លោក​បាន​និយាយ​ទាក់​ទង​នឹង​គ្រូបង្វឹក​នៃក្រុម​ជម្រើស​ជាតិ​អ៊ី​រ៉ាក់​លោក SreckoKatanec​។

    គ្រូបង្វឹកសញ្ជាតិ​ព័រ​ទុយ​ហ្គាល់​ដែល​ជា​រឿយ​ៗ​បាន​​ប៉ះ​ទង្គិច​ជា​មួយ​នឹង​មន្ត្រីកីឡា​បាល់​ទាត់​អ៊ី​រ៉ង់ និង​បណ្តាញ​សារ​ព័ត៌​មាចាប់​តាំងពី​ចូល​កាន់​តំណែង​ក្នុង​ឆ្នាំ​2011​ រូបនេះបាន​ឱ្យ​ដឹង​ថា៖ «បច្ចុប្បន្ន យើង​​វិល​​ទៅកាន់​ការ​ងារ​ផ្ទះ​វិញ​​»​​។

    លោក Queiroz ដែល​បាននិយាយ​ទាក់​ទង​នឹង​គ្រូបង្វឹកសញ្ជាតិក្រូ​អាស៊ី​លោក Ivankovic ក្រោយ​ពីការប្រកួត​បើកឆាក​​វគ្គ​ចែកពូល​របស់​ខ្លួន​​នៃយុទ្ធនាការ Asian Cup បាន​បន្ថែម​ទៀត​ថា៖ «នេះ​គឺ​ជា​សុភាព​បុរស​ដែល​​ស៊ាំ​ទៅនឹង​ការ​​ហៅ​កីឡា​បាល់​ទាត់​អ៊ី​រ៉ង់ គឺ​ជា​សៀក​»​​។

    ការ​បង្ហាញ​ពី​ទម្រង់​លេង​​របស់​ក្រុម​ជម្រើស​ជាតិ​អ៊ី​រ៉ង់ក្នុង​ទីក្រុង​អា​ប៊ូ​ដាប៊ីមាន​ភាព​ផ្ទុយ​គ្នា​ស្រឡះ​ទៅនឹង​ក្រុម​​ខ្លាំង​កូរ៉េ​ខាង​ត្បូង ដែល​បាន​​យកឈ្នះ​លើ​ក្រុម​ជម្រើស​ជាតិ​ហ្វីលីពីនទាំង​ត្រដាប​​ត្រដួស ស្រប​ពេល​ដែល​ក្រុម​ជម្រើស​ជាតិ​ចិន បាន​ដណ្តើម​យក​ប្រៀប​ទៅលើ​ការ​ប្រព្រឹត្ត​កំហុស​របស់​អ្នក​ចាំ​ទី ដើម្បី​បំពេញការ​វាយ​បក​វិញ​លើ​ក្រុម​គៀ​ហ្ស៊ី​គីស្ថាន​។

    ក្រុម​ជម្រើស​ជាតិកូរ៉េ​ខាង​ត្បូង បាន​ចាប់​ផ្តើម​យុទ្ធនាការ​របស់​ខ្លួន​តាម​រយៈ​ការ​យកឈ្នះ​លើក្រុម​ជម្រើស​ជាតិ​​​ហ្វីលីពីន ក្នុងលទ្ធផល 1-០ ខណៈ​ដែលក្រុម​ជម្រើស​ជាតិ​ចិន បាន​វាយ​បក​ដើម្បីផ្តួល​ក្រុម​គៀ​ហ្ស៊ី​គីស្ថាន​ 2-1​៕

    ប្រភព​ពី៖ Channel News Asia

  • ចាន់ វឌ្ឍនាកា ជួបគ្រោះថ្នាក់ចរាចរណ៍យប់មិញនេះ

    ចាន់ វឌ្ឍនាកា ជួបគ្រោះថ្នាក់ចរាចរណ៍យប់មិញនេះ

    សារព័ត៌មានឡារ៉ែន ទទួលបានដំណឹងថា លោក ចាន់ វឌ្ឍនាកា ដែលជាកីឡាកបាល់ទាត់ក៏ដូចជាសិល្បករល្បីមួយរូបប្រចាំព្រះរាជាណាចក្រកម្ពុជា រួមនិងមិត្តស្រី ធ្វើដំណើរថយន្តស៊េរីទំនើបមួយគ្រឿងបោះពួយ ឆ្លងផ្លូវលឿនពេកបួងចង្កូតមិនទាន់ជ្រុលបុកខឿនផ្លូវក្រោមស្ពាន អាកាស7មករា បែករាយពេញ ផ្លូវរថយន្តបង្កខូចខាតផ្នែកខាងមុខខាងឆ្វេង យ៉ាងដំណំទៅមុខលែងរួច ជាសំណាងល្អមិនមានអ្នករងបួស។

    ហេតុការណ៍នេះកើតឡើងកាលពីវេលាម៉ោង1និង40នាទីយប់រំលងអធ្រាត្រឈានចូលថ្ងៃអង្គារទី8ខែមករា ឆ្នាំ2019 ស្ថិតនៅខាងក្រោយស្ពានអាកាស7មករា តាមបណ្តោយផ្លូវសហពន្ធ័រុស្សី កែងនិងផ្លូវ271 ភូមិបូរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ។

    ក្រោយកើតហេតុសមត្ថកិច្ចមូលដ្ឋាន បានទំនាក់ទំនងទៅសមត្ថកិច្ចជំនាញចុះមក ធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវ គោករាជធានីភ្នំពេញរងចាំដោះស្រាយគ្នាទៅតាមផ្លូវច្បាប់៕

  • កក្រើកអស់ស្រទាប់មហាជន.. ដៃគូជំនួញស្រីល្បីឈ្មោះក្នុងពិភពសិល្បៈទាំងពីរ យីអ៊ុនដាក់ស្របគ្នា

    កក្រើកអស់ស្រទាប់មហាជន.. ដៃគូជំនួញស្រីល្បីឈ្មោះក្នុងពិភពសិល្បៈទាំងពីរ យីអ៊ុនដាក់ស្របគ្នា

    កាលពីចុងខែវិច្ឆិកា និងដើមខែធ្នូឆ្នាំ2018 រឿងស្រូវរបស់ អ្នកនាង គង់ សុត្រាវី ដែលគេស្គាល់ថាជាម្ចាស់ហាងម្កុដមាសខ្មែរសម្អាងការ និងជាម្ចាស់ហាងមជ្ឈមណ្ឌលថែរក្សាសម្ផស្សឌីសែល ស្ថិតនៅម្ដុំទួលគោល បានធ្វើឱ្យកក្រើកស្រទាប់មហាជនយ៉ាងខ្លាំង ជាពិសេសក្នុងចង្កោមអ្នកលេងហ្វេសប៊ុក បន្ទាប់ពីមានការទម្លាយថា អ្នកស្រីបានជាប់ពាក់ព័ន្ធចំណងស្នេហ៍ជាមួយអតីតឧកញ៉ាល្បីឈ្មោះ ហូ ចំរើន ដោយបានទាំងក្លែងឯកសារដាក់ឈ្មោះលោក ហូ ចំរើន ក្នុងឯកសារគ្រួសាររបស់ខ្លួនថា ឈ្មោះ ហូ សម្បត្តិ ក្នុងពេលដែលលោក ហូ ចំរើន មានភរិយាស្របច្បាប់ម្នាក់រួចទៅហើយ។

    ឈានដល់ដើមឆ្នាំ2019 នេះ អ្នកស្រី ហូវ ដាណេ ថៅកែមជ្ឈមណ្ឌលកែសម្ផស្ស«ឌែម៉ូគ្លីនិក» ដែលត្រូវគេស្គាល់ថាជាដៃគូជំនួញស្អិតរមួតរបស់អ្នកស្រី គង់ សុត្រាវី ក៏មានរឿងអាស្រូវផ្ទុះឡើងដូចគ្នា ដែលធ្វើឱ្យគេចាប់អារម្មណ៍ភ្លាមៗថា ដៃគូជំនួញស្រីល្បីឈ្មោះក្នុងពិភពសិល្បៈទាំងពីរ យីអ៊ុនដាក់ស្របគ្នា ដោយសារតែរឿងអាស្រូវរបស់អ្នកទាំំងពីរ សុទ្ធតែជារឿងផ្អើលស្រទាប់មហាជន ហើយខុសពេលគ្នាតែជាងមួយខែ គឺចុងឆ្នាំ និងដើមឆ្នាំ។

    ព័ត៌មានចុងក្រោយពីតំណាងអយ្យការបានឱ្យដឹងថា អ្នកស្រី ហូវ ដាណេ ត្រូវបានតុលាការចោទលើបទល្មើសចំនួន3 ទី1-បទល្មើសធ្វើអោយប៉ះពាល់ដល់សិទ្ធិខាងរូបភាពនៃបុគ្គលតាមមាត្រា302នៃក្រមព្រហ្មទណ្ឌ ទី2-ពីបទកំហែងយកតាមមាត្រា363 និងមាត្រា364 នៃក្រមព្រហ្មទណ្ឌ និងបទល្មើសទី3-ពីបទការគំរាមកំហែងហែកកេរ្តិ៍តាមមាត្រា272 និងមាត្រា273 នៃក្រមព្រហ្មទណ្ឌ ដែលនេះគឺជាបទបន្ទាប់ពី អ្នកស្រីត្រូវអតិថិជនម្នាក់ដាក់បណ្ដឹងថា បានគំរាមបង្ហោះរូបភាពដេរប្រដាប់ភេទអតិថិជននៅលើបណ្តាញសង្គមហ្វេសប៊ុក ជាថ្នូរការទាមទារប្រាក់រាប់ម៉ឺនដុល្លារអាមេរិក។ ជាមួយនឹងការផ្ទុះឡើងរឿងដ៏រសើបនៅដើមឆ្នាំនេះ មហាជននឹកឃើញភ្លាមៗ ដោយសារតែមុននេះតែរយៈពេលជាងមួយខែ អ្នកស្រី គង់ សុត្រាវី ដែលជាដៃគូជំនួញរបស់អ្នកស្រី ដោយសូម្បីតែទៅណាមកណាក៏ទាំងគូ ដោយមុនផ្ទុះរឿងមានការប្រកាសថា អ្នកស្រីគង់ សុត្រាវី ហ៊ានបើកមជ្ឈមណ្ឌលកែសម្ផស្សឈ្មោះ ឌីសែល ស្ថិតនៅម្ដុំទួលគោល ក៏ដោយសារតែអ្នកស្រី ហូវ ដាណេ ធ្វើជាអ្នកជ្រោមជ្រែង លើបញ្ហាបច្ចេកទេស និងកិច្ចសហការជាមួយអ្នកឯកទេសក្រៅប្រទេស ស្រាប់តែមានរឿងដូចគ្នា។ យ៉ាងណាមិញ អ្នកស្រីគង់ សុត្រាវី នៅមិនទាន់ប្រកាសពីការបើកសម្ពោធហាងកែសម្ផស្សឌីសែលនៅឡើយទេមកទល់នឹងអ្នកស្រី ហូវ ដាណេ មានរឿងផ្លូវច្បាប់នេះ បើទោះជាមុនផ្ទុះរឿង អ្នកស្រី គង់ សុត្រាវី ប្រកាសថាខ្លួន នឹងបើកសម្ពោធហាងឌីសែល ដែលមានសេវាដូចគ្នានឹងហាងឌែម៉ូគ្លីនិក ឱ្យផ្អើលពិភពសិល្បៈ និងមហាជន នៅដើមខែមករានេះ។ អ្នកតាមដានពីរឿងរ៉ាវផ្ទុះឡើងរបស់អ្នកទាំំងពីរ បង្ហាញពីការចាប់អារម្មណ៍យ៉ាងខ្លាំង ដោយសារតែរឿងរ៉ាវរបស់អ្នកដៃគូជំនួញទាំងពីរ សុទ្ធតែកក្រើកមហាជន ហើយខុសត្រូវតែចុងឆ្នាំ និងដើមឆ្នាំ។

    សូមរំឭកថា រឿងអាស្រូវរបស់អ្នកស្រី គង់ សុត្រាវី កើតឡើងដោយសារតែអ្នកស្រីតវ៉ាថា លោក ហូ ចំរើន គឺស្វាមីដើមរបស់ខ្លួន ហើយត្រូវបានភាគីអ្នកជិតស្និទ្ធិរបស់អ្នកស្រីទម្លាយថា លោក ហូ ចំរើន ដែលក្នុងបញ្ជីសៀវភៅគ្រួសាររបស់អ្នកស្រីបានដាក់ឈ្មោះថា ហូ សម្បត្តិ ដែលមានន័យថាមនុស្សម្នាក់ប្រើឯកសារ2ផ្សេងគ្នា មានភរិយាស្របច្បាប់។ អ្នកស្រី គង់ សុត្រាវី ត្រូវបានគេសង្ស័យថាមានជាប់ពាក់ព័ន្ធនឹងករណីបាត់លុយរាប់លានដុល្លារដែល លោក ហូ ចំរើន បានយកពីចិន ហើយមានរឿងដាក់ថ្នាក់ត្រូវគេប្ដឹងផ្ដល់ដាក់ព័ន្ធធនាគារនោះ បន្ទាប់ពីអ្នកស្រីរំលេចជំនួញមិនតិចជាង2លានដុល្លារ ទាំងហាងសម្អាងការ និងហាងកែសម្ផស្សត្រៀមដំណើរការ។ ក្រោយលោក ហូ ចំរើន មានរឿងជាប់ពន្ធធនាគារ ហើយអ្នកស្រី ហូវ ដាណេ ក៏មានបញ្ហាប្រឈមផ្លូវច្បាប់ គេមិនដឹងថាមុខជំនួញរបស់អ្នកស្រីនឹងអាចដំណើរការតាមគម្រោង ឬយ៉ាងណាទេ ប៉ុន្តែអ្វីដែលគេចាប់អារម្មណ៍គឺអ្នកស្រី គង់ សុត្រាវី បានបង្ហាញភាពស្ងប់ស្ងាត់ ដោយសូម្បីតែការផុសបង្អួតពីហ៊ឹហារឯកជន ដោយសូម្បីតែបង្ហោះពីសម្អាងការ និងហាងឌីសែលដែលអ្នកស្រីអះអាងថាចំណាយការសាងសង់ និងបំពាក់បច្ចេកទេសច្រើនជាង1លានដុល្លារ លែងឃើញដូចមុន។ ប្រភពពីតុលាការ ក្រោយធ្លាយដំណឹងថាលោក ហូ ចំរើន ប្រើឈ្មោះហូ សម្បត្តី ហើយលួចរួមរស់ជាមួយអ្នកស្រី ភរិយាស្របច្បាប់របស់លោក ហូ ចំរើន គឺអ្នកស្រី គារ សុខគាង បានសម្រេចចិត្តប្ដឹងលែង ដោយមិនសើរើទ្រព្យសម្បត្តិ ដែលអ្នកស្រី គង់ សុត្រាវី ពាក់ព័ន្ធនឹងលោកហូ ចំរើន មុនជាប់ពន្ធធនាគារឡើយ ទើបឃើញអ្នកស្រី គង់ សុត្រាវី គេចផុតពីបញ្ហាផ្លូវច្បាប់ដូចគ្នានឹង អ្នកស្រី ហូវ ដាណេ មកទល់ពេលនេះ៕

  • ជប៉ុន​ផ្តល់​ហិរញ្ញប្បទាន​ជាង​កន្លះ​លាន​ដុល្លារ សម្រាប់​លើកកម្ពស់​វិស័យ2 នៅ​កម្ពុជា

    ជប៉ុន​ផ្តល់​ហិរញ្ញប្បទាន​ជាង​កន្លះ​លាន​ដុល្លារ សម្រាប់​លើកកម្ពស់​វិស័យ2 នៅ​កម្ពុជា

    ជប៉ុន​ជា​ប្រទេស​ឈានមុខ​គេ​មួយ​នៅក្នុង​តំបន់​ដែល​តែងតែ​ផ្តល់​ជំនួយឥតសំណង​ដល់​កម្ពុជាសម្រាប់​លើកកម្ពស់​វិស័យផ្សេងៗជាច្រើន ក្នុង​មានដូចជា ការកសាង​ហេដ្ឋារចនាសម្ព័ន្ធ​ផ្លូវថ្នល់ អប់រំសុខាភិបាល ការអភិវឌ្ឍ​ធនធានមនុស្ស និង​សុខុមាលភាព​សង្គម ជាដើម។ល។

    ហើយ​កាលពី​សប្តាហ៍​មុននេះ ជប៉ុន​បាន​ចុះកិច្ចសន្យា​ផ្តល់ជំនួយ​ទឹកប្រាក់​ប្រមាណ​ជា 692,522ដុល្លារ​អាមេរិក​បន្ថែម​ទៀត សម្រាប់​គម្រោង​អភិវឌ្ឍន៍​លើ​វិស័យ2 នៅ​កម្ពុជា សម្រាប់​ការអភិវឌ្ឍ​ធនធានមនុស្ស និង​លើកកម្ពស់​វិស័យ​កសិកម្ម​ឱ្យមាន​ភាព-​កាន់តែ​ប្រសើរឡើង​ថែម​មួយកម្រិត​ទៀត។

    ឯកឧត្តម ហូ​រី​ណូ​អ៊ុ​ជិ ហ៊ី​ដេ​ហ៊ី​សា ឯកអគ្គរាជទូត​ជប៉ុន​ប្រចាំ​នៅ​កម្ពុជា​មានប្រសាសន៍ថា ទឹកប្រាក់​ហិរញ្ញប្បទាន​ឥត​សំណង​ចំនួន 692,522ដុល្លារ​នេះ​ត្រូវបាន​បែងចែក​ជា 2គម្រោងផ្សេងៗគ្នា ដោយ​គម្រោង​ទីមួយ សម្រាប់​អង្គការ Heart of Gold រដ្ឋាភិបាល​ជប៉ុន​ផ្តល់​ថវិកា​ប្រមាណ396,000ដុល្លារ​អាមេរិក​សម្រាប់​ការកែទម្រង់​កម្មវិធីសិក្សា​បណ្តុះបណ្តាល​ធនធានមនុស្ស ថែរក្សា​អគារ ព្រមទាំង​ដើម្បីឱ្យ​វិទ្យាស្ថាន​ជាតិ​អប់រំ​កាយ និង​កីឡា​ក្លាយជា​វិទ្យាស្ថាន​គរុកោសល្យ4ឆ្នាំ​ក្នុង​មុខវិជ្ជា​អប់រំ​កាយ។

    គម្រោង​ទី​ពីរ សម្រាប់​អង្គការ FIDR រដ្ឋាភិបាល​ជប៉ុន​ដែល​មាន​ថវិកា​ប្រមាណ 297,000ដុល្លារ​អាមេរិក សម្រាប់​ការលើកកម្ពស់​ផលិតភាព​នៃ​ការដាំដុះ​ស្រូវ ការធ្វើ​ពិពិធ​កម្ម​នៃ​កសិកម្ម ការកែលម្អ​ចំណីអាហារ ការបង្កើត​បណ្តាញ​រប​ស់​ប្រជាជន​ដែល​រស់នៅក្នុង​តំបន់ និង​ការពង្រឹង​សហប្រតិបត្តិការ​ក្នុង​វិស័យ​កសិកម្ម​នៅក្នុង​ស្រុក3 នៃ​ខេត្តកំពង់ឆ្នាំង។ គម្រោង​នេះ​ត្រូវបាន​គេ​រំពឹងថា នឹង​ផ្តល់​ដល់​ប្រជាជន​រស់នៅក្នុង​តំបន់​ឱ្យ​អាច​កែលម្អ​ជីវភាព​រស់នៅ​របស់​ពួកគេ ទទួលបាន​អាហារ​គ្រប់គ្រាន់ និង​មាន​ជីវជាតិ​ដើម្បី​ថែរក្សា​សុខភាព​ឱ្យ​បានល្អ​ប្រសើរឡើង។

    លោកស្រី MINAMI Yumiko នាយិកា​អង្គការ FIDR ដែល​ទទួលបាន​គម្រោង​ខាងលើ ដែល​បាននិងកំពុង​ជួយ​ដល់​ប្រជាកសិករ​ចំនួន 48,000នាក់​ដែល​រស់នៅក្នុង​ឃុំ​គោលដៅ​របស់​គម្រោង​ទាំង9​ និង​ភូមិ​ចំនួន63 ក្នុង​ខេត្តកំពង់ឆ្នាំង បាន​បញ្ជាក់ថាជំនួយ​ហិរញ្ញប្បទាន​ឥត​សំណង​នេះ​នឹង​ជួយ​ឱ្យសម្រេចបាន​នូវ​សមិទ្ធផល​ផ្លែផ្កា​ជា​ប្រយោជន៍​ដល់​សង្គម​បន្ថែមទៀត ជាពិសេស​សម្រាប់​ប្រជាពលរដ្ឋ​សហគមន៍​ដែល​កំពុង​រស់នៅក្នុង​គោលដៅ​ខាងលើ​ឱ្យ​ទទួលបាន​ជីវភាព​កាន់តែប្រសើរឡើង។

    គួរ​បញ្ជាក់ថា គម្រោង​ជំនួយឥតសំណង គូ​សាណូ​ណិ របស់​រដ្ឋាភិបាល​ជប៉ុន​បាន​បង្កើតឡើង​នៅ​ប្រទេស​កម្ពុជា​ក្នុងអំឡុង​ឆ្នាំ1991។ គម្រោង“គូ​សាណូ​ណិ” មានន័យថា “មូលដ្ឋាន” ហើយ​ចាប់តាំងពី​គម្រោង​នេះ​បានចាប់ផ្តើម​អនុវត្ត​មក ស្ថានទូត​ជប៉ុន​ប្រចាំ​កម្ពុជា​តែង​ផ្តល់នូវ​ជំនួយឥតសំណង​ទៅដល់​ថ្នាក់មូលដ្ឋាន​បាន​ជាង 580គម្រោង​រួចមកហើយ។

    រហូតដល់​ឆ្នាំ2003 ឈ្មោះ​របស់​គម្រោង​នេះ​ត្រូវបាន​ប្តូរ​ទៅជា “គម្រោង​សន្តិសុខ​មនុស្សជាតិ​ថ្នាក់មូលដ្ឋាន” ដែល​ឆ្លុះបញ្ចាំង​ពី​ការកើនឡើង​នៃ​ការយកចិត្តទុកដាក់​លើ​ផ្នែក​សន្តិសុខ​មនុស្សជាតិ។ គម្រោង​នេះ​ធ្វើឡើង​ក្នុង​គោលដៅ​ការអប់រំ​កម្រិត​មូលដ្ឋាន សុខាភិបាល និង​ការថែទាំ​វេជ្ជសាស្ត្រកសិកម្ម និង​ប្រព័ន្ធធារាសាស្ត្រ ការកែលម្អ​ស្ពាន និង​ផ្លូវថ្នល់ ការផ្គត់ផ្គង់​ទឹកស្អាត និង​អនាម័យ ការបណ្តុះបណ្តាល​វិជ្ជាជីវៈ និង​សុខុមាលភាព​សង្គម។

    អ្នកវិភាគ​សង្គម​លើកឡើងថា រដ្ឋាភិបាល​ក៏ដូចជា​ប្រជាជន​ជប៉ុន​ដែរ តែង​គិតគូរ​ជួយ​អភិវឌ្ឍ​ប្រទេស​កម្ពុជា​យ៉ាងច្រើន ដែល​ភាគច្រើន​ជា​ជំនួយឥតសំណង រាប់​ចាប់​តាំង​ជំនួយ​ផ្នែក​គម្រោង​ស្ពាន​ ​ថ្នល់ ជំនួយ​ផ្នែក​ច្បាប់ អប់រំ ការបណ្តុះបណ្តាល​ធនធាន​មនុស្ស និង​កសិកម្ម​ជាដើម។ល។ ជំនួយ​នេះ​ធ្វើឡើង​ក្នុង​គោលដៅ​ទំនាក់ទំនង​មនុស្សជាតិជាពិសេស​ជាការ​តបស្នង​សងគុណ​ដល់​អតីតព្រះមហាក្សត្រ​កម្ពុជា​ដែល​ពុំ​តម្រូវឱ្យ​ប្រទេស​ជប៉ុន​សង​ប្រាក់​ក្រោយ​ចាញ់​សង្គ្រាមលោកលើកទី2។

    ក្រៅតែពី​ការ​ផ្តល់ជំនួយ​ហើយ រដ្ឋាភិបាល​ជប៉ុន​នៅបាន​បញ្ជូន​អ្នកវិនិយោគ​មក​កម្ពុជា​កាន់តែច្រើនឡើងៗនៅ​រយៈពេល​ចុងក្រោយ ចូលរួម​ផ្តល់​ការងារ​ដល់​ពលរដ្ឋ​ខ្មែរ​កាន់តែច្រើន និង​ជួយ​ដល់​កំណើនសេដ្ឋកិច្ច​ឱ្យ​កាន់តែ​ប្រសើរឡើង ជាពិសេស​លើ​គម្រោង​អចលនទ្រព្យ​សំណង់​ខុន​ដូ ផ្សារ​ទំនើប ភោជនីយដ្ឋាន និង​កសិកម្ម​ជាដើម៕

  • មុន​ផុត EBA តើ​កម្ពុជា​ត្រូវ​ត្រៀមខ្លួន​ជាមុន​ដូចម្តេចខ្លះ?

    មុន​ផុត EBA តើ​កម្ពុជា​ត្រូវ​ត្រៀមខ្លួន​ជាមុន​ដូចម្តេចខ្លះ?

    សភាព​អឺរ៉ុប​បានផ្តល់​ការអនុគ្រោះ​ពន្ធ EBA (Everything But Arm) អ្វីៗគ្រប់យ៉ាង​លើកលែងតែ​អាវុធ​ដល់​ប្រទេស​កម្ពុជា​ចាប់តាំងពី​ឆ្នាំ2001មកដែល​អនុញ្ញាតឱ្យ​ប្រទេស​កម្ពុជា​នាំ​ទំនិញ​គ្រប់​ប្រភេទ លើកលែងតែ​អាវុធ​ចូលទៅ​លក់​នៅលើ​ទីផ្សារ​ក្នុងប្រទេស​អឺរ៉ុប​ដោយ​អនុគ្រោះ​មិន​យកពន្ធ ក្នុង​គោលដៅ​ជួយ​ដល់​ប្រទេស​កម្ពុជា​ឱ្យ​ងើប​រួច​ផុតពី​ភាពក្រីក្រ។

    ក្រោយពី​ទទួលបាន​ការអនុគ្រោះ​ពន្ធ​នេះ​ពី​សហគមន៍​អឺរ៉ុប បណ្តា​អ្នកវិនិយោគទុន​ក្រៅ​ស្រុក​ជាច្រើន​បាននាំគ្នា​ចូលមក​បោះទុន​វិនិយោគ​លើ​វិស័យផ្សេងៗ ជាពិសេស​រោងចក្រ​ឧស្សាហកម្ម​កាត់ដេរ​នៅក្នុង​ប្រទេស​កម្ពុជា​ជាច្រើន​ជា​ចំណែក​ដ៏​សំខាន់បំផុត​ក្នុងការ​ផ្តល់​ការងារ​ដល់​ប្រជាពលរដ្ឋ​ខ្មែរ​បាន​ប្រមាណ​ជិត 1លាន​នាក់​មកទល់​បច្ចុប្បន្ន និង​ជា​កត្តា​សំខាន់​ជួយ​ឱ្យ​ប្រទេស​កម្ពុជា​ឆ្លង​ផុតពី​បន្ទាត់​ប្រទេស​ក្រីក្រ​មកជា​ប្រទេស​មាន​ចំណូល​មធ្យ​កម្រិត​ទាប​នាពេល​បច្ចុប្បន្ន ហើយនឹង​គ្មានអ្វី​ប្រែប្រួល​នោះទេ នៅពេល​កម្ពុ​ជាមាន​កំណើន​សេដ្ឋកិច្ច​ខ្លាំង​ទៅ​មុខជា​លំដាប់​បែបនេះ នឹង​ជំរុញ​ឱ្យ​កម្ពុជា​ឆ្លង​ផុតពី​ប្រទេស​ដែលមាន​ចំណូល​មធ្យម​កម្រិត​ទាប​ទៅជា​ប្រទេស​មាន​ចំណូល​មធ្យម​កម្រិត​ខ្ពស់​នាពេលខាងមុខ តែ​នាពេល​អនាគត​ដូចគ្នា​ដែរ សហគមន៍​អឺរ៉ុប​នឹង​ផ្តាច់​ប្រព័ន្ធ EBA នៅពេលដែល​ប្រទេស​កម្ពុជា​អាចជួយ​ខ្លួនឯងបាន។ ដូច្នេះ មុននឹង​ប្រព័ន្ធ EBA ត្រូវ​បញ្ចប់ តើ​កម្ពុជា​ត្រូវ​ត្រៀមខ្លួន​ដូចម្តេចខ្លះ?

    លោកស្រី Sunniya Durrani-Jamal នាយិកា​ធនាគារអភិវឌ្ឍន៍អាស៊ី(ADB) ប្រចាំ​ប្រទេស​កម្ពុជា​មានប្រសាសន៍ថា ប្រការ​ដែល​សំខាន់ កម្ពុជា​ត្រូវ​អភិវឌ្ឍ​សហគ្រិនភាព​ឱ្យ​កាន់តែ​រីកចម្រើន​ខ្លាំង​ឡើង ព្រោះថា សហគ្រិន​វ័យក្មេង​គឺជា​សសរស្តម្ភ​ដ៏​សំខាន់បំផុត​ក្នុងការ​ចូលរួម​លើក​កំណើនសេដ្ឋកិច្ច​ក្នុងប្រទេស។ លោកស្រី​អះអាងថា អ្វី​ដែលជា​ចំណុច​សំខាន់ គឺ​ជួយ​សហគ្រិន​នៅ​កម្ពុជា​ឱ្យ​កាន់-​តែមាន​ភាពរឹងមាំ​ខ្លាំងឡើងៗ ក្នុងនោះ​តម្រូវការ​ចាំបាច់​គឺ​ប្រភព​ទុន និង​ជំនួយ​ផ្នែក​បច្ចេកទេស ឬ​ធនធានមនុស្ស​ជាដើម។

    បច្ចុប្បន្ន​សហគ្រិន​នៅ​កម្ពុជា បង្កើតឡើង​ដោយ​ពឹងផ្អែក​ទៅលើ​តែ​ប្រភព​ទុន​ផ្ទាល់ខ្លួន និង​ការកៀងគរពី​ក្រុមគ្រួសារ ឬ​មិត្តភក្តិ​ជិតស្និទ្ធ​របស់​ពួកគេ ប៉ុន្តែ​អ្វីដែល​សំខាន់​នោះ​គឺ​រដ្ឋាភិបាល​មាន​តួនាទី​ជួយ​ឱ្យ​ពួកគេ​អាច​ស្វែងរក​កម្ចី​ក្នុង​អត្រា​ការប្រាក់​ទាប​បំផុត​ដើម្បី​អភិវឌ្ឍ​អាជីវកម្ម​របស់​ពួកគេ ខណៈដែល​បច្ចុប្បន្នប្រភព​ទុន​ធំ​ដែល​ពួកគេ​ទទួលបាន គឺ​ផ្អែកទៅលើ​តែ​កម្ចី​ពី​ធនាគារ ឬ​គ្រឹះស្ថាន​មីក្រូហិរញ្ញវត្ថុ​ដែលមាន​អត្រា​ការប្រាក់​ខ្ពស់ជាង​ប្រទេសជិតខាង។

    ជាមួយគ្នានេះ​លោកស្រី Yong Sarah Zhou មន្ត្រីជាន់ខ្ពស់​នៃ​វិទ្យាស្ថាន​រូបិយវត្ថុ​អន្តរជាតិ​មានប្រសាសន៍ថា អត្រា​ប្តូរប្រាក់​នៅក្នុង​ប្រទេស​ក​ម្ពុ​ជាមាន​ស្ថិរភាព​ល្អប្រសើរ​នៅ​រយៈពេល​ប៉ុន្មាន​ឆ្នាំ​ចុងក្រោយ​ដោយសារ​ដុល្លារូបនីយ​កម្ម មានន័យថា សេដ្ឋកិច្ចកម្ពុជា​ពឹងផ្អែក​លើ​ប្រាក់​ដុល្លារ​ជាជាង​រូបិយវត្ថុ​របស់ខ្លួន ដែល​ស្ថិរភាព​នេះ​មិន​អាចមាន​ទំនុកចិត្ត​ពេញលេញ​បានឡើយ ដូច្នេះ​សម្រាប់​អនាគត​អ្វីដែល​សំខាន់ គឺ​ត្រូវ​ពង្រឹង​រូបិយវត្ថុ​របស់ខ្លួន(ប្រាក់រៀល) ឱ្យ​កាន់​តែមាន​ភាពរឹងមាំ​ឡើង តាមរយៈ​ការ​ចរាចរ​ដាក់ឱ្យ​ចាយវាយ ឬ​ដោះដូរ​កាន់តែច្រើនឡើងៗនៅលើ​ទីផ្សារ​របស់ខ្លួន​ឱ្យ​កាន់តែ​ទូលំទូលាយ។

    លោកជំទាវ ជា សិរី អគ្គនាយិកា​បច្ចេកទេស​ធនាគារជាតិ​នៃ​កម្ពុជា​មានប្រសាសន៍ថា ក្នុង​គោលដៅ​លើកកម្ពស់​ប្រាក់រៀល ធនាគារជាតិ​នៃ​កម្ពុជា​បាន​លើកទឹកចិត្ត​ឱ្យ​ធនាគារឯកជន ឬ​គ្រឹះស្ថាន​មីក្រូហិរញ្ញវត្ថុ​នានា​នៅក្នុង​ប្រទេស​កម្ពុជា គួរតែ​ផ្តល់​កម្ចី​ប្រាក់​ដល់​ពលរដ្ឋ​ជា​ប្រាក់រៀល​ជាជាង​ប្រាក់​ដុល្លារ ហើយ​បច្ចុប្បន្ន ធនាគារ ឬ​គ្រឹះស្ថាន​មីក្រូហិរញ្ញវត្ថុ​មួយចំនួន​បាន​អនុវត្តបណ្តើរៗហើយ ជាមួយគ្នានេះ​កម្ពុជា​ក៏បាន​សហការ​ជាមួយ​ប្រទេស​នានាដើម្បី​ទូទាត់​ទំនិញ​ឆ្លង​ព្រំដែន ជា​រូបិយវត្ថុ​ជាតិរៀងៗខ្លួន ជាជាង​ទូទាត់​ជា​ប្រាក់​ដុល្លារ​អាមេរិក​ដែរ។

    ឆ្លងតាម​បទពិសោធ ប្រទេស​ដែលមាន​កំណើនសេដ្ឋកិច្ច​ល្អប្រសើរ នៅក្នុង​តំបន់​អាស៊ី មិនអាច​ខ្វះ​បាន​វិស័យ​ឧស្សាហកម្ម​ជាដាច់ខាត ហើយ​ក្រៅ​តែ​វិស័យ​កាត់ដេរ​សម្លៀកបំពាក់ ស្បែកជើង និង​កាបូប​ប្រើប្រាស់​ហើយ​នោះ កម្ពុជា​គួរតែ​ពង្រីក​ចង្វាក់​ផលិតកម្ម​ឱ្យ​កាន់តែខ្លាំង​ឡើង ពិសេស​ផ្តោតទៅលើ​វិស័យ​កសិកម្ម ដូចជា​ការកែច្នៃ​ជ័រកៅស៊ូ ដំឡូង​មី ស្វាយចន្ទី ផលិតផល​ម្រេច ការកែច្នៃ​ស្វាយកែវ​រមៀត ស្រូវ អង្ករ ពោត សណ្តែក​ជាដើម ឱ្យ​ក្លាយជា​ផលិតផល​សម្រេច ដែលមាន​គុណភាព រសជាតិ អនាម័យ និង​សម្បក​វេច​ខ្ចប់​ស្អាត​ទាក់ទាញ​ក្នុងការ​ដាក់លក់​នៅលើ​ទីផ្សារ ឬ​សម្រាប់​នាំ​ចេញទៅ​លក់​នៅលើ​ទីផ្សារ​ក្រៅប្រទេស ដែល​អាច​ប្រកួតប្រជែង​ជាមួយ​ប្រទេសផ្សេងៗទៀត ដែល​ប្រសើរ​ជាង​ការនាំចេញ​វត្ថុធាតុដើម៕

  • គ្រូបង្វឹក​ក្រុម​អ៊េ​មី​រ៉ា​ត​អារ៉ាប់ សម្លឹង​រក​ការ​ឈ្នះ​ពាន Asian Cup ជា​លើក​ទី2

    គ្រូបង្វឹក​ក្រុម​អ៊េ​មី​រ៉ា​ត​អារ៉ាប់ សម្លឹង​រក​ការ​ឈ្នះ​ពាន Asian Cup ជា​លើក​ទី2

    ខណៈដែល​ចាត់ទុក​ខ្លួនឯង ជាម​នុស្ស «មានការ​នឹករឭក​យ៉ាងខ្លាំង​ទៅលើ​រឿង​អតីត» លោក Alberto Zaccheroni គ្រូបង្វឹក​នៃ​ក្រុមបាល់ទាត់​ជម្រើសជាតិ​អ៊េ​មី​រ៉ា​ត​អារ៉ាប់​រួម បាន​ព្រមាន​កាលពី​ថ្ងៃ​សុក្រ​ថា ក្រុម​ម្ចាស់​ជើងឯក​ព្រឹត្តិការណ៍ World Cup មួយ​នេះ អាច​ត្រឹមតែ​ផ្តល់​ការភ្ញាក់ផ្អើល​ដល់​មនុស្ស​តិចតួច​ប៉ុណ្ណោះ​នៅ​ខែ​នេះ។

    គ្រូបង្វឹក​សញ្ជាតិ​អ៊ីតាលី​រូបនេះ ដែល​កាលពីមុន​បាន​ដឹក​នាំឱ្យ​ក្រុម​ជម្រើសជាតិ​ជប៉ុន​ឈ្នះ​ពាន Asian Cup បាន​បញ្ជាក់ថា ក្រុម​របស់លោក​នឹង​បើក​ការ​វាយ​សម្រុក​ទៅលើ​ក្រុម​ជម្រើសជាតិ​បា​រ៉ែ​ន ក្នុងការ​ប្រកួត​បើកឆាក​នៅ​ថ្ងៃ​សៅរ៍​នេះ ក្នុង​ទីក្រុង​អា​ប៊ី​ដា​ប៊ី បើទោះបី​ជួប​ការខកចិត្ត​ចំពោះ​ការ​អវត្តមាន​របស់​តារា​ឆ្នើម Omar Abdulrahman ដោយសារតែ​បញ្ហា​របួស​ក៏ដោយ។

    លោក Zaccheroni បាន​ប្រាប់​អ្នកយកព័ត៌មាន​ថា៖ «ខ្ញុំ​បាន​ស្ថិតក្នុង​ការងារ​នេះ​សម្រាប់​រយៈពេល​តិចជាង 1ឆ្នាំ ហើយ​គោលបំណង​គឺ​ការសម្រេច​សមិទ្ធផល​បានឱ្យ​ល្អ​បំផុត​តាម​ដែល​អាច​ក្នុង Asian Cup»។

    លោក​បាន​ប្រាប់​បន្តថា៖ «យើង​មាន​បញ្ហា​របួស​កីឡាករ ប៉ុន្តែ នោះ​គួរតែ​មិនមែនជា​ឧ​ប​ស័គ្គ​មួយ​ឡើយ។ ការត្រៀមខ្លួន​របស់​យើង​ស្ថិតក្នុង​កម្រិត​ល្អ ហើយ​យើង​ត្រៀមខ្លួន​រួច​ជាល់​ក្នុងការ​ចាប់ផ្តើម​ជាមួយនឹង​លទ្ធផល​ដ៏​ល្អ​បំផុត​តាម​ដែល​អាច​នៅ​ថ្ងៃស្អែក​នេះ»។

    លោក Zaccheroni បាន​បង្កើត​កំណត់ត្រា​មួយ​ក្នុង​យុទ្ធនាការ Asian Cup តាមរយ់​ការដឹកនាំ​ឲ្យ​ក្រុម​ជម្រើសជាតិ​ជប៉ុន ឈ្នះ​ពាន​ប្រចាំ​ទ្វីប​មួយ​នេះ ក្នុង​ឆ្នាំ2011។

    លោកគ្រូ​បង្វឹក​វ័យ65ឆ្នាំ​រូបនេះ ដែល​ក៏បាន​ឈ្នះ​ពាន​ក្របខ័ណ្ឌ​អ៊ីតាលី Serie A ជាមួយនឹង​ក្រុម AC Milan ដែរនោះ បាន​និយាយ​ទាំង​ញញឹម​ថា៖ «ការ​ឈ្នះ​ពាន​បាន​កើតឡើង​កាលពី8ឆ្នាំមុន ហើយ​ខ្ញុំ​ចាប់ផ្តើម​មាន​អារម្មណ៍​ថា មាន​វ័យចាស់។ ខ្ញុំ​ប្រាកដ​ចិត្ត​ថា អ្នកនឹង​ឃើញ​ភស្តុតាង​បន្ថែមទៀត​ក្នុង​ពាន Asian Cup នេះ»៕

    ប្រភពពី៖ Channel News Asia